ഡോക്ടര്‍ക്കെതിരേ നടപടിയെടുക്കണമെന്ന്
1568912
Friday, June 20, 2025 7:05 AM IST
ചങ്ങനാശേരി: ഡോ‌ക്ടര്‍ നിര്‍ദേശിച്ച സ്വകാര്യ ലാബില്‍ സ്‌കാനിംഗ് നടത്താത്തതിനാല്‍ ജനറല്‍ ആശുപത്രിയില്‍ കഴിഞ്ഞദിവസം വയോധക ദമ്പതികള്‍ക്ക് ചികിത്സ നിഷേധിച്ച ഡോക്ടര്‍ക്കെതിരേ വകുപ്പുതല അന്വേഷണം നടത്തി കര്‍ശന നടപടിയെടുക്കണമെന്ന് കേരള ഡെമോക്രാറ്റിക് പാര്‍ട്ടി ബ്ലോക്ക് കമ്മിറ്റി ആവശ്യപ്പെട്ടു.
കെഡിപി ജില്ലാ പ്രസിഡന്റ് നിബു ഏബ്രഹാം യോഗം ഉദ്ഘാടനം ചെയ്തു. ബ്ലോക്ക് പ്രസിഡന്റ് സോണി കുട്ടംപേരൂര്‍ അധ്യക്ഷത വഹിച്ചു. സുധീര്‍ ശങ്കരമംഗലം, പ്രമോദ് കക്കാട്ട്, സന്തോഷ് ഏലംകുന്നം, സോജു കുട്ടംപേരൂര്‍, ജോബി വല്യാന, ജോസഫ് അറുപറ, ജോണ്‍സണ്‍, ബിജു പായിപ്പാട്, അലന്‍ കുന്നത്ത് എന്നിവര്‍ പ്രസംഗിച്ചു.