ക​ണ്ണൂ​ര്‍: ഓ​ണ​വി​പ​ണി​യി​ലെ മ​ണ്‍​പാ​ത്ര​ങ്ങ​ള്‍​ക്ക് വി​ല കു​റ​വാ​ണെ​ങ്കി​ലും ആ​വ​ശ്യ​ക്കാ​ര്‍ കു​റ​വെ​ന്ന് ക​ച്ച​വ​ട​ക്കാ​ര്‍. ഓ​ണ​ത്തി​ന് ദി​വ​സ​ങ്ങ​ള്‍​ക്ക് മു​മ്പ് ത​ന്നെ സ്റ്റേ​ഡി​യം കോ​ര്‍​ണ​റി​ലും പോ​ലീ​സ് മൈ​താ​നി​യി​ലും മ​ണ്‍​പാ​ത്ര​വി​പ​ണി സ​ജീ​വ​മാ​യി​ട്ടു​ണ്ട്. വ​ര്‍​ഷം​തോ​റും ഉ​ത്പാ​ദ​ന ചെ​ല​വ് വ​ര്‍​ധി​ക്കു​മ്പോ​ഴും വി​ല്‍​പ​ന കു​റ​യു​ന്ന​ത് ഈ ​മേ​ഖ​ല​യെ ത​ള​ര്‍​ത്തു​ന്നു​വെ​ന്ന് ക​ച്ച​വ​ട​ക്കാ​ര്‍ പ​റ​യു​ന്നു. നി​ല​വി​ല്‍ വ​ട​ക​ര​യി​ല്‍ നി​ന്നു​ള്ള ക​ച്ച​വ​ട​ക്കാ​രാ​ണ് കൂ​ടു​ത​ലും ജി​ല്ല​യി​ല്‍ ക​ച്ച​വ​ട​ത്തി​നെ​ത്തു​ന്ന​ത്.

അ​റു​പ​ത് രൂ​പ​യ്ക്ക് തു​ട​ങ്ങി 500 രൂ​പ വ​രെ ന​ല്‍​കേ​ണ്ട വ്യ​ത്യ​സ്ത വ​ലി​പ്പ​മു​ള്ള ക​റി​ച്ച​ട്ടി​ക​ള്‍ ഇ​വി​ടെ ല​ഭ്യ​മാ​ണ്. 250 മു​ത​ല്‍ 300 രൂ​പ​വ​രേ വി​ല​യു​ള്ള കൂ​ജ​ക​ളു​മു​ണ്ട്. ക​ല​ത്തി​ന് 250 രൂ​പ മു​ത​ലാ​ണ് വി​ല. ക​റി വെ​ക്കു​ന്ന ചെ​റി​യ ച​ട്ടി​ക​ള്‍​ക്കാ​ണ് ആ​വ​ശ്യ​ക്കാ​രേ​റെ​യെ​ന്ന് ക​ച്ച​വ​ട​ക്കാ​ര്‍ പ​റ​യു​ന്നു.
70 രൂ​പ മു​ത​ലാ​ണ് ഇ​തി​ന്‍റെ വി​ല. തു​ള​സി​ച്ച​ട്ടി 500, ബു​ദ്ധ ശി​ല്‍​പ്പം 250 എ​ന്നി​വ​യും ആ​ക​ര്‍​ഷ​ക​മാ​ണ്. ചീ​ന​ച്ച​ട്ടി, പ്ര​തി​മ​ക​ള്‍, അ​ട​പ്പോ​ടു​കൂ​ടി​യ മ​ണ്‍​ച്ച​ട്ടി​ക​ള്‍, വ​ലി​യ ഭ​ര​ണി എ​ന്നി​വ​യും മ​ണ്‍​പാ​ത്ര​വി​പ​ണി​യി​ല്‍ ല​ഭ്യ​മാ​ണ്. മു​പ്പ​തു രൂ​പ​യ്ക്കു​ള്ള ചെ​റി​യ കു​ടു​ക്ക​ക​ളും വി​റ​ക് അ​ടു​പ്പും ഭ​ര​ണി​യു​മെ​ല്ലാം ആ​വ​ശ്യ​ക്കാ​ര്‍​ക്കാ​യി ഇ​വി​ടെ എ​ത്തി​ച്ചി​ട്ടു​ണ്ട്. ഇ​ത് കൂ​ടാ​തെ അ​ഞ്ച് രൂ​പ മു​ത​ലു​ള​ള ചി​രാ​തു​ക​ളും ഇ​വി​ടെ​യു​ണ്ട്. ശ്രീ​കൃ​ഷ്ണ വി​ഗ്ര​ഹ​ങ്ങ​ളും ഇ​വി​ടെ​യു​ണ്ട്.