അക്ഷര കേരളം: മേഖലാതല പരിശീലനവും സർവേയും നടത്തി

കൊട്ടിയം: സാക്ഷരതാ മിഷനും നാഷണൽ സർവീസ് സ്കീമും ചേർന്ന് സാക്ഷരതാ പ്രേരക്‌മാർ, എൻഎസ്എസ് വൊളന്‍റിയർമാർ എന്നിവർക്കായി തൃക്കോവിൽവട്ടം പഞ്ചായത്ത് പരിശീലനവും സർവേയും നടത്തി. മൈലാപൂര് ഫാത്തിമ മെമ്മോറിയൽ ട്രെയിനിംഗ് കോളജിൽ നടത്തിയ പരിശീലനം തൃക്കോവിൽവട്ടം പഞ്ചായത്ത്‌ പ്രസിഡന്‍റ് ജി.എസ്. സിന്ധു ഉദ്ഘാടനം ചെയ്തു.

ADVERTISEMENT

കുണ്ടറയിൽ വീണ്ടും മോഷണം

കുണ്ടറ : കുണ്ടറയിൽ കടകളിൽ മോഷണ പരമ്പര. ഇന്നലെ പകൽ വീണ്ടും ഒരു കടയിൽ കൂടി മോഷണം നടന്നു. പെരുമ്പുഴ സൊസൈറ്റി മുക്കിൽ പ്രവർത്തിക്കുന്ന പ്ലാനറ്റ് ചെരുപ്പു കടയിലാണ് മോഷണം. ബൈക്കിൽ എത്തിയ രണ്ട് യുവാക്കളാണ് കട ഉടമയെ കബളിപ്പിച്ച് മേശയിലിരുന്ന 5000 രൂപ മോഷ്‌ടിച്ച് കടന്നു കളഞ്ഞത്. കുണ്ടറ പോലീസ് കേസെടുത്തു അന്വേഷണം ആരംഭിച്ചു. കഴിഞ്ഞദിവസം ഒരു കടയിൽനിന്ന് പണമടങ്ങിയ ബാഗ് കവർച്ച നടത്തിയിരുന്നു.

കുളത്തൂപ്പുഴയിലെ വ്യാപാര സ്ഥാപനങ്ങളിൽ ടിഎസ്ഒയുടെ മിന്നൽ പരിശോധന

കുളത്തൂപ്പുഴ: കുളത്തൂപ്പുഴ പഞ്ചായത്തിലെ വ്യാപാര സ്ഥാപനങ്ങളിൽ പുനലൂർ താലൂക്ക് സപ്ലൈ ഓഫീസർ ചിത്രയുടെ നേതൃത്വത്തിൽ പരിശോധന നടത്തി . പരിശോധനയിൽ വൻ ക്രമക്കേടുകളാണ് വ്യാപാരസ്ഥാപനങ്ങളിൽ കണ്ടെത്താൻ കഴിഞ്ഞത്. പല സ്ഥാപനങ്ങളിലും വിലവിവര പട്ടിക ബോർഡ് പ്രദർശിപ്പിച്ചിട്ടില്ല. വൃത്തിഹീനമായ ചുറ്റുപാടിലാണ് വ്യാപാരസ്ഥാപനങ്ങൾ പ്രവർത്തിച്ചുവന്നത്. പഞ്ചായത്തിന്‍റെ ലൈസൻസ് ഇല്ലാതെ പ്രവർത്തിക്കുന്ന വ്യാപാരസ്ഥാപനങ്ങൾ കണ്ടെത്തുകയും ചെയ്തു. ക്രമക്കേടുകൾ കണ്ടെത്തിയ സ്ഥാപനങ്ങൾക്ക് നോട്ടീസ് നൽകുകയും എത്രയും പെട്ടെന്ന് മാനദണ്ഡങ്ങൾ പാലിക്കണമെന്നും പരിശോധനയ്ക്ക് നേതൃത്വം നൽകിയ ടിഎസ്ഒ ചിത്രയും റേഷനിംഗ് ഇൻസ്പെക്ടർ ലെനിൻ രാജേന്ദ്രനും വ്യാപാര സ്ഥാപന ഉടമകളെ അറിയിക്കുകയും ചെയ്തു.

സ്കൂട്ടർ യാത്രക്കാരനെ കാട്ടുപോത്ത് ഇടിച്ച് തെറിപ്പിച്ചു

കുളത്തൂപ്പുഴ : തിരുവനന്തപുരം - തെങ്കാശി അന്തർ സംസ്ഥാന പാതയിൽ കുളത്തൂപ്പുഴ അയ്യൻപിള്ള വളവിലെ മലങ്കര കത്തോലിക്ക പള്ളി കുരിശുമൂട്ടിന് സമീപം കാട്ടുപോത്തിടിച്ച് സ്കൂട്ടർ യാത്രക്കാരന് പരിക്ക്. രാത്രി തെന്മലയിൽ നിന്നും സ്കൂട്ടറിൽ കുളത്തൂപ്പുഴയിലേക്ക് വരികയായിരുന്ന കുളത്തൂപ്പുഴ കൈതക്കാട് സ്വദേശി തൗഫീക്കിനാണ് അപകടത്തിൽ പരിക്കേറ്റത്. പരിക്കേറ്റു റോഡിൽ വീണ തൗഫീക്കിനെ ഓടിക്കൂടിയ സമീപവാസികൾ ആദ്യം കുളത്തൂപ്പുഴ പ്രാഥമികാരോഗ്യ കേന്ദ്രത്തിലും പ്രഥമ ശുശ്രൂഷകൾക്ക് ശേഷം പുനലൂർ താലൂക്ക് ആശുപത്രിയിലും എത്തിക്കുകയായിരുന്നു. തെന്മല ആർആർടി സംഘം ജനവാസ മേഖലയിൽ ഇറങ്ങിയ കാട്ടുപോത്തിനെ ഓടിച്ച് കാട് കേറ്റുന്നതിനിടെയാണ് കാട്ടുപോത്ത് കൂട്ടം റോഡിൽ ഇറങ്ങി അതുവഴി വന്ന സ്കൂട്ടർ യാത്രക്കാരനെ ഇടിച്ച് തെറിപ്പിച്ചത്. കുളത്തൂപ്പുഴ പ്രദേശങ്ങളിൽ ജനവാസ മേഖലകളിൽ ആന, കാട്ടുപോത്ത്, കുരങ്ങ്,പന്നി എന്നിവയുടെയും മയിലിന്‍റെയും ശല്യം രൂക്ഷമായി കൊണ്ടിരിക്കുകയാണ്. ലക്ഷങ്ങൾ ചെലവഴിച്ച് വനാതിർത്തിയിൽ സോളാർ ബെൻസിംഗ് സ്ഥാപിച്ചതാവട്ടെ പരിപാലനം ഇല്ലാതായതോടെ ആനക്കൂട്ടങ്ങൾ നശിപ്പിച്ചു. കുളത്തൂപ്പുഴയുടെ പല പ്രദേശങ്ങളിലും രാത്രിയാത്ര അപകടം പിടിച്ചതാണെന്ന് നാട്ടുകാർ പറഞ്ഞു.

കിണറ്റിൽ ചാടിയ പ്രതിയെ ഫയർഫോഴ്സ് രക്ഷിച്ചു

എഴുകോൺ: പോലീസിനെ വെട്ടിച്ച് കിണറ്റിൽ ചാടിയ പ്രതിയെ ഫയർഫോഴ്സ് എത്തി രക്ഷിച്ചു. എഴുകോൺ ഇരുമ്പനങ്ങാട് വികെഎം ക്ലബിന് സമീപം കഴിഞ്ഞ ദിവസം രാത്രിയോടെയാണ് സംഭവം. ഓൺലൈൻ തട്ടിപ്പുമായി ബന്ധപ്പെട്ട് കൊടുങ്ങല്ലൂർ പോലീസെടുത്ത കേസിലെ പ്രതി ശ്രീകുമാറാണ് കിണറ്റിൽ ചാടിയത്. ശ്രീകുമാറിനെ പോലീസ് ചോദ്യം ചെയ്തപ്പോൾ കൂട്ടുപ്രതി എഴുകോൺ ഇരുമ്പനങ്ങാട് ഭാഗത്തുണ്ടെന്നറിഞ്ഞു. തുടർന്നാണ് കൊടുങ്ങല്ലൂർ പോലീസ് ശ്രീകുമാറുമായി കൂട്ടുപ്രതിയുടെ വീട് കണ്ടെത്താൻ എത്തിയത്. രാത്രി ഊടുവഴികളിലൂടെ പോലീസിനെ കൊണ്ടുപോയ ഇയാൾ പോലീസിനെ വെട്ടിച്ച് ഓടി ചരുവിള പുത്തൻ വീട്ടിൽ സജീവിന്‍റെ കിണറ്റിൽ ചാടി. ശബ്ദം കേട്ട് സജീവിന്‍റെ ഭാര്യയും മകനും നോക്കുമ്പോഴാണ് കിണറ്റിൽ ആളിനെ കണ്ടത്. വീട്ടുകാരുടെ ബഹളംകേട്ട് സമീപത്തുണ്ടായിരുന്ന പോലീസ് ഓടിയെത്തി. തുടർന്ന് കുണ്ടറയിൽനിന്ന് ഫയർഫോഴ്സ് സംഘമെത്തി കരയ്ക്കെത്തിച്ചു. സാരമായി പരിക്കേറ്റ പ്രതിയെ കൊട്ടാരക്കര താലൂക്ക് ആശുപത്രിയിൽ പ്രവേശിപ്പിച്ചു.

ചാരായം വാറ്റ്; നാലംഗ സംഘം റിമാൻഡിൽ

കുളത്തൂപ്പുഴ: ഓണക്കച്ചവടത്തിനായി ചാരായം വാറ്റിയ നാലംഗസംഘം കുളത്തൂപ്പുഴ ചന്ദനക്കാവിനു സമീപം പോലീസ് പിടിയിലായി. കുളത്തൂപ്പുഴ ചന്ദനക്കാവ് പ്രദേശത്ത് നിർമാണം പൂർത്തിയാകാത്ത വീട്ടിൽ ചാരായം വാറ്റുന്നു എന്ന വിവരത്തിന്‍റെ അടിസ്ഥാനത്തിൽ കുളത്തൂപ്പുഴ പോലീസ് നടത്തിയ തിരച്ചിലിൽ ചാരായം വാറ്റി കൊണ്ടിരുന്ന നാല് യുവാക്കളെ പോലീസ് കൈയോടെ പിടികൂടുകയായിരുന്നു. ഇവരിൽ നിന്ന് ചാരായവും,വാഷും പോലീസ് പിടിച്ചെടുത്തു. തിങ്കൾക്കരിക്കം വടക്കേ ചെറുകര സ്വദേശികളായചന്തു ഭവനിൽ ചന്തുരാജ് (32), പ്രജിത് വിലാസം വീട്ടിൽ പ്രജിത് (33), സുരാജ് ഭവനിൽ സുരാജ് (37), നെല്ലിമൂട്ടിൽ വീട്ടിൽ ഷൈജു (31) എന്നിവരാണ് പിടിയിലായത്. കുളത്തൂപ്പുഴ പോലീസ് ഇൻസ്പെക്ടർ ഷാജഹാൻ, വിനോദ്, ശ്രീലാൽ, സി പി ഒ മാരായ അഭിലാഷ്, കൃഷ്ണദാസ്, നന്ദു, അഭിരാജ്, ഗിരീഷ് എന്നിവരടങ്ങി സംഘമാണ് പ്രതികളെ പിടികൂടിയത്. കസ്റ്റഡിയിലെടുത്ത പ്രതികളെ മെഡിക്കൽ പരിശോധനയ്ക്ക് ശേഷം കോടതിയിൽ ഹാജരാക്കി റിമാൻഡ് ചെയ്തു.

മാതാവിന്‍റെ കൊലപാതകം; മകൻ അറസ്റ്റിൽ

കരുനാഗപ്പള്ളി : തഴവയിലെ പാവുമ്പയിൽ വീട്ടമ്മ കിടപ്പുമുറിയിൽ ദുരൂഹ സാഹചര്യത്തിൽ മരിച്ച സംഭവം കൊലപാതകമെന്ന് തെളിഞ്ഞു. സംഭവത്തിൽ മകൻ പോലീസ് പിടിയിലായി. പാവുമ്പ തെക്ക്, ബിനു സദനത്തിൽ (ചാരുകളീയ്ക്കൽ) രാജാമണിയമ്മ (72) മരിച്ച സംഭവത്തിൽ മകൻ ബിനു (49) വിനെയാണ് പോലീസ് അറസ്റ്റു ചെയ്തത്. വ്യാഴാഴ്ച രാവിലെ ഒൻപതോടെയാണ് രാജാമണിയമ്മയെ കിടപ്പുമുറിയിൽ മരിച്ച നിലയിൽ കണ്ടത്. മകൻ ബിനുവാണ് രാജാമണിയമ്മ തൂങ്ങിമരിച്ചതായി നാട്ടുകാരോട് പറയുന്നത്. നാട്ടുകാർ എത്തിയപ്പോൾ മൃതദേഹം തറയിൽ കിടത്തിയിരിക്കുന്ന നിലയിലായിരുന്നു.മുറിയുടെ ജനലിൽ തൂങ്ങി നിന്ന രാജാമണിയമ്മയെ താൻ അഴിച്ച് താഴെ കിടത്തിയതാണെന്നാണ് മകൻ നാട്ടുകാരോടും പോലീസിനോടും പറയുന്നത്. മുറിയിൽ രക്തക്കറകളും ശരീരത്തിൽ മുറിവുകളും കണ്ട് സംശയം തോന്നിയ നാട്ടുകാർ ഉടൻതന്നെ പോലീസിൽ വിവരമറിയിച്ചു. പോലീസ് എത്തി മൃതദേഹം പാരിപ്പള്ളി മെഡിക്കൽ കോളജ് ആശുപത്രിയിൽ പോസ്റ്റ്‌മോർട്ടത്തിനായി അയച്ചു. ഫോറൻസിക് വിഭാഗവും സ്ഥലത്തെത്തി തെളിവുകൾ ശേഖരിച്ചിരുന്നു.മകൻ ബിനുവി െ ന്‍റ പെരുമാറ്റത്തിൽ അസ്വാഭികത തോന്നിയ പോലീസ് ഇയാളെ അന്നുതന്നെ കസ്റ്റിഡിയിൽ എടുത്തിരുന്നു. ശരീരത്തിൽ മുറിവേറ്റതി െ ന്‍റ 19 ഓളം പാടുകൾ ഉള്ളതായും തലയ്ക്കും കഴുത്തിനും ഉണ്ടായ മുറിവുകളാണ് മരണത്തിന് കാരണമായതെന്നും പോസ്റ്റുമോർട്ടത്തിൽ തെളിയുകയായിരുന്നു.കഴുത്തിൽ തുണിപോലുള്ള എന്തോ വസ്തുകൊണ്ട് മുറുക്കിയതിന്‍റെ പാടുകളും ഉണ്ടായിരുന്നു.തുടർന്ന് പോലീസ് ബിനുവിനെ ചോദ്യം ചെയ്‌തെങ്കിലും തുടക്കത്തിൽ കുറ്റം സമ്മതിച്ചിരുന്നില്ല. സാഹചര്യ തെളിവുകൾ നിരത്തി കൂടുതൽ ചോദ്യം ചെയ്തപ്പോൾ ബിനു കുറ്റം സമ്മതിക്കുകയാണ് ഉണ്ടായത്. ബിനു സ്ഥിരമായി അമ്മയെ മർദിച്ചിരുന്നതായും സംഭവദിവസം രാത്രിയിലും മർദിച്ചതായും പോലീസ് അറിയിച്ചു. ഈ മർദനത്തിനിടയിലാണ് രാജാമണിയമ്മ മരിച്ചത്. മുറിവുകളിൽ നിന്നും മുറിയിൽ വീണ രക്തക്കറകൾ ബിനുതന്നെ കഴുകി കളഞ്ഞ ശേഷം ആർക്കും സംശയം തോന്നാത്ത വിധത്തിൽ നാട്ടുകാരോട് അമ്മ തൂങ്ങിമരിച്ചതായി പറയുകയായിരുന്നു. കരുനാഗപ്പള്ളി പോലീസ് ഇൻസ്‌പെക്ടർ വി. ബിജുവി െ ന്‍റ നേതൃത്വത്തിലായിരുന്നു അന്വേഷണം. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

കെഎസ്ആര്‍ടിസിയുടെ കൊറിയര്‍ സര്‍വീസ് വിജയത്തിലേക്ക്

കൊല്ലം: പ്രധാന ടിക്കറ്റ് ഇതര വരുമാനമാര്‍ഗമായി മാറിയ കെഎസ്ആര്‍ടിസിയുടെ കൊറിയര്‍ സര്‍വീസ് ജില്ലയില്‍ വിജയത്തിലേക്ക്. ഒപ്പം ബസ് സ്റ്റേഷനുകളിലെ ഷോപ്പുകള്‍ ലീസിനു നല്‍കിയും ഡ്രൈവിംഗ് സ്‌കൂള്‍ പോലുള്ള പുതിയ സംരംഭങ്ങളും സ്വകാര്യ സ്ഥാപനങ്ങള്‍ ഡിപ്പോയില്‍ നടത്തുന്ന ബ്രാന്‍ഡിംഗ് പ്രവര്‍ത്തനങ്ങള്‍ക്ക് പകരമായി അവരെ ഡിപ്പോയിലെ വികസന പ്രവര്‍ത്തങ്ങളില്‍ പങ്കാളികളാക്കിയും വരുമാനത്തില്‍ മികച്ച കുതിപ്പ് ജില്ലയില്‍ നടത്താന്‍ കെഎസ്ആര്‍ടിസിക്കായി. രണ്ടുവര്‍ഷം മുന്‍പാണ് ജില്ലയില്‍ കൊറിയര്‍ സേവനം ആരംഭിച്ചത്. പ്രതിമാസം ഒമ്പത് ലക്ഷം രൂപയോളം വരുമാനം ഇതിലൂടെ കെഎസ്ആര്‍ടിസിക്ക് ലഭിക്കുന്നുണ്ട്. നിലവില്‍ കൊല്ലം, കൊട്ടാരക്കര, പുനലൂര്‍, കരുനാഗപ്പള്ളി ഡിപ്പോകളിലാണ് കൊറിയര്‍ സേവനം ലഭ്യമായിട്ടുള്ളത്. കൊല്ലം ഡിപ്പോയില്‍ നിന്ന് പ്രതിദിനം 15,000 രൂപ വരെയും ബാക്കി ഡിപ്പോകളില്‍ 5,000 രൂപ വരെയുമാണ് വരുമാനം. 15 കിലോ വീതമാണ് പരമാവധി ഒരു പെട്ടിയില്‍ ഉള്‍ക്കൊള്ളിക്കുന്ന ഭാരം. ചെറിയ കവര്‍ മുതല്‍ ഒരു കിലോ വരെയുള്ളത് കൊറിയര്‍ സര്‍വീസിലും ഒരു കിലോ മുതല്‍ 120 കിലോവരെ പാഴ്സലായിട്ടുമാണ് അയക്കാന്‍ കഴിയുക. വസ്തുവിന്‍റെ ഭാരവും ദൂരവും കണക്കാക്കി വ്യത്യസ്ത സ്ലാബുകളിലാണ് പാര്‍സല്‍ - കൊറിയര്‍ നിരക്ക് നിര്‍ണയിക്കുന്നത്. 30 രൂപ മുതല്‍ 245 രൂപ വരെയാണ് കൊറിയര്‍ സര്‍വീസില്‍ ഈടാക്കുന്നത്. അഞ്ചുകിലോവരെ ഭാരമുള്ള വസ്തുക്കള്‍ 200 കിലോമീറ്ററിനുള്ളില്‍ പാര്‍സല്‍ അയക്കാന്‍ 110 രൂപയും, 800 കിലോമീറ്ററിനു 430 രൂപയുമാണ്. 105 മുതല്‍ 120 കിലോ വരെയുള്ള സാധനങ്ങള്‍ അയക്കാന്‍ 200 കിലോമീറ്ററിനുള്ളില്‍ 619.20 രൂപയും 800 കിലോമീറ്ററിനു 2491.20 രൂപയുമാണ് ചാർജ്. വ്യാപാര സ്ഥാപനങ്ങളിലേക്കുള്ള സാധനങ്ങള്‍, വൈദ്യുതി ഉപകരണങ്ങള്‍ എന്നിവയാണ് കൂടുതലും കൊറിയര്‍ സേവനത്തിലൂടെ അയക്കുന്നതെന്ന് മാര്‍ക്കറ്റിംഗ് എക്സിക്യൂട്ടീവ് അരുണ്‍ പറഞ്ഞു. മറ്റൊരു ടിക്കറ്റ് ഇതര വരുമാന പദ്ധതിയായ ഡ്രൈവിംഗ് സ്‌കൂള്‍ ആരംഭിച്ചത് കഴിഞ്ഞ ഡിസംബറിലാണ്. ചടയമംഗലം ഡിപ്പോയിലാണ് പ്രവര്‍ത്തനം. ഇതുവരെ 59 പേര്‍ ഇവിടുത്തെ പരിശീലനത്തിലൂടെ ഭാരവാഹനങ്ങളുടെ ലൈസന്‍സ് പരീക്ഷ വിജയിച്ചു. 21 പേര്‍ക്ക് ഇരുചക്ര, ലൈറ്റ് മോട്ടോര്‍ വാഹനങ്ങളുടെ ലൈസന്‍സും ലഭിച്ചു. 19,30,100 രൂപയാണ് ഓഗസ്റ്റ് വരെ സ്‌കൂള്‍ നേടിയ വരുമാനം. ഭാരവാഹനങ്ങളുടെ ഡ്രൈവിംഗ് പരിശീലനത്തിന് 9,000 രൂപയും ഇരുചക്ര ലൈറ്റ് മോട്ടോര്‍ വാഹനങ്ങളുടെ പരിശീലനത്തിന് 11,000 രൂപയും, ഇരുചക്ര വാഹനങ്ങള്‍ക്ക് മാത്രമായി 3,500 രൂപയുമാണ് ഈടാക്കുന്നത്. പട്ടികജാതി - വര്‍ഗ വിഭാഗങ്ങള്‍ക്ക് 20 ശതമാനം ഫീസിളവുമുണ്ടെന്ന് ഡ്രൈവിംഗ് സ്‌കൂള്‍ അസിസ്റ്റന്‍റ് ദീപ പറഞ്ഞു. ടിക്കറ്റിന് ചില്ലറ നല്‍കുന്നത് സംബന്ധിച്ച പ്രശ്നങ്ങള്‍ ഒഴിവാക്കാന്‍ ട്രാവല്‍ കാര്‍ഡ് പദ്ധതി കൊല്ലത്ത് നടപ്പാക്കി. ജില്ലയില്‍ ഇതുവരെ വിവിധ ഡിപ്പോകള്‍ വഴി 27,600 കാര്‍ഡുകളാണ് വിതരണം ചെയ്തത്. 100 രൂപയ്ക്ക് ലഭിക്കുന്ന കാര്‍ഡ് റീചാര്‍ജ് ചെയ്ത് ഉപയോഗിക്കാം. 1,000 രൂപ ചാര്‍ജ് ചെയ്താല്‍ 40 രൂപയും 2,000 രൂപ ചാര്‍ജ് ചെയ്താല്‍ 100 രൂപയും അധിക ക്രെഡിറ്റ് ലഭിക്കും. പ്ലസ് ടു വരെയുള്ള വിദ്യാര്‍ഥികള്‍ക്കായി 110 രൂപയ്ക്ക് ഡിജിറ്റല്‍ കണ്‍സഷന്‍ കാര്‍ഡും തയാറാക്കും. ഇവ ഉപയോഗിച്ച് പ്രതിമാസം 25 ദിവസം നിശ്ചിത റൂട്ടുകളില്‍ യാത്ര ചെയ്യാം. സംസ്ഥാനത്ത് കഴിഞ്ഞ മൂന്ന് മാസത്തിനിടെ 1,20,000 ട്രാവല്‍ കാര്‍ഡുകളാണ് വിതരണം ചെയ്തത്. ഡിപ്പോകളില്‍ ബ്രാന്‍ഡിംഗ് ചെയ്യാന്‍ സ്വകാര്യസ്ഥാപനങ്ങള്‍ക്ക് അവസരം ഒരുക്കിയതിലൂടെ ജില്ലയില്‍ പുനലൂര്‍ ഡിപ്പോയില്‍ ആദ്യഘട്ട പ്രവൃത്തികള്‍ നടത്തി.

ചെണ്ടുമല്ലിയെൻ ഹൃദയമല്ലി

പി. സനില്‍കുമാര്‍ അഞ്ചല്‍ : വീടുകളില്‍ നിന്നുള്ള പ്ലാസ്റ്റിക് ഉള്‍പ്പെടെയുള്ള മാലിന്യം ശേഖരിക്കുക മാത്രമല്ല അലയമണ്‍ പഞ്ചായത്തിലെ ഹരിതകര്‍മസേനാ പ്രവര്‍ത്തകര്‍ ചെയ്യുന്നത്. മനം കുളിര്‍ക്കും വിധം മഞ്ഞയും ചുവപ്പും നിറത്തിലുള്ള പൂപ്പാടവും ഒരുക്കാന്‍ കഴിയുമെന്ന് തെളിയിച്ചിരിക്കുകയാണിവര്‍. പ്ലാസ്റ്റിക് മാലിന്യം ശേഖരിച്ചു സൂക്ഷിക്കുന്ന ചണ്ണപ്പേട്ട മാര്‍ക്കറ്റിന് സമീപം എംസിഎഫിനോടു ചേര്‍ന്നുള്ള തരിശ് ഭൂമിയില്‍ ചെണ്ടുമല്ലി കൃഷിയിറക്കി ഇപ്പോള്‍ വിളവെടുപ്പ് പാകമായി പൂത്തുലഞ്ഞു നില്‍ക്കുകയാണ്. പൂക്കളുടെ ക്ഷാമം പരിഹരിക്കുകയും വരുമാനം നേടുകയും മാത്രമല്ല ഇവരുടെ ലക്ഷ്യം. ഒപ്പം മാനസികമായ ഉല്ലാസം കൂടി പൂക്കൃഷിയിലൂടെ ഇവര്‍ നേടുന്നു. കഴിഞ്ഞ വര്‍ഷവും പൂക്കൃഷി നടത്തി നൂറുമേനി ലഭിച്ചതോടെയാണ് ഇക്കൊല്ലവും കൃഷി നടത്താന്‍ ഇവര്‍ രംഗത്തിറങ്ങിയത്. 28 പേര്‍ അടങ്ങുന്ന ഹരിതകര്‍മ സേനയില്‍ ഓരോ ദിവസം ഓരോ സംഘങ്ങളായി തിരിഞ്ഞാണ് പൂക്കൃഷി പരിപാലനം. ഒരുമനസോടെയാണ് പൂക്കൃഷി നടത്തുന്നതെന്ന് ഇവര്‍ പറയുന്നു. എംസിഎഫ്, സര്‍ക്കാര്‍ ആശുപത്രി, സ്കൂള്‍ ഉള്‍പ്പടെ മൂന്നിടങ്ങളില്‍ ഇക്കുറി ചെണ്ടുമല്ലി കൃഷി നടത്തിയിട്ടുണ്ട്. കൂടാതെ ആനക്കുളം സ്കൂള്‍ പരിസരത്ത് പച്ചക്കറി കൃഷിയും ചെയ്തിട്ടുണ്ട്. പൂര്‍ണസഹകരണവും സഹായവും നല്കി പഞ്ചായയത്തിലെ ജനപ്രതിനിധികളും ഹരിതകര്‍മസേനയുടെ ചുമതലയുള്ള ഉദ്യോഗസ്ഥരും കൃഷി വകുപ്പും ഒപ്പമുണ്ട്. ഓണത്തിന് അത്തം മുതല്‍ പത്തുനാള്‍ അത്തപ്പൂക്കളം ഇടാന്‍ പൂവിനായി നെട്ടോട്ടമോടുന്നവര്‍ക്ക് ഇവിടെയെത്തി കുറഞ്ഞ വിലയ്ക്ക് പൂക്കള്‍ വാങ്ങാന്‍ കഴിയും. പൂക്കളുടെ വിളവെടുപ്പ് ഉത്സവമാക്കി തീര്‍ക്കാനുള്ള ഒരുക്കത്തിലാണ് പഞ്ചായത്തും ഹരിതകര്‍മസേനയും. പൂക്കൃഷി ഇറക്കി നൂറുമേനി വിളവും നേടി. ഇനി ഇത് വിജയിപ്പിക്കേണ്ടത് നാട്ടുകാരുടെ കൂടി ഉത്തരവാദിത്തമാണെന്ന് ഇവര്‍ ഓര്‍മിപ്പിക്കുന്നു. മലയാളികള്‍ക്ക് അത്തപ്പൂക്കളം ഒരുക്കാനുള്ള പൂക്കള്‍ കൂടുതലായും എത്തുന്നത് തമിഴ്നാട്ടില്‍ നിന്നാണ്. ഇതിന് ഒരു പരിധിവരെയെങ്കിലും പരിഹാരം എന്ന നിലയിലാണ് പഞ്ചായത്തുകള്‍ പൂക്കളില്‍ രാജാവായ ചെണ്ടുമല്ലി അഥവാ ജമന്തി പൂക്കളുടെ കൃഷി പ്രോത്സാഹിപ്പിച്ചത്. ഈ പ്രോത്സാഹനമാണ് ഈ ഹരിതകര്‍മ കൂട്ടായ്മയെ പൂക്കൃഷിയില്‍ ഇത്രത്തോളം എത്തിച്ചത്. വരും വര്‍ഷങ്ങളില്‍ കൂടുതല്‍ ഇടങ്ങളില്‍ വ്യത്യസ്ത ങ്ങളായ പൂക്കൃഷി നടത്താനാണ് കൂട്ടായ്മയുടെ ലക്ഷ്യം.

കാരുണ്യദീപം വാർഷികവും ചികിത്സാ സഹായ വിതരണവും ഇന്ന്

ചവറ : കാരുണ്യ ദീപം ചാരിറ്റബിൾ ട്രസ്റ്റിന്‍റെവാർഷികവും, മെരിറ്റ് അവാർഡ്, ചികിത്സാ സഹായ വിതരണവും ഇന്ന് നടക്കും. വൈകുന്നേരം 4.30ന് കുളങ്ങരഭാഗം വേളാങ്കണ്ണി മാതാ പാരിഷ് ഹാളിൽ നടക്കുന്ന പൊതുസമ്മേളനം എൻ.കെ. പ്രേമചന്ദ്രൻ എംപി ഉദ്ഘാടനം ചെയ്യും. ട്രസ്റ്റ് പ്രസിഡന്‍റ് സെബാസ്റ്റൃൻ അംബ്രോസ് അധ്യക്ഷനാകും. കൊല്ലം മേയർ ഹണി ബഞ്ചമിൻ മുഖ്യപ്രഭാഷണവും ഇടവക വികാരി ഫാ. ഇ. അജയകുമാർ അനുഗ്രഹ പ്രഭാഷണവും നടത്തും. ട്രസ്റ്റ് സെക്രട്ടറി മാൽക്കം മയൂരം റിപ്പോർട്ട് അവതരിപ്പിക്കും. ഐ ആർ ഇ ലിമിറ്റഡ് ജനറൽ മാനേജർ ആന്‍റ് ഹെഡ് എൻ.എസ്. അജിത്ത് മെഡിക്കൽ ഉപകരണങ്ങളുടെ വിതരണം, മുൻ ഡിസി സി പ്രസിഡന്‍റ് അഡ്വ.ബിന്ദു കൃഷ്ണ മെരിറ്റ് അവാർഡ് വിതരണം, ഹരിപ്പാട് സ്നേഹാചാര്യ ഇൻസ്റ്റിറ്റ്യൂട്ട് ഡയറക്ടർ ഡോ. രാജുമൈക്കിൾ ചികിത്സാ ധനസഹായ വിതരണംഎന്നിവ നിർവഹിക്കും. ട്രസ്റ്റ് രക്ഷാധികാരി ഫാ.ജോളി ഏബ്രഹം, ഐആർഇഎൽ ചീഫ് മാനേജർ ഭക്തദർശൻ, വാർഡ് മെമ്പർ ടി.എസ്. അശ്വനി തുടങ്ങിയവർ പങ്കെടുക്കും.

കാപ്പാ കേസ് പ്രതി വധശ്രമക്കേസിൽ അറസ്റ്റിൽ

കൊല്ലം: കാപ്പാ കേസിൽ ജയിലിൽ നിന്ന് ജാമ്യത്തിലിറങ്ങിയ പ്രതി വധശ്രമ കേസിൽ അറസ്റ്റിൽ. തഴുത്തല വിളയിൽ പുത്തൻവീട്ടിൽ പൊട്ടാസ് എന്ന് വിളിക്കുന്ന റാഷിദ് (34) നെയാണ് കൊട്ടിയം പോലീസാണ് അറസ്റ്റ് ചെയ്തത്. തഴുത്തല വഞ്ചിമുക്ക് സ്വദേശികളായ കൃഷ്ണ ലാലിനെയും സുഹൃത്തിനെയും കുത്തിപ്പരിക്കേൽപിച്ച കേസിലാണ് കൊലപാതകശ്രമകുറ്റം ചുമത്തി അറസ്റ്റ്ചെയ്തത്. ഇയാൾക്കെതിരെ കണ്ണനല്ലൂർ, ഇരവിപുരം, ചേർത്തല, കൊട്ടിയം സ്റ്റേഷനുകളിലായി ഇരുപതോളം കേസുകളാണ് നിലവിലുള്ളത്. ഒളിവിൽ കഴിഞ്ഞിരുന്ന പ്രതി വീട്ടിൽ എത്തിയെന്ന് ലഭിച്ച വിവരത്തെ തുടർന്ന് പരിശോധനക്കെത്തിയ കൊട്ടിയം സിഐ പ്രദീപ്, എസ്ഐ നിതിൻ എന്നിവരുടെ നേതൃത്വത്തിലുള്ള സംഘമാണ് പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കി റിമാൻഡ് ചെയ്തു.

വനിതാകക്ഷിയോട് മോശം പെരുമാറ്റം; ജഡ്ജിയെ സ്ഥലംമാറ്റി

പരവൂർ: വനിതാകക്ഷിയോട് അപമര്യാദയായി പെരുമാറിയെന്ന പരാതിയില്‍ കുടുംബ കോടതി ജഡ്ജിക്ക് സ്ഥലം മാറ്റം. ചവറ കുടുംബ കോടതിയിലെ ജഡ്ജിയെ ആണ് ഹൈക്കോടതി ഇടപെട്ട് കൊല്ലം എംഎസിടി കോടതിയിലേക്ക് മാറ്റിയത്. അതേസമയം ആരോപണ വിധേയനായ ജഡ്ജിയുടെ നിയമനത്തില്‍ കൊല്ലത്ത് ബാര്‍ അസോസിയേഷനില്‍ അമര്‍ഷം പുകയുകയാണ്. ഇക്കഴിഞ്ഞ ഓഗസ്റ്റ് 19നാണ് തന്‍റെ ചേമ്പറില്‍ എത്തിയ വനിതാ കക്ഷിയോട് ജഡ്ജി അപമര്യാദയായി പെരുമാറിയെന്ന പരാതി ഉയര്‍ന്നത്. തുടര്‍ന്ന് യുവതി ജില്ലാ ജഡ്ജിക്ക് നല്‍കിയ പരാതി പിന്നീട് ഹൈക്കോടതിക്ക് കൈമാറുകയായിരുന്നു. പിന്നാലെ 20ന് ജഡ്ജിയെ സ്ഥലം മാറ്റി. പരാതിയില്‍ ഹൈക്കോടതി അന്വേഷണം തുടരുകയാണ്.

പുറ്റിംഗൽ വെടിക്കെട്ട് ദുരന്തം : വിടുതൽ ഹർജിയിൽ തുടർവാദം 30ന്

പരവൂർ: പുറ്റിംഗൽ ദേവീക്ഷേത്രത്തിലെ വെടിക്കെട്ട് ദുരന്തവുമായി ബന്ധപ്പെട്ട കേസിൽ ചില പ്രതികൾ സമർപ്പിച്ച വിടുതൽ ഹർജിയിന്മേൽ തുടർവാദം 30ന് നടക്കും. ക്രൈംബ്രാഞ്ച് സമർപ്പിച്ച കുറ്റപത്രത്തിന് എതിരെയാണ് വിടുതൽ ഹർജികൾ സമർപ്പിപ്പിച്ചിട്ടുള്ളത്. ഇതിന്മേൽ ഇന്നലെ ചാർജ് ജഡ്ജി ആന്‍റണി മുമ്പാകെ പ്രതിഭാഗവും പ്രോസിക്യൂഷനും തങ്ങളുടെ വാദമുഖങ്ങൾ നിരത്തി. കൂടുതൽ വാദം കേൾക്കുന്നതിനായി ജഡ്ജി കേസ് 30ന് അവധിക്ക് വച്ചു. കൊല്ലത്തെ ക്രൈംബ്രാഞ്ച് സമർപ്പിച്ച കുറ്റപത്രത്തിൽ ക്ഷേത്ര ഭരണ സമിതി അംഗങ്ങളായ ഒന്നു മുതൽ 15 വരെ പ്രതികളും കമ്പക്കെട്ടുക്കാരായ 16 മുതൽ 20 വരെ പ്രതികളും ഉത്സവ പരിപാടിക്ക് നേതൃത്വം നൽകിയ 21-ാം പ്രതിയും കുറ്റകരമായ ഗൂഢാലോചന നടത്തിയെന്ന് ആരോപിക്കുന്നു. ജില്ലാ ഭരണകൂടത്തിന്‍റെ അനുമതി ഇല്ലാതെയും സ്ഫോടക വസ്തു നിയമങ്ങൾക്കും വിരുദ്ധമായി മത്സരകമ്പം നടത്തി ആളുകൾക്ക് ജീവഹാനി വരുത്തിയതിന് ഇവർക്കെതിരേ കൊലക്കുറ്റത്തിനും പൊതുമുതൽ നശിപ്പിച്ചതിനും കുറ്റം ചുമത്തിയിട്ടുണ്ട്. 22 മുതൽ 25 വരെയും 38 മുതൽ 41 വരെയുമുള്ള പ്രതികൾക്ക് എതിരേ ദേഹോപദ്രവം ഏൽപ്പിക്കൽ, കൊലക്കുറ്റം, പോലീസ് നിർദേശങ്ങൾ അനുസരിക്കാതിരിക്കൽ എന്നിവയും ചുമത്തിയിട്ടുണ്ട്. കമ്പക്കാരുടെ താത്കാലിക ജീവനക്കാരായ 26 മുതൽ 37 വരെയും 42 മുതൽ 55 വരെയുമുള്ള പ്രതികൾക്കെതിരെ സ്ഫോടക വസ്തുക്കൾ അശ്രദ്ധമായി കൈകാര്യം ചെയ്തു എന്ന കുറ്റമാണ് ചുമത്തിയിട്ടുള്ളത്. സ്ഫോടക വസ്തുക്കൾ സൂക്ഷിക്കുന്നതിന് ക്ഷേത്ര പരിസരം നൽകിയതാണ് 56-ാം പ്രതിക്ക് നേരേ ചുമത്തിയിട്ടുള്ള കുറ്റം. 57 മുതൽ 59 വരെയുള്ള പ്രതികൾ കമ്പക്കാർക്ക് സ്ഫോടക വസ്തുക്കൾ കൂടുതലായി നൽകിയെന്ന കുറ്റത്തിലാണ് കേസ് എടുത്തിട്ടുള്ളത്. ഇതിൽ ഗൗരവമുള്ള വകുപ്പുകൾ ഒഴിവാക്കണമെന്ന് അപേക്ഷിച്ചാണ് പ്രതികൾ അഭിഭാഷകർ മുഖാന്തിരം വിടുതൽ ഹർജികൾ നൽകിയിട്ടുള്ളത്. പ്രോസിക്യൂഷന് വേണ്ടി സ്പെഷൽ പ്രോസിക്യൂട്ടർ കെ.പി. ജബ്ബാർ, അഡ്വ. അമ്പിളി ജബ്ബാർ എന്നിവർ കോടതിയിൽ ഹാജരായി.

ഡീ-ലൈസൻസ് കോച്ചസ് കോഴ്സിന് തുടക്കമായി

ചവറ : അഖിലേന്ത്യ ഫുട്ബോൾ ഫെഡറേഷന്‍റ കോച്ചസ് പരിശീലന പ്രോഗ്രാമായ ഡി.- ലൈസൻസിന് തുടക്കമായി. ചവറയിൽ ആദ്യമായാണ് ഓൾ ഇന്ത്യ പ്രോഗ്രാം നടക്കുന്നത്. സംസ്ഥാനത്ത് തെരഞ്ഞെടുത്ത 24 പേരാണ് ആറ് ദിവസത്തെ ട്രെയിനിങ്ങിൽ പങ്കെടുക്കുന്നത്. 27 ന് ക്യാമ്പ് സമാപിക്കും. സെമിനാർ ഇടപ്പള്ളിക്കോട്ട വലിയം ബി എഡ് കോളേജ് ഓഡിറ്റോറിയത്തിലും.പ്രാക്ടിക്കൽ സെക്ഷൻ കല്ലേലിഭാഗം ഡി 10 സ്പോർട്സ് ഹബിലുമാണ്. അഖിലേന്ത്യ ഫുട്ബോൾ കോച്ചസ് പാനൽ അംഗമായ സി.എം. ദീപക് ആണ് ട്രയിനർ . സുജിത്ത് വിജയൻ പിള്ള എംഎൽഎ പരിപാടിയുടെ ഉദ്ഘാടനം നിർവഹിച്ചു. ജില്ലാ പഞ്ചായത്തംഗം സി.പി. സുധീഷ് കുമാർ അധ്യക്ഷനായി. വലിയത്ത് സിനോജ്‌, യുക്തി, ജില്ലാ ഫുട്ബോൾ അസോസിയേഷൻ പ്രസിഡന്‍റ് പന്മന മഞ്ജേഷ്, വൈസ് പ്രസിഡന്‍റ് കെ. ഗംഗാധരൻ, സെക്രട്ടറി എ.ഹിജാസ് ,സി.എം. ദീപക് , അസ്‌ലം, എം. എസ്. ഫൗസ് തുടങ്ങിയവർ പങ്കെടുത്തു.

പി. കൃഷ്ണപിള്ള ദിനവും രോഗീസൗഹൃദ സന്ദർശനവും

കുണ്ടറ : പെരിനാട് കരുതൽ പാലിയേറ്റീവ് സെന്‍ററിന്‍റെ ആഭിമുഖ്യത്തിൽ പി. കൃഷ്ണപിള്ള ദിനവും രോഗീസൗഹൃദ സന്ദർശനവും നടത്തി.ചെറുമൂട് കരുതൽ പാലിയേറ്റീവ് സെന്‍ററിൽ നടന്ന ചടങ്ങ് സിപിഎം ജില്ലാ സെക്രട്ടറി എസ്. സുദേവൻ ഉദ്ഘാടനം ചെയ്തു. സിപിഎം ജില്ലാ സെക്രട്ടറിയേറ്റ് അംഗം എസ്. എൽ .സജികുമാർ അധ്യക്ഷത വഹിച്ചു. കരുതൽ പാലിയേറ്റീവ് സെന്‍റർ സെക്രട്ടറി സി. സന്തോഷ്, സിപിഎം കുണ്ടറ ഏരിയ സെക്രട്ടറി ആർ. സുരേഷ് ബാബു, പെരിനാട് ഗ്രാമപഞ്ചായത്ത് പ്രസിഡന്‍റ് ദിവ്യ ജയകുമാർ, കരുതൽ പ്രസിഡന്‍റ് എം. ജെ .അബാസ്, ഡോ. നോയൽ, പ്രസന്നകുമാർ, മനോജ്, ശിവകുമാർ, ജോൺസൺ, ലാലു, സുമ രാജേന്ദ്രൻ, വിനീത് കുമാർ തുടങ്ങിയവർ പ്രസംഗിച്ചു.

വണ്ടര്‍ ഫാള്‍സ് മേള തുടങ്ങി

കൊല്ലം : അപ്രത്യക്ഷമാകുന്ന വെള്ളച്ചാട്ടവും കടല്‍ക്കാഴ്ചകളുടെ സൗന്ദര്യവും കോര്‍ത്തിണക്കി വണ്ടര്‍ഫാള്‍സ് മേളയ്ക്ക് കൊല്ലത്ത് തുടക്കം. സിനിമാതാരം അമല പോള്‍ പ്രദര്‍ശനത്തിന്‍റെ ഉദ്ഘാടനം നിര്‍വഹിച്ചു. ഇന്ത്യയില്‍ ആദ്യമായി വണ്ടര്‍ ഫാള്‍സ് ഒരുക്കുന്ന സര്‍റിയല്‍ വെള്ളച്ചാട്ടത്തിന്‍റെ കൗതുകം ആസ്വദിക്കാനുള്ള അവസരമാണ് ആശ്രാമത്ത് ഒരുക്കിയിരിക്കുന്നത്. അൻപത് അടി ഉയരത്തില്‍ നിന്ന് താഴേക്ക് പതിച്ച ് അപ്രത്യക്ഷമാകുന്ന വെള്ളച്ചാട്ടത്തിന് 360 അടി നീളവുമുണ്ട്. ഈ ഉയരത്തില്‍ നിന്നു കടല്‍ പോലെ ഇരമ്പി വരുന്ന വെള്ളം കാലുകളിലേക്ക് ഒഴുകി എത്തി മാഞ്ഞു പോകുന്ന അവിസ്മരണീയമായ കാഴ്ച അനുഭവിച്ചറിയാം. ലോകത്തിലെ ഏറ്റവും ചെറിയ കുരങ്ങനെയും നഗരിയില്‍ കാണാം. വിശാലമായ പ്രദര്‍ശന നഗരിയില്‍ കടല്‍ക്കാഴ്ചകളും ശലഭോദ്യാനവും ആസ്വദിക്കാനുള്ള സൗകര്യം സംഘാടകർ ഒരുക്കിയിട്ടുണ്ട്. മത്സ്യകന്യക, കടലിലെ സാഹസിക നീന്തല്‍താരം എന്നിവരെയും കാണാം. ചിത്രശലഭത്തോടൊപ്പം ഊഞ്ഞാലാടാം. പാലക്കാടന്‍ കല്‍പ്പാത്തി പപ്പടം മുതല്‍ രുചി വൈവിധ്യമാര്‍ന്ന ഭക്ഷ്യ വിഭവങ്ങളുടെ വലിയ ശേഖരവും മേളയില്‍ ഒരുക്കിയിരിക്കുന്നു. ഓണത്തിനാവശ്യമായ സെറ്റ് മുണ്ടുകള്‍, സാരികള്‍, ബെഡ് ഷീറ്റുകള്‍ എന്നിവ 100 രൂപ മുതലും സോഫാ സെറ്റികള്‍ 4990 രൂപ മുതലും മേളയിൽ ഉണ്ട്.പ്രവൃത്തി ദിനങ്ങളില്‍ ഉച്ചയ്ക്ക് രണ്ട് മുതല്‍ രാത്രി 10 വരെയും അവധി ദിനങ്ങളില്‍ രാവിലെ 11 മുതല്‍ രാത്രി 10വരെയാണ് പ്രദര്‍ശനം.

കുണ്ടറയിൽ സ്റ്റേഷനറി കടയിൽ മോഷണം

കുണ്ടറ : ആശുപത്രിമുക്ക് ഭാരത് പെട്രോൾ പമ്പിന് സമീപമുള്ള കൈരളി ബേക്കറി ആൻഡ് സ്റ്റേഷനറി സ്റ്റോഴ്സിൽ സാധനങ്ങൾ വാങ്ങാനെത്തിയ രണ്ടു യുവാക്കൾ കടയുടമയെ കബളിപ്പിച്ച് 25000 രൂപയോളം ഉള്ള ബാഗ് കൈക്കലാക്കി മുങ്ങി. ഇന്നലെ സന്ധ്യയ്ക്കാണ് മോഷണം അരങ്ങേറിയത്. മാസ്ക് ധരിച്ചെത്തിയ രണ്ട് യുവാക്കളിൽ ഒരാൾ സോപ്പ്, ലോഷൻ മുതലായവ ആവശ്യപ്പെടുകയും, കൂടെ വന്നയാൾ മാറി നിന്ന് ഫോൺ ചെയ്യുകയും ഇടയ്ക്ക് ചില സാധങ്ങൾ വാങ്ങാൻ നിർദേശിക്കുകയും ആയിരുന്നു. കടയ്ക്കുള്ളിലിരുന്ന സാധനം എടുക്കാൻ ഉടമ ഉള്ളിലേക്ക് പോകുന്ന സമയത്ത് കാഷ് മേശയിൽ ഉണ്ടായിരുന്ന പണവും ബാഗും കവർച്ച ചെയ്യുകയാണ് ഉണ്ടായത്. അവർക്ക് ആവശ്യമുള്ള സാധങ്ങൾ എല്ലാം ഇല്ലെന്നു പറഞ്ഞു ദേഷ്യപ്പെട്ടാണ് യുവാക്കൾ മടങ്ങിപോയത്. കുറച്ച് സമയത്തിനുശേഷം താങ്കളുടെ ഫോൺ നമ്പരും പേരും അഡ്രസും ഉള്ള ഒരു ബാഗ് ഐസിഐസിഐ ബാങ്കിന് സമീപത്ത് നിന്ന് കളഞ്ഞുകിട്ടിയതായി ഒരാൾ വിവരം അറിയിച്ചു. അത് തന്‍റെതല്ലെന്ന് പറഞ്ഞു മേശ തുറന്നു നോക്കുമ്പോഴാണ് മേശയിൽ നിന്നും പണമടങ്ങിയ ബാഗ് മോഷണം പോയ വിവരം കടയുടമ അറിയുന്നത്. ഉടൻ അവിടെയൊക്കെ തെരഞ്ഞെങ്കിലും മോഷ്‌ടാക്കളെ പിടികൂടാനായില്ല. സംഭവത്തിൽ പോലീസ് കേസെടുത്തു അന്വേഷണം ആരംഭിച്ചു.

ബൈക്കിലെത്തി മാല കവര്‍ച്ച; പ്രതി അറസ്റ്റിൽ

കൊട്ടിയം: ബൈക്കിലെത്തി യുവതിയുടെ മാല കവര്‍ച്ച നടത്തിയ കേസിലെ പ്രതി പോലീസ് പിടിയിലായി. തിരുവനന്തപുരം വിളപ്പില്‍ശാല ഇടമലപുത്തന്‍വീട്ടില്‍ അനസ്(38) ആണ് കൊട്ടിയം പോലീസിന്‍റെ പിടിയിലായത്. കഴിഞ്ഞ ജൂണ്‍ 30ന് വൈകുന്നേരം 5.30 ഓടെ ജോലി കഴിഞ്ഞ് സ്‌കൂട്ടറില്‍ വീട്ടിലേക്ക് പോവുകയായിരുന്ന തഴുത്തല സ്വദേശിയായ യുവതിയെ ബൈക്കിലെത്തിയ പ്രതി ഓഫീസ് പടിക്ക് സമീപം തടഞ്ഞു നിര്‍ത്തി കഴുത്തില്‍ കിടന്ന രണ്ടേമുക്കാല്‍ പവനോളം തൂക്കം വരുന്ന സ്വർണ മാല അപഹരിക്കുകയായിരുന്നു. യുവതിയുടെ പരാതിയെ തുടർന്ന് കൊട്ടിയം പോലീസ് സിസിടിവി അടക്കമുള്ള തെളിവുകള്‍ ശേഖരിച്ച് പ്രതിയെ അറസ്റ്റ് ചെയ്യുകയായിരുന്നു. സമാന രീതില്‍ ഇയാൾ മാല പിടിച്ചുപറി കേസുകളില്‍ പ്രതിയാണ്. കൊട്ടിയം പോലീസ് ഇന്‍സ്‌പെക്ടര്‍ പ്രദീപിന്‍റെ നേതൃത്വത്തില്‍ എസ്ഐ നിഥിന്‍ നളന്‍ ,എ എസ് ഐ ജയപ്രകാശ്, സി പിഒ സാം മാര്‍ട്ടിന്‍ എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.

എംഡിഎംഎയുമായി രണ്ടുപേർ പിടിയിൽ

കൊല്ലം: ഓണവുമായി ബന്ധപ്പെട്ട് ലഹരി വിൽപ്പന തടയുന്നതിനായി പോലീസ് നടത്തിയ പരിശോധനയിൽ എംഡിഎംഎ യുമായി രണ്ടുപേർ പിടിയിലായി. ആലപ്പുഴ തൃക്കുന്നപ്പുഴ ചെന്നിട്ടതെക്ക് പുത്തൻവീട്ടിൽ സന്തോഷ്(48), എറണാകുളം മൂവാറ്റുപുഴ തണ്ടാശേരിയിൽ വീട്ടിൽ ഷിയാസ്(41) എന്നിവരാണ് ഓച്ചിറ പോലീസിന്‍റെ പിടിയിലായത്. ജില്ലാപോലീസ് മേധാവിക്ക് ലഭിച്ച വിവരത്തിന്‍റെ അടിസ്ഥാനത്തിൽ കഴിഞ്ഞ ദിവസം രാത്രിയിൽ സന്തോഷ് താമസിക്കുന്ന ഓച്ചിറയിലുള്ള വീട്ടിൽ ഡാൻസാഫും പോലീസ് ടീമും ചേർന്ന് നടത്തിയ പരിശോധനയിലാണ് വില്പനയ്ക്കായി സൂക്ഷിച്ചിരുന്ന 44.54 ഗ്രാം എംഡിഎംഎ കണ്ടെത്തുന്നത്. തുടർന്ന് നടത്തിയ അന്വേഷണത്തിലാണ് വിൽപ്പനയ്ക്കായി ലഹരിമരുന്ന് എത്തിച്ചു നൽകിയ ഷിയാസിനെ സമീപമുള്ള ആഡംബര ഹോട്ടലിൽ നിന്നും പിടികൂടിയത്. മൂവാറ്റുപുഴ സ്വദേശിയായ ഷിയാസ് കരുനാഗപ്പള്ളി, ഓച്ചിറ ഭാഗങ്ങൾ കേന്ദ്രീകരിച്ച് ലഹരി വില്പനയ് ക്കായി എത്തുകയും ഇയാൾ എത്തിക്കുന്ന ലഹരിമരുന്ന് സന്തോഷ് സ്കൂൾ കോളജ് വിദ്യാർഥികൾക്കുൾപ്പെടെ വിതരണം ചെയ്യുകയാരുന്നു. കരുനാഗപ്പള്ളി എഎസ്പി അഞ്ജലി ഭാവന ഐപിഎസിന്‍റെ മേൽനോട്ടത്തിൽ ഓച്ചിറ പോലീസ് ഇൻസ്പെക്ടർ സുജാതൻപിള്ളയുടെ നേതൃത്വത്തിൽ എസ്ഐ ജയരാജ് പണിക്കർ, എഎസ്ഐ രഞ്ജിത്ത് ,സിപിഒ മാരായ ദീപു, ജിൻസി എന്നിവരും എസ്ഐ അനീഷിന്‍റെ നേതൃത്വത്തിലുള്ള ഡാൻസാഫ് സംഘവും ചേർന്നാണ് പ്രതികളെ പിടികൂടിയത്.

വാഹനങ്ങളുടെ രജിസ്‌ട്രേഷൻ നിരക്കുകള്‍ പുതുക്കി

കൊല്ലം: കാലാവധിപിന്നിട്ട് 20 വര്‍ഷം കഴിഞ്ഞ വാഹനങ്ങളുടെ രജിസ്‌ട്രേഷന്‍ പുതുക്കുന്നതിനു ഫീസ് നിരക്കുകള്‍ പുതുക്കിയതായി ആര്‍ടിഒ കെ. അജിത്ത് കുമാര്‍ അറിയിച്ചു. വാഹനങ്ങളുടെ വിശദാംശവും നിരക്കും യഥാക്രമം: ഇന്‍വാലിഡ് കാരിയേജ്- 100 രൂപ, മോട്ടര്‍സൈക്കിള്‍- 2,000 രൂപ, മൂന്ന് ചക്ര വാഹനങ്ങള്‍/ക്വാഡ്രിസൈക്കിള്‍ - 5,000 രൂപ, ലൈറ്റ് മോട്ടോര്‍ വെഹിക്കിള്‍- 10,000 രൂപ, ഇറക്കുമതിചെയ്ത ഇരുചക്ര-മൂന്ന്ചക്ര മോട്ടര്‍ വാഹനങ്ങള്‍- 20,000 രൂപ, ഇറക്കുമതി ചെയ്ത നാലോ അതിലധികമോ ചക്രമുള്ള മോട്ടര്‍ വാഹനങ്ങള്‍- 80,000, ഇവയില്‍ ഉള്‍പ്പെടാത്ത മറ്റ് വാഹനങ്ങള്‍ 12,000 രൂപ.

അനധികൃത മത്സ്യബന്ധനം : ആറ് ബോട്ടുകള്‍ പിടിച്ചെടുത്തു; 11,10,000 രൂപ പിഴ ഈടാക്കി

കൊല്ലം: കരവലി, പെയര്‍ട്രോളിംഗ്, ലൈറ്റ്ഫിഷിംഗ് തുടങ്ങിയ അനധികൃത പ്രവര്‍ത്തനങ്ങള്‍ നടത്തിയ യാനങ്ങള്‍ക്ക് ഫിഷറീസ് വകുപ്പ് പിഴചുമത്തി. അശാസ്ത്രീയമായ മത്സ്യബന്ധനരീതികള്‍ മത്സ്യലഭ്യതയ്ക്കു തടസമായ സാഹചര്യത്തിലാണ് നടപടി. ആറു ബോട്ടുകള്‍ പിടിച്ചെടുത്ത് ഉടമസ്ഥരില്‍നിന്നു പിഴയിനത്തില്‍ 11,10,000 രൂപ ഈടാക്കി. ലൈറ്റ് ഫിഷിംഗ്, ഗുജറാത്തി വല ഉപയോഗിച്ചുള്ള മത്സ്യബന്ധനം, കരവലി, പെയര്‍ട്രോളിംഗ്, ചെറുമീന്‍പിടുത്തം എന്നിവ നടത്തുന്ന യാനങ്ങള്‍ക്കെതിരെ ശക്തമായ നടപടികള്‍ തുടരുമെന്ന് ഫിഷറീസ് ഡെപ്യൂട്ടി ഡയറക്ടര്‍ അറിയിച്ചു.

ഓണക്കാലത്ത് ലഹരിവ്യാപനം തടയാന്‍ സംയുക്ത പരിശോധന

കൊല്ലം: ഓണക്കാലത്ത് വ്യാജമദ്യം, മയക്കുമരുന്ന്, ഇതര ലഹരിവസ്തുക്കള്‍ എന്നിവയുടെ ഉപഭോഗവും വിപണനവും തടയുന്നതിനു വിവിധ വകുപ്പുകളെ ഏകോപിപ്പിച്ച് കര്‍ശനപരിശോധന നടത്താൻ ജില്ലാഭരണകൂടം തീരുമാനിച്ചു. ജില്ലാകളക്ടർ എന്‍. ദേവിദാസിന്‍റെ അധ്യക്ഷതയിൽ ചേര്‍ന്ന വകുപ്പ്തല സംയുക്തയോഗത്തിലാണ് തീരുമാനം. പൊതുവിപണിയില്‍ വിലക്കയറ്റം തടയുന്നതിനും അളവ്-തൂക്ക തട്ടിപ്പിനെതിരെ നടപടി സ്വീകരിക്കുന്നതിനും ഭക്ഷ്യസുരക്ഷവകുപ്പിനെ ചുമതലപ്പെടുത്തി. ക്രമസമാധാനപാലനം പോലീസ് ഉറപ്പാക്കണം. പോലീസ്, എക്സൈസ്, റവന്യൂ, വനം, ഭക്ഷ്യസുരക്ഷ, പൊതുവിതരണം, ലീഗല്‍ മെട്രോളജി വകുപ്പുകളാണ് സംയുക്തപരിശോധനകള്‍ നടത്തുക. ലഹരി ഉപയോഗം തടയാന്‍ 24 മണിക്കൂറും താലൂക്ക്തല കണ്‍ട്രോള്‍ റൂമും സ്‌ട്രൈക്കിംഗ് ഫോഴ്‌സ് യൂണിറ്റുമുണ്ട്. സെപ്റ്റംബര്‍ എട്ടുവരെയാണ് എക്‌സൈസ് വകുപ്പിന്‍റെ പ്രത്യേക പരിശോധന. അന്തര്‍സംസ്ഥാന വാഹനപരിശോധന പോലീസ്, വനം, എക്‌സൈസ് വകുപ്പുകള്‍ സംയുക്തമായി നടത്തിവരുന്നു. ആര്യങ്കാവ്, അച്ചന്‍കോവില്‍ ചെക്ക്‌പോസ്റ്റുകളിലും നിരന്തരപരിശോധന തുടരും. രാത്രികാല പട്രോളിംഗ് ശക്തമാക്കും. പട്ടികവര്‍ഗ-വനമേഖലകള്‍ കേന്ദ്രീകരിച്ചു റെയ്ഡുകള്‍, വനസംരക്ഷണ സമിതിയുമായി ചേര്‍ന്നുള്ള പ്രവര്‍ത്തനങ്ങളും നടത്തും. ആയുര്‍വേദകടകള്‍, കൊറിയര്‍/പാര്‍സല്‍ വിതരണകേന്ദ്രങ്ങള്‍, രാത്രി വൈകിപ്രവര്‍ത്തിക്കുന്ന തട്ടുകടകള്‍, തെരുവോര കച്ചവടസ്ഥാപനങ്ങള്‍ കേന്ദ്രീകരിച്ചും റെയ്ഡുകള്‍ നടത്തും. സ്‌കൂളുകള്‍, കോളജുകള്‍, മറ്റു വിദ്യാഭ്യാസ സ്ഥാപനങ്ങളിലെ ഓണാഘോഷം പ്രത്യേകം നിരീക്ഷിക്കും. വിദ്യാഭ്യാസ സ്ഥാപനങ്ങള്‍ കേന്ദ്രീകരിച്ചു ബോധവത്ക്കരണം കൂടുതല്‍ ശക്തിപ്പെടുത്തും. അളവ്-തൂക്കത്തിലെ വെട്ടിപ്പിനു പിഴ ഈടാക്കും. ഭക്ഷ്യവസ്തുക്കളില്‍ മായം ചേര്‍ക്കല്‍, പഴകിയ ഭക്ഷണസാധനങ്ങളുടെ വില്‍പ്പന തുടങ്ങിയവ അനുവദിക്കില്ല. കൊല്ലം, അഴീക്കല്‍, പരവൂര്‍ തെക്കുംഭാഗം ബീച്ചുകളില്‍ ഉത്സവകാല തിരക്കു നിയന്ത്രിക്കുന്നതിന് പ്രത്യേക സംവിധാനമുണ്ടാകും. ഓണ അവധിദിവസങ്ങളില്‍ അധിക ലൈഫ് ഗാര്‍ഡുമാരെ നിയോഗിക്കാന്‍ ഡിടിപിസിക്കു നിര്‍ദ്ദേശം നല്‍കി. മണ്‍ട്രോതുരുത്ത്, അഷ്ടമുടി, പരവൂര്‍ കായല്‍, സാമ്പ്രാണികോടി വിനോദസഞ്ചാര കേന്ദ്രങ്ങളില്‍ ജനത്തിരക്ക് കണക്കിലെടുത്ത് ലൈഫ് ജാക്കറ്റ് ഉള്‍പ്പെടെയുള്ള സുരക്ഷ മുന്‍കരുതലുകള്‍ ഉറപ്പാക്കണം. അനധികൃത പാർക്കിംഗ് അനധികൃത പാര്‍ക്കിംഗ്, റോഡ് കൈയേറിയുള്ള വഴിയോരക്കച്ചവടം, മറ്റു ഗതാഗതലംഘനങ്ങള്‍ തുടങ്ങിയവ മോട്ടോര്‍ വാഹന വകുപ്പ് പരിശോധിക്കും. തിരക്ക് കൂടുതലുള്ള സ്ഥാപനങ്ങളില്‍ സുരക്ഷാ ഉപകരണങ്ങള്‍ ഉറപ്പാക്കുന്നതിന് അഗ്നിരക്ഷാ സുരക്ഷ വകുപ്പിനെ ചുമതലപ്പെടുത്തി. ടെക്‌സ്‌റ്റൈല്‍സ് ഗോഡൗണുകള്‍, വെയര്‍ഹൗസുകള്‍ കേന്ദ്രീകരിച്ച് പരിശോധന നടത്തും. ഉപയോഗരഹിതമായ തെരുവുവിളക്കുകള്‍ പ്രവര്‍ത്തനസജ്ജമാക്കുന്നതിന് തദ്ദേശസ്വയംഭരണം വകുപ്പ് നടപടി സ്വീകരിക്കണം. അവധി ദിനങ്ങളുടെമറവില്‍ മണ്ണ്, മണല്‍ക്കടത്ത്, അനധികൃത ക്വാറി പ്രവര്‍ത്തനം തടയുന്നതിന് താലൂക്ക് തലത്തില്‍ റവന്യൂ വകുപ്പിന്‍റെ പ്രത്യേക സ്‌ക്വാഡുകള്‍ രൂപീകരിച്ച് പരിശോധിക്കും. ഉത്സവ സീസണ്‍ പ്രമാണിച്ച് മറ്റു വകുപ്പുകളുമായി ചേര്‍ന്നുള്ള എന്‍ഫോഴ്‌സ്‌മെന്‍റ് സ്‌ക്വാഡുകള്‍ രൂപീകരിച്ചുള്ള പ്രവര്‍ത്തനങ്ങള്‍ക്ക് തഹസില്‍ദാര്‍മാര്‍ നേതൃത്വം നല്‍കും. റവന്യൂ ഡിവിഷണല്‍ ഓഫീസര്‍മാര്‍ക്കാണ് സംയുക്തപരിശോധനയുടെ മേല്‍നോട്ട ചുമതല. യോഗത്തില്‍ ജില്ലാതല ഉദ്യോഗസ്ഥര്‍ പങ്കെടുത്തു.

അനധികൃത പാര്‍ക്കിംഗ് തടയണമെന്ന്

കൊല്ലം :നഗരത്തില്‍ ഓണക്കാലത്ത് വര്‍ധിച്ചു വരുന്ന അനധികൃത പാര്‍ക്കിങ്ങും വഴിയോര കച്ചവടവും തടയാന്‍ അധികൃതര്‍ കര്‍ശന നടപടി സ്വീകരിക്കണമെന്ന് വ്യാപാരി വ്യവസായി സമിതി കൊല്ലം ഏരിയ കമ്മിറ്റി ആവശ്യപ്പെട്ടു. അനധികൃത പാര്‍ക്കിങ്ങും വഴിയോര വ്യാപാരവും അംഗീകൃത വ്യാപാര സ്ഥാപനങ്ങള്‍ക്ക് പ്രതിസന്ധിയാകുന്നു. ഇത് തടയാന്‍ പോലീസുകാരെ നിയോഗിക്കണമെന്ന് സമിതി ജില്ലാ പ്രസിഡന്‍റ് സുനില്‍ പനയറ, കമാല്‍ പിഞ്ഞാണിക്കട എന്നിവര്‍ പ്രസ്താവനയില്‍ പറഞ്ഞു.

കാറും ലോറിയും കൂട്ടിയിടിച്ചു

കുളത്തുപ്പുഴ: അഞ്ചൽ കുളത്തൂപ്പുഴ മലയോര ഹൈവേയിൽ ചന്ദനക്കാവ് ബിഎംജി ഹൈസ്കൂളിനു സമീപം കാറും ലോറിയും കൂട്ടിയിടിച്ചു. തമിഴ്നാട്ടിൽനിന്നും മെറ്റലുമായി വന്ന ലോറിയുമായിട്ടാണ് കാർ കൂട്ടിയിടിച്ചത്. യാത്രക്കാർ അത്ഭുതകരമായി രക്ഷപ്പെട്ടു. കുളത്തുപ്പുഴ പോലീസ് മേൽനടപടികൾ സ്വീകരിച്ചു.

തപാൽ വകുപ്പിൽ ഇൻഷ്വറൻസ് ഏജന്‍റ് നിയമനം

കൊല്ലം: പോസ്റ്റൽ ഡിവിഷനിൽ പോസ്റ്റൽ ലൈഫ് ഇൻഷ്വറൻസ്, റൂറൽ പോസ്റ്റൽ ലൈഫ് ഇൻഷ്വറൻസ് എന്നിവയുടെ വിപണനത്തിനായി കമ്മീഷൻ വ്യവസ്ഥയിൽ ഡയറക്റ്റ് ഏജന്‍റുമാരെയും ഫീൽഡ് ഓഫീസർമാരെയും നിയമിക്കുന്നു. അപേക്ഷകർ പത്താം ക്ലാസ് പാസായിരിക്കണം . 18 വയസ് പൂർത്തിയായ സ്വയം തൊഴിൽ ചെയ്യുന്നവർ, തൊഴിൽ രഹിതർ, കുടുംബശ്രീ പ്രവർത്തകർ അങ്കണവാടി ജീവനക്കാർ,ജനപ്രതിനിധികൾ എന്നിവരെ ഡയറക്റ്റ് ഏജന്‍റായും കേന്ദ്ര/സംസ്ഥാന ഗവണ്മെന്റ് സർവീസിൽ നിന്നും വിരമിച്ചവരെ ഫീൽഡ് ഓഫീസർ ആയും നിയമിക്കുന്നു . ഡിസ്മാർജ് ചെയ്യപ്പെട്ട ഗ്രാമീൺ ഡാക് സേവകർക്കും ഫീൽഡ് ഓഫീസറായി അപേക്ഷിക്കാവുന്നതാണ്.അപേക്ഷകർ വയസ്, യോഗ്യത, മുൻ പരിചയം എന്നിവ തെളിയിക്കുന്ന രേഖകളുടെ കോപ്പി, രണ്ടു പാസ്പോർട്ട് സൈസ് ഫോട്ടോ സഹിതം മൊബൈൽ നമ്പർ ഉൾപ്പെടെ സീനിയർ സൂപ്രണ്ട് ഓഫ് പോസ്റ്റോഫീസ്,കൊല്ലം ഡിവിഷൻ ,കൊല്ലം -691001 എന്ന വിലാസത്തിൽ അപേക്ഷകൾ അയച്ചു തരേണ്ടതാണ് അപേക്ഷകർ കൊല്ലം ജില്ലയിൽ സ്ഥിര താമസമുള്ളവരായിരിക്കണം. അപേക്ഷകൾ ഓഫീസിൽ ലഭിക്കേണ്ട അവസാന തീയതി 29. കൂടുതൽ വിവരങ്ങൾക്ക് 623861 2847 എന്ന നമ്പറിൽ ബന്ധപ്പെടുക. സ്ത്രീകൾക്കും സ്ത്രീ ശാക്തീകരണ സംഘടനകളിൽ പ്രവർത്തിക്കുന്നവർക്കും പ്രത്യേക പരിഗണന ലഭിക്കുന്നതായിരിക്കും .

അഖിലകേരള ധീവരസഭ ജില്ലാ ആസ്ഥാന മന്ദിര ഉദ്ഘാടനം നാളെ

കരുനാഗപ്പള്ളി:അഖില കേരള ധീവരസഭ കൊല്ലം ജില്ലാകമ്മിറ്റിയുടെ നേതൃത്വത്തിൽ കരുനാഗപ്പള്ളി തറയിൽ ജംഗ്ഷന് സമീപം പുതുതായി പണികഴിപ്പിച്ച ധീവരസഭ ജില്ലാ ആസ്ഥാന മന്ദിരഉദ്ഘാടനം നാളെ രാവിലെ പത്തിന് നടക്കും. അഖിലകേരള ധീവരസഭ ജില്ലാ പ്രസിഡന്‍റ് മുള്ളിക്കൽ രാജുവിന്‍റെ അധ്യക്ഷതയിൽ കൂടുന്ന പൊതുസമ്മേളനത്തിൽ മന്ദിരത്തിന്‍റെ ഉദ്ഘാടനം ധീവരസഭ സംസ്ഥാന ജനറൽ സെക്രട്ടറി മുൻ എംഎൽ എ.വി. ദിനകരൻ നിർവഹിക്കും .തുടർന്ന് നടക്കുന്ന പൊതുസമ്മേളനം കെ.സി. വേണുഗോപാൽ എംപി ഉദ്ഘാടനം ചെയ്യും. ധീവരസഭയുടെ സ്ഥാപക പ്രസിഡന്‍റ്് കെ .കെ. ഭാസ്‌കരന്‍റെ സ്‌മരണാർഥം നിർമിച്ച സ്‌മാരക ഹാളിന്‍റെ ഉദ്ഘാടനം കരുനാഗപ്പള്ളി എംഎൽഎ സി.ആർ. മഹേഷും ധീവരസഭയുടെ മുൻപ്രസിഡന്‍റ് അഡ്വ .കെ.കെ. രാധാകൃഷ്‌ണന്‍റെ സ്മരണാർഥംനിർമിച്ച സ്‌മാരക ഹാളിന്‍റെ ഉദ്ഘാടനം പി.പി. ചിത്തരഞ്ജ ൻ എംഎൽയും നിർവഹിക്കും. ശരണാമൃത ചൈതന്യ അനുഗ്രഹപ്രഭാഷണം നടത്തും. സമ്മേളനത്തിൽ വിവിധ സമുദായ സംഘടനാ നേതാക്കൾ, സഭയുടെ സംസ്‌ഥാന, ജില്ലാ, കരയോഗ പോഷക സംഘടനാ നേതാക്കളും തദ്ദേശ സ്വയംഭരണ പ്രതിനിധികളും പങ്കെടുക്കുമെന്ന് ജില്ലാ പ്രസിഡന്‍റ് മുള്ളിക്കൽ രാജു, ജില്ലാ സെക്രട്ടറി ബി. പ്രിയകുമാർ, ബേബി കവിയിൽ എന്നിവർ അറിയിച്ചു.

മരുന്നുകള്‍ ഓണ്‍ലൈനിലൂടെ വിതരണം ചെയ്യൽ : വിജ്ഞാപനം പിന്‍വലിക്കുന്നത് സംബന്ധിച്ച് റിപ്പോര്‍ട്ട് നല്‍കന്‍ സബ് കമ്മിറ്റി

കൊല്ലം : മരുന്നുകള്‍ ഓണ്‍ലൈനിലൂടെ വിതരണം ചെയ്യുന്നത് (ഇ-ഫാര്‍മസി) സംബന്ധിച്ച് പുറപ്പെടുവിച്ചിട്ടുള്ള സര്‍ക്കാര്‍ ഉത്തരവ് പിന്‍വലിക്കുന്നത് സംബന്ധിച്ച് റിപ്പോര്‍ട്ട് സമര്‍പ്പിക്കാന്‍ ഡ്രഗ് ടെക്നിക്കല്‍ അഡ്വൈസറി ബോര്‍ഡ് സബ് കമ്മിറ്റിയെ നിയമിച്ചിട്ടുണ്ടെന്ന് എന്‍.കെ. പ്രേമചന്ദ്രന്‍ എംപി അറിയിച്ചു. ഓണ്‍ലൈന്‍ മരുന്ന് വ്യാപാരവുമായി ബന്ധപ്പെട്ട് സര്‍ക്കാര്‍ പുറപ്പെടുവിച്ച ഉത്തരവ് 12.5 ലക്ഷത്തോളം വരുന്ന മരുന്ന് വ്യാപാരികളുടെ ഉപജീവനത്തെ പ്രതികൂലമായി ബാധിക്കുന്നതിനാല്‍ ഉത്തരവ് പിന്‍വലിക്കണമെന്ന് എന്‍.കെ. പ്രേമചന്ദ്രന്‍ എംപി, കേന്ദ്ര ആരോഗ്യ വകുപ്പ് മന്ത്രിയോട് ആവശ്യപ്പെട്ടിരുന്നു. ഓള്‍ കേരള കെമിസ്റ്റ്സ് ആന്‍റ് ഡ്രഗിസ്റ്റ്സ് അസോസിയേഷന്‍റെ ആവശ്യപ്രകാരമാണ് വിഷയം മന്ത്രിയുടെ ശ്രദ്ധയില്‍ കൊണ്ടുവന്നത്. ഇ-ഫാര്‍മസിയുടെ പേരില്‍ സര്‍ക്കാര്‍ ഉത്തരവിന്‍റെ മറവില്‍ നടക്കുന്ന പ്രവര്‍ത്തനങ്ങള്‍ വിശദമായി തന്നെ മന്ത്രിയെ ബോധ്യപ്പെടുത്തി. വിഷയം സെന്‍ട്രല്‍ ഡ്രഗ്സ് സ്റ്റാന്‍റേര്‍ഡ് കണ്‍ട്രോള്‍ ഓര്‍ഗനൈസേഷനുമായി ചേര്‍ന്ന് പരിശോധനയ്ക്ക് വിധേയമാക്കി. കഴിഞ്ഞ ടെക്നിക്കല്‍ അഡ്വൈസറി ബോര്‍ഡ് യോഗത്തില്‍ സര്‍ക്കാര്‍ വിജ്ഞാപനം പിന്‍വലിക്കുന്നത് സംബന്ധിച്ച് വിശദമായി ചര്‍ച്ച നടത്തിയതായി മന്ത്രി ജഗത് പ്രകാശ് നഡ്ഡ എംപി യെ രേഖാമൂലം അറിയിച്ചു. ചര്‍ച്ചയുടെ അടിസ്ഥാനത്തില്‍ വിജ്ഞാപനം പിന്‍വലിക്കുന്നത് സംബന്ധിച്ച് പഠിച്ച് റിപ്പോര്‍ട്ട് നല്‍കുവാന്‍ പ്രത്യേക സബ് കമ്മിറ്റി രൂപീകരിച്ചതായും മന്ത്രി രേഖാമൂലം എന്‍.കെ. പ്രേമചന്ദ്രന്‍ എംപി യെ അറിയിച്ചു.

വിവരശേഖരണം: തൊഴിലില്ലായ്മയുടെ തോത് കേരളത്തില്‍ കുറവ്

കൊല്ലം: സംസ്ഥാനത്തു യുവാക്കള്‍ക്കും തൊഴിലന്വേഷകര്‍ക്കും സഹായകമാകുന്ന പുതിയപദ്ധതികള്‍ ആസൂത്രണംചെയ്യാന്‍ വിവരശേഖരണം. തൊഴിലില്ലായ്മ മറ്റിടങ്ങളുമായി താരതമ്യപ്പെടുത്തി സംസ്ഥാനത്ത് കുറവാണെന്നു റിപ്പോർട്ട്. ദേശീയ സ്റ്റാറ്റിസ്റ്റിക്‌സ് ഓഫീസ് നടത്തിവരുന്ന ആനുകാലിക തൊഴില്‍സേന വിവരശേഖരണത്തില്‍ രേഖപ്പെടുത്തിയ പശ്ചാത്തലത്തിലാണ് വിവരങ്ങള്‍ ക്രോഡീകരിക്കുന്നത്. അസംഘടിത മേഖലയിലെ സ്ഥാപനങ്ങളുടെ വാര്‍ഷിക സര്‍വേ ,പിരിയോഡിക് ലേബര്‍ ഫോഴ്‌സ് സര്‍വേ (പിഎല്‍എഫ്എസ്) കളിലൂടെയാണ് സംസ്ഥാന സാമ്പത്തിക സ്ഥിതിവിവരക്കണക്ക് വകുപ്പ് വിവരശേഖരണം നടത്തുന്നത്. യുവതയ്ക്ക് ഗുണനിലവാരമുള്ള തൊഴില്‍സൃഷ്ടിക്കുക പ്രധാനലക്ഷ്യമാണ്. സ്ത്രീകളെ തൊഴില്‍ശക്തിയിലേക്കു കൂടുതലായിഉള്‍പ്പെടുത്തുന്നതിനും അനൗപചാരികമേഖലയിലെ തൊഴിലാളികളുടെഅവകാശങ്ങള്‍ സംരക്ഷിക്കുന്നതിനും വിവരങ്ങള്‍ അനിവാര്യമാണ്. സംസ്ഥാന ആസൂത്രണകമ്മീഷന്‍ വൈസ് ചെയര്‍മാനും സംസ്ഥാന സ്റ്റാറ്റിസ്റ്റിക്കല്‍ കമ്മീഷന്‍ ചെയര്‍മാനുമാണ് വിവരശേഖരണത്തിന് നേതൃത്വം നല്‍കുന്നത്. ജില്ലയില്‍ നഗര-ഗ്രാമപ്രദേശങ്ങളില്‍നിന്നും യഥാക്രമം 36, 24 വീതം സാംപിളുകളാണ് ശേഖരിക്കുക. ഇക്കൊല്ലംമുതല്‍ വികസനആസൂത്രണത്തിനും ജില്ലാതല വിലയിരുത്തലുകള്‍ക്കും സഹായകരമാക്കാന്‍ അധികസാമ്പിളുകള്‍ ഉള്‍പ്പെടുത്തിയാണ് സംസ്ഥാന സ്ഥിതിവിവരക്കണക്ക് വകുപ്പ് വിവരങ്ങള്‍ ശേഖരിക്കുന്നതില്‍ മുഖ്യപങ്കാളികളാകുന്നത്. സാമ്പത്തിക സ്ഥിതിവിവരക്കണക്ക് വകുപ്പ് മുഖേനനടപ്പാക്കുന്ന വിവിധ സര്‍വേകളിലൂടെ ശേഖരിക്കുന്ന വ്യക്തിഗതവിവരങ്ങള്‍ സുരക്ഷിതമായി സൂക്ഷിക്കുമെന്ന് സാമ്പത്തിക സ്ഥിതിവിവരക്കണക്ക് ഡെപ്യൂട്ടി ഡയറക്ടര്‍ എസ്. കിരണ്‍ വ്യക്തമാക്കി.

ഏകപക്ഷീയമായി ബോണസ് നിശ്ചയിക്കുന്ന നിലപാട് അവസാനിപ്പിക്കണം: യുടിയുസി

ചവറ : പൊതുമേഖലാ സ്ഥാപനങ്ങളിൽ ഏകപക്ഷീയമായി ബോണസ് നിശ്ചയിക്കുന്ന സർക്കാർ നിലപാട് അവസാനിപ്പിക്കണമെന്ന് യുടിയുസി സംസ്ഥാന ട്രഷറർ മനോജ് മോൻ ആവശ്യപ്പെട്ടു. രണ്ടാം പിണറായി സർക്കാരിന്‍റെ തൊഴിലാളി വിരുദ്ധ നിലപാടുകളുടെ ഉത്തമ ഉദാഹരണമാണ് പൊതുമേഖല സ്ഥാപനങ്ങളിൽ കഴിഞ്ഞ നാലു വർഷമായി സർക്കാർ പുറത്തിറക്കുന്ന ഏകപക്ഷീയമായ ഗൈഡ് ലൈൻ മുഖവിലയ്ക്കെടുത്തു ബോണസ് നൽകുന്നത്. നീട്ടുന്നത് വാങ്ങിയാൽ മതിയെന്ന കുത്തക മുതലാളിമാരുടെ നയ സമീപനങ്ങൾ മുന്നോട്ടുവയ്ക്കുന്ന പിണറായി സർക്കാരാണ് കേരളത്തിൽ പ്രവർത്തിക്കുന്നതെന്നും അദ്ദേഹം പറഞ്ഞു. എത്രയും വേഗം സംസ്ഥാനത്തെ പൊതുമേഖല സ്ഥാപനങ്ങളിലെ ബോണസ് മീറ്റിംഗുകൾ വിളിച്ച് ചേർക്കേണ്ടതാണെന്നും അദ്ദേഹം പ്രസ്താവനയിലൂടെ ആവശ്യപ്പെട്ടു.

മോഷണ ആരോപണം : അച്ഛനെ ഒരിക്കൽ കൂടി കേൾക്കണമെന്ന് മനുഷ്യാവകാശ കമ്മീഷൻ

കൊല്ലം : മകനെതിരെ അച്ഛൻ നൽകിയ പരാതിയിൽ അച്ഛന്‍റെ ഭാഗം ഒരിക്കൽകൂടി കേട്ട് ആവശ്യമായ നടപടികൾ സ്വീകരിക്കണമെന്ന് ചാത്തന്നൂർ എസിപിക്ക് മനുഷ്യാവകാശ കമ്മീഷൻ അംഗം വി. ഗീത നിർദേശം നൽകി. തന്‍റെ കടയിൽ നിന്നും മകൻ മോഷണം നടത്തിയെന്നാരോപിച്ച് പോലീസിൽ പരാതി നൽകിയിട്ടും ഫലപ്രദമായ നടപടി സ്വീകരിച്ചില്ലെന്നും മകനെ ഭയന്നാണ് താൻ വീട്ടിൽ താമസിക്കുന്നതെന്നും നെടുങ്ങോലം സ്വദേശി പരാതിയിൽ പറഞ്ഞു. എന്നാൽ പരാതിക്കാരനും മകനും തമ്മിൽ ഇപ്പോൾ പ്രശ്നങ്ങളൊന്നുമില്ലെന്നും സ്വരചേർച്ചയിലാണ് കഴിയുന്നതെന്നും ചാത്തന്നൂർ എസിപി കമ്മീഷനെ അറിയിച്ചു. എന്നാൽ പോലീസ് റിപ്പോർട്ട് ശരിയല്ലെന്ന് പരാതിക്കാരൻ വാദിച്ചു. തുടർന്ന് പരാതിക്കാരനെ കമ്മീഷൻ കേട്ടു. അച്ഛനും മകനും തമ്മിലുള്ള പ്രശ്നം രമ്യമായി പരിഹരിക്കണമെന്ന സദുദ്ദേശ്യമാണ് എസിപി യുടെ ഭാഗത്ത് നിന്നുണ്ടായതെന്ന് കമ്മീഷൻ നിരീക്ഷിച്ചു. എന്നാൽ താനും മകനും ഒരേ വീട്ടിലാണ് താമസിക്കുന്നതെന്നും മകൻ വിചാരണ നേരിടുന്ന പ്രതിയാണെന്നും ഏതു നിമിഷവും മകന്‍റെ ഭാഗത്ത് നിന്നും ആക്രമണം ഉണ്ടാകാൻ സാധ്യതയുണ്ടെന്നും പിതാവ് കമ്മീഷനെ അറിയിച്ചു. ഇക്കാര്യം പരിശോധിക്കണമെന്ന് കമ്മീഷൻ നിർദേശിച്ചു.

അരിപ്പ ഭൂസമരം പരിഹരിക്കും: പി.എസ്. സുപാൽ എംഎൽഎ

കുളത്തൂപ്പുഴ: അർഹതപ്പെട്ട എല്ലാവർക്കും ഭൂമിലഭ്യമാക്കുകയെന്ന സർക്കാർ നയത്തിന്‍റെ അടിസ്ഥാനത്തിൽ ഭൂരഹിതരായ അരിപ്പ ഭൂസമരക്കാർക്ക് സർക്കാർ ഭൂമി പതിച്ച് നൽകി പ്രശ്‌ന പരിഹാരത്തിന് സാധ്യത ഒരുക്കുമെന്ന് പി.എസ്. സുപാൽ എം എൽഎ. സർക്കാർ തീരുമാന പ്രകാരം പട്ടയ വിതരണവുമായി ബന്ധപ്പെട്ട് ക ഴിഞ്ഞ ദിവസം അരിപ്പ സമരഭൂമിയിൽ വിളിച്ചുചേർത്ത സമരക്കാരുടെ ആലോചനാ യോഗത്തിലാണ് എംഎൽഎ ഇക്കാര്യം അറിയിച്ചത്. തിങ്കൾക്കരിക്കം വില്ലേജിലെ അരിപ്പ സമരഭൂമിയിൽ പതിമൂ ന്നു വർഷമായി കൃഷിഭൂമിക്കു വേണ്ടി പോരാട്ടം നടത്തിവന്ന മൂന്നൂറ്റമ്പതിലധികം കുടുംബങ്ങൾക്കാണ്തലചായ്ക്കാനൊരിടമെന്നസ്വപ്നം യാഥാർഥ്യ മാകുന്നത്. ഭൂരഹിതർക്ക് ഭൂമിനൽകുക എന്നതാണ് സർക്കാർ നയമെന്നും ഭൂരഹിതരില്ലാത്ത പുനലൂർ എന്നസ്വപ്നം സാക്ഷാത്കരിക്കുന്നതിന് പട്ടയനടപടി കളുമായി ബന്ധപ്പെട്ട്പുനലൂരിൽപ്രത്യേക പട്ടയഓഫീസ്ആരംഭിക്കുമെന്നുംഅർഹരായ എല്ലാവർക്കും പട്ടയം നൽകുന്നതിന് നടപടി സ്വീകരിക്കുമെന്നും എംഎൽഎ അറിയിച്ചു. വികസനത്തിനും ദേവാലയത്തിനും പ്രത്യേകമായി ഭൂമി അളന്നുനൽകുമെന്നും ചതുപ്പ് പ്രദേശങ്ങ ളൊഴിവാക്കിയുള്ള ഭൂമി സർവേ നടത്തി വിതരണംചെയ്യുമെന്നുംആദിവാസികൾക്കും മറ്റും വിഭാഗക്കാർക്കും വിവിധ അളവുകളിലാവുംഭൂമിലഭ്യമാക്കുകയെന്നും ഭൂമിയുടെ ലഭ്യത അനുസരിച്ച് ഭൂപ്രശ്ന‌ം പരിഹരിക്കുന്നതിന് സ ർക്കാർ നിർദേശ പ്രകാരമുള്ള നടപടികളാണ് തുടരുന്നതെന്നും എംഎൽഎ വ്യക്തമാക്കി. അതേ സമയം ഭൂമി ലഭിച്ചതു കൊണ്ട് മാത്രം ജീവിതം മുന്നോ ട്ടുനീക്കാൻ കഴിയാത്ത നിർധനരായ ഭൂസമരക്കാർക്ക് പാർപ്പിവും കൂടി ലഭിക്കുന്നതിനുള്ള ക്രിയാത്മകമായ ചർച്ചകളും നടപ ടികളും ഉദ്യോഗസ്ഥ തലത്തി ൽ വേഗത്തിൽ പൂർത്തിയാക്കണമെന്ന് സമരസമിതി നേതാക്കൾ ആവശ്യപ്പെട്ടു. കൂടുതൽ കൃഷിഭൂമി വേണമെന്ന്ആവശ്യവുമായി സമരക്കാരിൽ ഒരുവിഭാഗം ചർച്ച യിൽനിന്നും വിട്ടുനിന്നെങ്കിലും എംഎൽഎ യുടെ നേതൃത്വത്തി ൽ റവന്യൂസംഘം ഇവരെ സന്ദ ർശിച്ച് അനുനയിപ്പിച്ച് ചർച്ചയി ൽ പങ്കാളികളാക്കി. സഘർഷസാധ്യത കണക്കിലെടുത്ത് കുളത്തൂപ്പുഴ പോലീസിന്‍റെ നേതൃത്വത്തിൽ വൻസുരക്ഷ സന്നഹവും പ്രദേശത്ത് ഒരുക്കിയിരുന്നു. പുനലൂർ ആർഡിഒ സുരേഷ് ബാബു, തഹസിൽദാർ അജിത് ജോയി, ട്രൈബൽ ഡെവ ലപ്മെന്‍റ് ഓഫീസർ വിധുമോൾ, കുളത്തൂപ്പുഴ പഞ്ചായത്ത് പ്രസിഡന്‍റ് പി .ലൈലാ ബീവി, വൈസ് പ്രസിഡന്‍റ് തുഷാര, വാർഡ് മെമ്പർ ഉദയകുമാർ, അരിപ്പ ഭൂസമര സമിതി നേതാക്കളായ ശ്രീരാമൻകൊയ്യോൻ, സഞ്ജയ് ഖാൻ, വിവിധ രാഷ്ട്രീയ പാർട്ടി നേതാക്കളായ എസ്. സന്തോഷ്, വിശ്വസേനൻ തുടങ്ങിയവർ യോഗത്തിൽ പങ്കെടുത്തു.

ബസിൽ കടത്തിയ 205 പവൻ പിടികൂടി

പരവൂർ: എക്സൈസ് സംഘവും ഡോഗ് സ്ക്വാഡും നടത്തിയ പരിശോധനയിൽ ബസ് യാത്രക്കാരനിൽ നിന്ന് രേഖകൾ ഇല്ലാതെ കടത്തിയ 205 പവൻ സ്വർണം പിടികൂടി. ഓണം സ്പെഷൽ ഡ്രൈവിന്‍റെ ഭാഗമായി ഇന്നലെ രാവിലെ അന്തർ സംസ്ഥാന ബസുകളിൽ നടത്തിയ പരിശോധനയിലാണ് സ്വർണം പിടികൂടിയത്. കാവനാട് കപ്പിത്താൻ ജംഗ്ഷനിൽ നടത്തിയ പരിശോധനയിലാണ് തൃശൂർ നെന്മേനി സ്വദേശി ഹരിദാസനിൽ നിന്ന് 1641.61 ഗ്രാം (205.2 പവൻ) സ്വർണം പിടികൂടിയത്. ഇയാളെ പിന്നീട് ജിഎസ്ടി വകുപ്പിന് കൈമാറി. മറ്റൊരു ബസിൽ പരിശോധന നടത്തിയപ്പോൾ കണ്ണൂർ സ്വദേശി അഭിഷേക് എന്ന യാത്രക്കാരനിൽ നിന്ന് കേരളത്തിൽ വിൽപ്പന അവകാശം ഇല്ലാത്ത 11 ലിറ്റർ വിദേശമദ്യവും പിടികൂടി. ഇയാളെ കോടതിയിൽ ഹാജരാക്കി റിമാൻഡ് ചെയ്തു. കൊല്ലം എക്സൈസ് സിഐ എം. കൃഷ്ണകുമാറിന്‍റെ നേതൃത്വത്തിലുള്ള സംഘമാണ് റെയ്ഡ് നടത്തിയത്. എക്സൈസ് ഇൻസ്പെക്ടർ ആർ. രഞ്ജിത്ത്, പ്രിവന്‍റീവ് ഓഫീസർമാരായ എസ്.ആർ. ഷെറിൻ രാജ്, സതീഷ് ചന്ദ്രൻ, സിവിൽ എക്സൈസ് ഓഫീസർമാരായ ശ്രീനാഥ്, ശ്യാം കുമാർ, ഗോകുൽ, ഷെഫീഖ്, വനിതാ സിവിൽ എക്സൈസ് ഓഫീസർ ട്രീസ, ഡ്രൈവർ വിശ്വനാഥൻ എന്നിവർ പരിശോധനാ സംഘത്തിൽ ഉണ്ടായിരുന്നു.

മാധ്യമപ്രവർത്തകന് നേരേ ആക്രമണം; പ്രതിഷേധിച്ചു

അഞ്ചല്‍ : കടയ്ക്കലില്‍ കോണ്‍ഗ്രസ് സിപിഎം സംഘര്‍ഷ ദൃശ്യങ്ങള്‍ പകര്‍ത്താന്‍ ശ്രമിക്കവേ മാധ്യമ പ്രവര്‍ത്തകനായ ഷാനവാസ് കടയ്ക്കലിനെ കൈയേറ്റം ചെയ്ത സംഭവത്തില്‍ പ്രതിഷേധം ശക്തം. പത്രപ്രവര്‍ത്തക അസോസിയേഷന്‍ അഞ്ചല്‍ മേഖല കമ്മിറ്റിയുടെ നേതൃത്വത്തില്‍ പ്രതിഷേധം രേഖപ്പെടുത്തി. കൈയേറ്റം നടത്തിയ ബ്രാഞ്ച് സെക്രട്ടറിയെ പുറത്താക്കാന്‍ സിപിഎം തയാറാകണമെന്ന് യോഗം ആവശ്യപ്പെട്ടു. പത്രപ്രവര്‍ത്തക അസോസിയേഷന്‍ അഞ്ചല്‍ മേഖല പ്രസിഡന്‍റ് പി. സനില്‍കുമാര്‍ ഉദ്ഘാടനം ചെയ്തു. മേഖല സെക്രട്ടറി പ്രദീഷ് കുമാര്‍ അധ്യക്ഷത വഹിച്ച യോഗത്തില്‍ ജില്ലാ ട്രഷറര്‍ ബിനു, എക്‌സികുട്ടീവ് അംഗങ്ങളായ ദീപു, റിയാസ്, ബിനു എന്നിവര്‍ പ്രസംഗിച്ചു.

അംബേദ്കർ ഗ്രാമവികസന പദ്ധതി പൂർത്തീകരിച്ചു

കുളത്തൂപ്പുഴ:കേരള സർക്കാർ പട്ടിക ജാതി വികസന വകുപ്പിന്‍റെ നഗർ സമഗ്ര വികസന പദ്ധതിയായ അംബേദ്കർ ഗ്രാമ വികസനപദ്ധതിയിൽ ഉൾപ്പെടുത്തി മഠത്തിക്കോണം വാർഡിൽ നടപ്പിലാക്കിയ 50 ലക്ഷം രൂപയുടെ വികസന പദ്ധതിയുടെ പൂർത്തീകരണ ഉദ്ഘാടനം നടന്നു. മഠത്തിക്കോണം വിജ്ഞാൻവാടിയിൽ സംഘടിപ്പിച്ച പരിപാടി പി.എസ്. സുപാൽ എംഎൽ എ ഉദ്ഘാടനം ചെയ്തു. പഞ്ചായത്ത് പ്രസിഡന്‍റ്പി. ലൈലാബീവി അധ്യക്ഷതവഹിച്ചു .ബ്ലോക്ക് പഞ്ചായത്ത് പ്രസിഡന്‍റ് ഓമന മുരളി,ബ്ലോക്ക് പഞ്ചായത്ത് അംഗം ഇ. കെ .സുധീർ, പഞ്ചായത്ത് അംഗം നെദീറ സൈഫുദീൻ, മുൻ പഞ്ചായത്ത് അംഗം ബി. സുനിൽ കുമാർ,പട്ടിക ജാതി വികസന ഓഫീസർ ജോൺ മാത്യൂ,പ്രമോട്ടർ മനു എന്നിവർ പ്രസംഗിച്ചു. ഭവന പുനരുദ്ധാരണം,റോഡുകളുടെ നവീകരണം,കിണർ നവീകരണം തുടങ്ങിയ പ്രവർത്തികളാണ് നടപ്പിലാക്കിയത് സംസ്ഥാന നിർമിതി കേന്ദ്രത്തിന്‍റെചുമതലയിലായിരുന്നു നിർമാണം.

ദേശീയപാത 183ന്‍റെ വികസന പദ്ധതിക്ക് അംഗീകാരം നൽകണം: എൻ.കെ. പ്രേമചന്ദ്രൻ എംപി

കൊല്ലം :ദേശീയപാത 183 ന്‍റെ വികസന പദ്ധതിയ്ക്ക് എത്രയും പെട്ടെന്ന് അംഗീകാരം നല്‍കണമെന്ന് എന്‍.കെ. പ്രേമചന്ദ്രന്‍ എം പി ലോകസഭയില്‍ ആവശ്യപ്പെട്ടു. ഹൈസ്കൂള്‍ ജംഗ്ഷന്‍ മുതല്‍ കടവൂര്‍ വരെ വികസന പദ്ധതിയില്‍ ഉള്‍പ്പെടുത്തണം. ഭരണിക്കാവ് മുതല്‍ ടൈറ്റാനിയം ജംഗ്ഷന്‍ വരെ പുതിയ ദേശീയപാത 183എയ്ക്ക് അംഗീകാരം നല്‍കണമെന്നും എന്‍.കെ. പ്രേമചന്ദ്രന്‍ എംപി ആവശ്യപ്പെട്ടു. ചട്ടം 377 പ്രകാരമാണ് വിഷയം ലോകസഭയില്‍ ഉന്നയിച്ചത്. ദേശീയപാത 183 ന്‍റെ വികസന പദ്ധതി മന്ത്രാലയത്തിന്‍റെ പരിഗണനയിലാണ്. എന്നാല്‍ പദ്ധതിയ്ക്ക് നാളിതുവരെയായി അംഗീകാരം നല്‍കിയിട്ടില്ല. പദ്ധതിയുടെ അലൈന്‍മെന്‍റ് തയാറാക്കിയപ്പോള്‍ കൊല്ലം ഹൈസ്കൂള്‍ ജംഗ്ഷന്‍ മുതല്‍ കടവൂര്‍ വരെയുളള ഭാഗം അലൈന്‍മെന്‍റില്‍ നിന്നും ഒഴിവാക്കപ്പെട്ടിരുന്നു. കൊല്ലം പ്രധാനപ്പെട്ട നഗരമാണ്. കൊല്ലം നഗരത്തെ ദേശീയപാതയുമായി ബന്ധിപ്പിക്കുന്ന പ്രധാന റോഡുകളില്‍ ഒന്നാണ് കൊല്ലം ഹൈസ്കൂള്‍ ജംഗ്ഷന്‍ - കടവൂര്‍ റോഡ്. റോഡില്‍ വലിയ ഗതാഗത തിരക്കാണുളളത്. വികസന പദ്ധതിയില്‍ ഹൈസ്കൂള്‍ ജംഗ്ഷന്‍ - കടവൂര്‍ റോഡ് ഉള്‍പ്പെടുത്തിയില്ലെങ്കില്‍ വലിയ ഗതാഗത കുരുക്കുണ്ടാകും. പ്രസ്തുത റോഡ് കൂടി ഉള്‍പ്പെടുത്തി വികസന പദ്ധതിയ്ക്ക് അടിയന്തരമായി അംഗീകാരം നല്‍കേണ്ടത് അനിവാര്യമാണ്. ‌ ഭരണിക്കാവ് മുതല്‍ ടൈറ്റാനിയം ജംഗ്ഷന്‍ വരെ ദേശീയപാത 183 എ ആയി പ്രഖ്യാപിക്കുന്നതിനുളള നിര്‍ദേശവും മന്ത്രാലയത്തിന്‍റെ പരിഗണനയിലാണ്. അടിയന്തിരമായി വിഷയത്തില്‍ ഇടപെട്ട് ദേശീയപാത 183 ന്‍റെ സമഗ്രവികസനവും അതോടൊപ്പം 183 എ യുടെ വികസനവും സാധ്യമാക്കണമെന്നും എന്‍.കെ. പ്രേമചന്ദ്രന്‍ എംപി ലോകസഭയില്‍ ആവശ്യപ്പെട്ടു.

ഓണത്തിന് കൊല്ലത്തേക്ക് രണ്ട് സ്‌പെഷല്‍ ട്രെയിനുകള്‍

പരവൂര്‍: ഓണക്കാല തിരക്കു പ്രമാണിച്ച് കൊല്ലത്തേയ്ക്ക് രണ്ട് സ്‌പെഷല്‍ ട്രെയിനുകള്‍ അനുവദിച്ച് ഭക്ഷിണ റെയില്‍വേ. ചെന്നൈ- കൊല്ലം, മംഗളുരു - കൊല്ലം റൂട്ടുകളില്‍ പ്രതിവാര സ്‌പെഷല്‍ സര്‍വീസുകളാണ് നടത്തുന്നത്. ചെന്നൈയില്‍ നിന്ന് ഓഗസ്റ്റ് 27, സെപ്റ്റംബര്‍ മൂന്ന്, 10 തീയതികളില്‍ ഉച്ചകഴിഞ്ഞ് 3.10 ന് പുറപ്പെടുന്ന ട്രെയിന്‍ അടുത്ത ദിവസം രാവിലെ 6.40ന് കൊല്ലത്ത് എത്തും. തിരികെ കൊല്ലത്ത് നിന്ന് ഓഗസ്റ്റ് 28, സെപ്റ്റംബര്‍ നാല്, 11 തീയതികളില്‍ രാവിലെ 10.40 ന് പുറപ്പെടുന്ന ട്രെയിന്‍ അടുത്ത ദിവസം രാവിലെ 3.30 ന് ചെന്നൈയില്‍ എത്തും. പാലക്കാട്, തൃശൂര്‍, ആലുവ, എറണാകുളം ടൗണ്‍, കോട്ടയം, ചങ്ങനാശേരി, തിരുവല്ല, ചെങ്ങന്നൂര്‍, മാവേലിക്കര, കായംകുളം, കരുനാഗപ്പള്ളി, ശാസ്താംകോട്ട എന്നിവയാണ് കേരളത്തിലെ സ്റ്റോപ്പുകള്‍. മംഗളുരുവില്‍ നിന്ന് കൊല്ലത്തേയ്ക്കുള്ള സ്‌പെഷല്‍ ട്രെയിന്‍ ഓഗസ്റ്റ് 25, സെപ്റ്റംബര്‍ ഒന്ന്, എട്ട് തീയതികളില്‍ രാത്രി 11.15 ന് പുറപ്പെട്ട് അടുത്ത ദിവസം രാവിലെ 10.20 ന് കൊല്ലത്ത് എത്തും. ‌തിരികെയുള്ള സര്‍വീസ് ഓഗസ്റ്റ് 26, സെപ്റ്റംബര്‍ രണ്ട്, ഒമ്പത് തീയതികളില്‍ കൊല്ലത്ത് നിന്ന് വൈകുന്നേരം 5.10ന് പുറപ്പെട്ട് അടുത്ത ദിവസം രാവിലെ 5.30ന് മംഗളുരുവില്‍ എത്തും. കാസര്‍ഗോഡ്, കാഞ്ഞങ്ങാട്, പയ്യന്നൂര്‍, കണ്ണൂര്‍, തലശേരി, വടകര, കോഴിക്കോട്, തിരൂര്‍, ഷൊര്‍ണൂര്‍, തൃശൂര്‍, ആലുവ, എറണാകുളം ടൗണ്‍, കോട്ടയം, ചങ്ങനാശേരി, തിരുവല്ല, ചെങ്ങന്നൂര്‍, മാവേലിക്കര, കായംകുളം, കരുനാഗപ്പള്ളി, ശാസ്താംകോട്ട എന്നിവയാണ് കേരളത്തിലെ സ്റ്റോപ്പുകള്‍.

സ്വകാര്യ ദൃശ്യങ്ങൾ സാമൂഹ്യമാധ്യമങ്ങൾ വഴി പ്രചരിപ്പിക്കുമെന്ന് ഭീഷണി : യുവാവ് അറസ്റ്റിൽ

കൊല്ലം : കൊല്ലം സ്വദേശിനിയായ യുവതിയുമൊത്തുള്ള സ്വകാര്യ ദൃശ്യങ്ങൾ സാമൂഹ്യ മാധ്യമങ്ങൾ വഴി പ്രചരിപ്പിക്കുമെന്ന് ഭീഷണിപ്പെടുത്തിയ യുവാവ് കൊല്ലം സിറ്റി സൈബർ പോലീസിന്‍റെ പിടിയിലായി. കൊല്ലം പള്ളിത്തോട്ടം ഡോണ്‍ ബോസ്കോ നഗർ- 78-ൽ കടപ്പുറം പുറന്പോക്ക് വീട്ടിൽ ജോസ് നികേഷ് (37) ആണ് പിടിയിലായത്. യുവതിയുമായി സൗഹൃദത്തിലായിരുന്ന ഇയാൾ ഇവർ തമ്മിലുള്ള നിരവധി സ്വകാര്യ ദൃശ്യങ്ങൾ കൈക്കലാക്കി ഫോണിൽ സൂക്ഷിച്ചിരുന്നു. പിന്നീട് യുവതി ഇയാളുടെ ആഗ്രഹങ്ങൾക്ക് വഴങ്ങാതെ വന്നതോടെ സ്വകാര്യ ദൃശ്യങ്ങൾ യുവതിക്ക് വാട്സാപ്പ് വഴി അയച്ചുകൊടുക്കുകയും യുവാവിന്‍റെ ആഗ്രഹങ്ങൾക്ക് വഴങ്ങിയില്ലെങ്കിൽ ഇവ സാമൂഹ്യ മാധ്യമങ്ങൾ വഴി പ്രചരിപ്പിച്ച് മാനഹാനിപ്പെടുത്തുമെന്ന് ഭീഷണി മുഴക്കുകയുമായിരുന്നു. ‌‌ യുവാവിൽ നിന്നുള്ള മാനസിക സമ്മർദ്ദം താങ്ങാൻ കഴിയാതെ വന്നതോടെയാണ് യുവതി കൊല്ലം സിറ്റി സൈബർ പോലീസിനെ സമീപിച്ചത്. യുവതിയുടെ പരാതിയിൽ കേസ് രജിസ്റ്റർ ചെയ്ത ശേഷം പോലീസ് സംഘം നടത്തിയ അന്വേഷണത്തിൽ പ്രതിയായ ജോസ് നികേഷിനെ കണ്ടെത്തി അറസ്റ്റ് ചെയ്യുകയായിരുന്നു. കൊല്ലം സിറ്റി ഡിസിആർബി അസി.പോലീസ് കമ്മീഷണർ എ.നസീറിന്‍റെ നിർദേശപ്രകാരം കൊല്ലം സിറ്റി സൈബർ പോലീസ് സ്റ്റേഷൻ ഇൻസ്പെക്ടർ അബ്‌ദുൾ മനാഫിന്‍റെ നേതൃത്വത്തിൽ എസ്.ഐ നന്ദകുമാർ, എഎസ്്ഐ ജയകുമാരി, എന്നിവരടങ്ങിയ സംഘമാണ് പ്രതിയെ പിടികൂടിയത്.

ജീവിത വിശുദ്ധിക്കൊപ്പം ശുദ്ധമായ കൃഷിയുടെ പച്ചപ്പും പകർന്ന് ഫാ.അഗസ്റ്റിൻ സ്റ്റാൻലി

ജോൺസൺ വേങ്ങത്തടം കൊല്ലം: വൈദികവൃത്തിയുടെ വിശുദ്ധിക്കൊപ്പം ശുദ്ധമായ കൃഷിയുടെ സന്ദേശം ജനങ്ങളിലേക്ക് എത്തിക്കുകയാണ് കാഞ്ഞിരകോട് സെന്‍റ് ഈഡിത്ത് സ്റ്റെയിൻ മോണാസ്ട്രിയിലെ ഫാ. അഗസ്റ്റിൻ സ്റ്റാൻലി ഒസിഡി. കാടുപിടിച്ചുകിടന്ന 25 സെന്‍റ് സ്ഥലത്തു കൃഷിഭവന്‍റെയും പഞ്ചായത്തിന്‍റെയും സഹായത്തോടെ കൃഷിയിറക്കി പച്ചപ്പ് വിരിക്കുകയാണ് ഈ വൈദികൻ. രാവിലത്തെ വിശുദ്ധ കുർബാനയ്ക്കുശേഷം കൃഷിയിടത്തിലിറങ്ങി പണിക്കാരനൊടൊപ്പം കിളയ്ക്കാനും കളപറിക്കാനും ചെടിക്കു വളമിട്ടുവെള്ളം ഒഴിച്ചുപരിപാലിക്കാനും അച്ചനു മടിയില്ല. എത്രമണിക്കൂറുവേണമെങ്കിലും കൃഷിയിടത്തിൽ ചെലവഴിക്കാൻ അച്ചനുമടിയില്ല. കൃഷിയിലൂടെ ആഹ്ലാദം കണ്ടെത്തുന്ന വൈദികൻ ഓരോ ചെടിയേയും പരിപാലിക്കുന്നതിലും വളരെ ശ്രദ്ധയാണ് നൽകുന്നത്. ക്രിസ്തീയ പാട്ടുകളും പ്രാർഥനകളും ചൊല്ലി ഓരോ ചെടിക്കുമുന്നിലൂടെ തലോടി കടന്നു പോകുന്ന സ്റ്റാൻലിയച്ചനൊരു തനികർഷകനായി മാറുകയാണ്. മരച്ചിനി, പയർ ഉൾപ്പെടുന്ന പച്ചക്കറികൾ, വാഴ, മുളക്, ചേന, ചേന്പ് എന്നിവ കൃഷി ചെയ്യുന്നു. ഇതുകൂടാതെ കുറ്റികുരുമുളകിന്‍റെ പരിപാലനവും പിവിസി പൈപ്പിലുള്ള കുരുമുളക് വളർത്തലും തെങ്ങുകൃഷിയും അച്ചനെ വേറിട്ടുനിർത്തുന്നു. ഗ്രോബാഗിൽ പച്ചക്കറികൾ തയാറാക്കാൻ കൃഷിഓഫീസുമായി ചേർന്നു സ്ഥലം ഒരുക്കി കഴിഞ്ഞു. ഇതിൽ വെണ്ട, വഴുതന, പച്ചമുളക്, കത്രിക്ക, പയർ തുടങ്ങിയ പച്ചക്കറികളാണ് നടുന്നത്. ജൈവകൃഷിയുടെ പച്ചപ്പിൽ തലയെടുത്തു നിൽക്കുന്ന കൃഷികളാണ് ഇവിടെയുള്ളത്. അച്ചനു കൃഷിയൊരു പാഷനാണ്. കൊട്ടിയത്ത് സൗത്ത് കേരള പ്രൊവിൻസിലായിരിക്കുന്പോൾ ഏക്കർകണക്കിനുള്ള സ്ഥലത്തും കൃഷിയിറക്കാൻ സമയം കണ്ടെത്തിയിരുന്നു. കൃഷി എപ്പോഴും പോസിറ്റിവ് എനർജിയാണ് നൽകുന്നതുകൊണ്ടാണ് ഇതിലേക്ക് ഇറങ്ങിയത്. ഹരിത കേരളം മിഷന്‍റെ ഏകോപനത്തിൽ നടപ്പിലാക്കി വരുന്ന ദേവഹരിതം പദ്ധതിയിൽ അച്ചൻ സജീവപങ്കാളിയാണ്. അച്ചന്‍റെ കൂടെ നിന്നു സഹായിക്കാൻ പേരയം കൃഷിഭവനിലെ കൃഷിഓഫീസർ ടിസി റെയ്ച്ചൽ തോമസും സഹപ്രവർത്തകരും ഹരിതകേരളമിഷന്‍റെ ചിറ്റുമലബ്ലോക്ക് റിസോഴ്സ് പേഴ്സൺ ജെസിരാജും പഞ്ചായത്തും മുന്നിലുണ്ട്. ടിസി റെയ്ച്ചലിന്‍റെയും ജെസിയുടെയും ഉപദേശവും പിന്തുണയും ഏറെ സഹായകരമാകുന്നുണ്ടെന്നാണ് അച്ചൻ പറഞ്ഞത്. കഴിഞ്ഞ ദിവസം ഹരിത കേരളം മിഷന്‍റെ ഏകോപനത്തിൽ നടപ്പിലാക്കി വരുന്ന ദേവഹരിതം പദ്ധതിയിൽ ഉൾപ്പെടുത്തി പേരയം പഞ്ചായത്തും കൃഷി ഭവനും സംയുക്തമായി നടത്തിയ കർഷക ദിനത്തിൽ മികച്ച കർഷകനായി അച്ചനെ തെരഞ്ഞെടുത്ത് ആദരിച്ചിരുന്നു.പി.സി. വിഷ്ണു നാഥ് എംഎൽഎയാണ് പൊന്നാട അണിയിക്കുകയും ഫലകം നൽകി അഭിനന്ദിച്ചത്. അച്ചന്‍റെ മനസിലുണ്ടായിരുന്ന പച്ചപ്പിനെ വെള്ളവും വളവും നൽകി പ്രോത്സാഹിപ്പിച്ചു വളർത്തിയെടുത്തതു കൃഷിഭവനും ഹരിതകേരളം മിഷനും പഞ്ചായത്തുമാണെന്ന് അച്ചൻ പറയും.

കർഷക ദിനാചരണം നടത്തി

എഴുകോൺ: പഞ്ചായത്തും കൃഷിഭവനും സംയുക്തമായി പഞ്ചായത്ത് അങ്കണത്തിൽ വച്ച് കർഷകദിനാചരണം നടത്തി. ഉദ്ഘാടനം മന്ത്രി കെ.എൻ. ബാലഗോപാൽ നിർവഹിച്ചു. പഞ്ചായത്ത് പ്രസിഡന്‍റ് അഡ്വ.ബിജു ഏബ്രഹാം അധ്യക്ഷത വഹിച്ച യോഗത്തിൽ പ്രിൻസിപ്പൽ കൃഷിഓഫീസർ എം.എസ്. അനീസ പദ്ധതികൾ വിശദീകരിച്ചു. കൃഷി ഓഫീസർ മോളു ടി.ലാൽസൺ, വൈസ് പ്രസിഡന്‍റ് സുഹർബാൻ, ജില്ലാ പഞ്ചായത്ത് മെമ്പർ അഡ്വ.സുമലാൽ വികസന സ്റ്റാൻഡിംഗ് കമ്മറ്റി അധ്യക്ഷൻ ടി.ആർ. ബിജു, ക്ഷേമകാര്യ സ്റ്റാൻഡിംഗ് കമ്മിറ്റി അധ്യക്ഷ ബീന മാമച്ചൻ, ബ്ലോക്ക് പഞ്ചായത്ത് അംഗങ്ങളായ എച്ച്.എസ്. കനക ദാസ്, എം. ശിവപ്രസാദ്, മിനി അനിൽ, പഞ്ചായത്ത് മെമ്പർമാരായ രതീഷ്‌ കിളിത്തട്ടിൽ, വിജയപ്രകാശ്,ആതിര ജോൺസൺ, രഞ്ജിനി അജയൻ, പ്രീത കനകരാജ്, കൊട്ടാരക്കര കൃഷി അസി.ഡയറക്‌ടർ ധന്യകൃഷ്‌ണൻ, സിഡിഎസ് ചെയർ പേഴ്സ‌ൺ പ്രീത, കാർഷിക വിപണി പ്രസിഡന്‍റ് സുഭാഷ്, കാർഷിക വികസന സമിതി അംഗങ്ങൾ, പഞ്ചായത്ത് സെക്രട്ടറി സ്നേഹജ ഗ്ളോറി എന്നിവർ പ്രസംഗിച്ചു. വിവിധ മേഖലയിലെ കർഷകരെയും കർഷക തൊഴിലാളിയെയും ചടങ്ങിൽ ആദരിച്ചു.

പ്രതികൂല സാഹചര്യത്തിലും കേരളത്തിൽ വികസന പ്രവർത്തനങ്ങൾ തുടരുന്നു: മന്ത്രി മുഹമ്മദ്‌ റിയാസ്

ചാത്തന്നൂർ:വാഹനപ്പെരുപ്പം, കാലാവസ്ഥാ മാറ്റങ്ങൾ എന്നീ സാഹചര്യങ്ങളിലും അടിസ്ഥാന സൗകര്യ വികസന പ്രവർത്തനങ്ങൾ കേരളത്തിൽ തുടരുകയാണെന്ന് മന്ത്രി പി.എ. മുഹമ്മദ് റിയാസ്. ചാത്തന്നൂർ - ആദിച്ചനല്ലൂർ പഞ്ചായത്തുകളെ ബന്ധിപ്പിക്കുന്ന പള്ളിക്കമണ്ണടി പാലത്തിന്‍റെ നിർമാണോദ്ഘാടനം നിർവഹിക്കുകയായിരുന്നു അദ്ദേഹം. പാലം യാഥാർഥ്യമാകുന്നതോടെ ആദിച്ചനല്ലൂർ, നെടുമ്പന, പൂയപ്പള്ളി പഞ്ചായത്തുകളിലെ ജനങ്ങൾക്ക് ചാത്തന്നൂരിലേക്ക് എത്താനും ദേശീയപാത ഉപയോഗിക്കാനും എളുപ്പമാകും. സംസ്ഥാനത്തെ ഒമ്പത് ജില്ലകളിലൂടെ കടന്നുപോകുന്ന തീരദേശ ഹൈവേ ടൂറിസം പദ്ധതികൾക്കും സഹായകമാണ്. ഹൈവേയുടെ ഓരോ 50 കിലോമീറ്റർ ഇടവിട്ട് ദീർഘദൂര യാത്രക്കാർക്ക് വിശ്രമിക്കാനും കാഴ്ചകൾ ആസ്വദിക്കാനും കേന്ദ്രങ്ങൾ ഒരുക്കും. മലയോര ഹൈവേ കാർഷിക ടൂറിസം മേഖലയ്ക്ക് ഉണർവ് നൽകും. ദേശീയപാതയുടെ സ്ഥലമേറ്റെടുപ്പിന് സംസ്ഥാന സർക്കാർ 5,600 കോടി രൂപ ചെലവഴിച്ചു. സംസ്ഥാനത്തെ റോഡ് നിർമാണ പ്രവർത്തനങ്ങളിൽ സുതാര്യത ഉറപ്പാക്കാൻ കരാറുകാരുടെ വിവരങ്ങൾ ജനങ്ങൾക്ക് അറിയാൻ കഴിയുന്ന ഡിഎൽ പി, റണ്ണിംഗ് കോൺട്രാക്‌ട് സംവിധാനങ്ങൾ നടപ്പിലാക്കിയെന്നും മന്ത്രി കൂട്ടിച്ചേർത്തു. ജി.എസ്. ജയലാൽ എംഎൽഎ അധ്യക്ഷനായി. ജില്ലാ പഞ്ചായത്ത് വൈസ് പ്രസിഡന്‍റ് ശ്രീജ ഹരീഷ്, ഇത്തിക്കര ബ്ലോക്ക് പഞ്ചായത്ത് പ്രസിഡന്‍റ് അഡ്വ. എം .കെ. ശ്രീകുമാർ, ആദിച്ചനല്ലൂർ പഞ്ചായത്ത് പ്രസിഡന്‍റ് രേഖാ ചന്ദ്രൻ, ഇത്തിക്കര ബ്ലോക്ക് പഞ്ചായത്ത് വൈസ് പ്രസിഡന്‍റ് നിർമല വർഗീസ്, ചാത്തന്നൂർ പഞ്ചായത്ത് വൈസ് പ്രസിഡന്‍റ് ഒ. മഹേശ്വരി, ആദിച്ചനല്ലൂർ പഞ്ചായത്ത് വൈസ് പ്രസിഡന്‍റ് എം. അനിൽകുമാർ, സ്ഥിരംസമിതി അധ്യക്ഷർ, പഞ്ചായത്ത് അംഗങ്ങൾ, രാഷ്്‌ട്രീയകക്ഷി നേതാക്കൾ തുടങ്ങിയവർ പ്രസംഗിച്ചു.

എൻസിസി കേഡറ്റുകളുടെ സാഹസിക കായൽയാത്രയ്‌ക്ക്‌ തുടക്കം

കൊല്ലം: എൻസിസി കേഡറ്റുകളുടെ സാഹസിക കായൽയാത്രയ്‌ക്ക്‌ തുടക്കം. എൻസിസി നേവൽ കേഡറ്റുകളുടെ പര്യവേക്ഷണ കായൽയാത്ര തേവള്ളിയിൽനിന്നാണ് പുറപ്പെട്ടത് . രാജ്യത്തെ മികച്ച നേവൽ യൂണിറ്റിനെ തെരഞ്ഞെടുക്കുന്നതിനായി നടത്തുന്ന ദേശീയ മത്സര ഭാഗമായാണ് പായ് വഞ്ചിയിലെ സാഹസിക കായൽയാത്ര സംഘടിപ്പിച്ചത്‌. തേവള്ളി 3 കെ നേവൽ യൂണിറ്റ് എൻസിസിയിൽ യാത്ര കൊല്ലം ഗ്രൂപ്പ് കമാൻഡർ ബ്രിഗേഡിയർ ജി .സുരേഷ് ഫ്ലാഗ്‌ ഓഫ് ചെയ്തു. അഷ്ടമുടി കായലിൽ ആരംഭിച്ച യാത്ര പുന്നമടക്കായൽ, വേമ്പനാട് കായൽ വഴി ആലപ്പുഴയിലെ കണ്ണങ്കരയിൽ എത്തി മടങ്ങും. ദേശീയ ജലപാത മൂന്നിലൂടെ 10 ദിവസം കൊണ്ട് 220 കിലോമീറ്റർ ദൂരം സഞ്ചരിക്കും. കേരളത്തിലെ വിവിധ ജില്ലകളിൽനിന്നുള്ളവരും ലക്ഷദ്വീപിൽനിന്നുള്ള രണ്ടുപേരും ഉൾപ്പെടെ 65 കേഡറ്റുകൾ പങ്കെടുക്കുന്നു. സംഘത്തിൽ 29 പെൺകുട്ടികളുണ്ട്‌. പായ്കൾ കെട്ടിയ മൂന്ന് ഡികെ വേലർ ബോട്ടുകളിൽ തുഴഞ്ഞുമുന്നേറുന്ന കാഴ്ച ആവേശകരമായി. യുവജനങ്ങളെ എൻസിസിയിലേക്ക്‌ ആകർഷിക്കുക, സവിശേഷ സാഹചര്യങ്ങളെ നേരിടാൻ കേഡറ്റുകൾക്ക്‌ ധൈര്യം പകരുക, അപ്രതീക്ഷിത സാഹചര്യങ്ങളെ അഭിമുഖീകരിക്കാനുള്ള കഴിവ് വികസിപ്പിക്കുക എന്നിവയും പരിപാടിയുടെ ലക്ഷ്യമാണെന്ന്‌ മൂന്ന്‌ കേരള നേവൽ യൂണിറ്റ് കമാൻഡിംഗ് ഓഫീസർ ക്യാപ്റ്റൻ എ. ഉണ്ണിക്കൃഷ്ണൻ പറഞ്ഞു. പാതിരാമണൽ പക്ഷിസങ്കേതം ഉൾപ്പെടെ തെരഞ്ഞ െടുത്ത പ്രദേശങ്ങളുടെ ശുചീകരണം, ബോധവത്കരണ പ്രവർത്തനങ്ങൾ എന്നിവയും യാത്രയുടെ ഭാഗമായി നടക്കും.

ഉറവിട ജൈവമാലിന്യ സംസ്‌കരണം; നൂതന മാര്‍ഗവുമായി പോരുവഴി പഞ്ചായത്ത്

കൊല്ലം: ഉറവിട ജൈവമാലിന്യം നൂറു ശതമാനവും ഉറവിടത്തില്‍ സംസ്‌കരിച്ച് നൂതനമാര്‍ഗങ്ങളുമായി പോരുവഴി പഞ്ചായത്ത്. ശുചിത്വമിഷന്‍റെ ഫണ്ടില്‍നിന്നും 9.45 ലക്ഷം രൂപ ചിലവഴിച്ച് ദൈനംദിനം 50 മുതല്‍ 100 കിലോഗ്രാം വരെ ജൈവമാലിന്യം സംസ്‌കരിക്കാന്‍ പര്യാപ്തമായ ഗോബര്‍ദ്ധന്‍ ബയോഗ്യാസ് പ്ലാന്‍റ് സ്ഥാപിച്ചിരിക്കുകയാണ് പഞ്ചായത്ത്. പോരുവഴി സര്‍ക്കാര്‍ ഹയര്‍ സെക്കന്‍ഡറി സ്‌കൂള്‍, ആയുര്‍വേദ ആശുപത്രി എന്നിവിടങ്ങളിലാണ് പ്ലാന്‍റുകള്‍. ഭക്ഷണ അവശിഷ്‌ടങ്ങളും പാചക അവശിഷ്‌ടങ്ങളും ബയോഗ്യാസ് പ്ലാന്‍റില്‍ സംസ്‌കരിച്ച് പാചകവാതകമായി ഉപയോഗിക്കും. ആയുര്‍വേദ ആശുപത്രിയില്‍നിന്നുള്ള ജൈവമാലിന്യങ്ങള്‍ പ്ലാന്‍റിലൂടെ സംസ്‌കരിച്ച് ഊര്‍ജമാക്കി ശുചിത്വവും ഉറപ്പാക്കുകയാണ് ലക്ഷ്യം. ലഭ്യമാകുന്ന ഊര്‍ജം മരുന്നുകള്‍ തയാക്കാനും പ്രയോജനപ്പെടുത്തും. കരിയില ഒഴികെ ജൈവമാലിന്യങ്ങളെല്ലാം ശാസ്ത്രീയമായി സംസ്‌കരിക്കുന്നു. പ്ലാന്‍റുകളുടെ തുടര്‍പ്രവര്‍ത്തനവും പരിപാലനവും പഞ്ചായത്തിന്‍റെ മേല്‍നോട്ടത്തിലായിരിക്കും. ജില്ലയില്‍ ഒന്നിലധികം പ്ലാന്‍റുകളുടെ നിര്‍മാണം പൂര്‍ത്തിയാക്കിയ ഏക പഞ്ചായത്താണ് പോരുവഴി. വീടുകളിലെ മാലിന്യനിര്‍മാര്‍ജനത്തിനും വിവിധ പദ്ധതികള്‍ പഞ്ചായത്ത് നടപ്പാക്കിയിട്ടുണ്ട്.ധനകാര്യ കമ്മീഷൻ ഗ്രാന്‍റില്‍ നിന്നും 3,26,060 രൂപ വിനിയോഗിച്ച് പഞ്ചായത്തിലെ 137 കുടുംബങ്ങള്‍ക്ക് ഗാര്‍ഹിക മാലിന്യസംസ്‌കരണത്തിന് ഓര്‍ഗാനിക് കമ്പോസ്റ്റ് ബിന്‍ വിതരണം ചെയ്തു. 2380 രൂപ വിലയുള്ളവയ്ക്ക് 90 ശതമാനമാണ് സബ്‌സിഡി. ഗ്രാമസഭ മുഖേന തെരഞ്ഞെടുക്കപ്പെടുന്ന ആറ് സെന്‍റില്‍ താഴെ വസ്തുവുള്ള കുടുംബങ്ങള്‍, കര്‍ഷകര്‍ എന്നിവരാണ് ഗുണഭോക്താക്കള്‍. ഹരിതകര്‍മസേന അംഗങ്ങളുടെ നേതൃത്വത്തില്‍ ഓര്‍ഗാനിക് കമ്പോസ്റ്റ് ബിന്നുകളുടെ തുടര്‍പരിപാലനം ഉറപ്പാക്കുന്നു. ഈ സാമ്പത്തിക വര്‍ഷം ധനകാര്യ കമ്മീഷന്‍ ഗ്രാന്‍റില്‍ നിന്നും 12,89,960 രൂപ പദ്ധതിക്കായി വകയിരുത്തിയിട്ടുണ്ട്. ഇത്തവണ 531 ഗുണഭോക്താക്കള്‍ക്ക് 90 ശതമാനം സബ്‌സിഡി നിരക്കില്‍ ബിന്‍ നൽകാനാണ് ലക്‌ഷ്യം വെച്ചിട്ടുള്ളത്.ജൈവമാലിന്യ സംസ്‌കരണത്തിനായി വീടുകള്‍തോറും ബൊക്കാഷി ബക്കറ്റുകൾ വിതരണംചെയ്തു. 2845 രൂപ യൂണിറ്റ് കോസ്റ്റ് വരുന്ന ബൊക്കാഷി ബക്കറ്റ് 36 കുടുംബങ്ങള്‍ക്ക് നല്‍കി. വിലയുടെ 10 ശതമാനമായ 285 രൂപ ഗുണഭോക്താക്കള്‍ നല്‍കണം. ബാക്കി 90 ശതമാനം പഞ്ചായത്ത് വഹിക്കും. ജൈവമാലിന്യം ബക്കറ്റിലാക്കി ബാക്ടീരിയ ചേര്‍ത്ത് വളമാക്കുന്ന രീതിയാണ് ബൊക്കാഷി.ബക്കറ്റ്, ലാക്റ്റോബാസിലസ് ബാക്ടീരിയപൊടിയും ലഭ്യമാക്കി. ഗുണഭോക്തൃവിഹിതം നല്‍കിയാല്‍പഞ്ചായത്ത് പരിധിയിലെ കുടുംബങ്ങള്‍ക്ക് ബക്കറ്റ് നല്‍കും.

മലയോര മേഖലയിൽ കുരങ്ങും മലയണ്ണാനും വ്യാപക കൃഷിനാശം വരുത്തുന്നു

ഭാരതീപുരം: മലയോര മേഖലയിൽ കൃഷിക്കാർ അനുഭവിക്കുന്ന പ്രതിസന്ധികൾക്ക് ശാശ്വത പരിഹാരം ഉണ്ടാകണമെന്ന് ആവശ്യം ശക്തമാകുന്നു. കുരങ്ങ്, മലയണ്ണാൻ, പന്നി, എന്നിവയുടെ ശല്യം മൂലം കൃഷികൾ നശിക്കുന്നു. ഓണം വിപണി ലക്ഷ്യമിട്ട് കൃഷി ഇറക്കിയ കർഷകർ പലരും നിരാശയിലാണ്. കൂട്ടത്തോടെ എത്തിയ കുരങ്ങുകൾ നേന്ത്രവാഴക്കുലകൾ നശിപ്പിക്കുന്നതിനാൽ കർഷകർ വലയുകയാണ്. പലരും പണം കടംവാങ്ങിയാണ് കൃഷിയിറക്കിയത്. നാളീകേരത്തിന്‍റെ വില കുതിച്ചുയരുന്നു. നൂറ്കണക്കിന് നാളികേരം ലഭിച്ചുകൊണ്ടിരുന്ന കർഷകർക്ക് ഓണക്കാലമായിട്ട് പോലും നാളികേരം ലഭിക്കുന്നില്ല, മലയണ്ണാൻ തെങ്ങിൽ കയറി മുഴുവനും നശിപ്പിക്കുന്നു. അതിനാൽ തെങ്ങിൽ നിന്നുള്ള ആദായവും നിലച്ചു. കൃഷി സ്ഥലത്തിന് ചുറ്റും ഫെൻസിംഗ് സ്ഥാപിച്ച് പന്നിയിൽ നിന്നുമുള്ള ശല്യം ഒരു പരിധിവരെ കുറയുമ്പോൾ മലയണ്ണാൻ, കുരങ്ങ്, ഇവയുടെ ശല്യം മൂലം കൃഷിക്കാർക്ക് ബുദ്ധിമുട്ടുണ്ടാക്കുന്നു. കാലാവസ്ഥ വ്യതിയാനങ്ങൾ മൂലം നഷ്ടം നേരിടുന്ന കർഷകർക്കു സർക്കാർ തലത്തിൽ ഏർപ്പെടുത്തിയിരിക്കുന്ന ഇൻഷുറൻസ് തുക ലഭിയ്ക്കുവാൻ വർഷങ്ങളോളം കാത്തിരിക്കേണ്ട സ്ഥിതിയിലാണ്. കർഷകർക്ക് ഉപകാരപ്രദമായ യൊരു നടപടികളും ഉണ്ടാകുന്നില്ല. വനം വകുപ്പിൽ നിന്നുമുള്ള നഷ്ടപരിഹാരം ലഭിയ്ക്കുവാനുമുള്ള കാലതാമസം ഒഴിവാക്കിയാൽ കർഷകർക്ക് പ്രയോജനമാകും.അതിനുള്ള നടപടികൾ സർക്കാരിന്‍റെ ഭാഗത്തുനിന്ന് ഉണ്ടാകണമെന്നുള്ള ആവശ്യവും ശക്തമാണ്.

ഓണം കളറാക്കാൻ ഉല്ലാസ യാത്രകളുമായി കൊല്ലം ബിടിസി

കൊല്ലം: ഓണക്കാലം ആഘോഷമാക്കാന്‍ കെഎസ്ആര്‍ടിസി ബജറ്റ് ടൂറിസം സെൽ ഓണക്കാല പാക്കേജുകൾ പ്രഖ്യാപിച്ചു. 23 മുതല്‍ സെപ്റ്റംബര്‍ 14 വരെയുള്ള ദിവസങ്ങളില്‍ 26 യാത്രകളാണ് ബിടിസി ഇതിനായി ഒരുക്കിയിരിക്കുന്നത്. വള്ളസദ്യ ഉള്‍പ്പെടുന്ന പഞ്ച പാണ്ഡവ ക്ഷേത്രദര്‍ശനത്തോടെയാണ് യാത്രകള്‍ക്ക് ആരംഭം. അഞ്ചു മഹാവിഷ്ണു ക്ഷേത്രങ്ങളില്‍ ദര്‍ശനം നടത്തി, ആറന്മുള പള്ളിയോട സേവാ സംഘം നല്‍കുന്ന വള്ളസദ്യയും കഴിച്ച് ആറന്മുള കണ്ണാടി നിര്‍മാണവും തൃക്കാക്കുടി ഗുഹ ക്ഷേത്രവും കണ്ടു മടങ്ങിയെത്തുന്ന യാത്രയ്ക്ക് വള്ള സദ്യ ഉള്‍പ്പടെ 910 രൂപയാണ് നിരക്ക്. 23, സെപ്റ്റംബര്‍ മൂന്ന് ,ആറ്, 11 എന്നീ തീയതികളിലാണ് യാത്ര.23നും സെപ്റ്റംബര്‍ 6,14 തീയതികളിൽ വാഗമണ്‍ യാത്ര. രാമക്കല്‍മേട്, പൊന്മുടി യാത്രകള്‍ സെപ്റ്റംബര്‍ 24നാണ്. ഗവിയിലേക്ക് ഓഗസ്റ്റ് 27,31. സെപ്റ്റംബര്‍ 4, 8 എന്നീ ദിവസങ്ങളില്‍ പോകാം. അടവി എക്കോ ടൂറിസം സെന്‍റര്‍, ഗവി, പരുന്തുംപാറ എന്നിവ ഉള്‍പ്പെടുന്ന ട്രിപ്പിന് ഈടാക്കുന്നത് 1750 രൂപയാണ്. പാക്കേജില്‍ ഉച്ചഭക്ഷണം, ബോട്ടിംഗ്, എല്ലാ എന്‍ട്രി ഫീസുകളും, ഗൈഡി െ ന്‍റ ഫീസും ഉള്‍പ്പെടും. വിനായക ചതുര്‍ഥിദിവസമായ ഓഗസ്റ്റ് 27ന് മള്ളിയൂര്‍ ഗണപതി ക്ഷേത്രത്തിലേക്കു തീര്‍ഥാടന യാത്ര ഒരുക്കിയിട്ടുണ്ട്. ആദിത്യ നാരായണ സൂര്യ ക്ഷേത്രം, ഏറ്റുമാനൂര്‍ ശിവ ക്ഷേത്രം, തിരുവല്ലഭ മഹാ വിഷ്ണു ക്ഷേത്രം, പനച്ചിക്കാട് സരസ്വതി ക്ഷേത്രം എന്നിവ ഉള്‍പ്പെടുന്ന യാത്രയുടെ നിരക്ക് 630 രൂപയാണ്. അന്വേഷണങ്ങള്‍ക്ക് : 9747969768, 9995554409.

ക്ഷീരകര്‍ഷകരുടെ വരുമാനം ഉറപ്പാക്കാന്‍ ‘അജഗ്രാമം' പദ്ധതിയുമായി ചടയമംഗലം ബ്ലോക്ക് പഞ്ചായത്ത്

കൊല്ലം: ക്ഷീരമേഖലയിലെ കര്‍ഷകരുടെ വരുമാന വര്‍ധനയും ആട് വളര്‍ത്തലില്‍ പിന്തുണയും ലക്‌ഷ്യം വെച്ച് അജഗ്രാമം പദ്ധതി നടപ്പാക്കി ചടയമംഗലം ബ്ലോക്ക് പഞ്ചായത്ത്. ബ്ലോക്ക് പരിധിയിലെ എട്ട് പഞ്ചായത്തുകളില്‍ ഗുണമേന്മയുള്ള ആടുകളെ വിതരണം ചെയ്ത് പാലിന്‍റെ ലഭ്യത ഉറപ്പാക്കാനാണിത്. ബ്ലോക്ക് പഞ്ചായത്ത് ജില്ലാ ലൈവ്‌സ്റ്റോക്ക് ആന്‍റ് ഹോര്‍ട്ടികള്‍ച്ചറല്‍ സൊസൈറ്റിയുടെ ഇട്ടിവ പഞ്ചായത്തിലെ ചാണപ്പാറ വാര്‍ഡില്‍ സ്ഥിതിചെയ്യുന്ന തേക്കില്‍ ഫാമുമായി കരാറില്‍ ഏര്‍പ്പെട്ടാണ് ആടുവിതരണം. പദ്ധതി നിര്‍വഹണത്തിനായി 60 മലബാറി ഇനം ആടുകളെ ബ്ലോക്ക് പഞ്ചായത്ത് ഫാമിലേക്ക് സൗജന്യമായി നല്‍കി.കരാര്‍പ്രകാരം ഒരു വര്‍ഷം അഞ്ച് മാസം പ്രായമുള്ള 20 പെണ്‍ ആടുകളെയും അഞ്ച് മുട്ടനാടുകളെയും ഒരാടിന് 2,000 രൂപ നിരക്കില്‍ ആദ്യ രണ്ടുവര്‍ഷം ബ്ലോക്ക് പഞ്ചായത്തിന് കൈമാറണം. തുടര്‍ന്നുള്ള മൂന്ന് വര്‍ഷം ഇത്രയും ആടുകളെ മുന്‍ നിശ്ചയിച്ച നിരക്കിന്‍റെ 50 ശതമാനം വിലയില്‍ നല്‍കണം. പദ്ധതിയുടെ നടത്തിപ്പിനായി ബ്ലോക്ക് പഞ്ചായത്ത് ഓരോ വര്‍ഷവും തെരഞ്ഞെടുക്കുന്ന വനിതാ സംരംഭകര്‍ ഉള്‍പ്പെടുന്ന അഞ്ച് ഗ്രൂപ്പുകളില്‍ ഓരോ ഗ്രൂപ്പിനും നാല് പെണ്‍ ആടുകളും ഒരു മുട്ടനാടിനെയും നല്‍കും. പദ്ധതിക്കായി 4,37,400 രൂപയാണ് വിനിയോഗിച്ചത്.അടുത്ത അഞ്ച് വര്‍ഷത്തില്‍ 25 ആട് പ്രജനന യൂണിറ്റുകള്‍ പഞ്ചായത്ത് സ്ഥാപിക്കും. ആടുകളെ ലൈവ് സ്റ്റോക്ക് ആന്‍ഡ് ഹോട്ടികള്‍ച്ചറല്‍ സൊസൈറ്റി സൗജന്യനിരക്കില്‍ ബ്ലോക്ക് പഞ്ചായത്തിന് നല്‍കും. ക്ഷീരമേഖലയില്‍ സ്വയംതൊഴിലിനും പാലുല്പാദനമേഖലയില്‍ സ്വയംപര്യാപ്തതയ്ക്കും വേണ്ടി സ്വയംസഹായ സംഘങ്ങള്‍ക്ക് കറവപ്പശു വളര്‍ത്തല്‍, കാലിത്തീറ്റ സബ്‌സിഡി, പാലിന് സബ്‌സിഡി എന്നീ ആനുകൂല്യങ്ങളും നല്‍കിവരുന്നുണ്ടെന്നു പ്രസിഡന്‍റ് ലതികാ വിദ്യാധരന്‍ പറഞ്ഞു.

സാന്ത്വനമായി ‘കേരള കെയര്‍'

ജില്ലയില്‍ രജിസ്റ്റർ ചെയ്തത് 8081 രോഗികൾ കൊല്ലം: ഗൃഹകേന്ദ്രീകൃതപരിചരണം ഉറപ്പാക്കുന്ന ആരോഗ്യവകുപ്പിന്‍റെ ആശ്വാസപരിചരണ ചട്ടക്കൂടായി ‘കേരള കെയര്‍'. ഗുരുതര രോഗബാധിതര്‍ക്കും കുടുംബങ്ങള്‍ക്കും ചികിത്സ, സാമൂഹികവും മാനസികവുമായ പിന്തുണയും ഉറപ്പാക്കുന്ന പദ്ധതി തദ്ദേശസ്വയംഭരണ സ്ഥാപനങ്ങള്‍ മുഖേനയാണ് നടപ്പിലാക്കി വരുന്നത്. ജില്ലയില്‍ 8081 രോഗികളാണ് സേവനത്തിനായി കേരള കെയറിൽ ഇതിനകം രജിസ്റ്റര്‍ ചെയ്തിട്ടുള്ളത്. രോഗികള്‍, സന്നദ്ധ സംഘടനകള്‍, സന്നദ്ധപ്രവര്‍ത്തകര്‍ എന്നിവര്‍ക്കും രജിസ്റ്റര്‍ ചെയ്യാം. 503 സര്‍ക്കാര്‍ സംവിധാനങ്ങള്‍, 175 സര്‍ക്കാര്‍ ഇതര സംവിധാനങ്ങള്‍ പദ്ധതിയുടെ ഭാഗമാണ്. ഇവ മുഖേനയാണ് രോഗികള്‍ക്ക് വൈദ്യസഹായം ഉള്‍പ്പെടെ സൗജന്യമായി നല്‍കുന്നത്. 421 ജനകീയ ആരോഗ്യകേന്ദ്രങ്ങള്‍, 58 കുടുംബാരോഗ്യകേന്ദ്രങ്ങള്‍, 16 സാമൂഹികാരോഗ്യകേന്ദ്രങ്ങള്‍, എട്ട് പ്രധാന ആശുപത്രികളും 41 സന്നദ്ധസംഘടനകളും 134 സന്നദ്ധപ്രവര്‍ത്തകരും ഇതിൽ ഉൾപ്പെടും. പദ്ധതി ആരംഭിച്ച് മൂന്ന് മാസത്തിനകം 18606 ഭവനസന്ദര്‍ശനം നടത്തി പരിചരണത്തിന് തുടക്കമായി. ജില്ലയില്‍ രജിസ്റ്റര്‍ ചെയ്ത രോഗികളില്‍ 3083 സ്ത്രീകളാണ്. 4992 പുരുഷന്മാരും ആറ് ട്രാന്‍സ്ജെന്‍ഡര്‍ വിഭാഗത്തിലുള്ളവരും ഉൾപ്പെടും. കൂടുതൽ രോഗികളും 71 മുതല്‍ 80 വയസിനിടയിൽ പ്രായമുള്ളവരാണ്. 81 - 90 വയസിനിടെ പ്രായമുള്ള 2042 പേരാണ് ഉള്ളത്. 61നും 70നും ഇടയില്‍ 1580, 91 വയസില്‍ മുകളില്‍ 617 എന്നിങ്ങനെയാണ് രജിസ്‌ട്രേഷന്‍. 18 വയസുവരെ 54, 19നും 30നും ഇടയില്‍ 92, 31-40 പ്രായപരിധിയില്‍ 146, 41-50 വിഭാഗത്തില്‍ 367, 51നും 60നും ഇടയില്‍ 663 രോഗികള്‍ക്കാണ് സാന്ത്വനപരിചരണം ലഭിക്കുന്നത്. സ്വന്തമായി ചലിക്കാന്‍ കഴിയാത്ത 2188 പേര്‍ ഇക്കൂട്ടത്തിലുണ്ട്. കിടക്കയില്‍ സ്വയംചലനശേഷിയുള്ളവര്‍ 1245, പരസഹായത്തോടെ ഇരിക്കാന്‍ കഴിയുന്നവര്‍ 879, പരസഹായമില്ലാതെ ഇരിക്കാനാകുന്നവര്‍ 594, മറ്റുള്ളവരുടെസഹായത്തോടെ എഴുന്നേല്‍ക്കാന്‍കഴിയുന്നവര്‍ 536. പാലിയേറ്റീവ് കെയര്‍ കമ്യൂണിറ്റി നഴ്സ്, സ്റ്റാഫ് നഴ്സ്, ഫിസിയോതെറാപിസ്റ്റ്, മെഡിക്കല്‍ ഓഫീസര്‍, ആയുര്‍വേദ ഹോംകെയര്‍, ഹോമിയോസംഘം, ഹെല്‍ത്ത് ഇന്‍സ്പെക്ടര്‍, ജെ പി എച്ച് എൻ, ആശ - സന്നദ്ധ പ്രവര്‍ത്തകര്‍, ഉള്‍പ്പെടെ വീടുകളിലെത്തിയാണ് ആശ്വാസപരിചരണം നിര്‍വഹിക്കുക. ആരോഗ്യപരിശോധന, വൈദ്യസഹായം, മരുന്നുകള്‍, പരിചരണസാമഗ്രികള്‍, വീല്‍ചെയര്‍, വാട്ടര്‍ബെഡ് തുടങ്ങിയ ഉപകരണങ്ങള്‍ തുടങ്ങിയവ ലഭ്യമാക്കിയാണ് ശുശ്രൂഷ. പൂര്‍ണമായുംകിടപ്പിലായ രോഗികള്‍ക്ക്പരിഗണന നല്‍കി കൃത്യമായ ഇടവേളകളില്‍ പരിചരണം നല്‍കുന്നുണ്ട്. പഞ്ചായത്ത്, നഗരസഭാ തലങ്ങളിലായി 80 പാലിയേറ്റീവ് കെയര്‍ കമ്യൂണിറ്റി നഴ്സുമാരെ നിയമിച്ചിട്ടുണ്ട്. നിശ്ചിത ഓണറേറിയം ഇവർക്ക് അതത് തദ്ദേശസ്ഥാപനങ്ങള്‍ നല്‍കും. വിദഗ്ധപരിചരണ യൂണിറ്റുകള്‍ ഉള്ള സി എച്ച് സികള്‍, താലൂക്ക് ആശുപത്രികള്‍, ജില്ലാ ആശുപത്രി എന്നിവിടങ്ങളില്‍ ദേശീയ ആരോഗ്യമിഷന്‍ സ്റ്റാഫ് നഴ്സിനെയും ഫിസിയോതെറാപ്പിസ്റ്റിനെയും നിയോഗിച്ചിട്ടുണ്ട്. സര്‍ക്കാര്‍ സര്‍വീസിലെ ഡോക്ടറും മേല്‍നോട്ടത്തിനുണ്ടാകും. പാരിപ്പള്ളി മെഡിക്കല്‍ കോളജിലെ പാലിയേറ്റീവ് കെയര്‍ യൂണിറ്റില്‍ സൈക്കോളജിസ്റ്റി െ ന്‍റ സേവനവും ലഭ്യമാക്കിയിട്ടുണ്ട്.

പത്രവിതരണഏജന്‍റ് കുഴഞ്ഞുവീണ് മരിച്ചു

കൊട്ടാരക്കര: പത്ര വിതരണത്തിനിടെ ഏജന്‍റ് കുഴഞ്ഞ് വീണ് മരിച്ചു. നീലേശ്വരം ചരുവിളപുത്തൻ വീട്ടിൽ സജികുമാർ (47)ആണ് മരിച്ചത്. ഇന്നലെ രാവിലെ മകനോടൊപ്പം അമ്പത്തുംകാല ഭാഗത്തെ വീടുകളിൽ പത്രം വിതരണം ചെയ്യുന്നതിനിടെയാണ് നെഞ്ചു വേദന അനുഭവപ്പെട്ട് കുഴഞ്ഞ് വീണത്. ഉടൻ തന്നെ കൊട്ടാരക്കര താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സജികുമാർ കൊട്ടാരക്കര കോടതിയിലെ അഭിഭാഷക ഗുമസ്തൻ ആയിരുന്നു. ഭാര്യ: എം. എസ്. ആര്യ. മക്കൾ. അശ്വൻ, ആദ്വൈത്.

വയോധിക വീട്ടിൽ മരിച്ച നിലയിൽ

പരവൂർ: കരുനാഗപ്പള്ളി പാവുമ്പയിൽ വയോധികയെ ദുരൂഹസാഹചര്യത്തിൽ മരിച്ച നിലയിൽ കണ്ടെത്തി. പാവുമ്പ സൗത്ത് പോണാൽ ക്ഷേത്രത്തിനു സമീപം ബിനു സദനത്തിൽ രാമചന്ദ്രൻ നായരുടെ ഭാര്യ രാജാമണിയമ്മ (71)യെയാണ് മരിച്ച നിലയിൽ കണ്ടെത്തിയത്. ഇന്നലെ രാവിലെ 11 ഓടെയാണ് രാജാമണിയമ്മയെ മുറിയിൽ മരിച്ച നിലയിൽ കാണപ്പെട്ടത്. സ്ഥലത്തെത്തിയ കരുനാഗപ്പള്ളി പോലീസ് മേൽ നടപടികൾ സ്വീകരിച്ചു.

ഗതാഗത നിരോധനം

കൊല്ലം: ബീഡിമുക്ക് ചണ്ണപ്പേട്ട റോഡില്‍ അറ്റകുറ്റപണികള്‍ നടത്തേണ്ടതിനാല്‍ ഇന്ന് മുതല്‍ രണ്ട് ദിവസത്തേക്ക് ഗതാഗത നിരോധനം ഏര്‍പ്പെടുത്തും. ചണ്ണപ്പേട്ടയില്‍ നിന്നും ബീഡിമുക്ക് ഭാഗത്തേക്ക് പോകുന്ന വാഹനങ്ങള്‍ പുല്ലാഞ്ഞിയോട് - മീന്‍കുളം വഴിയും തിരിച്ചും പോകണമെന്ന് പൊതുമരാമത്ത് നിരത്ത് വിഭാഗം അസിസ്റ്റന്‍റ് എഞ്ചിനിയര്‍ അറിയിച്ചു.

വിലക്കിഴിവോടെ 25 മുതല്‍ കരകൗശല ഉത്പന്നങ്ങളുടെ ഓണ വിൽപ്പനക്ക് തുടക്കം

കൊല്ലം: ഓണക്കാലത്ത് പ്രകൃതിജന്യ വസ്തുക്കളില്‍ പ്രാദേശിക കലാപ്രവര്‍ത്തകര്‍ തീര്‍ത്ത വേറിട്ട കരകൗശല വിസ്മയങ്ങള്‍ സ്വന്തമാക്കാന്‍ അവസരം. വിലക്കുറവിന്‍റെ ആകര്‍ഷക വിപണി ഒരുക്കുന്നത് കരകൗശലവികസന കോര്‍പറേഷന്‍റെ ബീച്ച് റോഡിലെ കെട്ടിടത്തിൽ പ്രവർത്തിക്കുന്ന ജില്ലാതല വില്‍പനകേന്ദ്രമായ കൈരളി ഹാന്‍ഡിക്രാഫ്റ്റ്‌സ് ആണ്. 25 മുതല്‍ സെപ്തംബര്‍ 30 വരെയാണ് ‘വൈഭവം 2025’ മേള സംഘടിപ്പിച്ചിട്ടുള്ളത്.തേക്ക്, ഈട്ടി, കുമ്പിള്‍ തടികളിലെ ശില്‍പചാരുതയും രുദ്രാക്ഷ-തുളസിമാലകളുടെ വൈവിധ്യവുമുണ്ടാകും. ആറന്‍മുള കണ്ണാടി, ആഭരണപെട്ടികള്‍, തടിയില്‍കൊത്തിയ ചെറുവഞ്ചിവീടുകള്‍, ചന്ദനതൈലം, മാലകള്‍, രക്തചന്ദനആഭരണങ്ങള്‍, വേറിട്ട ഉത്പന്നശേഖരം വിലക്കിഴിവോടെ വാങ്ങാനുള്ള അവസരമാണിതെന്ന് ജില്ലാ മാനേജര്‍ പി. എസ്. വത്സലന്‍ അറിയിച്ചു.

കർഷക ദിനം കണ്ണീർ ദിനം: പ്രതിഷേധ സദസ് നടത്തി

കൊട്ടിയം:സംസ്ഥാനസർക്കാർ കർഷക ദ്രോഹനടപടികളിലൂടെ കർഷകരെ കണ്ണിരിലാഴ്ത്തി ആത്മഹത്യയിലേക്ക് തള്ളിവിടുന്നതായി ഡിസിസിജനറൽ സെക്രട്ടറി ഫൈസൽ കുളപ്പാടം . കർഷകർ ഉൽപ്പാദിപ്പിച്ച നെൽ സിവിൽ സപ്ലൈസ് വഴി സംഭരിച്ച വകയിൽ ഇപ്പോഴും അഞ്ഞുറ് കോടി രൂപയോളം കുടിശിക വരുത്തി കർഷകരെ വഞ്ചിക്കുകയാണ് പിണറായി സർക്കാർ ചെയ്യുന്നതെന്ന് അദ്ദേഹം പറഞ്ഞു. കർഷക കോൺഗ്രസ് കുണ്ടറ നിയോജക മണ്ഡലം കമ്മിറ്റി കർഷക ദിനം കണ്ണീർദിനമായി ആചരിക്കുന്നതിന്‍റെ ഭാഗമായി നെടുമ്പനയിലെ കുളപ്പാടത്ത് സംഘടിപ്പിച്ച കർഷക പ്രതിഷേധ സദസ്ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. നിയോജകമണ്ഡലം പ്രസിഡന്‍റ് ജേക്കബ് കുഞ്ഞപ്പൻ അധ്യക്ഷതവഹിച്ചു.കെ.ബി.ഷഹാൽ മുഖ്യപ്രഭാഷണം നടത്തി. കർഷക കോൺഗ്രസിന്‍റെയും കോൺഗ്രസിന്‍റെയും മുതിർന്ന നേതാക്കളായ നാസിമുദീൻ ലബ്ബ, എ.എൽ. നിസാമുദീൻ,അയത്തിൽ നിസാം, പള്ളിമൺ ശരത്ത്,അനിൽ,ആസാദ് നാൽപാങ്കൽ,സുനിൽ കുമാർ, വിനയകുമാർ, ഷഹാബുദീൻ, പി.സി.ജോൺ, മാമച്ചൻ നല്ലില,ഇബ്രാഹിം കുട്ടി, ഷാൻ, ഷിഹാബ് എന്നിവർ പ്രസംഗിച്ചു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]