കാ​ഞ്ഞ​ങ്ങാ​ട്: ദേ​ശീ​യ​പാ​ത​യോ​ര​ത്തെ സ്ലാ​ബി​ൽ ത​ട്ടി​വീ​ണ കാ​ൽ​ന​ട​യാ​ത്ര​ക്കാ​ര​ന്‍റെ ദേ​ഹ​ത്ത് ഇ​രു​മ്പു​ക​മ്പി തു​ള​ച്ചു​ക​യ​റി. മൂ​ല​ക്ക​ണ്ടം ഉ​ന്ന​തി​യി​ലെ ഗം​ഗാ​ധ​ര​നാ(48)​ണ് ഗു​രു​ത​ര​മാ​യി പ​രി​ക്കേ​റ്റ​ത്. കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ച ഇ​ദ്ദേ​ഹ​ത്തെ അ​ടി​യ​ന്ത​ര ശ​സ്ത്ര​ക്രി​യ​യ്ക്ക് വി​ധേ​യ​നാ​ക്കി. ഇ​നി ഒ​രു ശ​സ്ത്ര​ക്രി​യ കൂ​ടി വേ​ണ്ടി​വ​രും.

ക​ഴി​ഞ്ഞ 12 ന് ​രാ​ത്രി​യാ​ണ് ഗം​ഗാ​ധ​ര​ൻ അ​പ​ക​ട​ത്തി​ൽ​പ്പെ​ട്ട​ത്. ജി​ല്ലാ ആ​ശു​പ​ത്രി​യി​ൽ ചി​കി​ത്സ​യി​ൽ ക​ഴി​യു​ന്ന അ​മ്മ സ​ഞ്ജീ​വി​ക്കൊ​പ്പം നി​ൽ​ക്കു​ക​യാ​യി​രു​ന്ന ഗം​ഗാ​ധ​ര​ൻ രാ​ത്രി ഭാ​ര്യ പ്രേ​മ​യ്ക്കൊ​പ്പം വീ​ട്ടി​ലേ​ക്ക് തി​രി​ച്ചു​പോ​കു​ക​യാ​യി​രു​ന്നു. മൂ​ല​ക്ക​ണ്ട​ത്ത് ഓ​ട്ടോ​യി​റ​ങ്ങി ദേ​ശീ​യ​പാ​ത​യു​ടെ സ​ർ​വീ​സ് റോ​ഡി​ന്‍റെ ഓ​ര​ത്തു​കൂ​ടി വീ​ട്ടി​ലേ​ക്ക് ന​ട​ന്നു​പോ​കു​ന്ന​തി​നി​ട​യി​ലാ​ണ് ത​ട്ടി​വീ​ണ​ത്. ഉ​ട​ൻ ജി​ല്ലാ ആ​ശു​പ​ത്രി​യി​ലെ​ത്തി​ച്ചെ​ങ്കി​ലും പ​രി​ക്ക് ഗു​രു​ത​ര​മാ​യ​തി​നാ​ൽ പ​രി​യാ​ര​ത്തെ ക​ണ്ണൂ​ർ ഗ​വ. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലേ​ക്കും പി​ന്നീ​ട് ശ​സ്ത്ര​ക്രി​യ​യ്ക്കാ​യി കോ​ഴി​ക്കോ​ട്ടേ​ക്കും മാ​റ്റി.

വാ​രി​യെ​ല്ലു​ക​ൾ​ക്കി​ട​യി​ലാ​ണ് ഇ​രു​മ്പു​ക​മ്പി തു​ള​ച്ചു​ക​യ​റി​യ​ത്. ആ​ഴ​ത്തി​ൽ ക​യ​റാ​തി​രു​ന്ന​തും വീ​ഴ്ച​യി​ൽ ക​മ്പി ഊ​രി​പ്പോ​യ​തും കാ​ര​ണം ജീ​വ​ൻ ര​ക്ഷ​പ്പെ​ട്ടു. വാ​രി​യെ​ല്ലു​ക​ൾ​ക്ക് പൊ​ട്ട​ലു​ണ്ട്. ദേ​ശീ​യ​പാ​ത​യോ​ര​ത്ത് കോ​ൺ​ക്രീ​റ്റ് ചെ​യ്ത ഭാ​ഗ​ങ്ങ​ളി​ൽ ത​ള്ളി​നി​ൽ​ക്കു​ന്ന ഇ​രു​മ്പു​ക​മ്പി​ക​ൾ യ​ഥാ​സ​മ​യം മു​റി​ച്ചു​മാ​റ്റാ​ത്ത​ത് അ​പ​ക​ട​ഭീ​ഷ​ണി​യാ​യി മാ​റു​ന്ന​താ​യി നേ​ര​ത്തേ "ദീ​പി​ക' ഉ​ൾ​പ്പെ​ടെ​യു​ള്ള മാ​ധ്യ​മ​ങ്ങ​ൾ റി​പ്പോ​ർ​ട്ട് ചെ​യ്തി​രു​ന്നു.

ഓ​വു​ചാ​ലി​ന്‍റെ മു​ക​ളി​ൽ സ്ലാ​ബ് കോ​ൺ​ക്രീ​റ്റ് ചെ​യ്യു​ന്ന​തി​നാ​യി ബാ​ക്കി​വ​ച്ച ക​മ്പി​ക​ളാ​ണ് ഗം​ഗാ​ധ​ര​ന് അ​പ​ക​ടം വ​രു​ത്തി​വ​ച്ച​ത്. ഇ​വി​ടെ കാ​ടു​മൂ​ടി കി​ട​ക്കു​ന്ന​തി​നാ​ൽ ക​മ്പി​ക​ൾ ത​ള്ളി​നി​ൽ​ക്കു​ന്ന കാ​ര്യം പ​ക​ൽ​സ​മ​യ​ത്തു​പോ​ലും പെ​ട്ടെ​ന്ന് കാ​ണാ​നാ​കാ​ത്ത നി​ല​യാ​ണ്.

കൂ​ലി​വേ​ല ചെ​യ്യു​ന്ന ഗം​ഗാ​ധ​ര​ന്‍റെ​യും ഭാ​ര്യ പ്രേ​മ​യു​ടെ​യും വ​രു​മാ​നം കൊ​ണ്ടാ​ണ് പ്രാ​യ​മാ​യ അ​മ്മ​യും വി​ദ്യാ​ർ​ഥി​ക​ളാ​യ മ​ക്ക​ൾ ഗ്രീ​ഷ്മ​യും വി​ഘ്നേ​ഷു​മ​ട​ങ്ങു​ന്ന കു​ടും​ബം ക​ഴി​ഞ്ഞി​രു​ന്ന​ത്. ഇ​പ്പോ​ൾ അ​മ്മ​യ്ക്കു പി​ന്നാ​ലെ ഗം​ഗാ​ധ​ര​നും ചി​കി​ത്സ​യി​ലാ​യ​തോ​ടെ ചി​കി​ത്സാ​ച്ചെ​ല​വി​നു പോ​ലും ഗ​തി​യി​ല്ലാ​തെ വ​ഴി​മു​ട്ടി​യ അ​വ​സ്ഥ​യി​ലാ​ണ് കു​ടും​ബം. ക​രാ​ർ ക​മ്പ​നി​യു​ടെ അ​നാ​സ്ഥ മൂ​ല​മു​ണ്ടാ​യ അ​പ​ക​ട​ത്തി​ൽ അ​വ​രി​ൽ നി​ന്നു​ത​ന്നെ ന​ഷ്ട​പ​രി​ഹാ​രം നേ​ടി​ത്ത​രാ​ൻ ബ​ന്ധ​പ്പെ​ട്ട​വ​രു​ടെ ഇ​ട​പെ​ട​ലു​ണ്ടാ​ക​ണ​മെ​ന്നാ​ണ് ഇ​വ​രു​ടെ ആ​വ​ശ്യം.