ADVERTISEMENT

ADVERTISEMENT

എസ്പി കേഡറ്റുകൾ ഹൃദയഭൂമി സന്ദർശിച്ചു

കൽപ്പറ്റ: എസ്പിസി 15-ാം വാർഷികാഘോഷത്തിന്‍റെ ഭാഗമായി പിണങ്ങോട് വയനാട് ഓർഫനേജ് ഹയർ സെക്കൻഡറി സ്കൂളിലെ എസ്പി കേഡറ്റുകൾ പുത്തുമല ഹൃദയഭൂമി സന്ദർശിച്ചു.

പുഷ്പാഞ്ജലിയും പ്രാർഥനയും നടത്തി. സിപിഒ പി. സുലൈമാൻ, എസിപിഒ ഉമ്മുൽ ഫലീല, ഡിഐ ജംഷീറ, ലീഡർ മിദ്ഹാ ഫാത്തിമ, കമാൻഡർ നഹാൻ നജീബ് തുടങ്ങിയവർ നേതൃത്വം നൽകി.

ADVERTISEMENT

എസ്പിസി പാസിംഗ് ഔട്ട് പരേഡ് നടത്തി

കന്പളക്കാട്: കണിയാന്പറ്റ ഗവ.മോഡൽ റസിഡൻഷ്യൽ സ്കൂളിൽ എസ്പിസി കേഡറ്റുകളുടെ പാസിംഗ് ഔട്ട് പരേഡ് നടത്തി. 35 കേഡറ്റുകൾ പങ്കെടുത്ത പരേഡിന് ഐശ്വര്യദേവും ആര്യനന്ദയും നേതൃത്വം നൽകി. ജില്ലാ പോലീസ് മേധാവി തപോഷ് ബസുമതാരി സല്യൂട്ട് സ്വീകരിച്ചു. എസ്പിസി എഡിഎൻഒ മോഹൻദാസ് സത്യപ്രതിജ്ഞ ചൊല്ലിക്കൊടുത്തു. ഐശ്വര്യ ദേവിനെ ബെസ്റ്റ് കേഡറ്റായി തെരഞ്ഞെടുത്തു. എസ്പിസി ജില്ലാ നോഡൽ ഓഫീസർ(അഡിഷണൽ എസ്പി ഇൻചാർജ്) കെ.ജെ. ജോണ്‍സണ്‍, സ്പെഷൽ ബ്രാഞ്ച് ഡിവൈഎസ്പി എം.എം. അബ്ദുൾ കരീം, കണിയാന്പറ്റ പഞ്ചായത്ത് പ്രസിഡന്‍റ് കെ.വി. രജിത, കന്പളക്കാട് പോലീസ് ഇൻസ്പെക്ടർ എം.എ. സന്തോഷ്, ജനമൈത്രി എഡിഎൻഒ കെ.എം. ശശിധരൻ, ഹെഡ്മിസ്ട്രസ് ജസീല കെ. കൈനാടൻ, സീനിയർ സൂപ്രണ്ട് ധനലക്ഷ്മി തുടങ്ങിയവർ സന്നിഹിതരായിരുന്നു.

പ്രതിഷേധ മാർച്ചും ധർണയും നടത്തി

പുൽപ്പള്ളി: കർഷക കോണ്‍ഗ്രസ് സംസ്ഥാന പ്രസിഡന്‍റ് മാജുഷ് മാത്യുവിനെയും മറ്റ് നേതാക്കളേയും അകാരണമായി ജയിലിൽ അടച്ച പോലീസ് നടപടിയിൽ പ്രതിഷേധിച്ച് കർഷക കോണ്‍ഗ്രസ് ഇരുളം മണ്ഡലം കമ്മിറ്റി മാർച്ചും ധർണയും നടത്തി. അതിരൂക്ഷമായ വന്യമൃഗശല്യത്തിനെതിരെ കർഷക കോണ്‍ഗ്രസ് സംസ്ഥാന പ്രസിഡന്‍റിന്‍റെ നേതൃത്വത്തിൽ താമരശേരി റേഞ്ച് ഓഫീസിലേക്ക് മാർച്ച് നടത്തിയതിന്‍റെ പേരിൽ കർഷക കോണ്‍ഗ്രസ് പ്രസിഡന്‍റിനെയും മറ്റ് സംസ്ഥാന നേതാക്കളേയും അകാരണമായി അറസ്റ്റ് ചെയ്ത് ജയിലിൽ അടച്ച നടപടി കേരള സർക്കാരിന്‍റെ ജനവിരുദ്ധമുഖമാണ് തെളിയിക്കുന്നത്. ജനങ്ങളുടെ ജീവനും സ്വത്തിനും സംരക്ഷണം കൊടുക്കാൻ ബാധ്യതപ്പെട്ട സർക്കാർ കയ്യുംകെട്ടി നോക്കിയിരിക്കുകയാണ്. ഗാന്ധിയൻ മാർഗങ്ങളിലുള്ള കർഷക സമരങ്ങളെ അടിച്ചമർത്തുകയും ജയിലിൽ അടയ്ക്കുകയും ചെയ്യുന്ന സർക്കാർ നടപടികളെ അപലപിച്ചു. കർഷക കോണ്‍ഗ്രസ് ജില്ല വൈസ് പ്രസിഡന്‍റ് വി.ഡി. ജോസഫ് ഉദ്ഘാടനം ചെയ്തു. എം.ജി. എൽദോസ്, സുധീഷ് ചീയന്പം, പി.ജെ. ഷാജി, ഹനീഫ കുണ്ടിൽ, ജിനു, കെ.എസ്. പവിത്രൻ, ശ്രീധിഷ്, വിജയൻ തോന്പിക്കോട്ട്, മൊയ്തീൻ ചുണ്ടക്കൊല്ലി എന്നിവർ പ്രസംഗിച്ചു.

"ചുരത്തിലെ യാത്രാക്കുരുക്കിനു ശാശ്വത പരിഹാരം കാണണം’

കൽപ്പറ്റ: താമരശേരി ചുരത്തിൽ ആവർത്തിക്കുന്ന ഗതാഗതക്കുരുക്കിന് ശാശ്വതപരിഹാരം കാണണമെന്ന് കെപിസിസി സംസ്കാര സാഹിതി ജില്ലാ കമ്മിറ്റി ആവശ്യപ്പെട്ടു. ചുരം നവീകരണവും ഗതാഗത നിയന്ത്രണവും ജലരേഖയായി മാറുകയാണ്. ജില്ലയിൽനിന്നുള്ള ദീർഘദൂര യാത്രക്കാരും പരീക്ഷകൾക്കും ജോലിക്കുമായി ചുരമിറങ്ങുന്നവരും ഉദ്ദേശിച്ച സമയത്ത് ലക്ഷ്യസ്ഥാനത്തെത്താൻ കഴിയാതെ വലയുകയാണെന്നും യോഗം ചൂണ്ടിക്കാട്ടി. കലാഭവൻ നവാസിന്‍റെയും പ്രഫ.എംകെ. സാനുവിന്‍റെയും നിര്യാണത്തിൽ അനുശോചിച്ചു. പ്രസിഡന്‍റ് സുരേഷ്ബാബു വാളൽ അധ്യക്ഷത വഹിച്ചു. സുന്ദർരാജ് എടപ്പെട്ടി, ആയിഷ പളളിയാലിൽ, വിനോദ് തോട്ടത്തിൽ, വന്ദന ഷാജു, സി.എസ്. പ്രഭാകരൻ, ഗിരിജ സതീഷ്, ശ്രീജ ബാബു, ബെന്നി വട്ടപ്പറന്പിൽ, എൻ. അബ്ദുൾ മജീദ് എന്നിവർ പ്രസംഗിച്ചു.

കെഎസ്ഇബി ജീവനക്കാരന്‍റെ സസ്പെൻഷൻ: എംപ്ലോയീസ് കോണ്‍ഫെഡറേഷൻ ധർണ നടത്തി

കൽപ്പറ്റ: കൊല്ലം തേവലക്കരയിൽ സ്കൂൾ വിദ്യാർഥി വൈദ്യുതാഘാതമേറ്റ് മരിച്ചതിന്‍റെ പേരിൽ ഓവർസീയർ ബിജുവിനെ സസ്പെൻഡ് ചെയ്തതിൽ പ്രതിഷേധിച്ച് കേരള ഇലക്ട്രിസിറ്റി എംപ്ലോയീസ് കോണ്‍ഫെഡറേഷൻ(ഐഎൻടിയുസി)ജില്ലാ കമ്മിറ്റിയുടെ നേതൃത്വത്തിൽ സിവിൽ സ്റ്റേഷനു മുന്പിൽ ധർണ നടത്തി. ജില്ലാ വൈസ് പ്രസിഡന്‍റ് കെ.എം. ജംഹർ ഉദ്ഘാടനം ചെയ്തു. ജോലിക്കിടയിൽ അപകടംപറ്റി മൂന്ന് മാസം അവധിയിലായിരിക്കുന്ന ജീവനക്കാരനെ അനധികൃതമായി വൈദ്യുത ലൈനിനു ചുവട്ടിൽ ഷെഡ് നിർമിച്ചവരെയും പിന്നിട് സിഗിൾ ഫേയ്സ് ലൈൻ ത്രീ ഫെയ്സ് ലൈനാക്കുന്ന പ്രവൃത്തി നടത്തിയവരെയും സംരക്ഷിക്കുന്നതിന് ബലിയാടാക്കുകയായിരുന്നുവെന്ന് അദ്ദേഹം പറഞ്ഞു. സാമഗ്രികളുടെ നിലവാരത്തകർച്ചയും കാലപ്പഴക്കവും പ്രകൃതിക്ഷോഭവും പൊതുജനങ്ങളുടെ അനാസ്ഥ മൂലവും ഉണ്ടാകുന്ന അപകടങ്ങളുടെ ഉത്തരവാദിത്വം പോലും ജീവനക്കാരുടെ തലയിൽ കെട്ടിവച്ച് ജനരോഷത്തിൽനിന്നു രക്ഷപ്പെടാനാണ് സർക്കാരും ബോർഡ് മാനേജ്മെന്‍റും ശ്രമിക്കുന്നത്. പതിറ്റാണ്ടുകൾ പഴക്കമുള്ള കന്പിയും പോസ്റ്റും മാറ്റി ഇൻസുലേഷനുള്ള കേബിളും പുതിയ പോസ്റ്റുകളും സ്ഥാപിക്കാതെ അപകടങ്ങൾ കുറയ്ക്കാനാകില്ല. വൈദ്യുത ലൈനുകളിൽ അറ്റകുറ്റപ്പണി നടത്തേണ്ട ജീവനക്കാരുടെ 10,000 ഓളം തസ്തികകൾ സംസ്ഥാനത്ത് ഒഴിഞ്ഞുകിടക്കുകയാണ്. അറ്റകുറ്റപ്പണി പലേടത്തും നടക്കുന്നില്ല. രാപകൽ അധ്വാനിക്കുന്ന ജീവനക്കാരെ അകാരണമായി പീഡിപ്പിക്കുന്നതിൽനിന്നു കഐസ്ഇബി മാനേജ്മെന്‍റ് പിൻമാറണമെന്നും ജംഹർ ആവശ്യപ്പെട്ടു. അബ്ദുൾ അസീസ്, വാസുദേവൻ, വിജയൻ എന്നിവർ പ്രസംഗിച്ചു.

മാർട്ടിൻ എൻപിയെ സ്കൂൾ പിടിഎയും മാനേജുമെന്‍റും അനുമോദിച്ചു

മാനന്തവാടി: കേരള ഹയർ സെക്കൻഡറി സ്കൂൾ പ്രിൻസിപ്പൽസ് അസോസിയേഷൻ ഏർപ്പെടുത്തിയ മികച്ച ഹയർ സെക്കൻഡറി സ്കൂൾ പ്രിൻസിപ്പലിനുള്ള സംസ്ഥാന അവാർഡിന് അർഹനായ കണിയാരം ഫാ.ജികഐം ഹയർ സെക്കൻഡറി സ്കൂൾ പ്രിൻസിപ്പൽ മാർട്ടിൻ എൻപിയെ സ്കൂൾ പിടിഎയും മാനേജുമെന്‍റും അനുമോദിച്ചു. വിദ്യാഭ്യാസ മേഖലയിലെ സമഗ്ര സംഭാവന പരിഗിണിച്ചാണ് അവാർഡ് ലഭിച്ചത്. പൊതുസമ്മേളനം മാനന്തവാടി ബ്ലോക്ക് പഞ്ചായത്ത് പ്രസിഡന്‍റ് ജസ്റ്റിൻ ബേബി ഉദ്ഘാടനം ചെയ്തു. മാനന്തവാടി രൂപത കോർപ്പറേറ്റ് മാനേജർ ഫാ. സിജോ ഇളംകുന്നപ്പുഴ അധ്യക്ഷത വഹിച്ചു. സ്കൂൾ മാനേജർ ഫാ. സോണി വാഴക്കാട്ട്, മുനിസിപ്പൽ കൗണ്‍സിലർ പി.വി. ജോർജ്, പിടിഎ പ്രസിഡന്‍റ് കബീർ മാനന്തവാടി, വൈസ് പ്രിൻസിപ്പൽ കെ.ജെ. ജാക്വിലിൻ, വിദ്യാർത്ഥി പ്രതിനിധി അൽന മാത്യു, സ്റ്റാഫ് സെക്രട്ടറി ജിഷ ജോർജ് എന്നിവർ പ്രസംഗിച്ചു.

പ്രതിഷേധ സദസ് സംഘടിപ്പിച്ചു

പുൽപ്പള്ളി: ഛത്തീസ്ഗഡിൽ രണ്ട് മലയാളി കന്യാസ്ത്രീകളെ കള്ളക്കേസിൽ കുടുക്കി ജയിലിൽ അടച്ച നടപടിയിൽ ആടിക്കൊല്ലി സെന്‍റ് സെബാസ്റ്റ്യൻസ് പള്ളിയുടെ നേതൃത്വത്തിൽ പ്രതിഷേധ സദസ് സംഘടിപ്പിച്ചു. രാജ്യത്ത് മതന്യൂനപക്ഷങ്ങൾക്ക് മേൽ അതിക്രമം വർധിച്ചുവരികയാണെന്ന് യോഗം കുറ്റപ്പെടുത്തി. ഇന്ത്യൻ ഭരണഘടന വിഭാവനം ചെയ്ത മതസ്വാതത്യ്രം തകർക്കപ്പെടുകയാണ്. ഇന്ത്യയുടെ ഭരണഘടനയ്ക്കുമേൽ ഏറ്റ കളങ്കമാണ് ഛത്തീസ്ഗഡ് സംഭവത്തിലൂടെ കാണാൻ കഴിഞ്ഞത്. കന്യാസ്ത്രീകൾക്ക് മേൽ ചുമത്തിയിട്ടുള്ള കള്ളക്കേസുകൾ ഉടൻ പിൻവലിക്കണം. ആൾക്കൂട്ട വിചരണ നടത്തിയവരെ നിയമത്തിന് മുൻപിൽ കൊണ്ടുവരണം. ഇടവക വികാരി ഫാ. സുനിൽ വട്ടുകുന്നേൽ ഉദ്ഘാടനം ചെയ്തു. ബെന്നി കുറുന്പാലക്കാട്ട് അധ്യക്ഷത വഹിച്ചു. മേഴ്സി അമരുകാട്ട്, സിസ്റ്റർ ആഗ്നസ്, കെ.എം. ജോസ്, ഇമ്മാനുവൽ എള്ളിൽ, ആന്‍റണി ചോലിക്കര, ജോർജ് മംഗലത്ത്, വിൽസൻ വേഴന്പതോട്ടത്തിൽ എന്നിവർ നേതൃത്വം നൽകി. പ്രതിഷേധിച്ചു നെടുന്പാല: ഛത്തീസ്ഗഡിൽ അറസ്റ്റിലായ കന്യാസ്ത്രീകൾക്ക് നീതി ലഭിക്കുന്നതിനും അവർക്കെതിരെയുള്ള കേസുകൾ റദ്ദാക്കുന്നതിനും ഗവണ്‍മെന്‍റ് തയാറാകണമെന്ന് ആവശ്യപ്പെട്ട് നെടുന്പാല സെന്‍റ് മേരീസ് ഇടവക പള്ളിയിൽ പ്രതിഷേധ ജ്വാല സംഘടിപ്പിച്ചു. പ്രതിഷേധ സംഗമം നടത്തി പുൽപ്പള്ളി: സിപിഎം മുള്ളൻകൊല്ലി പഞ്ചായത്ത് കമ്മിറ്റിയുടെ നേതൃത്വത്തിൽ ഛത്തീസ്ഗഡിൽ കന്യാസ്ത്രീകളെ അന്യായമായി അറസ്റ്റ് ചെയ്ത് ജയിലിൽ അടച്ചതിനെതിരെയും സംഘ പരിവാർ നടത്തുന്ന ന്യൂനപക്ഷ വേട്ടയ്ക്കെതിരെയും മുള്ളൻകൊല്ലി ടൗണിൽ പ്രതിഷേധ സംഗമവും പൊതുയോഗവും നടത്തി. സിപിഎം ജില്ലാ കമ്മിറ്റിയംഗം എം.എസ്. സുരേഷ് ബാബു ഉദ്ഘാടനം ചെയ്തു. സി.പി. വിൻസന്‍റ് അധ്യക്ഷത വഹിച്ചു. കെ.വി. ജോബി, ബി. അനീഷ്, കെ.കെ. ചന്ദ്രബാബു, ജമുന മർക്കോസ്, ഉണ്ണികൃഷ്ണൻ, സി.പി. റിയാസ് എന്നിവർ നേതൃത്വം നൽകി.

മഞ്ഞപ്പിത്തം, വയറിളക്കം: ബോധവത്കരണം നടത്തി

പനമരം: ആരോഗ്യ കേരളം, കുടുംബശ്രീ മിഷൻ എന്നിവ സംയുക്തമായി മഞ്ഞപ്പിത്തം, വയറിളക്കം എന്നിവയിൽ ബോധവത്കരണം നടത്തി. ഭക്ഷണ ശാലകളിലും മാലിന്യ നിർമാർജന മേഖലയിലും ജോലി ചെയ്യുന്നവർക്കും സന്നദ്ധ പ്രവർത്തകർക്കുമായാണ് ലോക ഹെപ്പറ്റൈറ്റിസ്, ഒആർഎസ് ദിനാചരണത്തിന്‍റെ ഭാഗമായി പഞ്ചായത്ത് ഹാളിൽ പരിപാടി സംഘടിപ്പിച്ചത്. പഞ്ചായത്ത് പ്രസിഡന്‍റ് ലക്ഷ്മി ആലക്കാമുറ്റം ഉദ്ഘാടനം ചെയ്തു. ആരോഗ്യ-വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സണ്‍ കെ.ടി. സുബൈർ അധ്യക്ഷത വഹിച്ചു. ജില്ലാ സർവൈലൻസ് ഓഫീസർ ഡോ.പി ദിനീഷ്, വാർഡ് അംഗം സുനിൽകുമാർ, സാമൂഹികാരോഗ്യ കേന്ദ്രം മെഡിക്കൽ ഓഫീസർ ഡോ.പി.പി. വത്സല, ജില്ലാ എഡ്യുക്കേഷൻ ആൻഡ് മീഡിയ ഓഫീസർ കെ.എം. മുസ്തഫ, ഡെപ്യൂട്ടി ജില്ലാ എഡ്യുക്കേഷൻ ആൻഡ് മീഡിയ ഓഫീസർ പി.എം. ഫസൽ, കുടുംബശ്രീ അസിസ്റ്റന്‍റ് ജില്ലാ മിഷൻ കോഓർഡിനേറ്റർ വി.കെ. റജീന, ജില്ലാ പ്രോഗ്രാം മാനേജർ ആശ പോൾ, പനമരം സാമൂഹികാരോഗ്യ കേന്ദ്രം ഹെൽത്ത് ഇൻസ്പെക്ടർ രാജേഷ് കാളിയത്ത് എന്നിവർ പ്രസംഗിച്ചു. ബ്ലോക്ക് എപ്പിഡെമിയോളജിസ്റ്റ് ഡോയവി.ആർ. രോഷിത, അർബൻ എപ്പിഡെമിയോളജിസ്റ്റ് ഡോ.ഗാനസരസ്വതി, ജില്ലാ ആർബിഎസ്കെ കോഓർഡിനേറ്റർ ബിൻസി ബാബു എന്നിവർ ക്ലാസുകൾക്ക് നേതൃത്വം നൽകി. ജലജന്യരോഗങ്ങൾ എന്ന വിഷയത്തിൽ ക്വിസ് മത്സരവും ഗവ.നഴ്സിംഗ് സ്കൂൾ വിദ്യാർഥികൾ സംഗീത-നൃത്ത ശിൽപ്പം അവതരിപ്പിച്ചു.

കന്യാസ്ത്രീകൾക്കെതിരായ കേസ്: ക്രിസ്ത്യൻ ഫോറം പ്രതിഷേധജ്വാല നടത്തി

മാനന്തവാടി: വർഗീയശക്തികൾ നിയമം കൈയാളുന്പോൾ മുറിവേൽക്കുന്നത് രാജ്യത്തിന്‍റെ മതേതരത്വത്തിനാണെന്ന് മാനന്തവാടി രൂപത സഹായ മെത്രാൻ മാർ അലക്സ് താരാമംഗലം. ഛത്തീസ്ഡഗിലെ ദുർഗിൽ കന്യാസ്ത്രീകളെ കള്ളക്കേസിൽ കുടുക്കി റിമാൻഡ് ചെയ്യിച്ചതിനെതിരേ എക്യുമെനിക്കൽ ക്രിസ്ത്യൻ ഫോറം ടൗണിൽ സംഘടിപ്പിച്ച പ്രതിഷേധജ്വാല ഫ്ളാഗ് ഓഫ് ചെയ്ത് പ്രസംഗിക്കുകയായിരുന്നു അദ്ദേഹം. പൗരന്‍റെ അടിസ്ഥാന അവകാശങ്ങളാണ് വർഗീയ ശക്തികൾ ധ്വംസിക്കുന്നത്. വ്യവസ്ഥകൾ നിയന്ത്രിച്ച് നിയമങ്ങളെ ദുർവ്യാഖ്യാനം ചെയ്യുന്പോൾ രാജ്യത്ത് മതേതരത്വത്തിന് ശക്തിക്ഷയം സംഭവിക്കുകയാണെന്ന് അദ്ദേഹം പറഞ്ഞു. എക്യുമെനിക്കൽ ക്രിസ്ത്യൻ ഫോറം പ്രസിഡന്‍റ് ഫാ.വില്യം രാജൻ അധ്യക്ഷത വഹിച്ചു. മിജാർക്ക് ഏഷ്യൻ പ്രതിനിധി ജോസ് പള്ളത്ത് മുഖ്യപ്രഭാഷണം നടത്തി. ഫോറം വൈസ് പ്രസിഡന്‍റ് ഫാ.സോണി വാഴക്കാട്ട്, ജോയിന്‍റ് സെക്രട്ടറി കെ.എം. ഷിനോജ്, ട്രഷറർ എം.കെ. പാപ്പച്ചൻ, പ്രോഗ്രാം കോ ഓർഡിനേറ്റർ റോജസ് മാർട്ടിൻ, ഷീജ ഫ്രാൻസിസ് എന്നിവർ പ്രസംഗിച്ചു.

ബഡ്സ് സ്കൂൾ പ്രവർത്തനം അവതാളത്തിലാക്കാൻ നീക്കമെന്ന്

മാനന്തവാടി: തൃശിലേരിയിലെ ബഡ്സ് സ്കൂൾ പ്രവർത്തനം അവതാളത്തിലാക്കാൻ ആസൂത്രിത നീക്കം നടക്കുന്നതായി തിരുനെല്ലി പഞ്ചായത്ത് പ്രസിഡന്‍റ് പി.വി. ബാലകൃഷ്ണൻ, വൈസ് പ്രസിഡന്‍റ് സി.ടി. വത്സലകുമാരി, വികസനകാര്യ സ്റ്റാൻഡിംഗ് കമ്മിറ്റി ചെയർമാൻ എം.കെ. രാധാകൃഷ്ണൻ, ആരോഗ്യ- വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ പി.എൻ. ഹരീന്ദ്രൻ, ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സണ്‍ റുഖിയ സൈനുദ്ദീൻ എന്നിവർ വാർത്താസമ്മേളനത്തിൽ ആരോപിച്ചു. 2016ൽ ചേലൂരിൽ വാടകക്കെട്ടിടത്തിൽ ആരംഭിച്ച ബഡ്സ് സ്കൂളാണ് നിലവിൽ തൃശിലേരിയിൽ പഴയ എൽപി സ്കൂൾ കെട്ടിടത്തിൽ പ്രവർത്തിക്കുന്നത്. സ്ഥാപനവുമായി ബന്ധപ്പെടുത്തി നടത്തുന്ന കുപ്രചാരണം പ്രതിഷേധാർഹമാണെന്ന് പ്രസിഡന്‍റ് പറഞ്ഞു.

സ്കൂൾ കെട്ടിട നിർമാണം: തുക തീർത്തുകിട്ടാതെ കരാറുകാരൻ ഉഴലുന്നു

കൽപ്പറ്റ: സ്കൂൾ കെട്ടിട നിർമാണം പൂർത്തിയാക്കി മൂന്നു വർഷം കഴിഞ്ഞിട്ടും തുക തീർത്തുകിട്ടാതെ കരാറുകാരൻ വലയുന്നു. പൂതാടിയിൽ സ്വകാര്യ സ്കൂൾ കെട്ടിട നിർമാണം ഏറ്റെടുത്ത കരാറുകാരൻ കോളേരി സ്വദേശി സന്തോഷ് ബാബുവാണ് ഗതികേടിൽ. 96.27 ലക്ഷം രൂപയാണ് ഇദ്ദേഹത്തിനു കിട്ടാനുള്ളത്. നിർമാണ സാമഗ്രികൾ കടംവാങ്ങി പ്രവൃത്തി നടത്തിയതുമൂലം കടക്കെണിയിൽപ്പെട്ട താനും കുടുംബവും ആത്മഹത്യയുടെ വക്കിലാണെന്ന് എസ്എൻഡിപി സംരക്ഷണ സമിതി ജില്ലാ സെക്രട്ടറി കെ.ആർ. ഗോപി, വൈസ് പ്രസിഡന്‍റ് പി.കെ. രാജൻ, ട്രഷറർ വി.ഡി. സുഗതൻ എന്നിവർക്കൊപ്പം നടത്തിയ വാർത്താസമ്മേളനത്തിൽ കരാറുകാരൻ പറഞ്ഞു. ഫൈനൽ ബില്ല് നൽകാതെ കെട്ടിട നിർമാണക്കമ്മിറ്റി കബളിപ്പിച്ചതിനെതിരേ പോലീസിൽ നൽകിയ പരാതിയിൽ നടപടി ഉണ്ടായില്ലെന്നും നീതി തേടി കോടതിയെ സമീപിക്കാനുള്ള നീക്കത്തിലാണെന്നും ഇവർ വ്യക്തമാക്കി. 2020-21ലാണ് രണ്ട് നിലകളിൽ 7,500 ചതുരശ്ര അടി കെട്ടിടം പണി 1.08 കോടി രൂപയ്ക്ക് സന്തോഷ് ബാബു കരാർ എടുത്തത്. മാനേജ്മെന്‍റ് ലഭ്യമാക്കിയ പ്ലാൻ പ്രകാരം പ്രവൃത്തി നടക്കുന്നതിനിടെ പരിശോധനയ്ക്കെത്തിയ സ്ട്രക്ചറൽ എൻജിനിയർ നിലവിലെ പ്ലാൻ തെറ്റാണെന്നു അറിയിച്ചു. ഈ പ്ലാൻ പ്രകാരം നിർമാണം നടത്തിയാൽ ഫിറ്റ്നസ് സർട്ടിഫിക്കറ്റ് ലഭിക്കില്ലെന്നു പറഞ്ഞു. അതുവരെ നടത്തിയ നിർമാണങ്ങൾ പൊളിമാറ്റാൻ നിർദേശിച്ചു. ഇതിന്‍റെ അടിസ്ഥാനത്തിൽ ഫൗണ്ടേഷനും 24 ടോയ്ലറ്റും ക്ലാസ് റൂം ഭിത്തികളും പൊളിച്ചുമാറ്റി. ഇതുമൂലം ഉണ്ടായ 16ൽപരം ലക്ഷം രൂപയുടെ നഷ്ടം തുടർന്നു പണിയുന്ന കെട്ടിടത്തിന്‍റെ ഫൈനൽ ബില്ലിൽ സെറ്റിൽ ചെയ്യാമെന്നാണ് ബന്ധപ്പെട്ടവർ അറിയിച്ചത്. മൂന്നു നിലകളിൽ 12,000 ചതുരശ്ര അടി കെട്ടിടം നിർമിക്കാനുള്ള പ്ലാനാണ് പിന്നീട് ലഭ്യമാക്കിയത്. 2.34 കോടി രൂപ ചെലവിലാണ് ഈ കെട്ടിട നിർമാണം പൂർത്തിയാക്കിയത്. എന്നാൽ 1.42 കോടി രൂപ മാത്രമാണ് കരാറുകാരന് ലഭിച്ചത്. രണ്ടാമത്തെ പ്ലാൻ പ്രകാരം കെട്ടിടം പണിതപ്പോൾ താഴത്തെ നിലയ്ക്ക് ഉയരക്കുറവ് ഉണ്ടായി. ഇതുമൂലം ഈ നില ക്ലാസ് മുറികൾക്ക് യോജിച്ചതല്ലാതായി. കെട്ടിടനിർമാണ കാലാവധി പുതുക്കുന്നതിനെന്നുപറഞ്ഞ് സ്കൂൾ മാനേജ്മെന്‍റ് സന്തോഷ്ബാബുവിൽനിന്നു 200 രൂപയുടെ ബ്ലാങ്ക് മുദ്രപ്പത്രം ഒപ്പിട്ടുവാങ്ങിയിരുന്നു. ഈ മുദ്രപ്പത്രം ദുരുപയോഗം ചെയ്ത് കരാറുകാരന് പണം നൽകാനില്ലെന്ന വ്യാജരേഖ തയാറാക്കിയിരിക്കയാണ്. മുദ്രക്കടലാസിനൊപ്പം അധികമായ ചേർത്ത രണ്ട് കടലാസുകളിൽ വ്യാജ ഒപ്പുകളാണ് ഉള്ളത്. കരാറുകാരന് പണം നൽകാനില്ലെന്നും മിച്ചം പറ്റാണെന്നും പറഞ്ഞ് നിർമാണക്കമ്മിറ്റിയിലുള്ളവർ പൊതുജനങ്ങളെ തെറ്റിദ്ധരിപ്പിക്കുകയാണെന്നും എസ്എൻഡിപി സംരക്ഷണ സമിതി ഭാരവാഹികൾ പറഞ്ഞു.

ആസ്വാദനക്കുറിപ്പ് മത്സരം: എസ്. ദീപ്തി ശ്രേയയ്ക്ക് ഒന്നാം സ്ഥാനം

കൽപ്പറ്റ: വായനാദിനത്തോടനുബന്ധിച്ച് ന്ധവായനയാണ് ലഹരിന്ധഎന്ന ആശയം മുൻനിർത്തി എക്സൈസ് വിമുക്തി മിഷൻ ജില്ലയിലെ ഹൈസ്കൂൾ വിദ്യാർഥികൾക്ക് ഒ.വി. വിജയന്‍റെന്ധഖസാക്കിന്‍റെ ഇതിഹാസംന്ധ എന്ന നോവൽ ആസ്പദമാക്കി നടത്തിയ ജില്ലാതല ആസ്വാദനക്കുറിപ്പ് മത്സരത്തിൽ കൽപ്പറ്റ എസ്കഐംജെ സ്കൂളിലെ എസ്. ദീപ്തി ശ്രേയ ഒന്നാം സ്ഥാനം നേടി. വാളാട് ജിഎച്ച്എസ്എസിലെ ജെ. ദിൽനാഥ് രണ്ടും കോളേരി ജിഎച്ച്എസ്എസിലെ സി.എസ്. അഭിനന്ദ് മൂന്നും സ്ഥാനം കരസ്ഥമാക്കി. എസ്കഐംജെ സ്കൂൾ ജിനചന്ദ്ര സ്മാരക ഗോൾഡൻ ജൂബിലി മന്ദിരത്തിൽ സംഘടിപ്പിച്ച ചടങ്ങിൽ ഡെപ്യൂട്ടി എക്സൈസ് കമ്മീഷണർ എ.ജെ. ഷാജി സമ്മാനവിതരണം നിർവഹിച്ചു. എസ്കഐംജെ ഹയർ സെക്കൻഡറി സ്കൂൾ പ്രിൻസിപ്പൽ എം. വിവേകാനന്ദൻ അധ്യക്ഷത വഹിച്ചു. സിവിൽ എക്സൈസ് ഓഫീസർ വി.പി. വജീഷ്കുമാർ, വിമുക്തി ക്ലബ് ഇൻചാർജ് എ.ഡി. പ്രവീണ്‍, വിമുക്തി മിഷൻ ജില്ലാ കോ ഓർഡിനേറ്റർ എൻ.സി. സജിത്ത്കുമാർ എന്നിവർ പ്രസംഗിച്ചു.

ജീവിതശൈലീരോഗങ്ങളിൽ ജാഗ്രത വേണം: മന്ത്രി ഒ.ആർ. കേളു

വെള്ളമുണ്ട: ജീവിതശൈലീരോഗങ്ങൾ വർധിക്കുന്നതിൽ ജനങ്ങൾ ബോധവാൻമാരാകണമെന്ന് പട്ടികജാതി-വർഗ-പിന്നാക്ക ക്ഷേമ മന്ത്രി ഒ.ആർ. കേളു. കുടുംബാരോഗ്യകേന്ദ്രത്തിൽ ഇമ്മ്യൂണൈസേഷൻ ബ്ലോക്ക്, ടോയ്ലറ്റ് സമുച്ചയം, ബയോകെമിസ്ട്രി അനലൈസർ, ജനറേറ്റർ എന്നിവ ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. മാറിയ ഭക്ഷണരീതി മനുഷ്യരുടെ ജീവിതത്തെത്തന്നെ മാറ്റുകയാണെന്നും വ്യായാമവും ഇലക്കറി ഭക്ഷണരീതികളും ശീലമാക്കി ആരോഗ്യപ്രശ്നങ്ങൾ ഒഴിവാക്കണമെന്നും മന്ത്രി പറഞ്ഞു. പഞ്ചായത്ത് പ്രസിഡന്‍റ് സുധി രാധാകൃഷ്ണൻ അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡന്‍റ് ജസ്റ്റിൻ ബേബി, ജില്ലാ പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ ജുനൈദ് കൈപ്പാണി, ജില്ലാ പഞ്ചായത്ത് അംഗം കെ. വിജയൻ, ഡെപ്യൂട്ടി മെഡിക്കൽ ഓഫീസർ ആൻസി മേരി ജേക്കബ് തുടങ്ങിയവർ പങ്കെടുത്തു.

ശ്രദ്ധേയ പ്രവർത്തനങ്ങളുമായി മീനങ്ങാടി ക്ഷീരസംഘം

കൽപ്പറ്റ: ക്ഷീര മേഖലയുടെ ശക്തീകരണത്തിന് ശ്രദ്ധേയ ഇടപെടലുകൾ നടത്തി മീനങ്ങാടി ക്ഷീരസംഘം. പഞ്ചായത്തിലെ 250 കേന്ദ്രങ്ങളിൽനിന്നായി പ്രതിദിനം ശരാശരി 17,500 ലിറ്റർ പാലാണ് സംഘം ശേഖരിക്കുന്നത്. സ്വന്തമായി മൃഗാശുപത്രിയും വെറ്ററിനറി ഡോക്ടറുമുള്ള ജില്ലയിലെ ഏക ക്ഷീരസംഘമാണ് മീനങ്ങാടിയിലേത്. വെറ്ററിനറി മെഡിക്കൽ ഷോപ്പ്, വിശാലമായ ഓഫീസ്, കോണ്‍ഫറൻസ് ഹാൾ, പൂർണമായി ഡിജിറ്റലൈസ് ചെയ്ത ഡയറി ലബോറട്ടറി, ബൾക്ക് മിൽക്ക് കൂളർ(ബിഎംസി) എന്നിവ സംഘത്തിനുണ്ട്. രോഗനിർണയ ലാബിന്‍റെ നിർമാണം അന്തിമ ഘട്ടത്തിലാണ്. സംസ്ഥാനത്ത് പൂർണമായും കംപ്യൂട്ടർവത്കരിച്ച ആദ്യ ക്ഷീരസംഘങ്ങളിൽ ഒന്നാണ് മീനങ്ങാടിയിലേത്. ആധുനിക സാങ്കേതിക സൗകര്യങ്ങളോടെയാണ് പാൽ ശേഖരണവും ശീതീകരണവും. 15,000 ലിറ്റർ ശേഷിയുള്ള പാൽ ശീതീകരണ ടാങ്കും മിൽക്ക് സൈലോയുമാണ് സംഘത്തിനുള്ളത്. 20 കിലോവാട്ട് ശേഷിയുള്ള സൗരനിലയവും 20,000 ലിറ്റർ ശേഷിയുള്ള മലിനജല സംസ്കരണ കേന്ദ്രവും സംഘത്തിനുണ്ട്. മീനങ്ങാടി നഗരത്തിൽ രണ്ട് മിൽക്ക് പാർലർ നടത്തുന്നുണ്ട്. പാലിന്‍റെ അളവ്, ഗുണനിലവാരം, ലിറ്റർ വില, മൊത്തം തുക എന്നിവ ദിവസേന എസ്എംഎസ് മുഖേന കർഷകർക്ക് ലഭ്യമാക്കുന്ന സംഘം വർഷം മുഴുവൻ പാൽ അളക്കുന്ന കർഷകർക്ക് ഓരോ ലിറ്ററിനും 1.30 രൂപ ഇൻസെന്‍റീവ് നൽകുന്നുണ്ട്. ദിവസം 50 ലിറ്ററിലധികം പാൽ അളക്കുന്ന കർഷകർക്ക് ഫാം സപ്പോർട്ട് എന്ന പേരിൽ ലിറ്ററിന് 50 പൈസ അധിക സഹായം അനുവദിക്കുന്നുണ്ട്. പ്രതിമാസം 2,500 രൂപ വരെ പശുക്കളുടെ ചികിത്സയ്ക്കു ലഭ്യമാക്കുന്നുണ്ട്. മെഡിക്കൽ സ്റ്റോറിൽ 20 ശതമാനം വരെ സബ്സിഡി നിരക്കിലാണ് മരുന്നുകൾ നൽകുന്നത്. പലിശരഹിത വായ്പ, സബ്സിഡിയോടെ പച്ചപ്പുല്ല്, ഇൻഷ്വറൻസ്, മെഡിക്ലെയിം, വിദ്യാഭ്യാസ സഹായധനം, അവാർഡുകൾ, വാർഷിക ബോണസ് തുടങ്ങിയ പ്രവർത്തനങ്ങളിലൂടെ സംഘത്തിന്‍റെ മികവ് ദേശീയ തലത്തിൽവരെ അടയാളപ്പെടുത്തിയിട്ടുണ്ട്. പി.പി. ജയൻ പ്രസിഡന്‍റും കെ.ബി. മാത്യു സെക്രട്ടറിയുമായ ഒന്പതംഗ ഭരണസമിതിയാണ് മീനങ്ങാടി സംഘത്തിന്.

എസ്പിസി 15-ാം വാർഷികം: കളക്ടർക്കും എസ്പിക്കും ഗാർഡ് ഓഫ് ഓണർ നൽകി

കൽപ്പറ്റ: സ്റ്റുഡന്‍റ് പോലീസ് കേഡറ്റ് പദ്ധതിയുടെ 15-ാം വാർഷികാഘോഷത്തിന്‍റെ ഭാഗമായി നല്ലൂർനാട് എഎംഎംആർജിഎച്ച്എസ്എസിലെ കേഡറ്റുകൾ ജില്ലാ കളക്ടർ ഡി.ആർ. മേഘശ്രീക്കു കളക്ടറേറ്റ് പരിസരത്തും കൽപ്പറ്റ ജിഎംആർഎസിലെ കേഡറ്റുകൾ ജില്ലാ പോലീസ് മേധാവി തപോഷ് ബസുമതാരിക്കു ജില്ലാ പോലീസ് ഓഫീസ് പരിസരത്തും ഗാർഡ് ഓഫ് ഓണർ നൽകി. സല്യൂട്ട് സ്വീകരിച്ച കളക്ടറും എസ്പിയും കേഡറ്റുകളുമായി സംവദിച്ചു. മുണ്ടേരി ജിവിഎച്ച്എസ്എസിൽ ജില്ലാതല ആഘോഷം എസ്പിസി ജില്ലാ നോഡൽ ഓഫീസറും അഡീഷണൽ എസ്പിയുമായ കെ.ജെ. ജോണ്‍സണ്‍ ഉദ്ഘാടനം ചെയ്തു. അദ്ദേഹത്തിന് കേഡറ്റുകൾ ഗാർഡ് ഓഫ് ഓണർ നൽകി. പോലീസ് ഇൻസ്പെക്ടർ എ.യു. ജയപ്രകാശ്, എസ്പിസി അസി.ജില്ലാ നോഡൽ ഓഫീസർ കെ. മോഹൻദാസ്, ജനമൈത്രി അസി.ജില്ലാ നോഡൽ ഓഫീസർ കെ.എം. ശശിധരൻ, പിടിഎ പ്രസിഡന്‍റ് രഞ്ജിത്, എസ്എംസി ചെയർമാൻ സലാം എന്നിവർ പ്രസംഗിച്ചു. പ്രധാനാധ്യാപിക സൽമ സ്വാഗതവും എസ്പിസി സിപിഒ അർഷാദ് നന്ദിയും പറഞ്ഞു. ജില്ലയിലെ 42 എസ്പിസി യൂണിറ്റിലും പതാക ഉയർത്തി. പ്രതിജ്ഞ, സ്പെഷൽ പരേഡ്, ക്വിസ് മത്സരം, ഫ്ളാഷ് മോബ്, ബോധവത്കരണ ക്ലാസ്, വിളംബരജാഥ എന്നിവ നടത്തി. പിണങ്ങോട് സ്കൂളിലെ കേഡറ്റുകൾ പുത്തുമല ഹൃദയഭൂമി സന്ദർശിച്ചു. മൃതകുടീരങ്ങളിൽ പുഷ്പാർച്ചന നടത്തി. കോളേരി സ്കൂളിലെ കേഡറ്റുകൾ വൃദ്ധസദനം സന്ദർശിച്ചു.

ബത്തേരിയിൽ കോണ്‍ഗ്രസ് പ്രതിഷേധ പ്രകടനവും യോഗവും നടത്തി

സുൽത്താൻ ബത്തേരി: ബിജെപി സർക്കാരുകളുടെ മത ന്യൂനപക്ഷ നിലപാടുകളിൽ പ്രതിഷേധിച്ച് ബ്ലോക്ക് കോണ്‍ഗ്രസ് കമ്മിറ്റി ഭരണഘടന ഉയർത്തിപ്പിടിച്ച് ടൗണിൽ പ്രകടനവും യോഗവും നടത്തി. ഡിസിസി പ്രസിഡന്‍റ് എൻ.ഡി. അപ്പച്ചൻ ഉദ്ഘാടനം ചെയ്തു. ബിജെപി നിയന്ത്രണത്തിലുള്ള കേന്ദ്ര സർക്കാരും സംസ്ഥാന സർക്കാരുകളും രാജ്യത്ത് മതേതരത്വവും ജനാധിപത്യവും തകർക്കുന്ന നയങ്ങളാണ് നടപ്പാക്കുന്നതെന്ന് അദ്ദേഹം പറഞ്ഞു. ഛത്തിസ്ഗഡിൽ രണ്ട് കന്യാസ്ത്രീകൾക്കെതിരേ മതപരിവർത്തന ശ്രമത്തിനും മനുഷ്യക്കടത്തിനും കേസെടുത്തതിനു പിന്നിൽ ാസിസ്റ്റ് ശക്തികളുടെ ഗൂഢാലോചനയുണ്ടെന്ന് അപ്പച്ചൻ ആരോപിച്ചു. ബ്ലോക്ക് പ്രസിഡന്‍റ് ഉമ്മർ കുണ്ടാട്ടിൽ അധ്യക്ഷത വഹിച്ചു. ഡി.പി. രാജശേഖരൻ, സംഷാദ് മരക്കാർ, നിസി അഹമ്മദ്, സക്കരിയ മണ്ണിൽ, ബെന്നി കൈനിക്കൽ, സി.എ. ഗോപി, കുന്നത്ത് അഷ്റഫ്, എം. കെ. ഇന്ദ്രജിത്ത്, ലയണൽ മാത്യു, ശാലിനി രാജേഷ്, വൈ. രഞ്ജിത്ത്, അഷ്റഫ് മാടക്കര, ബാബു പഴുപ്പത്തുർ, രാധ രവീന്ദ്രൻ, ഷിജു കൊഴുവണ, കെ.കെ. ബാബു, യൂനുസ് അലി, മണി ചോയിമൂല, അസീസ് മാടാല, ടി.എൽ. സാബു പ്രസന്ന ശശി, കൃഷ്ണ, ബിന്ദു സുധീർ ബാബു, പുഷ്പ എന്നിവർ പ്രസംഗിച്ചു.

ബസ്‌സ്റ്റാൻഡിലെ സ്വകാര്യ വാഹന പാർക്കിംഗ് വിനയായി

മീനങ്ങാടി: പഞ്ചായത്ത് ബസ്‌സ്റ്റാൻഡിൽ സ്വകാര്യ വാഹനങ്ങൾ പാർക്ക് ചെയ്യുന്നത് ബസ് ഡ്രൈവർമാർക്ക് വിനയായി. സ്റ്റാൻഡിലേക്ക് കയറുന്നിടത്തും പുറത്തേക്ക് പോകുന്ന വഴിയിലും സ്വകാര്യ വാഹനങ്ങൾ പാർക്ക് ചെയ്യുന്നത് ബസ് ഡ്രൈവർമാർക്ക് പ്രയാസം സൃഷ്ടിക്കുകയാണ്. പരിമിത സൗകര്യമുള്ള സ്റ്റാൻഡിൽ ബസുകൾ കയറിയിറങ്ങുന്നത് പ്രയാസപ്പെട്ടാണ്. ഇതിനിടെയാണ് സ്റ്റാൻഡിൽ കാർ, ബൈക്ക് തുടങ്ങിയ സ്വകാര്യ വാഹനങ്ങളുടെ പാർക്കിംഗ്. സ്റ്റാൻഡിലേക്ക് ബസുകൾ പ്രവേശിക്കുന്ന ഭാഗത്താണ് കാറുകൾ നിർത്തിയിടുന്നത്. ഇത് ബസുകളുടെ സുഗമമായ സഞ്ചാരത്തിനു ബുദ്ധിമുട്ട് സൃഷ്ടിക്കുകയാണ്. സ്റ്റാൻഡിൽനിന്നു ബസുകൾ പുറത്തേക്ക് പോകുന്ന ഭാഗത്താണ് മീനങ്ങാടി പോലീസ് കേസുകളിൽ പിടിച്ചെടുക്കുന്ന വാഹനങ്ങൾ നിർത്തിയിടുന്നത്. പോലീസ് സ്റ്റേഷൻ ദേശീയപാതയോട് ചേർന്നാണ്. പിടിച്ചെടുക്കുന്ന വാഹനങ്ങൾ പാതയോരത്ത് നിർത്തിയിടുന്നത് ഗതാഗത തടസമുണ്ടാക്കും. അതിനാലാണ് ബസ്‌സ്റ്റാൻഡിൽ ബസുകൾ പുറത്തേക്ക് പോകുന്ന ഭാഗത്തെ ആശ്രയിക്കുന്നത്. സ്റ്റാൻഡിലേക്ക് ബസ് ഇറങ്ങുന്നിടത്ത് പാർക്ക് ചെയ്യുന്ന സ്വകാര്യ വാഹനങ്ങൾ വലിയ പ്രയാസമാണ് സൃഷ്ടിക്കുന്നതെന്നു ഡ്രൈവർമാർ പറഞ്ഞു.

അരിമുള-വാണറന്പം റോഡ് തകർന്നു

മീനങ്ങാടി: കാൽനടയ്ക്കുപോലും പറ്റാത്തവിധം അരിമുള-വാണറന്പം റോഡ് തകർന്നു. പൂതാടി പഞ്ചായത്തിലെ 17-ാം വാർഡിലാണ് റോഡ്. ഇത് സഞ്ചാരയോഗ്യമാക്കണമെന്ന പ്രദേശവാസികളുടെ ആവശ്യത്തിന് അധികാരികൾ ചെവികൊടുക്കുന്നില്ല. റോഡിൽ രൂപപ്പെട്ട കുഴികളിൽ മഴയത്ത് വെള്ളം കെട്ടിക്കിടക്കുന്നത് അപകടങ്ങൾക്ക് കാരണമാകുകയാണ്. സ്കൂൾ ബസുകളും ഓട്ടോ റിക്ഷകളും സാഹസികമായാണ് ഇതുവഴി ഓടുന്നത്.

വികസന മുരടിപ്പ് : മൂപ്പൈനാട് പഞ്ചായത്ത് ഓഫീസിലേക്ക് എൽഡിഎഫ് മാർച്ച് നാളെ

കൽപ്പറ്റ: എൽഎഡിഎഫ് മൂപ്പൈനാട് പഞ്ചായത്ത് കമ്മിറ്റി നാളെ രാവിലെ 11ന് പഞ്ചായത്ത് ഓഫീസ് മാർച്ച് നടത്തും. വികസന മുരടിപ്പിനും ദുർഭരണത്തിനുമെതിരേയാണ് സമരമെന്ന് എൽഡിഎഫ് പഞ്ചായത്ത് കമ്മിറ്റി കണ്‍വീനർ പി.സി. ഹരിദാസൻ, ചെയർമാൻ ഷംസുദ്ദീൻ അരപ്പറ്റ, മറ്റു ഭാരവാഹികളായ വി. കേശവൻ, എ. ഹരികൃഷ്ണൻ, എം.വി. യൂസഫ് എന്നിവർ വാർത്താസമ്മളനത്തിൽ അറിയിച്ചു. മാർച്ചിന്‍റെ പ്രചാരണത്തിന് ഇന്ന് ജാഥ നടത്തും. രാവിലെ എട്ടിന് ജയ്ഹിന്ദിൽ ആരംഭിക്കുന്ന ജാഥ വൈകുന്നേരം അഞ്ചിന് വടുവൻചാൽ വളവിൽ സമാപിക്കും. പഞ്ചായത്തിൽ വികസന രംഗത്ത് മാന്ദ്യം പ്രകടമാണ്. അഞ്ച് വർഷം പൂർത്തിയാകാറായ യുഡിഎഫ് ഭരണത്തിൽ എടുത്തുപറയാവുന്ന ഒരു പദ്ധതിപോലും നടപ്പായില്ല. മാലിന്യ സംസ്കരണ സംവിധാനം ഒരുക്കുന്നതിന് ചെല്ലങ്കോട് വാങ്ങിയ ഭൂമി കാടുകയറിക്കിടക്കുകയാണ്. കഴിഞ്ഞ അഞ്ചുമാസത്തിനിടെ നിർമാണം പൂർത്തിയാക്കിയ റോഡുകൾ തകർന്നുതുടങ്ങി. തിനപുരം ഹെൽത്ത് സെന്‍ററിന് ലഭിച്ച 40 ലക്ഷം രൂപ ചെലവഴിക്കാൻ കഴിയാതെ തിരിച്ചടച്ചിരിക്കയാണ്. പഞ്ചായത്ത് ആസ്ഥാനത്ത് ബസ്‌സ്റ്റാൻഡ് ഇല്ല. പാടിവയലിൽ ആശുപത്രി കെട്ടിടങ്ങൾക്കിടയിൽ സ്ഥാപിച്ച മിനി എംസിഎഫ് പൊളിച്ചുമാറ്റേണ്ടിവന്നു. പഞ്ചായത്തിൽ പലേടത്തും തെരുവുവിളക്കുകൾ കത്തുന്നില്ല. ഷോപ്പിംഗ് കോംപ്ലക്സ് നിർമിക്കുമെന്ന വാഗ്ദാനം പാലിച്ചില്ല. കുടിവെള്ള പദ്ധതി, കൃഷിഭവൻ എന്നിവയുമായി ബന്ധപ്പെട്ട് നിരവധി ആക്ഷേപങ്ങൾ നിലനിൽക്കുകയാണ്. മഴക്കാലത്ത് വെള്ളം കെട്ടിക്കിടക്കുന്നതിൽ വടുവൻചാൽ ടൗണിലൂടെ സുഗമമായി സഞ്ചരിക്കാൻ ജനങ്ങൾക്ക് കഴിയുന്നില്ല. ഈ സാഹചര്യത്തിലാണ് സമരമെന്ന് എൽഡിഎഫ് നേതാക്കൾ പറഞ്ഞു.

പുഞ്ചിരിമട്ടം ദുരന്തം: അനുസ്മരണ സമ്മേളനത്തിലേക്ക് ക്ഷണിക്കാത്തതിൽ പ്രതിഷേധവുമായി വ്യാപാരികൾ

കൽപ്പറ്റ: പുഞ്ചിരിമട്ടം ഉരുൾ ദുരന്തത്തിന്‍റെ ഒന്നാം വാർഷികദിനത്തിൽ മേപ്പാടിയിൽ സംഘടിപ്പിച്ച അനുസ്മരണ സമ്മേളനത്തിലേക്ക് ക്ഷണിക്കാത്തതിൽ പ്രതിഷേധവുമായി കേരള വ്യാപാരി വ്യവസായി ഏകോപന സമിതി, കേരള ഹോട്ടൽ ആൻഡ് റസ്റ്ററന്‍റ് അസോസിയേഷൻ ജില്ലാ ഘടകങ്ങൾ. ദുരന്തം നടന്നതുമുതൽ ദിവസങ്ങളോളം സേവനം ചെയ്ത വ്യാപാരികളെയും ഹോട്ടൽ ഉടമകളെയും അനുസ്മരണ സമ്മേളനത്തിലേക്ക് വിളിക്കാത്തതിലുള്ള പ്രതിഷേധം ജില്ലാ കളക്ടറെ രേഖാമൂലം അറിയിച്ചതായി സമിതി ജില്ലാ പ്രസിഡന്‍റ് ജോജിൻ ടി. ജോയി, ജനറൽ സെക്രട്ടറി കെ. ഉസ്മാൻ, ട്രഷറർ നൗഷാദ് കരിന്പനയ്ക്കൽ, ഇ. ഹൈദ്രു, പി. അജിത്ത്, വി.എം. മുജീബ്, അഷ്റഫ് കൊട്ടാരം, കെഎച്ച്ആർഎ ജില്ലാ പ്രസിഡന്‍റ് മുഹമ്മദ് അസ്ലം ബാവ, സെക്രട്ടറി യു. സുബൈർ എന്നിവർ വാർത്താസമ്മേളനത്തിൽ അറിയിച്ചു. മേപ്പാടി പഞ്ചായത്തിന്‍റെ നേതൃത്വത്തിൽ സംഘടിപ്പിച്ച അനുസ്മരണത്തിൽ പങ്കെടുക്കുന്നതിന് വിവിധ പാർട്ടി-സംഘടനാ നേതാക്കൾക്ക് ക്ഷണക്കത്ത് അയച്ചത് കളക്ടറേറ്റിൽനിന്നാണ്. ഈ അവസരത്തിൽ വ്യാപാരികളെയും ഹോട്ടൽ ഉടമകളെയും മറന്നു. ജില്ലാ ഭരണകൂടം ആവശ്യപ്പെടുന്പോഴൊക്കെ ആവശ്യമായ സഹായം എപ്പോഴും ചെയ്യുന്ന വ്യാപാരികളെയും ഹോട്ടൽ ഉടമകളെയും സർക്കാർ പരിപാടികളിൽനിന്നു ഒഴിവാക്കുന്നത് ബോധപൂർവമാണെന്ന് സംശയിക്കണം. മുന്പും ഇത്തരം അനുഭവം ഉണ്ടായിട്ടുണ്ട്. പുഞ്ചിരിമട്ടം ദുരന്തത്തെത്തുടർന്ന് രണ്ട് മാസത്തോളം മേപ്പാടിയിൽ ഏകോപന സമിതിയും കെഎച്ച്ആർഎയും ക്യാന്പ് ഓഫീസ് പ്രവർത്തിപ്പിച്ചു. മന്ത്രിസഭാ ഉപസമിതി നിർദേശിച്ചതനുസരിച്ച് ചൂരൽമല റോഡിൽ ഒരു മാസത്തിലധികം കമ്മ്യൂണിറ്റി കിച്ചണ്‍ ഒരുക്കി. ഉദ്യോഗസ്ഥരും വിവിധ സേനാംഗങ്ങളും ദുരിതാശ്വാസ പ്രവർത്തകരും അടക്കം മൂന്നര ലക്ഷത്തിലധികം ആളുകൾക്ക് ഭക്ഷണം എത്തിച്ചു. ഭക്ഷ്യക്കിറ്റുകളും വസ്ത്രങ്ങളും വീട്ടുപകരണങ്ങളുമടക്കം കോടിക്കണക്കിനു രൂപയുടെ സഹായമാണ് ദുരന്തബാധിതർക്ക് ലഭ്യമാക്കിയത്. മുണ്ടക്കൈ, ചൂരൽമല പ്രദേശങ്ങളിലെ വ്യാപാരികളും ഹോട്ടൽ ഉടമകളും അടക്കം 80 ഓളം പേർ നേരിട്ടും അല്ലാതെയും ദുരന്തബാധിതരാണ്. ഇവരിൽ ആർക്കും നഷ്ടപരിഹാരമോ പുനരധിവാസത്തിന് സാന്പത്തിക സഹായമോ ലഭിച്ചില്ല. ദുരന്ത ഇരകളായ വ്യാപാരികൾക്ക് രണ്ടര കോടിയോളം രൂപയുടെ സഹായം സമിതിയാണ് നൽകിയത്. ദുരന്തബാധിരുടെ പുനരധിവാസത്തിന് സജ്ജമാക്കുന്ന ടൗണ്‍ഷിപ്പിൽ സർക്കാർ ഷോപ്പിംഗ് കോംപ്ലക്സ് നിർമിക്കണം. ഇതിലെ മുറികൾ ദുരന്ത ബാധിതരായ വ്യാപാരികളുടെ പുനരധിവാസത്തിന് ഉപയോഗപ്പെടുത്തണമെന്നും സമിതി, കെഎച്ച്ആർഎ ഭാരവാഹികൾ ആവശ്യപ്പെട്ടു.

കർഷകർക്ക് വളവും വിത്തുകളും വിതരണം ചെയ്തു

റിപ്പണ്‍: കിസാൻ സർവീസ് സൊസൈറ്റിയുടെ സഹകരണത്തോടെ ഹാൻഡ് ഇൻ ഹാൻഡ് ഇന്ത്യ മൂപ്പൈനാട് പഞ്ചായത്തിൽ നടപ്പാക്കുന്ന ഇന്ത്യ കോഫീ കാലാവസ്ഥ പ്രതിരോധ ഭൂപ്രകൃതി പ്രോഗ്രാമിന്‍റെ ഭാഗമായി കർഷകർക്ക് വിത്തുകളും വളവും തേനീച്ചകൾ ഉൾപ്പെടെയുള്ള പെട്ടികളും വിതരണം ചെയ്തു. ഹാൻഡ് ഇൻ ഹാൻഡ് ഇന്ത്യ കോഓർഡിനേറ്റർ പി.കെ. ഷമീൽ, കിസാൻ സർവീസ് സൊസൈറ്റി മൂപ്പൈനാട് ജനറൽ സെക്രട്ടറി സൽമാൻ എൻ. റിപ്പണ്‍ എന്നിവർ നേതൃത്വം നൽകി. പദ്ധതിയുടെ ഭാഗമായി അഞ്ചു വർഷംകൊണ്ട് വിവിധ ആനുകൂല്യങ്ങൾ കർഷകരിലേക്ക് എത്തിക്കുകയും വിളവ് വർധിപ്പിക്കാൻ ആവശ്യമായ ക്ലാസുകളും സംവിധാനങ്ങളും നൽകുക എന്നതാണ് ലക്ഷ്യം. ഹിന്ദുസ്ഥാൻ യൂണി ലിവർ ലിമിറ്റഡ്, ജെഡിഇ പീറ്റസ്, ഐഡിഎച്ച് എന്നീ കന്പനികളുടെ സാന്പത്തിക സഹായത്തോടെയാണ് പദ്ധതി നടപ്പാക്കുന്നത്.

കർക്കടകത്തിലെ പത്തിലകൾ പരിചയപ്പെടുത്തി

നടവയൽ: സെന്‍റ് തോമസ് എൽപി സ്കൂളിൽ കുട്ടികൾക്ക് പഠിക്കാനായി പലതരം ഇലകൾ പരിചയപ്പെടുത്തി. മത്തനില, കറിവേപ്പില, കടുമുടുങ്ങ, ചീരയില, പൊന്നാങ്കണ്ണി തുടങ്ങി 16 തരം ഇലകളാണ് കുട്ടികൾക്ക് പരിചയപ്പെടുത്തിയത്. അവയുടെ ഗുണങ്ങളും ഉപയോഗവും വിദ്യാർഥികളെ ബോധ്യപ്പെടുത്തി. നടവയൽ സെന്‍റ് തോമസ് എൽപി സ്കൂളിലെ നാലാം ക്ലാസിലെ കുട്ടികൾക്ക് വേണ്ടിയാണ് പാഠഭാഗവുമായി ബന്ധപ്പെട്ട് ഈ പ്രവർത്തനം നടന്നത്. നാലാം ക്ലാസിലെ അധ്യാപകരായ സിസ്റ്റർ മഞ്ജു ജോണ്‍, മേഴ്സി ജോസഫ്, ജിൻസി ആന്‍റണി, മരിയ തോമസ് എന്നവർ പ്രവർത്തനങ്ങൾക്ക് നേതൃത്വം നൽകി.

കന്യാസ്ത്രീകളുടെ അറസ്റ്റ്: പ്രതിഷേധം തുടരുന്നു

പുൽപ്പള്ളി: ഛത്തീസ്ഗഡിൽ മതപരിവർത്തനം, മനുഷ്യക്കടത്ത് എന്നിവ ആരോപിച്ച് അറസ്റ്റിലായ സിസ്റ്റർ വന്ദന, സിസ്റ്റർ പ്രീതി എന്നിവരുടെ അറസ്റ്റിൽ പ്രതിഷേധിച്ച് മുള്ളൻകൊല്ലി സെന്‍റ് മേരീസ് ഫൊറോന പള്ളിയിൽ നടന്ന പ്രതിഷേധം ഫാ. ജോർജ് ആലുക്ക ഉദ്ഘാടനം ചെയ്തു. ഫാ. റിജോസ് ആരുമായിൽ, ഫാ. ജോമേഷ് മാളോല, സുനിൽ പാലമറ്റം, ബീന കരുമാംകുന്നേൽ, ജസ്റ്റസ് തൈപ്പറന്പിൽ, റെൽജു മിറ്റത്താനി, ടോമി വണ്ടന്നൂർ, ഷിനോയി തുണ്ടത്തിൽ, ടോമി കാഞ്ഞുക്കാരൻ എന്നിവർ നേതൃത്വം നൽകി. പുൽപ്പള്ളി കൃപാലയ സ്പെഷൽ സ്കൂളിലെ അധ്യാപകരുടെയും സിസ് റ്റേഴിസിന്‍റെയും നേതൃത്വത്തിൽ വായ് മൂടിക്കെട്ടി പ്രതിഷേധ ധർണ നടത്തി. പ്രിൻസിപ്പൽ സിസ്റ്റർ ആൻസീന ഉദ്ഘാടനം ചെയ്തു. സിസ്റ്റർ ആൻസ് മരിയ അധ്യക്ഷത വഹിച്ചു. സിസ്റ്റർ ടീസ, സിസ്റ്റർ ദിയ, ടി.യു. ഷിബു എന്നിവർ പ്രസംഗിച്ചു. അഴികൾക്കുള്ളിലായത് മതേതരത്വം: കെ.എൽ. പൗലോസ് പുൽപ്പള്ളി: ഛത്തീസ്ഗഡിലെ ദുർഗിൽ ജയിലിലായത് രണ്ട് കന്യാസ്ത്രീകൾ മാത്രമല്ല, ഭാരതത്തിന്‍റെ മതേതരത്വവുമാണെന്ന് കെപിസിസി നിർവാഹക സമിതിയംഗം കെ.എൽ. പൗലോസ്. കള്ളക്കേസിൽപ്പെടുത്തി കന്യാസ്ത്രീകളെ അറസ്റ്റുചെയ്ത് റിമാൻഡ് ചെയ്യിച്ചതിനെതിരേ മണ്ഡലം കോണ്‍ഗ്രസ് കമ്മിറ്റി ടൗണിൽ സംഘടിപ്പിച്ച പ്രതിഷേധസദസ് ഉദ്ഘാടനം ചെയ്യുകയായിരുന്നു അദ്ദേഹം. ഭരണഘടന ഉറപ്പുനൽകുന്ന ജനാധിപത്യ-മതേതര ആശയങ്ങൾക്കെതിരേ വർഗീയ ശക്തികൾ സമീപഭാവിയിൽ നടപ്പാക്കാനുദ്ദേശിക്കുന്ന പരിപാടികളുടെ റിഹേഴ്സലാണ് ദുർഗിൽ നടന്നത്. നാനാജാതിമതഭാഷാ വിഭാഗങ്ങൾ ഒരമ്മയുടെ മക്കളെപ്പോലെ ജീവിക്കുന്നസുന്ദരനാടാണ് ലോകത്തിനു മുന്പിൽ ഇന്ത്യ. ഈ മനോഹര മുഖമാണ് വർഗീയ ശക്തികൾ വികൃതമാക്കിയത്. കോടതികളെ പോലും ഭീഷണിപ്പെടുത്തി വശത്താക്കാൻ വർഗീയവാദികൾ ശ്രമിക്കുകയാണെന്നും പൗലോസ് പറഞ്ഞു. മണ്ഡലം പ്രസിഡന്‍റ് പി.ഡി. ജോണി അധ്യക്ഷത വഹിച്ചു. ഡിസിസി സിക്രട്ടറി എൻ.യു. ഉലഹന്നാൻ, ബ്ലോക്ക് പ്രസിഡന്‍റ് വർഗീസ് മുരിയൻകാവിൽ, മഹിള കോണ്‍ഗ്രസ് ജില്ലാ പ്രസിഡന്‍റ് ജിനി തോമസ്, പി.എൻ. ശിവൻ, റജി പുളിങ്കുന്നേൽ, വർക്കി പാലക്കാട്ട്, എൽദോസ്, മാത്യു ഉണ്ടശാൻപറന്പിൽ ടി.പി. ശശിധരൻ, കെ.എൽ. ടോമി എന്നിവർ പ്രസംഗിച്ചു. പ്രതിഷേധ സംഗമം നടത്തി നടവയൽ: മേജർ ആർക്കി എപ്പിസ്ക്കോപ്പൽ തീർഥാടന കേന്ദ്രത്തിൽ ചത്തീസ്ഗഡിലെ കന്യാസ്ത്രീകളെ അറസ്റ്റ് ചെയ്തതിൽ പ്രതിഷേധിച്ചു സംഗമം സംഘടിപ്പിച്ചു. ഒരു ഭരണഘടനയ്ക്ക് കീഴിൽ പ്രവർത്തിക്കുന്ന രാജ്യത്ത് ചത്തീസ്ഗഡിൽ അന്യായമായി കന്യാസ്ത്രീകളെ അറസ്റ്റ് ചെയ്തത് ന്യൂനപക്ഷങ്ങളുടെ അവകാശങ്ങളുടെ നിരാകരിക്കലാണെന്ന് പ്രതിഷേധ സംഗമം ആരോപിച്ചു. ഇന്ത്യൻ ഭരണഘടനയിൽ അനുവദിച്ചിട്ടുള്ള അവകാശങ്ങൾ സംരക്ഷിക്കേണ്ട സർക്കാർതന്നെ ഭരണഘടന വിരുദ്ധമായി പ്രവർത്തിക്കുന്നത് തീർത്തും അപലനീയമാണെന്നും സംഗമം കുറ്റപ്പെടുത്തി. ആർച്ച് പ്രീസ്റ്റ് ഫാ. ഗർവ്വാസിസ് മറ്റം, ട്രസ്റ്റി ടോമി ചേന്നാട്ട് എന്നിവർ പ്രസംഗിച്ചു. ഫാ. ക്ലിന്േ‍റാ പുലിക്കുന്നേൽ, ഫാ. ക്രിസ്റ്റി പൂതക്കുഴി, ജോണി കിഴക്കേതുണ്ടത്തിൽ, സുനിൽ താമരശേരിയിൽ, സാബു നിരപ്പേൽ, അന്നക്കുട്ടി ജോസ്, മേഴ്സി സാബു, വിൻസന്‍റ് ചേരവേലിൽ, ബിനു മാങ്കൂട്ടത്തിൽ, സജി ഇരട്ടമുണ്ടക്കൽ, പി.ഡി. ജോസഫ് നേതൃത്വം നൽകി. കുറുന്പാലയിൽ പ്രതിഷേധ റാലി നാളെ അരന്പറ്റക്കുന്ന്: ഛത്തീസ്ഗഡിൽ കന്യാസ്ത്രീകളെ കള്ളക്കേസിൽ കുടുക്കി ജയിലാക്കിയതിൽ പ്രതിഷേധിച്ചും ആൾക്കൂട്ട വിചാരണയ്ക്ക് നേതൃത്വം നൽകിയ ബജ്‌രംഗ്ദൾ പ്രവർത്തകരെ അറസ്റ്റുചെയ്യണമെന്ന് ആവശ്യപ്പെട്ടും നാളെ രാവിലെ ഒന്പതിന് അരന്പറ്റക്കുന്നിൽ റാലി നടത്താൻ കുറുന്പാല സെന്‍റ് ജോസഫ്സ് ഇടവകയിലെ ഭക്തസംഘടനകളുടെ സംയുക്തയോഗം തീരുമാനിച്ചു. വികാരി ഫാ. ജോജോ കുടക്കച്ചിറ അധ്യക്ഷത വഹിച്ചു. വി.ഡി. രാജു വല്ല്യാറ, തങ്കച്ചൻ പള്ളത്ത്, ഉലഹന്നാൻ പട്ടരുമഠം, അലൻ കൊറ്റത്തിൽ, ലിസി കൂവയ്ക്കൽ, ഫെമി തുണ്ടിയിൽ, എബെൽ കൊറ്റത്തിൽ, ജിബിൻ മുണ്ടയ്ക്കൽ, റിയ വരിയിക്കൽ. സിസ്റ്റർ ലൂസി എഫ്സിസി, റിജു പുതിയപറന്പിൽ, ഷാജി കൂവയ്ക്കൽ, മേരി മുങ്ങനാനിയിൽ എന്നിവർ പ്രസംഗിച്ചു. സിപിഎം പ്രകടനവും പൊതുയോഗവും നടത്തി വൈത്തിരി:ഛത്തീസ്ഗഡിൽ കന്യാസ്ത്രീകളെ അന്യായമായി അറസ്റ്റുചെയ്ത് ജയിലാക്കിയതിൽ പ്രതിഷേധിച്ച് സിപിഎം ലോക്കൽ കമ്മിറ്റിയുടെ ആഭിമുഖ്യത്തിൽ ടൗണിൽ പ്രകടനവും പൊതുയോഗവും നടത്തി. എം.വി. വിജേഷ് ഉദ്ഘാടനം ചെയ്തു. പി.കെ. അസീസ് അധ്യക്ഷത വഹിച്ചു. എസ്. ചിത്രകുമാർ, എൽസി ജോർജ്, എം. രമേശ്, വിജേഷ് ചന്ദ്രൻ, സി. ഹുസൈൻ, കെ.എ. ജോഷി, കെ.ടി. ഷെഫീർ, സി.കെ. നിസാർ, പി.ടി. കരുണൻ എന്നിവർ പ്രസംഗിച്ചു.

ക്ലബ് ഫൂട്ട്: പ്രാരംഭ ഇടപെടൽ കേന്ദ്രത്തിൽ 123 കുട്ടികൾക്ക് ചികിത്സ നൽകി

കൽപ്പറ്റ: കൈനാട്ടി ജനറൽ ആശുപത്രിയിൽ പ്രവർത്തിക്കുന്ന ജില്ലാ പ്രാരംഭ ഇടപെടൽ കേന്ദ്രത്തിൽ(ഡിഇഐസി) ഇതിനകം 123 കുട്ടികൾക്ക് ക്ലബ് ഫൂട്ടിന് ചികിത്സ നൽകി. കുട്ടികളുടെ കാലിന്‍റെ പാദം ഉള്ളിലേക്ക് തിരിഞ്ഞു മടങ്ങിയ അവസ്ഥയാണ് ക്ലബ് ഫൂട്ട്. ബാല്യകാല അസുഖങ്ങൾ, വളർച്ചയിലെ കാലതാമസം തുടങ്ങി 30 ഓളം അസുഖങ്ങൾ നേരത്തെ കണ്ടെത്തി ചികിത്സിക്കുകയാണ് ജില്ലാ പ്രാരംഭ ഇടപെടൽ കേന്ദ്രത്തിന്‍റെ ലക്ഷ്യം. ദേശീയ ആരോഗ്യ ദൗത്യത്തിന് കീഴിലുള്ള ആർബിഎസ്കെ പദ്ധതിയുടെ ഭാഗമായി 10 വർഷത്തിലേറെയായി പ്രവർത്തിക്കുന്ന സ്ഥാപനം ഇതുവരെ 10,000 ഓളം കുട്ടികൾക്ക് ആശ്രയമായി. സൈക്കോളജി, ശ്രവണ-സംസാര വൈകല്യ വിഭാഗം, ഒപ്റ്റോമെട്രി, ഫിസിയോ തെറാപ്പി, സ്പെഷൽ എഡ്യുക്കേഷൻ, ദന്തരോഗം തുടങ്ങിയ വിഭാഗങ്ങളാണ് ഇവിടെ. സൈക്കോളജി വിഭാഗത്തിൽ ബുദ്ധിക്കുറവ്, ശ്രദ്ധക്കുറവ്, സ്വഭാവ വൈകൃതങ്ങൾ, ഓട്ടിസം എന്നിവയ്ക്ക് ചികിത്സയ്യും രക്ഷിതാക്കൾക്കടക്കം കൗണ്‍സലിംഗും നൽകുന്നുണ്ട്. ശ്രവണൃ-സംസാര വൈകല്യ വിഭാഗത്തിൽ സംസാരിക്കുന്നതിനും കേൾക്കുന്നതിനുമുള്ള പ്രശ്നങ്ങൾ, സെറിബ്രൽ പാഴ്സി, വിക്ക്, കൊഞ്ഞിപ്പ് തുടങ്ങിയവയ്ക്കാണ് ചികിത്സ. ഒപ്റ്റോമെട്രി വിഭാഗത്തിൽ കാഴ്ച സംബന്ധമായ പ്രശ്നങ്ങൾക്കുള്ള പ്രാരംഭ പരിശോധനകളും തുടർപരിചരണങ്ങളും ലഭ്യമാണ്. ചലന പ്രശ്നങ്ങളുള്ള കുട്ടികൾക്ക് പ്രത്യേക പരിശീലനം, വ്യായാമ മുറകൾ, ഇലക്ട്രോ ഹൈഡ്രോ ഫിസിയോതെറാപ്പി എന്നിവ ലഭ്യമാണ്. സ്പെഷൽ എഡ്യുക്കേഷൻ വിഭാഗത്തിൽ ഓർമക്കുറവുള്ള കുട്ടികൾക്ക് പ്രത്യേക പരിശീലനം നൽകുന്നുണ്ട്. മുച്ചിറി, മുറി അണ്ണാക്ക് തുടങ്ങിയ അസുഖങ്ങൾക്കുള്ള സൗജന്യ ചികിത്സാ സഹായവും ശ്രവണ വൈകല്യമുള്ള കുട്ടികൾക്ക് ശ്രവണ സഹായി സൗജന്യമായി നൽകുന്ന പദ്ധതിയും ഏകോപിപ്പിക്കുന്നത് പ്രാരംഭ ഇടപെടൽ കേന്ദ്രം മുഖേനയാണ്. മാനന്തവാടി ഗവ.മെഡിക്കൽ കോളജ്, ബത്തേരി, വൈത്തിരി താലൂക്ക് ആശുപത്രികൾ, തരിയോട്, മീനങ്ങാടി, പുൽപ്പള്ളി, പേര്യ, പനമരം സാമൂഹികാരോഗകേന്ദ്രങ്ങൾ, തൊണ്ടർനാട്, പൊഴുതന, അന്പലവയൽ, പൂതാടി, വെള്ളമുണ്ട കുടുംബാരോഗ്യ കേന്ദ്രങ്ങൾ എന്നിവിടങ്ങളിലാണ് മൊബൈൽ ഇന്‍റർവെൻഷൻ യൂണിറ്റ് മുഖേന സേവനം നൽകുന്നത്.

വയനാട് ഗവ.മെഡിക്കൽ കോളജ് : ഭൂമിയുടെ കാര്യത്തിൽ മൂന്നു മാസത്തിനകം തീരുമാനമെടുക്കണമെന്ന് ഹൈക്കോടതി

വയനാട് ഗവ.മെഡിക്കൽ കോളജ് മടക്കിമലയിൽ നിർമിക്കണമെന്ന ആവശ്യം കൽപ്പറ്റ: വയനാട് ഗവ.മെഡിക്കൽ കോളജ് സ്ഥിരനിർമാണത്തിന് മടക്കിമലയിൽ ലഭ്യമായ ഭൂമി ഉപയോഗപ്പെടുത്തണമെന്ന ആവശ്യത്തിൽ മൂന്നു മാസത്തിനകം തീരുമാനമെടുക്കാൻ ചീഫ് സെക്രട്ടറിക്കും ആരോഗ്യ- കുടുംബക്ഷേമ പ്രിൻസിപ്പൽ സെക്രട്ടറിക്കും ഹൈക്കോടതി നിർദേശം. സംസ്ഥാന മനുഷ്യാവകാശ സംരക്ഷണ കേന്ദ്രം സെക്രട്ടറി കെ.വി. ഗോകുൽദാസിന്‍റെ ഹർജിയിലാണ് ജസ്റ്റിസ് എൻ. നാഗരേഷിന്‍റെ നിർദേശം. 2012ലെ ബജറ്റിൽ പ്രഖ്യാപിച്ച വയനാട് ഗവ.മെഡിക്കൽ കോളജ് നിർമാണത്തിന് കൈനാട്ടി-പനമരം റോഡിൽ മടക്കിമലയ്ക്കു സമീപം 50 ഏക്കർ ഭൂമി ചന്ദ്രപ്രഭ ചാരിറ്റബിൾ ട്രസ്റ്റ് സൗജന്യമായി വിട്ടുനൽകിയിരുന്നു. എന്നാൽ പ്രകൃതിദുരന്ത സാധ്യത പറഞ്ഞ് ഈ ഭൂമി മെഡിക്കൽ കോളജിന് ഉപയോഗപ്പെടുത്തിയില്ല. പിന്നീട് കണ്ണൂർ ജില്ലാ അതിർത്തിയോടുചേർന്ന് ബോയ്സ് ടൗണിലാണ് ഭൂമി കണ്ടെത്തിയത്. കേസ് നിലവിലുള്ളതിനാൽ ഇവിടെയും മെഡിക്കൽ കോളജിന് നിർമാണം നടത്താനായില്ല. മാനന്തവാടിയിൽ ജില്ലാ ആശുപത്രിക്കുണ്ടായിരുന്ന സൗകര്യങ്ങൾ പ്രയോജനപ്പെടുത്തിയാണ് മെഡിക്കൽ കോളജ് ആശുപത്രിയുടെ പ്രവർത്തനം. മെച്ചപ്പെട്ട ചികിത്സാ സൗകര്യങ്ങളുടെ അഭാവം ഗവ.മെഡിക്കൽ കോളജ് ആശുപത്രിയുടെ പ്രധാന പരിമിതിയാണ്. അപകടങ്ങളിലും വന്യമൃഗ ആക്രമണങ്ങളിലും മറ്റും ഗുരുതര പരിക്കേൽക്കുന്നവർക്ക് വിദഗ്ധ ചികിത്സ ലഭ്യമാക്കുന്നതിന് കോഴിക്കോട്ടെ ആശുപത്രികളിൽ പ്രവേശിപ്പിക്കേണ്ട സ്ഥിതി തുടരുകയാണ്. വയനാട്ടിലെ മിക്ക പ്രദേശങ്ങളിലും ഉള്ളവരെ സംബന്ധിച്ചിടത്തോളം ബോയ്സ് ടൗണ്‍ വിദൂര പ്രദേശമാണ്. എന്നാൽ ജില്ലയുടെ എല്ലാ ഭാഗങ്ങളിൽനിന്നും എളുപ്പം എത്താവുന്ന സ്ഥലമാണ് മടക്കിമല. ഇവിടെ ചന്ദ്രപ്രഭ ട്രസ്റ്റിൽനിന്നു ഏറ്റെടുത്ത ഭൂമിയിലേക്കു റോഡ് നിർമിച്ച ശേഷമാണ് മെഡിക്കൽ കോളജ് പദ്ധതി ഉപേക്ഷിച്ചത്. മടക്കിമലയിലെ ഭൂമിയിൽ പ്രകൃതിദുരന്ത സാധ്യതയുണ്ടെന്ന് ശാസ്ത്രീയ പഠനത്തിലൂടെ ആരും കണ്ടെത്തിയിട്ടില്ല. ചിലരുടെ അഭിപ്രായങ്ങൾ കണക്കിലെടുത്താണ് മടക്കിമലയിൽ നിർമാണം വേണ്ടെന്ന തീരുമാനത്തിലേക്ക് സർക്കാർ നീങ്ങിയത്. ജില്ലയിൽ മെഡിക്കൽ കോളജ് നിർമാണത്തിന് ഏറ്റവും യോജിച്ചത് മടക്കിമലയിലെ ഭൂമിയാണെന്ന ബോധ്യത്തിന്‍റെ അടിസ്ഥാനത്തിലാണ് മനുഷ്യാവകാശ സംരക്ഷണ കേന്ദ്രം ഹൈക്കോടതിയെ സമീപിച്ചതെന്നു സെക്രട്ടറി കെ.വി. ഗോകുൽദാസ് പറഞ്ഞു. മെഡിക്കൽ കോളജിന് പ്രയോജനപ്പെടുത്താത്ത സാഹചര്യത്തിൽ മടക്കിമലയിലെ ഭൂമി തിരികെ കിട്ടുന്നതിന് ചന്ദ്രപ്രഭ ചാരിറ്റബിൾ ട്രസ്റ്റ് ഹൈക്കോടതിയിൽ ഹർജി നൽകുകയും അനുകൂല വിധി നേടുകയും ചെയ്തിരുന്നു. ഭൂമി മെഡിക്കൽ കോളജിന് വീണ്ടും വിട്ടുനൽകാൻ ട്രസ്റ്റ് സന്നദ്ധമാണെന്നും ഇക്കാര്യത്തിൽ ബന്ധപ്പെട്ടവരുടെ ഉറപ്പ് ലഭിച്ചതായും വയനാട് മെഡിക്കൽ കോളജ് ആക്‌ഷൻ കമ്മിറ്റി ഭാരവാഹികളായ അഡ്വ.വി.പി. എൽദോ, ജോണ്‍ തയ്യിൽ, സി.എച്ച്. സജത്ത്കുമാർ, ടി. ശശീന്ദ്രൻ എന്നിവർ പറഞ്ഞു.

കന്യാസ്ത്രീകളുടെ അറസ്റ്റ്: പ്രതിഷേധം ശക്തം

പന്തംകൊളുത്തി പ്രകടനം നടത്തി റിപ്പണ്‍: മനുഷ്യക്കടത്ത്, നിർബന്ധിത മതപരിവർത്തനം തുടങ്ങിയ കുറ്റങ്ങൾ ആരോപിച്ച് ഛത്തീസ്ഗഡിൽ രണ്ട് സന്യാസിനികളെ അറസ്റ്റുചെയ്തു ജയിലിലടച്ചതിൽ പ്രതിഷേധിച്ച് സെന്‍റ് ജോസഫ്സ് ഇടവക എകെസിസി, കെസിവൈഎം യൂണിറ്റുകൾ ഭക്തസംഘടനകളുടെ സഹകരണത്തോടെ പന്തംകൊളുത്തി പ്രകടനവും പൊതുയോഗവും നടത്തി. കൈക്കാരൻമാരായ ജോയി പാലാട്ടിൽ, തങ്കച്ചൻ പച്ചിക്കൽ, സിജു പുളിക്കൽ, സാജു മുത്തോലിക്കൽ, എകെസിസി യൂണിറ്റ് ഭാരവാഹികൾ, പാരിഷ് കൗണ്‍സിൽ അംഗങ്ങൾ എന്നിവർ പ്രകടനത്തിന് നേതൃത്വം നൽകി. പൊതുയോഗം കത്തോലിക്ക കോണ്‍ഗ്രസ് മാനന്തവാടി രൂപത പ്രസിഡന്‍റ് ജോണ്‍സണ്‍ തൊഴുത്തുങ്കൽ ഉദ്ഘാടനം ചെയ്തു. മതന്യൂനപക്ഷങ്ങൾക്ക് ഭരണഘടന ഉറപ്പുനൽകുന്ന മൗലിക അവകാശങ്ങൾക്കുമേലുള്ള കടന്നുകയറ്റമാണ് കന്യാസ്ത്രീകളുടെ അറസ്റ്റിലൂടെ ഛത്തീസ്ഗഡ് സർക്കാരും റെയിൽവേ ഉദ്യോഗസ്ഥരും നടത്തിയതെന്നു അദ്ദേഹം പറഞ്ഞു. ഇടവക വികാരിയും എകെസിസി കൽപ്പറ്റ മേഖല ഡയറക്ടറും ചെറുപുഷ്പ മിഷൻ ലീഗ് സംസ്ഥാന ഡയറക്ടറുമായ ഫാ.ഷിജു ഐക്കരക്കാനായിൽ ആമുഖപ്രഭാഷണം നടത്തി. കേസ് പിൻവലിച്ച് സന്യാസിനികളെ ജയിൽമോചിരാക്കണമെന്ന് അദ്ദേഹം ആവശ്യപ്പെട്ടു. പാർശ്വവത്കരിക്കപ്പെട്ട ജനവിഭാഗങ്ങളെ സമൂഹത്തിന്‍റെ മുഖ്യധാരയിലേക്ക് കൈപിടിച്ച് ഉയർത്തുന്നതിനുള്ള പ്രവർത്തനങ്ങളാണ് സന്യസ്തർ ചെയ്യുന്നതെന്ന് അദ്ദേഹം പറഞ്ഞു. സിസ്റ്റർ ജോസഫൈൻ, എകെസിസി യൂണിറ്റ് പ്രസിഡന്‍റ് ബിനോയ് കുറ്റിക്കാട്ടിൽ, കെസിവൈഎം യൂണിറ്റ് പ്രസിഡന്‍റ് ടിബിൻ പാറക്കൽ, വിൻസന്‍റ് ഡി പോൾ സൊസൈറ്റി യൂണിറ്റ് പ്രസിഡന്‍റ് മാത്യു തുറവേലിക്കുന്നേൽ, എകെസിസി രൂപത സെക്രട്ടറി ജോണ്‍സണ്‍ കുറ്റിക്കാട്ടിൽ, കെസിവൈഎം യൂണിറ്റ് വൈസ് പ്രസിഡന്‍റ് നിയത വള്ളിയാങ്കൽ, ചെറുപുഷ്പ മിഷൻ ലീഗ് ശാഖ എക്സിക്യുട്ടീവ് കമ്മിറ്റി അംഗം അനീഷ് പുന്നമറ്റത്തിൽ, സാബു മുട്ടുങ്കൽ എന്നിവർ പ്രസംഗിച്ചു. മൗലികാവകാശങ്ങൾ തകർക്കുന്നു: ടി. സിദ്ദിഖ് എംഎൽഎ കൽപ്പറ്റ: രാജ്യത്ത് ഭരണ ഘടനാ ഉറപ്പ് നൽകുന്ന മൗലികവകാശങ്ങൾ പോലും വ്യക്തി എന്ന രീതിയിലും ്രെകെസ്തവ വിശ്വാസി എന്ന നിലയിലും തകർക്കുന്ന ഗൗരവകരമായ സാഹചര്യം ആണ് നിലനിൽക്കുന്നതെന്ന് ടി. സിദ്ദിഖ് എംഎൽഎ. തിരുവസ്ത്രമണിഞ്ഞ് പുറത്തിറങ്ങാൻ കഴിയാത്ത സംസ്ഥാനങ്ങളായി ബിജെപി ഭരിക്കുന്ന സംസ്ഥാനങ്ങൾ മാറുന്നു എന്നത് മോഡി ഭരണത്തിന്‍റെ കീഴിൽ ഇന്ത്യ നേരിടുന്ന ഏറ്റവും വലിയ വെല്ലുവിളിയാണെന്നും അദ്ദേഹം പറഞ്ഞു. യുഡിഎഫ് കൽപ്പറ്റ മുനിസിപ്പൽ കമ്മിറ്റിയുടെ നേതൃത്വത്തിൽ സംഘടിപ്പിച്ച പ്രതിഷേധ പ്രകടനവും യോഗവും ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.യുഡിഎഫ് കൽപ്പറ്റ മുനിസിപ്പൽ ചെയർമാൻ എൻ മുസ്തഫ അധ്യക്ഷത വഹിച്ചു. നിയോജകമണ്ഡലം യുഡിഎഫ് കണ്‍വീനർ പി പി ആലി, ടി ജെ ഐസക്, കേയംതൊടി മുജീബ്, ഗിരീഷ് കൽപ്പറ്റ, എം.പി. നവാസ്, ഹർഷൽ കോന്നാടൻ, എസ്. മണി, സി.കെ. നാസർ, അലവി വടക്കേതിൽ, ഡിന്േ‍റാ ജോസ്, ആർ. രാജൻ, മുഹമ്മദ് ഫെബിൻ, കെ. അജിത, ആയിഷ പള്ളിയാൽ തുടങ്ങിയവർ പ്രസംഗിച്ചു. എക്യുമെനിയ്ക്കൽ ക്രിസ്ത്യൻ ഫോറം പ്രതിഷേധിച്ചു മാനന്തവാടി: ഛത്തീസ്ഗഡിൽ നിരപരാധികളായ കന്യാസ്ത്രീകളെ ജയിലിൽ അടച്ചതിൽ എക്യുമെനിയ്ക്കൽ ക്രിസ്ത്യൻ ഫോറം പ്രതിഷേധിച്ചു. മതേതരത്വം തകർക്കുന്ന നയങ്ങൾക്കെതിരെ പ്രക്ഷോഭ പരിപാടികൾ സംഘടിപ്പിക്കാൻ യോഗം തീരുമാനിച്ചു. ഫാ. വില്യം രാജൻ അധ്യക്ഷത വഹിച്ചു. ഫാ. സോണി വാഴകാട്ട്, ഫാ. ജോണ്‍ പനച്ചിപറന്പിൽ, ഫാ. കോശി ജോർജ്, ഫാ. വർഗീസ് മറ്റമന, കെ.എം. ഷിനോജ്, എം.കെ. പാപ്പച്ചൻ, റോജസ് മാർട്ടിൻ, അശോക് ആല്യാട്ടുകുടി, ഫിലിപ്പ് ജോർജ്, ചാക്കോ മൂഞ്ഞനാട്ട്, സന്തോഷ് മൂശാപ്പിള്ളി, ബേബി ജോണ്‍, സിന്ദു ഫിലിപ്പ്, സിസ്റ്റർ സെബസ്റ്റീന, സിസ്റ്റർ നിഷ മരിയ, ഷീജ ഫ്രാൻസിസ്, അഷിഷ് തോമസ്, സഞ്ജു പള്ളിപ്പാടൻ, പി.എ. മാത്യു എന്നിവർ പ്രസംഗിച്ചു. പ്രതിഷേധ സദസ് സംഘടിപ്പിച്ചു സുൽത്താൻ ബത്തേരി: ഛത്തീസ്ഗഡിൽ സന്യസ്തരെ അറസ്റ്റു ചെയ്തതിനെതിരേ ബത്തേരി രൂപത എംസിഎ, എംസിഎംഎഫ്, എംസിവൈഎം സംഘടനകളുടെ ആഭിമുഖ്യത്തിൽ പ്രതിഷേധ സദസ് നടത്തി. ബത്തേരി പാസ്റ്ററൽ സെന്‍ററിൽ ബത്തേരി ബിഷപ് ഡോ. ജോസഫ് മാർ തോമസ് ഉദ്ഘാടനം ചെയ്തു. ഐ.സി. ബാലകൃഷ്ണൻ എംഎൽഎ മുഖ്യ പ്രഭാഷണം നടത്തി. ബത്തേരി നഗരസഭ ഡെപ്യൂട്ടി ചെയർപേഴ്സണ്‍ എൽസി പൗലോസ്, എംസിഎ രൂപതാ പ്രസിഡന്‍റ പ്രിൻസ് ഏബ്രഹാം എംസിവൈഎം രൂപത പ്രസിഡന്‍റ് എബി ഏബ്രഹാം, എംസിഎംഎഫ് രൂപത ഡയറക്ടർ ഫാ. വർഗീസ് മഠത്തിൽ, പി.എം. ജോയ്, സിസ്റ്റർ പ്രിൻസി മരിയ തുടങ്ങിയവർ പ്രസംഗിച്ചു. വൈദികരും സന്യസ്തരും അല്മായ നേതാക്കളും പൗര പ്രമുഖരും പ്രതിഷേധ സദസിൽ പങ്കെടുത്തു. മതേതര സങ്കൽപ്പത്തിന് വെല്ലുവിളി: എം.സി. സെബാസ്റ്റ്യൻ പുൽപ്പള്ളി: ഛത്തീസ്ഗഡിൽ നിരപരാധികളായ മലയാളി കന്യസ്ത്രീകളെ കള്ളക്കേസിൽ കുടുക്കി ജയിലിൽ അടച്ചത് ഇന്ത്യയുടെ മതേതര സങ്കൽപ്പങ്ങളോടുള്ള വെല്ലുവിളിയാണെന്ന് കേരള കോണ്‍ഗ്രസ് ജേക്കബ് വിഭാഗം സംസ്ഥാന വർക്കിംഗ് ചെയർമാൻ എം.സി. സെബാസ്റ്റ്യൻ. കേരളാ കോണ്‍ഗ്രസ് ജേക്കബ് വിഭാഗം ജില്ലാ കമ്മിറ്റിയുടെ നേതൃത്വത്തിൽ പുൽപള്ളിയിൽ സംഘടിപ്പിച്ച പ്രതിഷേധ സദസ് ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. ജില്ലാ പ്രസിഡന്‍റ് ബൈജു ഐസക് അധ്യക്ഷത വഹിച്ചു. ജില്ലാ സെക്രട്ടറി സജി കാപ്പംകുഴി, നിയോജക മണ്ഡലം പ്രസിഡന്‍റ് ടോമി സീതാമൗണ്ട്, മണ്ഡലം പ്രസിഡന്‍റ് പി.എ. ഡീവൻസ് എന്നിവർ പ്രസംഗിച്ചു. പ്രതിഷേധ റാലി നടത്തി തോമാട്ടുചാൽ: ഛത്തീസ്ഗഡിലെ ദുർഗിൽ കന്യാസ്ത്രീകളെ കള്ളക്കേസിൽ കുടുക്കി ജയിലിൽ അടച്ചതിൽ പ്രതിഷേധിച്ച് സെന്‍റ് തോമസ് ഇടവകയിലെ വിവിധ സംഘടനകളുടെ സംയുക്താഭിമുഖ്യത്തിൽ റാലി നടത്തി. വികാരി ഫാ.വിൻസന്‍റ് കളപ്പുര ഉദ്ഘാടനം ചെയ്തു. സാമൂഹിക സേവനവും കാരുണ്യപ്രവർത്തികളും മുഖമുദ്രയാക്കി മനുഷ്യരുടെ ഉന്നമനത്തിന് പ്രയത്നിക്കുന്ന കന്യാസ്ത്രീകളെ അറസ്റ്റ് ചെയ്തത് അന്യായമാണെന്ന് അദ്ദേഹം പറഞ്ഞു. ഇടവക ട്രസ്റ്റി ജോസഫ് പുളിക്കൽ അധ്യക്ഷത വഹിച്ചു. കത്തോലിക്ക കോണ്‍ഗ്രസ് രൂപത പ്രസിഡന്‍റ് ജോണ്‍സണ്‍ തൊഴുത്തുങ്കൽ മുഖ്യപ്രഭാഷണം നടത്തി. ജോയി വടക്കൂട്ട് ,ജിനു കിടങ്ങൂക്കാരൻ, അമൽ ജോണ്‍സ് തൊഴുത്തുങ്കൽ, വിനോദ് ചെറുപറന്പിൽ, മനോജ് കക്കുഴിയിൽ, ബീന നിരപ്പിൽ, സിസ്റ്റർ റാണി, ലിസി ചേറാടി, ടോമി തൊണ്ടംകുളം എന്നിവർ പ്രസംഗിച്ചു. കോണ്‍ഗ്രസ് പ്രതിഷേധസംഗമം നടത്തി കൽപ്പറ്റ: ഛത്തീസ്ഗഡിൽ കന്യാസ്ത്രീകളെ കള്ളക്കേസിൽ കുടുക്കി ജയിലിലടച്ച ഭരണകൂട ഭീകരതയിൽ പ്രതിഷേധിച്ച് കൽപ്പറ്റ, വൈത്തിരി ബ്ലോക്ക് കോണ്‍ഗ്രസ് കമ്മിറ്റികളുടെ നേതൃത്വത്തിൽ ടൗണിൽ സംഗമം നടത്തി. കെപിസിസി അംഗം പി.പി. ആലി ഉദ്ഘാടനം ചെയ്തു. കൽപ്പറ്റ ബ്ലോക്ക് കോണ്‍ഗ്രസ് കമ്മിറ്റി പ്രസിഡന്‍റ് ബി. സുരേഷ് ബാബു അധ്യക്ഷത വഹിച്ചു. എം.എ. ജോസഫ്, ബിനു തോമസ്, പോൾസണ്‍ കൂവക്കൽ, മാണി ഫ്രാൻസിസ്, ഒ.വി. റോയ്, മുഹമ്മദ് ബാവ, കെ.കെ. രാജേന്ദ്രേൻ, ഹർഷൽ കോന്നാടൻ, ആർ. ഉണ്ണിക്കൃഷ്ണൻ, കെ. അജിത, എസ്. മണി, ആയിഷ പള്ളിയാൽ,ഡിന്േ‍റാ ജോസ്, രാജു ഹെജമാടി, ശ്രീജ ബാബു, ജോണി നന്നാട്ട്, രമ്യ ജയപ്രസാദ്, എം.ബി. വിഷ്ണു എന്നിവർ പ്രസംഗിച്ചു. മുസ്ലിംലീഗ് പ്രകടനവും യോഗവും നടത്തി സുൽത്താൻ ബത്തേരി: ബിജെപി സർക്കാരുകളുടെ ക്രിസ്ത്യൻ, മുസ്ലിം, ദളിത് പീഡനത്തിനെതിരേ മുസ്ലിംലീഗ് നിയോജകമണ്ഡലം കമ്മിറ്റിയുടെ നേതൃത്വത്തിൽ നഗരത്തിൽ പ്രകടനവും യോഗവും നടത്തി. എം.എ. അസൈനാർ, പി.പി. അയ്യൂബ്, സി.കെ. ഹാരിഫ്, ഷബീർ അഹമ്മദ്, ഇബ്രാഹിം തൈത്തൊടി, സമദ് കണ്ണിയൻ, സി.കെ. മുസ്തഫ, അസീസ് വേങ്ങൂർ, റിയാസ് കൂടത്താൾ, ജലീൽ വാകേരി, അൻസാർ മണിച്ചിറ, റിയാസ് കല്ലുവയൽ, ഷബീർ കരടിപ്പാറ, നൗഷാദ് മംഗലശേരി എന്നിവർ നേതൃത്വം നൽകി.

മൈജി ഫ്യൂച്ചർ ഷോറൂം മാനന്തവാടിയിൽ പ്രവർത്തനമാരംഭിച്ചു

മാനന്തവാടി: വയനാട് ജില്ലയിലെ മാനന്തവാടിയിൽ പുതിയ മൈജി ഫ്യൂച്ചർ ഷോറൂമിന്‍റെ ഉദ്ഘാടനം പ്രശസ്ത സിനിമാതാരം മഞ്ജു വാര്യർ നിർവഹിച്ചു. മാനന്തവാടി, വീണ തീയറ്ററിന് സമീപം കളമ്പുകാട്ട് ബിൽഡിങ്ങിലാണ് വിശാലമായ ഷോറൂം പ്രവർത്തനം ആരംഭിച്ചത്. മൈജിക്ക് പുറമെ മാനന്തവാടിയിലെ രണ്ടാമത്തെ ഷോറൂമാണ് ഇത്. ഡിജിറ്റൽ ഗാഡ്ജറ്റ്സിനൊപ്പം ഹോം ആൻഡ് കിച്ചൺ അപ്ലയൻസസ്, സ്മോൾ അപ്ലയൻസസ്, ഗ്ലാസ് ആൻ‌ഡ് ക്രോക്കറി ഐറ്റംസ് എന്നിവ ഈ വിശാല ഷോറൂമിൽ ലഭ്യമാണ്. ആധുനികതയും ഗുണമേന്മയും ഒരുമിക്കുന്ന ഷോറൂമിൽ ഏറ്റവും മികച്ച ഓഫറുകളും ഏറ്റവും വലിയ വിലക്കുറവും ഉപഭോക്താക്കൾക്ക് ലഭ്യമാണ്. ഉദ്ഘാടന ദിനത്തിൽ ലാഭം ഈടാക്കാതെയുള്ള വിൽപനയാണ് മൈജി മാനന്തവാടിയ്ക്ക് സമ്മാനിച്ചത്. ഒപ്പം ഷോറൂം സന്ദർശിച്ചവർക്കും, പർച്ചേസ് ചെയ്തവർക്കും ഓരോ മണിക്കൂറിലും ടിവി, ഗ്യാസ് സ്റ്റൗ, ഹോം തീയറ്റർ, സ്മാർട്ട് വാച്ച്, വാഷിംഗ് മെഷീൻ, എയർ ഫ്രയർ തുടങ്ങിയ വില പിടിപ്പുള്ള സമ്മാനങ്ങൾ ലക്കി ഡ്രോയിലൂടെ സ്വന്തമാക്കാനുള്ള അവസരവും ഉണ്ടായിരുന്നു. കൂടാതെ ഉദ്ഘാടനത്തോടനുബന്ധിച്ച് ഉല്പന്നത്തിന്റെ 6% മുതൽ 100 % വരെ വില ഉപഭോക്താവിന് തിരിച്ചു നൽകിയ ബോൾ ഗെയിമും ഉണ്ടായിരുന്നു.

ജില്ലാ നിക്ഷേപ സംഗമം നടത്തി

കൽപ്പറ്റ: വയനാടെന്ന പേര് കൊണ്ട് ഉത്പാദന, വിപണന രംഗത്ത് മികച്ച സാധ്യതകളുണ്ടെന്ന് ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ. ജില്ലാ വ്യവസായ കേന്ദ്രത്തിന്‍റെ ആഭിമുഖ്യത്തിൽ മുട്ടിൽ എം.എ ഓഡിറ്റോറിയത്തിൽ സംഘടിപ്പിച്ച ജില്ലാതല നിക്ഷേപക സംഗമം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. നിക്ഷേപങ്ങൾക്ക് കൂടുതൽ സാധ്യതയുള്ള സ്ഥലമാണ് വയനാട്. അത് പൂർണാർത്ഥത്തിൽ ഉപയോഗപ്പെടുത്താൻ സാധിച്ചിട്ടുണ്ടോയെന്ന് പരിശോധിക്കണം. വയനാടിന്‍റെ പേരിന് നല്ല വിപണിമൂല്യമുണ്ട്. എന്നാൽ എത്ര പേർക്ക് ഈ മൂല്യം ഉപയോഗപ്പെടുത്താൻ കഴിയുന്നുണ്ടെന്ന് ആലോചിക്കണമെന്നും അദ്ദേഹം പറഞ്ഞു. വയനാടെന്ന ബ്രാന്‍റ് ഉപയോഗപ്പെടുത്തി പൊതു വിപണിയിൽ കാപ്പിക്കും മഞ്ഞളിനും വിജയമുണ്ടാക്കാൻ സാധിച്ചു. കാലത്തിനനുസരിച്ച് വ്യവസായ സംരംഭങ്ങളിലും മാർക്കറ്റിംഗ് മേഖലകളിലും മാറ്റം വരുത്താൻ സംരംഭകർ തയാറാകണം. മുട്ടിൽ ഗ്രാമപ്പഞ്ചായത്ത് പ്രസിഡന്‍റ് ശ്രീദേവി ബാബു അധ്യക്ഷത വഹിച്ചു. പരിപാടിയിൽ ജില്ലാ വ്യവസായ കേന്ദ്രം ജനറൽ മാനേജർ ബി. ഗോപകുമാർ, മുട്ടിൽ ഗ്രാമപഞ്ചായത്ത് അംഗം ബി. മുഹമ്മദ് ബഷീർ, ജില്ലാ ലീഡ് ബാങ്ക് മാനേജർ ടി.എം. മുരളീധരൻ, ജില്ലാ ഇൻഫർമേഷൻ ഓഫീസർ പി. റഷീദ് ബാബു, ജില്ലാ വ്യവസായ കേന്ദ്രം ഡെപ്യൂട്ടി രജിസ്ട്രാർ പി.എസ്. കലാവതി, ഉപജില്ലാ വ്യവസായ ഓഫീസർ എൻ. അയ്യപ്പൻ എന്നിവർ പ്രസംഗിച്ചു.

മേരിമാതാ കോളജിൽ ബിരുദ സർട്ടിഫിക്കറ്റ് വിതരണം നടത്തി

മാനന്തവാടി: മേരിമാതാ കോളജിൽ 2024-25 അധ്യയനവർഷം ബിരുദ, ബിരുദാനന്തരബിരുദ കോഴ്സുകൾ വിജയകരമായി പൂർത്തിയാക്കിയ വിദ്യാർഥികളുടെ സർട്ടിഫിക്കറ്റ് വിതരണം നടത്തി. വിവിധ ഗവേഷണ വകുപ്പുകളിൽ പിഎച്ച്ഡി ഗവേഷണം പൂർത്തിയാക്കിയവരെ അനുമോദിച്ചു. കോളജിലെ എട്ട് ഡിപ്പാർട്മെന്‍റുകളിലെ വിദ്യാർഥികൾ സർട്ടിഫിക്കറ്റുകൾ സ്വീകരിച്ചു. കോളജ് മാനേജർ മോണ്‍.ഡോ.പോൾ മുണ്ടോളിക്കൽ അധ്യക്ഷത വഹിച്ചു. കേരള വെറ്ററിനറി ആൻഡ് അനിമൽ സയൻസസ് യൂണിവേഴ്സിറ്റി വൈസ് ചാൻസലർ പ്രഫ.ഡോ.കെ.എസ്. അനിൽ മുഖ്യാതിഥിയായി. സർട്ടിഫിക്കറ്റ് വിതരണം അദ്ദേഹം നിർവഹിച്ചു. വിദ്യാഭ്യാസ മേഖല നേരിടുന്ന പ്രശ്നങ്ങൾ നേരിടുന്നതിൽ വിദ്യാർഥി സമൂഹത്തിനുള്ള പങ്കിനെക്കുറിച്ച് പ്രഫ.ഡോ.കെ.എസ്. അനിൽ വിശദീകരിച്ചു. കഠിന പ്രയത്നത്തിലൂടെ നേടിയ അറിവ് സമൂഹനൻമയ്ക്ക് വിനിയോഗിക്കണമെന്ന് ആഹ്വാനം ചെയ്തു. കണ്ണൂർ യൂണിവേഴ്സിറ്റി സിൻഡിക്കറ്റ് അംഗം പ്രഫ.ഡോ.തോമസ് മോണോത്ത്, അസോസിയേറ്റ് മാനേജർ ഫാ.സിബിച്ചൻ ചേലക്കപ്പിള്ളിൽ, പ്രിൻസിപ്പൽ ഡോ.ഗീത ആന്‍റണി പുല്ലൻ, യൂണിയൻ അഡ്വൈസർ ഡോ.ടി.ഇ. ജിഷ എന്നിവർ പ്രസംഗിച്ചു. 1995ൽ മനന്തവാടി രൂപതയ്ക്കു കീഴിൽ ആരംഭിച്ചതാണ് മേരിമാതാ കോളജ്.

കടമാൻതോട് പദ്ധതി: ബഹുജന കണ്‍വൻഷൻ നടത്തി

പുൽപ്പള്ളി: കടമാൻതോട് ജലസേചന പദ്ധതി നടപ്പാക്കാനുള്ള നീക്കത്തിൽനിന്നു സർക്കാർ പിൻമാറണമെന്ന് സേവ് പുൽപ്പള്ളിയുടെ നേതൃത്വത്തിൽ നടത്തിയ ബഹുജന കണ്‍വൻഷൻ ആവശ്യപ്പെട്ടു. നൂറുകണക്കിന് കുടുംബങ്ങളെ കുടിയൊഴിയാൻ നിർബന്ധിതമാക്കുന്ന പദ്ധതി ഉപേക്ഷിക്കാൻ സർക്കാർ തയാറാകുന്നില്ലെങ്കിൽ ശക്തമായ സമരം സംഘടിപ്പിക്കാൻ തീരുമാനിച്ചു. വൻതുക നഷ്ടപരിഹാരം ലഭിക്കുമെന്ന പ്രലോഭനത്തിൽപ്പെടുത്തി ജനങ്ങളെ ഭിന്നിപ്പിക്കാനും നേട്ടമുണ്ടാക്കാനും ചിലർ ശ്രമിക്കുകയാണെന്ന് കുറ്റപ്പെടുത്തി. നിർദിഷ്ട പദ്ധതി പ്രദേശത്തെ നൂറുകണക്കിന് സ്ത്രീകളും കുട്ടികളുമടക്കം പങ്കെടുത്തു. എൻ.യു. ഇമ്മാനുവൽ ഉദ്ഘാടനം ചെയ്തു. ബേബി തയ്യിൽ അധ്യക്ഷത വഹിച്ചു. സിജേഷ് ഇല്ലിക്കൽ, പഞ്ചായത്തംഗം അനുമോൾ ദിപേഷ്, തിരുഹൃദയ ദേവാലയ വികാരി ഫാ.ജോഷി പുൽപ്പയിൽ, വ്യാപാരി വ്യവസായി ഏകോപന സമിതി യൂണിറ്റ് പ്രസിഡന്‍റ് മാത്യു മത്തായി ആതിര, കെ.എൽ. ജോണി, ശ്രീജ സോയി, ബിജു പുലരി, സതീഷ് മീനംകൊല്ലി എന്നിവർ പ്രസംഗിച്ചു.

പാൽ സംഭരണവില: ക്ഷീര കർഷകർ മാർച്ചും ധർണയും നടത്തി

കൽപ്പറ്റ: പാൽ സംഭരണവില ലിറ്ററിന് 70 രൂപയാക്കുക, കലഹരണപ്പെട്ട ചാർട്ട് പരിഷ്കരിക്കുക, അളക്കുന്ന പാലിന് ആനുപതികമായി സബ്സിഡികൾ ബാങ്ക് വഴി നേരിട്ട് നൽകുക തുടങ്ങിയ ആവശ്യങ്ങൾ ഉന്നയിച്ച് മലബാർ ഡയറി ഫാർമേഴ്സ് അസോസിയേഷൻ ജില്ലാ കമ്മിറ്റിയുടെ നേതൃത്വത്തിൽ ക്ഷീര കർഷകർ മിൽമ ചുഴലി പ്ലാന്‍റിലേക്ക് മാർച്ചും തുടർന്ന് ധർണയും നടത്തി. ചുങ്കം പരിസരത്ത് ആരംഭിച്ച മാർച്ചിൽ നൂറകണക്കിന് കർഷകർ അണിനിരന്നു. ധർണ അസോസിയേഷൻ സംസ്ഥാന വർക്കിംഗ് പ്രസിഡന്‍റ് എം.ആർ. ജനകൻ ഉദ്ഘടനം ചെയ്തു. ജില്ലാ പ്രസിഡന്‍റ് മത്തായി പുള്ളോർക്കുടി അധ്യക്ഷത വഹിച്ചു. സംസ്ഥാന ട്രഷറർ ലില്ലി മാത്യു എന്നിവർ പ്രസംഗിച്ചു. ജില്ലാ സെക്രട്ടറി കെ.സി. അന്നമ്മ സ്വാഗതവും ജോയിന്‍റ് സെക്രട്ടറി വിനീത് നന്ദിയും പറഞ്ഞു.

അന്പലവയലിനെ അവൊക്കാഡോ നഗരമായി പ്രഖ്യാപിച്ചു

കൽപ്പറ്റ:അന്പലവയലിൽ മേഖല കാർഷിക ഗവേഷണ കേന്ദ്രം, വയനാട് ഹിൽസ് ഫാർമേഴ്സ് പ്രൊഡ്യൂസർ കന്പനി, കിസാൻ സർവീസ് സൊസൈറ്റി എന്നിവ സംയുക്തമായി ദ്വിദിന അവൊക്കാഡോ ഫെസ്റ്റ് നടത്തി. കൃഷി മന്ത്രി പി. പ്രസാദ് ഓണ്‍ലൈനിൽ ഉദ്ഘാടനം ചെയ്തു. അന്പലവയലിനെ അവൊക്കാഡോ നഗരമായി അദ്ദേഹം പ്രഖ്യാപിച്ചു. ഐ.സി. ബാലകൃഷ്ണൻ എംഎൽഎ അധ്യക്ഷത വഹിച്ചു. കേരള കാർഷിക സർവകലാശാല വൈസ് ചാൻസലർ ബി. അശോക് ഓണ്‍ലൈനിൽ മുഖ്യപ്രഭാഷണം നടത്തി. ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ സ്റ്റാളുകളുടെ ഉദ്ഘാടനം നിർവഹിച്ചു. പഞ്ചായത്ത് പ്രസിഡന്‍റ് സി.കെ. ഹഫ്സത്ത്, വൈസ് പ്രസിഡന്‍റ് കെ. ഷമീർ, വികസനകാര്യ സ്റ്റാൻഡിംഗ് കമ്മിറ്റി ചെയർപേഴ്സണ്‍ ജസി ജോർജ്, വാർഡ് അംഗം എം.എ. ഷിഫാനത്ത്, കിസാൻ സർവീസ് സൊസൈറ്റി നാഷണൽ ജനറൽ സെക്രട്ടറി സുരേഷ്, വ്യാപാരി വ്യവസായി ഏകോപന സമിതി യൂണിറ്റ് പ്രസിഡന്‍റ് ഒ.വി. വർഗീസ് എന്നിവർ പ്രസംഗിച്ചു. സർവകലാശാല വിജ്ഞാന വ്യാപന വിഭാഗം മേധാവി ഡോ.ബിനോ പി. ബോണി സ്വാഗതവും കാർഷിക ഗവേഷണ കേന്ദ്രം എഡിആർ ആൻഡ് ഡീൻ ഡോ.സി.കെ. യാമിനി വർമ നന്ദിയും പറഞ്ഞു. സെമിനാറുകൾ, കർഷകരും ശാസ്ത്രജ്ഞരും പങ്കെടുത്ത ചർച്ചകൾ, മത്സരങ്ങൾ എന്നിവ ഫെസ്റ്റിന്‍റെ ഭാഗമായിരുന്നു. കൃഷി, സംസ്കരണം, മൂല്യവർധനവ്, വിപണനം എന്നീ മേഖലകളിൽ നൂതന സാധ്യതകൾ പ്രയോജനപ്പെടുത്തി വയനാടൻ അവൊക്കാഡോ ലോകശ്രദ്ധയിൽ എത്തിക്കുന്നതിനുള്ള കർമപദ്ധതികൾക്ക് രൂപം നൽകി. അവൊക്കാഡോ ഫെസ്റ്റിനെതിരേ ബിജെപി; കേന്ദ്ര ഫണ്ട് തട്ടാൻ ശ്രമമെന്ന് ആരോപണം കൽപ്പറ്റ: അന്പലവയലിൽ മേഖലാ കാർഷിക ഗവേഷണ കേന്ദ്രം, പഞ്ചായത്ത്, ഹിൽ ഫാർമേഴ്സ് പ്രൊഡ്യൂസേഴ്സ് കന്പനി എന്നിവ സംയുക്തമായി സംഘടിപ്പിച്ച അവൊക്കാഡോ ഫെസ്റ്റിനെതിരേ ബിജെപി. കേന്ദ്ര കൃഷി മന്ത്രാലയത്തിൽ പദ്ധതികൾ സമർപ്പിച്ച് കോടികൾ തട്ടാനുള്ള ശ്രമമാണ് ഫെസ്റ്റിനു മറവിൽ നടത്തുന്നതെന്നു ബിജെപി ബത്തേരി നിയോജകമണ്ഡലം പ്രസിഡന്‍റ് എ.എസ്. കവിത, അന്പലവയൽ പഞ്ചായത്ത് കമ്മിറ്റി പ്രസിഡന്‍റ് കെ. പുരുഷോത്തമൻ, എം.ടി. അനിൽ, എൻ. പ്രദീപ്, കെ.ആർ. ഷിനോജ്, സിന്ധു ഇലഞ്ഞിക്കൽ എന്നിവർ വാർത്താസമ്മേളനത്തിൽ ആരോപിച്ചു. ജില്ലയിൽ സുലഭമായ ചക്ക, എത്തക്ക എന്നിവയിൽനിന്നു മൂല്യവർധിത ഉത്പന്നങ്ങൾ തയാറാക്കി വിപണനം ചെയ്യുന്നതിന് പദ്ധതി നടപ്പാക്കിയിരുന്നു. ഇപ്പോൾ യന്ത്രങ്ങളടക്കം നാശം നേരിടുകയാണ്. മേഖലാ ഗവേഷണ കേന്ദ്രത്തിൽ നടത്തിയിരുന്ന ചക്ക മഹോത്സവം രണ്ടുവർഷമായി നടത്തുന്നില്ല. ഗവേഷണ കേന്ദ്രം മുഖേന ജില്ലയിൽ പൂക്കൃഷി പദ്ധതിയും നടപ്പാക്കിയിരുന്നു. ജില്ലയുടെ വിവിധ ഭാഗങ്ങളിൽ നിരവധി കർഷകരെ പൂക്കൃഷിയിലേക്ക് കൊണ്ടുവന്നെങ്കിലും പദ്ധതിക്ക് തുടർച്ചയുണ്ടായില്ല. പൂക്കൃഷിക്ക് ഇറങ്ങിത്തിരിച്ചവർക്കെല്ലാം തിക്താനുഭവമാണ് ഉണ്ടായത്. ഈ പശ്ചാത്തലത്തിലാണ് അവൊക്കാഡോ ഫെസ്റ്റ് നടത്തുന്നത്. അവൊക്കാഡോ കൃഷി, സംസ്കരണം, വിപണനം എന്നിവയുടെ പേരിൽ കേന്ദ്ര ഫണ്ട് തട്ടിയെടുക്കാൻ അനുവദിക്കില്ല. ഫണ്ട് തട്ടിയെടുക്കാൻ നടക്കുന്ന നീക്കം സംബന്ധിച്ച് കേന്ദ്ര കൃഷി മന്ത്രാലയത്തിന് ബിജെപി കത്ത് നൽകുമെന്നും ഭാരവാഹികൾ പറഞ്ഞു.

390 ഗ്രാം കഞ്ചാവുമായി പിടിയിൽ

കാട്ടിക്കുളം: 390 ഗ്രാം കഞ്ചാവുമായി ബസ് യാത്രക്കാരൻ പിടിയിൽ. വടകര തളിക്കര ഈയരത്ത് നൗഫലിനെയാണ്(42)മാനന്തവാടി എക്സൈസ് റേഞ്ച് ഇൻസ്പെക്ടർ എസ്.ബി. അർജുൻവൈശാഖിന്‍റെ നേതൃത്വത്തിൽ കഴിഞ്ഞ ദിവസം ബാവലിയിൽനിന്നു അറസ്റ്റു ചെയ്തത്. മൈസൂരുവിൽനിന്നു മാനന്തവാടിക്കു വരികയായിരുന്ന ബസിലെ യാത്രക്കാരനായിരുന്നു നൗഫൽ. ബസിൽ പരിശോധനയിലാണ് ഇയാളുടെ കൈവശം കഞ്ചാവ് കണ്ടെത്തിയത്. അസിസ്റ്റന്‍റ് എക്സൈസ് ഇൻസ്പെക്ടർമാരായ(ഗ്രേഡ്) വി. രാജേഷ്, സുരേഷ് വെങ്ങാലിക്കുന്നേൽ, പ്രിവന്‍റീവ് ഓഫീസർമാരായ പി. കൃഷ്ണൻകുട്ടി, കെ.കെ. അജയകുമാർ, എ.എസ്. അനീഷ്, പി.ആർ. വിനോദ്, സിവിൽ എക്സൈസ് ഓഫീസർമാരായ കെ എം. മഹേഷ്, വിജേഷ്കുമാർ,സ്റ്റാലിൻ വർഗീസ്, കെ. സജിലാഷ്, വനിതാ സിവിൽ എക്സൈസ് ഓഫീസർ അതുല്യ റോസ്, സിവിൽ എക്സൈസ് ഓഫീസർ ഡ്രൈവർ കെ. പ്രസാദ് എന്നിവരും പരിശോധനയിൽ പങ്കെടുത്തു.

ഗ്രീൻ ഡ്രീംസ് പദ്ധതിക്കു തുടക്കമായി

കൽപ്പറ്റ: ഒയിസ്ക ഇന്‍റർനാഷണൽ ചാപ്റ്റർ അന്പലവയൽ ആമീസ് ഗാർഡൻസുമായി സഹകരിച്ച് ഗ്രീൻ ഡ്രീംസ് എന്ന പേരിൽ സ്കൂളുകളിൽ നടത്തുന്ന പരിസ്ഥിതി, കാർഷിക ബോധവത്കരണ പദ്ധതിക്കു തുടക്കമായി. കാക്കവയൽ ഗവ.ഹയർ സെക്കൻഡറി സ്കൂളിൽ കൃഷി അസിസ്റ്റന്‍റ് ഡയറക്ടർ മുഹമ്മദ് ഷഫീഖ് ഉദ്ഘാടനം ചെയ്തു. ചാപ്റ്റർ പ്രസിഡന്‍റ് ഡോ.എ.ടി. സുരേഷ് അധ്യക്ഷത വഹിച്ചു. വൈസ് പ്രസിഡന്‍റ് ലൗലി അഗസ്റ്റിൻ പദ്ധതി വിശദീകരണം നടത്തി. ഹെഡ്മാസ്റ്റർ കെ.എം. മണി, ബിനീഷ് ഡൊമിനിക്, പ്രഫ.പി. കബീർ, സി. ജയരാജൻ, കെ.ഐ. വർഗീസ്, അനീഷ് ജോസഫ് കെ.വി. ദേവപ്രിയ, എൽദോ ഫിലിപ്പ് എന്നിവർ പ്രസംഗിച്ചു. 10 സ്കൂളുകളിലാണ് ഈ വർഷം പദ്ധതി നടപ്പാക്കുന്നത്. ഗ്രോ ബാഗുകളും തൈകളും വിദ്യാർഥികൾക്ക് നൽകി സ്കൂളിൽ പച്ചക്കറി ഉത്പാദിപ്പിക്കുകയും അതുവഴി കാന്പസ് കാർബണ്‍ തുലിതമാക്കുകയുമാണ് പദ്ധതി ലക്ഷ്യം. കൃഷി വകുപ്പാണ് സാങ്കേതിക സഹായം നൽകുന്നത്.

ജനറൽ ആശുപത്രിക്ക് ഉപകരണങ്ങൾ നൽകി

കൽപ്പറ്റ: കേരള സ്ക്രാപ്പ് മർച്ചന്‍റ്സ് അസോസിയേഷൻ സ്ഥാപകദിനാഘോഷത്തിന്‍റെ ഭാഗമായി കൈനാട്ടി ജനറൽ ആശുപത്രിക്ക് വീൽചെയറുകൾ, ഫാനുകൾ, വേസ്റ്റ് ബിന്നുകൾ എന്നിവ നൽകി. ആശുപത്രി ഡെപ്യൂട്ടി സൂപ്രണ്ട് വി.ഡി. ജോസഫിനു വീൽചെയർ കൈമാറി പോലീസ് ഇൻസ്പെക്ടർ വി.യു. ജയപ്രകാശ് ഉദ്ഘാടനം ചെയ്തു. അസോസിയേഷൻ ജില്ലാ വൈസ് പ്രസിഡന്‍റ് ടി.പി. ലത്തീഫ് അധ്യക്ഷത വഹിച്ചു. രക്ഷാധികാരി ടി. അബ്ദുൾ നാസർ, വർക്കിംഗ് പ്രസിഡന്‍റ് കെ.വി. ഹാരിസ്, എം.എച്ച്. അഷ്കർ, ഹനീഫ കൽപ്പറ്റ, റിയാസ് ചീരാൽ, കനകൻ വൈത്തിരി, കെ.പി. ഹാരിസ്, കെ.ബി. ആരിഫ് തുടങ്ങിയവർ പങ്കെടുത്തു. അസോസിയേഷൻ ജില്ലാ സെക്രട്ടറി പ്രജീഷ് കുമാർ സ്വാഗതം പറഞ്ഞു.

വീട് ചോർന്നൊലിക്കുന്നവർക്ക് താത്കാലിക ഷെഡ് നിർമാണത്തിന് കിറ്റ് നൽകി

മാനന്തവാടി: വീട് ചോർന്നൊലിക്കുന്നതുമൂലം പ്രയാസം അനുഭവിക്കുന്നവർക്ക്് താത്കാലിക ഷെഡ് നിർമിക്കുന്നതിന് ഹാബിറ്റാറ് ഇന്‍റർനാഷണലും വയനാട് സോഷ്യൽ സർവീസ് സൊസൈറ്റിയും ചേർന്ന് കിറ്റ് വിതരണം ചെയ്തു. രണ്ട് ടാർപോളിൻ ഷീറ്റ്, തറയിൽ വിരിക്കുന്ന പ്ലാസ്റ്റിക് ഷീറ്റ്, കയർ, കെട്ടുകന്പി, ആണി, വാഷർ, ചുറ്റിക, പ്ലെയർ, തൂന്പ എന്നിവ അടങ്ങിയ 522 കിറ്റാണ് വിതരണം ചെയ്തത്. ചോയിമൂലയിൽ തവിഞ്ഞാൽ പഞ്ചായത്ത് പ്രസിഡന്‍റ് എൽസി ജോയി ഉദ്ഘാടനം ചെയ്തു. സൊസൈറ്റി എക്സിക്യുട്ടീവ് ഡയറക്ടർ ഫാ.ജിനോജ് പാലത്തടത്തിൽ അധ്യക്ഷത വഹിച്ചു. ഹാബിറ്റാറ് ഇന്‍റർനാഷണൽ സൗത്ത് റീജിയണൽ ഡയറക്ടർ ജോർജ് കുര്യൻ പദ്ധതി വിശദീകരണം നടത്തി. സൊസൈറ്റി പ്രോഗ്രാം ഓഫീസർ പി.എ. ജോസ്, വാർഡ് അംഗം ലൈജി തോമസ്, സ്റ്റാഫ് സെക്രട്ടറി ചിഞ്ചു മരിയ പീറ്റർ എന്നിവർ പ്രസംഗിച്ചു. ചോയിമൂല, കുറുമണി, എടപ്പെട്ടി, കമ്മന, കല്ലോടി, താഴെയങ്ങാടി, കുറുക്കൻമൂല, ഗോദാവരി, പാത്രച്ചാൽ, എള്ളുമന്ദം, തൃശിലേരി, പേരിയ, പോരൂർ, പുൽപ്പള്ളി, തവിഞ്ഞാൽ എന്നിവിടങ്ങളിലും കിറ്റ് വിതരണം നടന്നു. ഹാബിറ്റാറ്റ് ഫിനാൻസ് മാനേജർ ചിന്നദുരൈ, പ്രോജക്ട് കോഓർഡിനേറ്റർ രവികുമാർ, പ്രോഗ്രാം കോ ഓർഡിനേറ്റർമാരായ റോബിൻ ജോസഫ്, ദീപു ജോസഫ്, ജാൻസി ജിജോ, കെവിൻ സുനിൽ, റീജിയണൽ കോഓർഡിനേറ്റർമാരായ ആലിസ് സിസിൽ, ബിൻസി വർഗീസ്, ലിജ കുര്യാക്കോസ്, ജിനി ഷിനു, മൈസൂരു സെന്‍റ് ഫിലോമിനാസ് കോളജ്, അങ്കമാലി ഡീ പോൾ ഇൻസ്റ്റിറ്റ്യൂട്ട് ഓഫ് സോഷ്യൽ സയൻസ് ആൻഡ് ടെക്നോളജി എന്നിവിടങ്ങളിൽനിന്നുള്ള സോഷ്യൽ വർക്ക് വിദ്യാർഥികളായ ആൻ മേരി, ക്രിസ്റ്റീന, ട്രീസ സെബാസ്റ്റ്യൻ എന്നിവർ വിവിധ സ്ഥലങ്ങളിൽ നേതൃത്വം നൽകി.

കന്യാസ്ത്രീകളുടെ അറസ്റ്റിൽ അലയടിച്ച് പ്രതിഷേധം

അറസ്റ്റ് അപലപനീയം: കെസിവൈഎം മാനന്തവാടി: ഛത്തീസ്ഗഡിലെ ദുർഗിൽ മനുഷ്യക്കടത്ത് ആരോപിച്ച് രണ്ട് മലയാളി കന്യാസ്ത്രീകളെ അറസ്റ്റുചെയ്തത് അങ്ങേയറ്റം അപലപനീയവും പ്രതിഷേധാർഹവുമാണെന്ന് കെസിവൈഎം മാനന്തവാടി രൂപത സമിതി അഭിപ്രായപ്പെട്ടു. അസീസി സിസ്റ്റേഴ്സ് ഓഫ് മേരി ഇമ്മാക്കുലേറ്റ് സന്യാസിനീസമൂഹത്തിലെ അംഗങ്ങളായ സിസ്റ്റർ വന്ദന ഫ്രാൻസിസ്, സിസ്റ്റർ പ്രീതി മേരി എന്നിവരെയാണ് ബജ്റംഗ്ദൾ പ്രവർത്തകരുടെ സമ്മർദത്തെത്തുടർന്ന് അറസ്റ്റുചെയ്തത്. ഇത് ജനാധിപത്യ രാജ്യത്തിന് നാണക്കേടാണ്. രാജ്യത്ത് ക്രൈസ്തവ ന്യൂനപക്ഷങ്ങൾക്കെതിരേ വർധിക്കുന്ന അസഹിഷ്ണുതയുടെയും വേട്ടയാടലിന്‍റെയും ഒടുവിലത്തെ ഉദാഹരണമാണ് ദുർഗിൽ കണ്ടത്. പാവപ്പെട്ടവർക്കും പാർശ്വവത്കരിക്കപ്പെട്ടവർക്കുംവേണ്ടി ജീവിതം ഉഴിഞ്ഞുവച്ച കന്യാസ്ത്രീകളെ യാതൊരു തെളിവുമില്ലാതെ ഗുരുതര കുറ്റം ചുമത്തി അറസ്റ്റുചെയ്ത് ജയിലിൽ അടച്ചത് അടിയന്തരാവസ്ഥയെ അനുസ്മരിപ്പിക്കുന്നതാണ്. റെയിൽവേ സ്റ്റേഷനിൽ ബജ്റംഗ്ദൾ പ്രവർത്തകർ കന്യാസ്ത്രീകളെ തടഞ്ഞുവയ്ക്കുകയും ഭീഷണിപ്പെടുത്തുകയും ചെയ്തപ്പോൾ സംരക്ഷണം നൽകേണ്ട പോലീസ് അക്രമികൾക്ക് കൂട്ടുനിൽക്കുകയാണുണ്ടായത്. നിരപരാധികളായ കന്യാസ്ത്രീകളെ എത്രയും വേഗം മോചിപ്പിക്കാനും അവർക്കെതിരായ വ്യാജക്കേസ് പിൻവലിക്കാനും കേന്ദ്ര, ഛത്തീസ്ഗഡ് സർക്കാരുകൾ തയാറാകണം. ഇത്തരം സംഭവങ്ങൾ ആവർത്തിക്കില്ലെന്നു ഉറപ്പുവരുത്തണമെന്നും യോഗം ആവശ്യപ്പെട്ടു. പ്രസിഡന്‍റ് ബിബിൻ പിലാപ്പിള്ളിൽ അധ്യക്ഷത വഹിച്ചു. ഡയറക്ടർ ഫാ.സാന്‍റോ അന്പലത്തറ, വൈസ് പ്രസിഡന്‍റ് ആഷ്ന പാലാരക്കുന്നേൽ, ജനറൽ സെക്രട്ടറി വിമൽ കൊച്ചുപുരയ്ക്കൽ, സെക്രട്ടറി ഡ്യൂണ മരിയ കിഴക്കേമണ്ണൂർ, ട്രഷറർ നവീൻ ജോസ് പുലകുടിയിൽ, ആനിമേറ്റർ സിസ്റ്റക് റോസ് ടോം എസ്എബിഎസ് എന്നിവർ പ്രസംഗിച്ചു. പ്രതിഷേധ സദസ് സംഘടിപ്പിച്ചു ദ്വാരക: കെസിവൈഎം മാനന്തവാടി രൂപത സമിതിയുടെ നേതൃത്വത്തിൽ നാലാംമൈലിൽ പ്രതിഷേധസദസ് സംഘടിപ്പിച്ചു. ഛത്തീസ്ഗഡിൽ മലയാളി കന്യാസ്ത്രീകളെ അന്യായമായി അറസ്റ്റ് ചെയ്തതിനെതിരേയായിരുന്നു പരിപാടി. ദ്വാരക ഫൊറോന വികാരി ഫാ.ബാബു മൂത്തേടത്ത് ഉദ്ഘാടനം ചെയ്തു. കെസിവൈഎം രൂപത പ്രസിഡന്‍റ് ബിബിൻ പിലാപ്പിള്ളിൽ അധ്യക്ഷത വഹിച്ചു. മുൻ പ്രസിഡന്‍റ് സജിൻ ചാലിൽ മുഖ്യപ്രഭാഷണം നടത്തി. എകെസിസി രൂപത വൈസ് പ്രസിഡന്‍റ് റെനിൻ കഴുതാടിയിൽ, സന്യസ്ത സമൂഹങ്ങളുടെ പ്രതിനിധി സിസ്റ്റർ ജസി പോൾ എസ്എച്ച്, കെസിവൈഎം രൂപത സെക്രട്ടേറിയറ്റ്, സിൻഡിക്കറ്റ് അംഗങ്ങൾ എന്നിവർ പ്രസംഗിച്ചു. കെസിവൈഎം രൂപത സെക്രട്ടറി ഡ്യൂണ മരിയ കിഴക്കേമണ്ണൂർ സ്വാഗതം പറഞ്ഞു. വിവിധ ഇടവകകളിൽനിന്നുള്ള വൈദികർ, സന്യസ്തർ, അൽമായ പ്രതിനിധികൾ, പ്രദേശവാസികൾ എന്നിവരടക്കം മുന്നൂറിലധികം പേർ പങ്കെടുത്തു. കെസിവൈഎം, ചെറുപുഷ്പ മിഷൻലീഗ്, എകെസിസി, മാതൃവേദി തുടങ്ങിയ സംഘടനകളുടെ ഭാരവാഹികളും പ്രവർത്തകരും നേതൃത്വം നൽകി. മലങ്കര കാത്തലിക് അസോസിയേഷൻ മാനന്തവാടി: ഛത്തീസ്ഗഡിൽ കന്യസ്ത്രീകളെ അന്യായമായി അറസ്റ്റുചെയ്ത് തടവിൽ പാർപ്പിച്ചതിൽ എംസിഎ മാനന്തവാടി മേഖലാ സമിതി പ്രതിഷേധിച്ചു. മേഖല പ്രസിഡന്‍റ് ഫിലിപ്പ് ജോർജ് കൊട്ടക്കാട്ടിൽ അധ്യക്ഷത വഹിച്ചു. വൈദിക ഉപദേഷ്ടാവ് ഫാ.ജോണ്‍ പനച്ചിപ്പറന്പിൽ, മേഖല ജനറൽ സെക്രട്ടറി ഷിന്ദു ഫിലിപ്പ്, ട്രഷറർ ജയിംസ് പലവിള, ജോയിന്‍റ് സെക്രട്ടറി പ്രകാശ് കൊയിലേരി എന്നിവർ പ്രസംഗിച്ചു. എംസിഎ വൈദിക ജില്ല പുൽപ്പള്ളി: ഛത്തീസ്ഗഡിൽ മനുഷ്യക്കടത്ത് ആരോപിച്ച് കന്യാസ്ത്രീകളെ അറസ്റ്റുചെയ്തതിൽ എംസിഎ വൈദിക ജില്ല പ്രതിഷേധിച്ചു. വികാരി ഫാ. ചാക്കോ ചേലന്പറന്പത്ത്, വൈദിക ഉപദേഷ്ടാവ് മാത്യു മുണ്ടക്കൊടിയിൽ കോർഎപ്പിസ്കോപ്പ, വത്സ ചാക്കോ, പി.ഒ. ജോയി, സി.ജെ. അജോയ്, ഷാജി ചെതലയം, ഷോബിൻ മാത്യു, ബേബി മാരിക്കുടി എന്നിവർ പ്രസംഗിച്ചു. മാതൃവേദി തരിയോട് മേഖല സമിതി തരിയോട്: ഛത്തീസ്ഗഡിൽ മലയാളികളായ കന്യാസ്ത്രീകളെ അറസ്റ്റുചെയ്യുകയും മർദിക്കുകയും ചെയ്ത സംഭവം ലോകം മുഴുവനുമുള്ള ക്രിസ്തുമത വിശ്വാസികളെ ഞെട്ടിക്കുന്നതാണെന്ന് മാതൃവേദി മേഖല സമിതി അഭിപ്രായപ്പെട്ടു. നിഗൂഢലക്ഷ്യങ്ങളോടെ കന്യാസ്ത്രീകൾക്കുനേരേ നടത്തുന്ന അക്രമങ്ങൾ നാടിന് ആപത്താണ്. സംഭവത്തിൽ നീതിപൂർവമായ അന്വേഷണം നടത്തി കുറ്റക്കാരെ ശിക്ഷിക്കണം. ഇത്തരം സംഭവങ്ങൾ ആവർത്തിക്കില്ലെന്നു ഉത്തരവാദപ്പെട്ടവർ ഉറപ്പുവരുത്തണമെന്നും യോഗം ആവശ്യപ്പെട്ടു. പ്രസിഡന്‍റ് ആനിയമ്മ ജോർജ് അധ്യക്ഷത വഹിച്ചു. ആനിമേറ്റർ സിസ്റ്റർ അനിത പ്രതിഷേധപ്രമേയം അവതരിപ്പിച്ചു. ഡയറക്ടർ ഫാ. മൈക്കിൾ വടക്കേമുളഞ്ഞനാൽ, സെക്രട്ടറി ലില്ലി തൊട്ടിയിൽ, മേരി വട്ടയ്ക്കാമുളയിൽ, ഗ്രേസി, ജസി എന്നിവർ പ്രസംഗിച്ചു. പന്തംകൊളുത്തി പ്രകടനവും യോഗവും കൽപ്പറ്റ: ഛത്തീസ്ഗഡിൽ രണ്ട് കന്യാസ്ത്രീകളെ അന്യായമായി അറസ്റ്റുചെയ്ത് ജയിലാക്കിയതിൽ പ്രതിഷേധിച്ച് കത്തോലിക്ക കോണ്‍ഗ്രസ് യൂണിറ്റിന്‍റെയും പാരിഷ് കൗണ്‍സിലിന്‍റെയും വിവിധ ഭക്ത സംഘടനകളുടെയും സംയുക്താഭിമുഖ്യത്തിൽ നഗരത്തിൽ പന്തംകൊളുത്തി പ്രകടനവും യോഗവും നടത്തി. ജിബോയ് വൈപ്പന, സജി പള്ളിപ്പാട്ട്, ജയിംസ് മേലേപ്പള്ളി, സജി വയലിൽ, ലൂക്ക ഉറവിൽ തുടങ്ങിയവർ പ്രകടനത്തിന് നേതൃത്വം നൽകി. ചെമ്മണ്ണൂർ ജംഗ്ഷനിൽ ചേർന്ന യോഗം ഫൊറോന വികാരി ഫാ.ജോണി പെരുമാട്ടിക്കുന്നിൽ ഉദ്ഘാടനം ചെയ്തു. കത്തോലിക്ക കോണ്‍ഗ്രസ് മാനന്തവാടി രൂപത ഡയറക്ടർ ഫാ.ജോബി മുക്കാട്ടുകാവുങ്കൽ മുഖ്യപ്രഭാഷണം നടത്തി. കത്തോലിക്ക കോണ്‍ഗ്രസ് രൂപത ട്രഷറർ സജി ഫിലിപ്പ് അധ്യക്ഷത വഹിച്ചു. മേഖല ഡയറക്ടർ ഫാ.ഷിജു ഐക്കരക്കാനായിൽ, റവ.ഡോ.തോമസ് ജോസഫ് തേരകം, ഫാ.കിരണ്‍, ഫാ.അനീഷ്, സിസ്റ്റർ ആൻസിറ്റ എസ്‌സിവി, സിസ്റ്റർ സിസി ജോർജ് എസ്എച്ച്, സിബി ഒഴികെയിൽ, രാജൻബാബു പാലമൂട്ടിൽ, ഷിബിൻ കാഞ്ഞിരത്തിങ്കൽ, ഡിന്േ‍റാ ജോസ്, റാണി വർഗീസ്, ജോണി പാറ്റാനി, സി.എ. വർഗീസ് എന്നിവർ പ്രസംഗിച്ചു. സിപിഐ-എംഎൽ റെഡ്സ്റ്റാർ കൽപ്പറ്റ: ഛത്തീസ്ഗഡിൽ കന്യാസ്ത്രീകളെ മനുഷ്യക്കടത്ത് ഉൾപ്പെടെ കുറ്റങ്ങൾ ചുമത്തി അറസ്റ്റുചെയ്ത് ജയിലിൽ അടച്ചതിൽ സിപിഐ(എംഎൽ)റെഡ്സ്റ്റാർ ജില്ലാ കമ്മിറ്റി പ്രതിഷേധിച്ചു. പി.എം. ജോർജ് അധ്യക്ഷത വഹിച്ചു. സെക്രട്ടറി കെ.വി. പ്രകാശ് റിപ്പോർട്ട് അവതരിപ്പിച്ചു. പി.ടി. പ്രേമാനന്ദ്, ബിജി ലാലിച്ചൻ, എം.കെ. ഷിബു, കെ.ജി. മനോഹരൻ, സി.ജെ. ജോണ്‍സണ്‍, കെ. പ്രേംനാഥ് എന്നിവർ പ്രസംഗിച്ചു. എഎപി പ്രവർത്തകർ മുഖം മൂടി പ്രകടനം നടത്തി പുൽപ്പള്ളി: ഛത്തീസ്ഗഡിൽ കന്യാസ്ത്രീകളെ അന്യായമായി അറസ്റ്റുചെയ്ത് ജയിലിലാക്കിയതിൽ പ്രതിഷേധിച്ച് ആം ആദ്മി പാർട്ടി ബത്തേരി മണ്ഡലം കമ്മിറ്റിയുടെ നേതൃത്വത്തിൽ ടൗണിൽ മുഖം മൂടി പ്രകടനവും പൊതുസമ്മേളനവും നടത്തി. അജി കാഞ്ഞിരക്കാട്ട്, എ.എം. ചാക്കോ, ഷാജി വണ്ടന്നൂർ, ഉലഹന്നാൻ മേമാട്ട്, സിജു പൂത്തോട്ടയിൽ, സിനോജ് കാനാട്ട്, മാത്യു തറയിൽ, ബിജു പാക്കം, ഷിനോജ് കണ്ണംപള്ളി, ഷിബി വണ്ടനൂർ, കെ.ജി. ബെന്നി തുടങ്ങിയവർ പ്രകടനത്തിന് നേതൃത്വം നൽകി. പൊതുസമ്മേളനം മണ്ഡലം സെക്രട്ടറി ബേബി തയ്യിൽ ഉദ്ഘാടനം ചെയ്തു. കന്യാസ്ത്രീകളെ അടിയന്തരമായി മോചിപ്പിക്കണമെന്ന് ആവശ്യപ്പെട്ടു. പ്രസിഡന്‍റ് ലിയോ കൊല്ലവേലിൽ അധ്യക്ഷത വഹിച്ചു. മനു മത്തായി, തോമസ് ഒറ്റക്കുന്നേൽ, പി.ടി. മനോജ്, പി.എ. ജയിംസ്, കെ.പി. ജേക്കബ്, ആന്‍റണി പൂത്തോട്ടയിൽ എന്നിവർ പ്രസംഗിച്ചു. എകെസിസി മരകാവ് യൂണിറ്റ് പുൽപ്പള്ളി: ഛത്തീസ്ഗഡിൽ കന്യാസ്ത്രീകളെ കള്ളക്കേസിൽ കുടുക്കി ജയിലിൽ അടച്ചതിൽ കത്തോലിക്ക കോണ്‍ഗ്രസ് മരകാവ് യൂണിറ്റിന്‍റെ നേതൃത്വത്തിൽ സംഘടിപ്പിച്ച ഭക്തസംഘടനകളുടെ യോഗം പ്രതിഷേധിച്ചു. വികാരി ഫാ.ജോസ് കളപ്പുരയ്ക്കൽ ഉദ്ഘാടനം ചെയ്തു. തെരഞ്ഞെടുപ്പ് കാലങ്ങളിൽ ക്രൈസ്തവരെ പ്രീണിപ്പിക്കുവാൻ ശ്രമിക്കുന്ന കേന്ദ്ര ഭരണകൂടത്തിന്‍റെ യഥാർഥ ന്യൂനപക്ഷ വിരോധമാണ് ഛത്തീസ്ഗഡിൽ കണ്ടതെന്നു അദ്ദേഹം പറഞ്ഞു. ജയിംസ് മറ്റത്തിൽ അധ്യക്ഷത വഹിച്ചു.പഞ്ചായത്തംഗങ്ങളായ ഡോ.ജോമറ്റ് കോതവഴിക്കൽ, ജാഷി ചാരുവേലിൽ, മാനന്തവാടി രൂപത പാസ്റ്ററൽ കൗണ്‍സിൽ അംഗം റീന പൗലോസ്, വി.എം. പൗലോസ്, ബാബു നന്പുടാകം, ജോർജ് കൊല്ലിയിൽ, ബിജു ഞായപ്പള്ളിൽ, ദീപ മത്തായി എന്നിവർ പ്രസംഗിച്ചു. പ്രകടനവും പൊതുയോഗവും നടത്തി സുൽത്താൻ ബത്തേരി: ഛത്തീസ്ഗഡിൽ കന്യാസ്ത്രീകളെ അറസ്റ്റ് ചെയ്തതിൽ പ്രതിഷേധിച്ച് മണ്ഡലം കോണ്‍ഗ്രസ് കമ്മിറ്റിയുടെ ആഭിമുഖ്യത്തിൽ ടൗണിൽപ്രകടനവും പൊതുയോഗവും നടത്തി. ഡി.പി. രാജശേഖരൻ ഉദ്ഘാടനം ചെയ്തു. ബാബു പഴുപ്പത്തൂർ അധ്യക്ഷത വഹിച്ചു. ഉമ്മർ കുണ്ടാട്ടിൽ, ഇന്ദ്രജിത്ത്, സക്കറിയ മണ്ണിൽ, റിനു ജോണ്‍, നൗഫൽ കൈപ്പഞ്ചേരി, ഇ.എ. ഗോപി, ജിജി അലക്സ്, സഫീർ പഴേരി, ടി.എൻ. സാബു, അസീസ് മാടാല, രാധ വീന്ദ്രൻ, പ്രജിത രവി, ബിന്ദു സുധീർബാബു, സണ്ണി നെടുങ്കല്ലേൽ, ടി.ടി. ലൂക്കോസ് എന്നിവർ പ്രസംഗിച്ചു. തവിഞ്ഞാൽ സെന്‍റ് മേരീസ് ഇടവക തലപ്പുഴ: ഛത്തീസ്ഗഡിൽ മനുഷ്യക്കടത്ത് ആരോപിച്ച് മലയാളി കന്യാസ്ത്രീകളെ അറസ്റ്റുചെയ്തതിൽ തവിഞ്ഞാൽ സെന്‍റ് മേരീസ് ഇടവകാംഗങ്ങളുടെ യോഗം പ്രതിഷേധിച്ചു. വികാരി ഫാ. ജയിംസ് പുത്തൻപറന്പിൽ ഉദ്ഘാടനം ചെയ്തു. നിരപരാധികൾക്കെതിരായ അതിക്രമങ്ങൾ ജനാധിപത്യത്തിന് ഭൂഷണമല്ലെന്ന് അദ്ദേഹം പറഞ്ഞു. കന്യാസ്ത്രീകൾക്കെതിരായ വ്യാജക്കേസ് പിൻവലിക്കാൻ കേന്ദ്ര, സംസ്ഥാന സർക്കാരുകൾ അടിയന്തരമായി ഇടപെടണമെന്നു യോഗം ആവശ്യപ്പെട്ടു.

മന്ത്രി രാജനെ കെട്ടിപ്പിടിച്ച് പുഞ്ചിരിമട്ടം ദുരന്തബാധിതൻ

കൽപ്പറ്റ: എൽസ്റ്റണ്‍ എസ്റ്റേറ്റിൽ നിർമാണം പൂർത്തിയായ മാതൃകാവീട് കാണാനെത്തിയ റവന്യു മന്ത്രി കെ. രാജനെ നിറകണ്ണുകളോടെ കെട്ടിപ്പിടിച്ച് ഉരുൾ ദുരന്തബാധിതൻ മുണ്ടക്കൈ റാട്ടപ്പാടി വിജയകുമാർ. സാധാരണക്കാരനായ എനിക്ക് ഈ ആയുസിൽ കെട്ടിപ്പടുക്കാൻ സാധിക്കാത്ത വീടാണ് സർക്കാർ നിർമിച്ചുനൽകിയത്. വീട് നോക്കിക്കണ്ടു. ഭാവിയിൽ രണ്ട് നിലയാക്കാവുന്നവിധം ഗുണമേൻമയോടുള്ള നിർമാണമാണ് നടന്നത്. ഞങ്ങൾ വർഷങ്ങളായി പാടിയിൽ താമസിക്കുന്നവരാണ്. അരിച്ചുപൊറുക്കി സന്പാദിച്ചതെല്ലാം ദുരന്തത്തിൽ ഒലിച്ചുപോയപ്പോൾ സഹായം നൽകി കൂടെ ചേർത്തത് സർക്കാരും നാട്ടുകാരുമാണ്’ 46 കാരനായ വിജയകുമാർ മന്ത്രിയോട് പറഞ്ഞു. പുത്തുമല ഹൃദയഭൂമിയിലെ സർവമത പ്രാർഘനയും പുഷ്പാർച്ചനയും മനസ് വേദനിപ്പിച്ചെങ്കിലും ടൗണ്‍ഷിപ്പിലെത്തിയപ്പോൾ ടൗണ്‍ഷിപ്പ് ഗുണഭോക്താക്കളുടെ പ്രതികരണം നിറഞ്ഞ മനസോടെയാണ് സ്വീകരിച്ചതെന്ന് മന്ത്രി രാജൻ പറഞ്ഞു. സർക്കാരിന്‍റെയും സംസ്ഥാനത്തെ മുഴുവൻ ജനങ്ങളുടെയും ഉത്തരവാദിത്വമാണ് അതിജീവിതർക്ക് വീട് ഒരുക്കുകയെന്നത്. ലോകത്ത് എവിടെയും കാണാത്ത മനുഷ്യ സ്നേഹത്തിന്‍റെ അടയാളമാണ് ദുരന്തഭൂമിയിൽ കണ്ടത്. നിർമാണം പൂർത്തിയാക്കി ടൗണ്‍ഷിപ്പിലെ മുഴുവൻ വീടും 2026 ജനുവരിയിൽ ഗുണഭോക്താക്കൾക്ക് കൈമാറുമെന്നും മന്ത്രി പറഞ്ഞു. പട്ടികജാതി-വർഗ-പിന്നാക്ക ക്ഷേമ മന്ത്രി ഒ.ആർ. കേളു, ജില്ലാ കളക്ടർ ഡി.ആർ. മേഘശ്രീ, ജില്ലാ പോലീസ് മേധാവി തപേഷ് ബസുമതാരി, ജനപ്രതിനിധികൾ തുടങ്ങിയവരും മാതൃകാവീട് കാണാനെത്തി.

വന്യമൃഗശല്യം: മൂടക്കൊല്ലിയിൽ പ്രതിരോധ ജാഥയും യോഗവും നടത്തി

സുൽത്താൻ ബത്തേരി: വന്യമൃഗ ശല്യത്തിനു ശാശ്വത പരിഹാരം ആവശ്യപ്പെട്ട് മൂടക്കൊല്ലി, കൂടല്ലൂർ പ്രദേശങ്ങളിലെ കർഷകർ ജനകീയ സമിതിയുടെ നേതൃത്വത്തിൽ പ്രതിരോധ ജാഥയും യോഗവും നടത്തി. ’ഞങ്ങളും മനുഷ്യരാണ്, ഞങ്ങൾക്കും ജീവിക്കണം, ഞങ്ങൾ മൃഗങ്ങളുടെ ഇരകളല്ല’ എന്ന മുദ്രാവാക്യമുയർത്തിയും അന്പുംവില്ലും, കവണ, കുന്തം, എയർ ഗണ്‍, വടി തുടങ്ങിയവ ഏന്തിയുമായിരുന്നു മൂടക്കൊല്ലിയിൽ പരിപാടി. ബ്ലോക്ക് പഞ്ചായത്ത് അംഗം കെ.ഇ. ബാലകൃഷ്ണൻ ഉദ്ഘാടനം ചെയ്തു. വന്യമൃഗങ്ങൾ ജനവാസ മേഖലയിൽ എത്തിയാൽ വനംവകുപ്പിനെതിരേ കേസെടുക്കണമെന്ന് അദ്ദേഹം ആവശ്യപ്പെട്ടു. കെ.പി. മധു അധ്യക്ഷത വഹിച്ചു. വാർഡ് അംഗം രുക്മിണി സുബ്രഹ്മണ്യൻ, സണ്ണി സെബാസ്റ്റ്യൻ, കെ.പി. തറുവൈക്കുട്ടി, കെ.ജി. ശ്രീനേഷ്, വി.ആർ. മോഹനൻ, കെ.കെ. ഷിബി,കെ.എസ്. ബിനു എന്നിവർ പ്രസംഗിച്ചു. കെ.ആർ. ബാബു സ്വാഗതവും സുരേന്ദ്രൻ നായർ നന്ദിയും പറഞ്ഞു.

പാൽ സംഭരണവില വർധിപ്പിക്കണം: പ്രൈമറി മിൽക്ക് സൊസൈറ്റീസ് അസോസിയേഷൻ

കൽപ്പറ്റ: ക്ഷീരമേഖല കടുത്ത പ്രതിസന്ധിയിലൂടെ കടന്നുപോകുന്നസാഹചര്യത്തിൽ പാൽ സംഭരണ വില അടിയന്തരമായി വർധിപ്പിക്കണമെന്ന് പ്രൈമറി മിൽക്ക് സൊസൈറ്റീസ് അസോസിയേഷൻ ജില്ലാ കമ്മിറ്റി ആവശ്യപ്പെട്ടു. ഉത്പാദനച്ചെലവിനൊത്ത വില ലഭിക്കുന്നില്ലെങ്കിൽ കർഷകർക്ക് പിടിച്ചുനിൽക്കാൻ കഴിയില്ല. ക്ഷീരവൃത്തി ഉപേക്ഷിക്കാൻ കർഷകർ നിർബന്ധിതരാകുകയാണ്. പുതുതായി ആരും ക്ഷീരമേഖലയിലേക്കു കടന്നുവരുന്നില്ല. പാൽ ഉത്പാദനത്തിൽ 25 മുതൽ 30 വരെ ശതമാനം കുറവുണ്ടായി. ഫാമുകൾ ഉള്ളതുകൊണ്ട് മാത്രമാണ് പല സംഘങ്ങളും മുന്നോട്ടുപോകുന്നത്. നിത്യോപയോഗത്തിലുള്ളതിൽ പല സാധനങ്ങളുടെയും വില 100 മുതൽ 200 വരെ ശതമാനം വർധിച്ചു. എന്നാൽ പാൽ സംഭരണവില മാത്രം കൂടിയില്ല. ഇതു സംസ്ഥാനത്തെ 10 ലക്ഷത്തിൽപരം ക്ഷീരകർഷകരെ സംബന്ധിച്ച് സങ്കടകരമാണ്.പാൽ ഉത്പാദനച്ചെലവിൽ വലിയ വർധനവാണ് ഉണ്ടായത്. 2019നെ അപേക്ഷിച്ച് കാലിത്തീറ്റവില 40 ശതമാനം വർധിച്ചു. കടലപ്പിണാക്ക് വില 50 ശതമാനത്തിലധികം കൂടി. കർഷകർ വലിയ നഷ്ടം സഹിച്ചാണ് ക്ഷീരവൃത്തി തുടരുന്നത്. പാൽ ലിറ്ററിന് 60 രൂപയെങ്കിലും സംഭരണ വില ലഭിക്കണം. പാൽ ഉത്പാദനം കുറയുന്നതുമൂലം ക്ഷീരസംഘങ്ങളും പ്രതിസന്ധിയിലായി. കാലാനുസൃതമായ ശന്പളം പോലും നൽകാൻ കഴിയാത്ത സ്ഥിതിയിലാണ് സംഘങ്ങൾ. മിൽമ മാർജിനിൽ വർധനവ് വരുത്താതെ സംഘങ്ങൾക്കു പിടിച്ചുനിൽക്കാൻ സാധിക്കില്ല. വിവിധ പദ്ധതികൾക്ക് സർക്കാർ നൽകുന്ന സബ്സിഡി നാമമാത്ര കർഷകരിലാണ് എത്തുന്നത്. ഗുണകരമല്ലാത്ത പദ്ധതികൾ നിർത്തലാക്കണം. സഹായം കർഷകർക്ക് ഇൻസെന്‍റീവായി നൽകണമെന്നും യോഗം ആവശ്യപ്പെട്ടു. അനുകൂല നടപടികൾ ഉണ്ടാകുന്നില്ലെങ്കിൽ ശക്തമായ സമരം സംഘടിപ്പിക്കാൻ തീരുമാനിച്ചു. പ്രസിഡന്‍റ് ബി.പി. ബെന്നി അധ്യക്ഷത വഹിച്ചു. ജനറൽ സെക്രട്ടറി വി.എൽ. സജി, സെക്രട്ടറിമാരായ കെ. ബി. മാത്യു, എൽദോ, പി.ജെ. സജി, മായ, സംഗീത, ലതിക, കമ്മിറ്റി അംഗങ്ങളായ എ.പി. കുര്യാക്കോസ്, ജിജി പോൾ, പൗലോസ് മാളിയേക്കൽ, എം.ടി. ജോണ്‍ എന്നിവർ പ്രസംഗിച്ചു.

ഉരുൾ ദുരന്തം: പ്രാർഥനാസംഗമം നടത്തി

കൽപ്പറ്റ: പുഞ്ചിരിമട്ടം ഉരുൾ ദുരന്തത്തിന്‍റെ ഒന്നാം വാർഷികത്തിൽ എസ്‌വൈഎസ് ജില്ലാ കമ്മിറ്റി പ്രാർഥനാസംഗമം നടത്തി. സയ്യിദ് ഫക്രുദ്ദീൻ പൂക്കോയ തങ്ങൾ വെള്ളൂർ പ്രാർഥന നടത്തി. ജില്ലാ പ്രസിഡന്‍റ് ഇബ്രാഹിം ഫൈസി പേരാൽ അധ്യക്ഷത വഹിച്ചു. ജില്ലാ വർക്കിംഗ് പ്രസിഡന്‍റ് കെ. മുഹമ്മദുകുട്ടി ഹസനി, വൈസ് പ്രസിഡന്‍റുമാരായ സുബൈർ ഹാജി, വി.കെ. അബ്ദുറഹ്മാൻ ദാരിമി, ജനറൽ സെക്രട്ടറി കെ.എ. നാസർ മൗലവി, എസ്എംഎഫ് ജില്ലാ വൈസ് പ്രസിഡന്‍റ് സി. മൊയ്തീൻകുട്ടി, സയ്യിദ് സ്വാദിഖ് തങ്ങൾ തുറാബ്, എ.കെ. മുഹമ്മദ് ദാരിമി, കെ.കെ.എം. ഹനീഫൽ ഫൈസി, സിദ്ദിഖ് പിണങ്ങോട്, കുഞ്ഞമ്മദ് കൈതക്കൽ, അബ്ബാസ് മൗലവി കൽപ്പറ്റ, കുഞ്ഞമ്മദ് ഹാജി എടപ്പാറ, അബൂബക്കർ റഹ്മാനി വാളത്തൂർ, പനന്തറ മുഹമ്മദ് ഹാജി, പി.കെ. ഹുസൈൻ ഫൈസി, പൂവൻ കുഞ്ഞബ്ദുള്ള ഹാജി, സി. അബ്ദുൾ ഖാദിർ, മൊയ്തീൻ ഹാജി, പോള മൊയ്തു ദാരിമി, നൗഷാദ് മൗലവി നെല്ലിയന്പം എന്നിവർ പ്രസംഗിച്ചു. സയ്യിദ് ഫക്രുദ്ദീൻ പൂക്കോയ തങ്ങൾ വെള്ളൂർ പ്രാർഥനയ്ക്ക് നേതൃത്വം നൽകി.

പുഞ്ചിരിമട്ടം ദുരന്തം: യൂത്ത് കോണ്‍ഗ്രസ് രാപകൽ സമരം ആരംഭിച്ചു

കൽപ്പറ്റ: പുഞ്ചിരിമട്ടം ദുരന്തത്തിന്‍റെ ഒന്നാം വാർഷികത്തിലും അവഗണന തുടരുന്ന സംസ്ഥാന സർക്കാരിന്‍റെ അനങ്ങപ്പാറ നയത്തിൽ പ്രതിഷേധിച്ചു കളക്ടറേറ്റിനു മുന്നിൽ യൂത്ത് കോണ്‍ഗ്രസ് ജില്ലാ കമ്മിറ്റിയുടെ നേതൃത്വത്തിൽ രാപകൽ സമരം തുടങ്ങി. ദുരന്ത ബാധിതരുടെ ലിസ്റ്റ് ഉണ്ടാക്കാൻ ഒരു വർഷം പൂർത്തിയാകുന്പോഴും സർക്കാരിന് സാധിച്ചിട്ടില്ല. ഒരു തരത്തിലും ഉത്തരവാദിത്വം കാണിക്കാത്ത സംസ്ഥാന സർക്കാർ സന്പൂർണ പരാജയമാണെന്ന് രാപകൽ സമരം ഉദ്ഘാടനം ചെയ്ത ടി. സിദ്ദിഖ് എംഎൽഎ പറഞ്ഞു. ഇലക്ഷൻ സമയത്ത് പിആർ വർക്കിന് ഉപയോഗിക്കാൻ വേണ്ടിയാണ് സർക്കാർ പുനരധിവാസം വച്ച് താമസിപ്പിക്കുന്നതെന്നും അദ്ദേഹം കൂട്ടി ചേർത്തു. യൂത്ത് കോണ്‍ഗ്രസ് ജില്ലാ പ്രസിഡന്‍റ് അമൽ ജോയ് അധ്യക്ഷത വഹിച്ചു. കോണ്‍ഗ്രസ് വക്താവ് സന്ദീപ് വാര്യർ മുഖ്യ പ്രഭാഷണം നടത്തി. ഡിസിസി പ്രസിഡന്‍റ് എൻ.ഡി. അപ്പച്ചൻ, പി.പി. ആലി, കെ.ഇ. വിനയൻ, ബി. സുരേഷ് ബാബു, സി.എ. അരുണ്‍ദേവ്, ലയണൽ മാത്യു, ജഷീർ പള്ളിവയൽ, അഫ്സൽ ചീരാൽ, നിത കേളു, ശ്രീജിത്ത് കുപ്പാടിത്തറ, ഹർഷൽ കോന്നാടൻ, അനീഷ് റാട്ടക്കുണ്ട്, ബിൻഷാദ് കെ. ബഷീർ, മുത്തലിബ് പഞ്ചാര, അസീസ് വാളാട്, ഡിന്‍റോ ജോസ്, ഗൗതം ഗോകുൽദാസ്, മുഹമ്മദ് ഫെബിൻ, കെ. ഹർഷൽ തുടങ്ങിയവർ പ്രസംഗിച്ചു.

പതിമൂന്നുകാരിയെ മർദിച്ച കേസിൽ രണ്ടാനമ്മ അറസ്റ്റിൽ

ഊട്ടി: ഉള്ളത്തി പഞ്ചായത്തിലെ അമ്മനാടിൽ പതിമൂന്നുകാരിയെ മർദിച്ച കേസിൽ രണ്ടാനമ്മയെ പോലീസ് അറസ്റ്റ് ചെയ്തു. അമ്മനാട് സ്വദേസി മണിയുടെ ഭാര്യ വിജയ് (40)യെയാണ് അറസ്റ്റ് ചെയ്തത്. മണിയുടെ ആദ്യ ഭാര്യയിലെ കുഞ്ഞിനെയാണ് ഇവർ നിരന്തരം ഉപദ്രവിച്ചിരുന്നത്. ഇയാളുടെ ആദ്യ ഭാര്യ രാജേശ്വരി മരിച്ചതിനെത്തുടർന്നാണ് വിജയിയെ വിവാഹം ചെയ്തത്. പെണ്‍കുട്ടി സ്കൂളിൽ പ്രധാനാധ്യാപകനോട് വിവരം പറഞ്ഞതിനെത്തുടർന്നാണ് സംഭവം പുറത്തറിഞ്ഞത്. ഇതേത്തുടർന്ന് പുതുമന്ത് പോലീസ് ഇവരെ അറസ്റ്റു ചെയ്യുകയായിരുന്നു.

ദുരിതബാധിതരോടുള്ള നീതിനിഷേധത്തിനെതിരേ യൂത്ത് ലീഗ് ലോംഗ് മാർച്ച് നടത്തി

കൽപ്പറ്റ: ദുരന്ത ബാധിതരോടുള്ള നീതി നിഷേധത്തിനെതിരേ സർക്കാരുകളുടെ കൊള്ളയ്ക്കെതിരേ എന്ന പ്രമേയത്തിൽ മുസ്‌ലിം യൂത്ത് ലീഗ് ജില്ലാ കമ്മിറ്റിയുടെ നേതൃത്വത്തിൽ ദുരന്തഭൂമിയിൽ നിന്ന് വയനാട് കളക്ടറേറ്റിലേക്ക് ലോംഗ് മാർച്ച് നടത്തി. യൂത്ത് ലീഗ് സംസ്ഥാന ജനറൽ സെക്രട്ടറി പി.കെ. ഫിറോസ് മാർച്ച് നയിച്ചു. രാവിലെ പുത്തുമലയിലെ പൊതുശ്മശാനത്തിലെ പ്രാർഥനകൾക്ക് ശേഷം മേപ്പാടി നെല്ലിമുണ്ടയിൽ നിന്ന് മുസ്‌ലിം ലീഗ് ദേശീയ സെക്രട്ടറി പാണക്കാട് സയ്യിദ് മുനവ്വറലി ശിഹാബ് തങ്ങൾ ജാഥാ ക്യാപ്റ്റനും യൂത്ത് ലീഗ് സംസ്ഥാന ജനറൽ സെക്രട്ടറിയുമായ പി.കെ. ഫിറോസിന് പതാക കൈമാറി മാർച്ച് ഫ്ളാഗ് ഓഫ് ചെയ്തു. ദുരിതബാധിതരുടെ പുനരധിവാസത്തിൽ സർക്കാരിന് അനാസ്ഥയാണെന്ന് തങ്ങൾ പറഞ്ഞു. സർവവും നഷ്ടപ്പെട്ട മനുഷ്യരുടെ ആവശ്യങ്ങളെ സർക്കാർ നിസാരമായാണ് കാണുന്നത്. ഉരുൾദുരന്തബാധിതർ നേരിടുന്ന പ്രതിസന്ധികൾക്ക് കാരണം സർക്കാരിന്‍റെ നിസംഗതയാണ്. പുനരധിവാസം പൂർണമായി നടപ്പാക്കുന്നതുവരെ യൂത്ത് ലീഗ് സമരരംഗത്തുണ്ടാകുമെന്നും തങ്ങൾ പറഞ്ഞു. നൂറുകണക്കിന് യൂത്ത് ലീഗ് പ്രവർത്തകർ കാൽനട ജാഥയിൽ അണിനിരന്നു. ദുരന്തബാധിതരുടെ പുനരധിവാസം വേഗത്തിൽ പൂർത്തിയാക്കുക, തുടർ ചികിത്സക്കുള്ള സൗകര്യം ഉറപ്പുവരുത്തുക, തൊഴിൽ പുനരധിവാസം ഉറപ്പാക്കുക, ഭക്ഷ്യസുരക്ഷ ഉറപ്പുവരുത്തുക, ബാങ്ക് ലോണ്‍ സർക്കാർ ഏറ്റെടുക്കുക, അർഹരായവരെ ദുരന്ത പട്ടികയിൽ ഉൾപ്പെടുത്തുക തുടങ്ങിയ ആവശ്യങ്ങൾ ഉന്നയിച്ചാണ് യൂത്ത് ലീഗ് ലോംഗ് മാർച്ച് നടത്തിയത്. മുസ്‌ലിം ലീഗ് ജില്ലാ പ്രസിഡന്‍റ് കെ.കെ. അഹമ്മദ് ഹാജി, ജനറൽ സെക്രട്ടറി ടി. മുഹമ്മദ്, ടി. സിദ്ദിഖ് എംഎൽഎ, ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ, സന്ദീപ് വാര്യർ എന്നിവർ പ്രസംഗിച്ചു. ലോംഗ് മാർച്ചിന് യൂത്ത് ലീഗ് സംസ്ഥാന ട്രഷറർ പി. ഇസ്മായിൽ, ജില്ലാ പ്രസിസന്‍റ് എം.പി. നവാസ്, ജനറൽ സെക്രട്ടറി സി.എച്ച്. ഫസൽ, ട്രഷറർ ഉവൈസ് എടവെട്ടൻ, സീനിയർ വൈസ് പ്രസിഡന്‍റ് എ.പി. മുസ്തഫ, ദേശീയ വൈസ് പ്രസിഡന്‍റ് മുഫീദ തെസ്നി, ജില്ലാ ഭാരവാഹികളായ ജാസർ പാലക്കൽ, ജാഫർ, സമദ് കണ്ണിയൻ, പി.കെ. സലാം തുടങ്ങിയവർ നേതൃത്വം നൽകി.

പുത്തുമല ഹൃദയഭൂമിയിൽ ഇന്ന് സർവമത പ്രാർഥനയും പുഷ്പാർച്ചനയും

അനുസ്മരണ യോഗത്തിൽ മന്ത്രിമാർ പങ്കെടുക്കും കൽപ്പറ്റ: പുഞ്ചിരിമട്ടം പ്രകൃതി ദുരന്തം സംഭവിച്ച് ഒരാണ്ട് പിന്നിടുന്പോൾ പുത്തുമല ജൂലൈ 30 ഹൃദയഭൂമിയിൽ ഇന്ന് രാവിലെ 10ന് സർവമത പ്രാർത്ഥനയും പുഷ്പാർച്ചനയും നടക്കും. സമാനതകളില്ലാത്ത ദുരന്തത്തിൽ സർക്കാർ സംവിധാനത്തിനൊപ്പം പൊതുസമൂഹം ഒന്നാകെ അണിചേർന്ന രക്ഷാപ്രവർത്തനവും ദുരിതാശ്വാസ പ്രവർത്തനങ്ങളും മാതൃകാപരമാണ്. ജില്ലാ ഭരണകൂടവും മേപ്പാടി ഗ്രാമപഞ്ചായത്തും സംയുക്തമായി മേപ്പാടി എംഎസ്എ ഓഡിറ്റോറിയത്തിൽ ഉച്ചയ്ക്ക് 12ന് അനുസ്മരണ യോഗം സംഘടിപ്പിക്കും. ഹൃദയഭൂമിയിലേക്കും തിരിച്ച് മേപ്പാടി ഓഡിറ്റോറിയത്തിലേക്കും പ്രദേശവാസികൾക്ക് എത്താൻ കെഎസ്ആർടിസി സൗകര്യം ഉറപ്പാക്കിയിട്ടുണ്ട്. മേപ്പാടി പഞ്ചായത്ത് ഓഫീസ് പരിസരത്ത് നിന്നും രാവിലെ ഒന്പത് മുതൽ കെഎസ്ആർടിസി സർവീസ് നടത്തും. പുത്തുമല ഹൃദയ ഭൂമിയിലും മേപ്പാടി എംഎസ്എ ഓഡിറ്റോറിയത്തിൽ നടക്കുന്ന യോഗങ്ങളിൽ മന്ത്രിമാരായ കെ. രാജൻ, എ.കെ. ശശീന്ദ്രൻ, ഒ.ആർ. കേളു, പി.എ. മുഹമ്മദ് റിയാസ്, പ്രിയങ്ക ഗാന്ധി വാദ്ര എംപി, എംഎൽഎമാരായ ടി. സിദ്ദിഖ്, ഐ.സി. ബാലകൃഷണൻ, ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ, ജില്ലാ കളക്ടർ ഡി.ആർ. മേഘശ്രീ, കൽപ്പറ്റ ബ്ലോക്ക് പഞ്ചായത്ത് പ്രസിഡന്‍റ് ചന്ദ്രിക കൃഷ്ണൻ, ജില്ലാ പഞ്ചായത്ത് വൈസ് പ്രസിഡന്‍റ് എസ്. ബിന്ദു, മേപ്പാടി ഗ്രാമപഞ്ചായത്ത് പ്രസിഡന്‍റ് കെ. ബാബു, ജനപ്രതിനിധികൾ, രാഷ്ട്രീയ പാർട്ടി പ്രതിനിധികൾ എന്നിവർ പങ്കെടുക്കും. 322 ദുരന്തബാധിതർക്ക് സ്മാർട്ട് കാർഡ് വിതരണം ചെയ്യും കൽപ്പറ്റ: ഉരുൾപൊട്ടൽ ദുരന്തം അതിജീവിച്ച മേപ്പാടി ഗ്രാമപഞ്ചായത്തിലെ 10, 11, 12 വാർഡുകളിലെ 322 കുടുംബങ്ങൾക്ക് ആദ്യഘട്ടത്തിൽ സ്മാർട്ട് കാർഡ് വിതരണം ചെയ്യുന്നു. കളക്ടറേറ്റ് ആസൂത്രണഭവൻ എ.പി.ജെ. ഹാളിൽ ഇന്ന് വൈകുന്നേരം മൂന്നിന് നടക്കുന്ന പരിപാടിയിൽ അഞ്ച് കുടുംബങ്ങൾക്ക് മന്ത്രിമാർ സ്മാർട്ട് കാർഡുകൾ വിതരണം ചെയ്യും. ടൗണ്‍ഷിപ്പ് ഗുണഭോക്താക്കൾക്കായി സർക്കാർ പ്രസിദ്ധീകരിച്ച ഒന്നാംഘട്ട, രണ്ടാംഘട്ട എ, രണ്ടാംഘട്ട ബി പട്ടികകളിൽ ഉൾപ്പെട്ട കുടുംബങ്ങൾക്കാണ് തിരിച്ചറിയൽ കാർഡ് നൽകുന്നത്. ഒരു കുടുംബത്തിന് ഒരു കാർഡ് എന്ന രീതിയിലാണ് കാർഡ് വിതരണം ചെയ്യുന്നത്. കുടുംബാംഗങ്ങളുടെ ഫോട്ടോ, വ്യക്തിഗത വിവരങ്ങൾ കാർഡിൽ രേഖപ്പെടുത്തിയിട്ടുണ്ട്. ദുരന്തബാധിത പ്രദേശത്തെ 250 വിദ്യാർഥികൾക്ക് ലാപ്ടോപ്പുകൾ കൽപ്പറ്റ: ദുരിതബാധിത പ്രദേശത്തെ 250 വിദ്യാർഥികളുടെ പഠനത്തിന് ലാപ്ടോപ്പുകൾ. പത്ത്, പ്ലസ് ടു, എംബിഎ, സിഎംഎ കോഴ്സുകളിൽ പഠിക്കുന്ന 250 വിദ്യാർഥികൾക്കാണ് ലാപ്ടോപ്പ് അനുവദിച്ചത്. ഇതിൽ 10 വിദ്യാർഥികൾക്ക് ജൂലൈ നാലിന് തിരുവനന്തപുരം തൈക്കാട് ഗസ്റ്റ് ഹൗസിൽ നടന്ന പരിപാടിയിൽ മുഖ്യമന്ത്രി പിണറായി വിജയൻ ലാപ്ടോപ് വിതരണം ചെയ്തിരുന്നു. കളക്ടറേറ്റ് ആസൂത്രണഭവൻ എ.പി.ജെ. ഹാളിൽ ഇന്ന് വൈകുന്നേരം മൂന്നിന് നടക്കുന്ന പരിപാടിയിൽ 10 വിദ്യാർഥികൾക്ക് കൂടി ലാപ്ടോപ് വിതരണം ചെയ്യും.

എംഎൽഎ ഫണ്ട് അനുവദിച്ചു

കൽപ്പറ്റ: മുട്ടിൽ പഞ്ചായത്തിൽ എംഎൽഎ ഫണ്ട് അനുവദിച്ചു.മടക്കിമല-കിണ്ടിപ്പാറ-ഇസി മുക്ക്-കന്പളക്കാട് റോഡിന്‍റെ വശങ്ങളിൽ മണ്ണ് നിറയ്ക്കുന്നതിനും ഡ്രൈനേജ്, ഫൂട്ട്പാത്ത് നിർമാണത്തിനും 22 ഉം വൈത്തിരി പഞ്ചായത്തിലെ തളിമലപ്പാലം ജിഎച്ച്എസ്-കരിന്പിൻകണ്ടി ഐഎച്ച്ഡിപി കോളനി റോഡിലെ സെയ്തലവി വീട് പരിസരം മുതൽ വശങ്ങൾ മണ്ണ് നിറയ്ക്കുന്നതിന് പത്തും കോട്ടത്തറ പഞ്ചായത്തിലെ മാങ്ങോട്ടുകുന്ന്-ജൂബിലി റോഡിന്‍റെ വശങ്ങളിൽ മണ്ണ് നിറയ്ക്കുന്നതിന് 20 ഉം ലക്ഷം രൂപ ടി. സിദ്ദിഖ് എംഎൽഎയുടെ ആസ്തി വികസന നിധിയിൽനിന്നു അനുവദിച്ചു. പനമരം പഞ്ചായത്തിലെ പാറപ്പുറം-അയനിമല റോഡ് കോണ്‍ക്രീറ്റ് പ്രവൃത്തിക്ക് മന്ത്രി ഒ.ആർ. കേളുവിന്‍റെ ആസ്തി വികസന നിധിയിൽനിന്നു 15 ലക്ഷം രൂപ അനുവദിച്ചു. പ്രവൃത്തികൾക്ക് ഭരണാനുമതിയായി.

മണ്ണ് പരിശോധന കാന്പയിനും കർഷക പരിശീലന പരിപാടിയും നടത്തി

മാനന്തവാടി: ജില്ലാ മണ്ണ് പര്യവേക്ഷണ അസിസ്റ്റന്‍റ് ഡയറക്ടർ ഓഫീസിന്‍റെയും കൃഷി വകുപ്പിന്‍റെയും സംയുക്താഭിമുഖ്യത്തിൽ മാനന്തവാടി ഷീരോത്പാദക സഹകരണ സംഘം ഹാളിൽ ഏകദിന കർഷക പരിശീലന പരിപാടിയും മണ്ണ് പരിശോധന കാന്പയിനും സംഘടിപ്പിച്ചു. മാനന്തവാടി ബ്ലോക്ക് വികസനകാര്യ സ്റ്റാൻഡിംഗ് കമ്മിറ്റി ചെയർമാൻ കെ.വി. വിജോൾ അധ്യക്ഷത വഹിച്ചു. മാനന്തവാടി ബ്ലോക്ക് പഞ്ചായത്ത് പ്രസിഡന്‍റ് ജസ്റ്റിൻ ബേബി ഉദ്ഘാടനം ചെയ്തു. മണ്ണ് സംരക്ഷണത്തിന്‍റെയും മണ്ണ് പരിപാലനത്തിന്‍റെയും പ്രാധാന്യത്തെക്കുറിച്ച് കർഷകരെ ബോധവൽക്കരിക്കുക എന്ന ലക്ഷ്യത്തോടെയാണ് പരിപാടി ആസൂത്രണം ചെയ്തത്. കാർഷിക അഭിവൃദ്ധിക്കായി മണ്ണ് പരിപാലനം എന്ന വിഷയത്തിൽ സീനിയർ കെമിസ്റ്റ് എം. രവി (സോയിൽ അനലിറ്റിക്കൽ ലാബ് വയനാട്), സസ്യപോഷക മൂലകങ്ങളുടെ പ്രാധാന്യവും മണ്ണ് പരിശോധനയും എന്ന വിഷയത്തിൽ എം. രാഹുൽ രാജ് (ജില്ലാ മണ്ണ് പര്യവേക്ഷണ ഓഫീസർ) എന്നിവർ സെമിനാറുകൾ നയിച്ചു. മാനന്തവാടി ബ്ലോക്കിലെ 200 ഓളം കർഷകർ പങ്കെടുത്തു. ജില്ലാ മണ്ണ് പര്യവേക്ഷണ അസിസ്റ്റന്‍റ് ഡയറക്ടർ വി. അബ്ദുൾ ഹമീദ്, മാനന്തവാടി കൃഷി ഓഫീസർ കെ.എസ്. ആര്യ, മണ്ണ് പര്യവേക്ഷണ ഓഫീസർ എം. രാഹുൽ രാജ് എന്നിവർ പ്രസംഗിച്ചു.

പുഞ്ചിരിമട്ടം ദുരന്തം : ഭവന പദ്ധതിക്ക് സ്ഥലം കണ്ടെത്താനാകാതെ കോണ്‍ഗ്രസും യൂത്ത് കോണ്‍ഗ്രസും

കൽപ്പറ്റ: മേപ്പാടി പുഞ്ചിരിമട്ടം ഉരുൾ ദുരന്തത്തിന്‍റെ ഒന്നാം വാർഷികദിനത്തിൽ തല താഴ്ത്തി കോണ്‍ഗ്രസും യൂത്ത് കോണ്‍ഗ്രസും. ദുരന്തത്തിനു പിന്നാലെ പ്രഖ്യാപിച്ച ഭവന പദ്ധതികൾക്ക് ആവശ്യമായ ഭൂമി വാങ്ങാൻപോലും കോണ്‍ഗ്രസിനും യൂത്ത് കോണ്‍ഗ്രസിനും കഴിഞ്ഞില്ല. പുഞ്ചിരിമട്ടം ദുരന്തബാധിതർക്കായി കോണ്‍ഗ്രസ് നേതാവും ലോക്സഭ പ്രതിപക്ഷ നേതാവുമായ രാഹുൽഗാന്ധിയാണ് ഭവന പദ്ധതി പ്രഖ്യാപിച്ചത്. യൂത്ത് കോണ്‍ഗ്രസിനുവേണ്ടി സംസ്ഥാന നേതൃത്വവും. ദുരന്തബാധിതരിൽ നൂറിലധികം കുടുംബങ്ങൾക്ക് കോണ്‍ഗ്രസ് വീട് നിർമിച്ചുനൽകുമെന്ന് 2024 ഓഗസ്റ്റ് ആദ്യവാരമാണ് രാഹുൽ ഗാന്ധി പ്രഖ്യാപിച്ചത്. മാസങ്ങൾ കഴിഞ്ഞിട്ടും ഭവനനിർമാണത്തിനു ഭൂമി കണ്ടെത്താനാകാതെ ഉഴലുകയാണ് കോണ്‍ഗ്രസ് ജില്ലാ നേതൃത്വം. ടി. സിദ്ദിഖ് എംഎൽഎയുടെ നേതൃത്വത്തിൽ കൊണ്ടുപിടിച്ചു ശ്രമിക്കുന്നുണ്ടെങ്കിലും നിയമ, സാങ്കേതിക തടസങ്ങൾ ഇല്ലാത്ത ഭൂമി കണ്ടെത്താൻ കഴിയുന്നില്ല. ഏറ്റവും ഒടുവിൽ മേപ്പാടി പഞ്ചായത്തിലെ തൃക്കൈപ്പറ്റയിൽ കണ്ടെത്തിയ ഭൂമി പ്ലാന്‍റേഷൻ പ്രശ്നം ഉള്ളതിനാൽ വാങ്ങാൻ കഴിയാത്ത സ്ഥിതിയാണ്. 100 കുടുംബങ്ങളുടെ പുനരധിവാസത്തിന് ഏകദേശം 10 ഏക്കർ ഭൂമിയാണ് വേണ്ടത്. പദ്ധതിക്കാവശ്യമായ ഭൂമി വാങ്ങുന്നതിന് നീക്കം ഊർജിതമാണെന്ന് ഡിസിസി പ്രസിഡന്‍റ് എൻ.ഡി. അപ്പച്ചൻ പറഞ്ഞു. നിയമതടസമില്ലാത്ത ഭൂമി മുട്ടിൽ പഞ്ചായത്തിൽ ലഭ്യമാണോ എന്ന് പരിശോധിച്ചുവരികയാണെന്ന് അദ്ദേഹം അറിയിച്ചു. രാഹുൽഗാന്ധി പ്രഖ്യാപിച്ച ഭവന പദ്ധതിയുടെ ശിലാസ്ഥാപനം പുഞ്ചിരിമട്ടം ദുരന്തത്തിന്‍റെ ഒന്നാം വാർഷികത്തിനു മുന്പ് നടത്തുമെന്ന് പ്രചാരണമുണ്ടായിരുന്നു. രാഹുൽഗാന്ധിയും സഹോദരിയും വയനാട് എംപിയുമായ പ്രിയങ്ക ഗാന്ധിയും ചേർന്നു ശിലാസ്ഥാപനം നിർവഹിക്കുമെന്ന് ചില മാധ്യമങ്ങളിൽ ഇടംപിടിച്ചു. ഇത് വെറുതെയായതിൽ അസ്വസ്ഥരാണ് കോണ്‍ഗ്രസിലെ താഴ്ത്തട്ട് പ്രവർത്തകർ. ഭവനപദ്ധതിക്ക് ആവശ്യമായ സ്ഥലം സർക്കാർ ലഭ്യമാക്കുമെന്ന പ്രതീക്ഷ കോണ്‍ഗ്രസ് സംസ്ഥാന, ജില്ലാ നേതൃത്വത്തിനു ഉണ്ടായിരുന്നു. എന്നാൽ സ്ഥലം അനുവദിക്കാനാകില്ലെന്ന് കഴിഞ്ഞ ഫെബ്രുവരിയിൽ വിളിച്ചുചേർത്ത, നൂറും അതിലധികവും വീട് വാഗ്ദാനം ചെയ്തവരുടെ യോഗത്തിൽ മുഖ്യമന്ത്രി വ്യക്തമാക്കി. കൽപ്പറ്റ എൽസ്റ്റൻ എസ്റ്റേറ്റിലെ ടൗണ്‍ഷിപ്പിൽ 1,000 ചതുരശ്ര അടി വിസ്തീർണത്തിൽ വീട് നിർമിക്കുന്നതിന് സന്നദ്ധ പ്രസ്ഥാനങ്ങളും രാഷ്ട്രീയ പാർട്ടികളും 30 ലക്ഷം രൂപ വീതം നൽകണമെന്ന നിലപാടും മുഖ്യമന്ത്രി അറിയിച്ചു. ഇതോടെയാണ് ഭവന പദ്ധതിക്ക് സ്വന്തം നിലയിൽ ഭൂമി കണ്ടെത്താൻ കോണ്‍ഗ്രസും മുസ്‌ലിം ലീഗും മറ്റും നിർബന്ധിതമായത്. മുട്ടിൽ പഞ്ചായത്തിലെ വെള്ളിത്തോടിൽ വിലയ്ക്കുവാങ്ങിയ 11.5 ഏക്കറിൽ ഭവനപദ്ധതി യാഥാർഥ്യമാക്കുന്നതിനു നീക്കത്തിലാണ് മുസ്‌ലിം ലീഗ്. 2019 ഓഗസ്റ്റ് എട്ടിലെ പുത്തുമല ഉരുൾദുരന്ത ബാധിത കുടുംബങ്ങളെ പുനരധിവസിപ്പിച്ച മേപ്പാടി പൂത്തകൊല്ലിയിൽ സർക്കാർ ഉടമസ്ഥതയിൽ ഭൂമിയുണ്ട്. സർക്കാർ സന്നദ്ധമെങ്കിൽ ഈ സ്ഥലത്തിന്‍റെ ഭാഗം ന്യായമായ വിലനൽകി വാങ്ങാനും വീടുകളുടെ നിർമാണം നടത്താനും കോണ്‍ഗ്രസ് തയാറാണെന്ന് ഡിസിസി പ്രസിഡന്‍റ് പറഞ്ഞു. യൂത്ത് കോണ്‍ഗ്രസ് സംസ്ഥാന നേതൃത്വം 30 വീടുകളാണ് ഉരുൾദുരന്ത ബാധിത കുടുംബങ്ങൾക്ക് വാഗ്ദാനം ചെയ്തത്. ഇതേത്തുടർന്നു ധനസമാഹരണം നടത്തിയെങ്കിലും ഭൂമി കണ്ടെത്താനും വീടുകളുടെ നിർമാണം തുടങ്ങാനുമായില്ല. ഇത് ഇടതുപക്ഷ യുവജനസംഘടനകളുടേതടക്കം വിമർശനത്തിന് ഇടയാക്കിയിരുന്നു. ടൗണ്‍ഷിപ്പിൽ 100 വീടുകളുടെ നിർമാണത്തിനു ഉപയോഗപ്പെടുത്തുന്നതിന് സ്പോണ്‍സർഷിപ്പ് അസിസ്റ്റൻസ് എന്ന നിലയിൽ കർണാടകയിലെ കോണ്‍ഗ്രസ് സർക്കാർ 20 കോടി രൂപ കഴിഞ്ഞ മാർച്ചിൽ കേരള സർക്കാരിന് കൈമാറിയിരുന്നു.

കന്യാസ്ത്രീകളെ കള്ളക്കേസിൽ കുടുക്കിയതിൽ വ്യാപക പ്രതിഷേധം

പുൽപ്പള്ളി: ഛത്തീസ്ഗഡിലെ ദുർഗിൽ മനുഷ്യക്കടത്ത് ആരോപിച്ച് രണ്ട് കന്യാസ്ത്രീകളെ കള്ളക്കേസിൽ കുടുക്കി റിമാൻഡ് ചെയ്യിച്ചതിൽ വൈഎംസിഎ യൂണിറ്റ് പ്രതിഷേധിച്ചു. വർഷങ്ങളായി രാജ്യത്തിന്‍റെ പല ഭാഗങ്ങളിലും ക്രിസ്ത്യൻ പള്ളികളും വൈദികരും കന്യാസ്ത്രീകളും സഭാ അംഗങ്ങളും കൊടിയ ആക്രമങ്ങൾക്കും പീഡനങ്ങൾക്കും ഇരയാകുന്നതായി യോഗം ചൂണ്ടിക്കാട്ടി. വടക്കേ ഇന്ത്യയിൽ ക്രൈസ്തവരെ വേട്ടയാടുന്ന ബിജെപിയും പോഷക പ്രസ്ഥാനങ്ങളും കേരളത്തിൽ പ്രീണന നയമാണ് സ്വീകരിക്കുന്നത്. ഈ ഇരട്ടത്താപ്പ് അവസാനിപ്പിക്കണമെന്ന് ആവശ്യപ്പെട്ടു. തോമസ് ഒറ്റക്കുന്നേൽ അധ്യക്ഷത വഹിച്ചു. നോബി പള്ളിത്തറ, ലിയോ പിഡിസി, ബിജു തിണ്ടിയത്, ഷാജി മുത്തുമാംകുഴി, ഷിനോജ് കണ്ണംപള്ളി, സാലി ജോജോ മുണ്ടോക്കുഴി എന്നിവർ പ്രസംഗിച്ചു. പുൽപ്പള്ളി: ഛത്തീസ്ഗഡിൽ സിസ്റ്റർ വന്ദന ഫ്രാൻസിസ്, സിസ്റ്റർ പ്രീതി മേരി എന്നിവരെ കള്ളക്കേസിൽ കുടുക്കി റിമാൻഡ് ചെയ്യിച്ചതിനെതിരേ കൃപാലയ സ്കൂളിൽ പ്രതിഷേധം സംഘടിപ്പിച്ചു. പ്ലക്കാർഡുകളേന്തി വിദ്യാർഥികൾ പരിപാടിയിൽ പങ്കാളികളായി. പ്രിൻസിപ്പൽ സിസ്റ്റർ ആൻസീന, പ്രോഗ്രാം കോ ഓർഡിനേറ്റർ ടി.യു. ഷിബു, സിസ്റ്റർ ജിൽസ ടോം, സിസ്റ്റർ ടിസ, സിസ്റ്റർ ആൻസ് മരിയ എന്നിവർ നേതൃത്വം നൽകി. പുൽപ്പള്ളി: കന്യാസ്ത്രീകളെ കള്ളക്കേസിൽപ്പെടുത്തി അറസ്റ്റുചെയ്തതിൽ കെസിസി പെരിക്കല്ലൂർ ഫൊറോന കമ്മിറ്റി പ്രതിഷേധിച്ചു. പ്രസിഡന്‍റ് ജോണി പുത്തൻകണ്ടത്തിൽ അധ്യക്ഷത വഹിച്ചു. അതിരൂപത ജോയിന്‍റ് സെക്രട്ടറി ഷിജു കൂറാനയിൽ, ഫൊറോന ജനറൽ സെക്രട്ടറി ജോബിൻസ് ജോയി, ട്രഷർ റെജി ഉള്ളാടപ്പള്ളിയിൽ, വൈസ് പ്രസിഡന്‍റ് ടോമി ചെന്നെല്ലിക്കുന്നേൽ, ജോയിന്‍റ് സെക്രട്ടറി മാത്യു മുള്ളൂർ, അതിരൂപത പ്രതിനിധികളായ ജോണ്‍ കുളക്കാട്ട്, ബേബി പെരുന്പേൽ എന്നിവർ പ്രസംഗിച്ചു. സുൽത്താൻ ബത്തേരി: ഛത്തീസ്ഗഡിലെ ദുർഗിൽ രണ്ട് മലയാളി കന്യാസ്ത്രീകളെ അകാരണമായി അറസ്റ്റുചെയ്തതിൽ മലങ്കര കാത്തലിക് അസോസിയേഷൻ രൂപത സമിതി പ്രതിഷേധിച്ചു. ക്രൈസ്തവർക്കെതിരായ അക്രമം ആരാധനാലയങ്ങൾക്കുനേരേയുള്ള അതിക്രമം എന്നിവ വർധിക്കുന്നത് കണക്കിലെടുത്ത് ഭരണാധികാരികൾ അടിയന്തരവും നിർണായകവുമായ നടപടികൾ സ്വീകരിക്കണമെന്നു ആവശ്യപ്പെട്ടു. പ്രസിഡന്‍റ് പ്രിൻസ് ഏബ്രഹാം അധ്യക്ഷത വഹിച്ചു. ജനറൽ സെക്രട്ടറി ചാക്കോ നരിമറ്റത്തിൽ, ട്രഷറർ സുമ ഫിലിപ്പ് എന്നിവർ പ്രസംഗിച്ചു. കൽപ്പറ്റ: മഹിളാ കോണ്‍ഗ്രസ് ജില്ല കമ്മിറ്റി കൽപ്പറ്റയിൽ പ്രതിഷേധ ധർണ നടത്തി. കോണ്‍ഗ്രസ് ജില്ല കമ്മിറ്റി വൈസ് പ്രസിഡന്‍റ് ഒ.വി. അപ്പച്ചൻ ഉദ്ഘാടനം ചെയ്തു. ഇന്ത്യൻ ജനാധിപത്യത്തിന്‍റെ കടയ്ക്കൽ കത്തിവയ്ക്കുന്ന നയമാണ് നരേന്ദ്രമോദി സർക്കാർ പിന്തുടരുന്നതെന്നും അതിന്‍റെ ഏറ്റവും ഒടുവിലത്തെ ഉദാഹരണമാണ് രണ്ട് കന്യാസ്ത്രീകളെ ചത്തീസ്ഗഡിൽ ജാമ്യമില്ല വകുപ്പുകൾ ചേർത്ത് അറസ്റ്റ് ചെയ്തു ജയിലിൽ ഇട്ടിരിക്കുന്നത്. മണിപ്പുരിലെ വംശഹത്യയും ഗുജറാത്തിലെ ഗോദ്ര കലാപവും ആൾക്കൂട്ട അക്രമണവും കൊലപാതകങ്ങളും ബുൾഡോസർ രാജും നരേന്ദ്രമോദി സർക്കാരിന്‍റെ ന്യൂനപക്ഷങ്ങളോടുള്ള യഥാർത്ഥ നയമാണ് വ്യക്തമാക്കുന്നത്. വെറുപ്പും വിദ്വേഷവും വിതച്ച് ഹിന്ദുത്വ അജണ്ട നടപ്പാക്കി ജനങ്ങളെ ജാതിയുടെയും വർണത്തിന്‍റെയും പേരിൽ തമ്മിൽ തല്ലിച്ച് രഷ്ട്രീയ ലാഭം കൊയ്യാനാണ് ബിജെപിയും ബജ്റംഗ്ദൾ ഉൾപ്പെടെയുള്ള വർഗീയ ഫാസിസ്റ്റ് ശക്തികളും ശ്രമിക്കുന്നത്. ഇന്ത്യൻ ജനാധിപത്യത്തിന്‍റെയും സാഹോദര്യത്തിന്‍റെയും മതേതരത്വത്തിന്‍റെയും സംരക്ഷണം ഉറപ്പാക്കാൻ ഇന്ത്യൻ നാഷണൽ കോണ്‍ഗ്രസിന്‍റെ നേതൃത്വത്തിൽ സർവശക്തിയും ഉപയോഗിച്ച് പ്രവർത്തിക്കുമെന്നും ഇന്ത്യൻ ഭരണഘടന സംരക്ഷിച്ചുകൊണ്ട് ഫാസിസ്റ്റ് ശക്തികളെ തറപറ്റിക്കുമെന്നും ധർണയിൽ പ്രസംഗിച്ച നേതാക്കൾ പറഞ്ഞു. യോഗത്തിൽ മഹിളാ കോണ്‍ഗ്രസ് ജില്ലാ പ്രസിഡന്‍റ് ജിനി തോമസ് അധ്യക്ഷത വഹിച്ചു. ഗാന്ധിദർശൻ വേദി ജില്ലാ ചെയർമാൻ ഇ.വി. ഏബ്രഹാം, കെ. അജിത, ഉഷാതന്പി, മേഴ്സി സാബു, ഗിരിജ മോഹൻദാസ്, ബീന സജി, ബിന്ദു സജീവ്, ശാലിനി, ജെസി ലെസ്ലി തുടങ്ങിയവർ പ്രസംഗിച്ചു. പുൽപ്പള്ളി: ഛത്തീഡ്ഗഡിൽ ബിജെപി സർക്കാരും സംഘപരിവാർ സംഘടനകളും ചേർന്നു മതന്യൂനപക്ഷങ്ങളെ വേട്ടയാടുകയാണെന്ന് കെപിസിസി ജനറൽ സെക്രട്ടറി കെ.കെ. ഏബ്രഹാം പ്രസ്താവനയിൽ പറഞ്ഞു. നിരപരാധികളായ കന്യാസ്ത്രീകളെ കള്ളക്കേസിൽ കുടുക്കി ജയിലിലടച്ചത് രാജ്യത്തിന്‍റെ മതേതര സങ്കൽപ്പങ്ങളോടുള്ള വെല്ലുവിളിയാണ്. വർഗീയതയെയും ഫാസിസത്തെയും താലോലിക്കുന്ന ഭരണകൂടങ്ങൾ മതേതരത്വം തകർക്കുകയാണ്. കന്യാസ്ത്രീകൾക്കെതിരേ മനുഷ്യക്കടത്തും മതപരിവർത്തന ശ്രമവും ആരോപിച്ച് കേസെടുത്തത് അനുചിതവും അന്യായവുമാണ്. ബജ്റംഗ്ദൾ പ്രവർത്തകരുടെ സമ്മർദത്തിനു വഴങ്ങിയാണ് ഛത്തീസ്ഗഡ് പോലീസ് കന്യാസ്ത്രീകളെ കള്ളക്കേസിൽ കുടുക്കിയത്. നിരപരാധികളായ കന്യാസ്ത്രീകളെ ഉടൻ മോചിപ്പിക്കണമെന്നും ഏബ്രഹാം ആവശ്യപ്പെട്ടു. സുൽത്താൻ ബത്തേരി: ഛത്തീസ്ഗഡിലെ ദുർഗിൽ മനുഷ്യക്കടത്ത് ആരോപിച്ച് രണ്ട് മലയാളി കന്യാസ്ത്രീകളെ തീവ്ര ഹിന്ദുത്വ സംഘടനകളുടെ സമ്മർദ്ദത്തെ തുടർന്ന് അറസ്റ്റ് ചെയ്തു ജയിലിൽ അടച്ചതിനെതിരേ സുൽത്താൻ ബത്തേരി അസംപ്ഷൻ ദേവാലയത്തിലെ വിശ്വാസികൾ പ്രതിഷേധിച്ചു. മതപരിവർത്തനം നടന്നിട്ടില്ലെന്നും രക്ഷിതാക്കളുടെ സമ്മതത്തോടെയാണ് പെണ്‍കുട്ടികൾ യാത്ര ചെയ്തതെന്നും സിസ്റ്റേഴ്സ് ഓഫ് മേരി ഇമ്മാക്കുലേറ്റ് സന്യാസിനി സമൂഹം അറിയിച്ചിട്ടും സന്യസ്തരെ തടഞ്ഞുവയ്ക്കുകയും ഭീഷണിപ്പെടുത്തുകയും തടങ്കിലടയ്ക്കുകയുമായിരുന്നു. ഭരണഘടനക്കെതിരേയും രാജ്യത്തിനെതിരേയും പൗരന്‍റെ സഞ്ചാര സ്വാതന്ത്ര്യത്തിനെതിരേയും പ്രവർത്തിക്കുന്ന ഈ ശക്തികൾ ആരോപിക്കുന്ന ഈ വിഷയത്തിൽ അന്വേഷണം നടത്തി കഴിയുന്നത്ര വേഗം സിസ്റ്റേഴ്സിനെ മോചിതരാക്കണമെന്നും യോഗം ആവശ്യപ്പെട്ടു. പ്രതിഷേധ യോഗത്തിൽ ഫൊറോന വികാരി തോമസ് മണക്കുന്നേൽ അധ്യക്ഷത വഹിച്ചു. ജേക്കബ് മുക്കത്ത്, സണ്ണി നെടുങ്കല്ലേൽ, ഫ്രാൻസിസ് പുലിക്കോട്ടിൽ എന്നിവർ പ്രസംഗിച്ചു. സുൽത്താൻ ബത്തേരി: ഛത്തീസ്ഗഡിൽ കന്യാസ്ത്രീകളെ അറസ്റ്റ് ചെയ്ത പോലീസ് നടപടിയിൽ കേന്ദ്രസർക്കാർ ഇടപെടണമെന്ന് കേരള കോണ്‍ഗ്രസ് -എം സുൽത്താൻ ബത്തേരി മുനിസിപ്പൽ കണ്‍വെൻഷൻ ആവശ്യപ്പെട്ടു. അഡ്വ.എൻ.പി. ജോണ്‍സണ്‍ അധ്യക്ഷത വഹിച്ചു. സംസ്ഥാന ജനറൽ സെക്രട്ടറി കെ.ജെ. ദേവസ്യ, ജില്ലാ ജനറൽ സെക്രട്ടറി വി.പി. അബ്ദുൾഗഫൂർ ഹാജി, പി.എം. ജയശ്രീ, ടോം ജോസ്, കുര്യൻ ജോസഫ്, വി.പി. അബ്ദുൾ റസാഖ്, ബേബി പുളിമൂട്ടിൽ, ടോംസ് നെടുങ്കലേൽ, അതുൽ ബേബി, ജയ്സണ്‍ എന്നിവർ പ്രസംഗിച്ചു. സുൽത്താൻ ബത്തേരി: ജനസേവകരായ രണ്ട് കന്യാസ്ത്രീകളെ അകാരണമായി അറസ്റ്റ് ചെയ്തു ജയിലിൽ അടച്ച ഛത്തീസ്ഗഡ് സർക്കാർ നടപടിക്കെതിരേ കേരള കോണ്‍ഗ്രസ്-എം ബത്തേരി നിയോജകമണ്ഡലം കമ്മിറ്റിയുടെ നേതൃത്വത്തിൽ ബത്തേരിയിൽ പ്രതിഷേധ സദസ് സംഘടിപ്പിച്ചു. നാടിന്‍റെ മതനിരപേക്ഷതയും നിയമവ്യവസ്ഥയെയും വെല്ലുവിളിച്ച് കള്ളക്കേസുകൾ ഉണ്ടാക്കി അധികാര ദുർവിനിയോഗം നടത്തുന്നവരെ നിലയ്ക്ക് നിർത്താൻ സർക്കാരുകൾക്ക് ചുമതലയുണ്ട്. കേരള കോണ്‍ഗ്രസ്-എം നിയോജകമണ്ഡലം കമ്മിറ്റിയുടെ നേതൃത്വത്തിൽ സംഘടിപ്പിച്ച പ്രതിഷേധ സദസ് കെ.ജെ. ദേവസ്യ ഉദ്ഘാടനം ചെയ്തു. ജോസഫ് മാണിശേരി, ടി.ഡി. മാത്യു, മാത്യു ഇടയ്ക്കാട്ട്, വിൽസണ്‍ നെടുങ്കൊന്പിൽ, ബില്ലിഗ്രഹാം, ടോം ജോസ്, റെജി ഓലകരോട്ട്, അബ്ദുൾ ഗഫൂർ ഹാജി, കുര്യൻ ജോസഫ്, സണ്ണി മീനങ്ങാടി, ബേബി പുളിമൂട്ടിൽ, അനിൽ ജോസ്, അന്നമ്മ, അബ്ദുൾ റസാഖ്, ജോർജ് ജോസഫ് തുടങ്ങിയവർ പ്രസംഗിച്ചു. കൽപ്പറ്റ: ബിജെപി ഇന്ത്യൻ മതേതരത്വം തകർക്കുകയാണെന്ന് ഡിസിസി പ്രസിഡന്‍റ് എൻ.ഡി. അപ്പച്ചൻ പ്രസ്താവനയിൽ പറഞ്ഞു. ഛത്തീസ്ഗഡിൽ രണ്ട് കന്യാസ്ത്രീകളെ ബജ്റംഗ്ദൾ പ്രവർത്തകരുടെ പരാതിയിൽ അറസ്റ്റ് ചെയ്ത് ജയിലിലടച്ചത് ഇതിനു ഒടുവിലുത്തെ ഉദാഹരണമാണ്. ക്രൈസ്തവ വേട്ട രാജ്യവ്യാപകമായി നടക്കുകയാണ്. നൂറുകണക്കിന് പള്ളികളാണ് ഇതിനകം തകർത്തത്. രാജ്യത്തെ ക്രിസ്ത്യാനികളും ന്യൂനപക്ഷ സമുദായങ്ങളും കുടിയേറി വന്നവരല്ല. അവർ ഇന്ത്യക്കാരാണ്. ഇന്ത്യൻ ഭരണഘടനയിൽ ഉന്നിപ്പറയുന്ന മതേതരത്വവും ജനാധിപത്യവും തകർക്കാൻ ശ്രമിക്കുന്ന ശക്തികളെ കോണ്‍ഗ്രസ് ശക്തമായി എതിർക്കുമെന്നും അപ്പച്ചൻ പറഞ്ഞു.

ചെറുകാട്ടൂർ സെന്‍റ് സെബാസ്റ്റ്യൻസ് ഇടവക പ്ലാറ്റിനം ജൂബിലി: പുരാവസ്തു പ്രദർശനം നടത്തി

മാനന്തവാടി: ചെറുകാട്ടൂർ സെന്‍റ് സെബാസ്റ്റ്യൻസ് ഇടവക പ്ലാറ്റിനം ജൂബിലി വർഷത്തിന്‍റെ ഭാഗമായി രണ്ട് നൂറ്റാണ്ടോളം പഴക്കമുള്ള പുരാവസ്തുക്കളുടെ പ്രദർശനവും മത്സരവും സംഘടിപ്പിച്ചു. കാർഷിക ഉപകരണങ്ങൾ, വീട്ടുപകരണങ്ങൾ, സംഗീത ഉപകരണങ്ങൾ, നാണയശേഖരങ്ങൾ, എന്നിവയുടെ അപൂർവങ്ങളിൽ അപൂർവങ്ങളായ 1000 ത്തോളം വസ്തുക്കളാണ് പ്രദർശനത്തിലുണ്ടായിരുന്നത്. കാർഷിക ഉപകരണങ്ങളായ കലപ്പ, കൊഴു, നുകം, ഞേഞ്ഞിൽ, പുൽപ്പാറ്റി, വീശുമുറം, പറ, കൊരന്പ, ഇടങ്ങഴി, സേർ, കൊരുക്കട്ട, വീട്ടുപകരണങ്ങളായ കിണ്ടി, കോളാന്പി, ചിരവ, അടച്ചൂറ്റി, മണ്ണെണ്ണ വിളക്ക്, പെട്രോൾ മാക്സ്, റാന്തൽ, ചിമ്മിണി, ഓട്ടു വിളക്ക്, പാതാളക്കരണ്ടി, പുല്ലുമാന്തി, നിലംതല്ലി, നൂറ്റാണ്ടുകൾ പഴക്കമുള്ള കട്ടിലുകൾ, സംഗീതോപകരണങ്ങളായ ഹാർമോണിയം, വയലിൻ, ഓടക്കുഴൽ, കളിവീണ, ഗ്രാമഫോണ്‍, മൗത്ത് ഓർഗണ്‍, തബല, തോൽച്ചെണ്ട, ഇടക്ക, മദ്ദളം, ട്രിപ്പിൾ ഡ്രം, ആദ്യകാല കാമറകൾ, വ്യത്യസ്ത കാലഘട്ടങ്ങളിലെയും രാജ്യങ്ങളിലെയും വ്യത്യസ്ത മൂല്യങ്ങളിലുള്ളതുമായ നാണയങ്ങൾ എന്നിവ പുതിയ തലമുറയ്ക്ക് പരിചയപ്പെടുത്തുക കൂടിയായിരുന്നു പ്രദർശനത്തിന്‍റെ ലക്ഷ്യം. വിജയികൾക്ക് യഥാക്രമം 7500, 5000, 2500 എന്നിങ്ങനെ കാഷ് പ്രൈസുകളും മത്സരത്തിൽ പങ്കെടുത്ത എല്ലാവർക്കും 1000 രൂപ വീതം പ്രോത്സാഹന സമ്മാനവും നൽകി. പ്രദർശന മത്സരം പനമരം ഗ്രാമപഞ്ചായത്ത് വൈസ് പ്രസിഡന്‍റ് തോമസ് പാറക്കാലയിൽ ഉദ്ഘാടനം ചെയ്തു. ഇടവക വികാരി ജോസ് കപ്യാരുമലയിൽ അധ്യക്ഷത വഹിച്ചു. സിഎംഎൽ രൂപത ഡയറക്ടർ ഫാ. സന്തോഷ് ഒറവാറന്തറ മുഖ്യപ്രഭാഷണം നടത്തി. എം.എം. സണ്ണി മൂലക്കര, ഇ.ജെ. സെബാസ്റ്റ്യൻ ഇടയകൊണ്ടാട്ട്, സണ്ണി ചെറുകാട്ട്, ജോർജ് ഊരാശേരിയിൽ, ഫാ. അമൽ മന്ത്രിക്കൽ, ഫാ. നിഥിൻ ആലക്കാതടത്തിൽ എന്നിവർ പ്രസംഗിച്ചു. മാനന്തവാടി രൂപത റെക്ടർ ഫാ. സജി നെടുങ്കല്ലേൽ സമ്മാനദാനം നടത്തി. ജോർജ് തെക്കേതൊട്ടിയിൽ, ബിനിൽ മുള്ളൻമടയ്ക്കൽ, രഞ്ജിത് മുതുപ്ലാക്കൽ, സിബി വെള്ളക്കുഴി എന്നിവർ നേതൃത്വം നൽകി.

അങ്കണവാടി പ്രവർത്തകർക്കായി ശിൽപ്പശാല സംഘടിപ്പിച്ചു

കൽപ്പറ്റ: അങ്കണവാടി പ്രവർത്തകർക്കായി ശൈശവ പൂർവകാല വിദ്യാഭ്യാസവും പരിചരണവും എന്ന വിഷയത്തിൽ സെൻട്രൽ ബ്യൂറോ ഓഫ് കമ്മ്യൂണിക്കേഷൻ വയനാട് ഫീൽഡ് ഓഫീസ് ഏകദിന ശിൽപശാല സംഘടിപ്പിച്ചു. കൽപ്പറ്റ ബ്ലോക്ക് പഞ്ചായത്ത് പ്രസിഡന്‍റ് ചന്ദ്രിക കൃഷ്ണൻ ഉദ്ഘാടനം ചെയ്തു. സമൂഹത്തെ വാർത്തെടുക്കുന്നതിൽ വളരെ വലിയ പങ്കാണ് അങ്കണവാടി അധ്യാപകർ വഹിക്കുന്നതെന്നും അതിനു തക്കവണ്ണം ഉയർന്ന പ്രാധാന്യം അങ്കണവാടി പ്രവർത്തകർക്ക് ലഭിക്കണമെന്നും അവർ അഭിപ്രായപ്പെട്ടു. കൽപ്പറ്റ മുനിസിപ്പൽ കൗണ്‍സിലർ എം.കെ. ഷിബു അധ്യക്ഷത വഹിച്ചു. ഫീൽഡ് പബ്ലിസിറ്റി ഓഫീസർ എം.വി. പ്രജിത്ത് കുമാർ, ഐസിഡിഎസ് സിഡിപിഒ കെ. സന്ധ്യ, സൂപ്പർവൈസർ കെ. ഷംന തുടങ്ങിയവർ പ്രസംഗിച്ചു. മോണ്ടിസോറി ട്രെയ്നർ പ്രഭിത ജയരാജ്, ജില്ലാ ശിശുസംരക്ഷണ യൂണിറ്റ് പ്രൊട്ടക്ഷൻ ഓഫീസർ മജേഷ് രാമൻ എന്നിവർ ക്ലാസെടുത്തു. തുടർന്ന് കേന്ദ്രാവിഷ്കൃത പദ്ധതികളെക്കുറിച്ച് ക്ലാസും ക്വിസ് മത്സരവും നടന്നു. ബാലുശേരി മനോരഞ്ജൻ ആർട്സ് അവതരിപ്പിച്ച കലാപരിപാടിയും അരങ്ങേറി. ഐസിഡിഎസ് കൽപ്പറ്റ പ്രോജക്ട് ഓഫീസിന്‍റെ സഹകരണത്തോടെയാണ് ഏകദിന ശില്പശാല നടത്തിയത്. പ്രോജക്ടിനു കീഴിലെ അങ്കണവാടി അധ്യാപകർ പങ്കെടുത്തു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]