അനുഗ്രഹ സ്പെഷല് സ്കൂളുകളിൽ ഡിജിറ്റല് എഡ്യൂക്കേഷന് പദ്ധതിക്കു തുടക്കം
1588158
Sunday, August 31, 2025 7:07 AM IST
ഏറ്റുമാനൂര്: അതിരമ്പുഴ അനുഗ്രഹ സ്പെഷല് സ്കൂളില് എറണാകുളം-അങ്കമാലി അതിരൂപതാ സാമൂഹ്യ പ്രവര്ത്തന വിഭാഗമായ സഹൃദയുമായി ചേര്ന്നു സ്പെഷല് സ്കൂളുകളിലെ ഡിജിറ്റല് എഡ്യൂക്കേഷന് പരിപാടിയുടെ ജില്ലാതല ഉദ്ഘാടനം നടത്തി. സിഎംസി ചങ്ങനാശേരി പ്രൊവിന്സ് വികാര് പ്രൊവിന്ഷല് സിസ്്റ്റര് മേരി ജെയ്സലി അധ്യക്ഷത വഹിച്ചു.
സംസ്ഥാന ഡിസബിലിറ്റി കമ്മീഷണര് ഡോ. പി.ടി. ബാബുരാജ് സ്മാര്ട്ട് ക്ലാസ്റൂമിന്റെ ഉദ്ഘാടനം നിര്വഹിച്ചു. ഇന്ക്ലൂസിസ് ചീഫ് എക്സിക്യൂട്ടീവ് ഓഫീസര് ഫാ. ജോസഫ് കൊളുത്തുവെള്ളില് ഇൻക്ലൂസിസ് ഐടി സ്കില്ലിംഗ് പ്രോജക്ട് ഉദ്ഘാടനം ചെയ്തു. അതിരമ്പുഴ പഞ്ചായത്ത് പ്രസിഡന്റ് ജോസ് അമ്പലക്കുളം ഓണാഘോഷ പരിപാടികളുടെ ഉദ്ഘാടനം ചെയ്തു.
അനുഗ്രഹ സ്പെഷല് സ്കൂള് പ്രിന്സിപ്പല് സിസ്റ്റര് പ്രശാന്തി, പ്രൊവിന്ഷല് കൗണ്സിലര് സിസ്റ്റര് ആനി തോമസ്, പഞ്ചായത്തംഗം സിനി ജോര്ജ്, എക്സപ്ഷണല് ലേണിംഗ് ട്രെയിനിംഗ് മാനേജര് ജിന്സണ് ഏലിയാസ്, ഇന്ക്ലൂസിസ് മാനവ ശേഷി മാനേജര് സെലിന് പോള്, ബൗദ്ധിക വെല്ലുവിളി നേരിടുന്ന കുട്ടികളുടെ രക്ഷാകര്തൃ സംഘടന ജില്ലാ പ്രസിഡന്റ് മുരളി വെങ്ങാത്ത്, ഫാ. ജെറിന് കാവനാട്ട്, ടി.ഡി.മാത്യു, മേഴ്സി മാണി എന്നിവര് പ്രസംഗിച്ചു.