പാ​റ്റ്ന: വോ​ട്ട് ചോ​രി പ്ര​ചാ​ര​ണ​ത്തി​ന്‍റെ ഭാ​ഗ​മാ​യി കോ​ഴി​ക്കോ​ട്ട് കോ​ൺ​ഗ്ര​സ് സ​മ്മേ​ള​നം ന​ട​ത്തും. പാ​റ്റ്ന​യി​ൽ നടന്ന കോൺഗ്രസ് പ്രവർത്തക സമി തി യോ​ഗ​ത്തി​ലാ​ണ് ഇ​തു​സം​ബ​ന്ധി​ച്ച തീ​രു​മാ​ന​മു​ണ്ടാ​യ​തെ​ന്ന് കെ​പി​സി​സി പ്ര​സി​ഡ​ന്‍റ് സ​ണ്ണി ജോ​സ​ഫ് ദീ​പി​ക​യോ​ടു പ​റ​ഞ്ഞു.

തീ​യ​തി പി​ന്നീ​ട് തീ​രു​മാ​നി​ക്കും. രാ​ഹു​ൽ ഗാ​ന്ധി​യ​ട​ക്ക​മു​ള്ള ദേ​ശീ​യ നേ​താ​ക്ക​ൾ സ​മ്മേ​ള​ന​ത്തി​ൽ പ്ര​സം​ഗി​ക്കും. ഭ​വ​ന​സ​ന്ദ​ർ​ശ​ന​വും ഒ​പ്പു​ശേ​ഖ​ര​ണ​വും ഊ​ർ​ജി​ത​മാ​ക്കു​മെ​ന്നും സ​ണ്ണി ജോ​സ​ഫ് വ​ർ​ക്കിം​ഗ് ക​മ്മി​റ്റി യോ​ഗ​ത്തി​ൽ പ​റ​ഞ്ഞു.

തീ​വ്ര വോ​ട്ട​ർ​പ​ട്ടി​ക പു​തു​ക്ക​ലു​മാ​യി ബ​ന്ധ​പ്പെ​ട്ട ഗൂ​ഢാ​ലോ​ച​ന​യാ​ണ് ന​മ്മു​ടെ ജ​നാ​ധി​പ​ത്യം നേ​രി​ടു​ന്ന ഏ​റ്റ​വും​വ​ലി​യ ഭീ​ഷ​ണി​യെ​ന്ന് കോ​ൺ​ഗ്ര​സ് വ​ർ​ക്കിം​ഗ് ക​മ്മി​റ്റി അം​ഗീ​ക​രി​ച്ച പ്ര​മേ​യ​ത്തി​ൽ പ​റ​യു​ന്നു. വോ​ട്ട​ർ​പ​ട്ടി​ക​യി​ൽ കൃ​ത്രി​മ​ത്വം ഉ​ണ്ടാ​ക്കി അ​ധി​കാ​ര​ത്തി​ലെ​ത്താ​നു​ള്ള ബി​ജെ​പി​യു​ടെ വൃ​ത്തി​കെ​ട്ട ത​ന്ത്ര​ങ്ങ​ളി​ലെ മ​റ്റൊ​രു ഉ​പ​ക​ര​ണ​മാ​ണി​ത്.

കോ​ൺ​ഗ്ര​സ് അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ​യു​ടെ അ​ധ്യ​ക്ഷ​ത​യി​ൽ ചേ​ർ​ന്ന യോ​ഗ​ത്തി​ൽ രാ​ഹു​ൽ ഗാ​ന്ധി, കോ​ൺ​ഗ്ര​സ് ട്ര​ഷ​റ​ർ അ​ജ​യ് മാ​ക്ക​ൻ, ജ​ന​റ​ൽ സെ​ക്ര​ട്ട​റി​മാ​രാ​യ കെ.​സി. വേ​ണു​ഗോ​പാ​ൽ, ജ​യ്റാം ര​മേ​ശ്, സ​ച്ചി​ൻ പൈ​ല​റ്റ്, ബി​ഹാ​ർ കോ​ൺ​ഗ്ര​സ് അ​ധ്യ​ക്ഷ​ൻ രാ​ജേ​ഷ് കു​മാ​ർ തു​ട​ങ്ങി​യ പ്ര​മു​ഖ​ർ പ​ങ്കെ​ടു​ത്തു.


ബി​ഹാ​റി​ലെ ച​രി​ത്ര​പ്ര​സി​ദ്ധ​മാ​യ സ​ദാ​ഖ​ത് ആ​ശ്ര​മ​ത്തി​ൽ ന​ട​ന്ന യോ​ഗ​ത്തി​നു​ശേ​ഷം മാ​ധ്യ​മ​പ്ര​വ​ർ​ത്ത​ക​രെ ക​ണ്ട ജ​യ​റാം ര​മേ​ശ് വോ​ട്ടു​കൊ​ള്ള സം​ബ​ന്ധി​ച്ച കൂ​ടു​ത​ൽ ആ​രോ​പ​ണ​ങ്ങ​ൾ രാ​ഹു​ൽ ഗാ​ന്ധി ഉ​ന്ന​യി​ക്കു​മെ​ന്നു സ്ഥി​രീ​ക​രി​ച്ചു. അ​ടു​ത്ത മാ​സം രാ​ഹു​ൽ കൂ​ടു​ത​ൽ വെ​ളി​പ്പെ​ടു​ത്ത​ൽ ന​ട​ത്തും. ഹൈ​ഡ്ര​ജ​ൻ ബോം​ബോ, മി​നി ഹൈ​ഡ്ര​ജ​ൻ ബോം​ബോ, അ​ല്ലെ​ങ്കി​ൽ‌ പ്ലൂ​ട്ടോ​ണി​യം ബോം​ബോ ആ​കാം അ​ത്.

ബി​ഹാ​റി​ൽ എ​ൻ​ഡി​എ സ​ർ​ക്കാ​രി​ന്‍റെ നാ​ളു​ക​ൾ എ​ണ്ണ​പ്പെ​ട്ടു​ക​ഴി​ഞ്ഞു. ര​ണ്ടു​മാ​സ​ത്തി​നു​ള്ളി​ൽ ബി​ഹാ​റി​ൽ മ​ഹാ​സ​ഖ്യം അ​ധി​കാ​ര​മു​റ​പ്പി​ക്കും. വോ​ട്ട് മോ​ഷ​ണ​വും വോ​ട്ട​ർ​പ​ട്ടി​ക​യി​ലെ മ​റ്റു ക്ര​മ​ക്കേ​ടു​ക​ളു​മെ​ല്ലാം ന​മ്മു​ടെ ജ​നാ​ധി​പ​ത്യ​ത്തി​ന്‍റെ ആ​ധാ​ര​ശി​ല​യാ​യ ജ​ന​വി​ശ്വാ​സം ഇ​ല്ലാ​താ​ക്കി​ക്ക​ഴി​ഞ്ഞു. വോ​ട്ട് ചോ​രി​ക്കെ​തി​രേ ശ​ക്ത​മാ​യ നി​ല​പാ​ടെ​ടു​ത്ത രാ​ഹു​ലി​നെ വ​ർ​ക്കിം​ഗ് ക​മ്മി​റ്റി അ​ഭി​ന​ന്ദി​ക്കു​ക​യാ​ണെ​ന്നും അ​ദ്ദേ​ഹം വ്യ​ക്ത​മാ​ക്കി.

വോ​ട്ടിം​ഗ് ക്ര​മ​ക്കേ​ടു​ക​ളി​ൽ പാ​ർ​ല​മെ​ന്‍റി​ലും രാ​ജ്യ​ത്തെ തെ​രു​വു​ക​ളി​ലും കോ​ൺ​ഗ്ര​സി​ന്‍റെ പോ​രാ​ട്ടം തു​ട​രും. ഭ​ര​ണ​ഘ​ട​നാ അ​വ​കാ​ശ​ങ്ങ​ൾ സം​ര​ക്ഷി​ക്കു​ന്ന​തി​നാ​ണീ പോ​രാ​ട്ടം-​ജ​യ​റാം ര​മേ​ശ് പ​റ​ഞ്ഞു.