ടി.​പി. സ​ന്തോ​ഷ്കു​മാ​ർ

തൊ​ടു​പു​ഴ: ഓ​ണ​ത്തി​ന് കേ​ര​ള​ത്തി​ലേ​ക്കു പൂ​ക്ക​ൾ എ​ത്തി​ക്കാ​ൻ അ​ന്യ സം​സ്ഥാ​ന​ങ്ങ​ളി​ലെ പൂ​പ്പാ​ട​ങ്ങ​ൾ ഒ​രു​ങ്ങി. ഓ​ണ​ക്കാ​ലം ത​മി​ഴ്നാ​ട്ടി​ലെ​യും ക​ർ​ണാ​ട​ക​യി​ലെ​യും പൂ ​ക​ർ​ഷ​ക​ർ​ക്ക് ചാ​ക​ര​ക്കാ​ല​മാ​ണ്. വി​വാ​ഹ സീ​സ​ണ്‍​കൂ​ടി ക​ണ​ക്കി​ലെ​ടു​ത്ത് ഇ​പ്പോ​ൾ​ത്ത​ന്നെ വി​പ​ണി​യി​ൽ പൂ​വി​ല ഉ​യ​ർ​ന്നു​തു​ട​ങ്ങി.

ഓ​ണ​വി​പ​ണി​ക്കാ​യി ത​മി​ഴ്നാ​ട്ടി​ലെ ക​ന്യാ​കു​മാ​രി ജി​ല്ല​യി​ലെ തോ​വാ​ള, തേ​നി ജി​ല്ല​യി​ലെ ശീ​ല​യം പെ​ട്ടി, മ​ധു​ര​യി​ലെ മാ​ട്ടു​ത്താ​വ​ണി, കോ​യ​ന്പ​ത്തൂ​ർ എ​ന്നി​വി​ട​ങ്ങ​ളി​ൽ​നി​ന്നാ​ണ് കൂ​ടു​ത​ലാ​യി പൂ​ക്ക​ളെ​ത്തു​ന്ന​ത്.

ഇ​തി​നു പു​റ​മേ ക​ർ​ണാ​ട​ക​യി​ലെ ഗു​ണ്ട​ൽ​പേ​ട്ട്, ഹൊ​സൂ​ർ, ബം​ഗ​ളൂ​രു എ​ന്നി​വി​ട​ങ്ങ​ളി​ലെ പൂ​പ്പാ​ട​ങ്ങ​ളി​ലും വ​ൻ​തോ​തി​ൽ പൂ​ക്ക​ളു​ടെ കൃ​ഷി​യും വി​പ​ണ​ന​വും ന​ട​ക്കു​ന്നു​ണ്ട്. വി​വി​ധ ത​ര​ത്തി​ലു​ള്ള പൂ​ക്ക​ളാ​ണ് നൂ​റു ക​ണ​ക്കി​ന് ഏ​ക്ക​ർ സ്ഥ​ല​ത്തു കൃ​ഷി ചെ​യ്യു​ന്ന​ത്.

ഇ​ര​ട്ടി വി​ല

ശീ​ല​യം​പെ​ട്ടി മാ​ർ​ക്ക​റ്റി​ൽ ചെ​ണ്ടു​മ​ല്ലി ഇ​പ്പോ​ൾ കി​ലോ​യ്ക്ക് 100 രൂ​പ​യ്ക്കു ല​ഭി​ക്കും. എ​ന്നാ​ൽ, കേ​ര​ള​ത്തി​ൽ 200 രൂ​പ​യാ​ണ് വി​ല. ത​മി​ഴ് നാ​ട്ടി​ലെ പൂ ​മാ​ർ​ക്ക​റ്റി​ൽ ഓ​രോ മ​ണി​ക്കൂ​റി​ലും വി​ല​യി​ൽ വ്യ​തി​യാ​ന​മു​ണ്ടാ​കും. ഈ ​പൂ​ക്ക​ൾ കേ​ര​ള​ത്തി​ലെ​ത്തു​ന്പോ​ൾ വി​ല ഇ​ര​ട്ടി​യാ​കും.

ക​ർ​ഷ​ക​രി​ൽ​നി​ന്നു കു​റ​ഞ്ഞ വി​ല​യ്ക്കെ​ടു​ക്കു​ന്ന പൂ​ക്ക​ൾ ഇ​ട​നി​ല​ക്കാ​ർ മു​ഖേ​ന എ​ത്തു​ന്പോ​ഴാ​ണ് വി​ല കു​തി​ക്കു​ന്ന​ത്. ത​മി​ഴ്നാ​ടി​ന്‍റെ അ​തി​ർ​ത്തി ജി​ല്ല​ക​ളി​ൽ​നി​ന്ന് ഒ​ട്ടേ​റെ വാ​ഹ​ന​ങ്ങ​ളി​ൽ കേ​ര​ള​ത്തി​ലേ​ക്കു പൂ​ക്ക​ൾ ക​യ​റ്റി അ​യ​യ്ക്കു​ന്നു​ണ്ട്.

അ​ത്തം മു​ത​ൽ

സം​സ്ഥാ​ന​ത്ത് ഏ​റ്റ​വും കൂ​ടു​ത​ൽ പൂ​ക്ക​ളു​ടെ ക​ച്ച​വ​ടം ന​ട​ക്കു​ന്ന സ​മ​യ​മാ​ണ് ഓ​ണ​ക്കാ​ലം. അ​ത്തം മു​ത​ൽ തി​രു​വോ​ണം വ​രെ പൂ​ക്ക​ൾ വാ​ങ്ങാ​നാ​യി ആ​വ​ശ്യ​ക്കാ​രേ​റും. സ്ഥാ​പ​ന​ങ്ങ​ളി​ൽ അ​ല​ങ്കാ​ര​ത്തി​നും പൂ​ക്ക​ള​മി​ടാ​നു​മാ​ണ് ഏ​റ്റ​വും ആ​വ​ശ്യം.

വി​ദ്യാ​ഭ്യാ​സ സ്ഥാ​പ​ന​ങ്ങ​ൾ, ക്ല​ബു​ക​ൾ, സ​ന്ന​ദ്ധ സം​ഘ​ട​ന​ക​ൾ, സ​ർ​ക്കാ​ർ, സ്വ​കാ​ര്യ സ്ഥാ​പ​ന​ങ്ങ​ൾ, ധ​ന​കാ​ര്യ സ്ഥാ​പ​ന​ങ്ങ​ൾ, റെ​സി​ഡ​ന്‍റ്സ് അ​സോ​സി​യേ​ഷ​നു​ക​ൾ തു​ട​ങ്ങി വി​വി​ധ മേ​ഖ​ല​ക​ളി​ലു​ള്ള​വ​ർ അ​ത്തം മു​ത​ൽ പൂ​ക്ക​ള​മൊ​രു​ക്കിത്തു​ട​ങ്ങും.

ഇ​തി​നു പു​റ​മേ വി​വി​ധ സം​ഘ​ട​ന​ക​ളു​ടെ നേ​തൃ​ത്വ​ത്തി​ൽ പൂ​ക്ക​ള മ​ത്സ​ര​ങ്ങ​ളും ന​ട​ക്കും. ചി​ങ്ങ​ത്തി​ലെ വി​വാ​ഹ​സീ​സ​ണ്‍ കൂ​ടി​യാ​കു​ന്ന​തോ​ടെ ആ​വ​ശ്യ​ക്കാ​രേ​റും.

കേ​ര​ള​ത്തി​ലും

കേ​ര​ള​ത്തി​ൽ ഇ​പ്പോ​ൾ പ​ല ജി​ല്ല​ക​ളി​ലും പ്ര​ാദേ​ശി​ക​മാ​യി ജ​മ​ന്തി​യും മ​റ്റും കൃ​ഷി ചെ​യ്തു വ​രു​ന്നു​ണ്ട്.

പ​ല​രും മ​ട്ടു​പ്പാ​വി​ൽ പൂ​ക്കൃ​ഷി ന​ട​ത്തു​ന്നു​ണ്ട്. ഇ​തി​നു പു​റ​മേ കു​ടും​ബ​ശ്രീ സി​ഡി​എ​സു​ക​ളു​ടെ നേ​തൃ​ത്വ​ത്തി​ലും പൂ​ക്കൃ​ഷി​യു​ണ്ട്.

പൂ​ക്ക​ള​മൊ​രു​ക്കാ​നു​ള്ള തു​ന്പ​യും തു​ള​സി​യും മു​ക്കു​റ്റി​യും കാ​ക്ക​പ്പൂ​വും പോ​ലെ​യു​ള്ള നാ​ട്ടു​പൂ​ക്ക​ൾ അ​ന്യ​മാ​യ​തോ​ടെ​യാ​ണ് മ​റ്റു സം​സ്ഥാ​ന​ങ്ങ​ളി​ൽ​നി​ന്നെ​ത്തു​ന്ന പൂ​ക്ക​ൾ​ക്ക് ആ​വ​ശ്യ​ക്കാ​രേ​റി​യ​ത്.

ജ​മ​ന്തി​യാ​ണ് താ​രം

ഒാ​ണ​ക്കാ​ല​ത്ത് ആ​വ​ശ്യ​ക്കാ​ർ ഏ​റെ​യു​ള്ള​ത് ചെ​ണ്ടു​മ​ല്ലി, ജ​മ​ന്തി, റോ​സ്, അ​ര​ളി, മു​ല്ല, വാ​ടാ​മു​ല്ല, കോ​ഴി​പ്പൂ​വ് തു​ട​ങ്ങി​യ​വ​യ്ക്കാ​ണ്. നി​ല​വി​ൽ ചെ​ണ്ടു​മ​ല്ലി -200-220, ജ​മ​ന്തി- 400-450, വാ​ടാ​മു​ല്ല-250, കോ​ഴി​പ്പൂ​വ്-250, ബ​ട്ട​ണ്‍ റോ​സ് -400 എ​ന്നി​ങ്ങ​നെ​യാ​ണ് വി​ല്പ​ന വി​ല.

മു​ല്ല​പ്പൂ​വി​ന് ഓ​രോ ദി​വ​സ​വും വ്യ​ത്യ​സ്ത വി​ല​യാ​ണ്. ഒ​രു മു​ഴം മു​ല്ലൂ​പ്പൂ​വി​ന് 45-50 രൂ​പ​യാ​ണ് ക​ച്ച​വ​ട​ക്കാ​ർ ഈ​ടാ​ക്കു​ന്ന​ത്.

ചി​ങ്ങം ഒ​ന്നി​ന് തൊ​ടു​പു​ഴ മാ​ർ​ക്ക​റ്റി​ൽ 70 രൂ​പ​യാ​യി​രു​ന്നു ഒ​രു മു​ഴം മു​ല്ല​പ്പൂ​വി​ന്‍റെ വി​ല.