റെ​ജി ജോ​സ​ഫ്

കോ​ട്ട​യം: മ​ഴ ശ​ക്ത​മാ​യി ഉ​ത്പാ​ദ​നം കു​റ​ഞ്ഞി​ട്ടും റ​ബ​ര്‍ വി​ല ഉ​യ​രു​ന്നി​ല്ല. സം​സ്‌​ക​ര​ണ ചെ​ല​വു താ​ങ്ങാ​നാ​വാ​തെ ഏ​റെ ക​ര്‍ഷ​ക​രും ഷീ​റ്റ് ത​യാ​റാ​ക്കു​ന്നി​ല്ല. 60 ശ​ത​മാ​നം ക​ര്‍ഷ​ക​രും ലാ​റ്റ​ക്‌​സാ​യും ക​പ്പ് ലം​ബാ (റ​ബ​ര്‍ ച​ണ്ടി)​യും വി​റ്റ​ഴി​ക്കാ​ന്‍ താ​ല്‍പ​ര്യ​പ്പെ​ടു​ന്നു. ചി​ല​യി​ട​ങ്ങ​ളി​ല്‍ അ​താ​ത് ദി​വ​സം ക​പ്പ് ലം​ബ് ആ​ര്‍പി​എ​സു​ക​ള്‍ മു​ഖേ​ന നേ​രി​ട്ടു സം​ഭ​രി​ക്കു​ന്നു​ണ്ട്.

റ​ബ​ര്‍ ക​ട​ക​ളി​ല്‍ ഷീ​റ്റ് നാ​മ​മാ​ത്ര​മാ​യി മാ​ത്രം ല​ഭി​ച്ചി​ട്ടും ആ​ര്‍എ​സ്എ​സ് നാ​ല് ഗ്രേ​ഡി​ന് ഇ​ന്ന​ലെ 188.50 രൂ​പ​യും ഗ്രേ​ഡ് അ​ഞ്ചി​ന് 184.50 രൂ​പ​യു​മാ​ണ് നി​ര​ക്ക്. ഡീ​ല​ര്‍മാ​ര്‍ റ​ബ​ര്‍ ബോ​ര്‍ഡ് പ്ര​ഖ്യാ​പി​ത വി​ല​യേ​ക്കാ​ള്‍ കി​ലോ​യ്ക്ക് മൂ​ന്നു രൂ​പ താ​ഴ്ത്തി​യാ​ണ് ക​ര്‍ഷ​ക​രി​ല്‍നി​ന്ന് ച​ര​ക്ക് വാ​ങ്ങു​ന്ന​ത്. ഇ​ക്കൊ​ല്ലം ജൂ​ലൈ 22ന് ​കോ​ട്ട​യം മാ​ര്‍ക്ക​റ്റ് വി​ല കി​ലോ​യ്ക്ക് 215 രൂ​പ വ​രെ ഉ​യ​ര്‍ന്നി​രു​ന്നു. 70 ദി​വ​സ​ത്തി​നി​ടെ ഷീ​റ്റ് കി​ലോ​യ്ക്ക് 27 രൂ​പ​യു​ടെ താ​ഴ്ച​യാ​ണു​ണ്ടാ​യി​രി​ക്കു​ന്ന​ത്.

അ​ഞ്ചു ശ​ത​മാ​നം മാ​ത്രം തീരു​വ അ​ട​ച്ചും തീ​രു​വ അ​ട​യ്ക്കാ​തെ​യും പ്രതിമാ​സം ഇ​രു​പ​തി​നാ​യി​രം ട​ണ്‍ വീ​തം കോ​മ്പൗ​ണ്ട് റ​ബ​ര്‍ ട​യ​ര്‍ ക​മ്പ​നി​ക​ള്‍ ഇ​റ​ക്കു​മ​തി തു​ട​രു​ന്ന​താ​ണ് ഷീ​റ്റ് വി​ല ഇ​ത്ര​യേ​റെ ഇ​ടി​യാ​ന്‍ പ്ര​ധാ​ന കാ​ര​ണം.

ആ​ഭ്യ​ന്ത​ര വി​ല വി​ദേ​ശ​വി​ല​യേ​ക്കാ​ള്‍ അ​ഞ്ചു രൂ​പ കൂ​ടി നി​ല്‍ക്കു​ന്ന സാ​ഹ​ച​ര്യ​ത്തി​ല്‍ ക്രം​ബ് ഇ​റ​ക്കു​മ​തി തോ​ത് കൂ​ട്ടാ​നു​ള്ള നീ​ക്ക​ത്തി​ലാ​ണ് വ്യ​വ​സാ​യി​ക​ള്‍. മ​ഴ​യും വി​ല​യി​ടി​വും കാ​ര​ണം നി​ര​വ​ധി ക​ര്‍ഷ​ക​ര്‍ ഒ​രു മാ​സ​മാ​യി ടാ​പ്പിം​ഗ് ന​ട​ത്തു​ന്നി​ല്ല. ചെ​റു​കി​ട എ​സ്റ്റേ​റ്റു​ക​ള്‍ പ​ല​തും അ​ട​ഞ്ഞു​കി​ട​ക്കു​ന്നു.


ക​ട​ക​ളി​ല്‍ ഒ​ട്ടു​പാ​ല്‍, ക​പ് ലം​ബ് വ​ര​വി​ല്‍ വ​ലി​യ വ​ര്‍ധ​നവു​ണ്ടാ​യ​തോ​ടെ വി​ല കി​ലോ​യ്ക്ക് 110-112 രൂ​പ​യി​ലെ​ത്തി. ര​ണ്ടു മാ​സം മു​ന്‍പ് ഒ​ട്ടു​പാ​ല്‍ വി​ല 135 രൂ​പ വ​രെ ഉ​യ​ര്‍ന്നി​രു​ന്നു. വ​ലി​യ തോ​തി​ല്‍ ച​ര​ക്ക് കെ​ട്ടി​ക്കി​ട​ക്കു​ന്ന​തി​നാ​ല്‍ ക്രം​ബ് ഫാ​ക്ട​റി​ക​ള്‍ ഒ​രാ​ഴ്ച​യാ​യി മാ​ര്‍ക്ക​റ്റി​ല്‍നി​ന്ന് ച​ര​ക്ക് വാ​ങ്ങാ​ന്‍ താ​ല്‍പ​ര്യ​പ്പെ​ടു​ന്നി​ല്ല.

ലാ​റ്റ​ക്‌​സ് വി​ല​യി​ല്‍ ര​ണ്ടാ​ഴ്ച​യാ​യി മാ​ന്ദ്യം തു​ട​രു​ക​യാ​ണ്. അ​മേ​രി​ക്ക​യു​ടെ തീ​രു​വ പ്ര​ഹ​ര​ത്തി​നൊ​പ്പം ചൈ​ന വി​പ​ണി​യി​ല്‍നി​ന്ന് റ​ബ​ര്‍ വാ​ങ്ങു​ന്ന​തി​ന്‍റെ അ​ള​വു കു​റ​ച്ച​തും വി​ല​യി​ടി​വി​ന് മ​റ്റ് കാ​ര​ണ​ങ്ങ​ളാ​ണ്. ജി​എ​സ്ടി നി​ര​ക്കി​ല്‍ കു​റ​വു വ​രു​ത്തി​യ ശേ​ഷം ട​യ​ര്‍, വാ​ഹ​ന വി​ല്‍പ​ന​യി​ല്‍ വ​ലി​യ വ​ര്‍ധ​വു​ണ്ട്. ട​യ​ര്‍ നി​ര്‍മാ​ണ​ത്തി​ല്‍ 12 ശ​ത​മാ​നം വ​ര്‍ധ​ന​വാ​ണ് അ​ടു​ത്ത മാ​സം പ്ര​തീ​ക്ഷി​ക്കു​ന്ന​ത്.

ട​യ​ര്‍ വി​ല താ​ഴ്‌​ന്നെ​ങ്കി​ലും വി​ല്‍പ്പ​ന കൂ​ടി​യ​തോ​ടെ ട​യ​ര്‍ ക​മ്പ​നി​ക​ളു​ടെ ലാ​ഭ​ത്തി​ല്‍ കു​റ​വൊ​ന്നു​മി​ല്ല. ഒ​ക്‌ടോബ​ർ ആ​ദ്യ​വാ​രം വ​രെ മ​ഴ ശ​ക്ത​മാ​യി തു​ട​രു​മെ​ന്നി​രി​ക്കേ റ​ബ​ര്‍ മേ​ഖ​ല​യി​ല്‍ വ​ലി​യ പ്ര​തി​സ​ന്ധി​യാ​ണു​ള്ള​ത്. ക​ര്‍ഷ​ക​ര്‍ ഒ​ന്നാ​കെ ടാ​പ്പിം​ഗ് നി​റു​ത്തി​വ​ച്ച് ച​ര​ക്കി​ന് ക്ഷാ​മം ഉ​ണ്ടാ​ക്കി​യാ​ല്‍ വ്യ​വ​സാ​യി​ക​ള്‍ വി​ല കൂ​ട്ടാ​ന്‍ നി​ര്‍ബ​ന്ധി​ത​രാ​കു​മെ​ന്നാ​ണ് ക​ര്‍ഷ​ക സം​ഘ​ട​ന​ക​ളു​ടെ അനുമാനം.