ചെ​റു​തോ​ണി: അ​ന്താ​രാ​ഷ‌്ട്ര കേ​ര​ള പ​ഠ​ന കോ​ൺ​ഗ്ര​സി​ന്‍റെ ഭാ​ഗ​മാ​യി കാ​ൽ​വ​രി​മൗ​ണ്ടി​ൽ ന​ട​ന്ന ന​വ ഇ​ടു​ക്കി പു​തു​വ​ഴി​ക​ൾ എ​ന്ന സെ​മി​നാ​റി​ൽ ക​ട്ട​പ്പ​ന-ക​മ്പം തു​ര​ങ്ക​പാ​ത​യു​ടെ സാ​ധ്യ​ത പ​ഠ​നം ന​ട​ത്തു​ന്ന​തി​ന് തീ​രു​മാ​നി​ച്ചു. മു​ൻ ധ​ന​കാ​ര്യ മ​ന്ത്രി ഡോ. ​തോ​മ​സ് ഐ​സ​ക്കി​ന്‍റെ നേ​തൃ​ത്വ​ത്തി​ൽ ന​ട​ന്ന സെ​മി​നാ​റി​ലാ​ണ് നൂ​ത​നാ​ശ​യം ഉ​യ​ർ​ന്നു​വ​ന്ന​ത്.

ക​ട്ട​പ്പ​ന​യി​ൽനി​ന്നു ക​മ്പ​ത്തേ​ക്ക് ഭൂ​ഗ​ർ​ഭ​പാ​ത നി​ർ​മി​ച്ചാ​ൽ 12 കി​ലോ​മീ​റ്റ​ർ​കൊ​ണ്ട് ക​മ്പ​ത്ത് എ​ത്തി​ച്ചേ​രാ​ൻ ക​ഴി​യും. ഇ​പ്പോ​ൾ ഉ​ള്ള​ത് 40 കി​ലോ​മീ​റ്റ​ർ ആ​ണ്. വ​യ​നാ​ട്ടി​ൽ ഇ​പ്പോ​ൾ നി​ർ​മി​ക്കു​ന്ന തു​ര​ങ്ക​പാ​ത​യു​ടെ മാ​തൃ​ക​യി​ൽ ക​ട്ട​പ്പ​ന- ക​മ്പം തു​ര​ങ്ക​പാ​ത നി​ർ​മി​ക്കാ​നാ​യാ​ൽ ഹൈ​റേ​ഞ്ചി​ന്‍റെ വി​ക​സ​ന സാ​ധ്യ​ത​ക​ൾ​ക്ക് വ​ൻ കു​തി​പ്പാ​കും. ത​മി​ഴ്നാ​ട്ടി​ൽനി​ന്നെ​ത്തു​ന്ന വി​നോ​ദ​സ​ഞ്ചാ​രി​ക​ൾ​ക്കും ശ​ബ​രി​മ​ല തീ​ർ​ഥാ​ട​ക​ര്‍ ഉ​ൾ​പ്പെ​ടെ​യു​ള്ള​വ​ർ​ക്കും ക​ട്ട​പ്പ​ന​യി​ലേ​ക്ക് എ​ത്താ​ൻ ഏ​റെ സ​ഹാ​യ​ക​ര​മാ​യ ഒ​ന്നാ​ണ് തു​ര​ങ്ക​പാ​ത.

മൂ​ന്നാ​ർ, തേ​ക്ക​ടി, വാ​ഗ​മ​ൺ, ഇ​ടു​ക്കി ടൂ​റി​സം കേ​ന്ദ്ര​ങ്ങ​ളു​ടെ വ​ള​ർ​ച്ച​യ്ക്കും ഇ​ട​യാ​ക്കും. സ​മു​ദ്ര​നി​ര​പ്പി​ൽനി​ന്നു 490 മീ​റ്റ​ർ മാ​ത്രം ഉ​യ​ര​ത്തി​ലാ​ണ് ക​മ്പം ടൗ​ൺ സ്ഥി​തി ചെ​യ്യു​ന്ന​ത്.

ക​ട്ട​പ്പ​ന ന​ഗ​രം 870 മീ​റ്റ​ർ ഉ​യ​ര​ത്തി​ലു​മാ​ണ്. ക​മ്പ​വും ക​ട്ട​പ്പ​ന​യും ത​മ്മി​ലു​ള്ള ഉ​യ​ര വ്യ​ത്യാ​സം 270 മീ​റ്റ​ർ മാ​ത്ര​മാ​ണ്. 100 മീ​റ്റ​ർ പാ​ത നി​ർ​മി​ക്കു​മ്പോ​ൾ അ​ഞ്ചു മീ​റ്റ​ർ വ​രെ ചെ​രി​വ് ആ​കാം എ​ന്നാ​ണ് നി​ർ​മാ​ണ​ത്തി​ന്‍റെ അ​ന്ത​ർ​ദേ​ശീ​യ മാ​ന​ദ​ണ്ഡം. ക​മ്പം തു​ര​ങ്ക​പാ​ത നി​ർ​മി​ച്ചാ​ൽ 2.25 മീ​റ്റ​ർ ച​രി​വ് മാ​ത്ര​മേ ഉ​ണ്ടാ​വു​ക​യു​ള്ളൂ.

ഡി​ണ്ടി​ഗ​ൽ, തേ​നി, കു​മ​ളി നാ​ലു​വ​രി​പ്പാ​ത യാ​ഥാ​ർ​ഥ്യ​മാ​വു​ക​യാ​ണ്. ഈ ​പാ​ത​യി​ലേ​ക്ക് എ​ത്താ​നും തു​ര​ങ്ക പാ​ത​യി​ലൂ​ടെ 12 കി​ലോ​മീ​റ്റ​ർ മാ​ത്രം സ​ഞ്ച​രി​ച്ചാ​ൽ മ​തി​യാ​കും. തേ​നി​യി​ൽ വ​രെ എ​ത്തി​നി​ൽ​ക്കു​ന്ന റെ​യി​ൽ ഗ​താ​ഗ​തം ഗൂ​ഡ​ല്ലൂ​ർ വ​രെ നീ​ട്ടു​ന്ന​തി​ന് ത​മി​ഴ്നാ​ട് സ​ർ​ക്കാ​ർ കേ​ന്ദ്ര​വു​മാ​യി ധാ​ര​ണ​യി​ൽ എ​ത്തി​യി​ട്ടു​ണ്ട്. ഗൂ​ഡ​ല്ലൂ​രി​ൽനി​ന്നു ക​മ്പംവ​ഴി ക​ട്ട​പ്പ​ന​യി​ലേ​ക്ക് റെ​യി​ൽ ഗ​താ​ഗ​തം ആ​കു​മോ എ​ന്ന​തും സാ​ധ്യ​താ പ​ഠ​ന​ത്തി​ൽ ഉ​ൾ​പ്പെ​ടു​ത്തും.

ഊ​ട്ടി​യി​ലും കൊ​ടൈ​ക്ക​നാ​ലി​ലും എ​ത്തു​ന്ന ടൂ​റി​സ്റ്റു​ക​ൾ​ക്ക്‌ ഇ​ടു​ക്കി​യു​ടെ ദൃ​ശ്യ​ഭം​ഗി കൂ​ടി ആ​സ്വ​ദി​ക്കാ​ൻ വേ​ഗ​ത്തി​ൽ എ​ത്താ​നാ​വും. സി​പി​എം ജി​ല്ലാ സെ​ക്ര​ട്ട​റി സി.​വി. വ​ർ​ഗീ​സ് ര​ക്ഷാ​ധി​കാ​രി​യും റോ​മി​യോ സെ​ബാ​സ്റ്റ്യ​ൻ ഉ​പ​ര​ക്ഷാ​ധി​കാ​രി​യും ജ​യി​ൻ അ​ഗ​സ്റ്റി​ൻ ചെ​യ​ർ​മാ​നും സി​ബി കൊ​ല്ലം​കു​ടി​യി​ൽ സെ​ക്ര​ട്ട​റി​യാ​യും രൂ​പീ​ക​രി​ച്ച ഗ്രീ​ൻ​വാ​ലി ടൂ​റി​സം ക​മ്പ​നി​യു​ടെ നേ​തൃ​ത്വ​ത്തി​ലാ​ണ് ജി​ല്ല​യു​ടെ വി​ക​സ​ന സാ​ധ്യ​ത​ക​ൾ ബ​ഹു​ദൂ​രം മു​ന്നോ​ട്ട് ന​യി​ക്കു​ന്ന അ​ന്ത​ർ സം​സ്ഥാ​ന ഭൂ​ഗ​ർ​ഭ പാ​ത​യു​ടെ സാ​ധ്യ​ത പ​ഠ​നം ന​ട​ത്തു​ന്ന​ത്.

പ​ദ്ധ​തി സം​ബ​ന്ധി​ച്ച് ത​യാ​റാ​ക്കി​യ രൂ​പ​രേ​ഖ​യു​മാ​യി മു​ഖ്യ​മ​ന്ത്രിയെയും പൊ​തു​മ​രാ​മ​ത്ത് വ​കു​പ്പ് മ​ന്ത്രി​യെ​യും റെ​യി​ൽ​വേ​യു​ടെ ചു​മ​ത​ല വ​ഹി​ക്കു​ന്ന മ​ന്ത്രി​യെ​യും കാ​ണു​ന്ന​തി​നും തീ​രു​മാ​ന​മാ​യി.

സെ​മി​നാ​റി​ൽ സി.​വി. വ​ർ​ഗീ​സ് അ​ധ്യ​ക്ഷ​ത വ​ഹി​ച്ചു. എം.​എം. മ​ണി എം​എ​ൽ​എ, അ​ഡ്വ.​ എ.​ രാ​ജ എം​എ​ൽ​എ, സം​സ്ഥാ​ന ആ​സൂ​ത്ര​ണ ബോ​ർ​ഡ് അം​ഗ​ങ്ങ​ൾ തു​ട​ങ്ങി​യ​വ​ർ വി​ക​സ​നച​ർ​ച്ച​ക​ളി​ൽ പ​ങ്കെ​ടു​ത്തു.