ശ്രീനാരായണ ഗുരുജയന്തി ആഘോഷം സെപ്റ്റംബർ ഏഴിന്

ചാത്തന്നൂർ : എസ്എൻഡിപി യോഗം ചാത്തന്നൂർ യൂണിയന്‍റെ ആഭിമുഖ്യത്തിൽ 171-ാമത് ശ്രീനാരായണ ഗുരുദേവ ജയന്തി വിപുലമായ പരിപാടികളോടെ ആഘോഷിക്കും.

സെപ്റ്റംബർ ഏഴിന് വൈകുന്നേരം അഞ്ചിന് കാരംകോട് എമ്പയർ ഓഡിറ്റോറിയത്തിൽ നടത്തുന്ന ജയന്തി സമ്മേളനം ശ്രീനാരായണ ഓപ്പൺ യൂണിവേഴ്സിറ്റി വൈസ് ചാൻസിലർ ഡോ. വി.പി. ജഗതിരാജ് ഉദ്ഘാടനം ചെയ്യും.

യൂണിയൻ പ്രസിഡന്‍റ് ബി.ബി. ഗോപകുമാർ അധ്യക്ഷനാ യിരിക്കും. ശ്രീനാരായണ പോളിടെക്നിക് കോളജ് പ്രിൻസിപ്പൽ വി. സന്ദീപ് പ്രതിഭാ സംഗമം ഉദ്ഘാടനം ചെയ്യും. എസ്എസ്എൽസി പ്ലസ് ടു,സിബിഎസ്ഇ, മെഡിക്കൽ, എൻജിനിയറിംഗ് എൻട്രൻസ്, കലാകായിക രംഗങ്ങളിൽ സംസ്ഥാന അടിസ്ഥാനത്തിൽ എ ഗ്രേഡ് നേടിയവർ എന്നിവരെ ചടങ്ങിൽ അനുമോദിക്കും.
അവാർഡ് വിതരണം ചാത്തന്നൂർ എസ്എൻ കോളജ് പ്രിൻസിപ്പാൾ ഡോ. വിനോദ് സി സുഗതൻ , ചാത്തന്നൂർഎസ് എൻ ടി എച്ച് എസ് എസ് പ്രിൻസിപ്പൽ ബി. രശ്മി, കൊട്ടിയംഎസ് എൻ ഐടിഐ പ്രിൻസിപ്പൽ എസ്. കനകജ എന്നിവർ നിർവഹിക്കും.

യ ൂണിയൻ വൈസ് പ്രസിഡന്‍റ് ഡി. സജീവ്, വനിതാ സംഘം പ്രസിഡന്‍റ് ചിത്രമോഹൻദാസ്, സെക്രട്ടറി ബീന പ്രശാന്ത്, യൂത്ത് മൂവ്മെന്‍റ് പ്രസിഡന്‍റ് അശ്വിൻ അശോക്, ജെ. ആരോമൽ ,യൂണിയൻ സെക്രട്ടറി കെ. വിജയകുമാർ , കെ. നടരാജൻ എന്നിവർ പ്രസംഗിക്കും.

ADVERTISEMENT

അക്ഷര കേരളം: മേഖലാതല പരിശീലനവും സർവേയും നടത്തി

കൊട്ടിയം: സാക്ഷരതാ മിഷനും നാഷണൽ സർവീസ് സ്കീമും ചേർന്ന് സാക്ഷരതാ പ്രേരക്‌മാർ, എൻഎസ്എസ് വൊളന്‍റിയർമാർ എന്നിവർക്കായി തൃക്കോവിൽവട്ടം പഞ്ചായത്ത് പരിശീലനവും സർവേയും നടത്തി. മൈലാപൂര് ഫാത്തിമ മെമ്മോറിയൽ ട്രെയിനിംഗ് കോളജിൽ നടത്തിയ പരിശീലനം തൃക്കോവിൽവട്ടം പഞ്ചായത്ത്‌ പ്രസിഡന്‍റ് ജി.എസ്. സിന്ധു ഉദ്ഘാടനം ചെയ്തു.

മാധ്യമപ്രവർത്തകന് നേരേ ആക്രമണം; പ്രതിഷേധിച്ചു

അഞ്ചല്‍ : കടയ്ക്കലില്‍ കോണ്‍ഗ്രസ് സിപിഎം സംഘര്‍ഷ ദൃശ്യങ്ങള്‍ പകര്‍ത്താന്‍ ശ്രമിക്കവേ മാധ്യമ പ്രവര്‍ത്തകനായ ഷാനവാസ് കടയ്ക്കലിനെ കൈയേറ്റം ചെയ്ത സംഭവത്തില്‍ പ്രതിഷേധം ശക്തം. പത്രപ്രവര്‍ത്തക അസോസിയേഷന്‍ അഞ്ചല്‍ മേഖല കമ്മിറ്റിയുടെ നേതൃത്വത്തില്‍ പ്രതിഷേധം രേഖപ്പെടുത്തി. കൈയേറ്റം നടത്തിയ ബ്രാഞ്ച് സെക്രട്ടറിയെ പുറത്താക്കാന്‍ സിപിഎം തയാറാകണമെന്ന് യോഗം ആവശ്യപ്പെട്ടു. പത്രപ്രവര്‍ത്തക അസോസിയേഷന്‍ അഞ്ചല്‍ മേഖല പ്രസിഡന്‍റ് പി. സനില്‍കുമാര്‍ ഉദ്ഘാടനം ചെയ്തു. മേഖല സെക്രട്ടറി പ്രദീഷ് കുമാര്‍ അധ്യക്ഷത വഹിച്ച യോഗത്തില്‍ ജില്ലാ ട്രഷറര്‍ ബിനു, എക്‌സികുട്ടീവ് അംഗങ്ങളായ ദീപു, റിയാസ്, ബിനു എന്നിവര്‍ പ്രസംഗിച്ചു.

അംബേദ്കർ ഗ്രാമവികസന പദ്ധതി പൂർത്തീകരിച്ചു

കുളത്തൂപ്പുഴ:കേരള സർക്കാർ പട്ടിക ജാതി വികസന വകുപ്പിന്‍റെ നഗർ സമഗ്ര വികസന പദ്ധതിയായ അംബേദ്കർ ഗ്രാമ വികസനപദ്ധതിയിൽ ഉൾപ്പെടുത്തി മഠത്തിക്കോണം വാർഡിൽ നടപ്പിലാക്കിയ 50 ലക്ഷം രൂപയുടെ വികസന പദ്ധതിയുടെ പൂർത്തീകരണ ഉദ്ഘാടനം നടന്നു. മഠത്തിക്കോണം വിജ്ഞാൻവാടിയിൽ സംഘടിപ്പിച്ച പരിപാടി പി.എസ്. സുപാൽ എംഎൽ എ ഉദ്ഘാടനം ചെയ്തു. പഞ്ചായത്ത് പ്രസിഡന്‍റ്പി. ലൈലാബീവി അധ്യക്ഷതവഹിച്ചു .ബ്ലോക്ക് പഞ്ചായത്ത് പ്രസിഡന്‍റ് ഓമന മുരളി,ബ്ലോക്ക് പഞ്ചായത്ത് അംഗം ഇ. കെ .സുധീർ, പഞ്ചായത്ത് അംഗം നെദീറ സൈഫുദീൻ, മുൻ പഞ്ചായത്ത് അംഗം ബി. സുനിൽ കുമാർ,പട്ടിക ജാതി വികസന ഓഫീസർ ജോൺ മാത്യൂ,പ്രമോട്ടർ മനു എന്നിവർ പ്രസംഗിച്ചു. ഭവന പുനരുദ്ധാരണം,റോഡുകളുടെ നവീകരണം,കിണർ നവീകരണം തുടങ്ങിയ പ്രവർത്തികളാണ് നടപ്പിലാക്കിയത് സംസ്ഥാന നിർമിതി കേന്ദ്രത്തിന്‍റെചുമതലയിലായിരുന്നു നിർമാണം.

ദേശീയപാത 183ന്‍റെ വികസന പദ്ധതിക്ക് അംഗീകാരം നൽകണം: എൻ.കെ. പ്രേമചന്ദ്രൻ എംപി

കൊല്ലം :ദേശീയപാത 183 ന്‍റെ വികസന പദ്ധതിയ്ക്ക് എത്രയും പെട്ടെന്ന് അംഗീകാരം നല്‍കണമെന്ന് എന്‍.കെ. പ്രേമചന്ദ്രന്‍ എം പി ലോകസഭയില്‍ ആവശ്യപ്പെട്ടു. ഹൈസ്കൂള്‍ ജംഗ്ഷന്‍ മുതല്‍ കടവൂര്‍ വരെ വികസന പദ്ധതിയില്‍ ഉള്‍പ്പെടുത്തണം. ഭരണിക്കാവ് മുതല്‍ ടൈറ്റാനിയം ജംഗ്ഷന്‍ വരെ പുതിയ ദേശീയപാത 183എയ്ക്ക് അംഗീകാരം നല്‍കണമെന്നും എന്‍.കെ. പ്രേമചന്ദ്രന്‍ എംപി ആവശ്യപ്പെട്ടു. ചട്ടം 377 പ്രകാരമാണ് വിഷയം ലോകസഭയില്‍ ഉന്നയിച്ചത്. ദേശീയപാത 183 ന്‍റെ വികസന പദ്ധതി മന്ത്രാലയത്തിന്‍റെ പരിഗണനയിലാണ്. എന്നാല്‍ പദ്ധതിയ്ക്ക് നാളിതുവരെയായി അംഗീകാരം നല്‍കിയിട്ടില്ല. പദ്ധതിയുടെ അലൈന്‍മെന്‍റ് തയാറാക്കിയപ്പോള്‍ കൊല്ലം ഹൈസ്കൂള്‍ ജംഗ്ഷന്‍ മുതല്‍ കടവൂര്‍ വരെയുളള ഭാഗം അലൈന്‍മെന്‍റില്‍ നിന്നും ഒഴിവാക്കപ്പെട്ടിരുന്നു. കൊല്ലം പ്രധാനപ്പെട്ട നഗരമാണ്. കൊല്ലം നഗരത്തെ ദേശീയപാതയുമായി ബന്ധിപ്പിക്കുന്ന പ്രധാന റോഡുകളില്‍ ഒന്നാണ് കൊല്ലം ഹൈസ്കൂള്‍ ജംഗ്ഷന്‍ - കടവൂര്‍ റോഡ്. റോഡില്‍ വലിയ ഗതാഗത തിരക്കാണുളളത്. വികസന പദ്ധതിയില്‍ ഹൈസ്കൂള്‍ ജംഗ്ഷന്‍ - കടവൂര്‍ റോഡ് ഉള്‍പ്പെടുത്തിയില്ലെങ്കില്‍ വലിയ ഗതാഗത കുരുക്കുണ്ടാകും. പ്രസ്തുത റോഡ് കൂടി ഉള്‍പ്പെടുത്തി വികസന പദ്ധതിയ്ക്ക് അടിയന്തരമായി അംഗീകാരം നല്‍കേണ്ടത് അനിവാര്യമാണ്. ‌ ഭരണിക്കാവ് മുതല്‍ ടൈറ്റാനിയം ജംഗ്ഷന്‍ വരെ ദേശീയപാത 183 എ ആയി പ്രഖ്യാപിക്കുന്നതിനുളള നിര്‍ദേശവും മന്ത്രാലയത്തിന്‍റെ പരിഗണനയിലാണ്. അടിയന്തിരമായി വിഷയത്തില്‍ ഇടപെട്ട് ദേശീയപാത 183 ന്‍റെ സമഗ്രവികസനവും അതോടൊപ്പം 183 എ യുടെ വികസനവും സാധ്യമാക്കണമെന്നും എന്‍.കെ. പ്രേമചന്ദ്രന്‍ എംപി ലോകസഭയില്‍ ആവശ്യപ്പെട്ടു.

ഓണത്തിന് കൊല്ലത്തേക്ക് രണ്ട് സ്‌പെഷല്‍ ട്രെയിനുകള്‍

പരവൂര്‍: ഓണക്കാല തിരക്കു പ്രമാണിച്ച് കൊല്ലത്തേയ്ക്ക് രണ്ട് സ്‌പെഷല്‍ ട്രെയിനുകള്‍ അനുവദിച്ച് ഭക്ഷിണ റെയില്‍വേ. ചെന്നൈ- കൊല്ലം, മംഗളുരു - കൊല്ലം റൂട്ടുകളില്‍ പ്രതിവാര സ്‌പെഷല്‍ സര്‍വീസുകളാണ് നടത്തുന്നത്. ചെന്നൈയില്‍ നിന്ന് ഓഗസ്റ്റ് 27, സെപ്റ്റംബര്‍ മൂന്ന്, 10 തീയതികളില്‍ ഉച്ചകഴിഞ്ഞ് 3.10 ന് പുറപ്പെടുന്ന ട്രെയിന്‍ അടുത്ത ദിവസം രാവിലെ 6.40ന് കൊല്ലത്ത് എത്തും. തിരികെ കൊല്ലത്ത് നിന്ന് ഓഗസ്റ്റ് 28, സെപ്റ്റംബര്‍ നാല്, 11 തീയതികളില്‍ രാവിലെ 10.40 ന് പുറപ്പെടുന്ന ട്രെയിന്‍ അടുത്ത ദിവസം രാവിലെ 3.30 ന് ചെന്നൈയില്‍ എത്തും. പാലക്കാട്, തൃശൂര്‍, ആലുവ, എറണാകുളം ടൗണ്‍, കോട്ടയം, ചങ്ങനാശേരി, തിരുവല്ല, ചെങ്ങന്നൂര്‍, മാവേലിക്കര, കായംകുളം, കരുനാഗപ്പള്ളി, ശാസ്താംകോട്ട എന്നിവയാണ് കേരളത്തിലെ സ്റ്റോപ്പുകള്‍. മംഗളുരുവില്‍ നിന്ന് കൊല്ലത്തേയ്ക്കുള്ള സ്‌പെഷല്‍ ട്രെയിന്‍ ഓഗസ്റ്റ് 25, സെപ്റ്റംബര്‍ ഒന്ന്, എട്ട് തീയതികളില്‍ രാത്രി 11.15 ന് പുറപ്പെട്ട് അടുത്ത ദിവസം രാവിലെ 10.20 ന് കൊല്ലത്ത് എത്തും. ‌തിരികെയുള്ള സര്‍വീസ് ഓഗസ്റ്റ് 26, സെപ്റ്റംബര്‍ രണ്ട്, ഒമ്പത് തീയതികളില്‍ കൊല്ലത്ത് നിന്ന് വൈകുന്നേരം 5.10ന് പുറപ്പെട്ട് അടുത്ത ദിവസം രാവിലെ 5.30ന് മംഗളുരുവില്‍ എത്തും. കാസര്‍ഗോഡ്, കാഞ്ഞങ്ങാട്, പയ്യന്നൂര്‍, കണ്ണൂര്‍, തലശേരി, വടകര, കോഴിക്കോട്, തിരൂര്‍, ഷൊര്‍ണൂര്‍, തൃശൂര്‍, ആലുവ, എറണാകുളം ടൗണ്‍, കോട്ടയം, ചങ്ങനാശേരി, തിരുവല്ല, ചെങ്ങന്നൂര്‍, മാവേലിക്കര, കായംകുളം, കരുനാഗപ്പള്ളി, ശാസ്താംകോട്ട എന്നിവയാണ് കേരളത്തിലെ സ്റ്റോപ്പുകള്‍.

സ്വകാര്യ ദൃശ്യങ്ങൾ സാമൂഹ്യമാധ്യമങ്ങൾ വഴി പ്രചരിപ്പിക്കുമെന്ന് ഭീഷണി : യുവാവ് അറസ്റ്റിൽ

കൊല്ലം : കൊല്ലം സ്വദേശിനിയായ യുവതിയുമൊത്തുള്ള സ്വകാര്യ ദൃശ്യങ്ങൾ സാമൂഹ്യ മാധ്യമങ്ങൾ വഴി പ്രചരിപ്പിക്കുമെന്ന് ഭീഷണിപ്പെടുത്തിയ യുവാവ് കൊല്ലം സിറ്റി സൈബർ പോലീസിന്‍റെ പിടിയിലായി. കൊല്ലം പള്ളിത്തോട്ടം ഡോണ്‍ ബോസ്കോ നഗർ- 78-ൽ കടപ്പുറം പുറന്പോക്ക് വീട്ടിൽ ജോസ് നികേഷ് (37) ആണ് പിടിയിലായത്. യുവതിയുമായി സൗഹൃദത്തിലായിരുന്ന ഇയാൾ ഇവർ തമ്മിലുള്ള നിരവധി സ്വകാര്യ ദൃശ്യങ്ങൾ കൈക്കലാക്കി ഫോണിൽ സൂക്ഷിച്ചിരുന്നു. പിന്നീട് യുവതി ഇയാളുടെ ആഗ്രഹങ്ങൾക്ക് വഴങ്ങാതെ വന്നതോടെ സ്വകാര്യ ദൃശ്യങ്ങൾ യുവതിക്ക് വാട്സാപ്പ് വഴി അയച്ചുകൊടുക്കുകയും യുവാവിന്‍റെ ആഗ്രഹങ്ങൾക്ക് വഴങ്ങിയില്ലെങ്കിൽ ഇവ സാമൂഹ്യ മാധ്യമങ്ങൾ വഴി പ്രചരിപ്പിച്ച് മാനഹാനിപ്പെടുത്തുമെന്ന് ഭീഷണി മുഴക്കുകയുമായിരുന്നു. ‌‌ യുവാവിൽ നിന്നുള്ള മാനസിക സമ്മർദ്ദം താങ്ങാൻ കഴിയാതെ വന്നതോടെയാണ് യുവതി കൊല്ലം സിറ്റി സൈബർ പോലീസിനെ സമീപിച്ചത്. യുവതിയുടെ പരാതിയിൽ കേസ് രജിസ്റ്റർ ചെയ്ത ശേഷം പോലീസ് സംഘം നടത്തിയ അന്വേഷണത്തിൽ പ്രതിയായ ജോസ് നികേഷിനെ കണ്ടെത്തി അറസ്റ്റ് ചെയ്യുകയായിരുന്നു. കൊല്ലം സിറ്റി ഡിസിആർബി അസി.പോലീസ് കമ്മീഷണർ എ.നസീറിന്‍റെ നിർദേശപ്രകാരം കൊല്ലം സിറ്റി സൈബർ പോലീസ് സ്റ്റേഷൻ ഇൻസ്പെക്ടർ അബ്‌ദുൾ മനാഫിന്‍റെ നേതൃത്വത്തിൽ എസ്.ഐ നന്ദകുമാർ, എഎസ്്ഐ ജയകുമാരി, എന്നിവരടങ്ങിയ സംഘമാണ് പ്രതിയെ പിടികൂടിയത്.

ജീവിത വിശുദ്ധിക്കൊപ്പം ശുദ്ധമായ കൃഷിയുടെ പച്ചപ്പും പകർന്ന് ഫാ.അഗസ്റ്റിൻ സ്റ്റാൻലി

ജോൺസൺ വേങ്ങത്തടം കൊല്ലം: വൈദികവൃത്തിയുടെ വിശുദ്ധിക്കൊപ്പം ശുദ്ധമായ കൃഷിയുടെ സന്ദേശം ജനങ്ങളിലേക്ക് എത്തിക്കുകയാണ് കാഞ്ഞിരകോട് സെന്‍റ് ഈഡിത്ത് സ്റ്റെയിൻ മോണാസ്ട്രിയിലെ ഫാ. അഗസ്റ്റിൻ സ്റ്റാൻലി ഒസിഡി. കാടുപിടിച്ചുകിടന്ന 25 സെന്‍റ് സ്ഥലത്തു കൃഷിഭവന്‍റെയും പഞ്ചായത്തിന്‍റെയും സഹായത്തോടെ കൃഷിയിറക്കി പച്ചപ്പ് വിരിക്കുകയാണ് ഈ വൈദികൻ. രാവിലത്തെ വിശുദ്ധ കുർബാനയ്ക്കുശേഷം കൃഷിയിടത്തിലിറങ്ങി പണിക്കാരനൊടൊപ്പം കിളയ്ക്കാനും കളപറിക്കാനും ചെടിക്കു വളമിട്ടുവെള്ളം ഒഴിച്ചുപരിപാലിക്കാനും അച്ചനു മടിയില്ല. എത്രമണിക്കൂറുവേണമെങ്കിലും കൃഷിയിടത്തിൽ ചെലവഴിക്കാൻ അച്ചനുമടിയില്ല. കൃഷിയിലൂടെ ആഹ്ലാദം കണ്ടെത്തുന്ന വൈദികൻ ഓരോ ചെടിയേയും പരിപാലിക്കുന്നതിലും വളരെ ശ്രദ്ധയാണ് നൽകുന്നത്. ക്രിസ്തീയ പാട്ടുകളും പ്രാർഥനകളും ചൊല്ലി ഓരോ ചെടിക്കുമുന്നിലൂടെ തലോടി കടന്നു പോകുന്ന സ്റ്റാൻലിയച്ചനൊരു തനികർഷകനായി മാറുകയാണ്. മരച്ചിനി, പയർ ഉൾപ്പെടുന്ന പച്ചക്കറികൾ, വാഴ, മുളക്, ചേന, ചേന്പ് എന്നിവ കൃഷി ചെയ്യുന്നു. ഇതുകൂടാതെ കുറ്റികുരുമുളകിന്‍റെ പരിപാലനവും പിവിസി പൈപ്പിലുള്ള കുരുമുളക് വളർത്തലും തെങ്ങുകൃഷിയും അച്ചനെ വേറിട്ടുനിർത്തുന്നു. ഗ്രോബാഗിൽ പച്ചക്കറികൾ തയാറാക്കാൻ കൃഷിഓഫീസുമായി ചേർന്നു സ്ഥലം ഒരുക്കി കഴിഞ്ഞു. ഇതിൽ വെണ്ട, വഴുതന, പച്ചമുളക്, കത്രിക്ക, പയർ തുടങ്ങിയ പച്ചക്കറികളാണ് നടുന്നത്. ജൈവകൃഷിയുടെ പച്ചപ്പിൽ തലയെടുത്തു നിൽക്കുന്ന കൃഷികളാണ് ഇവിടെയുള്ളത്. അച്ചനു കൃഷിയൊരു പാഷനാണ്. കൊട്ടിയത്ത് സൗത്ത് കേരള പ്രൊവിൻസിലായിരിക്കുന്പോൾ ഏക്കർകണക്കിനുള്ള സ്ഥലത്തും കൃഷിയിറക്കാൻ സമയം കണ്ടെത്തിയിരുന്നു. കൃഷി എപ്പോഴും പോസിറ്റിവ് എനർജിയാണ് നൽകുന്നതുകൊണ്ടാണ് ഇതിലേക്ക് ഇറങ്ങിയത്. ഹരിത കേരളം മിഷന്‍റെ ഏകോപനത്തിൽ നടപ്പിലാക്കി വരുന്ന ദേവഹരിതം പദ്ധതിയിൽ അച്ചൻ സജീവപങ്കാളിയാണ്. അച്ചന്‍റെ കൂടെ നിന്നു സഹായിക്കാൻ പേരയം കൃഷിഭവനിലെ കൃഷിഓഫീസർ ടിസി റെയ്ച്ചൽ തോമസും സഹപ്രവർത്തകരും ഹരിതകേരളമിഷന്‍റെ ചിറ്റുമലബ്ലോക്ക് റിസോഴ്സ് പേഴ്സൺ ജെസിരാജും പഞ്ചായത്തും മുന്നിലുണ്ട്. ടിസി റെയ്ച്ചലിന്‍റെയും ജെസിയുടെയും ഉപദേശവും പിന്തുണയും ഏറെ സഹായകരമാകുന്നുണ്ടെന്നാണ് അച്ചൻ പറഞ്ഞത്. കഴിഞ്ഞ ദിവസം ഹരിത കേരളം മിഷന്‍റെ ഏകോപനത്തിൽ നടപ്പിലാക്കി വരുന്ന ദേവഹരിതം പദ്ധതിയിൽ ഉൾപ്പെടുത്തി പേരയം പഞ്ചായത്തും കൃഷി ഭവനും സംയുക്തമായി നടത്തിയ കർഷക ദിനത്തിൽ മികച്ച കർഷകനായി അച്ചനെ തെരഞ്ഞെടുത്ത് ആദരിച്ചിരുന്നു.പി.സി. വിഷ്ണു നാഥ് എംഎൽഎയാണ് പൊന്നാട അണിയിക്കുകയും ഫലകം നൽകി അഭിനന്ദിച്ചത്. അച്ചന്‍റെ മനസിലുണ്ടായിരുന്ന പച്ചപ്പിനെ വെള്ളവും വളവും നൽകി പ്രോത്സാഹിപ്പിച്ചു വളർത്തിയെടുത്തതു കൃഷിഭവനും ഹരിതകേരളം മിഷനും പഞ്ചായത്തുമാണെന്ന് അച്ചൻ പറയും.

കർഷക ദിനാചരണം നടത്തി

എഴുകോൺ: പഞ്ചായത്തും കൃഷിഭവനും സംയുക്തമായി പഞ്ചായത്ത് അങ്കണത്തിൽ വച്ച് കർഷകദിനാചരണം നടത്തി. ഉദ്ഘാടനം മന്ത്രി കെ.എൻ. ബാലഗോപാൽ നിർവഹിച്ചു. പഞ്ചായത്ത് പ്രസിഡന്‍റ് അഡ്വ.ബിജു ഏബ്രഹാം അധ്യക്ഷത വഹിച്ച യോഗത്തിൽ പ്രിൻസിപ്പൽ കൃഷിഓഫീസർ എം.എസ്. അനീസ പദ്ധതികൾ വിശദീകരിച്ചു. കൃഷി ഓഫീസർ മോളു ടി.ലാൽസൺ, വൈസ് പ്രസിഡന്‍റ് സുഹർബാൻ, ജില്ലാ പഞ്ചായത്ത് മെമ്പർ അഡ്വ.സുമലാൽ വികസന സ്റ്റാൻഡിംഗ് കമ്മറ്റി അധ്യക്ഷൻ ടി.ആർ. ബിജു, ക്ഷേമകാര്യ സ്റ്റാൻഡിംഗ് കമ്മിറ്റി അധ്യക്ഷ ബീന മാമച്ചൻ, ബ്ലോക്ക് പഞ്ചായത്ത് അംഗങ്ങളായ എച്ച്.എസ്. കനക ദാസ്, എം. ശിവപ്രസാദ്, മിനി അനിൽ, പഞ്ചായത്ത് മെമ്പർമാരായ രതീഷ്‌ കിളിത്തട്ടിൽ, വിജയപ്രകാശ്,ആതിര ജോൺസൺ, രഞ്ജിനി അജയൻ, പ്രീത കനകരാജ്, കൊട്ടാരക്കര കൃഷി അസി.ഡയറക്‌ടർ ധന്യകൃഷ്‌ണൻ, സിഡിഎസ് ചെയർ പേഴ്സ‌ൺ പ്രീത, കാർഷിക വിപണി പ്രസിഡന്‍റ് സുഭാഷ്, കാർഷിക വികസന സമിതി അംഗങ്ങൾ, പഞ്ചായത്ത് സെക്രട്ടറി സ്നേഹജ ഗ്ളോറി എന്നിവർ പ്രസംഗിച്ചു. വിവിധ മേഖലയിലെ കർഷകരെയും കർഷക തൊഴിലാളിയെയും ചടങ്ങിൽ ആദരിച്ചു.

പ്രതികൂല സാഹചര്യത്തിലും കേരളത്തിൽ വികസന പ്രവർത്തനങ്ങൾ തുടരുന്നു: മന്ത്രി മുഹമ്മദ്‌ റിയാസ്

ചാത്തന്നൂർ:വാഹനപ്പെരുപ്പം, കാലാവസ്ഥാ മാറ്റങ്ങൾ എന്നീ സാഹചര്യങ്ങളിലും അടിസ്ഥാന സൗകര്യ വികസന പ്രവർത്തനങ്ങൾ കേരളത്തിൽ തുടരുകയാണെന്ന് മന്ത്രി പി.എ. മുഹമ്മദ് റിയാസ്. ചാത്തന്നൂർ - ആദിച്ചനല്ലൂർ പഞ്ചായത്തുകളെ ബന്ധിപ്പിക്കുന്ന പള്ളിക്കമണ്ണടി പാലത്തിന്‍റെ നിർമാണോദ്ഘാടനം നിർവഹിക്കുകയായിരുന്നു അദ്ദേഹം. പാലം യാഥാർഥ്യമാകുന്നതോടെ ആദിച്ചനല്ലൂർ, നെടുമ്പന, പൂയപ്പള്ളി പഞ്ചായത്തുകളിലെ ജനങ്ങൾക്ക് ചാത്തന്നൂരിലേക്ക് എത്താനും ദേശീയപാത ഉപയോഗിക്കാനും എളുപ്പമാകും. സംസ്ഥാനത്തെ ഒമ്പത് ജില്ലകളിലൂടെ കടന്നുപോകുന്ന തീരദേശ ഹൈവേ ടൂറിസം പദ്ധതികൾക്കും സഹായകമാണ്. ഹൈവേയുടെ ഓരോ 50 കിലോമീറ്റർ ഇടവിട്ട് ദീർഘദൂര യാത്രക്കാർക്ക് വിശ്രമിക്കാനും കാഴ്ചകൾ ആസ്വദിക്കാനും കേന്ദ്രങ്ങൾ ഒരുക്കും. മലയോര ഹൈവേ കാർഷിക ടൂറിസം മേഖലയ്ക്ക് ഉണർവ് നൽകും. ദേശീയപാതയുടെ സ്ഥലമേറ്റെടുപ്പിന് സംസ്ഥാന സർക്കാർ 5,600 കോടി രൂപ ചെലവഴിച്ചു. സംസ്ഥാനത്തെ റോഡ് നിർമാണ പ്രവർത്തനങ്ങളിൽ സുതാര്യത ഉറപ്പാക്കാൻ കരാറുകാരുടെ വിവരങ്ങൾ ജനങ്ങൾക്ക് അറിയാൻ കഴിയുന്ന ഡിഎൽ പി, റണ്ണിംഗ് കോൺട്രാക്‌ട് സംവിധാനങ്ങൾ നടപ്പിലാക്കിയെന്നും മന്ത്രി കൂട്ടിച്ചേർത്തു. ജി.എസ്. ജയലാൽ എംഎൽഎ അധ്യക്ഷനായി. ജില്ലാ പഞ്ചായത്ത് വൈസ് പ്രസിഡന്‍റ് ശ്രീജ ഹരീഷ്, ഇത്തിക്കര ബ്ലോക്ക് പഞ്ചായത്ത് പ്രസിഡന്‍റ് അഡ്വ. എം .കെ. ശ്രീകുമാർ, ആദിച്ചനല്ലൂർ പഞ്ചായത്ത് പ്രസിഡന്‍റ് രേഖാ ചന്ദ്രൻ, ഇത്തിക്കര ബ്ലോക്ക് പഞ്ചായത്ത് വൈസ് പ്രസിഡന്‍റ് നിർമല വർഗീസ്, ചാത്തന്നൂർ പഞ്ചായത്ത് വൈസ് പ്രസിഡന്‍റ് ഒ. മഹേശ്വരി, ആദിച്ചനല്ലൂർ പഞ്ചായത്ത് വൈസ് പ്രസിഡന്‍റ് എം. അനിൽകുമാർ, സ്ഥിരംസമിതി അധ്യക്ഷർ, പഞ്ചായത്ത് അംഗങ്ങൾ, രാഷ്്‌ട്രീയകക്ഷി നേതാക്കൾ തുടങ്ങിയവർ പ്രസംഗിച്ചു.

എൻസിസി കേഡറ്റുകളുടെ സാഹസിക കായൽയാത്രയ്‌ക്ക്‌ തുടക്കം

കൊല്ലം: എൻസിസി കേഡറ്റുകളുടെ സാഹസിക കായൽയാത്രയ്‌ക്ക്‌ തുടക്കം. എൻസിസി നേവൽ കേഡറ്റുകളുടെ പര്യവേക്ഷണ കായൽയാത്ര തേവള്ളിയിൽനിന്നാണ് പുറപ്പെട്ടത് . രാജ്യത്തെ മികച്ച നേവൽ യൂണിറ്റിനെ തെരഞ്ഞെടുക്കുന്നതിനായി നടത്തുന്ന ദേശീയ മത്സര ഭാഗമായാണ് പായ് വഞ്ചിയിലെ സാഹസിക കായൽയാത്ര സംഘടിപ്പിച്ചത്‌. തേവള്ളി 3 കെ നേവൽ യൂണിറ്റ് എൻസിസിയിൽ യാത്ര കൊല്ലം ഗ്രൂപ്പ് കമാൻഡർ ബ്രിഗേഡിയർ ജി .സുരേഷ് ഫ്ലാഗ്‌ ഓഫ് ചെയ്തു. അഷ്ടമുടി കായലിൽ ആരംഭിച്ച യാത്ര പുന്നമടക്കായൽ, വേമ്പനാട് കായൽ വഴി ആലപ്പുഴയിലെ കണ്ണങ്കരയിൽ എത്തി മടങ്ങും. ദേശീയ ജലപാത മൂന്നിലൂടെ 10 ദിവസം കൊണ്ട് 220 കിലോമീറ്റർ ദൂരം സഞ്ചരിക്കും. കേരളത്തിലെ വിവിധ ജില്ലകളിൽനിന്നുള്ളവരും ലക്ഷദ്വീപിൽനിന്നുള്ള രണ്ടുപേരും ഉൾപ്പെടെ 65 കേഡറ്റുകൾ പങ്കെടുക്കുന്നു. സംഘത്തിൽ 29 പെൺകുട്ടികളുണ്ട്‌. പായ്കൾ കെട്ടിയ മൂന്ന് ഡികെ വേലർ ബോട്ടുകളിൽ തുഴഞ്ഞുമുന്നേറുന്ന കാഴ്ച ആവേശകരമായി. യുവജനങ്ങളെ എൻസിസിയിലേക്ക്‌ ആകർഷിക്കുക, സവിശേഷ സാഹചര്യങ്ങളെ നേരിടാൻ കേഡറ്റുകൾക്ക്‌ ധൈര്യം പകരുക, അപ്രതീക്ഷിത സാഹചര്യങ്ങളെ അഭിമുഖീകരിക്കാനുള്ള കഴിവ് വികസിപ്പിക്കുക എന്നിവയും പരിപാടിയുടെ ലക്ഷ്യമാണെന്ന്‌ മൂന്ന്‌ കേരള നേവൽ യൂണിറ്റ് കമാൻഡിംഗ് ഓഫീസർ ക്യാപ്റ്റൻ എ. ഉണ്ണിക്കൃഷ്ണൻ പറഞ്ഞു. പാതിരാമണൽ പക്ഷിസങ്കേതം ഉൾപ്പെടെ തെരഞ്ഞ െടുത്ത പ്രദേശങ്ങളുടെ ശുചീകരണം, ബോധവത്കരണ പ്രവർത്തനങ്ങൾ എന്നിവയും യാത്രയുടെ ഭാഗമായി നടക്കും.

ഉറവിട ജൈവമാലിന്യ സംസ്‌കരണം; നൂതന മാര്‍ഗവുമായി പോരുവഴി പഞ്ചായത്ത്

കൊല്ലം: ഉറവിട ജൈവമാലിന്യം നൂറു ശതമാനവും ഉറവിടത്തില്‍ സംസ്‌കരിച്ച് നൂതനമാര്‍ഗങ്ങളുമായി പോരുവഴി പഞ്ചായത്ത്. ശുചിത്വമിഷന്‍റെ ഫണ്ടില്‍നിന്നും 9.45 ലക്ഷം രൂപ ചിലവഴിച്ച് ദൈനംദിനം 50 മുതല്‍ 100 കിലോഗ്രാം വരെ ജൈവമാലിന്യം സംസ്‌കരിക്കാന്‍ പര്യാപ്തമായ ഗോബര്‍ദ്ധന്‍ ബയോഗ്യാസ് പ്ലാന്‍റ് സ്ഥാപിച്ചിരിക്കുകയാണ് പഞ്ചായത്ത്. പോരുവഴി സര്‍ക്കാര്‍ ഹയര്‍ സെക്കന്‍ഡറി സ്‌കൂള്‍, ആയുര്‍വേദ ആശുപത്രി എന്നിവിടങ്ങളിലാണ് പ്ലാന്‍റുകള്‍. ഭക്ഷണ അവശിഷ്‌ടങ്ങളും പാചക അവശിഷ്‌ടങ്ങളും ബയോഗ്യാസ് പ്ലാന്‍റില്‍ സംസ്‌കരിച്ച് പാചകവാതകമായി ഉപയോഗിക്കും. ആയുര്‍വേദ ആശുപത്രിയില്‍നിന്നുള്ള ജൈവമാലിന്യങ്ങള്‍ പ്ലാന്‍റിലൂടെ സംസ്‌കരിച്ച് ഊര്‍ജമാക്കി ശുചിത്വവും ഉറപ്പാക്കുകയാണ് ലക്ഷ്യം. ലഭ്യമാകുന്ന ഊര്‍ജം മരുന്നുകള്‍ തയാക്കാനും പ്രയോജനപ്പെടുത്തും. കരിയില ഒഴികെ ജൈവമാലിന്യങ്ങളെല്ലാം ശാസ്ത്രീയമായി സംസ്‌കരിക്കുന്നു. പ്ലാന്‍റുകളുടെ തുടര്‍പ്രവര്‍ത്തനവും പരിപാലനവും പഞ്ചായത്തിന്‍റെ മേല്‍നോട്ടത്തിലായിരിക്കും. ജില്ലയില്‍ ഒന്നിലധികം പ്ലാന്‍റുകളുടെ നിര്‍മാണം പൂര്‍ത്തിയാക്കിയ ഏക പഞ്ചായത്താണ് പോരുവഴി. വീടുകളിലെ മാലിന്യനിര്‍മാര്‍ജനത്തിനും വിവിധ പദ്ധതികള്‍ പഞ്ചായത്ത് നടപ്പാക്കിയിട്ടുണ്ട്.ധനകാര്യ കമ്മീഷൻ ഗ്രാന്‍റില്‍ നിന്നും 3,26,060 രൂപ വിനിയോഗിച്ച് പഞ്ചായത്തിലെ 137 കുടുംബങ്ങള്‍ക്ക് ഗാര്‍ഹിക മാലിന്യസംസ്‌കരണത്തിന് ഓര്‍ഗാനിക് കമ്പോസ്റ്റ് ബിന്‍ വിതരണം ചെയ്തു. 2380 രൂപ വിലയുള്ളവയ്ക്ക് 90 ശതമാനമാണ് സബ്‌സിഡി. ഗ്രാമസഭ മുഖേന തെരഞ്ഞെടുക്കപ്പെടുന്ന ആറ് സെന്‍റില്‍ താഴെ വസ്തുവുള്ള കുടുംബങ്ങള്‍, കര്‍ഷകര്‍ എന്നിവരാണ് ഗുണഭോക്താക്കള്‍. ഹരിതകര്‍മസേന അംഗങ്ങളുടെ നേതൃത്വത്തില്‍ ഓര്‍ഗാനിക് കമ്പോസ്റ്റ് ബിന്നുകളുടെ തുടര്‍പരിപാലനം ഉറപ്പാക്കുന്നു. ഈ സാമ്പത്തിക വര്‍ഷം ധനകാര്യ കമ്മീഷന്‍ ഗ്രാന്‍റില്‍ നിന്നും 12,89,960 രൂപ പദ്ധതിക്കായി വകയിരുത്തിയിട്ടുണ്ട്. ഇത്തവണ 531 ഗുണഭോക്താക്കള്‍ക്ക് 90 ശതമാനം സബ്‌സിഡി നിരക്കില്‍ ബിന്‍ നൽകാനാണ് ലക്‌ഷ്യം വെച്ചിട്ടുള്ളത്.ജൈവമാലിന്യ സംസ്‌കരണത്തിനായി വീടുകള്‍തോറും ബൊക്കാഷി ബക്കറ്റുകൾ വിതരണംചെയ്തു. 2845 രൂപ യൂണിറ്റ് കോസ്റ്റ് വരുന്ന ബൊക്കാഷി ബക്കറ്റ് 36 കുടുംബങ്ങള്‍ക്ക് നല്‍കി. വിലയുടെ 10 ശതമാനമായ 285 രൂപ ഗുണഭോക്താക്കള്‍ നല്‍കണം. ബാക്കി 90 ശതമാനം പഞ്ചായത്ത് വഹിക്കും. ജൈവമാലിന്യം ബക്കറ്റിലാക്കി ബാക്ടീരിയ ചേര്‍ത്ത് വളമാക്കുന്ന രീതിയാണ് ബൊക്കാഷി.ബക്കറ്റ്, ലാക്റ്റോബാസിലസ് ബാക്ടീരിയപൊടിയും ലഭ്യമാക്കി. ഗുണഭോക്തൃവിഹിതം നല്‍കിയാല്‍പഞ്ചായത്ത് പരിധിയിലെ കുടുംബങ്ങള്‍ക്ക് ബക്കറ്റ് നല്‍കും.

മലയോര മേഖലയിൽ കുരങ്ങും മലയണ്ണാനും വ്യാപക കൃഷിനാശം വരുത്തുന്നു

ഭാരതീപുരം: മലയോര മേഖലയിൽ കൃഷിക്കാർ അനുഭവിക്കുന്ന പ്രതിസന്ധികൾക്ക് ശാശ്വത പരിഹാരം ഉണ്ടാകണമെന്ന് ആവശ്യം ശക്തമാകുന്നു. കുരങ്ങ്, മലയണ്ണാൻ, പന്നി, എന്നിവയുടെ ശല്യം മൂലം കൃഷികൾ നശിക്കുന്നു. ഓണം വിപണി ലക്ഷ്യമിട്ട് കൃഷി ഇറക്കിയ കർഷകർ പലരും നിരാശയിലാണ്. കൂട്ടത്തോടെ എത്തിയ കുരങ്ങുകൾ നേന്ത്രവാഴക്കുലകൾ നശിപ്പിക്കുന്നതിനാൽ കർഷകർ വലയുകയാണ്. പലരും പണം കടംവാങ്ങിയാണ് കൃഷിയിറക്കിയത്. നാളീകേരത്തിന്‍റെ വില കുതിച്ചുയരുന്നു. നൂറ്കണക്കിന് നാളികേരം ലഭിച്ചുകൊണ്ടിരുന്ന കർഷകർക്ക് ഓണക്കാലമായിട്ട് പോലും നാളികേരം ലഭിക്കുന്നില്ല, മലയണ്ണാൻ തെങ്ങിൽ കയറി മുഴുവനും നശിപ്പിക്കുന്നു. അതിനാൽ തെങ്ങിൽ നിന്നുള്ള ആദായവും നിലച്ചു. കൃഷി സ്ഥലത്തിന് ചുറ്റും ഫെൻസിംഗ് സ്ഥാപിച്ച് പന്നിയിൽ നിന്നുമുള്ള ശല്യം ഒരു പരിധിവരെ കുറയുമ്പോൾ മലയണ്ണാൻ, കുരങ്ങ്, ഇവയുടെ ശല്യം മൂലം കൃഷിക്കാർക്ക് ബുദ്ധിമുട്ടുണ്ടാക്കുന്നു. കാലാവസ്ഥ വ്യതിയാനങ്ങൾ മൂലം നഷ്ടം നേരിടുന്ന കർഷകർക്കു സർക്കാർ തലത്തിൽ ഏർപ്പെടുത്തിയിരിക്കുന്ന ഇൻഷുറൻസ് തുക ലഭിയ്ക്കുവാൻ വർഷങ്ങളോളം കാത്തിരിക്കേണ്ട സ്ഥിതിയിലാണ്. കർഷകർക്ക് ഉപകാരപ്രദമായ യൊരു നടപടികളും ഉണ്ടാകുന്നില്ല. വനം വകുപ്പിൽ നിന്നുമുള്ള നഷ്ടപരിഹാരം ലഭിയ്ക്കുവാനുമുള്ള കാലതാമസം ഒഴിവാക്കിയാൽ കർഷകർക്ക് പ്രയോജനമാകും.അതിനുള്ള നടപടികൾ സർക്കാരിന്‍റെ ഭാഗത്തുനിന്ന് ഉണ്ടാകണമെന്നുള്ള ആവശ്യവും ശക്തമാണ്.

ഓണം കളറാക്കാൻ ഉല്ലാസ യാത്രകളുമായി കൊല്ലം ബിടിസി

കൊല്ലം: ഓണക്കാലം ആഘോഷമാക്കാന്‍ കെഎസ്ആര്‍ടിസി ബജറ്റ് ടൂറിസം സെൽ ഓണക്കാല പാക്കേജുകൾ പ്രഖ്യാപിച്ചു. 23 മുതല്‍ സെപ്റ്റംബര്‍ 14 വരെയുള്ള ദിവസങ്ങളില്‍ 26 യാത്രകളാണ് ബിടിസി ഇതിനായി ഒരുക്കിയിരിക്കുന്നത്. വള്ളസദ്യ ഉള്‍പ്പെടുന്ന പഞ്ച പാണ്ഡവ ക്ഷേത്രദര്‍ശനത്തോടെയാണ് യാത്രകള്‍ക്ക് ആരംഭം. അഞ്ചു മഹാവിഷ്ണു ക്ഷേത്രങ്ങളില്‍ ദര്‍ശനം നടത്തി, ആറന്മുള പള്ളിയോട സേവാ സംഘം നല്‍കുന്ന വള്ളസദ്യയും കഴിച്ച് ആറന്മുള കണ്ണാടി നിര്‍മാണവും തൃക്കാക്കുടി ഗുഹ ക്ഷേത്രവും കണ്ടു മടങ്ങിയെത്തുന്ന യാത്രയ്ക്ക് വള്ള സദ്യ ഉള്‍പ്പടെ 910 രൂപയാണ് നിരക്ക്. 23, സെപ്റ്റംബര്‍ മൂന്ന് ,ആറ്, 11 എന്നീ തീയതികളിലാണ് യാത്ര.23നും സെപ്റ്റംബര്‍ 6,14 തീയതികളിൽ വാഗമണ്‍ യാത്ര. രാമക്കല്‍മേട്, പൊന്മുടി യാത്രകള്‍ സെപ്റ്റംബര്‍ 24നാണ്. ഗവിയിലേക്ക് ഓഗസ്റ്റ് 27,31. സെപ്റ്റംബര്‍ 4, 8 എന്നീ ദിവസങ്ങളില്‍ പോകാം. അടവി എക്കോ ടൂറിസം സെന്‍റര്‍, ഗവി, പരുന്തുംപാറ എന്നിവ ഉള്‍പ്പെടുന്ന ട്രിപ്പിന് ഈടാക്കുന്നത് 1750 രൂപയാണ്. പാക്കേജില്‍ ഉച്ചഭക്ഷണം, ബോട്ടിംഗ്, എല്ലാ എന്‍ട്രി ഫീസുകളും, ഗൈഡി െ ന്‍റ ഫീസും ഉള്‍പ്പെടും. വിനായക ചതുര്‍ഥിദിവസമായ ഓഗസ്റ്റ് 27ന് മള്ളിയൂര്‍ ഗണപതി ക്ഷേത്രത്തിലേക്കു തീര്‍ഥാടന യാത്ര ഒരുക്കിയിട്ടുണ്ട്. ആദിത്യ നാരായണ സൂര്യ ക്ഷേത്രം, ഏറ്റുമാനൂര്‍ ശിവ ക്ഷേത്രം, തിരുവല്ലഭ മഹാ വിഷ്ണു ക്ഷേത്രം, പനച്ചിക്കാട് സരസ്വതി ക്ഷേത്രം എന്നിവ ഉള്‍പ്പെടുന്ന യാത്രയുടെ നിരക്ക് 630 രൂപയാണ്. അന്വേഷണങ്ങള്‍ക്ക് : 9747969768, 9995554409.

ക്ഷീരകര്‍ഷകരുടെ വരുമാനം ഉറപ്പാക്കാന്‍ ‘അജഗ്രാമം' പദ്ധതിയുമായി ചടയമംഗലം ബ്ലോക്ക് പഞ്ചായത്ത്

കൊല്ലം: ക്ഷീരമേഖലയിലെ കര്‍ഷകരുടെ വരുമാന വര്‍ധനയും ആട് വളര്‍ത്തലില്‍ പിന്തുണയും ലക്‌ഷ്യം വെച്ച് അജഗ്രാമം പദ്ധതി നടപ്പാക്കി ചടയമംഗലം ബ്ലോക്ക് പഞ്ചായത്ത്. ബ്ലോക്ക് പരിധിയിലെ എട്ട് പഞ്ചായത്തുകളില്‍ ഗുണമേന്മയുള്ള ആടുകളെ വിതരണം ചെയ്ത് പാലിന്‍റെ ലഭ്യത ഉറപ്പാക്കാനാണിത്. ബ്ലോക്ക് പഞ്ചായത്ത് ജില്ലാ ലൈവ്‌സ്റ്റോക്ക് ആന്‍റ് ഹോര്‍ട്ടികള്‍ച്ചറല്‍ സൊസൈറ്റിയുടെ ഇട്ടിവ പഞ്ചായത്തിലെ ചാണപ്പാറ വാര്‍ഡില്‍ സ്ഥിതിചെയ്യുന്ന തേക്കില്‍ ഫാമുമായി കരാറില്‍ ഏര്‍പ്പെട്ടാണ് ആടുവിതരണം. പദ്ധതി നിര്‍വഹണത്തിനായി 60 മലബാറി ഇനം ആടുകളെ ബ്ലോക്ക് പഞ്ചായത്ത് ഫാമിലേക്ക് സൗജന്യമായി നല്‍കി.കരാര്‍പ്രകാരം ഒരു വര്‍ഷം അഞ്ച് മാസം പ്രായമുള്ള 20 പെണ്‍ ആടുകളെയും അഞ്ച് മുട്ടനാടുകളെയും ഒരാടിന് 2,000 രൂപ നിരക്കില്‍ ആദ്യ രണ്ടുവര്‍ഷം ബ്ലോക്ക് പഞ്ചായത്തിന് കൈമാറണം. തുടര്‍ന്നുള്ള മൂന്ന് വര്‍ഷം ഇത്രയും ആടുകളെ മുന്‍ നിശ്ചയിച്ച നിരക്കിന്‍റെ 50 ശതമാനം വിലയില്‍ നല്‍കണം. പദ്ധതിയുടെ നടത്തിപ്പിനായി ബ്ലോക്ക് പഞ്ചായത്ത് ഓരോ വര്‍ഷവും തെരഞ്ഞെടുക്കുന്ന വനിതാ സംരംഭകര്‍ ഉള്‍പ്പെടുന്ന അഞ്ച് ഗ്രൂപ്പുകളില്‍ ഓരോ ഗ്രൂപ്പിനും നാല് പെണ്‍ ആടുകളും ഒരു മുട്ടനാടിനെയും നല്‍കും. പദ്ധതിക്കായി 4,37,400 രൂപയാണ് വിനിയോഗിച്ചത്.അടുത്ത അഞ്ച് വര്‍ഷത്തില്‍ 25 ആട് പ്രജനന യൂണിറ്റുകള്‍ പഞ്ചായത്ത് സ്ഥാപിക്കും. ആടുകളെ ലൈവ് സ്റ്റോക്ക് ആന്‍ഡ് ഹോട്ടികള്‍ച്ചറല്‍ സൊസൈറ്റി സൗജന്യനിരക്കില്‍ ബ്ലോക്ക് പഞ്ചായത്തിന് നല്‍കും. ക്ഷീരമേഖലയില്‍ സ്വയംതൊഴിലിനും പാലുല്പാദനമേഖലയില്‍ സ്വയംപര്യാപ്തതയ്ക്കും വേണ്ടി സ്വയംസഹായ സംഘങ്ങള്‍ക്ക് കറവപ്പശു വളര്‍ത്തല്‍, കാലിത്തീറ്റ സബ്‌സിഡി, പാലിന് സബ്‌സിഡി എന്നീ ആനുകൂല്യങ്ങളും നല്‍കിവരുന്നുണ്ടെന്നു പ്രസിഡന്‍റ് ലതികാ വിദ്യാധരന്‍ പറഞ്ഞു.

സാന്ത്വനമായി ‘കേരള കെയര്‍'

ജില്ലയില്‍ രജിസ്റ്റർ ചെയ്തത് 8081 രോഗികൾ കൊല്ലം: ഗൃഹകേന്ദ്രീകൃതപരിചരണം ഉറപ്പാക്കുന്ന ആരോഗ്യവകുപ്പിന്‍റെ ആശ്വാസപരിചരണ ചട്ടക്കൂടായി ‘കേരള കെയര്‍'. ഗുരുതര രോഗബാധിതര്‍ക്കും കുടുംബങ്ങള്‍ക്കും ചികിത്സ, സാമൂഹികവും മാനസികവുമായ പിന്തുണയും ഉറപ്പാക്കുന്ന പദ്ധതി തദ്ദേശസ്വയംഭരണ സ്ഥാപനങ്ങള്‍ മുഖേനയാണ് നടപ്പിലാക്കി വരുന്നത്. ജില്ലയില്‍ 8081 രോഗികളാണ് സേവനത്തിനായി കേരള കെയറിൽ ഇതിനകം രജിസ്റ്റര്‍ ചെയ്തിട്ടുള്ളത്. രോഗികള്‍, സന്നദ്ധ സംഘടനകള്‍, സന്നദ്ധപ്രവര്‍ത്തകര്‍ എന്നിവര്‍ക്കും രജിസ്റ്റര്‍ ചെയ്യാം. 503 സര്‍ക്കാര്‍ സംവിധാനങ്ങള്‍, 175 സര്‍ക്കാര്‍ ഇതര സംവിധാനങ്ങള്‍ പദ്ധതിയുടെ ഭാഗമാണ്. ഇവ മുഖേനയാണ് രോഗികള്‍ക്ക് വൈദ്യസഹായം ഉള്‍പ്പെടെ സൗജന്യമായി നല്‍കുന്നത്. 421 ജനകീയ ആരോഗ്യകേന്ദ്രങ്ങള്‍, 58 കുടുംബാരോഗ്യകേന്ദ്രങ്ങള്‍, 16 സാമൂഹികാരോഗ്യകേന്ദ്രങ്ങള്‍, എട്ട് പ്രധാന ആശുപത്രികളും 41 സന്നദ്ധസംഘടനകളും 134 സന്നദ്ധപ്രവര്‍ത്തകരും ഇതിൽ ഉൾപ്പെടും. പദ്ധതി ആരംഭിച്ച് മൂന്ന് മാസത്തിനകം 18606 ഭവനസന്ദര്‍ശനം നടത്തി പരിചരണത്തിന് തുടക്കമായി. ജില്ലയില്‍ രജിസ്റ്റര്‍ ചെയ്ത രോഗികളില്‍ 3083 സ്ത്രീകളാണ്. 4992 പുരുഷന്മാരും ആറ് ട്രാന്‍സ്ജെന്‍ഡര്‍ വിഭാഗത്തിലുള്ളവരും ഉൾപ്പെടും. കൂടുതൽ രോഗികളും 71 മുതല്‍ 80 വയസിനിടയിൽ പ്രായമുള്ളവരാണ്. 81 - 90 വയസിനിടെ പ്രായമുള്ള 2042 പേരാണ് ഉള്ളത്. 61നും 70നും ഇടയില്‍ 1580, 91 വയസില്‍ മുകളില്‍ 617 എന്നിങ്ങനെയാണ് രജിസ്‌ട്രേഷന്‍. 18 വയസുവരെ 54, 19നും 30നും ഇടയില്‍ 92, 31-40 പ്രായപരിധിയില്‍ 146, 41-50 വിഭാഗത്തില്‍ 367, 51നും 60നും ഇടയില്‍ 663 രോഗികള്‍ക്കാണ് സാന്ത്വനപരിചരണം ലഭിക്കുന്നത്. സ്വന്തമായി ചലിക്കാന്‍ കഴിയാത്ത 2188 പേര്‍ ഇക്കൂട്ടത്തിലുണ്ട്. കിടക്കയില്‍ സ്വയംചലനശേഷിയുള്ളവര്‍ 1245, പരസഹായത്തോടെ ഇരിക്കാന്‍ കഴിയുന്നവര്‍ 879, പരസഹായമില്ലാതെ ഇരിക്കാനാകുന്നവര്‍ 594, മറ്റുള്ളവരുടെസഹായത്തോടെ എഴുന്നേല്‍ക്കാന്‍കഴിയുന്നവര്‍ 536. പാലിയേറ്റീവ് കെയര്‍ കമ്യൂണിറ്റി നഴ്സ്, സ്റ്റാഫ് നഴ്സ്, ഫിസിയോതെറാപിസ്റ്റ്, മെഡിക്കല്‍ ഓഫീസര്‍, ആയുര്‍വേദ ഹോംകെയര്‍, ഹോമിയോസംഘം, ഹെല്‍ത്ത് ഇന്‍സ്പെക്ടര്‍, ജെ പി എച്ച് എൻ, ആശ - സന്നദ്ധ പ്രവര്‍ത്തകര്‍, ഉള്‍പ്പെടെ വീടുകളിലെത്തിയാണ് ആശ്വാസപരിചരണം നിര്‍വഹിക്കുക. ആരോഗ്യപരിശോധന, വൈദ്യസഹായം, മരുന്നുകള്‍, പരിചരണസാമഗ്രികള്‍, വീല്‍ചെയര്‍, വാട്ടര്‍ബെഡ് തുടങ്ങിയ ഉപകരണങ്ങള്‍ തുടങ്ങിയവ ലഭ്യമാക്കിയാണ് ശുശ്രൂഷ. പൂര്‍ണമായുംകിടപ്പിലായ രോഗികള്‍ക്ക്പരിഗണന നല്‍കി കൃത്യമായ ഇടവേളകളില്‍ പരിചരണം നല്‍കുന്നുണ്ട്. പഞ്ചായത്ത്, നഗരസഭാ തലങ്ങളിലായി 80 പാലിയേറ്റീവ് കെയര്‍ കമ്യൂണിറ്റി നഴ്സുമാരെ നിയമിച്ചിട്ടുണ്ട്. നിശ്ചിത ഓണറേറിയം ഇവർക്ക് അതത് തദ്ദേശസ്ഥാപനങ്ങള്‍ നല്‍കും. വിദഗ്ധപരിചരണ യൂണിറ്റുകള്‍ ഉള്ള സി എച്ച് സികള്‍, താലൂക്ക് ആശുപത്രികള്‍, ജില്ലാ ആശുപത്രി എന്നിവിടങ്ങളില്‍ ദേശീയ ആരോഗ്യമിഷന്‍ സ്റ്റാഫ് നഴ്സിനെയും ഫിസിയോതെറാപ്പിസ്റ്റിനെയും നിയോഗിച്ചിട്ടുണ്ട്. സര്‍ക്കാര്‍ സര്‍വീസിലെ ഡോക്ടറും മേല്‍നോട്ടത്തിനുണ്ടാകും. പാരിപ്പള്ളി മെഡിക്കല്‍ കോളജിലെ പാലിയേറ്റീവ് കെയര്‍ യൂണിറ്റില്‍ സൈക്കോളജിസ്റ്റി െ ന്‍റ സേവനവും ലഭ്യമാക്കിയിട്ടുണ്ട്.

പത്രവിതരണഏജന്‍റ് കുഴഞ്ഞുവീണ് മരിച്ചു

കൊട്ടാരക്കര: പത്ര വിതരണത്തിനിടെ ഏജന്‍റ് കുഴഞ്ഞ് വീണ് മരിച്ചു. നീലേശ്വരം ചരുവിളപുത്തൻ വീട്ടിൽ സജികുമാർ (47)ആണ് മരിച്ചത്. ഇന്നലെ രാവിലെ മകനോടൊപ്പം അമ്പത്തുംകാല ഭാഗത്തെ വീടുകളിൽ പത്രം വിതരണം ചെയ്യുന്നതിനിടെയാണ് നെഞ്ചു വേദന അനുഭവപ്പെട്ട് കുഴഞ്ഞ് വീണത്. ഉടൻ തന്നെ കൊട്ടാരക്കര താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സജികുമാർ കൊട്ടാരക്കര കോടതിയിലെ അഭിഭാഷക ഗുമസ്തൻ ആയിരുന്നു. ഭാര്യ: എം. എസ്. ആര്യ. മക്കൾ. അശ്വൻ, ആദ്വൈത്.

വയോധിക വീട്ടിൽ മരിച്ച നിലയിൽ

പരവൂർ: കരുനാഗപ്പള്ളി പാവുമ്പയിൽ വയോധികയെ ദുരൂഹസാഹചര്യത്തിൽ മരിച്ച നിലയിൽ കണ്ടെത്തി. പാവുമ്പ സൗത്ത് പോണാൽ ക്ഷേത്രത്തിനു സമീപം ബിനു സദനത്തിൽ രാമചന്ദ്രൻ നായരുടെ ഭാര്യ രാജാമണിയമ്മ (71)യെയാണ് മരിച്ച നിലയിൽ കണ്ടെത്തിയത്. ഇന്നലെ രാവിലെ 11 ഓടെയാണ് രാജാമണിയമ്മയെ മുറിയിൽ മരിച്ച നിലയിൽ കാണപ്പെട്ടത്. സ്ഥലത്തെത്തിയ കരുനാഗപ്പള്ളി പോലീസ് മേൽ നടപടികൾ സ്വീകരിച്ചു.

ഗതാഗത നിരോധനം

കൊല്ലം: ബീഡിമുക്ക് ചണ്ണപ്പേട്ട റോഡില്‍ അറ്റകുറ്റപണികള്‍ നടത്തേണ്ടതിനാല്‍ ഇന്ന് മുതല്‍ രണ്ട് ദിവസത്തേക്ക് ഗതാഗത നിരോധനം ഏര്‍പ്പെടുത്തും. ചണ്ണപ്പേട്ടയില്‍ നിന്നും ബീഡിമുക്ക് ഭാഗത്തേക്ക് പോകുന്ന വാഹനങ്ങള്‍ പുല്ലാഞ്ഞിയോട് - മീന്‍കുളം വഴിയും തിരിച്ചും പോകണമെന്ന് പൊതുമരാമത്ത് നിരത്ത് വിഭാഗം അസിസ്റ്റന്‍റ് എഞ്ചിനിയര്‍ അറിയിച്ചു.

വിലക്കിഴിവോടെ 25 മുതല്‍ കരകൗശല ഉത്പന്നങ്ങളുടെ ഓണ വിൽപ്പനക്ക് തുടക്കം

കൊല്ലം: ഓണക്കാലത്ത് പ്രകൃതിജന്യ വസ്തുക്കളില്‍ പ്രാദേശിക കലാപ്രവര്‍ത്തകര്‍ തീര്‍ത്ത വേറിട്ട കരകൗശല വിസ്മയങ്ങള്‍ സ്വന്തമാക്കാന്‍ അവസരം. വിലക്കുറവിന്‍റെ ആകര്‍ഷക വിപണി ഒരുക്കുന്നത് കരകൗശലവികസന കോര്‍പറേഷന്‍റെ ബീച്ച് റോഡിലെ കെട്ടിടത്തിൽ പ്രവർത്തിക്കുന്ന ജില്ലാതല വില്‍പനകേന്ദ്രമായ കൈരളി ഹാന്‍ഡിക്രാഫ്റ്റ്‌സ് ആണ്. 25 മുതല്‍ സെപ്തംബര്‍ 30 വരെയാണ് ‘വൈഭവം 2025’ മേള സംഘടിപ്പിച്ചിട്ടുള്ളത്.തേക്ക്, ഈട്ടി, കുമ്പിള്‍ തടികളിലെ ശില്‍പചാരുതയും രുദ്രാക്ഷ-തുളസിമാലകളുടെ വൈവിധ്യവുമുണ്ടാകും. ആറന്‍മുള കണ്ണാടി, ആഭരണപെട്ടികള്‍, തടിയില്‍കൊത്തിയ ചെറുവഞ്ചിവീടുകള്‍, ചന്ദനതൈലം, മാലകള്‍, രക്തചന്ദനആഭരണങ്ങള്‍, വേറിട്ട ഉത്പന്നശേഖരം വിലക്കിഴിവോടെ വാങ്ങാനുള്ള അവസരമാണിതെന്ന് ജില്ലാ മാനേജര്‍ പി. എസ്. വത്സലന്‍ അറിയിച്ചു.

കർഷക ദിനം കണ്ണീർ ദിനം: പ്രതിഷേധ സദസ് നടത്തി

കൊട്ടിയം:സംസ്ഥാനസർക്കാർ കർഷക ദ്രോഹനടപടികളിലൂടെ കർഷകരെ കണ്ണിരിലാഴ്ത്തി ആത്മഹത്യയിലേക്ക് തള്ളിവിടുന്നതായി ഡിസിസിജനറൽ സെക്രട്ടറി ഫൈസൽ കുളപ്പാടം . കർഷകർ ഉൽപ്പാദിപ്പിച്ച നെൽ സിവിൽ സപ്ലൈസ് വഴി സംഭരിച്ച വകയിൽ ഇപ്പോഴും അഞ്ഞുറ് കോടി രൂപയോളം കുടിശിക വരുത്തി കർഷകരെ വഞ്ചിക്കുകയാണ് പിണറായി സർക്കാർ ചെയ്യുന്നതെന്ന് അദ്ദേഹം പറഞ്ഞു. കർഷക കോൺഗ്രസ് കുണ്ടറ നിയോജക മണ്ഡലം കമ്മിറ്റി കർഷക ദിനം കണ്ണീർദിനമായി ആചരിക്കുന്നതിന്‍റെ ഭാഗമായി നെടുമ്പനയിലെ കുളപ്പാടത്ത് സംഘടിപ്പിച്ച കർഷക പ്രതിഷേധ സദസ്ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. നിയോജകമണ്ഡലം പ്രസിഡന്‍റ് ജേക്കബ് കുഞ്ഞപ്പൻ അധ്യക്ഷതവഹിച്ചു.കെ.ബി.ഷഹാൽ മുഖ്യപ്രഭാഷണം നടത്തി. കർഷക കോൺഗ്രസിന്‍റെയും കോൺഗ്രസിന്‍റെയും മുതിർന്ന നേതാക്കളായ നാസിമുദീൻ ലബ്ബ, എ.എൽ. നിസാമുദീൻ,അയത്തിൽ നിസാം, പള്ളിമൺ ശരത്ത്,അനിൽ,ആസാദ് നാൽപാങ്കൽ,സുനിൽ കുമാർ, വിനയകുമാർ, ഷഹാബുദീൻ, പി.സി.ജോൺ, മാമച്ചൻ നല്ലില,ഇബ്രാഹിം കുട്ടി, ഷാൻ, ഷിഹാബ് എന്നിവർ പ്രസംഗിച്ചു.

കർഷക കോൺഗ്രസ് പ്രതിഷേധ ജ്വാല സംഘടിപ്പിച്ചു

അഞ്ചൽ :കേന്ദ്ര-സംസ്ഥാന സർക്കാരുകളുടെ കർഷക ദ്രോഹ നടപടിയിൽ പ്രതിഷേധിച്ചു കർഷ കോൺഗ്രസ് സംസ്ഥാന കമ്മിറ്റിയുടെ ആഹ്വാനപ്രകാരം കർഷക കോൺഗ്രസ് ചടയമംഗലം നിയോജകമണ്ഡലം കമ്മിറ്റിയുടെ ആഭിമുഖ്യത്തിൽ ചടയമംഗലത്ത് കണ്ണീർ ദിന പ്രതിഷേധ ജ്വാല സംഘടിപ്പിച്ചു. കർഷക കോൺഗ്രസ് ചടയമംഗലം നിയോജകമണ്ഡലം പ്രസിഡന്‍റിന്‍റെ അധ്യക്ഷതയിൽനടന്ന യോഗം കർഷക കോൺഗ്രസ് സംസ്ഥാന ജനറൽ സെക്രട്ടറി വിളക്കുപാറ ഡാനിയൽ ഉദ്ഘാടനം ചെയ്തു . യോഗത്തിൽ കർഷക കോൺഗ്രസ് ജില്ലാ ജനറൽ സെക്രട്ടറിമാരായ വയ്യാനം ഷെരീഫുദീൻ, പുതുവലിൽ ബദറുദ്ദീൻ പാലോണം വിജയൻ ,കോൺഗ്രസ് കൊല്ലം ജില്ല എക്സിക്യൂട്ടീവ് അംഗം കെ .ജി .സാബു, കർഷക കോൺഗ്രസ് മണ്ഡലം പ്രസിഡന്‍റുമാരായ ഇബിനു മസൂദ്, കടയ്ക്കൽ രവീന്ദ്രൻ, വെളിനല്ലൂർ മുരളി എന്നിവർ പ്രസംഗിച്ചു .

യുവാവിനെ ആക്രമിച്ച കേസ്: പ്രതി പിടിയിൽ

കൊട്ടിയം: മുൻവിരോധത്താൽ യുവാവിനെ ആക്രമിച്ച് പരിക്കേൽപ്പിച്ച പ്രതി പിടിയിലായി. മുഖത്തല ശ്രീജിത്ത് ഭവനത്തിൽ ശ്രീക്കുട്ടനെന്ന് വിളിക്കുന്ന ശ്രീജിത്ത്(27) ആണ് കൊട്ടിയം പോലീസി െ ന്‍റപിടിയിലായത്. കുറുമണ്ണ സ്വദേശിയായ യുവാവിനെ പ്രതിക്ക് ജോലി നഷ്ടപ്പെടാൻ കാരണക്കാരനായെന്ന് ആരോപിച്ച് വീട്ടിൽ കയറി ആക്രമിച്ച് ഗുരുതരമായി പരിക്കേൽപ്പിക്കുകയായിരുന്നു. യുവാവിന്‍റെ പരാതിയുടെ അടിസ്ഥാനത്തിൽ കേസ് രജിസ്റ്റർ ചെയ്ത കൊട്ടിയം പോലീസ് പ്രതിയെ പിടികൂടുകയായിരുന്നു. കൊട്ടിയം പോലീസ് ഇൻസ്പെക്ടർ പ്രദീപി െന്‍റ നേതൃത്വത്തിൽ എസ് ഐ നിഥിൻ നളൻ, സി പി ഒ മാരായ പ്രവീൺചന്ദ്, സന്തോഷ് ,എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.

പ്രതിഷേധങ്ങള്‍ക്കും പൊട്ടിപ്പൊളിഞ്ഞ റോഡുകള്‍ക്കും വിട; ഇനി ബിഎംബിസി നിലവാരത്തിലെ റോഡുകള്‍

അഞ്ചല്‍ : ഏറെ പ്രതിഷേധങ്ങള്‍ക്കും കാത്തിരിപ്പിനും വിരമാം കുറിച്ചുകൊണ്ടു അലയമണ്‍, ഇട്ടിവ, ചടയമംഗലം പഞ്ചായത്തുകളെ ബന്ധിപ്പിക്കുന്ന പ്രധാന ഇട റോഡുകള്‍ക്ക് ശാപമോക്ഷം. പുത്തയം കാഞ്ഞിരംവിള തോട്ടംമൂക്ക് ഫീല്‍ഗിരി ഗുഹാക്ഷേത്രം വട്ടത്രാമല പവൂര്‍ റോഡുകള്‍ ബിഎം ബിസി നിലവാരത്തില്‍ നവീകരിക്കുന്ന പ്രവര്‍ത്തികള്‍ക്ക് തുടക്കമായി. ചടയമംഗലം എംഎല്‍എയും മന്ത്രിയുമായ ജെ. ചിഞ്ചു റാണിയുടെ ഇടപെടീലിനെ തുടര്‍ന്നു സംസ്ഥാന പൊതുമാരാമത്ത് വകുപ്പ് ശബരിമല മാസ്റ്റര്‍ പ്ലാനില്‍ ഉള്‍പ്പെടുത്തി ഒന്പത് കോടി 90 ലക്ഷം രൂപ ചിലവഴിച്ചുകുണ്ടാണ് റോഡുകളുടെ നവീകരണം പൂര്‍ത്തിയാക്കുന്നത്. ഇട്ടിവ കാഞ്ഞിരംവിളയില്‍ ഗ്രാമപഞ്ചായത്ത് പ്രസിഡന്‍റ് സി. അമൃതയുടെ അധ്യക്ഷതയില്‍ മന്ത്രി ജെ. ചിഞ്ചു റാണി നിര്‍മാണ പ്രവര്‍ത്തികള്‍ ഔദ്യോഗികമായി ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്‍റ് ലതിക വിദ്യാധരന്‍, അലയമണ്‍ ഗ്രാമപഞ്ചായത്ത് പ്രസിഡന്‍റ് എം. ജയശ്രീ, ജില്ലാ പഞ്ചായത്ത് അംഗം അഡ്വ . സാം കെ ഡാനിയേല്‍, ഗ്രാമപഞ്ചായത്ത് വൈസ് പ്രസിഡന്‍റ്മാരായ ജി. പ്രമോദ്, ബി. ഗിരിജമ്മ, സ്ഥിരം സമിതി അധ്യക്ഷന്‍ ബി. ബൈജു, ഗ്രാമപഞ്ചായത്ത് അംഗം അസീന മനാഫ് തുടങ്ങി ജനപ്രതിനിധികള്‍, പൊതുപ്രവര്‍ത്തകര്‍ ഉള്‍പ്പടെയുള്ളവര്‍ പ്രസംഗിച്ചു. നിര്‍മ്മാണ പ്രവര്‍ത്തികളുടെ ഭാഗമായി നിരവധി ചെറു പാലങ്ങള്‍, കലിംഗുകള്‍, റോഡുകളുടെ വശങ്ങളില്‍ സുരക്ഷാ ഭിത്തികളുടെ നിര്‍മാണം, സുരക്ഷാ മുന്‍കരുതലുകള്‍ ഉള്‍പ്പടെയുണ്ടാകും. നിര്‍മാണ പ്രവര്‍ത്തികളുടെ 95 ശതമാനവും നടക്കുന്നതു ഇട്ടിവ പഞ്ചായത്തിലാണ്. പൂത്തയം മുതല്‍ കുമാരനെല്ലൂര്‍ പാലം വരെ അരകിലോമീറ്റര്‍ അലയമണ്‍ പഞ്ചായത്തിലും പവൂര്‍ മുതലുള്ള 600 മീറ്റര്‍ ചടയമംഗലം പഞ്ചായത്തിലുമാണ് നിര്‍മാണം .

അഞ്ചല്‍ സെന്‍റ് ജോണ്‍സ് കോളജില്‍ റാഗിംഗിനെതിരെ ബോധവത്കരണ ക്ലാസ്

അഞ്ചല്‍ : അഞ്ചല്‍ സെന്‍റ്് ജോണ്‍സ് കോളജില്‍ റാഗിംഗിനെതിരെ ബോധവത്കരണ സെമിനാര്‍ സംഘടിപ്പിച്ചു. കോളജ് പ്രിന്‍സിപ്പൽപ്രഫ. ഡോ. നിഷാ തോമസ് പരിപാടിയുടെ ഉദ്ഘാടനം നിര്‍വഹിച്ചു. ബോധവല്‍ക്കരണസെമിനാറിന്‍റെ ഉദ്ഘാടനം കോളജ് ബര്‍സാര്‍ ഫാ. ക്രിസ്റ്റി ചരുവിള നിര്‍വഹിച്ചു. കണ്‍വീനര്‍ ഡോ.കെ.ബി. ബെന്‍സണ്‍ സ്വാഗതം പറഞ്ഞു. പോലീസ് ഉദ്യോഗസ്ഥരായ അനീഷ്, രാജശേഖരന്‍, ഉദയന്‍ തുടങ്ങിയവര്‍ ക്ലാസെടുത്തു.

ഉളിയനാട് കെ.പി. ഗോപാലൻ ഗ്രന്ഥശാലയിൽ ഓണാഘോഷത്തിന് തുടക്കമായി

ചാത്തന്നൂർ: ഉളിയനാട് കെ.പി.ഗോപാലൻ ഗ്രന്ഥശാലയിൽ ഓണാഘോഷത്തിന് തുടക്കമായി. ഓണാഘോഷം ഉദ്ഘാടനവും മികച്ച കർഷകനെ ആദരിക്കലും ചാത്തന്നൂർ ഗ്രാമ പഞ്ചായത്ത് പ്രസിഡന്‍റ് എസ്.കെ. ചന്ദ്രകുമാർ നിർവഹിച്ചു. കൗണ്ടി ക്രിക്കറ്റ് ടൂർണമെന്‍റ് ചാത്തന്നൂർ സബ് ഇൻസ്പെക്ടർ റെജി ഉദ്ഘാടനം ചെയ്തു. ഗ്രന്ഥശാലാ വൈസ് പ്രസിഡന്‍റ്ആർ.ബിജു അധ്യക്ഷനായിരുന്നു. സെക്രട്ടറി റ്റി.ആർ.ദിപു, ജോ.സെക്രട്ടറി ആർ.അനിൽകുമാർ, സിനിമാ സീരിയൽ താരം ശ്യാം ചാത്തന്നൂർ, സംഘാടക സമിതി ചെയർമാൻ എസ്. ഫ്രാൻസിസ്, കൺവീനർഎസ്.സുനിൽകുമാർ,എക്സിക്യൂട്ടീവ് അംഗങ്ങളായസി. വിജയകൃഷ്ണൻ നായർ,പി.ബിനു,യു.എസ്.ശ്രീകല, ബി.തങ്കമണി, ഡി.യു.ദിപു,വിപേഷ് എന്നിവർ പ്രസംഗിച്ചു. ഓണാഘോഷത്തോടനുബന്ധിച്ച് അണ്ടർ 19 സെവൻസ് ഫുട്ബോൾ ടൂർണമെന്‍റും ഓണ സദ്യയും സമ്മാനദാനവും നടക്കും. ക്രിക്കറ്റ് ടൂർണമെന്‍റിൽ കെ.പി.ഗോപാലൻ ഗ്രന്ഥശാല യുടെ ബി ടീം ജേതാക്കളായി.

പാലിയേറ്റീവ് കിടക്കകളുടെ വിതരണം

ചവറ : വൈസ് മെൻ ക്ലബി ിെ ന്‍റ സുവർണജൂബിലി ആഘോഷത്തിന്‍റെ ഭാഗമായി നൽകിവരുന്ന പാലിയേറ്റീവ് കിടക്കകളുടെ ചവറ ബ്ലോക്കിലെ വിതരണം വൈസ് മെൻ ഇന്‍റർ നാഷണൽ ഡിസ്ട്രിക്ട് ഏഴി െ ന്‍റ നേതൃത്വത്തിൽ ചവറ കുടുംബ ആരോഗ്യ കേന്ദ്രത്തിൽ നടന്നു. ചവറ ബ്ലോക്കിലെ അഞ്ച് പഞ്ചായത്തുകളിലായി നടപ്പിലാക്കി വരുന്ന പാലിയേറ്റീവ് കെയർ പദ്ധതിയിലൂടെ നിരവധി ജീവകാരുണ്യ പ്രവർത്തനങ്ങൾ വൈസ് മെൻ ഇന്‍റർ നാഷണൽ നടത്തിവരുന്നു. ഇതി െന്‍റ ഭാഗമായാണ് ചവറ, തേവലക്കര എന്നീ കുടുംബ ആരോഗ്യ കേന്ദ്രങ്ങളിൽ പാലിയേറ്റീവ് കിടക്കകളുടെ വിതരണം നടന്നത്. ചവറ കുടുംബ ആരോഗ്യ കേന്ദ്രത്തിൽ നടന്ന ചടങ്ങിൽ ഡിസ്ട്രിക്ട് ഏഴി െ ന്‍റ ഗവർണർ ശശി ബാബു അധ്യക്ഷനായി. ചവറ ഗ്രാമ പഞ്ചായത്ത് പ്രസിഡന്‍റ് സുരേഷ് കുമാർ, തേവലക്കര ഗ്രാമപഞ്ചായത്ത് വൈസ് പ്രസിഡന്‍റ് അനസ് എന്നിവർ കിടക്കകളുടെ വിതരണം നടത്തി. ചവറ മെഡിക്കൽ ഓഫീസർ ഡോ. ഷഹ്ന, തേവലക്കര മെഡിക്കൽ ഓഫീസർ ഡോ: രശ്മി മോഹൻ, കൊല്ലം വൈസ് മെൻ ക്ലബ് ഭാരവാഹികളായ ഓസ്റ്റിൻഡഗ്ലസ്, പ്രദീപ്, അഭിലാഷ്, ട്രഷറർ പൻമന സുന്ദരേശൻ, കോഡിനേറ്റർ ആൽബർട്ട് ഡിക്രൂസ്, ചവറ ക്ലബ് ഭാരവാഹികളായ രാജു അൻജുഷ, അനിൽകുമാർ എന്നിവർ പങ്കെടുത്തു.

പുനലൂർ നഗരസഭ: ഭരണ പ്രതിപക്ഷ തുറന്ന സംവാദം ഇന്ന്

പുനലൂർ: പ്രിയദർശിനി ഫൗണ്ടേഷന്‍റെ ആഭിമുഖ്യത്തിൽ ഇന്ന് വൈകുന്നേരം അഞ്ചു മുതൽ രാത്രി 7.30 വരെ പുനലൂർ നഗരസഭയിലെ ഭരണ പ്രതിപക്ഷനേതാക്കൾ ഭരണ നേട്ടങ്ങളും ഭരണ കോട്ടങ്ങളും നിരത്തി നേർക്കുനേർ തുറന്ന സംവാദം നടത്തുന്നു. ഭരണപക്ഷത്തു നിന്ന് നഗരസഭാ ചെയർപേഴ്സൺ കെ . പുഷ്പലത, വൈസ് ചെയർമാൻ ആർ .രഞ്ജിത്, കൗൺസിലർമാരായ ബിനോയ് രാജൻ, വി.പി .ഉണ്ണികൃഷ്ണൻ, ഡി.ദിനേശൻ, പി.എ .അനസ് പ്രതിപക്ഷത്തുനിന്ന് പ്രതിപക്ഷ നേതാവ് ജി .ജയപ്രകാശ്, കൗൺസിലർമാരായ എൻ .സുന്ദരേശൻ, സാബു അലക്സ്, ബീനാ ശാമുവൽ, എ.പി .റഷീദുകുട്ടി, കെ.എൻ. ബിപിൻകുമാർ എന്നിവരാണ് തുറന്ന സംവാദത്തിൽ പങ്കെടുക്കുന്നത്. കുടിവെള്ള പ്രശ്നം, മാലിന്യസംസ്കരണം, പൊതു ശ്മശാനം, ഏഴു നിലക്കെട്ടിടം, ഷെൽറ്റർ ഹോം, വിദ്യാഭ്യാസ സ്ഥാപനങ്ങൾ, തെരുവു വിളക്കുകൾ, ഇൻഡോർ സ്റ്റേഡിയം, മുനിസിപ്പൽ റോഡുകൾ, ഭവന പദ്ധതി, മൽസ്യ മാർക്കറ്റ്, മുനിസിപ്പൽ ടൗൺ ഹോൾ, അമിനിറ്റി സെന്‍റർ - വാക് വേ, ആരോഗ്യ പരിപാലനം എന്നീ വികസന വിഷയങ്ങളും കസേര വിവാദം വിജിലൻസ് അന്വേഷണം എന്നിവയും തുറന്ന സംവാദത്തിൽ ചർച്ച ചെയ്യപ്പെടും. അതത് വിഷയങ്ങളുടെ ലഘു വീഡിയോ സ്ക്രീനിൽ പ്രദർശിപ്പിച്ചാണ് സംവാദം നടക്കുന്നത്. തത്സമയം പൊതുജനങ്ങൾക്കും ചോദ്യം ചോദിക്കാൻ അവസരമുണ്ട്. മുകളിൽ സൂചിപ്പിക്കാത്ത വിഷയങ്ങളുമായി ബന്ധപ്പെട്ട ചോദ്യങ്ങൾ മുൻകൂട്ടി അറിയിക്കേണ്ടതാണ്. പ്രിയദർശിനി ഫൗണ്ടേഷൻ ചെയർമാൻ സി.ബി .വിജയകുമാർ മോഡറേറ്ററാകും. വൈസ് ചെയർമാൻ ക്രിസ്റ്റഫർ രാജൻ അധ്യക്ഷനാകും. സെക്രട്ടറികെ.വിജയകുമാർ , ആർ.ബാബുരാജ് ,ഫൗണ്ടേഷൻ ഭാരവാഹികളായ ഏബ്രഹാം ജോർജ് , എം.യൂസഫ്, കുമാർ പുനലൂർ, എച്ച് .സലിം രാജ്, കലയനാട് സുകുമാരൻ .എന്നിവർ പ്രസംഗിക്കും. പുനലൂർ പോസ്റ്റ് ഓഫീസ് ജംഗ്ഷനിലാണ് തുറന്ന സംവാദം നടക്കുന്നത്.

സംഗീത നാടക അക്കാദമി കഥാപ്രസംഗോത്സവം ‘കഥാകാലം 2025'

കൊല്ലം: കേരള സംഗീത നാടക അക്കാദമി ദക്ഷിണമേഖല കഥാപ്രസംഗ മഹോത്സവവും യുവ കാഥികർക്കു ശില്പശാലയും സംഘടിപ്പിക്കുന്നു. കഥാകാലം 2025 എന്ന ഈ പരിപാടി 22, 23, 24 തീയതികളിൽ കൊല്ലം കടപ്പാക്കട സ്പോട്സ് ക്ലബിൽ നടക്കും. 22 ന് രാവിലെ പ്രസ് അക്കാദമി ചെയർമാൻ ആർ.എസ് .ബാബുവിന്‍റെ അധ്യക്ഷതയിൽ ചേരുന്ന സമ്മേളനം കെ.ജയകുമാർ ഉദ്ഘാടനം ചെയ്യും. അക്കാദമി ജനറൽ സെക്രട്ടറി കരിവെള്ളൂർ മുരളി മുഖ്യ പ്രഭാഷണം നടത്തും. ക്യാമ്പ് ഡയറക്ടർ ഡോ.വസന്തകുമാർ സാംബശിവൻ, ആനയടി പ്രസാദ്, അഡ്വ.ഡി.സുരേഷ്കുമാർ, തെക്കുംഭാഗം വിശ്വംഭരൻ,സുരേഷ് സിദ്ധാർഥ തുടങ്ങിയവർ പ്രസംഗിക്കും. കിളിയൂർ സദൻ, കായംകുളം വിമല, കല്ലട വി.വി. ജോസ് തുടങ്ങിയവർ ക്ലാസെടുക്കും. പ്രമുഖ കാഥികർ അനുഭവസമ്പത്ത് പഠിതാക്കൾക്കു പകർന്നു നൽകും. ഡോ. ഷീല പത്മറാവു, പി.ജെ .ഉണ്ണികൃഷ്ണൻ, രാജൻ ട്രിനിറ്റി എന്നിവർ വിവിധ വിഷയങ്ങളിൽ ക്ളാസെടുക്കും. വൈകുന്നേരം അഞ്ചു മുതൽ വി.ഹർഷകുമാർ, തൊടിയൂർ വസന്തകുമാരി, ശരൺ തമ്പി, ജെ.എസ്. ഇന്ദു. എന്നിവർ കഥാപ്രസംഗങ്ങൾ അവതരിപ്പിക്കും. 23 ന് രാവിലെ 10ന് ഗാന്ധിഭവൻ ഡയറക്ടർ ഡോ.പുനലൂർ സോമരാജൻ അതിഥിയാവും. തുടർന്ന് ഡോ.കെ.ബി .ശെൽവമണി, പി.കെ .അനിൽകുമാർ, ചിറക്കര സലിം കുമാർ, സ്മിത ജോൺ, പി .എൻ .മോഹൻരാജ് എന്നിവർ കഥാപ്രസംഗ സംബന്ധിയായ പ്രബന്ധങ്ങൾ അവതരിപ്പിക്കും. സമാപന ദിവസമായ 24 നു രാവിലെ 11 നു മന്ത്രി ജെ.ചിഞ്ചുറാണി അനുഗ്രഹ പ്രഭാഷണം നടത്തും.

എംഡിഎംഎയുമായി യുവാവ് പിടിയിൽ

കൊല്ലം: പോലീസ് നടത്തിയ ലഹരി പരിശോധനയിൽ എം ഡി എം എ യും കഞ്ചാവുമായി യുവാവ് പിടിയിലായി. തഴവ വിളയിൽകിഴക്കതിൽ അനന്തു(27) ആണ് കരുനാഗപ്പള്ളി പോലീസി െ ന്‍റ പിടിയിലായത്.കരുനാഗപ്പള്ളി എ എസ് പി അഞ്ജലി ഭവനയുടെ നേതൃത്വത്തിൽ നടത്തിയ വാഹനപരിശോധനയിൽ കരുനാഗപ്പള്ളി മാർക്കറ്റിന് സമീപത്ത് കാറിൽ വിൽപ്പനയ്ക്കായിഎത്തിച്ച 12.75 ഗ്രാം എംഡി എം എയും 380 ഗ്രാം കഞ്ചാവുമാണ്പിടികൂടിയത്. സ്കൂൾ കോളജ് വ ിദ്യാർഥികൾക്ക് വിതരണം ചെയ്യാനായി എത്തിച്ച മയക്ക് മരുന്നാണ് പിടിച്ചത്. കരുനാഗപ്പള്ളി പോലീസ് ഇൻസ്പെക്ടർ ബിജു നേതൃത്വത്തിൽ എസ്ഐ സുരേഷ്കുമാർ എ എസ് ഐ സാബു, എന്നിവർ ചേർന്നാണ് പ്രതിയെ അറസ്റ്റ് ചെയ്യുന്നത്.

എക്യുമെനിക്കൽ പ്രാർഥനാ സംഗമം

കൊല്ലം: കൊല്ലം റോമൻ കാത്തലിക്ക് രൂപതയുടെ നേതൃത്വത്തിൽ എക്യുമെനിക്കൽ പ്രാർഥന സംഗമം നടത്തി . വിവിധ സഭാകൂട്ടായ്മകളിലെ വൈദികർ ഒത്തുചേർന്ന സംഗമം തങ്കശേരി ബിഷപ്സ് ഹൗസ് ചാപ്പലിൽ പ്രാർഥനയോടുകൂടി ആരംഭിച്ചു. കൊല്ലം റോമൻ കത്തോലിക്ക രൂപത അധ്യക്ഷൻ പോൾആന്‍റണി മുല്ലശേരി അധ്യക്ഷത വഹിച്ചു. കൊല്ലം മലങ്കര ഓർത്തഡോക്സ് സിറിയൻ രൂപതാധ്യക്ഷൻ ജോസഫ് മാർ ദിവാനാസിയോസ് മുഖ്യ പ്രഭാഷണം നടത്തി. കൊല്ലം കൊട്ടാരക്കര സിഎസ്ഐരൂപത ബിഷപ്ജോസ് ജോർജിന് സ്വീകരണം നൽകി.ഫാ.വർഗീസ് എസ്ഡിബി ആത്മീയ പ്രഭാഷണം നടത്തി. വിവിധ സഭാക്കൂട്ടായ്മകളെ പ്രതിനിധീകരിച്ച് വൈദികർ പങ്കെടുത്തു. കൊല്ലം രൂപതാ വികാരി ജനറാൾ മോൺ. ബൈജു ജൂലിയൻ, എക്യുമെനിക്കൽ ഡയറക്ടർ റവ.ഡോ.അഭിലാഷ്ഗ്രിഗറി, ഫാ. ജീ.വർഗീസ്, ഫാ. ജെറി, ഫാ.ജോളി എബ്രഹാം, ഫാ. എം. ഡി. കോശി, ഫാ. ജിജി മാത്യു, ഫാ. റെനു ജോൺ, ഫാ. ജോസ് സെബാസ്റ്റ്യൻ, ഫാ. സിയോൺ, ഫാ. ബോസ് തുടങ്ങിയവർ പ്രസംഗിച്ചു.‌

ജൂബിലി നിറവിൽ കുഞ്ഞുങ്ങൾക്കു പ്രത്യാശയുടെ പുതുവെളിച്ചം പകരാൻ "സ്പെരാൻസ' വരുന്നു

കൊല്ലം: ആരോഗ്യരംഗത്ത് 75 വർഷത്തെ പ്രവർത്തന പാരമ്പര്യമുള്ള ബിഷപ് ബെൻസിഗർ ആശുപത്രിയുടെ ജൂബിലിനാളിൽ കുഞ്ഞുങ്ങൾക്കു പ്രത്യാശയുടെ പുതുവെളിച്ചം പകരാൻ സ്പെരാൻസ എന്ന ന്യൂറോ റിഹാബിലിറ്റേഷൻ സെന്‍റർ ആരംഭിക്കുന്നു. കുട്ടികളിലെ പിരിമുറുക്കം, മാനസിക വളർച്ചാക്കുറവ്, ഓട്ടിസം, എഡിഎച്ച്‌ഡി, സെറിബ്രൽ പാൾസി, സംസാര വൈകല്യങ്ങൾ തുടങ്ങിയവ നേരിടുന്ന കുട്ടികൾക്കു നേരത്തെയുള്ള രോഗനിർണയം, സമഗ്രമായ ചികിത്സ, ചിട്ടയായ പിന്തുണ എന്നിവ ലഭ്യമാക്കുന്നതിനായി‌‌ട്ടാണ് തങ്കശേരിയിൽ സ്പെരാൻസ എന്ന പേരിൽ ന്യൂറോ റിഹാബിലിറ്റേഷൻ സെന്‍റർ ആരംഭിക്കുന്നത്. കുട്ടികൾക്കായി കൂടുതൽ നന്മ ചെയ്യുക എന്നതാണ് ഈ സംരംഭത്തിന്‍റെ ലക്ഷ്യം. 24നു ഉച്ചകഴിഞ്ഞ് മൂന്നിനു വൈദികരുടെയും സന്യാസ്തരുടെയും വിശ്വാസികളുടെയും സാന്നിധ്യത്തിൽ തങ്കശേരി മൗണ്ട് കാർമൽ സ്‌കൂളിനു സമീപമുള്ള സ്പെരാൻസ മന്ദിരത്തിന്‍റെ ഉദ്ഘാടനം മന്ത്രി കെ.എൻ.ബാലഗോപാൽനിർവഹിക്കും .ബിഷപ് ഡോ.പോൾ ആന്‍റണി മുല്ലശേരിമന്ദിരംവെഞ്ചരിച്ച് പൊതുസമ്മേളനത്തിൽ അധ്യക്ഷത വഹിക്കും. ഇവിടെ കുട്ടികളെ അവരുടെ രോഗനിർണയത്തിന്‍റെ പേരിൽ അടയാളപ്പെടുത്തുന്നില്ല. മറിച്ചു കുട്ടികളെ അവരുടെ സാധ്യതകളുടെ കണ്ണിലൂടെയാണ് നോക്കിക്കാണുന്നത്. ശിശുരോഗ ന്യൂറോളജിസ്റ്റുകൾ, സ്പീച്ച് തെറാപ്പിസ്റ്റുകൾ, ഒക്യുപ്പേഷണൽ തെറാപ്പിസ്റ്റുകൾ, മനഃശാസ്ത്രജ്ഞർ, പ്രത്യേക അധ്യാപകർ എന്നിങ്ങനെയുള്ള വിദഗ്ധരുടെ വിപുലമായ സംഘമാണ് നേതൃത്വം നല്കുന്നത്. കുട്ടികൾക്കുവേണ്ടി പ്രത്യേകമായി ഒരുക്കിയ സൗഹൃദാന്തരീക്ഷത്തിൽ, കളികളിലൂടെയും, സംഭാഷണങ്ങളിലൂടെയും മറ്റു ചികിത്സാ രീതികളിലൂടെയും വ്യക്തിഗതമായ പരിഗണന നൽകുന്നു. കൊല്ലം രൂപതയുടെ പ്രഥമ തദ്ദേശീയ മെത്രാനായിരുന്ന ബിഷപ് ജെറോം ഫെർണാണ്ടസാണ് 1948 ഓഗസ്റ്റ് 17നു ബിഷപ് അലോഷ്യസ് മരിയ ബെൻസിഗറിന്‍റെ നാമധേയത്തിലാണ് ബെൻസിഗർ ആശുപത്രി സ്ഥാപിക്കുന്നത്. ചികിത്സാ സൗകര്യങ്ങൾ പരിമിതമായിരുന്ന അക്കാലത്ത്, ജില്ലയിലെ ആദ്യത്തെ സ്വകാര്യ ആശുപത്രിയായ ഈ സ്ഥാപനം കൊല്ലം നിവാസികൾക്ക് ഒരു കൈത്താങ്ങായി മാറി. ഓലമേഞ്ഞ 13 കുടിലുകളിൽ നിന്ന് ആരംഭിച്ച് 600-ഓളം കിടക്കകളുള്ള ഒരു മൾട്ടിസൂപ്പർസ്പെഷാലിറ്റി ആശുപത്രിയായി ഇതു വളർന്നു. സ്നേഹിക്കുക എന്നാൽ സേവനം ചെയ്യുക എന്നതാണ് ആശുപത്രിയുടെ ആപ്തവാക്യം.

തദ്ദേശ തെരഞ്ഞെടുപ്പ് : വോട്ടിംഗ് മെഷീന്‍ ആദ്യഘട്ടപരിശോധന 25ന് പൂർത്തിയാകും

കൊല്ലം: തദ്ദേശസ്വയംഭരണ തെരഞ്ഞെടുപ്പിന് മുന്നോടിയായി കൊല്ലം താലൂക്കില്‍ സജീകരിച്ച വെയര്‍ഹൗസില്‍ ഇലക്ട്രോണിക് വോട്ടിംഗ് മെഷീന്‍ ആദ്യഘട്ടപരിശോധന 25ന് പൂര്‍ത്തിയാകും. ജില്ലാ കളക്ടര്‍ എന്‍. ദേവിദാസ് വെയര്‍ഹൗസ് സന്ദര്‍ശിച്ച് നടപടികള്‍ വിശദീകരിച്ചു. ഇലക്ട്രോണിക് വോട്ടിംഗ് മെഷീനുകളുടെ ഭാഗമായ കണ്‍ട്രോള്‍ യൂണിറ്റുകളും ബാലറ്റ് യൂണിറ്റുകളുമാണ് പരിശോധിക്കുന്നത്. 4120 കണ്‍ട്രോള്‍ യൂണിറ്റുകളും 11080 ബാലറ്റ് യൂണിറ്റുകളുമാണുള്ളത്. 3714 കണ്‍ട്രോള്‍ യൂണിറ്റുകളുടെയും 11026 ബാലറ്റ് യൂണിറ്റുകളുടെയും പരിശോധന പൂര്‍ത്തിയാക്കി. വാര്‍ഡ് വിഭജനം പൂര്‍ത്തിയായതനുസരിച്ച് ജില്ലയില്‍ 2814 പോളിംഗ്ബൂത്തുകളാണുള്ളത്. വോട്ടിങ് മെഷീനുകളില്‍ സമയക്രമീകരണം, മെമ്മറി യൂണിറ്റ് സീലിംഗ്, എല്ലാ യൂണിറ്റുകളുടെയും പ്രവര്‍ത്തനക്ഷമത, മെഷീന്‍ വൃത്തിയാക്കല്‍ തുടങ്ങി ഭൗതികവും സാങ്കേതികവുമായ പരിശോധനയാണ് തുടരുന്നത്. റവന്യൂ, തദ്ദേശ സ്വയംഭരണ വകുപ്പുകളില്‍ നിന്നുള്ള 80 പേര്‍ക്കാണ് ചുമതല. സാങ്കേതിക തകരാറുകള്‍പരിഹരിക്കുന്നതിന് ഇലക്ട്രോണിക് കോര്‍പറേഷന്‍ ഓഫ് ഇന്ത്യയുടെ ഉദ്യോഗസ്ഥരുമുണ്ട്. തെരഞ്ഞെടുപ്പ് ഡെപ്യൂട്ടി കളക്ടര്‍ ബി. ജയശ്രീ, ഡെപ്യൂട്ടി കളക്ടര്‍രാഗേഷ്കുമാര്‍, തെരഞ്ഞെടുപ്പ് വിഭാഗം സൂപ്രണ്ട് സുരേഷ് അയ്യപ്പന്‍, ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.

അപകടങ്ങൾക്ക് അറുതിയില്ലാതെ മലയോര ഹൈവേ

കുളത്തൂപ്പുഴ: മലയോര ഹൈവെയിൽ അപകടങ്ങൾക്ക് അറുതിയില്ലെന്ന അവസ്ഥയാണ്. അഞ്ചൽ കുളത്തൂപ്പുഴ മലയോര ഹൈവെയിൽ കഴിഞ്ഞ ദിവസം ഏഴംകുളം വലിയ വളവിന് സമീപമാണ് ഒടുവിൽ നടന്ന അപകടം. അഞ്ചലിൽ നിന്നും കുളത്തൂപ്പുഴയിലേക്ക് വരികയായിരുന്ന കാറും തമിഴ്‌നാട്ടിൽ നിന്നും പച്ചക്കറിയുമായി അഞ്ചലിലേക്ക് പൊവുകയായിരുന്ന പിക്കപ്പ് വാനും കൂട്ടിയിടിക്കുകയായിരുന്നു. വളവിൽ അമിതവേഗത്തിൽ എതിർ വശത്തേക്ക് കയറിവന്ന പിക്കപ്പ് വാൻ മുന്നിൽ കാർ കണ്ട ഉടനെ വാഹനം വെട്ടിച്ചെങ്കിലും കൂട്ടിയിടിക്കുകയാണ് ഉണ്ടായത്. ശബ്ദം കേട്ട് ഓടിക്കൂടിയ നാട്ടുകാരും മറ്റ് വാഹനങ്ങളിലത്തിയവരും ചേർന്ന് അപകടത്തിൽപെട്ട വാഹനത്തിൽ ഉണ്ടായിരുന്നവരെ പുറത്തെത്തിച്ചു. യാത്രികർ നിസാര പരിക്കുകളോടെ രക്ഷപെട്ടു. അതേസമയം,അപകടമുണ്ടായി അരമണിക്കൂറിനകം മറിഞ്ഞ പിക്കപ്പ് വാനിലെ സാധനങ്ങളൊന്നാകെ പോലീസ് സ്ഥലത്ത് എത്തുന്നതിനു മുൻപ് മറ്റൊരു വാഹനത്തിൽ കയറ്റിപോയത് നാട്ടുകാർക്കിടയിൽ സംശയത്തിനിടയാക്കിയിട്ടുണ്ട്. സ്ഥലത്തെത്തിയ കുളത്തൂപ്പുഴ പോലീസ് കേസെടുത്തു.

വസ്തു തട്ടിപ്പ്: അനില്‍ തമ്പി നേപ്പാളിലേക്കോ ഭൂട്ടാനിലേക്കോ കടന്നിരിക്കാമെന്നു പോലീസ്

ഡല്‍ഹിയില്‍ നിന്നു മുങ്ങി പേരൂര്‍ക്കട: ജവഹര്‍ നഗറിലെ വസ്തുതട്ടിപ്പ് കേസിലെ വമ്പന്‍ സ്രാവ് അനില്‍ തമ്പി ഡല്‍ഹിയില്‍ നിന്ന് മുങ്ങിയശേഷം നേപ്പാളിലേക്കോ ഭൂട്ടാനിലേക്കോ കടന്നേക്കാമെന്ന നിഗമനത്തില്‍ പോലീസ്. ലുക്ക് ഔട്ട് നോട്ടീസ് പുറപ്പെടുവിച്ചിരിക്കുന്നതിനാല്‍ വിമാനത്താവളങ്ങള്‍ വഴി ഇയാള്‍ക്ക് ഇന്ത്യവിടാന്‍ സാധിക്കില്ല. എന്നാല്‍ തിരിച്ചറിയല്‍ രേഖ മാത്രം മതി നേപ്പാളിലേക്കോ ഭൂട്ടാനിലേക്കോ പോകാന്‍. അതു തടയിടാന്‍ സാധിക്കാത്തതിനാല്‍ അനില്‍ തമ്പിയെ ഇനി പിടികൂടാന്‍ സാധിക്കുമോയെന്ന കാര്യത്തില്‍ പോലീസിനു തന്നെ യാതൊരു ഉറപ്പുമില്ല. അനില്‍ തമ്പിയുടെ ജവഹര്‍ നഗറിലെ ഫ്ളാറ്റില്‍ ഇദ്ദേഹത്തിന്റെ ഭാര്യ മാത്രമാണ് താമസിച്ചുവരുന്നത്. മകള്‍ ജര്‍മ്മനിയിലാണ്. അതുകൊണ്ടുതന്നെ അനില്‍ തമ്പി ജര്‍മ്മനിയിലേക്കു കടക്കാനുള്ള സാദ്ധ്യത പോലീസ് തള്ളിക്കളയുന്നില്ല. ഏതായാലും അനില്‍ തമ്പി ഇന്ത്യയില്‍ നിന്നു മുങ്ങിയെന്ന് ഏറെക്കുറെ ഉറപ്പിച്ച നിലയിലാണ് പോലീസ്. ഏറെ രാഷ്ട്രീയ ബന്ധങ്ങളും ഉന്നതങ്ങളിലെ ബന്ധങ്ങളും വ്യക്തിബന്ധങ്ങളും സൂക്ഷിച്ചുവരുന്ന അനില്‍ തമ്പിയെ പിടികൂടാതെ വസ് തുതട്ടിപ്പ് കേസ് ഇനി മുന്നോട്ടുകൊണ്ടുപോകാന്‍ സാധിക്കില്ല.

എംഡിഎംഎ വില്പന; ഓട്ടോഡ്രൈവര്‍ പിടിയില്‍

പേരൂര്‍ക്കട: മാരക ലഹരിമരുന്നായ എംഡിഎംഎ വല്പനയുമായി ബന്ധപ്പെട്ട് ഒരാള്‍കൂടി വഞ്ചിയൂര്‍ പോലീസിന്‍റെ പിടിയിലായി. വട്ടിയൂര്‍ക്കാവ് പിടിപി നഗര്‍ മാറാംകോട് ചീനിവിള വീട്ടില്‍ സഞ്ജു (25) ആണ് പോലീ സിന്‍റെ പിടിയിലായത്. സ്റ്റേഷന്‍ പരിധിയില്‍ എംഡിഎംഎ എത്തിച്ചതുമായി ബന്ധപ്പെട്ടു തിരുവനന്തപുരം സ്വദേശി സില്‍വസ്റ്റര്‍ നേരത്തെ പോലീസ് പിടിയിലായിരുന്നു. ഇയാളെ കേന്ദ്രീകരിച്ചു നടത്തിയ തുടരന്വേഷണത്തിലാണ് ഏറ്റവുമൊടുവില്‍ സഞ്ജു പിടിയിലായിരിക്കുന്നത്. സില്‍വസ്റ്ററെ 108 ഗ്രാം എംഡിഎംഎ കമ്പ്യൂട്ടര്‍ പാര്‍ട്ട്‌സിനുള്ളില്‍ ഒളിപ്പിച്ച നിലയിലാണ് പിടികൂടിയത്. സില്‍വസ്റ്ററില്‍നിന്നു ലഭിച്ച വിവരങ്ങളുടെ അടിസ്ഥാനത്തില്‍ ഇയാളുടെ സുഹൃത്തായ കുമാരപുരം സ്വദേശി ശ്രീകാന്തിനെ അറസ്റ്റുചെയ്തതോടെയാണ് എംഡിഎംഎ വിദേശത്തുനിന്നും എത്തിച്ച് ഇന്ത്യയില്‍ വില്‍പ്പന നടത്തുന്ന പ്രധാന കണ്ണിയും നൈജീരിയന്‍ സ്വദേശിയുമായ ഡുമോ ലിയോണല്‍ ബാംഗ്ലൂരില്‍ നിന്നു പിടിയിലായത്. ശ്രീകാന്തും സഞ്ജുവും സുഹൃത്തുക്കളാണ്. സഞ്ജുവിനുവേണ്ടിയാണ് എംഡിഎംഎ തിരുവനന്തപുരത്ത് എത്തിച്ചതെന്നു ചോദ്യം ചെയ്യലില്‍ ശ്രീകാന്ത് സമ്മതിച്ചിരുന്നു. സഞ്ജു ഇത് ചില്ലറ വില്‍പ്പന നടത്തുകയാണ് ചെയ്തുവരുന്നത്. വട്ടിയൂര്‍ക്കാവിലെ ഓട്ടോഡ്രൈവറാണ് സഞ്ജു. ഇതോടെ എംഡിഎംഎ കടത്തുമായി ബന്ധപ്പെട്ട് അറസ്റ്റിലായവരുടെ എണ്ണം നാലായി. വഞ്ചിയൂര്‍ സിഐ എച്ച്.എസ്. ഷാനിഫ്, ഡാന്‍സാഫ് എസ്ഐ അജേഷ്‌കുമാര്‍, ജിഎസ്ഐ സാബു, എസ്സിപിഒമാരായ ഷാജി, നസിമുദീന്‍, രഞ്ജിത്ത് തുടങ്ങിയവര്‍ അന്വേഷണസംഘത്തില്‍ ഉണ്ടായിരുന്നു.

ഇലക്‌ഷൻ കമ്മീഷൻ സംസാരിക്കുന്നത് ബിജെപി നേതാക്കളെ പോലെ: എം. ലിജു

കൊല്ലം : ഭരണഘടനാ സ്ഥാപനമായ ഇലക്ഷൻ കമ്മീഷൻ സംസാരിക്കുന്നത് ബിജെ പിയുടെ നേതാക്കളെ പോലെയാണെന്നും ഇലക്‌ഷൻ കമ്മീഷൻ ഓഫ് ഇന്ത്യ സെലക്ഷൻ കമ്മീഷൻ ഓഫ് ബിജെപി യാ യി മാറിയെന്നും കെപി സിസി ജന. സെക്രട്ടറി എം. ലിജു. രാജ്യത്തെ ജനങ്ങൾ മോദി സർക്കാരി െന്‍റ അടിമകളായി ജീവിക്കേണ്ടി വരുന്ന കാലത്തേക്കാണ് സംഘ പരിവാർ ഭരണകൂടം രാജ്യത്തെ നയിച്ച് കൊണ്ട് പോകുന്നതെന്നും എം. ലിജു പറഞ്ഞു. എൻ സി പി യിൽ നിന്നും രാജിവച്ച് ഇന്ത്യൻ നാഷണൽ കോൺഗ്രസിൽ ചേർന്നവർക്ക് മെമ്പർഷിപ്പ് നൽകുന്ന യോഗം ഉദ്ഘാടനം ചെയ്യുകയായിരുന്നു എം. ലിജു. ജില്ലാ കോൺഗ്രസ് കമ്മിറ്റി ഓഫീസിൽ നടന്ന യോഗത്തിൽ പ്രസിഡന്‍റ് പി. രാജേന്ദ്രപ്രസാദ് അധ്യക്ഷത വഹിച്ചു. സി. ആർ. മഹേഷ് എം എൽ എ, നേതാക്കളായ ബിന്ദുകൃഷ്ണ, എ. ഷാനവാസ്ഖാൻ, എ. കെ. ഹഫീസ്, സൂരജ് രവി, എൻ. ഉണ്ണികൃഷ്ണൻ, ആദിക്കാട് മധു, ചവറ ഹരീഷ്, ബി. ബൈജു, വിജയശേഖരൻ ഉണ്ണിത്താൻ, സൂരേഷ് റെക്‌സ്, വിശ്വമോഹൻദാസ്, സന്തോഷ് മുള്ളുമല, സാംസൺ നെറോണ, പ്രേംനാഥ ധാര, വി. ചന്ദ്രൻ, ഡോ. പത്മകുമാർ, രാജു ജോർജ് തുടങ്ങിയവർ പ്രസംഗിച്ചു.

സർ റിയൽ വെള്ളച്ചാട്ടം 22 മുതല്‍ ആശ്രാമം മൈതാനത്ത്

കൊല്ലം : ദുബായിലേയും ചൈനയിലേയും വന്‍ നഗരങ്ങളെ അതിശയിപ്പിച്ച അപ്രത്യക്ഷമാകുന്ന വെള്ളച്ചാട്ടം ഈ ഓണക്കാലത്ത് നമ്മുടെ കൊല്ലത്തും. ഇന്ത്യയില്‍ ആദ്യമായി വണ്ടര്‍ ഫാള്‍സ് ഒരുക്കുന്ന സര്‍ റിയല്‍ വെള്ളച്ചാട്ടത്തിന്‍റെ സാഹസികത ആശ്രാമം മൈതാനത്ത് ആസ്വദിക്കാം. 22ന് വൈകുന്നേരം അഞ്ചിനു സിനിമാതാരം അമല പോള്‍ പ്രദര്‍ശനത്തിന്‍റെ ഉദ്ഘാടനം നിര്‍വഹിക്കും. സാഹസികത ഇഷ്ടപ്പെടുന്നവരുടെയും പ്രകൃതി സ്‌നേഹികളുടെയും ഹൃദയങ്ങളെ ഒരുപോലെ ത്രസിപ്പിക്കുന്നവയാണ് ഈ അപ്രത്യക്ഷമാകുന്ന വെള്ളച്ചാട്ടം. കോടിക്കണക്കിനു രൂപ മുടക്കി ലോകത്തിലെ ഏറ്റവും ഉയരവും നീളം കൂടിയതുമായ അപ്രത്യക്ഷമാകുന്ന വെള്ളച്ചാട്ടമാണ് വണ്ടര്‍ ഫാള്‍സ് ആശ്രാമം മൈതാനത്ത് ഒരുക്കിയിരിക്കുന്നത്. ഇതിന് 70 അടി ഉയരവും 360 അടി നീളവുമുണ്ട്. ഈ ഉയരത്തില്‍ നിന്നു കടല്‍ പോലെ ഇരമ്പി വരുന്ന വെള്ളം കാലുകളിലേക്ക് ഒഴുകി എത്തി മാഞ്ഞുപോകുന്ന അവിസ്മരണീയമായ കാഴ്ച അനുഭവിച്ചറിയാം. ഇതു കൂടാതെ വിശാലമായ പ്രദര്‍ശന നഗരിയില്‍ കടല്‍ക്കാഴ്ചകളും ശലഭോദ്യാനവും ആസ്വദിക്കാനുള്ള സൗകര്യം ഒരുക്കിയിട്ടുണ്ട്. മത്സ്യകന്യക, കടലിലെ സാഹസിക നീന്തല്‍താരം എന്നിവരെയും കാണാം, ചിത്രശലഭത്തോടൊപ്പം ഊഞ്ഞാലാടാം. തെക്കേ അമേരിക്കന്‍ മഴക്കാടുകളില്‍ കണ്ടുവരുന്ന 25 ലക്ഷം രൂപവരെ വിലയുള്ള കുഞ്ഞന്‍കുരങ്ങനെ കാണാം. പാലക്കാടന്‍ കല്‍പ്പാത്തി പപ്പടം മുതല്‍ രുചി വൈവിധ്യമാര്‍ന്ന ഭക്ഷ്യ വിഭവങ്ങളുടെ വലിയ ശേഖരവും മേളയില്‍ ഒരുക്കിയിട്ടുണ്ട്. ഓണത്തിനാവശ്യമായ സെറ്റ് മുണ്ടുകള്‍, സാരികള്‍, ബെഡ് ഷീറ്റുകള്‍ എന്നിവ 100 രൂപ മുതലും വീട്ട് ഉപകരണങ്ങള്‍ 30 രൂപ മുതല്‍ വാങ്ങാവുന്നതാണ്. സോഫാ സെറ്റികള്‍ 4990 രൂപ മുതലും ഇവിടെ ലഭിക്കും. പ്രവൃത്തി ദിനങ്ങളില്‍ ഉച്ചയ്ക്ക് രണ്ടു മുതല്‍ രാത്രി 10 വരെയും അവധി ദിനങ്ങളില്‍ പകല്‍ 11 മുതല്‍ രാത്രി 10 വരെയുമാണ് പ്രദര്‍ശനം. കൂടുതല്‍ വിവരങ്ങള്‍ക്ക് : ഫോണ്‍: 9961811106

കുളത്തൂപ്പുഴയിൽ അമീബിക് മസ്തിഷ്കജ്വരം: പ്രതിരോധം ശക്തമാക്കി ആരോഗ്യവകുപ്പ്

കുളത്തൂപ്പുഴ: കുളത്തൂപ്പുഴ പഞ്ചായത്തിൽ മൈലമൂട് ഏരിയയിൽ അമീബിക് മസ്തിഷ്കജ്വരം സ്ഥിരീകരിച്ചതിനെ തുടർന്ന് പ്രതിരോധം ശക്തമാക്കി ആരോഗ്യവകുപ്പ്. കുളത്തൂപ്പുഴ പഞ്ചായത്ത് പ്രസിഡന്‍റ് ലൈല ബീവിയുടെ അധ്യക്ഷതയിൽ ആർആർടി യോഗം ചേർന്ന് സ്ഥിതിഗതികൾ വിലയിരുത്തി. സാമൂഹിക ആരോഗ്യ കേന്ദ്രം മെഡിക്കൽ ഓഫീസറുടെ നേതൃത്വത്തിലുള്ള മെഡിക്കൽ സംഘം സ്ഥലം സന്ദർശിച്ച് പ്രതിരോധ പ്രവർത്തനങ്ങൾ ശക്തമാക്കി. സംശയമുള്ള കിണറുകളിൽ നിന്നും മറ്റു കുടിവെള്ള സ്രോതസുകളിൽ നിന്നും ജലം ഉപയോഗിക്കുന്നതു താൽക്കാലികമായി നിർത്തിവയ്ക്കാൻ നിർദേശം നൽകി. ജലസ്രോതസുകളിലെ സാമ്പിൾ കളക്‌ട് ചെയ്ത് പരിശോധനയ്ക്ക് അയച്ചതിനു ശേഷം പരിശോധന ഫലം വന്നതിനു ശേഷം മാത്രമേ ഉപയോഗിക്കാൻ പാടുള്ളൂ എന്നും അറിയിച്ചു. സമീപത്തുള്ള മുഴുവൻ ജനങ്ങൾക്കും ആരോഗ്യ വിദ്യാഭ്യാസം നൽകുകയും പ്രദേശം ആരോഗ്യ വകുപ്പിന്‍റെ നിരീക്ഷണത്തിലാക്കുകയും ചെയ്തു. മെഡിക്കൽ ഓഫീസർ ഡോ. നിസ ബഷീർ, ഹെൽത്ത് സൂപ്പർവൈസർ സി. ആർ. അരുൺകുമാർ എന്നിവർ പ്രതിരോധ പ്രവർത്തനങ്ങൾക്ക് നേതൃത്വം നൽകി വരുന്നു.

സ്വകാര്യ ബസ് കണ്ടക്‌ടർക്ക് പോലീസ് മർദനം: മനുഷ്യാവകാശ കമ്മീഷൻ അന്വേഷിക്കും

കൊല്ലം : സ്വകാര്യബസിലെ കണ്ടക്ടറെ കടയ്ക്കൽ എസ് ഐ കസ്റ്റഡിയിലെടുത്ത് മർദ്ദിച്ച സംഭവം മനുഷ്യാവകാശ കമ്മീഷൻ അന്വേഷിക്കും. പരാതിയെകുറിച്ച് മനുഷ്യാവകാശ കമ്മീഷൻ അന്വേഷണവിഭാഗം നേരിട്ട് അന്വേഷിക്കുമെന്ന് കമ്മീഷൻ അംഗം വി. ഗീതയാണ് അറിയിച്ചിട്ടുള്ളത്. കുളത്തൂപ്പുഴ-കടയ്ക്കൽ-കല്ലറ റൂട്ടിലോടുന്ന ‘പട്ടുറുമാൽ’ എന്ന സ്വകാര്യബസിലെ കണ്ടക്ടർ ഭരതന്നൂർ സ്വദേശി അബീഷ് സമർപ്പിച്ച പരാതിയിലാണ് ഉത്തരവ്. കുട്ടികളുടെ കൺസഷനുമായി ബന്ധപ്പെട്ട തർക്കത്തിൽ കണ്ടക്ടർക്കെതിരെ കടയ്ക്കൽ പോലീസിൽ വിദ്യാർഥികൾ പരാതി നൽകിയിരുന്നു. താൻ സർവീസി െന്‍റ ഭാഗമായി കടയ്ക്കൽ സ്റ്റാന്‍റ ിലെത്തിയപ്പോൾ പോലീസ് ബലം പ്രയോഗിച്ച് ജീപ്പിൽ കയറ്റി സ്റ്റേഷനിൽ കൊണ്ടുചെന്ന് ക്രൂരമായി മർദ്ദിച്ചെന്നാണ് പരാതിയിൽ പറഞ്ഞിട്ടുള്ളത്. കൊല്ലം ജില്ലാ പോലീസ് മേധാവി ആരോപണങ്ങൾ നിഷേധിച്ചു. ചില വിവരങ്ങൾ ചോദിച്ചറിയാൻ കണ്ടക്ടറെ സ്റ്റേഷനിലേക്ക് വിളിപ്പിച്ചെങ്കിലും വന്നില്ലെന്നും തുടർന്ന് 2023 ജൂൺ 24 ന് പരാതിക്കാരനെ കസ്റ്റഡിയിലെടുത്തെന്നും പോലീസ് മേധാവിയുടെ റിപ്പോർട്ടിൽ പറയുന്നു. കർശന താക്കീത് നൽകി പരാതിക്കാരനെ വിട്ടയച്ചതായും ബാക്കി ആരോപണങ്ങൾ അടിസ്ഥാനരഹിതമാണെന്നും റിപ്പോർട്ടിൽ ഉണ്ട്. എന്നാൽ റിപ്പോർട്ട് വസ്തുതാവിരുദ്ധമാണെന്നും അന്നത്തെ ലോക്കപ്പ് മർദ്ദനത്തിന് ശേഷം തനിക്ക് നിവർന്ന് നിന്ന് ജോലി ചെയ്യാൻ കഴിഞ്ഞിട്ടില്ലെന്നും പരാതിക്കാരൻ അറിയിച്ചു. സംഭവം നടന്ന് മണിക്കൂറുകൾക്കകം എസ് ഐയെ സ്ഥലം മാറ്റിയത് എസ്ഐ തെറ്റുകാരനായതു കൊണ്ടാണെന്നും പരാതിക്കാരൻ അറിയിച്ചു. ആശുപത്രി രേഖകളും പരാതിക്കാരൻ സമർപ്പിച്ചിരുന്നു. തന്നെ അന്യായമായി തടങ്കലിൽ വച്ചതി െന്‍റ ദൃശ്യങ്ങൾ സി സി റ്റി വി യിൽ നിന്നും ലഭ്യമാണെന്നും പരാതിക്കാരൻ അറിയിച്ചു. മൂന്നു മാസത്തിനകം അന്വേഷണ റിപ്പോർട്ട് സമർപ്പിക്കണമെന്ന് കമ്മീഷൻ അന്വേഷണവിഭാഗത്തിന് നിർദേശം നൽകി.

കടയ്ക്കലിൽ സിപിഎം - കോൺഗ്രസ് സംഘർഷം : സിപിഎം ബ്രാഞ്ച് സെക്രട്ടറിക്ക് കുത്തേറ്റു

കടയ്ക്കൽ: കടയ്ക്കലിൽ സിപിഎം കോൺഗ്രസ് പ്രവര്‍ത്തകര്‍ തമ്മില്‍ സംഘർഷം. സിപിഎം കാറ്റാടിമൂട് ബ്രാഞ്ച് സെക്രട്ടറി വിധുവിനു കുത്തേറ്റു. ഡിവൈഎഫ്ഐ മേഖല പ്രസിഡന്‍റ് അരുണിന് തലക്കു പരിക്കേറ്റു. നിരവധി കോൺഗ്രസ് പ്രവർത്തകർക്കും പരിക്കേറ്റിട്ടുണ്ട്. കോൺഗ്രസ് - യൂത്ത് കോൺഗ്രസ് - കെഎസ് യു പ്രതിഷേധ മാർച്ചിനിടെയായിരുന്നു സംഘർഷം ഉണ്ടായത്. സ്കൂൾ പാർലമെന്‍റ് തെരഞ്ഞെടുപ്പുമായി ബന്ധപ്പെട്ട തർക്കമാണ് സംഘർഷത്തിൽ കലാശിച്ചത്. കോൺഗ്രസ് പ്രവർത്തകനായ അൻസറിന്‍റെ കട ഡിവൈഎഫ്ഐ പ്രവര്‍ത്തക്കാർ അടിച്ച് പൊളിച്ചെന്നു കോൺഗ്രസ് ആരോപിക്കുന്നു. അതിനിടെ, അക്രമ സംഭവത്തിൽ പ്രതിഷേധിച്ച് സിപിഎം പ്രവർത്തകർ കടയ്ക്കലിൽ പ്രതിഷേധ പ്രകടനം നടത്തി. സ്‌കൂള്‍ പാര്‍ലമെന്‍റ് തെരഞ്ഞെടുപ്പില്‍ എസ്എഫ്ഐയുടെ കുത്തകയായിരുന്ന ചടയമംഗലം - കടയ്ക്കല്‍ മേഖലയില്‍ പല സ്‌കൂളുകളിലും കെഎസ്‌യുവിന്‍റെ സ്ഥാനാർഥികള്‍ ജയിച്ചു വന്നതില്‍ അരിശംപൂണ്ട് സിപിഎം വിജയിച്ച വിദ്യാർഥികളെ വഴിനീളെ മര്‍ദിക്കുകയാണെന്നു ഡിസിസി പ്രസിഡന്‍റ് പി. രാജേന്ദ്രപ്രസാദ്. ഇതില്‍ പ്രതിഷേധിച്ചു പ്രകടനവും മീറ്റിംഗും നടത്തുവാന്‍ തയാറായ കോണ്‍ഗ്രസ് പ്രവര്‍ത്തകരെ സിപിഎമ്മിന്‍റെ ഉത്തരവാദിത്തമുള്ള നേതാക്കള്‍ തന്നെ നേതൃത്വം കൊടുത്തു മൃഗീയമായി മര്‍ദിക്കുകയും അടിച്ചോടിക്കുകയും ചെയ്യുകയാണെന്ന് അദ്ദേഹം പറഞ്ഞു. കോണ്‍ഗ്രസ് അനുഭാവിയായ ഒരു ബേക്കറി ഉടമയുടെ കട അടിച്ച് തകര്‍ക്കുകയും അയാളെ മാരകമായി മര്‍ദിക്കുകയും ചെയ്തു. നാട്ടില്‍ ഭീകരാന്തരീക്ഷം സൃഷ്ടിച്ച് പാര്‍ട്ടിയുടെ കുത്തക നിലനിര്‍ത്തുവാനുള്ള സിപി എമ്മിന്‍റെ സമീപനം അത്യന്തം പ്രതിഷേധാര്‍ഹമാണെന്നും അദ്ദേഹം പറഞ്ഞു.

സ്റ്റേറ്റ് എൻഎസ്എസ് കലാജാഥയ്ക്ക് സ്വീകരണം നൽകി

ചാത്തന്നൂർ: യുവജാഗരൺ പദ്ധതിയുടെ ഭാഗമായി സ്റ്റേറ്റ് നാഷണൽ സർവീസ് സ്കീമിന്‍റെയും കേരള എയ്ഡ്സ് കൺട്രോൾ സൊസൈറ്റിയുടെയും ആഭിമുഖ്യത്തിൽ എയ്ഡ്സ് അവബോധം പ്രചരിപ്പിക്കുന്നതിനായി നടത്തിയ കലാജാഥയ്ക്ക് ചാത്തന്നൂർ ഗവ. ഹയർ സെക്കൻഡറി സ്കൂളിൽ സ്വീകരണം നൽകി. പ്രിൻസിപ്പൽ ഡി. പ്രമോദ് കുമാർ സ്വീകരണ യോഗം ഉദ്ഘാടനം ചെയ്തു. ഹെഡ്മിസ്ട്രസ് സി. എസ്. സബീല ബീവി അധ്യക്ഷയായിരുന്നു. ലിൻസി എൽ.സ്കറിയ, ബി. കെ. മണിരാജ്, ആർ. എസ്. രജനി, എം. പ്രീത, പി. അജിത് കുമാർ, അനിൽ കുമാർ, എസ്. ബിജിലി, റെയ്മണ്ട് ജോൺ,കവിത എന്നിവർ പ്രസംഗിച്ചു. ഫ്ലാഷ് മോബ്, പാവനാടകം എന്നിവയും കലാ ജാഥയുടെ ഭാഗമായി നടത്തി.

പുസ്തകോത്സവം ഉദ്ഘാടനം ചെയ്തു

കൊട്ടാരക്കര: സാഹിത്യപ്രവർത്തക സംഘത്തി െന്‍റ വില്പന വിഭാഗമായ നാഷണൽ ബുക്ക്‌ സ്റ്റാൾ പുസ്തകോത്സവത്തിന്‍റെ ഉദ്ഘാടനം നഗരസഭ ചെയർമാൻ അഡ്വ. കെ ഉണ്ണികൃഷ്ണമേനോൻ നിർവഹിച്ചു. ഡോ. സി ഉണ്ണികൃഷ്ണൻ അധ്യക്ഷനായിരുന്നു. ഗാന്ധി ഭവൻ സെക്രട്ടറി ഡോ. പുനലൂർ സോമരാജൻ ആദ്യ വില്പന നിർവഹിച്ചു. കില ഡയറക്ടർ വി. സുകേശൻ, പുരോഗമനകലാ സാഹിത്യ സംഘം ജില്ലാ പ്രസിഡന്‍റ് ബീന സജീവ്, ഡോ. പി. എൻ. ഗംഗാധരൻ നായർ, പല്ലിശേരി, ഡോ. ശശികുമാർ, ജി. ബിപിൻ. എന്നിവർ പ്രസംഗിച്ചു.

ബിഷപ് ബൻസിഗർ അനുസ്മരണം നടത്തി

കൊല്ലം: ബിഷപ് അലോഷ്യസ് മരിയ ബൻസിഗർ ഭിന്നശേഷി കൂട്ടായ്മ ബിഷപ് ബൻസിഗറിന്‍റെ ചരമവാർഷിക അനുസ്മരണം നടത്തി.. കൊല്ലം രൂപത വികാരി ജനറാൾ റവ.ഡോ. ബൈജു ജൂലിയാൻ അനുസ്മരണസമ്മേളനം ഉദ്ഘാടനം ചെയ്തു. സാഹിത്യകാരൻ വി.ടി.കുരീപ്പുഴ അനുസ്മരണ പ്രഭാഷണം നടത്തി. സംഘടനയുടെ രൂപത കോ-ഓർഡിനേറ്റർ റോണ റിബൈറോ,ജനറ്റ് മൈക്കിൾ എന്നിവർ പ്രസംഗിച്ചു.

വെള്ളാപ്പള്ളിയുടെ നാവടക്കാൻ അധികാരികൾ തയാറാവണമെന്ന്

കൊല്ലം : കേന്ദ്ര-സംസ്ഥാനസർക്കാരുകളെ സുഖിപ്പിച്ചു നേടിയെടുക്കുന്ന അർഹതയില്ലാത്തവ മറയ്ക്കാൻ മറ്റു സമുദായങ്ങളുടെമേൽ അനാവശ്യമായി കുതിര കയറുന്ന വെള്ളാപ്പള്ളി നടേശന്‍റെ കുശാഗ്രബുദ്ധി സാമാന്യ ജനം തിരിച്ചറിയണമെന്നു വോയിസ് ഒാഫ് ഇന്ത്യൻ കാത്തലിക് എവല്യൂഷൻ( വോയിസ്‌). വെള്ളാപ്പള്ളിക്കെതിരെ നടന്ന ചർച്ചായോഗത്തിൽ അഡ്വ. ഫ്രാൻസിസ് ജെ. നെറ്റോ, ഇ. ജോൺ, ജോർജ് എഫ്.സേവ്യർ വലിയവീട്, മോറിൻ ജെ.കാർഡോസ്, ടി.പി. ജയിംസ്,ബാസ്റ്റിൻ പട്ടകടവ്, സ്കാർബിറ്റ തോപ്പ്, ഹാരിസൻ നീണ്ടകര, മേരിക്കുട്ടി കരിത്തുറ, സെലിൻ ഗോമസ് കായംകുളം,വിനയൻ ജോൺ, ജോഷി സേവ്യർ തുടങ്ങിയവർ പ്രസംഗിച്ചു.

കർഷക ദിനാചരണം നടത്തി

ചാത്തന്നൂർ: പഞ്ചായത്തിന്‍റെയും, കൃഷിഭവന്‍റെയും നേതൃത്വത്തിൽ കർഷക ദിനം ആചരിച്ചു.കാർഷിക വികസന സമിതി, ബാങ്കുകൾ, വിവിധ കർഷക സമിതികളുടെയും സഹകരണത്തോടെയായിരുന്നു ചാത്തന്നൂർ കൃഷിഭവനിൽ നടന്ന കർഷക ദിനാചരണം.ദിനാചരണം ജി.എസ്. ജയലാൽ എംഎൽ എ ഉദ്ഘാടനം ചെയ്തു. പഞ്ചായത്ത് പ്രസിഡന്‍റ് എസ്. കെ. ചന്ദ്രകുമാർ അധ്യക്ഷനായിരുന്നു.വിവിധ വിഭാഗങ്ങളിലായി തെരഞ്ഞെടുക്കപ്പെട്ട ഒൻപത് കർഷകരെ ആദരിച്ചു. ജില്ലാ പഞ്ചായത്ത് വൈസ് പ്രസിഡന്‍റ് ശ്രീജ ഹരീഷ് മുഖ്യ പ്രഭാഷണം നടത്തി. ചാത്തന്നൂർ കൃഷി അസിസ്റ്റന്‍റ് ഡയറക്ടർ ശ്രീവത്സ. പി. ശ്രീനിവാസൻ പദ്ധതി വിശദീകരണം നൽകി.ഇത്തിക്കര ബ്ലോക്ക് പഞ്ചായത്ത് വൈസ് പ്രസിഡന്‍റ് നിർമല വർഗീസ്, കൃഷി ഡെപ്യൂട്ടി ഡയറക്ടർ റീന രവീന്ദ്രൻ, പഞ്ചായത്ത് വൈസ് പ്രസിഡന്‍റ് ഒ. മഹേശ്വരി, പഞ്ചായത്ത് വികസന സ്റ്റാൻഡിംഗ്കമ്മിറ്റി ചെയർമാൻ ആർ.സജീവ് കുമാർ, ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ സജീന നജീം, ക്ഷേമകാര്യ സ്റ്റാന്‍ഡിംഗ് കമ്മിറ്റി ചെയർപേഴ്സൺ കെ. ഇന്ദിര,ബ്ലോക്ക് പഞ്ചായത്ത് അംഗങ്ങളായ സിനി അജയൻ, എ. ദസ്‌തക്കീർ, പഞ്ചായത്ത് അംഗങ്ങളായ രേണുക രാജേന്ദ്രൻ, ഷൈനി ജോയ്,പ്രമോദ് കാരംകോട്,സിന്ധു ഉദയൻ, ആർ. സന്തോഷ്, ഷീബ മധു, തുടങ്ങിയവർ പ്രസംഗിച്ചു. വിവിധ കാർഷിക വിഷയങ്ങളിൽ കാർഷിക സെമിനാറുകൾ നടത്തി . ചാത്തന്നൂർ എസ് ബി ഐ ഡെപ്യൂട്ടി മാനേജർ പാർവതി ക്ലാസുകൾ എടുത്തു. നാടൻ പാട്ടുകൾ ഉൾപ്പെടെയുള്ള വിവിധ കലാപരിപാടികൾ വേദിയിൽ അരങ്ങേറി. ആദരിക്കപ്പെട്ട കർഷകർ അവരുടെ കാർഷിക അനുഭവങ്ങൾ പങ്കുവെച്ചു.തുടർന്ന് വിഭവസമൃദ്ധമായ സദ്യയും നടത്തി. ചാത്തന്നൂർ:കർഷകദിനത്തിനോടനുബന്ധിച്ചു ദേശിങ്ങനാട് ഫാർമർ പ്രൊഡ്യൂസർ കമ്പനിയിൽ മികച്ച കർഷകരെ ആദരിച്ചു. കൃഷി അസി. ഡയറക്ടർ ശ്രീവത്സ ശ്രീനിവാസൻ ഉദ്ഘാടനം ചെയ്തു. കമ്പനി ചെയർമാൻ എസ്.വി. അനിത്കുമാർ അധ്യക്ഷത വഹിച്ചു. കമ്പനി ഡയറക്ടർമാരായ രാജീവ്‌ കുമർ, രാമചന്ദ്രൻപിള്ള, അമ്മിണി എന്നിവർ പ്രസംഗിച്ചു. ഡയറക്ടർ മാരായ ഷാജി കുമാർ, സുഭാഷ്, സിഇഒ വിദ്യ, മോനിഷ മറ്റു അംഗങ്ങളായ കർഷകരും പരി പാടിയിൽ പങ്കെടുത്തു. വിളംബര ഘോഷയാത്ര നടത്തി കൊട്ടാരക്കര: ഉമ്മന്നൂർ പഞ്ചായത്ത്‌ കൃഷിവകുപ്പിന്‍റെ നേതൃത്വത്തിൽ കർഷക വിളംബര ഘോഷയാത്ര നടത്തി. മികച്ച കർഷകർക്കുള്ള അവാർഡ് ദാനം മന്ത്രി കെ. എൻ. ബാലഗോപാൽ നിർവഹിച്ചു. പഞ്ചായത്ത്‌ പ്രസിഡന്‍റ് ഷീബചെല്ലപ്പൻ, വൈസ് പ്രസിഡന്‍റ്സുജാതൻ, ജില്ല പഞ്ചായത്ത്‌ അംഗം ബ്രിജേഷ് എബ്രഹാം, പഞ്ചായത്ത്‌ അംഗങ്ങളായ ബിന്ദുപ്രകാശ്, പി.വി. അലക്സാണ്ടർ, ഉണ്ണികൃഷ്ണൻ, ഹരിത, തുടങ്ങിയവർ നേതൃത്വം നൽകി. കർഷകരെ ആദരിച്ചു പാരിപ്പള്ളി : വേളമാനൂർ ഗാന്ധിഭവൻ സ്നേഹാശ്രമം കർഷകദിനത്തിൽ 10 കർഷകരെ ആദരിച്ചു. കൃഷിവകുപ്പ് മുൻ ജോ. ഡയറക്ടർ സൂരജ് ശരത് കർഷക പ്രതിഭാ പുരസ്കാരങ്ങൾ സമ്മാനിച്ചു. തുളസീധരൻപിള്ള മുതല, ശിവപ്രസാദ് പകൽക്കുറി, വി.മാധവൻനായർ വേളമാനൂർ, എസ്. സന്തോഷ്കുമാർ പുതിയ പാലം, റീജ ഡി. പകൽക്കുറി, ഷിബു വി. വേളമാനൂർ, രമാഭായി ചാത്തന്നൂർ, അനിൽ പി.എസ്. പാരിപ്പള്ളി, രജനി എസ്. ജവഹർജംഗ്ഷൻ, പി.ജയപ്രകാശ് ഇളംകുളം താഴം എന്നീ കർഷകരെയാണ് പുരസ്കാരം നല്കി ആദരിച്ചത്. കർഷകരുടെ സംശയങ്ങൾക്കും ആശങ്കകൾക്കും സൂരജ് ശരത് മറുപടി നൽകി. കേരള ഫിഷറീസ് സമുദ്ര പഠന സർവകലാശാലയിൽ നിന്നും എം എസ് സി പരിസ്ഥിതി ശാസ്ത്രത്തിൽ രണ്ടാം റാങ്ക് കരസ്ഥമാക്കിയ ഭദ്ര ശ്രീ പുഷ്ക്കിനെ സ്നേഹാശ്രമം സ്നേഹോപഹാരം നൽകി അനുമോദിച്ചു. സ്നേഹാശ്രമം ചെയർമാൻ ബി.പ്രേമാനന്ദ് അധ്യക്ഷത വഹിച്ചു. ഡയറക്ടർ പത്മാലയം ആർ.രാധാകൃഷ്ണൻ, വർക്കിംഗ് ചെയർമാൻ തിരുവോണം രാമചന്ദ്രൻപിള്ള, സെക്രട്ടറി പി.എം. രാധാകൃഷ്ണൻ എന്നിവർ പ്രസംഗിച്ചു.

എഴുകോണിൽ കെഎസ്‌യു - എസ്എഫ്ഐ പ്രവർത്തകർ ഏറ്റുമുട്ടി; നിരവധി പേർക്ക് പരിക്ക്

എഴുകോൺ : എഴുകോൺ പോളിടെക്നിക്കിൽ കെഎസ്‌യു - എസ്എഫ്ഐ പ്രവർത്തകർ ഏറ്റുമുട്ടി. നിരവധി പേർക്ക് പരിക്ക്. നവാഗതരെ സ്വീകരിക്കുന്ന ചടങ്ങിൽ കെഎസ്‌യുവിന്‍റെ നേതൃത്വത്തിൽ ഡിജെ പ്രോഗ്രാം അരങ്ങേരുന്നതിനിടെ ഇത് നിർത്തി വെക്കണമെന്ന് പോലീസുകാർ ആവശ്യപ്പെട്ടതാണ് പ്രകോപനത്തിന് ഇടയാക്കിയത്. പോലീസ് പറഞ്ഞത് കേട്ട് പരിപാടി നിർത്തിവച്ച കെഎസ്‌യു പ്രവർത്തകർ മുദ്രാവാക്യം വിളികളുയർത്തി കാമ്പസിനു പുറത്തേക്ക് ഇറങ്ങി. എസ്എഫ്ഐ പ്രവർത്തകരും മുദ്രാവാക്യം വിളി തുടങ്ങിയതോടെ സാഹചര്യം അടിപിടിയിലേക്ക് വഴിമാറുകയായിരുന്നു. പരിക്കേറ്റ എസ്എഫ്ഐയിലെ ധ്രുവ നന്ദൻ, കെഎസ് യുവിന്റെ ആസിഫ് അഫ്സൽ എന്നിവരെ ആശുപത്രിയിൽ പ്രവേശിപ്പിച്ചു. തുടർന്ന് പ്രതിഷേധവുമായി കോൺഗ്രസ് ഭരണത്തിൻ കീഴിലുള്ള എഴുകോൺ പഞ്ചായത്ത് ഓഫീസ് ഉപരോധിക്കാ െ നത്തിയ എസ്എഫ് ഐ പ്രവർത്തകരെ പോലീസ് തടഞ്ഞു. അക്രമികൾക്കെതിരെ നടപടി സ്വീകരിക്കുമെന്ന് പോലീസ് ഉറപ്പു നൽകിയതോടെയാണ് ഇരുകൂട്ടരും പിരിഞ്ഞു പോകുന്നത്.

ഓർമയില്ലാത്ത ഒരാൾ രാജിക്കത്ത് തയാറാക്കിയതെങ്ങനെയെന്ന് മനുഷ്യാവകാശ കമ്മീഷൻ

കൊല്ലം : ഒരു ഗ്ലാസ് വെള്ളം പോലും എടുത്തുകുടിക്കാൻ കഴിയാത്ത തരത്തിൽ ഓർമശക്തി നഷ്ടപ്പെട്ട ഒരാളിൽ നിന്നും അവരുടെ നിയമപരമായ അനന്തരാവകാശികൾ അറിയാതെ ഒരു രാജിക്കത്ത് ഉദ്യോഗസ്ഥർ സ്വീകരിച്ചത് എങ്ങനെയാണെന്ന് അന്വേഷിക്കണമെന്ന് മനുഷ്യാവകാശ കമ്മീഷൻ അംഗം വി. ഗീത. വനിതാ-ശിശു വികസന വകുപ്പ് ഡയറക്ടർ ഇക്കാര്യം വിശദമായി അന്വേഷിച്ച് ഒരു മാസത്തിനകം റിപ്പോർട്ട് സമർപ്പിക്കണമെന്ന് ഉത്തരവിൽ പറയുന്നു. 1998 മുതൽ അടൂർ പറക്കോട് ഐസിഡിഎസിന്‍റെ കീഴിൽ അങ്കണവാടി ടീച്ചറായി ജോലി ചെയ്തിരുന്ന പട്ടികജാതി വിഭാഗത്തിലുള്ള സൈനന്ദ്രിയുടെ രാജിയെകുറിച്ച് അന്വേഷിക്കാനാണ് ഉത്തരവ്. സൈനന്ദ്രിയുടെ മകൾ പുനലൂർ കരവാളൂർ സ്വദേശിനി എസ്. അർച്ചന സമർപ്പിച്ച പരാതിയിലാണ് നടപടി. തന്‍റെ അമ്മയുടെ സഹോദരൻ, ഓർമയില്ലാത്ത അമ്മയെ കൊണ്ട് രാജി വയ്പ്പിച്ചതായാണ് പരാതി. അമ്മയ്ക്കു പകരക്കാരിയായി അധ്യാപിക ജോലിക്ക് അപേക്ഷ നൽകിയപ്പോഴാണ് ഇക്കാര്യം താൻ അറിഞ്ഞതെന്നും പരാതിയിൽ പറയുന്നു. കമ്മീഷൻ കൊല്ലം വനിതാ-ശിശുവികസന അസിസ്റ്റന്‍റ് ഡയറക്ടറിൽ നിന്നും റിപ്പോർട്ട് വാങ്ങി. പരാതിക്കാരിയുടെ അമ്മയുടെ രാജിക്കത്തിൽ അമ്മയുടെ സഹോദരി പ്രഭാവതി, അമ്മയുടെ സഹോദരൻ രാജൻ എന്നിവരാണ് സാക്ഷികളായി ഒപ്പിട്ടിരിക്കുന്നതെന്നു റിപ്പോർട്ടിൽ പറയുന്നു. സൈനന്ദ്രി ചെറിയ കുട്ടികളെ പോലെയാണ് പെരുമാറുന്നതെന്നും ഒരു ഗ്ലാസ് വെള്ളം എടുത്തു കുടിക്കാൻ കഴിയാത്തവിധം ഓർമ നഷ്ടപ്പെട്ടതായും റിപ്പോർട്ടിൽ പറയുന്നു. രാജി വച്ച ഒഴിവിൽ നിലവിലുള്ള വ്യവസ്ഥ പ്രകാരം ആശ്രിതനിയമനം നടത്താൻ കഴിയില്ലെന്നും റിപ്പോർട്ടിൽ പറയുന്നു. അമ്മയെ രാജിവയ്പ്പിച്ചതിൽ ഐസിഡിഎസ് ഓഫീസർക്കും ബന്ധമുണ്ടെന്നു പരാതിക്കാരി ആരോപിച്ചു.

സുജാകുമാരിയുടെ മട്ടുപ്പാവിൽ ജൈവവസന്തം

അനിൽ പന്തപ്ലാവ് പുനലൂർ: പൂർണമായും വിഷരഹിത പച്ചക്കറി ഉത്പാദിപ്പിക്കുക എന്ന ലക്ഷ്യത്തോടെ പ്രതികൂല കാലാവസ്ഥയെ ഉൾപ്പെടെ തരണം ചെയ്ത് മട്ടുപ്പാവ് കൃഷിയിൽ നൂറുമേനി വിളയിച്ച് വേറിട്ട മാതൃകയാവുകയാണ് തെന്മല ഇടമൺ ഉഷസിൽ സുജാകുമാരി. കീടനാശിനികൾ ഉപയോഗിക്കാതെ മണ്ണിനേയും അതുവഴി പരിസ്ഥിതിയേയും നശിപ്പിക്കുന്ന കൃഷി രീതിക്കു പകരം തീർത്തും പരിസ്ഥിതി സംരക്ഷണത്തിന്‍റെ ഭാഗമായിട്ടുള്ള ജൈവ കൃഷിരീതിയാണ് മട്ടുപ്പാവ് കൃഷിക്കായി സുജാകുമാരി സ്വീകരിച്ചിരിക്കുന്നത്. കാബേജ്, കോളീഫ്ലവർ, തക്കാളി, പച്ചമുളക്, വെള്ളരി, കാന്താരി, ചീര ,ഇഞ്ചി, തക്കാളി, പച്ചമുളക്, വെണ്ട, വഴുതന, വെള്ളരി, കിഴങ്ങ്, ഉള്ളി എന്നിങ്ങനെയുള്ള പച്ചക്കറികൾ എല്ലാം സുജാകുമാരിയുടെ മട്ടുപ്പാവ് കൃഷിയിൽ ഉൾപ്പെട്ടിട്ടുണ്ട്. ഇതു കൂടാതെ പേരയ്ക്കയുടെ വിവിധ തരം ഇനങ്ങൾ, ആപ്പിൾ, ഓറഞ്ച് എന്നിങ്ങനെ നീളുന്ന പഴവർഗങ്ങൾ വേറെയും. കൂൺകൃഷി, കോഴി വളർത്തൽ തുടങ്ങിയവയിലും സുജാകുമാരി കൈവച്ചിട്ടുണ്ട്. ചുരുക്കി പറഞ്ഞാൽ എന്തൊക്കെയാണ് ഈ മട്ടുപ്പാവിൽ ഇല്ലാത്തത് എന്ന് ചോദിക്കുന്നതാകും ഏറ്റവും എളുപ്പം. കൃഷി ചെയ്തെടുത്ത കൂണുങ്ങളുടെ വില്പനയും സുജാകുമാരിയ്ക്കുണ്ട്. കഴിഞ്ഞ 30 വർഷമായി കൃഷി നടത്തുന്ന സുജാകുമാരിയോടൊപ്പം കുടുംബം ഒന്നടങ്കമാണ് കൃഷിയിൽ പങ്കാളികളായിരിക്കുന്നത്. അതിനാൽ തന്നെ കൃഷിക്കാര്യം എന്നത് ഇവർക്ക് കുടുംബ കാര്യമാണ്. കഠിനാധ്വാനവും കുടുംബം ഒപ്പമുള്ളതുമാണ് കൃഷിയിൽ തന്‍റെ വിജയത്തിന്‍റെ കാരണമെന്ന് സുജാകുമാരി പറയുന്നു. അതേസമയം സ്ഥലമില്ലാത്തതു കാരണം കൃഷി ചെയ്യാതിരിയ്ക്കരുതെന്നും മട്ടുപ്പാവ് കൃഷിയിലൂടെ നിങ്ങള്‍ക്കും മികച്ച കര്‍ഷകരാകാൻ സാധിക്കുമെന്നും തെളിയിക്കുകയാണ് സുജാകുമാരി. പിതാവായ രാഘവകുറുപ്പാണ് മകളെ കാർഷിക മേഖലയിലേയ്ക്ക് കൈപിടിച്ചു കൊണ്ടുവന്നത്. 30 വർഷത്തോളമായി കൃഷി ചെയ്തു വരുന്നു. ഭർത്താവ് സദാശിവൻ പിള്ളയും മക്കളായ ശ്രീലക്ഷ്മി, ശിവലക്ഷ്മി, സേതുലക്ഷ്മി എന്നിവരും കാർഷിക രംഗത്ത് കൂടെയുണ്ടെന്നും സുജാ കുമാരി പറഞ്ഞു.

ഏരൂർ തോട്ടംമുക്കിൽ വീട് കുത്തിത്തുറന്ന് മോഷണം

അഞ്ചല്‍ : ഏരൂര്‍ തോട്ടംമുക്കിൽ പണയില്‍ വീട്ടില്‍ നബീസയുടെ വീട് കുത്തിത്തുറന്ന് 22000 രൂപയും വിലപിടിപ്പുള്ള വാച്ചും കവർച്ച ചെയ്തു. ഫിംഗര്‍ പ്രിന്‍റ്, ഡോഗ് സ്ക്വാഡ് ഉള്‍പ്പെടെയുള്ളവർ സ്ഥലത്തെത്തി തെളിവുകള്‍ ശേഖരിച്ചിട്ടുണ്ട്. സമീപ പ്രദേശങ്ങളില്‍ നിന്നും ലഭിച്ച സിസിടിവി ദൃശ്യങ്ങളില്‍ കള്ളന്മാര്‍ എന്നു സംശയിക്കുന്ന രണ്ടുപേരെ കേന്ദ്രീകരിച്ച് പോലീസ് അന്വേഷണം ഊര്‍ജിതമാക്കി. മോഷണ ദിവസം നബീസ വീട്ടില്‍ ഉണ്ടായിരുന്നില്ല. കഴിഞ്ഞ ദിവസം ഉച്ചയോടെ വീട്ടില്‍ തിരിച്ചെത്തിയപ്പോഴാണ് കവര്‍ച്ച നടന്ന വിവരം അറിയുന്നത്. ഉടന്‍ പോലീസില്‍ അറിയിക്കുകയായിരുന്നു. നബീസ മാത്രമാണ് വീട്ടില്‍ താമസിക്കുന്നത്. ഇതറിയാവുന്നവരോ നബീസയെ കൃത്യമായി നിരീക്ഷിച്ച ശേഷമോ ആകാം കവര്‍ച്ച എന്നാണ് പോലീസ് നിഗമനം. കഴിഞ്ഞ മാസം ഏരൂര്‍ പത്തടയില്‍ നിരവധി കടകള്‍ കുത്തിത്തുറന്നു കവര്‍ച്ച നടത്തിയ പ്രതികളില്‍ ഒരാളെ പോലീസ് പിടി ക ൂ ടിയതിനു പിന്നാലെയാണ് ഇപ്പോള്‍ അടുത്ത കവര്‍ച്ച കൂടി റിപ്പോര്‍ട്ട് ചെയ്യപ്പെടുന്നത്. മുഖം മറച്ച് രണ്ടുപേര്‍ മലയോര ഹൈവേയിലൂടെ ഓടിപ്പോകുന്ന സിസിടിവി ദൃശ്യങ്ങള്‍ പോലീസിന് ലഭിച്ചിട്ടുണ്ട്. കൂടുതല്‍ പ്രദേശങ്ങളില്‍ നിന്നുള്ള ദൃശ്യങ്ങള്‍ പരിശോധിച്ചുവരികയാണെന്നും അതിന് ശേഷമേ കൂടുതല്‍ കാര്യങ്ങള്‍ വ്യക്തമാകുവെന്നും പോലീസ് പറഞ്ഞു.

നോ പാർക്കിംഗ് ബോർഡിന് പുല്ലുവില

കൊല്ലം: കൊല്ലം കോർപറേഷൻ പരിധിയിൽ വാഹന പാർക്കിംഗ് സൗകര്യം ഇല്ലാതെ പൊതുജനങ്ങൾ വലയുന്നു. നോ പാർക്കിംഗ് ബോർഡിനെപോലും മറച്ചാണ് പലരും വാഹനങ്ങൾ വയ്ക്കുന്നത്. ജില്ലാശുപത്രി, റെയിൽവേസ്റ്റേഷൻ, ആർപിമാൾ, ബീച്ച് റോഡ്, കെഎസ്ആർടിസി, സിവിൽ സ്റ്റേഷൻ തുടങ്ങിയ എവിടെ നോ പാർക്കിംഗ് ബോർഡ് സ്ഥാപിച്ചിട്ടുണ്ടോ അവിടെ വാഹനം വച്ചിരിക്കും. അറിഞ്ഞുകൊണ്ടും പിഴ അടയ്ക്കാൻ കൊതികൊണ്ടും വാഹനം പാർക്ക് ചെയ്യുന്നതല്ല.കൊല്ലം കോർപറേഷനോ മറ്റ് അധികാരികളോ ഭരണസിരാകേന്ദ്രങ്ങളോ ഇവിടെ പാർക്കിംഗ് ഏരിയ നൽകിയിട്ടില്ലെന്നാണ് സത്യം. വാഹനം എവിടെയെങ്കിലും പ്രതിഷ്ഠിച്ചാൽമാത്രമേ കാര്യം നേടിയെടുക്കാൻ സ്ഥാപനങ്ങളിലോ കടകളിലോ കയറാൻ സാധിക്കൂ. കെഎസ്ആർടിസിയ്ക്കോ ട്രെയിനോ യാത്ര പോകേണ്ട ജോലിക്കാർ സ്ഥിരമായി വാഹനം വയ്ക്കുന്നതു നോ പാർക്കിംഗ് ബോർഡിനു കീഴിൽതന്നെയാണ്. കൊല്ലം റെയിൽവേ സ്റ്റേഷൻ പരിസരത്ത് നടപ്പാത കൈയേറിയാണ് വാഹനങ്ങൾ പാർക്കു ചെയ്യുന്നത്. ഇതുമൂലം വഴിയാത്രക്കാർ റോഡിനു നടുവിലൂടെ സഞ്ചരിക്കേണ്ട സ്ഥിതിയാണ്. റെയിൽവേ സ്റ്റേഷനിൽ എത്തുന്നവരിൽ ഭൂരിഭാഗവും വാഹനങ്ങൾ പാർക്ക് ചെയ്യുന്നതു നടപ്പാത കൈയേറിയാണ്.

‌ഇരുചക്ര വാഹനങ്ങളുടെയും കാറുകളുടെയും നീണ്ടനിര തന്നെ റെയിൽവേ സ്റ്റേഷൻ പരിസരത്ത് കാണാനാകും. മറ്റു സ്ഥലങ്ങൾ ഇല്ലാത്തതുകൊണ്ടാണ് ഇവിടെ വാഹനങ്ങൾ പാർക്ക് ചെയ്യുന്നത് എന്നാണ് യാത്രക്കാർ പറയുന്നത്. ഇതിനു പുറമേ നഗരത്തിന്‍റെ വിവിധ പ്രദേശങ്ങളിൽ അനധികൃത പാർക്കിംഗ് മൂലം വലിയ ഗതാഗതക്കുരുക്ക് ഉണ്ടാകുന്നുണ്ട്. റോഡുകളും നടപ്പാതയും കൈയേറിയുള്ള പ്രവൃത്തികൾക്കെതിരേ ശക്തമായ നടപടി സ്വീകരിച്ച കൊല്ലം കോർപറേഷൻ അനധികൃത പാർക്കിംഗിനെതിരെ യാതൊരു നടപടിയും സ്വീകരിക്കുന്നില്ലെന്ന ആരോപണം ശക്തമാണ്. ഗതാഗതക്കുരുക്ക് വാഹനങ്ങൾ നിർത്തിയിടുന്നത്‌ തോന്നുംപടിയായതോടെ രാവിലെയും വൈകുന്നേരങ്ങളിലും നഗരത്തിൽ ഗതാഗതക്കുരുക്ക്‌. നഗരത്തിൽ വാഹനവുമായി ഇറങ്ങിയാൽ കുടുങ്ങും. ഇതിനുകാരണം നോ പാർക്കിംഗ് ഏരിയയിലെ വാഹനവ്യൂഹമാണ്. അനധികൃതമായി പാർക്ക് ചെയ്തിട്ടു എവിടെയെങ്കിലും പോകാനുള്ള വാഹനമുടമകളുടെ ധൃതിയാണ് ഇത്തരം സംഭവങ്ങൾക്കുപിന്നിലുള്ളത്. വാഹനങ്ങൾ പെരുകി, അതിനുള്ള സൗകര്യമില്ലെന്നുള്ളത് സത്യമാണെങ്കിലും അല്പമെങ്കിലും ശ്രദ്ധിച്ചാൽ ഗതാഗതക്കുരുക്ക് ഒഴിവാക്കാൻ സാധിക്കും. അധികാരികളുടെ വാചക കസർത്ത് ഏതു സംഭവമുണ്ടായാലും എല്ലാം പെട്ടെന്നു പരിഹരിക്കുമെന്നു വാചക കസർത്തുണ്ടാകും. കോർപറേഷൻ അധികാരികളും വർഷങ്ങളായി എല്ലാം ശരിയാക്കുമെന്നു പറയുന്നുണ്ട്. അധികാരത്തിൽ കയറി കഴിഞ്ഞാൽ എല്ലാം മറക്കും. പിന്നെ ഇത്തരം സംഭവങ്ങളൊന്നും ഇവരാരും കാണാറുമില്ല. അധികാരികൾ കണ്ണുതുറന്നു കണ്ടു ഇതിനു പരിഹാരം കാണാൻ ശ്രമിക്കണമെന്നാണ് പൊതുജനത്തിന്‍റെ അഭിപ്രായം. പാർക്കിംഗിന്‍റെ പേരിൽ തർക്കം കൊല്ലം കളക്ടറേറ്റ് സമുച്ചയത്തിലെ പാർക്കിംഗിനെച്ചൊല്ലി തര്‍ക്കവും സംഘർഷവും പതിവാണെന്ന് അവിടെയുള്ള ജീവനക്കാരും പൊതുജനങ്ങളും പരാതിപ്പെടുന്നത്. സമുച്ചയത്തിലെ പാർക്കിംഗിന് ഒരു തലത്തിലുമുള്ള നിയന്ത്രണമില്ലെന്നാണ് പ്രധാന ആക്ഷേപം. കളക്ടറുടെ വാഹനം പാർക്ക് ചെയ്യേണ്ട സ്ഥലത്തു പോലും സ്കൂട്ടറുകളും ബൈക്കുകളും അനധികൃതമായി പാർക്ക് ചെയ്യാറുണ്ട്. സെഷൻസ് ജഡ്ജിമാരുടെ വാഹനം പാർക്ക് ചെയ്യേണ്ട സ്ഥലത്ത് ഇരുചക്രവാഹനങ്ങളും കാറുകളും പാർക്കു ചെയ്യുന്നതും പതിവാണ്. കോടതി തുടങ്ങുന്ന രാവിലെ 11ന് പ്രതികളുമായി എത്തുന്ന പോലീസ് വാഹനങ്ങള്‍ക്ക് നിർത്തിയിടാനുള്ള സൗകര്യവും പലപ്പോഴും ലഭിക്കാറില്ല. രാവിലെ 10 കഴിഞ്ഞു കോടതിയിലും കളക്ടറേറ്റിലും എത്തുന്നവർ പാർക്കിംഗിന് ആശ്രയിക്കുന്നത് കളക്ടറേറ്റ് സമുച്ചയത്തിനോടു ചേർന്നുള്ള റോഡുകളെയാണ്.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]