നി​ക്ഷേ​പ​ക​രി​ൽ പ്ര​തീ​ക്ഷ പ​ക​ർ​ന്ന്‌ ഓ​ഹ​രി സൂ​ചി​ക ക​രു​ത്ത്‌ തി​രി​ച്ചു​പി​ടി​ച്ചു. സെ​ൻ​സെ​ക്‌​സും നി​ഫ്‌​റ്റി​യും കാ​ഴ്‌​ചവ​ച്ച ശ​ക്ത​മാ​യ തി​രി​ച്ചു​വ​ര​വ്‌ ദീ​പാ​വ​ലി മു​ന്നി​ൽ ക​ണ്ടു​ള്ള കു​തി​ച്ചു​ചാ​ട്ട​മാ​യി വി​ല​യി​രു​ത്താം. ക​ഴി​ഞ്ഞ​വാ​രം ബോം​ബെ സൂ​ചി​ക 780 പോ​യി​ന്‍റും നി​ഫ്‌​റ്റി 239 പോ​യി​ന്‍റും മി​ക​വി​ലാ​ണ്. നി​ഫ്‌​റ്റി 25,000നു ​മു​ക​ളി​ൽ ഇ​ടം പി​ടി​ക്കാ​നു​ള്ള ത​യാ​റെ​ടു​പ്പാ​ണു പു​രോ​ഗ​മി​ക്കു​ന്ന​ത്‌.

രൂ​പ​യ്‌​ക്ക്‌ ക​രു​ത്തു പ​ക​രാ​ൻ കേ​ന്ദ്ര ബാ​ങ്ക്‌ ന​ട​ത്തു​ന്ന നീ​ക്ക​ങ്ങ​ൾ അ​നു​കൂ​ല​ഫ​ലം ഉ​ള​വാ​ക്കാം. സാ​മ്പ​ത്തി​ക മേ​ഖ​ല​യ്‌​ക്ക്‌ ഉ​ണ​ർ​വ്‌ പ​ക​രാ​ൻ പ​ലി​ശ നി​ര​ക്കു​ക​ളി​ൽ ആ​ർ​ബി​ഐ ഭേ​ദ​ഗ​തി​ക​ൾ​ക്ക്‌ മു​തി​ർ​ന്നി​ല്ല. നാ​ണ​യ​പ്പെ​രു​പ്പം പി​ടി​ച്ചുനി​ർ​ത്തു​ന്ന​തി​ൽ കൈ​വ​രി​ച്ച വി​ജ​യം വ​ർ​ഷാ​ന്ത്യം വ​രെ ഉ​ണ​ർ​വി​നു വ​ഴി​തെ​ളി​ക്കാം.

പ​ശ്ചി​മേ​ഷ്യ​ൻ സം​ഘ​ർ​ഷാ​വ​സ്ഥ​യ്‌​ക്ക്‌ അ​യ​വ്‌ ക​ണ്ടുതു​ട​ങ്ങി​യ​ത്‌ രാ​ജ്യാ​ന്ത​ര വി​പ​ണി​യി​ൽ ക്രൂ​ഡ്‌ ഓ​യി​ൽ വി​ല ത​ണു​ക്കാ​ൻ അ​വ​സ​രം ഒ​രു​ക്കും. എ​ണ്ണ വി​ല ബാ​ര​ലി​ന് 66.60 ഡോ​ള​റി​ൽ​നി​ന്ന് 64 ഡോ​ള​റി​ലേ​ക്ക്‌ ഇ​ടി​ഞ്ഞു. വ്യാ​പാ​രാ​ന്ത്യം നി​ര​ക്ക്‌ 64.45 ഡോ​ള​റി​ലാ​ണ്. പ​ല​സ്‌​തീ​ൻ മേ​ഖ​ല​യി​ലെ ശാ​ന്ത അ​ന്ത​രീ​ക്ഷം ക്രൂ​ഡ്‌ ഓ​യി​ൽ വി​ല ബാ​ര​ലി​ന് 62-58 ഡോ​ള​റി​ലേ​ക്ക്‌ വ​രും മാ​സ​ങ്ങ​ളി​ൽ താ​ഴ്‌​ത്താ​ൻ ഇ​ട​യു​ണ്ട്‌.

രാ​ജ്യം ഉ​ത്സ​വ സീ​സ​ണി​ൽ നീ​ങ്ങു​ന്ന​തി​നാ​ൽ ഓ​ഹ​രി​വി​പ​ണി​യി​ൽ ഇ​ട​പാ​ടു​ക​ളു​ടെ വ്യാ​പ്‌​തി ചു​രു​ങ്ങി​യെ​ങ്കി​ലും ദീ​പാ​വ​ലി വേ​ള​യി​ലെ ഉ​ണ​ർ​വ്‌ മു​ന്നി​ൽക​ണ്ട്‌ വ​ൻ നി​ക്ഷേ​പ​ങ്ങ​ൾ​ക്ക്‌ ഓ​പ്പ​റേ​റ്റ​ർ​മാ​ർ രം​ഗ​ത്തു​ണ്ട്‌. ഊ​ഹ​ക്ക​ച്ച​വ​ട​ക്കാ​ർ അ​വ​സ​രം നേ​ട്ട​മാ​ക്കാ​ൻ വി​പ​ണി​യി​ലെ ഓ​രോ ച​ല​ന​ങ്ങ​ളെ​യും സ​സൂ​ക്ഷ്‌​മം നി​രീ​ക്ഷി​ക്കു​ന്നു. നി​ഫ്‌​റ്റി സൂ​ചി​ക മു​ൻ​വാ​ര​ത്തി​ലെ 25,654 പോ​യി​ന്‍റി​ൽ​നി​ന്നും പ്ര​തി​രോ​ധ മേ​ഖ​ല​യി​ലേ​ക്ക്‌ സ​ഞ്ച​രി​ക്കാ​നാ​യി​ല്ലെ​ങ്കി​ലും താ​ഴ്‌​ന്ന റേ​ഞ്ചി​ൽ പു​തി​യ വാ​ങ്ങ​ലു​കാ​രു​ടെ ക​രു​ത്തി​ൽ 24,904 വ​രെ മു​ന്നേ​റി​യ ശേ​ഷം വ്യാ​പാ​രാ​ന്ത്യം 24,894 പോ​യി​ന്‍റിലാണ്.

വി​ദേ​ശ ഓ​പ്പ​റേ​റ്റ​ർ​മാ​ർ വി​ൽ​പ്പ​ന​യ്‌​ക്ക്‌ മു​ൻ​തൂ​ക്കം ന​ൽ​കി​യെ​ങ്കി​ലും ആ​ഭ്യ​ന്ത​ര ഫ​ണ്ടു​ക​ൾ ഇ​ട​പാ​ടു​ക​ൾ ന​ട​ന്ന നാലു‌ ദി​വ​സ​ങ്ങ​ളി​ലും വാ​ങ്ങ​ലു​കാ​രാ​യി​രു​ന്നു. ഈ ​വാ​രം നി​ഫ്‌​റ്റി​ക്ക്‌ 25,000ൽ ​ആ​ദ്യ പ്ര​തി​രോ​ധം പ്ര​തീ​ക്ഷി​ക്കാം. ഇ​ത്‌ മ​റി​ക​ട​ക്കാ​നാ​യാ​ൽ 25,106 - 25,414 പോ​യി​ന്‍റി​നെ ദീ​പാ​വ​ലി വേ​ള​യി​ൽ കൈ​പ്പി​ടി​യി​ൽ ഒ​തു​ക്കാം. വി​പ​ണി​യു​ടെ താ​ങ്ങ്‌ 24,692 -24,490 റേ​ഞ്ചി​ലാ​ണ്. മ​റ്റ്‌ സാ​ങ്കേ​തി​ക വ​ശ​ങ്ങ​ൾ പ​ല​തും ബു​ള്ളി​ഷെ​ങ്കി​ലും എം​എ​സിഡി ​റി​വേ​ഴ്‌​സ്‌ ഗി​യ​റി​നു അ​ണി​യ​റ നീ​ക്ക​ങ്ങ​ൾ തു​ട​ങ്ങി​യ​തി​നാ​ൽ നി​ക്ഷേ​പ​ക​ർ ക​രു​ത​ലോ​ടെ ചു​വ​ടു​വ​യ്പ് ന​ട​ത്തു​ക.


സെ​ൻ​സെ​ക്‌​സ്‌ 80,426 പോ​യി​ന്‍റി​ൽ​നി​ന്നും നേ​രി​യ റേ​ഞ്ചി​ലാ​ണു വാ​ര​ത്തി​ന്‍റെ ആ​ദ്യ പ​കു​തി​യി​ൽ നീ​ങ്ങി​യ​ത്‌, ഇ​തി​നി​ട​യി​ൽ സെ​ൻ​സെ​ക്‌​സ്‌ 80,212 വ​രെ താ​ഴ്‌​ന്നെ​ങ്കി​ലും തി​രി​ച്ചു​വ​ര​വി​ൽ സൂ​ചി​ക 81,251.99 പോ​യി​ന്‍റ് വ​രെ മു​ന്നേ​റി, വാ​രാ​ന്ത്യം 81,207ൽ ​നി​ല​കൊ​ള്ളു​ന്ന വി​പ​ണി ഈ​വാ​രം 81,567ലേ​ക്കും തു​ട​ർ​ന്ന്‌ 81,927ലേ​ക്കും മു​ന്നേ​റ്റ ശ്ര​മം ന​ട​ത്താം. വി​പ​ണി​യു​ടെ സ​പ്പോ​ർ​ട്ട്‌ 80,529 – 79,851 പോ​യി​ന്‍റി​ലാ​ണ്.

വാ​ങ്ങ​ലു​കാ​രാ​യി ആ​ഭ്യ​ന്ത​ര ഫ​ണ്ടു​ക​ൾ

വി​ദേ​ശ ഫ​ണ്ടു​ക​ൾ തു​ട​ർ​ച്ച​യാ​യ പ​തി​നാ​ലാം വാ​ര​ത്തി​ലും വി​ൽ​പ്പ​ന​ക്കാ​രാ​യി മൊ​ത്തം 8347.25 കോ​ടി രൂ​പ​യു​ടെ ഓ​ഹ​രി​ക​ൾ നാ​ലു ദി​വ​സ​ങ്ങ​ളി​ലാ​യി വി​റ്റ​ഴി​ച്ചു. 25 ആ​ഴ്ച​ക​ളാ​യി ആ​ഭ്യ​ന്ത​ര ഫ​ണ്ടു​ക​ൾ വി​പ​ണി​ക്ക്‌ ശ​ക്ത​മാ​യ പി​ന്തു​ണ ന​ൽ​കി മു​ൻ​നി​ര, ര​ണ്ടാം നി​ര ഓ​ഹ​രി​ക​ളി​ൽ ക​ന​ത്ത നി​ക്ഷേ​പം തു​ട​രു​ന്നു.

പി​ന്നി​ട്ട​ വാ​രം അ​വ​ർ 13,013.40 കോ​ടി രൂ​പ​യു​ടെ ഓ​ഹ​രി​ക​ൾ ശേ​ഖ​രി​ച്ചു. സെ​പ്‌​റ്റം​ബ​റി​ൽ ആ​ഭ്യ​ന്ത​ര ഫ​ണ്ടു​ക​ൾ നി​ക്ഷേ​പി​ച്ച​ത്‌ 65,338.59 കോ​ടി രൂ​പ​യാ​ണ്. ഒ​ക്‌​ടോ​ബ​റി​ലെ അ​വ​രു​ടെ നി​ക്ഷേ​പം 3405.09 കോ​ടി രൂ​പ​യും. ഉ​ത്സ​വ ദി​ന​ങ്ങ​ളാ​യ​തി​നാ​ൽ വാ​ങ്ങ​ൽ താ​ത്പ​ര്യം ഉ​യ​ർ​ത്താ​ൻ ഇ​ട​യു​ണ്ട്‌. ‌
വി​ദേ​ശ ഓ​പ്പ​റേ​റ്റ​ർ​മാ​ർ ഡോ​ള​റി​ൽ പി​ടി​മു​റു​ക്കി​യ​തോ​ടെ രൂ​പ 88.71ൽ​നി​ന്നും 88.85ലേ​ക്ക്‌ ദു​ർ​ബ​ല​മാ​യ​ത്‌ ക​ണ്ട്‌ കേ​ന്ദ്ര ബാ​ങ്ക്‌ ശ​ക്ത​മാ​യ നീ​ക്ക​ങ്ങ​ൾ ന​ട​ത്തി​യ​തി​നാ​ൽ വാ​രാ​ന്ത്യം രൂ​പ 88.71ലാ​ണ്.

സ്വ​ർ​ണം കു​തി​ക്കു​ന്നു

അ​ന്താ​രാ​ഷ്‌​ട്ര മാ​ർ​ക്ക​റ്റി​ൽ മ​ഞ്ഞ​ലോ​ഹം വീ​ണ്ടും റി​ക്കാ​ർ​ഡ്‌ പു​തു​ക്കി. ന്യൂ​യോ​ർ​ക്കി​ൽ ട്രോ​യ്‌ ഔ​ൺ​സി​നു 3758 ഡോ​ള​റി​ൽനി​ന്നും റി​ക്കാ​ർ​ഡ്‌ നി​ര​ക്കാ​യ 3894 ഡോ​ള​ർ വ​രെ ഉ​യ​ർ​ന്നു, വാ​രാ​ന്ത്യം സ്വ​ർ​ണം 3885 ഡോ​ള​റി​ലാ​ണ്.

ബു​ള്ളി​ഷ്‌ മ​നോ​ഭാ​വം നി​ല​നി​ർ​ത്തു​ന്ന സ്വ​ർ​ണം പു​തി​യ ഉ​യ​രം സ്വ​ന്ത​മാ​ക്കാ​നു​ള്ള ശ്ര​മ​ത്തി​ലാ​ണ്. പ​തി​നാ​ലു വ​ർ​ഷ​ത്തി​നി​ട​യി​ലെ ഏ​റ്റ​വും മി​ക​ച്ച പ്ര​തി​മാ​സ പ്ര​ക​ട​ന​മാ​ണ് സെ​പ്‌​റ്റം​ബ​റി​ൽ കാ​ഴ്‌​ച​വ​ച്ച​ത്‌. ട്രോ​യ്‌ ഔ​ൺ​സി​നു 300 ഡോ​ള​ർ കു​തി​പ്പ്‌, ഒ​രു വ​ർ​ഷ​ത്തി​ലെ മു​ന്നേ​റ്റം 1231 ഡോ​ള​ർ.

സാ​ങ്കേ​തി​ക​മാ​യി വി​പ​ണി ശ​ക്ത​മെ​ങ്കി​ലും വീ​ക്കി​ലി ചാ​ർ​ട്ടി​ന്‍റെ ച​ല​ന​ങ്ങ​ൾ വി​ല​യി​രു​ത്തി​യാ​ൽ മാ​സാ​ന്ത്യ​ത്തി​നു മു​ന്നേ സ്വ​ർ​ണം തി​രു​ത്ത​ലി​ലേ​ക്ക്‌ മു​ഖം രി​ക്കാം. എ​ന്നാ​ൽ, യു​എ​സ്‌ സാ​ന്പ​ത്തി​ക മേ​ഖ​ല​യി​ലെ പ്ര​തി​സ​ന്ധി​ക​ൾ ജ​നു​വ​രി-മാ​ർ​ച്ച്‌ കാ​ല​യ​ള​വി​ൽ സ്വ​ർ​ണ​ത്തെ 4000 ഡോ​ള​റി​നു മു​ക​ളി​ലെ​ത്തി​ക്കാം. അ​ത്ത​രം ഒ​രു കു​തി​പ്പി​നു മു​ന്നേ ഒ​രു തി​രു​ത്ത​ൽ അ​നി​വാ​ര്യം.