കാ​ട്ടാ​ന​ക്ക​ലി കൂ​രി​രു​ട്ടി​ലാ​ക്കി​യ കു​ടും​ബം
Monday, February 19, 2024 4:05 AM IST
സി​ജോ പൈ​നാ​ട​ത്ത്

‘മൂ​ന്നാം ക്ലാ​സി​ല്‍ പ​ഠി​ക്കു​മ്പോ​ഴാ​ണു ക​മ്പു കു​ത്തി​ക്ക​യ​റി ചേ​ട്ട​ന്‍റെ ഒ​രു ക​ണ്ണി​നു കാ​ഴ്ച ന​ഷ്ട​മാ​യ​ത്. എ​ങ്കി​ലും ചേ​ട്ട​നാ​യി​രു​ന്നു ഈ ​വീ​ടി​ന്‍റെ വെ​ളി​ച്ചം. കൂ​ലി​പ്പ​ണി​ക്കു പോ​യി അ​ദ്ദേ​ഹം കു​ടും​ബം പു​ല​ര്‍​ത്തി.

വാ​ഹ​നാ​പ​ക​ട​ത്തി​ല്‍ ഗു​രു​ത​ര പ​രി​ക്കേ​റ്റ എ​ന്‍റെ ദീ​ര്‍​ഘ​നാ​ള​ത്തെ ചി​കി​ത്സ, രോ​ഗി​യാ​യ അ​ച്ഛ​നും അ​മ്മ​യും ഉ​ള്‍​പ്പെ​ട്ട കു​ടും​ബ​ത്തി​ന്‍റെ ചെ​ല​വു​ക​ള്‍... എ​ല്ലാം ചേ​ട്ട​ന്‍ അ​റി​ഞ്ഞു ചെ​യ്തു.... ചേ​ട്ട​നെ കാ​ട്ടാ​ന കു​ത്തി​ക്കൊ​ന്ന​പ്പോ​ള്‍, ഞ​ങ്ങ​ടെ കു​ടും​ബം കൂ​ടി​യാ​ണ് ഇ​രു​ട്ടി​ലാ​യ​ത്...! '

വ​ടാ​ട്ടു​പാ​റ ച​ക്കി​മേ​ടി​ല്‍ വീ​ട്ടു​മു​റ്റ​ത്തു കാ​ട്ടാ​ന​യു​ടെ കു​ത്തേ​റ്റു മ​രി​ച്ച മാ​ലി​യി​ല്‍ ജ​യ​ന്‍ ര​വി​യു​ടെ (33) സ​ഹോ​ദ​ര​ന്‍ അ​ജ​യ​ന്‍റെ ക​ണ്ഠ​മി​ട​റി​യു​ള്ള വാ​ക്കു​ക​ള്‍. 2015 ഓ​ഗ​സ്റ്റ് 13നാ​ണു ജ​യ​ന്‍ കൊ​ല്ല​പ്പെ​ട്ട​ത്. ജ​യ​നെ ആ​ശ്ര​യി​ച്ചു ജീ​വി​ച്ചി​രു​ന്ന അ​ദ്ദേ​ഹ​ത്തി​ന്‍റെ കു​ടും​ബം ഒ​മ്പ​തു വ​ര്‍​ഷ​ത്തി​നി​പ്പു​റ​വും പ​രാ​ധീ​ന​ത​ക​ളു​ടെ ന​ടു​വി​ലാ​ണ്.

എന്‍റെ ക​ണ്‍​മു​ന്നി​ലാ​യി​രു​ന്നു ചേ​ട്ട​നെ...!!

പു​ല​ര്‍​ച്ചെ മൂ​ന്നോ​ടെ മൂ​ത്ര​മൊ​ഴി​ക്കാ​ന്‍ എ​ഴു​ന്നേ​റ്റു മു​റ്റ​ത്തേ​ക്കി​റ​ങ്ങി​യ​താ​ണു ജ​യ​ന്‍. ഒ​രു ക​ണ്ണി​നു കാ​ഴ്ച​യി​ല്ലാ​തി​രു​ന്ന​തി​നാ​ല്‍, ഇ​രു​ട്ടി​ല്‍ വാ​ഴ​യും അ​ട​യ്ക്കാ​മ​ര​വും മ​റി​ച്ചി​ട്ടു തി​ന്നു​കൊ​ണ്ടി​രു​ന്ന കൊ​മ്പ​ന്‍ ജ​യ​ന്‍റെ ശ്ര​ദ്ധ​യി​ല്‍​പ്പെ​ട്ടി​ല്ല.

ആ​ന​യു​ടെ കു​ത്തേ​റ്റു വീ​ണ ചേ​ട്ട​ന്‍റെ ഉ​ച്ച​ത്തി​ലു​ള്ള നി​ല​വി​ളി കേ​ട്ട് ഞാ​ന്‍ ഉ​ണ​ര്‍​ന്ന് മു​റ്റ​ത്തെ​ത്തി. കൊ​മ്പി​നു കു​ത്തി​യ​ശേ​ഷം ആ​ന തു​മ്പി​ക്കൈ​യി​ല്‍ ഉ​യ​ര്‍​ത്തി​പ്പി​ടി​ച്ചി​രി​ക്കു​ന്ന നി​ല​യി​ലാ​ണ് ചേ​ട്ട​നെ ഞാ​ന്‍ കാ​ണു​ന്ന​ത്. ചേ​ട്ട​ന്‍ ഉ​റ​ക്കെ നി​ല​വി​ളി​ക്കു​ന്നു​ണ്ട്. ഞാ​നും ഒ​ച്ച​യു​ണ്ടാ​ക്കി. അ​പ്പോ​ഴേ​ക്കും ചേ​ട്ട​നെ ആ​ന നി​ല​ത്ത​ടി​ച്ചു ച​വു​ട്ടി....! അ​ങ്ങ​നെ എ​ന്‍റെ ക​ണ്‍​മു​ന്നി​ല്‍.. ചേ​ട്ട​ന്‍... ഇ​പ്പോ​ഴും ഉ​ള്ളി​ലെ ഞെ​ട്ട​ല്‍ മാ​റി​യി​ട്ടി​ല്ല.! അ​ജ​യ​ന്‍ പ​റ​യു​ന്നു.

നാ​ലോ​ടെ കോ​ത​മം​ഗ​ല​ത്തെ സ്വകാ​ര്യ ആ​ശു​പ​ത്രി​യി​ലെ​ത്തി​ച്ചെ​ങ്കി​ലും ജീ​വ​ന്‍ ര​ക്ഷി​ക്കാ​നാ​യി​ല്ല. ആ​ന​യു​ടെ ആ​ക്ര​മ​ണ​ത്തി​ല്‍ ശ്വാ​സ​കോ​ശ​ത്തി​ലും മ​റ്റ് ആ​ന്ത​രി​കാ​വ​യ​വ​ങ്ങ​ളി​ലു​മു​ണ്ടാ​യ ആ​ഘാ​ത​മാ​ണു മ​ര​ണ കാ​ര​ണ​മെ​ന്നു പോ​സ്റ്റ്‌​മോ​ര്‍​ട്ടം റി​പ്പോ​ര്‍​ട്ട്.

മൃ​ത​ദേ​ഹ​വു​മാ​യി പ്ര​തി​ഷേ​ധം

ആ​ന​യു​ടെ കു​ത്തേ​റ്റു മ​രി​ച്ച ജ​യ​ന്‍റെ മൃ​ത​ദേ​ഹ​വു​മാ​യി കോ​ത​മം​ഗ​ലം ടൗ​ണി​ല്‍ നാ​ട്ടു​കാ​ര്‍ പ്ര​തി​ഷേ​ധി​ച്ചു. മ​തി​യാ​യ ന​ഷ്ട​പ​രി​ഹാ​ര​വും ഭാ​ര്യ​യ്ക്കു ജോ​ലി​യും ന​ല്‍​ക​ണ​മെ​ന്ന ആ​വ​ശ്യ​വു​മു​യ​ര്‍​ത്തി​യാ​യി​രു​ന്നു പ്ര​തി​ഷേ​ധം. സം​ഘ​ര്‍​ഷ​ത്തി​ലേ​ക്കു നീ​ങ്ങു​ന്ന ഘ​ട്ട​മെ​ത്തി​യ​പ്പോ​ഴേ​ക്കും സ​ര്‍​ക്കാ​ര്‍ പ്ര​തി​നി​ധി​ക​ള്‍ ഇ​ട​പെ​ട്ടു.

ന​ഷ്ട​പ​രി​ഹാ​ര​മാ​യി അ​ഞ്ചു ല​ക്ഷം രൂ​പ ന​ല്‍​കാ​മെ​ന്നും ഭാ​ര്യ ആ​ശ​യ്ക്കു സ്ഥി​രം സ​ര്‍​ക്കാ​ര്‍ ജോ​ലി ന​ല്‍​കാ​മെ​ന്നും സ​മ്മ​തി​ച്ച​തോ​ടെ​യാ​ണു പ്ര​തി​ഷേ​ധം അ​വ​സാ​നി​ച്ച​ത്.

ജോ​ലി എ​ന്നു ത​രും

ന​ഷ്ട​പ​രി​ഹാ​ര​ത്തു​ക ല​ഭി​ച്ചു. ജ​യ​ന്‍റെ ഭാ​ര്യ​യ്ക്കു സ്ഥി​രം ജോ​ലി ന​ല്‍​കാ​മെ​ന്ന വാ​ഗ്ദാ​നം സ​ര്‍​ക്കാ​ര്‍ ഇ​പ്പോ​ഴും പാ​ലി​ച്ചി​ട്ടി​ല്ല. ആ​രു​ടെ​യൊ​ക്കെ​യോ കാ​രു​ണ്യ​ത്തി​ല്‍ കു​ട്ട​മ്പു​ഴ വി​ല്ലേ​ജി​ല്‍ താ​ത്കാ​ലി​ക ജോ​ലി​യു​ണ്ട്.

ചേ​ട്ട​ത്തി​ക്കു സ്ഥി​ര​ജോ​ലി കി​ട്ടി​യി​രു​ന്നെ​ങ്കി​ല്‍ അ​വ​രു​ടെ​യും മ​ക്ക​ളു​ടെ​യെ​ങ്കി​ലും ആ​വ​ശ്യ​ങ്ങ​ള്‍​ക്കു പ​രി​ഹാ​ര​മാ​കു​മെ​ന്ന് അ​ജ​യ​ന്‍. ആ​റാം ക്ലാ​സു​കാ​രി​യാ​യ അ​വ​രു​ടെ മ​ക​ള്‍ പെ​രു​മ്പാ​വൂ​രി​ല്‍ അ​നാ​ഥാ​ല​യ​ത്തി​ലാ​ണ്. എ​ട്ടാം ക്ലാ​സു​കാ​ര​നാ​യ മ​ക​ന്‍ കു​ട്ട​മ്പു​ഴ​യി​ലെ സ​ര്‍​ക്കാ​ര്‍ സ്‌​കൂ​ളി​ല്‍ എ​ട്ടാം ക്ലാ​സി​ല്‍ പ​ഠി​ക്കു​ന്നു.

അ​പ​ക​ട​ത്തി​നുശേ​ഷം ഭാ​ര​മു​ള്ള ജോ​ലി​യ്ക്കു പോ​കാ​നാ​വാ​ത്ത സ്ഥി​തി​യി​ലാ​ണു ഞാ​ന്‍. രോ​ഗി​യാ​യ അഛ​ന്‍ ര​വി​യ്ക്കും അ​മ്മ രു​ക്മി​ണി​യ്ക്കും സ്വ​ന്ത​മാ​യി ഒ​ന്നും ചെ​യ്യാ​നാ​വാ​ത്ത സ്ഥി​തി. ഞ​ങ്ങ​ള്‍​ക്കു​വേ​ണ്ടി ആ​രു സം​സാ​രി​ക്കും...! അ​റി​യി​ല്ല.. ചേ​ട്ട​ന്‍ ഉ​ണ്ടാ​യി​രു​ന്നെ​ങ്കി​ല്‍....!!

അ​ജ​യ​ന്‍ ക​ര​ഞ്ഞു​കൊ​ണ്ടു പ​റ​ഞ്ഞു​നി​ര്‍​ത്തി. ജ​യ​ന്‍റേ​തു പോ​ലെ ആ​ന​ക്ക​ലി​യി​ല്‍ ത​ക​ര്‍​ന്നു​പോ​യ കു​ടും​ബ​ങ്ങ​ള്‍ മ​ല​യോ​ര മേ​ഖ​ല​ക​ളി​ല്‍ ഇ​നി​യു​മു​ണ്ട്. വ​ന്യ​ജീ​വി​ക​ളു​ടെ ആ​ക്ര​മ​ണ​ത്തി​ല്‍ നി​ന്നു ര​ക്ഷ​പ്പെ​ട്ടു ജീ​വ​ന്‍ തി​രി​ച്ചു​കി​ട്ടി​യെ​ങ്കി​ലും, ജീ​വി​ത​ത്തി​ന്‍റെ താ​ളം ന​ഷ്ട​മാ​യ​വ​ര്‍ എ​ത്ര​യോ പേ​ര്‍.!! അ​തേ​ക്കു​റി​ച്ചു നാ​ളെ.

(തു​ട​രും)

ന​ഷ്ട​പ​രി​ഹാ​രം എ​ങ്ങ​നെ കി​ട്ടും

വ​ന്യ​ജീ​വി ആ​ക്ര​മ​ണ​ത്തി​ല്‍ പ​രി​ക്കേ​ല്‍​ക്കു​ന്ന​വ​ര്‍​ക്കു ചി​കി​ത്സാ ചെ​ല​വ് ല​ഭി​ക്കു​ന്ന​തി​നു​ള്ള ന​ട​പ​ടി​ക്ര​മ​ങ്ങ​ളി​ല്‍ അ​ടു​ത്തി​ടെ സം​സ്ഥാ​ന സ​ര്‍​ക്കാ​ര്‍ ഭേ​ദ​ഗ​തി വ​രു​ത്തി​യി​രു​ന്നു. പ​രി​ക്കേ​റ്റ​യാ​ള്‍​ക്കു ന​ല്‍​കി​യ ചി​കി​ത്സ​യും ചെ​ല​വാ​യ തു​ക​യും സം​ബ​ന്ധി​ച്ച് കേ​ര​ള സ​ര്‍​ക്കാ​ര്‍ സ​ര്‍​വീ​സി​ലെ സി​വി​ല്‍ സ​ര്‍​ജ​ന്‍ റാ​ങ്കി​ല്‍ കു​റ​യാ​ത്ത മെ​ഡി​ക്ക​ല്‍ ഓ​ഫീ​സ​ര്‍ ന​ല്‍​കു​ന്ന സാ​ക്ഷ്യ​പ​ത്രം വേ​ണ​മെ​ന്ന വ്യ​വ​സ്ഥ​യി​ലാ​ണ് ഭേ​ദ​ഗ​തി.

ഒ​രു ല​ക്ഷം രൂ​പ വ​രെ​യു​ള്ള ന​ഷ്ട പ​രി​ഹാ​രം ല​ഭി​ക്കു​ന്ന​തി​നു പ​രി​ക്കേ​റ്റ വ്യ​ക്തി​യെ ചി​കി​ത്സി​ച്ച ര​ജി​സ്റ്റേ​ര്‍​ഡ് മെ​ഡി​ക്ക​ല്‍ പ്രാ​ക്ടീ​ഷ​ണ​റോ കേ​ര​ള സ​ര്‍​ക്കാ​ര്‍ സ​ര്‍​വീ​സി​ലെ മെ​ഡി​ക്ക​ല്‍ ഓ​ഫീ​സ​റോ സാ​ക്ഷ്യ​പ്പെ​ടു​ത്തി​യാ​ല്‍ മ​തി. ര​ണ്ട് ല​ക്ഷം രൂ​പ​യ്ക്ക് മു​ക​ളി​ലു​ള്ള ചി​കി​ല്‍​സാ ചെ​ല​വ് നി​ര്‍ദി​ഷ്ട ആ​വ​ശ്യ​ത്തി​നാ​യി നി​യോ​ഗി​ക്ക​പ്പെ​ട്ട സ​ര്‍​ക്കാ​ര്‍ സ​ര്‍​വീ​സി​ലെ മെ​ഡി​ക്ക​ല്‍ ഓ​ഫീ​സ​ര്‍ സാ​ക്ഷ്യ​പ്പെ​ടു​ത്ത​ണം.

വ​ന്യ​മൃ​ഗ ആ​ക്ര​മ​ണം മൂ​ലം പ​രി​ക്ക് പ​റ്റു​ന്ന വ്യ​ക്തി​യ്ക്ക് ചി​കി​ല്‍​സ​യ്ക്ക് ചെ​ല​വാ​കു​ന്ന തു​ക​യി​ല്‍ പ​ര​മാ​വ​ധി കി​ട്ടാ​നി​ട​യു​ള്ള​ത് ഒ​രു ല​ക്ഷം രൂ​പ​യാ​ണ്. പ​ട്ടി​ക വ​ര്‍​ഗ വി​ഭാ​ഗ​ക്കാ​ര്‍​ക്ക് ചി​കി​ത്സാ​ച്ചെ​ല​വ് പൂ​ര്‍​ണ​മാ​യും കി​ട്ടും. വ​ന്യ​ജീ​വി ആ​ക്ര​മ​ണ​ത്തി​ല്‍ സ്ഥി​രം അം​ഗ വൈ​ക​ല്യ​മു​ണ്ടാ​യാ​ല്‍ ര​ണ്ട് ല​ക്ഷം രൂ​പ​യാ​ണു ന​ഷ്ട​പ​രി​ഹാ​രം. ഓ​ണ്‍​ലൈ​നാ​യാ​ണ് അ​പേ​ക്ഷ​ക​ള്‍ സ​മ​ര്‍​പ്പി​ക്കേ​ണ്ട​ത്.