ADVERTISEMENT

ADVERTISEMENT

ഗാന്ധി കലോത്സവം ഉദ്ഘാടനം ഇന്ന്

കൊല്ലം: ഗാന്ധിജയന്തി വാരാഘോഷത്തിന്‍റെ ഭാഗമായി വിദ്യാര്‍ഥികള്‍ക്കായി ഇന്നു രാവിലെ 9.30 മുതല്‍ കൊല്ലം പബ്ലിക് ലൈബ്രറിയിലെ സോപാനം സരസ്വതി ഹാളിൽ ഗാന്ധി കലോത്സവം നടത്തും.

ജില്ലാ കളക്ടർ എൻ. ദേവിദാസ് ഉദ്ഘാടനം നിർവഹിക്കും. ഡെപ്യൂട്ടി മേയർ എസ് .ജയൻ അധ്യക്ഷനാകും. കോർപറേഷൻ സ്ഥിരം സമിതി അധ്യക്ഷൻ എ.കെ .സവാദ്, ഗാന്ധി പീസ് ഫൗണ്ടേഷൻ സെക്രട്ടറി ജി.ആർ. കൃഷ്ണകുമാർ,

ജില്ല ശിശുക്ഷേമ സമിതി സെക്രട്ടറി ഡി .ഷൈൻ ദേവ്, എഡിഎം ജി .നിർമൽ കുമാർ, ഇൻഫർമേഷൻ പബ്ലിക് റിലേഷൻസ് വകുപ്പ്, മേഖല ഡപ്യൂട്ടി ഡയറക്ടർ കെ. എസ്. ശൈലേന്ദ്രൻ, അസിസ്റ്റന്‍റ് ഇൻഫർമേഷൻ ഓഫീസർ എം. എസ്. പ്രശാന്ത് തുടങ്ങിയവർ പങ്കെടുക്കും.

തുടർന്ന് എല്‍പി, യുപി ഹൈസ്‌കൂള്‍ വിഭാഗം വിദ്യാര്‍ഥികള്‍ക്ക് ചിത്രരചനാ മത്സരവും യുപി, ഹൈസ്‌്കൂള്‍ വിഭാഗത്തിന് ഗാന്ധി കവിതാലാപാന മത്സരവും ഹൈസ്‌കൂള്‍ വിഭാഗത്തിന് ഗാന്ധി ക്വിസ് മത്സരവും നടത്തും.

ADVERTISEMENT

25 ജോഡി നിര്‍ധന യുവതി യുവാക്കള്‍ക്ക് ഗാന്ധിഭവനില്‍ മംഗല്യഭാഗ്യം

കൊല്ലം: വേള്‍ഡ് മലയാളി കൗണ്‍സില്‍ ഫിലാഡല്‍ഫിയ പ്രൊവിന്‍സിന്‍റെ ആഭിമുഖ്യത്തില്‍ പത്തനാപുരം ഗാന്ധിഭവന്‍റെ സഹകരണത്തോടെ 25 ജോഡി നിര്‍ധന യുവതി യുവാക്കളുടെ വിവാഹം ഗാന്ധിഭവനില്‍ നടന്നു. രാവിലെ ഗാന്ധിഭവനിലെത്തിച്ചേര്‍ന്ന വധൂവരന്മാരെ വസ്ത്രങ്ങളും ചെരുപ്പുകളും അനുബന്ധ ചമയങ്ങളും ഉള്‍പ്പടെ നല്‍കി അണിയിച്ചൊരുക്കി. ഒൻപതോടെ അവരെ വേള്‍ഡ് മലയാളി കൗണ്‍സിലിന്‍റെ പ്രധാന ഭാരവാഹികൾ ബാന്‍റ് മേള അകമ്പടിയോടെ ഘോഷയാത്രയായി വിവാഹ ഓഡിറ്റോറിയത്തിലേക്ക് ആനയിച്ചു. തുടർന്ന് ആയിരങ്ങളെ സാക്ഷിനിര്‍ത്തി 25 ജോഡി കളുടെയും വിവാഹകർമം നടന്നു. താലിമാല, മോതിരം, വള ഉള്‍പ്പടെയുള്ള സ്വർണാഭരണങ്ങള്‍, യാത്രാചെലവ്, മൂന്നു തരം പായസമടങ്ങിയ വിഭവസമൃദ്ധമായ സദ്യ, പോക്കറ്റ് മണി അടക്കം വധൂവരന്മാര്‍ക്ക് ആവശ്യമായ എല്ലാ കാര്യങ്ങളും നിര്‍വഹിച്ചത് വേള്‍ഡ് മലയാളീ കൗണ്‍സിലിന്‍റെ ഫിലാഡല്‍ഫിയ പ്രൊവിന്‍സായിരുന്നു. കൗണ്‍സിലിന്‍റെ മുപ്പതാമത് വാര്‍ഷികാഘോഷങ്ങളുടെ ഭാഗമായാണ് സമൂഹ വിവാഹം നടത്തുന്നത്. തുടര്‍ന്ന് നടന്ന പൊതുസമ്മേളനം പ്രതിപക്ഷ നേതാവ് വി.ഡി. സതീശന്‍ ഉദ്ഘാടനം ചെയ്തു. മന്ത്രി കെ.ബി. ഗണേഷ് കുമാര്‍, കൊടിക്കുന്നില്‍ സുരേഷ് എംപി, എന്‍.കെ. പ്രേമചന്ദ്രന്‍ എം പി, ശൂരനാട് മൗണ്ട് സീനായ് ആശ്രമം സുപ്പീരിയര്‍ റവ. ഗീവര്‍ഗീസ് റമ്പാന്‍, ജനാബ് തടിക്കാട് സെയ്ത് ഫൈസി, ശുഭാനന്ദാശ്രമം ജനറല്‍ സെക്രട്ടറി ഗീതാനന്ദ സ്വാമി തുടങ്ങി രാഷ്ട്രീയ സാമൂഹിക സാംസ്‌കാരിക മേഖലയില്‍ നിന്നുള്ള പ്രമുഖർ നവദമ്പതികള്‍ക്ക് ആശംസകള്‍ നേരാൻ എത്തിയിരുന്നു. ഗോത്ര വിഭാഗത്തില്‍ നിന്ന് 80 ജോഡി ഉള്‍പ്പടെ 370 നിര്‍ധന യുവതികളുടെ വിവാഹം ഇതിനോടകം പത്തനാപുരം ഗാന്ധിഭവന്‍ നടത്തിയിട്ടുണ്ട്.ചടങ്ങുകള്‍ക്ക് വേള്‍ഡ് മലയാളി കൗണ്‍സില്‍ ഗ്ലോബല്‍ ചെയര്‍മാന്‍ ഗോപാലപിള്ള, ഗ്ലോബല്‍ പ്രസിഡന്‍റ് ജോണ്‍ മത്തായി, ഗ്ലോബല്‍ ജനറല്‍ സെക്രട്ടറി ക്രിസ്റ്റഫര്‍ വര്‍ഗീസ്, ഫിലാഡെല്‍ഫിയ പ്രസിഡന്‍റ് നൈനാന്‍ മത്തായി, ഗാന്ധിഭവന്‍ സെക്രട്ടറി പുനലൂര്‍ സോമരാജന്‍ എന്നിവര്‍ നേതൃത്വം നല്‍കി.

ഓച്ചിറ കാളകെട്ടുത്സവം ഇന്ന്

കരുനാഗപ്പള്ളി: ഓച്ചിറ പരബ്രഹ്മ ക്ഷേത്രത്തിലെ ഇരുപത്തി എട്ടാം ഓണഘോഷ ഭാഗമായുള്ള ചരിത്ര പ്രസിദ്ധമായ കാളകെട്ടുൽസവം ഇന്ന് നടക്കും. ഓണാട്ടുകരക്കാർ ഒറ്റക്കെട്ടായി പരബ്രഹ്‌മ സന്നിധിയിലേക്ക് എത്തും. കരുനാഗപ്പള്ളി ,കാർത്തികപ്പള്ളി, മവേലിക്കര താലൂക്കുകളിൽപ്പെട്ട അൻപത്തി രണ്ടു കരകളിൽ നിന്നുള്ള ഇരുനൂറിൽ പരം നന്ദി കേശന്മാരെയാണ് ഓച്ചിറ പടനിലത്ത് ഇന്ന് എത്തിക്കുക. ഓരോ കരക്കാരും മത്സരബുദ്ധിയോടെ കാളകളെ അണിയിച്ചൊരുക്കുകയും ചെണ്ട-പഞ്ചാരി-പാണ്ടി മേളങ്ങളുടെ അകമ്പടിയോടുകൂടി ആഘോഷപൂര്‍വ്വം ക്ഷേത്രത്തിലേക്ക് ആനയിച്ചു കൊണ്ടു വരുകയുമാണ് ചെയ്യുക. ഇക്കുറിയും തലയെടുപ്പോടുകൂടി ഞക്കനാൽ പടിഞ്ഞാറെക്കരക്കാർ എഴുപത്തിരണ്ട് അടി ഉയരത്തിൽ അണിയിച്ചൊരുക്കുന്ന കാലഭൈരവൻ തന്നെ പടനിലത്തെ പ്രധാന ആകർഷണമായിരിക്കും. ഒറ്റത്തടിയിൽ നിർമിച്ച മുഖവും, ചട്ടത്തിൽ കെട്ടു കാളയെ ഒരുക്കി വൈക്കോല്‍ പൊതിഞ്ഞു ചുമപ്പ്, വെള്ള നിറത്തിലുള്ള തുണികൊണ്ടു മൂടികെട്ടിയ ശരീരവുമാണ് കെട്ടു കാളകള്‍ക്കുള്ളത്. പല വിധത്തില്‍ അലങ്കരിച്ച് മണി മാലയുമണിയിച്ചാണ് പടനിലത്ത് എത്തിക്കുന്നത് .കൈ വെള്ളയിൽ എടുക്കാവുന്നത് മുതൽ അംബരചുംബികളായ കെട്ടു കാളകളെ വരെയാണ് കെട്ടു കാള സമിതികൾ തയാറാക്കിയിട്ടുള്ളത്. കെട്ടുൽസവ സമിതികൾ നേർച്ചയായാണ് പരബ്രഹ്മത്തിനു മുന്നിൽ കെട്ടുകാളകളെ സമർപ്പിക്കുന്നത്. ഒരു മാസത്തെ വ്രതാനുഷ്ഠാനങ്ങളോടെയാണ് കെട്ടുകാളകളെ നിർമിക്കുന്നത്. ഓരോ കാളമൂട്ടിലും പ്രത്യേകം തയ്യാറാക്കിയ പന്തലിൽ ഭാഗവത പാരായണം, അന്നദാനം ,വിശേഷാൽ പൂജകളും വഴിപാടുകളും നടന്നു വരുകയായിരുന്നു. ഇരുപത്തിഎട്ടാം ഓണ ദിവസമായ ഇന്ന് രാവിലെയാണ് കെട്ടുരുപ്പടികളെ അതാതു കരക്കാരുടെ നേതൃത്വത്തിൽ പരബ്രഹ്മ ക്ഷേത്രത്തിൽ എത്തിക്കുക.

യുവാവിന്‍റെ സ്വർണാഭരണം മോഷ്‌ടിച്ചയാൾ പിടിയിൽ

കരുനാഗപ്പള്ളി: ഉറങ്ങിക്കിടന്ന യുവാവിന്‍റെ സ്വർണാഭരണം മോഷ്ടിച്ച പ്രതി പിടിയിൽ. പന്മന ഇടയ്ക്കാട്ട്പടിഞ്ഞാറ്റേ തറയിൽ സെൽവകുമാർ ( 42 ) ആണ് കരുനാഗപ്പള്ളി പോലീസിന്‍റെ പിടിയിലായത്. ഇക്കഴിഞ്ഞ മാസം അഞ്ചിനു കരുനാഗപ്പള്ളിയിലെ ഒരു ജ്വല്ലറിയുടെ മുന്നിൽ കിടന്നുറങ്ങുകയായിരുന്ന പന്മന സ്വദേശിയായ യുവാവിന്‍റെ കൈയിൽ കിടന്ന കൈ ചെയിനും മോതിരവും മോഷ്ടിച്ചു കൊണ്ടുപോവുകയായിരുന്നു . തുടർന്നു കരുനാഗപ്പള്ളി പോലീസിൽ നൽകിയ പരാതിയുടെ അടിസ്ഥാനത്തിൽ കേസെടുത്തു സിസിടിവിയും മറ്റും പരിശോധിച്ചതിൽ തിരിച്ചറിഞ്ഞ പ്രതിയെ പിടികൂടുകയായിരുന്നു. കരുനാഗപ്പള്ളി പോലീസ് സ്റ്റേഷൻ എസ്എച്ച്ഒ വി. ബിജുവിന്‍റെ നേതൃത്വത്തിൽ എസ്ഐമാരായ ഷമീർ, ആഷിക് എസ് സിപിഒ ഹാഷിം,സിപിഓമാരായ മനോജ്, ഗ്രീഷ്മ എന്നിവരടങ്ങിയ സംഘമാണ് പ്രതിയെ പിടികൂടിയത്.

തോട്ടിൽ കക്കൂസ് മാലിന്യം ഒഴുക്കി

ചാത്തന്നൂർ: ചാത്തന്നൂർ പഞ്ചായത്തിന്‍റെ ജീവവാഹിനിയായി ഒഴുകുന്ന തോട്ടിൽ കക്കൂസ് മാലിന്യം ഒഴുക്കി. ഏറം ലക്ഷംവീട് കോളനിക്ക് താഴ്ഭാഗത്തുള്ള തോട്ടിലാണ് കഴിഞ്ഞദിവസം അർധരാത്രിക്ക് ശേഷം മാലിന്യം ഒഴുക്കിയത്. കാരംകോട് തലച്ചിറ നിന്നുത്ഭവിച്ച് ഒമ്പത് കിലോമീറ്റർ അകലെ പോളച്ചിറ ഏലായിൽ ഒഴുകി എത്തുന്ന ചാത്തന്നൂർ തോട് ജനങ്ങളുടെ പ്രധാന ആശ്രയമാണ്. കുളിക്കാനും തുണി അലക്കാനും കന്നുകാലികളെ കുളിപ്പിക്കാനും വാഹനങ്ങൾ കഴുകാനുമൊക്കെ ആശ്രയിക്കുന്നത് ചാത്തന്നൂർ തോടിനെയാണ് . ഇതിനായി നൂറിലേറെ കടവുകളും തോട്ടിലുണ്ട്. നെൽകൃഷിക്കും ഏലകളിലെ മറ്റ് കൃഷികൾക്കും ചാത്തന്നൂർ തോട്ടിലെ ജലമാണ് ഉപയോഗിക്കുന്നത്. ശ്രീഭൂതനാഥക്ഷേത്രം മുതൽ പോളച്ചിറ വരെയുള്ള ഏലാകളിലെ കൃഷി ഈ തോട്ടിലെ വെള്ളത്തെ ആശ്രയിച്ചാണ്. വലിയ മത്സ്യസമ്പത്തിന്‍റെ ആവാസകേന്ദ്രവുമാണ്. ബുധനാഴ്ച രാവിലെയാണ് നാട്ടുകാർ തോട്ടിലെ കക്കൂസ് മാലിനും കണ്ടെത്തിയത്. ഉടൻ തന്നെ ജനപ്രതിനിധികളെയും പോലീസിനെയും വിവരമറിയിച്ചു. പോലീസ് സമീപ സ്ഥലങ്ങളിലെ സിസിടിവി ദൃശ്യങ്ങൾ പരിശോധിച്ചെങ്കിലും മാലിന്യം ഉപേക്ഷിച്ച വാഹനത്തെക്കുറിച്ച് സൂചനകളൊന്നും ലഭിച്ചില്ല. ജെസിബി എത്തിച്ച് ഒഴുകിപോകാതെ കിടന്ന മാലിന്യങ്ങൾ കോരി മാറ്റി കുഴിച്ചിട്ടു. ചാത്തന്നൂർ തോടിനെ ആശ്രയിക്കുന്നവർ കരുതലെടുക്കുന്നത് നല്ലതാണെന്ന് സിവിൽ സ്റ്റേഷൻ വാർഡ് അംഗം ആർ. സന്തോഷ് മുന്നറിയിപ്പു നൽകി.

117 ലിറ്റർ മദ്യവുമായി ഒരാൾ അറസ്റ്റിൽ

കൊല്ലം: നഗരത്തിൽ പോലീസ് നടത്തിയ പരിശോധനയിൽ 117 ലിറ്റർ ഇന്ത്യൻ നിർമിത വിദേശ മദ്യവുമായി ഒരാളെ അറസ്റ്റ് ചെയ്തു. പട്ടത്താനം ഓറിയന്‍റ് നഗർ 33 -ജി ആശാൻ പറമ്പിൽ വീട്ടിൽ ഡാനി ജേക്കബ് (51)ആണ് പിടിയിലായത്. ഗോവയിൽ നിന്നു വാങ്ങി കൊല്ലത്ത് വിൽപ്പനയ്ക്ക് കൊണ്ടുവന്ന 750 മില്ലി ലിറ്റർ അളവിലുള്ള 118 കുപ്പി മദ്യവും പിടിച്ചെടുത്തതിൽ ഉൾപ്പെടുന്നു. ഇതു ഗോവയിൽ മാത്രം വിൽപനയ്ക്ക് അനുമതിയുള്ളതാണ്. കൂടാതെ ബിവറേജസ് കോർപ്പറേഷൻ വഴി വിതരണം ചെയ്യുന്ന 500 മില്ലി ലിറ്റർ അളവിലുള്ള വിവിധ പേരുകളിലെ 51 കുപ്പി മദ്യവും ഒരു ലിറ്ററിന്‍റെ മൂന്ന് കുപ്പി മദ്യവുമാണ് പിടിച്ചെടുത്തത്. ഡ്രൈ ഡേയിൽ വിൽക്കുന്നതിനായി ഇയാൾ നേരത്തേ തന്നെ മദ്യം ശേഖരിച്ച് വച്ചിരിക്കയായിരുന്നു. ഇയാളെ ചോദ്യം ചെയ്തതിന്‍റെ അടിസ്ഥാനത്തിൽ ഗോവയിൽ നിന്നു കൊല്ലത്ത് സ്ഥിരമായി മദ്യം എത്തിക്കുന്നയാളെ കുറിച്ചു വ്യക്തമായ സൂചന പോലീസിന് ലഭിച്ചിട്ടുണ്ട്. കൊല്ലം ഈസ്റ്റ് സിഐ അനിൽ കുമാർ, ജൂനിയർ എസ്ഐ ആശ്നി, സിപിഒമാരായ അജയകുമാർ, രാഹുൽ, അഖിൽ എന്നിവർ അടങ്ങിയ സംഘമാണ് പ്രതിയെ പിടികൂടിയത്.

എംഡിഎംഎയും കഞ്ചാവുമായി യുവാവ് പിടിയിൽ

ചവറ: തേവലക്കരയിൽ എംഡി എം എയും കഞ്ചാവുമായി യുവാവ് പിടിയിൽ. പന്മന മാവേലി പനമൂട്ടിൽ തറയിൽ നിന്ന് തേവലക്കരയിൽ ഇപ്പോൾ വാടകയ്ക്ക് താമസിക്കുന്ന വീട്ടിൽ പരിശോധന നടത്തിയാണ് മുഹമ്മദ് റിയാസി ( 28 ) നെ പോലീസ് പിടികൂടിയത്. വാടകയ്ക്ക് താമസിക്കുന്ന വീട്ടിലെ മുറിക്കുള്ളിൽ രഹസ്യ മായി സൂക്ഷിച്ച 13 ഗ്രാം എം ഡി എം എയും 12 ഗ്രാം കഞ്ചാവുമാണ് പോലീസ് പിടിച്ചത്. ഇപ്പോൾ തേവലക്കര - മൊട്ടക്കൽ മുറിയിൽ പുതിയ വീട്ടിലാണ് വാടകക്ക് താമസിക്കുന്നത്. പോലീസിന് കിട്ടിയ രഹസ്യ വിവരത്തിന്‍റെ അടിസ്ഥാനത്തിൽ കൊല്ലം സിറ്റിയിലെ ടാൻസാഫ് ടീം അംഗങ്ങളുo തെക്കുംഭാഗം പോലീസ് ഇൻസ്പെക്ടർ ശ്രീകുമാർ, സബ് ഇൻസ്പെക്ടർ റഹിം, എ എസ് ഐ രാജേഷ് എന്നിവരുടെ നേതൃത്വത്തിലുള്ള സംഘമാണ് യുവാവിന്‍റെ കുന്നേ മുക്കിലുള്ള വാടകവീട്ടിൽ പരിശോധന നടത്തി ലഹരിവസ്തുക്കളും യുവാവിനെയും കസ്റ്റഡിയിലെടുത്തത്. അറസ്റ്റിലായ യുവാവ് കുറച്ചു നാളുകളായി അന്യ സംസ്ഥാനങ്ങളിൽ നിന്നും രഹരി വസ്തുക്കൾ തേവലക്കര, പന്മന, ചവറ, തെക്കുംഭാഗം പ്രദേശങ്ങളിൽ കച്ചവടം നടത്തി ചെറുപ്പക്കാരെയും കുട്ടികളെയും ലഹരിക്ക് അടിമയാക്കുകയായിരുന്നു. ലഹരി വസ്തുക്കൾ എത്തിക്കുന്ന മറ്റുള്ളവരെ കുറിച്ച് വിവരം കിട്ടിയിട്ടുണ്ടെന്നും സംഘത്തെ അറസ്റ്റ് ചെയ്യുമെന്നും തെക്കുംഭാഗം ഇൻസ്പെക്ടർ അറിയിച്ചു. ഇയാളെ കോടതി റിമാൻഡ് ചെയ്തു.

സ്വീകരണം നൽകി

കൊല്ലം: നാഷണൽ ലെവൽ കരാട്ടെ മത്സരങ്ങളിൽ സ്വർണ മെഡൽ നേടിയ എസ്.എൽ. ഗൗരി ലക്ഷ്മി (പ്ലസ് ടു സയൻസ്), സിഎസ് സി സോണൽ റീജണൽ ഫുട്ബോൾ ടൂർണമെന്‍റ് സെലക്ഷൻ നേടി നാഷണൽ ഫുട്ബോൾ ടൂർണമെന്‍റ് ഗോൾഡ് മെഡൽ നേടിയ എസ്. മുഹമ്മദ് അലി(പ്ലസ് ടു കോമേഴ്സ്) എന്നീ വിദ്യാർഥികൾക്ക് സ്വീകരണം നൽകി. സ്കൂളിൽ നടന്ന ചടങ്ങിൽ ഡെപ്യൂട്ടി മേയർ ജയൻ ഫുട്ബോൾ കോച്ച് ശ്യാം, പ്രിൻസിപ്പൽ സിസ്റ്റർ ഹേമ മേരി എന്നിവരാണ് വിദ്യാർഥികളെ ആദരിച്ചത്. ആദര സൂചകമായി ബാൻഡ് മേള അകമ്പടിയോടുകൂടി സ്കൂളിൽ നിന്നും ഘോഷയാത്ര പള്ളിമുക്ക് നഗരപ്രദക്ഷിണം നടത്തി.

മോഷ്ടാവിനെ സ്ത്രീകൾ പിടിച്ചു പോലീസിൽ ഏൽപിച്ചു

കൊല്ലം: അഞ്ചലിൽ വനിതകൾ നടത്തുന്ന ഹോട്ടലിലെത്തി ഊണ് കഴിച്ച ശേഷം ഹോട്ടലിലെ മൊബൈൽ ഫോൺ മോഷ്ടിച്ചു കടന്നു കളഞ്ഞ ഇതരസംസ്ഥാന തൊഴിലാളിയെ ഹോട്ടൽ നടത്തുന്ന സ്ത്രീകൾ തന്നെ നാലു ദിവസങ്ങൾക്കു ശേഷം അഞ്ചൽ ബസ്റ്റാൻഡിൽ തടഞ്ഞു വച്ചു പോലീസിനെ ഏൽപ്പിച്ചു. പശ്ചിമ ബംഗാൾ സ്വദേശി സിജുറാളിനെയാണ് പിടികൂടി പോലീസിനെ ഏല്പിച്ചത്. ഇയാളുടെ കൈയിലുണ്ടായിരുന്ന സഞ്ചി പരിശോധിച്ചതിൽ അഞ്ചു മൊബൈൽ ഫോണുകൾ പോലീസ് കണ്ടെത്തി. ഹോട്ടലിൽ നിന്നും മോഷണം പോയ മൊബൈൽ ഫോണും സഞ്ചിയിൽ ഉണ്ടായിരുന്നു. അഞ്ചൽ ബിഎഡ് കോളജിൽ സമീപം വനിതകൾ നടത്തിവരുന്ന തട്ടകം ഹോട്ടലിൽ നിന്നാണ് ഇയാൾ മൊബൈൽ ഫോൺ മോഷ്ടിച്ച് കടന്നു കളഞ്ഞത്. ഇയാൾ അഞ്ചലിൽ താമസിച്ചു ജോലി ചെയുന്നതിന്‍റെ മറവിൽ ചില്ലറ മോഷണം നടത്തി വരുന്ന ആളാണെന്നു മനസിലായതായി പോലീസ് പറഞ്ഞു. തങ്ങളുടെ മൊബൈൽ ഫോൺ മോഷ്ടിച്ച ഇയാളെ തിരക്ക് കഴിഞ്ഞ നാലുദിവസമായി അഞ്ചലിലും പരിസരത്തും തിരഞ്ഞു നടക്കുകയായിരുന്നു ഹോട്ടലുടമകളായ പ്രമീള, ഗിരിജ എന്നിവർ. അഞ്ചൽ പ്രൈവറ്റ് ബസ് സ്റ്റാൻഡിൽ നിന്നും കണ്ടെത്തുകയും ഇയാളെ തടഞ്ഞുവെച്ചു പോലീസിൽ ഏല്പിക്കുകയുമായിരുന്നു

നിയന്ത്രണംവിട്ട വാഹനം ഒന്നിലധികം കാറിൽ ഇടിച്ചു

കുണ്ടറ : എഴുകോൺ ജംഗ്ഷനു സമീപം നിയന്ത്രണംവിട്ട വാഹനം ഒന്നിലധികംകാറിൽ ഇടിച്ച് അപകടം. കഴിഞ്ഞ ദിവസം രാത്രി പത്തോടെയായിരുന്നു അപകടം. കുണ്ടറ ഭാഗത്തു നിന്നും വന്ന നെടുവത്തൂർ സ്വദേശിയുടെ ഉടമസ്ഥതയിലുള്ള മഹീന്ദ്ര എക്സ് യു വി 500 കൊട്ടാരക്കര ഭാഗത്തു നിന്നും വന്ന കൊല്ലം സ്വദേശിയുടെ ഉടമസ്ഥതയിലുള്ള ഹ്യുണ്ടായി ക്രീറ്റ, എന്നീ കാറുകളെ ഇടിക്കുകയായിരുന്നു. ക്രീറ്റ യിൽ ഉണ്ടായിരുന്ന യാത്രക്കാർ സാരമായ പരിക്കുകളോടെ രക്ഷപ്പെട്ടു. എക്സ് യു വി കുണ്ടറയിൽ ഒരു ഫോർഡ് എക്കോ സ്പോർട്ട്, സിഫ്റ്റ് ഡിസയർ എന്നീരണ്ടു കാറുകളിൽ തട്ടിയശേഷം നിർത്താതെ അമിത വേഗതയിൽ വരികയായിരുന്നു എന്ന് ദൃക്‌സാഷികൾ പറഞ്ഞു.

കുരുന്നു വിരലുകളിൽ അക്ഷര സ്പർശം...

ചവറ : ക്ഷേത്രങ്ങളില്‍ വിജയ ദശമി ആചരണം നടന്നു. അറിവിന്‍റെ ആദ്യാക്ഷരം കുറിക്കുവാൻ നിരവധി കുരുന്നുകള്‍ ക്ഷേത്രങ്ങളിലെത്തി .രാവിലെ ഏഴിന് ശേഷം വിജയ ദശമി പൂജകള്‍ക്ക് ശേഷം പൂജയെടുപ്പും തുടര്‍ന്ന് കുട്ടികളെ എഴുത്തിനിരുത്തുകയും ചെയ്തു. പൊന്മന കാട്ടില്‍ മേക്കതില്‍ ദേവി ക്ഷേത്രത്തില്‍ ക്ഷേത്രം തന്ത്രി തുറവൂര്‍ പി.ഉണ്ണിക്കൃഷ്ണന്‍റെ മുഖ്യ കാര്‍മികത്വത്തില്‍ കുട്ടികളെ എഴുത്തിനിരുത്തി. തേവലക്കര തെക്കന്‍ ഗുരുവായൂര്‍ ശ്രീകൃഷ്ണ സ്വാമി ക്ഷേത്രത്തില്‍ ഇഗ്നോ അക്കാദമിക് കൗണ്‍സിലര്‍ ഡോ. ആര്‍.എസ്. രാജീവ്, തിരുവനന്തപുരം യൂണിവേഴ്‌സിറ്റി കോളജ് റിട്ട. പ്രഫ.രഘുനാഥന്‍പിള്ള എന്നിവര്‍ ആദ്യക്ഷരം പകര്‍ന്നു നല്‍കി.സോപാന സംഗീതം, പഞ്ചവാദ്യം, പഞ്ചാരി മേളം എന്നിവയുടെ അരങ്ങേറ്റവും നടന്നു.ചവറ കൊറ്റന്‍കുളങ്ങര ദേവി ക്ഷേത്രത്തില്‍ മേല്‍ ശാന്തി ആര്‍ .രഞ്ജിത് നമ്പൂതിരി കുരുന്നുകള്‍ക്ക് ആദ്യക്ഷരം കുറിച്ചു. പന്മന സുബ്രഹ്‌മണ്യ സ്വാമി ക്ഷേത്രത്തില്‍ മേല്‍ ശാന്തി മുകേഷ് കുമാര്‍ നമ്പൂതിരി ആദ്യക്ഷരം കുറിപ്പിച്ചു. ചവറ തെക്കുംഭാഗം പനയ്ക്കറ്റോടില്‍ ദേവി ക്ഷേത്രം, ഗുഹാനന്ദപുരം ക്ഷേത്രം, പന്മന മിന്നാം തോട്ടില്‍ ദേവി ക്ഷേത്രം, പന്മന സുബ്രഹ്‌മണ്യ സ്വാമി ക്ഷേത്രം എന്നിവടങ്ങളിലും വിജയ ദശമി ഭക്തി പുരസരം ആചരിച്ചു. ശാസ്താംകോട്ട : രാജഗിരി ബ്രൂക്ക് ഇന്‍റർനാഷണൽ സ്കൂളിൽ വിജയദശമി ദിവസത്തോട് അനുബന്ധിച്ച് വിദ്യാരംഭ ചടങ്ങുകൾ നടന്നു. ബ്രൂക്ക് ഡയറക്ടർ ഫാ. ഡോ. ജി. എബ്രഹാം തലോത്തിൽ കുരുന്നുകൾക്ക് ആദ്യാക്ഷരം പകർന്നു നൽകി. ശാസ്താംകോട്ടയുടെ വൈജ്ഞാനിക കേന്ദ്രമായ ബ്രൂക്ക് ഇന്‍റർനാഷണൽ സ്കൂളിന്‍റെ വിദ്യാലയമുറ്റത്തായിരുന്നു വിദ്യാരംഭ ചടങ്ങുകൾ ക്രമീകരിച്ചിരുന്നത്. അമൃതപുരി : സമ്പൂർണ വിജയത്തിന്‍റെയും പൂർണതയുടെയും പ്രതീകമാണ് വിജയദശമിയെന്ന് മാതാ അമൃതാനന്ദമയി. അധർമത്തിന്‍റെമേലുള്ള ധർമത്തിന്‍റെയും അജ്ഞാനത്തിന് മേലുള്ള ജ്ഞാനത്തിന്‍റെയും വിജയമാണത്. അമൃതപുരി ആശ്രമത്തിൽ നടന്ന വിജയദശമി ദിനസന്ദേശത്തിൽ മാതാ അമൃതാനന്ദമയി പറഞ്ഞു. വിജയദശമി ദിനത്തിൽ ആശ്രമത്തിലെ പ്രധാന പ്രാർഥനാ ഹാളിൽ ആരംഭിച്ച പരിപാടികളിൽ വിദേശികൾ ഉൾപ്പെടെ ആയിരകണക്കിന് ഭക്തരാണ് പങ്കെടുത്തത്. തുടർന്ന് നടന്ന വിദ്യാരംഭ ചടങ്ങിൽ മാതാ അമൃതാനന്ദമയി നൂറുകണക്കിന് കുരുന്നുകൾക്ക് ആദ്യാക്ഷരം കുറിച്ചു. വിശ്വശാന്തിക്കായുള്ള ധ്യാനം, ഭജന എന്നിവയും തുടർന്ന് നടന്നു. അഞ്ഞൂറിലധികം സംഗീതോപാസകർ അവതരിപ്പിച്ച നാദോപാസന ശ്രദ്ധേയമായി. കലാപരിപാടികളും അരങ്ങേറി.

കേരളം വിദ്യാഭാസ - ആരോഗ്യ രംഗത്തെ ഹബ്ബായി മാറുന്നു: മന്ത്രി കെ.എൻ. ബാലഗോപാൽ

കൊല്ലം: മികച്ച വിദ്യാഭ്യാസവും ആരോഗ്യ പരിചരണവും നൽകി കേരളം വിദ്യാഭ്യാസ -ആരോഗ്യ രംഗത്തെ ഹബ്ബായി മാറുകയാണെന്നു മന്ത്രി കെ.എൻ. ബാലഗോപാൽ. ശ്രീനാരായണഗുരു ഓപ്പണ്‍ യൂണിവേഴ്‌സിറ്റിയുടെ അഞ്ചാമത് സ്ഥാപക ദിനാഘോഷം കുരീപ്പുഴയിലെ ഹെഡ്ക്വാർട്ടേഴ്സ് ഓഡിറ്റോറിയത്തില്‍ ഉദ്ഘാടനം ചെയ്തു പ്രസംഗിക്കുകയായിരുന്നു മന്ത്രി. യൂണിവേഴ്സിറ്റി ആസ്ഥാന കെട്ടിടത്തിന്‍റെ മാസ്റ്റർ പ്ലാനിന്‍റെ അനാച്ഛാദനം മന്ത്രി കെ.എൻ. ബാലഗോപാൽ സിൻഡിക്കേറ്റ് മെമ്പർ അഡ്വ.ജി. സുഗുണനു നൽകി നിർവഹിച്ചു. കുരീപ്പുഴ ശ്രീകുമാർ രചിച്ച് സംഗീത സംവിധായകൻ എം.ജയചന്ദ്രൻ ഈണം നൽകിയ സർവകലാശാല ഗീതത്തിന്‍റെ പ്രകാശനവും മന്ത്രി നിർവഹിച്ചു. ഗവര്‍ണര്‍ രാജേന്ദ്ര അർലേക്കർ വീഡിയോ സന്ദേശത്തിലൂടെ യൂണിവേഴ്സിറ്റിയ്ക്ക് അഭിനന്ദനങ്ങൾ അറിയിച്ചു. മുഖ്യമന്ത്രി പിണറായി വിജയന്‍റെ സന്ദേശം സിൻഡിക്കേറ്റ് അംഗം വി.പി. പ്രശാന്ത് വായിച്ചു. എം. മുകേഷ് എംഎല്‍എ അധ്യക്ഷനായി. ബി.ആര്‍. അംബേദ്കര്‍ ഓപ്പണ്‍ യൂണിവേഴ്സിറ്റി വൈസ് ചാന്‍സലര്‍ ഡോ. ഘണ്ടാ ചക്രപാണി മുഖ്യാതിഥിയായിരുന്നു. ശ്രീനാരായണഗുരു ഓപ്പൺ യൂണിവേഴ്സിറ്റി നിർമിത ബുദ്ധിയുടെ സഹായത്തോടെ വികസിപ്പിച്ചെടുത്ത വെർച്വൽ അധ്യാപകൻ ‘ഡിജി ഗുരുവിനെ' ചടങ്ങിൽ പരിചയപ്പെടുത്തി. പുതിയ അക്കാദമിക് കോഴ്സുകളായ എംബിഎ, എംസിഎ പ്രൊഫഷണല്‍ പ്രോഗ്രാമുകളുടെയും ബിഎ പബ്ലിക് അഡ്മിനിസ്‌ട്രേഷന്‍, എംഎസ് ഡബ്ല്യു, ബിഎസ് സി മള്‍ട്ടിമീഡിയ, എംഎസ് സി മാത്തമാറ്റിക്‌സ് തുടങ്ങിയവയുടെ പ്രഖ്യാപനവും നടത്തി. പഠനസാമഗ്രികൾ പഠിതാക്കൾക്ക് പോസ്റ്റ് വഴി അയയ്ക്കുന്നതിനുള്ള പദ്ധതിയുടെ ഉദ്ഘാടനം എം നൗഷാദ് എംഎൽഎ നിർവഹിച്ചു. ജില്ലാ പഞ്ചായത്ത് പ്രസിഡന്‍റ് ഡോ.പി.കെ. ഗോപന്‍, വൈസ് ചാന്‍സലര്‍ വി.പി.ജഗതിരാജ്, കവി കുരീപ്പുഴ ശ്രീകുമാർ, സിൻഡിക്കേറ്റ് അംഗം അഡ്വ. വി.പി. പ്രശാന്ത്,രജിസ്ട്രാർ ഡോ. എ.പി.സുനിത, സർവകലാശാല മുൻ വൈസ് ചാൻസലർ ഡോ. എസ്.വി. സുധീർ, മുൻ സിൻഡിക്കേറ്റ് അംഗം ബിജു കെ.മാത്യു, കൗൺസിലർ ഗിരിജാ തുളസീധരൻ, അസിസ്റ്റന്‍റ് പ്രഫ. ഡോ. ജി. ഇന്ദുദാസ് തുടങ്ങിയവര്‍ പങ്കെടുത്തു.

ഉഷ അമ്മാളിനു കാരുണ്യത്തിന്‍റെ തണലൊരുക്കി സന്തോഷ് കുമാർ

പ്രദീപ് ചാത്തന്നൂർ ചാത്തന്നൂർ: അടച്ചുറപ്പുള്ള ഒരു വിട് ഉഷ അമ്മാളിന്‍റെ സ്വപ്നമായിരുന്നു. മഞ്ഞും മഴയും വെയിലും ഏല്ക്കാതെ തലചായ്ക്കാനൊരിടം. വളർന്നു വരുന്ന രണ്ടു പെൺമക്കളെ സുരക്ഷിതമായി വളർത്താൻ ഒരു കൂര. ഇതെല്ലാമായിരുന്നു ആ അമ്മയുടെ മോഹങ്ങളിൽ നിറഞ്ഞു നിന്നിരുന്നത്. കല്ലുവാതുക്കൽ തെറ്റിക്കുഴിയിൽ ഒരു കുടുസു മുറിയിലായിരുന്നു ഇവർ ജീവിച്ചു വന്നത്. ഭർത്താവ് ചിദംബരം ആചാരി രോഗങ്ങൾ കൊണ്ടു വീർപ്പു മുട്ടുകയാണ്. എങ്കിലും ലോട്ടറി ടിക്കറ്റ് വില്പനയ്ക്കു പോകും. അതിൽ നിന്നും കിട്ടുന്ന തുച്ഛമായ വരുമാനം കൊണ്ടാണ് രണ്ടു പെൺമക്കൾ ഉൾപ്പെടെയുള്ള നാലംഗ കുടുംബത്തിന്‍റെ ജീവിതം. പൊട്ടി പൊളിഞ്ഞ മേൽക്കൂരയിൽ ടാർപാളിനും പ്ലാസ്റ്റിക് ഷീറ്റുകളും കൊണ്ടു മറക്കുമെങ്കിലും മഴ പെയ്താൽ ചോർച്ച തന്നെ. രാത്രി കാലങ്ങളിൽ ഉറങ്ങാതെ ചോർച്ചയില്ലാത്ത ഭാഗത്തു കൂനി കൂടിയിരുന്ന് ഉറക്കം നഷ്ടമാകുന്ന കുടുംബാംഗങ്ങൾ. ഇപ്പോൾ അഞ്ചു മാസമായി ഈ കുടുംബം താമസിക്കുന്നതു സ്വപ്നങ്ങളിൽ പോലും കാണാൻ കഴിയാതിരുന്ന വീട്ടിലാണ്. രണ്ടു കിടക്കമുറികൾ. അടുക്കള, ഹാൾ , സിറ്റൗട്ട്, കിണർ,കക്കൂസ്, വൈദ്യുതി എല്ലാ വിധ സൗകര്യങ്ങളുമുള്ള വീട്. എട്ടു ലക്ഷത്തോളം രൂപ ചെലവാക്കി നിർമിച്ചവീട്. കല്ലുവാതുക്കൽ നടയ്ക്കൽ ആലുവിളആറാട്ട് കണ്ടത്തിനു സമീപം മൂന്നുസെന്‍റ് സ്ഥലം വിലയ്ക്ക് വാങ്ങി അതിൽ മനോഹരവും സുരക്ഷിതത്വവുമുള്ള വീട് നിർമിച്ച് ഉഷാ അമ്മാളിനു നല്കുകയായിരുന്നു ഒരു മനുഷ്യ സ്നേഹി - വി.എസ്. സന്തോഷ്കുമാർ. ശിവജ്യേതി അമ്മ വീട് എന്നാണ് ഉഷ അമ്മാൾ ഈ വീട്ടിനു പേരിട്ടിരിക്കുന്നത്. കല്ലുവാതുക്കൽ ആസ്ഥാനമായിപ്രവർത്തിക്കുന്ന അമ്മ എന്‍റർപ്രൈസസ് ആന്‍റ് ഗോൾഡ് ലോൺസിന്‍റെ മാനേജിംഗ് ഡയറക്ടറാണ് വി.എസ്.സന്തോഷ് കുമാർ. തന്‍റെ ലാഭത്തിന്‍റെ 90 ശതമാനവും ചാരിറ്റി പ്രവർത്തനങ്ങൾക്കായി വിനിയോഗിക്കുന്ന വ്യക്തി. ഇതിനായി ഇദ്ദേഹം ചെയർമാനായി അമ്മ ചാരിറ്റബിൾ ട്രസ്റ്റ് എന്ന സംഘടനയും പ്രവർത്തിക്കുന്നുണ്ട്. സ്വന്തം വീടിന്‍റെ ഗൃഹപ്രവേശനത്തിനു മുമ്പ് ഉഷ അമ്മാളിന്‍റെ വീടിന്‍റെ ഗൃഹപ്രവേശനം നടത്തണമെന്ന വാശിയുമുണ്ടായി. ഉഷ അമ്മാളിന്‍റെ വീടിന്‍റെ ഗൃഹപ്രവേശന കർമം നടത്തി തൊട്ടടുത്ത ദിവസം സന്തോഷ് കുമാർ സ്വന്തം വീടിന്‍റെ ഗൃഹപ്രവേശന കർമ്മവും നടത്തുകയായിരുന്നു സന്തോഷ് കുമാറിന്‍റെ ബാല്യ-കൗമാരകാലങ്ങൾ അത്ര സുഖകരമായിരുന്നില്ല. ഓട്ടോറിക്ഷ ഡ്രൈവറായി തുടക്കം. പിന്നെ ഹോട്ടൽ ജീവനക്കാരനായി. സ്വന്തമായി ഒരു ഓട്ടോറിക്ഷ വാങ്ങിച്ചു. വായ്പ എടുത്ത് കസേര,മേശ, ടാർപ്പാളിൻ എന്നിവ വാടകയ്ക്ക് കൊടുക്കുന്ന സ്ഥാപനം തുടങ്ങി. കഷ്ടപ്പെട്ട് സ്വരുക്കുട്ടിയത് ഉപയോഗിച്ച് 29 വർഷം മുമ്പു ചെറിയ തോതിൽ സ്വർണപണയം എടുക്കുന്ന സ്ഥാപനം തുടങ്ങി. ഇന്നു 14 ബ്രാഞ്ചുകളോടെ മികച്ച രീതിയിൽ പ്രവർത്തിക്കുന്നു. ഭാര്യ റവന്യൂ ഉദ്യോഗസ്ഥയായ ശ്രീജസന്തോഷും മക്കളായ ശ്രീനന്ദനയും ശ്രീഹരി സന്തോഷും സന്തോഷ് കുമാറിന്‍റെ എല്ലാ കാരുണ്യ പ്രവർത്തനങ്ങൾക്കും ശക്തി പകർന്ന് ഒപ്പമുണ്ട്.

അനധികൃത വിദേശമദ്യ വില്പന: യുവാവ് അറസ്റ്റില്‍

ചാത്തന്നൂർ: അനധികൃതമായി വിദേശമദ്യം ഓട്ടോറിക്ഷയില്‍ വച്ച് വില്പന നടത്തി വന്നയാൾ ചാത്തന്നൂർ പോലീസിന്‍റെപിടിയിലായി. ചാത്തന്നൂര്‍ കുമ്മല്ലൂര്‍ സ്വദേശി ഷിനു(42) ആണ് പിടിയിലായത്. കൊല്ലം ജില്ലാ പോലീസ് മേധാവിക്ക് കിട്ടിയ വിവരത്തിന്‍റെഅടിസ്ഥാനത്തില്‍ ചാത്തന്നൂര്‍ പോലീസും സിറ്റി ഡാന്‍സാഫ് ടീമും സംയുക്തമായി ഓട്ടോറിക്ഷയില്‍ മദ്യവില്പന നടത്തുന്നത് നേരിൽ കണ്ടു അറസ്റ്റ് ചെയ്യുകയായിരുന്നു. തുടര്‍ന്ന് നടത്തിയ പരിശോധനയില്‍ പ്രതിയുടെ വീട്ടില്‍ നിന്ന് 16 ലിറ്റര്‍ വിദേശമദ്യവും കൂടി കണ്ടെടുക്കുകയായിരുന്നു. മദ്യവ്യാപാര സ്ഥാപനങ്ങൾ തുടര്‍ച്ചയായി അവധിയായ രണ്ടു ദിവസങ്ങളില്‍ ചില്ലറ വില്‍പ്പന നടത്താനായി വാങ്ങി സൂക്ഷിച്ചിരുന്ന വിദേശമദ്യമാണ് പിടികൂടിയത്. ചാത്തന്നൂര്‍ പോലിസ് സ്റ്റേഷന്‍ സബ് ഇന്‍സ്‌പെക്ടര്‍ ബി. കെ. ബിജുബാല്‍, എഎസ്ഐ സാംജി ജോണ്‍, സിപിഒ മാരായ പ്രേം ലാല്‍, ബിജു, സുമിന ടി. താജ്, ഡാൻസാഫ് എസ്ഐ സായി സേനന്റെ നേതൃത്വത്തിൽ എഎസ്ഐ മാരായ സജു, സീനു, മനു, സിപിഒ മാരായ അനൂപ്, റഫീഖ് എന്നിവരടങ്ങിയ സംഘമാണ് പ്രതിയെ പിടികൂടിയത്.

മുക്കടവ് കൊലക്കേസ്: അന്വേഷണം തമിഴ്നാട്ടിലേക്ക്

പുനലൂർ: മുക്കടവ് കൊലക്കേസിന്‍റെഅന്വേഷണം വീണ്ടും തമിഴ്നാട്ടിലേയ്ക്ക്. അവിടെ കാണാതായവരുടെ ലിസ്റ്റ് പോലീസ് സംഘം പരിശോധിച്ചു വരികയാണ്. കാര്യമായ തെളിവുകളൊന്നും ലഭിച്ചിട്ടില്ല. പോലീസ് സംഘം ഇന്നലെയും പ്രദേശം മുഴുവൻ അരിച്ചു പെറുക്കിയെങ്കിലും യാതൊന്നും കണ്ടെത്താനായില്ല. പ്രദേശത്തെ കാടുവെട്ടിത്തെളിച്ചപ്പോൾ കത്തിക്കരിഞ്ഞ കാവി നിറത്തിലുള്ള കൈലിയുടെ രണ്ടു കഷണങ്ങൾ ഇവിടെ നിന്ന് കണ്ടെത്തിയിരുന്നു. സമീപ ജില്ലകളിൽ നിന്ന് കാണാതായവരുടെ ലിസ്റ്റും പോലീസ് ശേഖരിച്ചു വരുന്നു. തെളിവുകൾ ഉടൻ കണ്ടെത്താൻ കഴിയുമെന്നാണ് പോലീസ് സംഘത്തിന്‍റെ പ്രതീക്ഷ.

കഞ്ചാവുമായി രണ്ടുപേർ പിടിയിൽ

അഞ്ചല്‍ : ചടയമംഗലം പോലീസ് സ്റ്റേഷന്‍ പരിധിയില്‍ മൂന്നര കിലോ കഞ്ചാവുമായി രണ്ടുപേരെ പോലീസ് പിടികൂടി. ആയൂർ ഇളമാട് തേവന്നൂർ അഖിൽ ഭവനിൽ അഖില്‍ (25), തേവന്നൂർ കാവനാംകോണം മലയിൽ പുത്തൻവീട്ടിൽ അഞ്ഞൂറാൻ എന്ന് വിളിക്കുന്ന അഷറഫ് (35) എന്നിവരാണ് പിടിയിലായത്. കഴിഞ്ഞ ദിവസം റൂറല്‍ ഡാന്‍സഫ് സംഘവും ചടയമംഗലം പോലീസും സംയുക്തമായി നടത്തിയ പരിശോധനയിലാണ് കഞ്ചാവ് പിടികൂടുന്നത്. ആസാമിൽ നിന്നും ട്രെയിൻ മാർഗം വർക്കല എത്തി അവിടെ നിന്നും പുലർച്ചെ ബൈക്കിൽ തേവന്നൂരിലേക്ക് വരും വഴി അയിത്തിലയിൽ വച്ചാണ് ഇവര്‍ പിടിയിലാകുന്നത്. കേരളത്തിലും അന്യസംസ്ഥാനങ്ങളിലും നിരവധി കഞ്ചാവ് കേസുകളിൽ പ്രതിയാണ് അഖിൽ. ജില്ലയിലെ വിവിധ സ്ഥലങ്ങളിൽ സ്കൂൾ കോളജുകൾ കേന്ദ്രീകരിച്ചു കഞ്ചാവ് വിപണനം ചെയ്യുന്ന പ്രധാനികളാണ് ഇപ്പോള്‍ പിടിയിലായത്. സുനീഷിന്‍റെ നേതൃത്വത്തിൽ റൂറൽ ഡാൻസഫ് എസ്ഐമാരായ ബാലാജി എസ്. കുറുപ്പ്, ജ്യോതിഷ് ചിറവൂർ, ചടയമംഗലം എസ്ഐ മോനിഷ് ഡാൻസഫ് അംഗങ്ങളായ സജുമോൻ, ദിലീപ്, വിപിൻ ക്ലീറ്റസ്, അനീഷ്, ആദർശ്, ആലിഫ് ഖാൻ, ബിനിൽ എന്നിവരടങ്ങുന്ന സംഘമാണ് പ്രതികളെ പിടികൂടിയത്. അറസ്റ്റ് രേഖപ്പെടുത്തിയ പ്രതികളെ കോടതിയില്‍ ഹാജരാക്കി റിമാൻഡ് ചെയ്തു.

മയക്കുമരുന്ന് കേസുകളിലെ പ്രതിയെ കരുതൽ തടങ്കലിലാക്കി

കൊല്ലം: നിരവധി മയക്കുമരുന്നു കേസുകളിൽ പ്രതിയായ വ്യക്തിയെ എക്സൈസ് ഉദ്യോഗസ്ഥർ കരുതൽ തടങ്കലിലാക്കി. കൊറ്റങ്കര മാമൂട് വയലിൽ പുത്തൻ വീട്ടിൽ സുനിലിനെയാണ് കരുതൽ തടങ്കലിലാക്കിയത്. ജില്ലയിൽ എക്സൈസ് നടപ്പിലാക്കുന്ന ആദ്യത്തെ കരുതൽ തടങ്കലാണിത്. കൊല്ലം എക്സൈസ് റേഞ്ച് ഓഫീസ്, കൊല്ലം എക്സൈസ് സർക്കിൾ ഓഫീസ്, തെന്മല, കുണ്ടറ പോലീസ് സ്റ്റേഷനുകൾ എന്നിവിടങ്ങളിൽ രജിസ്റ്റർ ചെയ്ത നിരവധി മയക്കുമരുന്ന് കേസുകളിൽ പ്രതിയാണ് സുനിൽ. ഏറ്റവും അവസാനമായി പിടിക്കപ്പെട്ടത് അഞ്ചൽ എക്സൈസ് റേഞ്ചിൽ രജിസ്റ്റർ ചെയ്ത കേസിലാണ്. ആര്യങ്കാവ് ചെക്ക്പോസ്റ്റിൽ മേയ് 27 നു സംസ്ഥാന എക്സൈസ് കമ്മീഷണറുടെ പ്രത്യേക സ്ക്വാഡ് ഇയാളിൽ നിന്ന് 13.24 കിലോഗ്രാം കണ്ടെത്തിയതായിരുന്നു പ്രസ്തുത കേസ്. തെന്മല പോലീസ് കഞ്ചാവ് കേസിൽ പിടികൂടിയ ശേഷം ജാമ്യത്തിൽ കഴിയവേയാണ് സുനിൽ ആര്യങ്കാവ് ചെക്ക് പോസ്റ്റിൽ പിടിക്കപ്പെടുന്നത്. ഈ കേസിൽ തിരുവനന്തപുരം പൂജപ്പുര സ്പെഷൽ സബ് ജയിലിൽ കഴിഞ്ഞു വരവെയാണ് കരുതൽ തടങ്കൽ ഉത്തരവ് നടപ്പിലാക്കിയത്. അഡീഷണൽ ചീഫ് സെക്രട്ടറി ബിശ്വാനന്ത് സിൻഹയാണ് കരുതൽ തടങ്കൽ ഉത്തരവ് ഇറക്കിയത്. ഇതിൻപ്രകാരം കൊല്ലം ആറാം അഡീഷണൽ ഡിസ്ട്രിക്ട് ആൻഡ് സെഷൻസ് ജഡ്ജ് ഹരിപ്രിയ പി. നമ്പ്യാർ അറസ്റ്റ് ഉത്തരവ് നൽകി. ഇതിന്‍റെ അടിസ്ഥാനത്തിൽ ഇയാളെ പൂജപ്പുര സ്പെഷൽ സബ് ജയിലിൽ എത്തി എക്സൈസ് ഉദ്യോഗസ്ഥർ അറസ്റ്റ് രേഖപ്പെടുത്തുകയായിരുന്നു. പ്രതിയെ പിന്നീട് കരുതൽ തടങ്കലിൽ പാർപ്പിക്കുന്നതിനായി പൂജപ്പുര സെൻട്രൽ ജയിലിലേക്ക് മാറ്റി.

ഡ്രൈഡേയിൽ മദ്യവില്പന: യുവാവ് അറസ്റ്റിൽ

കൊല്ലം: ഡ്രൈഡേയിൽ വിൽപനയ്ക്കായി വീട്ടിൽ സൂക്ഷിച്ചിരുന്ന 206 കുപ്പി വിദേശമദ്യവുമായി യുവാവിനെ എക്സൈസ് സംഘം അറസ്റ്റ് ചെയ്തു. തൃക്കടവൂർ നീരാവിൽ അക്ഷരമുറ്റം റസിഡന്‍റ്സ് നഗർ - 14 വിളയിൽ വീട്ടിൽ വിൽസൺ എന്നു വിളിക്കുന്ന ജോൺ പോൾ (44) ആണ് പിടിയിലായത്. ഇയാളുടെ വീട്ടിൽ നിന്നാണ് 206 കുപ്പി (103 ലിറ്റർ) ഇന്ത്യൻ നിർമിത വിദേശമദ്യം കണ്ടെടുത്ത്. കൊല്ലം എക്സൈസ് സർക്കിൾ ഓഫീസിലെ ഇൻസ്പെക്ടർ ആർ. രജിത്തിന്‍റെ നേതൃത്വത്തിലുള്ള സംഘമാണ് പരിശോധന നടത്തിയത്. പ്രിവന്‍റീവ് ഓഫീസർമാരായ എസ്.ആർ. ഷെറിൻ രാജ്, ആർ. സതീഷ് ചന്ദ്രൻ, സിവിൽ എക്സൈസ് ഓഫീസർമാരായ എസ്. സിദ്ദു , റ്റി. ശ്യാംകുമാർ, വി. അജീഷ് ബാബു, വനിതാ സിവിൽ എക്സൈസ് ഓഫീസർ എൽ. സുനിത, ഡ്രൈവർ ആർ. ശിവ പ്രകാശ് എന്നിവർ റെയ്ഡ് നടത്തിയ സംഘത്തിൽ ഉണ്ടായിരുന്നു. കൊല്ലം എക്സൈസ് സർക്കിൾ ഓഫീസിന്‍റെ നേതൃത്വത്തിൽ കഴിഞ്ഞ ഒരാഴ്ചക്കിടെ നടത്തിയ പരിശോധനയിൽ 226 ലിറ്റർ വിദേശ മദ്യമാണ് പിടിച്ചെടുത്തിട്ടുള്ളത്.

കസ്റ്റഡിയിൽ നിന്നും രക്ഷപ്പെട്ടു പിടിയിലായവരെ പോലീസ് കസ്റ്റഡിയില്‍ വാങ്ങും

അഞ്ചല്‍ : കവര്‍ച്ച കേസില്‍ പിടികൂടി പോലീസ് സ്റ്റേഷനിലേക്കു കൊണ്ടുവരവേ പാലോട് പോലീസിന്‍റെ കസ്റ്റഡിയില്‍ നിന്നും രക്ഷപ്പട്ട മോഷ്ടാക്കളായ വഞ്ചിയൂര്‍ സ്വദേശി അയൂബ് ഖാന്‍, മകന്‍ സെയ്തലവി എന്നിവരെ കടയ്ക്കല്‍ പോലീസ് കസ്റ്റഡിയില്‍ വാങ്ങും. ഇതിനായി ഉടന്‍ നെടുമങ്ങാട് കോടതിയില്‍ അപേക്ഷ നല്‍കനാണ് കടയ്ക്കല്‍ പോലീസിന്‍റെ നീക്കം. പ്രതികളുടെ കൈയിൽ ഉണ്ടായിരുന്ന വിലങ്ങ്, ധരിച്ചിരുന്ന വസ്ത്രം, വയനാട്ടില്‍ വീണ്ടും എത്തി, ആരാണ് സഹായിച്ചത് തുടങ്ങിയ ചോദ്യങ്ങൾക്ക് ഉത്തരം കണ്ടെത്തേണ്ടതായിട്ടുണ്ട്. ഇതിനായി പ്രതികളെ വിശദമായി ചോദ്യം ചെയ്യേണ്ടതുണ്ട്. പ്രതികള്‍ കൈവിലങ്ങുകളോടെ രക്ഷപ്പെട്ട സംഭവത്തില്‍ ഇപ്പൊഴും ദുരൂഹത തുടരുകയാണ്. സംഭവത്തില്‍ സിസിടിവി ദൃശ്യങ്ങള്‍ പരിശോധിക്കുന്നതില്‍ ഉള്‍പ്പെടെ കടയ്ക്കല്‍ പോലീസിനും ഗുരുതര വീഴ്ച സംഭവിച്ചുവെന്ന ആരോപണം നിലനില്‍ക്കെയാണ് പ്രതികളെ കസ്റ്റഡിയില്‍ വാങ്ങാനുള്ള നീക്കം പോലീസ് ആരംഭിച്ചിരിക്കുന്നത്. കടയ്ക്കല്‍ പോലീസ് സ്റ്റേഷന്‍ പരിധിയിലെ ചുണ്ട ചെറുകുളം ഭാഗത്ത് നിന്നും ശനിയാഴ്ച പുലര്‍ച്ചെ ചാടിപ്പോയ പ്രതികള്‍ക്കായി രണ്ടു ദിവസങ്ങളിലായി വലിയ പരിശോധനയാണ് പോലീസ് നടത്തിയത്. ഇതിനിടയിലാണ് പ്രതികള്‍ വീണ്ടും വയനാട്ടില്‍ നിന്നും പിടിയിലായത്. ഇതേതുടര്‍ന്നു വയനാട്ടില്‍ എത്തിയ പാലോട് എസ്എച്ച്ഒ ജെ.എസ്. അശ്വനി, സിവില്‍ പോലീസ് ഓഫീസര്‍മാരായ നിസാം, ജയിസണ്‍, ശ്രീരാജ്, സുധീര്‍ എന്നിവരുടെ നേതൃത്വത്തിലുള്ള പോലീസ് സംഘം വീണ്ടും കസ്റ്റഡിയില്‍ എടുക്കുകയായിരുന്നു. കഴിഞ്ഞ ദിവസം രാവിലെ 11ഓടെയാണ് പ്രതികളുമായി പോലീസ് പാലോട് സ്റ്റേഷനില്‍ എത്തിയത്. വൈദ്യ പരിശോധന പൂര്‍ത്തിയാക്കിയ പ്രതികളെ ചോദ്യം ചെയ്യലിന് ശേഷം കവര്‍ച്ച നടത്തിയ സ്ഥലങ്ങളില്‍ എത്തിച്ച് തെളിവെടുപ്പ് നടത്തി. പിന്നീട് നെടുമങ്ങാട് കോടതിയില്‍ ഹാജരാക്കി റിമാൻഡ് ചെയ്തു. നിലവില്‍ കവര്‍ച്ച കേസ് മാത്രമാണു പാലോട് പോലീസ് പ്രതികള്‍ക്കെതിരെ ചുമത്തിയിട്ടുള്ളത്. കസ്റ്റഡിയില്‍ നിന്നും ചാടിപ്പോയ സംഭവത്തില്‍ കടയ്ക്കല്‍ പോലീസാണ് കേസെടുത്തിട്ടുള്ളത്. ഇതിനിടയില്‍ പ്രതികള്‍ മുമ്പ് കവര്‍ച്ച നടത്തിയ ഭാഗങ്ങളിലെ തുടര്‍ അന്വേഷണത്തിനായി ചിതറ, കിളിമാനൂര്‍ പോലീസും പ്രതികളെ കസ്റ്റഡിയില്‍ വാങ്ങാന്‍ നീക്കം ആരംഭിച്ചിട്ടുണ്ട്.

ഭരണകക്ഷിയുടെ സമീപനങ്ങളെ ചെറുത്ത് തോൽപിക്കും: പി. രാജേന്ദ്രപ്രസാദ്

കൊല്ലം: ഗാന്ധിയൻ ദർശനങ്ങളെ തമസ്‌കരിക്കുവാനും ഗാന്ധിയുടെ ഘാതകർക്ക് അമ്പലം പണിയുവാനും ശ്രമിക്കുന്ന ഭരണക്കാരുടെ മുന്നിൽ വിദ്വേഷത്തിന്‍റെയും വെറുപ്പിന്‍റെയും പാഠങ്ങൾ ഉരുവിടുന്ന ഭരണകക്ഷിയുടെ സമീപനങ്ങളെ ചെറുത്ത് തോൽപിക്കുമെന്ന് ഡി സി സി പ്രസിഡന്‍റ് പി. രാജേന്ദ്രപ്രസാദ്. ഗാന്ധി ജയന്തി ദിനാഘോഷം ഡി സി സി യിൽ ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.ഡിസിസി വൈസ് പ്രസിഡന്‍റ് എസ്. വിപിനചന്ദ്രൻ അധ്യക്ഷത വഹിച്ചു. കോൺഗ്രസ് നേതാക്കളായ സൂരജ് രവി, ജി. ജയപ്രകാശ്, വാളത്തുംഗൽ രാജഗോപാൽ, എസ്. ശ്രീകുമാർ, ആനന്ദ് ബ്രഹ്‌മാനന്ദ്, എം. എം. സഞ്ജീവ് കുമാർ, ശങ്കരനാരായണപിള്ള, ഡി. ഗീതാകൃഷ്ണൻ, എം. നാസർ, വാരിയത്ത് മോഹൻകുമാർ, എം. സുജയ്. എച്ച്. അബ്ദുൾ റഹുമാൻ, ജി. ആർ. കൃഷ്ണകുമാർ, മീര രാജീവ്, ഗോപാലകൃഷ്ണൻ, കുരുവിള ജോസഫ്, രാമാനുജൻപിള്ള, ഹബീബ് സേട്ട്, സജീവ് പരിശവിള, മാത്യുസ്, സിദ്ധാർഥൻ ആശാൻ തുടങ്ങിയവർ പ്രസംഗിച്ചു.

ഗാന്ധി സ്മൃതിയിൽ നാട്...

ചവറ : ചവറ ഈസ്റ്റ് മണ്ഡലം കോൺഗ്രസ് കമ്മിറ്റി കൊട്ടുകാട് അമ്മവീട് ജംഗ്ഷനിൽ മഹാത്മാഗാന്ധി അനുസ്മരണം നടത്തി. അമ്മവീട് ജംഗ്ഷനിൽ പുതിയതായി സ്ഥാപിച്ച കൊടിമരത്തിൽ പതാക ഉയർത്തി മഹാത്മാഗാന്ധിയുടെ ഛായാചിത്രത്തിൽ പുഷ്പാർച്ചന നടത്തി. ഡിസിസി ജനറൽ സെക്രട്ടറി ചക്കിനാൽ സനൽകുമാർ അനുസ്മരണ പ്രഭാഷണം നടത്തി. മണ്ഡലം പ്രസിഡന്‍റ് കിഷോർ അമ്പിലാക്കരഅധ്യക്ഷനായി . ചവറ ഹരീഷ് കുമാർ , ചവറ ഗോപകുമാർ, സുരേഷ് കുമാർ, മിത്രാത്മജൻ , ഇ. റഷീദ്, ചിത്രാലയം രാമചന്ദ്രൻ, തുടങ്ങിയവർ പ്രസംഗിച്ചു. ചവറ വെസ്‌റ്റ മണ്ഡലം കമ്മിറ്റി ചവറ കോൺഗ്രസ് ഭവനിൽ അനുസ്മരണവും പുഷ്പാർച്ചനയും നടത്തി. ബ്ലോക്ക് കോൺഗ്രസ് പ്രസിഡന്‍റ് മേച്ചേഴ്ത്ത് ഗിരിഷ് ഉദ്ഘാടനം ചെയ്തു. മണ്ഡലം പ്രസിഡന്‍റ് പി.അർ. ജയപ്രകാശ് അധ്യക്ഷനായി. അരവിന്ദാക്ഷ പണിക്കർ, അജയൻ ഗാന്ധി തറ, സെബാസ്റ്റ്യൻ ആംബ്രോസ് തുടങ്ങിയവർ പ്രസംഗിച്ചു. പന്മന ബ്ലോക്ക് കോൺഗ്രസ് കമ്മിറ്റി സംഘടിപ്പിച്ച പരിപാടി ചവറ ബ്ലോക്ക് പഞ്ചായത്ത് പ്രസിഡന്‍റ് സന്തോഷ് തുപ്പാശേരിഉദ്ഘാടനം ചെയ്തു. ബ്ലോക്ക് പ്രസിഡന്‍റ് ആർ .ജയകുമാർ അധ്യക്ഷനായി . എസ് പി. അതുൽ,അൻവർ കാട്ടിൽ.പാലയ്‌ക്കൽ ഗോപൻ തുടങ്ങിയവർ പ്രസംഗിച്ചു. കുളത്തൂപ്പുഴ : കുളത്തുപ്പുഴ വൈ എം സി എയുടെ ആഭിമുഖ്യത്തിൽ ഗാന്ധിജയന്തി ആഘോഷിച്ചു. വൈഎംസിഎ ഓഡിറ്റോറിയത്തിൽ പ്രസിഡന്‍റ് കെ. ജോണി ഗാന്ധിജിയുടെ പ്രതിമയ്‌ക്ക് മുൻപിൽ പുഷ്പാർച്ചന നടത്തി. വൈഎംസിഎ വൈസ് പ്രസിഡന്‍റും കെടിയുസി സംസ്ഥാന പ്രസിഡന്‍റുമായ റോയ് ഉമ്മൻ മുഖ്യ പ്രഭാഷണം നടത്തി. രക്ഷധികാരി എം.പി. ഫിലിപ്പ്, മുൻ പ്രസിഡന്‍റ് കെ.ബാബുക്കുട്ടി, സി.എം. കുരുവിള എന്നിവർ പ്രസംഗിച്ചു. മുതിർന്ന രക്ഷാധികാരി ഡി. തങ്കച്ചൻ സേവനവാര ആഘോഷത്തിന്‍റെ ഉദ്ഘാടനം നിർവഹിച്ചു. സെക്രട്ടറി സാനു ജോർജ്, പഞ്ചായത്ത്‌ മെമ്പർ നദീറ സൈഫുദീൻ ഉൾപ്പെടെ സാമൂഹിക - സാംസ്‌കാരിക പ്രവർത്തകർ സേവനവാരത്തിന് നേതൃത്വം നൽകി. കൊട്ടാരക്കര : പ്ലാപ്പള്ളി മഹാത്മാ സൗഹൃദ കൂട്ടായ്മയുടെ നേതൃത്വത്തിൽ സഖ്യത്തിൽ ചാങ്ങയിൽ ജംഗ്ഷനിൽ നടത്തിയ ഗാന്ധി സ്മൃതി സംഗമം വൈഎംസിഎ പ്രസിഡന്‍റ് കെ.ഒ. രാജുക്കുട്ടി ഉദ്ഘാടനം ചെയ്തു. രക്ഷാധികാരി ജോൺ ചാങ്ങയിൽ അധ്യക്ഷത വഹിച്ചു . പ്രസിഡന്‍റ്സജി യോഹന്നാൻ,മുൻസിപ്പൽ കൗൺസിലർ തോമസ് പി മാത്യു,ഗ്രാമപഞ്ചായത്തംഗം സുജാ സജി,മുൻ ഗ്രാമപഞ്ചായത്ത് പ്രസിഡന്‍റ്തോമസ് വർക്കി, പ്രീത ജോസഫ്, സജി ചേരൂർ,ടോബിൻ തോമസ് ,സനത് കുമാർ എന്നിവർ പ്രസംഗിച്ചു. ജീവകാരുണ്യ പ്രവർത്തന പദ്ധതികൾ,പരിസര ശുചീകരണം,വിദ്യാർഥികൾക്കായി വിവിധ മത്സരങ്ങൾ,മധുര വിതരണം എന്നിവയും നടന്നു

തിരുമുക്കിലെ ദേശീയപാത നിർമാണം തടഞ്ഞു

ചാത്തന്നൂർ: തിരുമുക്കിൽ ദേശീയപാതയിൽ നിർത്തിവച്ചിരുന്ന പണി പുനരാരംഭിക്കാൻ തയാറായെത്തിയവരെ തടഞ്ഞു. കെട്ടിടാവശിഷ്ടങ്ങൾ ഉപയോഗിച്ച് റോഡ് നിർമാണ പ്രവർത്തനങ്ങൾ നടത്തുന്നത് തുടരാൻ കഴിയില്ലായെന്നും മുഴുവൻ കെട്ടിടാവശിഷ്ടവും മണ്ണ് മാന്തി നീക്കം ചെയ്യണമെന്നും സമരസമിതി പ്രവർത്തകർ ആവശ്യപ്പെട്ടു. പ്ലാസ്റ്റിക്ക് കുപ്പികളും അഴുക്കുകളും വരെ കൊണ്ടിട്ടാണ് റോഡ് നിർമാണം നടത്താനെത്തിയത്. കഴിഞ്ഞദിവസം രാവിലെ റോഡ് നിർമാണത്തിനെത്തിയപ്പോൾ സമര സമിതി പ്രവർത്തകർ മാലിന്യങ്ങൾ കൊണ്ട് നിർമാണ പ്രവർത്തനം പാടില്ലെന്നറിയിച്ചു.തിരുമുക്കിലെ ഓട്ടോ തൊഴിലാളികളും നാട്ടുകാരും വ്യാപാരികളും ഉടൻ തന്നെ അവിടെ എത്തിച്ചേർന്നു. തർക്കത്തെ തുടർന്ന് ചാത്തന്നൂർ സ്റ്റേഷൻ ഹൗസ്ഓഫീസറും സംഘവുമെത്തിയെങ്കിലും സമരക്കാർ പിന്മാറിയില്ല. നിർമ്മാണ കമ്പിനിയായശിവാലയ യുടെ വൈസ് പ്രസിഡന്‍റ് ബി.എം.റാവത്തുംകൊല്ലം കളക്ടറുടെ നിർദേശാനുസരണം അഡീഷണൽ ജില്ലാ മജിസ്ട്രേറ്റ് നിർമൽകുമാറും സ്ഥലത്തെത്തി. സമരസമിതി പ്രവർത്തകരുമായി ചർച്ച ചെയ്യുകയും മാലിന്യം നീക്കം ചെയ്ത് ബോധ്യപ്പെടുത്തുന്നതു വരെ വലിയ തോതിലുള്ള നിർമാണ പ്രവർത്തനങ്ങൾ പ്രസ്തുത പ്രദേശത്ത് നടത്തുന്നത് ഒഴിവാക്കാനും ധാരണയായി. വനിത സത്യഗ്രഹി തിരുമുക്ക് അടിപ്പാത സമരസമിതി നേതൃത്വത്തിൽ നടത്തിവരുന്ന റിലേസത്യഗ്രഹ സമരത്തിന്‍റെ പതിനഞ്ചാം ദിവസമായ ഇന്നലെ അഖിലേന്ത്യാ ജനാധിപത്യ മഹിളാ അസോസിയേഷൻ ചാത്തന്നൂർ ഏരിയാ പ്രസിഡന്‍റും മുൻചാത്തന്നൂർ പഞ്ചായത്ത് പ്രസിഡന്‍റുമായ കെ. നിമ്മി റിലേ സത്യഗ്രഹം അനുഷ്ടിച്ചു. ജനാധിപത്യ മഹിളാ അസോസിയേഷൻ ചാത്തന്നൂർ ഏരിയാ സെക്രട്ടറികെ.എൻ.ശ്രീദേവി അമ്മ സത്യഗ്രഹസമരം ഉദ്ഘാടനം ചെയ്തു. അഖിലേന്ത്യാ ജനാധിപത്യ മഹിളാ അസോസിയേഷൻ ചാത്തന്നൂർ ഏരിയാ കമ്മിറ്റിയുടെ നേതൃത്വത്തിലാണ് റിലേ സത്യഗ്രഹം നടന്നത്. സത്യഗ്രഹ സമരത്തിന്‍റെ പതിനാറാം ദിവസമായ ഇന്ന് യൂത്ത് കോൺഗ്രസ് ബ്ലോക്ക് ജനറൽ സെക്രട്ടറി വിഷ്ണു ശ്യാം സത്യഗ്രഹംഅനുഷ്ടിക്കും. യൂത്ത് കോൺഗ്രസ് ജില്ലാ പ്രസിഡന്‍റ് റിയാസ് ചിതറ സത്യഗ്രഹം ഉദ്ഘാടനം ചെയ്യും. യൂത്ത് കോൺഗ്രസ് ചാത്തന്നൂർ മണ്ഡലം കമ്മിറ്റിയുടെ നേതൃത്വത്തിലാണ് ഇന്നത്തെ റിലേ സത്യഗ്രഹം.

കൊല്ലം റെയിൽവേ സ്റ്റേഷൻ പുനര്‍നിര്‍മാണം: 2026ല്‍ പൂര്‍ത്തിയാകും

കൊല്ലം: കൊല്ലം റെയില്‍വേ സ്റ്റേഷന്‍ പുനര്‍നിര്‍മാണം 2026 ല്‍ തന്നെ പൂര്‍ത്തിയാക്കുന്നവണ്ണം പ്രവര്‍ത്തികള്‍ ത്വരിതഗതിയില്‍ പുരോഗമിച്ചു വരുന്നതായി എന്‍.കെ. പ്രേമചന്ദ്രന്‍ എംപി അറിയിച്ചു. ദക്ഷിണ റയില്‍വേ കണ്‍സ്ട്രക്ഷന്‍ വിഭാഗം ചീഫ് അഡ്മിനിസ്ട്രേറ്റീവ് ഓഫീസര്‍ ഓം പ്രകാശിന്‍റെ സാന്നിധ്യത്തില്‍ കൊല്ലത്തു ചേര്‍ന്ന അവലോകന യോഗത്തിനു ശേഷമാണ് വിവരം അറിയിച്ചത്. 396 കോടി രൂപയുടെ പദ്ധതിയുടെ ഭാഗമായുളള മള്‍ട്ടിലെവല്‍ പാര്‍ക്കിംഗ് നിര്‍മാണം പൂര്‍ത്തീകരണത്തിലാണ്. കാമറയും പൈപ്പ് ലൈനും സ്ഥാപിച്ചു കഴിഞ്ഞാല്‍ മള്‍ട്ടിലെവല്‍ പാര്‍ക്കിംഗിന്‍റെ പ്രവര്‍ത്തനം ആരംഭിക്കാന്‍ കഴിയും. ഒരേ സമയം 375 നാല്‍ചക്ര വാഹനങ്ങളും 1145 ഇരുചക്രവാഹനങ്ങളുടെ മള്‍ട്ടിലെവല്‍ പാര്‍ക്കിംഗില്‍ ഉള്‍പ്പെടെ പാര്‍ക്കുചെയ്യാനുളള സൗകര്യമാണ് റെയില്‍വേ സ്റ്റേഷനില്‍ സജ്ജമാക്കുന്നത്. സൗത്ത് ടെര്‍മിനല്‍, നോര്‍ത്ത് ടെര്‍മിനല്‍, സര്‍ഫസ് പാര്‍ക്കിംഗ് എന്നിവിടങ്ങളില്‍ പ്രീമിയം പാര്‍ക്കിംഗ് സൗകര്യം ഉള്‍പ്പെടെയുളള പാര്‍ക്കിംഗിനാണ് സൗകര്യം ഒരുക്കുന്നത്. ഭിന്നശേഷിക്കാർക്കു പ്രത്യേക സൗകര്യംഅറൈവല്‍ ലോബി, ഡിപ്പാര്‍ച്ചര്‍ ലോബി, ശുചിമുറിയോടു കൂടിയ വെയ്റ്റിംഗ് ഏരിയ, എടിവിഎം കിയോസ്ക്, ക്ലോര്‍ക്ക് റും, മെഡിക്കല്‍ എമര്‍ജന്‍സി ബൂത്ത്, ടൂറിസ്റ്റ് ഫെസിലേറ്റഷന്‍ സെന്‍റര്‍, പ്രീപെയ്ഡ് ടാക്സി കൗണ്ടര്‍, പാസഞ്ചര്‍ ഇന്‍ഫര്‍മേഷന്‍ ഡിസ്പ്ലേ, ഇലക്ട്രോണിക് സിഗ്നേജസ്, സാഹയോഗ് ബൂത്ത്, റസ്റ്റോറന്‍റുകള്‍, മൊബൈല്‍ ചാര്‍ജിംഗ് കിയോസ്ക്, ലിഫ്റ്റുകള്‍, എസ്കലേറ്ററുകള്‍, ബാഗേജ് സ്കാനറുകള്‍, കുടിവെളള ഫൗണ്ടനുകള്‍, ഹോട്ടല്‍ ലോബീസ്, എസി വെയ്റ്റിംഗ് ലോഞ്ചസ്, നോണ്‍ എസി വെയ്റ്റിംഗ് ലോഞ്ചസ് തുടങ്ങി സൗകര്യങ്ങള്‍ യാത്രക്കാര്‍ക്കായി സജ്ജീകരിക്കും. വനിതകള്‍ക്കും ഭിന്നശേഷികാര്‍ക്കുമായി പ്രത്യേക സൗകര്യങ്ങളും ഒരുക്കുന്നുണ്ട്. എയര്‍ കോണ്‍കോഴ്സ്36 മീറ്റര്‍ വീതിയില്‍ 120 മീറ്റര്‍ നീളത്തില്‍ രണ്ടു ടെര്‍മിനലുകളെയും ബന്ധിപ്പിക്കുന്ന എല്ലാ പ്ലാറ്റ്ഫോമുകളിലും എത്തിചേരാന്‍ കഴിയുന്ന വിമാനതാവളത്തിനു സമാനമായ എയര്‍ കോണ്‍കോഴ്സിന്‍റെ നിര്‍മ്മാണം ത്വരിതഗതിയില്‍ പുരോഗമിക്കുകയാണ്. പ്ലാറ്റ്ഫോം ഒന്ന് ഒഴികെയുളള സബ് സ്ട്രക്ചറുകള്‍ പൂര്‍ത്തീകരിച്ചു. പ്ലാറ്റ്ഫോം ഒന്നിലെ നിര്‍മാണം പൂരോഗമിച്ചു വരുന്നു. എയര്‍കോണ്‍കോഴ്സില്‍ 650 പേര്‍ക്കും പ്ലാറ്റ്ഫോമില്‍ 500 പേര്‍ക്കും ഇരിക്കുന്നതിനുളള കസേരകള്‍ ഉള്‍പ്പെടെ സൗകര്യം സജ്ജമാക്കും. യാത്രയ്ക്കായി എത്തുന്നവര്‍ക്കും യാത്ര കഴിഞ്ഞ പോകുന്നവര്‍ക്കും വിമാനതാവളത്തിന്‍റെ മാതൃകയില്‍ പ്രത്യേക വഴികളും സൗകര്യങ്ങളാണ് ഒരുക്കുന്നത്.സുരക്ഷ വർധിപ്പിക്കും വിമാനത്താവളത്തിനു സമാനമായ സൗകര്യങ്ങള്‍ സജ്ജീകരിക്കുമ്പോള്‍ സുരക്ഷാസംവിധാനങ്ങളും വര്‍ധിപ്പിക്കും. അതിന്‍റെ ഭാഗമായി കെട്ടിടത്തിന്‍റെ രൂപകല്‍പ്പനയ്ക്ക് അനുയോജ്യമായ വിധം റെയില്‍വേ കോമ്പൗണ്ട് ചുറ്റുമതില്‍ കെട്ടി സംരക്ഷിക്കുകയും ആധുനിക സാങ്കേതിക വിദ്യയുടെ സഹായത്തോടെ റെയില്‍വേ സ്റ്റേഷനിലെ സുരക്ഷയും വർധിപ്പിക്കും. സൗത്ത് ടെര്‍മിനലിലെ നിര്‍മാണ പ്രവൃത്തികള്‍ എ, ബി ബ്ലോക്കുകളുടെ സബ് സ്ട്രക്ചറുകള്‍ പൂര്‍ത്തിയാക്കി. സി-ബ്ലോക്കിന്‍റെ സബ് സ്ക്രച്റും സൂപ്പര്‍ സ്ട്രക്ചറും പുരോഗമിച്ചു വരുന്നു. ഡി, ഇ, എഫ് ബ്ലോക്കുകളുടെ പൈലിംഗ് പ്രവൃത്തികള്‍ ത്വരിത ഗതിയില്‍ മുന്നേറുകയാണ്. 24433 സ്ക്വയര്‍ മീറ്ററാണ് സൗത്ത് ടെര്‍മിനല്‍ ബ്ലോക്കിന്‍റെ വിസ്തൃതി. നോര്‍ത്ത് ടെര്‍മിനല്‍ ബില്‍ഡിംഗിന്‍റെ കോളം നിര്‍മാണം ആരംഭിച്ചിട്ടുണ്ട്. എന്‍.കെ. പ്രേമചന്ദ്രന്‍ എംപിയുടെ സാന്നിധ്യത്തില്‍ ചേര്‍ന്ന അവലോകന യോഗത്തിലും നിര്‍മാണ പ്രവര്‍ത്തികളുടെ പരിശോധനയിലും ദക്ഷിണ റെയില്‍വേ ചീഫ് അഡ്മിനിസ്ട്രേറ്റീവ് ഓഫീസര്‍ ഓംപ്രകാശ്, ഡെപ്യൂട്ടി ചീഫ് എന്‍ജിനീയര്‍ (കണ്‍സ്ട്രക്ഷന്‍സ്) ശ്രീകുമാര്‍, ഡെപ്യൂട്ടി ചീഫ് എന്‍ജിനിയര്‍ (ഇലക്ട്രിക്കല്‍) സന്ദീപ് ജോസഫ്, ഡെപ്യൂട്ടി ചീഫ് എന്‍ജിനിയര്‍ (സിഗ്നല്‍) എസ്. സുമി, അസിസ്റ്റന്‍റ് എക്സിക്യൂട്ടീവ് എന്‍ജിനിയര്‍ നാരായണ്‍ നമ്പൂതിരി, റൈറ്റ്സ് ജനറല്‍ മാനേജര്‍ കരുണാനിധി, പ്രോജക്്‌ട് മാനേജമെന്‍റ് കണ്‍സള്‍ട്ടന്‍റ് ടീം ലീഡര്‍ ദാമോദര്‍, സിദ്ധാര്‍ത്ഥ കമ്പനി ഡപ്യുട്ടി ജനറര്‍ മാനേജര്‍ അഭിഷേക് തുടങ്ങി ഉന്നത ഉദ്യോഗസ്ഥര്‍ പങ്കെടുത്തു.

ജോണിന്‌റെ അകക്കണ്ണിലെ കാഴ്ചകൾക്ക് തിളക്കമേറെ...

കുണ്ടറ : ഇതു ജോണിന്‍റെ കഥ. കുണ്ടറയിൽ നെടുമ്പായികുളത്തിനു സമീപം മുക്കൂട് താറാം വിളയിൽ വട്ടവിളക്കിഴക്കതിൽ ഗീവർഗീസ് പണിക്കരുടെയും റാഹേലമ്മയുടെയും രണ്ടാമത്തെ മകൻ. കണ്ണിൽ ഇരുളു മൂടിയ ലോകത്താണ് പിറന്നു വീണതെന്നതു മാതാപിതാക്കളെ വളരെ സങ്കട ത്തിലാഴ്ത്തിയെങ്കിലും പഠനത്തിലും മറ്റു കലാപരമായ മേഖലകളിലും മികവു പുലർത്തിയത് അവർക്ക് ഏറെ സന്തോഷമേകുന്നു. ഒരു സാധാരണ വ്യക്തി ഉപയോഗിക്കുന്നതു പോലെ ഫേസ് ബുക്ക്‌ , യൂട്യൂബ്, വാട്സ്ആപ്പ് ചാറ്റുകൾ എന്നിവ അനായാസം ചെയ്യാനുള്ള പ്രാവീണ്യവും നേടിക്കഴിഞ്ഞു. 10-ാം ക്ലാസിൽ ഫുൾ എ പ്ലസ് നേടിയ ജോണിന്‍റെ വിജയത്തെ, "വെല്ലുവിളികളെ അതിജീവിച്ച് മുന്നേറി" എന്ന തലക്കെട്ടോടെ ഫ്ലക്സ് ബോർഡുകൾ വച്ചു നാട്ടുകാർ ആഘോഷമാക്കി. ജോൺ ഇതിനോടകം മൂന്ന് ഓഡിയോ ഷോർട്ട് ഫിലിമുകൾ ചെയ്തു കഴിഞ്ഞു. ഒരു മുഴുനീള സിനിമയുടെ പണിപ്പുരയിലാണ് ഇപ്പോൾ. "ദൈവത്തിന്‍റെ ലീലകൾ" എന്ന പേരിൽ യൂട്യൂബിൽ ട്രെയിലർ ഇറങ്ങി കഴിഞ്ഞു. ഡിസംബർ മാസത്തോടെ റിലീസ് ചെയ്യണമെന്നാണ് ജോണിന്‍റെ ആഗ്രഹം. ഇരുളടഞ്ഞ ലോകത്തിൽ നൂതന സാങ്കേതികവിദ്യ ഉപയോഗിച്ചു മൊബൈലിന്‍റെ സഹായത്തോടെയാണ് ഇവയെല്ലാം ചെയ്തുവരുന്നത്. കൊല്ലം എസ് എൻ കോളജിൽ ഫൈനൽ ബി എ മലയാളം വിദ്യാർഥിയാണ്. കഴിഞ്ഞ നാലര വർഷമായി അമ്മയാണ് രാവിലെയും വൈകുന്നേരവ ം ബസിൽ കയറ്റി സ്കൂളിലും കോളജിലും കൊണ്ടുപോയി തിരികെ കൊണ്ടുവരുന്നത്. ഒരു വരുമാനവും ഇപ്പോൾ ഇല്ലാത്ത ഈ കുടുംബം നിത്യ ചെലവിനും വഴിയാത്രയ്ക്കും മറ്റു പഠന ചെലവുകൾക്കും സാമ്പത്തികമായി വളരെ ബുദ്ധിമുട്ടുന്ന അവസ്ഥയിലാണ്. നന്നായി പഠിക്കുന്ന ജോണിന്‍റെ വിദ്യാഭ്യാസം പാതിവഴിയിൽ നിർത്തുവാനും മാതാപിതാക്കളുടെ മനസ് അനുവദിക്കുന്നില്ല. ഒരു അപകടത്തെ തുടർന്നു പൂർണമായും ജോലി നഷ്ടപ്പെട്ട പിതാവിനെയും സാമ്പത്തികമായി തകർന്നു നിൽക്കുന്ന കുടുംബത്തെയും സഹായിക്കുകയെന്ന ലക്ഷ്യമാണ് ജോണിനുള്ളത്. സ്വന്തമായി ഒരു ലാപ്ടോപ്പ് കരസ്ഥമാക്കുക, അതുവഴി താൻ സൃഷ്ടിച്ച കഥകൾ ദൃശ്യാവിഷ്കാരം നടത്തുക എന്നിവയാണ് ജോണിന്‍റെ സ്വപ്നങ്ങൾ. ജിജുമോൻ മത്തായി

തിരുമുക്കിലെ അടിപ്പാത സമരം; 14-ാം ദിവസത്തിലേക്ക്

ചാത്തന്നൂർ: ചാത്തന്നൂർ തിരുമുക്കിൽ വലിയ വാഹനങ്ങൾക്കു കടന്നുപോകുവാൻ കഴിയുന്ന തരത്തിൽ അടിപ്പാത ശാസ്ത്രീയമായി പുതുക്കിപ്പണിയണമെന്ന് ആവശ്യപ്പെട്ട് തിരുമുക്ക് അടിപ്പാത സമരസമിതി നേതൃത്വത്തിൽ നടത്തിവരുന്ന റിലേസത്യഗ്രഹ സമരം 14-ാം ദിവസത്തിലേക്ക്. സത്യഗ്രഹ സമരത്തിന്‍റെ പതിനാലാം ദിവസമായ ഇന്ന് പരവൂർക്കാർ കൂട്ടായ്മ ജനറൽ കൺവീനർ സന്തോഷ് പാറയിൽക്കാവ് റിലേ സത്യഗ്രഹം അനുഷ്ടിക്കും. യുവകലാസാഹിതി ജില്ലാ വൈസ് പ്രസിഡന്‍റ് മദന മോഹനൻ രാവിലെ സത്യഗ്രഹം ഉദ്ഘാടനം ചെയ്യും. പ്രധാനമന്ത്രിക്കു കത്തുകൾ അയച്ച് വിദ്യാർഥികൾ ചാത്തന്നൂർ ഗവ.വൊക്കേഷണൽ ഹയർ സെക്കൻഡറി സ്കൂൾ, എൻഎസ്എസ്ഹയർ സെക്കൻഡറി സ്കൂൾ എന്നി വിദ്യാഭ്യാസ സ്ഥാപനങ്ങളിലെ വിദ്യാർഥികൾ തിരുമുക്കിലെ അടിപ്പാത പുതുക്കിപ്പണിയണമെന്ന ആവശ്യം ഉന്നയിച്ചു ഹിന്ദി, ഇംഗ്ലീഷ്, മലയാളം ഭാഷകളിൽ തയാറാക്കിയ കത്തുക പ്രധാനമന്ത്രി നരേന്ദ്ര മോദിക്കും കേന്ദ്ര ഉപരിതല ഗതാഗത മന്ത്രി നിതിൻ ഗഡ്കരിക്കും കേരള മുഖ്യമന്ത്രിക്കും അയച്ചു. അടിപ്പാത വഴി ബസുകൾ ചാത്തന്നൂരിലെത്താത്തതുമൂലം വിദ്യാർഥികൾ നേരിടുന്ന ബുദ്ധിമുട്ടുകൾ അടക്കം കത്തുകളിൽ രേഖപ്പെടുത്തിയിട്ടുണ്ട്. 2500 കത്തുകളാണ് വിദ്യാർഥികൾ തയാറാക്കി സമരസമിതിക്കു നൽകിയത്. തിരുമുക്ക് അടിപ്പാതസമരസമിതി പ്രവർത്തകർ ചാത്തന്നൂർ പോസ്റ്റ് ഓഫീസിലെത്തി കത്തുകൾ ബന്ധപ്പെട്ടവർക്ക് അയക്കുന്നതിനായി പോസ്റ്റ് മാസ്റ്റർക്ക് കൈമാറി. ഓട്ടോ തൊഴിലാളികൾ പങ്കാളികളായി തിരുമുക്ക് അടിപ്പാത സമരസമിതി നടത്തി വരുന്ന റിലേ സത്യഗ്രഹ സമരത്തിൽ ഓട്ടോറിക്ഷ തൊഴിലാളികൾ പങ്കാളികളായി. തുടർച്ചയായ ദിവസങ്ങളിൽ വനിതകളും തൊഴിലാളി യൂണിയൻ പ്രതിനിധികളും റിലേ സത്യഗ്രഹം അനുഷ്ഠിക്കുന്നുനെന്നതു തന്നെ സമര സമിതിയുടെ ആവശ്യത്തിന്‍റെ പ്രസക്തി വർധിപ്പിക്കുന്നു.ചാത്തന്നൂർ തിരുമുക്കിൽ വലിയ വാഹനങ്ങൾക്കു കടന്നുപോകുവാൻ കഴിയുന്ന തരത്തിൽ അടിപ്പാത ശാസ്ത്രീയമായി പുതുക്കിപണിയണമെന്ന് ആവശ്യപ്പെട്ട് തിരുമുക്ക് അടിപ്പാത സമരസമിതി നേതൃത്വത്തിൽ നടത്തിവരുന്ന റിലേസത്യഗ്രഹ സമരത്തിന്‍റെ 13-ാംദിവസം തിരുമുക്ക് ഓട്ടോറിക്ഷാ യൂണിയൻ പ്രതിനിധി കെവിൻ റിലേ സത്യഗ്രഹം അനുഷ്ടിച്ചു. തിരുമുക്കിലെ ഓട്ടോറിക്ഷാ തൊഴിലാളികളാണ് 13-ാം ദിവസത്തെ സമരപരിപാടികൾക്ക് നേതൃത്വം നൽകിയത്. കവിയും സാഹിത്യകാരനുമായ അടുതല ജയപ്രകാശ് റിലേ സത്യഗ്രഹം ഉദ്ഘാടനം ചെയ്തു. എൻ. അനിൽകുമാർ അധ്യക്ഷത വഹിച്ചു. പരവൂർക്കാർ കൂട്ടായ്മ ജനറൽ കൺവീനർ സന്തോഷ് പാറയിൽക്കാവ്, സമരസമിതി ജനറൽകൺവീനർ കെ.കെ. നിസാർ, എൻ. സദാനന്ദൻപിള്ള, വിനോദ് കുമാർ, ചാത്തന്നൂർ വികസനസമിതി കൺവീനർ ജി.പി.രാജേഷ്, പി.ദിനകരൻ തുടങ്ങിയവർ പ്രസംഗിച്ചു.

ഉമ്മൻചാണ്ടി ഫൗണ്ടേഷൻ നെടുന്പനയ്ക്കായി ആംബുലൻസ് വാങ്ങി നൽകി

കൊട്ടിയം: പി.സി. വിഷ്ണുനാഥ് എംഎൽഎയുടെ പ്രാദേശിക വികസന ഫണ്ടിൽ നിന്നും 20 ലക്ഷം രൂപ ആംബുലൻസിനായി അനുവദിച്ചത് വേണ്ടെന്ന് തദ്ദേശസ്വയംഭരണ സ്ഥാപനങ്ങൾ തീരുമാനമെടുത്ത സാഹചര്യത്തിൽ നെടുമ്പനയിലെ ഉമ്മൻചാണ്ടി ഫൗണ്ടേഷൻ നെടുമ്പനയ്ക്കായി ആംബുലൻസ് വാങ്ങി നൽകി. ഡ്രൈവറെ വെക്കാൻ കഴിയില്ല എന്ന കാരണം പറഞ്ഞാണ് എംഎൽഎയുടെ ആംബുലൻസ് വേണ്ടെന്ന തീരുമാനമെടുക്കുന്നത്. വെളിച്ചിക്കാല കമ്യൂണിറ്റി ഹെൽത്ത് സെന്‍ററിലേക്കാണ് എംഎൽഎ ആംബുലൻസ് അനുവദിച്ചിരുന്നത്. മുഖത്തല ബ്ലോക്ക് പഞ്ചായത്തി െ ന്‍റയും നെടുമ്പന പഞ്ചായത്ത് പ്രസിഡന്‍റ് ഉൾപ്പെടെയുള്ള സിപിഎം അംഗങ്ങൾ ഉൾപ്പെട്ട ഹോസ്പിറ്റൽ മാനേജ്മെന്‍റ് കമ്മറ്റിയുടെയും ആംബുലൻസ് വേണ്ടെന്ന തീരുമാനം നേരത്തെ നെടുമ്പനയിൽ വിവാദമാവുകയും ഇതിനെതിരെ പ്രതിഷേധം ഉടലെടുക്കുകയും ചെയ്തിരുന്നു. പ്രതിഷേധം ശക്തമായതോടുകൂടി പൊതുസമൂഹത്തിനു മുന്നിൽ ആംബുലൻസ് വേണ്ട എന്ന് തീരുമാനമെടുത്തിട്ടില്ലെന്ന് മുഖത്തല ബ്ലോക്ക് പഞ്ചായത്ത് പ്രസിഡന്‍റ് പരസ്യമായി തിരുത്തുകയുണ്ടായി. എന്നാൽ ഒന്നരവർഷം കഴിഞ്ഞിട്ടും ആംബുലൻസ് എടുക്കാതെ എംഎൽഎയുടെ വികസന ഫണ്ട് നഷ്ടപ്പെടുത്തുകയാണ് ഉണ്ടായത്. ഇതേ തുടർന്നാണ് നെടുമ്പനയിലെ ഉമ്മൻചാണ്ടി ഫൗണ്ടേഷൻ നെടുമ്പനയ്ക്കായി ആംബുലൻസ് വാങ്ങിയത്. വാങ്ങിയ ആംബുലൻസ് കഴിഞ്ഞദിവസം പി.സി. വിഷ്ണുനാഥ് എംഎൽഎ ഫ്ലാഗ് ഓഫ് ചെയ്തു നാടിന് സമർപ്പിച്ചു. നൂറുകണക്കിന് ആളുകളുടെ ശക്തിപ്രകടനത്തോടുകൂടിയാണ് ആംബുലൻസ് സമർപ്പണ പരിപാടി നെടുമ്പനയിലെ കോൺഗ്രസ് പ്രവർത്തകർ നടത്തിയത്. നെടുമ്പന തൈക്കാവ് മുക്കിൽ നിന്നും ആരംഭിച്ച പ്രകടനം കുളപ്പാടം ജംഗ്ഷനിൽ ആണ് സമാപിച്ചത്. ഡിസിസി ജനറൽ സെക്രട്ടറി ഫൈസൽ കുളപ്പാടത്തിന്‍റെ അധ്യക്ഷതയിൽ ചേർന്ന പൊതുസമ്മേളനത്തിൽ പി.സി. വിഷ്ണുനാഥ് എംഎൽഎ ആംബുലൻസി െ ന്‍റ ഫ്ലാഗ് ഓഫ് കർമം നിർവഹിച്ചു. പൊതുസമ്മേളനം എൻ.കെ. പ്രേമചന്ദ്രൻ എംപി ഉദ്ഘാടനം ചെയ്തു. എഐസിസി അംഗം ഷാനിമോൾ ഉസ്മാൻ മുഖ്യപ്രഭാഷണം നടത്തി. പാർട്ടിയിലേക്ക് പുതുതായി കടന്നുവന്ന നൂറോളം പേരെ ഡിസിസി പ്രസിഡന്‍റ് രാജേന്ദ്രപ്രസാദ് അംഗത്വം നല്കി സ്വീകരിച്ചു.രാഷ്ട്രീയ ലക്ഷ്യം വെച്ചുകൊണ്ട് ആംബുലൻസ് മാത്രമല്ല ഹൈമാസ്റ്റ് ലൈറ്റുകളും എംപിയുടെ വികസന പ്രവർത്തനങ്ങളും നെടുമ്പന പഞ്ചായത്ത് ഭരണസമിതി മുടക്കുകയാണെന്നും വരുന്ന പഞ്ചായത്ത് തെരഞ്ഞെടുപ്പിലും നിയമസഭാ തെരഞ്ഞെടുപ്പിലും ഇതിനെതിരെയുള്ള ജനരോഷം പ്രകടമാകുമെന്നും പി.സി. വിഷ്ണുനാഥ് എംഎൽഎ പറഞ്ഞു. വിവിധ മേഖലകളിൽ കഴിവ് തെളിയിച്ചവരെ ചടങ്ങിൽ ആദരിച്ചു. ബ്ലോക്ക് കോൺഗ്രസ് കമ്മിറ്റി പ്രസിഡന്‍റ് എ. എൽ. നിസാമുദീൻ, വിഷ്ണു സുനിൽ പന്തളം, ഡിസിസി ജനറൽ സെക്രട്ടറി ആനന്ദ് ബ്രഹ്മാനന്ദ്, ഡിസിസി എക്സിക്യൂട്ടീവ് കമ്മിറ്റിയംഗം എ. നാസിമുദീൻ ലബ്ബ, ഡിസിസി അംഗം ഇ. ആസാദ്, കുരീപ്പള്ളി സലിം, മണ്ഡലം കോൺഗ്രസ് കമ്മിറ്റി പ്രസിഡന്‍റ ുമാരായ ആസാദ് നാല്പങ്ങൾ, ബിജു പഴങ്ങാലം, നിസാർ പാലവിള, കെ. ആർ. സുരേന്ദ്രൻ, ഗോപകുമാർ, ശരി കോണം സുധീർ തുടങ്ങിയവർ പ്രസംഗിച്ചു.

190 കുപ്പി മദ്യവുമായി ഒരാൾ അറസ്റ്റിൽ

കൊല്ലം: വീട്ടിലും സ്കൂട്ടറിലുമായി സൂക്ഷിച്ചിരുന്ന 190 കുപ്പി ഇന്ത്യൻ നിർമിത വിദേശമദ്യവുമായി ഒരാളെ എക്സൈസ് സംഘം അറസ്റ്റ് ചെയ്തു.കരുനാഗപ്പള്ളി കുലശേഖരപുരം ആദിനാട് വടക്ക് കോയിക്കൽ വീട്ടിൽ ശ്രീരാജ് (39) ആണ് അറസ്റ്റിലായത്. 95 ലിറ്റർ മദ്യമാണ് പിടിച്ചെടുത്തത്.ഓച്ചിറ കാളകെട്ട് ഉത്സവം അടുത്ത ദിവസങ്ങളിലെ ഡ്രൈ ഡേ എന്നിവയുമായി ബന്ധപ്പെട്ട് വൻതുകയ്ക്ക് വിൽക്കുന്നതിനായാണ് ഇയാൾ മദ്യം ശേഖരിച്ച് വച്ചത്.സ്കൂട്ടറിൽ മദ്യവിൽപ്പന നടത്തവേയാണ് ശ്രീരാജ് പിടിയിലായത്. തുടർന്ന് വീട്ടിലും പരിശോധന നടത്തിയപ്പോൾ കൂടുതൽ മദ്യകുപ്പികൾ കണ്ടെടുക്കുകയായിരുന്നു. കരുനാഗപ്പള്ളി എക്സൈസ് റേഞ്ച് ഇൻസ്പെക്ടർ കെ.ജി. രഘുവി െ ന്‍റ നേതൃത്യത്തിൽ ഗ്രേഡ് പ്രിവന്‍റീവ് ഓഫീസർ ജി. അഭിലാഷ്, സിവിൽ എക്സൈസ് ഓഫീസർമാരായ കിഷോർ, ഹരിപ്രസാദ്, ഗോപകുമാർ, അസിസ്റ്റന്‍റ് എക്സൈസ് ഇൻസ്പെക്ടർ അബ്ദുൾ മനാഫ് എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.

പോലീസ് കസ്റ്റഡിയിൽ നിന്നു രക്ഷപ്പെട്ട പ്രതികൾ പിടിയിൽ

അഞ്ചല്‍ : കവര്‍ച്ച കേസില്‍ പാലോട് പോലീസ് പിടികൂടി പോലീസ് സ്റ്റേഷനിലേക്കു കൊണ്ടുവരവേ കസ്റ്റഡിയില്‍ നിന്നും ചാടിപോയ പ്രതികള്‍ രണ്ടു ദിവസത്തിനു ശേഷം പിടിയില്‍. തിരുവനന്തപുരം വഞ്ചിയൂര്‍ സ്വദേശികളും നിരവധി കവര്‍ച്ച കേസുകളിലെ പ്രതികളുമായ അയൂബ് ഖാന്‍, ഇയാളുടെ മകന്‍ സെയ്താലവി എന്നിവരെയാണ് വയനാട് മാനന്തവാടിയില്‍ പോലീസ് പിടികൂടുന്നത്. പ്രതികൾ ചാടി പോകുന്നതിനുമുമ്പ് പിടികൂടിയതു വനയാട്ടിലെ സുല്‍ത്താന്‍ബത്തേരിയില്‍ നിന്നുമായിരുന്നു. ഇതുകൊണ്ടു തന്നെ പാലോട് പോലീസ് വയനാട് ജില്ലാ പോലീസിന് പ്രതികളുടെ വിവരം കൈമാറിയിരുന്നു. ഇത്‍പ്രകാരം, പ്രതികള്‍ മാനന്തവാടിയില്‍ വാടകയ്ക്ക് താമസിച്ചുവന്നിരുന്ന വീട്ടിലെത്തിയ പ്രതികളെ മഫ്തിയിലുണ്ടായിരുന്ന പോലീസ് പിടികൂടുകയായിരുന്നു. പോലീസ് പിടിയിലായ സമയത്ത് പ്രതികളുടെ കൈയില്‍ വിലങ്ങുണ്ടായിരുന്നില്ല. പ്രതികള്‍ രക്ഷപ്പെട്ട കടയ്ക്കല്‍ പോലീസ് സ്റ്റേഷന്‍ പരിധിയിലെ കോട്ടുക്കല്‍, ചൂണ്ട, ചെറുകുളം, കോട്ടുക്കല്‍ കൃഷി ഫാം ഉള്‍പ്പടെയുള്ള ഇടങ്ങളില്‍ കഴിഞ്ഞ രണ്ടു ദിവസമായി വ്യാപകമായ തെരച്ചിലാണ് പോലീസ് നടത്തിയത്. ശനിയാഴ്ച പുലര്‍ച്ചെ രക്ഷപ്പെട്ട പ്രതികള്‍ക്കായുള്ള ഈ ഭാഗങ്ങളിലെ തെരച്ചില്‍ തിങ്കളാഴ്ച വൈകുന്ന േരത്ത ോടെ പോലീസ് ഏതാണ്ട് അവസാനിപ്പിച്ചിരുന്നു. പിന്നാലെയാണ് പ്രതികള്‍ മാനന്തവാടി പോലീസിന്‍റെ വലയിലാകുന്നത്. പ്രതികളെ കസ്റ്റഡിയില്‍ വാങ്ങുന്നതിനായി പാലോട് എസ്എച്ച്ഒയുടെ നേതൃത്വത്തില്‍ പോലീസ് സംഘം വയനാട്ടിലേക്ക് തിരിച്ചിട്ടുണ്ട്. ചൊവ്വാഴ്ച രാത്രിയോടെയോ ഇന്നു രാവിലെയോടെയോ പ്രതികളെ പാലോട് പോലീസ് സ്റ്റേഷനില്‍ എത്തിക്കുമെന്നാണ് വിവരം. പാലോട് പോലീസ് സ്റ്റേഷന്‍ പരിധിയില്‍ എട്ടോളം വ്യാപാര സ്ഥാപനങ്ങള്‍ കുത്തിത്തുറന്ന പ്രതികള്‍ ലക്ഷങ്ങളുടെ കവര്‍ച്ച നടത്തിയിരുന്നു. ഈ കേസിലാണ് പിടികൂടി കൊണ്ടുവരവേ പ്രാഥമികകർമം നിർവഹിക്കാനെന്ന വ്യാജേന പ്രതികള്‍ വാഹനത്തില്‍ നിന്നും പുറത്തിറങ്ങുകയും രക്ഷപ്പെടുകയും ചെയ്യുകയായിരുന്നു.

പ്രതികള്‍ രക്ഷപ്പെട്ടതില്‍ അടിമുടി ദുരൂഹത

അഞ്ചല്‍ : പോലീസ് കസ്റ്റഡിയില്‍ നിന്നും ചാടിപ്പോയ കവര്‍ച്ചാ കേസുകളിലെ പ്രതികളായ അയൂബ് ഖാന്‍, മകന്‍ സെയ്തലവി എന്നിവരെ 48 മണിക്കൂറിലധികം നീണ്ട തെരച്ചിലിനൊടുവില്‍ പിടികൂടാന്‍ കഴിഞ്ഞതിന്‍റെ ആശ്വാസത്തിലാണ് പോലീസ്. പക്ഷേ ചാടിപ്പോയ പ്രതികള്‍ വയനാട്ടിലെ മാനന്തവാടിയില്‍ നിന്നും വീണ്ടും പിടിയിലാകുമ്പോള്‍ ഇക്കാര്യത്തില്‍ അടിമുടി ദുരൂഹത തുടരുകയാണ്. ശനിയാഴ്ച പുലര്‍ച്ചയോടെയാണ് കോട്ടുക്കല്‍ ചൂണ്ട ചെറുകുളം ഭാഗത്തുനിന്നും പ്രതികള്‍ രക്ഷപ്പെടുന്നത്. ഈസമയം മുതല്‍ തിങ്ക്ളാഴ്ച വൈകുന്നേരം വരെ കടയ്ക്കല്‍ പാലോട് പോലീസ് വിവിധ സംഘങ്ങളായി തിരിഞ്ഞു നാട്ടുകാരുടെ സഹായത്തോടെ നടത്തിയത് വലിയ പരിശോധന. പ്രതികളെ കിട്ടാതെ വന്നതോടെ സിസിടിവി പരിശോധനയും ആരംഭിച്ചു. തുടക്കം മുതല്‍ പോലീസ് പറഞ്ഞിരുന്നതു കൈവിലങ്ങോടെയാണ് പ്രതികള്‍ രക്ഷപ്പെട്ടതെന്നായിരുന്നു. ഇങ്ങനെയാണെങ്കില്‍ പ്രതികള്‍ക്ക് അധിക ദൂരം സഞ്ചരിക്കാന്‍ കഴിയില്ലന്നും പോലീസ് വിശ്വസിച്ചു. ഈ വിശ്വാസത്തില്‍ സിസിടിവി ദൃശ്യങ്ങള്‍ പരിശോധിച്ച പോലീസ് പ്രതികള്‍ റോഡിലൂടെ നടന്നു പോകുന്നത് ആദ്യം തന്നെ കണ്ടെത്തി. പക്ഷേ ഇവരുടെ കൈകളില്‍ വിലങ്ങ് ഉണ്ടായിരുന്നില്ല എന്നു മാത്രമല്ല ധരിച്ചിരുന്ന വസ്ത്രങ്ങളും വേറെയായിരുന്നു. ഇതോടെ പോലീസ് ഇതു പ്രതികള്‍ ആകില്ലെന്ന നിഗമനത്തില്‍ ആദ്യം എത്തി. എന്നാല്‍ കൂടുതല്‍ ഇടങ്ങളിലെ പരിശോധനയില്‍ കുറച്ചുകൂടി വ്യക്തമായ ദൃശ്യങ്ങള്‍ പോലീസിനു ലഭിക്കുകയും ചിലയിടങ്ങളില്‍ പ്രതികള്‍ മുഖം മറയ്ക്കുന്നതും കണ്ടെത്തി. പ്രതികള്‍ പ്രധാന റോഡിലൂടെ രക്ഷപ്പെടുന്നതിന്‍റെ സിസിടിവി ദൃശ്യങ്ങള്‍ പുറത്തായതോടെ പോലീസിന്‍റെ വാദങ്ങള്‍ പൊളിയുകയാണ്. കൈവിലങ്ങോടെയാണ് പ്രതികള്‍ രക്ഷപ്പെട്ടതെങ്കില്‍ രക്ഷപ്പെട്ട ഉടന്‍ ഇവരുടെ വിലങ്ങുകള്‍ എങ്ങനെ അപ്രത്യക്ഷമായി എന്ന ചോദ്യം പ്രസക്തമാകുന്നു. പ്രതികള്‍ രക്ഷപ്പെട്ടപ്പോള്‍ ധരിച്ചിരുന്ന വസ്ത്രങ്ങള്‍ മാറ്റി പാകമായ മറ്റു വസ്ത്രങ്ങള്‍ എവിടെ നിന്നും കിട്ടി. വസ്ത്രങ്ങള്‍ നഷ്ടമായതു സംബന്ധിച്ച പരാതികള്‍ ഒന്നും നിലവില്‍ പോലീസിന് ലഭിച്ചിട്ടില്ല. പ്രതികള്‍ പുറത്തേയ്ക്കും രക്ഷപെടാന്‍ സാധ്യത ഏറെയാണ് എന്നറിഞ്ഞിട്ടും അത്തരത്തിലുള്ള ഒരു പരിശോധനയ്ക്കു പോലീസ് എന്തുകൊണ്ട് തയാറായില്ല എന്നതും ദുരൂഹമാണ്. വയനാട്ടില്‍ നിന്നും കസ്റ്റഡിയില്‍ എടുത്തുകൊണ്ടുവരവേ സെയ്തലവി കൈ വേദനിക്കുന്നുവെന്നു പറഞ്ഞതിന്‍റെ അടിസ്ഥാനത്തില്‍ പോലീസ് വിലങ്ങ് അയവു ചെയ്തു നല്കിയിരുന്നു. ഈ പഴുതുപയോഗിച്ച് ഇയാള്‍ വിലങ്ങ് കൈയില്‍ നിന്നും ഊരിയേക്കാം എന്ന് പോലീസ് കരുതുന്നു. അങ്ങനെയെങ്കില്‍ അയൂബ് ഖാന്‍റെ കൈയില്‍ വിലങ്ങ് കാണേണ്ടതല്ലേ. നാട്ടുകാരുടെ ഈ ചോദ്യങ്ങള്‍ക്കെല്ലാം പോലീസിനു മറുപടി നല്‍കേണ്ടിവരും. പ്രതികളെ കൂടുതല്‍ ചോദ്യം ചെയ്യുന്നതിലൂടെ ഇക്കാര്യങ്ങളില്‍ കൂടുതല്‍ വ്യക്തത ലഭിക്കുമെന്ന പ്രതീക്ഷയിലാണ് പാലോട് പോലീസ്. കേരളത്തിലെ വിവിധ പോലീസ് സ്റ്റേഷനുകളില്‍ നിരവധി കവര്‍ച്ചാ കേസുകളില്‍ പ്രതികളായ ഇരുവരെയും കസ്റ്റഡിയില്‍ എടുത്തുകൊണ്ടുവരുന്നതില്‍ പോലീസ് സംഘം കാര്യമായ ജാഗ്രത പുലര്‍ത്തിയിരുന്നില്ല എന്നാണ് സ്പെഷല്‍ ബ്രാഞ്ച് അടക്കം കണ്ടെത്തിയിരിക്കുന്നത്. അതുകൊണ്ടു തന്നെ സംഘത്തിലുണ്ടായിരുന്ന എസ്ഐ ഉള്‍പ്പടെയുള്ള പോലീസുകാര്‍ക്കെതിരെ കടുത്ത നടപടികള്‍ ഉണ്ടായേക്കുമെന്നാണ് സൂചനകൾ. പി. സനില്‍കുമാര്‍

മൂന്ന് റോഡുകൾ പുനരുദ്ധരിക്കാൻ 80 ലക്ഷം രൂപയുടെ ഭരണാനുമതി

ചാത്തന്നൂർ: ചാത്തന്നൂർ പഞ്ചായത്തിലെ കല്ലുവെട്ടാം കുഴി വാർഡിലെ മൂന്ന് ഗ്രാമീണ റോഡുകൾ പുനരുദ്ധരിക്കുന്നതിന് 80 ലക്ഷം രൂപയുടെ ഭരണാനുമതി ലഭിച്ചതായി ജി.എസ്.ജയലാൽ എംഎൽഎ അറിയിച്ചു. കല്ലുവെട്ടാം കുഴി വാർഡിലെ ശ്രീഭൂതനാഥക്ഷേത്രം - മിൽമ സൊസൈറ്റി റോഡ് പുനരുദ്ധാരണത്തിന് 50 ലക്ഷം രൂപയും, ബ്ലോക്കാഫീസ് ജംഗ്ഷൻ കോവിൽ റോഡ് നവീകരണത്തിന് 20 ലക്ഷം രൂപയും കല്ലുവെട്ടാം കുഴി കനാൽ റോഡ് പുനരുദ്ധരിക്കാൻ 10 ലക്ഷം രൂപയും ആണ് അനുവദിച്ചത്. ചാത്തന്നൂർ ഗ്രാമപഞ്ചായത്തിലെ കല്ലുവെട്ടാം കുഴി വാർഡിലുൾപ്പെട്ട പ്രസ്തുതറോഡുകൾ നിലവിൽ ഗതാഗതയോഗ്യമല്ലാത്ത വിധം തകർന്ന സാഹചര്യത്തിൽ എംഎൽഎയുടെ ആവശ്യപ്രകാരം ഉൾപ്പെടുത്തിയ തുകയിൽ നിന്നും 70ലക്ഷം രൂപയും എംഎൽഎ ഫണ്ടിൽ നിന്ന് 10 ലക്ഷം രൂപയും ഉൾപ്പടെ അനുവദിച്ചതോടെയാണ് 80 ലക്ഷം രൂപയുടെ റോഡ് പുനരുദ്ധാരണം കല്ലുവെട്ടാം കുഴി വാർഡിൽ നടക്കുക. ചാത്തന്നൂർ കല്ലുവെട്ടാം കുഴി വാർഡിലെ ശ്രീഭൂതനാഥ ക്ഷേത്രം മിൽമ സൊസൈറ്റി റോഡി െന്‍റയും ബ്ലോക്കോഫീസ് ജംഗ്ഷൻ കോവിൽ റോഡി ന്‍റെയും പുനരുദ്ധാരണത്തി ന്‍റെ നിർവഹണ ചുമതല തദ്ദേശ എൻജിനിയറിംഗ് വകുപ്പിനും കല്ലുവെട്ടാം കുഴി കനാൽ റോഡ് പുനരുദ്ധാരണ പ്രവൃത്തിയുടെ നിർവഹണ ചുമതല കെഐപിക്കുമാണ് നൽകിയിട്ടുള്ളത്. ‌സാങ്കേതികാനുമതികൾ ലഭ്യമായിരിക്കെ ടെണ്ടർ നടപടികൾ പൂർത്തിയാക്കി റോഡുകളുടെ പുനരുദ്ധാരണ പ്രവൃത്തികൾ ഉടൻ ആരംഭിക്കുമെന്ന് എംഎൽഎ അറിയിച്ചു.

ജില്ലയിൽ ഡിജിറ്റല്‍ റീ സര്‍വേ പുരോഗമിക്കുന്നു

കൊല്ലം: എല്ലാവര്‍ക്കുംഭൂമി, എല്ലാ ഭൂമിക്കുംരേഖ, എല്ലാസേവനങ്ങളും സ്മാര്‍ട്ട് ലക്ഷ്യത്തോടെ സംസ്ഥാന സര്‍ക്കാര്‍ ആരംഭിച്ച എന്‍റെ ഭൂമി ഡിജിറ്റല്‍ ലാന്‍ഡ് സര്‍വേ പ്രവര്‍ത്തനങ്ങള്‍ ജില്ലയില്‍ അതിവേഗം പുരോഗമിക്കുന്നു. ജില്ലയില്‍ 43 വില്ലേജുകളാണ് ഉള്‍പ്പെടുത്തിയിട്ടുള്ളത്. മങ്ങാട് വില്ലേജിലെ സര്‍വേ പൂര്‍ത്തിയാക്കി. എന്‍റെ ഭൂമി പോര്‍ട്ടല്‍വഴി ഭൂസേവനങ്ങള്‍ ഓണ്‍ലൈനായി ലഭ്യമാക്കി. റവന്യൂ, രജിസ്‌ട്രേഷന്‍, സര്‍വെ വകുപ്പുകള്‍ മുഖേനയുള്ള കരംഅടവ്, മെഷര്‍മെൻരഅ സ്‌കെച്ച്, വസ്തുകൈമാറ്റം തുടങ്ങി എല്ലാ സേവനങ്ങളും ലഭിക്കും. ഡിജിറ്റല്‍ സര്‍വേ പൂര്‍ത്തിയാക്കിയ ജില്ലയിലെ ആദ്യത്തെയും സംസ്ഥാനത്തെ രണ്ടാമത്തെയും വില്ലേജാണ് മങ്ങാട്. സര്‍വേ നടപടികള്‍ പൂര്‍ത്തിയാക്കിയ വില്ലേജുകളില്‍, ഭൂമിയുടെ അതിരുകളും അളവുകളും രേഖപ്പെടുത്തിയ ഡ്രാഫ്റ്റ്‌രേഖകള്‍ പൊതുജനങ്ങളുടെ പരിശോധനയ്ക്കായി പ്രദര്‍ശിപ്പിക്കും. ജില്ലയിൽ 52587.2 ഹെക്ടര്‍ ഭൂമി ജില്ലയില്‍ ഇതുവരെ 52587.2 ഹെക്ടര്‍ ഭൂമിയിലാണ് ഡിജിറ്റല്‍ സര്‍വേ പൂര്‍ത്തിയായത്. എല്ലാതാലൂക്കുകളിലുമായി 25 വില്ലേജുകളില്‍ പ്രഖ്യാപിച്ചു. ഏഴുവില്ലേജുകളില്‍ അന്തിമവിജ്ഞാപനത്തിനും സജ്ജമായി. ജില്ലയില്‍ ഒന്നാംഘട്ടത്തില്‍ 12 വില്ലേജുകളാണ് ഉള്‍പ്പെട്ടിരിക്കുന്നത്. കിളികൊല്ലൂര്‍, കുലശേഖരപുരം, കല്ലേലിഭാഗം, വിളക്കുടി, ഇടമണ്‍, വാളക്കോട്‌വില്ലേജുകളില്‍ അന്തിമവിജ്ഞാപനം പ്രസിദ്ധീകരിച്ചു. തൊടിയൂര്‍, തലവൂര്‍, പത്തനാപുരം, പുനലൂര്‍, കൊറ്റങ്കര വില്ലേജുകളില്‍ അന്തിമ വിജ്ഞാപനത്തിനുള്ള പ്രവര്‍ത്തനങ്ങള്‍ പുരോഗമിക്കുന്നു. ഡിജിറ്റല്‍ സര്‍വേയുടെ രണ്ടാംഘട്ടത്തില്‍ 18 വില്ലേജുകള്‍ ഉള്‍പ്പെട്ടിട്ടുണ്ട്. മീനാട് വില്ലേജില്‍ അന്തിമവിജ്ഞാപനം പുറപ്പെടുവിക്കാറായി. അറയ്ക്കല്‍, പള്ളിമണ്‍, പനയം, തൃക്കടവൂര്‍, തൃക്കരുവ, ഇരവിപുരം, തേവലക്കര, വടക്കുംതല, കരുനാഗപ്പള്ളി, നെടുവത്തൂര്‍, മൈനാഗപ്പള്ളി വില്ലേജുകളുടെ സര്‍വെജോലികള്‍ പൂര്‍ത്തീകരിച്ച് പ്രസിദ്ധീകരിച്ചു. അഞ്ച് വില്ലേജുകളിലെ പ്രവര്‍ത്തനങ്ങള്‍ ആരംഭിച്ചു. മൂന്നാംഘട്ടത്തില്‍ ഉള്‍പ്പെട്ട 13 വില്ലേജുകളില്‍ തൃക്കോവില്‍വട്ടം, മയ്യനാട്, ചിറക്കര, എഴുകോണ്‍, കൊട്ടാരക്കര, പൂയപ്പള്ളി, ചിതറ, കുന്നത്തൂര്‍, ആദിനാട്, ചവറ എന്നിവിടങ്ങളില്‍ സര്‍വെ നടപടികള്‍ തുടങ്ങി. പാവുമ്പ, ആയിരനല്ലൂര്‍, തിങ്കള്‍കരിക്കകം, ആര്യങ്കാവ് വില്ലേജുകളുടെ ഫീല്‍ഡ്‌ജോലികള്‍ ആരംഭിക്കാനുണ്ട്. ഫീല്‍ഡ് പരിശോധന ഒഴിവാക്കപ്പെടും ഡിജിറ്റല്‍ റീ-സര്‍വേ പൂര്‍ത്തിയാകുന്നതോടെ ഭൂമിയുടെ ഉടമസ്ഥാവകാശരേഖകളിലും കൈമാറ്റനടപടികളിലും സുപ്രധാനമായ മാറ്റങ്ങള്‍ ഉണ്ടാകും. ഭൂമിസംബന്ധമായതര്‍ക്കങ്ങള്‍ക്ക് ശാശ്വതപരിഹാരം, ഭൂസേവനങ്ങളുടെസംയോജനം, പ്രവര്‍ത്തനക്ഷമത കൈവരിക്കല്‍, ഡിജിറ്റലൈസേഷന്‍, മാപ്പ്അധിഷ്ഠിത പോക്ക്‌വരവ് സംവിധാനം, സുതാര്യത, കൃത്യമായ സ്ഥാനനിര്‍ണയം, അതിര്‍ത്തിതര്‍ക്ക പരിഹാരം, നികുതിവരുമാനവര്‍ധനവ്, സര്‍ക്കാര്‍ഭൂമിയുടെസംരക്ഷണം, സര്‍ക്കാര്‍ ആനുകൂല്യങ്ങള്‍ വേഗത്തിലാക്കല്‍ തുടങ്ങി ഒട്ടേറെ നേട്ടങ്ങളാണ് കൈവരിക്കുക. ദുരന്തനിവാരണപ്രവര്‍ത്തനങ്ങള്‍ക്കും ലൊക്കേഷന്‍ സ്‌കെച്ച്‌ പോലുള്ള രേഖകള്‍ക്ക് ഫീല്‍ഡ്പരിശോധന ഒഴിവാക്കാനും സര്‍വെ ഉപകാരപ്പെടും. പൂര്‍ണമായും സോഫ്റ്റ്‌വെയര്‍ അധിഷ്ഠിതമായാണ് സര്‍വേ നടപടികള്‍. പ്രതിമാസം ജില്ലാഭരണകൂടം ഡിജിറ്റല്‍ സര്‍വേയുടെ പുരോഗതി വിലയിരുത്തുന്നുണ്ട്. സർവേ ജാഗ്രതസമിതി സര്‍വേ ജോലികള്‍ ആരംഭിക്കുന്നവില്ലേജുകളില്‍ അവബോധം ലക്ഷ്യമാക്കി സര്‍വെ ജാഗ്രതാസമിതി ചേരുന്നുണ്ട്. എല്ലാവില്ലേജുകളിലും വാര്‍ഡ്തലത്തില്‍ ജനപ്രതിനിധികളുടെയും വൊളണ്ടിയര്‍മാരുടെയും സര്‍വേ ജീവനക്കാരുടെയും നേതൃത്വത്തില്‍ ജനപങ്കാളിത്തം ഉറപ്പാക്കുന്നു. സര്‍വേ ജോലികള്‍ പൂര്‍ത്തിയാകുന്ന മുറയ്ക്ക് പൊതുജനങ്ങള്‍ക്ക് റിക്കോര്‍ഡുകള്‍ പരിശോധിച്ച് ബോധ്യപ്പെടുന്നതിന് പ്രദര്‍ശനക്യാമ്പുകളും സംഘടിപ്പിക്കുന്നു.പൊതുജനങ്ങള്‍ക്ക് പ്രസിദ്ധീകരിച്ച അതതു വില്ലേജുകളിലെ റെക്കോര്‍ഡുകള്‍ ഡിജിറ്റല്‍ സര്‍വേ ക്യാമ്പ് ഓഫീസുകള്‍ വഴിയോ www. entebhoomi. kerala.gov.in വെബ്‌സൈറ്റ് വഴിയോ പരിശോധിക്കാനുള്ള സൗകര്യം നിലവിലുണ്ട്. കുറ്റമറ്റരീതിയിലുമാണ്ജില്ലയില്‍ ഡിജിറ്റല്‍സര്‍വേ പ്രവര്‍ത്തനങ്ങള്‍ നടന്നുവരുന്നതെന്ന് സര്‍വേ ഡപ്യൂട്ടി ഡയറക്ടര്‍ അറിയിച്ചു.

ശ്രീനാഗേഷ് എൻഎസ്എസ് ചാത്തന്നൂർ താലൂക്ക് യൂണിയൻ പ്രസിഡന്‍റ്

ചാത്തന്നൂർ: താലൂക്ക് എൻ എസ് എസ് കരയോഗ യൂണിയ െന്‍റ പുതിയ ഭരണ സമിതി പ്രസിഡന്‍റായി ബി. ഐ. ശ്രീനാഗേഷുംവൈസ് പ്രസിഡന്‍റായി എൻ.ടി.പ്രദീപ്കുമാറും തെരഞ്ഞെടുക്കപ്പെട്ടു. യൂണിയൻ ഓഫീസിലെ മന്നം പ്രതിമയ്ക്ക് മുന്നിൽ പുപ്പാർച്ചനക്ക് ശേഷമാണ് ഭാരവാഹികളുടെ സ്ഥാനാരോഹണം നടന്നത്. വിവിധ കരയോഗങ്ങളിൽ നിന്നുള്ള അംഗങ്ങളും സ്ഥാനാരോഹണ ചടങ്ങിൽ പങ്കെടുത്തു.

സാംസ്കാരിക സായാഹ്നം സംഘടിപ്പിച്ചു

ശാസ്താംകോട്ട : നാടക പ്രതിഭകളായിരുന്ന ജി. ശങ്കരപ്പിള്ള, പി. ബാലചന്ദ്രൻ, പി. എസ്. ബാനർജി എന്നിവരുടെ ഓർമകൾ പുതുക്കി ഗ്രാവിറ്റി കൾച്ചറൽ തീയേറ്ററും ഇടം സാംസ്കാരിക വേദിയും സംയുക്തമായി ശാസ്താംകോട്ട കായലോരത്ത് ഒരുക്കിയ സാംസ്കാരിക സായാഹ്നം വേറിട്ട അനുഭവമായി. ചലച്ചിത്രഗാന രചയിതാവും കവിയുമായ അൻവർ അലി ഉദ്ഘാടനം ചെയ്തു. പി. കെ. രവി അധ്യക്ഷനായി.ആർ. വിനോദ് ആമുഖ പ്രഭാഷണം നടത്തി. പി. കെ. അനിൽകുമാർ, സന്ധ്യാരാജേന്ദ്രൻ, പി. ജെ. ഉണ്ണികൃഷ്ണൻ, എ.ബി. പാപ്പച്ചൻ, മത്തായി സുനിൽ, എസ്. രൂപേഷ്, നൗഫൽ പുത്തൻപുരയ്ക്കൽ എന്നിവർ അനുസ്മരണ പ്രഭാഷണങ്ങൾ നടത്തി. സംഘം നടൻ പാട്ടുകളും അവതരിപ്പിച്ചു.

സുസ്ഥിരാരോഗ്യം: സെമിനാർ സംഘടിപ്പിച്ചു

കരുനാഗപ്പള്ളി : ശാസ്ത്രസാങ്കേതിക പരിസ്ഥിതി കൗൺസിലും, താലൂക്ക് ലൈബ്രറി കൗൺസിലും സംയുക്തമായി സുസ്ഥിരാരോഗ്യം എന്ന വിഷയത്തിൽ സെമിനാറും സംവാദവും സംഘടിപ്പിച്ചു. ലാലാജി ഗ്രന്ഥശാലയിൽ നടന്ന പരിപാടി ഡോ. സുജിത് വിജയൻപിള്ള എംഎൽഎ ഉദ്ഘാടനം ചെയ്തു. താലൂക്ക് ലൈബ്രറി കൗൺസിൽ പ്രസിഡന്‍റ് കടത്തൂർ മൻസൂർ അധ്യക്ഷനായി. താലൂക്ക് സെക്രട്ടറി വി. വിജയകുമാർ ആമുഖ പ്രഭാഷണം നടത്തി. വിവിധ മേഖലകളെ അധികരിച്ച് ശാസ്ത്ര സാങ്കേതിക പരിസ്ഥിതി കൗൺസിൽ സെക്രട്ടറി ഡോ. എ. സാബു, ഡോ. ജാസ്മിൻ റിഷാദ്, ഡോ. പി. ഹരിനാരായണൻ എന്നിവർ ക്ലാസുകൾ നയിച്ചു. വി. വിമൽറോയ്, വിജയമ്മാ ലാലി എന്നിവർ മോഡറേറ്റർമാരായി. സംസ്ഥാന ലൈബ്രറി കൗൺസിൽ വൈസ് പ്രസിഡന്‍റ് ഡോ. വള്ളിക്കാവ് മോഹൻദാസ്, നഗരസഭാ സ്ഥിരം സമിതി അധ്യക്ഷ ഡോ. പി. മീന തുടങ്ങിയവർ പങ്കെടുത്തു. വിദ്യാർഥികൾ ഉൾപ്പെടെ തെരഞ്ഞെടുക്കപ്പെട്ട 175 പ്രതിനിധികൾ പങ്കെടുത്തു. സുസ്ഥിരാരോഗ്യം എന്ന വിഷയത്തെ കേന്ദ്രീകരിച്ച് താലൂക്കിലെമ്പാടും ഗ്രന്ഥശാലകളുടെ നേതൃത്വത്തിൽ ബോധവൽക്കരണ ക്ലാസുകളും സംവാദ പരിപാടികളും സംഘടിപ്പിക്കുവാനും തീരുമാനിച്ചു.

ക്രിക്കറ്റ് ടൂർണമെന്‍റ്; കൊല്ലം സോണൽ ടീം ചാമ്പ്യന്മാർ

കൊല്ലം: എക്സൈസ് കലാ-കായിക മേളയോട് അനുബന്ധിച്ചുള്ള ക്രിക്കറ്റ് ടൂർണമെന്‍റിൽ കൊല്ലം സോണൽ ടീം ചാമ്പ്യൻമാരായി. തിരുവനന്തപുരം എംജി കോളജ് ഗ്രൗണ്ടിൽ നടന്ന ഫൈനൽ മത്സരത്തിൽ കൊല്ലം ടീം 20 ഓവറിൽ 136 റൺസ് നേടി. മറുപടി ബാറ്റിംഗിൽ തിരുവനന്തപുരം ടീമിന് എട്ട് വിക്കറ്റ് നഷ്ടത്തിൽ 126 റൺസ് മാത്രമേ നേടാനായുള്ളൂ. കൊല്ലത്തിന് വേണ്ടി ക്യാപ്റ്റൻ ക്രിസ്റ്റിൻ ഹാട്രിക് ഉൾപ്പെടെ ആറ് വിക്കറ്റുകൾ നേടി.

അഷ്‌ടമുടി ഉരുൾ നേർച്ച

കൊല്ലം : അഷ്‌ടമുടി വീരഭദ്ര സ്വാമി ക്ഷേത്രത്തിലെ ഉരുൾ നേർച്ച ഇന്ന് ആരംഭിച്ച് മൂന്നിനു സമാപിക്കും. ഇന്ന് രാത്രി ഏഴിന് നൃത്തപരിപാടി, തുടർന്ന് നാടകം - കനൽക്കാറ്റ്.നാളെ രാവിലെ 11ന് കരാക്കെ ഗാനമേള, വൈകുന്നേരം അഞ്ചിനു നടക്കുന്ന അവാർഡ് ദാന സമ്മേളനം എൻ.കെ. പ്രേമചന്ദ്രൻ എംപി ഉദ്ഘാടനം ചെയ്യും. വിദ്യാഭ്യാസ അവാർഡുകൾ എം. നൗഷാദ് എംഎൽഎ വിതരണം ചെയ്യും. ദേവസ്വം വർക്കിംഗ് പ്രസിഡന്‍റ് മങ്ങാട് സുബിൻ നാരായണന്‍റെ അധ്യക്ഷതയിൽ ചേരുന്ന യോഗത്തിൽ ജില്ലാ പഞ്ചായത്ത് അംഗം ബി.ജയന്തി മുഖ്യപ്രഭാഷണം നടത്തും. പഞ്ചായത്ത് പ്രസിഡന്‍റ് സരസ്വതി രാമചന്ദ്രൻ മുഖ്യാതിഥിയായിരിക്കും. രാത്രി ഒമ്പതിന് ഉരുൾ ഉത്സവം സമാപിക്കും. ഉത്സവത്തോടനുബന്ധിച്ച് ഇന്ന് രാവിലെ ഏഴ് മുതൽ മൂന്നിന് രാത്രി 10 വരെ കെഎസ്ആർടിസി കൊല്ലം ചിന്നക്കട, അഞ്ചാലുംമൂട്, കൊട്ടാരക്കര, ചാത്തന്നൂർ, കരുനാഗപ്പള്ളി എന്നിവിടങ്ങളിൽ നിന്ന് പ്രത്യേക സർവീസ് നടത്തും. ജലഗതാഗത വകുപ്പും ഉത്സവ ദിവസങ്ങളിൽ കോയിവിള, തോലു കടവ് എന്നിവിടങ്ങളിൽ നിന് അഷ്ടമുടിയിലേക്ക് സ്പെഷൽ ബോട്ടുകളും സർവീസ് നടത്തും.

വേൾഡ് മലയാളി കൗൺസിൽ നിർധനരായ യുവതി-യുവാക്കളുടെ വിവാഹം നടത്തും

കൊല്ലം: വേൾഡ് മലയാളി കൗൺസിൽ ഫിലാഡൽഫിയ പ്രൊവിൻസ് പത്തനാപുരം ഗാന്ധിഭവന്‍റെ സഹകരണത്തോടെ 25 നിർധന യുവതി യുവാക്കളുടെ വിവാഹം നടത്തുന്നു. നാളെ രാവിലെ 10ന് ഗാന്ധിഭവനിലാണ് ചടങ്ങ്. കേരളത്തിന്‍റെ എല്ലാ ജില്ലകളിൽ നിന്നുമുള്ള അനുയോജ്യരായ യുവതി യുവാക്കളെയാണ് അവരുടെ ബന്ധുമിത്രാദികളുടെ സഹകരണത്തോടെ കണ്ടെത്തിയിട്ടുള്ളത്. വിവാഹത്തിനുള്ള വസ്ത്രങ്ങൾ, സ്വർണാഭരണങ്ങൾ, യാത്രാചെലവ്, സമ്പൂർണ സദ്യ, പോക്കറ്റ് മണി അടക്കം വധുവരന്മാർക്ക് ആവശ്യമായ എല്ലാ കാര്യങ്ങളും നിർവഹിക്കുന്നത് വേൾഡ് മലയാളീ കൗൺസിലിന്‍റെ ഫിലാഡൽഫിയ പ്രൊവിൻസാണ്. വേൾഡ് മലയാളി കൗൺസിലിന്‍റെ 30-വാർഷികാഘോഷങ്ങളുടെ ഭാഗമായാണ് സമൂഹ വിവാഹം നടത്തപ്പെടുന്നത്. വിവാഹത്തിനുശേഷമുള്ള പൊതുസമ്മേളനം പ്രതിപക്ഷനേതാവ് വി.ഡി. സതീശൻ ഉദ്ഘാടനംചെയ്യും. ധനമന്ത്രി കെ.എൻ. ബാലഗോപാൽ, ഗതാഗത മന്ത്രി കെ.ബി. ഗണേഷ് കുമാർ, കൊടിക്കുന്നിൽ സുരേഷ് എംപി, എൻ.കെ. പ്രേമചന്ദ്രൻ എംപി, ശൂരനാട് മൗണ്ട് സീനായി ആശ്രമം സുപ്പീരിയർ റവ. ഗീവർഗീസ് റമ്പാൻ, പാളയം ചീഫ് ഇമാം ഡോ. വി.പി. ഷുഹൈബ് മൗലവി, ശുഭാനന്ദാശ്രമം ജനറൽ സെക്രട്ടറി ഗീതാനന്ദ സ്വാമി തുടങ്ങി രാഷ്്‌ട്രീയ, സാമൂഹിക, സാംസ്കാരിക മേഖലയിൽ നിന്നുള്ളവർ സമൂഹ വിവാഹത്തിന് അനുഗ്രഹാശിസുകൾ നേരാൻ സന്നിഹിതരാകുമെന്നു ഭാരവാഹികൾ അറിയിച്ചു. രണ്ടരപവൻസ്വർണവും വസ്ത്രവും പാദരക്ഷകളും പോക്കറ്റ് മണിയും സംഘടന നൽകും. ഏകദേശം 3700 പ്രതിനിധികൾ ചടങ്ങിൽ പങ്കെടുക്കും. വേൾഡ് മലയാളി കൗൺസിലിന് ചെയർമാൻ ഗോപാലപിള്ള, പ്രസിഡന്‍റ് ജോൺ മത്തായി , ജനറൽ സെക്രട്ടറി ക്രിസ്റ്റഫർ വർഗീസ് , ട്രഷറർ ഷഫീഖ് കുമാർ നായർ തുടങ്ങിയവരാണ് നേതൃത്വം നൽകുന്നത്. സമൂഹ വിവാഹത്തിൽ പങ്കെടുക്കുന്നതിനായി അമേരിക്കയിൽ നിന്നും കേരളത്തിലെ എല്ലാ ജില്ലകളിൽ നിന്നുമുള്ള പ്രതിനിധികൾ എത്തിച്ചേരും. ഒരുക്കം പൂർത്തിയായതായി വേൾഡ് മലയാളി കൗൺസിൽ ഭാരവാഹികളായ ഫിലാൽഡെൽഫിയ പ്രസിഡന്‍റ് നൈനാൻ മത്തായി, ഗ്ലോബൽ പ്രസിഡന്‍റ് ജോൺ മത്തായി, ജനറൽ സെക്രട്ടറി ക്രിസ്റ്റഫർ വർഗീസ് , ജനറൽ കൺവീനർ മംഗല്യം, ഗാന്ധിഭവൻ സിഇഒ വിൻസെന്‍റ് ഡാനിയേൽ,പ്രോഗ്രാം കോർഡിനേറ്റർ ജെയിംസ് പീറ്റർ തുടങ്ങിയവർ പത്രസമ്മേളനത്തിൽ പങ്കെടുത്തു.

നാട്യഗ്രന്ഥശാല മന്ദിരം ഉദ്ഘാടനം

പാരിപ്പള്ളി : കല്ലുവാതുക്കൽ കേന്ദ്രമാക്കി പ്രവർത്തിക്കുന്ന നാട്യഗ്രന്ഥശാല ആർട്സ് ആന്‍റ് സ്പോർട്സ് ക്ലബ്ബിന് ആസ്ഥാനമന്ദിരം നിർമിച്ചു. ജി.എസ്. ജയലാൽ എംഎൽഎ പ്രത്യേക വികസന നിധിയിൽ നിന്ന് അനുവദിച്ച തുക ഉപയോഗിച്ചാണ് മന്ദിരത്തിന്‍റെ നിർമാണം നടന്നത്. മന്ദിരത്തി െ ന്‍റ ഉദ്ഘാടനവും നാട്യയുടെ വാർഷികാഘോഷവും ഇന്ന് മുതൽ മൂന്നു ദിവസങ്ങളിലായി നടക്കും. ഇന്ന് രാവിലെ എട്ടിന് സാംസ്കാരിക വിളംബര ജാഥയോടെയാണ് പരിപാടിക്ക് തുടക്കം. തുടർന്ന് വിവിധ കലാകായിക മത്സരങ്ങൾ നടക്കും. വൈകുന്നേരം 6 .30ന് നാട്യ നാട്ടുകൂട്ടത്തി െ ന്‍റ വിവിധ കലാപരിപാടികളും തുടർന്ന് പാവുമ്പ തിരുവരങ്ങ് അവതരിപ്പിക്കുന്ന എംകെയുടെ വീട് എന്ന നാടകവും ഉണ്ടാവും. നാളെ വൈകുന്നേരം മൂന്നിന് വിദ്യാഭ്യാസ വകുപ്പി െ ന്‍റ അംഗീകാരം നേടിയ കല്ലുവാതുക്കൽ ഗവ. എൽ പി എസിലെ കുട്ടികൾ അവതരിപ്പിക്കുന്ന ‘ജീവിതം തന്നെ ലഹരി' എന്ന നാടകം. മൂന്നിന് വൈകുന്നേരം ആറിന് പൊതുസമ്മേളനവും സമ്മാനദാനവും നടക്കും. ജി എസ് ജലാൽ എംഎൽഎ ഉദ്ഘാടനം നിർവഹിക്കും. കെ. സി. രാജേഷ് കുമാർ അധ്യക്ഷത വഹിക്കും. ഇതോടനുബന്ധിച്ച് അമ്മ ചാരിറ്റബിൾ ട്രസ്റ്റ് ചെയർമാൻ വി.എസ്. സന്തോഷ് കുമാറിനെ ആദരിക്കും.

അനധികൃത ബോർമ അടച്ചുപൂട്ടി

പറവൂർ : നഗരസഭയിലെ റെയിൽവേ സ്റ്റേഷൻ വാർഡിൽ അനധികൃതമായി പ്രവർത്തിച്ച് വന്നിരുന്ന ബോർമ ആരോഗ്യ വകുപ്പ് അധികൃതർ അടച്ചുപൂട്ടി. അനധികൃതമായി ബോർമ പ്രവർത്തിക്കുന്നതായ പരാതിയെ തുടർന്നാണ് നടപടി. കൊല്ലം കോർപറേഷൻ പരിധിയിൽ താന്നിയിലെ ബേക്കറി സാധനങ്ങൾ ഉത്പാദിപ്പിക്കുന്ന സ്ഥാപനത്തിൽ നിന്നും ബൺ, ഖുബൂസ് എന്നിവ പരവൂർ കുറുമണ്ടൽ കളരിയിൽ ക്ഷേത്രത്തിന് സമീപം വാടകയ്ക്ക് എടുത്ത വീട്ടിൽ എത്തിച്ച് ബർഗർ, സാൻവിച്ച്, ഷവർമ എന്നിവ അനധികൃതമായി നിർമിച്ച് വിവിധ സ്ഥലങ്ങളിൽ വിതരണം ചെയ്ത് വരികയായിരുന്നു. ഒരു മാസം മുമ്പ് ജൂനിയർ ഹെൽത്ത് ഇൻസ്പെക്ടർ ആർ. സൂരജ് നോട്ടീസ് നൽകിയതിെ ന്‍റ അടിസ്ഥാനത്തിൽ സ്ഥാപനത്തിെ ന്‍റ പ്രവർത്തനം നിർത്തി വച്ചിരുന്നെങ്കിലും രണ്ട് ദിവസം മുമ്പ് വീണ്ടും പ്രവർത്തനം ആരംഭിച്ചതോടെയാണ് നടപടി ഉണ്ടായത്. പൊഴിക്കര കുടുംബാരോഗ്യ കേന്ദ്രം മെഡിക്കൽ ഓഫീസർ ഗോഡ്ഫ്രി ലോപ്പസ്, ഹെൽത്ത്‌ ഇൻസ്‌പെക്ടർ ശ്രീകുമാർ എന്നിവരുടെ നിർദേശപ്രകാരമാണ് സ്ഥാപനം അടച്ച് പൂട്ടിച്ചത്.

ലോക വയോജന ദിനാചരണം ഇന്ന്

പരവൂർ : സീനിയർ സിറ്റിസൻസ് അസോസിയേഷൻ ഇന്ന് പരവൂരിൽ ലോക വയോജന ദിനം ആചരിക്കും. 3.30ന് പരവൂർ റീജണൽ സഹകരണ ബാങ്ക് ഹാളിൽ നടക്കുന്ന പരിപാടിയിൽ അഭിഭാഷകനായ സുകുൾ ഖാദർ വയോജന നയവും വയോജന ക്ഷേമവും എന്ന വിഷയത്തിൽ ക്ലാസെടുക്കും. അസോസിയേഷൻ പ്രസിഡന്‍റ് എൻ. ഗുരുദാസ് അധ്യക്ഷത വഹിക്കും. ചടങ്ങിൽ വയോജനങ്ങളെ ആദരിക്കും. വയോജനങ്ങളുടെ കലാപരിപാടികളും നടക്കും. എല്ലാ സഹൃദയരും പങ്കെടുക്കണമെന്ന് സെക്രട്ടറി കെ. ജയലാൽ അറിയിച്ചു.

വന്യജീവി വാരാഘോഷം മത്സരങ്ങള്‍

കൊല്ലം: വന്യജീവി വാരാഘോഷത്തോടനുബന്ധിച്ച് കൊല്ലം എസ്എന്‍ കോളജില്‍ നാളെ യും മൂന്നിനും വിവിധ മത്സരങ്ങള്‍ സംഘടിപ്പിക്കും. എല്ലാ സര്‍ക്കാര്‍/എയ്ഡഡ്/അംഗീകൃത അണ്‍എയ്ഡഡ് സ്വാശ്രയ സ്‌കൂളുകളിലേയും കോളജുകളിലേയും പ്രഫഷണല്‍ കോളജുകളിലേയും പോളിടെക്‌നിക്കുകളിലേയും വിദ്യാര്‍ഥികള്‍ക്ക് പങ്കെടുക്കാം. ഹയര്‍സെക്കന്‍ഡറിതലം മുതല്‍ മുകളിലോട്ടുള്ളവര്‍ക്ക് കോളജ് വിഭാഗത്തില്‍ മത്സരിക്കാം. ഓരോ മത്സരഇനങ്ങളിലും ഓരോ വിദ്യാഭ്യാസ സ്ഥാപനത്തേയും പ്രതിനിധീകരിച്ച് രണ്ടുപേര്‍ക്ക് പങ്കെടുക്കാം. ക്വിസ് മത്സരത്തിന് ഒരു വിദ്യാഭ്യാസ സ്ഥാപനത്തെ പ്രതിനിധീകരിച്ച് രണ്ട് പേരടങ്ങുന്ന ടീമിനോ ഒരു വിദ്യാര്‍ഥിക്ക് മാത്രമായോ പങ്കെടുക്കാം. വിദ്യാഭ്യാസ സ്ഥാപനമേലധികാരിയുടെ സാക്ഷ്യപത്രം ഹാജരാക്കണം. വിവരങ്ങള്‍ക്ക് www.forest.kerala.gov.in , ഫോണ്‍: 8281004662, 8547603706, 0474- 2748976.

ബംഗ്ലാദേശ് സ്വദേശിയെ കഴുത്തറുത്ത് കൊന്ന കേസ് : പ്രതികൾക്ക് ജീവപര്യന്തം കഠിനതടവ്

ചാത്തന്നൂർ: ബംഗ്ലാദേശ് സ്വദേശിയെ കഴുത്തറുത്ത് കൊലപ്പെടുത്തിയ ശേഷം കുഴിച്ചുമൂടിയ കേസിലെ പ്രതികൾക്ക് ജീവപര്യന്തം കഠിന തടവും പിഴയും.പശ്ചിമ ബംഗാൾ സ്വദേശികളായ അൻവർ ഇസ്ലാം, ബികാസ് സെൻ എന്നിവരെയാണ് ജീവപര്യന്തം തടവും 5000 രൂപ പിഴയും ശിക്ഷിച്ച് കൊല്ലം നാലാം അഡീഷണൽ സെഷൻസ് കോടതി ജഡ്ജി സി.എം. സീമ ശിക്ഷിച്ചത്. പിഴ ഒടുക്കിയില്ലെങ്കിൽ ഒരു വർഷം കൂടി കഠിന തടവ് അനുഭവിക്കണം എന്നും വിധിയിൽ പറയുന്നു. കണ്ണനല്ലൂരിലെ സ്വകാര്യ കാഷ്യു ഫാക്ടറിയിൽ ബംഗാൾ സ്വദേശി അൽത്താഫ് മിയ എന്ന പേരിൽ വ്യാജ തിരിച്ചറിയൽ കാർഡ് ഉപയോഗിച്ച് ജോലി ചെയ്തു വന്ന ബംഗ്ലാദേശ് ദുർഗാപുർ സ്വദേശി അബു കലാമാണ് കൊല്ലപ്പെട്ടത്. അവധി ദിവസങ്ങളിൽ പ്രതികൾ ജോലി ചെയ്യുന്ന മുട്ടയ്ക്കാവിലെ കട്ടക്കമ്പനിയിൽ അബു കലാം ചീട്ടു കളിക്കാൻ എത്തുമായിരുന്നു. കള്ളക്കളിയിലൂടെ ഇയാൾ പ്രതികളിൽ നിന്ന് പണം അപഹരിക്കുക പതിവായിരുന്നു.ഇതിനിടയിൽ അബ്ദുൾ കലാം പണം സൂക്ഷിക്കുന്നത് അടിവസ്ത്രത്തിലാണെന്ന് പ്രതികൾ രഹസ്യമായി നിരീക്ഷിച്ച് മനസിലാക്കി. 2023 ഡിസംബർ 17ന് രാത്രി പത്തോടെ പ്രതികൾ അബു കലാമിനെ കൂടുതൽ പണം വച്ച് ചീട്ടുകളിക്കുന്ന സ്ഥലം ഉണ്ടെന്ന് പറഞ്ഞ് കട്ട കമ്പനിക്ക് പുറകുവശത്തെ കണ്ടുമൺ ആറിന് സമീപം ആളൊഴിഞ്ഞ പുരയിടത്തിൽ എത്തിച്ചു. തുടർന്ന് പ്രതികൾ ഇരുവരും ചേർന്ന് ഇയാളെ ക്രൂരമായി മർദിച്ച് അവശനാക്കിയ ശേഷം ഷേവിംഗ് ബ്ലേഡുകൊണ്ട് കഴുത്തറുത്ത് കൊലപ്പെടുത്തുകയായിരുന്നു. പിന്നീട് ഇയാളുടെ അടിവസ്ത്രത്തിൽ ഉണ്ടായിരുന്ന മുഴുവൻ പണവും അപഹരിച്ച ശേഷം മൃതദേഹം ഇരുവരും ചേർന്ന് കുണ്ടു മൺ ആറിന് സമീപത്തെ ചെളി നിറഞ്ഞ പ്രദേശത്ത് കുഴിച്ചുമൂടി. പിന്നീട് കൊലപാതകം നടന്ന സ്ഥലത്തെത്തി പ്രതികൾ രക്തക്കറകളും മറ്റും കഴുകി തെളിവുകൾ നശിപ്പിച്ചു.തുടർന്ന് സംസ്ഥാനം വിടാൻ ശ്രമിക്കവേ കൊട്ടിയം പോലീസ് ആണ് ഇരുവരെയും അറസ്റ്റ് ചെയ്തത്. അന്വേഷണ ഭാഗമായി കൊല്ലപ്പെട്ട അബു കലാം കാഷ്യു കമ്പനിയിൽ തിരിച്ചറിയൽ രേഖയിലെ വിലാസം അനുസരിച്ച് ബംഗാളിൽ എത്തിയ പോലീസ് സംഘത്തിന് പ്രസ്തുത വിലാസത്തിലെ ആൾ ജീവിച്ചിരിപ്പുണ്ട് എന്ന് വ്യക്തമായി. തുടർന്ന് നടത്തിയ വിശദമായ അന്വേഷണത്തിലാണ് കൊല്ലപ്പെട്ടത് ബംഗ്ലാദേശ് സ്വദേശി അബു കലാമാണെന്നും ഇയാൾ വ്യാജ തിരിച്ചറിയൽ കാർഡ് ഉപയോഗിച്ചാണ് ജോലിക്ക് എത്തിയതെന്നും അന്വേഷണ ഉദ്യോഗസ്ഥർക്ക് മനസിലായത്. കേസിന്‍റെ വിചാരണ വേളയിൽ 44 സാക്ഷികളെ വിസ്തരിച്ചു. 74 രേഖകളും 17 തൊണ്ടി മുലുകളും തെളിവായി ഹാജരാക്കി.പ്രോസിക്യൂഷന് വേണ്ടി പബ്ലിക് പ്രോസിക്യൂട്ടർ എ. നിയാസ് കോടതിയിൽ ഹാജരായി. എഎസ്ഐ സാജു ആയിരുന്നു പ്രോസിക്യൂഷൻ സഹായി.

പോലീസ് കസ്റ്റഡിയില്‍ നിന്നും ചാടിപ്പോയ പ്രതികളെ പിടികൂടാനായില്ല

അഞ്ചല്‍ : പോലീസ് കസ്റ്റഡിയില്‍ നിന്നും കൈവിലങ്ങുമായി ചാടിപ്പോയ പ്രതികളെ രണ്ടു ദിവസം പിന്നിടുമ്പോഴും കണ്ടെത്താനാകാതെ ഇരുട്ടില്‍ തപ്പുകയാണ് പോലീസ്. വഞ്ചിയൂര്‍ സ്വദേശിയായ അയൂബ് ഖാന്‍, ഇയാളുടെ മകന്‍ സെയ്താലവി എന്നിവരാണ് കഴിഞ്ഞദിവസം പുലര്‍ച്ചയോടെ കടയ്ക്കല്‍ പോലീസ് സ്റ്റേഷന്‍ പരിധിയിലെ ചുണ്ട ചെറുകുളം ഭാഗത്തുനിന്നും രക്ഷപ്പെട്ടത്. പാലോട് ജംഗ്ഷനിലെ എട്ടോളം വ്യാപാര സ്ഥാപനങ്ങളില്‍ കവര്‍ച്ച നടത്തിയ ശേഷം ഒളിവില്‍ പോയ ഇരുവരെയും വയനാട് സുല്‍ത്താന്‍ബത്തേരിയില്‍ നിന്നും പിടികൂടി പാലോട് പോലീസ് സ്റ്റേഷനിലേക്ക് കൊണ്ടുവരവേയാണ് തന്ത്രപരമായി പ്രതികള്‍ രക്ഷപ്പെടുന്നത്. കടയ്ക്കല്‍ എസ്എച്ച്ഒയുടെ നേതൃത്വത്തില്‍ കടയ്ക്കല്‍ പാലോട് പോലീസ് സ്റ്റേഷനുകളില്‍ നിന്നുള്ള പോലീസുകാര്‍ വിവിധ സംഘങ്ങളായി തിരിഞ്ഞാണ് ഇന്നലെയും തെരച്ചില്‍ നടത്തിയത്. കഴിഞ്ഞദിവസം കോട്ടുക്കല്‍ കൃഷിഫാമിലെ ഏക്കര്‍കണക്കിനു സ്ഥലം നാട്ടുകാരുടെ കൂടി സഹായത്തോടെ അരിച്ചുപെറുക്കിയെങ്കിലും പ്രതികളെ കണ്ടെത്താന്‍ കഴിഞ്ഞിരുന്നില്ല. പോലീസ് പരിശോധന കൂടാതെ ഡ്രോണ്‍, ഡോഗ് സ്ക്വാഡ് എന്നിവയുടെ സഹായവും പോലീസ് തേടി. സ്ഥലത്ത് പരിശോധന നടത്തിയ പോലീസ് നായ മണം പിടിച്ച് കോട്ടുക്കല്‍ കൃഷി ഫാമിനു സമീപത്തുകൂടി വയലാ റോഡിലാണ് എത്തിയത്. ഇതിലൊന്നും ഫലമില്ലാതെ വന്നതോടെ രാത്രിയും പകലുമായി പ്രദേശത്തെ സിസിടിവി ദൃശ്യങ്ങളും പോലീസ് പരിശോധിച്ചു. പക്ഷേ ചാടിപോയവരെകുറിച്ചു മാത്രം യാതൊരുവിധ തുമ്പും ലഭിട്ടില്ല. അവശനായ ഒരാളെ യുവാവ് താങ്ങിയെടുത്ത് കൊണ്ടുപോകുന്നതു കണ്ടുവെന്ന സ്ത്രീയുടെ മൊഴിയെ തുടര്‍ന്നാണ് പോലീസ് കോട്ടുക്കല്‍ കൃഷി ഫാമില്‍ വ്യാപകമായ പരിശോധന നടത്തിയത്.ഇരുവരെയും ചേര്‍ത്ത് കൈവിലങ്ങിട്ടിരുന്നുവെന്നാണ് പോലീസ് പറയുന്നത്. പലതവണ പ്രതികളില്‍ ഒരാള്‍ കൈവേദനിക്കുന്നു എന്നു പറയുകയും വിലങ്ങു ലൂസ് ചെയ്തു നല്‍കിയതായും പോലീസ് വ്യക്തമാക്കി. ഇത് ഒരുപക്ഷേ വിലങ്ങ് കൈയിൽ നിന്നും ഊരുന്നതിനാകാമെന്നും പോലീസ് സംശയിക്കുന്നുണ്ട്. അയൂബ് മുമ്പ് താമസിച്ചിരുന്ന കുളത്തൂപ്പുഴ കേന്ദ്രീകരിച്ചും പോലീസ് അന്വേഷണം നടത്തുന്നുണ്ട്. സ്വകാര്യ ബസിലെ ക്ലീനറായി ജോലി ചെയ്തിരുന്ന അയൂബിന് സ്ഥലങ്ങളെ കുറിച്ചു വ്യക്തമായ ധാരണയുള്ളയാളാണ്. ഒരുപക്ഷേ രക്ഷപ്പെട്ട പ്രതികള്‍ പുലര്‍ച്ചെ തന്നെ ഏതെങ്കിലും വാഹനത്തില്‍ പ്രദേശത്തുനിന്നു കടന്നിട്ടുണ്ടാകാം എന്നും പോലീസ് സംശയിക്കുന്നു. അതേസമയം തന്നെ പ്രതികളുമായി പാലോട് എസ്ഐ ഉള്‍പ്പെടെ നാലു പോലീസുകാര്‍ക്കെതിരെ വകുപ്പുതല നടപടി ഉടന്‍ ഉണ്ടായേക്കുമെന്നും സൂചനയുണ്ട്.

തിരുമുക്ക് അടിപ്പാത സമരം; ശക്തിപ്പെടുത്താൻ തീരുമാനം

ചാത്തന്നൂർ:തിരുമുക്ക് അടിപ്പാതസമരം ശക്തിപ്പെടുത്താൻ സമരസമിതി തീരുമാനിച്ചു.തിരുമുക്കിലെ അടിപ്പാത ശാസ്ത്രീയമായ പുനർനിർമിക്കണമെന്ന ആവശ്യം ഉന്നയിച്ച് തിരുമുക്ക്അടിപ്പാത സമരസമിതിയുടെ നേതൃത്വത്തിൽ നടത്തിയ ഹർത്താലും മനുഷ്യച്ചങ്ങലയും സർവകക്ഷി യോഗത്തിനും പിന്നാലേ ആരംഭിച്ച റിലേ സത്യഗ്രഹ സമരം12 ദിവസം പിന്നിടുകയാണ്. സമരസമിതി യോഗം ചേർന്ന് സ്ഥിതിഗതികൾ വിലയിരത്തുകയും സമരം ശക്തിപ്പെടുത്താൻ തീരുമാനിക്കുകയും ചെയ്തു. ഒക്ടോബർ നാലിന് ദേശീയ പാത അഥോറിറ്റിയുടെ കൊല്ലം ജില്ലാ ഓഫീസിനു മുന്നിൽ ധർണ നടത്തും. തുടർന്ന് ദേശീയപാത തിരുവനന്തപുരം റീജ ണൽ ഓഫീസ് മുൻപാകെയും ധർണ സംഘടിപ്പിക്കും. അനുകൂലമായ സമീപനം ഉണ്ടാകാത്ത പക്ഷം സെക്രട്ടേറിയേറ്റിനു മുന്നിലേക്ക് സമരപരിപാടികൾ വ്യാപിപ്പിക്കാനാണ് സമരസമിതി ആലോചിക്കുന്നത്. ചാത്തന്നൂർ വികസന സമിതി, പരവൂർ പ്രൊട്ടക്ഷൻ ഫാറം, പരവൂർക്കാർക്കുട്ടായ്മ,പരവൂർ യുവജനക്കുട്ടായ്മ എന്നീ സംഘടനകൾ ഉൾപ്പെട്ട തിരുമുക്ക് അടിപ്പാത സമരസമിതിയാണ് യോഗം ചേർന്ന് തീരുമാനമെടുത്തത്. പുതിയ നിർമാണങ്ങളോ കൂട്ടിച്ചേർക്കലുകളോ ദേശീയപാത നിർമാണം പൂർത്തിയാക്കുന്നതിന് കാലതാമസം വരുത്തും എന്നകേന്ദ്ര സംസ്ഥാന സർക്കാരുകളുടെ തീരുമാനമാണ് സമരഗതി മാറ്റാൻ നിർബന്ധിതമാക്കിയത്.എംപി,എം എൽ എ, ഉൾപ്പെടെ എല്ലാ ജനപ്രതിനിധികളും എല്ലാ രാഷ്ട്രീയപ്പാർട്ടി പ്രതിനിധികളും തുടർ സമരങ്ങളിലും പങ്കെടുക്കുമെന്ന് സമരസമിതി ഭാരവാഹികൾ അറിയിച്ചു. റിലേ സത്യഗ്രഹ സമരവും തുടരുമെന്ന് സമരസമിതി ജനറൽ കൺവീനർ കെ.കെ. നിസാർ അറിയിച്ചു. യോഗത്തിൽ ജി.രാജശേഖരൻ അധ്യക്ഷനായിരുന്നു.പി. കെ.മുരളീധരൻ,സന്തോഷ് പാറയിൽക്കാവ്, ഷൈൻ എസ്. കുറുപ്പ്,രാജേഷ് തുടങ്ങിയവർ പങ്കെടുത്തു. കോൺഗ്രസ് പിന്തുണ പ്രഖ്യാപിച്ചു ചാത്തന്നൂർ : ദേശീയപാതയിൽ തിരുമുക്ക് അടിപ്പാത അപാകത പരിഹരിച്ച് 45 മീറ്റർ വീതിയിൽ അടിപ്പാത നിർമിക്കണമെന്ന് ആവശ്യപ്പെട്ട് തിരുമുക്ക് അടിപ്പാത സംയുക്ത സമരസമിതിയുടെ നേതൃത്വത്തിൽ നടക്കുന്ന സത്യാഗ്രഹസമരത്തിന് പിന്തുണ നൽകുവാൻ ചാത്തന്നൂർ ബ്ലോക്ക് കോൺഗ്രസ് കമ്മിറ്റി നേതൃത്വയോഗം തീരുമാനിച്ചു. അടിപ്പാത സമര സമിതിയ്ക്ക് ഐക്യദാർഢ്യം പ്രകടിപ്പിച്ചു കൊണ്ടും ബ്ലോക്ക് കോൺഗ്രസ് കമ്മിറ്റിയുടെ നേതൃത്വത്തിൽ ഒക്ടോബർ 10 ന് ചാത്തന്നൂരിൽ കൂട്ട ഉപവാസം സംഘടിപ്പിക്കാനും തുടർന്ന് ശക്തമായ പ്രക്ഷോഭ പരിപാടികൾ ആരംഭിക്കുവാനും യോഗം തീരുമാനിച്ചു. പ്രസിഡന്‍റ് ബിജുവിശ്വരാജന്‍റെ അധ്യക്ഷതയിൽ കൂടിയ യോഗം കെപിസിസി അംഗം നെടുങ്ങോലം രഘു ഉദ്ഘാടനം ചെയ്തു. ഡിസി സി ജനറൽ സെക്രട്ടറി സുഭാഷ് പുളിക്കൽ , സിസിലി സ്റ്റീഫൻ, ചാത്തന്നൂർ മുരളി, എസ്.വി ബൈജുലാൽ, കെ.ഷെരീഫ്, ജോൺ ഏബ്രഹാം, അനിൽ മംഗലത്ത് തുടങ്ങിയവർ പ്രസംഗിച്ചു.

മധ്യവയസ്കനെ കൊലപ്പെടുത്തിയ സംഭവം; അന്വേഷണം ശക്തമാക്കി

പുനലൂർ: മുക്കടവിൽ മധ്യവയസ്കനെ ചങ്ങലയിൽ ബന്ധിച്ച് കൊലപ്പെടുത്തിയ സംഭവത്തിൽ പോലീസ് അന്വേഷണം ശക്തമാക്കി. കൊല്ലപ്പെട്ടയാൾ തമിഴ് നാട്ടുകാരനാണോ എന്നും സംശയിക്കുന്നു. കാലിനു വൈകല്യമുള്ളയാളാണ് കൊല്ലപ്പെട്ടതെന്നു ബോധ്യപ്പെട്ട സാഹചര്യത്തിൽ കൂടുതൽ തെളിവുകൾ കണ്ടെത്താനാണ് പോലീസ് ശ്രമിക്കുന്നത്. ആസിഡാണോ പെട്രോളാണോ ശരീരത്തിൽ ഒഴിച്ചിട്ടുള്ള തെന്നും കണ്ടെത്താനുണ്ട്. ഉന്നത പോലീസുദ്യോസ്ഥർ സംഭവസ്ഥലത്തെത്തിയിരുന്നു. അന്വേഷണം മറ്റു ജില്ലകളിലേയ്ക്കും വ്യാപിപ്പിച്ചിട്ടുണ്ട്. മറ്റു ജില്ലകളിൽനിന്ന് കാണാതായവരുടെ കണക്കുകളും ശേഖരിച്ചു വരുന്നു. ആസൂത്രിതമായ കൊലപാതകമാണിവിടെ നടന്നതെന്നു പോലീസിന് വ്യക്തമായിട്ടുണ്ട്. ഡിഎൻഎ പരിശോധനയും ആവശ്യമായി വന്നേക്കാം.

കാപ്പ നിയമം ലംഘിച്ചയാൾ അറസ്റ്റിൽ

ചാത്തന്നൂർ:കാപ്പ ഉത്തരവ് പ്രകാരം കൊല്ലം ജില്ലയില്‍ നിന്ന് നാടുകടത്തിയ പ്രതി കാപ്പ നിയമം ലംഘിച്ചതിന് അറസ്റ്റിലായി. ചാത്തന്നൂർ കാരംകോട് സനൂജ് മന്‍സിലില്‍ സനൂജാണ് അറസ്റ്റിലായത്. കഞ്ചാവ് ഉള്‍പ്പെടെ നിരവധി ക്രിമിനല്‍ കേസുകളില്‍ ഉള്‍പ്പെട്ട പ്രതിയെ തിരുവനന്തപുരം റേഞ്ച് ഐജിയുടെ ഉത്തരവ് പ്രകാരം2024 നവംബർ 23മുതല്‍ ഒരു വര്‍ഷത്തേക്ക് കൊല്ലം ജില്ലയില്‍ നിന്നും നാടുകടത്തിയിരുുന്നു. കല്ലുവാതുക്കലുള്ള ഒരു ബാറില്‍ മദ്യപിക്കാന്‍ എത്തിയ പ്രതിയെ ചാത്തന്നൂർ പോലീസ് ഇന്‍സ്‌പെക്ടര്‍ എ. അനൂപിന്‍റെ നേതൃത്വത്തില്‍ എസ് ഐ മാരായ രാജേഷ്, റെജിമോന്‍ സിപിഒ മാരായ രാജീവ്, ആന്‍റണി തോബിയാസ്, ലിജു എിവരടങ്ങിയ പോലീസ് സംഘമാണ് പിടികൂടിയത്. പ്രതിയെ പരവൂര്‍ ജുഡീഷില്‍ ഒന്നാം ക്ലാസ് മജിസ്‌ട്രേറ്റ് കോടതി രണ്ട് മുമ്പാകെ ഹാജരാക്കി റിമാന്‍ഡ് ചെയ്തു.

അതുല്യയുടെ മരണം: ഭർത്താവിന്‍റെ മുൻകൂർ ജാമ്യം റദ്ദാക്കി

കൊല്ലം: ചവറ കോയിവിള സ്വദേശി അതുല്യയെ ഷാര്‍ജയില്‍ മരിച്ച നിലയില്‍ കണ്ടെത്തിയ സംഭവത്തില്‍ പ്രതിയായ ഭര്‍ത്താവ് സതീഷ് ശങ്കറിന്‍റെമുന്‍കൂര്‍ ജാമ്യം കോടതി റദ്ദാക്കി. കൊല്ലം പ്രിന്‍സിപ്പല്‍ സെഷന്‍സ് ജഡ്ജി എന്‍.വി. രാജുവാണ് ജാമ്യം റദ്ദ് ചെയ്തത്. ഇതോടെ പ്രതിയായ സതീഷ് ശങ്കര്‍ കൊല്ലം ക്രൈംബ്രാഞ്ച് ഓഫീസില്‍ ഹാജരായി. തുടര്‍ന്നു സതീഷിനെ അറസ്റ്റു ചെയ്ത് ജുഡീഷന്‍ കസ്റ്റഡിയില്‍ റിമാന്‍ഡ് ചെയ്തു. അവധി ദിനങ്ങൾക്കു ശേഷം കസ്റ്റഡിയില്‍ വാങ്ങാന്‍ അപേക്ഷ നല്‍കുമെന്നു കേസ് അന്വേഷിക്കുന്ന ക്രൈംബ്രാഞ്ച് സംഘം അറിയിച്ചു. ഇടക്കാലജാമ്യം റദ്ദാക്കണമെന്നാവശ്യപ്പെട്ട് ക്രൈബ്രാഞ്ചാണ് കോടതിയിൽ ഹർജി നല്‍കിയത്. അതേസമയം കേസില്‍ കൊലപാതകത്തിന് തെളിവുകളില്ലെന്നും പ്രതിക്കെതിരേ ചുമത്തിയ കൊലക്കുറ്റം നിലനില്‍ക്കില്ലെന്നും കോടതി പറഞ്ഞു. ആത്മഹത്യപ്രേരണയ്ക്കുള്ള വകുപ്പാണ് ചുമത്തേണ്ടതെന്നു വ്യക്തമാക്കിയ കോടതി, പ്രോസിക്യൂഷന്‍ ഇതു ചുമത്താതിരുന്നതില്‍ നിരാശ പ്രകടിപ്പിക്കുകയും ചെയ്തു. ഇന്നലെ വൈകുന്നേരം 4.15-ഓടെയാണ് സതീഷ് ക്രൈംബ്രാഞ്ച് ഓഫീസിലെത്തി അന്വേഷണ ഉദ്യോഗസ്ഥരുടെ മുന്നില്‍ ഹാജരായത്. പ്രതിയുടെ മൊബൈല്‍ഫോണ്‍ വിവരങ്ങളടക്കം അന്വേഷണസംഘം പരിശോധിച്ചു.

വന്യജീവി ആക്രമണം: 101 പരാതിയുമായി മീന്‍കുളം റസിഡന്‍റ്സ് അസോസിയേഷൻ

അഞ്ചൽ: വന്യജീവി ആക്രമണം ലഘൂകരിക്കുന്നതിനായി സര്‍ക്കാരും വനം വകുപ്പും സംഘടിപ്പിച്ചിട്ടുള്ള തീവ്രയജ്ഞ പരിപാടിയില്‍ 101 പരാതികളുമായി റസിഡന്‍റ്സ് അസോസിയേഷന്‍. അലയമണ്‍ പഞ്ചായത്തിലെ മീന്‍കുളം കേന്ദ്രമായി പ്രവര്‍ത്തിക്കുന്ന മീന്‍കുളം റസിഡന്‍റ്സ് അസോസിയേഷനാണ് 101 പരാതികള്‍ നല്‍കിയത്. അഞ്ചല്‍ റേഞ്ച് ഫോറസ്റ്റ് ഓഫീസില്‍ നേരിട്ടെത്തി റേഞ്ച് ഓഫീസര്‍ എസ്. ദിവ്യക്കാണ് പരാതികള്‍ നല്‍കിയത്. ഇതോടൊപ്പം വനം നിയമത്തിലെ ഭേദഗതി, നഷ്ട പരിഹാര വര്‍ധനവ് ഉള്‍പ്പടെ ആവശ്യപ്പെട്ടുകൊണ്ടുള്ള 21 നിര്‍ദേശങ്ങളും റസിഡന്‍റ്സ് അസോസിയേഷന്‍ ഭാരവാഹികള്‍ കൈമാറി. പരാതികള്‍ കൃത്യമായി പരിശോധിച്ചു ഉചിതമായ നടപടികള്‍ സ്വീകരിക്കുമെന്നു റേഞ്ച് ഓഫീസര്‍ ഉറപ്പ് നല്‍കി. ഒപ്പം നാട്ടുകാരുടെ ആവശ്യംകൂടി പരിഗണിച്ചു ജനകീയ പങ്കാളിത്തത്തോടെ വിവിധ പരിപാടികള്‍ പഞ്ചായത്തില്‍ നടത്തുമെന്നും അറിയിച്ചു. കാര്‍ഷിക മേഖലയായിരുന്ന ചണ്ണപ്പേട്ട ,മീന്‍കുളം മേഖലയില്‍ ഇപ്പോള്‍ ഒരു തരത്തിലുള്ള കൃഷിയും സാധ്യമല്ല. മണ്ണിനടിയിലുള്ള കൃഷി പന്നിയും പുറത്തുള്ള കാര്‍ഷിക വിളകള്‍ കുരങ്ങ്, മലയണ്ണാന്‍, മയില്‍ ഉള്‍പ്പടെയുള്ള വന്യജീവികളും കൊണ്ടുപോവുകയാണെന്നു റസിഡന്‍റ്സ് അസോസിയേഷൻ പ്രസിഡന്‍റ് മാക്സ്മിലൻ പള്ളിപ്പുറത്ത് പറഞ്ഞു. ഇങ്ങനെ പോയാല്‍ വന്യജീവികളുടെ ആവാസ വ്യവസ്ഥയായി മീന്‍കുളവും പരിസരവും മാറുമെന്നു സെക്രട്ടറി സജീവ് പാങ്ങലംകാട്ടില്‍ വ്യക്തമാക്കി. സോമച്ചൻ പരപ്പാടിയിൽ, ഷീല,മോളി ,വിജയ എന്നിവരുടെ നേതൃത്വത്തിലാണ് പരാതികളും നിര്‍ദേശവും വനം വകുപ്പിന് കൈമാറിയത്.

നാലാം ക്ലാസുകാരി നിഹാനയുടെ കണ്ണിന്‍റെ ശസ്ത്രക്രിയ ഇന്ന്

കുണ്ടറ : കണ്ണനല്ലൂർ സ്വദേശിയായ നാലാം ക്ലാസുകാരി നിഹാനയുടെ കണ്ണിന്‍റെ ശസ് ത്രക്രിയ ഇന്ന് കൊച്ചിയിൽ നടക്കും. കണ്ണിൽ ഒട്ടും തന്നെ വെളിച്ചം ഏൽക്കാൻ പറ്റാത്ത അവസ്ഥയിലേക്കു മാറി കണ്ണ് മൂടിക്കെട്ടി കഴിയുകയായിരുന്നു കുട്ടി. ഒന്പതു മാസം മുമ്പ് പൂച്ചയുടെ നഖക്ഷതമേറ്റ കുട്ടിക്കു വാക്സിനും മറ്റു മരുന്നുകളും നൽകിയതിനെ തുടർന്നാണ് സ്റ്റീവൻ ജോൺസൺ സിൻഡ്രം എന്ന അപൂർവ രോഗം പിടിപെട്ടത്. ഭാരിച്ച ചെലവ് വരുന്ന ചികിത്സയിലായിരുന്നു കുടുംബം. ചെലവ് താങ്ങാൻ ആവാത്ത കുടുംബത്തെ പറ്റി മാധ്യമങ്ങൾ വാർത്ത ചെയ്തിരുന്നു. ഈ വാർത്ത ശ്രദ്ധയിൽപ്പെട്ട കേന്ദ്രമന്ത്രി സുരേഷ് ഗോപി ചികിത്സാ സഹായം ഏറ്റെടുക്കുകയായിരുന്നു. കൊച്ചി ഗിരിധർ ആശുപത്രിയിലാണ് ചികിത്സയും തുടർന്നുള്ള ശസ് ത്രക്രിയയും നടക്കുന്നത്. കഴിഞ്ഞദിവസം പി.സി. വിഷ്ണുനാഥ് എംഎൽഎ ഉദ്ഘാടനം ചെയ്ത ഉമ്മൻചാണ്ടി ജനസേവ ഫൗണ്ടേഷന്‍റെ ആംബുലൻസിന്‍റെ കന്നിയോട്ടം നിഹാനയുമായിട്ടായിരുന്നു. രാവിലെ എട്ടിനു കണ്ണനല്ലൂരിൽ നിന്നും പുറപ്പെട്ടു. ആംബുലൻസ് 12ന് കൊച്ചി ആശുപത്രിയിൽ എത്തി. എല്ലാ വൈദ്യപരിശോധനകൾക്കും ശേഷം ഡോക്ടർമാരായ സായി, വിനയ് എന്നിവരടങ്ങുന്ന സംഘത്തിന്‍റെ നേതൃത്വത്തിലായിരിക്കും ഇന്ന് ശസ്ത്രക്രിയ നടക്കുക.

പ്രതിഷേധ യോഗം നടത്തി

ചവറ : ലോക്സഭാ പ്രതിപക്ഷ നേതാവ് രാഹുൽ ഗാന്ധിക്കെതിരെ വധഭീഷണി മുഴക്കിയ ബിജെ പി സംസ്ഥാന വക്താവിനെ അറസ്റ്റ് ചെയ്ത് ജയിലിലടയ്ക്കണമെന്നാവശ്യപ്പെട്ട് ചവറ ബ്ലോക്ക് കോൺഗ്രസ് കമ്മിറ്റിയുടെ നേത്യത്വത്തിൽ നടന്ന പ്രതിഷേധ യോഗം യുഡിഎഫ് നിയോജക മണ്ഡലം ചെയർമാൻ കോലത്തു വേണുഗോപാൽ ഉദ്ഘാടനം ചെയ്തു. ബ്ലോക്ക് പ്രസിഡന്‍റ് മേച്ചേഴുത്തു ഗിരീഷ് കുമാർ അധ്യക്ഷനായി. യോഗത്തിൽ ഡിസിസി ജനറൽ സെക്രട്ടറിമാരായ ചക്കിനാൽ സനൽകുമാർ, ജി. സേതുനാഥൻ പിള്ള, ഡി സി സി എക്സിക്യൂട്ടീവ് അംഗങ്ങളായ ചവറ ഗോപകുമാർ, വിനു , പവിഴപറമ്പിൽ പുഷ്പരാജൻ, കിഷോർ അമ്പിലാക്കര,ബാബു ജി. പട്ടത്താനം, ഡി സി സി അംഗങ്ങളായ ചിത്രാലയം രാമചന്ദ്രൻ, എം.സുശീല, ഇ. റഷീദ്, ഗ്രാമ പഞ്ചായത്ത് പ്രസിഡന്‍റ് സുരേഷ്കുമാർ, മഹിളാ കോൺഗ്രസ് നിയോജക മണ്ഡലം പ്രസിഡന്‍റ് ആർ.ജിജി,സെബാസ്റ്റ്യൻ, അംബ്രോസ്, റോസ് ആനന്ദ്, ചവറ ഹരീഷ് കുമാർ, തുടങ്ങിയവർ പ്രസംഗിച്ചു.

എം. സുന്ദരേശൻ പിള്ളയെ അനുസ്മരിച്ചു

ചാത്തന്നൂർ: ആദിച്ചനല്ലൂർ പഞ്ചായത്ത് മുൻ പ്രസിഡന്‍റും കെഎസ്എസ്പി എ സംസ്ഥാന കമ്മിറ്റി അംഗമായിരുന്ന എം. സുന്ദരേശൻ പിള്ളയുടെ രണ്ടാം ചരമവാർഷികത്തിൽ കെഎസ്എസ്പിഎ അനുസ്മരണ സമ്മേളനം നടത്തി. ചാത്തന്നൂർ നിയോജകമണ്ഡലം കമ്മിറ്റിയുടെ നേതൃത്വത്തിലാണ് ചാത്തന്നൂരിൽ അനുസ്മരണം സംഘടിപ്പിച്ചത്. ചാത്തന്നൂർ നിയോജക മണ്ഡലം പ്രസിഡന്‍റ് കല്ലുവാതുക്കൽ അജയകുമാറിന്‍റെ അധ്യക്ഷതയിൽ നടന്ന സമ്മേളനം സംസ്ഥാനകമ്മിറ്റിയംഗം ബി.സതീശൻ ഉദ്ഘാടനം ചെയ്തു. കെ . എസ്. വിജയകുമാർ , എൽ. ശിവപ്രസാദ്, എം. എ. മജീദ്, സി. വൈ. റോയ്, തിങ്കൾ രാജ്, ചന്ദ്രമോഹൻ ,ബേബി എന്നിവർ പ്രസംഗിച്ചു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]