ADVERTISEMENT

ADVERTISEMENT

കാരമട ഗുഡ് ഷെപ്പേർഡ് ദേവാലയ സുവർണ ജൂബിലി ആഘോഷത്തിനു തുടക്കം

കോയന്പത്തൂർ: കാരമട ഗുഡ് ഷെപ്പേർഡ് ദേവാലയത്തിന്‍റെ സുവർണജൂബിലി ആഘോഷത്തിന് തുടക്കംകുറിച്ചു.

ഓഡിറ്റോറിയത്തിൽ നടന്ന പൊതുസമ്മേളനത്തിൽ പാലക്കാട് രൂപത മുൻ വികാരി ജനറാൾ ഫാ. ജോസഫ് ചിറ്റിലപ്പിള്ളി മുഖ്യാതിഥിയായി പങ്കെടുത്ത് നിലവിളക്ക് തെളിച്ചു.

ഇടവക വികാരി ഫാ. ഫ്രാങ്ക് കണ്ണനായ്ക്കൽ, കോൺവന്‍റ് മദർ സുപ്പീരിയര്‍ സിസ്റ്റർ വിനീത എന്നിവർ പങ്കെടുത്തു.

ADVERTISEMENT

ഫാം ടൂറിസം കേന്ദ്രമാകാന്‍ പട്ടാമ്പി സെന്‍ട്രല്‍ ഓര്‍ച്ചാഡ് ഒരുങ്ങുന്നു

പാലക്കാട്: പട്ടാമ്പിയില്‍ കൃഷി വകുപ്പിന് കീഴിലുള്ള സെന്‍ട്രല്‍ ഓര്‍ച്ചാഡ് സമഗ്ര നവീകരണ പദ്ധതികളുമായി ആധുനിക ഫാം ടൂറിസം കേന്ദ്രമാകാന്‍ ഒരുങ്ങുന്നു. 2024-2025 സാമ്പത്തിക വര്‍ഷത്തില്‍ മുഹമ്മദ് മുഹസിന്‍ എംഎല്‍എയുടെ വികസന ഫണ്ടില്‍നിന്ന് അനുവദിച്ച അഞ്ച് കോടി രൂപ ഉപയോഗിച്ചാണ് നവീകരണപ്രവര്‍ത്തനങ്ങള്‍ പുരോഗമിക്കുന്നത്. കര്‍ഷകര്‍ക്ക് നല്ല വിത്തിനങ്ങള്‍ക്കും നടീല്‍ വസ്തുക്കള്‍ക്കും ആശ്രയിക്കാന്‍ കഴിയുന്ന പദ്ധതികളും ഇതോടൊപ്പം നടപ്പാക്കുന്നുണ്ട്. കൃഷിയിലേക്ക് കൂടുതല്‍ പേരെ ആകര്‍ഷിക്കുന്ന പദ്ധതികള്‍ നടപ്പാക്കുക, ഫാം ടൂറിസത്തിന് ഊന്നല്‍ നല്‍കിക്കൊണ്ട് കര്‍ഷകര്‍ക്കും വിദ്യാര്‍ഥികള്‍ക്കും യുവാക്കള്‍ക്കും ആധുനിക കൃഷിരീതികളും സാങ്കേതികവിദ്യകളും പരിശീലിക്കാന്‍ സാധിക്കുന്ന സ്ഥാപനമായി ഓര്‍ച്ചാഡിനെ മാറ്റുക എന്നിവയാണ് ലക്ഷ്യം. ഇതിന്‍റെ ഭാഗമായി ഒരു കോടി രൂപ ചെലവില്‍ ജൈവകൃഷി പരിശീലന കേന്ദ്രം ഓര്‍ച്ചാഡ് വളപ്പില്‍ നിര്‍മിക്കും. കേരള ലാന്‍ഡ് ഡെവലപ്മെന്‍റ് കോര്‍പറേഷനാണ് നിര്‍മാണച്ചുമതല. നൂറുപേര്‍ക്ക് ഇരിക്കാവുന്ന ഹാള്‍, ജൈവ കൃഷി മിശ്രിത നിര്‍മാണ പരിശീലന ഏരിയ, പോളി ഹൗസ് ഉള്‍പ്പെടെയുള്ള സ്മാര്‍ട്ട് ഫാമിംഗ് സാങ്കേതികവിദ്യകള്‍ എന്നിവ ഈ പരിശീലന കേന്ദ്രത്തിന്‍റെ ഭാഗമാകും. നവീകരണ പദ്ധതിയുടെ ഭാഗമായി 26 ഏക്കറിലായി പരന്നുകിടക്കുന്ന ഓര്‍ച്ചാഡിന്‍റെ മുഖഛായ മാറ്റുന്ന നിരവധി ഉദ്യാനങ്ങള്‍ ഒരുങ്ങും. വിദേശ ഫലവൃക്ഷങ്ങളുടെ തോട്ടങ്ങള്‍, ഔഷധസസ്യ തോട്ടങ്ങള്‍, അലങ്കാരപുഷ്പങ്ങളുടെ ഉദ്യാനം, ശലഭോദ്യാനം, മാതൃകാ മ്യൂസിയം എന്നിവ ഇതില്‍ ഉള്‍പ്പെടുന്നു. കൂടാതെ, കര്‍ഷകര്‍ക്ക് പ്രയോജനപ്പെടുന്ന രീതിയില്‍ ഫലവൃക്ഷങ്ങളുടെയും തെങ്ങിന്‍തൈകളുടെയും മാതൃകാ തോട്ടങ്ങളും സ്ഥാപിക്കും. ഓര്‍ച്ചാഡിന്‍റെ സൗന്ദര്യവത്കരണത്തിനായി ഇരിപ്പിടങ്ങളോടുകൂടിയ പൂന്തോട്ടങ്ങളും നിര്‍മിക്കുന്നുണ്ട്. ജലസേചന കാര്യക്ഷമത ഉറപ്പാക്കാന്‍ നിലവിലെ കുളം നവീകരിക്കുന്നതിനോടൊപ്പം, വൃക്ഷങ്ങള്‍ക്കും ചെടികള്‍ക്കും വെള്ളമെത്തിക്കുന്നതിനായി മൈക്രോ ഇറിഗേഷന്‍ സംവിധാനം നടപ്പിലാക്കും. അടിസ്ഥാന സൗകര്യങ്ങള്‍ മെച്ചപ്പെടുത്തുന്നതിന്‍റെ ഭാഗമായി ഓര്‍ച്ചാഡിനു ചുറ്റുമുള്ള പഴയ മതില്‍ പൊളിച്ചു പുനര്‍നിര്‍മാണം ആരംഭിച്ചു. ജൈവകൃഷി പരിശീലന യൂണിറ്റിന്‍റെ കെട്ടിട നിര്‍മാണത്തിനായുള്ള നടപടികള്‍ പുരോഗമിക്കുകയാണ്. ജലലഭ്യത ഉറപ്പുവരുത്തുന്നതിനായി മൂന്ന് കുഴല്‍കിണറുകള്‍ കുഴിക്കുന്നതിനുള്ള നടപടികള്‍ പുരോഗമിക്കുകയാണ്. നിലവിലുള്ള പഴയ ഫലവൃക്ഷങ്ങള്‍ നവീകരിക്കുന്നതിന്‍റെ ഭാഗമായി പ്രൂണിംഗ് നടത്താനും കേരള കാര്‍ഷിക സര്‍വകലാശാലാ വിദഗ്ധരെ ഉള്‍പ്പെടുത്തി പരിശോധന നടത്തുന്നതിനും തീരുമാനിച്ചിട്ടുണ്ട്. പദ്ധതിയുടെ മുഖ്യലക്ഷ്യമായ ഫാം ടൂറിസത്തിന് പ്രാധാന്യം നല്‍കിക്കൊണ്ട് ഓര്‍ച്ചാഡിന്‍റെ സൗന്ദര്യവത്കരണ പ്രവര്‍ത്തനങ്ങള്‍ തുടര്‍ച്ചയായി നടപ്പിലാക്കും. 1962 ല്‍ കൃഷി വകുപ്പ് ഏറ്റെടുത്ത 29 ഇനം മാവിനങ്ങളുള്ള ഈ മാന്തോപ്പ് മികച്ച മാംഗോ ഓര്‍ച്ചാഡ് എന്ന നിലയില്‍ പ്രശസ്തമാണ്. ഒളൂര്‍ മാവ് മുതല്‍ അല്‍ഫോന്‍സ, മല്ലിക, ഹിമാംപസന്ത് തുടങ്ങിയ അപൂര്‍വയിനങ്ങള്‍ ഇവിടെയുണ്ട്. ഓര്‍ച്ചാഡിലെ പ്രായാധിക്യമുള്ള മുന്നൂറോളം മാവുകള്‍ പ്രൂണിംഗ് നടത്തി നവജീവന്‍ നല്‍കുന്നതിനുള്ള പദ്ധതികളും ആവിഷ്‌കരിച്ചിട്ടുണ്ട്. കേരള കാര്‍ഷിക സര്‍വകലാശാലാ വിദഗ്ധരുടെ പരിശോധനയ്ക്കായി കത്ത് നല്‍കിയിട്ടുണ്ട്. പച്ചക്കറി വിത്തുകള്‍, ഫലവൃക്ഷത്തൈകള്‍,നാണ്യവിളച്ചെടികള്‍, മികച്ച കുരുമുളകുതൈകള്‍ എന്നിവയുടെ വിതരണ കേന്ദ്രമെന്ന നിലയില്‍ ഓര്‍ച്ചാഡ് ഇതിനോടകം കര്‍ഷകര്‍ക്ക് പ്രയോജനകരമാണ്. വില്പനയിലൂടെ ഈ വർഷം ഇതുവരെ 28 ലക്ഷം രൂപയുടെ വിറ്റുവരവാണ് പട്ടാമ്പി സെന്‍ട്രല്‍ ഓര്‍ച്ചാഡിന് ലഭിച്ചിട്ടുള്ളത്.

കെഎസ്ആർടിസി ബജറ്റ് ടൂറിസം സെല്ലിന്‍റെ ഒറ്റപ്പാലം വഴിയുള്ള ആദ്യയാത്രയ്ക്കു തുടക്കം

ഒറ്റപ്പാലം: കെഎസ്ആർടിസി ബജറ്റ് ടൂറിസം സെല്ലിന്‍റെ ഒറ്റപ്പാലം വഴിയുള്ള ആദ്യയാത്രക്ക് തുടക്കമായി. കെഎസ്ആർടിസി യുടെ മണ്ണാർക്കാട് ഡിപ്പോയാണ് ശ്രീകൃഷ്ണപുരം, അന്പലപ്പാറ, ഒറ്റപ്പാലം, വാണിയംകുളം, ഷൊർണൂർ വഴിയുള്ള ആദ്യ യാത്രയ്ക്ക് തുടക്കം കുറിച്ചത്. മണ്ണാർക്കാട്നിന്ന് ആരംഭിച്ച ഇല്ലിക്കൽ കല്ല്, ഇലവീഴാപൂഞ്ചിറ, മലങ്കര ഡാം യാത്രയിൽ അന്പലപ്പാറ ഗ്രാമപഞ്ചായത്തിലെ കടന്പൂർ, അന്പലപ്പാറ, ഒറ്റപ്പാലം മുൻസിപ്പാലിറ്റി, അനങ്ങനടി, വാണിയംകുളം പഞ്ചായത്തിൽ നിന്നുള്ളവർ ആണ് പങ്കെടുത്തത്. മണ്ണാർക്കാട് ബജറ്റ് ടൂറിസം സെൽ കോ-ഓർഡിനേറ്റർ ഷർഫുദ്ദീൻ, എം.സി. കൃഷ്ണകുമാർ, എം. സജീവ് എന്നിവർ യാത്രയ്ക്ക് നേതൃത്വം നൽകി. നിലവിൽ ജില്ലയിൽ നിന്ന് പാലക്കാട്, മണ്ണാർക്കാട്, ചിറ്റൂർ ഡിപ്പോകളിൽ നിന്നാണ് ബജറ്റ് ടൂറിസം സെല്ലിന്‍റെ യാത്രകൾ സംഘടിപ്പിക്കുന്നത്. ഈ യാത്രകളെല്ലാം നിലവിൽ പാലക്കാട് വഴിയാണ് പോകുന്നത്. ജില്ലയിലെ മധ്യ, പടിഞ്ഞാറൻ മേഖല വഴി ബജറ്റ് ടൂറിസം സെല്ലിന്‍റെ യാത്രകൾ ആരംഭിക്കാൻ മുൻകൈ എടുക്കണമെന്ന ഈ മേഖലയിലെ യാത്രാപ്രേമികളുടെ നിർദേശം കെഎസ്ആർടിസി അധികൃതരുടെ മുന്നിൽ അവതരിപ്പിക്കുമെന്ന് ഒറ്റപ്പാലം മേഖലയിൽ നിന്ന് യാത്രക്ക് ആളുകളെ സംഘടിപ്പിക്കുന്നതിന് നേതൃത്വം നൽകിയ ഒറ്റപ്പാലം അർബൻ ബാങ്ക് മാനേജർ എസ്. സഞ്ജീവ് അറിയിച്ചു.

ചിറ്റൂർ താലൂക്ക് ആശുപത്രിക്കു മുന്നിൽ വയോധികനു പട്ടികടിയേറ്റു

ചിറ്റൂർ: താലൂക്ക് ആശുപത്രി കോമ്പൗണ്ടിനു മുന്നിൽവെച്ച് വയോധികനു തെരുവുനായയുടെ കടിയേറ്റു. ആര്യമ്പള്ളം സ്വദേശി ബാബു (60) വിനാണ് കടിയേറ്റത്. ഇന്നലെ വൈകുന്നേരം മൂന്നിനാണ് സംഭവം. ആശുപത്രി കോമ്പൗണ്ടിലുണ്ടായിരുന്ന മൂന്നു നായകളിലൊരെണ്ണമാണ് ബാബുവിന്‍റെ ഇടതുകാലിൽ കടിച്ചത്. ചായക്കടയിലുണ്ടായിരുന്നവർ തുരത്തിയതിനാൽ നായകൾ വീണ്ടും ആശുപത്രി കോമ്പൗണ്ടിനകത്തേക്ക് ഓടിക്കയറി. കാലിൽനിന്നും രക്തം ചീറ്റുന്ന നിലയിൽ ബാബുവിനെ സമീപത്തുള്ള സ്റ്റേഷനിലെ പോലീസിന്‍റെ സഹായത്തിൽ ആശുപത്രിയിലെത്തിച്ചു കുത്തിവെപ്പു നടത്തി. ബുധനാഴ്ച രാത്രിയിലും ഇന്നലെ രാവിലെയും ചികിത്സക്കെത്തിയ ഒരു സ്ത്രീ ഉൾപ്പെടെ രണ്ടുപേരെ നായകൾ ഓടിച്ചെങ്കിലും ഇരുവരും കടിയേൽക്കാതെ രക്ഷപ്പെടുകയായിരുന്നു. നായകടിയേറ്റ് ബാബുവിന്‍റെ കാലിൽ നിന്നും രക്തം ചീറ്റുന്ന ചിത്രം സമൂഹമാധ്യമങ്ങളിൽ പ്രചരിച്ചതോടെ പ്രതിഷേധം ശക്തമായി. അടിയന്തരമായി തെരുവുനായകളെ പിടികൂടണമെന്ന് ആവശ്യം ഉയർന്നു. രാത്രിയാവുന്നതോടെ കൂടുതൽ തെരുവുനായ്ക്കൾ ആശുപത്രി പ്രവേശനവഴിയിൽ തമ്പടിക്കുകയാണ്. ചിറ്റൂർ പ്രതികരണവേദി പ്രസിഡന്‍റ് എ. ശെൽവൻ ആശുപത്രി കോമ്പൗണ്ടിൽ നിന്നും നായ്ക്കളെ നീക്കം ചെയ്യാൻ ആവശ്യപ്പെട്ട് ചിറ്റൂർ -തത്തമംഗലം നഗരസഭാ ചെയർപേഴ്സനു പരാതി നൽകി.

റോഡിലേക്കു ചെരിഞ്ഞ മരം യാത്രക്കാർക്കു ഭീഷണി

ചിറ്റൂർ: ചിറ്റൂർ ഗവ. കോളജ് ബസ് കാത്തിരിപ്പ് കേന്ദ്രത്തിനു മുന്നിലുള്ള വൃക്ഷം റോഡിലേക്ക് ചെരിഞ്ഞു നിൽക്കുന്നത് അപകട ഭീഷണി. കോളജിന്‍റെ പടിഞ്ഞാറു ഭാഗത്തേക്ക് ബസ് കയറുന്ന വിദ്യാർഥികൾ ഈ സ്റ്റോപ്പിലാണ് ഇരിക്കുന്നത്. വൈകുന്നേരസമയങ്ങളിൽ നൂറുകണക്കിനു വിദ്യാർഥികൾ മരത്തിനുസമീപത്താണ് നിൽക്കാറുള്ളത്. റോഡിലേക്ക് കുത്തനെ ചരിഞ്ഞ നിലയിലാണ് മരം നിൽക്കുന്നത്. റോഡിനെതിർവശത്ത് വ്യാപാരസ്ഥാപനങ്ങളും കൂടുതലുണ്ട്. കൊടുവായൂർ - കോയമ്പത്തൂർ അന്തർ സംസ്ഥാനപാതയെന്നതിനാൽ യാത്രാ, ചരക്കുവാഹനങ്ങൾ ഇടതടവില്ലാതെ സഞ്ചരിക്കുന്ന പ്രധാന പാതയാണിത്. മരം നിലംപതിച്ചാൽ വലിയദുരന്തം സംഭവിക്കാൻ സാധ്യതയുണ്ടെന്ന് യാത്രക്കാർ പറഞ്ഞു. കഴിഞ്ഞ വർഷം റോഡിലേക്ക് ചെരിഞ്ഞ കൊമ്പ് മുറിച്ചുനീക്കിയിരുന്നു.

കമ്പികൾ തുരുമ്പെടുത്ത്‌ നശിച്ചു; കനാൽപാലം അപകടത്തിൽ

കല്ലടിക്കോട്‌: പാലത്തിന്‍റെ സ്ലാബിലെ കമ്പികൾ തുരുമ്പെടുത്ത്‌ നശിച്ചതോടെ കാഞ്ഞിരപ്പുഴ കനാലിലെ പാലം അപകടാവസ്ഥയിലായി. കല്ലടിക്കോട്‌ സർക്കാർ ആശുപത്രിയുടെ മുന്നിലുള്ള കനാൽപാലത്തിലെ കമ്പികളാണ് തുരുമ്പെടുത്ത്‌ പുറത്തേയ്ക്ക്‌ തള്ളി നിൽക്കുന്നത്‌. ആശുപത്രിയിലേക്കും കീരിപ്പാറ ഭാഗത്തേക്കും പോകുന്ന നിരവധി വാഹനങ്ങൾ ഈ പാലത്തിലൂടെ കടന്നുപോകുന്നുണ്ട്‌. പഴക്കം ചെന്ന പാലത്തിലൂടെ വാഹനങ്ങൾ പോകുമ്പോൾ പാലംകുലുങ്ങുന്നതും പതിവാണ്. വീതികൂട്ടി പാലം പുതുക്കിപ്പണിയണമെന്ന ആവശ്യം ശക്തമായിട്ടുണ്ട്‌.

സന്പൂർണ ശുചീകരണ ബോധവത്കരണ യജ്ഞം

ഒലവക്കോട്: നന്മ അകത്തേത്തറയുടെ നേതൃത്വത്തിൽ അകത്തേത്തറ, പുതുപ്പരിയാരം പഞ്ചായത്തുകളുടെയും ലീഡ് കോളജ്, എൻഎസ്എസ് എൻജിനീയറിംഗ് കോളജ്, കേന്ദ്രീയ വിദ്യാലയ, സെന്‍റ് തോമസ് സ്കൂൾ, ഉമ്മിനി സ്കൂൾ തുടങ്ങി രണ്ടു പഞ്ചായത്തിലും ഉള്ള വിവിധ വിദ്യാഭ്യാസ സ്ഥാപനങ്ങളുടേയും ഈ പ്രദേശത്ത് പ്രവർത്തിക്കുന്ന 36 സാംസ്കാരിക സാമൂഹ്യ സംഘടനകളുടെയും വ്യാപാരി വ്യവസായി സമൂഹത്തിന്‍റെയും സതേണ്‍ റെയിൽവേ, വനംവകുപ്പ്, ആരോഗ്യവകുപ്പ്, പോലീസ് ഡിപ്പാർട്ട്മെന്‍റ്, എക്സൈസ് ഡിപ്പാർട്ട്മെന്‍റ്്, കെഎസ്ഇബി തുടങ്ങി വിവിധ കേന്ദ്രസംസ്ഥാന സർക്കാർ സ്ഥാപനങ്ങളുടെയും വിവിധ വകുപ്പുകളുടെയും നാട്ടുകാരുടെയും ജനകീയ കൂട്ടായ്മയിൽ ഗാന്ധിജയന്തി ദിനത്തിൽ സന്പൂർണ ശുചീകരണ ബോധവത്കരണ യജ്ഞം നടത്തി. രാവിലെ പത്തിന് താണാവിൽ ജില്ലാ പോലീസ് ചീഫ് അജിത് കുമാർ ഉദ്ഘാടനം ചെയ്തു. നന്മ പ്രസിഡന്‍റ്് മനോജ് കെ. മൂർത്തി അധ്യക്ഷത വഹിച്ചു. സെക്രട്ടറി സിബിച്ചൻ തോമസ് സ്വാഗതം പറഞ്ഞു. ജോയിന്‍റ് സെക്രട്ടറി പ്രശാന്ത് നന്ദി പറഞ്ഞു. ലീഡ് കോളജ് ചെയർമാൻ ഡോ. തോമസ് ജോർജ് മാലിന്യമുക്ത പ്രതിജ്ഞ ചൊല്ലിക്കൊടുത്തു. അകത്തേത്തറ പഞ്ചായത്ത് പ്രസിഡന്‍റ് സുനിത അനന്തകൃഷ്ണൻ, പുതുപ്പരിയാരം പഞ്ചായത്ത് വൈസ് പ്രസിഡന്‍റ് ഉണ്ണി, വനം വകുപ്പ് ഈസ്റ്റേണ്‍ സർക്കിൾ അസിസ്റ്റന്‍റ് ചീഫ് കണ്‍സർവേറ്റർ ഓഫ് ഫോറസ്റ്റ് സുമു സ്കറിയ, എക്സൈസ് ഡെപ്യൂട്ടി കമ്മീഷണർ പി.കെ സതീഷ് എന്നിവർ പ്രസംഗിച്ചു. തുടർന്ന് താണാവ് മുതൽ ധോണി വരെ ജനകീയ കൂട്ടായ്മയുടെ നേതൃത്വത്തിൽ ശുചീകരണ പ്രവർത്തനങ്ങൾ നടന്നു.

ചിറ്റൂർ തുഞ്ചൻമഠത്തിൽ കുരുന്നുകൾക്ക് അറിവിന്‍റെ ആദ്യാക്ഷരം പകർന്നു

ചിറ്റൂർ: തുഞ്ചൻമഠത്തിൽ അറിവിന്‍റെ ആദ്യാക്ഷരം നുകരാൻ നൂറുകണക്കിനു കുഞ്ഞുങ്ങൾ എത്തി. ആചാര്യസമാധിയിൽ സൂക്ഷിച്ചിട്ടുള്ള സരസ്വതി, ശ്രീരാമൻ, സീത, ലക്ഷ്മണൻ, ഹനുമാൻ, മാതംഗി തുടങ്ങിയ ദേവി-ദേവ വിഗ്രഹങ്ങളിലും ആചാര്യൻ ഉപയോഗിച്ചിരുന്ന സാളഗ്രാമം, യോഗദണ്ഡ്, പാദുകം, എഴുത്താണി, താളിയോലഗ്രന്ഥങ്ങൾ എന്നിവയിലും പാരമ്പര്യക്രമമനുസരിച്ചുള്ള പൂജാകർമങ്ങൾക്ക് ശേഷം പൂജാരി നാരായണൻകുട്ടി ആദ്യത്തെ കുട്ടിക്ക് തൃമധുരം നൽകി നാവിൽ ഹരിശ്രീ കുറിച്ചു. തുടർന്ന് എം. ശിവകുമാർ മാസ്റ്റർ, എം.എസ്. ദേവദാസ് മാസ്റ്റർ, സായ്നാഥ് മേനോൻ, ഡോ. ജയരാമൻ, ഗോകുൽ കൃഷ്ണൻ മാസ്റ്റർ, പ്രേമകുമാരൻ മാസ്റ്റർ, കെ. കുട്ടികൃഷ്ണൻ മാസ്റ്റർ തുടങ്ങിയ ഗുരുക്കന്മാരും കുരുന്നുകൾക്ക് ആദ്യാക്ഷരം പകർന്നു നൽകി. എഴുത്തിനിരുത്തുന്നതിന് കുരുന്നുബാല്യങ്ങളുമായി എത്തിയവർക്ക് കാലതാമസം ഒഴിവാക്കാൻ സമയക്രമവും മഠത്തിലെ ഹാളിനകത്ത് ഇരിപ്പിടസൗകര്യവും ഒരുക്കിയിരുന്നു.

കെ. കൃഷ്ണൻകുട്ടി മത്സരരംഗത്തുനിന്ന് പിന്മാറുന്നത് പരാജയഭീതിയിൽ: എ. തങ്കപ്പൻ

പെരുവെമ്പ്: മണ്ഡലത്തിലെ ജനങ്ങള്‍ക്കു നല്‍കിയ വാഗ്ദാനങ്ങള്‍ നടപ്പാക്കാനാകാത്തതിലുള്ള കുറ്റബോധമാണ് അടുത്തതവണ മത്സരിക്കാനില്ലെന്ന മന്ത്രി കെ.കൃഷ്ണന്‍കുട്ടിയുടെ മുൻകൂർ ജാമ്യമെന്ന് ഡിസിസി പ്രസിഡന്‍റ് എ.തങ്കപ്പൻ. ഡിസിസി വൈസ് പ്രസിഡന്‍റ് സുമേഷ് അച്യുതൻ നയിക്കുന്ന സ്വദേശരക്ഷാ പദയാത്ര ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. കർഷകരെ ദ്രോഹിക്കുന്ന നടപടികളാണ് കേന്ദ്ര - കേരള സർക്കാറുകൾ സ്വീകരിക്കുന്നത്. ഡിസിസി വൈസ് പ്രസിഡന്‍റ് സുമേഷ് അച്യുതന്‍റെ നേതൃത്വത്തിൽ നഗരസഭ–പഞ്ചായത്തുതലത്തിൽ 260 കിലോമീറ്റർ പദയാത്ര 15 ന് വൈകുന്നേരം കൊഴിഞ്ഞാമ്പാറയിൽ സമാപിക്കും. ഉദ്ഘാടന ചടങ്ങിൽ കർഷക കോൺഗ്രസ് നിയോജകമണ്ഡലം പ്രസിഡന്‍റ് കെ. മോഹനൻ സ്വാഗതവും മണ്ഡലം പെരുവെമ്പ് മണ്ഡലം പ്രസിഡന്‍റ് പ്രസിഡന്‍റ് പി. സുരേഷ് ബാബു അധ്യക്ഷതയും വഹിച്ചു. മുൻ എംഎൽഎ കെ. അച്യുതൻ, കെ. ഗോപാലസ്വാമി, ഡിസിസി ജനറൽ സെക്രട്ടറി കെ.എസ്. തണികാചലം, പട്ടഞ്ചേരി ഗ്രാമപഞ്ചായത്ത് പ്രസിഡന്‍റ് പി. ശിവദാസ്, സജേഷ് ചന്ദ്രൻ, കെപിസിസി മെംബർ കെ.സി. പ്രീത്, പി. രതീഷ്, സ്വാഗതസംഘം ജനറൽ കൺവീനർ ആർ. പങ്കജാക്ഷൻ, മുൻ നഗരസഭ ചെയർമാൻ കെ. മധു, മഹിളാ കോൺഗ്രസ് കൊഴിഞ്ഞാമ്പാറ ബ്ലോക്ക് പ്രസിഡന്‍റ് ഷംസത്ത് ബാന എന്നിവർ പ്രസംഗിച്ചു. ഇന്ന് രാവിലെ പുതുനഗരം റെയിൽവേസ്റ്റേഷനിൽ ആരംഭിക്കുന്ന ജാഥ വൈകുന്നേരം പാലത്തുള്ളിയിൽ സമാപിക്കും.

കുഞ്ചൻ നമ്പ്യാർ സ്മാരകത്തിൽ വിദ്യാരംഭ ചടങ്ങുകൾ വർണാഭം

ഒറ്റപ്പാലം: മലയാളത്തിന്‍റെ പുണ്യം പിറന്ന കലക്കത്ത് ഭവനം ഇളംകുരുന്നുകൾക്ക് മുമ്പിൽ സരസ്വതി ക്ഷേത്രമായി. വിശ്വമഹാകവി കലക്കത്ത് കുഞ്ചൻ നമ്പ്യാരുടെ ജന്മഗൃഹമായ കുഞ്ചൻ നമ്പ്യാർ സ്മാരകത്തിൽ വിദ്യാരംഭ ചടങ്ങുകൾക്ക് നൂറുകണക്കിന് കുട്ടികളാണ് ഇത്തവണയും എത്തിച്ചേർന്നത്. പൊൻമോതിരം കൊണ്ട് നാവിലും പിന്നീട് അരിയിലും ഹരിശ്രീ കുറിച്ച് കുരുന്നുകൾ അക്ഷരമധുരത്തിന് വഴങ്ങാതെ കരഞ്ഞു ബഹളം കൂട്ടുന്നതും കൗതുകകരമായ കാഴ്ചയായിരുന്നു. പത്മശ്രീ കൂനത്തറ രാമചന്ദ്രൻ പുലവർ വിദ്യാരംഭ ചടങ്ങുകൾ ഉദ്ഘാടനം ചെയ്തു. സാംസ്കാരിക സമ്മേളനം കെ. പ്രേംകുമാർ എംഎൽഎ ആണ് ഉദ്ഘാടനം ചെയ്തത്. അന്യജില്ലകളിൽ നിന്നുപോലും ഇത്തവണ ധാരാളം കുട്ടികൾ ആദ്യാക്ഷരം കുറിക്കാൻ എത്തിയിരുന്നു. കുഞ്ചൻനമ്പ്യാരുടെ എഴുത്താണി കുടികൊള്ളുന്ന കുഞ്ചൻ സ്മാരക വായനശാലയിലും വിദ്യാരംഭചടങ്ങുകൾ വർണാഭമായി. ജില്ലയിലെ വിവിധ സാംസ്കാരിക സ്ഥാപനങ്ങളിലും ക്ഷേത്രങ്ങളിലും വിപുലമായ വിദ്യാരംഭ ചടങ്ങുകൾ നടന്നു. ചിനക്കത്തൂർ ഭഗവതി ക്ഷേത്രത്തിലും ഒറ്റപ്പാലം വേങ്ങേരി ക്ഷേത്രത്തിലും അമ്പലപ്പാറ കടമ്പൂർ പനയൂർ കാവിലും ഇത്തവണ വിപുലമായ വിദ്യാരംഭ ചടങ്ങുകൾ നടന്നു.

മതാധ്യാപകദിനവും വിശ്വാസപരിശീലകരുടെ മഹാസംഗമവും നടത്തി

പാലക്കാട്: രൂപതയിലെ മതാധ്യാപകദിനവും വിശ്വാസപരിശീലകരുടെ മഹാസംഗമവും പാസ്റ്ററൽ സെന്‍ററിൽ ആഘോഷിച്ചു. ആയിരത്തിനാനൂറോളം വിശ്വാസപരിശീലകർ പങ്കെടുത്തു. യുവക്ഷേത്ര കോളജ് ഡയറക്ടർ റവ.ഡോ. മാത്യു വാഴയിൽ വിശ്വാസപരിശീലക സംഗമത്തിന്‍റെ ഉദ്ഘാടനം നിർവഹിച്ചു. കെസിബിസി ബൈബിൾ കമ്മീഷൻ സെക്രട്ടറി റവ.ഡോ. ജോജു കോക്കാട്ട് പരിഷ്കരിച്ച പുതിയ ബൈബിൾ പതിപ്പ് പരിചയപ്പെടുത്തി. തുടർന്ന് ബിഷപ് മാർ പീറ്റർ കൊച്ചുപുരയ്ക്കലിന്‍റെ മുഖ്യകാർമികത്വത്തിൽ വിശ്വാസ പരിശീലന ഡയറക്ടർമാർ ഒന്നിച്ച് വിശുദ്ധ കുർബാന അർപ്പിച്ചു. ബിഷപ് എമരിറ്റസ് മാർ ജേക്കബ് മനത്തോടത്ത് അനുഗ്രഹപ്രഭാഷണം നടത്തി. സ്തുത്യർഹമായ സേവനത്തിന് മതാധ്യാപകർക്കുള്ള ആദരവ് സമർപ്പിക്കുകയും വിശ്വാസ പരിശീലനവേദി സംഘടിപ്പിച്ച മത്സരങ്ങളിൽ സമ്മാനാർഹരായവരെ അനുമോദിക്കുകയും ചെയ്തു. രൂപത വിശ്വാസ പരിശീലനവേദി ഡയറക്ടർ ഫാ. ജെയിംസ് ചക്യത്ത്, അസിസ്റ്റന്‍റ് ഡയറക്ടർ ഫാ. ഫ്രെഡി അരീക്കാടൻ, മണ്ണാർക്കാട് ഫൊറോന വിശ്വാസ പരിശീലനവേദി ഡയറക്ടർ ഫാ. ജോമി തേക്കുംകാട്ടിൽ, രൂപത വിശ്വാസ പരിശീലന സെക്രട്ടറി ബിജു മാധവശേരി എന്നിവർ പ്രസംഗിച്ചു. ഗുഡ് ഷെപ്പെർഡ് കഞ്ചിക്കോട്, സെന്‍റ് സേവ്യേഴ്സ് ഫൊറോന മംഗലംഡാം, സെന്‍റ് മേരീസ് കല്ലേപ്പുള്ളി, വടക്കഞ്ചേരി ഫൊറോന എന്നിവരുടെ നേതൃത്വത്തിൽ കലാപരിപാടികൾ നടന്നു. സ്നേഹവിരുന്നോടെ വിശ്വാസ പരിശീലന സംഗമത്തിന് സമാപനമായി.

പാലക്കയംകാർക്കു വർഗീസ് ചേട്ടൻ ഇനി ദീപ്തമായ ഓർമ

പാലക്കയം: സെന്‍റ് മേരീസ്‌ പള്ളിയിൽ ശുശ്രൂഷിയായി സേവനം ചെയ്തിരുന്ന പാലക്കയം ഞാറ്റുകാലായിൽ വർഗീസ്‌ ചേട്ടന്‍റെ സേവനം ഇനി പാലക്കയംകാർക്ക്‌ കിട്ടില്ല. കഴിഞ്ഞ 45 വർഷമായി പാലക്കയം സെന്‍റ് മേരീസ്‌ പള്ളിയിലെ കപ്യാരായി സേവനം ചെയ്തുവരികയായിരുന്നു വർഗീസ്‌ ചേട്ടൻ.1974 ൽ കോട്ടയത്തുനിന്നും പാലക്കയത്ത്‌ കുടിയേറിയ വർഗീസ്‌ 1980 ൽ പുതിയ പള്ളി നിർമിച്ചതോടെ ദേവാലയ ശുശ്രൂഷിയായി മാറുകയായിരുന്നു. മാർ ജോസഫ്‌ ഇരിമ്പൻ, മാർ ജേക്കബ്‌ മനത്തോടത്ത്‌, മാർ പീറ്റർ കൊച്ചുപുരയ്ക്കൽ എന്നീ മൂന്നു ബിഷപ്പുമാരുടെ കാലയളവിൽ പാലക്കയത്തെ കപ്യാരായി പ്രവർത്തിച്ചു. പള്ളിയിലെ കാര്യങ്ങൾക്കായിരുന്നു വർഗീസ് ചേട്ടൻ എന്നും പ്രധാന്യം നൽകിയിരുന്നത്‌. എന്നും രാവിലെ ദിവ്യബലിക്കു മുൻപായിതന്നെ ദേവാലയത്തിൽ എത്തുന്ന വർഗീസ്‌ ചേട്ടൻ ദിവ്യബലിക്ക്‌ ഒരുക്കുകയും ശുശ്രൂഷിയായി വൈദികനെ സഹായിക്കുകയും ചെയ്തിരുന്നു. വീടു വെഞ്ചരിപ്പിനായാലും വിവാഹത്തിനായാലും മാമോദീസയ്ക്കായാലും വർഗീസ്‌ ചേട്ടൻ എപ്പോഴും തയ്യാറായി നേരത്തെതന്നെ പള്ളിയിലെത്തും. നാട്ടുകാർക്കും വീട്ടുകാർക്കും ഉപകാരിയായിരുന്ന വർഗീസ്‌ ചേട്ടന്‍റെ മരണം വലിയ ഒരു നഷ്ടമായാണ് പാലക്കയംകാർ വിലയിരുത്തുന്നത്. മരണവാർത്തയറിഞ്ഞ്‌ നിരവധി പേർ പാലക്കയത്തെ അദ്ദേഹത്തിന്‍റെ വീട്ടിലെത്തി ആദരാഞ്ജലികൾ അർപ്പിച്ചു. ബിഷപ് മാർ പീറ്റർ കൊച്ചുപുരയ്ക്കൽ ഭവനത്തിൽ എത്തി അനുശോചനം അറിയിച്ച്‌ പ്രാർഥിച്ചു.

ഫാ. ജോസഫ് ചിറ്റിലപ്പിള്ളിയുടെ പുസ്തകം പ്രകാശനം ചെയ്തു

പാലക്കാട്: ഫാ. ജോസഫ് ചിറ്റിലപ്പിള്ളി രചിച്ച ‘നമുക്ക് ബെത്‌ലെഹംവരെ പോകാം’ എന്ന പുസ്തകത്തിന്‍റെ പ്രകാശനം പാലക്കാട് രൂപത ബിഷപ് മാർ പീറ്റർ കൊച്ചുപുരയ്ക്കൽ നിർവഹിച്ചു. ആദ്യപ്രതി കെസിബിസി ബൈബിൾ കമ്മീഷൻ സെക്രട്ടറി റവ.ഡോ. ജോജു കോക്കാട്ട് ഏറ്റുവാങ്ങി. പറുദീസയിൽനിന്ന് ആരംഭിക്കുന്ന രക്ഷാകരപദ്ധതി നൂറ്റാണ്ടുകളിലൂടെ പടിപടിയായി ബെത്‌ലഹേമിലെ പുൽക്കൂട്ടിലും കാൽവരിയിലെ പരമയാഗത്തിലും ഉത്ഥാനത്തിലും സാക്ഷാത്കരിക്കപ്പെട്ട സംഭവപരന്പരകൾ വേദപുസ്തകാടിസ്ഥാനത്തിന്‍റെ നൂതനവിചിന്തനങ്ങളോടെ സമന്വയിപ്പിച്ച പുസ്തകമാണ് ഇതെന്നു ബിഷപ് പറഞ്ഞു. രൂപത വിശ്വാസപരിശീലന ഡയറക്ടർ ഫാ. ജെയിംസ് ചക്യത്തും ചടങ്ങിൽ പങ്കെടുത്തു.

ശാസ്ത്രീയമായ കൃഷിരീതികളിൽ ശ്രദ്ധ കേന്ദ്രീകരിക്കണം: മന്ത്രി കെ. കൃഷ്ണൻകുട്ടി

പാലക്കാട്: മണ്ണിന്‍റെ പ്രത്യേകതകൾ ശാസ്ത്രീയമായി തിരിച്ചറിഞ്ഞുള്ള കൃഷിരീതികളിൽ കൂടുതൽ ശ്രദ്ധ കേന്ദ്രീകരിക്കണമെന്ന് മന്ത്രി കെ. കൃഷ്ണൻകുട്ടി പറഞ്ഞു. ‘കൊയ്ത്തിനൊരു കൈത്താങ്ങ്’ 17 കൊയ്ത്ത് യന്ത്രങ്ങളുടെ ഫ്ളാഗ് ഓഫ് ചെയ്ത് പ്രസംഗിക്കുകയായിരുന്നു മന്ത്രി. മണ്ണിന്‍റെ പോഷക ഘടകങ്ങൾ അറിഞ്ഞ് പരിചരിച്ചാൽ കാർഷിക മേഖലയിൽ വലിയ നേട്ടമുണ്ടാകും. കുറഞ്ഞ അളവിൽ വെള്ളം ഉപയോഗിച്ച് എങ്ങനെ മണ്ണിനെ പരിപാലിക്കാമെന്നത് കർഷകർ പഠനവിധേയമാക്കണം. ഇത് സംബന്ധിച്ചുള്ള പരിശീലന പരിപാടികളും അനിവാര്യമാണ്. മണ്ണ്, ജലം എന്നിവ പരിശോധിച്ച് കൃഷി ചെയ്യുന്ന സന്പ്രദായം കൊണ്ടുവരാൻ കഴിയണം.ശാസ്ത്രീയമായ കൃഷി രീതികളിലൂടെ മാത്രമേ ഉത്പാദനക്ഷമത വർധിപ്പിക്കാൻ സാധിക്കൂ എന്നും മന്ത്രി പറഞ്ഞു. ആലത്തൂർ നിയോജക മണ്ഡലത്തിൽ കഴിഞ്ഞ ഒൻപതര വർഷം കൊണ്ട് സമസ്ത മേഖലകളിലും നേട്ടങ്ങൾ ഉണ്ടായി. റോഡ് നവീകരണം, ജലസേചനം, കുടിവെള്ളം, കൃഷി, വിദ്യാഭ്യാസം, ആരോഗ്യം, പട്ടയ വിതരണം, ഡിജിറ്റൽ സർവേ എന്നിങ്ങനെ വിവിധ മേഖലകളിലും മുന്നേറ്റമുണ്ടായി. കൃഷിക്കാരുടെ പ്രശ്നങ്ങളിൽ സജീവമായി ഇടപെടുകയും അത്തരം പ്രശ്നങ്ങളെ സർക്കാരിന്‍റെ ശ്രദ്ധയിൽ കൊണ്ടുവരാനും കഴിഞ്ഞു. കേരളത്തിൽ ആദ്യമായി ജലസേചന കനാലുകളുടെ സംരക്ഷണത്തിനും ജലനിയോഗത്തിനുമുള്ള ഫാർമേഴ്സ് അസോസിയേഷൻ രൂപീകരിക്കപ്പെട്ടത് ആലത്തൂർ മണ്ഡലത്തിലാണ്. സമഗ്ര കാർഷിക വികസനത്തിനായി രൂപം കൊണ്ട ‘നിറ’ പദ്ധതി മറ്റു പ്രദേശങ്ങൾക്കും മാതൃകയാണ്. നിറയുടെ ആഭിമുഖ്യത്തിൽ കർഷകർക്ക് ആവശ്യമുള്ള വിത്തുകൾ, കീടനാശിനികൾ, കളനാശിനികൾ തുടങ്ങിയവയെല്ലാം മിതമായ നിരക്കിൽ നൽകി വരുന്നുണ്ടെന്നും മന്ത്രി പറഞ്ഞു. കൊയ്ത്ത് യന്ത്രങ്ങളുടെ ഫ്ളാഗ് ഓഫിന് പുറമെ മണ്ഡലതലത്തിൽ കർഷകർക്കുള്ള ഇൻസെന്‍റീവ് വിതരണം, മുതിർന്ന കർഷകരെ ആദരിക്കൽ, കൂണ്‍ ഗ്രാമം പദ്ധതി നിർവഹണം, ഒൗഷധസസ്യങ്ങളുടെ രണ്ടാംഘട്ട വിതരണം എന്നിവയും പരിപാടിയുടെ ഭാഗമായി നടന്നു. പാലക്കാട് പ്രിൻസിപ്പൽ കൃഷി ഓഫീസർ എസ്. അറുമുഖപ്രസാദ് പദ്ധതി വിശദീകരണം നടത്തി. ആലത്തൂർ സ്വാതി ജംഗ്ഷനിൽ നടന്ന പരിപാടിയിൽ കെ.ഡി. പ്രസേനൻ എംഎൽഎ അധ്യക്ഷനായി. ജില്ലാ പഞ്ചായത്ത് പ്രസിഡന്‍റ് കെ. ബിനുമോൾ മുഖ്യാതിഥിയായി. ബ്ലോക്ക് പഞ്ചായത്ത് പ്രസിഡന്‍റ് രജനി ബാബു, ഗ്രാമപഞ്ചായത്ത് പ്രസിഡന്‍റുമാരായ എ. ഷൈനി, എ. പ്രേമകുമാർ, ടി. വത്സല, ഗ്രാമപഞ്ചായത്ത് അംഗം എൻ. കുമാരി, നിറ കണ്‍വീനർ എം.വി. രശ്മി, കൃഷി അസിസ്റ്റന്‍റ് ഡയറക്ടർ, ആലത്തൂർ നിറ കോ-ഓർഡിനേറ്റർ മിത്തു ആന്‍റോ, നെന്മാറ കൃഷി അസിസ്റ്റന്‍റ് ഡയറക്ടർ കെ. മാനസ, ആലത്തൂർ കൃഷി ഓഫീസർ കെ. ശ്രുതി, തൃശൂർ കൈക്കോ മാനേജർ കെ. സന്തോഷ് കുമാർ, നിറ ഹരിതമിത്ര പ്രസിഡന്‍റ് പി. മോഹൻദാസ്, സെക്രട്ടറി പ്രദോഷ്കുമാർ എന്നിവർ പങ്കെടുത്തു.

പാലക്കാട് രൂപത മതാധ്യാപകദിനവും പരിശീലക മഹാസംഗമവും നാളെ

പാലക്കാട്: രൂപതയിലെ മതാധ്യാപകദിനവും വിശ്വാസപരിശീലകരുടെ മഹാസംഗമവും നാളെ രൂപത നവജ്യോതി പാസ്റ്ററൽ സെന്‍ററിൽ നടക്കും. രാവിലെ ഒന്പതിന് ആരംഭിക്കുന്ന സംഗമം യുവക്ഷേത്ര കോളജ് ഡയറക്ടർ റവ.ഡോ. മാത്യു വാഴയിൽ ഉദ്ഘാടനം ചെയ്യും. കെസിബിസി ബൈബിൾ കമ്മീഷൻ സെക്രട്ടറി ഫാ. ജോജു കോക്കാട്ട് സന്ദേശം നൽകും. തുടർന്ന് ഫൊറോന വിശ്വാസപരിശീലന ഡയറക്ടർമാർ ഒന്നിച്ചുള്ള വിശുദ്ധ കുർബാനയ്ക്ക് ബിഷപ് മാർ പീറ്റർ കൊച്ചുപുരയ്ക്കൽ മുഖ്യകാർമികത്വം വഹിക്കും. ബിഷപ് എമരിറ്റസ് മാർ ജേക്കബ് മനത്തോടത്ത് അനുഗ്രഹപ്രഭാഷണം നടത്തും. സ്തുത്യർഹമായ സേവനത്തിന് മതാധ്യാപകർക്കുള്ള ആദരവും സമർപ്പിക്കും. വിശ്വാസപരിശീലനവേദി ഡയറക്ടർ ഫാ. ജെയിംസ് ചക്യത്ത് പരിപാടികൾക്കു നേതൃത്വം നൽകും.

നവരാത്രിക്കു മാറ്റുകൂട്ടാൻ ചെണ്ടുമല്ലി വിളവെടുപ്പ്

നെന്മാറ: നവരാത്രി ഉത്സവത്തിന് മാറ്റുകൂട്ടാൻ ചെണ്ടുമല്ലി പൂക്കളും കൃഷിയൊരുക്കിയിരിക്കുകയാണ് നെന്മാറ ചാത്തമംഗലം പാണ്ടാൻങ്ങോട്ടെ വീട്ടിൽ കെ. ചന്ദ്രൻ. ഓണവിപണിക്കു പിന്നാലെ നവരാത്രിക്കും വിളവെടുക്കാൻ പാകത്തിലാണ് കൃഷിയിറക്കിയത്. ഇതിനാവശ്യമായ ഹൈബ്രിഡ് തൈകൾ ബാംഗ്ളൂരിൽനിന്നാണ് കൊണ്ടുവന്നത്. നെന്മാറ കൃഷിഭവന്‍റെയും സ്റ്റേറ്റ് ഹോർട്ടികൾച്ചറൽ മിഷന്‍റെയും പിന്തുണയോടെ വിളവെടുപ്പ് ഉദ്ഘാടനം നെന്മാറ കൃഷി ഓഫീസർ വി.അരുണിമ നിർവഹിച്ചു, അസിസ്റ്റന്‍റ് കൃഷി ഓഫീസർ സന്തോഷ്, കൃഷി അസിസ്റ്റന്‍റ് വി. ലിഗിത, എസ് രമ്യ, പി. കനകാവതി, കെ. ചന്ദ്രൻ പങ്കെടുത്തു.

വന്യജീവി ആക്രമണ നിയന്ത്രണ പദ്ധതി എത്രത്തോളം‍‍?

വടക്കഞ്ചേരി: വന്യജീവി ആക്രമണ നിയന്ത്രണ പദ്ധതികളിൽ കുരങ്ങ്, മലയണ്ണാൻ, വവ്വാൽ, കിളികൾ തുടങ്ങി ഉയരങ്ങളിലൂടെ യാത്ര ചെയ്യുന്നവരെ തുരത്തൽ ദുർഘടമാകും. വനാതിർത്തികളിൽ സോളാർ ഫെൻസിംഗ് കാര്യക്ഷമമാക്കി ആന, മാൻ എന്നിവയെ നിയന്ത്രിക്കാൻ ഒരുപരിധിവരെ കഴിയുമെങ്കിലും വാനരപ്പടയെ തുരത്താൻ നിലവിലുള്ള സംവിധാനങ്ങൾക്കൊന്നും കഴിയില്ല. ഇതു വന്യജീവി ആക്രമണ നിയന്ത്രണ പദ്ധതികൾക്കും കല്ലുകടിയാകും. നാട്ടിലുള്ള ആയിരക്കണക്കിന് കാട്ടുപന്നികളെ ഉന്മൂലനം ചെയ്യലും സാഹസമാണ്. വനംവകുപ്പിന്‍റെയും പഞ്ചായത്തുകളുടെയും ആത്മാർഥമായ ഇടപെടലിനൊപ്പം കർഷകരുടെ പങ്കാളിത്തവും ഉറപ്പാക്കിയാൽ മലയോര വനാതിർത്തികളിൽ ഭീഷണിയായ ആനകളെ അകറ്റി നിർത്താനാകുമെന്നാണ് വിലയിരുത്തൽ. തെരഞ്ഞെടുപ്പുകൾക്ക് മുന്നോടിയായി എന്തെങ്കിലുമൊക്കെ കാട്ടിക്കൂട്ടി പിന്നെയെല്ലാം പഴയപടിയായാൽ മനുഷ്യ വന്യജീവി സംഘർഷത്തിനപ്പുറം മനുഷ്യ- വനംവകുപ്പ് സംഘർഷമാകും പിന്നെയുണ്ടാവുക. സോളാർ ഫെൻസിംഗ് സ്ഥാപിക്കലും സംരക്ഷണവും തുടർ പ്രക്രിയയാകണം. വനാതിർത്തികളിൽ ട്രഞ്ച് കുഴിക്കലും റെയിൽ സ്ഥാപിക്കലും ഘട്ടംഘട്ടമായി നടപ്പിലാക്കണം. നാട്ടിൽ നിറഞ്ഞിട്ടുള്ള പന്നികളെ വെടിവച്ചുകൊന്ന് നശിപ്പിക്കുന്ന നടപടികൾ കൂടുതൽ ലളിതമാക്കണമെന്നും കർഷകർ ആവശ്യപ്പെടുന്നു. എവിടെയെങ്കിലും രണ്ടു പന്നികളെ കൊന്നതുകൊണ്ടൊന്നും പന്നിപ്പെരുപ്പും കുറയ്ക്കാനാകില്ലെന്നാണ് കർഷകർ പറയുന്നത്. പന്നിക്കൂട്ടങ്ങൾ അത്രയേറെയുണ്ട്. വൈകുന്നേരമാകുന്നതോടെ പുറത്തിറങ്ങാൻ കഴിയാത്ത സ്ഥിതിയാണിപ്പോൾ. ഇരുചക്ര വാഹനങ്ങളിൽ പോകുന്നവരും ഭയപ്പാടോടെയാണ് യാത്ര ചെയ്യുന്നത്. മലയോര മേഖലയിൽ കുരങ്ങുശല്യം അതിരൂക്ഷമാണ്. നൂറും നൂറ്റിയന്പതും എണ്ണം വരുന്ന വാനര പടകളാണ് കൃഷിയിടങ്ങളിലെത്തി സർവതും നശിപ്പിക്കുന്നത്. എഴുപതും നൂറും എണ്ണം തെങ്ങുകളുള്ള കർഷകന് വീട്ടാവശ്യത്തിനുള്ള നാളികേരം പോലും കിട്ടാത്ത സ്ഥിതിയാണെന്ന് ആരോഗ്യപുരം കൊന്നക്കൽകടവ് പതിനാലാം ബ്ലോക്കിലെ പാറക്കൽ കുര്യാക്കോസ് പറഞ്ഞു. ആയിരക്കണക്കിന് എണ്ണം വരുന്ന കടവാവല്‍കൂട്ടം മൂലം കശുമാവ് കൃഷി വലിയ നഷ്ടമായെന്നു ചൂണ്ടിക്കാട്ടിയാണ് കരിങ്കയം ഇലഞ്ഞിമറ്റം തോമസ് പരാതി നൽകിയിട്ടുള്ളത്. കൂട്ടമായെത്തുന്ന തത്തകളുടെ ശല്യമാണ് ചിറ്റടി കിഴക്കേപറമ്പിൽ ടോം ജോർജ് പരാതിയായി നൽകിയിട്ടുള്ളത്. ഇതിനാൽ ആകാശവഴി വരുന്നവയെ എങ്ങനെ ഒഴിവാക്കാമെന്ന ചോദ്യത്തിനു ഉത്തരംപറയേണ്ട ഗതികേടിലാണ് വനംവകുപ്പ്.

വണ്ടാഴിയിൽ ആക്്ഷൻ പ്ലാൻ തുടങ്ങി

വടക്കഞ്ചേരി: വന്യജീവി ആക്രമണ നിയന്ത്രണ പദ്ധതിയുടെ ഭാഗമായി വണ്ടാഴി പഞ്ചായത്തിൽ കാട്ടുപന്നികളുടെ വെടിവച്ചുകൊന്ന് ഉന്മൂലനംചെയ്യുന്ന ആക്്ഷൻ പ്ലാൻ ആരംഭിച്ചു. കഴിഞ്ഞ രാത്രി പഞ്ചായത്തിലെ വിവിധ പാടശേഖരങ്ങളിലും കൃഷിയിടങ്ങളിൽനിന്നുമായി ഏഴു പന്നികളെ വെടിവച്ചുകൊന്നു. ആലത്തൂർ റേഞ്ച് ഓഫീസർ എൻ. സുബൈർ, മംഗലംഡാം കരിങ്കയം ഫോറസ്റ്റ് ഡെപ്യുട്ടി റേഞ്ച് ഓഫീസർ മുഹമ്മദ് ഹാഷിം, പഞ്ചായത്ത് പ്രസിഡന്‍റ് കെ.എൽ. രമേഷ്, മെംബർമാരായ പി. ശശികുമാർ, എസ്. ഷക്കീർ, ഡിനോയ് കോമ്പാറ എന്നിവരുടെ നേതൃത്വത്തിലായിരുന്നു പന്നിവേട്ട. ദിലീപ് കുമാർ, നവീൻ, പൃഥ്വിരാജൻ എന്നിവരായിരുന്നു ഷൂട്ടർമാർ. എൻ.കെ. കരിം, കെ.ടി. വാസു, കെ. മുരളീധരൻ, കെ.എസ് നിതിൻ, പി.കെ. മഞ്ജു, ജോയ്സ് തുടങ്ങിയ ജീവനക്കാരും പാടശേഖരസമിതി അംഗങ്ങളും ഒപ്പമുണ്ടായിരുന്നു. തുടർന്നുള്ള രാത്രികളിലും സ്പോട്ടുകളിൽ ക്യാമ്പുചെയ്ത് പന്നികളെ വെടിവച്ചുകൊല്ലുന്ന ദൗത്യം തുടരുമെന്നു ഡെപ്യുട്ടി റേഞ്ച് ഓഫീസർ അറിയിച്ചു.

കൊയ്യാറായ പാടങ്ങളിൽ കാട്ടുപന്നിക്കൂട്ടം

നെന്മാറ: കൊയ്യാറായ നെൽപ്പാടങ്ങളിൽ കാട്ടുപന്നികൾ നാശം വരുത്തുന്നു. നെന്മാറ കൃഷിഭവൻ പരിധിയിലെ അരിമ്പൂർപതി, അയ്യർ പള്ളം, കൊടുവാൾ പാറ, തേവർ മണി, കണ്ണോട്, എലന്തംകുളമ്പ്, അള്ളിച്ചോട് തുടങ്ങി നെന്മാറ ആതനാട് മലയുടെ ഇരുവശങ്ങളിലുമുള്ള നെൽപ്പാടങ്ങളിലാണ് കാട്ടുപന്നി ശല്യം രൂക്ഷമായത്. വനംവകുപ്പിന്‍റെ കാട്ടുപന്നി നിർമ്മാർജനം ഫലവത്താകുന്നില്ല. നെൽപ്പാടത്തിനുചുറ്റും വർണകടലാസുകളും, തുണികളും സാരികളും ഉപയോഗിച്ച് പന്നികളെ തുരത്താനുള്ള പെടാപ്പാടിലാണ് കർഷകർ. പുതുതായി തുണി കെട്ടുന്ന ഒന്നോ രണ്ടോ ദിവസങ്ങളിൽ കാട്ടുപന്നി മറ്റൊക്കെ പോകുമെങ്കിലും തുടർച്ചയായി കാണുന്നതോടെ വീണ്ടും എത്തുന്നുണ്ടെന്നു കർഷകർ പറയുന്നു. കൂട്ടത്തോടെ എത്തുന്ന കാട്ടുപന്നികൾ ഒറ്റരാത്രികൊണ്ടുതന്നെ നെല്ലുതിന്നും കിടന്നു മറിഞ്ഞും പകുതിയിലേറെ വിള നശിപ്പിക്കുന്നുണ്ടെന്നാണ് കർഷകരുടെ പരാതി. കൊയ്തെടുക്കാൻ ആഴ്ചകളോളം ബാക്കി നിൽക്കുന്നുണ്ടെങ്കിലും കൊയ്ത്തുയന്ത്രം ലഭിച്ചാൽ ഉടൻ കൊയ്തെടുക്കാനുള്ള ശ്രമത്തിലാണ് കർഷകർ.

ജില്ലാ കളക്ടറുടെ റിപ്പോർട്ടിനുമുന്പ് കല്ലുകടത്തുന്ന നീക്കം തടഞ്ഞു

വടക്കഞ്ചേരി: തൃശൂർ- പാലക്കാട് ദേശീയപാതയ്ക്കടുത്ത് അണക്കപ്പാറയിലെ കരിങ്കൽ ക്വാറിക്കെതിരെ വീണ്ടും നാട്ടുകാർ രംഗത്തെത്തി. കളക്ടറുടെ റിപ്പോർട്ടിനു ശേഷമേ ക്വാറിയിൽനിന്നു കല്ലുകൊണ്ടു പോകാവു എന്ന് ഒരാഴ്ച മുമ്പ് പോലീസ് ഇടപ്പെട്ട് തീരുമാനിച്ചിരുന്നെങ്കിലും അതുമറികടന്ന് ഇന്നലെ കല്ലുകടത്താൻ നീക്കമുണ്ടായതാണ് നാട്ടുകാരെ ക്ഷുഭിതരാക്കിയത്. വിവരമറിഞ്ഞ് പോലീസെത്തി ക്വാറി നടത്തിപ്പുകാരുമായി സംസാരിച്ചെങ്കിലും വ്യക്തമായ മറുപടി നടത്തിപ്പുകാർക്കു നൽകാനായില്ല. ജിയോളജിസ്റ്റിന്‍റെ വാക്കാലുള്ള അനുമതിയുണ്ടെന്നും കല്ല് കൊണ്ടുപോകുമെന്നായിരുന്നു നടത്തിപ്പുകാരുടെ വെല്ലുവിളി. എന്നാൽ രേഖാമൂലമല്ലാതെ വാക്കാൽ അനുമതി അംഗീകരിക്കില്ലെന്ന നിലപാടിൽ നാട്ടുകാരും ഉറച്ചു നിന്നു. ഇതിനെതുടർന്ന് ശ്രമം ഉപേക്ഷിച്ച് നടത്തിപ്പുകാർ പിന്തിരിയുകയായിരുന്നു. ഏതാനും സെന്‍റ് സ്ഥലത്തുമാത്രം പാറ പൊട്ടിക്കാൻ സമ്പാദിച്ച ലൈസൻസിന്‍റെ മറവിൽ പ്രദേശമാകെ പാറ ഖനനം നിർബാധം തുടരുകയാണെന്നാണ് നാട്ടുകാർ പറയുന്നത്. അനധികൃത ഖനനം നടത്തി കല്ല് പുറത്തു കൊണ്ടുപോകുന്നത് കഴിഞ്ഞദിവസവും നാട്ടുകാർ തടഞ്ഞിരുന്നു.

പി.ജെ. പൗലോസിനെ അനുസ്മരിച്ച് കുമരംപുത്തൂർ കോൺഗ്രസ് കമ്മിറ്റി

കുമരംപുത്തൂർ: മണ്ണാർക്കാട്ടെ മുതിർന്ന കോൺഗ്രസ് നേതാവും കെപിസിസി സെക്രട്ടറിയും ജില്ലാ പഞ്ചായത്ത് മെംബറും സഹകാരിയുമായിരുന്ന പി.ജെ. പൗലോസിനെ അനുസ്മരിച്ച് കുമരംപുത്തൂർ മണ്ഡലം കോൺഗ്രസ് കമ്മിറ്റി. കുമരംപുത്തൂർ കല്യാണകാപ്പിൽ നടന്ന പരിപാടി മണ്ണാർക്കാട് ബ്ലോക്ക് കോൺഗ്രസ് കമ്മിറ്റി പ്രസിഡന്‍റ് അസീസ് ഭീമനാട് ഉദ്ഘാടനം ചെയ്തു. മണ്ഡലം കമ്മിറ്റി പ്രസിഡന്‍റ് കെ. ഫിലിപ്പ് അധ്യക്ഷനായിരുന്നു. ഗ്രാമപഞ്ചായത്ത് പ്രസിഡന്‍റ് രാജൻ അമ്പാടത്ത്, ബ്ലോക്ക് പഞ്ചായത്ത് സ്ഥിരംസമിതി അധ്യക്ഷൻ മുസ്തഫ വറോടൻ, അസീസ് പച്ചീരി, പി. പ്രശോഭ്, ഇ.പി. ശശിധരൻ, അൻവർ അമ്പാടത്ത്, രാമചന്ദ്രൻ നായർ, വിജയലക്ഷ്മി, ജോസ് പുതറമണ്ണിൽ, എം.ജെ. തോമസ്, ഹമീദ് മച്ചിങ്ങൽ, കുഞ്ഞിപ്പ മുണ്ടക്കോട്ടിൽ, മുസ്തഫ, ഷമീർ എന്നിവർ പ്രസംഗിച്ചു.

ഇഞ്ചികൃഷിക്കു ഫംഗസ് ബാധ; ആശങ്ക വിട്ടൊഴിയാതെ കര്‌ഷകർ

നെന്മാറ: ഇഞ്ചികൃഷിയിൽ ഫംഗസ്ബാധ മൂലം വിളനാശം വ്യാപകം. ദ്രുതവാട്ടം പോലുള്ള വൈറസ് രോഗങ്ങൾക്കും മൂടുചീയൽ രോഗങ്ങൾക്കും പുറമേയാണ് ഫംഗസ് ബാധ കർഷകർക്കു വിനയാകുന്നത്. പോത്തുണ്ടി അരിമ്പൂർപതിയിലെ ഷാജിയുടെ ഒന്നര ഏക്കർ ഇഞ്ചികൃഷി പാടത്താണ് വ്യാപകമായി ഫംഗസ് രോഗം കണ്ടത്. കൃഷി വിദഗ്ധർ നിർദേശിച്ച ഫംഗസ് പ്രതിരോധ മരുന്നുകൾ പ്രയോഗിച്ചിട്ടും പൂർണമായി രോഗമുക്തി നേടിയിട്ടില്ല. ഒരിക്കൽ തളിച്ചമരുന്ന് വീണ്ടും തളിച്ചാൽ ഫലവത്താവത്തതിനാൽ പുതിയ മരുന്ന് തളിച്ച് പരീക്ഷിക്കുകയാണ് കർഷകൻ. കഴിഞ്ഞ ഒരുമാസംവരെ രോഗബാധ പടരാതെ പിടിച്ചുനിന്നെങ്കിലും മഴയും വെയിലും മാറിമാറി വരുന്ന സാഹചര്യമുണ്ടായതോടെയാണ് രോഗവ്യാപനം വർധിച്ചത്. മണ്ണിൽ നിന്നുതന്നെ രൂപപ്പെടുന്ന ഫംഗസുകളാണ് രോഗകാരണം. രോഗം ബാധിച്ച വാരങ്ങളിലെ ഇഞ്ചിയുടെ ഓലകൾ പഴുത്ത് ഉണങ്ങിയ രീതിയിൽ ക്ഷയിച്ചു സ്ഥിതിയിലാണുള്ളത്. ഇനിയും മൂന്നുമാസംകൂടി മൂപ്പ് ശേഷിച്ചിരിക്കെയാണ് ഫംഗസ് രോഗബാധ പടർന്നു പിടിച്ചത്.

അരിയൂർ സഹകരണ ബാങ്ക് പ്രതിസന്ധി: നിയമനടപടിക്കൊരുങ്ങി ഭരണസമിതി

മണ്ണാർക്കാട്: അരിയൂർ സർവീസ് സഹകരണ ബാങ്കിന്‍റെ പ്രവർത്തന പ്രതിസന്ധിക്ക് ഉടൻ പരിഹാരമാവുമെന്ന് ഭരണസമിതി. ഭരണസമിതി അംഗങ്ങൾ പണം തിരിച്ചടയ്ക്കണമെന്നത് അന്വേഷണ റിപ്പോർട്ടാണെന്നും അന്തിമവിധിയല്ലെന്നും അംഗങ്ങൾ മണ്ണാർക്കാട് വാർത്താസമ്മേളനത്തിൽ പറഞ്ഞു. നൂറു കോടിയിലധികം രൂപ ബാങ്കിലേക്ക് തിരിച്ചുവരാനുണ്ടെന്നും 45 കോടിയോളം രൂപ മാത്രമാണ് ബാങ്കിന് ബാധ്യതയെന്നും അംഗങ്ങൾ പറഞ്ഞു. മണ്ണാർക്കാട് നഗരസഭാ ചെയർമാൻ സി. മുഹമ്മദ് ബഷീറിന്‍റെ നേതൃത്വത്തിൽ ബാങ്കിനു ലഭിക്കാനുള്ള പണം തിരിച്ചുപിടിക്കുന്നതിന് കമ്മിറ്റി രൂപീകരിച്ച് പ്രവർത്തിക്കുന്നുണ്ട്. ബാങ്കിലേക്ക് പണം തിരിച്ചുവരുന്ന സ്ഥിതി തുടങ്ങിയിട്ടുണ്ടെന്നും വൈകാതെ പ്രശ്നങ്ങൾക്ക് പരിഹാരമാവുമെന്നും മറ്റു പ്രചാരണങ്ങൾക്ക് അടിസ്ഥാനമില്ലെന്നും ഭരണസമിതി അംഗങ്ങൾ വ്യക്തമാക്കി. ഭരണസമിതിക്ക് നേരെ വന്നിട്ടുള്ള അന്വേഷണ റിപ്പോർട്ടിന്മേൽ നിയമ നടപടി സ്വീകരിക്കുമെന്നും അംഗങ്ങൾ വ്യക്തമാക്കി. 85 ലക്ഷം രൂപ വായ്പയെടുത്ത പലർക്കായി ഇളവ് നൽകിയതാണ്. ഇതു നിയമപരമായല്ല നൽകിയിട്ടുള്ളത്. ഇവർക്ക് ബാങ്ക് നോട്ടീസ് നൽകും. പത്തോളം ദിവസവേതന അടിസ്ഥാനത്തിൽ ജോലിചെയ്യുന്ന ജോലിക്കാരുണ്ടായിരുന്നു. ഇവരെ നിയമിച്ചത് നിയമപരമായി ആയിരുന്നില്ല. ഇവർക്ക് നൽകിയ ശമ്പളമാണ് ബാധ്യതയായത്. പിന്നീട് ബാങ്ക് നഷ്ടത്തിലായ സമയത്തും മാധ്യമങ്ങൾക്ക് പരസ്യം നൽകിയതും ഭരണസമിതിക്ക് ബാധ്യതയായി. ഇതെല്ലാമാണ് അന്വേഷണ റിപ്പോർട്ടിലുള്ളത്. ഇക്കാര്യങ്ങളെല്ലാം കോടതിയെ ബോധിപ്പിക്കും. അന്വേഷണ റിപ്പോർട്ടിലുള്ള കാര്യങ്ങളെല്ലാം കഴിഞ്ഞ പത്തുവർഷത്തിലധികമായി ബാങ്കിൽ നടക്കുന്ന കാര്യങ്ങളാണ്. ഈ സമയത്തെല്ലാം ഓഡിറ്റർമാർ ബാങ്കിലുണ്ടായിരുന്നു. എന്നാൽ ഇത് പ്രശ്നങ്ങളായി ചൂണ്ടിക്കാണിക്കാൻ ഇവർ തയാറായിട്ടില്ല. അതിനാൽ ഇവർക്കെതിരെയും നിയമ നടപടി സ്വീകരിക്കുമെന്ന് ഭരണസമിതി പ്രസിഡന്‍റ് പാറശ്ശേരി ഹസ്സൻ, വൈസ് പ്രസിഡന്‍റ് അസീസ് ഭീമനാട് തുടങ്ങിയവർ മണ്ണാർക്കാട് വാർത്താസമ്മേളനത്തിൽ പറഞ്ഞു.

നഗര ജനകീയ ആരോഗ്യകേന്ദ്രം ഉദ്ഘാടനം

പാലക്കാട്: ആയുഷ്മാൻ ആരോഗ്യ മന്ദിർ പദ്ധതിയുടെ ഭാഗമായി നഗരസഭ സിവിൽ സ്റ്റേഷൻ വാർഡിൽ നഗരസഭയുടെ സ്വന്തം കെട്ടിടത്തിൽ നഗര ജനകീയ ആരോഗ്യകേന്ദ്രത്തിന്‍റെ ഉദ്ഘാടനം നഗരസഭാ ചെയർപേഴ്സണ്‍ പ്രമീള ശശിധരൻ നിർവഹിച്ചു. വൈസ് ചെയർമാൻ ഇ. കൃഷ്ണദാസ് മുഖ്യപ്രഭാഷണം നടത്തി. ആരോഗ്യ സ്റ്റാന്‍റിംഗ് കമ്മിറ്റി ചെയ്മാൻ പി. സ്മിതേഷ് അധ്യക്ഷത വഹിച്ചു. ആരോഗ്യകേന്ദ്രത്തിന്‍റെ പ്രവർത്തന സമയം ഉച്ചയ്ക്ക് 2 മുതൽ രാത്രി 7 വരെയായിരിക്കും കേന്ദ്രത്തിൽ കൂടുതൽ സ്പെഷലിസ്റ്റ് ഡോക്ടർമാരുടെ സേവനം ഉറപ്പാക്കുമെന്ന് ചെയർപേഴ്സണ്‍ ഉദ്ഘാടനവേളയിൽ ഉറപ്പ് നൽകി. ക്ഷേമകാര്യസമിതി ചെയർപേഴ്സണ്‍ ടി. ബേബി ചന്ദ്രൻ, വാർഡ് കൗണ്‍സിലർ സുഭാഷ് യാക്കര, എ. കൃഷ്ണൻ, എൻ. ശിവരാജൻ, വി. നടേശൻ, കെ. സുജാത, ഡി. ഷജിത്കുമാർ, കെ. ഷൈലജ, എഫ്.ബി. ബഷീർ, മിനി ബാബു, മുഹമ്മദ് ബഷീർ, മണ്‍സൂർ മണലാഞ്ചേരി, സജിത സുബ്രഹ്മണ്യൻ, എൻഎച്ച്എം കോ-ഓർഡിനേറ്റർ സാന്ദ്ര എന്നിവർ പ്രസംഗിച്ചു.

സൂക്ഷ്മവനമൊരുക്കി പട്ടഞ്ചേരി ജൈവവൈവിധ്യ പരിപാലന കമ്മിറ്റി

വണ്ടിത്താവളം: പട്ടഞ്ചേരി പഞ്ചായത്ത് ജൈവവൈവിധ്യ ബോർഡ് പരിപാലന സമിതി, കേരള സംസ്ഥാന ജൈവവൈവിധ്യ ബോർഡ്, കേരള ഫോറസ്റ്റ് റിസർച്ച് ഇൻസ്റ്റിറ്റ്യൂട്ട് പീച്ചി എന്നിവയുടെ നേതൃത്വത്തിൽ നടന്ന ഹരിതോത്സവം-2025 വനവത്കരണവും അനുബന്ധ പരിപാടിയും പട്ടഞ്ചേരി പഞ്ചായത്ത് അധ്യക്ഷൻ പി.എസ്.ശിവദാസ് ഉദ്ഘാടനം ചെയ്തു. ഉപാധ്യക്ഷ അനില മുരളീധരൻ അധ്യക്ഷയായി. ക്ഷേമരാഷ്ട്രങ്ങളിൽ മൂന്നിലൊരുഭാഗം വനമാക്കി മാറ്റാൻ ലക്ഷ്യം വച്ചുള്ള പഞ്ചായത്തിന്‍റെ തുടർപ്രവർത്തനങ്ങളുടെ ഭാഗമാണ് ഇത്തരം പ്രവർത്തനങ്ങളെന്നു പി.എസ്.ശിവദാസ് പറഞ്ഞു. കെഎഫ്ആർഐ പ്രോജക്ട് അസിസ്റ്റന്‍റ് പി.എസ്. ഗോകുൽ, ജൈവ വൈവിധ്യ ബോർഡ് ജില്ലാ കോ -ഓർഡിനേറ്റർ വി. സിനിമോൾ, സോഷ്യൽ ഫോറസ്ട്രി ഡിവിഷൻ, പാലക്കാട് ഡെപ്യൂട്ടി റേഞ്ച് ഫോറസ്റ്റ് ഓഫീസർ ബി.എസ്. ഭദ്രൻ എന്നിവർ മുഖ്യാതിഥികളായി.

കാഞ്ഞിരപ്പുഴ കിഫ ഡെസ്കിൽ ലഭിച്ചത് 750 പരാതികൾ

കാഞ്ഞിരപ്പുഴ: കിഫയുടെ നേതൃത്വത്തിൽ കാഞ്ഞിരപ്പുഴ പഞ്ചായത്ത് ഓഫീസിൽ സ്ഥാപിച്ച ഹെൽപ് ഡെസ്കിൽ വന്യജീവിആക്രമണം സംബന്ധിച്ച് 750 ഓളം പരാതികൾ ലഭിച്ചു. കാഞ്ഞിരപ്പുഴ പഞ്ചായത്തിലെ മലയോരമേഖലയോട് ചേർന്നുള്ള 5 വാർഡുകളിൽ ആന, കടുവ, പുലി, പന്നി, കുരങ്ങ്, മലയണ്ണാൻ, മരപ്പട്ടി, മയിൽ എന്നീ വന്യമൃഗങ്ങളുടെ വ്യാപകമായ സാന്നിധ്യവും കൃഷിനാശവും കാരണം ജനങ്ങൾ ദുരിതത്തിലാണ്. ഇതിന് പരിഹാരം കാണണമെന്ന് ആവശ്യപ്പെട്ടാണ് കർഷകരും കർഷകതൊഴിലാളികളും ടാപ്പിംഗ് തൊഴിലാളികളും അവരുടെ പരാതികൾ സമർപ്പിച്ചത്. കിഫയുടെ നേതൃത്വത്തിൽ പരാതിഫോമുകൾ വിതരണം ചെയ്ത്‌ പരാതികൾ കൊടുക്കേണ്ടതിന്‍റെ ആവശ്യകത ജനങ്ങളെ ബോധ്യപ്പെടുത്തിയതിന്‍റെ അടിസ്ഥാനത്തിലാണ് ജനങ്ങൾ വ്യാപകമായി പരാതികൾ കൊടുത്തത്. ഇത്ര വ്യാപകമായ വന്യജീവിശല്യം അനുഭവിക്കുന്ന ജനങ്ങൾക്ക് അവരുടെ പരാതിയുടെ അടിസ്ഥാനത്തിൽ അടിയന്തര പരിഹാരമാർഗം ബന്ധപ്പെട്ട അധികാരികൾ കണ്ടത്തിയില്ലെങ്കിൽ വനംവകുപ്പിന്‍റെ ഈ തീവ്രയജ്ഞം വെറുമൊരു പ്രഹസനമായി ജനം വിലയിരുത്തുമെന്ന് കിഫ ജില്ലാ പ്രസിഡന്‍റ് സണ്ണി കിഴക്കേക്കര പറഞ്ഞു.

വന്യജീവി ആക്രമണം; പരാതി സെല്ലുകളിലേക്ക് കർഷകരുടെ പരാതിപ്രവാഹം

വടക്കഞ്ചേരി: വന്യജീവി ആക്രമണ ലഘൂകരണ തീവ്ര യജ്ഞ പരിപാടിയുടെ ഭാഗമായി ആരംഭിച്ച പരാതി സെല്ലുകളിൽ ലഭിച്ചത് 1200 പരാതികൾ. വനാതിർത്തിവരുന്ന പഞ്ചായത്തുകളായ വണ്ടാഴി, കിഴക്കഞ്ചേരി ചൂലന്നൂർ മയിൽ സങ്കേതം ഉൾപ്പെടുന്ന പെരിങ്ങോട്ടുകുറിശി, കണ്ണമ്പ്ര എന്നീ നാല് പഞ്ചായത്തുകളിൽ നിന്നാണ് പരാതി ലഭിച്ചിട്ടുള്ളതെന്ന് മംഗലംഡാം കരിങ്കയം ഫോറസ്റ്റ് റേഞ്ച് ഓഫീസർ മുഹമ്മദ് ഹാഷിം പറഞ്ഞു. പരാതി സ്വീകരിക്കുന്ന അവസാനതിയതിയായ ഇന്നലെ ഫോറസ്റ്റ് ഓഫീസുകളിൽ മാത്രമാണ് പരാതികൾ സ്വീകരിച്ചത്. പരാതികളിൽ 80 ശതമാനവും പന്നിശല്യം ചൂണ്ടിക്കാട്ടിയുള്ളതാണ്. ആന, മാൻ, കുരങ്ങ്, വാവൽ, മലയണ്ണാൻ, മുള്ളൻപന്നി, മയിൽ, തത്തകൂട്ടങ്ങൾ തുടങ്ങിയവയുടെ ശല്യമുണ്ടെന്നുള്ള പരാതികളാണ് മറ്റെല്ലാം. ഷൂട്ടർമാരുടെ സഹായത്തോടെ വണ്ടാഴി പഞ്ചായത്തിൽ ശല്യക്കാരായ പന്നികളെ വെടിവച്ചുകൊന്ന് നശിപ്പിക്കുന്നതിനുള്ള നടപടി ആരംഭിച്ചിട്ടുണ്ട്. കത്തോലിക്ക കോൺഗ്രസ്, കിഫ, നേർച്ചപ്പാറ സംരക്ഷണ സമിതി തുടങ്ങിയ സംഘടനകൾക്കൊപ്പം വ്യക്തികളുടെ നേതൃത്വത്തിൽ ജനങ്ങളിൽ നിന്നുള്ള കൂട്ടായ പരാതികളും നൽകിയിട്ടുണ്ട്. ആന ഉൾപ്പെടെ ശല്യമുള്ള പാലക്കുഴിയിൽ നിന്നും നിരവധി ആളുകൾ ഒപ്പിട്ട നിവേദനവും നൽകിയിട്ടുണ്ട്. വന്യമൃഗ ആക്രമണത്തിൽ കൊല്ലപ്പെട്ടവരുടെ പടങ്ങൾ സഹിതം പ്രസിദ്ധീകരിച്ച ദീപിക വാർത്തകൾ ചൂണ്ടിക്കാട്ടി കത്തോലിക്ക കോൺഗ്രസ് ഗ്ലോബൽ ഭാരവാഹിയായ ഡെന്നി തെങ്ങുംപള്ളിയും നിവേദനം നൽകി.

രാഹുൽ ഗാന്ധിക്കെതിരായ വധഭീഷണി: പ്രതിഷേധപ്രകടനം നടത്തി

പാലക്കാട്: രാജ്യത്തിന്‍റെ പ്രതിപക്ഷ നേതാവ് രാഹുൽ ഗാന്ധിക്കെതിരെ വധഭീഷണി മുഴക്കിയതിൽ പ്രതിഷേധിച്ച് പാലക്കാട് ബ്ലോക്ക് കോണ്‍ഗ്രസ് കമ്മിറ്റിയുടെ നേതൃത്വത്തിൽ ഡിസിസി ഓഫീസിൽ നിന്നും സ്റ്റേഡിയം ബസ് സ്റ്റാന്‍ഡ് പരിസരത്തേക്ക് നടത്തിയ പന്തം കൊളുത്തി പ്രകടനം കെപിസിസി ജനറൽ സെക്രട്ടറി സി. ചന്ദ്രൻ ഉദ്ഘാടനം ചെയ്തു. ബ്ലോക്ക് കോണ്‍ഗ്രസ്‌ പ്രസിഡന്‍റ് സി.വി. സതീഷ് അധ്യക്ഷത വഹിച്ചു. യുഡിഎഫ് നിയോജക മണ്ഡലം ചെയർമാൻ സുധാകരൻ പ്ലാക്കാട്ട്, മണ്ഡലം പ്രസിഡന്‍റുമാരായ എസ്. സേവ്യർ, അനിൽ ബാലൻ, രമേശ് പുത്തൂർ, എസ്.എം. താഹ, നേതാക്കളായ ഹരിദാസ് മച്ചിങ്ങൽ, എസ്. കുപ്പേലൻ, വി. മോഹൻ, വി. ആറുമുഖൻ, എച്ച്.എ സത്താർ, കെ.ആർ. ശരരാജ്, എ.എം. അബ്ദുള്ള, പി.ബി. സുഗതൻ, പി.എം. ശ്രീവത്സൻ, വി. മോഹൻ ബാബു, എം.കെ. സിദ്ധാർഥൻ, എച്ച്. കാജ, ജൈലാവുദ്ദീൻ, രാധാ ശിവദാസ്, പുഷ്പവല്ലി നന്പ്യാർ, കൗണ്‍സിലർമാരായ എ. കൃഷ്ണൻ, ഡി. ഷജിത്ത്കുമാർ ,എഫ്.ബി. ബഷീർ, അനുപമ പ്രശോഭ്, മിനി ബാബു എന്നിവർ പങ്കെടുത്തു. ആലത്തൂർ: പ്രതിപക്ഷ നേതാവ് രാഹുൽ ഗാന്ധിക്കെതിരെ വധഭീഷണി നടത്തിയ ബിജെപി നേതാവിനെതിരെ ആലത്തൂർ ബ്ലോക്ക് കോൺഗ്രസ് കമ്മിറ്റിയുടെ നേതൃത്വത്തിൽ പ്രതിഷേധപ്രകടനം സംഘടിപ്പിച്ചു. കെപിസിസി മെംബർ വി. സുദർശൻ ഉദ്ഘാടനം ചെയ്തു. പ്രസിഡന്‍റ് കെ.വി. കണ്ണൻ അധ്യക്ഷനായി. നേതാക്കളായ അശോകൻ മാസ്റ്റർ, എ. ഹാരിസ്, ശശി വണ്ടാഴി, ചെല്ലക്കുട്ടി, എൻ. രാമചന്ദ്രൻ മാസ്റ്റർ, വിജയൻ, തൃപ്പാളൂർ ശശി, ജോസഫ്, ബേബി എന്നിവർ പ്രസംഗിച്ചു. കൊഴിഞ്ഞാമ്പാറ: ലോക്സഭ പ്രതിപക്ഷനേതാവ് രാഹുൽ ഗാന്ധിയെ വധിക്കുമെന്ന് ഭീഷണിപ്പെടുത്തിയ ബിജെപി നേതാവിനെ സംരക്ഷിക്കുന്നതായി ആരോപിച്ച് കൊഴിഞ്ഞാമ്പാറ ബ്ലോക്ക് കോൺഗ്രസ് കമ്മിറ്റിയുടെ നേതൃത്വത്തിൽ ടൗണിൽ പ്രതിഷേധപ്രകടനവും യോഗവും നടത്തി. ഡിസിസി ജനറൽ സെക്രട്ടറി കെ.സി. പ്രീത് പ്രതിഷേധയോഗം ഉദ്ഘാടനം ചെയ്തു. കൊഴിഞ്ഞാമ്പാറ ബ്ലോക്ക് കോൺഗ്രസ് പ്രസിഡന്‍റ് കെ.രഘുനാഥ് അധ്യക്ഷത വഹിച്ചു. അഗളി: അട്ടപ്പാടി ബ്ലോക്ക് കോണ്‍ഗ്രസ് കമ്മിറ്റിയുടെ നേതൃത്വത്തിൽ ആനക്കട്ടിയിൽ പ്രതിഷേധപ്രകടനം നടത്തി. കോണ്‍ഗ്രസ് ബ്ലോക്ക് പ്രസിഡന്‍റ് പി.എം. ഹനീഫ അധ്യക്ഷത വഹിച്ചു. ഷിബു സിറിയക്ക് ഉദ്ഘാടനം ചെയ്തു. നേതാക്കളായ കെ.പി. സാബു, എം. കനകരാജ്, വിശ്വനാഥൻ കോട്ടത്തറ, എം.സി. ഗാന്ധി, ടി. ചിന്നസ്വാമി, യു.എ. മത്തായി, സുബ്രഹ്മണ്യൻ ആനക്കട്ടി, സന്തോഷ് ആനക്കട്ടി, ബിനോയ് പൂക്കുന്നേൽ, അജിത് കുമാർ, മുരുകൻ കള്ളക്കര, മാണിക്യൻ വട്ട്‌ലക്കി, രംഗരാജ് മട്ടത്തുകാട്, സെൽവൻ തൂവ, ബാലൻ കടന്പാറ തുടങ്ങിയവർ പ്രസംഗിച്ചു.

മലമ്പുഴയിലെ ഡ്രൈവിംഗ് ടെസ്റ്റും പരിശീലനവും അനിശ്ചിതത്വത്തിൽ

മലമ്പുഴ: ഇരുപതുവർഷത്തോളം ഡ്രൈവിംഗ് പരിശീലനവും ഡ്രൈവിംഗ് ലൈസൻസ് ടെസ്റ്റും നടത്തിയിരുന്ന മലന്പുഴയിലെ ഗ്രൗണ്ട് ഇനി ഉപയോഗിക്കാൻ പാടില്ലെന്ന ഇറിഗേഷൻ വകുപ്പിന്‍റെ അറിയിപ്പ് ലഭിച്ചതോടെ ഒട്ടേറെ ഡ്രൈവിംഗ് പഠിതാക്കളുടേയും ഡ്രൈവിംഗ് സ്കൂളുകളുടേയും ഭാവി അനിശ്ചിതത്വത്തിലായി. മറ്റൊരു സ്ഥലം കണ്ടെത്തുന്നതുവരെ ഇനി ഡ്രൈവിംഗ് ടെസ്റ്റോ പരിശീലനമോ പാലക്കാട് താലൂക്കിൽ ഉണ്ടായിരിക്കില്ലെന്ന് ഡ്രൈവിംഗ് സ്കൂൾ ഉടമകളും പരിശീലകരും പറയുന്നു. ഇറിഗേഷൻ വകുപ്പിന്‍റെ സ്ഥലമായ ഇവിടെ സ്റ്റേഡിയം പണിയാനുള്ള നടപടികൾ ആരംഭിച്ചതിനാലാണ് ഒഴിഞ്ഞുപോകാനുള്ള കത്ത് നൽകിയിരിക്കുന്നത്. എന്നാൽ നിർമാണപ്രവർത്തനങ്ങൾ ആരംഭിക്കുന്നതുവരെയെങ്കിലും തുടരാൻ അനുവദിച്ചാൽ ആ കാലയളവിൽ അനുയോജ്യമായ സ്ഥലം കണ്ടുപിടിക്കാനാവുമെന്നും ടെസ്റ്റുകൾ മുടങ്ങാതെ പഠിതാക്കൾക്ക് ലൈസൻസ് ലഭിക്കുമെന്നും ഡ്രൈവിംഗ് സ്കൂൾ ഉടമകളും പരിശീലകരും പറഞ്ഞു. ഇതിനോടകം പല സ്ഥലങ്ങളും നോക്കിയെങ്കിലും താങ്ങാനാവാത്ത ഭീമമായ വാടകയാണ് സ്ഥല ഉടമകൾ ആവശ്യപ്പെടുന്നതെന്നും അവർ പറഞ്ഞു.

റോഡിലെ അപകടക്കുഴികൾ നന്നാക്കണം: ജില്ലാ കളക്ടർ

കോയന്പത്തൂർ: നഗരത്തിൽ അപകടങ്ങൾക്ക് കാരണമാകുന്ന റോഡിലെ കുഴികളും സ്പീഡ് ബ്രേക്കറുകളും നന്നാക്കണമെന്ന് ജില്ലാ കളക്ടർ ഉത്തരവിട്ടു. സുരക്ഷ ഉറപ്പാക്കുന്നതിനും റോഡപകടങ്ങൾ കുറയ്ക്കുന്നതിനും ജനങ്ങളിൽ റോഡ് സുരക്ഷാ അവബോധം സൃഷ്ടിക്കുന്നതിനും ജില്ലാ ഭരണകൂടവും പോലീസ് വകുപ്പും നടപടികൾ സ്വീകരിച്ചുവരികയാണ്. റോഡ് സുരക്ഷാമേഖലയിൽ പ്രവർത്തിക്കുന്ന കോയമ്പത്തൂരിലെ ഉയിർ എന്ന സംഘടന അടുത്തമാസം ആദ്യം സർക്കാരുമായി സഹകരിച്ച് വിവിധ റോഡ് സുരക്ഷാ അവബോധ പരിപാടികൾ സംഘടിപ്പിക്കും. ഇതുമായി ബന്ധപ്പെട്ട ഒരു മനുഷ്യച്ചങ്ങല കാമ്പയിൻ അടുത്തിടെ കോയമ്പത്തൂർ നഗരത്തിൽ നടന്നു. സർക്കാരുമായി സഹകരിച്ച് നടത്തുന്ന ഈ അവബോധം എല്ലാ കക്ഷികളിലേക്കും എത്തുന്നുണ്ടെന്ന് ഉറപ്പാക്കാൻ എല്ലാ സർക്കാർ വകുപ്പുകളും നടപടികൾ സ്വീകരിക്കണമെന്ന് കളക്ടർ ഉത്തരവിട്ടു. പൊതുജനങ്ങൾ കൂടുതലായി ഒത്തുകൂടുന്ന സ്ഥലങ്ങളിൽ റോഡ് സുരക്ഷയെക്കുറിച്ചുള്ള വിവരങ്ങൾ പപ്രദർശിപ്പിക്കണം. കുഴികൾ, വേഗത നിയന്ത്രണങ്ങൾ, അപകട സാധ്യതയുള്ള റോഡരികുകൾ എന്നിവ നന്നാക്കണം, അപകട മേഖലകളിൽ മുന്നറിയിപ്പ് ബോർഡുകൾ സ്ഥാപിക്കണം. ബന്ധപ്പെട്ട വകുപ്പുകളിലെ സർക്കാർ ഉദ്യോഗസ്ഥർ ബസുകളിൽ ഉച്ചഭാഷിണികൾ വഴി അറിയിപ്പുകൾ നൽകാൻ കളക്ടർ ഉത്തരവിട്ടു. കോയമ്പത്തൂർ നഗരത്തിലെ പല റോഡുകളും അപകടകരമായ അവസ്ഥയിലാണ്. വേഗത നിയന്ത്രണങ്ങളിൽ ശരിയായ കറുത്ത അടയാളപ്പെടുത്തൽ ലൈനുകൾ ഇല്ല. ഇതുമൂലം കുഴികളിൽ മഴവെള്ളം നിറഞ്ഞാൽ കാണാൻ എളുപ്പമല്ല.

വേൾഡ് മലയാളി ഫെഡറേഷൻ കോയമ്പത്തൂർ കൗൺസിൽ ഓണാഘോഷവും അവാർഡ് വിതരണവും

കോയമ്പത്തൂർ: വേൾഡ് മലയാളി ഫെഡറേഷന്‍റെ ഓണാഘോഷവും വിശിഷ്ടസേവന അവാർഡ് വിതരണവും നടത്തി. കോയമ്പത്തൂർ സായിബാബ കോളനി ഭാരതി പാർക്ക് റോഡിലുള്ള ഉത്സവ് ഹാളിൽ ഡബ്ലിയുഎംഎഫ് കോയമ്പത്തൂർ കൗൺസിൽ പ്രസിഡന്‍റ് സി.എസ്. അജിത് കുമാറിന്‍റെ അധ്യക്ഷതയിൽ സിടിഎംഎ പ്രസിഡന്‍റും ഗോകുലം ഗ്രൂപ്പിന്‍റെ വൈസ് പ്രസിഡന്‍റുമായ പ്രവീൺ ഉദ്ഘാടനം ചെയ്തു. ചടങ്ങിൽ കോയമ്പത്തൂർ കൗൺസിലിന്‍റെ ഈ വർഷത്തെ ഐക്കണിക് അവാർഡുകൾ സമ്മാനിച്ചു. വിവിധ മേഖലകളിൽ പ്രാവീണ്യം തെളിയിച്ച ഡോ. രാമകുമാരന് പ്രതിഭാരത്ന അവാർഡും കോയമ്പത്തൂർ ആര്യവൈദ്യ ഫാർമസി മാനേജിംഗ് ഡയറക്ടർ സി. ദേവീദാസ് വാര്യർക്ക് സേവാരത്ന അവാർഡും എൻഎംസിടി യുടെ മാനേജിംഗ് ട്രസ്റ്റിയായ എ. ശങ്കരനാരായണനും തായമ്പക വിദഗ്ധനായ പനമണ്ണ ശശിക്ക് കലാരത്ന അവാർഡും നൽകി ആദരിച്ചു. ഡബ്ലിയുഎംഎഫ് കോയമ്പത്തൂർ കൗൺസിലിന്‍റെ രക്ഷാധികാരികളായ കോറൽ വിശ്വനാഥൻ, എം.കെ. സോമൻ മാത്യു, സെക്രട്ടറി സി.സി. സണ്ണി എന്നിവർ ആശംസകൾ നേർന്നു. ഡബ്ലിയുഎംഎഫ് ഏഷ്യ റീജിയൻ പ്രസിഡന്‍റ് എ. രാജേന്ദ്രപ്രസാദ് ഏഷ്യാ റീജിയൻ വൈസ് പ്രസിഡന്‍റ് എം. വിജയലക്ഷ്മി, ഏഷ്യാ റീജിയൻ മീഡിയ കോ-ഓർഡിനേറ്റർ കെ. മുരളീധരൻ, ഇന്ത്യ നാഷണൽ കൗൺസിൽ ട്രഷറർ കെ. സദാനന്ദൻ എന്നിവർ പ്രസംഗിച്ചു. ജോയിന്‍റ് സെക്രട്ടറി ടി. ഷിബു നന്ദി പറഞ്ഞു.

വടക്കഞ്ചേരി ടൗണിൽ ട്രാഫിക് റഗുലേറ്ററി കമ്മിറ്റി തീരുമാനങ്ങൾ ലംഘിക്കുന്നു

വടക്കഞ്ചേരി: ടൗണിൽ ട്രാഫിക് റഗുലേറ്ററി കമ്മിറ്റിയുടെ തീരുമാനങ്ങൾ കാറ്റിൽപറത്തി ചരക്ക് ഇറക്കൽ തോന്നുംമട്ടിൽ. രാവിലെ എട്ടരമുതൽ പത്ത് വരെയും വൈകുന്നേരം മൂന്നര മുതൽ അഞ്ച് വരെയും ടൗൺ റോഡുകളിൽ ചരക്കുലോറികൾ നിർത്തി ലോഡ് കയറ്റുന്നതും ഇറക്കുന്നതും പാടില്ലെന്നായിരുന്നു ട്രാഫിക് റഗുലേറ്ററി കമ്മിറ്റിയുടെ തീരുമാനം. 2022 ഓഗസ്റ്റ് 27 ന് പഞ്ചായത്ത് അധികൃതർ, പോലീസ്, ജോയിന്‍റ് ആർടിഒ, ഡെപ്യൂട്ടി തഹസിൽദാർ തുടങ്ങിയവർ പങ്കെടുത്ത യോഗത്തിലാണ് ഇത്തരം തീരുമാനങ്ങൾ ഐക്യകണ്ഠേന എടുത്തത്. കഴിഞ്ഞവർഷം ഡിസംബർ ഒമ്പതിന് ചേർന്ന യോഗത്തിലും ഈ തീരുമാനങ്ങൾ പുതുക്കുകയും ഉടൻ പ്രാബല്യത്തോടെ നടപ്പിലാക്കാൻ വീണ്ടും തീരുമാനിക്കുകയും ചെയ്തു. പക്ഷെ, തീരുമാനങ്ങൾ നടപ്പിലാക്കൽ തീരുമാനങ്ങളിൽ തന്നെ ഒതുങ്ങി. പരാതികളും വിമർശനങ്ങളും സഹിക്കവയ്യാതാകുമ്പോൾ പേരിന് എന്തെങ്കിലുമൊക്കെ കാട്ടികൂട്ടും. ഒന്നും ശാശ്വത നടപടികളല്ലെന്നാണ് ആരോപണം. രാവിലെ സ്കൂൾ സമയങ്ങളിലാണ് ടൗണിലെ ഇടുങ്ങിയ റോഡുകളിൽ പോലും വലിയ ചരക്കുലോറികൾ നിർത്തിയിട്ട് ലോഡ് ഇറക്കൽ നടത്തുന്നത്. സ്കൂൾ വാഹനങ്ങൾ കുരുക്കിൽപ്പെട്ട് ഏറെ നേരം കിടക്കണം. കൂടുതൽ ലോഡ് ഇറക്കാനുണ്ടെങ്കിൽ അത്രയും സമയവും യാത്രാവാഹനങ്ങൾ കുടുങ്ങികിടക്കും. പോലീസിൽ അറിയിച്ചിട്ടും പ്രയോജനമില്ല. പൊതുറോഡുകളിൽ കടകൾക്കു മുന്നിൽ സ്ഥിരമായി വാഹനങ്ങൾ പാർക്ക് ചെയ്യരുതെന്ന് 2019 ൽ ഹൈക്കോടതി ഉത്തരവുണ്ട്. ഇത്തരം അനധികൃത പാർക്കിംഗ് റോഡിലേക്ക് സുഗമമായി പ്രവേശിക്കാനുള്ള കട ഉടമകളുടെ അവകാശം നിഷേധിക്കലാണെന്നും കോടതി ചൂണ്ടിക്കാട്ടിയിരുന്നു. സ്ഥിരമായുള്ള പാർക്കിംഗ് മൂലം ആളുകൾക്ക് കടകളിൽ കയറി സാധനങ്ങൾ വാങ്ങുന്നതിനും ബുദ്ധിമുട്ടുണ്ടാകുന്നുണ്ട്. വഴിയോര കച്ചവടക്കാരുടെ ഉന്തുവണ്ടി, ഓട്ടോറിക്ഷ തുടങ്ങിയവ നിയന്ത്രിക്കുന്നതിന് സ്ക്വാഡ് പ്രവർത്തിക്കുമെന്നതും വെറും വാക്കായി. വഴിയാത്രക്കാർക്കായി ഫുട്പാത്തുകൾ പൂർണമായും ഒഴിച്ചിടണമെന്ന തീരുമാനവും കടലാസിലൊതുങ്ങി. പെർമിറ്റില്ലാത്ത ഓട്ടോറിക്ഷകൾ പിടികൂടും എന്ന തീരുമാനവും നടപ്പായില്ലെന്നാണ് ആക്ഷേപം.

വോട്ടർപട്ടികയിൽ കൃത്രിമം: കോൺഗ്രസ് പഞ്ചായത്ത് ഓഫീസ് മാർച്ച് നടത്തി

അയിലൂർ: ജീവിച്ചിരിക്കുന്നവരെ മരിച്ചവരാക്കി രേഖപ്പെടുത്തി പഞ്ചായത്ത് വോട്ടർപട്ടികയിൽനിന്നും വോട്ട് നീക്കം ചെയ്തുവെന്ന് ആരോപിച്ച് അയിലൂർ മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ പഞ്ചായത്ത് ഓഫീസിലേക്ക് പ്രതിഷേധ മാർച്ച് സംഘടിപ്പിച്ചു. മാർച്ച് പഞ്ചായത്ത്ഓഫീസിനു മുന്നിൽ പോലീസ് ബാരിക്കേഡ് കെട്ടി തടഞ്ഞു. ഓഫീസിനകത്തേക്ക് തള്ളിക്കയറാൻ ശ്രമിച്ച പ്രവർത്തകരും പോലീസുമായി ഉന്തും തള്ളും നടന്നു. മതിൽചാടിക്കടന്ന് ഓഫീസിലേക്ക് കയറാൻശ്രമിച്ച പ്രവർത്തകരെ പോലീസും മുതിർന്ന നേതാക്കളും പിന്തിരിപ്പിച്ചു. മാർച്ച് ഡിസിസി ജനറൽ സെക്രട്ടറി കെ.ജി. എൽദോ ഉദ്ഘാടനം ചെയ്തു. വോട്ടർപട്ടികയിൽ ക്രമക്കേട് കാണിച്ച പഞ്ചായത്ത് സെക്രട്ടറിക്കും ഉദ്യോഗസ്ഥർക്കും എതിരേ നടപടി സ്വീകരിക്കണമെന്നും പട്ടികയിലെ ഒഴിവാക്കലുകൾ, കൂട്ടിചേർക്കലുകൾ എന്നിവ പുന:പരിശോധിക്കണമെന്നും ആവശ്യപ്പെട്ടു. എസ്.എം. ഷാജഹാൻ അധ്യക്ഷത വഹിച്ചു. കെ.വി. ഗോപാലകൃഷ്ണൻ, പി.പി. ശിവപ്രസാദ്, പ്രദീപ് നെന്മാറ, വിനീഷ് കരിമ്പാറ, കെ. കുഞ്ഞൻ, സോബി ബെന്നി, കെ.ജി. രാഹുൽ, ആർ. വേലായുധൻ, വി.പി. രാജു, എസ്. കാസിം, എ. സുന്ദരൻ, എം.ജെ. ആന്‍റണി, എം. ഷാജു, വി. ബാലകൃഷ്ണൻ, ഒ. ചന്ദ്രു, കെ. വിനു, ഷിഹാദ്, എ. ജയാനന്ദൻ, വി.എം. സ്കറിയ, എ. ആറുമുഖൻ, എ.കെ. റെജി, എൻ. റിജേഷ്, ജമാൽ മുഹമ്മദ്, ശിവരാമൻ തെങ്ങുംപാടം, എൻ. ഉണ്ണികൃഷ്ണൻ, കെ.എൻ. കൃഷ്ണദാസ്, കെ.എം. ശശീന്ദ്രൻ, എ. മോഹൻദാസ്, കെ.ജി. കുട്ടൻ, രാജേഷ് കുളമട, ഇ.പി. ബേബി, ആർ. രഞ്ജിത്, വി. ദാമോദരൻ, പി. വിജയൻ എന്നിവർ നേതൃത്വം നൽകി.

നെൽച്ചെടികളിൽ ഓലകരിച്ചിൽ രൂക്ഷം; വിളവു കുറയുമെന്ന് ആശങ്ക

കൊടുവായൂർ: പടിക്കൽപ്പാടത്തും സമീപത്തും കൊയ്യാറായ വയലുകളിൽ നെൽച്ചെടികൾക്ക് ഓലകരിച്ചിൽ രൂക്ഷം. കൃഷിഭവൻ അധികൃതരുടെ നിർദേശപ്രകാരം പ്രതിരോധമരുന്നുകൾ പ്രയോഗിച്ചിട്ടും നെൽച്ചെടിയിലെ ഉണക്കത്തിനു പരിഹാരമാവുന്നില്ല. മുൻവർഷങ്ങളിൽ സമയോചിതമായി ജലംലഭിക്കാതെ ഉണക്കം നേരിട്ടു കൃഷിനാശം ഉണ്ടായിട്ടുണ്ട്. എന്നാൽ ഇത്തവണ മഴകൂടിയതും കൃഷിയെ പ്രതികൂലമായി ബാധിക്കുകയാണ്. ഇക്കഴിഞ്ഞ ദിവസം പെയ്ത കനത്തമഴയിൽ കതിരിട്ട നെൽച്ചെടികൾ വീണതിനു പുറമെ ചീയൽ ബാധിച്ചും കൃഷിനാശം ഉണ്ടായിട്ടുണ്ട്. ഇത്തവണ നല്ല വിളവ് ലഭിക്കുമെന്ന കർഷകർ പ്രതീക്ഷിച്ച സമയത്താണ് നെൽച്ചെടികൾക്ക് വിനയായി കാലംതെറ്റിമഴയെത്തിയത്.

നടുപ്പുണി റോഡിലെ ഗർത്തത്തിൽ വാഴനട്ട് പ്രതിഷേധിച്ചു

കൊഴിഞ്ഞാമ്പാറ: നടുപ്പുണി -ആർവിപി പുതൂർ റോഡ് തകർന്നതിൽ ബിജെപി പഞ്ചായത്ത് കമ്മിറ്റി വാഴനട്ട് പ്രതിഷേധിച്ചു. ഇരുചക്രവാഹനങ്ങളും ഓട്ടോറിക്ഷകളും സഞ്ചരിക്കുന്നത് അപകടാവസ്ഥയിലാണ്. ബന്ധപ്പെട്ട വകുപ്പ് അധികൃതർക്ക് ഗർത്തം ശരിപ്പെടുത്താൻ യാത്രക്കാർ നൽകിയ പരാതികളും അവഗണിക്കുകയാണെന്ന് ബിജെപി പ്രവർത്തകർ ആരോപിച്ചു. എരുത്തേമ്പതി പഞ്ചായത്ത് കമ്മിറ്റി പ്രസിഡന്‍റ് ആർ.വി. രാധാകൃഷ്ണൻ, ജില്ലാ കമ്മിറ്റി അംഗം പി. ആറുമുഖൻ, പി. കൃഷ്ണമൂർത്തി, എം. വിഘ്നേഷ്, ശെൽവ പ്രകാശ് എന്നിവർ പ്രതിഷേധസമരത്തിനു നേതൃത്വം നൽകി.

സന്പൂർണ ശുചീകരണ ബോധവത്കരണ യജ്ഞം ഒക്ടോബർ രണ്ടിന്

ഒലവക്കോട്: നന്മ അകത്തേത്തറയുടെ നേതൃത്വത്തിൽ ഗാന്ധിജയന്തി ദിനത്തിൽ നടത്തുന്ന സന്പൂർണ ശുചീകരണ ബോധവത്കരണ യജ്ഞം ഒക്ടോബർ 2 ന് രാവിലെ 9.30 ന് താണാവിൽനിന്ന് ആരംഭിക്കും. ജില്ലാ പോലീസ് മേധാവി അജിത്കുമാർ ഉദ്ഘാടനം നിർവഹിക്കും. നന്മ പ്രസിഡന്‍റ് മനോജ് കെ. മൂർത്തി അധ്യക്ഷത വഹിക്കും. സെക്രട്ടറി സിബിച്ചൻ തോമസ് സ്വാഗതവും ട്രഷറർ പരമേശ്വരൻ നന്ദിയും പറയും. ലീഡ് കോളജ് ചെയർമാൻ ഡോ. തോമസ് ജോർജ് മാലിന്യമുക്ത പ്രതിജ്ഞ ചൊല്ലികൊടുക്കും. അകത്തേത്തറ പഞ്ചായത്ത് പ്രസിഡന്‍റ് സുനിത അനന്തകൃഷ്ണൻ, പുതുപ്പരിയാരം പഞ്ചായത്ത് പ്രസിഡന്‍റ്, സതേണ്‍ റെയിൽവേ പാലക്കാട് ഡിവിഷൻ എഡിആർഎം എസ്. ജയകൃഷ്ണൻ, വനംവകുപ്പ് ഈസ്റ്റേണ്‍ സർക്കിൾ ചീഫ് കണ്‍സർവേറ്റർ ദേവാനന്ദ്, എക്സൈസ് ഡെപ്യൂട്ടി കമ്മീഷണർ പി.കെ. സതീഷ്, ഹേമാംബിക നഗർ പോലീസ് ഇൻസ്പെക്ടർ കെ. ഹരീഷ് എന്നിവർ പ്രസംഗിക്കും.

വാൽകുളമ്പ് യാക്കോബായ സുറിയാനി പള്ളി പെരുന്നാളിനു കൊടിയേറി

വടക്കഞ്ചേരി: വാൽകുളമ്പ് സെന്‍റ് തോമസ് യാക്കോബായ സുറിയാനി ക്രിസ്ത്യാനി പള്ളിയിലെ പരിശുദ്ധനായ യൽദോ മോർ ബസേലിയോസ് ബാവയുടെ ഓർമപ്പെരുന്നാളും തിരുശേഷിപ്പ് സ്ഥാപന വാർഷികവും കാൽനടയാത്രയും ഒക്ടോബർ ഒന്ന്, രണ്ട് തീയതികളിൽ നടക്കും. ക്നാനായ സമുദായം റാന്നി മേഖല മെത്രാപ്പോലീത്ത മോർ ഈവാനിയോസ് കുര്യാക്കോസിന്‍റെ പ്രധാന കാർമികത്വത്തിലാണ് പരിപാടികൾ. നാളെ വൈകുന്നേരം വിവിധ കേന്ദ്രങ്ങളിൽനിന്നു തീർഥയാത്രകൾ ആരംഭിക്കും. സന്ധ്യാ പ്രാർത്ഥന, മെത്രാപ്പോലീത്തയുടെ പ്രസംഗം, ആശീർവാദം, ആകാശവിസ്മയം, നേർച്ചസദ്യ. രണ്ടിന് രാവിലെ എട്ടിന് മെത്രാപ്പോലീത്തയുടെ പ്രധാന കാർമികത്വത്തിൽ മൂന്നിന്മേൽ കുർബാന, പ്രസംഗം, റാസ, നേർച്ചസദ്യ എന്നിവയാണ് പരിപാടികൾ. വികാരി ഫാ. ജോമോൻ ജോസഫ് കട്ടക്കകത്ത്, ട്രസ്റ്റി സണ്ണി കപ്പടക്കാമഠത്തിൽ, ജോയിന്‍റ് ട്രസ്റ്റി മാത്യു കല്ലുവെട്ടുകുഴി, സെക്രട്ടറി ഗീവർഗീസ് കണക്കൻമാവുടി, കൺവീനർ പോൾ പടിക്കക്കുടി എന്നിവരുടെ നേതൃത്വത്തിലാണ് പെരുനാൾ പരിപാടികൾ.

ചേലക്കരയിൽ ആനയെ തുരത്താൻ അലാം സ്ഥാപിച്ച് വനംവകുപ്പ്

തൃശൂർ: വന്യജീവിശല്യം രൂക്ഷമായ ചേലക്കരയിൽ കാട്ടാനയുടെ ആക്രമണം തടയാൻ എലഫന്‍റ് ആൻഡ് വൈൽഡ്‌ലൈഫ് റിപ്പലന്‍റ് അലാം സജ്ജീകരിച്ച് വനംവകുപ്പ്. ചേലക്കര മണ്ഡലത്തിലെ ആറ്റൂർ, പഴയന്നൂർ, ചേലക്കര എന്നിവിടങ്ങളിൽ പരീക്ഷണാടിസ്ഥാനത്തിലാണ് അലാം സ്ഥാപിച്ചത്. വനമേഖലയോടുചേർന്നുള്ള പഞ്ചായത്തുകളിൽ ഹെൽപ്പ് ഡെസ്കും ആരംഭിച്ചു. 16 മുതൽ നടത്തിയ ദ്വൈവാര തീവ്രയജ്ഞപരിപാടിയിൽ വടക്കാഞ്ചേരി മച്ചാട് റേഞ്ചിനു കീഴിലെ പത്തു പഞ്ചായത്തുകളിലും ഒരു മുനിസിപ്പൽ ഏരിയയിലുമാണ് പ്രവർത്തനം നടന്നത്. വന്യജീവികളുടെ ആക്രമണംമൂലമുണ്ടായ കൃഷിനാശം, ഭൂമിതർക്കം, ജീവഹാനി, ഗതാഗതപ്രശ്നം, മരംമുറി തുടങ്ങിയവയുമായി ബന്ധപ്പെട്ട പരാതികളാണ് ഹെൽപ്പ് ഡെസ്കുകൾ സ്വീകരിച്ചത്. നൂറോളം പരാതികൾ പരിഹരിച്ചെന്നു വനംവകുപ്പ് പറഞ്ഞു. കാട്ടുപന്നി, മലയണ്ണാൻ, കുരങ്ങ് എന്നിവയുടെ ശല്യംമൂലമുള്ള നാശനഷ്ടങ്ങൾക്കു നഷ്ടപരിഹാരം ലഭ്യമാക്കാനുള്ള നടപടികൾ ഹെൽപ്പ് ഡെസ്ക് വഴി പുരോഗമിക്കുന്നുണ്ട്. സോളാർ ഫെൻസിംഗ്, കിടങ്ങ് എന്നിവ നിർമിക്കാനുള്ള അപേക്ഷകൾ തദ്ദേശവകുപ്പിലേക്കു കൈമാറും. സീറോ ബജറ്റിൽ നടപ്പാക്കിയ പദ്ധതി 45 ദിവസത്തിനുള്ളിൽ ലക്ഷ്യംകാണുന്ന രീതിയിലാണു സജ്ജീകരിച്ചത്.

കടപ്പാറ ആലിങ്കൽ വെള്ളച്ചാട്ടവും പരിസരവും വൃത്തിയാക്കി ചെറുപുഷ്പം ഗൈഡ്സ്

മംഗലംഡാം: പാവങ്ങളുടെ അതിരപ്പിള്ളി എന്നറിയപ്പെടുന്ന കടപ്പാറയിലെ ആലിങ്കൽ വെള്ളച്ചാട്ടവും പരിസരവും വൃത്തിയാക്കിയും പ്ലാസ്റ്റിക് മുക്തമാക്കിയും വടക്കഞ്ചേരി ചെറുപുഷ്പം ഗേൾസ് ഹയർ സെക്കൻഡറി സ്കൂളിലെ എട്ടാമത് ഗൈഡ് കമ്പനി വിദ്യാർഥിനികൾ. വിനോദയാത്രികർ വലിച്ചെറിയുന്ന കുപ്പികളും പ്ലാസ്റ്റിക് കവറുകളും മറ്റു മാലിന്യങ്ങളുമെല്ലാം വിദ്യാർഥികൾ ശേഖരിച്ച് സംസ്കരണ കേന്ദ്രത്തിലേക്കുമാറ്റി. ചീഫ് മിനിസ്റ്റേഴ്സ് ഷീൽഡ് കോമ്പറ്റീഷന്‍റെ ഭാഗമായിട്ടായിരുന്നു ശുചീകരണ പ്രവർത്തനം. സാനിറ്റേഷൻ പ്രമോഷൻ വാരാഘോഷത്തോടനുബന്ധിച്ച് പൊതു ഇടങ്ങൾ പ്ലാസ്റ്റിക് മുക്തമാക്കുക എന്ന ലക്ഷ്യവും സേവനത്തിന് പിന്നിലുണ്ടെന്ന് വിദ്യാർഥിനികൾ പറഞ്ഞു. തിരക്കേറിയ നഗര ജീവിതക്കാരുടെ വലിയ ആകർഷണ കേന്ദ്രമാണ് കടപ്പാറയിലെ ആലിങ്കൽ വെള്ളച്ചാട്ടവും ഇവിടുത്തെ കാട്ടരുവികളും കാടുമെല്ലാം. സിനിമകളിലും ഇടം പിടിച്ചിട്ടുള്ള ആലിങ്കൽ വെള്ളച്ചാട്ടം മംഗലംഡാം വിനോദ സഞ്ചാര കേന്ദ്രത്തിന്‍റെ അഭിമാന വ്യൂ പോയിന്‍റു കൂടിയാണ്. കാട്ടരുവികളുടെ സഞ്ചാരവഴികളിലെല്ലാം മാലിന്യമുണ്ട്. ഇതിനാൽ വർഷത്തിൽ ഒരു തവണയെങ്കിലും ഗൈഡ്സ് വിദ്യാർഥിനികൾ സ്ഥലത്തെത്തി ശുചീകരണ പ്രവൃത്തി നടത്തി വരുന്നുണ്ട്. പ്രകൃതിയുടെ മനോഹാരിതയെ ആവോളം ആസ്വദിച്ചോളു നശിപ്പിക്കരുതേ എന്നാണ് സഞ്ചാരികളോടുള്ള ഗൈഡ്സിന്‍റെ അഭ്യർഥന. ഗൈഡ് ക്യാപ്റ്റൻ പി.എസ്. അന്നമ്മ, കരിങ്കയം ഫോറസ്റ്റ് റേഞ്ച് ഓഫീസർ കെ.എ. മുഹമ്മദ് ഹാഷിം, സെക്്ഷൻ ഫോറസ്റ്റ് ഓഫീസർ സി. രഞ്ജിത്, സീനിയർ ഗ്രേഡ് ഫോറസ്റ്റ് ഡ്രൈവർ കെ.എ. മുരളീധരൻ, കമ്പനി ലീഡർ അനുപ റോസ്, എസ്. ശ്രീലേഖ എന്നിവർ പ്രവർത്തനങ്ങൾക്കു നേതൃത്വംനൽകി.

ധോണി മരിയൻ ധ്യാനകേന്ദ്രത്തിൽ അഖണ്ഡജപമാല നാളെമുതൽ

ഒലവക്കോട്: ഒലവക്കോട് ഫൊറോനയുടെ നേതൃത്വത്തിൽ പതിമൂന്നാമത് അഖണ്ഡ ജപമാല ധോണി മരിയൻ ധ്യാനകേന്ദ്രത്തിൽ നാളെ തുടങ്ങും. ഒക്ടോബർ 31ന് സമാപിക്കും. നാളെ രാവിലെ എട്ടിനു ഒലവക്കോട് ഫൊറോന വികാരി ഫാ. ജോസ് അങ്ങേവീട്ടിൽ അഖണ്ഡ ജപമാല ഉദ്ഘാടനം ചെയ്യും. തുടർന്ന് 31 വരെ അഖണ്ഡ ജപമാല. 31 ന് വൈകുന്നേരം ധോണി സെന്‍റ് ജെയിംസ് ദി ഗ്രേറ്റ് ദേവാലത്തിലേക്ക് ജപമാല പ്രദക്ഷിണം. സമാപനത്തിൽ രൂപതാധ്യക്ഷൻ മാർ പീറ്റർ കൊച്ചുപുരയ്ക്കൽ സന്ദേശം നൽകും. പരിപാടികൾക്കു ഫൊറോന വികാരി ഫാ. ജോസ് അങ്ങേവീട്ടിൽ, ധോണി ഇടവക വികാരി ഫാ. ജോണ്‍ ജോസഫ് ആളൂർ, മരിയൻ ധ്യാനകേന്ദ്രം ഡയറക്ടർ ഫാ. റെനി പുല്ലുകാലായിൽ, ജോയിന്‍റ് ഡയറക്ടർ ഫാ. ടോം മേരി ഫ്രാൻസിസ് തുരുത്തേൽപറന്നോലിൽ എന്നിവർ നേതൃത്വം നൽകും.

ഹൃദയപൂര്‍വം കാമ്പയിനു ജില്ലയില്‍ തുടക്കം

പാലക്കാട്: ലോക ഹൃദയദിന ത്തോടനുബന്ധിച്ച് ആരോഗ്യവകുപ്പിന്‍റെ നേതൃത്വത്തില്‍ സിപിആര്‍ പരിശീലനപരിപാടിയായ ഹൃദയപൂര്‍വം കാമ്പയിന് ജില്ലയില്‍ തുടക്കമായി. ജില്ലാ കളക്ടര്‍ എം.എസ്. മാധവിക്കുട്ടി ഉദ്ഘാടനം നിര്‍വഹിച്ചു. ഹൃദയാഘാതം സംശയിക്കുന്ന ലക്ഷണങ്ങള്‍ തിരിച്ചറിഞ്ഞ് പ്രാഥമികചികിത്സ നല്‍കാവുന്ന വിധത്തില്‍ ജനങ്ങളെ പ്രാപ്തരാക്കുക എന്ന ലക്ഷ്യത്തോടെയാണ് ഹൃദയപൂര്‍വം കാമ്പയിന് തുടക്കം കുറിക്കുന്നത്. വിവിധ മേഖലയില്‍ പ്രവര്‍ത്തിക്കുന്ന ഉദ്യോഗസ്ഥര്‍ക്കും സന്നദ്ധസേവകര്‍ക്കും ആശ, കുടുംബശ്രീ പ്രവര്‍ത്തകര്‍ക്കും ആദ്യഘട്ടത്തില്‍ പരിശീലനം നല്‍കും. കളക്ടറേറ്റ് കോണ്‍ഫറന്‍സ് ഹാളില്‍ നടന്ന പരിപാടിയില്‍ ജില്ലാ സര്‍വൈലന്‍സ് ഓഫീസര്‍ കാവ്യ കരുണാകരന്‍ അധ്യക്ഷത വഹിച്ചു. കേരള ഗവണ്‍മെന്‍റ് മെഡിക്കല്‍ ഓഫീസേഴ്‌സ് അസോസിയേഷന്‍ ജില്ലാ സെക്രട്ടറി വൈശാഖ് ബാലന്‍, ഇന്ത്യന്‍ മെഡിക്കല്‍ അസോസിയേഷന്‍ ഇഎല്‍എസ് കമ്മിറ്റി ജില്ലാ കോ-ഓര്‍ഡിനേറ്റര്‍ കാജല്‍ ആബിദ് എന്നിവര്‍ പരിശീലനം നല്‍കി. ജില്ലാ ഡെപ്യൂട്ടി മെഡിക്കല്‍ ഓഫീസര്‍ അഹമ്മദ് അഫ്‌സല്‍, ജില്ലാ ആശുപത്രി സൂപ്രണ്ട് പി.കെ. ജയശ്രീ, പാലക്കാട് ഗവ. മെഡിക്കല്‍ കോളജ് സൂപ്രണ്ട് ബി ശ്രീരാം, ജില്ലാ എഡ്യുക്കേഷന്‍ മീഡിയ ഓഫീസര്‍ എസ് സയന പ്രസംഗിച്ചു.

കിക്ക്ബോക്സിംഗ് ദേശീയ ചാമ്പ്യൻഷിപ്പിൽ പാലക്കാടിന്‍റെ അഗ്നിമിത്രയ്ക്കു സ്വർണം

പാലക്കാട്: പ്രൈമൽ സ്പോർട്സ് മാനേജ്‌മെന്‍റിന്‍റെ ആഭിമുഖ്യത്തിൽ കോഴിക്കോട് വി.കെ. കൃഷ്ണമേനോൻ ഇൻഡോർ സ്റ്റേഡിയത്തിൽ നടന്ന ഓപ്പൺ നാഷണൽ കിക്ക്ബോക്സിംഗ് ചാമ്പ്യൻഷിപ്പിൽ സംസ്ഥാനത്തിന്‍റെ യുവതാരം അഗ്നിമിത്ര പി. നായർക്കു സ്വർണം. 27, 28 തീയതികളിലായി നടന്ന പ്രൈമൽ ഓപ്പൺ നാഷണൽ കിക്ക്ബോക്സിംഗ് ചാമ്പ്യൻഷിപ്പ് ആൻജ് പ്രോ ഫൈറ്റിലാണ് മിന്നുംവിജയം. പാലക്കാട് പുത്തൂർ ഗിരിധർ വില്ലയിൽ പ്രതീഷിന്‍റെയും വരദയുടെയും മകളായ അഗ്നിമിത്ര ചന്ദ്രനഗർ ഭാരത്‌മാതാ സ്കൂളിലെ നാലാംക്ലാസ് വിദ്യാർഥി നിയാണ്. ഫാൽക്കൺ ഫൈറ്റ് ക്ലബ്ബിനെ പ്രതിനിധീകരിച്ചാണ് അഗ്നിമിത്ര പങ്കെടുത്തത്. ലൈറ്റ് കോൺടാക്ട്- ലോ കിക്ക് വിഭാഗത്തിലെ കിഡ്‌സ്- സബ് ജൂണിയർ വിഭാഗത്തിൽ ശക്തരായ എതിരാളികളെ പരാജയപ്പെടുത്തിയാണ് അഗ്നിമിത്രയുടെ സ്വർണനേട്ടം.

ദേശീയതലത്തിൽ രണ്ടാംറാങ്കുമായി കുഞ്ഞുലക്ഷ്മിടീച്ചറുടെ പ്രയാണം

പാലക്കാട്: വിശ്രമജീവിതം വിശ്രമിക്കാനുള്ളതല്ലെന്ന വിശ്വാസമാണ് കുഞ്ഞുലക്ഷ്മി ടീച്ചർക്ക്. ജീവിതത്തിൽ അധ്യാപികയായും ഹെഡ്മിസ്ട്രസായും എഇഒയായും വിദ്യാർഥികൾക്കു വഴികാട്ടിയിരുന്ന ടീച്ചർ പുതിയ വഴി തെരഞ്ഞെടുത്തിരിക്കുകയാണ്. ഇതിനു തുണയായി റാങ്ക് നേട്ടവും വന്നെത്തുന്പോൾ ടീച്ചർ ഒരുങ്ങിത്തന്നെയാണ്. കേന്ദ്രസർക്കാരിന്‍റെ യൂത്ത് അഫയേഴ്സ് ആൻഡ് സ്പോർട്സ് മന്ത്രാലയം നാഷണൽ സർവീസ് സൊസൈറ്റി ഇക്കഴിഞ്ഞ ഓഗസ്റ്റിൽ നടത്തിയ പരീക്ഷയിൽ ദേശീയതലത്തിൽ രണ്ടാംറാങ്കാണ് ടീച്ചർ നേടിയെടുത്തത്. ഡിപ്ലോമ ഇൻ കൗൺസലിംഗ് സൈക്കോളജി, സ്കിൽ ഡെവലപ്മെന്‍റ് ആൻഡ് കരിയർ പ്രോഗ്രാം വിഭാഗത്തിലാണ് റാങ്ക് നേട്ടം. ഡിപ്രഷൻ, ആകാംക്ഷ, സ്ട്രെസ് ആൻഡ് സ്ട്രെയ്ൻ തുടങ്ങിയ പ്രശ്നങ്ങളാൽ സമ്മർദം അനുഭവിക്കുന്ന കുട്ടികളുടെയും മുതിർന്നവരുടെയും വയോജനങ്ങളുടെയും മാനസികാരോഗ്യ പരിചരണത്തിന് ഇന്നു പ്രാധാന്യമുണ്ടെന്ന തിരിച്ചറിവാണ് കൗൺസലിംഗ് സൈക്കോളജി കോഴ്സ് പഠിക്കാൻ പ്രേരിപ്പിച്ചത്. സമൂഹം നേരിടുന്ന നിരവധി പ്രശ്നങ്ങൾക്കു പരിഹാരം കാണാൻ ഇതിലൂടെ സാധിക്കുമെന്ന ഉറച്ച വിശ്വാസത്തിൽ നല്ലൊരു കൗൺസലറും മോട്ടിവേറ്ററുമാകാനാണ് ടീച്ചറുടെ പുതിയ പ്രയാണം തുടങ്ങുന്നത്. മലന്പുഴ ആഞ്ജനേയം വീട്ടിൽ ഇനി കൗൺസലിംഗിന്‍റെ പുത്തൻ വാതായനം തുറക്കുകയാണ്. ഇറിഗേഷൻ വകുപ്പിൽനിന്നും വിരമിച്ച കേരള എൻജിഒ ഫ്രണ്ട്- ജേക്കബ് മുൻ സംസ്ഥാന പ്രസിഡന്‍റ് എസ്. ജയകൃഷ്ണനാണ് ഭർത്താവ്. ഡോ.ജെ.എസ്. ഐശ്വര്യ, എൻജിനീയറായ ജെ.എസ്. അഭിമന്യു എന്നിവർ മക്കൾ.

വടക്കഞ്ചേരി മേൽപ്പാലത്തിൽ വീണ്ടും കുത്തിപ്പൊളിക്കൽ

വടക്കഞ്ചേരി: ദേശീയപാത വടക്കഞ്ചേരി മേൽപ്പാലത്തിൽ വീണ്ടും കുത്തിപ്പൊളിക്കൽ തുടങ്ങി. ടെന്‍റുകെട്ടി തൃശൂർ ലൈനിൽ തങ്കം ജംഗ്‌ഷനടുത്താണ് രണ്ടുവരി പ്പാതകൾ അടച്ച് മേൽപ്പാലത്തിൽ പണി നടക്കുന്നത്. ബീമുകൾക്കിടയിലാണ് കുത്തിപ്പൊളിക്കൽ. കമ്പികൾപൊട്ടി വിടവ് രൂപപ്പെട്ടതിനെതുടർന്നാണ് വർക്ക് നടത്തുന്നതെന്നു കരാർകമ്പനി അധികൃതർ പറയുന്നു. ഇത്തരം പണികൾ ഇടയ്ക്കിടെയുണ്ടാകുമെന്നും ഇതു പാലത്തിന്‍റെ ബലക്ഷയത്തിന് കാരണമാകില്ലെന്നുമാണ് പറയുന്നത്. ഇതിപ്പോൾ നാല്പതിലേറെ തവണ കുത്തിപ്പൊളിച്ച് റിപ്പയർ വർക്കുകൾ നടത്തിക്കഴിഞ്ഞു. വീണ്ടും അതേ ജോലികൾ തുടരുകയാണ്. ഇതുമൂലം ഒരു ദിശയിലേക്ക് മൂന്നുവരിപ്പാത എന്നതു പലപ്പോഴും ഒറ്റവരിയായി ചുരുങ്ങുന്ന സ്ഥിതിയുണ്ട്. പാലം ഉദ്ഘാടനം കഴിഞ്ഞ് നാലുവർഷത്തിനുള്ളിലാണ് ഇത്രയും തവണ റിപ്പയർ വർക്കുകൾ നടക്കുന്നത്. 2021 ഫെബ്രുവരി ആറിനാണ് മേൽപ്പാലം തുറന്നത്. മറ്റു പാലങ്ങൾക്കൊന്നും അവകാശപ്പെടാൻ കഴിയാത്തത്ര റിപ്പയർ വർക്കുകൾ കുറഞ്ഞ വർഷത്തിനുള്ളിൽതന്നെ ഈ മേൽപ്പാലത്തിൽ നടത്തിയിട്ടുണ്ട്. നേരത്തേയൊക്കെ റിപ്പയർ വർക്കുകൾക്ക് രണ്ടുമാസമെങ്കിലും ആയുസുണ്ടായിരുന്നു. ഇപ്പോൾ ഒരു മാസംപോലും തികയ്ക്കുന്നില്ല. ബീമുകൾ തമ്മിൽ യോജിപ്പിക്കുന്ന ഭാഗങ്ങൾ തകരുന്നതാണ് നിരന്തരമായ റിപ്പയർ പണികൾക്ക് കാരണമാകുന്നത്. ചുരുക്കത്തിൽ അനുവദനീയമായ വേഗതയിൽ പോലും വടക്കഞ്ചേരി- മണ്ണുത്തി ആറുവരി ദേശീയപാതയിലൂടെ വാഹനങ്ങൾക്കു പോകാനാകില്ല.

തൊഴുത്തിലെ തൂണ് മറിഞ്ഞുവീണ് ക്ഷീരകർഷകൻ മരിച്ചു

നെന്മാറ: തൊഴുത്തിലെ തൂണ് ദേഹത്തേക്ക് മറിഞ്ഞുവീണ് ക്ഷീരകർഷകന് ദാരുണാന്ത്യം. കയറാടി മരുതുഞ്ചേരി മുഹ്സിൻ മൻസിലിൽ മീരാൻ സാഹിബ് (71) ആണ് മരിച്ചത്. ഇന്നലെ ഉച്ചയ്ക്ക് ഒന്നരയോടെ പശുവിനെ കറക്കാനായി തൊഴുത്തിൽ പോയസമയത്ത് കാറ്റിൽ മറിഞ്ഞ മേൽക്കൂരയിലെ പ്ലാസ്റ്റിക് ഷീറ്റ് വലിച്ചുകെട്ടാൻ ശ്രമിക്കുന്നതിനിടെയാണ് സിമന്‍റ്കട്ട കൊണ്ട് നിർമിച്ച തൂൺ ദേഹത്തേക്ക് മറിഞ്ഞു വീണത്. ശബ്ദം കേട്ട് വീട്ടുകാരും അയൽക്കാരും ചേർന്ന് ഗുരുതരമായി പരിക്കേറ്റ മീരാൻ സാഹിബിനെ നെന്മാറയിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും മരണം സ്ഥിരീകരിച്ചു. അടിപ്പെരണ്ട ക്ഷീരോൽപാദക സംഘം മുൻജീവനക്കാരനാണ്. നെന്മാറ പോലീസ് ഇൻക്വസ്റ്റ് നടത്തി. പോസ്റ്റ്മോർട്ടത്തിനായി മൃതശരീരം ജില്ലാ ആശുപത്രിയിലേക്ക് മാറ്റി. സംസ്കാരം ഇന്ന് വൈകീട്ട് മൂന്നിന് കയറാടി ജുമാ മസ്ജിദ് ഖബർസ്ഥാനിൽ. പരേതരായ മൊയ്തീൻകുട്ടി, ആമിന ദമ്പതികളുടെ മകനാണ്. ഭാര്യ: മുംതാജ്. മക്കൾ: മുഹ്സിൻ, മുത്തഹസിൻ (ബിഎച്ച് ഇഎൽ ബാംഗ്ലൂർ), മുഹ്സിന. മരുമക്കൾ: തസ്നി ( ദുബായ്), ഷംന, അഷറഫ് ( ദുബായ്).

കാറും ബൈക്കും കുട്ടിയിടിച്ച് ബൈക്ക് യാത്രികൻ മരിച്ചു

പുതുനഗരം: കരിപ്പോട് റോഡിൽ കാറും ബൈക്കും കൂട്ടിയിടിച്ച് ഗുരുതരമായി പരിക്കേറ്റ് ബൈക്ക് യാത്രികൻ മരിച്ചു. പല്ലശന കൊല്ലം പൊറ്റകുമാരിയുടെ മകൻ അഭിലാഷ് (33) ആണ് മരണപ്പെട്ടത്. ഞായറാഴ്ച രാത്രി 7.15 ന് പുതുനഗരം മുസ്‌ലിം ഹൈസ്കൂളിനു സമീപത്ത് വെച്ചാണ് അപകടമുണ്ടായത് . ഉടൻ ജില്ലാ ആശുപത്രിയിൽ എത്തിച്ചെങ്കിലും മരണപ്പെട്ടിരുന്നതായി ഡ്യൂട്ടി ഡോക്ടർ അറിയിച്ചു. അഭിലാഷ് പല്ലശ്ശനയിൽ വർക്ക്ഷോപ്പ് നടത്തി വരികയായിരുന്നു. ബൈക്കിലുണ്ടായിരുന്ന ശ്രീജിത്ത് നിസാര പരിക്കുകളോടെ രക്ഷപ്പെട്ടു .

കന്നിമാരിയിൽ ചെണ്ടുമല്ലികൃഷി വിളവെടുപ്പ്

വണ്ടിത്താവളം: പട്ടഞ്ചേരി ഗ്രാമപഞ്ചായത്തിലെ കന്നിമാരിയിൽ ഹരിതകർമസേനയുടെ ചെണ്ടുമല്ലി കൃഷി വിളവെടുത്തു. വിളവെടുപ്പ് ഉദ്ഘാടനം ഗ്രാമപഞ്ചായത്ത് പ്രസിഡന്‍റ് പി.എസ്. ശിവദാസ് നിർവഹിച്ചു. ഹരിതകർമസേനയുടെ കോർപസ് ഫണ്ട് ഉപയോഗിച്ചാണ് കൃഷി ആരംഭിച്ചത്. കൃഷിയിൽ നിന്ന് ലഭിക്കുന്ന വരുമാനം ഹരിതകർമസേനയുടെ പ്രതിമാസ വരുമാനത്തിനു പുറമെ അധിക വരുമാനമായി ഉപയോഗിക്കും. ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സണ്‍ ഷൈലജ പ്രദീപ് അധ്യക്ഷയായി. ജനപ്രതിനിധികളായ ഗീത ദേവദാസൻ, ശോഭനാദാസ്, സതീഷ് ചോഴിയക്കാടൻ, ചെന്പകം, സെക്രട്ടറി എം.എസ്. ബീന അസിസ്റ്റന്‍റ് സെക്രട്ടറി പി. ഹരിദാസ് , വില്ലേജ് എക്സ്റ്റൻഷൻ ഓഫീസർ സുമേഷ്, ഹെൽത്ത് ഇൻസ്പെക്ടർ സൗരവ്, തൊഴിലുറപ്പ് അസിസ്റ്റന്‍റ് എൻജിനീയർ റിജിത്, ഓവർസിയർ സജിത്ത്, ഹരിതകർമസേന അംഗങ്ങൾ എന്നിവർ പങ്കെടുത്തു.

ദശദിനാചരണത്തിനും സ്കൗട്സ്, ഗൈഡ്സ് ക്യാന്പിനും തുടക്കം

കാഞ്ഞിരപ്പുഴ: പൊറ്റശേരി ഗവ. ഹയർ സെക്കൻഡറി സ്കൂളിൽ ഗാന്ധിജയന്തിയോടനുബന്ധിച്ച് ദശദിനാചരണത്തിനും സ്കൗട്സ് ഗൈഡ്സ് ക്യാന്പ്- സെസ്റ്റ് 2കെ25 നും തുടക്കമായി. കാഞ്ഞിരപ്പുഴ പഞ്ചായത്തിലും മണ്ണാർക്കാടുമുള്ള പൊതുസ്ഥലങ്ങളുടെ ശുചീകരണം, താലൂക്ക് ആശുപത്രിയിൽ പൊതിച്ചോറ് വിതരണം, ലഹരി വിരുദ്ധറാലി, പൊറ്റശേരി സ്കൂളിന്‍റെ കൂടൊരുക്കൽ പദ്ധതിയിലെ ആറാമത്തെ വീടിന്‍റെ തറക്കല്ലിടൽ, സെമിനാറുകൾ, ബോധവത്കരണ പ്രവർത്തനങ്ങൾ തുടങ്ങിയ പരിപാടികളാണ് ദശദിനാചരണത്തിൽ ഉൾപ്പെട്ടിരിക്കുന്നത്. പരിപാടികളുടെ ഉദ്ഘാടനം കാഞ്ഞിരപ്പുഴ ഗ്രാമപഞ്ചായത്ത് പ്രസിഡന്‍റ് സതി രാമരാജൻ ഉദ്ഘാടനം ചെയ്തു. ആദ്യദിനത്തിൽ കാഞ്ഞിരപ്പുഴ ഗ്രാമപഞ്ചായത്തിലെ വിവിധ സർക്കാർ സ്ഥാപനങ്ങളുടെ പരിസരങ്ങൾ ശുചീകരിച്ചു. ഗ്രാമപഞ്ചായത്ത് അംഗം പി. രാജൻ അധ്യക്ഷത വഹിച്ച പരിപാടിയിൽ സ്കൂൾ പ്രിൻസിപ്പൽ പി. സന്തോഷ്കുമാർ, പിടിഎ പ്രസിഡന്‍റ് കെ.എസ്. സുനേഷ്, സ്റ്റാഫ് സെക്രട്ടറി മൈക്കിൾ ജോസഫ്, ഗൈഡ് ക്യാപ്റ്റൻ ദിവ്യ അച്യുതൻ, സ്കൗട്ട് മാസ്റ്റർ എച്ച് അനീസ് , എൻഎസ്എസ് പ്രോഗ്രാം ഓഫീസർ ഡോ.എൻ. രംഗസ്വാമി, എസ്. സനൽകുമാർ, ടി. രാധാകൃഷ്ണൻ ജിഷ്ണുവർധൻ, പിടിഎ അംഗം വി. രാജേഷ്, ലീഡർമാരായ പ്രഫുൽ ദാസ്, അജയ് കൃഷ്ണ, ലക്ഷ്മിനന്ദ, അനീറ്റ ജോജോ, വി. അക്ഷയ് എന്നിവർ പ്രസംഗിച്ചു.

നൂറിന്‍റെ നിറവിൽ നെന്മാറ ഗേൾസ് ഹൈസ്കൂൾ

നെന്മാറ: നൂറ്റാണ്ടിന്‍റെ സ്മരണയുമായി നെന്മാറ ഗേൾസ് ഹൈസ്കൂൾ. ചിറ്റൂർ താലൂക്കിൽ ഉൾപ്പെടുന്ന നെന്മാറ മുന്പ് കൊച്ചി തിരുവിതാംകൂർ സംസ്ഥാനത്തിന്‍റെ ഭാഗമായിരുന്നു. റാണി ലക്ഷ്മിഭായിയുടെ നേതൃത്വത്തിൽ നടന്ന ഇംഗ്ലീഷ് വിദ്യാഭ്യാസത്തിനായി ഈ പ്രദേശത്തെ ഭൂവുടമയായ രാരിയംകണ്ടത്ത് ഗോവിന്ദ് മേനോൻ തന്‍റെ സ്വന്തം സ്ഥലത്ത് ഒരു ഇംഗ്ലീഷ് സ്കൂൾ സ്ഥാപിച്ചു. പക്ഷേ, നിർഭാഗ്യവശാൽ, സ്ഥാപകനും വിദ്യാഭ്യാസ ഉദ്യോഗസ്ഥരും തമ്മിലുള്ള ഒരു വിദ്യാർഥിയുടെ പ്രവേശനത്തെച്ചൊല്ലിയുള്ള തർക്കം കാരണം അടുത്ത വർഷം തന്നെ സ്കൂൾ അടച്ചുപൂട്ടി. 1921 ൽ നെല്ലിക്കുളങ്ങര ദേവസ്വത്തിന്‍റെ ഉടമസ്ഥതയിലുള്ള നെന്മാറ ജംഗ്ഷനു സമീപമുള്ള കോന്പൗണ്ടിൽ ഗവ. പുതിയൊരു സ്കൂൾ ആരംഭിച്ചു. നെന്മാറ ബോയ്സ് ഹൈസ്കൂളിന്‍റെ തുടക്കമാണിത്. തുടക്കത്തിൽ ഇത് ഒരു മിക്സഡ് സ്കൂളായിരുന്നു. പിന്നീട് ഗവണ്‍മെന്‍റ്റ് സ്ഥാപനത്തെ ബോയ്സ് സ്കൂളും ഗേൾസ് സ്കൂളുമായി വിഭജിക്കാൻ തീരുമാനിച്ചു. 1920 ൽ മൂന്ന് ഏക്കർ സ്ഥലത്ത് ആരംഭിച്ച അതേ സ്ഥലത്താണ് ഗേൾസ് സ്കൂൾ നിലനിന്നിരുന്നത്. അങ്ങനെ ഗേൾസ് സ്കൂൾ 1925 ജൂൺ ഒന്നിനാണ് ആരംഭിച്ചത്. തുടക്കത്തിൽ ഇത് എൽപി സ്കൂളായിരുന്നു. പിന്നീട് ഹൈസ്കൂളായി അപ്ഗ്രേഡ് ചെയ്തു. 1965 ൽ എൽപി വിഭാഗം വേർപെടുത്തി പഴയഗ്രാമത്തിൽ സ്ഥാപിതമായി. പിന്നീട് പ്രത്യേക സ്ഥാപനമായി മാറി, യൂപി, ഹൈസ്കൂൾ വിഭാഗം സ്വന്തമായി തുടർന്നു. 1987 ൽ വിഎച്ച്എസ്ഇ വിഭാഗം ആരംഭിച്ചു, ഇപ്പോൾ അഞ്ച് ബ്രാഞ്ചുകളിലായി 260 കുട്ടികൾ പഠിക്കുന്നു. 1995 ൽ ഹയർ സെക്കൻഡറി വിഭാഗം ആരംഭിച്ചു. ഇപ്പോൾ അഞ്ച് ബ്രാഞ്ചുകളിലായി അറുനൂറോളം കുട്ടികൾ പഠിക്കുന്നു. യുപി, ഹൈസ്കൂൾ വിഭാഗം 27 ഡിവിഷനുകളിലായി ഇപ്പോൾ ഏകദേശം 1200 വിദ്യാർഥികൾ പഠിക്കുന്നു. യുപി വിഭാഗത്തിൽ 12 അധ്യാപകരും ഹൈസ്കൂൾ വിഭാഗത്തിൽ 41 അധ്യാപകരുമുണ്ട്. വിഎച്ച്എസ്ഇ വിഭാഗത്തിൽ 16 അധ്യാപകരും ഹയർ സെക്കൻഡറി വിഭാഗത്തിൽ 26 അധ്യാപകരും സ്ഥാപനത്തിൽ ജോലി ചെയ്യുന്നു. 12 ഓഫീസ് ജീവനക്കാർ ഉൾപ്പെടെ 95 ജീവനക്കാർ നിലവിലുണ്ട്. രണ്ട് കെട്ടിടങ്ങളിൽ ആരംഭിച്ച ഈ സ്ഥാപനത്തിൽ ഇപ്പോൾ 21 ബിൽഡിംഗ് ബ്ലോക്കുകളുണ്ട്, എല്ലാ ക്ലാസ്‌ മുറികളും ഹൈടെക് സൗകര്യങ്ങളോട് കൂടിയാണ് പ്രവർത്തിച്ച് വരുന്നത്. നൂറുവർഷത്തിന്‍റെ സ്മരണ പുതുക്കുന്ന ഈ വിദ്യാലയ മുത്തശ്ശി വിവിധ മേഖലകളിൽ പ്രശസ്തരായ ഒട്ടേറെ വ്യക്തിത്വങ്ങളെ സൃഷ്ടിച്ചിട്ടുണ്ട്.

കിഴക്കേചുട്ടിച്ചിറ കമ്യൂണിറ്റിഹാൾ നിർമാണം ദ്രുതഗതിയിൽ

കൊല്ലങ്കോട്: കിഴക്കേചുട്ടിച്ചിറയിലെ കമ്യൂണിറ്റി ഹാളിന്‍റെ നിർമാണം പുരോഗമിക്കുന്നു. പ്രദേശത്തെ ജനങ്ങളുടെ വളരെക്കാലത്തെ ആവശ്യമാണ് ഇതോടെ പൂർത്തിയാകുന്നത്. ജില്ലാ പഞ്ചായത്തിന്‍റെ 2024-25 വാർഷിക പദ്ധതിയിലുൾപ്പെടുത്തി 25 ലക്ഷം രൂപ ചെലവഴിച്ചാണ് ഹാൾ നിർമിക്കുന്നത്. ഒരു പ്രധാന ഹാളും ശുചിമുറിയുമാണുള്ളത്. ഈ വർഷം ഡിസംബറോടെ നിർമാണ പ്രവർത്തനങ്ങൾ പൂർത്തിയാക്കി ഹാൾ പൊതുജനങ്ങൾക്കായി തുറന്നുകൊടുക്കും.

കുടിശിക നിവാരണ ക്യാന്പ് പ്രചാരണ യാത്ര തുടങ്ങി

പാലക്കാട്: കേരള മോട്ടോർ തൊഴിലാളി ക്ഷേമനിധി ബോർഡിന്‍റെ കുടിശിക നിവാരണ ക്യാന്പിന്‍റെ വാഹന പ്രചാരണയാത്ര തുടങ്ങി. ഒക്ടോബർ മൂന്നുമുതൽ 31 വരെ ജില്ലയിലെ വിവിധയിടങ്ങളിൽ ക്യാന്പ് നടക്കുന്നത്. പ്രചാരണ യാത്ര പാലക്കാട് സ്റ്റേഡിയം ബസ് സ്റ്റാൻഡ് പരിസരത്ത് ബോർഡ് ഡയറക്ടർ കെ.സി. ജയപാലൻ ഫ്ലാഗ് ഓഫ് ചെയ്തു. ബോർഡ് ഡയറക്ടർ ടി. ഗോപിനാഥൻ അധ്യക്ഷനായി. സിഐടിയു പ്രതിനിധി പി.ജി. മോഹൻകുമാർ, ഐഎൻടിയുസി പ്രതിനിധികളായ ഡോ.പി.കെ. വേണു, കെ.പി. ജോഷി, ബിഎംഎസ് പ്രതിനിധി വി. ശിവദാസ്, ഓപ്പറേറ്റേഴ്സ് അസോസിയേഷൻ പ്രതിനിധി എൻ. വിദ്യാധരൻ, കേരള സ്റ്റേറ്റ് യൂസ്ഡ് വെഹിക്കിൾ ഡീലേഴ്സ് ആൻഡ് ബ്രോക്കേഴ്സ് അസോസിയേഷൻ പ്രതിനിധി കെ. ശിവദാസ്, ആർഎസ്പി പ്രതിനിധി കോതപുരം വാസു, ജില്ലാ എക്സിക്യൂട്ടീവ് ഓഫീസർ പി.എം അബ്ദുൾ ഹക്കിം പങ്കെടുത്തു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]