കു​മ്പ​ള: മ​ഴ​യും ക​ട​ലേ​റ്റ​വും ഒ​ഴി​ഞ്ഞ​തോ​ടെ മൊ​ഗ്രാ​ലി​ലെ പ​ര​മ്പ​രാ​ഗ​ത മ​ത്സ്യ​ത്തൊ​ഴി​ലാ​ളി​ക​ളാ​യ ച​വി​ട്ടു​വ​ല​ക്കാ​ർ​ക്കും ചാ​ക​ര​ക്കോ​ള്. വ​ല​യു​മാ​യി നാ​ട​ൻ തോ​ണി​യി​ൽ ക​ട​ലി​ലി​റ​ങ്ങി ക​ര​യി​ൽ നി​ന്ന് 100 മു​ത​ൽ 300 മീ​റ്റ​ർ വ​രെ ദൂ​ര​ത്തി​ൽ വ​ല​വി​രി​ച്ച് പി​ന്നീ​ട് ക​ര​യി​ൽ നി​ന്നു​ത​ന്നെ വ​ലി​ച്ചെ​ടു​ക്കു​ന്ന​താ​ണ് ച​വി​ട്ടു​വ​ല മ​ത്സ്യ​ബ​ന്ധ​ന രീ​തി. ആ​ദ്യ​ദി​നം ത​ന്നെ വ​ല നി​റ​യെ മീ​ൻ കി​ട്ടി​യ​ത് തീ​ര​ക്ക​ട​ലി​ലും മ​ത്സ്യ​ല​ഭ്യ​ത കൂ​ടി​യ​തി​ന്‍റെ സൂ​ച​ന​യാ​യി.

ആ​ദ്യ​ദി​ന​ത്തി​ൽ വേ​ളൂ​രി എ​ന്ന​റി​യ​പ്പെ​ടു​ന്ന മീ​നാ​ണ് ച​വി​ട്ടു​വ​ല​യി​ൽ കൂ​ടു​ത​ലാ​യി കി​ട്ടി​യ​ത്. ഇ​തി​ന് പൊ​തു​വേ വി​ല കു​റ​വാ​ണെ​ന്ന​ത് വ​ല​ക്കാ​ർ​ക്ക് നി​രാ​ശ​യാ​യി. മ​ത്സ്യ​ല​ഭ്യ​ത കൂ​ടി​യ സ​മ​യ​ങ്ങ​ളി​ൽ ചെ​മ്മീ​നും മ​ത്തി​യു​മെ​ല്ലാം ച​വി​ട്ടു​വ​ല​യി​ലും കി​ട്ടാ​റു​ണ്ടെ​ന്നാ​ണ് ഇ​വ​രു​ടെ അ​നു​ഭ​വം. ആ​ഴ​ക്ക​ട​ലി​ൽ നി​ന്ന് മീ​ൻ​പി​ടി​ക്കു​ന്ന ബോ​ട്ടു​കാ​ർ​ക്ക് ചെ​മ്മീ​നും അ​യ​ല​യു​മാ​ണ് ആ​ദ്യ​ദി​ന​ങ്ങ​ളി​ൽ കൂ​ടു​ത​ലാ​യി കി​ട്ടു​ന്ന​ത്.

റം​പ​ണി എ​ന്ന് നാ​ട്ടു​ഭാ​ഷ​യി​ൽ അ​റി​യ​പ്പെ​ടു​ന്ന ച​വി​ട്ടു​വ​ല മ​ത്സ്യ​ബ​ന്ധ​ന​ത്തി​ൽ ഏ​ർ​പ്പെ​ട്ടി​രു​ന്ന ആ​യി​ര​ക്ക​ണ​ക്കി​ന് തൊ​ഴി​ലാ​ളി​ക​ൾ ഒ​രു​കാ​ല​ത്ത് മൊ​ഗ്രാ​ൽ ഭാ​ഗ​ത്തു​ണ്ടാ​യി​രു​ന്നു. ഇ​പ്പോ​ൾ നൂ​റി​ൽ താ​ഴെ ആ​ളു​ക​ൾ മാ​ത്ര​മേ​യു​ള്ളൂ. നേ​ര​ത്തേ ആ​റ് സം​ഘ​ങ്ങ​ളു​ണ്ടാ​യി​രു​ന്ന​ത് ഇ​പ്പോ​ൾ മൂ​ന്നാ​യി കു​റ​ഞ്ഞു. കാ​ലാ​വ​സ്ഥാ മാ​റ്റ​ത്തി​നൊ​പ്പം തീ​ര​ക്ക​ട​ലി​ലെ മ​ത്സ്യ​ല​ഭ്യ​ത​യി​ലു​ണ്ടാ​യ കു​റ​വാ​ണ് റം​പ​ണി സം​ഘ​ങ്ങ​ളി​ലെ തൊ​ഴി​ലാ​ളി​ക​ളി​ല​ധി​ക​വും ഈ ​മേ​ഖ​ല ഉ​പേ​ക്ഷി​ക്കാ​ൻ കാ​ര​ണ​മാ​യ​ത്. മൊ​ഗ്രാ​ലി​നു പു​റ​മേ പ​ള്ളി​ക്ക​ര-​ബേ​ക്ക​ൽ ഭാ​ഗ​ങ്ങ​ളി​ലും ചു​രു​ക്കം ചി​ല​ർ ഇ​പ്പോ​ഴും ഈ ​പ​ര​മ്പ​രാ​ഗ​ത രീ​തി​യി​ൽ മീ​ൻ​പി​ടി​ത്തം ന​ട​ത്തു​ന്നു​ണ്ട്.