അ​മ്പ​ല​പ്പു​ഴ: പു​റ​ക്കാ​ട് ഇ​ല്ലി​ച്ചി​റ നി​വാ​സി​ക​ള്‍ എ​യിം​സി​നുവേ​ണ്ടി കാ​ത്തി​രി​ക്കു​ന്നു. ക​ഴി​ഞ്ഞ മൂ​ന്നു പ​തി​റ്റാ​ണ്ടാ​യി വി​വി​ധ പ​ദ്ധ​തി​ക​ള്‍​ക്ക് സാ​ക്ഷ്യം വ​ഹി​ച്ച​ മ​ണ​ക്ക​ല്‍​ പാ​ട​ശേ​ഖ​രം​ വി​ഷ​പാ​മ്പു​ക​ളു​ടെ​യും നീ​ര്‍​നാ​യ്ക്ക​ളു​ടെ​യും വി​ഹാ​രകേ​ന്ദ്ര​മാ​യി മാ​റി​യി​രി​ക്കു​ക​യാ​ണ്. ഇ​വി​ടെ എ​യിം​സ് വ​ര​ണ​മെ​ന്നും ത​ദ്ദേ​ശ​വാ​സി​ക​ള്‍ ആ​ഗ്ര​ഹി​ക്കു​ന്നു. എ​യിം​സ് പു​റ​ക്കാ​ട് വ​ന്നാ​ല്‍ വെ​ള്ള​ത്താ​ല്‍ ചു​റ്റ​പ്പെ​ട്ടു ദു​രി​തം അ​നു​ഭ​വി​ക്കു​ന്ന കു​ട്ട​നാ​ട്ടു​കാ​ര്‍​ക്കും ഏ​റെ​പ്ര​യോ​ജ​നം ചെ​യ്യും.

സ്മൃ​തി​വ​ന​ം
പ​ദ്ധ​തി പാളി

നൂ​റുമേ​നി വി​ള​വ് കൊ​യ്തി​രു​ന്ന പു​റ​ക്കാ​ട്ടെ 636 ഏ​ക്ക​ര്‍ വ​രു​ന്ന മ​ണ​ക്ക​ല്‍ പാ​ട​ശേ​ഖ​രം ഗാ​ന്ധി​സ്മൃ​തി​വ​ന പ​ദ്ധ​തി​ക്കാ​യാ​ണ് ക​രു​ണാ​ക​ര​ന്‍ സ​ര്‍​ക്കാ​ര്‍ ഏ​റ്റെ​ടു​ത്ത​ത്. വ​ന​മി​ല്ലാ​ത്ത ആ​ല​പ്പു​ഴ​യ്ക്ക് ഒ​രു നി​ര്‍​മിത വ​നം ല​ക്ഷ്യ​മി​ട്ടാ​ണ് പു​റ​ക്കാ​ട് പ​ഞ്ചാ​യ​ത്തി​ല്‍ 1994ല്‍ ​ഗാ​ന്ധി​സ്മൃ​തി​വ​നം പ​ദ്ധ​തി​ക്കു തു​ട​ക്ക​മി​ടു​ന്ന​ത്. കെ. ​ക​രു​ണാ​ക​ര​ന്‍ സ​ര്‍​ക്കാ​രാ​ണ് ഇ​തി​നാ​യി സ്ഥ​ലം ഏ​റ്റെ​ടു​ത്ത​ത്.

കൊ​ട്ടി​ഘോ​ഷി​ച്ചു കൊ​ണ്ടുവ​ന്ന​ സ്മൃ​തി​വ​ന​ം പ​ദ്ധ​തി ക​ട​ലാ​സി​ലൊ​തു​ങ്ങി.​ തു​ട​ര്‍​ന്ന് വ​ന്ന സ​ര്‍​ക്കാ​ര്‍​ സ്മൃ​തി​വ​നം പ​ദ്ധ​തി​യോ​ട് താത്പ​ര്യമില്ലാ​തെ വ​ന്ന​തോ​ടെ പ​ദ്ധ​തി പ്ര​ദേ​ശം കാ​ടു​ക​യ​റി വി​ഷ​ജ​ന്തു​ക്ക​ളു​ടെ താ​വ​ള​മാ​യി. പാ​മ്പു​ക​ളു​ടെ ക​ടി​യേ​റ്റ് നി​ര​വ​ധി പേ​രാ​ണ് മ​രി​ച്ചി​ട്ടു​ള്ളത്. കൂ​ടാ​തെ പ്ര​ദേ​ശ​ത്തെ വ​ള​ര്‍​ത്ത് മൃ​ഗ​ങ്ങ​ളും താ​റാ​വ്, കോ​ഴി തു​ട​ങ്ങി​യ​വ​യും വി​ഷ​ജ​ന്തു​ക്ക​ളു​ടെ അ​ക്ര​മ​ത്തി​ന് ഇ​ര​യാ​യി.

ഐ​ടി പാ​ര്‍​ക്ക് എവിടെ?

ഇ​തി​നി​ടെ പ​ദ്ധ​തി പ്ര​ദേ​ശം കൃ​ഷി​യോ​ഗ്യ​മാ​ക്ക​ണ​മെ​ന്ന ആ​വ​ശ്യ​വു​മാ​യി വി​വി​ധ രാ​ഷ്ട്രീ​യ പാ​ര്‍​ട്ടി​ക​ള്‍ രം​ഗ​ത്തുവ​ന്നെ​ങ്കി​ലും പ്ര​തി​ഷേ​ധ​ത്തി​ല്‍ ഒ​തു​ങ്ങി.​ വി​എ​സ് സ​ര്‍​ക്കാ​രി​ന്‍റെ കാ​ല​ത്ത് ഇ​വി​ടെ ഐ​ടി പാ​ര്‍​ക്ക് ആ​രം​ഭി​ക്കാ​ന്‍ തീ​രു​മാ​ന​മെ​ടു​ത്തു. കോ​ടി​ക​ള്‍ ചെ​ല​വ​ഴി​ച്ച് 100 ഏ​ക്ക​ര്‍ ഭൂ​മി ഇ​തി​നാ​യി നി​ക​ത്തു​ക​യും ചെ​യ്തു. ല​ക്ഷ​ങ്ങ​ള്‍ ചെ​ല​വ​ഴി​ച്ച് ഉ​ദ്ഘാ​ട​ന മാ​മാ​ങ്ക​വും ന​ട​ത്തി.​പി​ന്നീ​ട് പ​ദ്ധ​തി​ക്ക് കേ​ന്ദ്ര പ​രി​സ്ഥി​തി വ​കു​പ്പ് അ​നു​മ​തി നി​ഷേ​ധി​ച്ച​തോ​ടെ ഈ ​പ്ര​ഖ്യാ​പ​ന​വും പാ​ഴാ​യി.

ഇക്കോ ടൂറിസം ഉറക്കത്തിൽ

പി​ന്നീ​ട് വ​ന്ന യുഡിഎ​ഫ് സ​ര്‍​ക്കാ​ര്‍ വ​നം വ​കു​പ്പി​ന്‍റെ നേതൃത്വ​ത്തി​ല്‍ ഇക്കോ​ടൂ​റി​സ​ത്തി​നു​ള്ള ന​ട​പ​ടി ആ​രം​ഭി​ച്ചി​രു​ന്നു. ഇ​തി​നാ​യി ഐ ടി പാ​ര്‍​ക്ക് പ​ദ്ധ​തി​യി​ല്‍ വ​ക​യി​രു​ത്തി​യി​രു​ന്ന ര​ണ്ടു കോ​ടി രൂ​പ​യി​ല്‍ ഒ​രു കോ​ടി രൂ​പ വ​നം വി​ക​സ​ന കോ​ര്‍​പറേ​ഷ​ന്‍റെ ഇക്കോ ടൂ​റി​സം വ​കു​പ്പി​ന് കൈ​മാ​റി. ഐ​ടി പാ​ര്‍​ക്ക​ിനാ​യെ​ടു​ത്ത​തു​ള്‍​പ്പെ​ടെ​യു​ള​ള 160 ഏ​ക്ക​ര്‍ സ്ഥ​ല​ത്താ​ണ് പ​ദ്ധ​തി​യു​ടെ പ്രാ​രം​ഭ ന​ട​പ​ടി​ക​ള്‍ ന​ട​ക്കേ​ണ്ടി​യി​രു​ന്നു​ത്. ഇ​തി​നാ​യി പു​റം​ബ​ണ്ട് നി​ര്‍​മാ​ണ​ത്തി​നാ​യി ക​രാ​ര്‍ ന​ല്‍​കു​ക​യും ചെ​യ്തു.​

പു​റം​ബ​ണ്ടു​ക​ള്‍ നി​ര്‍​മി​ച്ച് താ​ഴ്ച പ്ര​ദേ​ശ​ങ്ങ​ളി​ല്‍ മ​ത്സ്യ​കൃഷി, നെ​ല്‍​കൃഷി, ക​ര​പ്രദേ​ശ​ങ്ങ​ളി​ല്‍ മ​ര​ങ്ങ​ള്‍ വെ​ച്ച് പി​ടി​പ്പി​ച്ച് ചെ​റി​യ​ കൂ​ര​ക​ള്‍ നി​ര്‍​മി​ച്ച് വി​ദേ​ശി​ക​ളെ ആ​ക​ര്‍​ഷി​ക്കു​ന്ന ത​ല​ത്തി​ലു​ള്ള പ​ദ്ധ​തി​ക​ളാ​ണ് ആ​സൂ​ത്ര​ണം ചെ​യ്തി​രു​ന്ന​ത്.

കൂ​ടാ​തെ ദേ​ശീയ ​ജ​ല​പാ​ത​യോ​ര​ത്ത് വി​ശ്ര​മ​കേ​ന്ദ്ര​ങ്ങ​ള്‍ നി​ര്‍​മി​ക്കു​ന്ന​തോ​ടെ ടി​എ​സ് ക​നാ​ലി​ലൂ​ടെ ക​ട​ന്നു​പോ​കു​ന്ന ഹൗ​സ്‌​ബോ​ട്ടു​ക​ളി​ലെ വി​നോ​ദസ​ഞ്ചാ​രി​ക​ളെ​യും ആ​ക​ര്‍​ഷി​ക്കു​ന്ന ത​ല​ത്തി​ലാ​ക്കു​ക തു​ട​ങ്ങി​യ​വ​യും ല​ക്ഷ്യ​മി​ട്ടി​രു​ന്നു. ഇ​തി​ന്‍റെ പ്ര​വ​ര്‍​ത്ത​ന​ങ്ങ​ള്‍​ക്കാ​യി പു​ന്ത​ല​യി​ല്‍ ഓ​ഫീ​സി​ന്‍റെ പ്ര​വ​ര്‍​ത്ത​നം ആ​രം​ഭി​ച്ചി​രു​ന്നു. എ​ന്നാ​ല്‍, പ​ദ്ധ​തി ന​ട​പ്പി​ലാ​ക്കാ​നാ​കാ​തെ പാ​തി​വ​ഴി​യി​ല്‍ ഉ​പേ​ക്ഷി​ക്കേ​ണ്ടി​വ​ന്നു.

ഉ​ത്ത​ര​(മില്ലാത്ത)വാ​ദി​ത്ത ടൂ​റി​സം പ​ദ്ധ​തി​

ക​ഴി​ഞ്ഞ പി​ണ​റാ​യി സ​ര്‍​ക്കാ​ര്‍ വ​നം​വ​കു​പ്പി​ന്‍റെ നേ​തൃ​ത്വ​ത്തി​ല്‍ വ​നം വി​ക​സ​ന കോ​ര്‍​പറേ​ഷ​ന്‍ ഉ​ത്ത​ര​വാ​ദി​ത്ത ടൂ​റി​സം പ​ദ്ധ​തി​ക്ക് പു​റ​ക്കാ​ട് മ​ണ​ക്ക​ല്‍​ പാ​ട​ശേ​ഖ​രം​ ഏ​റ്റെ​ടു​ക്കാ​ന്‍ തീ​രു​മാ​ന​മാ​യി. സം​യു​ക്ത കൃ​ഷി​യോ​ടൊ​പ്പം ടൂ​റി​സ​വു​മാ​ണ് ല​ക്ഷ്യ​മി​ട്ട​ത്. നെ​ല്ല്, മ​ത്സ്യം, താ​റാ​വ്, പ​ച്ച​ക്ക​റി എ​ന്നി​വ​യോ​ടൊ​പ്പം മ​രം വ​ച്ച് പി​ടി​പ്പി​ക്കു​ക​യു​മാ​ണ് ല​ക്ഷ്മി​ട്ട​ത്. വ​നം വി​ക​സ​ന കോ​ര്‍​പറേ​ഷ​ന്‍ സ്ഥ​ലം തി​ട്ട​പ്പെ​ടു​ത്തി അ​തി​രു​ക​ള്‍ നി​ശ്ച​യി​ച്ചു. കോ​ര്‍​പ്പ​റേ​ഷ​ന്‍റെ കീ​ഴി​ല്‍ സൊ​സൈ​റ്റി രൂ​പീ​ക​രി​ച്ചാ​ണ് പ​ദ്ധ​തി​യു​ടെ പ്ര​വ​ര്‍​ത്ത​നം ന​ട​ത്താ​ന്‍ തീ​രു​മാ​നി​ച്ചി​രു​ന്ന​ത്. എ​ന്നാ​ല്‍, ഈ ​പ​ദ്ധ​തി​യും വെ​ളി​ച്ചം ണ്ടി​ല്ല.