മിനി ഓഡിറ്റോറിയം ഉദ്ഘാടനം ചെയ്തു
1568665
Thursday, June 19, 2025 7:15 AM IST
പായിപ്പാട്: പായിപ്പാട് ഗവ. ഹയര്‍ സെക്കന്‍ഡറി സ്‌കൂളില്‍ നിര്‍മിച്ച മിനി ഓഡിറ്റോറിയത്തിന്‍റെ ഉദ്ഘാടനം ജില്ലാ പഞ്ചായത്തംഗം മഞ്ജു സുജിത്ത് നിര്‍വഹിച്ചു. ജില്ലാപഞ്ചായത്ത് 2023-24 വാര്‍ഷിക പദ്ധതിയില്‍പ്പെടുത്തി 20 ലക്ഷം രൂപ വകയിരുത്തിയാണ് ഓഡിറ്റോറിയം നിര്‍മിച്ചത്. പ്ലസ് വണ്‍ പ്രവേശനത്തോടനുബന്ധിച്ച് ‘വരവേല്‍പ്പ് -2025' പരിപാടിയും നടന്നു.
പായിപ്പാട് പഞ്ചായത്ത് പ്രസിഡന്‍റ് കെ.ഡി. മോഹനന്‍, ബ്ലോക്ക് ഡിവിഷന്‍ അംഗം വിനു ജോബ്, പ്രിന്‍സിപ്പല്‍ എം.എസ്. സുനില്‍, പിടിഎ പ്രസിഡന്‍റ് രഹ്ന എന്നിവര്‍ പ്രസംഗിച്ചു.