നെ​ടു​ങ്ക​ണ്ടം: രാ​ഹു​ല്‍ ഗാ​ന്ധി തൊ​ടു​ത്തു​വി​ട്ട വോ​ട്ട് ക്ര​മ​ക്കേ​ട് ആരോപണങ്ങൾക്കു പി​ന്നാ​ലെ ഉ​ടു​മ്പ​ന്‍​ചോ​ല അ​സം​ബ്ലി നി​യോ​ജ​ക ​മ​ണ്ഡ​ല​ത്തി​ലും ഇ​ര​ട്ട​വോ​ട്ട് വി​വാ​ദം വീ​ണ്ടും ക​ത്തു​ന്നു. ഉ​ടു​മ്പ​ന്‍​ചോ​ല നി​യോ​ജ​ക​ മ​ണ്ഡ​ല​ത്തി​ലെ ത​മി​ഴ് മേ​ഖ​ല​ക​ളി​ലാ​ണ് ഇ​ര​ട്ട​വോ​ട്ട് വി​വാ​ദം വീ​ണ്ടും ത​ല​പൊ​ക്കു​ന്ന​ത്.

ക​ഴി​ഞ്ഞ മൂ​ന്ന് പ​തി​റ്റാ​ണ്ടാ​യി ഇ​ടു​ക്കി​യി​ലെ ത​മി​ഴ് മേ​ഖ​ല​ക​ളി​ല്‍, പ്ര​ത്യേ​കി​ച്ച് ഉ​ടു​മ്പ​ന്‍​ചോ​ല നി​യോ​ജ​ക​ മ​ണ്ഡ​ല​ത്തി​ല്‍ ഉ​യ​ര്‍​ന്നു കേ​ള്‍​ക്കു​ന്ന ഇ​ര​ട്ട​വോ​ട്ട് വി​വാ​ദം ഓ​രോ തെ​ര​ഞ്ഞെ​ടു​പ്പു​ക​ളി​ലും വ​ര്‍​ധി​ച്ചു​വ​രി​ക​യാ​ണ്. ത​ട​വു​ശി​ക്ഷ​വ​രെ ല​ഭി​ക്കാ​വു​ന്ന ഗു​രു​ത​ര​മാ​യ കു​റ്റ​മാ​ണ് ഇ​ര​ട്ട സ​മ്മ​തി​ദാ​നാ​വ​കാ​ശ​മെ​ങ്കി​ലും ഇ​തി​ന് അ​റു​തിവ​രു​ത്താ​ന്‍ തെ​ര​ഞ്ഞെ​ടു​പ്പ് ക​മ്മീ​ഷ​ന് ക​ഴി​ഞ്ഞി​ട്ടി​ല്ല.

ത്രി​ത​ല പ​ഞ്ചാ​യ​ത്ത്, നി​യ​മ​സ​ഭ, പാ​ര്‍​ല​മെന്‍റ് തെ​ര​ഞ്ഞെ​ടു​പ്പു​വേ​ള​ക​ളി​ലെ​ല്ലാം ഇ​ടു​ക്കി​യി​ല്‍ ഇ​ര​ട്ട​വോ​ട്ടു​ക​ള്‍ ഉ​ണ്ടെ​ന്ന ആ​രോ​പ​ണ​വു​മാ​യി കോ​ണ്‍​ഗ്ര​സ് എ​ത്താ​റു​ണ്ട്. 2009ലെ ​പാ​ര്‍​ല​മെ​ന്‍റ് തെ​ര​ഞ്ഞെ​ടു​പ്പി​ല്‍ കേ​ര​ള​ത്തി​നു​പു​റ​മേ ത​മി​ഴ്നാ​ട്ടി​ലെ തേ​നി മ​ണ്ഡ​ല​ത്തി​ലും വോ​ട്ട​വ​കാ​ശ​മു​ണ്ടെ​ന്ന പ​രാ​തി​യി​ല്‍ അ​ന്വേ​ഷ​ണ​ത്തി​നെ​ത്തി​യ ഡെ​പ്യൂ​ട്ടി ക​ള​ക്ട​റു​ടെ നേ​തൃ​ത്വ​ത്തി​ലു​ള്ള ഏ​ഴം​ഗ ഉ​ദ്യോ​ഗ​സ്ഥ സം​ഘ​ത്തെ പാ​റ​ത്തോ​ട്ടി​ല്‍ ത​ട​ഞ്ഞു​വച്ച സം​ഭ​വ​വും ഉ​ണ്ടാ​യി.

ക​ഴി​ഞ്ഞ നി​യ​മ​സ​ഭാ തെ​ര​ഞ്ഞെ​ടു​പ്പി​ല്‍ കോ​ണ്‍​ഗ്ര​സ് ഉ​ള്‍​പ്പെടെ​യു​ള്ള പൊ​തുപ്ര​വ​ര്‍​ത്ത​ക​രു​ടെ പ​രാ​തി​യെത്തു​ട​ര്‍​ന്ന് വി​ഷ​യ​ത്തി​ല്‍ ഹൈ​ക്കോ​ട​തി ഇ​ട​പെ​ടു​ക​യും ഇ​ര​ട്ട വോ​ട്ട​ര്‍​മാ​രെ കു​റി​ച്ച് വി​വ​ര​ങ്ങ​ള്‍ ശേ​ഖ​രി​ക്കാ​ന്‍ ആ​വ​ശ്യ​പ്പെ​ടു​ക​യും ചെ​യ്തി​രു​ന്നു.

ഇ​ത​നു​സ​രി​ച്ച് ന​ട​ത്തി​യ പ​രി​ശോ​ധ​ന​യി​ല്‍ 40 പേ​ര്‍ അ​ന​ധി​കൃ​ത​മാ​യി വോ​ട്ടേ​ഴ്സ് ലി​സ്റ്റി​ല്‍ ക​ട​ന്നുകൂ​ടി​യ​താ​യി ക​ണ്ടെ​ത്തി. ഉ​ടു​മ്പ​ന്‍​ചോ​ല നി​യോ​ജ​ക ​മ​ണ്ഡ​ല​ത്തി​ലെ തി​ങ്ക​ള്‍​ക്കാ​ട്ടി​ല്‍ ആ​ള്‍​പാ​ര്‍​പ്പി​ല്ലാ​ത്ത ല​യ​ത്തി​ന്‍റെ മേ​ല്‍​വി​ലാ​സ​ത്തി​ല്‍ 11 വോ​ട്ട​ര്‍​മാ​ര്‍ ഉ​ള്ള​താ​യും ക​ണ്ടെ​ത്തി​യി​രു​ന്നു.
ഉ​ടു​മ്പ​ന്‍​ചോ​ല, സേ​നാ​പ​തി, ശാ​ന്ത​ന്‍​പാ​റ പ​ഞ്ചാ​യ​ത്തു​ക​ളി​ലെ വി​വി​ധ വാ​ര്‍​ഡു​ക​ളി​ലാ​യി താ​മ​സി​ക്കു​ന്ന നി​ര​വ​ധി പേ​ര്‍​ക്ക് കേ​ര​ള​ത്തി​ലും ത​മി​ഴ്നാ​ട്ടി​ലും വോ​ട്ടു​ള്ള​താ​യാ​ണ് നി​ല​വി​ലെ ആ​ക്ഷ​പം. ഉ​ടു​മ്പ​ന്‍​ചോ​ല മ​ണ്ഡ​ല​ത്തി​ലെ ത​മി​ഴ് ഭൂ​രി​പ​ക്ഷ മേ​ഖ​ല​ക​ളാ​ണ് ഇ​വ. ഈ ​പ​ഞ്ചാ​യ​ത്തു​ക​ളി​ല്‍ സ്ഥി​ര​താ​മ​സ​ക്കാ​ര​ല്ലാ​ത്ത​തും ത​മി​ഴ്നാ​ട്ടി​ല്‍ വോ​ട്ടു​ള്ള​വ​രു​മാ​യ നൂ​റു​ക​ണ​ക്കി​ന് ആ​ളു​ക​ളെ വോ​ട്ടേ​ഴ്സ് ലി​സ്റ്റി​ല്‍ ചേ​ര്‍​ത്തി​രി​ക്കു​ന്ന​താ​യു​ള്ള ആ​രോ​പ​ണ​മാ​ണ് ഉ​യ​രു​ന്ന​ത്.

നി​ല​വി​ല്‍ പ്ര​വ​ര്‍​ത്ത​നര​ഹി​ത​മാ​യ ല​യ​ങ്ങ​ളു​ടെ മേ​ല്‍​വി​ലാ​സ​ത്തി​ല്‍ പോ​ലും നി​ര​വ​ധി പേ​രെ വോ​ട്ടേ​ഴ്സ് ലി​സ്റ്റി​ല്‍ ഉ​ള്‍​പ്പെ​ടു​ത്തി​യി​ട്ടു​ണ്ട്.

ഏ​ല​ത്തോ​ട്ടം മേ​ഖ​ല​യാ​യ ഇ​വി​ടെ ദി​വ​സ​വും ആ​യി​ര​ക്ക​ണ​ക്കി​ന് തൊ​ഴി​ലാ​ളി​ക​ള്‍ ത​മി​ഴ്നാ​ട്ടി​ല്‍ന​ിന്നു രാ​വി​ലെ ജോ​ലി​ക്കെത്തി വൈ​കു​ന്നേ​രം തി​രി​കെ മ​ട​ങ്ങാ​റു​ണ്ട്. ഇ​വ​ര്‍​ക്കെ​ല്ലാംത​ന്നെ ത​മി​ഴ്നാ​ട്ടി​ല്‍ സ്ഥ​ല​വും വോ​ട്ടും ഉ​ള്ള​വ​രാ​ണ്. ഇ​ത്ത​രം തൊ​ഴി​ലാ​ളി​ക​ള്‍ ഉ​ള്‍​പ്പെ​ടെ​യാ​ണ് അ​ന​ധി​കൃ​ത​മാ​യി വോ​ട്ടേ​ഴ്സ് ലി​സ്റ്റി​ല്‍ ക​ട​ന്നുകൂ​ടി​യി​രി​ക്കു​ന്ന​ത്.

തെ​ര​ഞ്ഞെ​ടു​പ്പ് കാ​ല​ത്ത് ഇ​ര​ട്ട​വോ​ട്ട് പ​രാ​തി​യു​മാ​യി രം​ഗ​ത്തെ​ത്തു​ന്ന​വ​ര്‍ തെ​ര​ഞ്ഞെ​ടു​പ്പ് ക​ഴി​യു​ന്ന​തോ​ടെ ഉ​ള്‍​വ​ലി​യു​ക​യാ​ണ് പ​തി​വ്. ഉ​ടു​മ്പ​ന്‍​ചോ​ല മ​ണ്ഡ​ല​ത്തി​ല്‍ 10,000ല​ധി​കം ഇ​ര​ട്ട വോ​ട്ടു​ക​ളു​ള്ള​താ​യാ​ണ് കോ​ണ്‍​ഗ്ര​സ് ആ​രോ​പി​ക്കു​ന്ന​ത്. പു​തു​താ​യി വോ​ട്ട​ര്‍​പ​ട്ടി​ക​യി​ല്‍ പേ​രു ചേ​ര്‍​ക്കു​ന്ന​തി​ലും വ്യാ​പ​ക ക്ര​മ​ക്കേ​ടു​ള്ള​താ​യി ഇ​വ​ര്‍ പ​റ​യു​ന്നു.

സ​ർ​ക്കാ​ർ മാ​തൃ​ക​യാ​ക​ണം: എ​സ്. ​അ​ശോ​ക​ൻ

തൊ​ടു​പു​ഴ: വോ​ട്ട​ർ പ​ട്ടി​ക​യി​ലെ ക്ര​മ​ക്കേ​ടു​ക​ൾ ഒ​ഴി​വാ​ക്കി ശു​ദ്ധീ​ക​രി​ക്ക​ണ​മെ​ന്നാ​വ​ശ്യ​പ്പെ​ട്ട് രാ​ഹു​ൽ​ഗാ​ന്ധി​യു​ടെ നേ​തൃ​ത്വ​ത്തി​ൽ ഇ​ന്ത്യാ സ​ഖ്യ​ത്തി​ലെ എം​പി​മാ​ർ തെ​ര​ഞ്ഞെ​ടു​പ്പ് ക​മ്മീ​ഷ​ൻ ആ​സ്ഥാ​ന​ത്തേ​ക്ക് ന​ട​ത്തി​യ മാ​ർ​ച്ചി​ൽ സി​പി​എം എം​പി​മാ​രും പ​ങ്കെ​ടു​ത്ത​ത് സ്വാ​ഗ​താ​ർ​ഹ​മാ​ണെ​ന്ന് കെ​പി​സി​സി ജ​ന​റ​ൽ സെ​ക്ര​ട്ട​റി അ​ഡ്വ.​ എ​സ്.​ അ​ശോ​ക​ൻ പ​റ​ഞ്ഞു. ഇ​ര​ട്ട​വോ​ട്ട് വി​ഷ​യ​ത്തി​ൽ സിപിഎ​മ്മി​ന് പ്ര​തി​ബ​ദ്ധ​ത​യും ആ​ത്മാ​ർ​ഥ​ത​യും ഉ​ണ്ടെ​ങ്കി​ൽ സം​സ്ഥാ​ന​ത്തെ വോ​ട്ട​ർ പ​ട്ടി​ക​ക​ളി​ലെ ഇ​ര​ട്ട വോ​ട്ടു​ക​ൾ നീ​ക്കം ചെ​യ്ത് മാ​തൃ​ക കാ​ണി​ക്ക​ണം.

ഉ​ടു​ന്പ​ൻ​ചോ​ല, പീ​രു​മേ​ട്, ദേ​വി​കു​ളം നി​യോ​ജ​ക മ​ണ്ഡ​ല​ങ്ങ​ൾ ഇ​ട​തു മു​ന്ന​ണി പി​ടി​ച്ചെ​ടു​ത്ത​ത് ഇ​ര​ട്ട വോ​ട്ടു​ക​ളു​ടെ പി​ൻ​ബ​ല​ത്തി​ലാ​ണെ​ന്ന് എ​ല്ലാ​വ​ർ​ക്കു​മ​റി​യാം.

ഉ​ടു​ന്പ​ൻ​ചോ​ല​യി​ൽ മാ​ത്രം ത​മി​ഴ്നാ​ട്ടി​ലും കേ​ര​ള​ത്തി​ലും വോ​ട്ടു​ള്ള പ​തി​നാ​യി​ര​ത്തി​ൽ​പ്പ​രം വോ​ട്ട​ർ​മാ​രു​ണ്ടെ​ന്നാ​ണ് പ്രാ​ഥ​മി​ക വി​ല​യി​രു​ത്ത​ൽ.

ആ​ദ്യ പ​ടി​യാ​യി ഉ​ടു​ന്പ​ൻ​ചോ​ല​യി​ലെ ഇ​ര​ട്ട വോ​ട്ടു​ക​ൾ പൂ​ർ​ണ​മാ​യും ഒ​ഴി​വാ​ക്കി വോ​ട്ട​ർ പ​ട്ടി​ക ശു​ദ്ധീ​ക​രി​ച്ച് മ​റ്റ് സം​സ്ഥാ​ന​ങ്ങ​ൾ​ക്ക് മാ​തൃ​ക​യാ​കാ​ൻ സി​പി​എ​മ്മി​ന്‍റെ നേ​തൃ​ത്തി​ലു​ള്ള സം​സ്ഥാ​ന സ​ർ​ക്കാ​ർ ത​യാ​റാ​ക​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു.

പ​രാ​തി ന​ല്‍​കു​മെ​ന്ന് കോ​ണ്‍​ഗ്ര​സ്

നെ​ടു​ങ്ക​ണ്ടം: ഉ​ടു​മ്പ​ന്‍​ചോ​ല പ​ഞ്ചാ​യ​ത്തി​ല്‍ വി​വി​ധ വാ​ര്‍​ഡു​ക​ളി​ലാ​യി നൂ​റു​ക​ണ​ക്കി​ന് ആ​ളു​ക​ളെ അ​ന​ധി​കൃ​ത​മാ​യി വോ​ട്ട​ര്‍ പ​ട്ടി​ക​യി​ല്‍ ഉ​ള്‍​പ്പെ​ടു​ത്തി​യ​താ​യി കോ​ണ്‍​ഗ്ര​സ് മ​ണ്ഡ​ലം ക​മ്മി​റ്റി ആ​രോ​പി​ച്ചു. യാ​തൊ​രു മാ​ന​ദ​ണ്ഡ​വും പാ​ലി​ക്കാ​തെ യുള്ള ഇ​ല​ക്‌ഷ​ന്‍ ക​മ്മീ​ഷ​ന്‍ പ​റ​ഞ്ഞി​രി​ക്കു​ന്ന രേ​ഖ​ക​ളി​ല്ലാ​തെയും ഭ​ര​ണ​സ്വാ​ധീ​നം ഉ​പ​യോി​ച്ചാ​ണ് ഇ​ത്ത​ര​ത്തി​ല്‍ പേ​ര് ചേ​ര്‍​ക്കു​ന്ന​ത്.

2005ല്‍ ​ജ​ന​സം​ഖ്യ​യേ​ക്കാ​ള്‍ കൂ​ടു​ത​ല്‍ വോ​ട്ടർമാ​രെ വോ​ട്ട​ര്‍ പ​ട്ടി​ക​യി​ല്‍ ഉ​ള്‍​പ്പെ​ടു​ത്തി​യ പ​ഞ്ചാ​യ​ത്താ​ണ് ഉ​ടു​മ്പ​ന്‍​ചോ​ല. അ​ന​ധി​കൃ​ത​മാ​യി ഉ​ള്‍​പ്പെ​ടു​ത്തി​യ വോ​ട്ട​ര്‍​മാ​രെ ഒ​ഴി​വാ​ക്ക​ണ​മെ​ന്ന് ആ​വ​ശ്യ​പ്പെ​ട്ട് ഇ​ല​ക്‌ഷ‌‌​ന്‍ ക​മ്മീ​ഷ​നും ജി​ല്ലാ ക​ള​ക്ട​ര്‍​ക്കും പ​രാ​തി ന​ല്‍​കാ​ന്‍ മ​ണ്ഡ​ലം ക​മ്മി​റ്റി തീ​രു​മാ​നി​ച്ച​താ​യി യു​ഡി​എ​ഫ് ക​ണ്‍​വീ​ന​ര്‍ ബെ​ന്നി തു​ണ്ട​ത്തി​ല്‍, മ​ണ്ഡ​ലം പ്ര​സി​ഡ​ന്‍റ്് ബി​ജു ഇ​ടു​ക്കാ​ര്‍ എ​ന്നി​വ​ര്‍ അ​റി​യി​ച്ചു.