കാ​സ​ര്‍​ഗോ​ഡ്: മ​ണ​ല്‍ ക​ട​ത്തി​നെ​തി​രെ പോ​ലീ​സ് ന​ട​പ​ടി ശ​ക്ത​മാ​ക്കി​യ​തോ​ടെ മ​ണ​ല്‍​ക്ഷാ​മം രൂ​ക്ഷ​മാ​കു​ന്നു. ആ​വ​ശ്യ​ത്തി​ന് മ​ണ​ല്‍ കി​ട്ടാ​താ​യ​തോ​ടെ എം​സാ​ന്‍​ഡി​ന് ആ​വ​ശ്യ​ക്കാ​രേ​റി. ഇ​തോ​ടെ എം​സാ​ന്‍​ഡി​ന് വി​ല കു​തി​ച്ചു​ക​യ​റി​യി​രി​ക്കു​ക​യാ​ണ്. ക​രി​ങ്ക​ല്‍ ക്വാ​റി ഉ​ട​മ​ക​ളാ​ണ് എം​സാ​ന്‍​ഡി​ന് വി​ല കൂ​ട്ടി​യ​ത്.

ഒ​രു ടി​പ്പ​ര്‍ ലോ​റി​യി​ല്‍ 180 അ​ടി എം​സാ​ന്‍​ഡ് കൊ​ണ്ടു​പോ​കാ​ന്‍ 7500 രൂ​പ​യാ​ണ് മു​മ്പ് വാ​ങ്ങ​യ​രു​ന്ന​ത്. ഇ​പ്പോ​ള്‍ 10,500 രൂ​പ​യാ​യി വ​ര്‍​ധി​പ്പി​ച്ചി​രി​ക്കു​ക​യാ​ണ്. മ​ണ​ല്‍ മാ​ഫി​യ​ക്ക് കൂ​ട്ടു​നി​ന്ന​തി​ന് ഒ​രു​മാ​സം മു​മ്പ് കു​മ്പ​ള പോ​ലീ​സ് സ്റ്റേ​ഷ​നി​ലെ അ​ഞ്ചു പോ​ലീ​സു​കാ​രെ സ​സ്‌​പെ​ന്‍​ഡ് ചെ​യ്തി​രു​ന്നു. ഇ​തി​നു​ശേ​ഷം മ​ണ​ല്‍ ക​ട​ത്തു​കാ​ര്‍​ക്കെ​തി​രെ പോ​ലീ​സ് ശ​ക്ത​മാ​യ ന​ട​പ​ടി സ്വീ​ക​രി​ച്ചു​വ​രി​ക​യാ​ണ്.

മ​ണ​ല്‍ ക​ട​ത്തി​ന് ഉ​പ​യോ​ഗി​ക്കു​ന്ന അ​ന​ധി​കൃ​ത ക​ട​വു​ക​ള്‍ പൊ​ലീ​സ് ത​ക​ര്‍​ത്തി​രു​ന്നു. ക​ട​വി​ലേ​ക്ക് വ​ഴി​യൊ​രു​ക്കി കൊ​ടു​ക്കു​ന്ന സ്വ​കാ​ര്യ വ്യ​ക്തി​ക​ള്‍​ക്കെ​തി​രേ​യും ന​ട​പ​ടി സ്വീ​ക​രി​ക്കു​ന്നു​ണ്ട്. ഇ​തോ​ടെ മ​ണ​ല്‍ ക​ട​ത്ത് നി​ല​ച്ചി​രി​ക്കു​ക​യാ​ണ്.വീ​ടി​ന്‍റെ അ​റ്റ​കു​റ്റ പ​ണി​ക​ള്‍​ക്കും മ​റ്റു​മാ​യി പ​ത്തും ഇ​രു​പ​തും ചാ​ക്ക് മ​ണ​ല്‍ വേ​ണ്ടി​വ​രു​ന്ന​വ​ര്‍ ഏ​റെ​യാ​ണ്.

എ​ന്നാ​ല്‍ ഇ​തി​നു​പോ​ലും മ​ണ​ല്‍ കി​ട്ടാ​ത്ത സ്ഥി​തി വ​ന്ന​തോ​ടെ​യാ​ണ് എം​സാ​ന്‍​ഡി​നെ കൂ​ടു​ത​ലാ​യും ആ​ശ്ര​യി​ക്കാ​ന്‍ തു​ട​ങ്ങി​യ​ത്.