പ​യ്യ​ന്നൂ​ര്‍: പ​യ്യ​ന്നൂ​ര്‍ അ​മ്പ​ലം - തെ​രു റോ​ഡി​ലെ ഇ​ട​റോ​ഡി​ല്‍ സ്‌​കൂ​ട്ട​ര്‍ യാ​ത്രി​ക​നെ ത​ട​ഞ്ഞു​നി​ര്‍​ത്തി 2,05,400 രൂ​പ ക​വ​ര്‍​ന്ന സം​ഭ​വ​ത്തി​ല്‍ ഒ​ളി​വി​ല്‍​പോ​യ പ്ര​തി​ക്കാ​യി പോ​ലീ​സ് അ​ന്വേ​ഷ​ണം ഊ​ര്‍​ജി​ത​മാ​ക്കി. പ്ര​തി​ക​ൾ മോ​ഷ്ടി​ച്ച 99,000 രൂ​പ​കൂ​ടി പോ​ലീ​സ് ക​ണ്ടെ​ടു​ത്തു.

ശ​നി​യാ​ഴ്ച രാ​ത്രി ഏ​ഴ​ര​യോ​ടെ സ്‌​കൂ​ട്ട​ര്‍ ത​ട​ഞ്ഞു​നി​ര്‍​ത്തി മൂ​ന്നം​ഗ​സം​ഘം ആ​ക്ര​മി​ച്ച​താ​യു​ള്ള ഗ്യാ​സ് ഏ​ജ​ന്‍​സി ജീ​വ​ന​ക്കാ​ര​നാ​യ മ​ഹാ​ദേ​വ ഗ്രാ​മ​ത്തി​ലെ സി.​കെ.​രാ​മ​കൃ​ഷ്ണ​ന്‍റെ (59) പ​രാ​തി​യി​ല്‍ പോ​ലീ​സ് ക​ഴി​ഞ്ഞ ദി​വ​സം ത​ളി​പ്പ​റ​മ്പ് പ​ട്ടു​വം സ്വ​ദേ​ശി​യാ​യ മു​ഹ​മ്മ​ദ് അ​ജ്മ​ല്‍ (23), മ​ന്ന​യി​ലെ മു​ഹ​മ്മ​ദ് റു​ഫൈ​ല്‍ (21), മു​ണ്ടേ​രി മു​യ്യം സ്വ​ദേ​ശി മു​ഹ​മ്മ​ദ് റി​സ്വാ​ന്‍(18) എ​ന്നി​വ​രെ അ​റ​സ്റ്റ് ചെ​യ്തി​രു​ന്നു. ഇ​വ​രി​ലൊ​രാ​ളു​ടെ വീ​ട്ടി​ല്‍​നി​ന്നാ​ണ് അ​ന്വേ​ഷ​ക​സം​ഘം 99,000 രൂ​പ ക​ണ്ടെ​ടു​ത്ത​ത്.

പ്ര​തി​യു​ടെ അ​മ്മ​യാ​ണ് വീ​ട്ടി​ല്‍ പ​ണം ക​ണ്ട​താ​യ വി​വ​രം പോ​ലീ​സി​നെ അ​റി​യി​ച്ച​ത്. ഇ​തേ​തു​ട​ര്‍​ന്നെ​ത്തി​യ പോ​ലീ​സ് പ​ണം ക​സ്റ്റ​ഡി​യി​ലെ​ടു​ക്കു​ക​യാ​യി​രു​ന്നു. ഇ​തോ​ടെ​യാ​ണ് പോ​ലീ​സി​നെ അ​ല​ട്ടി​യി​രു​ന്ന ചോ​ദ്യ​ങ്ങ​ള്‍​ക്ക് ഉ​ത്ത​രം ക​ണ്ടെ​ത്താ​നാ​യ​ത്. പി​ടി​കൂ​ടി​യ പ്ര​തി​ക​ളു​ടെ കൈ​യി​ല്‍ മു​പ്പ​ത്തൊ​ന്നാ​യി​ര​ത്തോ​ളം രൂ​പ മാ​ത്ര​മാ​ണു​ണ്ടാ​യി​രു​ന്ന​ത് എ​ന്ന് പോ​ലീ​സ് പ​റ​ഞ്ഞു. ബാ​ക്കി​പ​ണ​ത്തി​ന്‍റെ കാ​ര്യ​ത്തി​ല്‍ വ്യ​ക്ത​ത​യി​ല്ലാ​തി​രി​ക്കേ​യാ​ണ് പ്ര​തി​ക​ളി​ലൊ​രാ​ളു​ടെ വീ​ട്ടി​ല്‍​നി​ന്ന് 99,000 രൂ​പ ക​ണ്ടെ​ത്തി​യ​ത്.

ക​വ​ര്‍​ച്ച​ക്ക് ശേ​ഷം മൂ​വ​രും പ​യ്യ​ന്നൂ​രി​ല്‍ കാ​ത്തു​നി​ന്നി​രു​ന്ന നാ​ലാ​മ​നു​മൊ​ത്താ​യി​രു​ന്നു സ്ഥ​ലം​വി​ട്ട​ത്. പി​ന്നീ​ട് ക​ണ്ണൂ​രി​ലെ​ത്തി​യ പ്ര​തി​ക​ള്‍ ലോ​ഡ്ജി​ല്‍ മു​റി​യെ​ടു​ത്ത് മ​ദ്യ​പി​ച്ച് ആ​ഘോ​ഷ​ത്തി​ലാ​യി​രു​ന്നു. ഞാ​യ​റാ​ഴ്ച രാ​വി​ലെ വീ​ട്ടി​ലെ​ത്തി​യ​പ്പോ​ഴാ​ണ് ക​വ​ര്‍​ച്ച ന​ട​ത്തി​യ വാ​ര്‍​ത്ത മാ​ധ്യ​മ​ങ്ങ​ളി​ല്‍ ക​ണ്ട​ത്.

നി​രീ​ക്ഷ​ണ കാ​മ​റ ദൃ​ശ്യ​ങ്ങ​ള്‍ പോ​ലീ​സ് ശേ​ഖ​രി​ച്ച​താ​യു​ള്ള വാ​ര്‍​ത്ത ക​ണ്ട​തോ​ടെ പി​ടി​ക്ക​പ്പെ​ടാ​തി​രി​ക്കാ​നാ​യി സ്ഥ​ലം വി​ടാ​നു​ള്ള തീ​രു​മാ​ന​ത്തോ​ടെ വീ​ണ്ടും ക​ണ്ണൂ​രെ​ത്തി​യ​പ്പോ​ഴാ​ണ് സം​ഘം പോ​ലീ​സി​ന്‍റെ വ​ല​യി​ല്‍ കു​ടു​ങ്ങി​യ​ത്. ഗ്യാ​സ് ഏ​ജ​ന്‍​സി​യി​ല​ട​ക്കേ​ണ്ട പ​ണ​മ​ട​ങ്ങി​യ ബാ​ഗ് ത​ട്ടി​പ്പി​ച്ചെ​ടു​ത്ത് അ​തി​ലു​ണ്ടാ​യി​രു​ന്ന പ​ണം കൈ​ക്ക​ലാ​ക്കി​യ​ശേ​ഷം രാ​മ​കൃ​ഷ്ണ​നെ ഉ​ന്തി​ത്താ​ഴെ​യി​ട്ടാ​ണ് പ്ര​തി​ക​ള്‍ ബൈ​ക്കി​ല്‍ ക​ട​ന്നു​ക​ള​ഞ്ഞ​ത്.