ആറന്മുള സത്യവ്രതന്‍ സ്മാരക നാടക പുരസ്‌കാരം രാജു കുന്നക്കാട്ടിന്
1546927
Wednesday, April 30, 2025 7:13 AM IST
ഏറ്റുമാനൂര്‍: പ്രമുഖ സാഹിത്യകാരന്‍ ആറന്മുള സത്യവ്രതന്‍ അനുസ്മരണവും പുരസ്‌കാരസമര്‍പ്പണവും മേയ് 11ന് നടക്കും. കോട്ടയം മാറ്റൊലിയുടെ ‘ഒലിവ് മരങ്ങള്‍ സാക്ഷി’ എന്ന നാടകത്തിന്‍റെ രചയിതാവ് രാജു കുന്നക്കാട്ടിനാണ് ഈ വര്‍ഷത്തെ പുരസ്‌കാരം. എസ്എംഎസ്എം ലൈബ്രറി ശതാബ്ദി ഹാളില്‍ നടക്കുന്ന അനുസ്മരണം പ്രഫ. ഹരികുമാര്‍ ചങ്ങമ്പുഴ ഉദ്ഘാടനം ചെയ്യും.
പ്രദീപ് മാളവിക പുരസ്‌കാരസമര്‍പ്പണം നിര്‍വഹിക്കും.
കേന്ദ്ര ഫിലിം സെന്‍സര്‍ ബോര്‍ഡ് മെംബര്‍ ഗോപാലകൃഷ്ണന്‍ അനുസ്മരണം നടത്തും. സിനിമ പ്രൊഡക്ഷന് ഡയറക്ടര്‍ അനുക്കുട്ടന്‍ ഏറ്റുമാനൂരിനെ ആദരിക്കും. പത്രസമ്മേളനത്തില്‍ സതീഷ് കാവ്യധാര, ജി. പ്രകാശ്, പി. അമ്പിളി, ജി. കാവ്യധാര എന്നിവര്‍ എന്നിവര്‍ പങ്കെടുത്തു.