ADVERTISEMENT

ADVERTISEMENT

ചെസ് മത്സരം നടത്തി

പെരിന്തൽമണ്ണ: മലപ്പുറം സെൻട്രൽ സഹോദയ സംഘടിപ്പിച്ച ജില്ലാതല ചെസ് മത്സരം പെരിന്തൽമണ്ണ ഐഎസ്എസ് സീനിയർ സെക്കൻഡറി സ്കൂളിൽ നടത്തി. ജില്ലയിലെ 50 സിബിഎസ്ഇ സ്കൂളുകളിൽ നിന്നായി 520 വിദ്യാർഥികളാണ് മത്സരത്തിനെത്തിയത്. ഐഎസ്എസ് സ്കൂൾ പ്രസിഡന്‍റ് ഡോ. പി. ഉണ്ണീൻ ഉദ്ഘാടനം ചെയ്തു. സഹോദയ പ്രസിഡന്‍റും ഐഎസ്എസ് സ്കൂൾ പ്രിൻസിപ്പലുമായ നൗഫൽ പുത്തൻ പീടിയേക്കൽ അധ്യക്ഷത വഹിച്ചു.

സ്കൂൾ സെക്രട്ടറി ആലിക്കൽ റഫീഖ്, മാനേജർ കെ.ടി. ഹൈദരലി, ട്രഷറർ സി.എം. മുസ്തഫ, സഹോദയ സ്പോർട്സ് ഡയറക്ടർ കെ.പി. ഫഹദ് പടിയം, സഹോദയ ജോയിന്‍റ് സെക്രട്ടറി ഷുഹൈബ് ആലുങ്ങൽ, ഫാ. ജീവൻ ജോസഫ്, എൻ.ജി. സുരേന്ദ്രൻ തുടങ്ങിയവർ പ്രസംഗിച്ചു. ചെസ് അസോസിയേഷൻ ഭാരവാഹികളായ പി.ഹാഫിസ്, സി.കെ. ഇർഷാദ്, കെ.കെ. ഷംസുദ്ദീൻ എന്നിവർ നേതൃത്വം നൽകി.

ADVERTISEMENT

‘ന്യൂനപക്ഷങ്ങളെ അരക്ഷിത ബോധത്തിലേക്ക് ബിജെപി തള്ളിവിടുന്നു’

മലപ്പുറം: രാജ്യത്തെ ന്യൂനപക്ഷങ്ങളെ അരക്ഷിത ബോധത്തിലേക്ക് തള്ളിവിടുകയാണ് ബിജെപി ഭരണകൂടങ്ങളെന്ന് മുസ്‌ലിംലീഗ് ദേശീയ ജനറൽ സെക്രട്ടറി പി.കെ. കുഞ്ഞാലിക്കുട്ടി. മുസ്‌ലിംലീഗ് മലപ്പുറം ജില്ലാ കമ്മിറ്റി ആസാം-ഛത്തീസ്ഗഡ് അതിക്രമങ്ങൾക്കെതിരേ മലപ്പുറം ടൗണ്‍ഹാൾ അങ്കണത്തിൽ നടത്തിയ പ്രതിഷേധ സംഗമം ഉദ്ഘാടനം ചെയ്യുകയായിരുന്നു അദ്ദേഹം. കന്യാസ്ത്രീകൾക്കും മറ്റു ന്യൂനപക്ഷങ്ങൾക്കുമെതിരേ നടത്തുന്ന ക്രൂരമായ ആക്രമണത്തിലൂടെ രാജ്യത്തെ അപമാനിക്കുകയാണ് ബിജെപി ചെയ്തത്. തെരഞ്ഞെടുപ്പ് പ്രക്രിയ പോലും വിദ്വേഷത്തിനുള്ള വേദിയാക്കി മാറ്റി. ഒരു രാജ്യത്തിനും ഇതുപോലെ ഏറെ നാൾ മുന്നോട്ട് പോകാനാകില്ല. ഇതിനെതിരേ ശക്തമായ ജനകീയ പ്രതിരോധമുയരുമെന്നും ഭരണകൂടങ്ങൾക്ക് തിരുത്തേണ്ടിവരുമെന്നും അദ്ദേഹം പറഞ്ഞു. കേരളീയ സമൂഹത്തിൽ ആഴത്തിൽ വേരൂന്നിയ ചില മൂല്യങ്ങളുണ്ടെന്നും അതുകൊണ്ടാണ് ഇത്തരം വർഗീയ, വിഭാഗീയ പ്രവർത്തനങ്ങൾ ഏൽക്കാത്തതെന്നും അദ്ദേഹം പറഞ്ഞു. കേരളത്തെ സംബന്ധിച്ച് കേരള സ്റ്റോറിയെന്ന പേരിൽ വ്യാജ സിനിമയെടുക്കുകയും അതിന് അവാർഡ് നൽകി അംഗീകാരം നൽകുകയും ചെയ്യുന്നു. രാജ്യത്തെ ഭരണകൂടങ്ങളിൽ നിന്നുണ്ടാകുന്ന ഏകാധിപത്യ, മനുഷ്യത്വ രഹിത, ഭരണഘടനാ വിരുദ്ധ ചെയ്തികൾക്കെതിരേ ഉറച്ച സ്വരം ഉയരണമെന്നും കുഞ്ഞാലിക്കുട്ടി പറഞ്ഞു. മുസ്‌ലിംലീഗ് ജില്ലാ ജനറൽ സെക്രട്ടറി പി. അബ്ദുൾ ഹമീദ് എംഎൽഎ അധ്യക്ഷത വഹിച്ചു. ഊരകം ഫാത്തിമ മാതാ പള്ളി വികാരി ഫാ. സെബാസ്റ്റ്യൻ ചെന്പുകണ്ടത്തിൽ മുഖ്യാതിഥിയായിരുന്നു. ആൾക്കൂട്ട വിചാരണയും അതിക്രമവും വ്യാപകമായ സാഹചര്യത്തിൽ ഇന്ത്യയിൽ നിയമവാഴ്ച ഇല്ലാതായോ എന്ന് ആഭ്യന്തരമന്ത്രി അമിത്ഷാ വ്യക്തമാക്കണമെന്ന് ഫാ. സെബാസ്റ്റ്യൻ ചെന്പുകണ്ടത്തിൽ പറഞ്ഞു. ന്യൂനപക്ഷങ്ങൾക്കെതിരേ ഭരണകൂടത്തിന്‍റെ നിയന്ത്രണത്തിലുള്ള തീവ്രവാദ സംഘടനകൾ അതിക്രമം നടത്തുകയാണ്. രാജ്യത്ത് നടക്കുന്ന വിവിധ സംഭവങ്ങൾ പരിശോധിച്ചാൽ ഇന്ത്യയെ ഒരു മതരാഷ്ട്രമാക്കി മാറ്റാനാണ് നീക്കമെന്ന് മനസിലാകും. രാജ്യത്തിന്‍റെ അഖണ്ഡതയെ തകർക്കാൻ ഗൂഢനീക്കങ്ങൾ നടക്കുന്നുണ്ട്. സാമൂഹ്യമാധ്യമങ്ങൾ മതേതര വിരുദ്ധരുടെ താവളമായി മാറിയെന്നും അദ്ദേഹം പറഞ്ഞു. കാസ ബിജെപിക്ക് വേണ്ടി ഇരുട്ടിൽ നിന്ന് പ്രവർത്തിക്കുകയാണ്. ഛത്തീസ്ഗഡിൽ അറസ്റ്റിലായ കന്യാസ്ത്രീകൾക്ക് ജാമ്യം ലഭിച്ചപ്പോൾ ഞങ്ങളാണ് രക്ഷിച്ചതെന്ന അവകാശവാദവുമായെത്തിയ ബിജെപി നേതാക്കൾ സ്വയം പരിഹാസ്യരാവുകയാണ്. ക്രിസ്ത്യാനികൾ ശത്രുക്കളാണെന്ന് എഴുതിവച്ച പ്രത്യയ ശാസ്ത്രം പിന്തുടരുന്നവർക്ക് അതിനാകില്ല. നമ്മൾ ഒറ്റക്കെട്ടായി നേടിയെടുത്ത സ്വാതന്ത്ര്യവും സൃഷ്ടിച്ച മതേതര, ജനാതിപത്യ മൂല്യങ്ങളും സംരക്ഷിക്കാൻ നമ്മൾ ശക്തമായ പോരാട്ടത്തിനിറങ്ങണമെന്നും ഭരണാഘടനയുടെ കവലാളാവാനുള്ള ഇത്തരം കൂട്ടായ്മകൾ ഇനിയുമുണ്ടാകണമെന്നും അദ്ദേഹം പറഞ്ഞു. മുസ്‌ലിം യൂത്ത്‌ലീഗ് ദേശീയ ജനറൽ സെക്രട്ടറി അഡ്വ. ഫൈസൽബാബു, എംഎൽഎമാരായ പ്രഫ. ആബിദ് ഹുസൈൻ തങ്ങൾ, അഡ്വ. യു.എ. ലത്തീഫ്, പി.കെ. ബഷീർ, പി. ഉബൈദുള്ള, മുസ്‌ലിംലീഗ് ദേശീയ സെക്രട്ടറി സി.കെ. സുബൈർ, എസ്ടിയു ദേശീയ ജനറൽ സെക്രട്ടറി അഡ്വ. എം. റഹ്മത്തുള്ള, പ്രവാസി ലീഗ് സംസ്ഥാന പ്രസിഡന്‍റ് ഹനീഫ മൂന്നിയൂർ, മുസ്‌ലിംലീഗ് ജില്ലാ ഭാരവാഹികളായ ഇസ്മായിൽ മൂത്തേടം, കെ. കുഞ്ഞാപ്പുഹാജി വണ്ടൂർ, പി. സൈതാലവി, സലീം കുരുവന്പലം, നൗഷാദ് മണ്ണിശേരി, കെ.എം. അബ്ദുൾ ഗഫൂർ, ഉസ്മാൻ താമരത്ത്, പി.എം.എ. സമീർ, അൻവർ മുള്ളന്പാറ, കെ.ടി. അഷ്റഫ്, അഡ്വ. പി.പി. ഹാരിഫ്, വൈസ് പ്രസിഡന്‍റ് ഉമ്മർ അറക്കൽ, ട്രഷറർ അഷ്റഫ് കോക്കൂർ എന്നിവർ പ്രസംഗിച്ചു.

നിലന്പൂർ മണ്ഡലത്തിലെ ആദിവാസി പ്രശ്നങ്ങൾ പരിഹരിക്കാൻ ധാരണ

നിലന്പൂർ:നിലന്പൂർ മണ്ഡലത്തിലെ ആദിവാസി കുടുംബങ്ങളുടെ പ്രശ്നങ്ങൾ പരിഹരിക്കാൻ ഉൗർജിത നടപടികൾ ഉണ്ടാകുമെന്ന് ആര്യാടൻ ഷൗക്കത്ത് എംഎൽഎ. മണ്ഡലത്തിലെ ആദിവാസികളുടെ വിവിധ പ്രശ്നങ്ങൾക്ക് പരിഹാരം കണ്ടെത്തുന്നതിനായി എംഎൽഎയുടെ അധ്യക്ഷതയിൽ കളക്ടർ വിളിച്ചു ചേർത്ത യോഗത്തിന് ശേഷം മാധ്യമ പ്രവർത്തകരോട് സംസാരിക്കുകയായിരുന്നു അദ്ദേഹം. പോത്തുകൽ, വാണിയംപുഴ നഗറിലെ കുടുംബങ്ങൾക്ക് വീട് വയ്ക്കുന്നതിന് സ്ഥലം ലഭ്യമാക്കും. കരുളായി പഞ്ചായത്തിലെ മുണ്ടക്കടവ്, പുലിമുണ്ട നഗറുകളിലെ മുഴുവൻ കുടുംബങ്ങൾക്കും ഭൂമിയുടെ രേഖകൾ 20 നകം കൈമാറും. ചാലിയാർ പുഴക്ക് കുറുകെയുള്ള ഇരുട്ടുകുത്തി പാലത്തിന്‍റെ പ്രവൃത്തി ത്വരിതഗതിയിലാക്കി നടന്ന് പോകാനുള്ള സൗകര്യം ഏർപ്പെടുത്തും. 2026 മാർച്ച് 31 ന് മുന്പ് പാലം യഥാർഥ്യമാക്കും. പുഞ്ചക്കൊല്ലി പാലത്തിന് ഭരണാനുമതി ലഭ്യമാക്കാൻ നടപടി സ്വീകരിക്കും.ആധാർ, റേഷൻ കാർഡ് ഉൾപ്പെടെയുള്ള രേഖകൾ ലഭ്യമാക്കാൻ വിവിധ വകുപ്പുകളുടെ നേതൃത്വത്തിൽ ക്യാന്പുകൾ നടത്തുമെന്ന് എംഎൽഎ പറഞ്ഞു. എടക്കരയിലും കരുളായിലും മെഡിക്കൽ ക്യാന്പുകൾ നടത്തും. കരുളായി ഉൾവനത്തിലെ മാഞ്ചീരിയിലേക്കുള്ള റോഡ് എട്ട് കിലോമീറ്റർ കൂടി ഏറ്റെടുത്ത് നടപ്പാക്കും. നിലന്പൂർ മണ്ഡലത്തിൽ അറ്റകുറ്റപണിക്കായി 200 വീടുകൾക്ക് രണ്ടര ലക്ഷം രൂപ വീതം ഐടിഡിപി നൽകുന്ന പദ്ധതിയും യാഥാർഥ്യമാക്കാൻ ശ്രമം നടത്തും. വന്യമൃഗശല്യം പരിഹരിക്കാൻ വിവിധ പദ്ധതികളുടെ ഫണ്ട് ഉപയോഗിച്ച് 27.73 കിലോമീറ്റർ ഭാഗത്ത് സോളാർ വൈദ്യുത തൂക്കുവേലിയുടെ പ്രവൃത്തി നടന്നുവരുന്നു. ത്രിതല പഞ്ചായത്തുകളുടെ ഉൾപ്പെടെ സഹായത്തോടെ വന്യമൃഗ ശല്യം പരിഹരിക്കാനുള്ള നടപടികളും സ്വീകരിക്കും. വനം വകുപ്പ് സ്ഥാപിക്കുന്ന സോളാർ വൈദ്യുത വേലികൾ പലതും പ്രവർത്തനരഹിതമാണ്. ഇക്കാര്യം ഡിഎഫ്്ഒമാർ എംഎൽഎയുടെ ശ്രദ്ധയിൽപ്പെടുത്തി. പഞ്ചായത്ത് ഭരണ സമിതികൾ വനം വകുപ്പുമായി സഹകരിച്ചാൽ ഇത് പരിഹരിക്കാനാകും. അഞ്ച് കിലോമീറ്റർ വൈദ്യുത വേലിക്ക് ഒരു വാച്ചർ എന്ന നിലയിൽ ഉണ്ടെങ്കിൽ വേലികൾ സംരക്ഷിക്കാനാകുമെന്നും ഡിഎഫ്ഒമാർ ചൂണ്ടിക്കാട്ടി.മുണ്ടേരി ഫാമിലെ പഴയ ക്വാർട്ടേഴ്സുകളിൽ കഴിയുന്ന തണ്ടൻകല്ല് ആദിവാസി നഗറിലെ കുടുംബങ്ങൾക്ക് വീട് നിർമിക്കാൻ ഭൂമി ലഭ്യമാക്കും. ആദിവാസി കുട്ടികളുടെ കോളജ് പഠനത്തിന് സൗകര്യമൊരുക്കാൻ വനംവകുപ്പ്, റവന്യൂ വകുപ്പിന് നിലന്പൂർ തൃക്കൈക്കുത്ത് കൈമാറിയ ഭൂമിയിൽ നിന്ന് 50 സെന്‍റ് ലഭ്യമാക്കും. കരുളായി ഉൾവനത്തിൽ പാണപുഴ, പാണപ്പുഴ, കണ്ണിക്കൈ, മാഞ്ചിരി എന്നിവിടങ്ങളിൽ കരിന്പുഴക്ക് കുറുകെ നടപ്പാലം നിർമിക്കുന്ന കാര്യവും യോഗം ചർച്ച ചെയ്തു. കളക്ടർ വി.ആർ. വിനോദ്, ഡിഎഫ്ഒമാരായ പി. ധനേഷ് കുമാർ, ജി. ധനിക് ലാൽ, എസിഎഫ് അനിഷ സിദ്ദീഖ്, നിലന്പൂർ ബ്ലോക്ക് പഞ്ചായത്ത് പ്രസിഡന്‍റ് പി. പുഷ്പവല്ലി, എ. ഗോപിനാഥ്, ഐടിഡിപി പ്രൊജക്ട് ഓഫീസർ പി. ഇസ്മായിൽ, നിലന്പൂർ തഹസിൽദാർ എ.പി. സിന്ധു, ജില്ലാ മെഡിക്കൽ ഓഫീസർ ആർ.രേണുക വിവിധ വകുപ്പുകളിലെ ഉന്നത ഉദ്യോഗസ്ഥർ തുടങ്ങിയവർ പങ്കെടുത്തു.

മൂലേപ്പാടത്ത് കാട്ടാന കൃഷി നശിപ്പിച്ചു

നിലന്പൂർ:മൂലേപ്പാടം 150 - തിൽ കാട്ടാനയിറങ്ങി വ്യാപകമായി കൃഷി നശിപ്പിച്ചു. അകന്പാടം സ്വദേശിയും റിട്ടയേർഡ് വനം ജീവനക്കാരനുമായ ചോലയിൽ മുഹമ്മദിന്‍റെ കൃഷിയിടത്തിലാണ് ഇന്നലെ പുലർച്ചെ കാട്ടാനക്കൂട്ടം വൻതോതിൽ കൃഷി നശിപ്പിച്ചത്. ആറ് വർഷം പ്രായമായ പത്ത് തെങ്ങുകൾ പൂർണമായും നശിപ്പിച്ചു. കൂടാതെ കമുക്, ജാതി തുടങ്ങിയവയും നശിപ്പിച്ചിട്ടുണ്ട്. മൂവായിരം വനമേഖലയിൽ നിന്ന് വിജയപുരം ഭാഗത്ത് കൂടിയാണ് കാട്ടാനകൾ എത്തിയതെന്ന് മുഹമ്മദ് പറഞ്ഞു. ഈ ഭാഗത്ത് ആദ്യമായാണ് കാട്ടാനകൾ കൃഷി നശിപ്പിക്കുന്നതെന്നും അദ്ദേഹം വ്യക്തമാക്കി.

കൽക്കുണ്ടിലും കാട്ടാന കൃഷി നശിപ്പിച്ചു

കരുവാരകുണ്ട്: തിങ്കളാഴ്ച പുലർച്ചെ കൽക്കുണ്ടിലെ കൃഷിയിടത്തിലെത്തിയ കാട്ടാനകൾ വൻ കൃഷി നാശം വരുത്തി. തെങ്ങ്, കമുക്, കൊക്കോ, വാഴ തുടങ്ങിയ വിളകൾക്കാണ് കനത്ത നാശം നേരിട്ടത്. ചുണ്ടംപറ്റ ഹൗക്കത്ത് അടക്കം നാലോളം കർഷകരുടെ കാർഷിക വിളകളാണ് നിമിഷ നേരം കൊണ്ട് ആനകൾ നശിപ്പിച്ചത്. കണ്ണിൽ കണ്ടതെല്ലാം നശിപ്പിച്ച് നേരം വെളുത്തപ്പോഴാണ് കാട്ടാനകൾകൃഷിയിടം വിട്ട് വനത്തിലേക്ക് മറഞ്ഞത്. ഏതാനും മാസമായി മേഖലയിൽ കാട്ടാനകളുടെ പരാക്രമം വർധിച്ചുവരികയാണെന്ന് പ്രദേശവാസികൾ പറയുന്നു. കാട്ടാന ശല്യം രൂക്ഷമായതോടെ കൽക്കുണ്ട് നിവാസികൾ ഭീതിയിലാണ്. കാട്ടാനകൾ കൃഷിയിടങ്ങളിലിറങ്ങി കാർഷിക വിളകൾ നശിപ്പിക്കുന്നത് കർഷകരെ ദുരിതത്തിലാക്കിയിരിക്കുകയാണ്. പകൽ സമയത്തും ഇവ കൃഷിയിടം വിട്ടുപോകാറില്ലെന്ന് കർഷകർ പറയുന്നു. വന്യജീവികൾ കൃഷിയിടത്തിൽ പ്രവേശിക്കുന്നത് തടയാൻ വനം വകുപ്പ് അധികൃതർ നടപടി സ്വീകരിക്കണമെന്നാണ് കർഷകർ ആവശ്യപ്പെടുന്നത്. കാട്ടാനശല്യം തടയുന്നതിന് വനാതിർത്തികളിൽ സൗരോർജ വേലി നിർമാണത്തിന് കോടിക്കണക്കിന് രൂപ സർക്കാർ നീക്കിവയ്ക്കുന്നത് വനം വകുപ്പിലെ ചില ഉന്നതരും കരാർലോബികളും തട്ടിയെടുക്കുന്നതായും കർഷകർ പരാതിപ്പെടുന്നു. വനാതിർത്തികളിൽ നിലവാരമില്ലാത്ത വസ്തുക്കൾ ഉപയോഗിച്ചുള്ള സൗരോർജ വേലി നിർമാണത്തിന് പിന്നാലെ കാട്ടാന അവ നാശം വരുത്തുകയാണെന്നാണ് കർഷകരുടെ ആരോപണം.

വണ്ടൂർ മണ്ഡലത്തിലെ വിവിധ സ്കൂൾ കെട്ടിടങ്ങൾ മന്ത്രി ഉദ്ഘാടനം ചെയ്തു

മന്പാട്: മന്പാട് ഗ്രാമപഞ്ചായത്തിൽ 3.90 കോടി രൂപ കിഫ്ബി ഫണ്ട് ഉപയോഗിച്ച് നിർമിച്ച മന്പാട് ഹയർ സെക്കൻഡറി കെട്ടിടത്തിന്‍റെ ഉദ്ഘാടനം മന്ത്രി വി. ശിവൻകുട്ടി നിർവഹിച്ചു. എ.പി. അനിൽകുമാർ എംഎൽഎ അധ്യക്ഷത വഹിച്ചു. ജില്ലാ പഞ്ചായത്ത് സ്റ്റാൻഡിംഗ് കമ്മിറ്റി ചെയർപേഴ്സണ്‍ എൻ.എ. കരീം, മന്പാട് ഗ്രാമപഞ്ചായത്ത് പ്രസിഡന്‍റ് സി. ശ്രീനിവാസൻ, വണ്ടൂർ ബ്ലോക്ക് പഞ്ചായത്ത് വൈസ് പ്രസിഡന്‍റ് ജെസി ഇട്ടി, വണ്ടൂർ ബ്ലോക്ക് പഞ്ചായത്ത് സ്റ്റാൻഡിംഗ് കമ്മിറ്റി ചെയർപേഴ്സണ്‍ ഷമീന കാഞ്ഞിരാല, മന്പാട് ഗ്രാമപഞ്ചായത്ത് വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ പി. മുഹമ്മദ്, പിടിഎ പ്രസിഡന്‍റ് അഷറഫ് ടാണ, പ്രിൻസിപ്പൽ പി. സന്ധ്യ, വിവിധ രാഷ്ട്രീയ പാർട്ടി പ്രതിനിധികൾ തുടങ്ങിയവർ പങ്കെടുത്തു. വണ്ടൂർ ഗ്രാമപഞ്ചായത്ത് ഗവണ്‍മെന്‍റ് വിഎംസിഎച്ച്എസിലെ കെട്ടിട ഉദ്ഘാടനവും മന്ത്രി നിർവഹിച്ചു. മൂന്ന് കോടി തൊണ്ണൂറു ലക്ഷം രൂപ ചെലവിൽ നിർമിച്ച കെട്ടിട ഉദ്ഘാടന ചടങ്ങിൽ എ.പി. അനിൽകുമാർ എംഎൽഎ അധ്യക്ഷത വഹിച്ചു. ജില്ലാ പഞ്ചായത്ത് എക്സിക്യൂട്ടീവ് എൻജിനീയർ എം.കെ. വിനോദ്, വണ്ടൂർ ബ്ലോക്ക് പഞ്ചായത്ത് പ്രസിഡന്‍റ് ഹസ്ക്കർ ആമയൂർ, വണ്ടൂർ ഗ്രാമപഞ്ചായത്ത് പ്രസിഡന്‍റ് വി.എം. സീന, വൈസ് പ്രസിഡന്‍റ് സിദ്ദീഖ് പട്ടിക്കാടൻ, മെംബർമാരായ കെ.ടി. അജ്മൽ, കെ.കെ. സാജിത, ഇ. സിതാര, പ്രിൻസിപ്പൽ പി. ഉഷാകുമാരി, ഹെഡ്മിസ്ട്രസ് പി. ഉഷ എന്നിവർ പങ്കെടുത്തു.

കിണറ്റിൽ വീണ യുവതിയെ രക്ഷപ്പെടുത്തി

മഞ്ചേരി : അബദ്ധത്തിൽ കിണറ്റിൽ വീണ യുവതിയെ മഞ്ചേരി അഗ്നിരക്ഷാ സേന രക്ഷപ്പെടുത്തി. കാവനൂർ എലിയാപ്പറന്പ് സ്വദേശി അസ്മാബി (36)യെയാണ് രക്ഷപ്പെടുത്തിയത്. ഇന്നലെ രാവിലെ എട്ടുമണിയോടെയാണ് യുവതി അന്പത് അടിയോളം താഴ്ചയുള്ള കിണറ്റിൽ വീണത്. മഴക്കാലമായതിനാൽ ധാരാളം വെള്ളമുള്ള കിണറ്റിൽ മുങ്ങിപ്പൊങ്ങുന്നതിനിടെ പടവിൽ പിടികിട്ടിയതാണ് രക്ഷയായത്. ബന്ധുക്കൾ തൊട്ടടുത്ത് താമസിക്കുന്ന അഗ്നിരക്ഷാ സേനാംഗമായ സി.പി. നിഷാന്തിനെ അറിയിക്കുകയും അദ്ദേഹം മഞ്ചേരി നിലയത്തിലേക്ക് വിവരം കൈമാറുകയുമായിരുന്നു. സ്റ്റേഷൻ ഓഫീസർ ടി. ഷാജിയുടെ നേതൃത്വത്തിൽ ഉടൻ സേന സ്ഥലത്തെത്തി. സേനാംഗം കെ.കെ. പ്രജിത്ത് കിണറ്റിൽ ഇറങ്ങുകയും റെസ്ക്യൂ നെറ്റിന്‍റെ സഹായത്തോടെയാണ് യുവതിയെ പുറത്തെത്തിക്കുകയുമായിരുന്നു. യുവതിയെ കാവനൂരിലെ സ്വകാര്യ ആശുപത്രിയിലേക്ക് മാറ്റി. രക്ഷാദൗത്യത്തിൽ ഓഫീസർമാരായ മുഹമ്മദ് ഹബീബ് റഹ്മാൻ, എം. അനൂപ്, ടി. റാഷിദ്, സി. ശ്രീലേഷ് കുമാർ, എസ്. രഞ്ജിത്ത്, സുബ്രഹ്മണ്യൻ, മനാഫ്, ഉണ്ണികൃഷ്ണൻ, അബ്ദുൾ സത്താർ എന്നിവർ പങ്കെടുത്തു.

വിജയോത്സവം

എടക്കര: എരുമമുണ്ട നിർമല ഹയർ സെക്കൻഡറി സ്കൂളിൽ ഉന്നതവിജയികളെ അനുമോദിക്കലും വിജയോത്സവവും സംഘടിപ്പിച്ചു. ആര്യാടൻ ഷൗക്കത്ത് എംഎൽഎ ഉദ്ഘാടനം ചെയ്തു. ബത്തേരി രൂപത കോർപ്പറേറ്റ് കറസ്പോണ്ടന്‍റ് ഫാ. ജോണ്‍ തളിക്കുന്നേൽ അധ്യക്ഷത വഹിച്ചു. പ്രിൻസിപ്പൽ എ.പി. ബിജു പോൾ, പ്രധാനാധ്യാപകൻ ബെന്നി ജോസഫ്, പി.ഐ. വർഗീസ്, പിടിഎ പ്രസിഡന്‍റ് ഷംസുദ്ദീൻ, വാർഡ് മെംബർ സൈനബ മാന്പള്ളി, ഉണ്ണി പാലത്തിങ്കൽ, കെ.വി. മാത്യു, ഷീജ മോഹൻ എന്നിവർ പ്രസംഗിച്ചു.

മങ്കട സ്കൂളിന് പുതിയ ബസ്

മങ്കട: മങ്കട മണ്ഡലം എംഎൽഎ മഞ്ഞളാംകുഴി അലിയുടെ പ്രാദേശിക വികസന ഫണ്ടിൽ ഉൾപ്പെടുത്തി മങ്കട ഗവണ്‍മെന്‍റ് ഹൈസ്കൂളിന് അനുവദിച്ച സ്കൂൾ ബസിന്‍റെ ഫ്ളാഗ് ഓഫ് എംഎൽഎ നിർവഹിച്ചു. 17 ലക്ഷം രൂപ ചെലവഴിച്ചാണ് ബസ് വാങ്ങിയത്. 3000 ത്തിലധികം വിദ്യാർഥികൾ പഠിക്കുന്ന ഈ സ്കൂളിലെ വിദ്യാർഥികളുടെ യാത്രാക്ലേശത്തിന് ആശ്വാസമായിരിക്കുകയാണ് ഈ ബസ്. ഒരു കോടി രൂപ ചെലവഴിച്ച് നിർമിക്കുന്ന ഓപ്പണ്‍ ഓഡിറ്റോറിയം രണ്ട് മാസത്തിനുള്ളിൽ പണി പൂർത്തിയാക്കുമെന്നും മൂന്നു കോടി 90 ലക്ഷം രൂപ ഫണ്ട് ഉപയോഗപ്പെടുത്തി നിർമിക്കുന്ന കെട്ടിടത്തിന്‍റെ പ്രവൃത്തി ഉടൻ ആരംഭിക്കുമെന്നും മഞ്ഞളാംകുഴി അലി എംഎൽഎ പറഞ്ഞു. ചടങ്ങിൽ പിടിഎ പ്രസിഡന്‍റ്് അഡ്വ. അസ്ഗർ അലി അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡന്‍റ്് അബ്ദുൾകരീം, ജില്ലാ പഞ്ചായത്ത് മെംബർ ഷഹർബാൻ, ബ്ലോക്ക് പഞ്ചായത്ത് വൈസ് പ്രസിഡന്‍റ് ജുബൈരിയ, പഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ അബ്ബാസ് അലി പൊട്ടേങ്ങൽ, പിടിഎ വൈസ് പ്രസിഡന്‍റ്് അലി അക്ബർ, വാർഡ് മെംബർ ബിന്ദു, സ്കൂൾ പ്രിൻസിപ്പൽ ലക്ഷ്മണൻ, അധ്യാപികരായ ഹൈറോജെ, ദീപ, ബ്ലോക്ക് പഞ്ചായത്ത് സെക്രട്ടറി മജീദ് സമദ് പറച്ചിക്കോട്ടിൽ തുടങ്ങിയവർ സംബന്ധിച്ചു.

കുടുംബശ്രീ ബ്രിഡ്ജ് കോഴ്സ് സെന്‍ററിന് തുടക്കമായി

എടക്കര: പോത്തുകൽ പഞ്ചായത്തിലെ ചെന്പ്ര നഗറിൽ കുടുംബശ്രീ നിലന്പൂർ ട്രൈബൽ സ്പെഷൽ പ്രൊജക്ടിന്‍റെ നേതൃത്വത്തിൽ ബ്രിഡ്ജ് കോഴ്സ് സെന്‍റർ ആരംഭിച്ചു. പോത്തുകൽ പഞ്ചായത്ത് സിഡിഎസ് ചെയർപേഴ്സണ്‍ സിന്ധു അശോകൻ ഉദ്ഘാടനം ചെയ്തു. പട്ടികവർഗ നഗറുകളിലെ സ്കൂളിൽ പോയി തിരിച്ചെത്തുന്ന കുട്ടികൾക്ക് വൈകുന്നേരങ്ങളിലും അവധി ദിനങ്ങളിലും നൽകുന്ന വിദ്യാഭ്യാസ പിന്തുണ സംവിധാനമാണ് ബ്രിഡ്ജ് കോഴ്സ് സെന്‍ററുകൾ. സെന്‍ററിൽ മെന്‍ററായി അതേ നഗറിലെ ഏറ്റവും വിദ്യാഭ്യാസ യോഗ്യതയുള്ള ഒരാളെ നിയമിച്ചാണ് കോഴ്സ് പ്രവർത്തിക്കുന്നത്. അടിസ്ഥാന ശേഷി വികസനം, പഠനത്തിന് പുറമെ കുട്ടികളിലെ സർഗാത്മക കഴിവുകൾ പരിപോഷിപ്പിക്കുക, കലാകായിക ശേഷി വികസനം എന്നിവയാണ് ബ്രിഡ്ജ് കോഴ്സ് സെന്‍ററിന്‍റെ ലക്ഷ്യം. നിലന്പൂർ ട്രൈബൽ സ്പെഷൽ പ്രൊജക്ട് കോ ഓർഡിനേറ്റർ കെ.കെ. മുഹമ്മദ് സാനു അധ്യക്ഷത വഹിച്ചു. എൽകെജി മുതൽ അഞ്ചാം ക്ലാസ് വരെയുള്ള 22 കുട്ടികളാണ് സെന്‍ററിലുള്ളത്. കുട്ടികൾക്ക് പഠനോപകരണങ്ങൾ വിതരണം ചെയ്തു. സെന്‍ററിന്‍റെ പ്രവർത്തനങ്ങൾ കാര്യക്ഷമമായി നടത്തുന്നതിന്‍റെ ഭാഗമായി മദർ കമ്മിറ്റി രൂപീകരിച്ചു. കുടുംബശ്രീ ആനിമേറ്റർ നന്ദു, വാർഡ് എഡിഎസ് സെക്രട്ടറി പുഷ്പ, നിഷ, എസ്ടി പ്രൊമോട്ടർമാരായ രാഹുൽ, ശ്യാം, കുടുംബശ്രീ ആനിമേറ്റർമാരായ ശാന്ത ചെന്പ്ര, ദിവ്യ എന്നിവർ പ്രസംഗിച്ചു.

വോട്ടർ പട്ടികയിൽ പേര് ചേർക്കാൻ ലഭിച്ചത് 165348 അപേക്ഷകൾ

മലപ്പുറം: തദ്ദേശ തെരഞ്ഞെടുപ്പിലേക്കുള്ള വോട്ടർ പട്ടികയിൽ പേര് ചേർക്കുന്നതിനായി മലപ്പുറം ജില്ലയിൽ ഇന്നലെ ഉച്ചക്കുശേഷം മൂന്നുവരെ ലഭിച്ചത് 165348 അപേക്ഷകൾ. തിരുത്തൽ വരുത്താനായി 747, വാർഡ് മാറ്റത്തിനായി 10398, ഒഴിവാക്കാനുള്ളവ 35, ആക്ഷേപമുള്ളവ 8004 എന്നിങ്ങനെയാണ് അപേക്ഷകൾ ലഭിച്ചത്്. പേര് ചേർക്കുന്നതിനും പട്ടികയിലെ ഉൾക്കുറിപ്പുകളിൽ ഭേദഗതി വരുത്തുന്നതിനും ഒരു വാർഡിൽ നിന്ന് മറ്റൊരു വാർഡിലേക്കോ പോളിംഗ് സ്റ്റേഷനിലേക്കോ സ്ഥാനമാറ്റം വരുത്തുന്നതിനും പേര് ഒഴിവാക്കുന്നതിനുമുളള അപേക്ഷകൾ നൽകുന്നതിനുള്ള അവസാന തിയതി ഓഗസ്റ്റ് ഏഴ് ആണ്. കമ്മീഷന്‍റെ വെബ്സൈറ്റിലാണ് അപേക്ഷകൾ നൽകേണ്ടത്. 2025 ജനുവരി ഒന്നിന് 18 വയസ് പൂർത്തിയായവർക്ക് വോട്ടർ പട്ടികയിൽ പേര് ചേർക്കുന്നതിനായി അപേക്ഷിക്കാം. പട്ടികയിൽ നിന്ന് ഒഴിവാക്കുന്നതിന് ഓണ്‍ലൈനായി രജിസ്റ്റർ ചെയ്ത് പ്രിന്‍റൗട്ട് ഒപ്പിട്ട് ഇആർഒയ്ക്ക് ലഭ്യമാക്കണം. ഫോം അഞ്ചിലെ ആക്ഷേപം നേരിട്ടോ തപാലിലൂടെയോ നൽകാം. വിവിധ ജില്ലകളിൽ നിന്നായി 1241134 അപേക്ഷകളാണ് സംസ്ഥാനത്ത് ആകെ ലഭിച്ചത്. വാർഡ് പുനർവിഭജനത്തെ തുടർന്ന് തദ്ദേശ സ്ഥാപനങ്ങളിൽ നിലവിലുണ്ടായിരുന്ന വോട്ടർപട്ടിക പുതിയ വാർഡുകളിൽ ഡീലിമിറ്റേഷൻ ഉത്തരവ് അടിസ്ഥാനമാക്കിയാണ് പുന:ക്രമീകരിച്ചത്. നിലവിലെ വോട്ടർപട്ടിക പുതിയ വാർഡുകളിൽ പുന:ക്രമീകരിച്ചതിൽ പിശക് മൂലം വാർഡോ, പോളിംഗ് സ്റ്റേഷനോ മാറിയിട്ടുണ്ടെങ്കിൽ അവ തിരുത്തുന്നതിന് സ്വമേധയാ നടപടി സ്വീകരിക്കുന്നതിന് ഇലക്ട്രറൽ രജിസ്ട്രേഷൻ ഓഫീസർമാർക്ക് കമ്മീഷൻ നിർദേശം നൽകിയിട്ടുണ്ട്.

അപകടാവസ്ഥയിലുള്ള മരച്ചില്ലകൾ മുറിച്ചു

പെരിന്തൽമണ്ണ: ജില്ലാ ആശുപത്രിയിലെ അപകടാവസ്ഥയിലുള്ള മരങ്ങളുടെ ചില്ലകൾ മുറിച്ചു നീക്കി ജില്ലാ ട്രോമാ കെയർ ആൻഡ് പാലക്കാട് ജില്ലാ സോണ്‍ പ്രവർത്തകർ. പെരിന്തൽമണ്ണ സ്റ്റേഷൻ യൂണിറ്റ് ലീഡർ ജബ്ബാർ ജൂബിലിയുടെ നേതൃത്വത്തിൽ വിവിധ സ്റ്റേഷൻ യൂണിറ്റുകളിൽ നിന്നായി 70 പ്രവർത്തകരാണ് പൊട്ടി വീഴാറായ 18 മരത്തിന്‍റെ ചില്ലകൾ മുറിച്ച് നീക്കിയത്. ആശുപത്രി ജീവനക്കാർക്കും രോഗികൾക്കും ഏറെ ഭീതിയായിരുന്നു മരച്ചില്ലകൾ. ആശുപത്രി സൂപ്രണ്ട് ഷീനയുടെ നിർദേശപ്രകാരമാണ് ട്രോമാ കെയർ പ്രവർത്തകർ ക്രെയിനിന്‍റെ സഹായത്തോടെ മരച്ചില്ലകൾ മുറിച്ചു നീക്കിയത്.

നേത്രദാനത്തിന്‍റെ പ്രാധാന്യം: ക്ലാസ് സംഘടിപ്പിച്ചു

പെരിന്തൽമണ്ണ : വിരമിച്ച അധ്യാപക കൂട്ടായ്മ ’ഷെൽട്ടർ’ പെരിന്തൽമണ്ണ സബ് ജില്ലാ കമ്മിറ്റിയുടെ നേതൃത്വത്തിൽ നേത്രസംരക്ഷണവും നേത്രദാനത്തിന്‍റെ പ്രാധാന്യവും വിഷയത്തിൽ ക്ലാസ് സംഘടിപ്പിച്ചു. കെജിഎംഒഎ ജില്ലാ പ്രസിഡന്‍റും പെരിന്തൽമണ്ണ ജില്ലാ ആശുപത്രിയിലെ നേത്രരോഗ വിദഗ്ധനുമായ ഡോ. ജലാൽ ക്ലാസ് നയിച്ചു. 47 പേർ പങ്കെടുത്തു. ശ്രോതാക്കളുടെ സംശയങ്ങൾക്കും മറുപടികൾക്കും ശേഷം നേത്രദാന സമ്മതപത്രം വിതരണം ചെയ്തു. സി.എം. ഉണ്ണികൃഷ്ണൻ, സുധാകുമാരി, വി.കെ. ശശിധരൻ, ശോഭന തുടങ്ങിയവർ പ്രസംഗിച്ചു. നേത്രദാനത്തിന്‍റെ തുടർപരിപാടിയായി അവയവദാന ദിനമായ ഓഗസ്റ്റ് 13ന് എംഇഎസ് മെഡിക്കൽ കോളജും ഷെൽട്ടറും സംയുക്തമായി അവയവദാന, ശരീരദാന ക്ലാസ് നടത്തും.

ജൂബിലി റോഡ് നവീകരണം:ഇന്ന് മുതൽ ഹെവി വാഹനങ്ങൾക്ക് നിയന്ത്രണം

പെരിന്തൽമണ്ണ: പെരിന്തൽമണ്ണ നഗരസഭയിലെ ജൂബിലി റോഡ് നവീകരണ പ്രവൃത്തികളുടെ ഭാഗമായി കൾവർട്ട് നിർമാണം ആരംഭിക്കുന്നതിനാൽ ഇന്ന് മുതൽ 10 വരെ ബസ് ഉൾപ്പെടെയുള്ള ഹെവി വാഹനങ്ങൾക്ക് പൂർണമായും ഗതാഗത നിയന്ത്രണം ഏർപ്പെടുത്തും. പട്ടാന്പി -ചെർപ്പുളശേരി ഭാഗത്ത് നിന്ന് വരുന്ന ബസുകൾ സബ്രീന ഹോട്ടൽ ഭാഗത്ത് കൂടി സ്റ്റാൻഡിൽ പ്രവേശിച്ച് ആയിഷ ജംഗ്ഷൻ -ടൗണ്‍ ട്രാഫിക് ജംഗ്ഷനിലൂടെ തിരിച്ചുപോകണം. ഇതുസംബന്ധിച്ച് ചെയർപേഴ്സന്‍റെ ചേംബറിൽ ചേർന്ന സംയുക്ത യോഗത്തിലാണ് തീരുമാനം. ചെയർപേഴ്സണ്‍, ട്രാഫിക് പോലീസ്, ബസ് ഉടമകൾ, ബസ് തൊഴിലാളികൾ, കോണ്‍ട്രാക്ടർ തുടങ്ങിയവർ യോഗത്തിൽ പങ്കെടുത്തു.

സ്റ്റുഡന്‍റ് പോലീസ് കേഡറ്റ് ദിനം ആചരിച്ചു

പുലാമന്തോൾ : സ്റ്റുഡന്‍റ് പോലീസ് കേഡറ്റ് പദ്ധതിയുടെ പതിനഞ്ചാമത് വാർഷിക ദിനം വിപുലമായി ആചരിച്ചു. ഗാർഡിയൻ എസ്.പി.സി. പ്രസിഡന്‍റ ഇക്ബാൽ പി. രായിൻ ഉദ്ഘാടനം ചെയ്തു. അച്ചടക്കമുള്ള പൗരന്മാരെ വാർത്തെടുക്കുന്നതിൽ എസ്.പി.സി ക്ക് വലിയ പങ്കുണ്ടെന്ന് അദ്ദേഹം പറഞ്ഞു. പ്രധാനാധ്യാപകൻ രാജൻ എം.വി. അധ്യക്ഷത വഹിച്ചു. പരിസര ശുചികരണം, ക്വിസ്സ് പ്രോഗ്രാം എന്നിവ ഇതിനോടനുബന്ധിച്ച് സംഘടിപ്പിച്ചു. ഡ്രിൽ ഇൻസ്ട്രക്ടർ ബിന്നി മത്തായി, കമ്മ്യൂണിറ്റി പോലീസ് ഓഫീസർമാരായ നാരായണൻ വി,പ്രമീള പി. എന്നിവർ നേതൃത്വം വഹിച്ചു.

സി. മുഹമ്മദ് അലിയുടെ അനുസ്മരണയോഗം സംഘടിപ്പിച്ചു

പെരിന്തൽമണ്ണ :കാദറലി മെമ്മോറിയൽ സ്പോർട്സ് ക്ലബ്ബിന്‍റെ ദീർഘകാല പ്രസിഡന്‍റായിരുന്ന ചട്ടിപ്പാറ മുഹമ്മദാലിയുടെ നിര്യാണത്തിൽ കാതറലി ക്ലബ്ബിൻറെ ആഭിമുഖ്യത്തിൽ അനുസ്മരണ യോഗം സംഘടിപ്പിച്ചു. ക്ലബ്ബിന്‍റെ പുതിയ ഓഡിറ്റോറിയത്തിൽ നടന്ന ചടങ്ങ് മുൻ എംഎൽഎ വി ശശികുമാർ ഉദ്ഘാടനം ചെയ്തു. ട്രഷറർ മണ്ണിൽ ഹസൻ അധ്യക്ഷത വഹിച്ചു. ബ്ലോക്ക് പഞ്ചായത്ത് അംഗം ദിലീപ്, നിയോജകമണ്ഡലം മുസ്ലിം ലീഗ് പ്രസിഡന്‍റ് എ കെ നാസർ , മുതിർന്ന കോൺഗ്രസ് നേതാവ് സി സേതുമാധവൻ, കൗൺസിലർ മാരായ പത്തത്ത് ജാഫർ, സുബ്രഹ്മണ്യൻ, ബ്ലോക്ക് കോൺഗ്രസ് പ്രസിഡൻറ്അരഞ്ഞിക്കൽ ആനന്ദൻ,രാജേന്ദ്രൻ എന്ന കൊച്ചു (കോൺ) , നാലകത്ത് ബഷീർ (മുസ്ലിം ലീഗ്),സുരേന്ദ്രൻ മങ്കട ( ജില്ലാ സെവൻസ് ഫുട്ബോൾ അസോസിയേഷൻ അസോസിയേഷൻ ) , അൻവർ തൃശൂർ (സെവൻസ് ഫുട്ബോൾ അസോസിയേഷൻ സംസ്ഥാന ഭാരവാഹി ), മർച്ചൻസ് അസോസിയേഷൻ സെക്രട്ടറി സി.പി. ഇക്ബാൽ, വിവിധ ക്ലബ്ബുകളെ പ്രതിനിധീകരിച്ചുകൊണ്ട് സി. എച്ച്. നാസർ,താമരത്ത് സെയ്താലിക്കുട്ടി, വിശ്വനാഥൻ, ക്ലബ്ബ് പ്രതിനിധികളായ യൂസഫ് രാമപുരം,സി. എച്ച്. മുസ്തഫ,എം. കെ. കുഞ്ഞായമ്മു ,മണ്ണേങ്ങൽ അസീസ് എന്നിവർ സംസാരിച്ചു. ജനറൽ സെക്രട്ടറി പച്ചീരി ഫാറൂഖ് സ്വാഗതവും ,എച്ച് മുഹമ്മദ് ഖാൻ നന്ദിയും പറഞ്ഞു.

പകർച്ചപ്പനി, വിദ്യാലയങ്ങളിൽ ഹാജർ കുറവ്

കരുവാരകുണ്ട്:മലയോര മേഖലയിൽ പടർന്നു പിടിച്ച പകർച്ചപ്പനിയും മറ്റു പകർച്ചവ്യാധികളും കാരണം വിദ്യാലയങ്ങളിൽ ഹാജർ നിലയിൽ ഗണ്യമായ കുറവ്. ഏതാനും ആഴ്ചകളായി മലയോര മേഖലയിലും സമീപപ്രദേശങ്ങളിലും പനി ഉൾപ്പെടെ പകർച്ചവ്യാധികൾ വ്യാപകമായിട്ടുണ്ട്. പനിയോടൊപ്പം ജലദോഷം,ചുമ, മഞ്ഞപ്പിത്തം,വയറുവേദന,തലകറക്കം,തലവേദന,ഛർദി,തുടങ്ങിയ അസുഖങ്ങളും മുതിർന്നവരെ പോലെ തന്നെ കുട്ടികളെയും പിടികൂടുന്നുണ്ട്.പനി പിടിപെട്ടാൽ കുട്ടികൾക്ക് കടുത്ത ക്ഷീണമാണ് അനുഭവപ്പെടുന്നത്. ദിവസങ്ങൾ കഴിഞ്ഞാലും ക്ഷീണം മാറാത്ത അവസ്ഥയാണുള്ളത്. ഇത് കുട്ടികളുടെ അധ്യയനത്തെ സാരമായി ബാധിക്കുന്നുണ്ടെന്ന് രക്ഷിതാക്കൾ പറഞ്ഞു. പകർച്ച പനിയിൽ നിന്ന് കുട്ടികളെ മോചിതരാക്കാൻ കാര്യക്ഷമായ പ്രവർത്തനങ്ങൾ വിദ്യാഭ്യാസ വകുപ്പും ത്തരോഗ്യവകുപ്പും സംയുക്തമായി നടത്തണമെന്നാണ് രക്ഷിതാക്കളും അധ്യാപകരും ആവശ്യപ്പെടുന്നത്. വിദ്യാലയങ്ങളിൽ പരിശോധനയും ബോധവൽക്കരണ പരിപാടികളും മരുന്ന് വിതരണവും നടത്തണമെന്നും വിവിധ വിദ്യാർഥി സംഘടനകളും ആവശ്യപ്പെട്ടു.

മലപ്പുറം ജില്ല വിഭജിച്ച്, തിരൂർ ജില്ല പ്രഖ്യാപിക്കണമെന്ന്

വണ്ടൂർ: മലപ്പുറം ജില്ല വിഭജിച്ച്, തിരൂർ ജില്ല പ്രഖ്യാപിക്കണമെന്ന ആവശ്യവുമായി തൃണമൂൽ കോൺഗ്രസ് സംസ്ഥാന കൺവീനർ പി. വി അൻവറിൻ്റെ നേതൃത്വത്തിൽ ഓഗസ്റ്റ് പത്തിന് വണ്ടൂരിൽ സെമിനാർ സംഘടിപ്പിക്കുന്നു. സെമിനാറിലേക്ക് നിയോജക മണ്ഡലത്തിൽ നിന്നുള്ള ആളുകളെ കത്ത് നൽകി ക്ഷണിച്ച് കമ്മിറ്റി രൂപീകരിക്കും. ഇതുമായി ബന്ധപ്പെട്ട ആലോചനയോഗം വണ്ടൂരിൽ നടത്തി. വണ്ടൂർ മണലിന്മേൽ പാടം ബസ് സ്റ്റാന്‍റിനു സമീപത്തുള്ള തുണമൂൽ കോൺഗ്രസ് മണ്ഡലം കമ്മിറ്റി ഓഫീസിലാണ് കൂടിയാലോചന യോഗം ചേർന്നത്. മലപ്പുറം ഉൾപ്പെടുന്ന മലബാർ മേഖല വികസനത്തിന്‍റെ കാര്യത്തിൽ എന്നും അവഗണന നേടുകയാണ്, മറ്റു ജില്ലകളിൽ ജനസംഖ്യാനുപാതികമായ വികസനം നടക്കുമ്പോൾ, മലബാറിനോടുള്ള അവഗണനയിൽ ഇടതു വലതു രാഷ്ട്രീയപാർട്ടികൾ വേണ്ടത്ര ശ്രദ്ധ ചെലുത്തുന്നില്ല. ഇത് പൊതുജനങ്ങളുടെ ശ്രദ്ധയിൽപ്പെടുത്തുന്നതിനായാണ്ഓരോ നിയോജക മണ്ഡലങ്ങളിലുംതൃണമൂൽ കോൺഗ്രസിലെ നേതൃത്വത്തിൽ സെമിനാർ സംഘടിക്കുന്നത്. വണ്ടൂരിൽ ചേർന്ന യോഗം പി.വി അൻവർ ഉദ്ഘാടനം ചെയ്തു. സഹീദ് റൂമി, ഇസ്മായിൽ എരഞ്ഞിക്കൽ, ഇ. പി ഉമ്മർ, കെ. അഫ്സൽ, അഡ്വ പി. സാജിദ് ബാബു, എം.കെ സിയാദ് തുടങ്ങിയവർ പങ്കെടുത്തു.

ആദിവാസികളുടെ പ്രശ്‌നങ്ങള്‍ ചര്‍ച്ചചെയ്യാന്‍‌ ഇന്ന് യോഗം

നിലമ്പൂര്‍: നിലമ്പൂര്‍ നിയോജകമണ്ഡലത്തിലെ ആദിവാസികളുടെ പ്രശ്‌നങ്ങള്‍ക്ക് പരിഹാരം തേടി ആര്യാടന്‍ ഷൗക്കത്ത് എം.എല്‍.എയുടെ സാന്നിധ്യത്തില്‍ ജില്ലാ കളക്ടര്‍ വിളിച്ച ഉദ്യോഗസ്ഥതല യോഗം ഇന്ന്.രാവിലെ 11ന് നിലമ്പൂര്‍ റസ്റ്റ് ഹൗസില്‍ ചേരും. നിലമ്പൂര്‍ നോര്‍ത്ത്, സൗത്ത് ഡിഎഫ്ഒ മാര്‍, ഐടിഡിപി ജില്ലാ പ്രൊജക്ട് ഓഫീസര്‍,നിലമ്പൂര്‍ തഹസില്‍ദാര്‍, ഡിഎംഒ, ഡിഡിഇ മലപ്പുറം, എക്‌സൈസ് ഡെപ്യൂട്ടി കമ്മീഷണര്‍, പാലം വിഭാഗം പൊതുമരാമത്ത് എക്‌സിക്യുട്ടീവ് എന്‍ജിനീയര് എന്നിവര്‍ പങ്കെടുക്കും. 2018 - ലെ യും 2019 ലെ യും പ്രളയങ്ങളെ തുടർന്ന് പോത്തുകൽ. കരുളായി പഞ്ചായത്തുകളിലായി നിരവധി ആദിവാസി കുടുംബങ്ങൾ പ്രയാസം അനുഭവിക്കുന്നത്. ഇരുട്ടുകുത്തി കടവിലെ പാലം ഒലിച്ചു പോയതിനെ തുടർന്ന് പോത്തുകൽപഞ്ചായത്തിലെ ആദിവാസി നഗറുകൾ ചാലിയാർ പുഴക്ക് അക്കരെ ഒറ്റപ്പെട്ട അവസ്ഥയിലാണ്. കരുളായി പഞ്ചായത്തിലെ ഉൾ വനത്തിലെ ആദിവാസി കുടുംബങ്ങൾക്ക് പ്രളയത്തിൽ വീടും സ്ഥലവും നഷ്ടപ്പെട്ടതിന് പകരമായി വനാവകാശനിയമപ്രകാരം അനുവദിച്ച ഭൂമിയുടെ രേഖകൾ ഇനിയും നൽകിയിട്ടില്ല. പ്രളയബാധിതരുടെ പ്രശ്നങ്ങൾക്ക് പരിഹാരം തേടി നേരത്തെ തന്നെ ആര്യാടൻ ഷൗക്കത്ത് ഹൈകോടതിയെ സമീപിച്ചിരുന്നു. ആര്യാടൻ ഷൗക്കത്ത് എംഎൽഎ ആയ ശേഷം ആദ്യമായാണ് മണ്ഡലത്തിലെ ആദിവാസികളുടെ പ്രശ്നങ്ങൾക്ക് പരിഹാരം കണ്ടെത്താൻ യോഗം വിളിക്കുന്നത്. ഈ യോഗത്തിൽ സുപ്രധാന തീരുമാനങ്ങൾ ഉണ്ടാകുമെന്ന പ്രതീക്ഷയിലാണ് ആദിവാസി സമൂഹം.

പെരിന്തൽമണ്ണയിൽ സബ് കലക്ടർക്ക് സ്ഥലം മാറ്റം

പെരിന്തൽമണ്ണ: പെരിന്തൽമണ്ണ സബ് കലക്ടർ അപൂർവ്വ തൃപാഠിക്ക് സ്ഥലം മാറ്റം.സംസ്ഥാന ലൈഫ് മിഷൻ സി.ഇ.ഒ. ആയി നിയമനമായി. പകരം ഉത്തർപ്രദേശ് ലക്നൗ സ്വദേശി സാക്ഷി മോഹൻ ആണ് പെരിന്തൽമണ്ണ പുതിയ സബ്കലക്ടർ. അടുത്ത വ്യാഴാഴ്ച അവർ ചുമതല ഏൽക്കും. പെരിന്തൽമണ്ണ താലൂക്ക് പധിയിലുള്ള ഇരുപത്തിനാല് വില്ലേജ്കളിലായി 4724 തരം മാറ്റം ഉത്തരവുകൾ നൽകി കൊണ്ട് സംസ്ഥാന ശരാശരിയെക്കാൾ കൂടുതൽ തീർപ്പാക്കുന്ന ഡിവിഷനിലേയ്ക്ക് പെരിന്തൽമണ്ണ താലൂക്കിനെ എത്തിച്ചു. കഴിഞ്ഞ ലോക്സഭാ തിരഞ്ഞെടുപ്പിലെ അസിസ്റ്റന്‍റ് റിട്ടേണിങ്ങ് ഓഫീസറായിരുന്ന സബ് കലക്ടർ നിലമ്പൂർ ഉപതിരഞ്ഞെടുപ്പിലെ റിട്ടേണിങ്ങ് ഓഫീസറായിരുന്നു.

ജില്ലാ പഞ്ചായത്ത് അഴിമതി: സിപിഎം ബഹുജന സദസ്സ് സംഘടിപ്പിച്ചു

കുട്ടിലങ്ങാടി : മലപ്പുറം ജില്ലാ പഞ്ചായത്തിലെ മുസ്ലിംലീഗ് നേതാക്കളുടെ അഴിമതിക്കെതിരെ സി പി എം മങ്കട ഏരിയ കമ്മിറ്റിയുടെ നേതൃത്വത്തിൽ കൂട്ടിലങ്ങാടിയിൽ ബഹുജന സദസ്‌ സംഘടിപ്പിച്ചു. സിപിഎം ജില്ലാ സെക്രട്ടേറിയറ്റ് അംഗം ഇ.ജയൻ ഉദ്ഘാടനം ചെയ്തു. മങ്കട ഏരിയ സെക്രട്ടറി മോഹനൻ പുളിക്കൽ അധ്യക്ഷനായി. മക്കരപ്പറമ്പ് ജില്ലാ പഞ്ചായത്ത് അംഗം ടി.പി. ഹാരിസ് നടത്തിയ അഴിമതി മുസ്ലിംലീഗ് നേതൃത്വത്തിന്റെ പിന്തുണയോടെയാണെന്നും, ബഹുജനങ്ങളെ അണിനിരത്തി ലീഗിൻ്റെ അഴിമതി ഭരണം അവസാനിപ്പിക്കുമെന്നും ഉദ്ഘാടകൻ പറഞ്ഞു. ജില്ലാ കമ്മിറ്റി അംഗങ്ങളായ എം. പി. അലവി, പി. കെ. അബ്ദുള്ള നവാസ്, ഏരിയ കമ്മിറ്റിയംഗം അഡ്വ. ടി. കെ. റഷീദലി എന്നിവർ സംസാരിച്ചു. ഏരിയാ കമ്മിറ്റി അംഗം എം. പി. സലീം സ്വാഗതവും ലോക്കൽ സെക്രട്ടറി പി. പി. മുഹമ്മദ്‌ യൂസുഫ് നന്ദിയും പറഞ്ഞു.

ഒരുവട്ടംകൂടി ഫ്രാൻസിസ് മാഷോടൊപ്പം

മക്കരപ്പറമ്പ്:പഴമകൾ പറഞ്ഞു പരിചയം പുതുക്കിമൂന്നു പതിറ്റാണ്ട് മുമ്പത്തെ ഓർമ്മകൾ പങ്കുവെച്ച് ഒരുവട്ടംകൂടി ഫ്രാൻസിസ് മാഷോടൊപ്പം അതേ ക്ലാസ്സ് മുറിയിൽ ഒത്തുകൂടി, 1993 - 94ലെ പുണർപ്പ വി എം എച്ച് എം യു പി സ്കൂളിലെ ഏഴ് എ,ക്ലാസ് സഹപാഠികളും അന്നത്തെ ക്ലാസ് അധ്യാപകനായിരുന്ന ഫ്രാൻസിസ് മാസ്റ്ററുമാണ് മുപ്പത് വർഷത്തിനുശേഷം അതേ ക്ലാസ് മുറിയിൽ ഒത്തുചേർന്നത് , സംഗമം നിലവിലെ പ്രധാന അധ്യാപകൻ അലവിമാസ്റ്റർ കരുവാട്ടിൽ ഉദ്ഘാടനം ചെയ്തു, ക്ലാസ് ലീഡർമാരായിരുന്ന വി.സി. അബ്ദുൽ വഹീദ്അധ്യക്ഷനായി. വരിക്കോടൻ സെറീന, ഷാജിതൃത്താല ,ഷമീർ രാമപുരം,പി.കെ. റിയാസ് കരിഞ്ചാപ്പാടി എന്നിവർ സംസാരിച്ചു.മേലേതിൽ സമീറബീഗംഗാനാലാപനം നടത്തി. ടി.കെ. സൈഫുന്നീസ, യു.അബ്ദുൽമുനീർ, കെ. കെ.സൈഫുദ്ധീൻ എന്നിവർ നേതൃത്വം നൽകി.

ഹജ്ജ് അപേക്ഷയ്ക്ക് ഇനി നാല് ദിവസം കൂടി

മലപ്പുറം:ഹജ്ജ് 2026 അപേക്ഷ സമർപ്പണത്തിന് ഇനി നാല് ദിവസം മാത്രം. ഹജ്ജ് അപേക്ഷകരുടെ സൗകാര്യർഥം ഞായറാഴ്ച ഉൾപ്പടെ അവധി ദിവസങ്ങളിലും ഹജ്ജ് ഹൗസ് തുറന്ന് പ്രവർത്തിച്ചു വരികയാണ്. ഇതു വരെ ലഭിച്ച അപേക്ഷകൾ മുൻഗണനാ ക്രമത്തിൽ സൂക്ഷ്മ പരിശോധന നടത്തി കവർ നമ്പർ നൽകുന്ന പ്രവൃത്തി പുരോഗമിക്കുകയാണ്. കേന്ദ്ര ഹജ്ജ് കമ്മിറ്റി നിഷ്കർഷിച്ച സൈസിലും ക്വാളിറ്റിയിലുമാണ് പാസ്പോർട്ട്‌ കോപ്പി, മറ്റു രേഖകൾ അപ്‌ലോഡ് ചെയ്യേണ്ടത്. ഇത് പരിശോധിച്ചാണ് കവർ നമ്പർ നൽകി വരുന്നത്. രേഖകൾ വ്യക്തമല്ലെങ്കിൽ കവർ നമ്പർ ലഭിക്കുന്നതല്ല.ഈ വർഷം പതിവിന് വിപരീതമായി വളരെ നേരത്തെയാണ് അപേക്ഷ സ്വീകരിച്ചു തുടങ്ങിയത്. കാലിക്കറ്റ്‌ എംബാർക്കേഷൻ പോയിന്‍റിൽ അപേക്ഷകൾ വളരെ കുറവാണ്. കഴിഞ്ഞ രണ്ട് വർഷങ്ങളിൽ വിമാന യാത്രക്കൂലി മറ്റു എമ്പാർക്കേഷനെക്കാൾ വളരെ വർധിച്ചതാണ് അപേക്ഷ കുറയാൻ കാരണം. ഇത്തവണ ചാർജ് കുറക്കാൻ ഹജ്ജ് കമ്മിറ്റി കാര്യമായ ഇടപെടൽ നടത്തുന്നുണ്ടെന്ന് ഹജ്ജ് കമ്മറ്റി ചെയർമാൻ ഡോ: ഹുസൈൻ സഖാഫി ചുള്ളിക്കോട് അറിയിച്ചു. കഴിഞ്ഞ വർഷം 16400 ഓളം പേർക്കാണ് സെലെക്ഷൻ ലഭിച്ചത്. ഇതു വരെ 22,752 അപേക്ഷകളാണ് ലഭിച്ചത്. ഇതിൽ 4512 പേർ 65+ വിഭാഗത്തിലും, 3016 പേർ ലേഡീസ് വിതൗട്ട് മെഹ്‌റം വിഭാഗത്തിലും, 835-പേർ ജനറൽ ബി വിഭാഗത്തിലും14,389-പേർ ജനറൽ വിഭാഗത്തിലുമാണ്.

കള്ളക്കേസുകൾ റദ്ദാക്കണമെന്ന് കേരള കോൺഗ്രസ്

മലപ്പുറം: കന്യാസ്ത്രീകൾക്കെതിരെ എടുത്ത കള്ളക്കേസുകൾ റദ്ദാക്കണമെന്ന് കേരള കോൺഗ്രസ് മലപ്പുറം ജില്ല കമ്മിറ്റി യോഗം കേന്ദ്ര സംസ്ഥാന സർക്കാരുകളോട് പ്രമേയത്തിലൂടെ ആവശ്യപ്പെട്ടു. അവിടുത്തെ തീവ്ര വർഗീയ സംഘടനകൾ ബോധപൂർവ്വം കന്യാസ്ത്രീകളെ അപമാനിക്കാനും ജയിലിൽ അടയ്ക്കുവാനും കരുതിക്കൂട്ടിയുണ്ടാക്കിയ ശ്രമത്തെ ഛത്തീസ്ഗഡ് സർക്കാർ പിന്തുണച്ചത് അങ്ങേയറ്റം പ്രതിഷേധാർഹമാണെന്ന് യോഗം വ്യക്തമാക്കി. ജില്ലാ പ്രസിഡന്‍റ് മാത്യു വർഗീസ് അധ്യക്ഷത വഹിച്ചു. ഹൈപവർ കമ്മിറ്റി അംഗം ആലിക്കുട്ടി എറക്കോട്ടിൽ, ജില്ലാ വൈസ് പ്രസിഡന്‍റുമാരായ,കെ. എം. ഇഗ്നേഷ്യസ്, ടി. ഡി. ജോയ് . ജന:സെക്രട്ടറി, വിൻസി അനിൽ,നേതാക്കളായ, കെ. വി. ജോർജ്,സതീഷ് വർഗീസ്,തോമസ് ടി. വി ജോർജ്,സിദ്ധാനന്ദൻ വള്ളിക്കുന്ന്, എ. ജെ. ആന്‍റണി , പി.കെ മാത്തുക്കുട്ടി, വി.ബി. സുരേഷ് , ടി.പി.ഹംസ, കോയ വേങ്ങര, സജേഷ് മണ്ണഞ്ചേരി, ബാബു കോലാനിയ്ക്കൽ, തുടങ്ങിയവർ സംസാരിച്ചു:

പരിയാപുരം സെന്‍റ് മേരീസ് ഹയർ സെക്കൻഡറി സ്കൂൾ നൽകിയത് 2100 കുപ്പി രക്തം

അങ്ങാടിപ്പുറം: രക്തദാനത്തിന്‍റെ 20 വർഷങ്ങൾ പിന്നിട്ട പരിയാപുരം സെന്‍റ് മേരീസ് ഹയർ സെക്കൻഡറി സ്കൂളിലെ വിദ്യാർഥികൾക്ക് ഇത് ജീവിതപുണ്യം. വിദ്യാർഥികളും അധ്യാപകരും അനധ്യാപകരും പൂർവവിദ്യാർഥികളും നാട്ടുകാരും പെരിന്തൽമണ്ണ ജില്ലാ ആശുപത്രിയിലെ രക്തബാങ്കിലേക്ക് ഇതിനകം നൽകിയത് 2100 കുപ്പി രക്തം. നാഷനൽ സർവീസ് സ്കീം (എൻഎസ്എസ്), സ്കൗട്ട്സ് ആൻഡ് ഗൈഡ്സ് പ്രവർത്തകരുടെ നേതൃത്വത്തിൽ ജനകീയ പങ്കാളിത്തത്തോടെയാണ് രക്തദാനത്തിന്‍റെ 20-ാം വാർഷികം സ്കൂളിൽ നടന്നത്. ഈവർഷം രണ്ടു രക്തദാന ക്യാംപുകൾ കൂടി സംഘടിപ്പിക്കും. 2005ൽ ജില്ലയിൽ ആദ്യമായി ഹയർ സെക്കൻഡറി തലത്തിൽ രക്തദാന പ്രസ്ഥാനത്തിനു തുടക്കമിട്ടത് സെന്‍റ് മേരീസ് സ്കൂളിലാണ്. സ്കൂളുമായി ബന്ധപ്പെടുന്നവർക്കെല്ലാം യഥാസമയം രക്തം എത്തിച്ചുനൽകാൻ പി.കെ.നിർമ്മൽകുമാർ, സേവ്യർ എം.ജോസഫ് എന്നീ അധ്യാപകരുടെ നേതൃത്വത്തിൽ സേവനവിഭാഗവും ഉണ്ട്. അധ്യാപകരായ മനോജ് കെ.പോൾ,ജോർജ് ജേക്കബ്, അനധ്യാപകൻ അഖിൽ സെബാസ്റ്റ്യൻ എന്നിവർ രക്തം നൽകി ക്യാംപ് ഉദ്ഘാടനം ചെയ്തു. പിടിഎ പ്രസിഡന്‍റ് സാജു ജോർജ് ആധ്യക്ഷത വഹിച്ചു. പ്രിൻസിപ്പൽ പി.ടി.സുമ, മെഡിക്കൽ ഓഫീസർ ഡോ.മുഹമ്മദ് സാലിം, മനോജ് വീട്ടുവേലിക്കുന്നേൽ, സ്കൗട്ട്സ് ആൻഡ് ഗൈഡ്സ് കോഓർഡിനേറ്റർമാരായ പി.കെ.നിർമൽകുമാർ, കെ.വി.സിന്ധു, എൻഎസ്എസ് പ്രോഗ്രാം ഓഫീസർ കെ.വി.സുജാത, കൗൺസിലർ എം.കെ.സജ്ന എന്നിവർ പ്രസംഗിച്ചു. അധ്യാപകരായ സേവ്യർ എം.ജോസഫ്, ബിനു കെ.ജോർജ്, മനോജ് കെ.പോൾ, ജോർജ് ജേക്കബ് എന്നിവർ നേതൃത്വം നൽകി.

പെരിന്തല്‍മണ്ണ വില്ലേജ് ഓഫീസ് ഇനി സ്മാര്‍ട്ടാവും

പുതിയ കെട്ടിട നിര്‍മ്മാണത്തിനായി എം.എല്‍.എ 1.15 കോടി അനുവദിച്ചു പെരിന്തല്‍മണ്ണ: സ്ഥല പരിമിതിമൂലം വീര്‍പ്പുമുട്ടുന്ന പെരിന്തല്‍മണ്ണ വില്ലേജ് ഓഫീസ് ഇനി സ്മാര്‍ട്ടാവും. വില്ലേജ് ഓഫീസിനായി അധുനിക സൗകര്യങ്ങളോടെയുള്ള കെട്ടിടം നിര്‍മ്മിക്കും. നജീബ് കാന്തപുരം എം.എല്‍.എ ആസ്തി വികസന ഫണ്ടില്‍ നിന്ന് അനുവദിച്ച 1.15 കോടി രൂപ വിനിയോഗിച്ചാണ് പുതിയ കെട്ടിടം നിര്‍മ്മിക്കുന്നത്. നിലവിലെ വില്ലേജ് ഓഫീസിന് എതിര്‍ വശത്ത് സബ് കളക്ടറുടെ ഔദ്യോഗിക വസതിക്ക് സമീപം റവന്യു വകുപ്പിന്‍റെ ഉടമസ്ഥതയിലുള്ള പത്ത് സെന്‍റ് സ്ഥലത്താണ് പുതിയ വില്ലേജ് ഓഫീസ് കെട്ടിടം ഉയരുന്നത്. സ്ഥലപരിമിതി വില്ലേജ് ഓഫീസിന്റെ പ്രവര്‍ത്തനത്തെ സാരമായി ബാധിച്ചിരുന്നു. സൗകര്യക്കുറവ് ഉദ്യോഗസ്ഥര്‍ക്കും ഓഫീസിലെത്തുന്ന നാട്ടുകാര്‍ക്കും ബുദ്ധിമുട്ടാവുന്നത് ശ്രദ്ധയില്‍പ്പെട്ടതോടെയാണ് നജീബ് കാന്തപുരം എം.എല്‍.എ പുതിയ കെട്ടിടം നിര്‍മ്മിക്കുന്നതിന് ഫണ്ട് അനുവദിച്ചത്. പുതിയ കെട്ടിടത്തിന്‍റ ശിലാസ്ഥാപന ചടങ്ങ് റവന്യു വകുപ്പ് മന്ത്രി കെ. രാജന്‍ ഓണ്‍ലൈനായി നിര്‍വഹിച്ചു. നജീബ് കാന്തപുരം എം.എല്‍.എ അധ്യക്ഷത വഹിച്ചു. ജില്ലാ കളക്ടര്‍ വി.ആര്‍ വിനോദ് സ്വാഗതവും സബ് കളക്ടര്‍ അപൂര്‍വ്വ ത്രിപാഠി നന്ദിയും പറഞ്ഞു. ബ്ലോക്ക് പഞ്ചായത്ത് പ്രസിഡന്‍റ് അഡ്വ. എ.കെ. മുസ്തഫ, എ.ഡി.എം. മെഹറലി, നഗരസഭ കൗണ്‍സിലര്‍മാരായ ഫാറൂഖ് പച്ചീരി, ജാഫര്‍ പത്തത്ത്, മന്‍സൂര്‍ നെച്ചിയില്‍, ഹുസ്സയിന നാസര്‍, ശ്രീജിഷ, കൃഷ്ണപ്രിയ, സീനത്ത്, അഡ്വ. പ്രവീണ്‍, ഹുസ്സയിന്‍ റിയാസ്, വിവിധ രാഷ്ട്രീയ പാര്‍ട്ടി പ്രതിനിധികളായ ബഷീര്‍ നാലകത്ത്, എ. ആനന്ദന്‍, രാജന്‍ കൊച്ചു, മാനുപ്പ കുറ്റീരി, തഹസില്‍ദാര്‍ വേണുഗോപാല്‍ സംസാരിച്ചു.

തൂങ്ങി മരിച്ച നിലയില്‍ കണ്ടെത്തി

ചങ്ങരംകുളം:മൂക്കുതലയില്‍ വയോദികനെ തെങ്ങില്‍ തൂങ്ങി മരിച്ച നിലയില്‍ കണ്ടെത്തി. മൂക്കുതല കണ്ണേങ്കാവ് ക്ഷേത്രത്തിന് സമീപം താമസിക്കുന്ന പെരുമ്പത്തേല്‍ സുബ്രമണ്യന്‍(80)ആണ് മരിച്ചത്.ഞായറാഴ്ച ഉച്ചക്ക് ഒരു മണിയോടെ വീടിന് സമീപത്തുള്ള തെങ്ങില്‍ കയര്‍ ഉപയോഗിച്ച് തൂങ്ങുകയായിരുന്നു. സംഭവം ശ്രദ്ധയില്‍ പെട്ട ബന്ധുക്കളും നാട്ടുകാരും ചേര്‍ന്ന് സുബ്രമണ്യനെ ചങ്ങരംകുളത്തെ സ്വകാര്യ ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നു.മോര്‍ച്ചറിയില്‍ സൂക്ഷിച്ച മൃതദേഹം ചങ്ങരംകുളം പോലീസ് ഇന്‍ക്വസ്റ്റ് നടത്തും.പോസ്റ്റുമോര്‍ട്ടത്തിന് ശേഷം മൃതദേഹം ബന്ധുക്കള്‍ക്ക് വിട്ട് നല്‍കും.

‘കരിന്പുഴ മുതൽ മുട്ടിക്കടവ് വരെ കെഎൻജി റോഡിന്‍റെ വീതി കൂട്ടും’

നിലന്പൂർ: കരിന്പുഴ മുതൽ മുട്ടിക്കടവ് വരെ കെഎൻജി റോഡിന്‍റെ വീതി കൂട്ടാൻ ഉടൻ സർവേ നടത്തും. നിലന്പൂർ താലൂക്ക് വികസന സമിതി യോഗത്തിലാണ് തീരുമാനം. നിലന്പൂർ എംഎൽഎ ആര്യാടൻ ഷൗക്കത്തിന്‍റെ അധ്യക്ഷതയിൽ ചേർന്ന യോഗത്തിലാണ് റോഡ് വീതി കൂട്ടുന്നതിന് വനം, പൊതുമരാമത്ത്. റവന്യു സംയുക്ത സർവേ ഈ മാസം നടത്താൻ തീരുമാനിച്ചത്. ചുങ്കത്തറ സിഎച്ച്സിയിലേക്ക് രാത്രി ബസ് സർവീസ് അനുവദിക്കണമെന്നാവശ്യപ്പെട്ട് നിലന്പൂർ ബ്ലോക്ക് പഞ്ചായത്തംഗം സി.കെ. സുരേഷ് നിവേദനം നൽകി. രാത്രി ബസ് ഇല്ലാത്തത് ജനങ്ങൾക്ക് ഏറെ പ്രയാസം സൃഷ്ടിക്കുന്നതായും നിവേദനത്തിൽ പറയുന്നു. വിഷയത്തിൽ ജോയിന്‍റ് ആർടിഒ മുഖേന നടപടി സ്വീകരിക്കാൻ തീരുമാനിച്ചു. കെഎൻജി റോഡ് വികസനത്തിനായി വനം വകുപ്പ് ഓഫീസ് സ്ഥലം വിട്ടുകിട്ടുന്നതിനുള്ള നടപടികൾ സ്വീകരിച്ചത് ഡിഎഫ്ഒ പ്രതിനിധി യോഗത്തിൽ വിശദീകരിച്ചു. ഇടയ്ക്കിടെയുണ്ടാകുന്ന വൈദ്യുതി തടസം സംബന്ധിച്ച് വിവിധ ബോർഡ് പ്രതിനിധികൾ പരാതി അറിയിച്ചതിൽ എംഎൽഎ കെഎസ്ഇബിയോട് ഓഫീസുകളും സ്ഥാപനങ്ങളും കൂടുതലുള്ള പ്രദേശങ്ങളിലെ വൈദ്യുതി സംബന്ധിച്ച് പ്രവൃത്തികൾ നടത്തുന്പോൾ ശ്രദ്ധിക്കണമെന്ന് പ്രത്യേക നിർദേശം നൽകി. ബ്ലോക്ക് പ്രസിഡന്‍റ് പി. പുഷ്പവല്ലി, തഹസിൽദാർമാരായ എം.പി. സിന്ധു, വി. വിനോദ്കുമാർ, ഡെപ്യൂട്ടി തഹസിൽദാർ കെ.പി.പ്രമോദ്, രാഷ്ട്രീയ പാർട്ടി പ്രതിനിധികളായ പാനായിൽ ജേക്കബ്, രാജ്മോഹൻ എന്നിവർ സംസാരിച്ചു.

തെരുവുനായ്ക്കൾ ഫാം തകർത്ത് കോഴികളെ കൊന്നു

വണ്ടൂർ: തിരുവാലിയിൽ തെരുവ് നായ്ക്കൾ ഫാമിൽ കയറി കോഴികളെ കടിച്ചുകൊന്നു. കോഴിപ്പറന്പ് തായംങ്കോട് അത്തിത്താറ്റിൽ മണ്ണൂർക്കര മനോജിന്‍റെ വീടിനോട് ചേർന്നുള്ള കോഴി ഫാമിലാണ് സംഭവം. വെള്ളിയാഴ്ച രാത്രി ഒരു മണിയോടെയാണ് ഇരുനൂറിലധികം കോഴികളെ കടിച്ചുകൊന്നത്. ബാക്കിയുള്ളവയെ കടിച്ചു മുറിവേൽപ്പിച്ചിട്ടുണ്ട്. ഫാമിന് ചുറ്റിലും കെട്ടിയ ഇരുന്പുവല പൊളിച്ചാണ് നായ്ക്കൾ അകത്തു കയറിയത്. രാത്രി കോഴികളുടെ കൂട്ടക്കരച്ചിൽ കേട്ട് ഫാമിൽ എത്തിയപ്പോൾ ഫാമിനുള്ളിൽ കോഴികളെ കടിച്ചു കൊല്ലുന്ന തെരുവ് നായ്ക്കളെയാണ് മനോജ് കണ്ടത്.അക്രമാസക്തമായ ഏതാനും നായ്ക്കൾ ഫാമിന് പുറത്തും ഓടി നടക്കുന്നുണ്ടായിരുന്നു. ഏറെ പണിപ്പെട്ടാണ് നായ്ക്കളെ ഓടിച്ചത്. 14 വർഷത്തോളമായി കോഴിഫാം നടത്തുന്ന മനോജിന് ഇത് ആദ്യത്തെ അനുഭവമാണ്. 23 ദിവസം പ്രായമായ ഇരുനൂറിലധികം കോഴികളെയാണ് നിമിഷ നേരം കൊണ്ട് നായ്ക്കൾ കടിച്ചുകൊന്നത്. നിരവധി കോഴികളെ കടിച്ചു പരിക്കേൽപ്പിച്ചിട്ടുണ്ട്. ഒരു ലക്ഷത്തിലധികം രൂപയുടെ നഷ്ടം കണക്കാക്കുന്നു. കോഴിവളർത്തലുമായി മുന്നോട്ടു പോകണമെങ്കിൽ അധികൃതരുടെ ഭാഗത്തുനിന്ന് മനോജിന് സഹായം ലഭ്യമാക്കുകയാണാവശ്യം.

കന്യാസ്ത്രീകൾക്ക് ഐക്യദാർഢ്യവുമായി ജാഥ

ഊർങ്ങാട്ടിരി: ഛത്തീസ്ഗഡിൽ അറസ്റ്റിലായ കന്യാസ്ത്രീകൾക്ക് ഐക്യദാർഢ്യം പ്രഖ്യാപിച്ച് ഊർങ്ങാട്ടിരി മണ്ഡലം കോണ്‍ഗ്രസ് കമ്മിറ്റിയുടെ നേതൃത്വത്തിൽ വെറ്റിലപ്പാറയിൽ കന്യാസ്ത്രീ ഐക്യദാർഢ്യ പ്രകടനവും പൊതുയോഗവും സംഘടിപ്പിച്ചു. കെപിസിസി അംഗം എം.പി. മുഹമ്മദ് ഉദ്ഘാടനം ചെയ്തു. മണ്ഡലം പ്രസിഡന്‍റ് അനൂബ് മൈത്ര അധ്യക്ഷത വഹിച്ചു. ഡിസിസി എക്സ്ക്യൂട്ടീവ് അംഗങ്ങളായ പാലത്തിങ്ങൽ ബാപ്പുട്ടി, സൈഫുദീൻ കണ്ണനാരി, ബ്ലോക്ക് കോണ്‍ഗ്രസ് ഭാരവാഹികളായ കെ. മുഹമ്മദ് അബൂബക്കർ, പി.ടി. മുഹമ്മദ് സുധീർ, ഗ്രാമപഞ്ചായത്ത് വൈസ് പ്രസിഡന്‍റ് ഷിജോ ആന്‍റണി, വി.സി. ചേക്കു, യു. ഹനീഫ, ഷൈജു വെള്ളാപ്പുഴ എന്നിവർ പ്രസംഗിച്ചു. യു. ജാഫർ, എം. മുനീർ, സാറ്റസ് മഠത്തിക്കുന്നേൽ, ടി. അനുരൂപ്, കെ.ടി. മുഹമ്മദ്കുട്ടി, എം. സത്യൻ, ടെസി സണ്ണി, ബെന്നി ലൂക്ക, കെ.കെ. സുജേഷ്, മുജീബ് പുൽപറന്പിൽ, വി.പി. അബ്ദുൾ റഷീദ്, കെ. സഫ് വാൻ, കെ.എം. അനൂപ്, പി. ഹമീം, ജോളി, സി. റഫീഖ്, പി.പി. അബ്ബാസ്, ടി.അജ്മൽ എന്നിവർ നേതൃത്വം നൽകി.

വിദ്യാർഥികളെ കയറ്റാത്ത ബസുകൾക്കെതിരേ നടപടി വേണമെന്ന്

മഞ്ചേരി: വിദ്യാർഥികളെ ബസിൽ കയറ്റുന്നില്ലെന്ന പരാതി പരിഹരിക്കാൻ പോലീസും ആർടിഒയും നടപടികൾ സ്വീകരിക്കണമെന്ന് ഏറനാട് താലൂക്ക് വികസന സമിതി യോഗത്തിൽ ആവശ്യമുയർന്നു. കാരക്കുന്ന് ഗവണ്‍മെന്‍റ് ഹയർസെക്കൻഡറി സ്കൂളിലെ കുട്ടികളെ ബസിൽ കയറ്റുന്നില്ലെന്ന പരാതി സമിതി അംഗമായ എൻ.പി. മുഹമ്മദ് ആണ് ഉന്നയിച്ചത്. പല സമയങ്ങളിലും ബസുകൾ കാരക്കുന്ന് സ്റ്റോപ്പിൽ നിർത്താതെ പോവുകയാണെന്നും ചൂണ്ടിക്കാട്ടി. അരീക്കോട് ഗവണ്‍മെന്‍റ് ഹയർ സെക്കൻഡറി സ്കൂളിലെ ഒന്പതാം ക്ലാസിൽ പഠനം നടത്തുന്ന ആണ്‍കുട്ടികൾ ക്ലാസ് റൂമിലേക്ക് രാസവസ്തുക്കൾ കൊണ്ടുവരികയും ഇതിന്‍റെ ഗന്ധം മൂലം മൂന്ന് പെണ്‍കുട്ടികൾക്ക് ശാരീരിക അസ്വാസ്ഥ്യം അനുഭവപ്പെടുകയും ചെയ്തിരുന്നു. വിഷയത്തിൽ അരീക്കോട് പോലീസ് കേസെടുത്തിട്ടുണ്ടെന്നും ഇത്തരത്തിൽ കുട്ടികൾ ഉപയോഗിക്കുന്ന വസ്തുക്കളെക്കുറിച്ച് അവബോധം സ്കൂളുകളിലേക്ക് നൽകണമെന്നും ചൈൽഡ് പ്രൊട്ടക്‌ഷൻ ഓഫീസർ സമിതിയെ അറിയിച്ചു. വാഹന സൗകര്യമില്ലാത്തിനാൽ ഊർങ്ങാട്ടിരി ഗ്രാമപഞ്ചായത്തിലെ കളക്കപ്പാറ ഉന്നതിയിലുള്ള മൂന്ന് കുട്ടികൾക്ക് സ്കൂളിൽ എത്താനാകുന്നില്ലെന്നും പഠനം നിർത്തിയ കുട്ടികളെ ഈ അധ്യായന വർഷത്തിൽ പൂവത്തിങ്കൽ ജിയുപി സ്കൂളിൽ ചേർത്ത് പഠന സൗകര്യമൊരുക്കണമെന്നും ചൈൽഡ് പ്രൊട്ടക്‌ഷൻ ഓഫീസർ അറിയിച്ചു. സീതിഹാജി, ഐജിബിടി ബസ് സ്റ്റാൻഡുകളിൽ തെരുവ് വിളക്കുകൾ പ്രകാശിപ്പിക്കുന്നതിന് നടപടി സ്വീകരിക്കണമെന്നും യോഗം ആവശ്യപ്പെട്ടു. പി. മുഹമ്മദ് അധ്യക്ഷത വഹിച്ചു. ഏറനാട് താലൂക്ക് തഹസിൽദാർ കെ.എസ്. അഷ്റഫ്, രാഷ്ട്രീയ പ്രതിനിധികളായ എൻ.പി. മുഹമ്മദ്, ഇ. അബ്ദുള്ള, ടി.പി. വിജയകുമാർ, ഒ.ജെ. സജി, പുലിയോടൻ മുഹമ്മദ്, കെ.എം. ജോസ്, കെ.ടി. ജോണി, സി.ടി. രാജു, വല്ലാഞ്ചിറ നാസർ തുടങ്ങിയവർ സംസാരിച്ചു.

കോട്ടയം എക്സ്പ്രസിന് പ്രധാന സ്റ്റേഷനുകളിൽ സ്റ്റോപ്പില്ല; യാത്രക്കാർക്ക് ദുരിതം

കരുവാരകുണ്ട്: നിലന്പൂരിൽ നിന്ന് പുറപ്പെടുന്ന കോട്ടയം എക്സ്പ്രസിന് പ്രധാന സ്റ്റേഷനുകളിൽ സ്റ്റോപ്പ് അനുവദിക്കാത്തത് യാത്രക്കാർക്ക് തിരിച്ചടിയായി. കോവിഡിന് മുന്പ് നിലന്പൂർ -കോട്ടയം എക്സ്പ്രസ് പ്രധാന റെയിൽവേ സ്റ്റേഷനുകളിൽ നിർത്തിയിരുന്നു. എന്നാൽ ഇപ്പോൾ മേലാറ്റൂർ, തൂവൂർ, പട്ടിക്കാട്, ചെറുകര ഉൾപ്പെടെയുള്ള പ്രധാന സ്റ്റേഷനുകളിൽ പോലും ഈ ട്രെയിൻ നിർത്തുന്നില്ല. മലയോര മേഖലയായ കരുവാരകുണ്ട്, തുവൂർ, മേലാറ്റൂർ, എപ്പിക്കാട് എന്നിവിടങ്ങളിലേയും പാണ്ടിക്കാട്, പട്ടിക്കാട്, കീഴാറ്റൂർ തുടങ്ങിയ വിവിധ പ്രദേശങ്ങളിലുള്ളവർക്കും മേഖലയിലെ ഉൾപ്രദേശങ്ങളിലെ വിദ്യാർഥികൾ ഉൾപ്പെടെയുള്ള യാത്രക്കാർക്കും കോട്ടയം എക്സ്പ്രസിൽ കയറിപ്പറ്റാൻ കിലോമീറ്ററുകൾ അധികം സഞ്ചരിക്കേണ്ടി വരുന്നു. തൊട്ടരികിൽ റെയിൽവേ സ്റ്റേഷൻ ഉണ്ടായിരുന്നിട്ടും തുവൂർ, മേലാറ്റൂർ, പട്ടിക്കാട്, ചെറുകര ഭാഗങ്ങളിലുള്ളവർക്കും സമീപ പ്രദേശങ്ങളിലുള്ളവർക്കും കോട്ടയം എക്സ്പ്രസിൽ യാത്ര ചെയ്യണമെങ്കിൽ ഏറെ ദൂരം സഞ്ചരിച്ച് സ്റ്റോപ്പുള്ള സ്റ്റേഷനുകളിൽ എത്തേണ്ടി വരുന്നു. നിലന്പൂർ, വാണിയന്പലം, അങ്ങാടിപ്പുറം എന്നിവിടങ്ങളിൽ മാത്രമാണ് നിലവിൽ കോട്ടയം എക്സ്പ്രസിന് സ്റ്റോപ്പുള്ളത്. അതേസമയം ഷൊർണൂർ കഴിഞ്ഞാൽ ഒട്ടുമിക്ക സ്റ്റേഷനുകളിലും വണ്ടി നിർത്തുകയും ചെയ്യുന്നുണ്ട്. മലയോര മേഖലയോടുള്ള റെയിൽവേയുടെ മനഃപൂർവ അവഗണനയാണ് ഇതിന് പിന്നിലെന്നും നിലന്പൂർ-ഷൊർണൂർ റൂട്ടിലെ പ്രധാന സ്റ്റേഷനുകളിലെല്ലാം വണ്ടി നിർത്താൻ ആവശ്യമായ നടപടികൾ അധികൃതർ കൈകൊള്ളണമെന്നുമാണ് നാട്ടുകാരുടെ ആവശ്യം.

സിപിഎം സമരം സർക്കാരിന്‍റെ മുഖം രക്ഷിക്കാനാണെന്ന്

അങ്ങാടിപ്പുറം: അങ്ങാടിപ്പുറം ഗ്രാമപഞ്ചായത്ത് ഭരണസമിതിക്കെതിരേ സിപിഎം നടത്തുന്ന സമരം ഭരണ, വികസന പ്രതിസന്ധി സൃഷ്ടിക്കുന്ന സംസ്ഥാന സർക്കാരിന്‍റെ മുഖം രക്ഷിക്കാനാണെന്ന് പഞ്ചായത്ത് പ്രസിഡന്‍റ് കെ.പി. സഈദയും വൈസ് പ്രസിഡന്‍റ് ഷബീർ കറുമുക്കിലും അഭിപ്രായപ്പെട്ടു. ഭരണം അവസാനിക്കാൻ ചുരുങ്ങിയ ദിവസങ്ങൾ മാത്രം ഉള്ളപ്പോൾ സമരം നടത്തുന്നത് മറ്റെന്തിനാണെന്ന് അവർ ചോദിച്ചു. ജീവനക്കാരെ ജോലി ചെയ്യാൻ സമ്മതിക്കാതെ നിരന്തരം കൂട്ടത്തോടെ സ്ഥലംമാറ്റുക, നിർമാണ പ്രവൃത്തികൾക്കും കെട്ടിട നിർമാണങ്ങൾക്കും പെർമിറ്റ് നൽകുന്നതിനും നേതൃത്വം നൽകേണ്ട എൻജിനിയറിംഗ് വിഭാഗത്തിലെ തസ്തികകളിൽ നിയമനം നടത്താതെ ഒഴിച്ചിടുക, ഫണ്ടുകൾ വെട്ടി കുറയ്ക്കുക, ട്രഷറിയിൽ ബില്ലുകൾ കൊടുത്താൽ പണം പാസാക്കി നൽകാതിരിക്കുക, ട്രഷറിയിൽ ബില്ലുകൾ സ്വീകരിക്കാതിരിക്കുക, പെർമിറ്റ് ഫീസും മറ്റു വിവിധ സേവന നികുതികളും ക്രമാതീതമായി വർധിപ്പിക്കുക തുടങ്ങിയവയെല്ലാം ചെയ്യുന്നത് സർക്കാരാണ്. ഇതുമൂലമുള്ള പ്രതിസന്ധിയേ പഞ്ചായത്തിലുള്ളൂവെന്ന് ഭാരവാഹികൾ പറഞ്ഞു. ഈ ഭരണസമിതിയുടെ കാലാവധിക്കിടയിൽ ആറ് സെക്രട്ടറിമാരാണ് മാറ്റി നിയമിക്കപ്പെട്ടത്. പഞ്ചായത്തിലെ ഭരണകക്ഷിക്ക് എട്ട് തവണ സർക്കാരിനെതിരേ സമരം ചെയ്യേണ്ടി വന്നിട്ടുണ്ട്. സർക്കാരിന്‍റെ ദ്രോഹ നടപടികൾ സഹിക്കാൻ വയ്യാത്തത് കൊണ്ടാണ് ഭരണവും സമരവും ഒരുമിച്ച് നടത്തേണ്ടി വന്നത്. ഇതെല്ലാം അറിയാവുന്ന ജനങ്ങൾക്ക് മുന്നിൽ സിപിഎം നാടകം കളിക്കുകയാണെന്ന് പ്രസിഡന്‍റും വൈസ് പ്രസിഡന്‍റും ചൂണ്ടിക്കാട്ടി.

സിഎച്ച് സെന്‍റർ വനിതാ വോളണ്ടിയർമാർക്കുള്ള പരിശീലനം സമാപിച്ചു

പെരിന്തൽമണ്ണ: പെരിന്തൽമണ്ണ സിഎച്ച് സെന്‍ററിന്‍റെ ആഭിമുഖ്യത്തിലുള്ള പൂക്കോയ തങ്ങൾ ഹോസ്പിസി(പിടിഎച്ച്) ന്‍റെ വനിതാ വോളണ്ടിയർമാർക്കായി നടത്തിയ ത്രിദിന പരിശീലനം സമാപിച്ചു. പാണക്കാട് റഷീദലി ശിഹാബ് തങ്ങളാണ് പരിപാടി ഉദ്ഘാടനം ചെയ്തത്. സമാപന പരിപാടിയിൽ വേൾഡ് ഹെൽത്ത് ഓർഗനൈസേഷന്‍റെ (ഡബ്ല്യുഎച്ച്ഒ) അംഗീകാരമുള്ള സർട്ടിഫിക്കറ്റുകൾ വിതരണം ചെയ്തു. രോഗിപരിചരണ രംഗത്തും സാന്ത്വന ചികിത്സാരംഗത്തും മാറിയ കാലത്തിനനുസരിച്ച് സ്വീകരിക്കേണ്ട സമീപനങ്ങളെക്കുറിച്ചായിരുന്നു ക്ലാസ്. ആപത്ഘട്ടങ്ങളിൽ ഇടപെടേണ്ട പരിശീലനവും ഇതോടൊപ്പം നടത്തി. മുസ്‌ലിംലീഗിന്‍റെ നേതൃത്വത്തിൽ നടന്നുവരുന്ന പൂക്കോയ തങ്ങൾ ഹോസ്പിസ് പദ്ധതിയുടെ സ്റ്റേറ്റ് കോ ഓർഡിനേറ്റർ ഡോ.അമീർ, ജോസ് പുളിമൂട്ടിൽ, എം.ടി. മുഹമ്മദ് എന്നിവർ ക്ലാസിന് നേതൃത്വം നൽകി. സമാപന യോഗം പ്രസിഡന്‍റ് കെ.പി.എ. മജീദ് എംഎൽഎ ഉദ്ഘാടനം ചെയ്തു. സിഎച്ച് സെന്‍റർ ജനറൽ സെക്രട്ടറി അഡ്വ. എ.കെ. മുസ്തഫ അധ്യക്ഷത വഹിച്ചു. സെന്‍റർ ഭാരവാഹികളായ സലീം കുരുവന്പലം, പി.കെ. അബൂബക്കർ ഹാജി, ഹബീബ് റഹ്മാൻ വേങ്ങൂർ, മാനുപ്പ കുറ്റിരി, ഖത്തർ കെഎംസിസി ജില്ലാ പ്രസിഡന്‍റ് സവാദ്, ട്രഷറർ റഫീഖ് കൊണ്ടോട്ടി, വൈസ് പ്രസിഡന്‍റ് അബ്ദുൾ ജബ്ബാർ, സെക്രട്ടറിമാരായ അബ്ദുൾ മജീദ്, വനിത വോളണ്ടിയർ ക്യാപ്റ്റൻമാരായ കെ.ടി. റസിയ വെട്ടത്തൂർ, പ്രബീന ഹബീബ് താഴേക്കോട് തുടങ്ങിവർ പങ്കെടുത്തു.

കെഎസ്ടിഎ മാർച്ചും ധർണയും നടത്തി

മലപ്പുറം: കേന്ദ്ര സർക്കാരിന്‍റെ ജനവിരുദ്ധ നയങ്ങൾ തിരുത്തുക, കേരളത്തോടുള്ള അവഗണന അവസാനിപ്പിക്കുക, നവകേരള സൃഷ്ടിക്കായി അണിചേരുക, അധ്യാപകരുടെ ജോലി സുരക്ഷ ഉറപ്പാക്കുക, ശന്പള പരിഷ്കരണ നടപടികൾ ആരംഭിക്കുക, പങ്കാളിത്ത പെൻഷൻ പദ്ധതി ഉപേക്ഷിക്കുക, ദേശീയ വിദ്യാഭ്യാസ നയം 2020 പിൻവലിക്കുക തുടങ്ങിയ ആവശ്യങ്ങൾ ഉന്നയിച്ച് കേരള സ്കൂൾ ടീച്ചേഴ്സ് അസോസിയേഷൻ (കെഎസ്ടിഎ) മലപ്പുറത്ത് കളക്ടറേറ്റ് മാർച്ചും ധർണയും നടത്തി. ആയിരക്കണക്കിന് അധ്യാപകർ അണിനിരന്ന മാർച്ച് കളക്ടറുടെ ബംഗ്ലാവ് പരിസരത്ത് നിന്ന് ആരംഭിച്ച് മലപ്പുറം ടൗണ്‍ ഹാൾ പരിസരത്ത് അവസാനിച്ചു. ടൗണ്‍ ഹാളിനു മുന്നിൽ നടന്ന ധർണ ഡിവൈഎഫ്ഐ കേന്ദ്ര കമ്മിറ്റി അംഗം ജെയ്ക്ക് സി. തോമസ് ഉദ്ഘാടനം ചെയ്തു. കെഎസ്ടിഎ ജില്ലാ പ്രസിഡന്‍റ് ഇ.എസ്. അജിത് ലൂക്ക് അധ്യക്ഷത വഹിച്ചു. സംസ്ഥാന സെക്രട്ടറി കെ. രാഘവൻ മുഖ്യപ്രഭാഷണം നടത്തി. ജില്ലാ ജോയിന്‍റ് സെക്രട്ടറി ടി. രത്നാകരൻ ക്യൂബൻ ഐക്യദാർഢ്യ പ്രമേയം അവതരിപ്പിച്ചു. കെഎസ്ടിഎ സംസ്ഥാന എക്സിക്യൂട്ടീവ് അംഗം സി. ഷക്കീല, സംസ്ഥാന കമ്മിറ്റി അംഗങ്ങളായ ആർ.പി. ബാബുരാജ്, എ. വിശ്വംഭരൻ, ജില്ലാ സെക്രട്ടറി കെ. സരിത, ട്രഷറർ കെ. വീരാപ്പു എന്നിവർ പ്രസംഗിച്ചു. പ്രകടനത്തിനും ധർണയ്ക്കും ജില്ലാ ഭാരവാഹികളായ കെ. രജനി, എം. പ്രഹ്ളാദ കുമാർ, ഷൈജി ടി. മാത്യു, സുരേഷ് കൊളശേരി, സി. ഹരിദാസൻ ടി. മുഹമ്മദ് മുസ്തഫ എന്നിവർ നേതൃത്വം നൽകി. ധർണയിൽ പങ്കെടുത്തവരിൽ നിന്ന് സ്വരൂപിച്ച ക്യൂബൻ ഐക്യദാർഢ്യ ഫണ്ട് ജില്ലാ സെക്രട്ടറിയിൽ നിന്ന് കെഎസ്ടിഎ സംസ്ഥാന സെക്രട്ടറി ഏറ്റുവാങ്ങി.

തദ്ദേശ തെരഞ്ഞെടുപ്പ് : തയാറെടുപ്പുകൾ തുടങ്ങി രാഷ്ട്രീയ പാർട്ടികൾ

തേഞ്ഞിപ്പലം: തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പിന് തയാറെടുപ്പുകൾ തുടങ്ങി രാഷ്ട്രീയ പാർട്ടികൾ. ഉറച്ച വോട്ടുകൾ ബാലറ്റ് പെട്ടിയിൽ എത്തിക്കാൻ ആവശ്യമായ പ്രവർത്തനങ്ങൾ ആവിഷ്കരിച്ചും നടപ്പാക്കിയും മുന്നോട്ടുപോകാനാണ് തയാറെടുപ്പ്. വോട്ടർ പട്ടികയിൽ പേര് ചേർക്കാൻ ഈമാസം ഏഴ് വരെ മാത്രമേ സമയമുള്ളൂ എന്നതിനാൽ അതിന് മുൻതൂക്കം നൽകിയുള്ള പ്രവർത്തനങ്ങളാണ് ഇപ്പോൾ നടക്കുന്നത്. ഓണ്‍ലൈനായി വോട്ടർ പട്ടികയിൽ പേരു ചേർക്കാൻ സൗകര്യമുള്ളതിനാൽ മൊബൈൽ ഫോണ്‍ ഉപയോഗിച്ച് വരെ വോട്ടു ചേർക്കാനാകും. അതിനാൽ നൂതന സങ്കേതങ്ങളെ പരിചയപ്പെടുത്തിയും പ്രചരിപ്പിച്ചും എല്ലാ വോട്ടുകളും പട്ടികയിൽ ചേർത്താനാണ് ശ്രമം. എന്നാൽ അവസാനഘട്ടം വരെ കാത്തിരുന്നാൽ തെരഞ്ഞെടുപ്പ് കമ്മീഷന്‍റെ ഔദ്യോഗിക വെബ്സൈറ്റ് ഹാങ്ങ് ആകാൻ സാധ്യതയുള്ളതിനാൽ നാലിനകം തന്നെ വോട്ട് ചേർക്കൽ പ്രക്രിയ പൂർത്തീകരിക്കാനാണ് രാഷ്ട്രീയ പാർട്ടി നേതൃത്വം പ്രവർത്തകർക്ക് നൽകിയിട്ടുള്ള നിർദേശം. ഇതിന് മുന്നോടിയായി പഞ്ചായത്ത് തല യോഗങ്ങളും ശില്പശാലകളും പൂർത്തിയാക്കി താഴെ തട്ടിലേക്ക് തെരഞ്ഞെടുപ്പ് പ്രവർത്തനം സജീവമാക്കാനാണ് പ്രവർത്തകരോട് പറഞ്ഞിട്ടുള്ളത്. ഇടവിട്ട് ഗൃഹസന്ദർശനങ്ങൾ നടത്താനും കുടുംബങ്ങളിലെ പ്രയാസങ്ങൾ മനസിലാക്കി പരിഹാരം ചെയ്തുകൊടുത്തും കൂടെനിന്നും ഒപ്പം നിർത്തി വോട്ടുകൾ ഉറപ്പിക്കുകയാണ് ലക്ഷ്യം. സാമൂഹിക മാധ്യമങ്ങളുടെ സാധ്യതകൾ പ്രചാരണത്തിന് ഉപയോഗിക്കാൻ ആവശ്യമായ എല്ലാ സജ്ജീകരണങ്ങളും നേരത്തെ തന്നെ ഒരുക്കാനാണ് തീരുമാനം. മുസ്‌ലിം ലീഗ്, കോണ്‍ഗ്രസ് സംഘടനകളും യുഡിഎഫിലെ ഘടക കക്ഷികളും സർക്കാരിനെതിരായ പ്രചാരണത്തിൽ ഊന്നുന്പോൾ ദേശീയ, അന്തർദേശീയ വിഷയങ്ങളും സർക്കാരിന്‍റെ വികസന നേട്ടങ്ങളും എണ്ണിപ്പറഞ്ഞ് പ്രചാരണത്തിന് ഇറങ്ങാനാണ് സിപിഎം തീരുമാനം. നിലവിൽ ജില്ലയിൽ 94 ഗ്രാമപഞ്ചായത്തുകളും 12 നഗരസഭകളും 15 ബ്ലോക്ക് പഞ്ചായത്തുകളുമാണുള്ളത്. ഇവിടങ്ങളിലെ പ്രാദേശിക വിഷയങ്ങളും ചർച്ചയാകും.

കന്യാസ്ത്രീകളുടെ അറസ്റ്റ്: നിലന്പൂരിൽ വൻ പ്രതിഷേധ റാലി

നിലന്പൂർ: ഛത്തീസ്ഗഡിൽ കന്യാസ്ത്രീകളുടെ അറസ്റ്റിൽ പ്രതിഷേധിച്ച് നിലന്പൂരിൽ ക്രൈസ്തവ സഭകളുടെ നേതൃത്വത്തിൽ ആയിരങ്ങൾ പങ്കെടുത്ത റാലിയിൽ പ്രതിഷേധമിരന്പി. നിലന്പൂർ ലിറ്റിൽ ഫ്ളവർ ദേവാലയ അങ്കണത്തിൽനിന്ന്് പുതിയ ബസ് സ്റ്റാൻഡിലേക്ക് നടന്ന പ്രതിഷേധ റാലിയിൽ വൈദികരും കന്യാസ്ത്രീകളും വിശ്വാസികളും വിവിധ ഭക്തസംഘടനകളുടെ ഭാരവാഹികളും ഉൾപ്പെടെ വൻ ജനാവലിയാണ് അണിനിരന്നത്. വൈദികരും കന്യാസ്ത്രീകളും അടക്കം ബാനറിന് പിന്നിൽ അണിനിരന്നു. പ്ലക്കാർഡുകളുമേന്തി നടന്ന റാലിയിൽ ന്യൂനപക്ഷ അവകാശങ്ങൾക്ക് മേൽ കടന്നുകയറാൻ ആരെയും അനുവദിക്കില്ലെന്ന് മുന്നറിയിപ്പ് നൽകി. ബസ് സ്റ്റാൻഡ് പരിസരത്ത് റാലി സമാപിച്ചു. ലിറ്റിൽ ഫ്ളവർ ഫൊറോന വികാരി ഫാ. സെബാസ്റ്റ്യൻ പുത്തേൻ മുഖ്യപ്രഭാഷണം നടത്തി. കേക്കും മധുരവും നൽകി മയക്കാമെന്ന് ആരെങ്കിലും പ്രതീക്ഷിക്കുന്നുണ്ടെങ്കിൽ അത് നടക്കില്ലെന്ന് അദ്ദേഹം പറഞ്ഞു. നിരപരാധികളായ കന്യാസ്ത്രീകളെ ഒന്പത് ദിവസമാണ് ജയിലിൽ അടച്ചത്. കുഞ്ഞാടുകളെ തമ്മിൽ അടുപ്പിച്ച് ചോര കുടിക്കുന്ന ചെന്നായ്ക്കളുടെ രൂപവും ഭാവവും തങ്ങൾ തിരിച്ചിറിയുന്നുണ്ടെന്നും ഫാ. സെബാസ്റ്റ്യൻ പുത്തേൻ പറഞ്ഞു. ചിലർ ഇപ്പോൾ ഇതിന്‍റെ ക്രെഡിറ്റ് ഏറ്റെടുത്ത് മുന്നോട്ട് വന്നിട്ടുണ്ട്. എന്നാൽ എന്താണ് നടന്നതെന്നും ആരാണ് പെടുത്തിയതെന്നും ആരെക്കയാണ് സഹായിച്ചതെന്നും അറിയാം. ജയിൽ കാണിച്ച് ക്രൈസ്തവ സമുദായത്തെ ഭയപ്പെടുത്തേണ്ടെന്നും അദ്ദേഹം മുന്നറിയിപ്പ് നൽകി. ഫാ.ബിജു ജോസഫ്, ഫാ.തോമസ് ചാപ്രത്ത്, ഫാ.ആന്‍റോ ഡയനീഷ്യസ്, ഫാ. കുര്യാക്കോസ് കൂന്പക്കൽ, ഫാ.സിജോ പാലാത്ത്, ഫാ. ഷിന്േ‍റാ പുലിക്കുഴിൽ, ഫാ. സന്തോഷ്, ഫാ.ഷിജു ജോണ്‍, ഫാ. റോജിൻ, കെസിവൈഎം മേഖല പ്രസിഡന്‍റ് അമിത, ഫ്രാൻസിസ് അന്പലത്തിങ്ങൽ, ജോയി ചാച്ചിറ, ജസ്റ്റിൻ നീലംപറന്പിൽ, കന്യാസ്ത്രീമാർ, ഭക്തസംഘടനാ ഭാരവാഹികൾ എന്നിവർ നേതൃത്വം നൽകി.

സേക്രട്ട് ഹാർട്ട് സ്കൂളിൽ കലോത്സവം

കോട്ടക്കൽ: പുതുപ്പറന്പ് സേക്രഡ് ഹാർട്ട് സീനിയർ സെക്കൻഡറി സ്കൂളിൽ 2025 - 26 അധ്യയന വർഷത്തെ സ്കൂൾ കലോത്സവ മത്സരങ്ങൾക്ക് തിരിതെളിഞ്ഞു. സ്കൂൾ ഓഡിറ്റോറിയത്തിൽ നടന്ന ചടങ്ങിൽ പ്രശസ്ത പിന്നണിഗായിക ഫാരിഷ ഹുസൈൻ പരിപാടി ഉദ്ഘാടനം ചെയ്തു. പ്രിൻസിപ്പൽ സിസ്റ്റർ ആൻസില്ല ജോർജ് അധ്യക്ഷയായിരുന്നു. കോട്ടക്കൽ ലിറ്റിൽ ഫ്ളവർ പള്ളി വികാരി ഫാ. വിൻസെന്‍റ് കറുകമാലിൽ അനുഗ്രഹ പ്രഭാഷണം നടത്തി. വൈസ് പ്രിൻസിപ്പൽ ബീന ചന്ദ്രശേഖരൻ, പിടിഎ പ്രസിഡന്‍റ് ശരത്നാഥ്, സ്കൂൾ വികസന സമിതി എക്സിക്യൂട്ടീവ് മുഹമ്മദ് ഷാഫി, ആർട്സ് കോ ഓർഡിനേറ്റർ റോസ്മേരി എന്നിവർ പ്രസംഗിച്ചു. രണ്ടു ദിവസങ്ങളിലായുള്ള മത്സരങ്ങൾ അഞ്ച് വേദികളിലായാണ് നടക്കുന്നത്.

കാർ ബൈക്കിലിടിച്ച് ടാപ്പിംഗ് തൊഴിലാളി മരിച്ചു

കരുവാരകുണ്ട്: കാർ ബൈക്കിലിടിച്ച് ടാപ്പിംഗ് തൊഴിലാളി മരിച്ചു. ഇന്നലെ പുലർച്ചെ ആറിന് ചിറക്കൽ പെട്രോൾ പന്പിന് സമീപം ഉണ്ടായ അപകടത്തിൽ മഞ്ഞൾപാറയിലെ മഠത്തിൽ മുഹമ്മദ് (നാണിപ്പ- 61 ) ആണ് മരിച്ചത്. ടാപ്പിംഗ് തൊഴിലാളിയായ മുഹമ്മദ് ജോലിക്കായി ബൈക്കിൽ മേലാറ്റൂരിലേക്ക് പോവുകയായിരുന്നു. ഇതിനിടെ തുവൂരിൽ നിന്ന് വന്ന കാർ നിയന്ത്രണംവിട്ട് ബൈക്കിനെ ഇടിച്ചു തെറിപ്പിച്ച് തൊട്ടടുത്ത കെട്ടിടത്തിലേക്ക് പാഞ്ഞുകയറി. ഗുരുതര പരിക്കേറ്റ മുഹമ്മദിനെ ആശുപത്രിയിൽ എത്തിച്ചെങ്കിലും മരിച്ചു. മഞ്ചേരി മെഡിക്കൽ കോളജ് ആശുപത്രിയിൽ പോസ്റ്റുമോർട്ടം നടത്തിയ മൃതദേഹം കരുവാരകുണ്ട് മഞ്ഞൾപാറ ജുമാമസ്ജിദിൽ കബറടക്കി. സുഹറയാണ് ഭാര്യ. മക്കൾ: ഷഫീഖ്, സനൂബ്, ഷാഹിന. മരുമക്കൾ: ഫർഷാദ്, നജ്മ, ഷഫാന.

കുടുംബശ്രീ വാര്‍ഷികാഘോഷം നടത്തി

എടക്കര: എടക്കര ഗ്രാമപഞ്ചായത്ത് കുടുംബശ്രീ 27-ാം വാര്‍ഷികാഘോഷം പള്ളിപ്പടിയില്‍ ആര്യാടന്‍ ഷൗക്കത്ത് എംഎല്‍എ ഉദ്ഘാടനം ചെയ്തു. സിഡിഎസ് പ്രസിഡന്‍റ് സരള രാജപ്പന്‍ അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡന്‍റ് പി. പുഷ്പവല്ലി, ഗ്രാമപഞ്ചായത്ത് പ്രസിഡന്‍റ് ഒ.ടി. ജെയിംസ്, ഡിഎംസി ടി. സുരേഷ് കുമാര്‍, പഞ്ചായത്ത് വൈസ് പ്രസിഡന്‍റ് കെ. ആയിശക്കുട്ടി, ജില്ല പഞ്ചായത്തംഗം ഷെറോണ റോയ്, അംഗങ്ങളായ ഫസിന്‍ മുജീബ്, കബീര്‍ പനോളി, സിന്ധു പ്രകാശ്, പി. മോഹനന്‍, സെക്രട്ടറി പി.ജെ. ബിജു, ശരീഫ് എടക്കര, എബിത ജോസഫ്, മുഹമ്മദ് ഹനീഫ, ബിനോയ് കൃഷ്ണന്‍, കെ. രാധാകൃഷ്ണന്‍, ടി.കെ. മുജീബ്, പി.കെ. ജിഷ്ണു എന്നിവര്‍ സംസാരിച്ചു. മികച്ച എഡിഎസ്, മികച്ച അയല്‍ക്കൂട്ടം, ബാലസഭാംഗം എന്നിവരെ ചടങ്ങില്‍ ആദരിച്ചു.

രാഷ്ട്രപിതാവിന്‍റെ അർധകായ പ്രതിമ അനാച്ഛാദനം ചെയ്തു

മങ്കട: മങ്കട ബ്ലോക്ക് പഞ്ചായത്ത് വാർഷിക പദ്ധതിയിൽ ഉൾപ്പെടുത്തി ബ്ലോക്ക് ഓഫീസ് കോമ്പൗണ്ടിൽ സ്ഥാപിച്ച രാഷ്ട്രപിതാവിന്‍റെ അർധകായ പ്രതിമ ബ്ലോക്ക് പഞ്ചായത്ത് പ്രസിഡന്‍റ് ടി. അബ്ദുൾ കരീം അനാച്ഛാദനം ചെയ്തു. ബ്ലോക്ക് പഞ്ചായത്ത് വൈസ് പ്രസിഡന്‍റ് കെ.വി. ജുവൈരിയ അധ്യക്ഷത വഹിച്ചു. സ്ഥിരംസമിതി അധ്യക്ഷരായ ജാഫർ വെള്ളേക്കാട്ട്, ഫൗസിയ പെരുമ്പള്ളി, ടി.കെ. ശശീന്ദ്രൻ, മെമ്പർമാരായ ഷബീബ തോരപ്പ, ബിന്ദു കണ്ണൻ, എം. റഹ്മത്തുന്നീസ, ജമീല , ഒ. മുഹമ്മദ്‌ കുട്ടി, പി. ഷറഫുദ്ധീൻ, കെ.പി. അസ്മാബി, സെക്രട്ടറി എം. മജീദ് തുടങ്ങിയവർ സംസാരിച്ചു.

വിജ്ഞാന കേരളം പദ്ധതിക്ക് അങ്ങാടിപ്പുറം പഞ്ചായത്തിൽ തുടക്കമായി

അങ്ങാടിപ്പുറം: സമ്പദ്‌വ്യവസ്ഥ അടിസ്ഥാനമാക്കി കേരള സർക്കാർ രൂപകൽപ്പന ചെയ്ത വിജ്ഞാന കേരളം പദ്ധതിക്ക് അങ്ങാടിപ്പുറം പഞ്ചായത്തിൽ തുടക്കമായി. പഞ്ചായത്ത് പ്രസിഡന്‍റ് സഈദ പദ്ധതിയുടെ ഔപചാരികമായ ഉദ്ഘാടനം നിർവഹിച്ചു. പഞ്ചായത്ത് സെക്രട്ടറി സുഹാസ് ലാൽ അധ്യക്ഷത വഹിച്ചു. ജില്ലാ കോഓർഡിനേറ്റർ ഹേമലത സിഡിഎസ് പ്രതിനിധികൾക്ക് പദ്ധതിയെ കുറിച്ച് വിശദീകരിച്ചു. ആരോഗ്യ സ്റ്റാൻഡിംഗ് കമ്മറ്റി ചെയർപേഴ്സൺ ഫൗസിയ, പഞ്ചായത്ത് അംഗങ്ങളായ കെ.ടി. നാരായണൻ, രത്നകുമാരി, പഞ്ചായത്ത് അസിസ്റ്റന്‍റ് സെക്രട്ടറി സ്മിത, വിജ്ഞാനകേരളം ഡി ആർപി പ്രതിനിധി എം. എം. നഈം, കമ്യൂണിറ്റി അംബാസിഡർ ശ്രീജ, സിഡിഎസ് ചെയർപേഴ്സൺ നൗറ യസ്മിൻ തുടങ്ങിയവർ സംസാരിച്ചു.

അങ്ങാടിപ്പുറം പഞ്ചായത്ത് ഓഫീസിലേക്ക് സിപിഎം പ്രതിഷേധ മാർച്ച് നടത്തി

അങ്ങാടിപ്പുറം: അങ്ങാടിപ്പുറം പഞ്ചായത്ത് യുഡിഎഫ് ഭരണസമിതിയുടെ ദുർഭരണത്തിനെതിരേ സിപിഎം ലോക്കൽ കമ്മറ്റികളുടെ സംയുക്താഭിമുഖ്യത്തിൽ പഞ്ചായത്ത് ഓഫീസിലേക്ക് പ്രതിഷേധ മാർച്ച് നടത്തി.അങ്ങാടിപ്പുറം സിപിഎം ലോക്കൽ കമ്മിറ്റി ഓഫീസ് പരിസരത്തു നിന്നും ആരംഭിച്ച മാർച്ചിൽ നൂറ് കണക്കിന് പ്രവർത്തകർ പങ്കെടുത്തു. പഞ്ചായത്ത് ഓഫീസ് പരിസരത്തുവച്ച് പോലീസ് മാർച്ച് തടഞ്ഞു. സിപിഎം ഏരിയാ സെക്രട്ടറി മോഹനൻ പുളിക്കൽ മാർച്ച് ഉദ്ഘാടനം ചെയ്തു. മുൻ പഞ്ചായത്ത് പ്രസിഡന്‍റും സിപിഎം ഏരിയാ കമ്മിറ്റി അംഗവുമായ കെ.ടി. നാരായണൻ അധ്യക്ഷത വഹിച്ചു. ഏരിയാ കമ്മിറ്റി അംഗങ്ങളായ അഡ്വ. ടി.കെ. റഷീദലി, പി. പത്മജ, എ. ഹരി, സജി കക്കറ, ബ്ലോക്ക് പഞ്ചായത്ത് അംഗം കെ. ദിലീപ് എന്നിവർ സംസാരിച്ചു.

നശിപ്പിക്കപ്പെട്ട അതേ സ്ഥലത്ത് സി.എച്ചിന്‍റെ മുഖച്ചിത്രം വീണ്ടും വരച്ച് എംഎസ്എഫ്

തേഞ്ഞിപ്പലം: കാലിക്കട്ട് യൂണിവേഴ്സിറ്റി കാമ്പസിലെ കാന്‍റീൻ ചുമരിൽ സി.എച്ച്. മുഹമ്മദ് കോയയുടെ ചിത്രം വീണ്ടും വരച്ച് എംഎസ്എഫ്. മുമ്പ് വരച്ച് ദിവസങ്ങൾക്കുള്ളിൽ നശിപ്പിക്കപ്പെട്ട അതേ സ്ഥലത്താണ് ചിത്രം വീണ്ടും വരച്ചത്. എംഎസ്എഫ് സംസ്ഥാന പ്രസിഡന്‍റ് പി.കെ. നവാസിന്‍റെ നേതൃത്വത്തിൽ ഇന്‍റഗ്രേറ്റഡ് എംഎ സംസ്കൃത വിദ്യാർഥി റോഹിത്താണ് കാന്‍റീൻ ചുമരിൽ വീണ്ടും സി.എച്ചിന്‍റെ ചിത്രം വരച്ചത്. കാന്‍റീൻ ചുമരിൽ ഇ.എം.എസ്. നമ്പൂതിരിപ്പാടിന്‍റെ ചിത്രത്തിന് സമീപത്തായി വരച്ച സി.എച്ചിന്‍റെ ഛായാചിത്രമാണ് നശിപ്പിക്കപ്പെട്ടത്. എംഎസ്എഫ് സംസ്ഥാന ട്രഷറർ അസ്ഹർ പെരുമുക്ക്, സംസ്ഥാന ഭാരവാഹികളായ ഷറഫുദ്ദീൻ പിലാക്കൽ, ജില്ലാ പ്രസിഡന്‍റ് കബീർ പുതുപറമ്പ്, ജില്ലാ സെക്രട്ടറി വി.എ. വഹാബ് എന്നിവരും സ്ഥലത്തെത്തിയിരുന്നു.

വിദ്യാരംഗം കലാസാഹിത്യവേദി പ്രവര്‍ത്തനോദ്ഘാടനവും ശില്പശാലയും

എടക്കര: നിലമ്പൂര്‍ ഉപജില്ലാ വിദ്യാരംഗം കലാസാഹിത്യവേദി പ്രവര്‍ത്തനോദ്ഘാടനവും പ്രസംഗ ശില്പശാലയും ചുങ്കത്തറ മാര്‍ത്തോമ ഹയര്‍ സെക്കന്‍ഡറി സ്‌കൂളില്‍ ആര്യാടന്‍ ഷൗക്കത്ത് എംഎല്‍എ ഉദ്ഘാടനം ചെയ്തു. പഠന മികവിന്‍റെ പേരില്‍ മാത്രം കുട്ടികളെ വിലയിരുത്താതെ കുട്ടികളുടെ കഴിവുകള്‍ കണ്ടെത്തി വളര്‍ത്തുന്ന വിദ്യാഭ്യാസ രീതി വേണമെന്ന് അദ്ദേഹം പറഞ്ഞു.നിലമ്പൂര്‍ എഇഒ ജേക്കബ് സത്യന്‍ അധ്യക്ഷത വഹിച്ചു. ഡയറ്റ് പ്രിന്‍സിപ്പല്‍ ഡോ. ബാബു വര്‍ഗീസ്, ജയന്‍ ആന്‍റണി, പിടിഎ പ്രസിഡന്‍റ് ഉണ്ണികൃഷ്ണന്‍, ലോക്കല്‍ മാനേജര്‍ ഫാ. ജിനു ഈപ്പന്‍ കുര്യന്‍, എംടിഎ പ്രസിഡന്‍റ് രുഗ്മിണി, പ്രിന്‍സിപ്പല്‍ ഉമ്മന്‍ മാത്യു, പ്രധാനാധ്യാപകന്‍ ഷൈനി ജോസഫ്, സബ് ജില്ലാ കോ ഓര്‍ഡിനേറ്റര്‍ ഫൂലന്‍ദേവി, നീന മേരി എന്നിവര്‍ സംസാരിച്ചു. പ്രസംഗ ശില്പശാലക്ക് ആന്‍ മരിയ അജിന്‍, ബീന ബാബു, പി.ടി. സജിമോന്‍ എന്നിവര്‍ നേതൃത്വം നല്‍കി.

"പ്രവാസി കൂട്ടായ്മക്ക് നേരെ ഉയരുന്ന ആരോപണങ്ങൾ അടിസ്ഥാന രഹിതം'

കരുവാരകുണ്ട്: കരുവാരകുണ്ട് ഫെസ്റ്റുമായി ബന്ധപ്പെട്ട് കുഞ്ഞാലി സ്മാരക പ്രവാസി കൂട്ടായ്മക്ക് നേരെ ഉയരുന്ന ആരോപണങ്ങൾ അടിസ്ഥാന രഹിതമാണെന്ന് പ്രവാസി കൂട്ടായ്മ പഞ്ചായത്ത് കമ്മിറ്റി വാർത്താ സമ്മേളനത്തിൽ പറഞ്ഞു. തെരഞ്ഞെടുപ്പ് മുന്നിൽ കണ്ട് യുഡിഎഫിലെ ചില തൽപ്പര കക്ഷികൾ സാമൂഹ്യ മാധ്യമങ്ങൾ മുഖേന പ്രചരിപ്പിക്കുന്ന കാര്യങ്ങൾ വാസ്തവ വിരുദ്ധമാണന്നും കുഞ്ഞാലി സ്മാരക പ്രവാസി കൂട്ടായ്മ ഭാരവാഹികൾ പറഞ്ഞു. 2022ൽ ചില വ്യക്തികൾ കരുവാരകുണ്ട് കാർണിവൽ സംഘടിപ്പിച്ചിരുന്നു. ഇതിന് പുറമെ തുടർച്ചായായ രണ്ട് വർഷങ്ങളിൽ ഗ്രാമപഞ്ചായത്തിന്‍റെ നേതൃത്വത്തിൽ ഫെസ്റ്റ് നടത്തിയിരുന്നു. ഭിന്നശേഷി കുട്ടികൾക്കായി ബഡ്സ് സ്കൂൾ കെട്ടിടം നിർമിക്കുക എന്നതായിരുന്നു ഇതിന്‍റെ ലക്ഷ്യം. എന്നാൽ നേരത്തെ നടന്ന കാർണിവലും പിന്നീട് ഗ്രാമപഞ്ചായത്തിന്‍റെ നേതൃത്വത്തിൽ നടന്ന ഫെസ്റ്റിലും വ്യാപക അഴിമതി നടന്നിട്ടുണ്ടന്നും കുഞ്ഞാലി സ്മാരക പ്രവാസി കൂട്ടായ്മ 30 ലക്ഷം രൂപയുടെ വെട്ടിപ്പ് നടത്തിയെന്നുമുള്ളതാണ് കോൺഗ്രസ് മണ്ഡലം പ്രസിഡന്‍റിന്‍റെ ആരോപണം. പ്രവാസി കൂട്ടായ്മക്ക് നേരെ സാമൂഹ്യ മാധ്യമങ്ങളിലൂടെയുള്ള ഇത്തരം ആരോപണങ്ങൾ വാസ്തവ വിരുദ്ധമാണ്. ജനകീയ പങ്കാളിത്തം മാത്രമാണ് പ്രവാസി കൂട്ടായ്മക്കും ഉണ്ടായിട്ടുള്ളത്. കുഞ്ഞാലി സ്മാരക പ്രവാസി കൂട്ടായ്മക്ക് നേരെ അടിസ്ഥാനപരമായ ആരോപണങ്ങൾ ഉന്നയിച്ച കോൺഗ്രസ് മണ്ഡലം പ്രസിഡന്‍റിന്‍റെ പ്രസ്ഥാവന പിൻവലിച്ച് മാപ്പ് പറയാൻ തയാറാകണമെന്നും കൂട്ടായ്മ ഭാരവാഹികൾ ആവശ്യപ്പെട്ടു. കുഞ്ഞാലി സ്മാരക പ്രവാസി കൂട്ടായ്മ മേഖല രക്ഷാധികാരി എം. ഹാരിസ്, സി.ടി. സതീഷ് ഖാൻ, വൈസ് പ്രസിഡന്‍റ് വി.പി. അബ്ദുൾ ഷമീർ, സെക്രട്ടറി സി.എം. സുനിൽ, പ്രസിഡന്‍റ് ചന്ദ്രൻ മനയിൽ, ട്രഷറർ ടി.പി. യാസർ അറഫാത്ത് എന്നിവർ വാർത്താസമ്മേളനത്തിൽ പങ്കെടുത്തു.

ചാലിയാറിൽ ജനവാസ മേഖലയിൽ കാട്ടാനക്കൂട്ടമെത്തി

നിലമ്പൂർ: ചാലിയാർ പഞ്ചായത്തിലെ പെരുമ്പത്തൂർ കാനക്കുത്തിൽ അഞ്ച് കാട്ടുകൊമ്പൻമാർഎത്തി. ഇന്നലെ വൈകുന്നേരമാണ് കാട്ടാനക്കൂട്ടം കൃഷിയിടത്തിന് സമീപമുള്ള പാടത്ത് എത്തിയത്. കൃഷിയിടത്തിൽ നിൽക്കുകയായിരുന്ന മാമ്പള്ളി ഇബ്രാഹിം ഒച്ചവച്ചും പടക്കം പൊട്ടിച്ചുമാണ് സമീപത്തെ വനമേഖലയിലേക്ക് കാട്ടാനകളെ കയറ്റിവിട്ടത്. കാനക്കുത്ത്, ആലോടി മേഖലകളിൽ കാട്ടാന ശല്യം അതിരൂക്ഷമാണ്. ഏതാനും ദിവസങ്ങൾക്ക് മുമ്പാണ് നാലകത്ത് ഹൈദരലിയുടെ വീടിന്‍റെ മതിൽ കാട്ടാനകൾ തകർത്തത്. പെരുവമ്പാടം, ആനപ്പാറ, വേട്ടേക്കോട്, പണപൊയിൽ, മണ്ണുപ്പാടം, മൈലാടിപൊട്ടി, മൈലാടി ഭാഗങ്ങളിലെല്ലാം കാട്ടാനകളുടെ വിളയാട്ടമാണ്. രാത്രിയാകും മുന്പേ ജനവാസ മേഖലയിലേക്ക് കാട്ടനക്കൂട്ടം എത്തിയത് ജനങ്ങളുടെ ആശങ്ക വർധിപ്പിക്കുന്നത്.

ഫാർമക്കോ വിജിലൻസ് പരിശീലന പരിപാടിക്ക് തുടക്കം

പെരിന്തൽമണ്ണ: മരുന്നുകളുടെ സുരക്ഷിത ഉപയോഗം ഉറപ്പാക്കുന്നതിനും രോഗികളുടെ സുരക്ഷ വർധിപ്പിക്കുന്നതിനും ലക്ഷ്യമിട്ട് അൽഷിഫ കോളജ് ഓഫ് ഫാർമസിയിൽ ഫാർമക്കോ വിജിലൻസ്, മെറ്റീരിയോ വിജിലൻസ് എന്നിവയിൽ രണ്ട് ദിവസത്തെ പ്രായോഗിക പരിശീലന പരിപാടിക്ക് തുടക്കമായി. അൽഷിഫ മെഡികെയർ ട്രസ്റ്റ് മാനേജിംഗ് ട്രസ്റ്റി ഡോ. പി. ഉണ്ണീൻ പരിപാടി ഉദ്ഘാടനം ചെയ്തു. കേന്ദ്ര ആരോഗ്യ കുടുംബക്ഷേമ മന്ത്രാലയത്തിന്‍റെ കീഴിലുള്ള എഎംസി റീജണൽ ട്രെയിനിംഗ് സെന്‍ററുമായി സഹകരിച്ച് അൽഷിഫ കോളജ് ഓഫ് ഫാർമസിയിലെ ഫാർമസി പ്രാക്ടീസ് വിഭാഗമാണ് പരിപാടി സംഘടിപ്പിച്ചത്. അൽഷിഫ കോളേജ് ഓഫ് ഫാർമസി പ്രിൻസിപ്പൽ ഡോ. സി. ദിലീപ് അധ്യക്ഷത വഹിച്ചു. അൽഷിഫ സൂപ്പർ സ്പെഷാലിറ്റി ഹോസ്പിറ്റലിലെ ഗ്യാസ്ട്രോ എന്‍ററോളജി വിഭാഗം സീനിയർ കൺസൾട്ടന്‍റും എഡിആർ മോണിറ്ററിംഗ് സെന്‍റർ ഡെപ്യൂട്ടി കോഓർഡിനേറ്ററുമായ ഡോ. സജു സേവിയർ, അൽഷിഫ സൂപ്പർ സ്പെഷാലിറ്റി ഹോസ്പിറ്റലിലെ മാക്സിലോഫേഷ്യൽ സർജനും മെഡിക്കൽ സൂപ്രണ്ടുമായ ഡോ. മുഹമ്മദ് യാഹിയ, അൽഷിഫ കോളജ് ഓഫ് ഫാർമസിയിലെ ഫാർമസി പ്രാക്ടീസ് വിഭാഗം മേധാവി ഡോ. ലിനു മോഹൻ, ഫാർമക്കോ വിജിലൻസ് അസോസിയേറ്റ് ഷരീഫ എന്നിവർ സംസാരിച്ചു.

വന്യമൃഗ ആക്രമണം: ഫോർവേഡ് ബ്ലോക്ക് പ്രതിഷേധ സംഗമം നടത്തി

കരുവാരകുണ്ട്: മലയോര മേഖലയിൽ വർധിച്ചുവരുന്ന വന്യമൃഗ ആക്രമണങ്ങളിൽ പ്രതിഷേധിച്ച് ഓൾ ഇന്ത്യാ ഫോർവേഡ് ബ്ലോക്ക് വണ്ടൂർ നിയോജക മണ്ഡലം കമ്മറ്റി കിഴക്കേതല ബസ് സ്റ്റാൻഡ് പരിസരത്ത് പ്രതിഷേധ സംഗമം നടത്തി. വന്യമൃഗ ആക്രമണ വിഷയത്തിൽ സർക്കാർ അനാസ്ഥ അവസാനിപ്പിക്കുക, സൗരോർജവേലി സ്ഥാപിക്കുക, കൃഷിനാശം നേരിട്ട കർഷകർക്ക് അർഹമായ നഷ്ട പരിഹാരം നൽക്കുക തുടങ്ങിയ ആവശ്യങ്ങൾ ഉന്നയിച്ചാണ് പ്രതിഷേധ സംഗമം നടത്തിയത്. സംഗമം ഫോർവേഡ് ബ്ലോക്ക് സംസ്ഥാന ജന.സെക്രട്ടറി അഡ്വ. ടി. മനോജ് കുമാർ ഉദ്ഘാടനം ചെയ്തു. വന്യ മൃഗ ആക്രമണ വിഷയത്തിൽ സംസ്ഥാന സർക്കാരിന് ചെയ്യാൻ കഴിയുന്ന കാര്യങ്ങളുടെ ഒരംശം പോലും നിർവഹിക്കാതെ കേന്ദ്ര വനനിയമത്തിന്‍റെ കുറവുകൾ പറഞ്ഞ് സംസ്ഥാന സർക്കാർ ഉത്തരവാദിത്വങ്ങളിൽ നിന്ന് ഒളിച്ചോടുകയാണെന്ന് അദ്ദേഹം പറഞ്ഞു.നിയോജക മണ്ഡലം പ്രസിഡന്‍റ് പി. നാരായണൻ അധ്യക്ഷത വഹിച്ചു. ജില്ലാ കമ്മിറ്റി അംഗം ഷാക്കിർ തുവ്വൂർ, ജാഫർ നിലമ്പൂർ, പീറ്റർ, ഉസ്മാൻ, കൊരമ്പയിൽ റബീസ്, ഇർഷാദ്, ശിവൻ, നസീർ പെരിന്തൽമണ്ണ എന്നിവർ പ്രസംഗിച്ചു.

പോക്‌സോ കേസില്‍ യുവാവ് കുറ്റക്കാരനല്ലെന്ന് കോടതി

മഞ്ചേരി: പ്രായപൂര്‍ത്തിയാകാത്ത പെണ്‍കുട്ടിയെ ലൈംഗിക പീഡനത്തിന് വിധേയയാക്കിയെന്ന കേസില്‍ യുവാവ് കുറ്റക്കാരനല്ലെന്ന് കണ്ട് കോടതി വെറുതെവിട്ടു. വാഴക്കാട് സ്വദേശി ശിഹാബുദ്ദീ(38)നെയാണ് മഞ്ചേരി സ്‌പെഷല്‍ പോക്‌സോ കോടതി ജഡ്ജ് എ.എം. അഷ്‌റഫ് വെറുതെ വിട്ടത്. അയല്‍വാസിയായ യുവാവ് 2024 ഡിസംബര്‍ ഒന്നിന് 13കാരിയായ പെണ്‍കുട്ടിയെ വീട്ടിലേക്ക് വിളിച്ചു വരുത്തി ലൈംഗികമായി പീഡിപ്പിച്ചുവെന്നായിരുന്നു കേസ്. കേസില്‍ അറസ്റ്റിലായ യുവാവ് 14 ദിവസം റിമാൻഡിലായിരുന്നു. എന്നാല്‍ പരാതിക്കാരിയുടെ കുടുംബവും പ്രതിയും തമ്മില്‍ അതിര്‍ത്തി തര്‍ക്കമുണ്ടായിരുന്നു. ഇക്കാര്യം വാഴക്കാട് പോലീസ് കോടതിയില്‍ സമ്മതിക്കുകയും ചെയ്തിരുന്നു. മാത്രമല്ല പെണ്‍കുട്ടിയുടെ സ്വകാര്യ ഭാഗത്ത് കണ്ടെത്തിയ മുറിവുകള്‍ കുട്ടി പീഡിപ്പിക്കപ്പെട്ടു എന്ന് പറയപ്പെടുന്ന ദിവസത്തിന് ഏറെ മുമ്പുണ്ടായതാണെന്ന് കേസിലെ സാക്ഷിയായ മഞ്ചേരി മെഡിക്കല്‍ കോളജിലെ ഡോക്ടറും മൊഴി നല്‍കി. പ്രോസിക്യൂഷന്‍ 13 സാക്ഷികളെ കോടതിയില്‍ വിസ്തരിച്ചിരുന്നു. 15 രേഖകളും ഹാജാരാക്കിയിരുന്നു. എന്നാല്‍ അതിര്‍ത്തി തര്‍ക്കത്തിലെ വൈരാഗ്യത്തിന്‍റെ പേരില്‍ വ്യാജ കേസ് കെട്ടിച്ചമച്ചതാണെന്ന് പ്രതിക്ക് വേണ്ടി ഹാജരായ അഭിഭാഷകരായ സിയ മുര്‍ശിദ്, കെ.വി. യാസര്‍ എന്നിവര്‍ വാദിച്ചു. ഈ വാദം അംഗീകരിച്ച കോടതി പ്രതിയെ വെറുതെ വിടുകയായിരുന്നു.

മഞ്ചേരിയില്‍ ഇ-മാലിന്യ ശേഖരണ കാമ്പയിന് തുടക്കമായി

മഞ്ചേരി: നഗരസഭയില്‍ ഇ- മാലിന്യ ശേഖരണ കാമ്പയിന് തുടക്കമായി. എറാമ്പ്ര വാര്‍ഡില്‍ നിന്നും ഇലക്‌ട്രോണിക്‌സ് ഉപകരണങ്ങള്‍ വാങ്ങി ഹരിതകര്‍മസേനക്ക് കൈമാറി വൈസ് ചെയര്‍മാന്‍ വി.പി. ഫിറോസ് ഉദ്ഘാടനം നിർവഹിച്ചു. അജൈവ പാഴ്വസ്തു ശേഖരണം കലണ്ടര്‍ പ്രകാരം സംസ്ഥാനത്തെ തദ്ദേശ സ്വയംഭരണ സ്ഥാപനങ്ങളില്‍ നിന്നും ഹരിതകര്‍മസേന വര്‍ഷത്തില്‍ രണ്ട് തവണ ഇ- മാലിന്യം ശേഖരിക്കുന്നുണ്ട്. ഇത് വര്‍ധിപ്പിക്കുകയാണ് ലക്ഷ്യം. നിലവില്‍ വീടുകളില്‍ നിന്നും മാസത്തിലൊരിക്കല്‍ അജൈവ മാലിന്യവും ആക്രി ആപ് വഴി രജിസ്റ്റര്‍ ചെയ്യുന്ന മുറക്ക് സാനിറ്ററി മാലിന്യവും നഗരസഭ ശേഖരിക്കുന്നുണ്ട്. ഇതിന് പുറമെയാണ് ഇ- മാലിന്യങ്ങളും ശേഖരിക്കാന്‍ തുടങ്ങിയത്. ഹരിതകര്‍മസേന വീടുകളിലെത്തുമ്പോള്‍ ടിവി, ഫ്രിഡ്ജ്, വാഷിംഗ് മെഷീന്‍, മൊബൈല്‍ ഫോണ്‍, ഇസ്തിരിപ്പെട്ടി, കംപ്യൂട്ടര്‍, ലാപ്‌ടോപ്പ് എന്നീ അപകടകരമല്ലാത്ത ഗണത്തില്‍പ്പെട്ട 44 ഇനങ്ങളാണ് ശേഖരിക്കുന്നത്. ഇവയ്ക്ക് ഓരോ ഇനത്തിനും കിലോഗ്രാം കണക്കില്‍ സര്‍ക്കാര്‍ നിശ്ചയിച്ച വില നല്‍കും. ആരോഗ്യസ്ഥിരംസമിതി ചെയര്‍മാന്‍ റഹീം പുതുക്കൊള്ളി അധ്യക്ഷത വഹിച്ചു. സ്ഥിരംസമിതി അധ്യക്ഷരായ എന്‍.കെ. ഖൈറുന്നീസ, എന്‍എംഎല്‍സി, കൗണ്‍സിലര്‍മാരായ ഹുസൈന്‍ മേച്ചേരി, അഷ്‌റഫ് കാക്കേങ്ങല്‍, ഷൈമ ആക്കല, ക്ലീന്‍സിറ്റി മാനേജര്‍ ജെ. എ. നുജൂം, സീനിയര്‍ പബ്ലിക് ഹെല്‍ത്ത് ഇന്‍സ്‌പെക്ടര്‍ റഷീദുദ്ധീന്‍ മുല്ലപ്പള്ളി, നഗരസഭ പബ്ലിക് ഹെല്‍ത്ത് ഇന്‍സ്‌പെക്ടര്‍മാരായ റില്‍ജു മോഹന്‍, സി. നസ്‌റുദ്ധീന്‍, എന്‍. ഷിജി, എം.സി. ആതിര, ടി.കെ. വിസ്മയ, കെഎസ്ഡബ്ല്യുഎംപി എന്‍ജിനിയര്‍ സഹദ് മിര്‍സ, ശുചിത്വ മിഷന്‍ യംഗ് പ്രഫഷനല്‍ പി. എം. സ്‌നേഹ, എന്‍.കെ. അബ്ദുറഹ്മാന്‍, ഡിജെഎസ് പ്രതിനിധികളായ ജംഷി, ദിനേഷ്, സാജിദ്, ഹരിതകര്‍മ സേനാംഗങ്ങള്‍ എന്നിവര്‍ സംബന്ധിച്ചു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]