ക​ണ്ണൂ​ർ: ജി​ല്ല​യി​ലെ ആ​രോ​ഗ്യ​വ​കു​പ്പി​ൽ ഡോ​ക്ട​ർ​മാ​രു​ടെ ഉ​ൾ​പ്പെ​ടെ​യു​ള്ള ഒ​ഴി​വു​ക​ൾ അ​ടി​യ​ന്ത​ര​മാ​യി നി​ക​ത്ത​ണ​മെ​ന്ന് കേ​ര​ള ഗ​വ.​ മെ​ഡി​ക്ക​ൽ ഓ​ഫീ​സേ​ഴ്സ് അ​സോ​സി​യേ​ഷ​ൻ ആ​വ​ശ്യ​പ്പെ​ട്ടു.

ആ​കെ 521 ഡോ​ക്ട​ർ​മാ​രു​ടെ ത​സ്തി​ക മാ​ത്രം നി​ല​നി​ൽ​ക്കു​ന്ന ക​ണ്ണൂ​ർ ജി​ല്ല​യി​ൽ 80 ​ൽ പ​രം ഒ​ഴി​വു​ക​ൾ നി​ല​നി​ൽ​ക്കു​ന്ന​ത് ജി​ല്ല​യി​ലെ ആ​രോ​ഗ്യ സം​വി​ധാ​ന​ങ്ങ​ളെ കാ​ര്യ​മാ​യി ബാ​ധി​ക്കു​ന്നു​ണ്ട്. ഇ​തു നി​ല​വി​ൽ ന​ട​ന്നു കൊ​ണ്ടി​രി​ക്കു​ന്ന നൂ​റു​ദി​ന ടി​ബി ക​ർ​മ പ​രി​പാ​ടി, ആ​രോ​ഗ്യം അ​ന​ന്ദം-കാ​ൻ​സ​ർ സ്ക്രീ​നിം​ഗ് പോ​ലെ​യു​ള്ള പ്ര​ധാ​ന പ്രോ​ജ​ക്ടു​ക​ൾ സു​ഖ​മാ​യി ന​ട​പ്പി​ലാ​ക്കു​ന്ന​തി​നെ ബാ​ധി​ക്കു​ന്നു. ആ​യ​തി​നാ​ൽ സ​ർ​ക്കാ​രി​ന്‍റെ അ​ടി​യ​ന്ത​ര ശ്ര​ദ്ധ ഈ ​വി​ഷ​യ​ത്തി​ൽ പ​തി​യ​ണ​മെ​ന്ന് കെ​ജി​എം​ഒ​എ ജി​ല്ലാ​ഘ​ട​കം ശ​ക്ത​മാ​യി ആ​വ​ശ്യ​പ്പെ​ട്ടു.

ക​ണ്ണൂ​ർ ബി​നാ​ലെ ഹോ​ട്ട​ലി​ൽ ന​ട​ന്ന പു​തി​യ ജി​ല്ലാ ഭാ​ര​വാ​ഹി​ക​ളു​ടെ സ്ഥാ​നാ​രോ​ഹ​ണ ച​ട​ങ്ങി​ൽ 2025 വ​ർ​ഷ​ത്തേ​ക്കു​ള്ള പു​തി​യ ജി​ല്ല ഭാ​ര​വാ​ഹി​ക​ൾ സ്ഥാ​നം ഏ​റ്റെ​ടു​ത്തു. ഡോ. ​വി.​എ​സ്. ജി​ധി​ൻ (ത​ല​ശേ​രി ജ​ന​റ​ൽ ആ​ശു​പ​ത്രി) പ്ര​സി​ഡ​ന്‍റും ഡോ.​ ര​ഞ്ജി​ത്ത് മാ​ത്യു (പി​എ​ച്ച്സി അ​ങ്ങാ​ടി​ക്ക​ട​വ് )സെ​ക്ര​ട്ട​റി​യും ഡോ. ​സ​ജ്ന നാ​രാ​യ​ണ​ൻ (താ​ലൂ​ക്ക് ആ​ശു​പ​ത്രി കൂ​ത്തു​പ​റ​മ്പ്) ട്ര​ഷ​റ​റാ​യും ആ​ണ് സ്ഥാ​നം ഏ​റ്റെ​ടു​ത്ത​ത്.

ച​ട​ങ്ങി​ൽ കെ​ജി​എം​ഒ​എ മാ​നേ​ജിം​ഗ് എ​ഡി​റ്റ​ർ ഡോ.​ സി.​പി. ബി​ജോ​യ്, ഐ​എം​എ കേ​ര​ള സെ​ക്ര​ട്ട​റി ഡോ. ​കെ.​ ശ​ശി​ധ​ര​ൻ, നോ​ർ​ത്ത് സോ​ൺ വൈ​സ് പ്ര​സി​ഡ​ന്‍റ് ഡോ. ​ഒ.​ടി. രാ​ജേ​ഷ്, മു​ൻ ജി​ല്ലാ പ്ര​സി​ഡ​ന്‍റ് ഡോ.​ എ.​പി. അ​നീ​ഷ്‌ തു​ട​ങ്ങി​യ​വ​ർ പ്രസംഗി​ച്ചു. തു​ട​ർ​ന്ന് ന​ട​ന്ന ച​ട​ങ്ങി​ൽ ജി​ല്ല​യി​ൽ ക​ഴി​ഞ്ഞ വ​ർ​ഷം സ​ർ​വീ​സി​ൽ നി​ന്ന് വി​ര​മി​ച്ച ഡോ​ക്ട​ർ​മാ​രെ ആ​ദ​രി​ച്ചു.