ഇ​സ്​ലാ​മാ​ബാ​ദ്: പാ​ക് അ​ധി​നി​വേ​ശ കാ​ഷ്മീ​രി​ൽ (പി​ഒ​കെ) ക്ര​മ​സ​മാ​ധാ​ന​നി​ല വ​ഷ​ളാ​കു​ന്ന​തി​ൽ ആ​ശ​ങ്ക​ പ്ര​ക​ടി​പ്പി​ച്ച് പാ​ക്കി​സ്ഥാ​ൻ പ്ര​ധാ​ന​മ​ന്ത്രി ഷ​ഹ​ബാ​സ് ഷ​രീ​ഫ്. പ്ര​തി​ഷേ​ധ​ത്തി​ന് പ​രി​ഹാ​രം കാ​ണാ​ന്‍ രൂ​പം കൊ​ടു​ത്ത മ​ധ്യ​സ്ഥ സ​മി​തി വി​പു​ലീ​ക​രി​ച്ച​താ​യി ഷെ​ഹ​ബാ​സ് ഷ​രീ​ഫ് അ​റി​യി​ച്ചു.

ജ​മ്മു കാ​ഷ്മീ​ർ ജോ​യി​ന്‍റ് അ​വാ​മി ആ​ക്‌ഷൻ ക​മ്മി​റ്റി (ജെ​കെ​ജെ​എ​എ​സി) മൂ​ന്നു ദി​വ​സ​ത്തെ പ​ണി​മു​ട​ക്കി​ന് ആ​ഹ്വാ​നം ചെ​യ്ത​തി​നു പി​ന്നാ​ലെ​യാ​ണു പ്ര​ധാ​ന​മ​ന്ത്രി​യു​ടെ നീ​ക്കം.

ജെ​കെ​ജെ​എ​എ​സി​യും പാ​ക് അ​ധി​നി​വേ​ശ കാ​ഷ്മീ​ർ പ്ര​തി​നി​ധി​ക​ളും സ​ർ​ക്കാ​രു​മാ​യി ന​ട​ന്ന ച​ർ​ച്ച പ​രാ​ജ​യ​പ്പെ​ട്ട​തി​നു പി​ന്നാ​ലെ​യാ​ണു സ​മ​രം പ്ര​ഖ്യാ​പി​ച്ച​ത്. ദി​വ​സ​ങ്ങ​ളാ​യി പാ​ക് അ​ധീ​ന കാഷ്മീരിൽ ​പാ​ക് സ​ര്‍​ക്കാ​രി​നെ​തി​രേ ക​ടു​ത്ത പ്ര​തി​ഷേ​ധ​മാ​ണ് ന​ട​ക്കു​ന്ന​ത്. സം​ഘ​ർ​ഷ​ത്തി​ൽ മൂ​ന്ന് പോ​ലീ​സ് ഉ​ദ്യോ​ഗ​സ്ഥ​ർ ഉൾപ്പെടെ 12 പേർ കൊ​ല്ല​പ്പെ​ട്ടു.

172 പോ​ലീ​സ് ഉ​ദ്യോ​ഗ​സ്ഥ​ർ​ക്ക് പ​രി​ക്കേ​റ്റു. ഇ​തി​ൽ 12 പേ​രു​ടെ നി​ല ഗു​രു​ത​ര​മാ​ണ്. പ്ര​തി​ഷേ​ധ​ത്തി​നി​ടെ​യു​ണ്ടാ​യ ദൗ​ർ​ഭാ​ഗ്യ​ക​ര​മാ​യ സം​ഭ​വ​ങ്ങ​ളി​ൽ ആ​ശ​ങ്ക പ്ര​ക​ടി​പ്പി​ച്ച പ്ര​ധാ​ന​മ​ന്ത്രി, അ​ന്വേ​ഷ​ണ​ത്തി​ന് ഉ​ത്ത​ര​വി​ട്ട​താ​യും പ്ര​സ്താ​വ​ന​യി​ൽ അ​റി​യി​ച്ചു. പാ​ക്കി​സ്ഥാ​നി​ല്‍ ജീ​വി​ക്കു​ന്ന കാഷ്മീ​രി അ​ഭ​യാ​ര്‍​ഥി​ക​ള്‍​ക്കു​ള്ള 12 സീ​റ്റു​ക​ളു​ടെ സം​വ​ര​ണം അ​വ​സാ​നി​പ്പി​ക്ക​ണം എ​ന്ന​തു​ള്‍​പ്പെ​ടെ 38 ആ​വ​ശ്യ​ങ്ങ​ളാ​ണ് പ്ര​തി​ഷേ​ധ​ക്കാ​ര്‍ മു​ന്നോ​ട്ടു​വയ്ക്കു​ന്ന​ത്.

സെ​ന​റ്റ​ർ റാ​ണ സ​നാ​വു​ള്ള, ഫെ​ഡ​റ​ല്‍ മ​ന്ത്രി​മാ​രാ​യ സ​ർ​ദാ​ർ യൂ​സ​ഫ്, അ​ഹ്സാ​ൻ ഇ​ഖ്ബാ​ൽ, പി​ഒ​കെ മു​ൻ പ്ര​സി​ഡ​ന്‍റ് മ​സൂ​ദ് ഖാ​ൻ, മു​ൻ മ​ന്ത്രി ഖ​മ​ർ സ​മാ​ൻ കൈ​റ എ​ന്നി​വ​രെ​യാ​ണു സ​മി​തി​യി​ൽ പു​തു​താ​യി ഉ​ൾ​പ്പെ​ടു​ത്തി​യ​ത്.
പി​ഒ​കെ പ്ര​ധാ​ന​മ​ന്ത്രി ചൗ​ധ​രി അ​ൻ​വാ​റു​ൽ ഹ​ഖ്, ഫെ​ഡ​റ​ല്‍ മ​ന്ത്രി താ​രി​ഖ് ഫ​സ​ൽ ചൗ​ധ​രി എ​ന്നി​വ​രു​ടെ നേ​തൃ​ത്വ​ത്തി​ലു​ള്ള ക​മ്മി​റ്റി ഇ​തി​ന​കം പ്ര​തി​ഷേ​ധ​ക്കാ​രു​മാ​യി ച​ർ​ച്ച ന​ട​ത്തി​വ​രി​ക​യാ​ണ്.