കാ​ഞ്ഞി​ര​പ്പ​ള്ളി: കി​ഴ​ക്ക​ന്‍ മ​ല​യോ​ര മേ​ഖ​ല​യി​ലെ പ്ര​ധാ​ന​പ്പെ​ട്ട ആ​ശു​പ​ത്രി, ജ​ന​റ​ല്‍ ആ​ശു​പ​ത്രി​യാ​യി സ്ഥാ​ന​ക്ക​യ​റ്റം, കാ​ത്ത് ലാ​ബ് ഉ​ള്‍​പ്പെ​ടെ അ​ത്യാ​ധു​നി​ക സൗ​ക​ര്യ​ങ്ങ​ള്‍, മി​നി മെ​ഡി​ക്ക​ല്‍ കോ​ള​ജ് എ​ന്നു​വ​രെ വി​ളി​പ്പേ​ര്... പ​ക്ഷേ, ആ​ശു​പ​ത്രി​യി​ല്‍ ആ​കെ​യു​ള്ള​ത് ഒ​രു ആം​ബു​ല​ന്‍​സ് മാ​ത്രം. ഇ​തി​ന്‍റെ പ്ര​യോ​ജ​നം ല​ഭി​ക്കു​ന്ന​താ​ക​ട്ടെ പ​ക​ല്‍ മാ​ത്രം. രാ​ത്രി അ​ത്യാ​വ​ശ്യം വ​ന്നാ​ല്‍ സ്വ​കാ​ര്യ ആം​ബു​ല​ന്‍​സ് സ​ര്‍​വീ​സു​ക​ളെ ആ​ശ്ര​യി​ക്കേ​ണ്ട ഗ​തി​കേ​ട്. കാ​ഞ്ഞി​ര​പ്പ​ള്ളി ജ​ന​റ​ല്‍ ആ​ശു​പ​ത്രി​യി​ലെ അ​വ​സ്ഥ​യാ​ണി​ത്.

ആ​കെ​യു​ണ്ടാ​യി​രു​ന്ന മൂ​ന്നു ആം​ബു​ല​ൻ​സു​ക​ളി​ൽ ഒ​രെ​ണ്ണം ഡി​എം​ഒ ഓ​ഫീ​സി​ലേ​ക്കു തി​രി​ച്ചു കൊ​ണ്ടു​പോ​യി. ഒ​രെ​ണ്ണം രോ​ഗി​യു​മാ​യി പോ​ക​വേ അ​പ​ക​ട​ത്തി​ൽ​പ്പെ​ട്ടു ത​ക​രാ​റി​ലാ​യി വ​ർ​ക്ക്ഷോ​പ്പി​ലാ​ണ്. ഡോ. ​എ​ൻ. ജയ​രാ​ജി​ന്‍റെ എം​എ​ൽ​എ ഫ​ണ്ടി​ൽനി​ന്ന് അ​നു​വ​ദി​ച്ച ആം​ബു​ല​ൻ​സാ​ണ് അ​പ​ക​ട​ത്തി​ൽ​പ്പെ​ട്ടു ത​ക​രാ​റി​ലാ​യ​ത്.

നി​ല​വി​ൽ സ​ർ​വീ​സ് ന​ട​ത്തു​ന്ന ആം​ബു​ല​ൻ​സ് എം​പി ഫ​ണ്ടി​ൽ​നി​ന്ന് ആ​ന്‍റോ ആ​ന്‍റ​ണി അ​നു​വ​ദി​ച്ച​താ​ണ്. എം​പി ആം​ബു​ല​ൻ​സ് അ​നു​വ​ദി​ച്ച​പ്പോ​ൾ പ​ഴ​യ ഒ​രു ആം​ബു​ല​ൻ​സ് ഡി​എം​ഒ ഓ​ഫീ​സി​ലേ​ക്കു തി​രി​ച്ചു കൊ​ണ്ടു​പോ​യി. ജീ​പ്പ് ആം​ബു​ല​ൻ​സ് പാ​ലി​യേ​റ്റീ​വ് പ്ര​വ​ർ​ത്ത​ന​ങ്ങ​ൾ​ക്കാ​യാ​ണ് ഓ​ടു​ന്ന​ത്. രോ​ഗി​ക​ളെ കൊ​ണ്ടു​പോ​കാ​നു​ള്ള ഏ​ക ആം​ബു​ല​ൻ​സ് ഒ​രാ​ളെ​യു​മാ​യി 50 കി​ലോ​മീ​റ്റ​ർ അ​ക​ലെ​യു​ള്ള കോ​ട്ട​യം മെ​ഡി​ക്ക​ൽ കോ​ള​ജി​ലേ​ക്കു പോ​യാ​ൽ പി​ന്നീ​ട് ഇ​തു തി​രി​ച്ചു​വ​രു​ന്ന​തു​വ​രെ ആ​ശു​പ​ത്രി​യി​ൽ ആം​ബു​ല​ൻ​സി​ല്ല.

ഈ ​സ​മ​യ​ത്ത് ആ​വ​ശ്യം വ​ന്നാ​ൽ 108 ആം​ബു​ല​ൻ​സു​ക​ളെ​യോ സ്വ​കാ​ര്യ ആം​ബു​ല​ൻ​സു​ക​ളെയോ ആ​ശ്ര​യി​ക്കു​ക മാ​ത്ര​മാ​ണ് മാ​ർ​ഗം. കി​ഴ​ക്ക​ൻ മ​ല​യോ​ര മേ​ഖ​ല​യി​ലും ശ​ബ​രി​മ​ല തീ​ർ​ഥാ​ട​ന പാ​ത​ക​ളി​ലും അ​പ​ക​ട​ങ്ങ​ളോ അ​ത്യാ​ഹി​ത​ങ്ങ​ളോ ഉ​ണ്ടാ​യാ​ൽ ആ​ദ്യം എ​ത്തി​ക്കു​ന്ന​ത് കാ​ഞ്ഞി​ര​പ്പ​ള്ളി ജ​ന​റ​ൽ ആ​ശു​പ​ത്രി​യി​ലാ​ണ്. ഇ​വി​ടെ​നി​ന്നു രോ​ഗി​ക​ളെ റ​ഫ​ർ ചെ​യ്യേ​ണ്ടി വ​രു​ന്പോ​ൾ ആം​ബു​ല​ൻ​സു​ക​ൾ ഇ​ല്ലാ​തെ വ​രു​ന്ന​തു രോ​ഗി​ക​ളു​ടെ ജീ​വ​നു ത​ന്നെ ഭീ​ഷ​ണി​യാ​ണ്.

ഡ്രൈ​വ​ർ​മാ​രു​ടെ കു​റ​വാ​ണ് രാ​ത്രി ആം​ബു​ല​ൻ​സ് സ​ർ​വീ​സ് നി​ല​യ്ക്കാ​ൻ കാ​ര​ണ​മെ​ന്നു അ​ധി​കൃ​ത​ർ പ​റ​യു​ന്നു. എ​ന്നാ​ൽ, ര​ണ്ട് ആം​ബു​ല​ൻ​സു​ക​ളും മൂ​ന്നു ഡ്രൈ​വ​ർ​മാ​രും ആ​ശു​പ​ത്രി​യി​ലു​ണ്ട്. സ്ഥി​ര നി​യ​മ​ന​ത്തി​ലു​ള്ള ഡ്രൈ​വ​ർ​ക്കു പാ​ലി​യേ​റ്റീ​വ് ആം​ബു​ല​ൻ​സി​ലാ​ണ് ഡ്യൂ​ട്ടി. ആ​ശു​പ​ത്രി മാ​നേ​ജ്മെ​ന്‍റ് സ​മി​തി നി​യ​മി​ച്ച ര​ണ്ടു താ​ത്കാ​ലി​ക ഡ്രൈ​വ​ർ​മാ​രാ​ണു​ള്ള​ത്.

മൂ​ന്നു ഷി​ഫ്റ്റു​ക​ളി​ൽ ജോ​ലി ചെ​യ്യാ​ൻ ഇ​വ​ർ മ​ടി​ക്കു​ന്ന​താ​ണ് രാ​ത്രി സ​ർ​വീ​സ് മു​ട​ങ്ങാ​ൻ കാ​ര​ണ​മെ​ന്നും പ​റ​യു​ന്നു. ആ​രോ​ഗ്യ വ​കു​പ്പി​ന്‍റെ മ​റ്റു സ്ഥാ​പ​ന​ങ്ങ​ളി​ൽ അ​ധി​ക​മു​ള്ള ഡ്രൈ​വ​ർ​മാ​രെ ഇ​വി​ടേ​ക്കു നി​യ​മി​ച്ച് കൂ​ടു​ത​ൽ ആം​ബു​ല​ൻ​സു​കൾ അ​നു​വ​ദി​ക്ക​ണ​മെ​ന്ന ആ​വ​ശ്യം ശ​ക്ത​മാ​യി​രി​ക്കു​ക​യാ​ണ്.