കണ്ണൂർ: പരിസ്ഥിതി ദിനത്തോനുബന്ധിച്ച് ജില്ലാ മെഡിക്കൽ ഓഫീസി(ആരോഗ്യം)ന്‍റെ നേതൃത്വത്തിൽ പരിസ്ഥിതി സംരക്ഷണ മനുഷ്യമതിൽ തീർത്തു. കളക്ടറേറ്റ് പരിസരത്ത് പരിസ്ഥിതി സംരക്ഷണ പ്രതിജ്ഞ ചൊല്ലിക്കൊടുത്ത് കടന്നപ്പള്ളി രാമചന്ദ്രൻ എംഎൽഎ ഉദ്ഘാടനം ചെയ്തു. ഡിഎംഒ (ആരോഗ്യം) ഡോ. കെ. നാരായണ നായിക് അധ്യക്ഷത വഹിച്ചു.
കണ്ണൂർ: കോർപറേഷന്‍റെ പുതിയ ഓഫീസ് കെട്ടിട നിർമാണം നടക്കുന്ന സ്ഥലത്ത് മേയർ ടി.ഒ. മോഹനൻ വൃക്ഷത്തൈ നട്ടു. ഡെപ്യൂട്ടി മേയർ ഷബീന, വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ സുരേഷ് ബാബു എളയാവൂർ, പി. ബാലചന്ദ്രൻ തുടങ്ങിയവർ പങ്കെടുത്തു.
കണ്ണൂർ: ചാലയിലെ ബേബി മെമ്മോറിയൽ ഹോസ്പിറ്റലിൽ പരിസ്ഥിതി ദിനാചരണം ഇലഞ്ഞി മരംനട്ട് ഡോ. മിഥുൻ രമേഷ് (നെഫ്രോളിസ്റ്റ്) ഉദ്ഘാടനം ചെയ്തു. ഹോസ്പിറ്റൽ ചീഫ് എക്സിക്യുട്ടീവ് ഓഫീസർ ലെഫ്റ്റ് കേണൽ ഡോ. ജയ് കിഷൻ അധ്യക്ഷത വഹിച്ചു.
വാണിയപ്പാറ: വാണിയപ്പാറ ടൗണിൽ പരിസ്ഥിതി ദിനാഘോഷങ്ങൾ ഫലവൃക്ഷത്തെെനട്ട് പഞ്ചായത്ത് മെംബർ സീമ സനോജ് ഉദ്ഘാടനം ചെയ്തു. പഞ്ചായത്ത് മെംബർ മാത്തുക്കുട്ടി മുണ്ടംപ്ലാക്കൽ, സി.സി. ജോയി, കുര്യൻ ചെട്ടിയാട്ട്, ജെസി അജിൽ, ഹരിതകർമ സേനാംഗം അന്നമ്മ പായിത്തോട്ടം എന്നിവർ പങ്കെടുത്തു.
കരിക്കോട്ടക്കരി: കരിക്കോട്ടക്കരി സെന്‍റ് തോമസ് യുപി സ്കൂളിൽ പരിസ്ഥിതി ദിനാഘോഷം മുഖ്യാധ്യാപിക എൻ.എസ്. സൂസമ്മ സ്കൂൾ ഗ്രൗണ്ടിൽ തണൽമരം നട്ട് ഉദ്ഘാടനം ചെയ്തു. പിടിഎ പ്രസിഡന്‍റ് കെ.എം. ദേവസ്യ, സിസ്റ്റർ സീനമോൾ എം. സേവ്യർ എഫ്സിസി, പരിസ്ഥിതി ക്ലബ് അധ്യാപകൻ ജിസ് സെബാസ്റ്റ്യൻ, വിദ്യാർഥി പ്രതിനിധി മാസ്റ്റർ ആൻസ്ബർട്ട് സോണി എന്നിവർ പ്രസംഗിച്ചു. കൂട്ടുകാരന് ഒരു മരം എന്ന പരിപാടിയും പോസ്റ്റർ രചന, ക്വിസ് എന്നിവയും സംഘടിപ്പിച്ചു.
കണ്ണൂർ: മലബാർ സോഷ്യൽ സർവീസ് സൊസൈറ്റി (മാസ്) പരിസ്ഥിതി ദിനാചരണത്തിന്‍റെ ഭാഗമായി കണ്ണൂർ ശ്രീപുരം ഇംഗ്ലീഷ് മീഡിയം സ്കൂളിലെ ജീവനക്കാർക്ക് വിവിധയിനം പഴച്ചെടികൾ വിതരണം ചെയ്തു. കണ്ണൂർ ശ്രീപുരം ബറുമറിയം പാസ്റ്ററൽ സെന്‍റർ ഡയറക്ടർ ഫാ. ജോയി കട്ടിയാക്കൽ വിതരണോദ്ഘാടനം നിർവഹിച്ചു. മാസ് സെക്രട്ടറി ഫാ. സിബിൻ കൂട്ടകല്ലുങ്കൽ, ശ്രീപുരം ഇംഗ്ലീഷ് മീഡിയം സ്കൂൾ പ്രിൻസിപ്പൽ ഫാ. ലൂക്ക് കരിമ്പിൽ, ഫാ. ജോസഫ് വെള്ളാപ്പള്ളി കുഴിയിൽ തുടങ്ങിയവർ പങ്കെടുത്തു.
കോളയാട്: കണ്ണൂർ കേരള ലാറ്റിൻ കാത്തലിക് അസോസിയേഷൻ പരിസ്ഥിതിദിനാചരണം കോളയാട് സെന്‍റ് കൊർണോലിയസ് പള്ളിയങ്കണത്തിൽ ഫാ. ലെനിൻ ജോസ് വൃക്ഷത്തൈ നട്ട് നിർവഹിച്ചു. രൂപത പ്രസിഡന്‍റ് ഗോഡ്സൺ ഡിക്രൂസ് അധ്യക്ഷത വഹിച്ചു. പ്രഫ. ഡോ. ജോൺ ജോസഫ് പരിസ്ഥിതി ക്ലാസെടുത്തു. വൃക്ഷത്തൈകളുടെ വിതരണവും നടന്നു. രതീഷ് ആന്‍റണി, ജോൺ ബാബു, കെ.എച്ച്.ജോൺ, ക്രിസ്റ്റഫർ കല്ലറക്കൽ, ഗോഡ്ഫ്രെ, ജോയ്സ്‌ മാനേസസ്, റിനീഷ് ആന്‍റണി എന്നിവർ പ്രസംഗിച്ചു. പരിസ്ഥതി സംരക്ഷണത്തിന്‍റെ ഭാഗമായി കണ്ണൂർ രൂപതയിൽ 1000 വൃക്ഷത്തൈകൾ നട്ടുപിടിപ്പിക്കാൻ തീരുമാനിച്ചു.
മട്ടന്നൂർ: മട്ടന്നൂർ മധുസൂദനൻ തങ്ങൾ സ്മാരക ഗവ.യുപി സ്കൂളിൽ ജൈവ വൈവിധ്യ പാർക്കിന്‍റെ പ്രവൃത്തി ഉദ്ഘാടനവും പരിസ്ഥിതി ദിനാഘോഷവും കളക്ടർ എസ്.ചന്ദ്രശേഖർ നിർവഹിച്ചു.നഗരസഭാ ചെയർമാൻ എൻ.ഷാജിത്ത് അധ്യക്ഷത വഹിച്ചു. വി.വി.ബാബു, എം.രതീഷ്, കെ.വി.പ്രശാന്ത്, പി.കെ.ജയതിലകൻ, അജിന പ്രമോദ്, എം.ശ്രീജിത്ത് കുമാർ, സി.മുരളീധരൻ, പി.സതീഷ് കുമാർ, വി.കെ.സജിത്ത്കുമാർ, പി.ഐശ്വര്യ എന്നിവർ പ്രസംഗിച്ചു.
കൊളക്കാട്: പ്രകൃതിയെ ഒരു കാൻവാസിൽ വരച്ച് കൊളക്കാട് സാൻതോം ഹയർ സെക്കൻഡറി സ്കൂളിലെ കുട്ടികളും അധ്യാപകരും പരിസ്ഥിതി ദിനം ആഘോഷിച്ചു. സ്കൂൾ മാനേജർ ഫാ. തോമസ് പട്ടാംകുളം ഉദ്ഘാടനം ചെയ്തു. കലാധ്യാപകൻ ശ്രീനിവാസൻ, മുഖ്യാധ്യാപിക സോളി തോമസ് എന്നിവർ പ്രസംഗിച്ചു. എൻസിസി, എസ്പിസി, ജെആർസി കുട്ടികളുടെ നേതൃത്വത്തിൽ സ്കൂൾ പരിസരം ശുചിയാക്കി.
കേളകം: കേളകം ഹോമിയോ ആശുപത്രി കോമ്പൗണ്ടിൽ കേളകം ഇഎംഎസ് ലൈബ്രറിയുടെ ആഭിമുഖ്യത്തിൽ ഫലവൃക്ഷത്തെെകൾ നട്ടു. ലൈബ്രറി സെക്രട്ടറി കെ.പി. ഷാജി, പി. എം. രമണൻ, അമ്മിണി ശ്രീധരൻ, പി.ജി. സന്തോഷ്, പി.എസ്. അഭിഷേക്, കെ.പി. അമ്പിളി എന്നിവർ നേതൃത്വം നൽകി.
മഞ്ഞളാംപുറം: മഞ്ഞളാംപുറം യുപി സ്കൂളിൽ മുഖ്യാധ്യാപിക പി.ഡി. റോസമ്മ വൃക്ഷത്തൈ നട്ട് പരിസ്ഥിതിദിനാഘോഷങ്ങൾക്ക് തുടക്കം കുറിച്ചു. രശ്മി ജോസ് പരിസ്ഥിതിദിന സന്ദേശം നൽകി. എയ്ഞ്ചൽ മരിയ ജോഷി, ജെസ്‌ലിൻ എലിസബത്ത് ജിൽസൻ തുടങ്ങിയവർ കവിത ആലപിച്ചു. പേപ്പർ കാരിബാഗ് നിർമാണം, ക്വിസ്, വിവിധ ബോധവത്കരണ പരിപാടികൾ നടത്താൻ തീരുമാനിച്ചു.
ചുങ്കക്കുന്ന്: ഗവ. യുപി സ്കൂളിന് ലഭിച്ച വേസ്റ്റ് ബിന്നിന്‍റെ ഉദ്ഘാടനം സീനിയർ പഞ്ചായത്ത് വാർഡ് മെംബർ പി.സി. തോമസ് പൊട്ടനാനിയിൽ നിർവഹിച്ചു. മുഖ‍്യാധ‍്യാപകൻ ഇ.ആർ. വിജയൻ പരിസ്ഥിതി ദിന ബോധവത്കരണം നടത്തി. പരിസ്ഥിതി ക്ലബ് അംഗങ്ങൾ പരിസരം
ശുചീകരിച്ചു. പോസ്റ്റർ നിർമാണം, ക്വിസ് എന്നിവയും നടത്തി.
കേളകം: കേളകം ലിറ്റിൽ ഫ്ലവർ ഇംഗ്ലീഷ് മീഡിയം സ്കൂളിൽ പഞ്ചായത്ത് വികസനകാര്യ സ്റ്റാന്‍ഡിംഗ് കമ്മിറ്റി ചെയർമാൻ ടോമി പുളിക്കക്കണ്ടം വൃക്ഷത്തൈ നട്ടു. പിടിഎ പ്രസിഡന്‍റ് ബിന്‍റോ സി. കറുകയിൽ അധ്യക്ഷത വഹിച്ചു. കൃഷി ഓഫീസർ കെ.ജി. സുനിൽ കൃഷിദിന സന്ദേശം നൽകി. ഫാ. വർഗീസ് ചങ്ങനാമഠം, അസി. കൃഷി ഓഫീസർ അഷ്റഫ്, പഞ്ചായത്തംഗങ്ങളായ ബിജു ചാക്കോ, ജോണി പാമ്പാടി, സുനിത രാജു, ഷിജി സുരേന്ദ്രൻ, സ്കൂൾ പ്രിൻസിപ്പൽ സിസ്റ്റർ അഭിഷിക്ത എസ്എസിഐ തുടങ്ങിയവർ പ്രസംഗിച്ചു.
കൊളക്കാട്: കൊളക്കാട് സെന്‍റ് സെബാസ്റ്റ്യൻസ് യുപി സ്കൂളിൽ ലോക പരിസ്ഥിതി ദിനം ആചരിച്ചു. സ്കൂൾ ഗ്രൗണ്ടിൽ നടന്ന അസംബ്ലിയിൽ മുഖ്യാധ്യാപിക ജാൻസി തോമസ് പരിസ്ഥിതി ദിനത്തിന്‍റെ പ്രാധാന്യത്തെപ്പറ്റി പ്രസംഗിച്ചു. തുടർന്ന് ശാസ്ത്ര ക്ലബ് കൺവീനർ ദീപ്തി കുര്യാക്കോസ് പ്ലാസ്റ്റിക് മാലിന്യങ്ങൾ പ്രകൃതിയിൽ വരുത്തുന്ന ഗുരുതര പ്രത്യാഘാതങ്ങളെക്കുറിച്ച് കുട്ടികളെ ബോധവത്കരിച്ചു. വിദ്യാർഥി പ്രതിനിധികളായ അൻസിൽ മരിയ റെന്നി, അൻസ മരിയ എന്നിവർ പ്രസംഗിച്ചു. പിടിഎ പ്രസിഡന്‍റ് പെരേപ്പാടൻ സന്തോഷിന്‍റെ നേതൃത്വത്തിൽ സ്കൂൾ പരിസരത്ത് വൃക്ഷത്തെെകൾ നട്ടു.
കൂത്തുപറമ്പ്: നിർമലഗിരി ആർട്‌സ് ആൻഡ് സയൻസ് അക്കാദമിയിൽ കോളജ് അഡ്മിനിസ്‌ട്രേറ്റർ ഫാ. രഞ്ജിത്തിന്‍റെ നേതൃത്വത്തിൽ വൃക്ഷത്തൈ നട്ടു. നിർമലഗിരി കോളജ് ബോട്ടണി വിഭാഗം തലവൻ ഡോ. അൻപിൻ രാജ വിദ്യാർഥികൾക്ക് സന്ദേശം നൽകി. കോളജ് പ്രിൻസിപ്പൽ ഡോ. കെ.വി.ഔസേപ്പച്ചൻ അധ്യക്ഷത വഹിച്ചു. ഫാ. മാത്യു തെക്കേമുറിയിൽ, മുൻ പ്രിൻസിപ്പൽ ഡോ. എം.വി.ജോസ്, എൻഎസ്എസ് പ്രോഗ്രാം ഓഫീസർ എ.എം. വിനീത, വൈസ് പ്രിൻസിപ്പൽ ഡോ. ടെസി ജോർജ് എന്നിവർ പ്രസംഗിച്ചു.
കണ്ണൂർ: കെഎസ്യു കണ്ണൂർ ജില്ലാ കമ്മിറ്റിയുടെ നേതൃത്വത്തിൽ ജില്ലയിലെ കാമ്പസുകളിൽ മുള നട്ടുപിടിപ്പിക്കുന്ന "മുളയിടം' പദ്ധതിക്ക് കണ്ണൂർ എസ്എൻ കോളജിൽ യൂത്ത് കോൺഗ്രസ്‌ ജില്ലാ ആക്ടിംഗ് പ്രസിഡന്‍റ് രാഹുൽ വെച്ചിയോട്ട് ഉദ്ഘാടനം ചെയ്തു. കെഎസ്യു ജില്ലാ പ്രസിഡന്‍റ് എം.സി. അതുൽ അധ്യക്ഷത വഹിച്ചു. ഹരികൃഷ്ണൻ പാളാട്, അഷിത്ത് അശോകൻ, മുഹമ്മദ്‌ റിസ്വാൻ, എ.എം. സൂര്യതേജ്, ആൽബിൻ മത്തായി, പി. അംബിക, ആവണി പ്രസാദ്, ഹരികൃഷ്ണൻ പൊറോറ, പി. അമൽ സാജ്, കെ. ശ്രീരാഗ്, പ്രകീർത്ത് മുണ്ടേരി, അഭിജിത്ത് കാപ്പാടാൻ, ധനുഷ് സത്യൻ,ദേവകുമാർ പി,നിഹാൽ എന്നിവർ പ്രസംഗിച്ചു.
നുച്യാട് : ഗവ. യുപി സ്കൂളിലെ പരിസ്ഥിതി ദിനാഘോഷം വാർഡ് മെംബർ സമീറ പള്ളിപ്പാത്ത് ഉദ്ഘാടനം ചെയ്തു. സീനിയർ അസിസ്റ്റന്‍റ് ടി.എം. ബീന അധ്യക്ഷത വഹിച്ചു. കെ.വി. മോഹനൻ പരിസ്ഥിതിദിന സന്ദേശം നൽകി. പരിസ്ഥിതി ക്വിസ്, പോസ്റ്റർരചന മത്സരങ്ങൾ സംഘടിപ്പിച്ചു. സ്കൂൾ അങ്കണത്തിൽ ഫലവൃക്ഷത്തൈ നട്ടു. പരിസ്ഥിതി ക്ലബ് കോ-ഓർഡിനേറ്റർ വി.സി. പ്രശാന്തൻ, ടി. രുക്മിണി എന്നിവർ പ്രസംഗിച്ചു.
കൂത്തുപറമ്പ്: ജില്ലാ ലീഗൽ സർവീസസ് അഥോറിറ്റി, കൂത്തുപറമ്പ് അഗ്നി രക്ഷാനിലയം സിവിൽ ഡിഫൻസ്, ഓയിസ്ക ഇന്‍റർനാഷണൽ ചാപ്റ്റർ മമ്പറം എന്നിവയുടെ സംയുക്താഭിമുഖ്യത്തിൽ കൂത്തുപറമ്പ് പാലാപറമ്പിലെ സ്നേഹനികേതനിൽ ഫലവൃക്ഷ തൈകളും ഔഷധ സസ്യങ്ങളും നട്ടു. അഗ്നി രക്ഷാനിലയം ഓഫീസർ.പി. ഷാനിത്ത് ഉദ്ഘാടനം ചെയ്തു. പോസ്റ്റ് വാർഡൻ എം.സന്തോഷ് അധ്യക്ഷത വഹിച്ചു. ഫയർ ഓഫീസർ പാർത്ഥൻ കുന്നേൽ, പാരാ ലീഗൽ വോളണ്ടിയർ വാഴയിൽ ഭാസ്കരൻ, കോൺവെൻറ് സുപ്പീരിയർ മദർ വിക്ടോറിയ, ഡയറക്ടർ സിസ്റ്റർ ആൽഫിൻ, ഡപ്യൂട്ടി പോസ്റ്റ് വാർഡൻ ശിൽപ.വി, സിവിൽ ഡിഫൻസ് അംഗങ്ങളായ എം. ജിതിൻ, പി.വിബിനേഷ്, എം.കെ. സത്യപാലൻ, എം.ലിജേഷ്, എം. സുബീഷ്, സിസ്റ്റർ മേരി എന്നിവർ പ്രസംഗിച്ചു.
മാട്ടറ: മാട്ടറ കാരിസ് യുപി സ്കൂളിലെ ലോക പരിസ്ഥിതി ദിനാഘോഷം സ്കൂൾ മാനേജർ ഫാ. ജോർജ് ഇലവുംകുന്നേൽ വൃക്ഷത്തൈ നട്ട് ഉദ്ഘാടനം ചെയ്തു. സ്കൂൾ മുഖ്യാധ്യാപിക ഇ.ജെ. തങ്കമ്മ, അധ്യാപകർ, പിടിഎ പ്രസിഡന്‍റ് റോയി ജോസഫ് എന്നിവർ നേതൃത്വം നൽകി.
ഇരിട്ടി: സിറ്റി ലയണ്‍സ് ക്ലബിന്‍റെ നേതൃത്വത്തില്‍ പെരുമ്പറമ്പ് ഇക്കോപാര്‍ക്കില്‍ വൃക്ഷത്തെെനട്ട് പരിസ്ഥിതി ദിനാചരണം നടത്തി. പി.കെ. ആന്‍റണി, ഡോ. ജി. ശിവരാമകൃഷ്ണന്‍, നിധീഷ് ജോസഫ്, പ്രശാന്തന്‍, എന്‍.കെ. ബിജു എന്നിവര്‍ നേതൃത്വം നല്‍കി. സീനിയര്‍ ചേംബറിന്‍റെ നേതൃത്വത്തില്‍ പെരുമ്പറമ്പ് ഇക്കോപാര്‍ക്കിലും വൃക്ഷതൈ നട്ട് പരിസ്ഥിതി ദിനാചരണം നടത്തി.
കുന്നോത്ത്: സെന്‍റ് ജോസഫ്‌സ് യുപി സ്‌കൂളില്‍ ഇക്കോ ക്ലബിന്‍റെ നേതൃത്വത്തില്‍ പരിസ്ഥിതി ദിനം ആഘോഷിച്ചു. പായം പഞ്ചായത്ത് കൃഷി ഓഫീസര്‍ കെ.ജെ. രേഖ പരിസ്ഥിതി ദിനം ഉദ്ഘാടനം ചെയ്തു. സ്‌കൂളിനെ പ്ലാസ്റ്റിക് ഫ്രീ കാന്പസ് ആയി സ്‌കൂള്‍ പ്രധാന അധ്യാപകന്‍ മാത്യു ജോസഫ് പ്രഖ്യാപിച്ചു. മദര്‍ പിടിഎ പ്രസിഡന്‍റ് ജാസ്മിന്‍ സുനില്‍ അധ്യക്ഷത വഹിച്ചു. ടിന്‍റു ജോണ്‍സ്, എം.ജെ. ജ്യോതി, സിന്ധു ജോസഫ്, ആന്‍ മേരി ജോസ്, സി.ഷില്ലി, ആര്യ എന്നിവര്‍ നേതൃത്വം നല്‍കി.
വെളിമാനം: സെന്‍റ് സെബാസ്റ്റ്യന്‍സ് ഹയര്‍ സെക്കന്‍ഡറി സ്കൂൾ എന്‍എസ്എസ് യൂണിറ്റിന്‍റേയും ഇക്കോ ക്ലബിന്‍റേ സ്‌കൗട്ട് ആൻഡ് ഗൈഡ്‌സിൻരേയും നേതൃത്വത്തില്‍ പരിസ്ഥിതി ദിനാഘോഷം നടത്തി. വിദ്യാര്‍ഥികള്‍ സ്‌കൂള്‍ പരിസരത്ത് തൈ നട്ടു. അസി. മാനേജര്‍ ഫാ. എബിന്‍ മഠപ്പാംതോട്ടുകുന്നേല്‍ ഉദ്ഘാടനം ചെയ്തു. പ്രിന്‍സിപ്പല്‍ ഡോ. എം.സി. റോസ, ഷാജി പീറ്റര്‍, സജി ജോസഫ്, തോമസ് മാത്യു, ജിപ്‌സ ജേക്കബ്,എന്നിവര്‍ പ്രസംഗിച്ചു. പരിസര ശുചീകരണവും നടത്തി.
ഹരിത സഭ സംഘടിപ്പിച്ചു
കേളകം: "മാലിന്യ മുക്ത നവകേരളം" കാമ്പയിന്‍റെ ഭാഗമായി കേളകത്ത് ഹരിത സഭ സംഘടിപ്പിച്ചു. കേളകം ഐശ്വര്യ ഓഡിറ്റോറിയത്തിൽ നടന്ന പരിപാടി ജില്ലാ പഞ്ചായത്ത് വൈസ് പ്രസിഡന്‍റ് ബിനോയ് കുര്യൻ ഉദ്ഘാടനം ചെയ്തു. കേളകം ഗ്രാമപഞ്ചായത്ത് വൈസ് പ്രസിഡന്‍റ് തങ്കമ്മ മേലേക്കുറ്റ് അധ്യക്ഷത വഹിച്ചു.
കണ്ണൂർ: മാലിന്യമുക്ത കേരളം കാമ്പയിനിന്‍റെ ഭാഗമായി പരിസ്ഥിതി ദിനത്തിൽ കണ്ണൂർ കോർപറേഷൻ ഹരിത സഭ സംഘടിപ്പിച്ചു. കണ്ണൂർ ജവഹർ ലൈബ്രറി ഹാളിൽ നടന്ന പരിപാടി മേയർ ടി.ഒ. മോഹനൻ ഉദ്ഘാടനം ചെയ്തു. ഡെപ്യൂട്ടി മേയർ കെ. ഷബീന അധ്യക്ഷത വഹിച്ചു.