11 വ​ർ​ഷ​ത്തി​നു​ശേ​ഷ​വും തെ​ളി​വ് ഹാ​ജ​രാ​ക്കാ​നാ​യി​ല്ല; അ​ധ്യാ​പ​ക​നെ കു​റ്റ​വി​മു​ക്ത​നാ​ക്കി
Saturday, March 2, 2024 6:42 AM IST
ഏ​റ്റു​മാ​നൂ​ർ: ജാ​മ്യ​മി​ല്ലാ വ​കു​പ്പു​പ്ര​കാ​രം പോ​ലീ​സ് അ​റ​സ്റ്റ് ചെ​യ്ത അ​ധ്യാ​പ​ക​നെ​തി​രേ 11 വ​ർ​ഷ​ത്തി​നു​ശേ​ഷ​വും തെ​ളി​വ് ഹാ​ജ​രാ​ക്കാ​ൻ പ്രോ​സി​ക്യൂ​ഷ​ൻ പ​രാ​ജ​യ​പ്പെ​ട്ട​തോ​ടെ കോ​ട​തി അ​ധ്യാ​പ​ക​നെ കു​റ്റ​വി​മു​ക്ത​നാ​ക്കി. അ​റ​സ്റ്റി​ലേ​ക്കു ന​യി​ച്ച വി​ദ്യാ​ഭ്യാ​സ വ​കു​പ്പി​നും പോ​ലീ​സി​നു​മെ​തി​രേ ന​ഷ്ട​പ​രി​ഹാ​ര​ത്തി​നു ന​ട​പ​ടി സ്വീ​ക​രി​ക്കാ​നൊ​രു​ങ്ങി അ​ധ്യാ​പ​ക​ൻ.

അ​ധ്യാ​പ​ക​നും മ​ജീ​ഷ്യ​നു​മാ​യ വെ​ട്ടി​മു​ക​ൾ സ്വ​ദേ​ശി അ​ജി കെ. ​സെ​ബാ​സ്റ്റ്യ​നെ​യാ​ണ് ക​ഴി​ഞ്ഞ ദി​വ​സം ഏ​റ്റു​മാ​നൂ​ർ ഫ​സ്റ്റ് ക്ലാ​സ് ജു​ഡീ​ഷ​ൽ മ​ജി​സ്ട്രേ​റ്റ് കോ​ട​തി വെ​റു​തെ വി​ട്ട​ത്. കോ​ട്ട​യം ഡി​ഡി​ഇ ഓ​ഫീ​സി​ലെ ഉ​ദ്യോ​ഗ​സ്ഥ​രു​മാ​യു​ണ്ടാ​യ അ​ഭി​പ്രാ​യ വ്യ​ത്യാ​സ​മാ​ണ് അ​ജി​യു​ടെ അ​റ​സ്റ്റി​ലും കേ​സി​ലും ക​ലാ​ശി​ച്ച​ത്.

കോ​ട്ട​യം ഡി​ഡി​ഇ ഓ​ഫീ​സി​ലെ ഒ​രു ഉ​ദ്യോ​ഗ​സ്ഥ​നെ ഫോ​ണി​ൽ ശ​ല്യ​പ്പെ​ടു​ത്തി​യെ​ന്ന പ​രാ​തി​യി​ൽ നോ​ട്ടീ​സ് ന​ൽ​കാ​ൻ 2013 ഫെ​ബ്രു​വ​രി ഒ​ന്നി​ന് വീ​ട്ടി​ലെ​ത്തി​യ​പ്പോ​ൾ അ​ജി പോ​ലീ​സ് വാ​ഹ​നം ത​ട​ഞ്ഞു​നി​ർ​ത്തി​യെ​ന്നാ​ണ് കേ​സ്. അ​ജി​യെ​യും പി​താ​വി​നെ​യും അ​റ​സ്റ്റ് ചെ​യ്തു. എ​ന്നാ​ൽ, പി​താ​വി​ന്‍റെ അ​റ​സ്റ്റ് പോ​ലീ​സ് രേ​ഖ​പ്പെ​ടു​ത്തി​യി​ല്ല. പി​റ്റേ​ന്ന് കോ​ട​തി​യി​ൽ ഹാ​ജ​രാ​ക്കി​യ​പ്പോ​ൾ അ​ജി​ക്ക് ജാ​മ്യം ല​ഭി​ക്കു​ക​യും ചെ​യ്തു.

അ​ന്ന​ത്തെ ഡി​ഡി​ഇ ഓ​ഫീ​സി​ലെ ഉ​ന്ന​ത ഉ​ദ്യോ​ഗ​സ്ഥ വി​രോ​ധം മൂ​ലം ത​ന്നെ ക​ള്ള​ക്കേ​സി​ൽ കു​ടു​ക്കു​ക​യാ​യി​രു​ന്നു​വെ​ന്നു കാ​ണി​ച്ച് അ​ജി എ​റ​ണാ​കു​ളം റേ​ഞ്ച് ഐ​ജി​ക്ക് പ​രാ​തി ന​ൽ​കി. അ​ന്വേ​ഷ​ണം ന​ട​ത്തി​യ ഐ​ജി​യു​ടെ സ്പെ​ഷ​ൽ ഇ​ൻ​വെ​സ്റ്റി​ഗേ​ഷ​ൻ ടീം ​കേ​സ് സം​ബ​ന്ധി​ച്ച വീ​ഴ്ച​ക​ൾ ചൂ​ണ്ടി​ക്കാ​ട്ടു​ക​യും പു​ന​ര​ന്വേ​ഷ​ണം ന​ട​ത്ത​ണ​മെ​ന്ന റി​പ്പോ​ർ​ട്ട് ന​ൽ​കു​ക​യും ചെ​യ്തി​രു​ന്നു.

തെ​ളി​വു​ക​ൾ ഹാ​ജരാ​ക്കു​ന്ന​തി​ൽ പ്രോ​സി​ക്യൂ​ഷ​ൻ പ​രാ​ജ​യ​പ്പെ​ട്ടെ​ന്ന് നി​രീ​ക്ഷി​ച്ചാ​ണ് കോ​ട​തി അ​ജി​യെ കു​റ്റ​വി​മു​ക്ത​നാ​ക്കി​യ​ത്. കേ​സി​നെ​ത്തു​ട​ർ​ന്ന് അ​ജി സ​സ്പെ​ൻ​ഷ​നി​ലാ​യി​രു​ന്നു. ത​ന്‍റെ ഇ​ൻ​ക്രി​മെ​ന്‍റും ഗ്രേ​ഡും ത​ട​ഞ്ഞു​വെ​ന്നും സാ​മ്പ​ത്തി​ക​മാ​യും മാ​ന​സി​ക​മാ​യും താ​നും കു​ടും​ബ​വും ത​ക​ർ​ന്നു​വെ​ന്നും അ​ജി പ​റ​ഞ്ഞു. ഇ​തി​നി​ടെ റി​ട്ട​യേ​ർ​ഡ് അ​ധ്യാ​പ​ക​നാ​യ പി​താ​വും മ​രി​ച്ചു. വി​ദ്യാ​ഭ്യാ​സ​വ​കു​പ്പി​നും പോ​ലീ​സി​നു​മെ​തി​രേ മാ​ന​ന​ഷ്ട​ത്തി​നും ന​ഷ്ട​പ​രി​ഹാ​ര​ത്തി​നു​മാ​യി നി​യ​മ ന​ട​പ​ടി​ക​ൾ സീ​ക​രി​ക്കു​മെ​ന്ന് അ​ജി കെ. ​സെ​ബാ​സ്റ്റ്യ​ൻ പ​റ​ഞ്ഞു.