കൊ​ട്ടി​യൂ​ർ: വൈ​ദ്യു​ത വേ​ലി​ക​ൾ ഉ​പ​യോ​ഗ​ശൂ​ന്യം. കൊ​ട്ടി​യൂ​ർ പ​ഞ്ചാ​യ​ത്തി​ലെ വ​നാ​തി​ർ​ത്തി​യോ​ട് ചേ​ർ​ന്ന് കി​ട​ക്കു​ന്ന വി​വി​ധ സ്ഥ​ല​ങ്ങ​ളി​ൽ വൈ​ദ്യു​ത വേ​ലി​ക​ൾ ഉ​പ​യോ​ഗ​ശൂ​ന്യ​മാ​യ​ത് ക​ർ​ഷ​ക​ർ​ക്ക് വ​ലി​യ ആ​ശ​ങ്ക​യാ​ണ് സൃ​ഷ്ടി​ക്കു​ന്ന​ത്.

കൊ​ട്ടി​യൂ​ർ പ​ഞ്ചാ​യ​ത്തി​ലെ വി​വി​ധ ഭാ​ഗ​ങ്ങ​ളി​ൽ വൈ​ദ്യു​തി വേ​ലി​ക​ൾ ത​ക​ർ​ന്നു കി​ട​ക്കു​ന്ന​ത് ക​ർ​ഷ​ക​ർ​ക്ക് വ​ലി​യ ആ​ശ​ങ്ക​യാ​കു​ന്നു. വൈ​ദ്യു​ത വേ​ലി​ക​ൾ ത​ക​ർ​ന്നു കി​ട​ക്കു​ന്ന പ്ര​ദേ​ശ​ത്തു​കൂ​ടി​യാ​ണ് കാ​ട്ടാ​ന​യും മ​റ്റ് വ​ന്യ​ജീ​വി​ക​ളും ജ​ന​വാ​സ മേ​ഖ​ല​യി​ൽ ക​ട​ന്ന് വ​ലി​യ നാ​ശം വി​ത​യ്ക്കു​ന്ന​ത്. ക​ഴി​ഞ്ഞ​ദി​വ​സം കൊ​ട്ടി​യൂ​ർ നെ​ല്ലി​യോ​ടി​യി​ൽ കാ​ട്ടാ​ന ഇ​റ​ങ്ങി വ്യാ​പ​ക​മാ​യി കൃ​ഷി ന​ശി​പ്പി​ച്ച​തും വൈ​ദ്യു​ത വേ​ലി ത​ക​ർ​ന്നു കി​ട​ക്കു​ന്ന​തു​മൂ​ല​മാ​ണ്.

വൈ​ദ്യു​ത വേ​ലി​ക​ൾ പ്ര​വ​ർ​ത്തി​ക്കു​ന്ന ക​ണ്ട​പ്പ​ന​ത്ത് വേ​ലി​യു​ടെ തൂ​ണി​ൽ ച​വി​ട്ടി വേ​ലി​ക​ൾ ത​ക​ർ​ത്ത​ശേ​ഷ​മാ​ണ് കാ​ട്ടാ​ന​ക​ൾ എ​ത്തു​ന്ന​ത്. നെ​ല്ലി​യോ​ടി​യി​ൽ വൈ​ദ്യു​ത ഫെ​ൻ​സിം​ഗ് ഉ​പ​യോ​ഗ​ശൂ​ന്യ​മാ​യി കി​ട​ക്കാ​ൻ തു​ട​ങ്ങി​യി​ട്ട് ര​ണ്ട​ര വ​ർ​ഷം പി​ന്നി​ടു​ക​യാ​ണ്. ക​ഴി​ഞ്ഞ ര​ണ്ടു വ​ർ​ഷ​ത്തി​ൽ പ​ല​ത​വ​ണ​യാ​യി കാ​ട്ടാ​ന​ക​ൾ പ്ര​ദേ​ശ​ത്ത് ഇ​റ​ങ്ങി വ്യാ​പ​ക​മാ​യി കൃ​ഷി​ക​ൾ ന​ശി​പ്പി​ക്കാ​റു​ണ്ട്. വ​ലി​യ രൂ​പ​യു​ടെ നാ​ശ​ന​ഷ്ട​മാ​ണ് ക​ർ​ഷ​ക​ർ​ക്ക് വ​രാ​റു​ള്ള​ത്. പ്ര​ദേ​ശ​ത്ത് ക​ർ​ഷ​ക​ർ ത​ന്നെ ആ​ന​യെ ഭ​യ​പ്പെ​ടു​ത്താ​ൻ കൃ​ത്രി​മ​മാ​യി വേ​ലി​ക​ൾ നി​ർ​മി​ക്കേ​ണ്ട ഗ​തി​കേ​ടി​ൽ ആ​ണെ​ന്ന് ക​ർ​ഷ​ക​ർ പ​റ​യു​ന്നു.

ഇ​തി​ന്‍റെ പ​രി​ഹാ​രം എ​ന്നോ​ളം ആ​നമ​തി​ലോ തൂ​ക്കു വൈ​ദ്യു​ത വേ​ലി​യോ പ്ര​ദേ​ശ​ത്ത് സ്ഥാ​പി​ക്ക​ണ​മെ​ന്നാ​ണ് നാ​ട്ടു​കാ​ർ ആ​വ​ശ്യ​പ്പെ​ടു​ന്ന​ത്. പ്ര​ദേ​ശ​ത്ത് തൂ​ക്കു വേ​ലി​ക​ൾ സ്ഥാ​പി​ക്കാ​ൻ വേ​ണ്ടി ജി​ല്ലാ പ​ഞ്ചാ​യ​ത്തി​ന്‍റെയും പ​ഞ്ചാ​യ​ത്തി​ന്‍റെ​യും വ​ക​യാ​യി 36 ല​ക്ഷം രൂ​പ അ​നു​വ​ദി​ച്ചി​ട്ടു​ണ്ട്. ഫ​ണ്ട് അ​നു​വ​ദി​ച്ചി​ട്ടു​ണ്ടെ​ങ്കി​ലും വേ​ലി​ക​ൾ സ്ഥാ​പി​ക്കാ​ൻ കാ​ല​താ​മ​സം വ​രു​മോ എ​ന്ന ആ​ശ​ങ്ക​യും ക​ർ​ഷ​ക​ർ​ക്കു​ണ്ട്.

കാ​ട്ടാ​ന​യെ വ​നംവ​കു​പ്പ് ഉ​ള്‍​ക്കാ​ട്ടി​ലേ​ക്ക് തു​ര​ത്തി

കൊ​ട്ടി​യൂ​ര്‍: പ​ഞ്ചാ​യ​ത്തി​ലെ നെ​ല്ലി​യോ​ടി​യി​ലും മേ​മ​ല​യി​ലും കൃ​ഷി ന​ശി​പ്പി​ച്ച കാ​ട്ടാ​ന​യെ വ​നം വ​കു​പ്പ് ഉ​ള്‍​ക്കാ​ട്ടി​ലേ​ക്ക് തു​ര​ത്തി. കൊ​ട്ടി​യൂ​ര്‍ വെ​സ്റ്റ് സെ​ക്ഷ​ന്‍ ഫോ​റ​സ്റ്റ് ഓ​ഫീ​സ​ര്‍ സ​ജീ​വ് കു​മാ​റി​ന്‍റെ നേ​തൃ​ത്വ​ത്തി​ലു​ള​ള വ​ന​പാ​ല​ക​രാ​ണ് കാ​ട്ടാ​ന​യെ ഉ​ള്‍​വ​ന​ത്തി​ലേ​ക്ക് ഓ​ടി​ച്ച​ത്.

ബീ​റ്റ് ഫോ​റ​സ്റ്റ് ഓ​ഫീ​സ​ര്‍​മാ​രാ​യ അ​ഖി​ലേ​ഷ്, ഷി​ജി​ന്‍, വാ​ച്ച​ര്‍​മാ​ര്‍ എ​ന്നി​വ​രും കാ​ട്ടാ​ന​യെ തു​ര​ത്തു​ന്ന ന​ട​പ​ടി​യു​ടെ ഭാ​ഗ​മാ​യി. അ​മ്പാ​യ​ത്തോ​ട് വ​നാ​തി​ര്‍​ത്തി​യോ​ട് ചേ​ര്‍​ന്നു​ള​ള കൃ​ഷി​യി​ട​ത്തി​ലാ​ണ് കാ​ട്ടാ​ന പു​ല​ര്‍​ച്ചെ​യു​ണ്ടാ​യി​രു​ന്ന​ത്.

പ​ട​ക്കം പൊ​ട്ടി​ച്ചാ​ണ് കാ​ടു​ക​യ​റ്റി​യ​ത്. രാ​വി​ലെ ഒ​ന്പ​തി​ന് തു​ട​ങ്ങി​യ ന​ട​പ​ടി ഉ​ച്ച​യ്ക്ക് ഒ​ന്നു​വ​രെ നീ​ണ്ടാ​ണ് ആ​നയെ ഉ​ൾ​കാ​ട്ടി​ലേ​ക്ക് തു​ര​ത്താ​നാ​യ​ത്.