എ​ടൂ​ർ: ക​രി​ക്കോ​ട്ട​ക്ക​രി റോ​ഡി​ൽ വെ​മ്പു​വ പാ​ല​ത്തി​ന് സ​മീ​പം മാ​ലി​ന്യം ത​ള്ളി​യ​വ​രെ ക​ണ്ടെ​ത്തി പ​ഞ്ചാ​യ​ത്ത് ന​ട​പ​ടി സ്വീ​ക​രി​ച്ചു. പ​ഞ്ചാ​യ​ത്ത​ധി​കൃ​ത​ർ ന​ട​ത്തി​യ പ​രി​ശോ​ധ​ന​യി​ലാ​ണ് മാ​ലി​ന്യം ത​ള്ളി​യ​വ​രെ ക​ണ്ടെ​ത്തി​യ​ത്. മാ​ലി​ന്യ​ത്തി​ൽ നി​ന്ന് ല​ഭി​ച്ച ആ​ശു​പ​ത്രി ബി​ൽ പി​ന്തു​ട​ർ​ന്നു ന​ട​ത്തി​യ അ​ന്വേ​ഷ​ണ​ത്തി​ലാ​ണ് മാ​ലി​ന്യ​ത്തി​ന്‍റെ സ്രോ​ത​സി​നെ കു​റി​ച്ച് സൂ​ച​ന ല​ഭി​ച്ച​ത്.
ഓ​ടാ​ക്ക​ൽ സ്വ​ദേ​ശിയുടെ വീ​ട്ടി​ൽ നി​ന്നു​ള്ള മാ​ലി​ന്യ​ങ്ങ​ളാ​ണ് ത​ള്ളി​യ​തെ​ന്ന് ക​ണ്ടെ​ത്തി. എ​ന്നാ​ൽ മാ​ലി​ന്യം ത​ള്ളി​യ​തി​ൽ ത​നി​ക്ക് പ​ങ്കി​ല്ലെ​ന്നും നു​ച്യാ​ട് സ്വ​ദേ​ശി ന​ജ​മു​ദ്ദീ​ൻ, ചെ​ടി​ക്കു​ളം സ്വ​ദേ​ശി മൂ​സ, ചാ​ക്കാ​ട് സ്വ​ദേ​ശി സ​മീ​ർ എ​ന്നി​വ​ർ​ക്ക് മാ​ലി​ന്യം സം​സ്ക​രി​ക്കാ​ൻ ക​രാ​ർ ന​ൽ​കി​യ​താ​ണെ​ന്നും ഇ​വ​ർ ഇ​തി​നാ​യി 2500 രൂ​പ ത​ന്നി​ൽ നി​ന്ന് കൈ​പ്പ​റ്റി​യി​രു​ന്ന​താ​യും ഇയാൾ പ​റ​ഞ്ഞു. ‌തു​ട​ർ​ന്ന് പ​ഞ്ചാ​യ​ത്ത് മെംബർ ജോ​സ് അ​ന്ത്യാം​കു​ള​ത്തി​ന്‍റെ നേ​തൃ​ത്വ​ത്തി​ൽ പ​ഞ്ചാ​യ​ത്ത് ജീ​വ​ന​ക്കാ​ർ മാ​ലി​ന്യം ത​ള്ളി​യ​വ​രെ മാ​ലി​ന്യം കൊ​ണ്ടു വ​ന്ന ഓ​ട്ടോ റി​ക്ഷ സ​ഹി​തം വി​ളി​ച്ചു വ​രു​ത്തു​ക​യാ​യി​രു​ന്നു.
നാ​ട്ടു​കാ​രു​ടെ പ​രാ​തി​യി​ൽ ആ​റ​ളം പോ​ലീ​സ് സ്ഥ​ല​ത്തെ​ത്തി കേ​സെ​ടു​ത്തു. മാ​ലി​ന്യം ത​ള്ളി​യ​തു​മാ​യി ബ​ന്ധ​പ്പെ​ട്ട് നാ​ലു പേ​ർ​ക്കെ​തി​രേ​യും പ​ഞ്ചാ​യ​ത്ത് ന​ട​പ​ടി​ക​ൾ സ്വീ​ക​രി​ക്കു​മെ​ന്ന് അ​ധി​കൃ​ത​ർ അ​റി​യി​ച്ചു.