വ​ണ്ണ​പ്പു​റം: സ്റ്റാ​ൻ​ഡി​ൽനി​ന്ന് ഇ​റ​ങ്ങിവ​ന്ന സ്വ​കാ​ര്യ ബ​സ് വ​യോ​ധി​ക​യു​ടെ ദേ​ഹ​ത്തുകൂ​ടി ക​യ​റി​യി​റ​ങ്ങി. വ​ണ്ണ​പ്പു​റം അ​ന്പ​ല​പ്പ​ടി സ്റ്റാ​ൻ​ഡി​ൽ ഇ​ന്ന​ലെ രാ​വി​ലെ ഒ​ൻ​പ​തോ​ടെ​യാ​ണ് അ​പ​ക​ടം. ഒ​റ​ക​ണ്ണി ചെ​റ്റ​യി​ൽ ലീ​ല (80)​യ്ക്കാ​ണ് ഗു​രു​ത​ര​മാ​യി പ​രി​ക്കേ​റ്റ​ത്. ഇ​വ​രു​ടെ തു​ട​യെ​ല്ലു ത​ക​ർ​ന്നു. വ​യ​റി​നും ഗു​രു​ത​ര പ​രി​ക്കേ​റ്റു. എ​യി​ൻ​സ എ​ന്ന സ്വ​കാ​ര്യ ബ​സാ​ണ് അപകടം വരുത്തിയത്.

ബ​സ് അ​ന്പ​ല​പ്പ​ടി സ്റ്റാ​ൻ​ഡി​ൽനി​ന്ന് തൊ​ടു​പു​ഴ - മൂ​വാ​റ്റു​പു​ഴ റോ​ഡി​ലേ​ക്ക് പ്ര​വേ​ശി​ക്കു​ന്നി​ട​ത്താ​ണ് അ​പ​ക​ടം ഉ​ണ്ടാ​യ​ത്. ബ​സ് വി​ദ്യാ​ർ​ഥി​ക​ളെ ക​യ​റ്റി മു​ന്നോ​ട്ട് എ​ടു​ക്കു​ക​യാ​യി​രു​ന്നു. ഇ​തി​നി​ടെ ലീ​ല എ​തി​ർ​വ​ശ​ത്തെ ക​ട​യി​ൽനി​ന്നും സാ​ധ​ന​ങ്ങ​ൾ വാ​ങ്ങി റോ​ഡ് മു​റി​ച്ചു ക​ട​ക്കു​ന്ന​തി​നി​ടെ ബ​സി​ടി​ച്ച് വീ​ഴു​ക​യാ​യി​രു​ന്നു. മ​റി​ഞ്ഞു വീ​ണ ഇ​വ​രു​ടെ ദേ​ഹ​ത്തു കൂ​ടി ബ​സ് ക​യ​റി​യി​റ​ങ്ങി. ഓ​ടി​ക്കൂ​ടി​യ നാ​ട്ടു​കാ​ർ ഉ​ട​ൻത​ന്നെ ലീ​ല​യെ ആ​ശു​പ​ത്രി​യി​ലെ​ത്തി​ച്ചു. നി​ല ഗു​രു​ത​ര​മാ​യ​തി​നാ​ൽ പി​ന്നീ​ട് കോ​ല​ഞ്ചേ​രി മെ​ഡി​ക്ക​ൽ മി​ഷ​ൻ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. കാ​ളി​യാ​ർ പോ​ലീ​സ് കേ​സെ​ടു​ത്തു.