ഉദ​യ​നാ​പു​രം:​ ക​ന​ത്ത മ​ഴ ഉ​ദ​യ​നാ​പു​രം പ​ഞ്ചാ​യ​ത്തി​ലെ നി​ര​വ​ധി പ്ര​ദേ​ശ​ങ്ങ​ളെ വെ​ള്ള​ക്കെ​ട്ടു ദു​രി​ത​ത്തി​ലാ​ക്കി.​ താ​ഴ്ന്ന പ്ര​ദേ​ശ​ങ്ങ​ൾ വെ​ള്ള​ത്തി​ലാ​യ​തോ​ടെ നി​ര​വ​ധി കു​ടും​ബ​ങ്ങ​ൾ വെ​ള്ള​പ്പൊ​ക്ക​ദു​രി​ത​ത്തി​ൽ വ​ല​യു​ക​യാ​ണ്.​ഒ​ട്ടു​മി​ക്ക പ്ര​ദേ​ശ​ങ്ങ​ളി​ലും വാ ​ഹ​ന​യാ​ത്ര ത​ട​സ​പ്പെ​ട്ടു. ക​രി​യാ​ർ ക​ര​ക​വി​ഞ്ഞ​തോ​ടെ വെ​ള്ള​പ്പൊ​ക്കം രൂ​ക്ഷ​മാ​യി.

വ​ട​യാ​ർ, മു​ണ്ടാ​ർ, കോ​രിക്ക​ൽ തു​ട​ങ്ങി​യ മേ​ഖ​ല​ക​ളി​ൽ​നി​ന്ന് ഒ​ഴു​കി​യെ​ത്തു​ന്ന ജ​ലം ക​രി​യാ​റി​ലൂ​ടെ​യും കെ​വി ക​നാ​ൽ വ​ഴി​യു​മാ​ണ് വേ​മ്പ​നാ​ട്ട് കാ​യ​ലി​ലേ​ക്ക് ഒ​ഴു​കുന്ന​ത്.​ കെ​വി ക​നാ​ലി​ൽ നീ​രൊ​ഴു​ക്ക് ത​ട​സ​പ്പെ​ട്ട​താ​ണ് വെ​ള്ളം പൊ​ങ്ങാ​ൻ ഇ​ട​യാ​ക്കു​ന്ന​തെ​ന്ന് പ്ര​ദേ​ശ​വാ​സി​ക​ൾ ആ​രോ​പി​ച്ചു.​കെ​വി ക​നാ​ലി​ൽ അ​ടി​ഞ്ഞു​കൂ​ടി​യ പു​ൽ​കെ​ട്ടു​ക​ളും മാ​ലി​ന്യ​വും പാ​യ​ലു​മാ​ണ് ഒ​ഴു​ക്ക് ത​ട​സ​പ്പെ​ടാ​ൻ കാ​ര​ണ​മെ​ന്ന് ക​ർ​ഷ​ക​രും പ്ര​ദേ​ശ​വാ​സി​ക​ളും പ​റ​യു​ന്നു.

ക​നാ​ലി​ന്‍റെ തീ​ര​ങ്ങ​ളി​ലു​ള്ള ത​ണ​ൽ​മ​ര​ങ്ങ​ളു​ടെ വ​ലി​യ ചി​ല്ല​ക​ൾ ക​നാ​ലി​ലേ​ക്ക് ഒ​ടി​ഞ്ഞു​വീ​ണ​തും നീ​ക്കം ചെ​യ്യാ​തെ കി​ട​ക്കു​ക​യാ​ണ്.

വ​ർ​ഷ​കൃ​ഷി​ക്ക് ഭീ​ഷ​ണി​യാ​കു​ന്ന വെ​ള്ള​ക്കെ​ട്ട് ഒ​ഴി​വാ​ക്കാ​ൻ ക​നാ​ലി​ൽ അ​ടി​ഞ്ഞു​കൂ​ടി​യ മാ​ലി​ന്യം നീ​ക്കം ചെ​യ്ത് നീ​രൊ​ഴു​ക്ക് സാ​ധ്യ​മാ​ക്കാ​ൻ ന​ട​പ​ടി വേ​ണ​മെ​ന്ന് ക​ർ​ഷ​ക​ർ ആ​വ​ശ്യ​പ്പെ​ട്ടു.
അ​ട്ടാ​റ​ പാ​ല​ത്തി​ന്‍റെ അ​ടി​ഭാ​ഗ​ത്ത് വ​ൻ​തോ​തി​ൽ മാ​ലി​ന്യം അ​ടി​ഞ്ഞു​കൂ​ടി​യ​തും നീ​ക്കം​ചെ​യ്യ​ണം. ​കെ​വി ക​നാ​ലി​ലെ ത​ട​സ​ങ്ങ​ൾ നീ​ക്കി നീ​രൊ​ഴു​ക്ക് സു​ഗ​മ​മാ​ക്കാ​ൻ ഇ​റി​ഗേ​ഷ​ൻ വ​കു​പ്പ് ഇ​ട​പെ​ട​ണ​മെ​ന്ന് ക​ർ​ഷ​ക​ർ ആ​വ​ശ്യ​പ്പെ​ട്ടു.