മു​ണ്ട​ക്ക​യം ഈ​സ്റ്റ്‌: കൊ​ട്ടാ​ര​ക്ക​ര-​ദി​ണ്ടി​ഗ​ൽ ദേ​ശീ​യ​പാ​ത​യി​ൽ മു​ണ്ട​ക്ക​യം മു​പ്പ​ത്ത​ഞ്ചാം​മൈ​ലി​ൽ മെ​ഡി​ക്ക​ൽ ട്ര​സ്റ്റ് ജം​ഗ്ഷ​നും മ​രു​തും​മൂ​ടി​നു​മി​ട​യി​ൽ അ​പ​ക​ട​ങ്ങ​ൾ പ​തി​വാ​കു​ന്നു. സ്ഥി​രം അ​പ​ക​ട മേ​ഖ​ല​യാ​യ ഇ​വി​ടെ റോ​ഡി​ന്‍റെ വ​ശ​ത്ത് ക്രാ​ഷ് ബാ​രി​യ​ർ സ്ഥാ​പി​ക്ക​ണ​മെ​ന്ന ആ​വ​ശ്യം ശ​ക്ത​മാ​വു​ക​യാ​ണ്.

മ​രു​തും​മൂ​ടി​ന് താ​ഴ്ഭാ​ഗം വ​രെ ഏ​താ​നും മാ​സ​ങ്ങ​ൾ​ക്ക് മു​മ്പ് ദേ​ശീ​യ​പാ​താ വി​ഭാ​ഗം ക്രാ​ഷ് ബാ​രി​യ​ർ സ്ഥാ​പി​ച്ചി​രു​ന്നു. എ​ന്നാ​ൽ, ഇ​തി​ന് താ​ഴേ​ക്കു​ള്ള ഭാ​ഗ​ങ്ങ​ളി​ൽ മെ​ഡി​ക്ക​ൽ ട്ര​സ്റ്റ് ജം​ഗ്ഷ​ൻ വ​രെ​യു​ള്ള റോ​ഡി​ന്‍റെ വ​ശ​ങ്ങ​ളി​ൽ യാ​തൊ​രു സു​ര​ക്ഷാ ക്ര​മീ​ക​ര​ണ​ങ്ങ​ളു​മി​ല്ല. ക​ഴി​ഞ്ഞ ദി​വ​സം ഇ​വി​ടെ നി​യ​ന്ത്ര​ണം​വി​ട്ട വാ​ഹ​നം സ​മീ​പ​ത്തെ കൈ​ത​ത്തോ​ട്ട​ത്തി​ലേ​ക്ക് മ​റി​ഞ്ഞി​രു​ന്നു. വാ​ഹ​ന​ത്തി​ലു​ള്ള യാ​ത്ര​ക്കാ​ർ അ​ദ്ഭു​ത​ക​ര​മാ​യാ​ണ് ര​ക്ഷ​പ്പെ​ട്ട​ത്.

ശ​ബ​രി​മ​ല സീ​സ​ണി​ലും സ​മാ​ന​മാ​യ രീ​തി​യി​ൽ ഈ ​ഭാ​ഗ​ത്ത് വാ​ഹ​ന​ങ്ങ​ൾ മ​റി​ഞ്ഞ് അ​പ​ക​ട​മു​ണ്ടാ​യി​രു​ന്നു. വ​ർ​ഷ​ങ്ങ​ൾ​ക്ക് മു​മ്പ് ഈ ​ഭാ​ഗ​ത്ത് നി​യ​ന്ത്ര​ണം​വി​ട്ട ലോ​റി 200 അ​ടി​യോ​ളം താ​ഴ്ച​യി​ലേ​ക്ക് മ​റി​ഞ്ഞ് മെ​ഡി​ക്ക​ൽ ട്ര​സ്റ്റ് റോ​ഡി​ൽ പ​തി​ച്ചി​രു​ന്നു. ചെ​റു​തും വ​ലു​തു​മാ​യ നി​ര​വ​ധി അ​പ​ക​ട​ങ്ങ​ളാ​ണ് ഇ​വി​ടെ സം​ഭ​വി​ക്കു​ന്ന​ത്.

മ​ഴ​ക്കാ​ല​മാ​കു​ന്ന​തോ​ടെ ദേ​ശീ​യ​പാ​ത​യി​ലൂ​ടെ വേ​ഗ​ത്തി​ലെ​ത്തു​ന്ന വാ​ഹ​ന​ങ്ങ​ൾ പെ​ട്ടെ​ന്ന് ബ്രേ​ക്ക് പി​ടി​ക്കു​മ്പോ​ൾ നി​യ​ന്ത്ര​ണം ന​ഷ്ട​പ്പെ​ടു​ക​യും കു​ഴി​യി​ലേ​ക്ക് മ​റി​യു​ക​യു​മാ​ണ് പ​തി​വ്. അ​ടി​യ​ന്ത​ര​മാ​യി ഈ ​മേ​ഖ​ല​യി​ൽ സു​ര​ക്ഷാ​ക്ര​മീ​ക​ര​ണ​ങ്ങ​ൾ ഒ​രു​ക്കാ​ൻ അ​ധി​കാ​രി​ക​ൾ ത​യാ​റാ​ക​ണ​മെ​ന്ന ആ​വ​ശ്യ​മാ​ണ് ശ​ക്ത​മാ​കു​ന്ന​ത്.