ത​ല​ശേ​രി: ഇ​ര​ട്ട​ക്കൊ​ല​പാ​ത​ക കേ​സി​ല്‍ ഒ​ളി​വി​ലാ​യി​രു​ന്ന പ്ര​തി​ക്ക് ജീ​വ​പ​ര്യ​ന്തം ത​ട​വും ഒ​രു ല​ക്ഷം രൂ​പ പി​ഴ​യും. തി​ല്ല​ങ്കേ​രി​യി​ലെ ക​രി​യി​ല്‍ അ​മ്മു​ക്കു​ട്ടി​യ​മ്മ, ജീ​പ്പ്‌ ഡ്രൈ​വ​ര്‍ ശി​ഹാ​ബ് എ​ന്നി​വ​രെ ബോം​ബെ​റി​ഞ്ഞ് കൊ​ല​പ്പെ​ടു​ത്തി​യ കേ​സി​ലാ​ണ് ഒ​ന്നാം​പ്ര​തി​യും സി​പി​എം പ്ര​വ​ര്‍​ത്ത​ക​നു​മാ​യ ന​ടു​വ​നാ​ട്ടെ ഹ​സീ​ന മ​ന്‍​സി​ലി​ല്‍ പു​തി​യ​പു​ര​യി​ല്‍ മു​രി​ക്ക​ഞ്ചേ​രി അ​ര്‍​ഷാ​ദി​നെ (42) ജീ​വ​പ​ര്യ​ന്തം ത​ട​വി​നും പി​ഴ​യ​ട​യ്ക്കാ​നും ജി​ല്ലാ സെ​ഷ​ന്‍​സ് ജ​ഡ്ജി കെ.​ടി.​നി​സാ​ര്‍ അ​ഹ​മ്മ​ദ് ശി​ക്ഷി​ച്ച​ത്.

കൊ​ല​പാ​ത​ക കേ​സി​ല്‍ കോ​ട​തി​യി​ല്‍ നി​ന്ന് ജാ​മ്യ​മെ​ടു​ത്ത ശേ​ഷം കേ​സി​ന്‍റെ വി​ചാ​ര​ണ​യ്ക്കു കോ​ട​തി മു​മ്പാ​കെ ഹാ​ജ​രാ​കാ​തെ മു​ങ്ങി ന​ട​ക്കു​ക​യാ​യി​രു​ന്നു പ്ര​തി. തു​ട​ര്‍​ന്ന് കോ​ട​തി പ്ര​തി​യു​ടെ പേ​രി​ലു​ള്ള കേ​സ് മാ​റ്റി​വ​ച്ച​ശേ​ഷം മ​റ്റ് പ്ര​തി​ക​ളു​ടെ വി​ചാ​ര​ണ ന​ട​ത്തി തീ​ര്‍​പ്പ് ക​ല്‍​പ്പി​ച്ചു. ഇ​തി​നു​ശേ​ഷ​മാ​ണ് മു​ഖ്യ​പ്ര​തി കീ​ഴ​ട​ങ്ങി​യ​ത്.

2002 മേ​യ് അ​ഞ്ചി​നാ​യി​രു​ന്നു കേ​സി​നാ​സ്പ​ദ​മാ​യ സം​ഭ​വം. ത​ലേ​ദി​വ​സം ബി​ജെ​പി പ്ര​വ​ര്‍​ത്ത​ക​നും ബ​സ് ഡ്രൈ​വ​റു​മാ​യ ചാ​വ​ശേ​രി​യി​ലെ ഉ​ത്ത​മ​നെ സം​ഘം ചേ​ര്‍​ന്ന് കൊ​ല​പ്പെ​ടു​ത്തി​യി​രു​ന്നു. ഉ​ത്ത​മ​ന്‍റെ മ​ര​ണാ​ന്ത​ര ച​ട​ങ്ങി​ല്‍ പ​ങ്കെ​ടു​ത്ത് ജീ​പ്പി​ല്‍ മ​ട​ങ്ങു​മ്പോ​ഴാ​യി​രു​ന്നു ബോം​ബാ​ക്ര​മ​ണ​ത്തി​ൽ അ​മ്മു അ​മ്മ​യും ശി​ഹാ​ബും കൊ​ല്ല​പ്പെ​ടു​ന്ന​ത്. മ​റ്റു പ്ര​തി​ക​ളാ​യ വ​യ​ലാ​ളി ഗി​രീ​ശ​ന്‍, പി. ​മ​നോ​ജ്, എം.​പി. ജ​യ​രാ​ജ്, എം. ​ദി​ലീ​പ് തു​ട​ങ്ങി 24 പ്ര​തി​ക​ളെ 2011 ഏ​പ്രി​ല്‍ 18ന് ​അ​ന്ന​ത്തെ ജി​ല്ലാ സെ​ഷ​ന്‍​സ് ജ​ഡ്ജി തു​ള​സീ​ഭാ​യ് ജീ​വ​പ​ര്യ​ന്തം ത​ട​വി​നും പി​ഴ​യ​ട​യ്ക്കാ​നും ശി​ക്ഷി​ച്ചി​രു​ന്നു. പ്രോ​സി​ക്യൂ​ഷ​ന് വേ​ണ്ടി ജി​ല്ലാ ഗ​വ.​പ്ലീ​ഡ​ര്‍ കെ.​അ​ജി​ത്കു​മാ​ര്‍ ഹാ​ജ​രാ​യി.