ADVERTISEMENT

ADVERTISEMENT

തെരുവുനായ ആക്രമണം; നാലുപേര്‍ക്ക് പരിക്ക്

നിലമേല്‍ : നിലമേലില്‍ തെരുവ് നായയുടെ ആക്രമണത്തില്‍ നാലുപേര്‍ക്കു പരിക്ക്. കഴിഞ്ഞദിവസം വൈകുന്നേരം ആറിനാണ് സംഭവം.

നിലമേല്‍ സ്വദേശികളായ ഷംനാദ്, ആഷിക്, ബദറുദീന്‍ എന്നിവര്‍ക്കും മറ്റൊരു പെണ്‍കുട്ടിക്കുമാണ് കടിയേറ്റത്. പരിക്കേറ്റവര്‍ കടയ്ക്കല്‍ താലൂക്ക് ആശുപത്രിയില്‍ ചികിത്സ തേടി.

ADVERTISEMENT

വോട്ടര്‍പട്ടിക പുതുക്കല്‍ പ്രക്രിയ ഊര്‍ജിതം

കൊല്ലം: ജില്ലയില്‍ തദ്ദേശ തെരഞ്ഞെടുപ്പിന് മുന്നോടിയായുള്ള വോട്ടര്‍പട്ടിക പുതുക്കല്‍ പ്രക്രിയ ഊര്‍ജിതം. പരമാവധി വോട്ടര്‍മാരെ ചേര്‍ക്കാനും വോട്ടര്‍പട്ടിക കുറ്റമറ്റതാക്കാനും എല്ലാ ഇലക്ടറല്‍ രജിസ്‌ട്രേഷന്‍ ഓഫീസര്‍മാര്‍ക്കും അസിസ്റ്റന്‍റ് ഇലക്ടറല്‍ രജിസ്‌ട്രേഷന്‍ ഓഫീസര്‍മാര്‍ക്കും ജില്ലാ കലക്ടറുടെ ചുമതലയുള്ള എഡിഎം ജി .നിര്‍മല്‍കുമാര്‍ കളക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്ന യോഗത്തില്‍ നിര്‍ദേശംനല്‍കി. വോട്ടര്‍പട്ടിക പുതുക്കല്‍ പ്രക്രിയയില്‍ കൃത്യമായി നടപടിക്രമങ്ങള്‍ പാലിക്കണം. അനര്‍ഹരായ വോട്ടര്‍മാര്‍ ഉള്‍പ്പെട്ടിട്ടില്ലെന്നും അര്‍ഹരായവര്‍ ഒഴിവാക്കപ്പെട്ടില്ലെന്നും ഉറപ്പാക്കണം. കരട് വോട്ടര്‍ പട്ടിക പ്രസിദ്ധീകരിച്ചതിനുശേഷം മരണപ്പെട്ടവരുടെ പേര്‌വിവരം, ബന്ധപ്പെട്ട രജിസ്റ്ററുകള്‍ പരിശോധിച്ചും അന്വേഷണംനടത്തി ഉറപ്പാക്കിയശേഷവും മാത്രം നീക്കംചെയ്യാമെന്ന് അറിയിച്ചു. ജൂലൈ 23ന് കരട് വോട്ടര്‍പട്ടിക പ്രസിദ്ധീകരിച്ചതിന് ശേഷം ഇതുവരെ 34978 അപേക്ഷകളാണ് പുതുതായി പേര്‌ചേര്‍ക്കുന്നതിന് ലഭിച്ചത്. പേര്‌ചേര്‍ക്കല്‍, ഒരുവാര്‍ഡില്‍നിന്ന് മറ്റൊരുവാര്‍ഡിലേക്കോ പോളിംഗ് സ്റ്റേഷനിലേക്കോ സ്ഥാനമാറ്റംവരുത്താനും പേര്ഒഴിവാക്കുന്നതിനും ഉള്‍പ്പെടെ sec.kerala.gov.in മുഖേന ഓഗസ്റ്റ് ഏഴ് വരെ അപേക്ഷിക്കാം. 2025 ജനുവരി ഒന്നിനോ അതിനു മുമ്പോ 18 വയസ് തികഞ്ഞവര്‍ക്കാണ് യോഗ്യത. ജൂലൈ 29നകം ഇലക്ടറല്‍ രജിസ്‌ട്രേഷന്‍ ഓഫീസര്‍മാര്‍ തുടര്‍നടപടി സ്വീകരിച്ച് അപ്‌ഡേഷന്‍ പൂര്‍ത്തിയാക്കി. പ്രവാസിഭാരതീയരുടെ വോട്ടര്‍പട്ടികയും ഇതോടൊപ്പം തയാറാക്കും. ഓഗസ്റ്റ് 30നാണ് അന്തിമ വോട്ടര്‍പട്ടിക പ്രസിദ്ധീകരിക്കുക. ഇലക്ഷന്‍ ഡെപ്യൂട്ടി കളക്ടര്‍ ബി ജയശ്രീ, തദ്ദേശസ്വയംഭരണ വകുപ്പ് ജോയിന്‍റ്ഡയറക്ടര്‍ എസ് സുബോധ്, ഇലക്ടറല്‍ രജിസ്‌ട്രേഷന്‍ ഓഫീസര്‍മാര്‍, അസിസ്റ്റന്റ് ഇലക്ടറല്‍ രജിസ്‌ട്രേഷന്‍ ഓഫീസര്‍മാര്‍ തുടങ്ങിയവര്‍ പങ്കെടുത്തു.

റോഡ് തകർന്നു; കാൽനട യാത്രപോലും ദുരിതത്തിൽ

കൊട്ടാരക്കര: കോട്ടാത്തല, മൂഴിക്കോട്, പൊങ്ങൻപാറ റോഡ് തകർന്നു. കാൽനട യാത്രയ്ക്ക് പോലും ബുദ്ധിമുട്ടാകുന്ന തരത്തിൽ റോഡ് തകർന്നതോടെ നാട്ടുകാർ പ്രതിഷേധത്തിലാണ്. റോഡിന്‍റെ പല ഭാഗങ്ങളിലും വലിയ കുഴികളാണ് രൂപാന്തരപ്പെട്ടിരിക്കുന്നത്. ഇതിൽ മഴവെള്ളം കെട്ടിനിന്ന് ഇരു ചക്ര വാഹനങ്ങൾ അപകടത്തിൽ പ്പെടുന്നത് പതിവാണ്. റോഡിന്‍റെ ഇരുവശവും കാട്മൂടി കിടക്കുന്നത് വൃത്തിയാക്കാൻ പോലും അധികൃതർ തയാറാകുന്നില്ല. ഇഴ ജന്തുക്കളുടെ ശല്യവും ഏറുന്നതായും പരാതിയുണ്ട്. കാട്ടുപന്നികളുടെ ശല്യവും കൂടി വരികയാണ്. അമിതഭാരം കയറ്റിയ വാഹനങ്ങളാണ് റോഡിന്‍റെ തകർച്ചയ്ക്ക് കാരണമെന്ന് നാട്ടുകാർ ആരോപിക്കുന്നു. പൊങ്ങൻപാറ ഭാഗത്തായി പാറക്വാറിയും ക്രഷർ യൂണിറ്റും പ്രവർത്തിക്കുന്നുണ്ട്. ഇവിടെ നിന്നുമുള്ള അമിത ഭാരം കയറ്റിയ വാഹനങ്ങൾ റോഡിന്‍റെ പെട്ടെന്നുള്ള തകർച്ചയ്ക്ക് കാരണമാണ്. മുൻപ് റോഡ് നവീകരിച്ചപ്പോഴൊക്കെ ഇത് നാട്ടുകാർ അധികൃതരോട് ചൂണ്ടിക്കാട്ടിയിരുന്നു റോഡ് തകർന്നതോടെ നാടിന്‍റെ യാത്രാ ക്ലേശവും കൂടി. നേരത്തെ ഇത് വഴി കെ എസ് ആർ ടി സി സർവീസ് നടത്തിയിരുന്നു .ഇപ്പോൾ റോഡിന്‍റെ ദയനീയവസ്ഥ കാരണം അതും നിർത്തി. സ്കൂൾബസുകളുംമറ്റും കടന്നുപോകാൻ പെടാപ്പാടാണ്. റോഡിന്‍റെ അവസ്ഥക്ക് പരിഹാരം കാണണമെന്നും, ചെറിയ റോഡിലൂടെയുള്ള അമിത ഭാരം കയറ്റിയ വാഹനങ്ങൾക്ക് നിയന്ത്രണം വേണമെന്നും, ആവശ്യപ്പെട്ട് ചാവർ മഹാദേവസമിതി പ്രതിഷേധ പരിപാടികൾക്ക് രൂപം കൊടുത്തിട്ടുണ്ട്. മന്ത്രി കെ .എൻ .ബാലഗോപാലിനും ജില്ലാ പഞ്ചായത്ത് അധികാരികൾക്കും നാട്ടുകാർ പരാതി നൽകിയിട്ടുണ്ട്.

റെക്കോര്‍ഡ് നേട്ടത്തിനായി ഇന്ത്യന്‍ ദന്തല്‍ അസോസിയേഷന്‍

കൊല്ലം: ദേശിയ ദന്ത ശുചിത്വ ദിനത്തോടനുബന്ധിച്ച് നാളെ ജില്ലയിലെ 25 ഓളം വരുന്ന സ്‌കൂളുകളില്‍ ദന്ത പരിശോധന ക്യാമ്പും ദന്ത ബോധവത്കരണ ക്ലാസും നടത്താന്‍ കൊല്ലം ഇന്ത്യന്‍ ദന്തല്‍ അസോസിയേഷന്‍ തീരുമാനിച്ചു. ഇതിന്‍റെ ഉദ്ഘാടനം കുരീപ്പള്ളി എസ്എബിടിഎം യുപി സ്‌കൂളില്‍ രാവിലെ 10നു പി. സി. വിഷ്ണുനാഥ് എംഎല്‍എ നിര്‍വഹിക്കുമെന്നു ഐഡിഎ പ്രസിഡന്‍റ്ഡോ. ഷാനിമ നിസാം പത്രസമ്മേളനത്തില്‍ അറിയിച്ചു. ഒരേ ദിവസം ഒരു ജില്ലയിലെ 25ഓളം സ്‌കൂളുകളില്‍ ദന്ത ക്യാമ്പ് നടത്തുക എന്നുള്ളതു രാജ്യത്തെ തന്നെ ആദ്യത്തെ സംഭവമാണെന്നു അവര്‍ അവകാശപ്പെട്ടു. കൊല്ലം ഇന്ത്യന്‍ ദന്തല്‍അസോസിയേഷന്‍ ബ്രാഞ്ച് ഇന്ത്യന്‍ ബുക്ക് ഓഫ് റെക്കോര്‍ഡ്സില്‍ ഇടം നേടാന്‍ പോവുകയാണെന്നു ഭാരവാഹികള്‍ അറിയിച്ചു. പത്രസമ്മേളനത്തില്‍ ഭാരവാഹികളായ ഡോ.എ.എല്‍.ജാസ്മിന്‍, ഡോ. ദേവു പ്രേം, ഡോ.അര്‍ജുന്‍.എസ്,ഡോ.ഷിബുരാജഗോപാല്‍ തുടങ്ങിയവര്‍ പങ്കെടുത്തു.

കശുവണ്ടി വികസന കോര്‍പറേഷന്‍ ഹെഡ് ഓഫീസ് പടിക്കല്‍ ധര്‍ണ

കൊല്ലം: വിവിധ ആവശ്യങ്ങള്‍ ഉന്നയിച്ചു കശുവണ്ടി വികസന കോര്‍പ്പറേഷന്‍ ഹെഡ് ഓഫീസിനു മുന്നില്‍ സൗത്ത് ഇന്ത്യന്‍ കാഷ്യു വര്‍ക്കേഴ്സ് കോണ്‍ഗ്രസ് ഐഎന്‍ടിയുസിയുടെ നേതൃത്വത്തില്‍ ഓഗസ്റ്റ് ഒന്നിനു രാവിലെ ഒമ്പതിനു ധര്‍ണ നടത്തും. യൂണിയന്‍ സംസ്ഥാന പ്രസിഡന്‍റ് അഡ്വ. ശൂരനാട് എസ്. ശ്രീകുമാര്‍ അധ്യക്ഷത വഹിക്കുന്ന യോഗത്തില്‍ കോണ്‍ഗ്രസ് അച്ചടക്ക സമിതി ചെയര്‍മാന്‍ തിരുവഞ്ചൂര്‍ രാധാകൃഷ്ണന്‍ എംഎല്‍എ ധര്‍ണ ഉദ്ഘാടനം ചെയ്യുമെന്നു ഭാരവാഹികള്‍ പത്രസമ്മേളനത്തില്‍ അറിയിച്ചു. കേന്ദ്ര സര്‍ക്കാര്‍ തോട്ടണ്ടിക്കു ഇറക്കുമതി ചുങ്കം ഏര്‍പ്പെടുത്തിയതുമുതല്‍ കേരള സംസ്ഥാനത്തെ കശുവണ്ടി വ്യവസായ മേഖല തകരാന്‍ ആരംഭിക്കുകയും തുടര്‍ന്ന് 2016 മുതല്‍ കേരള സര്‍ക്കാര്‍ തുടര്‍ന്നു വരുന്ന തൊഴിലാളി വിരുദ്ധ നടപടികള്‍ കാരണം സമ്പൂര്‍ണ തകര്‍ച്ചയിലേക്ക് പോയ്കൊണ്ടിരിക്കുകയുമാണെന്നു യൂണിയന്‍ നേതാക്കള്‍ കുറ്റപ്പെടുത്തി. കശുവണ്ടി മേഖലയിലെ സ്റ്റാഫ് ജീവനക്കാരുടെ ശമ്പളം പുതുക്കി നിശ്ചയിക്കുക, ഫാക്ടറി സ്റ്റാഫ് അംഗങ്ങള്‍ക്ക് ലീവ് ആനുകൂല്യങ്ങള്‍ പുനസ്ഥാപിക്കുകകശുവണ്ടി തൊഴിലാളികള്‍ക്കു ഇഎസ്‌ഐ അനുകൂല്യങ്ങള്‍ ഉറപ്പാക്കുന്ന വിധം തൊഴില്‍ ദിനങ്ങള്‍ വര്‍ധിപ്പിക്കുക,കാഷ്യു ബോര്‍ഡ് വഴി നടക്കുന്ന തോട്ടണ്ടി ഇടപാടില്‍ വ്യാപകമായി നടക്കുന്ന അഴിമതിക്കെതിരെ നടപടി സ്വീകരിക്കുക, കശുവണ്ടി വികസന കോര്‍പറേഷനിലും കാപ്പക്സിലും ഹെഡ് ഓഫീസിലും, ഫാക്ടറികളിലും സ്റ്റാഫിന്‍റെ ട്രാന്‍സ്ഫര്‍, പ്രൊമോഷന്‍ എന്നിവയില്‍ നടക്കുന്ന അഴിമതിയും സ്വജനപക്ഷപാതവും അവസാനിപ്പിക്കുക, പിരിഞ്ഞു പോയ തൊഴിലാളികളുടെ ഗ്രാറ്റുവിറ്റി ഉടന്‍ വിതരണം ചെയ്യുക, പരിപ്പ് കച്ചവടത്തില്‍ ഇ-ടെന്‍ഡറിന്‍റെ മറവില്‍ നടത്തുന്ന അഴിമതി അവസാനിപ്പിക്കുക, ഐആര്‍സി കരാറിനു വിരുദ്ധമായി, ബോണസ് തിരിച്ചു പിടിക്കുന്ന നടപടി അവസാനിപ്പിക്കുക, അനധികൃത നിയമനങ്ങള്‍ക്കെതിരെ നടപടി സ്വീകരിക്കുക, സ്വകാര്യ കശുവണ്ടിമേഖലക്ക് പ്രത്യേക പാക്കേജ് അനുവദിച്ചു വ്യവസായ സംരക്ഷണം സര്‍ക്കാര്‍ ഉറപ്പു വരുത്തുക തുടങ്ങിയ ആവശ്യങ്ങള്‍ മുന്നോട്ടുവച്ചുകൊണ്ടാണ് സമരം നടത്തുന്നത്. പത്ര സമ്മേളനത്തില്‍ യൂണിയന്‍ ജനറല്‍ സെക്രട്ടറിമാരായ ഒ. ബി. രാജേഷ്, പി മോഹന്‍ലാല്‍, ചന്ദ്രന്‍ കല്ലട, വിനോദ് വില്ലിയത്ത്, അയത്തില്‍ വിക്രമന്‍ തുടങ്ങിയവര്‍ പങ്കെടുത്തു.

എംഡിഎംഎയുമായി രണ്ട് യുവാക്കൾ പിടിയിൽ

കുണ്ടറ: എം ഡി എം എ യുമായി രണ്ട് യുവാക്കൾ കുണ്ടറപോലീസിന്‍റെപിടിയിൽ . എഴുകോൺ ഇടയ്ക്കോട് പരീപ്ര കിഴക്കതിൽ എസ് .സന്ദീപ് (23) ,മുകിൽ ഭവനിൽ നിഖിൽ രാജ് (23) എന്നിവരാണ് അറസ്റ്റിലായത്. ഇന്നലെ പുലർച്ചെ പോലീസ് പട്രോളിങ്ങിനിടെ കൊല്ലം തിരുമംഗലം ദേശീയപാതയിൽ കുണ്ടറ പള്ളിമുക്ക് ജംഗ്ഷനിൽ സംശയാസ്പദമായി രണ്ട് യുവാക്കൾ നിൽക്കുന്നത് ശ്രദ്ധയിൽപ്പെട്ടതിനെ തുടർന്ന് നടത്തിയ ദേഹ പരിശോധനയിൽ സന്ദീപിന്‍റെ പാന്‍റ്സിന്‍റെ പോക്കറ്റിൽ നിന്നുമാണ് 11 ഗ്രാം എം ഡി എം എ പിടിച്ചത് . സബ് ഇൻസ്പെക്ടർ പി. കെ. പ്രദീപിന്‍റെ നേതൃത്വത്തിലുള്ള സംഘമാണ് പ്രതികളെ പിടികൂടി യത്.

നീതി നിഷേധത്തിനെതിരേ കെഎൽസിഎ കൊല്ലം രൂപത കമ്മിറ്റി പ്രതിഷേധമാർച്ച്

കൊല്ലം: മനുഷ്യക്കടത്തും നിർബന്ധിത മതപരിവർത്തനവും ആരോപിച്ചു ഛത്തീസ്ഗഡിലെ ദുർഗിൽഅറസ്റ്റിലായ കന്യാസ്ത്രീകളെ മോചിപ്പിക്കണമെന്നാവശ്യപ്പെട്ടു കൊല്ലം രൂപത കെഎൽസിഎ കമ്മിറ്റി ഹെഡ് പോസ്റ്റ് ഓഫീസിലേക്കു നടത്തിയ മാർച്ചിൽ പ്രതിഷേധമിരന്പി. ഭരണഘടന ഉറപ്പു നൽകുന്ന സ്വാതന്ത്ര്യത്തെപോലും ഹനിക്കുന്ന അത്യന്തം നീച പ്രവർത്തിയാണ് സംഘപരിവാർ പ്രവർത്തകർ ഭരണകൂടത്തിന്‍റെ മൗനാനുവാദത്തോടുകൂടി ഛത്തീസ്ഗഡിൽ നടത്തിക്കൊണ്ടിരിക്കുന്നത്. ഇത് ഒരൊറ്റപ്പെട്ട സംഭവമല്ല, കഴിഞ്ഞ കുറെ നാളുകളായി ഒറീസയിലും മധ്യപ്രദേശിലും വടക്കു കിഴക്കൻ സംസ്ഥാനങ്ങളിലും ഈ വർഗീയ വിഷം സംഘപരിവാർ ശക്തികൾ വിളമ്പുന്നുണ്ട്. ഗ്രഹാം സ്റ്റെയിനും മണിപ്പൂരും സ്റ്റാൻ സ്വാമിയും റാണി മരിയയും ഒക്കെ ഈ ഭരണകൂട ഭീകരതയുടെ രക്തസാക്ഷികളായി ചരിത്രം ഇന്നും ഓർക്കുന്നുവെന്നു രൂപത കമ്മിറ്റി വ്യക്തമാക്കി. സ്വയരക്ഷാർഥം ശിരോവസ്ത്രങ്ങൾപോലും ധരിക്കാതെ സാധാരണ വസ്ത്രങ്ങൾ ധരിച്ചു നടക്കുവാൻ ആവശ്യപ്പെടുമ്പോൾ അത്യന്തം ഞെട്ടലോടെയാണ് അതു കേൾക്കുന്നതെന്നും കേന്ദ്രസർക്കാർ അടിയന്തരമായി ഇടപെടണമെന്നും കമ്മിറ്റി ആവശ്യപ്പെട്ടു. പ്രതിഷേധ മാർച്ച് കെഎൽസിഎ സംസ്ഥാന വൈസ് പ്രസിഡന്‍റ് ജോസഫ് കുട്ടി കടവിൽ ഉദ്ഘാടനം ചെയ്തു. രൂപത ജനറൽ സെക്രട്ടറി ജാക്സൺ നീണ്ടകര, വിൻസി ബൈജു, അജിത ഷാജി, അഡ്വ.എമഴ്സൺ, ഹാരിസൺ, എ.ജെ ഡിക്രൂസ്, മേരിദാസൻ, പങ്കഗ്രാസ്, ഷെർലി, ജാക്യുലിൻ ജെസി,ജയിംസ്, സജി തുടങ്ങിയവർ പ്രസംഗിച്ചു.

കടലിൽ കിടക്കുന്ന കണ്ടയ്നറുകൾ നീക്കം ചെയ്യണം

കൊല്ലം : ട്രോളിംഗ് നിരോധനം അവസാനിക്കുന്നതോടെ സുഗമമായ മത്സ്യബന്ധനത്തിനായി കടലിൽ കിടക്കുന്ന കണ്ടയ്നറുകൾകണ്ടെത്തി അടിയന്തിരമായി നീക്കം ചെയ്യണമെന്നും നീണ്ടകര - അഴീക്കൽ ഹാർബറുകളിലെ അഴിമുഖം ഡ്രഡ്ജിംഗ് നടത്തണമെന്നുംഅഖിലേന്ത്യാ മത്സ്യത്തൊഴിലാളി കോൺഗ്രസ് ആവശ്യപ്പെട്ടു. കടലിൽ കിടക്കുന്ന കണ്ടയ്നറുകൾ ബോട്ടുകൾക്കും, പരമ്പരാഗത യാനങ്ങൾക്കും സുഗമമായി മത്സ്യബന്ധനം നടത്താൻ കഴിയാത്ത അവസ്ഥയാണ് നിലവിലുള്ളത്. കണ്ടയ്നറുകൾ കണ്ടെത്തി അടിയന്തിരമായി നീക്കം ചെയ്യണം. ട്രോളിംഗ് നിരോധനം തുടങ്ങി 52 ദിവസം പൂർത്തിയായിട്ടും ലേല ഹാളുകളുടെ അറ്റകുറ്റ പണികൾ പൂർത്തിയാക്കാൻ നടപടി ഉണ്ടായില്ല. ഹാർബർ എൻജിനീയർ വിഭാഗം ഇക്കാര്യത്തിൽ കാണിച്ച അനാസ്ഥക്ക് പരിഹാരം ഉണ്ടാക്കിയില്ലെങ്കിൽ നീണ്ടകര - അഴീക്കൽ ഹാർബറുകളിൽ ഉപരോധം തീർക്കുമെന്ന് ഇത് സംബന്ധിച്ച് നടന്ന അടിയന്തിര നേതൃയോഗത്തിന് ശേഷം മത്സ്യത്തൊഴിലാളി കോൺഗ്രസ് നേതാക്കളായ എസ്. എഫ്. യേശുദാസനും സെക്രട്ടറി ജി. ലീലാകൃഷ്ണനും സംയുക്ത പ്രസ്താവനയിൽ പറഞ്ഞു. സംസ്ഥാന ഭാരവാഹികളായ രാജ പ്രീയൻ, എൻ.മരിയാൻ, രവിദാസ്, എ.സി.ജോസ്, സുഭഗൻ, കൃഷ്ണദാസ്, ഹാർബർ ഐ എൻ ടി യു സി പ്രസിഡന്‍റ് സുനിൽ കൈലാസം, ഗിരീഷ് ശങ്കരൻ, കെ. ബി. പ്രസന്നൻ, ഹനിദാസ്, സതീശൻ എന്നിവർ പ്രസംഗിച്ചു.

ട്രോളിംഗ് നിരോധനം ഇന്ന് നീങ്ങും; ബോട്ടുകൾ അർധരാത്രിമുതൽ കടലിലേക്ക്

വർഗീസ് എം.കൊച്ചുപറമ്പിൽ ചവറ : സംസ്ഥാനത്ത് ഏര്‍പ്പെടുത്തിയിരുന്ന ട്രോളിംഗ് നിരോധനം നീങ്ങാന്‍ ഇനി മണിക്കൂറുകള്‍ മാത്രം. ഇന്ന് അര്‍ധരാത്രി മുതല്‍ ബോട്ടുകൾ കടലിലിറങ്ങും. രാത്രി 12 ന് നീണ്ടകര പാലത്തിന്‍റെ തൂണുകളിൽ ബന്ധിപ്പിച്ചിട്ടുള്ള ചങ്ങലയുടെ പൂട്ട് തുറന്ന് വിസിൽ മുഴങ്ങുന്നതോടെ ട്രോളിംഗ് നിരോധനം അവസാനിച്ച് ബോട്ടുകൾ മത്സ്യബന്ധനത്തിനായി പുറപ്പെടും. 1350 ൽപ്പരം ബോട്ടുകൾ നീണ്ടകര, ശക്തികുളങ്ങര ഹാർബറുകൾ കേന്ദ്രീകരിച്ചുണ്ട്.ഭൂരിഭാഗം ബോട്ടുകളും ഇന്ന് കടലിലേക്ക് പോകാനുള്ള ഒരുക്കങ്ങൾ പൂർത്തീകരിച്ചു കഴിഞ്ഞു. ഹാര്‍ബറുകളിലും മറ്റ് യാഡുകളിലും കിടക്കുന്ന ബോട്ടുകളില്‍ ഐസ്, വെള്ളം, വല ,റോപ്പ് ,മറ്റ് ഉപകരണങ്ങൾ തുടങ്ങിയവ കയറ്റുന്ന ജോലികള്‍ കഴിഞ്ഞ ദിവസങ്ങളിലായി പൂർത്തീകരിച്ചു. കഴിഞ്ഞ ദിവസങ്ങളിലായി ആന്ധ്രാ , തെലുങ്കാന ,പശ്ചിമ ബംഗാൾ ,തമിഴ്നാട് എന്നിവിടങ്ങളിൽ നിന്നുള്ള തൊഴിലാളികള്‍ ഹാർബറുകളിൽ എത്തി. 1988-ലാണ് കേരളത്തില്‍ വര്‍ഷകാല ട്രോളിംഗ് നിരോധനം തുടങ്ങിയത്. നിരോധന കാലം ഇക്കുറിയും ശാന്തമായിരുന്നു. കാലവര്‍ഷക്കാലത്ത് വന്‍തോതില്‍ ലഭിക്കുന്ന ഉപരിതല മത്സ്യങ്ങളും ഇക്കുറി കാര്യമായി ലഭ്യമായില്ല. ഏറെ പ്രതിസന്ധിയിലൂടെയാണ് മത്സ്യമേഖല കടന്നുപോകുന്നതെന്ന് മത്സ്യ തൊഴിലാളികൾ പറയുന്നു. ഏറെ പ്രതീക്ഷയോടെ ബോട്ടുകള്‍ കടലിലിറങ്ങുന്നതോടെ ഹാർബറുകളിൽ ഇനി ആരവത്തിന്‍റെ ദിനങ്ങളാണ്.

മരങ്ങളെ കൊല്ലരുതേ.....ഓര്‍മപ്പെടുത്തി ഭദ്രന്മാരുടെ ചിത്ര പ്രദര്‍ശനം

അജി വള്ളിക്കീഴ് കൊല്ലം: ജീവജാലങ്ങള്‍ നമ്മുടെ ജീവനല്ലേ..മരങ്ങളെ കൊല്ലരുതേ ഓര്‍മപ്പെടുത്തുകയാണ് ഭദ്രന്മാരുടെ ചിത്രപ്രദര്‍ശനം. എത്രമനോഹരമായിട്ടാണ് പ്രകൃതിസംരക്ഷണത്തിന്‍റെ ആവശ്യകത ഇവര്‍ വരച്ചുകാണിക്കുന്നത്. ഒറ്റ വാക്കില്‍ ജീവന്‍തുടിക്കുന്ന മനോഹരചിത്രങ്ങള്‍. ചിത്രകാരന്മാരായ എസ്. ആര്‍. ഭദ്രനും ഭദ്രന്‍ കാര്‍ത്തികയും നഷ്ടമാകുന്ന ജൈവ സമ്പത്തിന്‍റെ ഹരിത നഷ്ടങ്ങളെപ്പറ്റിയാണ് കൊല്ലം സോപാനം ഓഡിറ്റോറിയത്തില്‍ പ്രദര്‍ശനത്തിനു വച്ച ചിത്രങ്ങളുടെ കാണികളോട് പറയുന്നത്. മനുഷ്യനുള്‍പ്പടെയുള്ള സകല ജീവജാലങ്ങളും ഭൂമിയില്‍ പാരിസ്ഥിതിക തകര്‍ച്ചയെ നേരിടുമ്പോള്‍ പ്രകൃതിയുടെ രക്ഷയ്ക്കും ജൈവവൈവിധ്യ സംരക്ഷണത്തിനും പൊതുസമൂഹത്തിനു ഓര്‍മപ്പെടുത്തല്‍ നല്‍കുന്ന ഭദ്രന്മാരുടെ ചിത്ര പ്രദര്‍ശനം. പ്രകൃതിയില്‍ നടക്കുന്ന നാശ സംഭവങ്ങളുടെ പട്ടികയില്‍ വരുന്ന മരങ്ങള്‍ വെട്ടിനശിപ്പിക്കല്‍, മണ്ണിടിച്ചില്‍, ജൈവവൈവിധ്യ നാശം, കാലാവസ്ഥ വ്യതിയാനങ്ങള്‍, മലിനീകരണം തുടങ്ങി ഭദ്രന്മാരുടെ ചിത്രങ്ങള്‍ കാണുന്ന ആര്‍ക്കും പാരിസ്ഥിതിക പ്രശ്‌നങ്ങള്‍ മനസിലാക്കാനും പ്രകൃതിയെ സംരക്ഷിക്കേണ്ടതിന്‍റെആവശ്യകതയിലേക്ക് ചിന്തിപ്പിക്കും.നിയമവിരുദ്ധ മരംവെട്ടുകള്‍, മാലിന്യങ്ങള്‍ ഒഴുക്കല്‍, മണ്ണിന്‍റെ നാശം, ജലപ്രവാഹങ്ങള്‍, തുടങ്ങി നമ്മുടെ സ്വന്തമായ ജീവജാലങ്ങളുടെ ശേഷിപ്പുകളെ തൊട്ടറിയുന്നതും ചൂണ്ടികാട്ടുന്നതുമാണ് ഭദ്രന്മാരുടെ വരകള്‍. ഒയാസിസ്, പ്രകൃതി, ശേഷിക്കുന്ന മരക്കൂണുകള്‍, പ്രതീക്ഷയുമായുള്ള ഒരു ജലപക്ഷിയുടെ കാത്തിരുപ്പുമൊക്കെ ഏതൊരു കാണിക്കും മനസിനുള്ളിലേക്ക് ആഴ്ന്നിറങ്ങാന്‍ ഒരു ആമുഖത്തിന്‍റെയും ആവശ്യമില്ല. പ്രകൃതിയും ജീവജാലങ്ങളും ചേര്‍ന്നുളള വിസ്മയമാണ് ഭൂമി. എല്ലാ ജീവജാലങ്ങള്‍ക്കും ഇവിടെ ജീവിക്കാനുള്ള അവകാശവും തുല്യമാണ്. അതിനു വ്യത്യസ്ഥമായി ആവാസമേഖലയെ താറുമാറാക്കുന്നതാണ് പ്രകൃതി നശീകരണം. വരും തലമുറയെ നോക്കാതെ തുടര്‍ന്നുകൊണ്ടേയിരിക്കുന്ന ഈ നശീകരണത്തിനെതിരെ പ്രതികരിക്കുക എന്നതാണ് ഞങ്ങളുടെ ലക്ഷ്യമെന്നാണ് ചിത്രകാരന്മാരായ എസ്. ആര്‍. ഭദ്രനും, ഭദ്രന്‍ കാര്‍ത്തികയും ഒരേ സ്വരത്തില്‍ പറയുന്നത്. ചിത്രങ്ങളിലൂടെ എത്ര മാത്രം ജനങ്ങളെ ഉദ്‌ബോധിപ്പിക്കുക എന്ന ലക്ഷ്യത്തോടെ ഒരു വശത്ത് പച്ചപ്പു നിറഞ്ഞ പ്രകൃതിയും മറുവശത്ത് നശീകരണത്തിന്‍റെ വ്യാപ്തിയും ഭദ്രന്മാര്‍ ചിത്രീകരിച്ചിരിക്കുന്നു. ഒരുമിച്ചു ചിത്രകല പഠിച്ച ഈ ഭദ്രന്മാര്‍ ലളിതകലാ അക്കാദമി കോഴിക്കോട്, എറണാകുളം ഡര്‍ബാര്‍ ഹാള്‍, കൃഷ്ണപുരം, കായംകുളം, വൈലോപ്പിള്ളി സംസ്‌കൃതി ഭവന്‍, തിരുവനന്തപുരം മ്യൂസിയം ആര്‍ട്ട് ഗ്യാലറി, ജഹാംഗീര്‍ ആര്‍ട്ട് ഗാലറി മൂംബൈ, തുടങ്ങി ചെറുതും വലുതുമായ നൂറ്റമ്പതിലേറെ ഗാലറികളില്‍ ഇതിനകം ചിത്ര പ്രദര്‍ശങ്ങള്‍ നടത്തിയിട്ടുണ്ട്. കൊല്ലത്ത് സോപാനം ഓഡിറ്റോറിയത്തില്‍ ഇന്ന് ഒരു ദിവസം കൂടി ഇവരുടെ ചിത്രങ്ങളുടെ പ്രദര്‍ശനം ഉണ്ടാവും.

ഹൈക്കോടതിയുടെ സുപ്രധാന വിധി : അഷ്ടമുടി വെറ്റ്‌ലാൻഡ് മാനേജ്‌മെന്‍റ് യൂണിറ്റ് രണ്ടു മാസത്തിനകം രൂപീകരിക്കണം

കൊല്ലം: അഷ്ടമുടി കായല്‍ സംരക്ഷണത്തിനായി രണ്ടു മാസത്തിനകം അഷ്ടമുടി വെറ്റ് ലാന്‍ഡ് മാനേജ്‌മെന്‍റ് യൂണിറ്റ് രൂപീകരിക്കണമെന്നു ഹൈക്കോടതി.ചീഫ് ജസ്റ്റിസ് നിതിന്‍ ജാംദാര്‍, ജസ്റ്റിസ് ബസന്ത് ബാലാജി എന്നിവരടങ്ങുന്ന ബെഞ്ച് സുപ്രധാന നിര്‍ദ്ദേശങ്ങളടക്കമാണ് അഷ്ടമുടി കായലിന്‍റെ സംരക്ഷണത്തിനായി ഒരു പ്രത്യേക യൂണിറ്റ് രൂപീകരിക്കാന്‍ സംസ്ഥാന സര്‍ക്കാരിനും സംസ്ഥാന തണ്ണീര്‍ത്തട അഥോറിറ്റിക്കും നിര്‍ദ്ദേശം നല്‍കിയിരിക്കുന്നത്. ഈ യൂണിറ്റ് അഷ്ടമുടി തണ്ണീര്‍ത്തട മാനേജ്മെന്‍റ് യൂണിറ്റ് എന്ന് അറിയപ്പെടുമെന്നും കോടതി പറഞ്ഞിട്ടുണ്ട്. മാലിന്യം തള്ളുന്നതും അനധികൃത കൈയേറ്റങ്ങളും മൂലം ആഷ്ടമുടി കായലില്‍ ഗുരുതരമായ ജലമലിനീകരണവും കണ്ടല്‍ക്കാടുകളുടെ നാശവും സംഭവിക്കുന്നതിനെതിരെ കൊല്ലം ബാര്‍ അസോസിയേഷന്‍ മുന്‍ പ്രസിഡന്‍റ് അഡ്വ. ബോറിസ് പോള്‍ സമര്‍പ്പിച്ച ഹര്‍ജിയിന്മേലാണ് കോടതിയുടെ ഉത്തരവ്. കേസില്‍ ഹെല്പ് ഫൗണ്ടേഷന്‍ സിഇഒ പ്രദീപ് പീറ്റര്‍ കക്ഷി ചേക്കുകയായിരുന്നു. അഷ്ടമുടി കായലില്‍നിന്നു മാലിന്യം നീക്കം ചെയ്യാനും അതിന്‍റെ സ്വാഭാവിക അതിരുകള്‍ പുനഃസ്ഥാപിക്കാനുംഅനധികൃത കൈയേറ്റങ്ങള്‍ നീക്കം ചെയ്യാനും ദീര്‍ഘകാല സംരക്ഷണം ഉറപ്പാക്കാന്‍ അധികാരികളില്‍നിന്നു തുടര്‍ച്ചയായ നിരീക്ഷണത്തിനായി ഒരു സ്വതന്ത്ര നിരീക്ഷണ സമിതിയെ നിയമികാണാമെന്നും ഹര്‍ജിക്കാരന്‍ ആവശ്യം ഉന്നയിച്ചിരുന്നു. അഷ്ടമുടിക്കായലിന്‍റെ സംരക്ഷണ കാര്യത്തില്‍ സംസ്ഥാന സര്‍ക്കാരിനും സംസ്ഥാന തണ്ണീര്‍ത്തട അഥോറിറ്റിക്കും സുപ്രധാനനിര്‍ദ്ദേശങ്ങളാണു ഹൈക്കോടതി നല്‍കിയിട്ടുള്ളത്. യൂണിറ്റിന്‍റെപ്രവര്‍ത്തനങ്ങള്‍ക്കായി ആവശ്യമായ ഓഫീസ് അടിസ്ഥാന സൗകര്യങ്ങള്‍, സപ്പോര്‍ട്ട് സ്റ്റാഫ്, മതിയായ ഫണ്ടിംഗ് എന്നിവ നല്‍കാന്‍ സംസ്ഥാന സര്‍ക്കാരിനു കോടതി നിര്‍ദ്ദേശം നല്‍കിയിട്ടുണ്ട്. തണ്ണീര്‍ത്തടത്തിനായുള്ള ഒരു സമഗ്ര മാനേജ്മെന്‍റ് പ്ലാന്‍ വിധി പുറപ്പെടുവിച്ച തീയതി മുതല്‍ ആറ് മാസത്തിനുള്ളില്‍ അന്തിമാക്കണമെന്നും കോടതി പറയുന്നു. കഴിഞ്ഞ വര്‍ഷം, അഷ്ടമുടി കായലിനും പരിസരത്തുനിന്നും അനധികൃത കൈയേറ്റങ്ങള്‍ നീക്കം ചെയ്യാന്‍ നടപടിയെടുക്കാന്‍ കൊല്ലം സബ് കളക്ടര്‍ക്ക് ഹൈക്കോടതി നിര്‍ദ്ദേശം നല്‍കിയിരുന്നു. എണ്‍പതു ശതമാനം കൈയേറ്റങ്ങള്‍ അടയാളപ്പെടുത്തി ഒഴിപ്പിച്ചെന്നാണ് സബ് കളക്ടര്‍ കോടതിയില്‍ റിപ്പോര്‍ട്ട് നല്‍കിയിരിക്കുന്നത്. ഒരു മാസം മുമ്പ്,അഷ്ടമുടി തണ്ണീര്‍ത്തടത്തിന്‍റെ സംരക്ഷണത്തിനായി ഒരു അഷ്ടമുടി പ്രാദേശിക തണ്ണീര്‍ത്തട അഥോറിറ്റി -ഉപസമിതി രൂപീകരിക്കാനുംകോടതിസര്‍ക്കാരിനോട് ആവശ്യപ്പെട്ടിരുന്നു. ഹര്‍ജികക്ഷികള്‍ക്കു വേണ്ടി അഭിഭാഷകരായഅജ്മല്‍.എ.കരുനാഗപ്പള്ളി,സി.എ.ധനുഷ്, എം.ആര്‍.പ്രിയങ്ക ശര്‍മ, എം.ജി. അനന്യ എന്നിവര്‍ കോടതിയില്‍ ഹാജരായി.

ചൂരൽമല മുണ്ടക്കൈ ദുരന്തത്തിൽ മരണമടഞ്ഞവർക്ക് സ്മരണാഞ്ജലി അർപ്പിച്ചു

കുളത്തൂപ്പുഴ :ചോഴിയക്കോട്പട്ടിക വർഗവികസന വകുപ്പിനു കീഴിലുള്ള ഗവ. മോഡൽ റസിഡൻഷൽ സ്കൂളിലെ വിദ്യാർഥികളും അധ്യാപകരും ജീവനക്കാരും ചേർന്ന് ചൂരൽമല, മുണ്ടക്കൈ ദുരന്തത്തിൽ ജീവൻ പൊലിഞ്ഞവരുടെ സ്മരണയിൽ അശ്രുപൂക്കൾ അർപ്പിച്ചു. മൗനാചരണവും അനുസ്മരണയോഗവും നടന്നു. കുളത്തൂപ്പുഴ സി എച്ച് സിയിലെ മെഡിക്കൽ ഓഫീസർ ഡോ. നിസാ ബഷീർ, അനുസ്മരണ യോഗത്തിന് മുഖ്യപ്രഭാഷണം നടത്തി. പ്രഥമാധ്യാപിക സി. ഗിരിജ , ഹെൽത്ത് ഇൻസ്‌പെക്ടർ സി.ആർ. അരുൺ , അധ്യാപകരകരായ എസ്. ബിനുകുമാർ , എച്ച്. ഹസൈൻ , ശിവപ്രസാദ്, എഫ്.എൽ ബിനിൽകുമാർ എന്നിവർ അനുസ്മരണ പ്രഭാഷണം നടത്തി. സ്കൂൾ സീനിയർ സൂപ്രണ്ട് വി.സുരേഷ്കുമാറിന്‍റെ നേതൃത്വത്തിൽ വിദ്യാർഥികളും അധ്യാപകരും ജീവനക്കാരും ചേർന്ന് ചിത്രത്തിന് മുന്നിൽ പുഷ്‌പാർച്ചന നടത്തുകയും മരിച്ചുപോയവർക്ക് ആദരം അർപ്പിക്കുകയും ചെയ്തു.

കാർ പാർക്കിങ്ങിനെ ചൊല്ലി സംഘട്ടനം; രണ്ട് യുവാക്കൾ അറസ്റ്റിൽ

കൊല്ലം: കാർ പാർക്കിങ്ങിനെ ചൊല്ലി വാക്ക് തർക്കം സംഘട്ടനത്തിൽ കലാശിച്ചു. സംഭവവുമായി ബന്ധപ്പെട്ട് രാഗേഷ്, അഭിലാഷ് എന്നിവരെ പോലീസ് അറസ്റ്റു ചെയ്തു.കല്ലുവാതുക്കലിൽ ശാസ്ത്രീ മുക്കിന് സമീപമാണ് ഇരു വിഭാഗങ്ങൾ തമ്മിൽ ഏറ്റുമുട്ടിയത്. പാർക്കിംഗിനെച്ചൊല്ലിയുള്ള തർക്കം സംഘട്ടനത്തിൽ കലാശിക്കുകയായിരുന്നു. കഴിഞ്ഞ ദിവസം വൈകുന്നേരം ചാത്തന്നൂർ കാരംകോട് ആദിഭവനിൽ രജീഷ് ജ്യേഷ്ഠന്‍റെ മക്കളുമായി ശാസ്ത്രിമുക്കിലുള്ള ടർഫിൽ എത്തി. കാർ പാർക്ക് ചെയ്യാൻ ശ്രമിക്കുന്നതിനിടയിൽ കല്ലുവാതുക്കൽ മേവനക്കോണം അഭിലാഷുമായുണ്ടായ വാക്ക് തർക്കമാണ് ഏറ്റുമുട്ടലിൽ കലാശിച്ചത്. അഭിലാഷിന്‍റെ സുഹൃത്ത് കല്ലുവാതുക്കൽ അടുതല നടയ്ക്കൽ സ്വദേശി മുകേഷ് തടസം പിടിക്കാ നെത്തി. സംഘട്ടനത്തിനിടയിൽ രജീഷ് മുകേഷിനെ കൈയിൽ കരുതിയിരുന്ന മൂർച്ചയേറിയ ആയുധം ഉപയോഗിച്ച് വയറ്റിലും കൈക്കും വെട്ടി. ഗുരുതരമായി പരിക്കേറ്റ മുകേഷിനെ പാരിപ്പള്ളി മെഡിക്കൽകോളജ് ആശുപത്രിയിലും തുടർന്ന് കൊല്ലത്തെ സ്വകാര്യ ആശുപത്രിയിലും പ്രവേശിപ്പിച്ചു. സംഘട്ടനത്തിനിടയിൽ അഭിലാഷ് രജീഷിനെ കല്ലുകൊണ്ട് തലയ്ക്കിടിച്ച് പരിക്കേൽപ്പിച്ചു.പരിക്കേറ്റ രജീഷും ആശുപത്രിയിൽ ചികിത്സ തേടി.

സിപിഐ കൊല്ലം ജില്ലാ സമ്മേളനത്തിന് തുടക്കം

കൊല്ലം: സിപിഐ കൊല്ലം ജില്ലാസമ്മേളനത്തിന് തുടക്കം കുറിച്ച് കന്‍റോണ്‍മെന്‍റ്മൈതാനിയില്‍ ചെങ്കൊടി ഉയര്‍ന്നു. ജന്മിനാടുവാഴികളുടെ കാല്‍ച്ചുവട്ടില്‍ ചവുട്ടിയരയ്ക്കപ്പെട്ട ഒരു ജനതയുടെ ഉയിര്‍ത്തെഴുന്നേല്‍പ്പിന് സാക്ഷ്യം വഹിച്ച മൈതാനിയില്‍ കെ .എസ് .ആനന്ദന്‍റെയും പി. ഭാസ്കരന്‍റെയും നാമധേയത്തിലുള്ള നഗറില്‍ മുന്‍ ജില്ലാസെക്രട്ടറി അഡ്വ. എന്‍ .അനിരുദ്ധന്‍ ചെങ്കൊടി ഉയര്‍ത്തിയപ്പോള്‍ ആയിരങ്ങള്‍ മുദ്രാവാക്യം മുഴക്കി. ശൂരനാട് രക്തസാക്ഷിമണ്ഡപത്തില്‍ നിന്നും സംസ്ഥാന എക്സിക്യൂട്ടീവംഗം കെ .ആര്‍ .ചന്ദ്രമോഹനന്‍ ഉദ്ഘാടനം ചെയ്ത് സംസ്ഥാന കണ്‍ട്രോള്‍ കമ്മീഷനംഗം കെ. ശിവശങ്കരന്‍നായര്‍ കൈമാറിയ പതാകയും വഹിച്ചുകൊണ്ട് ആര്‍ .എസ് .അനില്‍ ക്യാപ്റ്റനും അ‍ഡ്വ. എസ് .വേണുഗോപാല്‍ ഡയറക്ടറുമായ ജാഥ സമ്മേളന നഗരിയിലെത്തിയപ്പോള്‍ അഡ്വ. കെ രാജു ഏറ്റുവാങ്ങി. കടയ്ക്കല്‍ വിപ്ലവ സ്മാരകത്തില്‍ മന്ത്രി ജെ .ചിഞ്ചുറാണി ഉദ്ഘാടനം ചെയ്ത് ഡോ. ആര്‍ .ലതാദേവി കൈമാറിയ കൊടിമരം ജി .ബാബു ക്യാപ്റ്റനായും എസ് .ബുഹാരി ഡയറക്ടറായു ഉള്ള ജാഥ സമ്മേളന നഗരിയിലെത്തിച്ചു. കെ .എസ്. ഇന്ദുശേഖരന്‍നായര്‍ ഏറ്റുവാങ്ങി. കോട്ടാത്തല സുരേന്ദ്രന്‍റെ രക്തസാക്ഷിമണ്ഡപത്തില്‍ സംസ്ഥാന എക്സിക്യൂട്ടീവംഗം ആര്‍ .രാജേന്ദ്രന്‍ ഉദ്ഘാടനം ചെയ്ത് ഐ .ഷിഹാബ് കൈമാറിയ ദീപശിഖ എസ് .നിധീഷ് ക്യാപ്റ്റനും ജോബിന്‍ ജേക്കബ് ഡയറക്ടറുമായി അത്‌ലറ്റുകള്‍ സമ്മേളന നഗരിയില്‍ കൊണ്ടുവന്നു. ജി .ആര്‍ .രാജീവന്‍ ഏറ്റുവാങ്ങി.ചാത്തന്നൂര്‍ ഉളിയനാട് രാജേന്ദ്രന്‍ സ്മൃതികുടീരത്തില്‍ ദേശീയ കൗണ്‍സിലംഗം ചിറ്റയം ഗോപകുമാര്‍ ഉദ്ഘാടനം ചെയ്ത ബാനര്‍ ജി .എസ്.ജയലാല്‍എംഎല്‍എ കൈമാറി .കെ .ജഗദമ്മ ടീച്ചര്‍ ക്യാപ്റ്റനും ഹണിബെഞ്ചമിന്‍ ഡയറക്ടറുമായ ജാഥ സമ്മേളന നഗരിയില്‍ കൊണ്ടുവന്നു. എം .സലിം ഏറ്റുവാങ്ങി. പതാക ഉയര്‍ത്തിയ ശേഷം പാര്‍ട്ടി നൂറാം വാര്‍ഷികാഘോഷവും കമ്മ്യൂണിസ്റ്റ് കുടുംബസംഗമം നടന്നു. സിപിഐ ദേശീയ എക്സിക്യുട്ടീവ് അംഗം കെ പ്രകാശ് ബാബു ഉദ്ഘാടനം ചെയ്തു. ഇന്ന് വൈകുന്നേരം പതിനായിരം റെഡ് വോളന്‍റിയര്‍മാര്‍ പങ്കെടുക്കുന്ന മാര്‍ച്ചും പൊതുസമ്മേളനവും നടക്കും. കാനം രാജേന്ദ്രന്‍ നഗറില്‍ (കന്‍റോണ്‍മെന്‍റ് മൈതാനിയില്‍) നടക്കുന്ന പൊതുസമ്മേളനം ദേശീയ ജനറല്‍ സെക്രട്ടറി ഡി .രാജ ഉദ്ഘാടനം ചെയ്യും. നാളെ മുതല്‍ മൂന്ന് വരെ ആര്‍ .രാമചന്ദ്രന്‍ നഗറില്‍ (സി കേശവന്‍ മെമ്മോറിയല്‍ ടൗണ്‍ഹാളില്‍) പ്രതിനിധി സമ്മേളനം നടക്കും.

റവന്യു ഭൂമിയിൽ നിന്ന ലക്ഷക്കണക്കിന് രൂപ വില വരുന്ന മരങ്ങൾ മുറിച്ചു കടത്തി

പട്ടാഴി : സ്വകാര്യവ്യക്തി റവന്യുഭൂമിയിൽ നിന്ന തേക്കുമരങ്ങൾ ഉൾപ്പെടെയുള്ള ലക്ഷക്കണക്കിന് രൂപ വിലവരുന്ന മരങ്ങൾ മുറിച്ചു കടത്തി.പ്രതിഷേധം വ്യാപകമാകുന്നു. കാട്ടാമല കുളപ്പാറ ഭാഗത്താണ് സംഭവം. പാറ ഖനനവുമായി ബന്ധപ്പെട്ട് വിവാദമായ സ്ഥലത്തു നിന്നാണ് മരങ്ങൾ മുറിച്ചു കടത്തിയിട്ടുള്ളത്. മാസങ്ങളായി ഇവിടെ നിന്ന് മരങ്ങൾ മുറിയ്ക്കുകയായിരുന്നുവെന്ന് പറയപ്പെടുന്നു. സ്വകാര്യവ്യക്തി തന്‍റെപുരയിടത്തിൽ നിന്ന മരങ്ങൾ മുറിച്ചു മാറ്റിയതോടൊപ്പം റവന്യു ഭൂമിയിലെ മരങ്ങളും കടത്തുകയായിരുന്നുവെന്ന് പറയപ്പെടുന്നു. റവന്യു അധികൃതർ ഇക്കാര്യം തുടക്കത്തിൽ അറിഞ്ഞിട്ടും മൗനം പാലിച്ചതായാണ് ആക്ഷേപം ഉയരുന്നത്. മുറിച്ചു മാറ്റിയ വൻമരങ്ങളുടെ കുറ്റികൾ മണ്ണിട്ട് മൂടിയിട്ടുണ്ട്. സംഭവം അറിഞ്ഞതോടെ പ്രതിഷേധവുമായി രാഷ്ട്രീയപാർട്ടികൾ രംഗത്തു വന്നു. കുറ്റക്കാർക്കെതിരെ നടപടിയെടുക്കണമെന്നാണ് ആവശ്യം ഉയരുന്നത്. എന്നാൽ ഈ സംഭവം അധികൃതർ നേരത്തെ അറിഞ്ഞതാണെന്നും യാതൊരു നടപടിയും സ്വീകരിക്കാതെ മൗനം പാലിയ്ക്കുകയായിരുന്നുവെന്നും ആക്ഷേപമുണ്ട്.

യുവതിക്ക് നേരെ നഗ്നത പ്രദർശനം : പ്രതി പിടിയിൽ

കൊട്ടിയം: കെഎസ്ആർടിസി ബസിൽ യുവതിക്ക് നേരെ നഗ്നത പ്രദർശനം നടത്തിയ പ്രതി പിടിയിൽ. മൈലക്കാട് സ്വദേശി സുനിൽ കുമാറാ(48)ണ് കൊല്ലം സിറ്റിപോലീസിന്‍റെ പിടിയിലായത്. ഇത്തിക്കര പാലത്തിന് സമീപത്ത് നിന്നാണ് പ്രതിയെ പിടികൂടിയത്. പ്രതിയെകണ്ടെത്താൻ കഴിഞ്ഞ ദിവസം പോലീസ് ലുക്കൗട്ട് നോട്ടീസ് അടക്കം പുറപ്പെടുവിച്ചായിരുന്നു അന്വേഷണം നടത്തിയത്. തിങ്കളാഴ്ച രാത്രി 10.45 ഓടെയാണ് സംഭവം. തിരുവനന്തപുരത്തു നിന്നും മാവേലിക്കരയിലേയ്ക്ക് പോയ ഫാസ്റ്റ് പാസഞ്ചർ ബസിൽ കൊട്ടിയത്ത് നിന്ന് കൊല്ലത്തേക്ക് പോകുകയായിരുന്നു യുവതി. കൊട്ടിയത്ത് പി എസ് സി പരിശീലന ക്ലാസ് കഴിഞ്ഞ് കൊല്ലത്തെ വീട്ടിലേയ്ക്ക് പോകുകയായിരുന്നു യുവതി. മുന്നിൽ നിന്നുംമൂന്നാമത്തെ സീറ്റിലാണ് യുവതി ഇരുന്നത്. മേവറം എത്തിയപ്പോൾ എതിർവശത്തെ സീറ്റിലിക്കുന്ന പ്രതി തുടർച്ചയായി നഗ്നതാ പ്രദർശനം നടത്തി. യുവതി ദൃശ്യങ്ങൾ മൊബൈലിൽ പകർത്തി. കൊല്ലത്ത് എത്തിയപ്പോൾ യുവതിയെ കൂട്ടി കൊണ്ടു പോകാൻ സഹോദരൻ എത്തിയിരുന്നു. ഇതിനിടയിൽ പ്രതി മുങ്ങി. ചൊവാഴ്ചരാവിലെ സിറ്റി പോലീസ് കമ്മീഷണർക്ക് യുവതി ദ്യശ്യങ്ങൾ സഹിതം പരാതി നല്കി. യുവതിയുടെ മൊഴിയുടെ അടിസ്ഥാനത്തിൽ പോലീസ് കേസെടുത്തു.പോലീസ് തെരയുന്നതറിഞ്ഞ് പ്രതി ഒളിവിൽ പോയി. പോലീസ് ലുക്കൗട്ട് നോട്ടീസുംപുറപ്പെടുവിച്ചു. ഇതിനിടയിലാണ് പ്രതിയെ പോലീസ് പിടികൂടിയത്. പെയിന്‍റിംഗ് തൊഴിലാളിയാണ് പ്രതി.

തോമാശ്ലീഹാ പളളിയിൽ മെഴുക് തിരി കത്തിച്ച് പ്രതിഷേധം

കൊല്ലം: രണ്ടു മലയാളി കന്യാസ്ത്രീകളെ മതപരിവർത്തനം മനുഷ്യക്കടത്ത് എന്നീ കുറ്റങ്ങൾ ചുമത്തി ജയിലിൽ അടച്ച നടപടിയിൽ കൊല്ലം തോമാശ്ലീഹാ പളളിയിൽ ഫാ. മാത്യു അഞ്ചിലിന്‍റെ നേതൃത്വത്തിൽ യുവദീപ്തി എസ് എം വൈ എം കൊല്ലം യൂണിറ്റും യുവജനങ്ങളും ഇടവകാംഗങ്ങളും മെഴുക് തിരി കത്തിച്ച് പ്രതിഷേധിച്ചു. നിരപരാധികളായ കന്യാസ്ത്രീകളെ മോചിപ്പിക്കണമെന്നു ആവശ്യപ്പെട്ടായിരുന്നു പ്രതിഷേധം.

മത്സ്യ തൊഴിലാളികൾക്ക് കൊടുത്ത വാക്കുകൾ പാഴായി; മെറ്റൽ കൂനകൾ സാക്ഷി

കൊല്ലം : രാത്രി ഹാർബർ തുറക്കുമ്പോൾ സർക്കാർ മത്സ്യ തൊഴിലാളികൾക്ക് നൽകിയ വാക്കുകളെല്ലാം പാഴ് വാക്കുകൾ ആവുകയാണ്. ട്രോളിംഗ് നിരോധനം തീരുന്നതിന്‍റെ മുമ്പ് ഹാർബറിലെ വർക്കുകളും റോഡ് പണിയും തീർക്കുമെന്ന് നൽകിയിരുന്ന ഉറപ്പാണ് വെറും പാഴ് വാക്കായിരിക്കുന്നത്. ഹാർബർ എല്ലാം പൊളിച്ചിട്ടതല്ലാതെ ഒരു പണിയും പൂർത്തിയാക്കാൻ ഇതുവരെ കഴിഞ്ഞിട്ടില്ല. റോഡ് പണിയുടെ കാര്യത്തിൽ ഇന്നലെ വരെ ഒന്നും ചെയ്യാതിരുന്ന അധികൃതർ ട്രോളിംഗ് പുനഃരാരംഭിക്കേണ്ടതിന്‍റെ തലേന്ന് റോഡിൽ യാത്ര തടസം ഉണ്ടാക്കും വിധം മെറ്റൽ ഇറക്കുകയാണ് ചെയ്തിരിക്കുന്നത്. ഈ മെറ്റൽ രാത്രിയും ഇന്നു പകലുമായി റോഡിലാകെ നിരത്താനാണ് തീരുമാനം. ടാറിംഗ് ഉടനെ ഒന്നും ഇല്ല. ലോറികൾ ഉൾപ്പടെ ഉള്ള വാഹനങ്ങൾ ട്രോളിംഗ് നിരോധനം തീരുന്നതോടെ ഹാർബറിലേക്ക് റോഡിലൂടെ എത്തുകയും മഴയും കൂടിയാവുമ്പോൾ ഹാർബർ റോഡ് എന്നത് ചെളിക്കുളമാകും. വഴിയാത്രക്കാരും സമീപത്തുള്ള രണ്ടു സ്കൂളുകളിലെ വിദ്യാർഥികളും മൽസ്യ തൊഴിലാളികളും ആണ് ഇതിന്‍റെ ദുരിതം പേറാനിരിക്കുന്നത്. നിരവധി പേരാണ് മൽസ്യ തൊഴിലാളികളെ കൂടാതെ ഹാർബർ റോഡിനെ ആശ്രയിച്ചു വന്നിരുന്നത്. സെന്‍റ്ജോസഫ് ഹൈസ്കൂൾ, സെന്‍റ്് ലിയോൺസ് സ്കൂൾ വിദ്യാർഥികളുടെ ഏക ആശ്രയമാണ് ഈ റോഡ്. വിദേശത്ത് നിന്നെത്തുന്ന ടുറിസ്റ്റുകൾ ഒഴുക്ക് തോട് വഴി തങ്കശേരിക്ക് പോകാൻ ആശ്രയിക്കുന്ന റോഡ് കൂടിയാണ് വാഗ്ദാന ലംഘനത്തിന്‍റെ നേർ സാക്ഷിയായി നീണ്ടകരയിൽ മാറിയിരിക്കുന്നത്.

എംഡി എംഎയുമായി യുവാവിനെ പരവൂർ പോലീസ് അറസ്റ്റ് ചെയ്തു

പരവൂർ : ഒന്നര ഗ്രാം എംഡി എംഎയുമായി യുവാവിനെ പരവൂർ പോലീസ് അറസ്റ്റ് ചെയ്തു. തിരുവനന്തപുരം വിഴിഞ്ഞം സ്വദേശി അജിയാണ് പിടിയിലായത്. അജിയെ പരവൂർ നെടുങ്ങോലത്തുളള ഭാര്യ വീട്ടിൽ നിന്നുമാണ് കസ്റ്റഡിയിൽ എടുത്തത്. തിരുവനന്തപുരം ജില്ലയിൽ ഇയാളുൾപ്പടെയുള്ള നാൽവർ സംഘത്തിന്‍റെ പേരിൽ മയക്കുമരുന്ന് വിതരണം നടത്തിയതിന് കേസ് നിലവിലുണ്ട്. പ്രതികളിൽ മൂന്നുപേരെ തിരുവനന്തപുരം സിറ്റി ഡാൻസാഫിന്‍റെ നേതൃത്വത്തിൽ കഴിഞ്ഞ ദിവസം അറസ്റ്റ് ചെയ്തിരുന്നു. അജിയെ പിടികൂടാൻ കഴിഞ്ഞിരുന്നില്ല . ഇയാൾ കൊല്ലം ജില്ലയിലേക്കു കടന്നിരുന്നതായി ലഭിച്ച രഹസ്യവിവരത്തിന്‍റെ അടിസ്ഥാനത്തിൽ പ്രതിയുടെ മൊബൈലിന്‍റെ ടവർ ലൊക്കേഷൻ പരിശോധിച്ചപ്പോൾ പരവൂരിൽ എത്തിയതായി കണ്ടെത്തി. ഈ വിവരം കൊല്ലം ജില്ലാ ഡാൻ സാഫ് ടീമിനു കൈമാറി. ഡാൻസ് ടീമും പരവൂർ പോലീസും വീടുവളഞ്ഞാണ് പാറയിൽ കാവിനു സമീപത്തുള്ള ഭാര്യവീട്ടിൽ നിന്നും ഇയാളെ കസ്റ്റഡിയിൽ എടുത്തത് . പ്രതിയെ വൈദ്യ പരിശോധനകൾക്കുശേഷം കോടതിയിൽ ഹാജരാക്കി റിമാൻഡ് ചെയ്തു.

അഞ്ചു കുടുംബങ്ങൾക്ക് 50 ലക്ഷം രൂപ നൽകി

കൊല്ലം : അഞ്ചു കുടുംബങ്ങൾക്ക് 50 ലക്ഷം രൂപ കൂടി നൽകി എട്ടരക്കോടിയിലേക്ക് വ്യാപാരി വ്യവസായി ഏകോപന സമിതി കൊല്ലം ജില്ലാ കമ്മിറ്റി.കേരള വ്യാപാരി വ്യവസായി ഏകോപനസമിതി ജില്ലാ കമ്മിറ്റി നടപ്പാക്കിയ സ്നേഹസ്പർശം കുടുബ സുരക്ഷാ പദ്ധതിയുടെ 17ാം ഘട്ടം സമ്മേളനം ജി.എസ്.ജയലാൽ എം എൽ എ ഉദ്ഘാടനം ചെയ്തു. ജില്ലാ പ്രസിഡന്‍റ് എസ്. ദേവരാജൻ അധ്യക്ഷനായി. പരവൂർ നഗരസഭാ ചെയർപേഴ്സൺ പി.ശ്രീജ മരണാനന്തര കുടുംബ സഹായം വിതരണം നടത്തി. എസ് .അശോക് കുമാർ അനുശോചന പ്രമേയഅവതരണം നടത്തി. ജില്ലാ ജനറൽ സെക്രട്ടറി ജോജോ കെ. എബ്രഹാം മുഖ്യപ്രഭാഷണം നടത്തി. എസ്. കബീർ, ശ്രീലാൽ, നെടുങ്ങോലം രഘു, പ്രദീപ് ജി. കറുമണ്ടൽ, ബി.രാജൻ കുറുപ്പ്, ബി.പ്രേമാനന്ദ, ഡി.വാവാച്ചൻ വള്ളിക്കാവ്, എന്നിവർ പ്രസംഗിച്ചു.

വന്ദനാദാസ് കേസ്: പരാതി ഹൈക്കോടതി രജിസ്ട്രാർ ജനറൽ പരിശോധിക്കും

കൊല്ലം: ഡോ. വന്ദനദാസ് കൊലപാതക കേസിൻ്റെ വിചാരണ തടസപ്പെടുന്നുവെന്ന പരാതി ഹൈക്കോടതി രജിസ്ട്രാർ ജനറൽ പരിശോധിക്കും. പ്രതിഭാഗത്തിനായി ഹാജരായിരുന്ന അഭിഭാഷകൻ ബി.എ.ആളൂർ മരണപ്പെട്ടതോടെ പ്രോസിക്യൂഷൻ സാക്ഷികളുടെ വിചാരണ നിർത്തി വച്ചിരുന്നു. മറ്റൊരു അഭിഭാഷകനെ ഹാജരാക്കുവാൻ പ്രതി ആവശ്യപ്പെട്ട സമയം അനുവദിക്കുകയും ചെയ്തു. തുടർന്ന് അഡ്വ. പി.ജി.മനു പ്രതിക്കായി ഹാജരായതോടെ വിചാരണ പുനഃരാരംഭിച്ചു. എന്നാൽ മനുവും മരണപ്പെട്ടതോടെ വിചാരണ നടപടി രണ്ടാം വട്ടവും തടസപ്പെട്ടു. പിന്നീട് പല ഹിയറിംഗുകൾക്ക് ശേഷമാണ് മറ്റൊരു അഭിഭാഷകനായ ജോൺ എസ്.റാൽഫ് പ്രതിക്കായി ഹാജരായത്. തുടർന്ന് പ്രതി ഭാഗത്തന്‍റെ അഭിപ്രായം കൂടി കേട്ട ശേഷമാണ് പ്രോസിക്യൂഷൻ സാക്ഷികളിൽ ചിലർക്ക് കഴിഞ്ഞ പത്തും പതിനൊന്നും തിയതികളിൽ വിചാരണയ്ക്ക് ഹാജരാകാൻ സമൻസ് പുറപ്പെടുവിച്ചത്. പത്തിന് കേസ് ഹിയറിംഗിന് വരവെ പ്രതിയുടെ അഭിഭാഷകൻ കേസിൽ നിന്നും പിന്മാറിയതായി അറിയിച്ചു. തുടർന്ന് അന്നേ ദിവസത്തെയും അടുത്ത ദിവസത്തെയും വിചാരണ നടപടികൾ സ്റ്റോപ്പ് മെമ്മോ പുറപ്പെടുവിച്ച് കൊല്ലം അഡീഷണൽ ജില്ലാ സെഷൻസ് കോടതി നിർത്തിവച്ചു. ഇതോടെ കഴിഞ്ഞ പത്തിന് കോടതിയിൽ എത്തിയ വാദി ഭാഗം സാക്ഷികൾക്ക് മടങ്ങേണ്ടി വന്നു. പ്രതിഭാഗത്തിന്‍റെ അഭിപ്രായം കൂടി കേട്ട ശേഷം പ്രോസിക്യൂഷൻ സാക്ഷികളെ സമൻസ് നൽകി വരുത്തുന്ന അവസരത്തിൽ പ്രതിഭാഗം അഭിഭാഷകൻ ഹാജരായില്ലെങ്കിൽ സർക്കാർ സാക്ഷികളെ തിരിച്ച് അയയ്ക്കാതെ പ്രോസിക്യൂഷൻ ഭാഗത്തിന്റെ തെളിവ് ശേഖരിക്കുവാനും ഇവരെ പ്രതിഭാഗത്തിന് വിസ്തരിക്കുവാൻ മറ്റൊരു അവസരം അപേക്ഷ സമർപ്പിച്ചാൽ അനുവദിച്ച് നൽകുവാനും നിയമ തടസമില്ലെന്നാണ് ഇത് സംബന്ധിച്ച് ആരോഗ്യ വകുപ്പിലെ ഡോ. കെ. പ്രതിഭ ഹൈക്കോടതി രജിസ്ട്രാർ ജനറലിന് നൽകിയ പരാതിയിൽ ചൂണ്ടിക്കാണിക്കുന്നത്. പ്രതിഭാഗത്തിന്‍റെ വീഴ്ചകൾ കാരണം കഴിഞ്ഞ പത്തിന് കോടതിയിൽ എത്തിയ സർക്കാർ സാക്ഷികൾക്ക് മടങ്ങേണ്ടി വന്നു. ഇത് ഗവൺമെന്‍റിന് സാമ്പത്തിക ബാധ്യതയുണ്ടാക്കുന്നതാണ്. പ്രതിഭാഗത്തിന്റെ വീഴ്ചകളുടെ കാരണത്താൽ വിചാരണ നടപടികൾ അനാവശ്യമായി തടസപ്പെടുന്നതും നീളുന്നതും അനുവദിക്കരുതെന്നാണ് പരാതിയിൽ ആവശ്യപ്പെടുന്നത്. ഡോ. കെ. പ്രതിഭയുടെ പരാതി ഹൈക്കോടതി രജിസ്ട്രാർ ജനറലിന് കൈമാറിയിട്ടുണ്ട്. പരാതി ഉയർന്ന സാഹചര്യത്തിൽ നിലവിൽ കഴിഞ്ഞ തിങ്കളാഴ്ച വിചാരണ കോടതിയിൽ കേസ് പരിഗണനയ്ക്ക് വരവെ അടുത്ത മാസം ഏഴിന് സാക്ഷി വിസ്താരം പുനഃരാരംഭിക്കാൻ സാക്ഷികൾക്ക് കോടതി സമൻസ് അയച്ചിട്ടുമുണ്ട്.

കെസിബിസി പ്രോ ലൈഫ് ഞായറാഘോഷം

കൊല്ലം :കെ സി ബി സി പ്രോലൈഫ് സമിതി കൊല്ലം രൂപതയുടെ ആഭിമുഖ്യത്തിൽ ഓഗസ്റ്റ് മൂന്നിന് ഉച്ചക്ക് രണ്ടിനു കർമല റാണി ട്രെയിനിംഗ് കോളജ് ഓഡിറ്റോറിയത്തിൽ നടക്കുന്ന പ്രോലൈഫ് ഞായർ ആഘോഷം കൊല്ലം രൂപതാധ്യക്ഷനും കെ സി ബി സി ഫാമിലി കമ്മീഷൻ ചെയർമാനുമായ ബിഷപ്പ് ഡോ. പോൾ ആന്‍റണി മുല്ലശേരി ഉദ്ഘാടനം ചെയ്യും. പ്രോലൈഫ് രൂപത കോർഡിനേറ്ററും സംസ്ഥാന ആനിമേറ്ററുമായ ജോർജ് .എഫ്. സേവ്യർ വലിയവീട് അധ്യക്ഷത വഹിക്കും. ഫാമിലി അപ്പോസ്റ്റലേറ്റ് ഡയറക്ടർ ഫാ. ഷാജൻ വർഗീസ് മുഖ്യ പ്രഭാഷണം നടത്തും. കെ സി ബി സി വിമൻസ് കമ്മീഷൻ മുൻ എക്സിക്യൂട്ടീവ് സെക്രട്ടറി ജയിൻ ആൻസിൽ ഫ്രാൻസിസ്, പ്രോലൈഫ് ഞായർ സെലിബ്രേഷൻ കൺവീനർ വി .ടി.കുരീപ്പുഴ, കെസിബിസി പ്രോലൈഫ് സമിതി സെക്രട്ടറി ഇഗ്‌നേഷ്യസ് വിക്ടർ തുടങ്ങിയവർ പ്രസംഗിക്കും. ആഘോഷങ്ങളുടെ ഭാഗമായി കത്തോലിക്കാ സഭയോട് ചേർന്ന് നിൽക്കുന്ന വിവിധ മേഖലകളിൽ വ്യക്തിമുദ്ര പതിപ്പിച്ച അറുപതുവയസിനു മുകളിൽ പ്രായമുള്ള രൂപതാംഗങ്ങളെ ബിഷപ് ഡോ. പോൾ ആന്‍റണി മുല്ലശേരി രൂപതയുടെ അനുമോദന പത്രം നൽകി ആദരിക്കും.കൂടുതൽ വിവരങ്ങൾക്ക് 9387676757 എന്ന നമ്പറിൽ വിളിക്കാം.

കന്യാസ്ത്രീകളുടെ അറസ്റ്റിൽ പ്രതിഷേധിച്ച് ഇന്ന് ആയൂരിൽ പ്രകടനം

ആയൂർ:ചങ്ങനാശേരി അതിരൂപത കൊല്ലം -ആയുർ ഫെറോനയിലെ വിശ്വാസി സമൂഹം ഒന്നടങ്കം ഛത്തീസ്‌ഘട്ടിൽ രണ്ടു സന്യാസിനിമാരെ അനധികൃതമായി അറസ്റ്റ് ചെയ്യുകയും കള്ള കേസ് എടുത്തു പീഡിപ്പിക്കുകയും ചെയ്തതിൽ പ്രതിഷേധിച്ച് ഇന്ന് വൈകുന്നേരം ആയുർ ടൗണിൽ പ്രതിഷേധ പ്രകടനം നടത്തും. മനസാക്ഷി ഇല്ലാതെ അറസ്റ്റ് ചെയ്ത കന്യാസ്ത്രീകളെ ഉടൻ മോചിപ്പിയ്ക്കണമെന്ന് വിശ്വാസി സമൂഹം ഒന്നടങ്കം ആവശ്യപ്പെട്ടു. കൊല്ലം ആയൂർഫെറോനയിലെ ഇരുപത് പള്ളികളിൽ നിന്നുള്ള പ്രതിനിധികളും, വൈദികരും,സന്യസ്ഥരും, വിശ്വാസികളും വൈകുന്നേരം അഞ്ചിന് ആയൂർ ക്രിസ്തുരാജ ഫൊറോന പള്ളിയിൽ വിശുദ്ധ കുർബാനഅർപ്പിച്ച ശേഷം ആയുർ ടൗണിൽ പ്രതിഷേധ പ്രകടനം നടത്തും . മതന്യൂനപക്ഷമായ ക്രൈസ്തവ ജനതയെ അപമാനിയ്ക്കുന്ന സംഭവത്തിൽ പ്രധാനമന്ത്രി അടിയന്തിരമായി ഇടപെടണമെന്ന് ആവശ്യമുയർന്നു. ഫെറോനയിലെ ഇരുപത് ഇടവകകളിൽ നിന്നുളള വൈദികർ, കന്യാസ്ത്രീകൾ, വിശ്വാസികൾ എന്നിവർ പ്രതിഷേധത്തിൽ പങ്കെടുക്കും.

കന്യാസ്ത്രീകളുടെ അറസ്റ്റ് അപലപനിയം

പുനലൂർ : കേരളത്തിലെ ബിഷപ് ഹൗസുകളിൽ തമ്പടിച്ചു പ്രവർത്തനം നടത്തുന്ന ബിജെപിയുടെ വർഗീയ നിലപാടാണ് ഉത്തരേന്ത്യയിൽ സിസ്റ്റർമാരെ അറസ്റ്റു ചെയ്ത സംഭവത്തിൽ വെളിവാകുന്നതെന്ന് കേരള കോൺഗ്രസ്‌ സംസ്ഥാന ജനറൽ സെക്രട്ടറി എബ്രഹാം മാത്യു ആരോപിച്ചു.ഛത്തീസ്ഗഡിൽ വർഷങ്ങളായി സന്നദ്ധ സേവനം ചെയ്യുന്ന കത്തോലിക്ക സിസ്റ്റർമാരെ അറസ്റ്റ്‌ ചെയ്ത നടപടി അപലപനിയമാണ്. സാമ്പത്തികമായി ഏറ്റവും പിന്നാക്കം നിൽക്കുന്ന പ്രദേശങ്ങളിൽ ഏറെ ബുദ്ധിമുട്ട് സഹിച്ചു സേവനം ചെയുന്ന ഇവർ ഏതു തരം മനുഷ്യക്കടത്താണ് നടത്തിയതെന്ന്ബി ജെ പി സർക്കാർ വെളിപ്പെടുത്തണ മെന്നും എബ്രഹാം മാത്യു ആവശ്യപ്പെട്ടു.

കന്യാസ്ത്രീമാരുടെ അറസ്റ്റ് : കൊല്ലം രൂപത പ്രതിഷേധറാലി ഓഗസ്റ്റ് മൂന്നിന്

കൊല്ലം: ഛത്തീസ്ഗഡില്‍ ക്രൈസ്തവസന്യാസിനികളെ അകാരണമായി അറസ്റ്റ് ചെയ്തതില്‍ പ്രതിഷേധിച്ചു കെആര്‍എല്‍സിബിസി റിലീജിയസ് കമ്മീഷന്‍റെയും കൊല്ലം രൂപതയുടെയും നേതൃത്വത്തില്‍ കൊല്ലത്ത് പ്രതിഷേധം സംഘടിപ്പിക്കുന്നു. ഓഗസ്റ്റ് മൂന്നിനു ഉച്ചകഴിഞ്ഞ് 3.30 ന് കൊല്ലം കെഎസ്ആര്‍ടിസി ബസ്റ്റാന്‍ഡിനു സമീപത്തു നിന്നും പ്രതിഷേധ റാലി ആരംഭിച്ചു ചിന്നക്കടയില്‍ പ്രതിഷേധ സമ്മേളനം നടത്തുമെന്ന് കൊല്ലം രൂപതാ അല്‍മായ നേതൃത്വം അറിയിച്ചു. കൊല്ലം രൂപതാധ്യക്ഷന്‍ ഡോ. പോള്‍ ആന്‍റണി മുല്ലശേരി, മോണ്‍. ബൈജു ജൂലിയന്‍,കെആര്‍എല്‍സിബിസി സെക്രട്ടറി ജനറല്‍ ഫാ. ജിജു അറക്കത്തറ റിലിജിയസ് കമ്മീഷന്‍ സെക്രട്ടറി ഫാ. മേരി ദാസന്‍ ഒസിഡി എന്നിവര്‍ പ്രസംഗിക്കും. രൂപതയിലെ സന്യസ്തര്‍, വൈദികര്‍, അല്‍മായര്‍ തുടങ്ങിയവര്‍ പങ്കെടുക്കും. ഭാരതത്തിലെ ക്രൈസ്തവ സന്യാസി സന്യാസിനിമാര്‍ രാഷ്ട്രനിര്‍മതിയിലും പുരോഗതിയിലും പ്രത്യേകിച്ചു വിദ്യാഭ്യാസ ആതുര ശുശ്രൂഷ രംഗത്ത് നല്‍കിയിട്ടുള്ള സംഭാവനകള്‍ വലുതാണെന്നു യോഗം വിലയിരുത്തി. തൊഴിലില്ലായ്മ പരിഹരിക്കുന്നതിനും പട്ടിണി അകറ്റുന്നതിനും വിദ്യാസമ്പന്നരാക്കുന്നതിലും ഇന്നും അവര്‍ പ്രതിജ്ഞാബദ്ധരാണെന്നു യോഗം വിലയിരുത്തി. അകാരണമായി അറസ്റ്റ് ചെയ്യപ്പെട്ട സന്യാസിമാരെ നിരുപാധികം വിട്ടയക്കണമെന്നും ഇന്ത്യയില്‍ ഭരണഘടന ഉറപ്പ് നല്‍കുന്ന മതസ്വാതന്ത്ര്യത്തിന് വിലങ്ങിടുന്ന സംഘപരിവാര്‍ ശക്തികളുടെ അതിക്രമങ്ങള്‍ അവസാനിപ്പിക്കണമെന്നും പൗരസ്വാതന്ത്ര്യവും ജനാധിപത്യവും രാജ്യത്തു പുലരുന്നുവെന്ന് ഉറപ്പുവരുത്താന്‍ കേന്ദ്രസര്‍ക്കാര്‍ തയാറാകണമെന്നും യോഗം ആവശ്യപ്പെട്ടു. വടക്കേ ഇന്ത്യയില്‍ വര്‍ധിച്ചുവരുന്ന ഹൈന്ദവ തീവ്രവാദം ന്യൂനപക്ഷ സമുദായങ്ങള്‍ക്കു ഭീഷണി സൃഷ്ടിക്കുന്നത് ഏറെ ആശങ്കയോടെയാണ് നോക്കിക്കാണുന്നതെന്നും യോഗം നിരീക്ഷിച്ചു. രാഷ്ട്രീയ ലാഭം മാത്രം ലക്ഷ്യം വച്ചു മിത്രങ്ങള്‍ ആണെന്നു നടിച്ച് എക്കാലവും മനുഷ്യരെ പറ്റിക്കാം എന്ന് ആരും മോഹിക്കേണ്ടതില്ലെന്നും യോഗം ഓര്‍മിപ്പിച്ചു. കൊല്ലം രൂപതാ പാസ്റ്ററല്‍ കൗണ്‍സില്‍ സെക്രട്ടറി ഫാ. ജോളി എബ്രഹാമിന്‍റെ അധ്യക്ഷതയില്‍ കൂടിയ യോഗത്തില്‍ രൂപത പിആര്‍ഒ ഫാ. രാജേഷ് മാര്‍ട്ടിന്‍ , ഫാ. ജോസ് സെബാസ്റ്റ്യന്‍, ഫാ.ജോര്‍ജ് സെബാസ്റ്റ്യന്‍, ഫാ. ജോ അലക്‌സ്, അനില്‍ ജോണ്‍ ഫ്രാന്‍സിസ്, ലെസ്റ്റര്‍ കാര്‍ഡോസ്, മില്‍ട്ടന്‍, ജേക്കബ് മുണ്ടപ്പുളം, സാജു കുരിശിങ്കല്‍, അഡ്വ. ഇ.എമേഴ്‌സണ്‍, ബെയ്‌സില്‍ നെറ്റാര്‍, ജെയിന്‍ ആന്‍സില്‍ ഫ്രാന്‍സിസ്, വിന്‍സി ബൈജു, ജാക്‌സണ്‍ ഫ്രാന്‍സിസ്, ജോജ് എഫ് സേവ്യര്‍, വല്‍സല ജോയി തുടങ്ങിയവര്‍ പ്രസംഗിച്ചു. കന്യാസ്ത്രീമാരെ നിരുപാധികം വിട്ടയ്ക്കണം:കെസിബിസി മദ്യവിരുദ്ധ സമിതി കൊല്ലം: മതപരിവര്‍ത്തനവും മനുഷ്യ കടത്തും ആരോപിച്ച് മലയാളികളായ കന്യാസ്ത്രീമാരെ ഛത്തീസ്ഗഡില്‍ അറസ്റ്റ് ചെയ്ത് ജയിലില്‍ അടച്ച നടപടിയില്‍ കെസിബിസി മദ്യവിരുദ്ധ സമിതി കൊല്ലം രൂപത കമ്മിറ്റി ശക്തമായ പ്രതിഷേധം രേഖപ്പെടുത്തി. സാമൂഹ്യ സേവനത്തിനും രാഷ്ട്ര നിര്‍മാണത്തിലും നിസ്വാര്‍ഥമായി പ്രവര്‍ത്തിച്ചുകൊണ്ടിരിക്കുന്ന സമര്‍പ്പിതരെ മതത്തിന്‍റെപേരില്‍ ആള്‍ക്കൂട്ട വിചാരണയ്ക്ക് വിധേയരാക്കുന്ന നടപടി അങ്ങേയറ്റം അപലപനീയമാണ്. ഭാരതം ഉയര്‍ത്തിപ്പിടിക്കുന്ന ഉന്നതമായ മതേതര മൂല്യങ്ങളും ജനാധിപത്യവും ബോധപൂര്‍വം തകര്‍ക്കാന്‍ ശ്രമിക്കുന്ന തീവ്രവാദ സംഘടനകള്‍ക്കെതിരെ കര്‍ശന നടപടി സ്വീകരിക്കണം. നിരപരാധികളായ കന്യാസ്ത്രീമാരെ മോചിപ്പിക്കുന്നതിനുള്ള അടിയന്തര നടപടികള്‍ സ്വീകരിക്കാന്‍ കേന്ദ്ര സംസ്ഥാന സര്‍ക്കാരുകള്‍ നടപടി സ്വീകരിക്കണമെന്ന് യോഗം ആവശ്യപ്പെട്ടു. കന്യാസ്ത്രീമാരെ അന്യായമായി അറസ്റ്റില്‍ പ്രതിഷേധിച്ചു കൊല്ലം രൂപത ഓഗസ്റ്റ് മൂന്നിനു നടത്തുന്ന പ്രതിഷേധ റാലിക്ക് യോഗം ഐക്യദാര്‍ഢ്യം പ്രഖ്യാപിച്ചു. പ്രസിഡന്‍റ് യോഹന്നാന്‍ ആന്‍റണി അധ്യക്ഷത വഹിച്ചു. ഡയറക്ടര്‍ ഫാ. മില്‍ട്ടണ്‍ ജോര്‍ജ് , ജനറല്‍ സെക്രട്ടറി എ.ജെ. ഡിക്രൂസ്, എം .എഫ്. ബര്‍ഗ്ലീന്‍, അഡ്വ.ഇ.എമേഴ്‌സണ്‍, ബിനു മൂതാക്കര, മേഴ്‌സി യേശുദാസ്, തോപ്പില്‍ സെബാസ്റ്റ്യന്‍, സന്തോഷ് സേവ്യര്‍ തുടങ്ങിയവര്‍ പ്രസംഗിച്ചു.

ആണ്‍ സുഹൃത്തിന്‍റെ വീട്ടിനുള്ളില്‍ യുവതി തൂങ്ങിമരിച്ച നിലയില്‍ കണ്ടെത്തി

ഓയൂർ: ആണ്‍ സുഹൃത്തി െ ന്‍റ വീട്ടിനുള്ളില്‍ യുവതിയെ തൂങ്ങിമരിച്ച നിലയില്‍ കണ്ടെത്തി. കാരാളികോണം കൊമണ്‍പ്ലോട്ടിലെ യുവാവിന്‍റെ വീട്ടിൽ ഇളമാട് ചെറുവക്കൽ സ്വദേശിനി അഞ്ജന സതീഷ് (21) ആണ് മരിച്ചത്. ഇന്നലെ രാവിലെ കിടപ്പുമുറിയില്‍ തൂങ്ങി മരിച്ച നിലയില്‍ കണ്ടെത്തുകയായിരുന്നു.ഏഴ് മാസം മുന്‍പാണ് നിഹാസ് എന്ന യുവാവിനോപ്പം അഞ്ജന താമസിക്കാന്‍ തുടങ്ങിയത്. സ്വകാര്യ ബസിലെ കണ്ടക്ടറാണ് നിഹാസ്. പെണ്‍കുട്ടിയുടെ വീട്ടുകാര്‍ പരാതി നല്‍കിയതിന്‍റെ അടിസ്ഥാനത്തില്‍ ഇരുവരെയും പോലീസ് വിളിച്ചുവരുത്തി കോടതിയിൽ ഹാജരാക്കിയിരുന്നു. കോടതിയില്‍ വച്ച്‌ യുവാവിനൊപ്പം പോകാനാണ് താത്പര്യമെന്ന് പെണ്‍കുട്ടി പറഞ്ഞിരുന്നു.കഴിഞ്ഞ കുറച്ച്‌ ദിവസങ്ങളായി ഇരുവര്‍ക്കുമിടയില്‍ പ്രശ്‌നങ്ങളുണ്ടായിരുന്നതായാണ് വിവരം. എന്നാല്‍ മരണകാരണം വ്യക്തമല്ല. വീട്ടുകാർ ഉടൻ തന്നെ കടയ്ക്കൽ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഇൻക്വസ്റ്റ് തയാറാക്കിയ ശേഷം ചടയമംഗലം പൊലീസ് തുടര്‍നടപടികള്‍ സ്വീകരിച്ചു. മൃതദേഹം പോസ്റ്റ്‌മോര്‍ട്ടത്തിനായി പാരിപ്പള്ളി മെഡിക്കല്‍ കോളജിലേക്ക് മാറ്റി.

പ്ലസ് വൺ വിദ്യാർഥിയെ വീട്ടിനുള്ളിൽ തൂങ്ങിമരിച്ച നിലയിൽ കണ്ടെത്തി.

കൊല്ലം : അഞ്ചലിൽ പ്ലസ് വൺ വിദ്യാർഥിയെ വീട്ടിനുള്ളിൽ തൂങ്ങിമരിച്ച നിലയിൽ കണ്ടെത്തി. ആർച്ചൽ മുളക്കൽ ഋതു ഭവനിൽ രാജേന്ദ്രൻ രമ്യ ദേമ്പതികളുടെ മകൻ 17വയസുള്ള ഋതുരാജേന്ദ്രനെയാണ് തൂങ്ങിമരിച്ച നിലയിൽ കണ്ടെത്തിയത്. അഞ്ചൽ വെസ്റ്റ് ഗവൺമെന്‍റ് ഹയർ സെക്കൻഡറി സ്കൂളിലെ പ്ലസ് വൺ വിദ്യാർഥിയാണ്. കഴിഞ്ഞ ദിവസം വൈകിട്ടോടുകൂടിയാണ് സംഭവം. മുറിയിൽ നിന്ന് ലഭിച്ച ആത്മഹത്യ കുറുപ്പിൽ മാതാവും ആയിട്ടുള്ള പിണക്കമാണ് മരണകാരണമെന്ന് പറഞ്ഞിട്ടുള്ളതായി പോലീസ് പറഞ്ഞു.

കാണാതായ നിഷാന്തിന്‍റെ മൃതദേഹം കണ്ടെത്തി

പത്തനാപുരം : കാണാതായ നിഷാന്തിന്‍റെ മൃതദേഹം കല്ലടയാറ്റിൽ മഞ്ചള്ളൂർ മണക്കാട്ട് കടവിൽ നിന്നു കണ്ടെത്തി. പത്തനാപുരം പാതിരിക്കൽ സ്വദേശിയായ നിഷാന്തിനെ കഴിഞ്ഞ ആറ് ദിവസമായി കാണാനില്ലായിരുന്നു. തിരച്ചിൽ നടത്തി വരുന്നതിനിടെയാണ് മൃതദേഹം കണ്ടെത്തിയത്. പത്തനാപുരം നെടുംപറമ്പിൽ വർക് ഷോപ്പിലെ ജീവനക്കാരനായിരുന്നു. മരണത്തിൽ ദുരൂഹത ആരോപിക്കുന്നുണ്ട്.

ഇടത് - വലത് മുന്നണികളുടെ ദുർഭരണം വികസനത്തെ തകർത്തു: എസ്. പ്രശാന്ത്

ചാത്തന്നൂർ : ഇടത് - വലത് മുന്നണികളുടെ അഴിമതി നിറഞ്ഞ ദുർഭരണം ചിറക്കര പഞ്ചായത്തി ന്‍റെ വികസനത്തെ തകർത്തുവെന്ന് ബിജെപി കൊല്ലം വെസ്റ്റ് ജില്ലാ പ്രസിഡന്‍റ് എസ്. പ്രശാന്ത്. ബിജെപി ചിറക്കര പഞ്ചായത്തിലേക്ക് നടത്തിയ മാർച്ച് ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. പഞ്ചായത്ത്‌ രൂപീകരണ കാലഘട്ടം മുതൽ വീതം വച്ച് ഭരിക്കുന്ന ഇടത് മുന്നണിയും ഇപ്പോൾ തട്ടികൂട്ടി ഉണ്ടാക്കിയ യു ഡി എഫ് ഭരണ സമിതിയും വിവിധ പദ്ധതികളിലൂടെ ലക്ഷകണക്കിന് രൂപയുടെ അഴിമതിയാണ് നടത്തിയിട്ടുള്ളതെന്ന് എസ്. പ്രശാന്ത് പറഞ്ഞു. നെടുങ്ങോലം ഏരിയ പ്രസിഡന്‍റ് ദേവിദാസ് അധ്യക്ഷത വഹിച്ചു. ജില്ലാ ട്രഷറർ സി. രാജൻപിള്ള, ചിറക്കര ഏരിയ പ്രസിഡന്‍റ് വിനയകുമാർ, മണ്ഡലം ജനറൽ സെക്രട്ടറി മൈലക്കാട് രഞ്ജിത്, പഞ്ചായത്ത്‌ അംഗങ്ങളായ എൽ. രാഗിണി, ഉണ്ണിരതീഷ്, ചിറക്കര ഏരിയ പ്രസിഡന്‍റ് വിനയകുമാർ, മണ്ഡലം വൈസ് പ്രസിഡന്‍റ് നവീൻ ജി.കൃഷ്ണ, സെക്രട്ടറിമാരായ റോയ് നെടുങ്ങോലം, മുരളീധരൻ, ബൈജു മീനാട് എന്നിവർ പ്രസംഗിച്ചു.

കന്യാസ്ത്രീകളെ അറസ്റ്റ് ചെയ്തു ജയിലിലടച്ചത് മതനിരപേക്ഷതയ്ക്കെതിരായ വെല്ലുവിളിയെന്ന്

കൊല്ലം: ഛത്തീസ്ഗഡിൽ രണ്ട് കന്യാസ്ത്രീകളെ അന്യായമായി അറസ്റ്റ് ചെയ്തു ജയിലിടച്ച സംഭവം മതനിരപേക്ഷതക്കെതിരായ വെല്ലുവിളി ആണെന്നും അവരെ ഉടൻ മോചിപ്പിക്കണമെന്നുംഗാന്ധിയർ കളക്ടീവ് ജില്ലാ കമ്മിറ്റി ആവശ്യപ്പെട്ടു. അസത്യം നിറഞ്ഞ കുറ്റാരോപണങ്ങളുടെയും അന്യായമായ ആൾകൂട്ട വിചാരണയുടെയും അനന്തര ഫലമാണ് ഈ അറസ്റ്റെന്ന് യോഗംആരോപിച്ചു. ഭരണഘടന ഉറപ്പു നൽകുന്ന മതസ്വാതന്ത്ര്യവും പൗരാവകാശങ്ങളും നിഷേധിച്ചുകൊണ്ട് രാജ്യത്തെ ന്യൂനപക്ഷങ്ങൾക്ക് നേരെ വർധിച്ചുവരുന്ന അക്രമങ്ങളിൽ യോഗം പ്രതിഷേധം രേഖപ്പെടുത്തി. ജില്ലാ ചെയർമാൻ യോഹന്നാൻ ആന്‍റണി അധ്യക്ഷത വഹിച്ചു. ജനറൽ കൺവീനർ മേച്ചേഴത്ത് ഗിരീഷ്കുമാർ, കോ ഓർഡിനേറ്റർ എ.ജെ. ഡിക്രൂസ്, സുമൻ ജിത്ത് മിഷ, എസ്. ചന്ദ്രബാബു, മണ്ണൂർ ഷാജി എന്നിവർ പ്രസംഗിച്ചു.

യുവജനങ്ങളെ ലഹരി മാഫിയയുടെ സ്വാധീനത്തിൽ നിന്നും മോചിപ്പിക്കണം: പുനലൂർ സോമരാജൻ

കൊല്ലം: യുവജനങ്ങളെ ലഹരി മാഫിയയുടെ സ്വാധീനത്തിൽ നിന്നും മോചിപ്പിക്കണമെന്ന് പത്തനാപുരം ഗാന്ധിഭവ െന്‍റ സാരഥി പുനലൂർ സോമരാജൻ. ലഹരി മാഫിയകൾക്കെതിരേ ശക്തമായ നടപടി സ്വീകരിക്കണമെന്ന് ആവശ്യപ്പെട്ടു ഗാന്ധി ദർശൻ സമിതി സംസ്ഥാന കമ്മിറ്റി മുഖ്യമന്ത്രിക്ക് സമർപ്പിക്കുന്ന ഭീമഹർജിയുടെ ജില്ലാ തല ഒപ്പുശേഖരണത്തി െന്‍റ ഉദ്ഘാടനം പത്തനാപുരം ഗാന്ധി ഭവനിൽ നിർവഹിച്ചുകൊണ്ട് പ്രസംഗിക്കുകയായിരുന്നു പുനലൂർ സോമരാജൻ. യോഗത്തിൽ ജില്ലാ പ്രസിഡന്‍റ്എം. വി. ഹെന്‍ററി അധ്യക്ഷത വഹിച്ചു. കെപിസിസി മെമ്പർ സി. ആർ. നജീബ്, ഷാഹിദ കമാൽ, നസീംബീവി, സരസ്വതിയമ്മ, ബാബു. ജി. പട്ടത്താനം,മാരിയത്തു ബീവി,ആർ. സുമിത്ര, നവാസ്ഖാൻ എന്നിവർ പ്രസംഗിച്ചു.

പള്ളിമുക്കില്‍ റോഡിലേക്ക് മുളങ്കൂട്ടം ഒടിഞ്ഞു വീണു; യാത്രക്കാര്‍ ബുദ്ധിമുട്ടിൽ‍

കുണ്ടറ: പള്ളിമുക്കില്‍ റോഡിലേക്കു മുളങ്കൂട്ടം ഒടിഞ്ഞു വീണുകിടക്കുന്നത് യാത്രക്കാരെ ബുദ്ധിമുട്ടിലാക്കുന്നു. പള്ളിമുക്ക് റെയില്‍വേ ക്രോസ് മുതല്‍ ഈസ്റ്റ് റെയില്‍വേ സ്റ്റേഷന്‍വരെയുള്ള സമാന്തര റോഡി െന്‍റ മധ്യഭാഗത്തു കലുങ്കിനോടു ചേര്‍ന്നുള്ള റോഡിലേക്കാണ് മുളങ്കമ്പുകള്‍ ഒടിഞ്ഞുവീണിരിക്കുന്നത്. ഈ മുളങ്കമ്പുകള്‍ ഒടിഞ്ഞുവീണിട്ട് ഒരാഴ്ചയോളമായി . സെന്‍റ്കുര്യാക്കോസ് എല്‍പിഎസ്, എംജി ഡിഎച്ച്എസ് ഫോര്‍ ഗേള്‍സ് ആന്‍ഡ് ബോയ്‌സ് ഹയര്‍സെക്കന്‍ഡറി സ്‌കൂള്‍ എന്നിവിടങ്ങളിലേക്കു നൂറുക്കണക്കിനു വിദ്യാര്‍ഥികളാണ് വാഹനത്തിലും കാല്‍നടയാത്രയായും പോകുന്നത്. ഇതു കൂടാതെ ട്രെയിനില്‍ വന്നിറങ്ങുന്ന അനേകം ജോലിക്കാരും മറ്റുയാത്രക്കാരും ഓഫീസിലേക്കും മാര്‍ക്കറ്റിലേക്കും ആരാധനാലയങ്ങളിലേക്കും പോകാനുള്ള ഏക മാര്‍ഗവും ഇതാണ്. ഇതെല്ലാം ഇവിടെ കിടക്കാന്‍ തുടങ്ങിയിട്ട് ഒരാഴ്ചയായെങ്കിലും അധികാരികള്‍ മാത്രം കണ്ടതായി നടിക്കുന്നില്ല. എത്രയും പെട്ടെന്ന് ഇതു നീക്കം ചെയ്യാനുള്ള നടപടി സ്വീകരിക്കണമെന്നാണ് നാട്ടുകാരുടെ ആവശ്യം.

സിപിഐ ജില്ലാസമ്മേളനത്തിന് ഇന്ന് തുടക്കം

കൊല്ലം: സിപിഐ കൊല്ലം ജില്ലാ സമ്മേളനം ഇന്നു മുതല്‍ ഓഗസ്റ്റ് മൂന്നു വരെ കൊല്ലത്ത് നടക്കും. 430ഓളം പ്രതിനിധികള്‍ സമ്മേളനത്തില്‍ പങ്കെടുക്കും. ഇന്ന് ഉച്ചയ്ക്ക് രണ്ടിനു ശൂരനാട് രക്തസാക്ഷി മണ്ഡപത്തില്‍ നിന്നും പതാക ജാഥ ആരംഭിക്കും. സിപിഐ സംസ്ഥാന എക്‌സി. അംഗം കെ. ആര്‍. ചന്ദ്രമോഹനന്‍ ജാഥാ ഉദ്ഘാടനം ചെയ്യും. കടയ്ക്കല്‍ വിപ്ലവ സ്മാരകത്തില്‍നിന്ന് ആരംഭിക്കുന്ന കൊടിമര ജാഥ സംസ്ഥാന എക്‌സിക്യൂട്ടീവ് അംഗം ജെ. ചിഞ്ചുറാണി ഉദ്ഘാടനം ചെയ്യും. കോട്ടാത്തല സുരേന്ദ്രന്‍ രക്തസാക്ഷി മണ്ഡപത്തില്‍നിന്ന് ആരംഭിക്കുന്ന ദീപശിഖാ ജാഥ സംസ്ഥാന എക്‌സിക്യൂട്ടീവ് അംഗം ആര്‍. രാജേന്ദ്രനും ഉളിയനാട് രാജേന്ദ്രന്‍ സ്മൃതി കുടീരത്തില്‍നിന്നും ആരംഭിക്കുന്ന ബാനര്‍ ജാഥ സിപിഐ ദേശീയ കൗണ്‍സില്‍ അംഗം ചിറ്റയം ഗോപകുമാറും ഉദ്ഘാടനം ചെയ്യും.വൈകുന്നേരം 4.30ന് കന്‍റോണ്‍മെന്‍റ് മൈതാനിയില്‍ ജാഥകള്‍ സംഗമിക്കും. തുടര്‍ന്നു മുതിര്‍ന്ന സിപിഐ നേതാവ് എന്‍. അനിരുദ്ധന്‍ പതാകയുയര്‍ത്തും. വൈകിട്ട് അഞ്ചിനു പാര്‍ട്ടി നൂറാം വാര്‍ഷികാഘോഷവും കമ്മ്യൂണിസ്റ്റ് കുടുംബ സംഗമവും കന്‍റോണ്‍മെന്‍റ് മൈതാനത്തു നടക്കും. സിപിഐ ദേശീയ എക്‌സി. അംഗം അഡ്വ. കെ പ്രകാശ് ബാബു പരിപാടി ഉദ്ഘാടനം ചെയ്യും. ജില്ലാ അസി. സെക്രട്ടറി അഡ്വ. സാം കെ ഡാനിയേല്‍ അധ്യക്ഷനാകുന്ന യോഗത്തില്‍ കുടുംബാംഗങ്ങളെ സംസ്ഥാന എക്‌സി. അംഗം മുല്ലക്കര രത്‌നാകരന്‍ ആദരിക്കും. തുടര്‍ന്നു രാത്രി ഏഴിന് കെപിഎസിയുടെ നിങ്ങളെന്നെ കമ്മ്യൂണിസ്റ്റാക്കി നാടകം അരങ്ങേറും. നാളെ വൈകുന്നേരം മൂന്നിനു കന്‍റോണ്‍മെന്‍റ് മൈതാനിയില്‍ റെഡ് വോളണ്ടിയര്‍ മാര്‍ച്ചും പൊതുസമ്മേളനവും നടക്കും. ദേശീയ ജനറല്‍ സെക്രട്ടറി ഡി. രാജ ഉദ്ഘാടനം ചെയ്യും. പി.എസ്. സുപാല്‍ എംഎല്‍എ അധ്യക്ഷനാകും.

രാസലഹരി കൈവശം വച്ച കേസ്: പ്രതികൾക്ക് കഠിന തടവ്

കൊല്ലം: രാസലഹരിയായ മെത്താംഫെറ്റാമൈൻ കൈവശം വച്ച് വിൽപനയ്ക്കായി സൂക്ഷിച്ച കേസിൽ രണ്ട് പ്രതികൾക്ക് അഞ്ച് വർഷം വീതം കഠിന തടവിനും 25,000 രൂപ വീതം പിഴയൊടുക്കാനും ശിക്ഷ. പിഴയൊടുക്കാത്തപക്ഷം അഞ്ച് മാസം കൂടി അധിക തടവ് അനുഭവിക്കണം. പന്മന ചോലയിൽ വാടകയ്ക്ക് താമസിച്ചുവന്ന കരുനാഗപ്പള്ളി സ്വദേശി അകേഷ് കുമാർ (അപ്പു, 25), മൈനാഗപ്പള്ളി കടപ്പാ സ്വദേശി ഷാജഹാൻ (26) എന്നിവരെയാണ് കൊല്ലം രണ്ടാം അഡീഷണൽ സെഷൻസ് ജഡ്‌ജ്‌ എസ്. ശ്രീരാജ് ശിക്ഷിച്ചത്.2022 മെയ് 18-നാണ് കേസിനാസ്പദമായ സംഭവം നടന്നത്. ശാസ്താംകോട്ട ടൈറ്റാനിയം റോഡിൽ മുഖംമൂടി ജംഗ്ഷനിൽ നിന്ന് പെരുമന കുളത്തിലേക്ക് തിരിയുന്ന സ്ഥലത്തുകൂടി പട്രോൾ ചെയ്യുകയായിരുന്ന എക്സൈസ് സംഘത്തെ കണ്ട് പരിഭ്രമിച്ച് രക്ഷപ്പെടാൻ ശ്രമിച്ച പ്രതികളെ തടഞ്ഞുനിർത്തി പരിശോധിച്ചപ്പോൾ 3.55 ഗ്രാം രാസലഹരി കണ്ടെത്തുകയായിരുന്നു. സ്കൂളിൽ ഒരുമിച്ച് പഠിച്ച പ്രതികൾ പഠനശേഷം ലഹരി ഉപയോഗിച്ച് തുടങ്ങുകയും തുടർന്ന് അത് വില്പന നടത്തുകയുമായിരുന്നു. രണ്ടാം പ്രതി അകേഷ് കുമാർ സംഭവം നടന്ന സമയത്ത് എൻജിനിയറിംഗ് വിദ്യാർഥിയായിരുന്നു.കരുനാഗപ്പള്ളി എക്സൈസ് റേഞ്ച് ഇൻസ്പെക്ടർ ജി. പ്രസന്ന െ ന്‍റ നേതൃത്വത്തിൽ സിവിൽ എക്സൈസ് ഓഫിസർമാരായ ബി. സന്തോഷ്, കിഷോർ, സുധീർ ബാബു എന്നിവരാണ് പ്രതികളെ പിടികൂടിയത്. കരുനാഗപ്പള്ളി എക്സൈസ് സർക്കിൾ ഇൻസ്പെക്ടർ പി. ശിവപ്രസാദാണ് അന്വേഷണം നടത്തി പ്രതികൾക്കെതിരേ കുറ്റപത്രം സമർപ്പിച്ചത്. പ്രോസിക്യൂഷനു വേണ്ടി പബ്ലിക് പ്രോസിക്യൂട്ടർ വി. വിനോദ് ഹാജരായി.

വര്‍ഗീയത പറയുന്നവര്‍ക്കെതിരേ പ്രതികരിക്കേണ്ടത് സര്‍ക്കാര്‍: നജീബ് കാന്തപുരം

കൊല്ലം: വര്‍ഗീയത പറയുന്നവര്‍ക്കെതിരേ പ്രതികരിക്കേണ്ടത് സംസ്ഥാന സര്‍ക്കാരാണെന്നു നജീബ് കാന്തപുരം. പി.സി ജോര്‍ജിനേയും വെള്ളാപ്പള്ളിയേയും പോലുള്ളവര്‍ പറയുന്നതിനെതിരെ അതേ നാണയത്തില്‍ മറുപടി പറയലല്ല രാഷ്്‌ട്രീയമെന്ന് നജീബ് കാന്തപുരം എംഎല്‍ എ പറഞ്ഞു. പള്ളിമുക്ക് കൊല്ലൂര്‍വിള ജമാഅത്ത് കോണ്‍ഫറന്‍സ് ഹാളില്‍ മുസ്‌ലിം ലീഗ് ജില്ലാ കമ്മിറ്റി സംഘടിപ്പിച്ച വലിയ വീടന്‍ മുഹമ്മദ്കുഞ്ഞ് അനുസ്മരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. സത്യം കുഴിച്ചുമൂടപ്പെടുന്ന കാലത്ത് സത്യത്തിനു വേണ്ടി നിലകൊള്ളാന്‍ കഴിയുന്ന നേതാക്കളാണ് ഉണ്ടാകേണ്ടത്. വലിയവീടന്‍ മുഹമ്മദ് കുഞ്ഞിന്‍റെ ജീവിതവും പൊതുപ്രവര്‍ത്തനവും എന്നും നേരിന്‍റെ പാതയിലായിരുന്നുവെന്നും നജീബ് കാന്തപുരം ചൂണ്ടിക്കാട്ടി. മുസ്‌ലിം ലീഗ് ജില്ലാ പ്രസിഡന്‍റ്നൗഷാദ് യൂനുസ് അധ്യക്ഷനായി. ജില്ലാ ജനറല്‍ സെക്രട്ടറി അഡ്വ.സുല്‍ഫീക്കര്‍, മുന്‍ എംഎല്‍എ എ.എ. അസീസ്, മുന്‍ മേയര്‍ എന്‍. പത്മലോചനന്‍, കെപിസിസി രാഷ്്‌ട്രീയകാര്യ സമിതി അംഗം ബിന്ദുകൃഷ്ണ, അഡ്വ.അന്‍വറുദീന്‍ എന്നിവര്‍ പ്രസംഗിച്ചു. മുസ്‌ലിം ലീഗ് ജില്ലാ ഭാരവാഹികളായ എം.എ. സലാം, വട്ടപ്പാറ നാസിമുദീന്‍, ചന്ദനത്തോപ്പ് ഷെരീഫ്, മുള്ളുകാട്ടില്‍ സാദിഖ്, മുസ്‌ലിം ലീഗ് സംസ്ഥാന വര്‍ക്കിംഗ് കമ്മിറ്റി അംഗം പണിക്കത്ത് സലാം, ദേശീയ സമിതി അംഗങ്ങളായ എ.ഫസിലുദീന്‍ ഹാജി, കെ.യു. ബഷീര്‍ ഹാജി, എസ്.അഹമ്മദ് തുഫൈല്‍, മുസ് ലിം ലീഗ് ചവറ നിയോജക മണ്ഡലം പ്രസിഡന്‍റ് കിണറുവിള സലാഹുദീന്‍, കുന്നത്തൂര്‍ നിയോജക മണ്ഡലം പ്രസിഡന്‍റ് പറമ്പില്‍ സുബൈര്‍, ഇരവിപുരം നിയോജക മണ്ഡലം ജനറല്‍ സെക്രട്ടറി സുധീര്‍ കിടങ്ങില്‍, യൂത്ത് ലീഗ് ജില്ലാ പ്രസിഡന്‍റ് റജി തടിക്കാട്, ജില്ലാ ജനറല്‍ സെക്രട്ടറി സാജന്‍ ഹിലാല്‍ മുഹമ്മദ്, സ്വതന്ത്ര കര്‍ഷക സംഘം ജില്ലാ പ്രസിഡന്‍റ് എം.ഹബീബ് മുഹമ്മദ്, ജനറല്‍ സെക്രട്ടറി ഇ. അസീംകുഞ്ഞ്, വനിതാ ലീഗ് ജില്ലാ പ്രസിഡന്‍റ് മാജിതാ വഹാബ്, ജനറല്‍ സെക്രട്ടറി ജുബൈറത്ത് ബീവി, പ്രവാസി ലീഗ് ജില്ലാ ജനറല്‍ സെക്രട്ടറി നാസര്‍ കുറുമ്പള്ളൂര്‍ തുടങ്ങിയവര്‍ പങ്കെടുത്തു.

ക്ഷേത്രത്തിലെ 20 പവൻ മോഷ്‌ടിച്ച പൂജാരി റിമാൻഡിൽ

പരവൂർ: ക്ഷേത്രത്തിലെ 20 പവനോളം തുക്കം വരുന്ന സ്വർണക്കിരീടങ്ങൾ മോഷ്‌ടിച്ച പൂജാരിയെ പോലീസ് അറസ്റ്റ് ചെയ്തു. കൊല്ലം പാരിപ്പള്ളി കിഴക്കനേല പുതിയിടത്ത് ഇല്ലത്തിൽ ഈശ്വരൻ നമ്പൂതിരി ( 42 ) ആണ് പിടിയിലായത്. പരവൂർ പെരുമ്പുഴ യക്ഷിക്കാവിലെ വിഗ്രഹങ്ങളിൽ ചാർത്തിയിരുന്ന ഇരുപത് പവനോളം വരുന്ന അഞ്ച് കിരീടങ്ങളാണ് മോഷ്‌ടിച്ചത്. ദിവസങ്ങൾക്ക് മുൻപ് നിലവിലെ ഭരണ സമിതി സ്ഥാനം ഒഴിഞ്ഞ് പുതിയ ഭരണസമിതി സ്ഥാനം ഏറ്റെടുത്തിരുന്നു. പുതിയ ഭാരവാഹികൾ സ്ഥാവര ജംഗമ വസ്തുക്ക ളുടെ കണക്കെടുപ്പ് നടത്തിയപ്പോൾ കാണിച്ച കിരീടങ്ങൾ സ്വർണമാണോയെന്ന് ചില അംഗങ്ങൾക്ക് സംശയമുണ്ടായി. ഇക്കാര്യത്തിൽ മേൽശാന്തി പരസ്പര വിരുദ്ധമായ മറുപടി നൽകിയതോടെയാണ് ഭാരവാഹികൾ പോലീസിൽ പരാതി നൽകുന്നത്. പോലീസെത്തി പരിശോധന നടത്തുകയും ഈശ്വരൻ നമ്പൂതിരിയെ ചോദ്യം ചെയ്യാനായി കസ്റ്റഡിയിൽ എടുക്കുകയുമായിരുന്നു. ചോദ്യം ചെയ്യലിൽ ഇയാൾ കുറ്റം സമ്മതിച്ചു. കിരീടങ്ങൾ പല തവണയായി മുറിച്ച് ഇവിടെ നിന്നും കടത്തിയെന്നും പാരിപ്പള്ളി,കല്ലമ്പലം, കൊട്ടിയം തുടങ്ങിയ സ്ഥലങ്ങളിലെ ജ്വല്ലറികളിൽ വിറ്റതായും പ്രതി സമ്മതിച്ചു. തെളിവെടുപ്പുകൾക്കും ആരോഗ്യ പരിശോധനകൾക്കും ശേഷം പ്രതിയെ കോടതിയിൽ ഹാജരാക്കി റിമാൻഡ് ചെയ്തു.

പുനലൂർ ഇരട്ടക്കൊലപാതകം; പ്രതിക്ക് ഇരട്ടജീവപര്യന്തം

കൊല്ലം: പുനലൂര്‍ കെഎസ്ആര്‍ടിസി ബസ് സ്റ്റാന്‍ഡിനു പിന്നില്‍ വെട്ടിപ്പുഴ പാലത്തിനുതാഴെ സ്ത്രീയേയും പുരുഷനേയും കൊലപ്പെടുത്തിയ കേസില്‍ കുറ്റക്കാരനാണെന്നു കോടതി കണ്ടെത്തിയ പ്രതിയ്ക്കു ഇരട്ട ജീവപര്യന്തവും ഓരോ ലക്ഷം രൂപ നഷ്‌ടപരിഹാരം നല്‍കാനും വിധി. തോടുപുറമ്പോക്കില്‍ കുടിലില്‍ താമസിച്ചിരുന്ന ഇന്ദിരയേയും (56) പത്തനാപുരം സ്വദേശി മൊഴയന്‍ ബാബു(60)വിനെയുമാണ് തമിഴ്‌നാട് തെങ്കാശി സ്വദേശി ശങ്കര്‍ (38 വയസ് ) കൊലപ്പെടുത്തിയത്. കൊല്ലം ഫസ്റ്റ് അഡീഷണല്‍ സെഷന്‍സ് ജഡ്ജ് പി. എന്‍. വിനോദാണ് ശിക്ഷിച്ചത്. ഓരോ കൊലയ്ക്കും പ്രത്യേക ജീവപര്യന്തം തടവു ശിക്ഷിച്ചിട്ടുണ്ടെങ്കിലും രണ്ടു ശിക്ഷകളും ഒരുമിച്ച് അനുഭവിച്ചാല്‍ മതിയാകും. പൂയപ്പള്ളിയില്‍ മറ്റൊരു സ്ത്രീയെ കൊലപ്പെടുത്തിയ കേസില്‍ 2023 ഏപ്രില്‍ 18ന് ജാമൃത്തിലിറങ്ങിയ പ്രതിയാണ് അന്നേദിവസം വീണ്ടും ഇരട്ടക്കൊലപാതകം നടത്തിയത്. ഇതൊരു അപൂര്‍വങ്ങളില്‍ അപൂര്‍വമായ കേസായി പരിഗണിക്കാനാവില്ലാത്തിനാല്‍ വധശിക്ഷ വിധിക്കുന്നില്ലെന്നു വിധിയില്‍ പരാമര്‍ശമുണ്ട്. തെങ്കാശി സ്വദേശിയായ ശങ്കര്‍ വര്‍ഷങ്ങളായി പുനലൂരില്‍ താമസിച്ചു വരികയായിരുന്നു.സംഭവത്തിനു രണ്ടുവര്‍ഷംമുമ്പു 2021-ല്‍ പൂയപ്പള്ളി മരുതമണ്‍പള്ളി സ്വദേശിനി ശാന്തയെ കൊലപ്പെടുത്തിയ കേസില്‍ വിചാരണ തടവുകാരനായി പൂജപ്പുര സെന്‍ട്രല്‍ ജയിലില്‍ കഴിഞ്ഞിരുന്ന പ്രതി കൊലപാതകദിവസം ജാമ്യത്തിലിറങ്ങി പുനലൂരിലേക്ക് വരികയായിരുന്നു. മുന്‍പരിചയമുള്ള ഇന്ദിരയുടെ കുടിലിലേക്ക് എത്തിയ പ്രതി, കുടിലുണ്ടായിരുന്ന ബിജുകുമാറുമായി മദ്യപിച്ചു. മദ്യപാനത്തിനിടെ പ്രതി ഇന്ദിരയെ കടന്നു പിടിച്ചു. ചോദ്യം ചെയ്ത ബിജുകുമാറിനെ കടന്നാക്രമിച്ചു.ഇന്ദിരയെ മര്‍ദിച്ച് അമ്മിക്കല്ല് തലയിലേക്ക് ഇട്ടുകൊന്നു. തടസം പിടിക്കാന്‍ ശ്രമിച്ച ബാബുവിനെ ഇന്‍റര്‍ലോക്ക് ടൈല്‍ കൊണ്ടു തലയില്‍ അടിച്ചുകൊന്നു. ഇരുവരുടെയും മരണം ഉറപ്പാക്കിയശേഷം കടന്നു കളഞ്ഞു. സംഭവം സമയം കുടിലില്‍ ഉണ്ടായിരുന്നതും സംഭവത്തില്‍ പരിക്കേറ്റതുമായ ബിജുകുമാറി െന്‍റ മൊഴിയും കുറ്റകൃത്യത്തിനുശേഷം പ്രതി, രഘുവെന്ന സാക്ഷിയോട് നടത്തിയ കുറ്റസമ്മതവും സിസിടിവി ദൃശ്യവും നിര്‍ണായകമായി. പുനലൂര്‍ പോലീസ് സ്റ്റേഷന്‍ എച്ച്ഒയായിരുന്ന ടി. രാജേഷ് കുമാര്‍ അന്വേഷണം പൂര്‍ത്തിയാക്കി കുറ്റപത്രം സമര്‍പ്പിച്ച കേസില്‍ പ്രോസിക്യൂഷനു വേണ്ടി പബ്‌ളിക് പ്രോസിക്യൂട്ടര്‍ അഡ്വ.സിസിന്‍. ജി.മുണ്ടയ്ക്കല്‍ ഹാജരായി.

ഇരവിപുരം സെന്‍റ് ജോണ്‍സില്‍ വിവിധ പദ്ധതികളുടെ ഉദ്ഘാടനം

ഇരവിപുരം: സെന്‍റ് ജോണ്‍സ് ഹൈസ്‌കൂളില്‍ എംഎല്‍എയുടെ പ്രാദേശിക വികസന ഫണ്ട് ഉപയോഗിച്ചു നിര്‍മ്മിച്ച കിച്ചണ്‍ കം ഡൈനിംഗ് ഹാള്‍, സ്റ്റുഡന്‍റ് പോലീസ് കേഡറ്റ് ആദ്യ ബാച്ച്, 10 ലാപ്പ്‌ടോപ്പുകള്‍ എന്നിവയുടെ ഉദ്ഘാടനം എം. നൗഷാദ് എംഎല്‍എ നിര്‍വഹിച്ചു. ‌പിടിഎ വൈസ് പ്രസിഡന്‍റ് മാല്‍ക്കം വര്‍ഗീസ് അധ്യക്ഷത വഹിച്ച ചടങ്ങില്‍ ലോക്കല്‍ മാനേജര്‍ ഫാ.ബെന്‍സണ്‍ ബെന്‍ മുഖ്യപ്രഭാഷണം നടത്തി. കൊല്ലം എഇഒ ആന്‍റണി പീറ്റര്‍, നൂണ്‍ മീല്‍ ഓഫീസര്‍ ചന്ദ്രലേഖ, സേക്രട്ട് ഹാര്‍ട്ട് എല്‍പിഎസ് ഹെഡ്മിസ്ട്രസ് സിന്ധ്യ, സീനിയര്‍ അസിസ്റ്ററ്റ് ജെസ്റ്റസ് .ജെ. മാര്‍ട്ടിന്‍ ,സ്റ്റാഫ് സെക്രട്ടറി ജോഫെഡ്രി എന്നിവര്‍ പ്രസംഗിച്ചു.

മലയാളം കേവലം ഒരു പ്രാദേശിക ഭാഷയല്ല: സക്കറിയ

കൊല്ലം : മലയാളം കേവലം ഒരു പ്രാദേശിക ഭാഷ അല്ലെന്ന് എഴുത്തുകാരൻ സക്കറിയ. അത് ഹിന്ദി പോലെ ഒരു അംഗീകൃതഭാഷയാണെന്ന് അദ്ദേഹം പറഞ്ഞു. നമ്മൾ പ്രാദേശികഭാഷയെന്ന് പറഞ്ഞ് സ്വയം ചെറുതാകുകയാണെന്നും അദ്ദേഹം കൂട്ടിച്ചേർത്തു. സ്ഥിതി പബ്ലിക്കേഷന്‍സിന്‍റെ ആഭിമുഖ്യത്തില്‍ കൊല്ലം പ്രസ് ക്ലബില്‍ നടന്ന സാംസ്കാരിക സമ്മേളന ഉദ്ഘാടനവും പുസ്തകപ്രകാശനവും നിർവഹിച്ചു പ്രസംഗിക്കുകയായിരുന്നു അദ്ദേഹം. എഴുത്തുകാരൻ ഡോ. ജോസഫ് ആന്‍റണിക്ക് പ്രതി നൽകി എഡ്വേര്‍ഡ് നസ്രത്തിന്‍റെ (മുക്കാടന്‍) കാര്‍ണിവല്‍ എന്ന ഇംഗ്ലീഷ് നോവലിന്‍റെ പ്രകാശനം സക്കറിയ നിര്‍വഹിച്ചു. ഫാ. റൊമാന്‍സ് ആന്‍റണി അധ്യക്ഷത വഹിച്ചു. ചടങ്ങില്‍ മഹാകവി കാഞ്ഞാവെളി ഗോപാലകൃഷ്ണന്‍ നായര്‍, അഡ്വ. വി.വി. ജോസ് കല്ലട, ഡോ. തോമസ് താമരശേരി, മാര്‍ഷല്‍ ഫ്രാങ്ക്, ഷൈനി ബഞ്ചമിന്‍, പ്രഫ.ജെ. ജേക്കബ്, ഹെന്‍ട്രി വിക്ടര്‍, ജോസഫ് യൂജിന്‍, ജോസഫ് തൊബിയാസ്, രാജേന്ദ്രന്‍ എന്നിവരെ ആദരിച്ചു.

വാഹനഗതാഗതം നിരോധിച്ചു

ചവറ: വലിയത്ത്മുക്ക് - ആറുമുറിക്കട റോഡില്‍ കലുങ്കി െന്‍റ നിര്‍മ്മാണ പ്രവര്‍ത്തനങ്ങള്‍ നടക്കുന്നതിനാല്‍ ഓഗസ്റ്റ് രണ്ടു മുതല്‍ 24 വരെ ഇതുവഴിയുള്ള വാഹനഗതാഗതം താത്കാലികമായി നിരോധിച്ചിരിക്കുന്നുവെന്നു കരുനാഗപ്പള്ളി പൊതുമരാമത്തുവകുപ്പ് നിരത്തു വിഭാഗം അസി.എന്‍ജിനിയറുടെ കാര്യാലയത്തില്‍ നിന്നും അറിയിച്ചു.

കന്യാസ്ത്രീകളുടെ അറസ്റ്റ്: വ്യാപക പ്രതിഷേധം

കൊല്ലം: കന്യാസ്ത്രീകളെ ചത്തീസ്ഗഡില്‍ തടഞ്ഞവച്ചു മനുഷ്യ കടത്തും നിര്‍ബന്ധിത മതപരിവര്‍ത്തനവും ചാര്‍ത്തി ഭീകരവാദികളെ പോലെ ജയിലിലടച്ച ബിജെപിസര്‍ക്കാരി െന്‍റ നടപടിയില്‍ കാത്തലിക് സെന്‍റര്‍ ഫോര്‍ ലോ ആന്‍ഡ് ജസ്റ്റിസ് പ്രതിഷേധിച്ചു. സേവന സന്നദ്ധതരായ കന്യാസ്ത്രീകളെ ജയിലടച്ച ഭരണ കൂടത്തി െന്‍റ നടപടിയില്‍ കേരളത്തിലെ ബിജെപി നേതൃത്വത്തി െ ന്‍റ നിലപാട് അറിയാന്‍ താത്പര്യം ഉണ്ടെന്നും സംഭവത്തില്‍ ബിജെപി നേതാക്കള്‍ പരസ്യമായി മാപ്പ് പറയാന്‍ തയറാകണമെന്നും യോഗം ആവശ്യപ്പെട്ടു. കാത്തലിക് സെന്‍റര്‍ ഫോര്‍ ലോ ആന്‍ഡ് ജസ്റ്റിസ് ചെയര്‍മാന്‍ അഡ്വ. ഇ. എമേഴ്‌സണ്‍ യോഗം ഉദ്ഘാടനം ചെയ്തു. അരവിള ജോസഫ്,അഡ്വ.ക്ലാര ഡി. പിയോ, ജെറോ പെരുമണ്‍, ആന്‍റണി വടക്കുംതല ,അഡ്വ. ഐസക്ക്, ഫെഡി ഗ്രേഷന്‍ തുടങ്ങിയവര്‍ പ്രസംഗിച്ചു.

റോഡുകളുടെ ശോച്യാവസ്ഥ; പഞ്ചായത്ത് ഓഫീസിൽ വാഴവച്ച് പ്രതിഷേധിച്ചു

കുലശേഖരപുരം : ഗ്രാമീണറോഡുകളുടെ ശോച്യാവസ്ഥ പരിഹരിക്കാത്ത പഞ്ചായത്തധികാരികളുടെ അനാസ്ഥയിൽ പ്രതിഷേധിച്ച് ആദിനാട് മണ്ഡലം കോൺഗ്രസ് കമ്മറ്റിയുടെ നേതൃത്വത്തിൽ പഞ്ചായത്ത് പ്രസിഡന്‍റി െന്‍റ ഓഫീസിന് മുന്നിൽ വാഴവെച്ച് പ്രതീകാത്മക പ്രതിഷേധം നടത്തി. കൊച്ചാലുംമൂട് റോഡ്, കൊച്ചുമഠത്തിൽമുക്ക്, അരിവേലി മുക്ക് തുടങ്ങിയ പ്രദേശങ്ങളിലെ റോഡുകൾ പരമ ദയന ീയമാണ്. രണ്ട് അടിയോളം താഴ്ചയിൽ വെള്ളം കെട്ടി കിടക്കുന്ന റോഡുകളായി പലതും മാറി. പ്രസിഡന്‍റിന്‍റെ കസേരയിൽ വാഴ വെക്കാനാണ് തങ്ങൾ എത്തിയതെന്നും ഓഫീസ് റൂം പൂട്ടിക്കൊണ്ട് പോയതിനാൽ മാത്രമാണ് പുറത്ത് വാഴ വച്ചതെന്നും പ്രതിഷേധക്കാർ പറഞ്ഞു. ആദിനാട് മണ്ഡലം പ്രസിഡന്‍റ് കെ എം നൗഷാദ്, ഷാൻ, മുല്ല വീട്ടിൽ സജീവൻ വൈദ്യൻ,ഹരിക്കുട്ടൻ, ആദിനാട് നസീം, നിയാസ് കോട്ടയിൽ എന്നിവരെ പോലീസ് അറസ്റ്റ് ചെയ്തു നീക്കുകയായിരുന്നു.

പരാതിപരിഹാരം സമയബന്ധിതമാക്കണം: യു. പ്രതിഭ

കൊല്ലം: കുട്ടികളുടെയും ഭിന്നശേഷിക്കാരുടെയും ട്രാന്‍സ്‌ജെന്‍ഡറുകളുടെയും ക്ഷേമം ഉറപ്പാക്കാന്‍ സമയബന്ധിത പരാതിപരിഹാരം സുപ്രധാനമെന്നു നിയമസഭാസമിതി ചെയര്‍പേഴ്സണ്‍ യു.പ്രതിഭ എംഎൽഎ. കളക്ടറേറ്റ് കോണ്‍ഫറന്‍സ് ഹാളില്‍ തെളിവെടുപ്പ് യോഗത്തിനുശേഷം സംസാരിക്കുകയായിരുന്നു എംഎൽഎ. തദ്ദേശസ്ഥാപനതലത്തിലുണ്ടാകുന്ന പ്രശ്നങ്ങളില്‍ അവിടെതന്നെ പരിഹാരമുണ്ടാക്കാന്‍ ശ്രമിക്കണം. കോടതികളിലേക്ക് വ്യവഹാരങ്ങളിലേക്ക് നീങ്ങുന്ന പ്രവണത അവസാനിപ്പിക്കണം. കുട്ടികളിലെ ലഹരി - അമിത ഇന്‍റര്‍നെറ്റ് ഉപയോഗം നിയന്ത്രിക്കുന്നതിന് പഠനം നടത്തി പരിഹാരനിര്‍ദേശങ്ങള്‍ കണ്ടെത്തും. സ്ത്രീധനത്തി െ ന്‍റപേരില്‍ അതിക്രമങ്ങള്‍ നടത്തുന്നവര്‍ക്കെതിരേ കര്‍ശനനടപടി വേണമെന്നും സമിതി ആവശ്യപ്പെട്ടു. ഭിന്നശേഷി ആനുകൂല്യങ്ങള്‍, നിയമനം, സ്വയംതൊഴില്‍ നടത്തുന്നതിന് അടിസ്ഥാനസൗകര്യമൊരുക്കല്‍, വായ്പാതട്ടിപ്പ് തുടങ്ങിയ വിഷയങ്ങളിലാണ് പരാതികളെത്തിയത്. ഏഴ് എണ്ണത്തില്‍ തെളിവെടുപ്പ് നടത്തി. അഞ്ചു പുതിയ പരാതികള്‍ സ്വീകരിച്ചു. മൂന്നെണ്ണത്തില്‍ നേരിട്ട് ഇടപെടാന്‍ തീരുമാനിച്ചു. കുട്ടികളുടെയും ഭിന്നശേഷിക്കാരുടെയും ട്രാന്‍സ്‌ജെന്‍ഡറുകളുടെയും ക്ഷേമം സംബന്ധിച്ച നിയമസഭാസമിതി അംഗങ്ങളായ ഒ.എസ് അംബിക, സെബാസ്റ്റ്യന്‍ കുളത്തുങ്കല്‍, ജില്ലാ കളക്ടറുടെ ചുമതലയുള്ള എഡിഎം ജി.നിര്‍മല്‍കുമാര്‍, സിറ്റി പോലീസ് കമ്മീണര്‍ കിരണ്‍ നാരായണന്‍, ഉദ്യോഗസ്ഥര്‍ തുടങ്ങിയവര്‍ പങ്കെടുത്തു. തെളിവെടുപ്പിനുശേഷം നിയമസഭാസമിതി ചെയര്‍പേഴ്സണും അംഗങ്ങളും ജില്ലയിലെ വിവിധ സ്ഥാപനങ്ങള്‍ സന്ദര്‍ശിച്ച് പ്രവര്‍ത്തനങ്ങള്‍ വിലയിരുത്തി. ബീച്ച് റോഡിലുള്ള ചില്‍ഡ്രന്‍സ് ഹോം, അഞ്ചാലുംമൂട് സര്‍ക്കാര്‍ ആഫ്റ്റര്‍ കെയര്‍ ഹോം ഫോര്‍ അഡോളസെന്‍റ്ഗേള്‍സ് എന്നിവിടങ്ങളാണ് സന്ദര്‍ശിച്ചു.

മഹാത്മാഗാന്ധി കുടുംബസംഗമം നടത്തി

കൊട്ടിയം: ആദിച്ചനല്ലൂര്‍ പഞ്ചായത്തിലെ ആലുംകടവ് വാര്‍ഡ് കോണ്‍ഗ്രസ് കമ്മിറ്റി സംഘടിപ്പിച്ച മഹാത്മാഗാന്ധി കുടുംബ സംഗമവും പ്രതിഭാ സംഗമവും പി.സി. വിഷ്ണുനാഥ് എംഎല്‍എ ഉദ്ഘാടനം ചെയ്തു. വിദ്യാഭ്യാസ പ്രതിഭകളേയും ആശാവര്‍ക്കര്‍മാരേയും ഹരിതകര്‍മ സേനാഅംഗങ്ങളെയും ചടങ്ങില്‍ എംഎല്‍എ അനുമോദിച്ചു. ആദിച്ചനല്ലൂര്‍ പഞ്ചായത്ത് വികസന സ്ഥിരം സമിതി അധ്യക്ഷ ഡൈനീഷ്യ റോയ്‌സണ്‍ അധ്യക്ഷതവഹിച്ചു. കെപിസിസി സെക്രട്ടറി തൊടിയൂര്‍ രാമചന്ദ്രന്‍, ചാത്തന്നൂര്‍ ബ്ലോക്ക് കോണ്‍ഗ്രസ് കമ്മിറ്റി പ്രസിഡന്‍റ് ബിജുവിശ്വരാജന്‍, യുഡിഎഫ് കുണ്ടറ നിയോജക മണ്ഡലം പ്രസിഡന്‍റ് കുരീപ്പള്ളി സലിം, മണ്ഡലം പ്രസിഡന്‍റ് മൈലക്കാട് കെ.ഷെരീഫ്, ആദിച്ചനല്ലൂര്‍ പഞ്ചായത്ത് മുന്‍ പ്രസിഡന്‍റ്ഷീല ബിനു തുടങ്ങിയവര്‍ പ്രസംഗിച്ചു.

തലച്ചിറ വൈഎംസിഎ പ്രവർത്തനോദ്ഘാടന സമ്മേളനം

കൊട്ടാരക്കര :തലച്ചിറ വൈഎംസിഎ പ്രവർത്തനോദ്ഘാടനവും ഭാരവാഹികളുടെ സ്ഥാനാരോഹണവും വൈദിക വരവേൽപ്പും ചിരട്ടക്കോണം സെന്‍റ് മേരിസ് മലങ്കര കത്തോലിക്കാ പള്ളിയിൽ നടന്നു. വൈഎംസിഎ ദേശീയ ട്രഷറർ റെജി ജോർജ് ഇടയാറൻമുള ഉദ്ഘാടനം ചെയ്തു. മുൻ നാഷണൽ എക്സിക്യൂട്ടീവ് മെമ്പർ കെ.ഒ.രാജുക്കുട്ടി ഭാരവാഹികളുടെ സ്ഥാനാരോണ ശുശ്രൂഷയ്ക്ക് നേതൃത്വം നൽകി. വൈഎംസിഎ രക്ഷാധികാരിമാരായി പുതുതായി ചുമതലയേറ്റ ഇടവക വികാരിമാർക്കുള്ള വരവേൽപ്പ് സബ് റീജിയൻ ചെയർമാൻ ഡോ.ഏബ്രഹാം മാത്യു നിർവഹിച്ചു. പ്രസിഡന്‍റ് പി.ഒ.ജോൺ അധ്യക്ഷത വഹിച്ചു. യാക്കോബായ സഭ കൊല്ലം ഭദ്രാസന വൈദിക സെക്രട്ടറി ഫാ.ജോജി വർഗീസ് മുഖ്യപ്രഭാഷണവും തലച്ചിറ ശാലേം മാർത്തോമാ ചർച്ച് വികാരി റവ.സി.പി.ബിജു ആക്ഷൻ പ്ലാൻ പ്രകാശനവും നടത്തി. ചിരട്ടക്കോണം മലങ്കര കാത്തലിക് ചർച്ച് വികാരി ഫാ.മാത്യൂസ് അലുമൂട്ടിൽ, പൊടിയാട്ടുവിള സെന്‍റ് മേരിസ് മലങ്കര കാത്തലിക് ചർച്ച് വികാരി ഫാ. അനു ജോസ് കുന്നിൽ, തലച്ചിറ സെന്‍റ് തോമസ് ഇവാഞ്ചലിക്കൽ ചർച്ച് വികാരി റവ. അനീഷ് തോമസ് ജോൺ, പി.എം.തോമസ് കുട്ടി, എൻ.എ. ജോർജുകുട്ടി, വിൽസൺ ചിരട്ടക്കോണം, ജി.യോഹന്നാൻകുട്ടി, ജെയിംസ് ജോർജ്, ലീലാമ്മ ജോർജ്, പ്രഫ.ഫിലിപ്പ് ജോർജ്, സാജൻ ജോർജ് റോയി ജോൺ, ബിനു.ജി.കടയിൽ, ലീലാമ്മ കുഞ്ഞുമോൻ എന്നിവർ പ്രസംഗിച്ചു.വിവിധ പരീക്ഷകളിൽ ഉന്നത വിജയം നേടിയ പ്രതിഭകളെ യോഗത്തിൽ ആദരിച്ചു.

നെല്ലറയാകാന്‍ കുളക്കട പഞ്ചായത്ത്

കുളക്കട: കൃഷിയിടങ്ങള്‍ സമൃദ്ധമാക്കി ജില്ലയുടെ നെല്ലറയാകാന്‍ കുളക്കട ഗ്രാമപഞ്ചായത്ത്. സംസ്ഥാന സര്‍ക്കാരിന്‍റെ നെല്‍കൃഷി പ്രോത്സാഹനഫണ്ട് വിനിയോഗിച്ചാണ് ക്ഷാമംനേരിടുന്ന ഞവര ഉള്‍പ്പെടെ ഉത്പാദിപ്പിക്കാന്‍ പഞ്ചായത്ത് ഭരണസമിതി കൈകോര്‍ത്തത്. സമഗ്ര നെല്‍കൃഷിവികസനം പദ്ധതി പ്രകാരം കുളക്കട പാടശേഖരത്തുനിന്നും വിപണിയിലേക്കു നെല്ല്നിറയുകയാണ്. കാര്‍ഷികപ്രതാപം വീണ്ടെടുക്കാന്‍ കുളക്കട പഞ്ചായത്തും കൃഷിഭവനും സംയുക്തമായാണ് അഞ്ചുവര്‍ഷതുടര്‍ച്ചയില്‍ നെല്‍കൃഷി ചെയ്തുവരുന്നത്.ജനകീയാസൂത്രണപദ്ധതിയില്‍ ഉള്‍പ്പെടുത്തി 20 ഹെക്ടറിന് അഞ്ച് ലക്ഷം രൂപയും നെല്‍കൃഷി പ്രോത്സാഹനഫണ്ടില്‍ നിന്നും ഹെക്ടറിന് 5500 രൂപയും സബ്സിഡി നല്‍കി. ഒരു വര്‍ഷം 80 മുതല്‍ 100ടണ്‍ വരെ നെല്ല് ഉത്പാദിപ്പിക്കുന്നു. ഉമ ഇനത്തില്‍പ്പെട്ട നെല്ലാണ് പാടങ്ങളില്‍ വിളയുന്നത്. ഗ്രാമപഞ്ചായത്തി െന്‍റ തനത് ഫണ്ടില്‍നിന്നും അഞ്ചുലക്ഷം രൂപ വിനിയോഗിച്ചാണ് പദ്ധതി നടപ്പിലാക്കുന്നത്. നെല്ല് സപ്ലൈകോ വഴി കര്‍ഷകര്‍ വിറ്റഴിക്കുന്നു. പാടശേഖരസമിതി, കൃഷിക്കൂട്ടങ്ങള്‍ എന്നിവ മുഖേനയാണ് കൃഷി നടത്തുന്നത്. ഈ വര്‍ഷം 22.5 ഏക്കറിലേക്കു കൃഷിവ്യാപിപ്പിക്കാനാണ് പഞ്ചായത്ത് ഭരണസമിതിയുടെ തീരുമാനം. പൊതുവില്‍ ഉത്പാദനക്ഷാമം നേരിടുന്ന നെല്ലിനമായ ഞവര പ്രത്യേക ഇനത്തില്‍ ഉള്‍പ്പെടുത്തി കഴിഞ്ഞ മൂന്നു വര്‍ഷമായി വിളയിക്കുന്നു. ഔഷധമൂല്യം നിലനിര്‍ത്താനായി തവിട്കളയാത്ത അരിയാണ് വിപണിയിലേക്കെത്തിക്കുന്നത്. കിലോയ്ക്ക് 200 മുതല്‍ 480 വരെയാണ് വില. സ്പെഷാലിറ്റി റൈസ്ഫണ്ടില്‍നിന്നും ഹെക്‌ടറിന് 10000 രൂപ സബ്സിഡി നല്‍കുന്നുമുണ്ട്. ഞവര അരി കിലോയ്ക്ക് 180 രൂപ നിരക്കില്‍ കര്‍ഷകര്‍ പ്രാദേശികമായി വിപണനം നടത്തുന്നു. കുളക്കട പഞ്ചായത്തിലെ തളിര്‍ കൃഷിക്കൂട്ടമാണ് ഞവരകൃഷി ചെയ്തത്. നസര്‍ ബാത്ത്, ജീരകശാല, ഗന്ധകശാല, കറുത്ത ഞവര, കണിചെമ്പാവ് തുടങ്ങിയ നെല്ലിനങ്ങളും കൃഷി വൈവിദ്ധ്യത്തില്‍ ചെയ്യുന്നു. നെല്‍കൃഷിയുടെ പ്രാധാന്യം തലമുറകളിലേക്കെത്തിക്കാനും ആഭ്യന്തര ഉത്പാദന വര്‍ധന ലക്ഷ്യമാക്കിയുമാണ് പദ്ധതി നടപ്പിലാക്കുന്നത്. പരമാവധി ഇടങ്ങളിലേക്കു വ്യാപിപ്പിക്കാനാണ് തീരുമാനമെന്നും കുളക്കട ഗ്രാമപഞ്ചായത്ത് പ്രസിഡന്‍റ് സജി കടുക്കാല വ്യക്തമാക്കി.

കൊട്ടാരക്കരയിൽ പുതിയ കോടതി സമുച്ചയം ഉടൻ: മന്ത്രി കെ.എൻ. ബാലഗോപാൽ

കൊട്ടാരക്കര : കൊട്ടാരക്കരയില്‍ പുതിയ കോടതി സമുച്ചയത്തിനായി അഞ്ച് കോടി രൂപ അനുവദിച്ചതായി മന്ത്രി കെ.എന്‍. ബാലഗോപാല്‍.നിലവിലുള്ള കോടതിയോട് ചേര്‍ന്നുള്ള പഴയ കെട്ടിടം പൊളിച്ചു മാറ്റിയാണ് അഞ്ച് നിലകളുള്ള പുതിയ കെട്ടിടം നിര്‍മിക്കുന്നത്. മൂന്ന് നിലകളുടെ നിര്‍മാണമാണ് ആദ്യഘട്ടത്തില്‍ നിർവഹിക്കുന്നത്. പുതിയ കെട്ടിടത്തിന് വേണ്ട മാറ്റങ്ങള്‍ ജഡ്ജിമാര്‍, ബാര്‍ അസോസിയേഷന്‍ ഭാരവാഹികള്‍, പൊതുമരാമത്ത് വകുപ്പുമായി ചര്‍ച്ചചെയ്ത് തീരുമാനിക്കും. നിര്‍മാണ സാങ്കേതിക കാര്യങ്ങള്‍ ഹൈക്കോടതിയും ജില്ലാകോടതിയുമാണ് തീരുമാനിക്കുന്നതെന്നും സ്ഥലം സന്ദർശിച്ച് മന്ത്രി പറഞ്ഞു. കൊട്ടാര ക്കര കുടുംബ കോടതി ജഡ്ജി ഹരി ആര്‍ .ചന്ദ്രന്‍, അബ്കാരി കോടതി ജഡ്ജി റീന ദാസ്, സബ് കോടതി ജഡ്ജി ഷാനവാസ്, ജില്ലാ പഞ്ചായ ത്തംഗം വി .സുമലാല്‍,നഗരസഭ ചെയർമാൻ അഡ്വ. കെ. ഉണ്ണികൃഷ്ണമേനോൻ, സ്പെഷൽ പബ്ലിക് പ്രോസിക്യൂട്ടർമാരായ ഡി .എസ് .സോനു, ജി .എസ് .സന്തോഷ് കുമാർ, ഓൾ ഇന്ത്യ ലായേഴ്സ് യൂണിയൻ സംസ്ഥാന കമ്മിറ്റിയംഗം എസ് .പുഷ്പാനന്ദൻ, ജില്ലാ കമ്മിറ്റിയംഗം പി .എസ്. പ്രശോഭ, യൂണിറ്റ് പ്രസിഡന്‍റ് എ. നജിമുദീൻ, ബാർ അസോസിയേഷൻ പ്രസിഡന്‍റ് രഞ്ജി മത്തായി, സെക്രട്ടറി തോമസ് വർഗീസ്, ആർ. സുനിൽ കുമാർ, ജി. ശശിധരൻപിള്ള, ചക്കുവരക്കൽ ചന്ദ്രൻ, പൊതുമരാമ ത്ത് വകുപ്പ് ഉദ്യോഗസ്ഥര്‍ തുടങ്ങിയവരും മന്ത്രിയോടൊപ്പം ഉണ്ടായിരുന്നു.

തിരുമുക്കിലെ പാലമരം മുറിച്ചു മാറ്റി

ചാത്തന്നൂർ: പരവൂർ - ചാത്തന്നൂർ റോഡിൽ തിരുമുക്കിലെ വലിയ പാലമരം മുറിച്ചുമാറ്റി. യാത്രക്കാർക്ക് തണലേകിയിരുന്ന വലിയ മരം ഓർമയായി. മരത്തിൽ വൈദ്യുത ലൈനുകൾ ഉരഞ്ഞ് എപ്പോഴും കമ്പികൾ പൊട്ടിവീഴുമെന്ന അവസ്ഥയിലായിരുന്നു. വിദ്യാർഥികളും യാത്രക്കാരും ബസ് കാത്ത് നിൽക്കുന്നത് ഈ തണൽ മരച്ചുവട്ടിലായിരുന്നു. വൈദ്യുത കമ്പികൾ ഉരഞ്ഞ് മരത്തിലൂടെ വൈദ്യുതി പ്രസരിച്ച് അപകട സാധ്യതകളും നിലനിന്നിരുന്നു. മരത്തിൽ ചാരി നിൽക്കുന്നവർക്ക് ഷോക്കേറ്റും മരത്തിൽ ഉരഞ്ഞ് കമ്പികൾ പൊട്ടി താഴെ വീണും ദുരന്തം സംഭവിക്കാനുള്ള സാധ്യതകൾ ഏറെയായിരുന്നു. റോഡിന്‍റെ അവകാശികളായ മരാമത്ത് വകുപ്പോ വൈദ്യുത ബോർഡോ പഞ്ചായത്തോ ഇത് കണ്ടില്ലെന്ന് നടിച്ച് മുന്നോട്ടു പോവുകയായിരുന്നു. ദുരന്ത സാധ്യതകൾ ചൂണ്ടിക്കാട്ടി ദീപിക കഴിഞ്ഞ ദിവസം റിപ്പോർട്ട് ചെയ്തിരുന്നു. ഇതേ തുടർന്ന് പൊതുമരാമത്ത് വകുപ്പാണ് വലിയ പാലമരം മുറിച്ചു മാറ്റിയത്. തണൽ നഷ്ടപ്പെട്ടെങ്കിലും ദുരന്തം സംഭവിക്കാതെ രക്ഷപ്പെട്ടല്ലോ എന്ന ആശ്വാസമാണ് തിരുമുക്കിലെ ഓട്ടോറിക്ഷ തൊഴിലാളികൾ പ്രകടിപ്പിച്ചത്. തണൽ മരത്തിന്‍റെ ഓർമയായി മുറിച്ചു മാറ്റിയ ശേഷമുള്ള മരക്കുറ്റി അവിടെ ശേഷിക്കുന്നു.

തൊഴിലുറപ്പ് പദ്ധതിയിലെ പ്രതിസന്ധിക്ക്‌ പരിഹാരം ഉണ്ടാകണം: ഐഎൻടിയുസി

കൊല്ലം: മഹാത്മാ ഗാന്ധി ഗ്രാമീണ തൊഴിലുറപ്പ് പദ്ധതിയിലെ തൊഴിൽ പ്രതിസന്ധിക്കു പരിഹാരം കാണണമെന്ന് ഐഎൻടിയുസി ജില്ലാ പ്രസിഡന്‍റ് എ.കെ. ഹഫീസ്. തൊഴിലുറപ്പ് തൊഴിലാളി കോൺഗ്രസ്‌ ജില്ലാ നേതൃ യോഗം ഉദ്ഘാടനം ചെയ്യുകയായിരുന്നു അദ്ദേഹം. ഭൂപ്രകൃതിക്കും കാലാവസ്ഥക്കും അനുയോജ്യമായ പദ്ധതിയിലൂടെ തൊഴിലാളികൾക്ക് തൊഴിൽ നൽകുന്നതിനുള്ള നടപടികൾ സ്വീകരിക്കാൻ സർക്കാർ തയാറാകണമെന്നും എ .കെ. ഹഫീസ് ആവശ്യപ്പെട്ടു. തൊഴിലുറപ്പ് പദ്ധതിയിലെ ആശാസ്ത്രീയമായ നിയമ പരിഷ്കാരം മൂലം ഉണ്ടായ തൊഴിൽ പ്രതിസന്ധി പരിഹരിക്കണമെന്ന് ആവശ്യപ്പെട്ടു ജില്ലയിലെ മുഴുവൻ പഞ്ചായത്തുകളിലും ഓഗസ്റ്റ് 10ന് മുൻപ് മാർച്ചും ധർണയും നടത്തുവാൻ തീരുമാനിച്ചു. ജില്ലാ ജനറൽ സെക്രട്ടറി ജോസ് വിമൽരാജ് അധ്യക്ഷത വഹിച്ചു. കൃഷ്ണ വേണിശർമ്മ, തടത്തിൽ സലിം, പനയം സജീവ്, ശങ്കര നാരായണ പിള്ള, നാസറുദീൻ, നഫീസത്ത്‌, പനയം ഷീല തുളസീധരൻ പിള്ള എന്നിവർ പ്രസംഗിച്ചു.

മിക്സിംഗ് പ്ലാന്‍റിന് മുന്നിൽ ജനകീയ കൂട്ടായ്മ നടത്തി

ചാത്തന്നൂർ: മീനാട് പാലത്തിന് സമീപം സ്ഥാപിക്കുന്ന കോൺക്രീറ്റ് മിക്സിംഗ് പ്ലാന്‍റിനെതിരേ പ്രതിഷേധവുമായി ജനകീയ കൂട്ടായ്മ. രാഷ്ട്രീയത്തിനതീതമായി പ്രദേശത്തെ ജനങ്ങൾ കോൺക്രീറ്റ് മിക്സിംഗ് പ്ലാന്‍റിനെതിരേ സംഘടിക്കുകയായിരുന്നു. പഞ്ചായത്തംഗം ബീനാരാജന്‍റെ നേതൃത്വത്തിൽ സംഘടിപ്പിച്ച കൂട്ടായ്മയിൽ വിവിധ രാഷ്്‌ട്രീയ പാർട്ടി നേതാക്കൾ നിലപാട് വ്യക്തമാക്കി. കൊല്ലം ജില്ലയിലെ പ്രധാന നെല്ലറയായ പോളച്ചിറ ഏലായിൽ ചാത്തന്നൂർ - പരവൂർ റോഡിന് സമീപമാണ് കോൺക്രീറ്റ് മിക്സിംഗ് പ്ലാന്‍റ് സ്ഥാപിക്കുന്നത്. ഗുരുതരമായ പാരിസ്ഥിതിക പ്രശ്നങ്ങൾ ഉണ്ടാക്കുന്നതാണ് പ്ലാന്‍റ് എന്നാരോപിച്ചാണ് പൊതുജനങ്ങളുടെ എതിർപ്പ്. നെൽകൃഷിയും മറ്റ് കൃഷികളും നടത്താനാകാത്ത അവസ്ഥ ഉണ്ടാകുമെന്നും കാലിവളർത്തൽ അസാധ്യമാകുമെന്നും പരിസരവാസികളുടെ ആരോഗ്യത്തെ ബാധിക്കുമെന്നും ദേശാടനപക്ഷികളുടെ ആവാസവ്യവസ്ഥ തകർക്കുമെന്നും ആരോപിച്ചാണ് ജനകീയ പ്രതിഷേധം. ജനകീയ കൂട്ടായ്മ പഞ്ചായത്തംഗം ബീനാരാജൻ ഉദ്ഘാടനം ചെയ്തു. ബി ജെ പി തിരുവനന്തപുരം മേഖലാപ്രസിഡന്‍റ് ബി.ബി. ഗോപകുമാർ, സിപിഎം പ്രാദേശിക നേതാക്കളായ ജയശങ്കർ, സുമതിക്കുട്ടി, കോൺഗ്രസ് പ്രതിനിധി ദിലീപ്, സിപിഐ പ്രതിനിധി രാധാകൃഷ്ണൻ, ബിജെപി പ്രതിനിധി എസ്.വി. അനിത്ത് തുടങ്ങിയവർ പ്രസംഗിച്ചു. പ്ലാന്‍റ് പ്രവർത്തിപ്പിക്കുന്നതിനാവശ്യമായ ലൈസൻസോ മറ്റ് അനുമതികളോ നൽകിയിട്ടില്ലെന്ന് ചിറക്കര പഞ്ചായത്ത് അധികൃതർ പറഞ്ഞു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]