വാ​​​ഷിം​​​ഗ്ട​​​ൺ ഡി​​​സി: ന്യൂ​​​യോ​​​ർ​​​ക്കി​​​ലെ പ​​​ല​​​സ്തീ​​​ൻ അ​​​നു​​​കൂ​​​ല റാ​​​ലി​​​യി​​​ൽ പ​​​ങ്കെ​​​ടു​​​ക്കു​​​ക​​​യും അ​​​മേ​​​രി​​​ക്ക​​​ൻ സൈ​​​നി​​​ക​​​രോ​​​ടു പ്ര​​​സി​​​ഡ​​​ന്‍റ് ട്രം​​​പി​​​നെ ധി​​​ക്ക​​​രി​​​ക്കാ​​​ൻ ആ​​​വ​​​ശ്യ​​​പ്പെ​​​ടു​​​ക​​​യും ചെ​​​യ്ത കൊ​​​ളം​​​ബി​​​യ​​​ൻ പ്ര​​​സി​​​ഡ​​​ന്‍റ് ഗു​​​സ്താ​​​വോ പെ​​​ട്രോ​​​യു​​​ടെ വീ​​​സ റ​​​ദ്ദാ​​​ക്കി​​​യ​​​താ​​​യി അ​​​മേ​​​രി​​​ക്ക അ​​​റി​​​യി​​​ച്ചു. പെ​​​ട്രോ​​​യു​​​ടെ പ്ര​​​സ്താ​​​വ​​​ന വി​​​ദ്വേ​​​ഷ​​​ജ​​​ന​​​ക​​​മാ​​​ണെ​​​ന്ന് അ​​​മേ​​​രി​​​ക്ക​​​ൻ വി​​​ദേ​​​ശ​​​കാ​​​ര്യ വ​​​കു​​​പ്പ് പ​​​റ​​​ഞ്ഞു.

യു​​​എ​​​ൻ പൊ​​​തു​​​സ​​​ഭാ സ​​​മ്മേ​​​ള​​​ന​​​ത്തി​​​ൽ പ​​​ങ്കെ​​​ടു​​​ക്കാ​​​നാ​​​യി ന്യൂ​​​യോ​​​ർ​​​ക്കി​​​ലെ​​​ത്തി​​​യ പെ​​​ട്രോ വെ​​​ള്ളി​​​യാ​​​ഴ്ച​​​യാ​​​ണു പ​​​ല​​​സ്തീ​​​ൻ അ​​​നു​​​കൂ​​​ല റാ​​​ലി​​​യെ അ​​​ഭി​​​സം​​​ബോ​​​ധ​​​ന ചെ​​​യ്ത​​​ത്. ട്രം​​​പി​​​ന്‍റെ ഉ​​​ത്ത​​​ര​​​വു​​​ക​​​ള​​​ല്ല, മ​​​നു​​​ഷ്യ​​​ത്വ​​​ത്തി​​​ന്‍റെ ഉ​​​ത്ത​​​ര​​​വു​​​ക​​​ളാ​​​ണ് അ​​​മേ​​​രി​​​ക്ക​​​ൻ സൈ​​​നി​​​ക​​​ർ പാ​​​ലി​​​ക്കേ​​​ണ്ട​​​തെ​​​ന്ന് അ​​​ദ്ദേ​​​ഹം പ​​​റ​​​ഞ്ഞു. പ​​​ല​​​സ്തീ​​​ൻ വി​​​മോ​​​ച​​​നം ല​​​ക്ഷ്യ​​​മി​​​ട്ട് അ​​​മേ​​​രി​​​ക്ക​​​യേ​​​ക്കാ​​​ൾ വ​​​ലി​​​യ സേ​​​ന രൂ​​​പീക​​​രി​​​ക്ക​​​ണ​​​മെ​​​ന്നും പെ​​​ട്രോ നി​​​ർ​​​ദേ​​​ശി​​​ച്ചു.


വീ​സ റ​ദ്ദാ​ക്കു​ന്ന കാ​ര്യം അ​മേ​രി​ക്ക​ൻ വൃ​ത്ത​ങ്ങ​ൾ അ​റി​യി​ച്ച​ സ​മ​യ​ത്ത് പെ​ട്രോ കൊ​ളം​ബി​യ​യി​ലേ​ക്കു മ​ട​ങ്ങി​യി​രു​ന്നു.

പെ​​​ട്രോ നേ​​​ര​​​ത്തേ യു​​​എ​​​ൻ പൊ​​​തു​​​സ​​​ഭ​​​യി​​​ൽ പ്ര​​​സം​​​ഗി​​​ച്ച​​​പ്പോ​​​ഴും ട്രം​​​പി​​​നെ വി​​​മ​​​ർ​​​ശി​​​ച്ചി​​​രു​​​ന്നു. ഗാ​​​സ​​​യി​​​ലെ വം​​​ശ​​​ഹ​​​ത്യ​​​യി​​​ൽ ട്രം​​​പി​​​നും പ​​​ങ്കു​​​ണ്ടെ​​​ന്ന് അ​​​ദ്ദേ​​​ഹം ആ​​​രോ​​​പി​​​ച്ചു. ക​​​രീ​​​ബി​​​യ​​​ൻ സ​​​മു​​​ദ്ര​​​മേ​​​ഖ​​​ല​​​യി​​​ൽ മ​​​യ​​​ക്കു​​​മ​​​രു​​​ന്ന് ക​​​ട​​​ത്തു​​​ന്നു എ​​​ന്നാ​​​രോ​​​പി​​​ച്ച് ബോ​​​ട്ടു​​​ക​​​ൾ​​​ക്കു നേ​​​ർ​​​ക്ക് ട്രം​​​പ് ഭ​​​ര​​​ണ​​​കൂ​​​ടം മി​​​സൈ​​​ൽ ആ​​​ക്ര​​​മ​​​ണം ന​​​ട​​​ത്തി​​​യ വി​​​ഷ​​​യ​​​ത്തി​​​ൽ ക്രി​​​മി​​​ന​​​ൽ അ​​​ന്വേ​​​ഷ​​​ണം വേ​​​ണ​​​മെ​​​ന്നും ആ​​​വ​​​ശ്യ​​​പ്പെ​​​ട്ടു.

ട്രം​​​പ് അ​​​ധി​​​കാ​​​ര​​​മേ​​​ൽ​​​ക്കു​​​ന്ന​​​തു​​​വ​​​രെ കൊ​​​ളം​​​ബി​​​യ​​​യും അ​​​മേ​​​രി​​​ക്ക​​​യും ന​​​ല്ല ബ​​​ന്ധ​​​ത്തി​​​ലാ​​​യി​​​രു​​​ന്നു. മ​​​യ​​​ക്കു​​​മ​​രു​​ന്ന് സം​​​ഘ​​​ങ്ങ​​​ൾ​​​ക്കെ​​​തി​​​രാ​​​യ പോ​​​രാ​​​ട്ട​​​ത്തി​​​ൽ കൊ​​​ളം​​​ബി​​​യ​​​യെ അ​​​മേ​​​രി​​​ക്ക സ​​​ഹാ​​​യി​​​ച്ചി​​​രു​​​ന്നു.