ADVERTISEMENT

ADVERTISEMENT

കേരള ടാക്‌സ് പ്രാക്‌റ്റീഷണേഴ്സ് അസോസിയേഷന്‍

കോട്ടയം: കേരള ടാക്‌സ് പ്രാക്റ്റീഷണേഴ്സ് അസോസിയേഷന്‍ ജില്ലാ സമ്മേളനം സംസ്ഥാന പ്രസിഡന്‍റ് പി.എസ്. ജോസഫ് ഉദ്ഘാടനം ചെയ്തു.

സംസ്ഥാന വൈസ് പ്രസിഡന്‍റ് ഏബ്രഹാം കെ. ലൂക്കോസ്, സംസ്ഥാന ജനറല്‍ സെക്രട്ടറി എന്‍.കെ. ശിവന്‍കുട്ടി, ജില്ലാ ഭാരവാഹികളായ സി.എ. ബിജു, പി. രാജേഷ്, ടി.എന്‍. രാജന്‍, വി.പി. നാസര്‍, ശ്രീനിവാസ ഷേണായ്, കെ.എച്ച്. സജീബ്, സി.ടി. സാബുകുമാര്‍, എന്‍. പ്രകാശ്, ഷാജി തോമസ്, മനോജ് ഡി. കാരൊത്, മാത്യു ജോസഫ്, സോജന്‍ തോമസ്, ഷേര്‍ളി പത്മകുമാര്‍, ലൂസി ജോര്‍ജ് എന്നിവര്‍ പ്രസംഗിച്ചു.

പുതിയ ഭാരവാഹികളയായി എന്‍. പ്രകാശ് (പ്രസിഡന്‍റ് ), ഷാജി തോമസ് ( വൈസ് പ്രസിഡന്‍റ്) ശ്രീനിവാസ ഷേണായ് (സെക്രട്ടറി), കെ.എം. ചെറിയാന്‍ ((ജോയിന്‍റ് സെക്രട്ടറി), വി.എസ്. ജയകുമാര്‍ (ട്രഷറര്‍), ലൂസി ജോര്‍ജ് (വനിതാ പ്രതിനിധി), എന്‍.കെ. ശിവന്‍കുട്ടി, വി.പി. നാസര്‍, ഷേര്‍ളി പത്മകുമാര്‍ (സംസ്ഥാന കൗണ്‍സില്‍ അംഗങ്ങള്‍) എന്നിവരെയും തെരഞ്ഞെടുത്തു.

ADVERTISEMENT

സിഐടിയു റാലി ഇന്ന്

ചങ്ങനാശേരി: സാര്‍വദേശീയ തൊഴിലാളി ദിനത്തോടനുബന്ധിച്ച് സിഐടിയു ചങ്ങനാശേരി ഏരിയ കമ്മിറ്റിയുടെ നേതൃത്വത്തില്‍ ഇന്ന് ഘോഷയാത്രയും പൊതുസമ്മേളനവും നടക്കും. വൈകുന്നേരം നാലിന് റെയില്‍വേ ജംഗ്ഷനില്‍നിന്നാരംഭിക്കുന്ന റാലി നഗരം ചുറ്റി പെരുന്ന ബസ് സ്റ്റാന്‍ഡ് മൈതാനിയില്‍ സമാപിക്കും. നാടന്‍ കലാരൂപങ്ങള്‍, നിശ്ചല ദൃശ്യങ്ങള്‍, പഞ്ചവാദ്യം, പരുന്താട്ടം, വിവിധ വാദ്യമേളങ്ങള്‍ തുടങ്ങിയവ റാലിയില്‍ അണിനിരക്കും. പെരുന്ന ബസ് സ്റ്റാന്‍ഡ് മൈതാനിയില്‍ ചേരുന്ന പൊതുസമ്മേളനം സിപിഎം കേന്ദ്ര കമ്മിറ്റിയംഗം കെ.കെ. ശൈലജ ഉദ്ഘാടനം ചെയ്യും.

വെരൂര്‍ പള്ളിയില്‍ തിരുനാള്‍

ചങ്ങനാശേരി: വെരൂര്‍ സെന്‍റ് ജോസഫ് പള്ളിയില്‍ വിശുദ്ധ യൗസേപ്പിതാവിന്‍റെ തിരുനാളിനു കൊടിയേറി. വികാരി ഫാ. തോമസ് പുത്തന്‍പുരയ്ക്കല്‍ കൊടിയേറ്റ് നിര്‍വഹിച്ചു. ഇന്നു രാവില 6.30ന് കുട്ടികളുടെ വിശുദ്ധകുര്‍ബാന സ്വീകരണം, വിശുദ്ധകുര്‍ബാന. മോണ്‍. മാത്യു ചങ്ങങ്കരി. വൈകുന്നേരം 4.30ന് ഫാ. ടോണി പുതുവീട്ടിക്കളം വിശുദ്ധകുര്‍ബാനയര്‍പ്പിക്കും. ഫാ. ജോര്‍ജ് പനക്കേഴം വിശുദ്ധകുര്‍ബാനയുടെ പ്രദക്ഷിണം നയിക്കും. നാളെയും മൂന്നിനും രാവിലെ 5.45നും വൈകുന്നേരം 4.30നും വിശുദ്ധകുര്‍ബാന. ഫാ. തോമസ് പാറത്താനം, ഫാ. ആന്‍റണി മാളേക്കല്‍ എന്നിവര്‍ കാര്‍മികരായിരിക്കും. പ്രധാനതിരുനാള്‍ ദിനമായ നാലിന് രാവിലെ 5.30ന് ഫാ. നിധിന്‍ അമ്പലത്തുങ്കല്‍, 9.30ന് ഫാ. ജോസ് തെക്കേപ്പുറം എന്നിവര്‍ വിശുദ്ധ കുര്‍ബാനയര്‍പ്പിക്കും. വൈകുന്നേരം 4.30ന് വിശുദ്ധകുര്‍ബാന ഫാ. മാത്യു ചൂരവടി, ഫാ. തോമസ് പ്ലാപറമ്പില്‍, ഫാ. ഗ്രിഗറി നടുവിലേടം, ഫാ. ജോസഫ് പൂവത്തുങ്കല്‍, ഫാ. ടോം പുത്തന്‍കളം എന്നിവര്‍ കാര്‍മികരായിരിക്കും. ഫാ. സെബാസ്റ്റ്യന്‍ പുന്നശേരി സന്ദേശം നല്‍കും. ആറിന് പ്രദക്ഷിണം. ഫാ. നിഖില്‍ അറയ്ക്കത്തറ കാര്‍മികനായിരിക്കും. തോട്ടയ്ക്കാട് പള്ളിയില്‍ പ്രധാനതിരുനാള്‍ ഇന്ന് തോട്ടയ്ക്കാട്: സെന്‍റ് ജോര്‍ജ് പള്ളിയില്‍ വിശുദ്ധ ഗീവര്‍ഗീസ് സഹദായുടെ തിരുനാള്‍ ഇന്ന് ആഘോഷിക്കും. രാവിലെ 6.30ന് ഫാ. അല്‍ഫോന്‍സ് ഇലവനാലും പത്തിന് ഫാ. ജിബിന്‍ കാവുംപുറത്തും വിശുദ്ധകുര്‍ബാനയര്‍പ്പിക്കും. 12ന് പ്രദക്ഷിണം.

കാട് മൂടി, കാഴ്ച മറച്ച് പി.പി. ജോസ് റോഡ്

ചങ്ങനാശേരി: സെന്‍ട്രല്‍ ജംഗ്ഷനില്‍നിന്ന് അസംപ്ഷന്‍ കോളജിലേക്കുള്ള പി.പി. ജോസ് റോഡിന്‍റെ വശങ്ങളിലെ നടപ്പാതകളിൽ കാടു വളരുന്നു. വിദ്യാര്‍ഥികളടക്കം യാത്രക്കാര്‍ ദുരിതപ്പെടുന്നു. പുല്ലും കാട്ടുചെടികളുമാണ് റോഡിലേക്കു വളര്‍ന്നിറങ്ങുന്നത്. ഈ റോഡില്‍ തെരുവുനായ്ക്കളുടെയും പാമ്പുകളുടെയും ശല്യവും കൂടുതലാണ്. റോഡ് ശുചീകരണം കാര്യക്ഷമമാക്കുന്നതിനൊപ്പം ഓടകളിലെ ഒഴുക്കു തടസം നീക്കി റോഡിലെ വെള്ളക്കെട്ട് ഒഴിവാക്കാന്‍ നടപടി വേണമെന്ന ആവശ്യവും ശക്തമാണ്.

കെഎൽഎം മേയ്ദിന റാലിയും മഹാസമ്മേളനവും ഇന്ന്

ചങ്ങനാശേരി: ചങ്ങനാശേരി അതിരൂപതയുടെ തൊഴിലാളി പ്രസ്ഥാനം കേരള ലേബര്‍ മൂവ്‌മെന്‍റിന്‍റെ നേതൃത്വത്തില്‍ ഇന്ന് മേയ്ദിന റാലിയും തൊഴിലാളി മഹാസംഗമവും നടത്തും. 3.30ന് ചങ്ങനാശേരി അരമന പടിക്കല്‍നിന്നും അതിരൂപത വികാരി ജനറാള്‍ മോണ്‍. സ്‌കറിയാ കന്യാകോണില്‍ ഫ്ളാഗ് ഓഫ് ചെയ്യുന്ന മെയ്ദിന റാലി കവലയിലൂടെ എസ്ബി കോളജിലെ ആര്‍ച്ച്ബിഷപ് കാവുകാട്ട് ഹാളില്‍ എത്തിച്ചേരും. വാദ്യമേളങ്ങളും വേഷവിധാനങ്ങളും നിശ്ചലദൃശ്യങ്ങളും റാലിയെ വര്‍ണാഭമാക്കും. നാലിന് എസ്ബി കോളജ് കാവുകാട്ട് ഹാളില്‍ ചേരുന്ന തൊഴിലാളി മഹാസംഗമത്തില്‍ അതിരൂപത വികാരിജനറാള്‍ മോണ്‍. ആന്‍റണി എത്തയ്ക്കാട്ട് അധ്യക്ഷത വഹിക്കും. ആര്‍ച്ച്ബിഷപ് മാര്‍ തോമസ് തറയില്‍ സമ്മേളനം ഉദ്ഘാടനം ചെയ്യും. ആര്‍ച്ച്ബിഷപ് എമിരറ്റസ് മാര്‍ ജോസഫ് പെരുന്തോട്ടം അനുഗ്രഹ പ്രഭാഷണം നടത്തും. ലുവെല്ലാ വെഞ്ചേഴ്‌സ് എംഡി ജോയിസ് മേരി ആന്‍റണി മുഖ്യപ്രഭാഷണം നടത്തും. അതിരൂപത ഡയറക്ടര്‍ ഫാ. ജോണ്‍ വടക്കേക്കളം, ജനറല്‍ സെക്രട്ടറി പി.ജെ. സെബാസ്റ്റ്യന്‍, ജോയിന്‍റ് സെക്രട്ടറിമാരായ ഷാജി കോര, ലാലി ബോബന്‍, ജോമോന്‍ ഇരുപ്പക്കാട്ട് എന്നിവര്‍ പ്രസംഗിക്കും. കെഎല്‍എം ലേബര്‍ അവാര്‍ഡ് ജേതാക്കള്‍, ഈ വര്‍ഷം മികച്ച പ്രവര്‍ത്തനം കാഴ്ചവച്ച യൂണിറ്റുകള്‍, സംഘങ്ങള്‍ എന്നിവരെ ആദരിക്കും. അതിരൂപതയുടെ വിവിധ മേഖലകളില്‍നിന്നും എത്തിച്ചേരുന്ന ആയിരങ്ങള്‍ റാലിയിലും സമ്മേളനത്തിലും പങ്കെടുക്കും.

നൂറുമേനി ഫൊറോനാതല മത്സരം 11ന്

ചങ്ങനാശേരി: അതിരൂപത ബൈബിള്‍ അപ്പൊസ്തലേറ്റും മാക് ടിവിയും ശാലോം ടിവിയും ചേര്‍ന്ന് ജൂബിലി വര്‍ഷത്തില്‍ സംയുക്തമായി നടത്തുന്ന കുടുംബ ദൈവവചന പഠനപദ്ധതിയായ നൂറുമേനിയുടെ സീസണ്‍ മൂന്നിന്‍റെ ഫൊറോനാ തല മത്സരം 11ന് ഉച്ചകഴിഞ്ഞ് രണ്ടിന് വിവിധ ഫൊറോന കേന്ദ്രങ്ങളില്‍ നടത്തും. ഫൊറോന വികാരിമാര്‍ മത്സരം ഉദ്ഘാടനം ചെയ്യും. കുടുംബ മത്സരമായ നൂറുമേനി ഫൊറോനാതല മത്സരത്തില്‍ ഒരു ഭവനത്തില്‍നിന്ന് കുറഞ്ഞത് രണ്ടുപേരും പരമാവധി മൂന്നുപേരുമാണ് ഓരോ ടീമിലും പങ്കെടുക്കേണ്ടത്.നൂറുമേനി ഇടവകതല മത്സരത്തില്‍ കുടുംബമായി 150 മാര്‍ക്കോ അതില്‍ കൂടുതലോ ലഭിച്ചവര്‍ക്കാണ് ഫൊറോനാ മത്സരത്തില്‍ പങ്കെടുക്കാന്‍ യോഗ്യത. കൂടാതെ വ്യക്തിപരമായി 75 മാര്‍ക്കോ അതില്‍ കൂടുതലോ ലഭിച്ചവര്‍ക്ക് സ്വന്തം ഭവനത്തില്‍നിന്ന് ഒന്ന് അല്ലെങ്കില്‍ രണ്ട്‌ പേരെ കൂട്ടി ടീമായി മത്സരിക്കാം, അവര്‍ ഇടവക മത്സരത്തില്‍ പങ്കെടുത്തിട്ടില്ലെങ്കില്‍പോലും. ഒരു കുടുംബത്തില്‍നിന്ന് എത്ര ടീമിന് വേണമെങ്കിലും ഫൊറോനാ മത്സരത്തില്‍ പങ്കെടുക്കാന്‍ സാധിക്കും. ഓരോ ടീമിനും ഓരോ ചോദ്യാവലിയാണ് ലഭിക്കുക. ടീമംഗങ്ങള്‍ക്ക് പരസ്പരം ആലോചിച്ച് ഉത്തരം മാര്‍ക്ക് ചെയ്യാം. നൂറുമേനി സീസണ്‍-3 പഠന പുസ്തകത്തിലെ റോമാ മുതല്‍ വെളിപാട് വരെയുള്ള ഭാഗത്തുനിന്ന് 60 ശതമാനം, സങ്കീര്‍ത്തനം 119ല്‍ നിന്ന് 20ശതമാനം, യാക്കോബ് ശ്ലീഹായുടെ ലേഖനത്തില്‍നിന്ന് 20ശതമാനം എന്ന ക്രമത്തിലാണ് ചോദ്യങ്ങള്‍. മൊത്തം 100 ചോദ്യങ്ങള്‍ ഉണ്ടായിരിക്കും. ഒന്നിലധികം പേര്‍ക്ക് ഒരേ മാര്‍ക്ക് ലഭിച്ചാല്‍ റാങ്ക് നിര്‍ണയത്തിനായി ഉത്തരമെഴുതുന്ന രീതിയിലുള്ള 10 ചോദ്യങ്ങളും ഉണ്ടായിരിക്കും. ഫൊറോനാ മത്സരത്തില്‍ 60 ശതമാനമോ അതില്‍ കൂടുതലോ മാര്‍ക്ക് ലഭിക്കുന്ന എല്ലാ ടീമിനും അതിരൂപതയുടെ നൂറുമേനി ഫാമിലി സമ്മാനം ലഭിക്കും. കുടുംബ കൂട്ടായ്മ ബൈബിള്‍ അപ്പൊസ്‌തലേറ്റ് ഫൊറോന ഡയറക്ടറും ഫൊറോന സമിതിയുമാണ് മത്സരത്തിനു നേതൃത്വം നല്‍കുന്നത്. നൂറുമേനി ഇടവകതല മത്സരത്തില്‍ പങ്കെടുത്തവരുടെ പേരു വിവരങ്ങള്‍ നാലിനു മുന്പായി നൂറുമേനി സൈറ്റില്‍ അപ്‌ലോഡ് ചെയ്ത് രജിസ്‌ട്രേഷന്‍ പൂര്‍ത്തീകരിക്കേണ്ടതാണ്. വിശദ വിവരങ്ങള്‍ക്ക്: ഫോൺ: +91 99613 69380, +91 73062 08356.

മിഷന്‍ലീഗിലൂടെ വളര്‍ന്ന മിഷനറിമാര്‍ ഭാരതത്തിന് അഭിമാനം: മാര്‍ തോമസ് തറയില്‍

ചെത്തിപ്പുഴ: ചെറുപുഷ്പ മിഷന്‍ലീഗിലൂടെ വളര്‍ന്ന മിഷനറിമാര്‍ ഭാരതത്തിന് അഭിമാനമാണെന്ന് ചങ്ങനാശേരിആര്‍ച്ച്ബിഷപ് മാര്‍ തോമസ് തറയില്‍. ഫിയാത്ത് മിഷന്‍ രാജ്യാന്തര കോണ്‍ഗ്രസിനോടനുബന്ധിച്ച് ചെത്തിപ്പുഴ തിരുഹൃദയ പാരിഷ് ഹാളില്‍ സംഘടിപ്പിച്ച അതിരൂപത മിഷന്‍ ലീഗ് സംഗമത്തില്‍ മുഖ്യപ്രഭാഷണം നടത്തുകയായിരുന്നു ആര്‍ച്ച്ബിഷപ്. ബിഷപ് റവ.ഡോ. ചാക്കോ തൊട്ടുമാരിക്കല്‍ ഉദ്ഘാടനം ചെയ്തു. അതിരൂപത ഡയറക്ടര്‍ ഫാ. ജോഷി പാണംപറമ്പില്‍, അസിസ്റ്റന്‍റ് ഡയറക്ടര്‍ ഫാ. സ്റ്റെഫിന്‍ മാമ്പ്ര എന്നിവര്‍ പ്രസംഗിച്ചു. സെമിനാരി വിദ്യാര്‍ഥികളുടേയും സന്യാസാര്‍ഥിനികളുടെയും കൂട്ടായ്മയില്‍ വചനം പഠിച്ചു പകര്‍ത്തിയെഴുതി വിജയം വരിച്ചവര്‍ക്കു സമ്മാനങ്ങള്‍ നല്‍കി. സീറോ മലബാര്‍ സിനഡ് സെക്രട്ടറി ഫാ. ഫ്രാന്‍സിസ് ഇലവത്തുങ്കല്‍ ക്ലാസുകള്‍ക്കു നേതൃത്വം നല്‍കി. വൈകുന്നേരം നടത്തിയ മിഷന്‍ ഔട്ട് റീച്ച് പ്രോഗ്രാമിന് കൊഹിമ രൂപത ബിഷപ് ഡോ. ജയിംസ് തോപ്പില്‍ നേതൃത്വം നല്‍കി. ബിഷപ്പുമാര്‍ തിരുവല്ല സെന്‍റ് ജോണ്‍സ് കത്തീഡ്രല്‍ സന്ദര്‍ശിച്ചു.

ജീവന്‍റെ മൂല്യമറിയിച്ച് പ്രോലൈഫ് എക്‌സിബിഷന്‍

ചങ്ങനാശേരി: ചെത്തിപ്പുഴ പ്ലാസിഡ് സ്‌കൂള്‍ ഗ്രൗണ്ടില്‍ ക്രമീകരിച്ചിരിക്കുന്ന ഫിയാത്ത് ഗ്രാന്‍ഡ് കോണ്‍ഫറന്‍സ് എക്‌സിബിഷനില്‍ ജീവന്‍റെ മൂല്യം പ്രതിപാദിക്കുന്ന പ്രൊലൈഫ് എക്‌സിബിഷന്‍ ജനശ്രദ്ധയാകര്‍ഷിച്ചിരിക്കുന്നു. 27 വര്‍ഷമായി പ്രോലൈഫ് രംഗത്ത് സജീവമായി കേരളം ഒട്ടാകെ പ്രവര്‍ത്തിക്കുന്ന ചങ്ങനാശേരി കൃപ പ്രോലൈഫേഴ്‌സാണ് എക്‌സിബിഷന്‍ ക്രമീകരിച്ചിരിക്കുന്നത്. മനുഷ്യ ജീവന്‍റെ ആരംഭ നിമിഷം മുതല്‍ സ്വാഭാവിക മരണംവരെ ജീവന് ഭീഷണിയായി നില്‍ക്കുന്ന എല്ലാ വിഷയങ്ങളും ഈ എക്‌സിബിഷനില്‍ കാണാം. മദ്യം, മയക്കുമരുന്ന്, പുകവലി, സിന്തറ്റിക് ഡ്രഗ്‌സ്, മൊബൈല്‍ അഡിക്‌ഷന്‍, ആത്മഹത്യ, ലോകത്തിനു ഭീഷണിയായിരിക്കുന്ന ജനസംഖ്യയിലെ ഇടിവ്, ലൈംഗിക മേഖലകളിലെ തിന്മയുടെ പുതിയ പ്രവണതകള്‍ തുടങ്ങിയവയും ഗര്‍ഭപാത്രത്തില്‍ ഉരുവായ നിമിഷം മുതല്‍ ഗര്‍ഭസ്ഥ ശിശുവിന്‍റെ വളര്‍ച്ചയുടെ വിവിധ ഘട്ടങ്ങള്‍, ഗര്‍ഭച്ഛിദ്രം, വന്ധ്യംകരണം, കൃത്രിമ കുടുംബ സംവിധാനങ്ങള്‍ ഇവയിലൂടെ നടക്കുന്ന അധാര്‍മിക തിന്മകള്‍ ഇവയെക്കുറിച്ചുമെല്ലാം വിശദീകരണം പ്രത്യേക സ്റ്റാളുകളിലായി ക്രമീകരിച്ചിരിക്കുന്നു. ഗര്‍ഭസ്ഥ ശിശുവിന്‍റെ വിവിധ പ്രായത്തിലുള്ള സ്‌പെസിമെനുകളും ഈ എക്‌സിബിഷനില്‍ നിങ്ങള്‍ക്കു കാണാം. അമ്മയുടെ ഉദരത്തില്‍ ആയിരിക്കുന്ന ഗര്‍ഭസ്ഥ ശിശുവിനെ വധിക്കുന്ന വിവിധ രീതികളുടെ ക്രൂരതകള്‍ എക്‌സിബിഷനില്‍ വരച്ചുകാട്ടുന്നു. നാലുവരെ രാവിലെ പത്തുമുതൽ രാത്രി ഏഴുവരെ പ്രോലൈഫ് എക്‌സിബിഷന്‍ കാണാന്‍ പൊതുജനങ്ങള്‍ക്ക് അവസരം ഉണ്ടായിരിക്കും.

വരു, കാണൂ... ഫിയാത്ത് മിഷന്‍ അന്തര്‍ദേശീയ കോണ്‍ഗ്രസ്

ചങ്ങനാശേരി: ഫിയാത്ത് മിഷന്‍റെ ആഭിമുഖ്യത്തില്‍ ചെത്തിപ്പുഴ തിരുഹൃദയ ദേവാലയത്തിലും ക്രിസ്തുജ്യോതി കാമ്പസിലുമായി നടക്കുന്ന അന്തര്‍ദേശീയ മിഷന്‍ കോണ്‍ഗ്രസിന്‍റെ മൂന്നാം ദിവസം രാവിലെ ഒമ്പതിന് ഗുഡ്ഗാവ് ആര്‍ച്ച്ബിഷപ് ഡോ. തോമസ് മാര്‍ അന്തോണിയോസ് സീറോ മലങ്കര ക്രമത്തില്‍ ദിവ്യബലിയര്‍പ്പിച്ചു. ഇന്‍ഡോര്‍ രൂപതയുടെ മുന്‍ ബിഷപ് ഡോ. ചാക്കോ തോട്ടുമാരിക്കല്‍, മാവേലിക്കര ബിഷപ് ജോഷ്വാ മാര്‍ ഇഗ്‌നാത്തിയോസ്, ബിഷപ് എമരിറ്റസ് ഡോ. ജോണ്‍ തോമസ് കതൃക്കുടിയില്‍ എന്നിവര്‍ സഹകാര്‍മികത്വം വഹിച്ചു. ക്രിസ്തുജ്യോതി ഓഡിറ്റോറിയത്തില്‍ മലങ്കര കത്തോലിക്കാ സഭയിലെ മിഷനറിമാര്‍ക്കുവേണ്ടി നടത്തിയ സുവിശേഷ സംഗമം ബിഷപ് തോമസ് മാര്‍ അന്തോണിയോസ് ഉദ്ഘാടനം ചെയ്തു. ബ്രദര്‍ അനി ജോസഫ്, ബ്രദര്‍ സീറ്റ്‌ലി ജോര്‍ജ്, ബഥനി കോണ്‍ഗ്രിഗേഷന്‍ ജനറാള്‍ ഫാ. ഗീവര്‍ഗീസ് കുറ്റിയില്‍ എന്നിവര്‍ പ്രസംഗിച്ചു.

സൂര്‍സാഗര്‍ 2025 കലാമേള നാളെ

കോട്ടയം: ‘സക്ഷമ’യുടെ നേതൃത്വത്തില്‍ ജില്ലയിലെ ഭിന്നശേഷി കലാകാരന്മാര്‍ക്കായി ‘സൂര്‍സാഗര്‍-2025’ എന്ന പേരില്‍ കലാമേള സംഘടിപ്പിക്കും. നാളെ കോട്ടയം മൗണ്ട് കാര്‍മല്‍ ഗേള്‍സ് ഹൈസ്‌കൂളില്‍ നടക്കുന്ന കലാമേള രാവിലെ 9.30ന് തിരുവഞ്ചൂര്‍ രാധാകൃഷ്ണന്‍ എംഎല്‍എ ഉദ്ഘാടനം ചെയ്യും. സ്വാഗതസംഘം വൈസ് ചെയര്‍മാന്‍ സി.എന്‍. രാജഗോപാല്‍ അധ്യക്ഷത വഹിക്കും. മൗണ്ട് കാര്‍മല്‍ സ്‌കൂള്‍ പ്രിന്‍സിപ്പല്‍ സിസ്റ്റര്‍ ജയിന്‍ എ.എസ്. കലാമത്സരങ്ങള്‍ക്ക് വിളക്കുകൊളുത്തും. സക്ഷമ സംസ്ഥാന പ്രസിഡന്‍റ് ഡോ. ബാലചന്ദ്രന്‍ മന്നത്ത്, സ്വാഗത സംഘം ജനറല്‍ കണ്‍വീനര്‍ പി.ജി. ഗോപാലകൃഷ്ണന്‍, എം. മഹേഷ് തുടങ്ങിയവര്‍ പ്രസംഗിക്കും. സമാപന സമ്മേളനം വൈകുന്നേരം മൂന്നിന് ചാണ്ടി ഉമ്മന്‍ എംഎല്‍എ ഉദ്ഘാടനം ചെയ്യും. സക്ഷമ ജില്ല പ്രസിഡന്‍റ് ബി. ഗോപാലകൃഷ്ണന്‍ അധ്യക്ഷത വഹിക്കും. പി.സി. ജോര്‍ജ് മുഖ്യാതിഥിയായി പങ്കെടുക്കും. ജില്ലയിലെ ഭിന്നശേഷിക്കാരായ കലാകാരന്മാര്‍ വിവിധ ശാരീരിക-ബൗദ്ധിക വെല്ലുവിളി വിഭാഗങ്ങളില്‍ ലളിതഗാനം, ചിത്രരചന, ഡാന്‍സ്, ഫാന്‍സി ഡ്രസ്, പ്രസംഗം, മിമിക്രി തുടങ്ങി വിവിധ കലാമത്സരങ്ങളില്‍ പങ്കെടുക്കും.

പരിപ്പിലെ കടകളിൽ ഹെൽത്ത് വിഭാഗം പരിശോധന

അയ്മനം: പരിപ്പ് ടൗണിലും പരിസരത്തും മെഡിക്കൽ ഓഫീസർ ഡോ. വിനീത ടോണിയുടെ നേതൃത്വത്തിൽ കടകളിൽ പരിശോധന നടത്തി. സിഒടിപിഎ സെക‌്ഷൻ-നാല് പ്രകാരം 1800 രൂപ പിഴ ചുമത്തുകയും നാലു കടകൾക്ക് നോട്ടീസ് നൽകുകയും ചെയ്തു. പരിശോധനയിൽ ഹെൽത്ത്‌ ഇൻസ്‌പെക്ടർ ശശി എം.കെ., ജൂണിയർ ഹെൽത്ത്‌ ഇൻസ്‌പെക്ടർമാരായ പിങ്കു വിജയൻ, വിനീത, ആദർശ് എന്നിവർ പങ്കെടുത്തു. ഹോട്ടൽ, കൂൾബാർ, തട്ടുകട, ഇറച്ചിക്കട, ബജിക്കട, ഐസ്ക്രീം കടകൾ, ബ്യൂട്ടിപാർലർ, സലൂൺ മുതലായ സ്ഥാപനങ്ങളിലെ ജീവനക്കാർ ഹെൽത്ത് കാർഡ് എടുക്കണമെന്നും വരും ദിവസങ്ങളിലും പരിശോധന തുടരുമെന്നും മെഡിക്കൽ ഓഫീസർ അറിയിച്ചു.

കുമരകത്ത് ഗതാഗത നിയന്ത്രണത്തിൽ ഇരട്ട നീതിയെന്ന് കോൺഗ്രസ്

കുമരകം: കോട്ടയം-കുമരകം റൂട്ടിൽ വാഹന ഗതാഗതം നിയന്ത്രിക്കുന്നതിൽ ഇരട്ട നീതിയാണ് അവലംബിക്കുന്നതെന്ന് കോൺഗ്രസ് മണ്ഡലം കമ്മിറ്റി. കോണത്താറ്റ് പാലം പണി അനന്തമായി നീളുമ്പോഴും ഇരുകരകളിലായി പൊതുവാഹനങ്ങൾ യാത്ര അവസാനിപ്പിക്കുകയാണ്. എന്നാൽ, വൻകിട ഹോട്ടലുകാർക്കും സിപിഎം പരിപാടികൾക്കും ഏതു വാഹനത്തിലും യഥേഷ്ടം യാത്ര താല്കാലിക ബണ്ട് റോഡ് വഴി അനുവദിക്കുകയും ചെയ്യുന്നു. ഈ റോഡിനു നാളിതു വരെ ഒരു തകർച്ചയും ഉണ്ടായിട്ടില്ല. അതിനാൽ, സർവീസ് ബസുകളും കടത്തി വിടണമെന്ന് കോൺഗ്രസ് മണ്ഡലം കമ്മിറ്റി ആവശ്യപ്പെട്ടു.

ഏറ്റുമാനൂര്‍ സെന്‍റ് ജോസഫ് ക്‌നാനായ പള്ളിയില്‍ തിരുനാള്‍

ഏറ്റുമാനൂര്‍: സെന്‍റ് ജോസഫ് ക്‌നാനായ കത്തോലിക്ക പള്ളിയിൽ വിശുദ്ധ യൗസേപ്പ് പിതാവിന്‍റെ തിരുനാള്‍ ഇന്നു മുതല്‍ നാലു വരെ ആഘോഷിക്കും. ഇന്നു രാവിലെ 6.45ന് ഇടവകയിലെ കുട്ടികളുടെ പ്രഥമ ദിവ്യകാരുണ്യ സ്വീകരണം, വൈകുന്നേരം അഞ്ചിനു കൊടിയേറ്റ്:വികാരി ഫാ. ലൂക്ക് കരിമ്പില്‍. തുടര്‍ന്ന് കൈപ്പുഴ ഫൊറോനയിലെ വൈദികര്‍ സമൂഹബലി അര്‍പ്പിക്കും. നാളെ രാവിലെ 6.45ന് വിശുദ്ധ കുര്‍ബാന, സെമിത്തേരി സന്ദര്‍ശനം. തുടര്‍ന്ന് 12 മണിക്കൂര്‍ ആരാധനയും അഖണ്ഡ ജപമാലയും. വൈകുന്നേരം അഞ്ചിനു ദിവ്യകാരുണ്യ പ്രദക്ഷിണം, ആറിനു ബൈബിള്‍ അധിഷ്ഠിത മാജിക് ഷോ. മൂന്നിനു രാവിലെ 6.45ന് വിശുദ്ധ കുര്‍ബാന, രാത്രി ഏഴിനു തവളക്കുഴി കുരിശുപള്ളി ചുറ്റി പ്രദക്ഷിണം, തിരുനാള്‍ സന്ദേശം. നാലിനു രാവിലെ പത്തിനു തിരുനാള്‍ റാസ, പ്രദക്ഷിണം, രാത്രി ഏഴിനു മെഗാ ഷോ.

27 ലക്ഷം രൂപയുടെ വിൽപ്പന നടത്തി വ്യവസായ വകുപ്പിനു കീഴിലെ സ്റ്റാളുകൾ

കോട്ടയം: എന്‍റെ കേരളം പ്രദർശന വിപണനമേളയുടെ ഭാഗമായി ജില്ലാ വ്യവസായ കേന്ദ്രം മുഖേന നടത്തിയ സ്റ്റാളുകളിൽ സമാപന ദിവസമായ ഇന്നലെ വൈകുന്നേരം നാലുവരെ 27,44,096 രൂപയുടെ വിൽപ്പന നടന്നു. 64 വിപണന സ്റ്റാളുകളാണ് വകുപ്പ് ഒരുക്കിയത്. ഇവയിൽ 15 സൂക്ഷ്മ, ചെറുകിട, ഇടത്തരം സംരംഭകർക്കായി അനുവദിച്ച 10 സ്റ്റാളുകളിൽ നിന്ന് 6,38,192 രൂപയുടെ വിറ്റുവരവ് ലഭിച്ചു. മേളയിൽ അണിനിരന്ന കുടുംബശ്രീ മിഷന്‍റെ 12 വിപണന സ്റ്റാളുകൾ, കൃഷിവകുപ്പിന്‍റെ ആറ് വിപണന സ്റ്റാളുകൾ, സഹകരണ വകുപ്പിന്‍റെ 11 വിപണന സ്റ്റാളുകളും റബ്‌കോ, ഫിഷറീസ്, സിവിൽ സപ്ലൈസ്, മത്സ്യഫെഡ്, മൃഗസംരക്ഷണ വകുപ്പ്, സാമൂഹിക നീതി വകുപ്പ്, ഫോറസ്റ്റ് ഡെവലപ്പ് മെന്‍റ് കോർപറേഷൻ, കയർ ഫെഡ്, ഓയിൽ പാം, കൺസ്യൂമർ ഫെഡ്, ഖാദി, ഹാൻഡ് വീവ്,പ്ലാന്റേഷൻ കോർപറേഷൻ, പിന്നാക്ക വികസന കോർപറേഷൻ, ഹോർട്ടികോർപ് സ്റ്റാളുകൾ, വിഎഫ്പിസികെ, കെഎസ്എഫ്ഇ, ബിഎസ്എൻഎൽ എന്നീ വകുപ്പുകൾ/പൊതുമേഖലാ സ്ഥാപനങ്ങളുടെ വിപണനസ്റ്റാളുകളും ഉൾപ്പെടുന്നു. മറ്റ് വകുപ്പ്/പൊതുമേഖലാ സ്ഥാപനങ്ങളുടെ വിപണന സ്റ്റാളുകളിലെ വിറ്റുവരവ് 21,05,904 രൂപയാണ് .

വരൂ... കാണൂ... ഫിയാത്ത്മിഷന്‍ അന്തര്‍ദേശീയ കോണ്‍ഗ്രസ്

ചങ്ങനാശേറി: ഫിയാത്ത് മിഷന്‍റെ ആഭിമുഖ്യത്തില്‍ ചെത്തിപ്പുഴ തിരുഹൃദയ ദേവാലയത്തിലും ക്രിസ്തുജ്യോതി കാമ്പസിലുമായി നടക്കുന്ന അന്തര്‍ദേശീയ മിഷന്‍ കോണ്‍ഗ്രസിന്‍റെ മൂന്നാം ദിവസം രാവിലെ ഒമ്പതിന് ഗുഡ്ഗാവ് ആര്‍ച്ച്ബിഷപ് ഡോ. തോമസ് മാര്‍ അന്തോണിയോസ് സീറോ മലങ്കര ക്രമത്തില്‍ ദിവ്യബലിയര്‍പ്പിച്ചു. ഇന്‍ഡോര്‍ രൂപതയുടെ മുന്‍ ബിഷപ് ഡോ. ചാക്കോ തോട്ടുമാരിക്കല്‍, മാവേലിക്കര ബിഷപ് ജോഷ്വാ മാര്‍ ഇഗ്‌നാത്തിയോസ്, ബിഷപ് എമരിറ്റസ് ഡോ. ജോണ്‍ തോമസ് കതൃക്കുടിയില്‍ എന്നിവര്‍ സഹകാര്‍മികത്വം വഹിച്ചു. ക്രിസ്തുജ്യോതി ഓഡിറ്റോറിയത്തില്‍ മലങ്കര കത്തോലിക്കാ സഭയിലെ മിഷനറിമാര്‍ക്കുവേണ്ടി നടത്തിയ സുവിശേഷ സംഗമം ബിഷപ് തോമസ് മാര്‍ അന്തോണിയോസ് ഉദ്ഘാടനം ചെയ്തു. ബ്രദര്‍ അനി ജോസഫ്, ബ്രദര്‍ സീറ്റ്‌ലി ജോര്‍ജ്, ബഥനി കോണ്‍ഗ്രിഗേഷന്‍ ജനറാള്‍ ഫാ. ഗീവര്‍ഗീസ് കുറ്റിയില്‍ എന്നിവര്‍ പ്രസംഗിച്ചു.

നൂറുമേനി ഫൊറോനാതല മത്സരം 11ന്

ചങ്ങനാശേരി: അതിരൂപത ബൈബിള്‍ അപ്പൊസ്തലേറ്റും മാക് ടിവിയും ശാലോം ടിവിയും ചേര്‍ന്ന് ജൂബിലി വര്‍ഷത്തില്‍ സംയുക്തമായി നടത്തുന്ന കുടുംബ ദൈവവചന പഠനപദ്ധതിയായ നൂറുമേനിയുടെ സീസണ്‍ മൂന്നിന്‍റെ ഫൊറോനാ തല മത്സരം 11ന് ഉച്ചകഴിഞ്ഞ് രണ്ടിന് വിവിധ ഫൊറോന കേന്ദ്രങ്ങളില്‍ നടത്തും. ഫൊറോന വികാരിമാര്‍ മത്സരം ഉദ്ഘാടനം ചെയ്യും. കുടുംബ മത്സരമായ നൂറുമേനി ഫൊറോനാതല മത്സരത്തില്‍ ഒരു ഭവനത്തില്‍നിന്ന് കുറഞ്ഞത് രണ്ടുപേരും പരമാവധി മൂന്നുപേരുമാണ് ഓരോ ടീമിലും പങ്കെടുക്കേണ്ടത്. നൂറുമേനി ഇടവകതല മത്സരത്തില്‍ കുടുംബമായി 150 മാര്‍ക്കോ അതില്‍ കൂടുതലോ ലഭിച്ചവര്‍ക്കാണ് ഫൊറോനാ മത്സരത്തില്‍ പങ്കെടുക്കാന്‍ യോഗ്യത. കൂടാതെ വ്യക്തിപരമായി 75 മാര്‍ക്കോ അതില്‍ കൂടുതലോ ലഭിച്ചവര്‍ക്ക് സ്വന്തം ഭവനത്തില്‍നിന്ന് ഒന്ന് അല്ലെങ്കില്‍ രണ്ട്‌ പേരെ കൂട്ടി ടീമായി മത്സരിക്കാം, അവര്‍ ഇടവക മത്സരത്തില്‍ പങ്കെടുത്തിട്ടില്ലെങ്കില്‍പോലും. ഒരു കുടുംബത്തില്‍നിന്ന് എത്ര ടീമിന് വേണമെങ്കിലും ഫൊറോനാ മത്സരത്തില്‍ പങ്കെടുക്കാന്‍ സാധിക്കും. ഓരോ ടീമിനും ഓരോ ചോദ്യാവലിയാണ് ലഭിക്കുക. ടീമംഗങ്ങള്‍ക്ക് പരസ്പരം ആലോചിച്ച് ഉത്തരം മാര്‍ക്ക് ചെയ്യാം. നൂറുമേനി സീസണ്‍-3 പഠന പുസ്തകത്തിലെ റോമാ മുതല്‍ വെളിപാട് വരെയുള്ള ഭാഗത്തുനിന്ന് 60 ശതമാനം, സങ്കീര്‍ത്തനം 119ല്‍ നിന്ന് 20ശതമാനം, യാക്കോബ് ശ്ലീഹായുടെ ലേഖനത്തില്‍നിന്ന് 20ശതമാനം എന്ന ക്രമത്തിലാണ് ചോദ്യങ്ങള്‍. മൊത്തം 100 ചോദ്യങ്ങള്‍ ഉണ്ടായിരിക്കും. ഒന്നിലധികം പേര്‍ക്ക് ഒരേ മാര്‍ക്ക് ലഭിച്ചാല്‍ റാങ്ക് നിര്‍ണയത്തിനായി ഉത്തരമെഴുതുന്ന രീതിയിലുള്ള 10 ചോദ്യങ്ങളും ഉണ്ടായിരിക്കും. ഫൊറോനാ മത്സരത്തില്‍ 60 ശതമാനമോ അതില്‍ കൂടുതലോ മാര്‍ക്ക് ലഭിക്കുന്ന എല്ലാ ടീമിനും അതിരൂപതയുടെ നൂറുമേനി ഫാമിലി സമ്മാനം ലഭിക്കും. കുടുംബ കൂട്ടായ്മ ബൈബിള്‍ അപ്പൊസ്‌തലേറ്റ് ഫൊറോന ഡയറക്ടറും ഫൊറോന സമിതിയുമാണ് മത്സരത്തിനു നേതൃത്വം നല്‍കുന്നത്. നൂറുമേനി ഇടവകതല മത്സരത്തില്‍ പങ്കെടുത്തവരുടെ പേരു വിവരങ്ങള്‍ നാലിനു മുന്പായി നൂറുമേനി സൈറ്റില്‍ അപ്‌ലോഡ് ചെയ്ത് രജിസ്‌ട്രേഷന്‍ പൂര്‍ത്തീകരിക്കേണ്ടതാണ്. വിശദ വിവരങ്ങള്‍ക്ക്: ഫോൺ: +91 99613 69380, +91 73062 08356.

കോട്ടയ്ക്കുപുറം സെന്‍റ് മാത്യൂസ് പള്ളി വജ്രജൂബിലി സമാപനം നാലിന്

കോട്ടയം: കോട്ടയ്ക്കുപുറം സെന്‍റ് മാത്യൂസ് പള്ളിയുടെ വജ്ര ജൂബിലി ആഘോഷ സമാപനം നാലിന് നടക്കും. അതിരമ്പുഴ ഫൊറോന വികാരി റവ.ഡോ. ജോസഫ് മുണ്ടകത്തില്‍ അധ്യക്ഷത വഹിക്കും. ആര്‍ച്ച്ബിഷപ് മാര്‍ തോമസ് തറയില്‍ വജ്രജൂബിലി സമാപന സമ്മേളനം ഉദ്ഘാടനം ചെയ്യും. പ്രതിപക്ഷ നേതാവ് വി.ഡി. സതീശന്‍ മുഖ്യപ്രഭാഷണം നടത്തും. മന്ത്രി വി.എന്‍. വാസവന്‍, ഫ്രാന്‍സിസ് ജോര്‍ജ് എംപി, കുടമാളൂര്‍ ഫൊറോന ആര്‍ച്ച്പ്രീസ്റ്റ് റവ.ഡോ. മാണി പുതിയിടം, എടത്വ ഫൊറോന വികാരി ഫാ. ഫിലിപ്പ് വൈക്കത്തുകാരന്‍വീട്ടില്‍, റവ.ഡോ. മാത്യു പുഞ്ചായില്‍, വികാരി റവ.ഡോ. സോണി തെക്കുംമുറിയില്‍, സഹവികാരി ഫാ. ജെറിന്‍ കാവനാട്ട് എന്നിവര്‍ പ്രസംഗിക്കും. തുടര്‍ന്ന് മാതൃനൃത്തവും കര്‍ഷകനൃത്തവും നടക്കും. വിശുദ്ധ മത്തായി ശ്ലീഹായുടെ നാമത്തില്‍ ചങ്ങനാശേരി അതിരൂപതയിലുള്ള ഏക പള്ളിയാണ് കോട്ടയ്ക്കുപുറം സെന്‍റ് മാത്യൂസ്. 1960ല്‍ സ്ഥാപിതമായ പള്ളിയില്‍ 750 കുടുംബങ്ങളും 5,000 വിശ്വാസികളുമുണ്ട്. പത്രസമ്മേളനത്തില്‍ വികാരി റവ.ഡോ. സോണി തെക്കുംമുറിയില്‍, സഹവികാരി ഫാ. മാത്യു കാവനാട്ട്, കൈക്കാരന്മാരായ വി.ഡി. കുര്യന്‍, ടി.ടി. മത്തായി, പ്രവീണ്‍ ഫ്രാന്‍സിസ് എന്നിവര്‍ പങ്കെടുത്തു.

ഡോ. റാണി മരിയ തോമസ് അസംപ്ഷന്‍ കോളജ് പ്രിന്‍സിപ്പല്‍

ചങ്ങനാശേരി: അസംപ്ഷന്‍ കോളജിന്‍റെ 18-ാമത്തെ പ്രിന്‍സിപ്പലായി ഡോ. റാണി മരിയ തോമസ് നിയമിതയായി. റവ.ഡോ. തോമസ് പാറത്തറ പ്രിന്‍സിപ്പല്‍ സ്ഥാനത്തുനിന്നു വിരമിച്ചതിനെത്തുടര്‍ന്നാണ് പുതിയ നിയമനം. കോളജിലെ സാമ്പത്തികശാസ്ത്ര വിഭാഗം മേധാവിയായിരുന്ന ഡോ. റാണി മരിയ കഴിഞ്ഞ രണ്ടുവര്‍ഷക്കാലമായി വൈസ് പ്രിന്‍സിപ്പലായി സേവനം അനുഷ്ഠിച്ചുവരികയായിരുന്നു. 1995ല്‍ അധ്യാപികയായി നിയമിതയായ ഇവര്‍ ഐക്യുഎസി കോ-ഓര്‍ഡിനേറ്റര്‍, മാനേജിംഗ്‌ ബോര്‍ഡംഗം, ഗവേണിംഗ്‌ ബോഡിയംഗം, ഓള്‍ കേരള വിമന്‍സെല്‍ കോഓര്‍ഡിനേറ്റര്‍ തുടങ്ങിയനിലകളില്‍ പ്രവര്‍ത്തിച്ചിട്ടുണ്ട്. അസംപ്ഷന്‍ വിദ്യാര്‍ഥിയായിരുന്ന റാണി 1992ല്‍ എംജി സര്‍വകലാശാലയില്‍നിന്നും ബിഎ ഇക്കണോമിക്‌സിന് ഒന്നാംറാങ്കും എസ്ബി കോളജില്‍ വിദ്യാര്‍ഥിയായിരിക്കെ 1994ല്‍ എംഎ ഇക്കണോമിക്‌സിന് രണ്ടാംറാങ്കും കരസ്ഥമാക്കി. ഹൈദരാബാദ് സെന്‍ട്രല്‍ സര്‍വകലാശാലയില്‍നിന്ന് എംഫിലും മുംബൈ ഐഐടിയില്‍നിന്നു പിഎച്ച്ഡിയും നേടിയിട്ടുണ്ട്. എസ്ബി കോളജ് റിട്ടയേഡ് പ്രഫസർ തോമസ് കണയംപ്ലാവന്‍-ഓമന ദമ്പതികളുടെ മകളും വീല്‌ഹെമ്‌സണ്‍ ഷിപ് മാനേജ്‌മെന്‍റ് പ്രൊക്യുര്‍മെന്‍റ് ഡിവിഷന്‍ മുന്‍ റീജണല്‍ ഹെഡ് ആഞ്ഞിലിപ്പറമ്പില്‍ ജിജോ കുര്യാക്കോസിന്‍റെ ഭാര്യയുമാണ്.

കഞ്ചാവുമായി ആസാം സ്വദേശി പിടിയിൽ

കോട്ടയം: 1.1 കിലോഗ്രാം കഞ്ചാവുമായി കോട്ടയം നഗരത്തിൽനിന്ന് ആസാം സ്വദേശി പിടിയിൽ. ബർപ്പേട്ട സ്വദേശിയായ ഇന്ദ്രജിത്ത് സർക്കാർ(30) എന്നയാളെയാണ് പോലീസ് പിടികൂട‌ിയത്. ഇന്നലെ വൈകുന്നേരം തിരുനക്കര അമ്പലത്തിനു സമീപത്തുനിന്നാണ് ലഹരിവിരുദ്ധ സ്‌ക്വാഡിന്‍റെ നേതൃത്വത്തിൽ ഇയാളെ പിടികൂ‌ടിയത്. പ്രതിയെ കോടതിയിൽ ഹാജരാക്കി.

മെഡിക്കൽ കോളജ് ആശുപത്രിയിൽ പ്രധാന ഓപ്പറേഷൻ തിയറ്ററിലേക്കുള്ള ലിഫ്റ്റ് തകരാറിൽ

ഗാന്ധിനഗർ: മെഡിക്കൽ കോളജ് ആശുപത്രിയിലെ പ്രധാന ഓപ്പറേഷൻ തിയേറ്ററിലേക്കുള്ള ഒരു ലിഫ്റ്റ് തകരാറിലായിട്ട് ആഴ്ചകൾ പിന്നിടുന്നു. കാലപ്പഴക്കത്തെത്തുടർന്നാണ് ലിഫ്റ്റ് അടിക്കടി തകരാറിലാകുന്നത്. ഇതുമൂലം രോഗികളും ഡോക്ടർമാരും ജീവനക്കാരും ദുരിതത്തിലാണ്. ആശുപത്രി ജീവനക്കാർക്കും രോഗികൾക്കും വാർഡുകളിലേക്കും ഓപ്പറേഷൻ തിയറ്ററിലേക്കും പോകുന്നതിന് ഈ ലിഫ്റ്റ് അത്യന്താപേക്ഷിതമാണ്. രോഗികളുടെ ബാഹുല്യത്തെത്തുടർന്ന് ഇവിടെ രണ്ട് ലിഫ്റ്റ് അത്യാവശ്യമാണ്. എന്നാൽ പുതുതായി ഏർപ്പെടുത്തിയ ഒരു ലിഫ്റ്റ് മാത്രമാണ് ഇവിടെ പ്രവർത്തിക്കുന്നത്. അതേസമയം പഴയ അത്യാഹിതത്തിനു സമീപം നവീകരണ പ്രവർത്തനം നടക്കുന്നതിനാൽ ഇവിടെനിന്നു മെഡിസിൻ, ത്വക്ക്, നേത്രരോഗം, നെഫ്രോളജി തുടങ്ങിയ ഒപികളിലേക്ക് പോകുന്നതിനുള്ള ലിഫ്റ്റും പ്രവർത്തിക്കുന്നില്ല. ഇതും രോഗികളെയും ജീവനക്കാരേയും ബുദ്ധിമുട്ടിലാക്കിയിരിക്കുകയാണ്.

ഡോ. സിസ്റ്റര്‍ മിനിമോള്‍ മാത്യു എഫ്‌സിസി അല്‍ഫോന്‍സാ കോളജ് പ്രിന്‍സിപ്പല്‍

പാലാ: അല്‍ഫോന്‍സാ കോളജിന്‍റെ പുതിയ പ്രിന്‍സിപ്പലായി ഡോ. സിസ്റ്റര്‍ മിനിമോള്‍ മാത്യു എഫ്‌സിസി ചുമതലയേറ്റു. 2008-ല്‍ മലയാള വിഭാഗത്തില്‍ അധ്യാപികയായും കഴിഞ്ഞ നാലു വര്‍ഷമായി വൈസ് പ്രിന്‍സിപ്പലായും സേവനമനുഷ്ഠിക്കുകയായിരുന്നു. എംജി യൂണിവേഴ്‌സിറ്റിയില്‍നിന്ന് ഫോക് ലോറില്‍ ഡോക്ടറേറ്റ് നേടി. റിസേര്‍ച്ച് ഗൈഡും മലയാളവിഭാഗം മേധാവിയുമായ സിസ്റ്റര്‍ ഫ്രാന്‍സിസ്‌കന്‍ ക്ലാരസഭ ഭരണങ്ങാനം അല്‍ഫോന്‍സാ ജ്യോതി പ്രോവിന്‍സ് അംഗമാണ്. പൂവരണി മുതുപ്ലാളാക്കല്‍ കുടുംബാംഗമാണ്. ദേശീയ, അന്തര്‍ദേശീയ ജേര്‍ണലുകളില്‍ നിരവധി ലേഖനങ്ങള്‍ പ്രസിദ്ധീകരിച്ചിട്ടുണ്ട്. മഞ്ജു ജോസ് പുതിയ വൈസ് പ്രിന്‍സിപ്പലായി ചുമതലയേറ്റു. സ്റ്റാറ്റിസ്റ്റിക്സ് വിഭാഗം മേധാവിയായ മഞ്ജു ജോസ് അന്തീനാട് ആനക്കല്ലുങ്കല്‍ കുടുംബാംഗമാണ്. അസിസ്റ്റന്‍റ് ബര്‍സാറായി റവ. ഡോ. ജോബിന്‍ സെബാസ്റ്റ്യന്‍ ചുമതലയേറ്റു. ഫാ. ജോബിന്‍ സ്ലീവാപുരം വടക്കേതകിടിയേല്‍ കുടുംബാംഗമാണ്. ഡോ. സിസ്റ്റര്‍ മഞ്ജു എലിസബത്ത് കുരുവിള വൈസ് പ്രിന്‍സിപ്പലായും ഫാ. കുര്യാക്കോസ് വെള്ളച്ചാലില്‍ ബര്‍സാറുമായി സേവനമനുഷ്ഠിച്ചു വരുന്നു.

ആരോഗ്യസംരക്ഷണത്തിൽ കൂട്ടായ മുന്നേറ്റം അനിവാര്യം: മാർ ജേക്കബ് മുരിക്കൻ

കുറവിലങ്ങാട്: ആരോഗ്യസംരക്ഷണത്തിൽ കൂട്ടായ മുന്നേറ്റം അനിവാര്യമാണെന്ന് മാർ ജേക്കബ് മുരിക്കൻ പറഞ്ഞു. സ്വരുമ പാലിയേറ്റീവ് കെയറിന്‍റെ നേതൃത്വത്തിൽ കുറവിലങ്ങാട് സഹകരണ ബാങ്കിന്‍റെയും വ്യാപാരി വ്യവസായി ഏകോപനസമിതി യൂണിറ്റിന്‍റെയും എക്‌സിക്യൂട്ടീവ് ക്ലബിന്‍റെയും സഹകരണത്തോടെ ഡയാലിസ് കിറ്റും മരുന്നും വിതരണം ചെയ്യുന്ന പദ്ധതി "ജീവധാര'യുടെ ഉദ്ഘാടനം നിർവഹിക്കുകയായിരുന്നു ബിഷപ്. സാക്ഷരതയിൽ ഏറെ മുന്നിലുള്ള സംസ്ഥാനം ആരോഗ്യകാര്യത്തിൽ പിന്നാക്കം പോകുന്നത് പഠനവിധേയമാക്കണമെന്നും യുവജനങ്ങളടക്കമുള്ളവരുടെ നേതൃത്വം ആരോഗ്യസംരക്ഷണത്തിൽ അനിവാര്യമാണെന്നും ബിഷപ് പറഞ്ഞു. സ്വരുമ പ്രസിഡന്‍റ് ഷിബി വെള്ളായിപ്പറമ്പിൽ അധ്യക്ഷത വഹിച്ചു. മേജർ ആർക്കി എപ്പിസ്‌കോപ്പൽ മർത്ത്മറിയം അർക്കദിയാക്കോൻ തീർഥാടന കേന്ദ്രം ആർച്ച്പ്രീസ്റ്റ് റവ. ഡോ. തോമസ് മേനാച്ചേരി, പഞ്ചായത്ത് പ്രസിഡന്‍റ് മിനി മത്തായി, വൈസ് പ്രസിഡന്‍റ് അൽഫോൻസാ ജോസഫ്, ബ്ലോക്ക് പഞ്ചായത്തംഗം പി.സി. കുര്യൻ, സഹകരണ ബാങ്ക് പ്രസിഡന്‍റ് പ്രഫ. പി.ജെ. സിറിയക് പൈനാപ്പിള്ളി, വ്യാപാരി വ്യവസായി ഏകോപന സമിതി യൂണിറ്റ് പ്രസിഡന്‍റ് ഷാജി ചിറ്റക്കാട്ട്, എക്‌സിക്യൂട്ടീവ് ക്ലബ് പ്രസിഡന്‍റ് റോയി കുഴുപ്പിൽ, സ്വരുമ എക്‌സിക്യൂട്ടീവ് സെക്രട്ടറി സക്കറിയ ഞാവള്ളിൽ, ബെന്നി കോച്ചേരി എന്നിവർ പ്രസംഗിച്ചു.

അന്ത്യാളം-പയപ്പാര്‍ റോഡ് അപകടാവസ്ഥയില്‍

പാലാ: അന്ത്യാളം -പയപ്പാര്‍ റോഡില്‍ ചെക്കുഡാമിന് സമീപം റോഡ് ഇടിഞ്ഞു. കഴിഞ്ഞ ദിവസമുണ്ടായ കനത്ത മഴയില്‍ ഇവിടെയുണ്ടായിരുന്ന മരം കടപുഴകി വീണതു മൂലം റോഡിന്‍റെ ഒരു ഭാഗം തോട്ടില്‍ പതിക്കുകയായിരുന്നു. നീളത്തില്‍ വിള്ളലും സംഭവിച്ചിട്ടുണ്ട്. ഇവിടെ റോഡിന് സംരക്ഷണഭിത്തി വേണമെന്ന് പിഡബ്‌ള്യുഡി അധികൃതര്‍ക്ക് നിരവധി തവണ നാട്ടുകാര്‍ നിവേദനം നല്‍കിയിട്ടുള്ളതാണ്. നൂറു മീറ്ററോളം ഭാഗം അപകടാവസ്ഥയിലാണ്. റിബണ്‍ കെട്ടി അപകടഭാഗം തിരിച്ചിട്ടുണ്ട്. മഴ തുടര്‍ന്നാല്‍ ഇനിയും റോഡ് ഇടിയാനുള്ള സാധ്യതയുണ്ടെന്ന് നാട്ടുകാര്‍ പറഞ്ഞു. അങ്ങനെ സംഭവിച്ചാല്‍ ഈ റോഡിലൂടെയുള്ള ഗതാഗതം പൂര്‍ണമായും തടസപ്പെടും. വാര്‍ഡ് മെംബര്‍ ലിന്‍റണ്‍ ജോസഫ്, പിഡബ്ള്യുഡി അധികൃതരെ വിവരമറിയച്ചതനുസരിച്ച് ഉദ്യോഗസ്ഥര്‍ സ്ഥലം സന്ദര്‍ശിച്ച് സ്ഥിതിഗതികള്‍ വിലയിരുത്തി.

ലഹരിയാകാം കലയോട്; ഡിവൈഎഫ്ഐ ഫ്ലാഷ് മോബ് നടത്തി

മണിമല: ലഹരിയാകാം കലയോട് എന്ന മുദ്രവാക്യമുയർത്തി ഡിവൈഎഫ്ഐ ഫ്ലാഷ് മോബ് നടത്തി. ഡിവൈഎഫ്ഐ വാഴൂർ ബ്ലോക്ക് വനിതാ സബ് കമ്മിറ്റിയാണ് പരിപാടി സംഘടിപ്പിച്ചത്. മണിമല, പൊൻകുന്നം, കറുകച്ചാൽ എന്നിവിടങ്ങളിൽ പര്യടനം നടത്തി. മണിമലയിൽ ഡിവൈഎഫ്ഐ ജില്ലാ സെക്രട്ടറി ബി. സുരേഷ് കുമാർ ഫ്ലാഗ് ഓഫ് ചെയ്തു. ജില്ലാ കമ്മിറ്റിയംഗം ഷാമില ഷാജി അധ്യക്ഷത വഹിച്ചു. ബ്ലോക്ക് സെക്രട്ടറി ബി. ഗൗതം, ജില്ലാ കമ്മിറ്റിയംഗം ശ്രീകാന്ത് പി. തങ്കച്ചൻ ,ബ്ലോക്ക് കമ്മിറ്റി അംഗങ്ങളായ പി.എസ്. ശ്രീജിത്ത്, ജസ്റ്റിൻ റെജി, അരവിന്ദ് കളരിക്കൽ, അശോകൻ തുടങ്ങിയവർ പ്രസംഗിച്ചു.

മഴക്കാല രോഗപ്രതിരോധത്തിന് ഒരുക്കം

എരുമേലി: മഴക്കാലം അടുത്തിരിക്കെ പകർച്ചവ്യാധി രോഗങ്ങൾക്കുള്ള അനുകൂല സാഹചര്യം ഒഴിവാക്കുന്നതിന് പഞ്ചായത്ത്‌ - സാമൂഹികാരോഗ്യകേന്ദ്ര മേൽനോട്ടത്തിൽ കർമപദ്ധതി തയാറായി. ഇതിനായി പഞ്ചായത്ത്‌ ഓഫീസിൽ ജനപ്രതിനിധികൾ ഹെൽത്ത്‌ ഉദ്യോഗസ്ഥരുമായി യോഗം ചേർന്നു. തുടർന്ന് ആശുപത്രിയിൽ ഫയർഫോഴ്സിന്‍റെ നേതൃത്വത്തിൽ സുരക്ഷാ ബോധവത്കരണ ക്ലാസ് നടത്തി. അഞ്ചിനകം എല്ലാ വാർഡിലും ശുചിത്വപരിപാലന കമ്മിറ്റി ചേർന്ന് വാർഡിലെ സ്ഥിതി വിലയിരുത്തൽ നടത്താൻ യോഗം തീരുമാനിച്ചു. വാർഡ് അംഗം, ബ്ലോക്ക്‌ ഡിവിഷൻ അംഗം, വാർഡിന്‍റെ ചുമതലയുള്ള ഹെൽത്ത്‌ ഉദ്യോഗസ്ഥർ, ആശാ വർക്കർ, അങ്കണവാടി ജീവനക്കാർ, കുടുംബശ്രീ പ്രതിനിധികൾ, ഹരിതകർമസേന അംഗങ്ങൾ തുടങ്ങിയവരുടെ നേതൃത്വത്തിൽ സ്ഥിതി അവലോകനം നടത്തി പഞ്ചായത്തുതല സമിതിക്ക് റിപ്പോർട്ട് നൽകണം. എല്ലാ വാർഡിലും 15നകം കൊതുക് ഉറവിട നശീകരണം, കിണർ ക്ലോറിനേഷൻ എന്നിവ പൂർത്തിയാക്കാൻ യോഗത്തിൽ നിർദേശിച്ചിട്ടുണ്ട്. ഓരോ വാർഡിലും 50 വീടുകൾക്ക് രണ്ട് ആരോഗ്യ പ്രവർത്തകർ ഇതിന് മേൽനോട്ടം വഹിക്കണം. റബർ എസ്റ്റേറ്റ് തോട്ടം ഉടമകളുടെ യോഗം 19ന് ചേരാൻ യോഗത്തിൽ തീരുമാനിച്ചു. തോട്ടങ്ങളിൽ കൊതുക് വളരുന്ന സാഹചര്യം ഇല്ലായെന്ന് ഉറപ്പാക്കുന്നതിനുള്ള നടപടികൾ ഇതോടൊപ്പം സ്വീകരിക്കാനാണ് തീരുമാനം. യോഗത്തിൽ പഞ്ചായത്ത്‌ പ്രസിഡന്‍റ് സുബി സണ്ണി, പഞ്ചായത്തംഗങ്ങളായ ലിസി സജി, നാസർ പനച്ചി, തങ്കമ്മ ജോർജ്കുട്ടി, സാമൂഹികാരോഗ്യകേന്ദ്രം മെഡിക്കൽ ഓഫീസർ ഡോ. ജോർജ് കുര്യൻ, ഹെൽത്ത്‌ സൂപ്പർവൈസർ ശ്രീകുമാർ, പഞ്ചായത്ത്‌ സെക്രട്ടറി പി.എ. മണിയപ്പൻ, ഹെൽത്ത് ഇൻസ്പെക്ടർ നിഷ, ജൂണിയർ ഹെൽത്ത് ഇൻസ്പെക്ടർമാരായ സുബിമോൾ, സജിത്, ആഷ്ന, ജിതിൻ എന്നിവർ പങ്കെടുത്തു. ആശുപത്രിയിൽ ഫയർഫോഴ്സിന്‍റെ നേതൃത്വത്തിൽ നടന്ന സുരക്ഷാ ബോധവത്കരണ പരിശീലന പരിപാടിയിൽ ഫയർ ആൻഡ് സേഫ്റ്റി ഓഫീസർ നൗഫൽ ക്ലാസ് നയിച്ചു. ഹെൽത്ത്‌ ജീവനക്കാർ, ആശാ പ്രവർത്തകർ തുടങ്ങിയവർ പരിശീലന പരിപാടിയിൽ പങ്കെടുത്തു.

നൂറുമേനി ഫൊറോനാതല മത്സരം 11ന്

ചങ്ങനാശേരി: അതിരൂപത ബൈബിള്‍ അപ്പൊസ്തലേറ്റും മാക് ടിവിയും ശാലോം ടിവിയും ചേര്‍ന്ന് ജൂബിലി വര്‍ഷത്തില്‍ സംയുക്തമായി നടത്തുന്ന കുടുംബ ദൈവവചന പഠനപദ്ധതിയായ നൂറുമേനിയുടെ സീസണ്‍ മൂന്നിന്‍റെ ഫൊറോനാ തല മത്സരം 11ന് ഉച്ചകഴിഞ്ഞ് രണ്ടിന് വിവിധ ഫൊറോന കേന്ദ്രങ്ങളില്‍ നടത്തും. ഫൊറോന വികാരിമാര്‍ മത്സരം ഉദ്ഘാടനം ചെയ്യും. കുടുംബ മത്സരമായ നൂറുമേനി ഫൊറോനാതല മത്സരത്തില്‍ ഒരു ഭവനത്തില്‍നിന്ന് കുറഞ്ഞത് രണ്ടുപേരും പരമാവധി മൂന്നുപേരുമാണ് ഓരോ ടീമിലും പങ്കെടുക്കേണ്ടത്. നൂറുമേനി ഇടവകതല മത്സരത്തില്‍ കുടുംബമായി 150 മാര്‍ക്കോ അതില്‍ കൂടുതലോ ലഭിച്ചവര്‍ക്കാണ് ഫൊറോനാ മത്സരത്തില്‍ പങ്കെടുക്കാന്‍ യോഗ്യത. കൂടാതെ വ്യക്തിപരമായി 75 മാര്‍ക്കോ അതില്‍ കൂടുതലോ ലഭിച്ചവര്‍ക്ക് സ്വന്തം ഭവനത്തില്‍നിന്ന് ഒന്ന് അല്ലെങ്കില്‍ രണ്ട്‌ പേരെ കൂട്ടി ടീമായി മത്സരിക്കാം, അവര്‍ ഇടവക മത്സരത്തില്‍ പങ്കെടുത്തിട്ടില്ലെങ്കില്‍പോലും. ഒരു കുടുംബത്തില്‍നിന്ന് എത്ര ടീമിന് വേണമെങ്കിലും ഫൊറോനാ മത്സരത്തില്‍ പങ്കെടുക്കാന്‍ സാധിക്കും. ഓരോ ടീമിനും ഓരോ ചോദ്യാവലിയാണ് ലഭിക്കുക. ടീമംഗങ്ങള്‍ക്ക് പരസ്പരം ആലോചിച്ച് ഉത്തരം മാര്‍ക്ക് ചെയ്യാം. നൂറുമേനി സീസണ്‍ III പഠന പുസ്തകത്തിലെ റോമാ മുതല്‍ വെളിപാട് വരെയുള്ള ഭാഗത്തുനിന്ന് 60 ശതമാനം, സങ്കീര്‍ത്തനം 119ല്‍ നിന്ന് 20ശതമാനം, യാക്കോബ് ശ്ലീഹായുടെ ലേഖനത്തില്‍നിന്ന് 20ശതമാനം എന്ന ക്രമത്തിലാണ് ചോദ്യങ്ങള്‍. മൊത്തം 100 ചോദ്യങ്ങള്‍ ഉണ്ടായിരിക്കും. ഒന്നിലധികം പേര്‍ക്ക് ഒരേ മാര്‍ക്ക് ലഭിച്ചാല്‍ റാങ്ക് നിര്‍ണയത്തിനായി ഉത്തരമെഴുതുന്ന രീതിയിലുള്ള 10 ചോദ്യങ്ങളും ഉണ്ടായിരിക്കും. ഫൊറോനാ മത്സരത്തില്‍ 60 ശതമാനമോ അതില്‍ കൂടുതലോ മാര്‍ക്ക് ലഭിക്കുന്ന എല്ലാ ടീമിനും അതിരൂപതയുടെ നൂറുമേനി ഫാമിലി സമ്മാനം ലഭിക്കും. കുടുംബ കൂട്ടായ്മ ബൈബിള്‍ അപ്പൊസ്‌തലേറ്റ് ഫൊറോന ഡയറക്ടറും ഫൊറോന സമിതിയുമാണ് മത്സരത്തിനു നേതൃത്വം നല്‍കുന്നത്. വിശദ വിവരങ്ങള്‍ക്ക്: ഫോൺ: +91 99613 69380, +91 73062 08356.

ഡോ. റാണി മരിയ തോമസ് അസംപ്ഷന്‍ കോളജ് പ്രിന്‍സിപ്പല്‍

ചങ്ങനാശേരി: അസംപ്ഷന്‍ കോളജിന്‍റെ 18-ാമത്തെ പ്രിന്‍സിപ്പലായി ഡോ. റാണി മരിയ തോമസ് നിയമിതയായി. റവ.ഡോ. തോമസ് പാറത്തറ പ്രിന്‍സിപ്പല്‍ സ്ഥാനത്തുനിന്നു വിരമിച്ചതിനെത്തുടര്‍ന്നാണ് പുതിയ നിയമനം. കോളജിലെ സാമ്പത്തികശാസ്ത്ര വിഭാഗം മേധാവിയായിരുന്ന ഡോ. റാണി മരിയ കഴിഞ്ഞ രണ്ടുവര്‍ഷക്കാലായി വൈസ് പ്രിന്‍സിപ്പലായി സേവനം അനുഷ്ഠിച്ചുവരികയായിരുന്നു. 1995ല്‍ അധ്യാപികയായി നിയമിതയായ ഇവര്‍ ഐക്യുഎസി കോ-ഓര്‍ഡിനേറ്റര്‍, മാനേജിംഗ്‌ ബോര്‍ഡംഗം, ഗവേണിംഗ്‌ ബോഡിയംഗം, ഓള്‍ കേരള വിമന്‍സെല്‍ കോഓര്‍ഡിനേറ്റര്‍ തുടങ്ങിയനിലകളില്‍ പ്രവര്‍ത്തിച്ചിട്ടുണ്ട്. അസംപ്ഷന്‍ വിദ്യാര്‍ഥിയായിരുന്ന റാണി 1992ല്‍ എംജി സര്‍വകലാശാലയില്‍നിന്നും ബിഎ ഇക്കണോമിക്‌സിന് ഒന്നാംറാങ്കും എസ്ബി കോളജില്‍ വിദ്യാര്‍ഥിയായിരിക്കെ 1994ല്‍ എംഎ ഇക്കണോമിക്‌സിന് രണ്ടാംറാങ്കും കരസ്ഥമാക്കി. ഹൈദരാബാദ് സെന്‍ട്രല്‍ സര്‍വകലാശാലയില്‍നിന്നും എംഫിലും മുംബൈ ഐഐടിയില്‍നിന്നു പിഎച്ച്ഡിയും നേടിയിട്ടുണ്ട്. എസ്ബി കോളജ് റിട്ടയേർഡ് പ്രഫസർ തോമസ് കണയംപ്ലാവന്‍-ഓമന ദമ്പതികളുടെ മകളും വീല്‌ഹെമ്‌സണ്‍ ഷിപ്പ് മാനേജ്‌മെന്‍റ് പ്രൊക്യുര്‍മെന്‍റ് ഡിവിഷന്‍ മുന്‍ റീജണല്‍ഹെഡ് ആഞ്ഞിലിപ്പറമ്പില്‍ ജിജോ കുര്യാക്കോസിന്‍റെ ഭാര്യയുമാണ്.

എരുമേലി വിമാനത്താവളം; സ്പെഷൽ ഓഫീസും റീസർവേയും ഉടനെ

എരുമേലി: നിർദിഷ്‌ട ശബരിമല വിമാനത്താവള പദ്ധതിക്കു ഭൂമി ഏറ്റെടുക്കുന്നതിനുള്ള നടപടികളിലേക്ക് റവന്യു വകുപ്പ്. നടപടിക്രമങ്ങള്‍ ഏകോപിപ്പിക്കുന്നതിനായി സ്‌പെഷല്‍ തഹസില്‍ദാരെ ചുമതലപ്പെടുത്തി. ഒപ്പം സ്പെഷൽ ഓഫീസ് തുറക്കുന്നത് പരിഗണിച്ചിട്ടുണ്ട്. സ്ഥലം ഏറ്റെടുക്കലിന്‍റെ നടപടികളുടെ ഭാഗമായി പദ്ധതിപ്രദേശത്തെ താമസക്കാര്‍ക്ക് ഉടനെ നോട്ടീസ് നൽകിത്തുടങ്ങുമെന്ന് ഉദ്യോഗസ്ഥർ പറഞ്ഞു. വസ്തു റീ സര്‍വേ നടത്തി രൂപരേഖ തയാറാക്കുന്നതിനുള്ള നടപടിക്രമങ്ങളും ഇതോടൊപ്പം റവന്യു വകുപ്പിൽ ആരംഭിക്കും. ഏറ്റെടുക്കേണ്ട സ്ഥലങ്ങളുടെ വിസ്തീര്‍ണം, വസ്തു ഉടമകളുടെ പേര്, വിലാസം എന്നിവ നിലവിൽ ഗസറ്റില്‍ പ്രസിദ്ധീകരിച്ചിട്ടുണ്ട്. ഈ ലിസ്റ്റ് പ്രകാരമാണ് നോട്ടീസ് നൽകുക. ഏറ്റെടുക്കുന്ന ഭൂമിയുടെ ഇനം തിരിച്ചുവേണം മൂല്യം നിശ്ചയിക്കാന്‍. മൂല്യം നിർണയിക്കുന്നതിനുള്ള മാനദണ്ഡങ്ങൾ പ്രസിദ്ധീകരിക്കും. തർക്കങ്ങൾ പരിഹരിക്കാൻ ഹിയറിംഗ് നടത്തും. അതനുസരിച്ചുള്ള നഷ്ടപരിഹാരമാണ് ഭൂ ഉടമകള്‍ക്ക് നിശ്ചയിക്കുക. എസ്റ്റേറ്റിലെ തൊഴിലാളികളുടെ പുനരധിവാസവും നഷ്‌ടപരിഹാരവും ഉൾപ്പെടെ പ്രത്യേക പാക്കേജ് നിശ്ചയിക്കേണ്ടതുമുണ്ട്. എരുമേലിയിൽ സ്പെഷൽ ഓഫീസ് തുറക്കുന്നത് സംബന്ധിച്ച് തീരുമാനമാകുന്നതോടെ നടപടികൾ വേഗത്തിലാകുമെന്നാണ് കരുതുന്നത്. ഓഫീസ് തുറക്കുന്നതിന് സ്ഥലം, കെട്ടിടം എന്നിവ ലഭ്യമാകണം. പുതിയ സ്മാർട്ട് വില്ലേജ് ഓഫീസ് സൗകര്യപ്രദമായിരുന്നെങ്കിലും ഹൈക്കോടതിയിലുള്ള തർക്കംമൂലം അടച്ചിട്ടിരിക്കുകയാണ്. തൊട്ട് സമീപത്തെ പൊതുമരാമത്ത് റസ്റ്റ് ഹൗസിൽ സൗകര്യം ഏർപ്പെടുത്തുന്നത് പരിഗണനയിലുണ്ട്. നിർദിഷ്‌ട വിമാനത്താവള പദ്ധതിക്ക് സംസ്ഥാന സർക്കാരിന്‍റെ ഭരണാനുമതിക്കു പിന്നാലെ ഭൂമി ഏറ്റെടുക്കാനുള്ള വിജ്ഞാപനം കഴിഞ്ഞ ദിവസം പുറപ്പെടുവിച്ചതോടെയാണ് സ്ഥലം ഏറ്റെടുക്കൽ നടപടികള്‍ ആരംഭിക്കുന്നത്. ചെറുവള്ളി എസ്റ്റേറ്റിന്‍റെ 916.2 ഹെക്ടര്‍ അടക്കം 1039.876 ഹെക്ടര്‍ ഭൂമിയാണ് വിമാനത്താവളത്തിനായി ഏറ്റെടുക്കേണ്ടത്. ഒരു വര്‍ഷത്തിനുള്ളില്‍ സ്ഥലം ഏറ്റെടുപ്പ് പൂര്‍ത്തിയാക്കണം. ഇതിനോടകം പാലാ സബ് കോടതിയിൽ സർക്കാരുമായുള്ള എസ്റ്റേറ്റ് സംബന്ധിച്ച ഉടമസ്ഥാവകാശ തർക്കം തീർപ്പാകുമെന്നാണ് കരുതുന്നത്.

മോഷ്ടിച്ച സാധനങ്ങളുമായി പിക്കപ്പ് ലോറിയിൽ കടന്ന മോഷ്ടാക്കളെ പോലീസ് പിടികൂടി

മുണ്ടക്കയം ഈസ്റ്റ്‌: പിക്കപ്പ് ലോറിയിൽ മോഷ്ടിച്ച ഗ്യാസ് സിലിണ്ടറുകളും ബൈക്കുമായി കടന്ന യുവാക്കളെ അതിസാഹസികമായി പിടികൂടി പെരുവന്താനം പോലീസ്. സംഭവവുമായി ബന്ധപ്പെട്ട് പത്തനാട് നെടുംകുന്നം സ്വദേശികളായ അനന്തു ഷാജി (22), മിഥുൻ (21), അഖിൽ (24), ജിബിൻ (23), ഷിബിൻ (18) എന്നിവരെ കസ്റ്റഡിയിലെടുത്തു. ഇന്നലെ പുലർച്ചെ രണ്ടോടെയാണ് സംഭവം. പെരുവന്താനം സ്റ്റേഷനിലെ എസ്ഐ എം.എ. ബിനോയി, സീനിയർ സിവിൽ പോലീസ് ഓഫീസർ ജിനീഷ് ദാസ്, സിപിഒ ജോമോൻ എന്നിവർ വാഹനപരിശോധന നടത്തുന്നതിനിടെ പീരുമേട് ഭാഗത്തുനിന്നു വന്ന പിക്കപ്പ് നിർത്താതെ പോവുകയായിരുന്നു. വാഹനത്തിന്‍റെ നമ്പർ പ്ലേറ്റ് മണ്ണ് ഉപയോഗിച്ച് മറച്ച നിലയിൽ കാണപ്പെട്ടു. ഇതോടെ പോലീസ് സംഘം വാഹനത്തിന് പിന്നാലെ പോയി. ഈ സമയം ടൗണിൽ പരിശോധന നടത്തുകയായിരുന്ന മുണ്ടക്കയം പോലീസ് വാഹനം കൈ കാണിച്ചിട്ടും ഇവർ വാഹനം നിർത്താതെ അതിവേഗത്തിൽ ഓടിച്ച് പോകുകയായിരുന്നു. പോലീസ് സംഘം പിന്നാലെ പിന്തുടർന്നു. തുടർന്ന് ഹൈവേ പോലീസിനെ വിവരമറിയിച്ചു. ഇവർ ദേശീയപാതയിൽ കാഞ്ഞിരപ്പള്ളി സെന്‍റ് ഡൊമിനിക്സ് കോളജ് ഭാഗത്ത് അതുവഴി കടന്നുവന്ന ടോറസ് ലോറിക്കാരുടെ സഹായത്തോടെ ലോറി ദേശീയ പാതയ്ക്ക് കുറുകെയിട്ട് റോഡ് വിലങ്ങി. ഈ സമയം വാഹനത്തിലുണ്ടായിരുന്ന രണ്ടുപേർ ഓടി രക്ഷപ്പെട്ടു. അഞ്ചുപേരെ പോലീസ് പിടികൂടി. ഇവർ ഓടിച്ചിരുന്ന പിക്കപ്പ് ലോറിയിൽനിന്ന് അഞ്ച് ഗ്യാസ് സിലിണ്ടറുകളും ബൈക്കും കണ്ടെടുത്തു. അപകടകരമായ രീതിയിൽ മറ്റു വാഹനങ്ങൾ ഇടിക്കുന്ന അവസ്ഥയിലാണ് ഇവർ വാഹനം ഓടിച്ചതെന്ന് പോലീസ് ഉദ്യോഗസ്ഥർ പറയുന്നു. അന്വേഷണത്തിൽ പീരുമേട് ഭാഗത്തുള്ള സ്വകാര്യ ഹോട്ടലിലെ ഗ്യാസ് സിലിണ്ടറുകളാണ് ഇവർ മോഷ്ടിച്ചതെന്ന് കണ്ടെത്തിയിട്ടുണ്ട്. പിടിയിലായവർ മറ്റു കേസുകളിൽ ഉൾപ്പെട്ടവരാണോ എന്നും പോലീസ് തെരയുന്നുണ്ട്. കൂടുതൽ അന്വേഷണങ്ങൾക്കായി പ്രതികളെ പീരുമേട് സ്റ്റേഷനിലേക്ക് കൈമാറി.

കരിനിലം-പശ്ചിമ-കൊട്ടാരംകട റൂട്ടിൽ യാത്രാദുരിതം വർധിക്കും

മുണ്ടക്കയം: കരിനിലം-പശ്ചിമ- കൊട്ടാരംകട വഴിയുള്ള അവസാന ബസ് സർവീസും നിർത്താൻ ഒരുങ്ങുന്നു. വർഷങ്ങളായി തകർന്നു കിടക്കുന്ന റോഡിന്‍റെ നവീകരണം വൈകുന്നതാണ് ബസ് സർവീസ് നിലയ്ക്കുവാൻ കാരണമാകുന്നത്. വർഷങ്ങൾക്കുമുമ്പ് ഈ മേഖലയിലേക്കു കെഎസ്ആർടിസി ഉൾപ്പെടെ 12 ഓളം ബസ് സർവീസുകൾ ഉണ്ടായിരുന്നു. ഇപ്പോൾ അവശേഷിക്കുന്നതു മൂന്ന സർവീസുകൾ മാത്രമാണ്. മെയിന്‍റനൻസിന് തിക‌‌യില്ല ഓടിക്കിട്ടുന്ന തുക ബസിന്‍റെ മെയിന്‍റനൻസിനുപോലും തികയാത്ത സാഹചര്യമാണെന്നു ബസ് ഉടമ പറയുന്നു. റോഡ് തകർന്നതോടെ ഒട്ടുമിക്ക ബസ് സർവീസുകളും നിർത്തി. എന്നാൽ, മേഖലയിലെ ആളുകളുടെ യാത്ര ദുരിതത്തിലാകുമെന്ന നാട്ടുകാരുടെയും ജനപ്രതിനിധികളുടെയും അഭ്യർഥന മാനിച്ചുമാത്രമാണ് നിലവിൽ ബസ് സർവീസ് നടത്തുന്നതെന്ന് ഇവർ പറയുന്നു. നിലവിലുള്ള ബസ് സർവീസ് കൂടി നിലച്ചാൽ ആയിരക്കണക്കിനു കുടുംബങ്ങൾ താമസിക്കുന്ന മേഖലയിലെ ആളുകളുടെ യാത്രാ ദുരിതം ഇരട്ടിയാകും. സ്കൂൾ തുറക്കുന്നതോടെ വിദ്യാർഥികളും ദുരിതത്തിലാകും. എല്ലാം ജലരേഖ ശബരിമല തീർഥാടകർക്കടക്കം എളുപ്പത്തിൽ കുഴിമാവിൽ എത്തിച്ചേരാവുന്ന റോഡാണ് കരിനിലം -പശ്ചിമ - കൊട്ടാരംകട - കുഴിമാവ് റോഡ്. വർഷങ്ങൾക്കുമുമ്പ് റോഡിന്‍റെ നവീകരണത്തിനു തുക അനുവദിച്ച് ടെൻഡർ ക്ഷണിച്ചു കരാർ ഏറ്റെടുത്തു. എന്നാൽ, കരാറുകാരൻ തട്ടിക്കൂട്ട് പണി നടത്തി കുറച്ചു ബില്ലും മാറിയെടുത്തു. പിന്നീട് ഈ റോഡിലേക്കുതിരിഞ്ഞുപോലും നോക്കിയില്ല. കാലങ്ങൾ കഴിഞ്ഞതോടെ റോഡ് തകർന്നു തരിപ്പണമായി. പ്രതിഷേധവുമായി നാട്ടുകാരും ജനപ്രതികളും രംഗത്തെത്തി. ഇതോടെ പുതുക്കിയ തുക അനുവദിച്ചെന്നും ഉടൻ നിർമാണ പ്രവർത്തനങ്ങൾ നടത്തുമെന്നും അധികാരികൾ വാഗ്ദാനം നൽകി. എന്നാൽ, ഒന്നും നടന്നില്ല. നാട്ടുകാരുടെ നേതൃത്വത്തിൽ സമരസമിതി ഉണ്ടാക്കി റോഡിൽ നാളികേരമുടയ്ക്കൽ അടക്കമുള്ള വ്യത്യസ്തങ്ങളായ നിരവധി സമര പരിപാടികൾ ആവിഷ്കരിച്ചു. ഇതോടെ ഏപ്രിൽ മാസത്തിനുള്ളിൽ റോഡിന്‍റെ നിർമാണം ആരംഭിക്കുമെന്ന് അധികൃതർ സമരസമിതിക്ക് ഉറപ്പു നൽകി. എന്നാൽ, എല്ലാ ജലരേഖയായി. ഇതുവരെയും റോഡിന്‍റെ നിർമാണ പ്രവർത്തനങ്ങൾ ഒന്നും ആരംഭിക്കുവാൻ കഴിഞ്ഞില്ല. ഇതോടെയാണ് ഇപ്പോൾ നിലവിലുണ്ടായിരുന്ന ബസ് സർവീസ് കൂടി നിർത്തുവാൻ ബസ് ഉടമകൾ നിർബന്ധിതരായിരിക്കുന്നത്. സമരം ശക്തമാക്കും നിരവധി തവണ വാഗ്ദാനങ്ങൾ നൽകി തങ്ങളെ കബളിപ്പിക്കുകയാണ് അധികാരികൾ ചെയ്യുന്നതെന്നു സമരസമിതി കുറ്റപ്പെടുത്തുന്നു. നാട്ടിലെ മറ്റെല്ലാ റോഡുകളും നവീകരിക്കുമ്പോഴും നാലുവർഷത്തിലധികമായി തകർന്നു കിടക്കുന്ന ഈ റോഡിനോട് അധികാരികൾ കാണിക്കുന്ന അവഗണനയ്ക്കെതിരേ പ്രതിഷേധം ശക്തമാക്കുവാനാണ് സമരസമിതിയുടെ തീരുമാനം.

കാതോലിക്കാ ബാവായ്ക്ക് ഇന്ന് സ്വീകരണം

മണര്‍കാട്: യാക്കോബായ സുറിയാനി സഭയുടെ ശ്രേഷ്ഠ കാതോലിക്കാ മാര്‍ ബസേലിയോസ് ജോസഫ് ബാവായ്ക്കു കോട്ടയം ഭദ്രാസനത്തിലെ വിവിധ പള്ളികളുടെ സഹകരണത്തോടെ മണര്‍കാട് വിശുദ്ധ മര്‍ത്തമറിയം കത്തീഡ്രലിന്‍റെ ആഭിമുഖ്യത്തില്‍ ഇന്ന് സ്വീകരണം നല്‍കും. ഇന്നു വൈകുന്നേരം നാലിനു കോട്ടയം സെന്‍റ് ജോസഫ് കത്തീഡ്രലില്‍നിന്നു ശ്രേഷ്ഠ കാതോലിക്കാ ബാവായെ സ്വീകരിച്ചു വാഹനങ്ങളുടെ അകമ്പടിയോടെ കെകെ റോഡ് വഴി മണര്‍കാട് കവലയില്‍ എത്തിച്ചേരും. തുടര്‍ന്ന് ശ്രേഷ്ഠ കാതോലിക്കാ ബാവായെ തുറന്ന വാഹനത്തില്‍ മണര്‍കാട് പള്ളിയിലേക്ക് എതിരേല്‍ക്കും. പള്ളിയിലെത്തിയശേഷം സന്ധ്യാപ്രാര്‍ഥനയും തുടര്‍ന്ന് സ്വീകരണ സമ്മേളനവും നടക്കും. കോട്ടയം ഭദ്രാസനാധിപന്‍ ഡോ. തോമസ് മാര്‍ തീമോത്തിയോസ് മെത്രാപ്പോലീത്ത അധ്യക്ഷത വഹിക്കും. അനുമോദന സമ്മേളനം മന്ത്രി വി.എന്‍. വാസവന്‍ ഉദ്ഘാടനം ചെയ്യും. പാര്‍പ്പിട സമുച്ചയത്തിന്‍റെ ശിലാസ്ഥാപനകര്‍മം ശ്രേഷ്ഠ കാതോലിക്കാ മോര്‍ ബസേലിയോസ് ജോസഫ് ബാവാ നിര്‍വഹിക്കും. ചങ്ങനാശേരി ആര്‍ച്ച്ബിഷപ് മാര്‍ തോമസ് തറയില്‍ മുഖ്യപ്രഭാഷണവും മൈലാപ്പുര്‍ ഭദ്രാസനാധിപന്‍ ഐസക്ക് മാര്‍ ഒസ്താത്തിയോസ് മെത്രാപ്പോലീത്ത അനുമോദനപ്രസംഗവും നടത്തും. ചാണ്ടി ഉമ്മന്‍ എംഎല്‍എ, കത്തീഡ്രല്‍ സഹവികാരി ഫാ. ലിറ്റു ടി. ജേക്കബ്, കത്തീഡ്രല്‍ ട്രസ്റ്റി ബെന്നി ടി. ചെറിയാന്‍ എന്നിവര്‍ പ്രസംഗിക്കും. ശ്രേഷ്ഠ കാതോലിക്കാ ബാവായ്ക്ക് കത്തീഡ്രലിന്‍റെ ഉപഹാരം ഭാരവാഹികള്‍ സമര്‍പ്പിക്കും.

മണ്ണാർകുന്ന് സെന്‍റ് ഗ്രിഗോറിയോസ് പള്ളി ശതാബ്ദി ആഘോഷ സമാപനം ഇന്നുമുതൽ

അതിരമ്പുഴ: മണ്ണാർകുന്ന് സെന്‍റ് ഗ്രിഗോറിയോസ് പള്ളിയുടെ ഒരു വർഷം നീണ്ട ശതാബ്ദി ആഘോഷങ്ങൾ ഞായറാഴ്ച സമാപിക്കും. സമാപന പരിപാടികൾ ഇന്ന് ആരംഭിക്കും. ഇന്ന് വൈകുന്നേരം 5.30ന് വിശുദ്ധ കുർബാനയും ജപമാല പ്രദക്ഷിണവും തുടർന്ന് മാതാവിന്‍റെ തിരുസ്വരൂപം പ്രതിഷ്ഠിക്കലും നടക്കും. അതിരമ്പുഴ സെന്‍റ് മേരീസ് ഫൊറോനാ പള്ളി വികാരി റവ. ഡോ. ജോസഫ് മുണ്ടകത്തിൽ കാർമികത്വം വഹിക്കും. നാളെ വൈകുന്നേരം നാലിന് അതിരമ്പുഴ സെന്‍റ് മേരീസ് ഫൊറോനാ പള്ളിയിൽനിന്ന് മണ്ണാർകുന്ന് സെന്‍റ് ഗ്രിഗോറിയോസ് പള്ളിയിലേക്ക് ജൂബിലി വിശ്വാസ പ്രഘോഷണ റാലി നടക്കും. ആറിന് ചങ്ങനാശേരി അതിരൂപത പ്രോട്ടോസിഞ്ചെല്ലൂസ് മോൺ. ആന്‍റണി ഏത്തയ്ക്കാട്ടിന്‍റെ കാർമികത്വത്തിൽ വിശുദ്ധ കുർബാന അർപ്പിക്കും. ശനിയാഴ്ച രാവിലെ 6.15ന് ആഘോഷമായ വിശുദ്ധ കുർബാന സ്വീകരണം നടക്കും. ആർച്ചുബിഷപ് മാർ ജോസഫ് പെരുന്തോട്ടം കാർമികത്വം വഹിക്കും. ശതാബ്ദി ആഘോഷ സമാപന ദിനമായ ഞായറാഴ്ച വൈകുന്നേരം നാലിന് ചങ്ങനാശേരി അതിരൂപത വികാരി ജനറൽ മോൺ. സ്കറിയ കന്യാക്കോണിലിന്‍റെ മുഖ്യകാർമികത്വത്തിൽ വിശുദ്ധ കുർബാന അർപ്പിക്കും. മണ്ണാർകുന്ന് ഇടവകാംഗങ്ങളായ വൈദികർ സഹകാർമികരാകും. വൈകുന്നേരം ആറിന് ചങ്ങനാശേരി അതിരൂപതാധ്യക്ഷൻ മാർ തോമസ് തറയിലിന്‍റെ അധ്യക്ഷതയിൽ ആരംഭിക്കുന്ന ശതാബ്ദി സമാപന സമ്മേളനം കേന്ദ്ര മന്ത്രി ജോർജ് കുര്യൻ ഉദ്ഘാടനം ചെയ്യും. മന്ത്രി വി.എൻ. വാസവൻ മുഖ്യപ്രഭാഷണം നടത്തും. ആർച്ച്ബിഷപ് മാർ ജോസഫ് പെരുന്തോട്ടം ശതാബ്ദി സ്മരണികയും ശാന്തിഗിരി ആശ്രമം ജനറൽ സെക്രട്ടറി സ്വാമി ഗുരുരത്നം ജ്ഞാനതപസ്വി സ്നേഹവഴിയിൽ ഒരു ദേവാലയം ഡോക്യുമെന്‍ററിയും പ്രകാശനം ചെയ്യും. ഫ്രാൻസിസ് ജോർജ് എംപി, അതിരമ്പുഴ ഫൊറോനാ വികാരി റവ. ഡോ. ജോസഫ് മുണ്ടകത്തിൽ, മാന്നാനം കെഇ സ്കൂൾ പ്രിൻസിപ്പൽ ഫാ. ജയിംസ് മുല്ലശേരി സിഎംഐ, അതിരമ്പുഴ പഞ്ചായത്ത് പ്രസിഡന്‍റ് ജോസ് അമ്പലക്കുളം, ജില്ലാ പഞ്ചായത്ത് മെംബർ ഡോ. റോസമ്മ സോണി, എഫ്സിസി ചങ്ങനാശേരി ദേവമാതാ പ്രൊവിൻസിന്‍റെ പ്രൊവിൻഷൽ സിസ്റ്റർ ബ്രിജി എഫ്സിസി, മണ്ണാർകുന്ന് പള്ളി വികാരി ഫാ. ഏബ്രഹാം തർമശേരി, ഇടവക വൈദികരുടെ പ്രതിനിധി ഫാ. മാത്യു കാഞ്ഞിരംകാല, ജനറൽ കൺവീനർ എൽ.വി. ജോമോൻ ളാപ്പള്ളി എന്നിവർ പ്രസംഗിക്കും.

പിണറായി വിജയന് കുടുംബാഭിവൃദ്ധിക്കുവേണ്ടി പണം ഉണ്ടാക്കുകയെന്ന ഏകലക്ഷ്യമാത്രം: കെ. സുധാകരൻ

കോട്ടയം: മുഖ്യമന്ത്രി പിണറായി വിജയന് നാടിനെ നന്നാക്കണമെന്ന് ഒരാഗ്രഹവമില്ലെന്നും കുടുംബാഭിവൃദ്ധിക്കുവേണ്ടി പണം ഉണ്ടാക്കുകയെന്ന ഏകലക്ഷ്യമാണുള്ളതെന്നും കെപിസിസി പ്രസിഡന്‍റ് കെ. സുധാകരന്‍ എംപി. തിരുവഞ്ചൂര്‍ രാധാകൃഷ്ണന്‍ എംഎല്‍എയുടെ നേതൃത്വത്തില്‍ നടത്തിയ ഉപവാസസമരത്തില്‍ പ്രസംഗിക്കുകയായിരുന്നു അദ്ദേഹം. ലഹരിക്കെതിരേ പൗരപ്രതിഷേധമായി തിരുവഞ്ചൂര്‍ രാധാകൃഷ്ണന്‍ എംഎല്‍എ നടത്തുന്ന ഉപവാസം നാടിന്റെ വികാരത്തെ നെഞ്ചിലേറ്റുന്നതാണ്. ലഹരിക്കടിപ്പെട്ട് നാടിന്‍റെ ഭാവി പ്രവചിക്കാനാവാത്ത അവസ്ഥയിലായി മാറി. നാടിന്‍റെ വിമര്‍ശനങ്ങളെ പിണറായി വിജയന്‍ ഗൗനിക്കുന്നില്ല. അദ്ദേഹത്തിന്‍റെ ഏകലക്ഷ്യം മകള്‍ക്കും മരുമക്കള്‍ക്കുമായി പണം സമ്പാദിച്ച് കൊടുക്കുക എന്നതാണ്. നാട് വളരെ വികാരപരമായി ലഹരിക്കെതിരേ ഉണരേണ്ടതുണ്ട്. ലഹരിക്കെതിരേയുള്ള സമരത്തില്‍ പുതിയ തലമുറയെ അണിനിരത്തണം. കായികരംഗത്ത് സര്‍ഗാത്മകത വളര്‍ത്തിയെടുക്കണം. അധ്യാപകരും രാഷ്‌ട്രീയ പാര്‍ട്ടി നേതാക്കളും പ്രവര്‍ത്തകരും ലഹരിക്കെതിരേ വീടുകള്‍ കയറിയിറങ്ങി ബോധവത്കരണം കൂടിയേ തീരൂ. അനുസരണയുള്ള കുട്ടികളെ വളര്‍ത്തിയെടുക്കാന്‍ നമുക്ക് കഴിയണം. നല്ല ചിന്തയിലേക്ക് കുട്ടികളെയും രക്ഷിതാക്കളെയും മാറ്റിയെടുക്കണം. നമ്മുടെ കൊച്ചുമക്കള്‍ ഭാവി പൗരന്മാരാണ്. അവരെ നേര്‍വഴിക്ക് നയിക്കാന്‍ കഴിയണം. അതിനു ഉപകരിക്കുന്ന പൗരപ്രതിഷേധമായി ഇതു മാറിയിട്ടുണ്ട്. നാടുമാറണം മാറ്റിയെടുക്കണം ഇതായിരിക്കണം മുന്നോട്ടുള്ള ഓരോ പ്രവര്‍ത്തനങ്ങളിലും ഉണ്ടാകേണ്ടതെന്ന് കെ. സുധാകരന്‍ പറഞ്ഞു.

കേരളം നേരിടുന്ന ഏറ്റവും വലിയ വെല്ലുവിളി ലഹരിയുടെ അനിയന്ത്രിതമായ വ്യാപനം: വി.ഡി. സതീശന്‍

കോട്ടയം: കേരളം നേരിടുന്ന ഏറ്റവും വലിയ വെല്ലുവിളിയാണ് ലഹരിയുടെ അനിയന്ത്രിതമായ വ്യാപനമെന്ന് പ്രതിപക്ഷനേതാവ് വി.ഡി. സതീശന്‍. കോട്ടയത്ത് ലഹരിക്കെതിരേ തിരുവഞ്ചൂര്‍ രാധാകൃഷ്ണന്‍ എംഎല്‍എയുടെ നേതൃത്വത്തില്‍ നടത്തിയ ഉപവാസസമരം ഉദ്ഘാടനം ചെയ്യുകയായിരുന്നു പ്രതിപക്ഷ നേതാവ്. സംസ്ഥാനത്തെ ഏത് കുഗ്രാമത്തില്‍ പോലും പത്തോ പതിനഞ്ചോ മിനിട്ടിനുള്ളില്‍ എത്ര അളവിലുള്ള ലഹരി വേണമെങ്കിലും ലഭ്യമാക്കുന്ന അവിശ്വസനീയമായ വിതരണശൃംഖലയുള്ള ലഹരി മാഫിയ അപകടകരമായ രീതിയിലേക്ക് വളര്‍ന്നിരിക്കുന്നു. ലഹരിക്കെതിരായ പോരാട്ടത്തില്‍ എക്സൈസ് വകുപ്പുകള്‍ ബോധവത്കരണമല്ല നടത്തേണ്ടത്. നിയമം നടപ്പാക്കലാണ് ചെയ്യേണ്ടത്. ലഹരി വ്യാപനത്തിന്‍റെ അവസാനകണ്ണികളെ മാത്രം പിടിച്ച് കേസ് അവസാനിപ്പിക്കാതെ വിതരണ ശൃംഖല തന്നെ തകര്‍ക്കണം. ലഹരി മാഫിയാകള്‍ക്ക് രാഷ്‌ട്രീയ രക്ഷാകര്‍തൃത്വം നല്‍കില്ലെന്ന് രാഷ്‌ട്രീയ പാര്‍ട്ടികള്‍ തീരുമാനമെടുക്കണം. ഇക്കാര്യത്തില്‍ ഭരിക്കുന്നവര്‍ക്ക് കൂടുതല്‍ ഉത്തരവാദിത്വം ഉണ്ടെന്നും സതീശന്‍ ഓര്‍മിപ്പിച്ചു. ലഹരി വ്യാപനം ഭീകരമായ അക്രമങ്ങളിലേക്കും കൊലപാതകങ്ങളിലേക്കും കേരളത്തില്‍ വഴി തുറന്നിരിക്കുകയാണ്. നിസാരമായ കാര്യങ്ങള്‍ക്ക് പോലും അവിശ്വസനീയമായ കൊലപാതകങ്ങളും സ്ത്രീകള്‍ക്കും കുട്ടികള്‍ക്കുമെതിരേ കാരണമില്ലാത്ത ക്രൂരതകളുമാണ് കേട്ടുകേള്‍വി ഇല്ലാത്ത രീതിയില്‍ ഇപ്പോള്‍ നടക്കുന്നത്. ലഹരിക്കെതിരായ പോരാട്ടത്തിന് അടിയന്തരമായി മുന്നിട്ടിറങ്ങിയില്ലെങ്കില്‍ കേരളം തകര്‍ന്നുപോകുന്ന സാഹചര്യമാണുള്ളത്. വളരെ വിശദമായ പഠനങ്ങള്‍ നടത്തിയ ശേഷം 2022ല്‍ ഇത് സംബന്ധിച്ച് നിയമസഭയില്‍ പ്രതിപക്ഷം നാടിന്‍റെ ആശങ്കയായി വിഷയം അവതരിപ്പിച്ചെങ്കിലും സഭയില്‍ നടത്തിയ പ്രഖ്യാപനങ്ങള്‍ നടപ്പായില്ല. പിന്നീട് ഈ വിഷയത്തിലുള്ള ഗൗരവം ഉള്‍ക്കൊണ്ട് 2025ലും പ്രതിപക്ഷം ലഹരി വ്യാപനം നിയമസഭയില്‍ കൊണ്ടുവന്നു. ലഹരിക്കടിമകളാകുന്നവരെ വിതരണക്കാരാക്കുന്ന രീതിയാണ് ലഹരി മാഫിയാക്കുള്ളത്. ഇത്തരത്തില്‍ ലഹരി വിതരണത്തില്‍ പങ്കാളികളാകുന്ന കുട്ടികളുടെ എണ്ണത്തില്‍ ഓരോ വര്‍ഷവും വന്‍വര്‍ധനയാണുള്ളതെന്നും വി.ഡി. സതീശന്‍ പറഞ്ഞു.

ഉപവാസസമരം ആയിരങ്ങള്‍ അണിചേര്‍ന്ന ജനകീയ മുന്നേറ്റമായി

കോട്ടയം: പൊതുസമൂഹത്തെ വിഴുങ്ങുന്ന ലഹരി വിപത്തിനെതിരേ തിരുവഞ്ചൂര്‍ രാധാകൃഷ്ണന്‍ എംഎല്‍എ നടത്തിയ ഉപവാസസമരം ആയിരങ്ങള്‍ അണിചേര്‍ന്ന ജനകീയ മുന്നേറ്റമായി. ലഹരിയുടെ പിടിയില്‍പ്പെട്ട് കണ്ണീര്‍ക്കയത്തിലായ അനേകായിരം കുടുംബങ്ങളെ മോചിപ്പിക്കാനുള്ള പരിശ്രമങ്ങള്‍ക്കാണ് അക്ഷരനഗരിയില്‍ തുടക്കം കുറിക്കുന്നതെന്ന് തിരുവഞ്ചൂര്‍ രാധാകൃഷ്ണന്‍ പറഞ്ഞു. ലഹരിയുടെ പിടിയില്‍പ്പെടാതെ യുവതലമുറയെ സംരക്ഷിക്കേണ്ട ഭരണകൂടത്തിന്‍റെ നിര്‍വികാരതയാണു കേരളത്തിലെ ലഹരിവ്യാപനത്തിന് ആക്കം കൂട്ടുന്നതെന്ന് സമരത്തിന് പിന്തുണയുമായെത്തിയ നേതാക്കള്‍ ചൂണ്ടിക്കാട്ടി. ലഹരിക്കെതിരായ പോരാട്ടത്തിനു മുന്നിട്ടിറങ്ങിയതിന് തിരുവഞ്ചൂരിന് നന്ദി പറയാന്‍ കോട്ടയത്തെ പൊതുസമൂഹം മുഴുവന്‍ അക്ഷരനഗരിയില്‍ പ്രത്യേകം തയാറാക്കിയ സമരപന്തലിലെത്തി. രാവിലെ ഒന്‍പതിന് ആരംഭിച്ച ഉപവാസസമരം വൈകുന്നേരം ആറിനാണ് സമാപിച്ചത്. വിവിധ സ്‌കൂളുകളിലെ അധ്യാപകരും വിദ്യാര്‍ഥികളുമടക്കം രാഷ്‌ട്രീയ, സാമുദായിക, സാംസ്‌കാരിക, സിനിമാ മേഖലകളില്‍നിന്നുള്ള ഒട്ടേറെ പ്രമുഖര്‍ പോരാട്ടത്തിന് പിന്തുണയുമായെത്തി. ലഹരിയെന്ന മാരകവിപത്തിലേക്ക് കേരളീയ പൊതുസമൂഹത്തിന്‍റെ മുഴുവന്‍ ശ്രദ്ധയും കൊണ്ടുവരാന്‍ തിരുവഞ്ചൂരിന്‍റെ ഉപവാസത്തിന് സാധിച്ചതായി സമരപന്തലിലെത്തിയ ആര്‍ച്ച്ബിഷപ് മാര്‍ മാത്യു മൂലക്കാട്ട് ചൂണ്ടിക്കാട്ടി. ചിങ്ങവനം മാര്‍ഷ്യല്‍ ആര്‍ട്സ് പരിശീലന കേന്ദ്രത്തിലെ കുട്ടികള്‍ അവതരിപ്പിച്ച ലഹരിക്കെതിരായ കുംഗ്ഫു അവതരണം കൈയടി നേടി. ആര്‍ച്ച്ബിഷപ് മാര്‍ മാത്യു മൂലക്കാട്ട്, ഡോ. ജോസഫ് മാര്‍ ബര്‍ണബാസ് സഫ്രഗന്‍ മെത്രാപ്പോലീത്ത, സിഎസ്ഐ സഭ മധ്യകേരള മഹായിടവക ബിഷപ് റവ. മലയില്‍ സാബു കോശി ചെറിയാന്‍, ജോസഫ് മാര്‍ ദിവന്ന്യാസിയോസ് മെത്രാപ്പോലീത്ത, കുര്യാക്കോസ് മാര്‍ സേവേറിയോസ് വലിയ മെത്രാപ്പോലീത്ത, കോട്ടയം അതിരൂപത വികാരി ജനറാള്‍ ഫാ. മൈക്കിള്‍ വെട്ടിക്കാട്ട്, സ്വാമി ഗുരുരത്നം ജ്ഞാനതപസി, സ്വാമി ശ്രീനാരായണ പ്രസാദ്, ഗരുഡധ്വജാനന്ദ സ്വാമികള്‍ പരമാനന്ദ തീര്‍ഥ സ്വാമികള്‍, എംപിമാരായ ആന്‍റോ ആന്‍റണി, ഫ്രാന്‍സിസ് ജോര്‍ജ്, എംഎല്‍എമാരായ മോന്‍സ് ജോസഫ്, ചാണ്ടി ഉമ്മന്‍, മാണി സി. കാപ്പന്‍, ഡിസിസി പ്രസിഡന്‍റ് നാട്ടകം സുരേഷ്, കെ.സി. ജോസഫ്, കുര്യന്‍ ജോയി, ഡോ. സിറിയക് തോമസ്, ടോമി കല്ലാനി, യുഡിഎഫ് കണ്‍വീനര്‍ ഫില്‍സണ്‍ മാത്യൂസ്, കെഇ സ്‌കൂള്‍ പ്രിന്‍സിപ്പല്‍ ഫാ. ജെയിംസ് മുല്ലശേരി, പി.സി. തോമസ്, ഓര്‍ത്തഡോക്സ് സഭ സെക്രട്ടറി ബിജു ഉമ്മന്‍, ചലച്ചിത്ര നടന്‍ പ്രേംപ്രകാശ് കെപിസിസി ജനറല്‍ സെക്രട്ടറി പി.എ. സലിം, ഫിലിപ്പ് ജോസഫ്, ജോഷി ഫിലിപ്പ് ജോയി ഏബ്രഹാം, വി.ജെ. ലാലി, അസീസ് ബഡായി, ജോയി മാത്യു, താഹാ മൗലവി, മഹുമ്മദ് ഷെഫീക്ക് മൗലവി, നിഷാദ് മൗലവി, സാദിക്ക് മൗലവി, സിഎസ്ഡിഎസ് സംസ്ഥാനപ്രസിഡന്റ് സുരേഷ്, തുടങ്ങി സമൂഹത്തിന്‍റെ നാനാ തുറകളിലുള്ള ഒട്ടേറെപ്പേര്‍ തിരുവഞ്ചൂരിന്‍റെ പോരാട്ടത്തിന് അഭിവാദ്യം അര്‍പ്പിക്കാന്‍ എത്തിയിരുന്നു. സാമൂഹ്യപ്രവര്‍ത്തക സിസ്റ്റര്‍ ജോവാന്‍ ചുങ്കപ്പുര നാരങ്ങാ നീര് നല്‍കി ഉപവാസസമരം അവസാനിപ്പിച്ചു.

സുഹൃത്തിനെ കൊലപ്പെടുത്തിയ കേസിൽ പ്രതിയെ വെറുതെ വിട്ടു

തൊടുപുഴ: ഒന്നിച്ച് മദ്യപിക്കുന്നതിനിടെയുണ്ടായ വാക്കു തർക്കത്തത്തുടർന്ന് സുഹൃത്തിനെ തീ കൊളുത്തി കൊലപ്പെടുത്തിയ കേസിൽ പ്രതിയെ വെറുതെ വിട്ടു. വണ്ടിപ്പെരിയാർ തങ്കമല മാട്ടുപ്പെട്ടി ബഥേൽ എസ്റ്റേറ്റിൽ അനിൽകുമാറിനെയാണ് അയൽവാസിയായ മുരുകയ്യയെ കൊലപ്പെടുത്തിയ കേസിൽ തൊടുപുഴ പ്രിൻസിപ്പൽ സെഷൻസ് ജഡ്ജി പി.എസ്. ശശികുമാർ തെളിവുകളുടെ അഭാവത്തിൽ വെറുതെ വിട്ടത്. 2017 സെപ്റ്റംബർ നാലിനായിരുന്നു സംഭവം. അനിൽകുമാറിന്‍റെ വീട്ടിൽ ഇരുവരും ചേർന്ന് മദ്യപിച്ചതിനെ തുടർന്ന് മുരുകയ്യ അവിടെ തന്നെ കിടന്നുറങ്ങി. രാത്രിയിൽ പ്രതിയുടെ വീട്ടിൽ വൈദ്യുതി ഇല്ലാത്തതിനാൽ മുരുകയ്യ മണ്ണെണ്ണ വിളക്ക് കത്തിക്കാൻ പറയുകയും എന്നാൽ മെഴുകുതിരി കത്തിച്ചാൽ മതിയെന്ന് അനിൽകുമാറും പറഞ്ഞു. ഇതു സംബന്ധിച്ച് ഇരുവരും തമ്മിലുണ്ടായ വാക്കു തർക്കത്തിനൊടുവിൽ മുറിയിലിരുന്ന മണ്ണെണ്ണ എടുത്ത് മുരുകയ്യയുടെ ദേഹത്തൊഴിച്ച് തീ കൊളുത്തിയെന്നാണ് കേസ്. കോട്ടയം മെഡിക്കൽ കോളജിൽ ചികിൽസയിലിരിക്കെയാണ് മുരുകയ്യ മരിച്ചത്. കേസിൽ 14 സാക്ഷികളെ വിസ്തരിക്കുകയും മുരുകയ്യയുടെ മരണമൊഴി അടക്കം 22 രേഖകളും പ്രതിയുടെ ലയമുറിയിൽനിന്ന് കണ്ടെത്തിയ പായ, കന്പിളി, ലുങ്കി, പ്ലാസ്റ്റിക് കുപ്പി എന്നിവ തൊണ്ടിയായും കോടതിയിൽ ഹാജരാക്കി. പ്രോസിക്യൂഷൻ വിസ്തരിച്ച എല്ലാ സാക്ഷികളും പ്രതിക്കെതിരേ മൊഴി നൽകി.എന്നാൽ, സംശയാതീതമായി കുറ്റം തെളിയിക്കാൻ പ്രോസിക്യൂഷന് സാധിക്കാതെ വന്നതിനാലാണ് പ്രതി അനിൽകുമാറിനെ വെറുതെ വിട്ടതെന്ന് കോടതി പറഞ്ഞു. ജാമ്യം എടുക്കാൻ ആരുമെത്താത്തതിനാൽ വർഷങ്ങളായി വിചാരണ തടവുകാരനായി കഴിഞ്ഞിരുന്ന പ്രതി മോചിതനായി. പ്രതിക്ക് വേണ്ടി അഭിഭാഷകരായ സാബു ജേക്കബ്, മനേഷ് പി. കുമാർ, ഡെൽവിൻ പൂവത്തിങ്കൽ, സാന്ത്വന സനൽ എന്നിവർ ഹാജരായി.

ലൈഫ് മിഷന്‍ അവാര്‍ഡ് തിളക്കത്തില്‍ മീനച്ചില്‍ പഞ്ചായത്ത്

ഇടമറ്റം: ജില്ലയിലെ ലൈഫ് ഭവന പദ്ധതി നിര്‍വഹണത്തില്‍ ഒന്നാം സ്ഥാനം കൈവരിച്ച പഞ്ചായത്തായി മീനച്ചില്‍ പഞ്ചായത്ത്. ലൈഫ് മിഷന്‍റെ ഭവനനിര്‍മാണ മേഖലയിലെ പ്രവര്‍ത്തനങ്ങള്‍ക്കുള്ള പുരസ്‌കാരമാണ് മീനച്ചില്‍ പഞ്ചായത്തിന് ലഭിച്ചത്. ഭവനരഹിതരായ 162 കുടുംബങ്ങള്‍ക്കാണ് പദ്ധതിയിലൂടെ സ്വന്തമായി വീടുകള്‍ ലഭിച്ചിട്ടുള്ളത്. ഇതോടെ സംസ്ഥാനത്തെ തന്നെ ലൈഫ് ലിസ്റ്റില്‍ ഉള്‍പ്പെട്ടിട്ടുള്ള മുഴുവന്‍ ആളുകള്‍ക്കും വീട് നല്‍കിയ പഞ്ചായത്താണ് മീനച്ചില്‍. കോട്ടയത്ത് നടന്ന ലൈഫ് ഗുണഭോക്തൃ സംഗമത്തില്‍ വിജയികള്‍ക്കുള്ള പുരസ്‌കാരം സെബാസ്റ്റ്യന്‍ കുളത്തുങ്കൽ എംഎല്‍എയില്‍ നിന്ന് പഞ്ചായത്ത് പ്രസിഡന്‍റ് സോജന്‍ തൊടുക, മെംബര്‍മാരായ സാജോ പൂവത്താനി, നളിനി ശ്രീധരന്‍, ലിസമ്മ ഷാജന്‍, ജയശ്രീ സന്തോഷ്, ബിന്ദു ശശികുമാര്‍, ലൈഫ് നിര്‍വഹണോദ്യോഗസ്ഥരായ സതീഷ് കുമാര്‍, സുഷ ഹരി എന്നിവര്‍ ചേര്‍ന്ന് ഏറ്റുവാങ്ങി.

ഗ്രാമീണ റോഡുകളുടെ നവീകരണത്തിന് 83 ലക്ഷം രൂപയുടെ അനുമതി

പാലാ: നിയോജകമണ്ഡലത്തിലെ ആറ് തദ്ദേശ സ്വയംഭരണ സ്ഥാപനങ്ങളിലായി 11 ഗ്രാമീണ റോഡുകളുടെ നവീകരണത്തിന് 83 ലക്ഷം രൂപയുടെ ഭരണാനുമതി ലഭിച്ചതായി മാണി സി. കാപ്പന്‍ എംഎല്‍എ അറിയിച്ചു. കാലവര്‍ഷക്കെടുതികളില്‍ തകര്‍ന്ന സംസ്ഥാനത്തെ റോഡുകളുടെ പുനരുദ്ധാരണ പ്രവൃത്തികളില്‍ ഉള്‍പ്പെടുത്തി എംഎല്‍എ സമര്‍പ്പിച്ച റോഡുകള്‍ക്കാണ് തുക അനുവദിച്ചിട്ടുള്ളത്. ഭരണാനുമതി ലഭിച്ച് ആറു മാസത്തിനുള്ളില്‍ പ്രവൃത്തി പൂര്‍ത്തീകരിക്കേണ്ടതാണെന്നും ഇതിനായി ബന്ധപ്പെട്ട തദ്ദേശ സ്ഥാപന പ്രതിനിധികള്‍ മുന്‍കൈയെടുക്കണമെന്നും എംഎല്‍എ അറിയിച്ചു.

സണ്ണി തോമസ് വേർപാട്; ആത്മബന്ധം അനുസ്മരിച്ച് ചാക്കോ സാർ

ഉഴവൂർ: സെന്‍റ് സ്റ്റീഫൻസ് കോളജ് ആരംഭിക്കുമ്പോൾ ഇംഗ്ലീഷ് വിഭാഗത്തിലേക്ക് അധ്യാപകരെ തേടിയ മാനേജ്‌മെന്‍റ് ആദ്യം കണ്ടെത്തിയത് സണ്ണി തോമസിനെയായിരുന്നു. തേവര സേക്രട്ട് ഹാർട്ട് കോളജിൽ പഠിപ്പിക്കുന്ന അധ്യാപകനെ മാനേജ്‌മെന്‍റ് സ്‌നേഹസമ്മർദത്തിലൂടെയാണ് സെന്‍റ് സ്റ്റീഫൻസിലേക്ക് എത്തിച്ചത്. കോളജിൽ വകുപ്പ് മേധാവിയാക്കിയ സണ്ണി സാർ 33 വർഷങ്ങൾക്കുശേഷം സെന്‍റ് സ്റ്റീഫൻസിന്‍റെ പടിയിറങ്ങുമ്പോൾ വൈസ് പ്രിൻസിപ്പൽ തസ്തികയിലേക്ക് ഉയർത്തപ്പെട്ടിരുന്നു. സണ്ണി സാറെത്തി ഒരു വർഷത്തിനുശേഷമാണ് ഞാൻ ഡിപ്പാർട്ട്‌മെന്‍റിലെത്തുന്നത്. അന്നു തുടങ്ങിയ അടുപ്പവും സൗഹൃദവും സെന്‍റ് സ്റ്റീഫൻസിന്‍റെ പടിയിറങ്ങിയിട്ടും ഇന്നും തുടരുന്നു, ദേവമാതാ കോളജ് ഇംഗ്ലീഷ് വിഭാഗം മേധാവിയായി വിരമിച്ച പ്രഫ. കെ.എം ചാക്കോയുടെ ഓർമകൾ ആറ് പതിറ്റാണ്ടോളം പിന്നോട്ട് സഞ്ചരിക്കുമ്പോൾ അനുഭവങ്ങൾക്ക് തിളക്കം കൂടുകയാണ്. കഴിഞ്ഞ ദിവസവും ഒരു മീറ്റിംഗിൽ ഒരുമിച്ച് കണ്ടതാണ്. പെട്ടെന്നായിരുന്നു. ചാക്കോസാറിന്‍റെ കണ്ണുകളിൽ നനവ് പടർന്നു.

സഹകരണ മേഖലയില്‍ കര്‍ഷക കൂട്ടായ്മകള്‍ ശക്തിപ്പെടുത്തും: കേരള ബാങ്ക്

പാലാ: പ്രാഥമിക സഹകരണ സംഘങ്ങളുടെ ആഭിമുഖ്യത്തില്‍ ഗ്രാമതലത്തില്‍ കര്‍ഷക ഉത്പാദക കമ്പനികള്‍ ആരംഭിക്കുന്നതിന് കേരള ബാങ്ക് പ്രോത്സാഹനം നല്‍കുമെന്ന് ജില്ലാ ജനറല്‍ മാനേജര്‍ ടി.പി. ജോസഫ്. കോട്ടയത്ത് കേരള ബാങ്ക് ഓഡിറ്റോറിയത്തില്‍ ഡയറക്ടര്‍ ബോര്‍ഡംഗം കെ.ജെ. ഫിലിപ്പ് കുഴികുളത്തിന്‍റെ അധ്യക്ഷതയില്‍ നടന്ന ജില്ലയിലെ കര്‍ഷക കൂട്ടായ്മകളുടെ നേതൃയോഗത്തില്‍ മുഖ്യപ്രഭാഷണം നടത്തുകയായിരുന്നു അദ്ദേഹം. പാലാ സോഷ്യല്‍ വെല്‍ഫെയര്‍ സൊസൈറ്റിയുടെ എഫ്പിഒ ഡിവിഷന്‍ മാനേജര്‍ ഡാന്‍റീസ് കൂനാനിക്കല്‍, നീലൂര്‍ ബാങ്ക് ആൻഡ് എഫ്പിഒ പ്രസിഡന്‍റ് മത്തച്ചന്‍ ഉറുമ്പുകാട്ട്, പാറത്തോട് ബാങ്ക് പ്രസിഡന്‍റ് ജോര്‍ജുകുട്ടി ആഗസ്തി, കാഞ്ഞിരമറ്റം അഗ്രോ പ്രൊഡ്യൂസര്‍ കമ്പനിയുടെ ചീഫ് എക്‌സിക്യൂട്ടീവ് ഓഫീസര്‍ ടോം ജേക്കബ് ആലയ്ക്കല്‍, കര്‍ഷക ബാങ്ക് പ്രോജക്ട് ഓഫീസര്‍ പി.വി. ജോര്‍ജ് പുരയിടം, പാലാ സാന്‍തോം എഫ്പിഒ ഡയറക്ടര്‍ ബോര്‍ഡംഗം ഷീബാ ബെന്നി തുടങ്ങിയവര്‍ പ്രസംഗിച്ചു.

കർമഭൂമി വിട ചൊല്ലി; കണ്ണീരോടെ അനേകർ

ഉഴവൂർ: ദ്രോണാചാര്യ സണ്ണി തോമസിന് സെന്‍റ് സ്റ്റീഫൻസ് കോളജ് കണ്ണീരോടെ വിടചൊല്ലി. മൂന്ന് പതിറ്റാണ്ടിലേറെ അധ്യാപക ശുശ്രൂഷ ചെയ്ത മണ്ണിൽ അധ്യാപകരും വിദ്യാർഥികളുമടക്കം അനേകരെത്തി അന്ത്യാജ്ഞലിയർപ്പിച്ചു. ജീവിതത്തിന്‍റെ നാനാതുറകളിലുള്ള അനേകർ പ്രിയപ്പെട്ട ഗുരുനാഥന് അന്ത്യയാത്രാമഴിയേകാനെത്തിയിരുന്നു. കോട്ടയം ആർച്ച്ബിഷപ് മാർ മാത്യു മൂലക്കാട്ട്, ഒളിംപ്യൻ ഷൈനി വിത്സൺ, ദ്രോണാചാര്യ കെ.പി തോമസ്, മോൻസ് ജോസഫ് എംഎൽഎ, തോമസ് ചാഴികാടൻ, സ്റ്റീഫൻ ജോർജ്, പ്രേം പ്രകാശ്, ജനപ്രതിനിധികളായ തോമസ് പീറ്റർ, രാജു ജോൺ, ഡോ. സിന്ധുമോൾ ജേക്കബ്, പി.എം. മാത്യു, കെ.എം. തങ്കച്ചൻ, പൊതുപ്രവർത്തകരായ ജോസ് തൊട്ടിയിൽ, സൈമൺ ഒറ്റത്തങ്ങാടിയിൽ തുടങ്ങിയവർ അന്തിമോപചാരമർപ്പിക്കാൻ എത്തിയിരുന്നു. സൗപൗർണ്ണികയിൽ ഇനി സണ്ണിസാറില്ല ഉഴവൂർ: നാട്ടിലെയും സമീപസ്ഥലങ്ങളിലെയും മുതിർന്നവരുടെ കൂട്ടായ്മയാണ് സൗപർണ്ണിക. കൂട്ടായ്മയെന്നാൽ ഒന്നും രണ്ടുമല്ല ഏകദേശം ആയിരത്തോളം പേർ വരുന്ന കൂട്ടായ്മ. ഓരോ സ്ഥലങ്ങളിലും ഇരുപതും ഇരുപത്തഞ്ചുമൊക്കെ വരുന്ന ചെറിയ ചെറിയ ക്ലസ്റ്ററുകൾ. ഇത്തരം നാല്പതോളം ക്ലസ്റ്ററുകളുടെ കൂട്ടായ്മയാണ് സൗപർണ്ണികയെന്ന മുന്നേറ്റം. പ്രഫ. സണ്ണി തോമസ് രക്ഷാധികാരിയായാണ് ഈ കൂട്ടായ്മയുടെ മുന്നേറ്റം. രക്ഷാധികാരിയെങ്കിലും ഓരോ ക്ലസ്റ്ററുകളിലൂമുള്ള യോഗങ്ങളിലേക്ക് സണ്ണിസാർ ഓടിയെത്തും. സാധാരണ അംഗമായി പ്രവർത്തിക്കുന്ന രക്ഷാധികാരി. മുതിർന്ന പൗരന്മാരുടെ കൂട്ടായ്മ എന്ന നിലയിൽ വിവിധ വിഷയങ്ങൾ ചർച്ച ചെയ്യുകയും ഏറ്റെടുക്കുകയും ചെയ്യാൻ നേതൃത്വം നൽകിയിരുന്ന സണ്ണി സാർ ഇനി കൂട്ടായ്മകളിലേക്ക് എത്തില്ലെന്ന് വിശ്വസിക്കാൻ ആർക്കും കഴിയുന്നില്ല. കാരണം കഴിഞ്ഞ ദിവസങ്ങളിൽ വരെ സജീവമായിരുന്നു, തങ്ങൾക്കൊപ്പമായിരുന്നു സണ്ണി സാറെന്ന് മുതിർന്ന പൗരന്മാരെല്ലാം പറയുന്നു.

സണ്ണി തോമസ് മേക്കാട്ട് ലക്ഷണമൊത്ത രാജ്യസ്‌നേഹിയും കുടുംബസ്‌നേഹിയും

തിടനാട്: മേക്കാട്ട് (കുമ്മണ്ണൂപറമ്പിൽ) കെ. കെ. തോമസിന്‍റെ മകനായ സണ്ണി തോമസ് മേക്കാട്ട് കുടുംബത്തിന്‍റെ ഖ്യാതി ലോകമെങ്ങും എത്തിച്ച വ്യക്തിത്വമായിരുന്നു. അദ്ദേഹത്തിന്‍റെ പിതാവ് കേരളത്തിൽ അറിയപ്പെടുന്ന കാഥികൻ ആയിരുന്നു. കാളകെട്ടി അച്ചാമ്മ മെമ്മോറിയൽ സ്കൂളിൽ 1938 മുതൽ 1948 വരെ ഹെഡ്മാസ്റ്റർ ആയി ശോഭിച്ച വ്യക്തിത്വമായിരുന്നു. കഥാപ്രസംഗം താത്പര്യമുള്ള അദ്ദേഹം അക്കാലത്ത് കോട്ടയത്തേക്ക് താമസം മാറി. അദ്ദേഹത്തിന്‍റെ രണ്ടു മക്കളിൽ മൂത്തമകനാണ് സണ്ണി തോമസ്. സണ്ണി തോമസ് ഇംഗ്ലീഷ് സാഹിത്യത്തിൽ ബിരുദാനന്തര ബിരുദം നേടിയ ശേഷം ഉഴവൂർ സെന്‍റ് സ്റ്റീഫൻസ് കോളജിൽ 1965-ൽ അധ്യാപകനായി. അദ്ദേഹത്തിന്‍റെ ഭാര്യ ജോസമ്മ കോളജിൽ ബോട്ടണി വിഭാഗത്തിൽ അധ്യാപികയായിരുന്നു. പിന്നീട് ഉഴവൂരിലായിരുന്നു സ്ഥിരതാമസം. നാട്ടിലും കുടുംബത്തിലും ഏറെ സ്വീകാര്യനായ വ്യക്തിയായിരുന്ന അദ്ദേഹം സാമൂഹ്യ ഇടപെടലുകളിൽ ശ്രദ്ധചെലുത്തിയിരുന്നു. സംസ്ഥാന,ദേശീയ തലത്തിൽ ഷൂട്ടിംഗ് ചാമ്പ്യനായ അദ്ദേഹത്തിന്‍റെ ആദ്യഗുരു പിതാവായ തോമസ് സാർ ആയിരുന്നു. പിതാവിന്‍റെ പാരമ്പര്യം കാത്തുസൂക്ഷിച്ച അദ്ദേഹം നല്ലൊരു രാജ്യസ്‌നേഹിയും സാമൂഹ്യസ്നേഹിയും കുടുംബസ്നേഹിയുമായി ശോഭിച്ച വ്യക്തിത്വമായിരുന്നു. കൂടാതെ നല്ലൊരു കലാകാരൻ, നല്ലൊരു സ്‌പോർട്സ്മാൻ, നല്ലൊരധ്യാപകൻ, നല്ലൊരു പ്രഭാഷകൻ, നല്ല ദൈവഭക്തിയുമുള്ള വ്യക്തികൂടിയായിരുന്നു. അദ്ദേഹത്തിന് മുൻപിൽ ആദരാഞ്ജലികൾ അർപ്പിക്കുന്നു. ഡോ. റെജി വർഗീസ് മേക്കാടൻ പ്രിൻസിപ്പൽ, മാർ അഗസ്തീനോസ് കോളജ് രാമപുരം

മുഖ്യമന്ത്രിയുടെ മൗനം സർക്കാരിന്‍റെ ശോഭ കെടുത്തി: കത്തോലിക്ക കോൺഗ്രസ്

ചെറുതോണി: തൊടുപുഴ തൊമ്മൻകുത്തിന് സമീപം നാരങ്ങാനത്തെ കൈവശ ഭൂമിയിലെ കുരിശു പൊളിച്ച സംഭവത്തിൽ മുഖ്യമന്ത്രി പുലർത്തിയ നിശബ്ദത സർക്കാരിന്‍റെ ശോഭ കെടുത്തിയെന്ന് കത്തോലിക്ക കോൺഗ്രസ് ഇടുക്കി രൂപത പ്രസിഡന്‍റ് ജോർജ് കോയിക്കൽ ആരോപിച്ചു. മുമ്പ് പാപ്പാത്തി ചോലയിലെ കുരിശ് തകർത്തപ്പോൾ സർക്കാരുമായി കൂടിയാലോചിക്കാതെ തന്നിഷ്ടപ്രകാരം പ്രവർത്തിച്ച ഉദ്യോഗസ്ഥരുടെ നടപടിക്കെതിരേ അതിരൂക്ഷമായ ഭാഷയിൽ പ്രതികരിച്ച മുഖ്യമന്ത്രി ഇത്തവണ നാരങ്ങാനത്തെ കുരിശു തകർത്ത സംഭവത്തിൽ മൗനം പാലിച്ചത് പ്രതിഷേധാർഹമാണ്. സംസ്ഥാന സർക്കാരിന്‍റെ നാലാം വാർഷികാഘോഷങ്ങളുടെ ഭാഗമായി നെടുങ്കണ്ടത്ത് എത്തിയ മുഖ്യമന്ത്രിയെ നേരിൽകണ്ട് നാരങ്ങാനത്തെ കുരിശു പൊളിച്ച് സംഭവത്തിലും ക്രൈസ്തവ മതവിശ്വാസികൾക്ക് ഏറ്റവും പ്രധാനപ്പെട്ട വലിയ ആഴ്ചയിലെ കുരിശിന്‍റെ വഴി തടഞ്ഞ സംഭവത്തിലും കൃത്യമായ അന്വേഷണം നടത്തി കുറ്റക്കാർക്കെതിരേ നടപടി സ്വീകരിക്കണമെന്ന് ആവശ്യപ്പെട്ടു നിവേദനം സമർപ്പിച്ചിരുന്നതാണ്. കുരിശു പൊളിച്ച സ്ഥലം സന്ദർശിച്ച് യഥാർത്ഥ വസ്തുതകൾ മനസ്സിലാക്കുകയും പ്രദേശവാസികളുടെ അഭിപ്രായം ആരായുകയും ചെയ്ത പാർട്ടി ജില്ലാ സെക്രട്ടറി വനംവകുപ്പ് ഉദ്യോഗസ്ഥരുടെ വിവേക രഹിതമായ പെരുമാറ്റത്തിനെതിരേ രൂക്ഷമായി പ്രതികരിച്ചിരുന്നു. ഈ സംഭവത്തിലെ യഥാർത്ഥ വസ്തുതകൾ മനസ്സിലാക്കിയ അദ്ദേഹം മുഖ്യമന്ത്രിയെ വസ്തുതകൾ ധരിപ്പിച്ചിട്ടുണ്ടെന്നാണ് ജനങ്ങൾ കരുതുന്നത്. എന്നിട്ടും, ഏറെ കോളിളക്കം സൃഷ്ടിച്ച തൊമ്മൻകുത്തിലെ കുരിശു തകർക്കൽ സംഭവത്തിൽ വിശ്വാസികളുടെ പ്രതിഷേധം കണക്കിലെടുത്ത് പ്രതികരിക്കാതെ മുഖ്യമന്ത്രി മടങ്ങിയത് ജനങ്ങൾക്കിടയിൽ സർക്കാരിനെക്കുറിച്ച് അപമതിപ്പ് സൃഷ്ടിച്ചിട്ടുണ്ട്. ഹൈറേഞ്ചിലെ ജനങ്ങൾ വലിയ ചൂഷണത്തിനും ഇരയായിക്കൊണ്ടിരിക്കുകയാണ്. ഭൂപതിവ് നിയമങ്ങളുടെ ചട്ടങ്ങൾ ഇനിയും രൂപീകരിച്ചിട്ടില്ല. ഭൂപതിവ് ചട്ടങ്ങൾ താമസംവിനാ നടപ്പിലാക്കണമെന്നും ജില്ലയിലെ പട്ടയപ്രശ്നങ്ങൾ ഉൾപ്പെടെയുള്ള ഭൂപ്രശ്നങ്ങൾക്ക് ശാശ്വതമായ പരിഹാരം ഉണ്ടാക്കണമെന്നും നിവേദനത്തിലൂടെ മുഖ്യമന്ത്രിയോട് അഭ്യർത്ഥിച്ചതായും കോയിക്കൻ പറഞ്ഞു.

അയ്യപ്പൻകോവിൽ തടയണയ്ക്ക് ജീവൻ വയ്ക്കുന്നു

ഉപ്പുതറ: അയ്യപ്പൻകോവിൽ തോണിത്തടി തടയണ നിർമാണത്തിന് ജീവൻ വയ്ക്കുന്നു. ആലടി കുരിശുമല കുടിവെള്ള പദ്ധതിയുടെ ഭാഗമായ തടയണ നിർമാണത്തിനുള്ള തടസം നീങ്ങിയതായി വാഴൂർ സോമൻ എംഎൽഎ അറിയിച്ചു . മന്ത്രിതല ചർച്ചയിലാണ് തടസം നീക്കാനായത്. ആലടി കുരിശുമല കുടിവെള്ള പദ്ധതിക്ക് ഇതുവരെ 100 കോടി രൂപയാണ് ചെലവിട്ടത്. പദ്ധതിക്കാവശ്യമായ ചെക്ക് ഡാമിന്‍റെ നിർമാണത്തിന് ഡാം സേഫ്റ്റി വിഭാഗം തടസം ഉന്നയിച്ചിരുന്നു. കട്ടപ്പന നഗരസഭ യിലും കാഞ്ചിയാർ, അയ്യപ്പൻകോവിൽ, ഇരട്ടയാർ പഞ്ചായത്തുകളിലും ശുദ്ധജലം നൽകാൻ ലക്ഷ്യമിട്ട് 1995 ൽ 15 കോടി രൂപ ചെലവ് പ്രതീക്ഷിച്ചാണ് പദ്ധതി തുടക്കമിട്ടത്. പെരിയാറിന്‍റെ തീരത്ത് തോണിത്തടിയിൽ പമ്പ് ഹൗസും ആലടി കുരിശുമലക്കു മുകളിൽ വാട്ടർ ടാങ്കും നിർമിച്ചു. 22കോടി രൂപ ചെലവിട്ടായിരുന്നു ഇത്രയും പ്രവർത്തനം നടത്തിയത്. തുടർന്ന് ഒരേ സമയം 70 ദശലക്ഷം ലിറ്റർ വെള്ളം ശുദ്ധീകരിക്കാനുള്ള പ്ലാൻറ് നിർമിച്ചു. 2017-18 ൽ മുൻ എംഎൽഎ ഇ.എസ്. ബിജിമോൾ 46 കോടി രൂപ കിഫ്ബിയിൽനിന്നും അനുവദിച്ചു. പമ്പ് ഹൗസിനു സമീപം തോണിത്തടിയിലായിരുന്നു പെരിയാറിനു കുറുകെ തടയണ, ബൂസ്റ്റർ പമ്പ് ഹൗസുകൾ എന്നിവ. അതിനിടെ പദ്ധതിയുടെ ലിങ്ക് പ്രവർത്തനങ്ങൾക്കായി 16 കോടി രൂപ കൂടി അനുവദിച്ചു. ചെക്ക് ഡാം നിർമിക്കാൻ 3.5 കോടി രൂപയുടെ ടെൻഡറും നൽകിയിരുന്നു. വകുപ്പുകളുടെ ഏകോപനമില്ലായ്മ കാരണം നിർമാണം മുടങ്ങി. 2023 ജനുവരിയിൽ ചെക്ക് ഡാം നിർമിക്കാനുള്ള കാലാവധിയും അവസാനിച്ചിരുന്നു. തടസം നീക്കാനാകാത്തതിനാൽ കരാറുകാരൻ നിർമാണം ഉപേക്ഷിക്കുകയു ചെയ്തു. ഒടുവിൽ മന്ത്രിതല യോഗം ചേർന്ന് തടസം നീക്കി അനുമതി ലഭ്യമാക്കി. തടസം നീങ്ങിയതോടെ നഷ്ടപ്പെട്ടുവെന്ന് കരുതിയ പദ്ധതിക്ക് പുനർജീവൻ കൈവന്നിരിക്കുകയാണ്.

കുട്ടികള്‍ക്കായി സ്മാര്‍ട്ട് ക്യാമ്പ് കുന്നന്താനം സീയോനില്‍

ചങ്ങനാശേരി: കളി, ചിരി, ഗ്രൂപ്പ് ആക്ടിവിറ്റികളില്‍ ജീവിത മൂല്യങ്ങളും നല്ല ശീലങ്ങളും പരിശീലിക്കാന്‍ കുട്ടികള്‍ക്കായി സ്മാര്‍ട്ട് ക്യാമ്പ് കുന്നന്താനം സീയോന്‍ ധ്യാനകേന്ദ്രത്തില്‍ നടത്തും. അന്തര്‍ദേശീയ പരിശീലകന്‍ സിജു ആലഞ്ചേരിയുടെ നേതൃത്വത്തിലാണ് ക്യാമ്പ്. മേയ് 15നു രാവിലെ 10 മുതല്‍ 16നു വൈകുന്നേരം നാലു വരെയാണ് ക്യാമ്പ്. 10 മുതല്‍ 18 വയസുവരെയുള്ളവര്‍ക്കു പങ്കെടുക്കാം. ആദ്യം രജിസ്റ്റര്‍ ചെയ്യുന്ന 60 കുട്ടികള്‍ക്കാണ് പ്രവേശനം. 9847125029.

ചെറുപുഷ്പ മിഷന്‍ലീഗ് അതിരൂപത കൗണ്‍സില്‍ ഇന്ന്

ചങ്ങനാശേരി: ഫിയാത്ത് മിഷന്‍ നാഷണല്‍ കോണ്‍ഫറന്‍സിന്‍റെ ഭാഗമായി ചെറുപുഷ്പ മിഷന്‍ലീഗ് അതിരൂപതാ കൗണ്‍സില്‍ ചെത്തിപ്പുഴ തിരുഹൃദയ പള്ളി പാരിഷ്ഹാളില്‍ ഇന്ന് പത്തുമുതല്‍ മൂന്നുവരെ നടക്കും. കോഹിമ രൂപതാ ബിഷപ് മാര്‍ ജയിംസ് തോപ്പില്‍ ഉദ്ഘാടനം നിര്‍വഹിക്കും. അതിരൂപത വികാരി ജനറാള്‍ മോണ്‍. സ്‌കറിയാ കന്യാകോണില്‍ അനുഗ്രഹപ്രഭാഷണം നടത്തും. അതിരൂപത ഡയറക്ടര്‍ റവ.ഡോ. ആന്‍ഡ്രൂസ് പാണംപറമ്പില്‍, അസി. ഡയറക്ടര്‍ ഫാ. സെബാസ്റ്റ്യന്‍ മാമ്പറ, ഓര്‍ഗനൈസിംഗ് പ്രസിഡന്‍റ് ടിന്‍റോ സെബാസ്റ്റ്യന്‍, ഫിയാത്ത് കോ-ഓര്‍ഡിനേറ്റര്‍ സിജോ ഔസേഫ്, ഓര്‍ഗനൈസിംഗ് സെക്രട്ടറി എബിന്‍ ജോസഫ് എന്നിവര്‍ പ്രസംഗിക്കും. റവ.ഡോ. ജോസഫ് കൊല്ലാറ ക്ലാസ് നയിക്കും. ആര്‍ച്ച്ബിഷപ് മാര്‍ തോമസ് തറയില്‍ അനുഗ്രഹ പ്രഭാഷണം നടത്തും.

എയ്ഡഡ് സ്‌കൂളുകളുടെ വികസനത്തിനുള്ള സാമ്പത്തിക സഹായം പുനരാരംഭിക്കും: മുഖ്യമന്ത്രി

കുറിച്ചി: എയ്ഡഡ് സ്‌കൂളുകളുടെ അടിസ്ഥാന സൗകര്യ വികസനത്തിനുള്ള സാമ്പത്തിക സഹായം പുനരാരംഭിക്കുന്നതിനെപ്പറ്റി സര്‍ക്കാര്‍ ആലോചിക്കുമെന്ന് മുഖ്യമന്ത്രി പിണറായി വിജയന്‍. കുറിച്ചി അദ്വൈത വിദ്യാശ്രമം സ്‌കൂള്‍ നവതി സ്മാരക സമുച്ചയ സമര്‍പ്പണ സമ്മേളനവും നവതി സമാപന സമ്മേളനവും ഉദ്ഘാടനം ചെയ്യുകയായിരുന്നു അദ്ദേഹം. ശ്രീനാരായണ ധര്‍മ സംഘം ട്രസ്റ്റ് പ്രസിഡന്‍റ് സ്വാമി സച്ചിദാനന്ദ അധ്യക്ഷത വഹിച്ചു. മന്ത്രി വി.എന്‍. വാസവന്‍ സ്‌കൂള്‍ മുഖമണ്ഡപം സമര്‍പ്പിച്ചു. അദ്വൈത വിദ്യാശ്രമം സെക്രട്ടറി സ്വാമി വിശാലാനന്ദ റിപ്പോര്‍ട്ട് അവതരിപ്പിച്ചു. ധര്‍മ സംഘം ട്രസ്റ്റ് ട്രഷറര്‍ സ്വാമി ശാരദാനന്ദ അനുഗ്രഹ പ്രഭാഷണം നടത്തി. മുന്‍ കേന്ദ്രമന്ത്രി വി.മുരളീധരന്‍ മുഖ്യപ്രഭാഷണം നടത്തി. കൊടിക്കുന്നില്‍ സുരേഷ് എംപി, ജോസ് മൈക്കിള്‍ എംഎല്‍എ, പഞ്ചായത്ത് പ്രസിഡന്‍റ് സുജാത സുശീലന്‍, സ്‌കൂള്‍ പ്രിന്‍സിപ്പല്‍ അരുണ്‍ എന്നിവര്‍ പ്രസംഗിച്ചു.

കാലാവസ്ഥ വ്യതിയാനം; തീരദേശത്ത് വേലിയേറ്റം ശക്തം

അമ്പലപ്പുഴ: കാലാവസ്ഥ വ്യതിയാനം മൂലം തീരദേശത്ത് കടൽ വേലിയേറ്റം ശക്തം. പലഭാഗത്തും പുലിമുട്ടിൽ കൂറ്റൻ തിരമാലകൾ അടിച്ച് കടൽഭിത്തിയില്ലാത്ത ഭാഗങ്ങളിലേക്ക് കടൽ ഇരച്ചുകയറുകയാണ്. പുന്നപ്ര തെക്ക് പഞ്ചായത്ത് ഒന്നാം വാർഡ് നർബോന തീരത്താണ് കടൽകയറ്റം ഏറെ നഷ്ടം വിതയ്ക്കുന്നത്. ഇവിടെ വാവക്കാട്ട് പൊഴിയിലേക്ക് രണ്ടു ദിവസമായി തിരമാലകൾ ഇരച്ചുകയറുന്നതുമൂലം പൊന്തുവള്ളക്കാർക്കു പോലും കടലിൽ ഇറക്കാൻ പറ്റാത്ത വസ്ഥയാണ്. തീരം സംരംക്ഷിക്കാൻ വച്ചുപിടിപ്പിച്ച കൂറ്റൻ കാറ്റാടി മരങ്ങൾ ഉൾപ്പെടെ കടപുഴകി. കൂടാതെ തിരമാലയുടെ ശക്തിയിൽ അടിവേരിളകിയ നിരവധി മരങ്ങളാണ് നർബോന തീരത്തുള്ളത്. ഇവിടെ കടൽഭിത്തിയില്ലാത്തതുമൂലം ഏതു സമയത്തും ദുരന്തം എത്തുമെന്ന് ഭയന്നാണ് മത്സ്യത്തൊഴിലാളി കുടുംബങ്ങൾ കഴിയുന്നത്.

ചപ്പാത്തി മെഷീനിൽ കൈ കുടുങ്ങി തൊഴിലാളിക്ക് ഗുരുതരപരിക്ക്

അമ്പലപ്പുഴ: ചപ്പാത്തി മെഷീനിൽ തൊഴിലാളിയുടെ കൈ കുടുങ്ങി ഗുരുതരപരിക്ക്. പുന്നപ്ര ചന്ദ്രഭവനിൽ സതിയമ്മ(57)യുടെ വലതു കൈപ്പാദമാണ് കുടുങ്ങിയത്. അപകടത്തിൽ കൈപ്പത്തി ചതഞ്ഞരഞ്ഞു. ഇന്നലെ ഉച്ചയ്ക്ക് 12 നായിരുന്നു സംഭവം. അമ്പലപ്പുഴ വടക്ക് പഞ്ചായത്ത് പന്ത്രണ്ടാം വാർഡ് കമ്പിവളപ്പിൽ അജ്മലിന്‍റെ ഉടമസ്ഥതയിലുള്ള ഇന്ത്യൻ ഫുഡ് പ്രോഡക്ട്സ് എന്ന ചപ്പാത്തി നിർമാണ കമ്പനിയിൽ ചപ്പാത്തി നിർമാണത്തിനിടെയാണ് അപകടം. തകഴിയിൽനിന്നും ആലപ്പുഴയിൽനിന്നുമെത്തിയ അഗ്നിരക്ഷാ സേന ഹൈഡ്രോളിക് കട്ടിഗ് മെഷീൻ ഉപയോഗിച്ച് യന്ത്രം മുറിച്ചുനീക്കി അരമണിക്കൂർ നീണ്ട പരിശ്രമത്തിനൊടുവിൽ കൈപ്പുറത്തെടുക്കുകയായിരുന്നു. അമ്പലപ്പുഴ പോലീസും സ്ഥലത്തെത്തിയിരുന്നു. തുടർന്ന് പോലീസ് ജീപ്പിൽ തൊഴിലാളിയെ വണ്ടാനം മെഡിക്കൽ കോളജാശുപത്രിയിലെത്തിച്ചു. തകഴി സ്റ്റേഷൻ ഓഫീസർ എസ്. സുരേഷ് രക്ഷാപ്രവർത്തനത്തിന് നേതൃത്വം നൽകി.

എടത്വ പള്ളിയിലേക്ക് വിശ്വാസികളുടെ പ്രവാഹം

എടത്വ: സെന്‍റ് ജോര്‍ജ് ഫൊറോന പള്ളിയിലെ വിശുദ്ധ ഗീവര്‍ഗീസ് സഹദായുടെ തിരുനാളിന് കൊടിയേറിയതോടെ വിശ്വാസി കളുടെ പ്രവാഹവും ആരംഭിച്ചു. ഇന്നലെ നിരവധി തീര്‍ഥാടകരാണ് പള്ളിയില്‍ എത്തിച്ചേര്‍ന്നത്. തിരുനാള്‍ കൊടിയേറ്റിന് ദിവസങ്ങള്‍ക്ക് മുന്‍പേ എടത്വ പള്ളിയിലും പരിസര പ്രദേശങ്ങളിലും തമിഴ് വിശ്വാസികള്‍ തമ്പടിച്ചു തുടങ്ങിയിരുന്നു. 11 ദിവസം തമിഴ്നാട്ടുകാരാണ് വിശുദ്ധ കുര്‍ബാനയില്‍ ഏറെയും പങ്കെടുക്കുന്നത്. തിരുനാള്‍ കൊടിയേറ്റിയതോടെ തമിഴ് വിശുദ്ധ കുര്‍ബാനകളും ആരംഭിച്ചിട്ടുണ്ട്. തമിഴ്നാട്ടില്‍നിന്നുള്ള വൈദികരാണ് വിശുദ്ധ കുര്‍ബാനയ് ക്ക് കാര്‍മികത്വം വഹിക്കുന്നത്. തമിഴ് വിശ്വാസികള്‍ക്കു പുറമേ കര്‍ണാടക, ആന്ധ്ര, മുംബൈ, ഗോവ എന്നീ സംസ്ഥാനങ്ങളില്‍നിന്നുമുള്ള വിശ്വാസികളും എടത്വയില്‍ എത്തിച്ചേരും. തിരുനാള്‍ കൊടിയേറിയാല്‍ തമിഴ്നാട്ടിലെ കന്യാകുമാരി, രാജാക്കമംഗലം, മാര്‍ത്താണ്ഡം തുറക്കാര്‍ക്കാണ് തിരുനാള്‍ നടത്തിപ്പിന്‍റെ പൂര്‍ണ അവകാശം നല്‍കിയിരിക്കുന്നത്. മെയ് ആറിലെ ചെറിയ പ്രദക്ഷിണത്തിലും പ്രധാന തിരുനാള്‍ ദിനമായ ഏഴിന് നടക്കുന്ന പ്രദക്ഷിണത്തിനും തമിഴ് നാട്ടുകാരാണ് നേതൃത്വം നല്‍കുന്നത്. വിശുദ്ധന്‍റെ തിരുസ്വരൂപം എഴുന്നള്ളിക്കാനുള്ള അവകാശവും ഇവര്‍ക്കാണ്. ഓരോ തിരുനാള്‍ കാലം ആരംഭിക്കുമ്പോഴും വിശ്വാസികളുടെ എണ്ണവും അതിരില്ലാതെ വര്‍ധിക്കുന്നുണ്ട്. 15 ലക്ഷത്തിലേറെ വിശ്വാസികള്‍ എടത്വ പള്ളിയില്‍ എത്തിച്ചേര്‍ന്ന് വിശുദ്ധ ഗീവര്‍ഗീസ് ദര്‍ശനം നടത്തുന്നതായാണ് കണക്കുകള്‍ സൂചിപ്പിക്കുന്നത്. 1810ല്‍ എടത്വ പള്ളി സ്ഥാപിച്ച കാലം മുതല്‍ തമിഴ് വിശ്വാസികള്‍ എടത്വ നിവാസികള്‍ക്ക് ഒഴിച്ചുകൂടാന്‍ കഴിയാത്ത അതിഥികളാണ്. വിശുദ്ധന്‍റെ തിരുസ്വരൂപം ദേവാലയ കവാടത്തില്‍ പരസ്യവണക്കത്തിനായി പ്രതിഷ്ഠിക്കുന്നതോടെ തീര്‍ഥാടകരുടെ വരവ് വര്‍ധിക്കും. ക്രൈസ്തവ വിശ്വാസികള്‍ക്കൊപ്പം ആയിരക്കണക്കിന് ഇതര മതവിശ്വാസികളും ഓരോ തിരുനാള്‍ കാലത്തും എടത്വയില്‍ എത്തിച്ചേരാറുണ്ട്. പള്ളിക്കു ചുറ്റും മുട്ടിലിഴഞ്ഞും തലയില്‍ കരിങ്കല്‍ ചുമന്നുമാണ് വിശ്വാസികള്‍ തങ്ങളുടെ എല്ലാ ദുഃഖങ്ങളും വിശുദ്ധന്‍റെ മുന്‍പില്‍ കെട്ടഴിക്കുന്നത്. തിരുനാളില്‍ പങ്കെടുക്കാന്‍ എത്തുന്ന തമിഴ് വിശ്വാസികളുടെ താമസ സൗകര്യം ഉള്‍പ്പെടെ അടിയന്തര സഹായങ്ങൾ പള്ളി അധിക്യതര്‍ ഒരുക്കിക്കൊടുക്കുന്നുണ്ട്. മാസങ്ങള്‍ക്ക് മുന്‍പേ ഇതിനുള്ള ക്രമീകരണങ്ങള്‍ ആരംഭിച്ചിരുന്നു. പള്ളിയില്‍ ഇന്ന് എടത്വ സെന്‍റ് ജോര്‍ജ് ഫൊറോന പള്ളിയില്‍ രാവിലെ 4.30ന് വിശുദ്ധ കുര്‍ബാന (തമിഴ്) - ഫാ. ദുരൈസ്വാമി, 5.45ന് സപ്ര, മധ്യസ്ഥപ്രാര്‍ഥന, ലദീഞ്ഞ്, വിശുദ്ധ കുര്‍ബാന - റവ ഡോ. ജോണ്‍ തെക്കേക്കര, (വികാരി ജനറാള്‍ ചങ്ങനാശേരി അതിരൂപത) 7.45ന് മധ്യസ്ഥപ്രാര്‍ഥന, ലദീഞ്ഞ്, വിശുദ്ധ കുര്‍ബാന -ഫാ. ജയിംസ് കുടിലില്‍. 10ന് വിശുദ്ധ കുര്‍ബാന (തമിഴ് സീറോ മലബാര്‍)-ഫാ. അജീഷ് അട്ടിയില്‍, വൈകിട്ട് നാലിന് മധ്യസ്ഥപ്രാര്‍ഥന, ലദീഞ്ഞ്, വിശുദ്ധ കുര്‍ബാന -റവ ഡോ. ജോസഫ് പുത്തന്‍പറമ്പില്‍, ആറിന് വിശുദ്ധ കുര്‍ബാന (തമിഴ്) -ഫാ. ജെനീസ്, ഏഴിന് മധ്യസ്ഥപ്രാര്‍ഥന (കുരിശടിയില്‍).

ഇത്തിത്താനം ആയുഷ്യ റൂബി ജൂബിലി ആഘോഷിച്ചു

ചങ്ങനാശേരി: ഇത്തിത്താനം ആയുഷ്യ റൂബി ജൂബിലി ആഘോഷം ആയുഷ്യ ഓഡിറ്റോറിയത്തില്‍ നടത്തി. സമഗ്രാരോഗ്യ പദ്ധതികള്‍ കാലഘട്ടത്തിന്‍റെ അനിവാര്യതയാണെന്ന് ആര്‍ച്ച്ബിഷപ് മാര്‍ തോമസ് തറയില്‍ അധ്യക്ഷ പ്രസംഗത്തില്‍ ചുണ്ടിക്കാട്ടി. കൊടിക്കുന്നില്‍ സുരേഷ് എംപി റൂബി ജൂബിലി സമ്മേളനം ഉദ്ഘാടനം ചെയ്തു. ജോബ് മൈക്കിള്‍ എംഎല്‍എ മുഖ്യപ്രഭാഷണം നടത്തി. ഡോ.സി. തോമസ് ഏബ്രഹാം സന്ദേശം നല്‍കി. പഞ്ചായത്ത് പ്രസിഡന്‍റ് മിനി വിജയകുമാര്‍, വര്‍ഗീസ് ആന്‍റണി, ഡോ. പി.സി. അനിയന്‍കുഞ്ഞ്, സിസ്റ്റര്‍ മോളി വടക്കന്‍, സിസ്റ്റര്‍ മേരിക്കുട്ടി കിണറ്റുകര, സിസ്റ്റര്‍ ത്രേസ്യ പൗലോസ്, സിസ്റ്റര്‍ ഡോ. എലൈസ കുപ്പോഴക്കല്‍, സിസ്റ്റര്‍ ഡോ. ജോവാന്‍ ചുങ്കപ്പുര, സിസ്റ്റര്‍ സെലിന്‍ പറമുണ്ടയില്‍, കൊച്ചുറാണി സണ്ണി, റോജി ആന്‍റണി എന്നിവര്‍ പ്രസംഗിച്ചു.

കെഎൽഎം മേയ്ദിന റാലിയും മഹാസമ്മേളനവും ചങ്ങനാശേരിയില്‍

ചങ്ങനാശേരി: മേയ്ദിന റാലിക്കും തൊഴിലാളി മഹാസംഗമത്തിനും ഒരുങ്ങി ചങ്ങനാശേരി അതിരൂപതയുടെ തൊഴിലാളി പ്രസ്ഥാനം കേരള ലേബര്‍ മൂവ്‌മെന്‍റ്. ഒന്നിന് ഉച്ചകഴിഞ്ഞ് 3.30ന് ചങ്ങനാശേരി അരമനപ്പടിക്കല്‍ നിന്ന് അതിരൂപത വികാരി ജനറാള്‍ മോണ്‍. സ്‌കറിയാ കന്യാകോണില്‍ ഫ്ലാഗ് ഓഫ് ചെയ്യുന്ന മേയ്ദിന റാലി എസ്ബി കോളജിലെ ആര്‍ച്ച്ബിഷപ് കാവുകാട്ട് ഹാളില്‍ എത്തിച്ചേരും. അതിരൂപതയുടെ വിവിധ മേഖലകളില്‍നിന്നെത്തിച്ചേരുന്ന ആയിരങ്ങള്‍ റാലിയില്‍ അണിചേരും. വാദ്യമേളങ്ങളും വേഷവിധാനങ്ങളും നിശ്ചലദൃശ്യങ്ങളും റാലിയെ വര്‍ണാഭമാക്കും. നാലിന് എസ്ബി കോളജ് കാവുകാട്ട് ഹാളില്‍ ചേരുന്ന തൊഴിലാളി മഹാസംഗമത്തില്‍ അതിരൂപത വികാരിജനറാള്‍ മോണ്‍. ആന്‍റണി എത്തയ്ക്കാട്ട് അധ്യക്ഷത വഹിക്കും.ആര്‍ച്ച്ബിഷപ് മാര്‍ തോമസ് തറയില്‍ സമ്മേളനം ഉദ്ഘാടനം ചെയ്യും. ആര്‍ച്ച്ബിഷപ് എമെരിറ്റസ് മാര്‍ ജോസഫ് പെരുന്തോട്ടം അനുഗ്രഹ പ്രഭാഷണം നടത്തും. ലുവെല്ലാ വെഞ്ച്വേഴ്‌സ് എംഡി ജോയിസ് മേരി ആന്‍റണി മുഖ്യപ്രഭാഷണം നടത്തും. അതിരൂപത ഡയറക്ടര്‍ ഫാ. ജോണ്‍ വടക്കേക്കളം, ജനറല്‍ സെക്രട്ടറി പി.ജെ. സെബാസ്റ്റ്യന്‍, ജോയിന്‍റ് സെക്രട്ടറിമാരായ ഷാജി കോര, ലാലി ബോബന്‍, ജോമോന്‍ ഇരുപ്പക്കാട്ട് എന്നിവര്‍ പ്രസംഗിക്കും. കെഎല്‍എം ലേബര്‍ അവാര്‍ഡ് ജേതാക്കള്‍, ഈ വര്‍ഷം മികച്ച പ്രവര്‍ത്തനം കാഴ്ചവച്ച യൂണിറ്റുകള്‍, സംഘങ്ങള്‍ എന്നിവരെ ആദരിക്കും. ടിസണ്‍ തോമസ്, കെ.ഡി. ചാക്കോ, കെ.വി. കുര്യാക്കോസ്, ജിമ്മി അഗസ്റ്റിന്‍, സന്തോഷ് തോമസ്, സ്മിനു ജോസഫ് എന്നിവര്‍ നേതൃത്വം നല്‍കും. പാര്‍ക്കിംഗ് ക്രമീകരണം കേരള ലേബര്‍ മൂവ്‌മെന്‍റ് മേയ്ദിന റാലിയിലും തൊഴിലാളി മഹാസംഗമത്തിലും പങ്കെടുക്കാന്‍ എത്തിച്ചേരുന്നവരുടെ വാഹനങ്ങള്‍ അരമനപ്പടിക്കല്‍ ആളുകളെ ഇറക്കിയശേഷം എസ്ബി ഹൈസ്‌കൂള്‍ ഗ്രൗണ്ട്, എകെഎം സ്‌കൂള്‍ ഗ്രൗണ്ട്, എസ്ബി കോളജ് ടവര്‍ ഗ്രൗണ്ട്, കത്തീഡ്രല്‍ പള്ളി ഗ്രൗണ്ട്, ബൈപാസ് റോഡ് എന്നിവിടങ്ങളിലായി പാര്‍ക്ക് ചെയ്യണം.

കുട്ടികളുടെ സ്വഭാവരൂപീകരണത്തില്‍ അധ്യാപകരുടെ പങ്ക് നിര്‍ണായകം: മാര്‍ തറയില്‍

നെടുംകുന്നം: കുട്ടികളുടെ സ്വഭാവ രൂപീകരണത്തില്‍ അധ്യാപകരുടെ പങ്ക് നിര്‍ണായകമാണെന്നും അധ്യാപനം ദൈവികശുശ്രൂഷയാണെന്നും ആര്‍ച്ച്ബിഷപ് മാര്‍ തോമസ് തറയില്‍. അതിരൂപത കോര്‍പറേറ്റ് മാനേജ്‌മെന്‍റ് ടീച്ചേഴ്‌സ് ഗില്‍ഡ് നെടുംകുന്നം സോണല്‍ കണ്‍വന്‍ഷന്‍ ഉദ്ഘാടനം നിര്‍വഹിക്കുകയായിരുന്നു അദ്ദേഹം. ഫൊറാന വികാരി ഫാ. വര്‍ഗീസ് കൈതപ്പറമ്പില്‍ അധ്യക്ഷത വഹിച്ചു. അതിരൂപത വികാരിജനറാള്‍ മോണ്‍. ആന്‍റണി എത്തയ്ക്കാട്ട്, കോര്‍പറേറ്റ് മാനേജര്‍ ഫാ. ജോബി മൂലയില്‍, ഗില്‍ഡ് സോണല്‍ പ്രസിഡന്‍റ് സുനില്‍ പി. ജേക്കബ്, സ്‌കൂള്‍ പ്രിന്‍സിപ്പല്‍ ഡൊമിനിക് ജോസഫ് എന്നിവര്‍ പ്രസംഗിച്ചു. മദ്യത്തിനും മയക്കുമരുന്നിനുമെതിരേ അതിരൂപത കോര്‍പറേറ്റ് മാനേജ്‌മെന്‍റ് സ്‌കൂളുകളില്‍ നടപ്പിലാക്കുന്ന അമൃതം പദ്ധതിയുടെ ഭാഗമായി അധ്യാപര്‍ കൈകോര്‍ത്ത് ലഹരിവിരുദ്ധ പ്രതിജ്ഞ എടുത്തു. ഫാ. അനീഷ് ഈറ്റക്കുന്നേല്‍, ഫാ. ജെനി ഇരുപതില്‍ എന്നിവര്‍ ക്ലാസുകള്‍ നയിച്ചു. വിവിധ സ്‌കൂളുകളില്‍ നിന്നായി 250 അധ്യാപകര്‍ പങ്കെടുത്തു. ടീച്ചേഴ്‌സ് ഗില്‍ഡ് ഭാരവാഹികളായ ബിജു ടി. ജോണ്‍, ജോസ് കെ. ജേക്കബ്, അനീഷ് ടി. തോമസ്, ജോഷി എം. ജോസ്, ജോജോ ജോസഫ് നെല്‍സണ്‍, ഐമി എന്നിവര്‍ നേതൃത്വം നല്‍കി.

സര്‍ക്കാരിന്‍റെ നാലാംവാര്‍ഷികം : സില്‍വര്‍ലൈന്‍ വിരുദ്ധ ജനകീയ സമിതി ബദല്‍ സമ്മേളനം നടത്തി

മാടപ്പള്ളി: ഒമ്പതുവര്‍ഷത്തെ ഭരണത്തിനിടയില്‍ സ്വന്തമായ ഒരു പദ്ധതി പോലും അവകാശപ്പെടാനില്ലാത്ത മുഖ്യമന്ത്രിയും ഇടതുമുന്നണിയും അന്യന്‍റെ കുഞ്ഞിന്‍റെ പിതൃത്വം ഏറ്റെടുക്കാന്‍ മത്സരിക്കുന്ന ജൂഗുത്സാവഹവും പരിഹാസ്യവുമായ നടപടികളാണ് സര്‍ക്കാര്‍ വാര്‍ഷികാഘോഷങ്ങളില്‍ അരങ്ങേറുന്നതെന്ന് കേരള കോണ്‍ഗ്രസ് വൈസ് ചെയര്‍മാന്‍ ജോസഫ് എം. പുതുശേരി. ആകെ സ്വന്തമായി കൊണ്ടുവന്ന തലതിരിഞ്ഞ സില്‍വര്‍ ലൈന്‍ പദ്ധതി ചാപിള്ളയാവുകയും ചെയ്‌തെന്നും അദ്ദേഹം കൂട്ടിച്ചേര്‍ത്തു. സര്‍ക്കാര്‍ നാലാം വാര്‍ഷികത്തിന്‍റെ അവകാശവാദങ്ങള്‍ അവതരിപ്പിക്കാന്‍ മുഖ്യമന്ത്രി ജില്ല തോറും നടത്തുന്ന സമ്മേളനങ്ങള്‍ക്കുള്ള ബദല്‍ സമ്മേളനം കെ.റെയില്‍ സില്‍വര്‍ ലൈന്‍ വിരുദ്ധ ജനകീയ സമിതി സ്ഥിരം സമരപ്പന്തലില്‍ ഉദ്ഘാടനം ചെയ്യുകയായിരുന്നു അദ്ദേഹം. സമിതി ജില്ലാ ചെയര്‍മാന്‍ ബാബു കുട്ടന്‍ചിറ അധ്യക്ഷത വഹിച്ചു. സമിതി ജില്ലാ രക്ഷാധികാരി വി.ജെ. ലാലി സര്‍ക്കാരിനെതിരായ കുറ്റപത്രം അവതരിപ്പിച്ചു. അരുണ്‍ ബാബു, റോസിലിന്‍ ഫിലിപ്പ്, സണ്ണി ഏത്തയ്ക്കാട്, ജോഷി കുറുക്കന്‍ കുഴി, അപ്പിച്ചന്‍ എഴുത്തുപ്പള്ളി, സെലിന്‍ ബാബു, തങ്കച്ചന്‍ ജോസഫ്, ജോജി കറുകയില്‍, രാജു കളങ്ങോട്ട്, ബേബിച്ചന്‍ അഞ്ചേക്കര, വി.സി. മാത്യു, ഏലമ്മ തോമസ്, ജെയിംസ് മാത്യു, എ.ടി. വര്‍ഗീസ്, ജേക്കബ് ചക്കാലമണ്ണില്‍, കുഞ്ഞൂഞ്ഞു ആചാരി എന്നിവര്‍ പ്രസംഗിച്ചു.

ചെത്തിപ്പുഴയില്‍ അഞ്ചുമുതല്‍ സര്‍ഗക്ഷേത്ര പ്രഫഷണല്‍ നാടക മത്സരം

ചങ്ങനാശേരി: സര്‍ഗക്ഷേത്ര ഇടിമണ്ണിക്കല്‍ അഖില കേരള പ്രഫഷണല്‍ നാടക മത്സരം യവനിക സീസണ്‍-4 മേയ് അഞ്ചിന് ആരംഭിക്കും. സര്‍ഗക്ഷേത്ര അങ്കണത്തിലെ വെങ്ങാന്തറ വി.സി. ജോണ്‍ നഗറില്‍ തയാറാക്കിയ പന്തലില്‍ കേരളത്തിലെ പ്രമുഖ നാടക സമിതികളുടെ നാടകങ്ങള്‍ ദിവസവും വൈകുന്നേരം 6.30ന് അരങ്ങേറും. ഫൈന്‍ ആര്‍ട്‌സ് സൊസൈറ്റി അംഗങ്ങള്‍ക്കും പുതുതായി അംഗത്വം സ്വീകരിക്കുന്നവര്‍ക്കും പ്രവേശന പാസ് വാങ്ങുന്നവര്‍ക്കും നാടകോത്സവത്തില്‍ പങ്കെടുക്കാം. അഞ്ചിന് വൈകുന്നേരം 6.15ന് ചലച്ചിത്രതാരം സ്മിനു സിജോ നാടകോത്സവം ഉദ്ഘാടനം ചെയ്യും. സര്‍ഗക്ഷേത്ര രക്ഷാധികാരി ഫാ. തോമസ് കല്ലുകളം സിഎംഐ അധ്യക്ഷത വഹിക്കും. സര്‍ഗക്ഷേത്ര ഡയറക്ടര്‍ ഫാ. അലക്‌സ് പ്രായിക്കളം സിഎംഐ, ഫൈന്‍ ആര്‍ട്‌സ് സൊസൈറ്റി ചെയര്‍മാന്‍ ജോര്‍ജ് വര്‍ക്കി, സര്‍ഗക്ഷേത്ര കണ്‍വീനര്‍ ജിജി കോട്ടപ്പുറം, ജോണ്‍ പാലത്തിങ്കല്‍, ജോസ് ജോസഫ്, എം.എ. ആന്‍റണി, ബ്രദര്‍ ജോബി കുട്ടമ്പേരൂര്‍, വര്‍ഗീസ് ആന്‍റണി എന്നിവര്‍ പ്രസംഗിക്കും. തുടര്‍ന്ന് പാലാ കമ്യൂണിക്കേഷന്‍സിന്‍റെ ലൈഫ് ഈസ് ബ്യൂട്ടിഫുള്‍ എന്ന നാടകം അവതരിപ്പിക്കും. ആറിന് തിരുവനന്തപുരം സംഘകേളിയുടെ ലക്ഷ്മണരേഖ, ഏഴിന് കോഴിക്കോട് രംഗഭാഷയുടെ മിഠായി തെരുവ്, എട്ടിന് കൊച്ചിന്‍ ചന്ദ്രകാന്തയുടെ ഉത്തമന്‍റെ സങ്കീര്‍ത്തനം, ഒമ്പതിന് തിരുവനന്തപുരം സാഹിതി തിയറ്റേഴ്‌സിന്‍റെ മുച്ചീട്ടുകളിക്കാരന്‍റെ മകള്‍, പത്തിന് കായംകുളം ദേവ കമ്യൂണിക്കേഷന്‍സിന്‍റെ വനിതാ മെസ്, പതിനൊന്നിന് തിരുവനന്തപുരം അക്ഷരകലയുടെ ഹൃദ്യമീലാവ എന്നീ നാടകങ്ങള്‍ അവതരിപ്പിക്കും. വരുമാനം വിധവകളുടെ വീടുനിര്‍മാണത്തിന് 12ന് പ്രൊഫഷണല്‍ നാടക മത്സരത്തിന്‍റെ ഭാഗമായി 89.6 എഫ്എം സര്‍ഗക്ഷേത്ര റേഡിയോയുടെ നേതൃത്വത്തില്‍ നാടകഗാന മത്സരം നടത്തും. വിജയികള്‍ക്ക് ഇടിമണ്ണിക്കല്‍ ഗോള്‍ഡ് ആൻഡ് ഡയമണ്ട്‌സ് സ്വര്‍ണ നാണയങ്ങള്‍ സമ്മാനമായി നല്‍കും. 13ന് വൈകുന്നേരം 6.15ന് സമാപന സമ്മേളനവും മത്സര വിജയികള്‍ക്കുള്ള സമ്മാനങ്ങളും വിതരണം ചെയ്യും. തുടര്‍ന്ന് കാഞ്ഞിരപ്പള്ളി അമല തിയറ്റേഴ്‌സിന്‍റെ തച്ചന്‍ എന്ന നാടകം അവതരപ്പിക്കും. നാടകോത്സവത്തോടനുബന്ധിച്ച് ഭവനരഹിതരായ വിധവകള്‍ക്ക് ഇതിനോടകം നാല് വീടുകള്‍ നിര്‍മിച്ച് നല്‍കി. സര്‍ഗക്ഷേത്ര കള്‍ച്ചറല്‍, ചാരിറ്റബിള്‍, അക്കാദമിക്, മീഡിയ സെന്‍ററിന്‍റെ നേതൃത്വത്തില്‍ ഭവനരഹിതയായ വിധവയ്ക്ക് വീട് നിര്‍മിച്ചു നല്‍കുന്ന സര്‍ഗഭവനം പദ്ധതിയും നാടകോത്സവത്തിന്‍റെ ഭാഗമായി നടക്കും. അഞ്ചാമത്തെ വീടിന്‍റെ നിര്‍മാണം നാടകോത്സവ ദിനങ്ങളില്‍ ആരംഭിക്കുമെന്ന് സര്‍ഗക്ഷേത്ര ഡയറക്ടര്‍ ഫാ. അലക്‌സ് പ്രായിക്കളം സിഎംഐ പറഞ്ഞു. സര്‍ഗക്ഷേത്ര ചെയര്‍മാന്‍ ജോര്‍ജ് വര്‍ക്കി, ജോണ്‍ ജോസഫ്, ജോസ് നടുവിലേഴം, എം.എ. ആന്‍റണി, ബ്രദര്‍ ജോബി കുട്ടമ്പേരൂര്‍, ജിജി കോട്ടപ്പുറം, വര്‍ഗീസ് ആന്‍റണി, എം.ജെ. അപ്രേം, സേവ്യര്‍ സെബാസ്റ്റ്യന്‍, എസ്. പ്രേമചന്ദ്രന്‍, വി.ജി. ജേക്കബ്, ജോയിച്ചന്‍ പാത്തിക്കല്‍, ജോസുകുഞ്ഞ് മണമേല്‍, ജമുനാ ഫ്രാന്‍സിസ്, ആയിഷ ജോണ്‍ തുടങ്ങിയവര്‍ നേതൃത്വം നല്‍കും.

വീട് നിര്‍മിക്കാനായി സൗജന്യമായി ഭൂമി വിട്ടുനല്‍കി

ഞീഴൂര്‍: ഒരുമ ചാരിറ്റബിള്‍ ആന്‍ഡ് അഗ്രിക്കള്‍ച്ചറല്‍ സൊസൈറ്റി സ്വന്തമായി വീടും സ്ഥലവും ഇല്ലാത്തവര്‍ക്ക് വീട് നിര്‍മിച്ചു നല്‍കുന്ന ഭവനപദ്ധതിയിലേയ്ക്ക് ചെത്തുകുന്നേല്‍ സി.കെ. ബിനു സൗജന്യമായി നല്‍കിയ അഞ്ച് സെന്‍റ് ഭൂമിയുടെ രേഖകള്‍ ഗുണഭോക്താവിന് കൈമാറി. രണ്ടു പേര്‍ക്കായി പത്ത് സെന്‍റ് സ്ഥലം ഒരുമ സൊസൈറ്റിയിലേക്ക് നല്‍കാമെന്നാണ് ബിനു സമ്മതപത്രം നല്‍കിയിരുന്നത്. രണ്ടു മക്കളുമായി വര്‍ഷങ്ങളായി വാടകയ്ക്കു താമസിക്കുന്ന ഉദയനാപുരം സ്വദേശിനിക്കു വീട് നിര്‍മിക്കാനാണ് സൗജന്യമായി ഭൂമി കൈമാറിയത്. ഒരുമ സൊസൈറ്റിയാണ് കുടുംബത്തിന് വീട് നിര്‍മിച്ചു നല്‍കുക. വൈക്കം നഗരസഭാ ചെയര്‍പേഴ്സണ്‍ പ്രീതാ രാജേഷിന്‍റെയും വാര്‍ഡ് കൗണ്‍സിലറുടെയും അഭ്യര്‍ഥനപ്രകാരമാണ് ഗുണഭോക്താവിന് വീടൊരുക്കാന്‍ ഒരുമ സൊസൈറ്റി മുന്നോട്ടുവന്നത്. രേഖകള്‍ കൈമാറുന്ന ചടങ്ങില്‍ സി.കെ. ബിനു, ഭാര്യ ആശാ ബിനു, ഒരുമ പ്രസിഡന്‍റ് കെ.കെ. ജോസ് പ്രകാശ്, പ്രവര്‍ത്തകരായ സിന്‍ജാ ഷാജി, ശ്രീമോള്‍ നവീന്‍ എന്നിവര്‍ പങ്കെടുത്തു.

സ്നേഹസംഗമവും ഡയറക്ടറി പ്രകാശനവും

ഏറ്റുമാനൂർ: വിദ്യാഭ്യാസ വകുപ്പ് മുൻ മിനിസ്റ്റീരിയൽ ജീവനക്കാരുടെ സ്നേഹസംഗമം തെള്ളകം ചൈതന്യ പാസ്റ്ററൽ സെന്‍ററിൽ ശനിയാഴ്ച നടക്കും. രാവിലെ 10ന് ഏറ്റുമാനൂർ നഗരസഭാധ്യക്ഷ ലൗലി ജോർജ് ഉദ്ഘാടനം ചെയ്യും. സംഘടനയിലെ മുതിർന്ന അംഗം പി.സി. തോമസ് അധ്യക്ഷത വഹിക്കും. ഉച്ചകഴിഞ്ഞ് രണ്ടിന് സമാപന സമ്മേളനം മന്ത്രി കടന്നപ്പള്ളി രാമചന്ദ്രൻ ഉദ്ഘാടനം ചെയ്യും. പെൻഷനേഴ്സ് ഫോറം കൺവീനർ ബി. രാജീവ് അധ്യക്ഷത വഹിക്കും. പെൻഷനേഴ്സ് ഫോറം പ്രസിദ്ധീകരിക്കുന്ന ഡയറക്ടറി 2025 മുൻ അഡീഷണൽ ഡിപിഐ വി.കെ. സരളമ്മയ്ക്ക് നൽകി മന്ത്രി പ്രകാശനം ചെയ്യും. ഫ്രാൻസിസ് ജോർജ് എംപി, തിരുവഞ്ചൂർ രാധാകൃഷ്ണൻ എംഎൽഎ, മോൻസ് ജോസഫ് എംഎൽഎ, തോമസ് ചാഴികാടൻ, എസ്എംഡിഎഫ്സി ചെയർമാൻ സ്റ്റീഫൻ ജോർജ്, മൈക്കിൾ ജയിംസ്, പി.എൻ. വിജയൻ, വി.ഐ. ഇമ്മാനുവൽ തുടങ്ങിയവർ പ്രസംഗിക്കും.

മച്ചുങ്കൽ റോഡ് നാടിന് സമർപ്പിച്ചു

തലയോലപ്പറമ്പ്: ചെമ്പ് പഞ്ചായത്ത് പതിനാലാം വാർഡിലെ മച്ചുങ്കൽ റോഡിന്‍റെ നിർമാണ പ്രവർത്തനങ്ങൾ പൂർത്തീകരിച്ച് നാടിന് സമർപ്പിച്ചു. റോഡ് നിർമാണത്തിനും അനുബന്ധമായുള്ള കാന നിർമാണത്തിനുമായി 32 ലക്ഷം രൂപയാണ് പഞ്ചായത്ത് ചെലവഴിച്ചത്. റോഡ് നിർമാണം പൂർത്തിയായതോടെ ജനങ്ങളുടെ യാത്രാദുരിതത്തിനും പ്രദേശത്തെ വെള്ളക്കെട്ടിനും പരിഹാരമാകും. ചെമ്പ് പഞ്ചായത്ത് പ്രസിഡന്‍റ് സുകന്യ സുകുമാരൻ നവീകരിച്ച റോഡിന്‍റെ ഉദ്ഘാടനം നിർവഹിച്ചു. പഞ്ചായത്ത് വൈസ് പ്രസിഡന്‍റ് കെ.കെ. രമേശൻ അധ്യക്ഷതവഹിച്ചു. വാർഡ് മെംബർ ലത അനിൽകുമാർ, ടി.എൻ. സിബി, കെ. രത്നാകരൻ, പി.എൻ. സുകുമാരൻ, പഞ്ചായത്ത് അസിസ്റ്റന്‍റ് സെക്രട്ടറി ജ്യോതിലക്ഷ്മി എന്നിവർ പ്രസംഗിച്ചു.

നെഹ്റു സ്റ്റേഡിയം നവീകരണം: തടസം നഗരസഭയുടെ നിലപാടെന്ന് മുഖ്യമന്ത്രി

കോട്ടയം: നെഹ്റു സ്റ്റേഡിയം നവീകരിക്കൽ നീളുന്നത് നഗരസഭയുടെ നിലപാടുകൊണ്ടാണെന്ന് മുഖ്യമന്ത്രി പിണറായി വിജയൻ. കോട്ടയത്ത് മുഖാമുഖം പരിപാടിയിൽ കായിക മേഖലയെ സംബന്ധിച്ചുള്ള ആശങ്കകൾ ചർച്ച ചെയ്യുകയായിരുന്നു അദ്ദേഹം. നെഹ്‌റു സ്റ്റേഡിയം നവീകരിക്കലിനായി കായിക വകുപ്പ് പ്രൊപ്പോസലുകൾ തയാറാക്കുകയും പലവട്ടം നഗരസഭാ അധികൃതരുമായി ചർച്ചചെയ്യുകയും ചെയ്തതാണ്. എന്നാൽ, നഗരസഭയുടെ ഭാഗത്തുനിന്ന് അനുകൂലമായ നിലപാട് ലഭിക്കാത്തതാണ് കാലതാമസത്തിനുള്ള പ്രധാന കാരണമെന്നും മുഖ്യമന്ത്രി വ്യക്തമാക്കി. ജില്ലാ സ്‌പോർട്‌സ് കൗൺസിൽ പ്രസിഡന്‍റ് ഡോ. ബൈജു വർഗീസ് ഗുരുക്കൾ മുഖാമുഖത്തിൽ ഉന്നയിച്ച നിർദേശത്തിനു മറുപടി പറയുകയായിരുന്നു മുഖ്യമന്ത്രി. നെഹ്‌റു സ്റ്റേഡിയം സംസ്ഥാന സർക്കാരിന്‍റെ പൂർണ ഉടമസ്ഥതയിൽ നവീകരിച്ച് അന്താരാഷ്ട്ര നിലവാരമുള്ളതാക്കി മാറ്റുകയും സ്റ്റേഡിയത്തിന്‍റെ നടത്തിപ്പ് ചുമതല സ്‌പോർട്‌സ് കൗൺസിലിനെ ഏൽപ്പിക്കുകയും ചെയ്യണമെന്നായിരുന്നു ഡോ. ബൈജു വർഗീസ് ഗുരുക്കൾ ആവശ്യപ്പെട്ടത്.

മാർപാപ്പയുടെ നിര്യാണത്തിൽ അനുശോചിച്ചു

വൈക്കം: ഓൾ കേരള പ്രൈവറ്റ് ബാങ്കേഴ്സ് അസോസിയേഷൻ താലൂക്ക് കമ്മിറ്റി ഫ്രാൻസിസ് മാർപാപ്പയുടെ ദേഹവിയോഗത്തിൽ അനുശോചിച്ചു. താലൂക്ക് രക്ഷാധികാരി ബേബി മണ്ണഞ്ചേരി അനുശോചന പ്രമേയം അവതരിപ്പിച്ചു. കാശ്മീരിലെ പഹൽഗാമിൽ നടന്ന ഭീകരാക്രമണത്തെയും യോഗം അപലപിച്ചു. താലൂക്ക് പ്രസിഡന്‍റ് ഫ്രാൻസിസ് മുട്ടത്തിൽ അധ്യക്ഷത വഹിച്ച യോഗം എകെപിബിഎ സംസ്ഥാന വൈസ്പ്രസിഡന്‍റ് ലംബോച്ചൻ മാത്യു പന്നിവേലിൽ ഉദ്ഘാടനം ചെയ്തു. യോഗത്തിൽ ഇ.സി. ഫിലിപ്പ്, ഹരി വലിയവീട്ടിൽ, സലിംകുമാർ ശിവഗംഗ,ശ്രീരാജ് ഇരുമ്പേപ്പള്ളിൽ, പി.ബി. ബിജു, വിനയൻ അക്ഷയ, വർഗീസ് പുതുക്കാട്, പ്രകാശൻ വളാലിൽ, ധനേഷ് ശ്രീപരമേശ്വരൻ എന്നിവർ പ്രസംഗിച്ചു.

പാലാ രൂപത മിഷനറി മഹാസംഗമം: പന്തല്‍ കാല്‍നാട്ടുകര്‍മം നടത്തി

പ്രവിത്താനം: പാലാ രൂപത പ്ലാറ്റിനം ജൂബിലിയോടനുബന്ധിച്ച് മേയ് പത്തിന് പ്രവിത്താനം സെന്‍റ് അഗസ്റ്റിന്‍സ് പള്ളി മൈതാനത്ത് നടത്തപ്പെടുന്ന മിഷനറി മഹാസംഗമത്തിന്‍റെ പന്തല്‍ കാല്‍നാട്ടുകര്‍മം വികാരി ജനറാള്‍ മോണ്‍. ജോസഫ് കണിയോടിക്കലിന്‍റെ നേതൃത്വത്തില്‍ നടത്തപ്പെട്ടു. പാലാ രൂപതയിലും രൂപതയ്ക്ക് പുറത്തും വിവിധ രാജ്യങ്ങളില്‍ നിന്നുമായി സേവനം ചെയ്യുന്ന അയ്യായിരത്തോളം വൈദികരും സന്യസ്തരും പങ്കെടുക്കുന്ന സംഗമത്തിന് വിപുലമായ ഒരുക്കങ്ങള്‍ നടന്നു വരികയാണ്. ചടങ്ങില്‍ രൂപത പ്രൊക്കുറേറ്റര്‍ ഫാ. ജോസഫ് മുത്തനാട്ട്, പ്രവിത്താനം പള്ളി വികാരി ഫാ. ജോര്‍ജ് വേളുപറമ്പില്‍, ഫാ. ജോര്‍ജ് പോളച്ചിറകുന്നുംപുറം, ഫാ. ആന്‍റണി കൊല്ലിയില്‍, ഫാ. ആല്‍ബിന്‍ പുതുപ്പറമ്പില്‍, ഫാ. ഇമ്മാനുവല്‍ കാഞ്ഞിരത്തിങ്കല്‍, ഫാ. ജോസഫ് കരികുളം, ഫാ. ഗര്‍വാസിസ് ആനിതോട്ടത്തില്‍, ഫാ. ജോര്‍ജ് നെല്ലിക്കുന്ന്ചെരുവുപുരയിടം, ഫാ. ആല്‍വിന്‍ ഏറ്റുമാനൂക്കാരന്‍, ഫാ. മാത്യു തെന്നാട്ടില്‍, ഫാ. തോമസ് ഓലായത്തില്‍, ഫാ. ജെയിംസ് പനച്ചിക്കല്‍കരോട്ട്, കൈക്കാരന്മാര്‍, കോര്‍ കമ്മിറ്റി അംഗങ്ങള്‍ തുടങ്ങിയവര്‍ പങ്കെടുത്തു.

ബൈക്ക് മതിലിലിടിച്ചു യുവാവ് മരിച്ചു

വൈക്കം: നിയന്ത്രണംവിട്ട ബൈക്ക് റോഡരികിലെ മൈൽകുറ്റിയിലും മതിലിലുമിടിച്ച് മറിഞ്ഞുണ്ടായ അപകടത്തിൽ ബൈക്ക് യാത്രികനായ യുവാവിന്‌ ദാരുണാന്ത്യം. കൂടെയുണ്ടായിരുന്ന സുഹൃത്തിന് ഗുരുതര പരിക്ക്. ചെമ്പ് പനങ്ങാവ് സത്യൻ-സുമ ദമ്പതികളുടെ മകൻ വിഷ്ണു (28)വാണ് മരിച്ചത്. ഇന്നലെ ഉച്ചകഴിഞ്ഞ് 3.30ന് വല്ലകം സബ് സ്റ്റേഷന് സമീപമായിരുന്നു അപകടം. കൂടെയുണ്ടായിരുന്ന സുഹൃത്ത് സുജിത്തിനെ (26) ഗുരുതര പരിക്കുകളോടെ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. വൈക്കത്തുനിന്നും തലയോലപ്പറമ്പ് ഭാഗത്തേക്ക് വരികയായിരുന്നു ബൈക്ക് യാത്രികർ. വിഷ്ണു വെൽഡിംഗ് തൊഴിലാളിയായിരുന്നു. വൈക്കം പോലീസ് മേൽനടപടികൾ സ്വീകരിച്ചു.

കടുത്തുരുത്തി ബൈപാസ് റോഡ് നിര്‍മാണം അവസാന ഘട്ടത്തിലേക്ക്

9.68 കോടിയുടെ വികസനപ്രവര്‍ത്തനങ്ങള്‍ കടുത്തുരുത്തി: കോട്ടയം-എറണാകുളം സംസ്ഥാനപാതയ്ക്ക് സമാന്തരമായി നിര്‍മിക്കുന്ന കടുത്തുരുത്തി ടൗണ്‍ ബൈപാസ് റോഡിന്‍റെ നിര്‍മാണപ്രവര്‍ത്തനങ്ങള്‍ അന്തിമഘട്ടത്തിലേക്ക്. കടുത്തുരുത്തി ഐടിസി ജംഗ്ഷന് താഴെനിന്ന് ആരംഭിക്കുന്ന ബൈപാസ് റോഡ് കടുത്തുരുത്തി ബ്ലോക്ക് ജംഗ്ഷന്‍ വരെ കൂട്ടിയോജിപ്പിക്കുന്ന നിര്‍മാണ പ്രവര്‍ത്തനങ്ങള്‍ ഇതിനോടകം പൂര്‍ത്തീകരിച്ചിട്ടുണ്ട്. ഏതാനും ദിവസങ്ങള്‍ക്കുള്ളില്‍ രണ്ടറ്റവും കൂട്ടിമുട്ടിച്ചുകൊണ്ടുള്ള റോഡ് രൂപവത്കരണം യാഥാര്‍ഥ്യമാകും. ഇപ്പോള്‍ മണ്ണ് നിറച്ചാണ് റോഡ് നിര്‍മാണം നടത്തിയിട്ടുള്ളത്. കൂടുതല്‍ ബലവത്തായി റോഡ് നിലനില്‍ക്കുന്നതിന് ഉപകരിക്കുന്ന വിധത്തില്‍ നിര്‍മാണ ജോലികള്‍ അടുത്ത ഘട്ടത്തില്‍ നടപ്പാക്കും. ഇതുവരെയുള്ള കാര്യങ്ങള്‍ പരിശോധിക്കുന്നതിനും തുടര്‍ന്നുള്ള അന്തിമഘട്ട നിര്‍മാണ പ്രവര്‍ത്തനങ്ങള്‍ തീരുമാനിക്കുന്നതിനുംവേണ്ടി മോന്‍സ് ജോസഫ് എംഎല്‍എയുടെ നേതൃത്വത്തിലുള്ള അനുബന്ധയോഗം മേയ് അഞ്ചിന് മൂന്നിനു നടക്കും. ഇതോടൊപ്പം ബൈപാസിന്‍റെ ടാറിംഗ് ജോലികള്‍ ഉള്‍പ്പെടെ തീരുമാനിക്കും. പൊതുമരാമത്ത് വകുപ്പ് നടപ്പാക്കുന്ന കടുത്തുരുത്തി ബൈപാസ് റോഡ് നിര്‍മാണത്തിന്‍റെ അന്തിമഘട്ടമായി 9.68 കോടി രൂപയുടെ വികസനപ്രവര്‍ത്തനങ്ങളാണ് ഇപ്പോള്‍ നടപ്പാക്കി വരുന്നത്. കടുത്തുരുത്തി ഐടിസി ജംഗ്ഷന്‍ മുതല്‍ ബ്ലോക്ക് ജംഗ്ഷന്‍ വരെയുള്ള 1.5 കിലോമീറ്റര്‍ നീളത്തിലും 14 മീറ്റര്‍ വീതിയിലുമാണ് ബൈപാസ് നിര്‍മിക്കുന്നത്. 25.50 കോടി രൂപയാണ് എസ്റ്റിമേറ്റ് തുക. 2009-ല്‍ സംസ്ഥാന സര്‍ക്കാര്‍ അനുവദിച്ച അഞ്ച് കോടി രൂപ വിനിയോഗിച്ചാണ് ബൈപാസിന്‍റെ ആദ്യഘട്ട നിര്‍മാണത്തിന് തുടക്കം കുറിച്ചത്. ബൈപാസിനുവേണ്ടി ഏറ്റെടുത്ത ഭൂമി 2013 നവംബര്‍ അഞ്ചിന് പൊതുമരാമത്ത് വകുപ്പിന് കൈമാറിയതിനെത്തുടര്‍ന്നാണ് കടുത്തുരുത്തി ടൗണ്‍ ബൈപാസ് നിര്‍മാണത്തിന് തുടക്കം കുറിച്ചത്. രണ്ടാംഘട്ട നിര്‍മാണ പ്രവര്‍ത്തനങ്ങളുടെ ഭാഗമായി ഫ്‌ളൈ ഓവര്‍ നിര്‍മാണവും ചുള്ളിത്തോടിനു കുറുകെയുള്ള പാലം നിര്‍മാണവും റോഡിന്‍റെ അിസ്ഥാന സൗകര്യവികസനവും നടപ്പാക്കിയിട്ടുണ്ട്. 8.60 കോടിയുടെ ഒന്നാംഘട്ടവും 7.22 കോടിയുടെ രണ്ടാംഘട്ട നിര്‍മാണവും പൂര്‍ത്തീകരിച്ചു.

എൽഇഡി വാൾ മറിഞ്ഞുവീണ് അപകടം

കോട്ടയം: രണ്ടാം പിണറായി സർക്കാരിന്‍റെ നാലാം വാർഷികത്തോടനുബന്ധിച്ച് എൽഡിഎഫ് നടത്തിയ സമ്മേളനത്തിനിടെ എൽഇഡി വാൾ മറിഞ്ഞുവീണ് അപകടം. ഇന്നലെ വൈകുന്നേരം നടന്ന പൊതുസമ്മേളനത്തിനിടയിലാണ് സംഭവം. അപ്രതീക്ഷിതമായ വീശിയ കാറ്റിലാണ് എൽഇഡി വാൾ മറിഞ്ഞുവീണത്. സമീപത്തുണ്ടായിരുന്ന രണ്ട് സ്ത്രീകൾക്ക് സംഭവത്തിൽ പരിക്കേറ്റു. ഇവരെ ജില്ലാ ജനറൽ ആശുപത്രിയിൽ പ്രവേശിപ്പിച്ചു.

ബൈക്ക് മതിലിലിടിച്ചു യുവാവ് മരിച്ചു

വൈക്കം: നിയന്ത്രണംവിട്ട ബൈക്ക് റോഡരികിലെ മൈൽകുറ്റിയിലും മതിലിലുമിടിച്ച് മറിഞ്ഞുണ്ടായ അപകടത്തിൽ ബൈക്ക് യാത്രികനായ യുവാവിന്‌ ദാരുണാന്ത്യം. കൂടെയുണ്ടായിരുന്ന സുഹൃത്തിന് ഗുരുതര പരിക്ക്. ചെമ്പ് പനങ്ങാവ് സത്യൻ-സുമ ദമ്പതികളുടെ മകൻ വിഷ്ണു (28)വാണ് മരിച്ചത്. ഇന്നലെ ഉച്ചകഴിഞ്ഞ് 3.30ന് വല്ലകം സബ് സ്റ്റേഷന് സമീപമായിരുന്നു അപകടം. കൂടെയുണ്ടായിരുന്ന സുഹൃത്ത് സുജിത്തിനെ (26) ഗുരുതര പരിക്കുകളോടെ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. വൈക്കത്തുനിന്നും തലയോലപ്പറമ്പ് ഭാഗത്തേക്ക് വരികയായിരുന്നു ബൈക്ക് യാത്രികർ. വിഷ്ണു വെൽഡിംഗ് തൊഴിലാളിയായിരുന്നു. വൈക്കം പോലീസ് മേൽനടപടികൾ സ്വീകരിച്ചു.

ഓട്ടോറിക്ഷാഡ്രൈവറെ അക്രമിച്ച കേസിൽ മൂന്നു പേർ അറസ്റ്റിൽ

പാമ്പാടി: വെള്ളൂർ ഏഴാം മൈലിൽ ഓട്ടോറിക്ഷാ ഡ്രൈവറെ അക്രമിച്ച കേസിൽ മൂന്ന് പേർ അറസ്റ്റിൽ. വെള്ളൂർ തകിടിയിൽ രതീഷ് (മോനായി), അയർക്കുന്നം സ്വദേശി അനൂപ്, കിടങ്ങൂർ സ്വദേശി റെജിമോൻ എന്നിവരെയാണ് പാമ്പാടി പോലീസ് അറസ്റ്റ് ചെയ്തത്. കഴിഞ്ഞ വ്യാഴാഴ്ചയാണ് കേസിനാസ്പദമായ സംഭവം. ഓട്ടോറിക്ഷാ ഡ്രൈവറായ രാജേഷ് കണ്ണംകുളത്തിനെയാണ് മൂവർസംഘം അതിക്രൂരമായി ആക്രമിച്ചത്. പാമ്പാടിയിൽനിന്ന് ഓട്ടോറിക്ഷയിൽ കയറിയ പ്രതികൾ അയർക്കുന്നത്തിന് സമീപം ആളൊഴിഞ്ഞ സ്ഥലത്ത് എത്തിച്ച് ക്രൂരമായി മർദിക്കുകയായിരുന്നു. ഒന്നാം പ്രതിയായ രതീഷിന് ഓട്ടോറിക്ഷാ ഡ്രൈവർ രാജേഷിനോടുള്ള മുൻ വൈരാഗ്യമാണ് ആക്രമണത്തിന് കാരണമെന്ന് പോലീസ് പറഞ്ഞു. പ്രതികളെ റിമാൻഡ് ചെയ്തു.

നെഹ്റു സ്റ്റേഡിയം നവീകരണം: തടസം നഗരസഭയുടെ നിലപാടെന്ന് മുഖ്യമന്ത്രി

കോട്ടയം: നെഹ്റു സ്റ്റേഡിയം നവീകരിക്കൽ നീളുന്നത് നഗരസഭയുടെ നിലപാടുകൊണ്ടാണെന്ന് മുഖ്യമന്ത്രി പിണറായി വിജയൻ. കോട്ടയത്ത് മുഖാമുഖം പരിപാടിയിൽ കായിക മേഖലയെ സംബന്ധിച്ചുള്ള ആശങ്കകൾ ചർച്ച ചെയ്യുകയായിരുന്നു അദ്ദേഹം. നെഹ്‌റു സ്റ്റേഡിയം നവീകരിക്കലിനായി കായിക വകുപ്പ് പ്രൊപ്പോസലുകൾ തയാറാക്കുകയും പലവട്ടം നഗരസഭാ അധികൃതരുമായി ചർച്ചചെയ്യുകയും ചെയ്തതാണ്. എന്നാൽ, നഗരസഭയുടെ ഭാഗത്തുനിന്ന് അനുകൂലമായ നിലപാട് ലഭിക്കാത്തതാണ് കാലതാമസത്തിനുള്ള പ്രധാന കാരണമെന്നും മുഖ്യമന്ത്രി വ്യക്തമാക്കി. ജില്ലാ സ്‌പോർട്‌സ് കൗൺസിൽ പ്രസിഡന്‍റ് ഡോ. ബൈജു വർഗീസ് ഗുരുക്കൾ മുഖാമുഖത്തിൽ ഉന്നയിച്ച നിർദേശത്തിനു മറുപടി പറയുകയായിരുന്നു മുഖ്യമന്ത്രി. നെഹ്‌റു സ്റ്റേഡിയം സംസ്ഥാന സർക്കാരിന്‍റെ പൂർണ ഉടമസ്ഥതയിൽ നവീകരിച്ച് അന്താരാഷ്ട്ര നിലവാരമുള്ളതാക്കി മാറ്റുകയും സ്റ്റേഡിയത്തിന്‍റെ നടത്തിപ്പ് ചുമതല സ്‌പോർട്‌സ് കൗൺസിലിനെ ഏൽപ്പിക്കുകയും ചെയ്യണമെന്നായിരുന്നു ഡോ. ബൈജു വർഗീസ് ഗുരുക്കൾ ആവശ്യപ്പെട്ടത്.

മണർകാട് കാർണിവലിന് തുടക്കമായി

കോട്ടയം: മണർകാട് വിശുദ്ധ മർത്തമറിയം യാക്കോബായ സുറിയാനി കത്തീഡ്രലിന്‍റെ മൈതാനത്ത് നടക്കുന്ന മണർകാട് കാർണിവലിന് തുടക്കമായി. കാർണിവൽ ഉദ്ഘാടനം തിരുവഞ്ചൂർ രാധാകൃഷ്ണൻ എംഎൽഎയും കലാപരിപാടികളുടെ ഉദ്ഘാടനം സിനിമാതാരം ഭാമയും നിർവഹിച്ചു. കത്തീഡ്രൽ സഹവികാരിയും പ്രോഗ്രാം ജോയിന്‍റ് കൺവീനറുമായ ഫാ. ലിറ്റു ജേക്കബ് തണ്ടാശേരിയിൽ അധ്യക്ഷത വഹിച്ചു. മണർകാട് പഞ്ചായത്ത് പ്രസിഡന്‍റ് കെ.സി. ബിജു, ഫാ. ഷൈജു ചെന്നിക്കര, ട്രസ്റ്റി ജോർജ് സഖറിയ, സെക്രട്ടറി പി.എ. ചെറിയാൻ എന്നിവർ പ്രസംഗിച്ചു. എല്ലാ ദിവസവും വൈകുന്നേരങ്ങളിൽ കാർണിവൽ മൈതാനത്ത് കലാപരിപാടികളും ഉണ്ടായിരിക്കും. മേയ് അഞ്ചുവരെ നടക്കുന്ന കാർണിവലിലേക്കുള്ള പ്രവേശനം സൗജന്യമാണ്.

സ്നേഹസംഗമവും ഡയറക്ടറി പ്രകാശനവും

ഏറ്റുമാനൂർ: വിദ്യാഭ്യാസ വകുപ്പ് മുൻ മിനിസ്റ്റീരിയൽ ജീവനക്കാരുടെ സ്നേഹസംഗമം തെള്ളകം ചൈതന്യ പാസ്റ്ററൽ സെന്‍ററിൽ ശനിയാഴ്ച നടക്കും. രാവിലെ 10ന് ഏറ്റുമാനൂർ നഗരസഭാധ്യക്ഷ ലൗലി ജോർജ് ഉദ്ഘാടനം ചെയ്യും. സംഘടനയിലെ മുതിർന്ന അംഗം പി.സി. തോമസ് അധ്യക്ഷത വഹിക്കും. വി.ബി. ബിനു, നഗരസഭാ പ്രതിപക്ഷ നേതാവ് ഇ.എസ്. ബിജു, കൗൺസിലർ ജോണി വർഗീസ്, ഉഷാ റാണി, അമ്മിണി എസ്. നായർ തുടങ്ങിയവർ പ്രസംഗിക്കും. ഉച്ചകഴിഞ്ഞ് രണ്ടിന് സമാപന സമ്മേളനം മന്ത്രി കടന്നപ്പള്ളി രാമചന്ദ്രൻ ഉദ്ഘാടനം ചെയ്യും. പെൻഷനേഴ്സ് ഫോറം കൺവീനർ ബി. രാജീവ് അധ്യക്ഷത വഹിക്കും. പെൻഷനേഴ്സ് ഫോറം പ്രസിദ്ധീകരിക്കുന്ന ഡയറക്ടറി 2025 മുൻ അഡീഷണൽ ഡിപിഐ വി.കെ. സരളമ്മയ്ക്ക് നൽകി മന്ത്രി പ്രകാശനം ചെയ്യും. ഫ്രാൻസിസ് ജോർജ് എംപി, തിരുവഞ്ചൂർ രാധാകൃഷ്ണൻ എംഎൽഎ, മോൻസ് ജോസഫ് എംഎൽഎ, തോമസ് ചാഴികാടൻ, എസ്എംഡിഎഫ്സി ചെയർമാൻ സ്റ്റീഫൻ ജോർജ്, മൈക്കിൾ ജയിംസ്, പി.എൻ. വിജയൻ, വി.ഐ. ഇമ്മാനുവൽ തുടങ്ങിയവർ പ്രസംഗിക്കും.

മണ്ണൂര്‍ സെന്‍റ് ജോര്‍ജ് ക്‌നാനായ കത്തോലിക്ക പള്ളിയിൽ തിരുനാൾ

മറ്റക്കര: മണ്ണൂര്‍ സെന്‍റ് ജോര്‍ജ് ക്‌നാനായ കത്തോലിക്ക പള്ളിയില്‍ വിശുദ്ധ ഗീവര്‍ഗീസ് സഹദായുടെ തിരുനാളും ഇടവക ദിനാചരണവും നാളെ മുതല്‍ നാലുവരെ ആഘോഷിക്കും. നാളെ വൈകുന്നേരം അഞ്ചിനു കൊടിയേറ്റ് -വികാരി ഫാ. സിറിയക് മറ്റത്തില്‍. തുടര്‍ന്നു വിശുദ്ധ കുര്‍ബാന. 5.30ന് ഇടവകദിനാഘോഷം വികാരി ജനറാള്‍ ഫാ. തോമസ് ആനിമൂട്ടില്‍ ഉദ്ഘാടനം ചെയ്യും. തുടര്‍ന്ന് സ്‌നേഹവിരുന്ന്, കലാസന്ധ്യ. രണ്ടിനു വൈകുന്നേരം അഞ്ചിന് സുറിയാനി പാട്ടുകുര്‍ബാന ഫാ. ജിതിന്‍ വല്ലൂര്‍. തുടര്‍ന്ന് പരേതസ്മരണ, സെമിത്തേരി സന്ദര്‍ശനം. 7.30 വചനശുശ്രൂഷ ഫാ. ജോസഫ് പുത്തന്‍പുര, 9.30ന് ദിവ്യകാരുണ്യ പ്രദക്ഷിണം-ഫാ. ഏബ്രഹാം പറമ്പേട്ട്. മൂന്നിനു രാവിലെ 6.30നു വിശുദ്ധ കുര്‍ബാന. വൈകുന്നേരം 6.30ന് ഇളപ്പാനി കുരിശുപള്ളിയില്‍നിന്നും പ്രദക്ഷിണം പള്ളിയിലേക്ക്. ഫാ. ഷിബു ഇളംകുളം, ഫാ. ജോസഫ് പാറക്കല്‍, ഫാ. ജയിംസ് കരിമാങ്കല്‍ എന്നിവര്‍ കാര്‍മികത്വം വഹിക്കും. രാത്രി ഒമ്പതിന് തിരുനാള്‍ പ്രസംഗം വികാരി ജനറാള്‍ ഫാ. മൈക്കിള്‍ വെട്ടിക്കാട്ട്. 9.20ന് വിശുദ്ധ കുര്‍ബാനയുടെ ആശീര്‍വാദം -ഫാ. ജോസ് നെടുങ്ങാട്ട്. പ്രധാന തിരുനാള്‍ ദിനമായ അഞ്ചിനു രാവിലെ 9.45ന് റാസ -ഫാ. ജിസ്‌മോന്‍ മരങ്ങാലില്‍ മുഖ്യകാര്‍മികത്വം വഹിക്കും. ഫാ. തോമസ് കാച്ചനോലിക്കല്‍, ഫാ. സിറിയക് ഓട്ടപ്പള്ളില്‍, ഫാ. ഷെറിന്‍ കുരിക്കിലേട്ട്, ഫാ. മജോ വാഴക്കാലായില്‍ എന്നിവര്‍ സഹകാര്‍മികരായിരിക്കും. ചങ്ങനാശേരി അതിരൂപത വികാരി ജനറാള്‍ ഫാ. ആന്‍റണി ഏത്തയ്ക്കാട്ട് സന്ദേശം നല്‍കും. തുടര്‍ന്ന് പ്രദക്ഷിണം. ഫാ. ഏബ്രഹാം തറത്തട്ടേല്‍ കാര്‍മികത്വം വഹിക്കും. ഫാ. ജോസ് പാര്യത്ത് വിശുദ്ധ കുര്‍ബാനയുടെ ആശീര്‍വാദം നല്‍കും. രാത്രി ഏഴിന് നാടകം.

നാഗമ്പടം വിശുദ്ധ അന്തോനീസിന്‍റെ തിരുശേഷിപ്പ് തീർഥാടന കേന്ദ്രത്തിൽ തിരുനാൾ

കോട്ടയം: നാഗമ്പടം വിശുദ്ധ അന്തോനീസിന്‍റെ തിരുശേഷിപ്പ് തീര്‍ഥാടന കേന്ദ്രത്തില്‍ വിശുദ്ധ അന്തോനീസിന്‍റെ നൊവേന തിരുനാളിനു കൊടിയേറി. ഇന്നലെ രാവിലെ ബിഷപ് ഡോ. സെബാസ്റ്റ്യന്‍ തെക്കത്തെച്ചേരില്‍ കൊടിയേറ്റ് കര്‍മം നിര്‍വഹിച്ചു. ഇന്നു മുതല്‍ അഞ്ചുവരെ എല്ലാ ദിവസവും രാവിലെ 9.15നും വൈകുന്നേരം 4.15നും ജപമാല, രാവിലെ 10നും വൈകുന്നേരം അഞ്ചിനും വിശുദ്ധ കുര്‍ബാന, നൊവേന. വിവിധ ദിവസങ്ങളിലെ തിരുക്കര്‍മങ്ങള്‍ക്ക് മോണ്‍ ഹെന്‍‌റി കൊച്ചുപറമ്പില്‍, ഫാ. ഗ്രിഗറി കൂട്ടുമ്മേല്‍, ഫാ. ടോം ജോസ്, ഫാ. ജോബ് കുഴിവയലില്‍, ഫാ. സെബാസ്റ്റ്യന്‍ ഓലിക്കര, ഫാ. സ്റ്റീഫന്‍ പുത്തന്‍പറമ്പില്‍, ഫാ. സേവ്യര്‍ വലിയതറയില്‍, ഫാ. ദിലീപ് ഒഎസ്‌ജെ, ഫാ. ജസ്റ്റിന്‍ കാരംകുന്നേല്‍, ഫാ. അരുണ്‍ സിഎസ്‌സി, ഫാ. ആല്‍ബര്‍ട്ട് മാത്യു, ഫാ. ജോര്‍ജ് ജോണ്‍ മേരിമംഗലം, ഫാ. ജോസഫ് കളത്തില്‍, ഫാ. അല്‍ഫോന്‍സ് ചക്കാലയ്ക്കല്‍, മോണ്‍. ജോസ് നവസ്, ഫാ. ജോഫി വല്ലത്തുംചിറ എന്നിവര്‍ കാര്‍മികത്വം വഹിക്കും. അഞ്ചിനു വൈകുന്നേരം അഞ്ചിന് ബിഷപ് ഡോ. ജസ്റ്റിന്‍ മഠത്തില്‍പറമ്പില്‍ വിശുദ്ധ കുര്‍ബാന അര്‍പ്പിച്ച് സന്ദേശം നല്‍കും. തുടര്‍ന്ന് പട്ടണപ്രദക്ഷിണം. ആറിനു രാവിലെ ആറിനും എട്ടിനും 10നും 12നും വിശുദ്ധ കുര്‍ബാന, നൊവേന. വൈകുന്നേരം നാലിന് തിരുനാള്‍ ഫൊന്തിഫിക്കല്‍ ദിവ്യബലിക്ക് ബിഷപ് ഡോ. സെബാസ്റ്റ്യന്‍ തെക്കത്തെച്ചേരില്‍ മുഖ്യകാര്‍മികത്വം വഹിക്കും. തുടര്‍ന്ന് ദിവ്യകാരുണ്യ പ്രദക്ഷിണത്തോടെ തിരുനാള്‍ സമാപിക്കുമെന്ന് തീര്‍ഥാടന കേന്ദ്രം റെക്‌ടര്‍ മോണ്‍. സെബാസ്റ്റ്യന്‍ പൂവത്തുങ്കല്‍ അറിയിച്ചു.

കെഎൽഎം മേയ്ദിന റാലിയും മഹാസമ്മേളനവും ചങ്ങനാശേരിയില്‍

ചങ്ങനാശേരി: മേയ്ദിന റാലിക്കും തൊഴിലാളി മഹാസംഗമത്തിനും ഒരുങ്ങി ചങ്ങനാശേരി അതിരൂപതയുടെ തൊഴിലാളി പ്രസ്ഥാനം കേരള ലേബര്‍ മൂവ്‌മെന്‍റ്. നാളെ ഉച്ചകഴിഞ്ഞ് 3.30ന് ചങ്ങനാശേരി അരമനപ്പടിക്കല്‍നിന്ന് അതിരൂപത വികാരി ജനറാള്‍ മോണ്‍. സ്‌കറിയാ കന്യാകോണില്‍ ഫ്ലാഗ് ഓഫ് ചെയ്യുന്ന മേയ്ദിന റാലി എസ്ബി കോളജിലെ ആര്‍ച്ച്ബിഷപ് കാവുകാട്ട് ഹാളില്‍ എത്തിച്ചേരും. അതിരൂപതയുടെ വിവിധ മേഖലകളില്‍നിന്നെത്തിച്ചേരുന്ന ആയിരങ്ങള്‍ റാലിയില്‍ അണിചേരും. വാദ്യമേളങ്ങളും വേഷവിധാനങ്ങളും നിശ്ചലദൃശ്യങ്ങളും റാലിയെ വര്‍ണാഭമാക്കും. നാലിന് എസ്ബി കോളജ് കാവുകാട്ട് ഹാളില്‍ ചേരുന്ന തൊഴിലാളി മഹാസംഗമത്തില്‍ അതിരൂപത വികാരി ജനറാള്‍ മോണ്‍. ആന്‍റണി എത്തയ്ക്കാട്ട് അധ്യക്ഷത വഹിക്കും.ആര്‍ച്ച്ബിഷപ് മാര്‍ തോമസ് തറയില്‍ സമ്മേളനം ഉദ്ഘാടനം ചെയ്യും. ആര്‍ച്ച്ബിഷപ് എമരിറ്റസ് മാര്‍ ജോസഫ് പെരുന്തോട്ടം അനുഗ്രഹ പ്രഭാഷണം നടത്തും. ലുവെല്ലാ വെഞ്ചേഴ്‌സ് എംഡി ജോയിസ് മേരി ആന്‍റണി മുഖ്യപ്രഭാഷണം നടത്തും. അതിരൂപത ഡയറക്ടര്‍ ഫാ. ജോണ്‍ വടക്കേക്കളം, ജനറല്‍ സെക്രട്ടറി പി.ജെ. സെബാസ്റ്റ്യന്‍, ജോയിന്‍റ് സെക്രട്ടറിമാരായ ഷാജി കോര, ലാലി ബോബന്‍, ജോമോന്‍ ഇരുപ്പക്കാട്ട് എന്നിവര്‍ പ്രസംഗിക്കും. കെഎല്‍എം ലേബര്‍ അവാര്‍ഡ് ജേതാക്കള്‍, ഈ വര്‍ഷം മികച്ച പ്രവര്‍ത്തനം കാഴ്ചവച്ച യൂണിറ്റുകള്‍, സംഘങ്ങള്‍ എന്നിവരെ ആദരിക്കും. ടിസണ്‍ തോമസ്, കെ.ഡി. ചാക്കോ, കെ.വി. കുര്യാക്കോസ്, ജിമ്മി അഗസ്റ്റിന്‍, സന്തോഷ് തോമസ്, സ്മിനു ജോസഫ് എന്നിവര്‍ നേതൃത്വം നല്‍കും. പാര്‍ക്കിംഗ് ക്രമീകരണം കേരള ലേബര്‍ മൂവ്‌മെന്‍റ് മേയ്ദിന റാലിയിലും തൊഴിലാളി മഹാസംഗമത്തിലും പങ്കെടുക്കാന്‍ എത്തിച്ചേരുന്നവരുടെ വാഹനങ്ങള്‍ അരമനപ്പടിക്കല്‍ ആളുകളെ ഇറക്കിയശേഷം എസ്ബി ഹൈസ്‌കൂള്‍ ഗ്രൗണ്ട്, എകെഎം സ്‌കൂള്‍ ഗ്രൗണ്ട്, എസ്ബി കോളജ് ടവര്‍ ഗ്രൗണ്ട്, കത്തീഡ്രല്‍ പള്ളി ഗ്രൗണ്ട്, ബൈപാസ് റോഡ് എന്നിവിടങ്ങളിലായി പാര്‍ക്ക് ചെയ്യണം.

ആറന്മുള സത്യവ്രതന്‍ സ്മാരക നാടക പുരസ്‌കാരം രാജു കുന്നക്കാട്ടിന്

ഏറ്റുമാനൂര്‍: പ്രമുഖ സാഹിത്യകാരന്‍ ആറന്മുള സത്യവ്രതന്‍ അനുസ്മരണവും പുരസ്‌കാരസമര്‍പ്പണവും മേയ് 11ന് നടക്കും. കോട്ടയം മാറ്റൊലിയുടെ ‘ഒലിവ് മരങ്ങള്‍ സാക്ഷി’ എന്ന നാടകത്തിന്‍റെ രചയിതാവ് രാജു കുന്നക്കാട്ടിനാണ് ഈ വര്‍ഷത്തെ പുരസ്‌കാരം. എസ്എംഎസ്എം ലൈബ്രറി ശതാബ്ദി ഹാളില്‍ നടക്കുന്ന അനുസ്മരണം പ്രഫ. ഹരികുമാര്‍ ചങ്ങമ്പുഴ ഉദ്ഘാടനം ചെയ്യും. പ്രദീപ് മാളവിക പുരസ്‌കാരസമര്‍പ്പണം നിര്‍വഹിക്കും. കേന്ദ്ര ഫിലിം സെന്‍സര്‍ ബോര്‍ഡ് മെംബര്‍ ഗോപാലകൃഷ്ണന്‍ അനുസ്മരണം നടത്തും. സിനിമ പ്രൊഡക്‌ഷന്‍ ഡയറക്ടര്‍ അനുക്കുട്ടന്‍ ഏറ്റുമാനൂരിനെ ആദരിക്കും. പത്രസമ്മേളനത്തില്‍ സതീഷ് കാവ്യധാര, ജി. പ്രകാശ്, പി. അമ്പിളി, ജി. കാവ്യധാര എന്നിവര്‍ എന്നിവര്‍ പങ്കെടുത്തു.

കോട്ട‌യ്ക്കുപുറം പള്ളി‌യിൽ വജ്രജൂബിലി സന്ദേശയാത്ര

അതിരന്പുഴ: കോട്ട‌യ്ക്കുപുറം സെന്‍റ് മാത്യൂസ് പള്ളി വജ്രജൂബിലിയോടനുബന്ധിച്ചു വജ്രജൂബിലി സന്ദേശയാത്രയും കാലം ചെയ്ത ഫ്രാന്‍സിസ് മാര്‍പാപ്പയ്ക്ക് ആദരാഞ്ജലി നേര്‍ന്നുകൊണ്ടുള്ള അനുശോചനയാത്രയും മേയ് രണ്ടിനു നടക്കും. ഉച്ചകഴിഞ്ഞ് 2.30ന് പള്ളി അങ്കണത്തില്‍നിന്നും നൂറുക്കണക്കിനു വാഹനങ്ങളുടെ അകമ്പടിയോടെയാണ് യാത്ര ആരംഭിക്കുന്നത്. വികാരി ഫാദര്‍ സോണി തെക്കുമുറിയില്‍ ഫ്‌ളാഗ് ഓഫ് ചെയ്യും. മേയ് നാലിനാണ് വജ്രജൂബിലി ആഘോഷങ്ങളുടെ സമാപനസമ്മേളനം നടക്കുന്നത്. കര്‍ദിനാള്‍ മാര്‍ ജോര്‍ജ് ആലഞ്ചേരി, മാര്‍ തോമസ് തറയില്‍, മാര്‍ ജോസഫ് പെരുന്തോട്ടം തുടങ്ങിയവര്‍ വിശിഷ്ടാതിഥികളായിരിക്കും. രാഷ്‌ട്രീയ സാംസ്‌കാരിക മേഖലകളിലെ പ്രമുഖര്‍ ചടങ്ങില്‍ പങ്കെടുക്കും.

കുമരകം റോഡിൽ അപകടക്കെണിയായി കുഴി രൂപപ്പെട്ടു

കുമരകം: കുമരകം റോഡിൽ കോണത്താറ്റു പാലത്തിനു സമീപം അപകടക്കെണിയായി വൻ കുഴി രൂപപ്പെട്ടു. കുമരകം ചന്തക്കവല ഭാഗത്തുനിന്ന് ഗരുമന്ദിരം റോഡിലേക്ക് പ്രവേശിക്കുന്നിടത്താണ് കുഴി. ചെറിയ കുഴിയായി കാണപ്പെടുകയും അനുദിനം വലുതായി മാറുകയുമായിരുന്നു. വാട്ടർ അഥോറിറ്റിയുടെ വാൽവ് സ്ഥാപിച്ചിരുന്ന സ്ഥലത്താണ് കുഴി രൂപപ്പെട്ടതെന്ന് സമീപവാസികൾ പറഞ്ഞു. അപകട സൂചനയായി മരച്ചില്ലകൾനാട്ടിയിരിക്കുകയാണിപ്പോൾ. പൊതുമരാമത്ത് വകുപ്പ് കുഴി അടച്ച് റോഡ് സുരക്ഷിതമാക്കണമെന്നാണ് നാട്ടുകാരുടെ ആവശ്യം.

സംസ്ഥാന വരുമാനത്തിൽ നല്ല പുരോഗതി: മുഖ്യമന്ത്രി

കോട്ടയം: സംസ്ഥാനത്തിന്‍റെ മൊത്തവരുമാനത്തിലും പ്രതിശീര്‍ഷവരുമാനത്തിലും നല്ല പുരോഗതിയാണ് ഉണ്ടാകുന്നതെന്ന് മുഖ്യമന്ത്രി പിണറായി വിജയന്‍. എല്‍ഡിഎഫ് സര്‍ക്കാരിന്‍റെ നാലാം വാര്‍ഷികത്തോടനുബന്ധിച്ച് നാഗമ്പടത്ത് സംഘടിപ്പിച്ച എല്‍ഡിഎഫ് മഹായോഗം ഉദ്ഘാടനം ചെയ്യുകയായിരുന്നു മുഖ്യമന്ത്രി. നാം ആഗ്രഹിക്കുന്ന ബദല്‍നയം നല്ല നിലയിലാണ് നടപ്പാക്കുന്നത്. കോവിഡിനുശേഷം സാമ്പത്തികരംഗത്ത് വലിയതോതിലുള്ള വളര്‍ച്ചയാണെന്നും മുഖ്യമന്ത്രി പറഞ്ഞു. റബറിന് വലിയതോതില്‍ തിരിച്ചടിയേല്‍പ്പിക്കുന്ന നയമാണ് കേന്ദ്രസര്‍ക്കാരിന്‍റേത്. നവഉദാരവത്കരണ നയങ്ങളുടെ ഭാഗമാണിത്. ശരിയായ താങ്ങുവില നല്‍കി കര്‍ഷകരെ സംരക്ഷിക്കുന്നതില്‍നിന്ന് കേന്ദ്രസര്‍ക്കാര്‍ വിട്ടുനില്‍ക്കുകയാണ്. അതേസമയം റബര്‍ കര്‍ഷകരെ സഹായിക്കുന്ന നടപടികളാണ് സംസ്ഥാന സര്‍ക്കാര്‍ നടപ്പാക്കുന്നത്. താങ്ങുവില 180 രൂപയാക്കി നിജപ്പെടുത്തി. കഴിഞ്ഞ സര്‍ക്കാരിന്‍റെ കാലത്ത് 500 കോടിരൂപ പ്രതിവര്‍ഷം ബജറ്റില്‍ നീക്കിവച്ചു. ഇപ്പോഴത് 600 കോടി രൂപയായി. കേന്ദ്രം റബര്‍ബോര്‍ഡ് സ്ഥാപനങ്ങള്‍ക്ക് കഴിഞ്ഞ സാമ്പത്തികവര്‍ഷം നല്‍കിയത് 263 കോടി മാത്രമാണ്. രണ്ട് സര്‍ക്കാരുകളുടെയും റബര്‍ കര്‍ഷകരോടുള്ള സമീപനം ഇതില്‍നിന്ന് വ്യക്തമാണെന്നും മുഖ്യമന്ത്രി പറഞ്ഞു. കേരള കോണ്‍ഗ്രസ്-എം ചെയര്‍മാന്‍ ജോസ് കെ. മാണി എംപി അധ്യക്ഷത വഹിച്ചു. മന്ത്രിമാരായ വി.എന്‍. വാസവന്‍, പി. പ്രസാദ്, എ.കെ. ശശീന്ദ്രന്‍,ചീഫ് വിപ്പ് ഡോ.എന്‍. ജയരാജ്, എംഎല്‍എമാരായ സെബാസ്റ്റ്യന്‍ കുളത്തുങ്കല്‍, ജോബ് മൈക്കിള്‍, എല്‍ഡിഎഫ് ജില്ലാ കണ്‍വീനര്‍ പ്രഫ. ലോപ്പസ് മാത്യു, സിപിഎം ജില്ലാ സെക്രട്ടറി ടി.ആര്‍. രഘുനാഥന്‍, സിപിഐ ജില്ലാ സെക്രട്ടറി വി.ബി. ബിനു, നേതാക്കളായ ജേക്കബ് ഉമ്മന്‍, കാസിം ഇരിക്കൂര്‍, ടി.വി. വര്‍ഗീസ്, സണ്ണി തോമസ്, പ്രശാന്ത് നന്ദകുമാര്‍, പി.സി. ജോസഫ്, ബിനോയി ജോസഫ് എന്നിവര്‍ പ്രസംഗിച്ചു. ചോദ്യവുമായി അഞ്ചാം ക്ലാസുകാരനും കോട്ടയം: മുഖ്യമന്ത്രി പിണറായി വിജയന്‍റെ മുഖാമുഖം പരിപാടി നടക്കുന്നതിനിടയിൽ സദസിന്‍റെ ഇടയിൽനിന്ന് ഒരു മധുരശബ്ദം ഉയർന്നു, ഗുഡ് മോർണിംഗ് പിണറായി അങ്കിൾ- നിഷാൻ ഷെറഫ് എന്ന കൊച്ചുമിടുക്കനാണ് ചോദ്യവും നിർദേശവുമായി മുഖ്യമന്ത്രിയോട് സംവദിച്ചത്. ആർട്ടിഫിഷൽ ഇന്‍റലിജൻസ് എന്ന വിഷയത്തെപ്പറ്റി വിശദമായി അറിയാനായി അത് സിലബസിന്‍റെ ഭാഗമാക്കണമെന്നായിരുന്നു ആദ്യ ആവശ്യം. വിദേശത്ത് വിദ്യാർഥികൾ പാർട്ട്-ടൈം ജോലികളിൽ ഏർപ്പെടുന്നതുപോലെ നാട്ടിലുള്ള കോളജ് വിദ്യാർഥികൾക്കും അവസരം ലഭിക്കുമോ എന്നായിരുന്നു അടുത്ത ചോദ്യം. നിഷാനിന്‍റെ സംശയങ്ങൾക്ക് വിശദമായി മുഖ്യമന്ത്രി മറുപടി നൽകി. അഞ്ചു മുതൽ ഏഴു വരെ ക്ലാസുകളിൽ കോഡിംഗിനെപ്പറ്റി പ്രാഥമിക തലത്തിലുള്ള പാഠങ്ങൾ സിലബസിൽ ഉൾപ്പെടുത്തിയിട്ടുണ്ട്. അതുമായി ബന്ധപ്പെട്ട കൂടുതൽ വിവരങ്ങൾ അധ്യാപകർക്ക് കൈമാറാനുള്ള നടപടികളും സ്വീകരിക്കുമെന്ന് അദ്ദേഹം പറഞ്ഞു. വിദേശത്തെയും നാട്ടിലെയും പഠനരീതികളിലെ വ്യത്യാസം പാർട്ട്-ടൈം ജോലികളിൽ ഏർപ്പെടുന്നതിന് ഒരു വെല്ലുവിളിയാണ്. തൊഴിലിനോടുള്ള സമൂഹത്തിന്‍റെ നിലവിലെ മനോഭാവവും മാറേണ്ടത് അനിവാര്യമാണെന്ന് അദ്ദേഹം വ്യക്തമാക്കി. കോട്ടയം എംഡി സെമിനാരി ഹയർ സെക്കൻഡറി സ്‌കൂളിലെ അഞ്ചാം ക്ലാസ് വിദ്യാർഥിയാണ് നിഷാൻ. മുഖ്യമന്ത്രിയുമായി സംവദിച്ചത് 21 പേർ കോട്ടയം: സംസ്ഥാന സര്‍ക്കാരിന്‍റെ നാലാം വാര്‍ഷികത്തോടനുബന്ധിച്ചു കോട്ടയത്തു നടന്ന മുഖ്യമന്ത്രിയുമായുള്ള മുഖാമുഖത്തില്‍ സമൂഹത്തിന്‍റെ വിവിധ മേഖലകളില്‍നിന്നുള്ള 21 പേര്‍ സംവദിച്ചു. സ്‌കൂള്‍, കോളജ് വിദ്യാര്‍ഥികള്‍, അങ്കണവാടി ജീവനക്കാര്‍, വ്യവസായികള്‍, വ്യാപാരികള്‍, ടൂറിസം-സ്പോര്‍ട്സ് മേഖലയില്‍നിന്നുള്ളവരടക്കം വിവിധ നിര്‍ദേശങ്ങള്‍ ഉന്നയിച്ചു. 21 പേരും ഉന്നയിച്ച വിഷയങ്ങളില്‍ മുഖ്യമന്ത്രി മറുപടി നല്‍കുകയും സര്‍ക്കാര്‍ നിലപാട് വ്യക്തമാക്കുകയും ചെയ്തു. ലഹരിക്കെതിരേ ശക്തമായ നടപടികളാണ് സര്‍ക്കാര്‍ സ്വീകരിച്ചിട്ടുള്ളതെന്നും നിര്‍ദേശങ്ങള്‍ പരിഗണിക്കുമെന്നും മുഖ്യമന്ത്രി പറഞ്ഞു. സിഎസ്‌ഐ സഭാ ബിഷപ് ഉമ്മന്‍ ജോര്‍ജ്, ഇന്‍ലാന്‍ഡ് നാവിഗേഷന്‍ കോര്‍പറേഷന്‍ ചെയര്‍മാന്‍ കെ.ടി. ചാക്കോ, നാട്ടകം പോര്‍ട്ട് എംഡി ഏബ്രഹാം വര്‍ഗീസ്, ട്രോപ്പിക്കല്‍ ഇന്‍സ്റ്റിറ്റ്യൂട്ട് ഓഫ് ഇക്കോളജിക്കല്‍ സയന്‍സസ് സെക്രട്ടറി ഡോ. പുന്നന്‍ കുര്യന്‍, സ്‌കൂള്‍ വിദ്യാര്‍ഥിയായ നിഷാന്‍ ഷെറഫ്, അങ്കണവാടി വര്‍ക്കറായ ഡി. സേതുലക്ഷ്മി, വിദ്യാര്‍ഥി പ്രതിനിധി ലിനു കെ. ജോണ്‍, ഈ നാട് യുവജനസഹകരണസംഘം പ്രസിഡന്‍റ് സജേഷ് ശശി, വ്യാപാരി വ്യവസായി സമിതി പ്രതിനിധി ഇ.എസ്. ബിജു, അലക്‌സ് വെള്ളാപ്പള്ളി, കെ.എസ്. സന്ദീപ്, പ്രദീപ് മാളവിക, രഞ്ജിനി രാജ് തുടങ്ങി ഒട്ടേറെ പ്രമുഖര്‍ മുഖാമുഖത്തില്‍ പ്രസംഗിച്ചു. എല്ലാ ചോദ്യങ്ങള്‍ക്കും നിര്‍ദേശങ്ങള്‍ക്കും മുഖ്യമന്ത്രി മറുപടി നല്‍കി. സംവാദം രണ്ടര മണിക്കൂര്‍ നീണ്ടു. മുഖാമുഖത്തില്‍ പങ്കെടുത്ത പ്രമുഖരുടെ വാക്കുകള്‍: മാധ്യമസ്ഥാപനങ്ങളുടെ പരസ്യകുടിശിക കുറയ്ക്കാന്‍ നടപടിയുണ്ടാകണം. സര്‍ക്കാര്‍ സ്ഥാപനങ്ങളുടെ പരസ്യങ്ങള്‍ പിആര്‍ഡി നിരക്കില്‍ നല്‍കുന്നത് മാറ്റിനല്‍കാനുള്ള നടപടി വേണം, പത്രങ്ങള്‍ അച്ചടിക്കുന്നതിനുള്ള പേപ്പറുകള്‍ വില കുറച്ചു ലഭിക്കുന്നതിനുള്ള നടപടികള്‍ സര്‍ക്കാര്‍ സ്വീകരിക്കണം. പത്രവായനയുമായി ബന്ധപ്പെട്ട ചോദ്യങ്ങള്‍ വിദ്യാഭ്യാസ വകുപ്പിന്‍റെ കരിക്കുലത്തില്‍ ഉള്‍പ്പെടുത്തിയതിനെ സ്വാഗതം ചെയ്യുന്നു. മാധ്യമങ്ങള്‍ക്കുള്ള വലിയ പിന്തുണയ്‌ക്കൊപ്പം വിദ്യാര്‍ഥികളില്‍ വായനാശീലം വളര്‍ത്താന്‍ ഇത് ഉപകരിക്കും. കോട്ടയത്ത് അക്ഷരമ്യൂസിയം സ്ഥാപിച്ചതിന് പ്രത്യേക നന്ദി അറിയിക്കുന്നതിനൊപ്പം രണ്ടാംഘട്ട വികസനത്തിന് എല്ലാ പിന്തുണയും നല്‍കുന്നു. ലഹരിക്കെതിരെ ദീപിക നടത്തുന്ന ജനമുന്നേറ്റമായ കിക്ക് ഔട്ടിന് സംസ്ഥാന സര്‍ക്കാരിന്‍റെ എല്ലാ പിന്തുണയും ഉണ്ടാകണം. സര്‍ക്കാരിന്‍റെ ലഹരി വിരുദ്ധ പ്രവര്‍ത്തനങ്ങളില്‍ ദീപികയും കിക്ക് ഔട്ടിലൂടെ പങ്കുചേരുകയാണ്. ഫാ. മൈക്കിള്‍ വെട്ടിക്കാട്ട് രാഷ്‌ട്രദീപിക ലിമിറ്റഡ് മാനേജിംഗ് ഡയറക്ടര്‍ കേരളത്തില്‍നിന്നു ധാരാളം ചെറുപ്പക്കാര്‍ പഠനത്തിനും ജോലിക്കുമായി വിദേശത്ത് പോകുന്ന നിലയുണ്ട്. മസ്തിഷ്‌കചോര്‍ച്ച ഗുരുതരമായി നടക്കുന്നു.വൈജ്ഞാനിക സമ്പദ് വ്യവസ്ഥ രൂപീകരിക്കുന്നതിനു പ്രാധാന്യം നല്‍കണം. റവ.ഡോ. ജയിംസ് മുല്ലശേരി കെഇ സ്‌കൂള്‍ പ്രിന്‍സിപ്പല്‍, മാന്നാനം കോട്ടയത്തിന്‍റെ സമ്പദ് വ്യവസ്ഥയുടെ ചാലക ശക്തിയായിരുന്ന റബര്‍ മേഖല ഇപ്പോള്‍ നിരവധി പ്രതിസന്ധികളെ നേരിടുകയാണ്. ഈ മേഖലയിലെ പ്രതിസന്ധിക്ക് പരിഹാരം കാണുന്നതിന് സര്‍ക്കാര്‍ വെള്ളൂരില്‍ ആരംഭിച്ച റബര്‍ പാര്‍ക്കിനെ ഫലപ്രദമായി ഉപയോഗിക്കാനുള്ള ഇടപെടല്‍ നടത്തണം. ജോസി ഏബ്രഹാം റബര്‍ കര്‍ഷകന്‍ കോട്ടയം ഗവണ്‍മെന്‍റ് മെഡിക്കല്‍ കോളജ് ഓള്‍ ഇന്ത്യ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസ് മാതൃകയില്‍ കേരള ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസായി ഉയര്‍ത്തണം. അവയവ മാറ്റ ശസ്ത്രക്രിയകള്‍, ഹൃദ്രോഗം, ഹൃദയ ശസ്ത്രക്രിയ, കാന്‍സര്‍ ചികിത്സ, ലാപറോസ്‌കോപിക് സര്‍ജറി, ഇന്‍റര്‍വെന്‍ഷണല്‍ റേഡിയോളജി എന്നീ വിഭാഗങ്ങളെ മികവിന്‍റെ കേന്ദ്രങ്ങളായി പ്രഖ്യാപിക്കണം. ഡോ. വര്‍ഗീസ് പി. പുന്നൂസ് പ്രിന്‍സിപ്പല്‍ മെഡിക്കല്‍ കോളജ് കോട്ടയം വഴിയോര വ്യാപാരത്തിന്‍റെ നിര്‍വചനം ക്രമപ്പെടുത്തി നല്‍കണം. വഴിയോര കച്ചവടക്കാരെ വിലക്കാനല്ല, അവര്‍ക്ക് നിയമപരമായ ചട്ടക്കൂടില്‍ നിന്നു പ്രവര്‍ത്തിക്കാനുള്ള നടപടികളുണ്ടാകണം. എം.കെ. തോമസുകുട്ടി ജില്ലാ പ്രസിഡന്‍റ് വ്യാപാരി വ്യവസായി ഏകോപനസമിതി സ്വകാര്യസര്‍വകലാശാലകളായി നിലവിലുള്ള കോളജുകളെയും ട്രസ്റ്റുകളെയും പരിഗണിക്കില്ലെന്ന വ്യവസ്ഥ ആശങ്ക ഉയര്‍ത്തുന്നതാണ്. ഇതിനു പരിഹാരം വേണം ഫാ. ജയിംസ് ജോണ്‍ മംഗലത്ത് സെന്‍റ് ജോസഫ്‌സ് കോളജ് ഓഫ് എന്‍ജിനിയറിംഗ് ആന്‍ഡ് ടെക്‌നോളജി ചൂണ്ടച്ചേരി, പാലാ

പ്രാര്‍ഥനയും പഠനവും സംവാദങ്ങളുമായി ഫിയാത്ത് മിഷന്‍ രാജ്യാന്തര മിഷന്‍ കോണ്‍ഗ്രസ്

ചങ്ങനാശേരി: ഫിയാത്ത് മിഷന്‍ തിരുഹൃദയ പള്ളി, ക്രിസ്ത്യുജ്യോതി കാമ്പസ്, മീഡിയ വില്ലേജ്, കാര്‍മല്‍ മൗണ്ട് ധ്യാനകേന്ദ്രം എന്നിവിടങ്ങളില്‍ സംഘടിപ്പിക്കുന്ന ഗ്രേറ്റ് ഗാതറിംഗ് ഓഫ് മിഷന്‍ (ജിജിഎം) രാജ്യാന്തര മിഷന്‍ കോണ്‍ഗ്രസിന്‍റെ രണ്ടാം ദിവസം തിരുവനന്തപുരം ആര്‍ച്ച്ബിഷപ് റവ. ഡോ. തോമസ് നെറ്റോയുടെ മുഖ്യകാര്‍മികത്വത്തില്‍ ലത്തീന്‍ക്രമത്തില്‍ വിശുദ്ധകുര്‍ബാന അര്‍പ്പിച്ചു. പുനലൂര്‍ ബിഷപ് റവ. ഡോ. സെല്‍വിസ്റ്റര്‍ പൊന്നുമുത്തന്‍, ഇറ്റാനഗര്‍ ബിഷപ് റവ. ഡോ. ബെന്നി വര്‍ഗീസ്, ഇറ്റാനഗര്‍ ബിഷപ് എമരിറ്റസ് റവ.ഡോ. ജോണ്‍ തോമസ്, ഇംഫാല്‍ രൂപത വികാരി ജനറാള്‍ ഫാ. വര്‍ഗീസ് വേലിക്കകം എന്നിവര്‍ സഹകാര്‍മികരായിരുന്നു. തുടര്‍ന്ന് ഇംഗ്ലീഷിലും മലയാളത്തിലും ഹിന്ദിയിലുമായി മൂന്ന് മിഷന്‍ ധ്യാനങ്ങള്‍ വിവിധ സെന്‍ററുകളില്‍ ആരംഭിച്ചു. ക്രിസ്തുജ്യോതി ഓഡിറ്റോറിയത്തില്‍ നടന്ന സന്യസ്ത സംഗമത്തില്‍ ബിഷപ് ജോണ്‍ തോമസ്, അഡ്വ. ജസ്റ്റിന്‍ പള്ളിവാതുക്കല്‍ എന്നിവര്‍ പ്രസംഗിച്ചു. കാലഘട്ടത്തിന്‍റെ ശത്രുക്കളെ തിരിച്ചറിഞ്ഞ് പരിശുദ്ധാത്മ അഭിഷേകത്തോടെ ജീവിക്കാന്‍ ബിഷപ് ജോണ്‍ തോമസ് സന്യസ്തരെ ആഹ്വാനം ചെയ്തു. തിരുഹൃദയ പാരിഷ് ഹാളില്‍ നടന്ന പ്രോലൈഫ് സംഗമത്തില്‍ ബിഷപ് ഡോ. ബെന്നി വര്‍ഗീസ് അനുഗ്രഹ പ്രഭാഷണം നടത്തി. മിഷന്‍പ്രവര്‍ത്തകരുടെ സംഗമം ചങ്ങനാശേരി അതിരൂപതയില്‍നിന്ന് മിഷന്‍ പ്രവര്‍ത്തനത്തിനായി പോയ മിഷണറിമാര്‍ക്കു വേണ്ടി നടത്തപ്പെട്ട മിഷന്‍ സംഗമത്തിൽ ബിഷപ് ഡോ. ബെന്നി വര്‍ഗീസ് അധ്യക്ഷത വഹിച്ചു. വൈകുന്നേരം തൃക്കൊടിത്താനം സെന്‍റ് സേവ്യേഴ്‌സ് ഫൊറോന ദേവാലയത്തില്‍ സംഘടിപ്പിച്ച മിഷന്‍ ഔട്ട് റീച്ച് പരിപാടിയില്‍ ബിഷപ് ഡോ.ജോണ്‍ തോമസ്, ബിഷപ് ഡോ. ചാക്കോ തോട്ടുമാരിക്കല്‍, ബിഷപ് തോമസ് മാര്‍ അന്തോണിയോസ് എന്നിവര്‍ ദിവ്യബലിയര്‍പ്പിക്കുകയും മിഷന്‍ അനുഭവങ്ങള്‍ പങ്കുവയ്ക്കുകയും ചെയ്തു. ദ ഫെയ്‌സ് ഓഫ് ദ ഫേസ്‌ലെസ് പ്രദര്‍ശിപ്പിച്ചു ഇന്‍റര്‍നാഷണല്‍ ഫിലിം ഫെസ്റ്റിവല്‍ ഓഫ് മിഷനില്‍ ഇന്ന് സിസ്റ്റര്‍ റാണി മരിയയുടെ ജീവിതം പറയുന്ന ദ ഫെയ്‌സ് ഓഫ് ദ ഫേസ്‌ലെസ് ചലച്ചിത്രം പ്രദര്‍ശിപ്പിച്ചു. തുടര്‍ന്ന് നടന്ന ഓപ്പണ്‍ ഫോറത്തില്‍ പ്രശസ്ത നിര്‍മാതാവായ ഡേവിസ് കൊച്ചാപ്പു ചര്‍ച്ച നയിച്ചു. മനുഷ്യനന്മയെക്കുറിച്ചു സംസാരിക്കുന്ന സിനിമകളെല്ലാം ക്രിസ്തീയ മൂല്യങ്ങളുള്‍ക്കൊള്ളുന്നവയാകയാല്‍ ഇത്തരം ചലച്ചിത്രമേളകള്‍ക്ക് വലിയ പ്രാധാന്യമുണ്ടെന്ന് ഓര്‍ഗനൈസര്‍ റെജു പുലിക്കോടന്‍ പറഞ്ഞു.

ഡോ. മേരി കളപ്പുരയ്ക്കലിന് ഇന്നു നവതി

കോട്ടയം: കാരിത്താസ് സെക്കുലര്‍ ഇന്‍സ്റ്റിറ്റ്യൂട്ടിലെ പ്രഥമ അംഗവും പയ്യാവൂര്‍ മേഴ്സി ഹോസ്പിറ്റല്‍ സ്ഥാപകയുമായ സിസ്റ്റര്‍ ഡോ. മേരി കളപ്പുരയ്ക്കലിന് ഇന്ന് നവതി. മലബാറില്‍ സാന്ത്വനചികിത്സയുടെ തുടക്കക്കാരിയാണ്. 57 വര്‍ഷ സേവനത്തിനുശേഷം 86-ാം വയസില്‍ 2021ലാണ് കാരിത്താസ് ആശുപത്രിയില്‍നിന്ന് വിരമിച്ചത്. കോട്ടയം കൂടല്ലൂര്‍ കളപ്പുരയ്ക്കല്‍ ജോസഫിന്‍റെയും കൊച്ചന്നായുടെയും ഏഴു മക്കളില്‍ മൂത്ത മകളാണ്. ജര്‍മനിയില്‍ മെഡിക്കല്‍ പഠനം നടത്തി തിരികെയെത്തിയ സിസ്റ്റര്‍ മേരിയെ കോട്ടയം രൂപത മുൻ അധ്യക്ഷൻ മാര്‍ തോമസ് തറയില്‍ കാരിത്താസില്‍ പ്രഥമ ചീഫ് അഡ്മിനിസ്ട്രേറ്റീവ് ഓഫീസറായി നിയമിക്കുകയായിരുന്നു. പേരൂര്‍ സൗഭാഗ്യയില്‍ ഇന്ന് നാലിന് നവതിയാഘോഷം കാരിത്താസ് സെക്കുലര്‍ ഇന്‍സ്റ്റിറ്റ്യൂട്ട് അംഗങ്ങളും കുടുംബാംഗങ്ങളും അഭ്യുദയകാംക്ഷികളും ചേര്‍ന്ന് നടത്തും. ആര്‍ച്ച്ബിഷപ് മാര്‍ മാത്യു മൂലക്കാട്ട്, കാരിത്താസ് സെക്കുലര്‍ ഇന്‍സ്റ്റിറ്റ്യൂട്ട് ഡയറക്‌ട്രസ് ജനറല്‍ സിസ്റ്റര്‍ ലിസി ജോണ്‍, ഡോ. ജോജോ വി. ജോസഫ്, വിനായക് നിര്‍മല്‍ തുടങ്ങിയവര്‍ പങ്കെടുക്കും. സിസ്റ്റര്‍ ഡോ. മേരി രചിച്ച സാമീപ്യം സാന്ത്വനം എന്ന കൃതിയുടെ പ്രകാശനവും നടക്കും.

ഐക്യ ക്രിസ്തീയ കൂട്ടായ്മയുടെ നേതൃത്വത്തില്‍ നാളെ ലഹരിവിരുദ്ധ റാലി

കോട്ടയം: ഐക്യക്രിസ്തീയ കൂട്ടായ്മയുടെ നേതൃത്വത്തില്‍ നാളെ കോട്ടയം മുതല്‍ മുണ്ടക്കയം വരെ ലഹരിവിരുദ്ധ റാലി സംഘടിപ്പിക്കും. രാവിലെ 8.30നു കോട്ടയം ഗാന്ധി സ്‌ക്വയറില്‍ മന്ത്രി വി.എന്‍. വാസവന്‍ ഉദ്ഘാടനം ചെയ്യും. വൈകുന്നേരം 5.30നു മുണ്ടക്കയം പ്രൈവറ്റ് ബസ് സ്റ്റാന്‍ഡില്‍ വാഹന പ്രചാരണ റാലി സമാപിക്കും. കോട്ടയം മുതല്‍ മുണ്ടക്കയം വരെ തെരഞ്ഞെടുത്ത 15 സ്ഥലങ്ങളില്‍ ബോധവത്കരണ ക്ലാസുകളും കോളജുകളിലെയും സ്‌കൂളുകളിലെയും കുട്ടികള്‍ അവതരിപ്പിക്കുന്ന ലഹരി വിരുദ്ധ കലാപരിപാടികളും നടത്തും. കുട്ടികള്‍ കൗമാരത്തിലേക്കു കടക്കുന്നതിന് മുമ്പ് അഞ്ച്, ആറ്, ഏഴ് ക്ലാസുകള്‍ കേന്ദ്രീകരിച്ചു ലഹരി വിരുദ്ധ ക്ലാസുകള്‍ നടത്തിയാല്‍ ഫലവത്തായിത്തീരുമെന്ന് ഐക്യക്രിസ്തീയ കൂട്ടായ്മ ഭാരവാഹികള്‍ പറഞ്ഞു. മാതാപിതാക്കള്‍ക്കും സണ്‍ഡേസ്‌കൂള്‍ ഉള്‍പ്പെടെയുള്ള അധ്യാപകര്‍ക്കും ബോധവത്കരണവും പരിശീലനവും ആവശ്യമാണ്. ലഹരി വ്യാപനം കൂടുതലായി കാണപ്പെടുന്ന ചില സ്ഥലങ്ങള്‍ കേന്ദ്രീകരിച്ച് ബോധവത്കരണവും പുനരധിവാസ പദ്ധതികളും നടത്തണം. ലഹരിയുടെ പിടിയില്‍നിന്ന് രക്ഷപ്പെടാന്‍ ചികിത്സ വേണ്ടവരെ തിരിച്ചറിഞ്ഞ് സാമ്പത്തിക ബുദ്ധിമുട്ടുള്ളവര്‍ക്ക് സൗജന്യമായും ചികിത്സ നല്‍കണം. ലഹരിയുമായി ബന്ധപ്പെട്ട് ശിക്ഷിക്കപ്പെടുന്നവർക്കും അവരുടെ കുടുംബങ്ങള്‍ക്കും പ്രത്യേക കരുതല്‍ കൊടുക്കണം. സര്‍ക്കാര്‍ വകുപ്പുകളും എന്‍ജിഒകളും ചേര്‍ന്നുള്ള കര്‍മപരിപാടികള്‍ ശക്തിപ്പെടണമെന്നും ഐക്യക്രിസ്തീയ കൂട്ടായ്മ ഭാരവാഹികള്‍ പറഞ്ഞു. പത്രസമ്മേളനത്തില്‍ ആന്‍റി ഡ്രഗ് മൂവ്‌മെന്‍റ് ജനറല്‍ കണ്‍വീനര്‍ ഡോ. ബെഞ്ചമിന്‍ ജോര്‍ജ്, ഫാ. കുര്യന്‍ മാത്യു വടക്കേപ്പറമ്പില്‍, സജീവ് ഫിലിപ്പ്, പ്രതീഷ് കെ. ബേബി എന്നിവര്‍ പങ്കെടുത്തു.

എന്‍റെ കേരളം പ്രദര്‍ശന വിപണനമേള ഇന്നു സമാപിക്കും

കോട്ടയം: സംസ്ഥാന സര്‍ക്കാരിന്‍റെ നാലാം വാര്‍ഷികത്തോടനുബന്ധിച്ച് നടക്കുന്ന എന്‍റെ കേരളം പ്രദര്‍ശന വിപണനമേള ഇന്ന് സമാപിക്കും. സര്‍ക്കാരിന്‍റെ കഴിഞ്ഞ ഒമ്പതുവര്‍ഷത്തെ വികസനക്ഷേമ പ്രവര്‍ത്തനങ്ങള്‍ ജനങ്ങളെ നേരിട്ട് അറിയിക്കുന്നതിനായാണ് മേള ഒരുക്കിയത്. മേളയുടെ സമാപനസമ്മേളനം ഇന്ന് ഉച്ചകഴിഞ്ഞ് രണ്ടിന് നടക്കും. തുടര്‍ന്ന് പ്രണവം ശശിയും സംഘവും അവതരിപ്പിക്കുന്ന നാടന്‍ പാട്ടും ദൃശ്യാവിഷ്‌കാരവും, രാത്രി 7.30 ന് സൂരജ് സന്തോഷ് ലൈവ് ബാന്‍ഡ് അവതരിപ്പിക്കുന്ന ലൈവ് മ്യൂസിക് ഷോ എന്നിവ നടക്കും. രാത്രി 9.30 വരെയാണ് പ്രദര്‍ശനം. മേളയില്‍ ഇന്ന് രാവിലെ 10.30 ന് വനിതാ ശിശുവികസന വകുപ്പിന്‍റെ നേതൃത്വത്തില്‍ അങ്കണവാടി ജീവനക്കാരുടെ സംഗമം. ഉച്ചകഴിഞ്ഞ് 1.30 ന് തദ്ദേശസ്വയംഭരണ വകുപ്പിന്‍റെ നേതൃത്വത്തില്‍ ലൈഫ് ഗുണഭോക്താക്കളുടെ സംഗമം. വൈകുന്നേരം അഞ്ചിന് പ്രണവം ശശിയും സംഘവും അവതരിപ്പിക്കുന്ന നാടന്‍ പാട്ടും ദൃശ്യാവിഷ്‌കാരവും. രാത്രി 7.30 ന് സൂരജ് സന്തോഷ് ലൈവ് ബാന്‍ഡ് അവതരിപ്പിക്കുന്ന ലൈവ് മ്യൂസിക് ഷോ.

ദീപിക ബാലസഖ്യം ദ്വിദിന ജീവിതദർശന- നേതൃത്വ പരിശീലന ക്യാന്പ് സമാപിച്ചു

കാഞ്ഞിരപ്പള്ളി: പൊടിമറ്റം നിർമല റിന്യൂവൽ സെന്‍ററിൽ ദീപിക ബാലസഖ്യം (ഡിസിഎൽ) കോട്ടയം പ്രവിശ്യ സംഘടിപ്പിച്ച പെറ്റ്സ് - 2025 ദ്വിദിന ജീവിത ദർശന - നേതൃത്വ പരിശീലന ക്യാന്പ് സമാപിച്ചു. കാഞ്ഞിരപ്പള്ളി രൂപത വികാരി ജനറാളും രാഷ്‌ട്രദീപിക ലിമിറ്റഡ് ഡയറക്ടറുമായ ഫാ. ബോബി അലക്സ് മണ്ണംപ്ലാക്കൽ സമാപന സമ്മേളനം ഉദ്ഘാടനം ചെയ്തു. ഡിസിഎൽ ചങ്ങനാശേരി മേഖല ഓർഗനൈസർ ജോഷി കൊല്ലാപുരം അധ്യക്ഷത വഹിച്ചു. ഡിസിഎൽ നാഷണൽ കോ ഓർഡിനേറ്റർ വർഗീസ് കൊച്ചുകുന്നേൽ ആമുഖ സന്ദേശം നൽകി. എക്സൈസ് സിഐ കെ.ബി. ബിനു സമ്മാന ദാനം നിർവഹിച്ചു. ക്യാന്പ് കൺവീനർ റോയി തോമസ്, ദീപിക ഏരിയാ മാനേജർ സിജു ജോർജ്, പ്രവിശ്യ ഭാരവാഹികൾ തുടങ്ങിയവർ പ്രസംഗിച്ചു. പാർവതി ഒമർ ക്ലാസ് നയിച്ചു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]