പ​ത്ത​നം​തി​ട്ട: ജി​ല്ല​യി​ലെ പ്ര​ധാ​ന ന​ഗ​ര​ങ്ങ​ളി​ൽപോ​ലും ട്രാ​ഫി​ക് ഡ്യൂ​ട്ടി​ക്ക് ആ​ളി​ല്ലെ​ന്നി​രി​ക്കേ വ​ഴി​യോ​ര​ങ്ങ​ളി​ലൂ​ടെ യാ​ത്ര ചെ​യ്തു പെ​റ്റി​യി​ടാ​ൻ പോ​ലീ​സി​ൽ ആ​വേ​ശം. ഓ​രോ പോ​ലീ​സ് സ്റ്റേ​ഷ​ൻ പ​രി​ധി​യി​ലും പെ​റ്റി​ത്തു​ക ടാ​ർ​ഗ​റ്റ് ഇ​ട്ടി​രി​ക്കു​ന്ന​തി​നാ​ൽ ഇ​തു തി​ക​യ്ക്കാ​ൻ വേ​ണ്ടി മൊ​ബൈ​ൽ കാ​മ​റ​യു​മാ​യി പോ​ലീ​സി​ന്‍റെ പ​ര​ക്കം പാ​ച്ചി​ലാ​ണ്. ഇ​ത്ത​ര​ത്തി​ലു​ള്ള പി​ഴ​ചു​മ​ത്ത​ലു​ക​ൾ പ​ല​പ്പോ​ഴും ആ​ക്ഷേ​പ​ങ്ങ​ൾ​ക്ക് ഇടന​ൽ​കു​ന്നു.

ഗ​താ​ഗ​ത നി​യ​മ​ലം​ഘ​നം ക​ണ്ടെ​ത്തു​ക​യെ​ന്ന ല​ക്ഷ്യ​ത്തോ​ടെ സ്ഥാ​പി​ച്ച കാ​മ​റ​ക​ൾ പ​ല​യി​ട​ത്തും പ്ര​വ​ർ​ത്ത​നക്ഷ​മ​മ​ല്ലെ​ന്നു പ​റ​യു​ന്നു. ഇ​തോ​ടെ​യാ​ണ് സ്വ​ന്തം നി​ല​യി​ൽ കാ​മ​റ​ക​ളു​മാ​യി പോ​ലീ​സ് നി​ര​ത്തി​ലി​റ​ങ്ങി​യ​ത്. ട്രാ​ഫി​ക് ഡ്യൂ​ട്ടി​ക്കു വ​രു​ന്ന പോ​ലീ​സി​നെ​യാ​ണ് പെ​റ്റി ചു​മ​ത്ത​ലി​നാ​യി പ്ര​ധാ​ന​മാ​യും നി​യോ​ഗി​ച്ചി​ട്ടു​ള്ള​ത്. ട്രാ​ഫി​ക് ഡ്യൂ​ട്ടി​യി​ൽ ഹോം ​ഗാ​ർ​ഡി​നെ നി​യോ​ഗി​ച്ചുകൊ​ണ്ടാ​ണ് പോ​ലീ​സി​നെ പി​ഴ​ചു​മ​ത്ത​ൽ ജോ​ലി​ക​ൾ​ക്കു വി​ട്ടി​രി​ക്കു​ന്ന​ത്.

പ​ത്തനം​തി​ട്ട ന​ഗ​ര​ത്തി​ന്‍റെ പ്ര​ധാ​ന പോ​യി​ന്‍റു​ക​ളി​ൽ പ​ല​യി​ട​ത്തും പോ​ലീ​സി​നെ നി​യോ​ഗി​ച്ചി​ട്ടി​ല്ല. മു​നി​സി​പ്പ​ൽ ബ​സ് സ്റ്റാ​ൻ​ഡി​ലും കെ​എ​സ്ആ​ർ​ടി​സി സ്റ്റാ​ൻ​ഡി​ലും പോ​ലീ​സ് സേ​വ​നം ല​ഭ്യ​മ​ല്ല.

സാ​മൂ​ഹ്യ​വി​രു​ദ്ധ​രും മ​യ​ക്കു​മ​രു​ന്ന് ലോ​ബി​യും അ​ഴി​ഞ്ഞാ​ടു​ന്നെന്ന പ​രാ​തി മു​നി​സി​പ്പ​ൽ ബ​സ് സ്റ്റാ​ൻ​ഡി​ൽ നി​ന്നു സ്ഥി​ര​മാ​യി ഉ​ണ്ടാ​കാ​റു​ണ്ട്. കോ​ഴ​ഞ്ചേ​രി, റാ​ന്നി, അ​ടൂ​ർ ടൗ​ണു​ക​ളി​ലും ട്രാ​ഫി​ക് ഡ്യൂ​ട്ടി​യി​ൽ പോ​ലീ​സ് കു​റ​വാ​ണ്.

പ്ര​ധാ​ന നി​ര​ത്തു​ക​ളി​ലെ പാ​ർ​ക്കിം​ഗ് ഏ​രി​യാ​ക​ളി​ൽ വെ​ള്ള​വ​ര ക​ട്ട് ചെ​യ്തു പാ​ർ​ക്കു ചെ​യ്യു​ന്ന വാ​ഹ​ന​ങ്ങ​ൾ​ക്കാ​ണ് പ്ര​ധാ​ന​മാ​യും പെ​റ്റി വ​രു​ന്ന​ത്. ക​ഴി​ഞ്ഞ​ദി​വ​സം ട്രാ​ഫി​ക് നി​യ​മം പാ​ലി​ച്ച് പ​ത്ത​നം​തി​ട്ട കോ​ള​ജ് റോ​ഡി​ൽ പാ​ർ​ക്ക് ചെ​യ്തി​രു​ന്ന കാ​ർ ഇ​തേ​സ​മ​യം ഇ​ര​വി​പേ​രൂ​രി​ൽ ട്രാ​ഫി​ക് നി​യ​മം ലം​ഘി​ച്ചു പാ​ർ​ക്ക് ചെ​യ്തു​വെ​ന്ന പേ​രി​ൽ പി​ഴ വ​ന്നു. കോ​ന്നി കാ​ർ​ഷി​ക വി​ക​സ​ന ബാ​ങ്ക് പ്ര​സി​ഡ​ന്‍റ് എ​സ്.വി. ​പ്ര​സ​ന്ന​കു​മാ​റി​ന്‍റെ കാ​റി​നാ​ണ് പി​ഴ വ​ന്ന​ത്.

പി​എം റോ​ഡി​ൽ മ​ണ്ണാ​റ​ക്കു​ള​ഞ്ഞി ര​ണ്ടാം ക​ലു​ങ്കി​നു സ​മീ​പ​മു​ള്ള വെ​യ്റ്റിം​ഗ്ഷെ​ഡി​ൽ രാ​വി​ലെ മു​ത​ൽ ര​ണ്ട് പോ​ലീ​സു​കാ​രെ നി​യോ​ഗി​ച്ചാ​ണ് പി​ഴ ചു​മ​ത്തു​ന്ന​ത്. പാ​ത​യി​ൽ അ​പ​ക​ട​സാ​ധ്യ​ത​യു​ള്ള ഈ​ഭാ​ഗ​ത്ത് മ​ഞ്ഞ​വ​ര ക​ട്ട് ചെ​യ്തു വ​രു​ന്ന വാ​ഹ​ന​ങ്ങ​ളു​ടെ പ​ട​മെ​ടു​ത്ത് പി​ഴ​യി​ടു​ക​യാ​ണ് ജോ​ലി.

അ​പ​ക​ടം ഒ​ഴി​വാ​ക്കാ​നു​ള്ള സം​വി​ധാ​ന​ങ്ങ​ൾ സ്വീ​ക​രി​ക്കാ​നോ സ്ഥി​ര​മാ​യി കാ​മ​റ ഏ​ർ​പ്പെ​ടു​ത്താ​നോ ത​യാ​റാ​കേ​ണ്ട​തി​നു പ​ക​ര​മാ​ണ് ര​ണ്ട് ആ​ളു​ക​ളെ ഡ്യൂ​ട്ടി​ക്ക് നി​യോ​ഗി​ച്ചി​രി​ക്കു​ന്ന​ത്. ശ​ബ​രി​മ​ല, റാ​ന്നി പാ​ത​ക​ൾ സ​ന്ധി​ക്കു​ന്ന മ​ണ്ണാ​റ​ക്കു​ള​ഞ്ഞി ജം​ഗ്ഷ​നി​ൽ പോ​ലീ​സി​നെ നി​യോ​ഗി​ച്ചി​ട്ടു​മി​ല്ല.