വാ​ഷിം​ഗ്ട​ൺ ഡി​സി: ഗാ​സ സ​മാ​ധാ​ന പ​ദ്ധ​തി അം​ഗീ​ക​രി​ക്കാ​ൻ ഹ​മാ​സി​ന് അ​ന്ത്യ​ശാ​സ​നം ന​ൽകി യു​എ​സ് പ്ര​സി​ഡ​ന്‍റ് ഡോ​ണ​ൾ​ഡ് ട്രം​പ്.

വാ​ഷിം​ഗ്ട​ൺ സ​മ​യം ഞാ​യ​റാ​ഴ്ച വൈ​കുന്നേരം ആ​റിനുള്ളി​ൽ (ഇ​ന്ത്യ​ൻ സ​മ​യം തി​ങ്ക​ളാ​ഴ്ച പു​ല​ർ​ച്ചെ 3.30) അം​ഗീ​ക​രി​ച്ചി​ല്ലെ​ങ്കി​ൽ ഹ​മാ​സ് ന​ര​കം നേ​രി​ടേ​ണ്ടി​വ​രു​മെ​ന്ന് ട്രം​പ് ഇ​ന്ന​ലെ സോ​ഷ്യ​ൽ മീ​ഡി​യ​യി​ൽ കു​റി​ച്ചു.

ഗാ​സ​യി​ലെ യു​ദ്ധം ഉ​ട​ൻ അ​വ​സാ​നി​പ്പി​ക്കാ​നും ഹ​മാ​സി​ന്‍റെ ക​സ്റ്റ​ഡി​യി​ൽ ജീ​വ​നോ​ടെ​യു​ള്ള ഇ​രു​പ​തോ​ളം ഇ​സ്രേ​ലി ബ​ന്ദി​ക​ളെ തു​ട​ർ​ന്നു​ള്ള 72 മ​ണി​ക്കൂ​റി​നു​ള്ളി​ൽ മോ​ചി​പ്പി​ക്കാ​നും വ്യ​വ​സ്ഥ ചെ​യ്യു​ന്ന പ​ദ്ധ​തി​യാ​ണ് ട്രം​പ് ഇ​സ്രേ​ലി പ്ര​ധാ​ന​മ​ന്ത്രി ബെ​ഞ്ച​മി​ൻ നെ​ത​ന്യാ​ഹു​വി​ന്‍റെ സാ​ന്നി​ധ്യ​ത്തി​ൽ നേ​ര​ത്തേ പ്ര​ഖ്യാ​പി​ച്ച​ത്. പ​ദ്ധ​തി അം​ഗീ​ക​രി​ക്കു​ന്ന​താ​യി നെ​ത​ന്യാ​ഹു അ​റി​യി​ച്ചി​രു​ന്നു.


അ​തേ​സ​മ​യം, ഹ​മാ​സ് വ്യ​ക്ത​മാ​യ മ​റു​പ​ടി ന​ൽകാ​ൻ ത​യാ​റാ​യി​ട്ടി​ല്ല. ഹ​മാ​സി​ന്‍റെ ഖ​ത്ത​റി​ലു​ള്ള നേ​താ​ക്ക​ളി​ൽ ചി​ല​ർ പ​ദ്ധ​തി അം​ഗീ​ക​രി​ക്കാ​ൻ ത​യാ​റാ​ണ്. എ​ന്നാ​ൽ ഹ​മാ​സി​ന്‍റെ ഗാ​സ​യി​ലെ സൈ​നി​ക നേ​തൃ​ത്വം പ​ദ്ധ​തി​യോ​ട് എ​തി​ർ​പ്പ് പ്ര​ക​ടി​പ്പി​ക്കു​ന്ന​താ​യാ​ണ് റി​പ്പോ​ർ​ട്ട്. പ​ദ്ധ​തി അം​ഗീ​ക​രി​ക്കാ​നാ​യി അ​റ​ബ്, തു​ർ​ക്കി നേ​താ​ക്ക​ൾ ഹ​മാ​സി​നു​മേ​ൽ ശ​ക്ത​മാ​യ സ​മ്മ​ർ​ദം ചെ​ലു​ത്തു​ന്നു​ണ്ട്.

“ഇ​ത് അ​വ​സാ​ന അ​വ​സ​ര​മാ​ണ്” എ​ന്നാ​ണ് ട്രം​പ് ഇ​ന്ന​ലെ മു​ന്ന​റി​യി​പ്പു ന​ൽകി​യ​ത്. ആ​രും കാ​ണാ​ത്ത​വി​ധ​മു​ള്ള ന​ര​ക​മാ​യി​രി​ക്കും ഹ​മാ​സി​നു മേ​ൽ പ​തി​ക്കു​ക​യെ​ന്നും അ​ദ്ദേ​ഹം സോ​ഷ്യ​ൽ മീ​ഡി​യ​യി​ൽ അ​റി​യി​ച്ചു.