കോ​ഴി​ക്കോ​ട്: അ​തി​ജീ​വ​ന​ത്തി​നാ​യി കേ​ര​ള സ്‌​ക്രാ​പ്പ് മ​ര്‍​ച്ച​ന്‍റ്സ് അ​സോ​സി​യേ​ഷ​ന്‍ (കെ​എ​സ്എം​എ) ജി​ല്ലാ ക​മ്മ​റ്റി​യു​ടെ ആ​ഭി​മു​ഖ്യ​ത്തി​ല്‍ പാ​ഴ്വ​സ്തു വ്യാ​പാ​രി​ക​ള്‍ സ​മ​ര​മു​ഖ​ത്തേ​ക്ക്. ഒ​ക്ടോ​ബ​ര്‍ മൂ​ന്നി​ന് ക​ള​ക്ട​റേ​റ്റി​ലേ​ക്ക് തൊ​ഴി​ല്‍ സം​ര​ക്ഷ​ണ റാ​ലി ന​ട​ത്തു​മെ​ന്ന് ഭാ​ര​വാ​ഹി​ക​ള്‍ വാ​ര്‍​ത്താ​സ​മ്മേ​ള​ന​ത്തി​ല്‍ അ​റി​യി​ച്ചു.

രാ​വി​ലെ 10ന് ​ന​ട​ക്കു​ന്ന റാ​ലി കെ.​എ​സ്എം​എ സം​സ്ഥാ​ന സെ​ക്ര​ട്ട​റി കെ.​പി. അ​ഹ​മ്മ​ദ് ഷെ​രീ​ഫ് ഉ​ദ്ഘാ​ട​നം ചെ​യ്യും. തു​ട​ര്‍​ന്ന് ക​ള​ക്ട​ര്‍​ക്ക് അ​വ​കാ​ശ പ​ത്രി​ക സ​മ​ര്‍​പ്പി​ക്കും.

ആ​ക്രി​ക​ള്‍ ന​ട​ന്നു ശേ​ഖ​രി​ക്കു​ന്ന​വ​ര്‍, ക​ച്ച​വ​ട​ക്കാ​ര്‍, തൊ​ഴി​ലാ​ളി​ക​ള്‍, റീ​സൈ​ക്ലിം​ഗ് മേ​ഖ​ല​യി​ല്‍ പ്ര​വ​ര്‍​ത്തി​ക്കു​ന്ന​വ​ര്‍ തു​ട​ങ്ങി സം​സ്ഥാ​ന​ത്ത് മൂ​ന്ന് ല​ക്ഷ​ത്തോ​ളം പേ​ര്‍ ഈ ​മേ​ഖ​ല​യെ ആ​ശ്ര​യി​ച്ചു ജീ​വി​ക്കു​ന്ന​വ​രാ​ണ്. പാ​ഴ്‌വസ്തു വ്യാ​പാ​ര മേ​ഖ​ല​യെ ത​ക​ര്‍​ക്കു​ന്ന നി​ല​പാ​ടാ​ണ് ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ള്‍ കൈ​ക്കൊ​ള്ളു​ന്ന​തെ​ന്ന് കെ​എ​സ്എം​എ ജി​ല്ലാ പ്ര​സി​ഡ​ന്‍റ് പി.​പി. മെ​ഹ​ബൂ​ബ് പ​റ​ഞ്ഞു. ഇ​ത്ത​രം ദ്രോ​ഹ ന​ട​പ​ടി​ക​ള്‍​ക്കെ​തി​രെ സം​സ്ഥാ​ന വ്യാ​പ​ക​മാ​യി സ്‌​ക്രാ​പ്പ് വ്യാ​പാ​രി​ക​ള്‍ സ​മ​ര​മു​ഖ​ത്താ​ണ്. എ​ല്ലാ ജി​ല്ലാ ആ​സ്ഥാ​ന​ങ്ങ​ളി​ലും പ്ര​തി​ഷേ​ധ സ​മ​ര​ങ്ങ​ള്‍ ന​ട​ന്നു വ​രി​ക​യാ​ണ്. ഒ​ക്ടോ​ബ​ര്‍ എ​ട്ടി​ന് സം​സ്ഥാ​ന​ത്തെ മൊ​ത്തം പാ​ഴ്‌​വ​സ്തു വ്യാ​പാ​രി​ക​ളും ചേ​ര്‍​ന്ന് നി​യ​മ​സ​ഭാ മാ​ര്‍​ച്ച് ന​ട​ത്തും.

വാ​ര്‍​ത്താ​സ​മ്മേ​ള​ന​ത്തി​ല്‍ കെ​എ​സ്എം​എ ജി​ല്ലാ സെ​ക്ര​ട്ട​റി കെ. ​മു​ജ്മീ​ര്‍, ട്ര​ഷ​റ​ര്‍ എ​സ്.​വി. റ​ഫീ​ഖ്, സം​സ്ഥാ​ന കൗ​ണ്‍​സി​ല്‍ അം​ഗം സി.​മൊ​യ്തീ​ന്‍ കോ​യ, കെ.​അ​ര്‍​ഫാ​ത്ത് എ​ന്നി​വ​രും പ​ങ്കെ​ടു​ത്തു.