ന്യൂ​ഡ​ൽ​ഹി: അ​ഫ്ഗാ​നി​സ്ഥാ​നി​ലെ താ​ലി​ബാ​ൻ വി​ദേ​ശ​കാ​ര്യ​മ​ന്ത്രി അ​മി​ർ​ഖാ​ൻ മു​ത്ത​ഖി ഡ​ൽ​ഹി​യി​ലെ​ത്തി.

നാ​ലു വ​ർ​ഷം​മു​ന്പ് അ​ഫ്ഗാ​നി​ലെ അ​ഷ്റ​ഫ് ഗ​നി സ​ർ​ക്കാ​രി​നെ അ​ട്ടി​മ​റി​ച്ച് അ​ധി​കാ​ര​ത്തി​ലെ​ത്തി​യ താ​ലി​ബാ​നി​ൽ​നി​ന്നു​ള്ള ഉ​ന്ന​ത​നാ​യ ഒ​രു മ​ന്ത്രി രാ​ജ്യ​ത്തെ​ത്തു​ന്ന​ത് ഇ​ന്ത്യ-​അ​ഫ്ഗാ​ൻ ബ​ന്ധ​ത്തി​നു പു​തി​യ മാ​ന​ങ്ങ​ൾ ന​ൽ​കു​മെ​ന്നാ​ണ് പ്ര​തീ​ക്ഷി​ക്ക​പ്പെ​ടു​ന്ന​ത്.

അ​ഫ്ഗാ​നി​ൽ സ​ർ​ക്കാ​ർ രൂ​പീ​ക​രി​ച്ച​തി​നു​ശേ​ഷം ആ​ദ്യ​മാ​യാ​ണ് ഒ​രു ഉ​ന്ന​ത താ​ലി​ബാ​ൻ നേ​താ​വ് ഇ​ന്ത്യ സ​ന്ദ​ർ​ശി​ക്കു​ന്ന​ത്. ആ​റു ദി​വ​സ​ത്തെ സ​ന്ദ​ർ​ശ​ന​ത്തി​നെ​ത്തി​യ അ​മി​ർ​ഖാ​ൻ ഇ​ന്ന് വി​ദേ​ശ​കാ​ര്യ​മ​ന്ത്രി എ​സ്. ജ​യ്ശ​ങ്ക​റു​മാ​യും ദേ​ശീ​യ സു​ര​ക്ഷ ഉ​പ​ദേ​ഷ്‌​ടാ​വ് അ​ജി​ത് ഡോ​വ​ലു​മാ​യും കൂ​ടി​ക്കാ​ഴ്ച ന​ട​ത്തും.


കഴി​ഞ്ഞ മാ​സം​ത​ന്നെ അ​ഫ്ഗാ​ന്‍റെ വി​ദേ​ശ​കാ​ര്യ​മ​ന്ത്രി​ക്ക് ഡ​ൽ​ഹി സ​ന്ദ​ർ​ശി​ക്കാ​ൻ പ​ദ്ധ​തി​ക​ളു​ണ്ടാ​യി​രു​ന്നെ​ങ്കി​ലും യു​എ​ൻ സു​ര​ക്ഷാ കൗ​ണ്‍സി​ലി​ന്‍റെ യാ​ത്രാ​വി​ല​ക്കു​ള്ള​തി​നാ​ൽ മു​ട​ങ്ങു​ക​യാ​യി​രു​ന്നു. ഇ​പ്പോ​ൾ 16 വ​രെ​യു​ള്ള ഇ​ന്ത്യ സ​ന്ദ​ർ​ശ​ന​ത്തി​നു യു​എ​ന്നി​ൽ​നി​ന്ന് താ​ത്കാ​ലി​ക ഇ​ള​വ് നേ​ടി​യാ​ണ് വ​ന്നി​രി​ക്കു​ന്ന​ത്.

അ​ഫ്ഗാ​നി​ലെ താ​ലി​ബാ​ൻ സ​ർ​ക്കാ​രി​നെ ഇ​ന്ത്യ ഇ​തു​വ​രെ ഔ​ദ്യോ​ഗി​ക​മാ​യി അം​ഗീ​ക​രി​ച്ചി​ട്ടി​ല്ലെ​ങ്കി​ലും അ​മി​ർ​ഖാ​ന്‍റെ സ​ന്ദ​ർ​ശ​നം കാ​ബൂ​ളി​ലേ​ക്ക് പു​തി​യ ന​യ​ത​ന്ത്ര​പാ​ത​ക​ൾ തു​റ​ക്കു​മെ​ന്നാ​ണ് ക​രു​ത​പ്പെ​ടു​ന്ന​ത്.