ഇ​ടു​ക്കി: ശ​ബ​രി​മ​ല മ​ഹോ​ത്സ​വ​വു​മാ​യി ബ​ന്ധ​പ്പെ​ട്ട് മു​ന്നൊ​രു​ക്ക​ങ്ങ​ളു​ടെ പ്ര​വ​ർ​ത്ത​ന പു​രോ​ഗ​തി വി​ല​യി​രു​ത്താ​ൻ ജി​ല്ലാ ക​ള​ക്ട​ർ ദി​നേ​ശ​ൻ ചെ​റു​വാ​ട്ടി​ന്‍റെ അ​ധ്യ​ക്ഷ​ത​യി​ൽ യോ​ഗം ചേ​ർ​ന്നു.
സ്ഥി​രം അ​പ​ക​ടമേ​ഖ​ല​യാ​യ വ​ള​ഞ്ഞ​ങ്ങാ​നം സ​ന്ദ​ർ​ശി​ച്ച് അ​പ​ക​ട കാ​ര​ണം പ​രി​ശോ​ധി​ച്ച് തു​ട​ർ ന​ട​പ​ടി സ്വീ​ക​രി​ക്കാ​ൻ ദേ​ശീ​യ​പാ​ത അ​ഥോ​റി​റ്റി, പൊ​തു​മ​രാ​മ​ത്ത് റോ​ഡ് വി​ഭാ​ഗം, പോ​ലീ​സ്, ആ​ർ​ടി​ഒ, ഫ​യ​ർ ആ​ന്‍ഡ് റ​സ്ക്യു എ​ന്നീ വ​കു​പ്പു​ക​ൾ​ക്ക് നി​ർ​ദേ​ശം ന​ൽ​കി.

തീ​ർ​ഥാ​ട​ക​ർ​ക്ക് വി​ശ്ര​മ കേ​ന്ദ്ര​ങ്ങ​ൾ, വാ​ഹ​ന​പാ​ർ​ക്കിം​ഗ് എ​ന്നി​വ ഒ​രു​ക്കു​ന്ന​തി​ന് സ്ഥ​ല​സൗ​ക​ര്യം സം​ബ​ന്ധി​ച്ച വി​വ​ര​ങ്ങ​ൾ ന​ൽ​കാ​നും നി​ർ​ദേ​ശം ന​ൽ​കി. ശു​ദ്ധ​ജ​ല ല​ഭ്യ​ത, ടോ​യ്‌ല​റ്റ് സം​വി​ധാ​ന​ങ്ങ​ൾ, വെ​യ്സ്റ്റ് ബി​ന്നു​ക​ൾ എ​ന്നി​വ ക്ര​മീ​ക​രി​ച്ചി​ട്ടു​ണ്ടെ​ന്ന് പ​ഞ്ചാ​യ​ത്തു​ക​ൾ ഉ​റ​പ്പു​വ​രു​ത്ത​ണം.

വ​ണ്ടി​പ്പെ​രി​യാ​ർ, കു​മ​ളി, ഏ​ല​പ്പാ​റ, പെ​രു​വ​ന്താ​നം, പീ​രു​മേ​ട്, ക​രു​ണാ​പു​രം, കാ​ഞ്ചി​യാ​ർ പ​ഞ്ചാ​യ​ത്തു​ക​ളി​ൽ പാ​ർ​ക്കിം​ഗ് ഗ്രൗ​ണ്ട് സ​ജ്ജ​മാ​ക്കും.

കു​മ​ളി, വ​ണ്ടി​പ്പെ​രി​യാ​ർ, ഏ​ല​പ്പാ​റ, ക​ട്ട​പ്പ​ന എ​ന്നി​വി​ട​ങ്ങ​ളി​ൽ തി​ര​ക്ക് നി​യ​ന്ത്രി​ക്കു​ന്ന​തി​നാ​യി കൂ​ടു​ത​ൽ ട്രാ​ഫി​ക് പോ​ലീ​സി​നെ വി​ന്യ​സി​ക്കും. തി​ര​ക്ക് കൂ​ടു​ന്പോ​ൾ വ​ണ്‍​വേ സം​വി​ധാ​നം ഏ​ർ​പ്പെ​ടു​ത്തും.

ദീ​ർ​ഘ​നേ​രം ക്യൂ ​നി​ൽ​ക്കേ​ണ്ട സാ​ഹ​ച​ര്യം ഒ​ഴി​വാ​ക്കും. കാ​ന​ന​പാ​ത വൃ​ത്തി​യാ​ക്കു​ന്ന പ്ര​വൃത്തി​ക​ൾ നടത്താനും മ​ര​ങ്ങ​ൾ മു​റി​ച്ചുമാ​റ്റു​ന്ന​തി​നു​ള്ള ന​ട​പ​ടി​ക​ൾ സ്വീ​ക​രി​ക്കാ​നും വ​നംവ​കു​പ്പി​ന് നി​ർ​ദേ​ശം ന​ൽ​കി. സ്പോ​ട്ട് ബു​ക്കിം​ഗ് ന​ട​ത്തി പാ​സ് അ​നു​വ​ദി​ക്കാ​ൻ ദേ​വ​സ്വം ബോ​ർ​ഡി​ന് അ​നു​മ​തി ന​ൽ​കി. റോ​ഡു​ക​ളു​ടെ അ​റ്റ​കു​റ്റ​പ്പ​ണി​ക​ൾ മ​ണ്ഡ​ല​കാ​ലം ആ​രം​ഭി​ക്കു​ന്ന​തി​ന് മു​ൻ​പാ​യി പൂ​ർ​ത്തി​ക​രി​ക്ക​ണ​മെ​ന്നും അ​പ​ക​ട സാ​ധ്യ​ത​യു​ള്ള സ്ഥ​ല​ങ്ങ​ളി​ൽ റി​ഫ്ള​ക്ട​റു​ക​ൾ, റെ​ഡ് ലൈ​റ്റു​ക​ൾ, സൈ​ൻ ബോ​ർ​ഡു​ക​ൾ എ​ന്നി​വ സ്ഥാ​പി​ക്കാ​നും ദേ​ശി​യ​പാ​ത അ​ഥോ​റി​റ്റി​ക്ക് നി​ർ​ദേ​ശം ന​ൽ​കി.

മു​ട്ടം മു​ത​ൽ ക​ള്ളി​പ്പാ​റ വ​രെ​യു​ള്ള ഭാ​ഗ​ത്ത് റോ​ഡ് ടാ​റിം​ഗ് ഉ​ൾ​പ്പെ​ടെ​യു​ള്ള പ്ര​വ​ർ​ത്ത​ന​ങ്ങ​ൾ അ​ടി​യ​ന്ത​ര​മാ​യി പൂ​ർ​ത്തി​യാ​ക്കാ​നും നി​ർ​ദേ​ശം ന​ൽ​കി. മ​ക​ര​വി​ള​ക്കി​നോ​ട് അ​നു​ബ​ന്ധി​ച്ച് ഉ​പ്പു​ത​റ മു​ത​ൽ കോ​ഴി​ക്കാ​നം വ​രെ 15 പോ​യി​ന്‍റു​ക​ളി​ലും പാ​ഞ്ചാ​ലി​മേ​ട്, പ​രു​ന്തും​പാ​റ, മ്ലാ​പ്പാ​റ എ​ന്നി​വി​ട​ങ്ങ​ളി​ൽ ജ​ല​ല​ഭ്യ​ത ഉ​റ​പ്പാ​ക്കാ​ൻ വാ​ട്ട​ർ അ​ഥോ​റി​റ്റി​യോ​ട് നി​ർ​ദേ​ശി​ച്ചു.

കു​ട്ടി​ക്കാ​നം കേ​ന്ദ്രീ​ക​രി​ച്ച് സെ​യ്ഫ് സോ​ണ്‍ പ്രോ​ജ​ക്ട്, ആ​ക്സി​ഡ​ന്‍റ് റി​പ്പ​യ​ർ അ​സി​സ്റ്റ​ന്‍സ് ഉ​ൾ​പ്പെ​ടെ​യു​ള്ള ക്ര​മീ​ക​ര​ണ​ങ്ങ​ൾ ഏ​ർ​പ്പെ​ടു​ത്തും.

ഭ​ക്ഷ്യസാ​ധ​ന​ങ്ങ​ളു​ടെ അ​ള​വ് തൂ​ക്കം, ഗു​ണ​നി​ല​വാ​രം, വി​ല​നി​യ​ന്ത്ര​ണം എ​ന്നി​വ പ​രി​ശോ​ധി​ക്കു​ന്ന​തി​ന് സ്ക്വാ​ഡ് രൂ​പീ​ക​രി​ക്കും.

തീ​ർ​ഥാ​ട​ന പാ​ത​യി​ലും ഇ​ട​ത്താ​വ​ള​ങ്ങ​ളി​ലും എ​ല്ലാ ആ​രോ​ഗ്യ കേ​ന്ദ്ര​ങ്ങ​ളി​ലും ഡോ​ക്ട​ർ​മാ​രു​ടെ സേ​വ​നം 24 മ​ണി​ക്കൂ​റും ല​ഭ്യ​മാ​ക്കും. കു​മ​ളി​യി​ൽ ഫെ​സി​ലി​റ്റി സെ​ന്‍റ​ർ ആ​രം​ഭി​ച്ച് ആ​വ​ശ്യാ​നു​സ​ര​ണം കെഎ​സ്ആ​ർ​ടി​സി ബ​സു​ക​ൾ സ​ർ​വീ​സ് ന​ട​ത്തും.