ചേ​ർ​ത്ത​ല: സ്ത്രീ​ക​ളു​ടെ തി​രോ​ധാ​ന​കേ​സു​മാ​യി ബ​ന്ധ​പ്പെ​ട്ട് വാ​ര​നാ​ട് സ്വ​ദേ​ശി​നി ഐ​ഷ​യെ കാ​ണാ​താ​യ സം​ഭ​വ​ത്തി​ല്‍ അ​ന്വേ​ഷ​ണ​ത്തി​നു നി​യോ​ഗി​ച്ച പു​തി​യ സം​ഘ​ത്തി​നു വ​ന്‍ വെ​ല്ലു​വി​ളി. ചേ​ര്‍​ത്ത​ല സി​ഐ ജി. ​അ​രു​ണി​ന്‍റെ നേ​തൃ​ത്വ​ത്തി​ലു​ള്ള ഒ​മ്പ​തം​ഗ ടീ​മി​നെ​യാ​ണ് അ​ന്വേ​ഷ​ണം പു​തു​താ​യി ഏ​ല്‍​പ്പി​ച്ചി​രി​ക്കു​ന്ന​ത്.

കാ​ണാ​താ​യ ഐ​ഷ 2012ല്‍​ത്ത​ന്നെ കൊ​ല്ല​പ്പെ​ട്ടി​രി​ക്കാം എ​ന്നാ​ണു ക​രു​തു​ന്ന​ത്. ലോ​ക്ക​ല്‍ പോ​ലീ​സ് ടീ​മി​നു മു​ന്നോ​ട്ടു​ള്ള പോ​ക്ക് വ​ള​രെ ദു​ഷ്‌​ക​ര​മാ​ണ്. തെ​ളി​വു​ക​ളോ സാ​ക്ഷി​ക​ളോ ഇ​തു​വ​രെ ല​ഭി​ച്ചി​ട്ടി​ല്ല. ഐ​ഷ​യു​ടെ തി​രോ​ധാ​നം സം​ബ​ന്ധി​ച്ച് ഇ​രു​ട്ടി​ല്‍ ത​പ്പു​ക​യാ​യി​രു​ന്നു ഇ​തു​വ​രെ അ​ന്വേ​ഷ​ണസം​ഘം.

ഈ ​കേ​സി​ല്‍ പ്ര​തി​സ്ഥാ​ന​ത്തു​ള്ള​ത് പ​ള്ളി​പ്പു​റം സ്വ​ദേ​ശി സെ​ബാ​സ്റ്റ്യ​നാ​ണെ​ന്നാ​ണു പ്രാ​ഥ​മി​ക അ​ന്വ​ഷ​ണ സം​ഘ​ത്തി​ന്‍റെ വി​ല​യി​രു​ത്ത​ല്‍. ക​ട​ക്ക​ര​പ്പ​ള്ളി സ്വ​ദേ​ശി​നി ബി​ന്ദു പ​ത്മ​നാ​ഭ​ന്‍, ഏ​റ്റു​മാ​നൂ​ര്‍ സ്വ​ദേ​ശി​നി ജെ​യ്‌​ന​മ്മ എ​ന്നി​വ​രു​ടെ തി​രോ​ധാ​ന​വും സെ​ബാ​സ്റ്റ്യ​നെ കേ​ന്ദ്രീ​ക​രി​ച്ചാ​ണ് അ​ന്വേ​ഷി​ക്കു​ന്ന​ത്. ഈ ​ര​ണ്ട് കേ​സു​ക​ളും അ​ന്വേ​ഷി​ക്കു​ന്ന​തു ര​ണ്ട് ജി​ല്ല​ക​ളി​ലെ ക്രൈം​ബ്രാ​ഞ്ചാ​ണ്. ഇ​തി​ല്‍ ജ​യ്‌​ന​മ്മ കൊ​ല്ല​പ്പെ​ട്ട​താ​ണെ​ന്നു ക്രൈം​ബ്രാ​ഞ്ച് കോ​ട്ട​യം യൂ​ണി​റ്റ് സ്ഥി​രീ​ക​രി​ച്ചുക​ഴി​ഞ്ഞു.

പ​ള്ളി​പ്പു​റ​ത്ത് സെ​ബാ​സ്റ്റ്യ​ന്‍റെ വീ​ട്ടി​ല്‍​നി​ന്നു ക​ണ്ടെ​ത്തി​യ ര​ക്ത​ക്ക​റ ജെ​യ്‌​ന​മ്മ​യു​ടെ​താ​ണെ​ന്നു ക​ണ്ടെ​ത്തി​യി​രു​ന്നു. സെ​ബാ​സ്റ്റ്യ​നാ​ണ് ഈ ​കേ​സി​ല്‍ ഒ​ന്നാം പ്ര​തി. എ​ന്നാ​ല്‍, ഇ​യാ​ളെ പ്ര​തി​സ്ഥാ​ന​ത്ത് ചേ​ര്‍​ക്കു​മ്പോ​ഴും കൃ​ത്യ​മാ​യ തെ​ളി​വു​ക​ള്‍ ല​ഭി​ക്കാ​ത്ത​ത് അ​ന്വേ​ഷ​ണസം​ഘ​ത്തി​നു ത​ല​വേ​ദ​ന​യാ​യി​രി​ക്കു​ക​യാ​ണ്.


നെ​ടു​മ്പ്ര​ക്കാ​ട് സ്വ​ദേ​ശി​നി​യും ഐ​ഷ​യു​ടെ അ​യ​ല്‍​വാ​സി​യു​മാ​യ റോ​സ​മ്മ​യും ഈ ​കേ​സി​ല്‍ സം​ശ​യ​ത്തി​ന്‍റെ നി​ഴ​ലി​ലാ​ണ്. റോ​സ​മ്മ പ​ല​തും മ​റ​യ്ക്കു​ന്നു​വെ​ന്ന് അ​ന്വേ​ഷ​ണ സം​ഘ​ത്തി​ന് ആ​ദ്യം മു​ത​ലേ സം​ശ​യ​മു​ണ്ട്. ഇ​വ​രെ ക​ണ്ട മാ​ധ്യ​മ​പ്ര​വ​ര്‍​ത്ത​ക​രോ​ടും പ​ര​സ്പ​ര വി​രു​ദ്ധ​മാ​യാ​ണ് റോ​സ​മ്മ മ​റു​പ​ടി പ​റ​ഞ്ഞ​ത്.

റോ​സ​മ്മ​യു​ടെ ജീ​വി​ത​ത്തെ ചൂ​ഴ്ന്നു നി​ല്‍​ക്കു​ന്ന ദു​രൂ​ഹ​ത​ക​ള്‍​ക്ക് ഇ​തോ​ടെ ശ​ക്തി​യേ​റി​യി​രി​ക്കു​ക​യാ​ണ്. ഐ​ഷ​യ്ക്ക് എ​ന്തു സം​ഭ​വി​ച്ചു​വെ​ന്നു കൃ​ത്യ​മാ​യി റോ​സ​മ്മ​യ്ക്ക് അ​റി​യാ​മെ​ന്ന് പോ​ലീ​സി​നു സം​ശ​യ​മു​ണ്ട്. സെ​ബാ​സ്റ്റ്യ​ന്‍ റോ​സ​മ്മ​യു​ടെ വീ​ട്ടി​ലെ സ്ഥി​രം സ​ന്ദ​ര്‍​ശ​ക​നാ​യി​രു​ന്നെ​ന്നും അ​വി​ടെ ഇ​ട​യ്ക്കു ത​ങ്ങാ​റു​മു​ണ്ടാ​യി​രു​ന്നു​വെ​ന്നും അ​യ​ല്‍​വാ​സി​ക​ള്‍ അ​ന്വേ​ഷ​ണ സം​ഘ​ത്തോ​ടു വെ​ളി​പ്പെ​ടു​ത്തി​യി​രു​ന്നു.

അ​തേ​സ​മ​യം, ബി​ന്ദു പ​ത്മ​നാ​ഭ​ന്‍ കേ​സ് കൊ​ല​ക്കേ​സ് ആ​യ​തോ​ടെ അ​ത് തെ​ളി​യി​ക്കേ​ണ്ട ചു​മ​ത​ല സ്റ്റേ​റ്റ് ക്രൈം ​ബ്രാ​ഞ്ചി​ന്‍റെ ചു​മ​ലി​ല്‍ വ​ന്നി​രി​ക്കു​ക​യാ​ണ്. പ​ല സം​ഘ​ങ്ങ​ള്‍ മാ​റിമാ​റി ന​ട​ത്തി​യ അ​ന്വേ​ഷ​ണ​ങ്ങ​ള്‍ പെ​ട്ടെ​ന്നു നി​ല​യ്ക്കു​ക​യാ​യി​രു​ന്നു. കേ​സു​മാ​യി ബ​ന്ധ​പ്പെ​ട്ട് പ​ണ​മി​ട​പാ​ടു​ക​ള്‍ ന​ട​ന്നി​ട്ടു​ണ്ടെ​ന്നാ​ണ് ആ​ക്ഷേ​പം.