ആ​ല​പ്പു​ഴ: അ​ടു​ത്ത​കാ​ല​ത്താ​യി ആ​ല​പ്പു​ഴ ക​ട​ലി​ല്‍ നി​ര​ന്ത​രം അ​പ​ക​ട​ങ്ങ​ള്‍ ഉ​ണ്ടാ​കുന്നു. ​ഇ​തി​ന​കം പത്തുപേർ മ​രി​ച്ചു. ക​ട​ലി​ല്‍ അ​പ​ക​ട​ങ്ങ​ളു​ണ്ടാ​യാ​ല്‍ ഇ​പ്പോ​ള്‍ ആ​ല​പ്പു​ഴ​യി​ല്‍ ര​ക്ഷാപ്ര​വ​ര്‍​ത്ത​ന​ത്തി​ന് ഒ​രു സം​വി​ധാ​ന​വു​മി​ല്ലെന്ന് ആ​ല​പ്പു​ഴ രൂ​പ​ത പി​ആ​ർ​ഒ ഫാ.​ സേ​വ്യ​ർ കു​ടി​യാം​ശേ​രി പ​റ​ഞ്ഞു. അ​ര്‍​ത്തു​ങ്ക​ല്‍ കോ​സ്റ്റല്‍ പോ​ലീ​സ് സ്റ്റേ​ഷ​നി​ല്‍​പ്പോ​ലും ഒ​രു സം​വി​ധാ​ന​വു​മി​ല്ല.

നാ​ല്പ​തി​നാ​യി​ര​ത്തി​ലേ​റെ മ​ത്സ്യ​ത്തൊ​ഴി​ലാ​ളി​ക​ള്‍ ആ​ല​പ്പു​ഴ​യി​ലു​ണ്ട്.​ ര​ണ്ടാ​യി​ര​ത്തി​ലേ​റെ മീ​ന്‍​പിടിത്ത വ​ഞ്ചി​ക​ളു​ണ്ട്. ഇ​ത്ര വ​ലി​യ ഒ​രു സ​മൂ​ഹം നി​ര​ന്ത​രം അ​പ​ക​ട​ക​ര​മാ​യ സാ​ഹച​ര്യ​ത്തി​ല്‍ ജീ​വ​സ​ന്ധാ​ര​ണം തേ​ടു​മ്പോ​ള്‍ ഒ​രു ര​ക്ഷാ​പ്ര​വ​ര്‍​ത്ത​ന​ത്തി​നു​ള്ള സം​വി​ധാ​ന​വും ഇ​ല്ലാ​തി​രി​ക്കു​ന്ന​ത് ഒ​രു കാ​ര​ണ​വ​ശാ​ലും ന്യാ​യീ​കരി​ക്കാ​നാ​വി​ല്ല.

ഇ​പ്പോ​ള്‍ എ​ന്തെ​ങ്കി​ലും അ​പ​ക​ട​മു​ണ്ടാ​യാ​ല്‍ നേ​വി​യു​ടെ സ​ഹായ​വും ഹെ​ലി​കോ​പ്റ്റ​ര്‍ സം​വി​ധാ​ന​വു​മാ​ണു തേ​ടു​ന്ന​ത്. അ​വ​ര്‍ തീ​രു​മാന​മെ​ടു​ത്തി​വി​ടെ എ​ത്തു​മ്പോ​ള്‍ എ​ല്ലാം ക​ഴി​ഞ്ഞി​രി​ക്കും. ആ​ല​പ്പു​ഴ തീ​ര​ത്തി​നു സ്വ​ന്ത​മാ​യി ഒ​രു സ്‌​കൂ​ബാ ഡൈ​വിം​ഗ് ടീം ​ഉ​ണ്ടാ​ക​ണം. സ്പീ​ഡ് ബോ​ട്ടു സം​വി​ധാ​ന​ങ്ങ​ളു​ണ്ടാ​ക​ണം.

ര​ക്ഷാ​പ്ര​വ​ര്‍​ത്ത​ന​ത്തി​നാ​യി മ​ത്സ്യ​ത്തൊ​ഴിലാ​ളി​ക​ളെ​ത്ത​ന്നെ തെര​ഞ്ഞെ​ടു​ത്ത് പ​രി​ശീ​ലി​പ്പി​ച്ച് നി​യ​മി​ക്ക​ണം. ചെ​ത്തി ഹാ​ര്‍​ബ​ര്‍ എ​ത്ര​യും​വേ​ഗം പൂ​ര്‍​ത്തി​യാ​ക്കി​യാ​ല്‍ ഒ​രു ലാ​ന്‍​ഡിം​ഗ് സെ​ന്‍ററു​മാ​കും. ഇ​ത്ത​രം കാ​ര്യ​ങ്ങ​ളി​ല്‍ ഇ​നി അ​മാ​ന്തി​ക്ക​രു​ത്. അ​ത്ര​യ്ക്കും അ​ടി​യ​ന്തര സാ​ഹ​ച​ര്യ​മാ​ണ് ക​ട​പ്പു​റ​ത്തു നി​ല​നി​ല്‍​ക്കു​ന്ന​തെ​ന്ന് ഫാ.​ സേ​വ്യ​ർ കു​ടി​യാം​ശേ​രി പ​റ​ഞ്ഞു.