എ​ട​ക്ക​ര: പ​ട്ടി​ക​വ​ർ​ഗ വി​ഭാ​ഗ​ത്തി​ലെ വ​യോ​ധി​ക​ക്ക് ആ​നു​കൂ​ല്യം ത​ട​സ​പ്പെ​ടു​ത്തി​യെ​ന്നാ​രോ​പി​ച്ച് എ​ട​ക്ക​ര ഗ്രാ​മ​പ​ഞ്ചാ​യ​ത്ത് ജീ​വ​ന​ക്കാ​ര​നെ സി​പി​എം പ്ര​വ​ർ​ത്ത​ക​ർ ഉ​പ​രോ​ധി​ച്ചു.

ആ​റാം വാ​ർ​ഡി​ലെ താ​മ​സ​ക്കാ​രി​യാ​യ ജാ​ന​കി (80) യു​ടെ ആ​നു​കൂ​ല്യം ത​ട​സ​പ്പെ​ടു​ത്തി​യെ​ന്നാ​രോ​പി​ച്ചാ​യി​രു​ന്നു ഉ​പ​രോ​ധം. വാ​ർ​ഷി​ക പ​ദ്ധ​തി​യി​ൽ ന​ട​പ്പാ​ക്കു​ന്ന പ​ട്ടി​ക​വ​ർ​ഗ കു​ടും​ബ​ങ്ങ​ളു​ടെ വീ​ട് റി​പ്പ​യ​റിം​ഗി​ന് ജാ​ന​കി​യും ഉ​ൾ​പ്പെ​ട്ടി​രു​ന്നു. റി​പ്പ​യ​റിം​ഗ് പ്ര​വൃ​ത്തി പൂ​ർ​ത്തീ​ക​രി​ച്ചി​ട്ട് ര​ണ്ടു​മാ​സ​മാ​യി.

പ​ഞ്ചാ​യ​ത്ത് ഓ​വ​ർ​സി​യ​ർ കു​റ​ഞ്ഞ വാ​ല്യൂ​വേ​ഷ​ൻ മാ​ത്ര​മാ​ണ് പ്ര​വൃ​ത്തി​ക്ക് ന​ൽ​കി​യ​ത്. തു​ട​ർ​ച്ച​യാ​യി പ​ഞ്ചാ​യ​ത്തി​ൽ ക​യ​റി​യി​റ​ങ്ങി വീ​ടി​ന് ചെ​ല​വ​ഴി​ച്ച തു​ക​യു​ടെ കാ​ര്യ​ങ്ങ​ൾ ബോ​ധ്യ​പ്പെ​ടു​ത്തി​യി​ട്ടും വാ​ല്യൂ​വേ​ഷ​ൻ കൂ​ട്ടി ന​ൽ​കാ​ൻ ഉ​ദ്യോ​ഗ​സ്ഥ​ൻ ത​യാ​റാ​യി​ല്ല. വ​യോ​ധി​ക​യു​ടെ പ​രാ​തി​യി​ൽ ഇ​ട​ത് അം​ഗ​ങ്ങ​ളും നേ​താ​ക്ക​ളും ഇ​ട​പെ​ട്ട് സം​സാ​രി​ച്ചി​ട്ടും തീ​രു​മാ​ന​മാ​യി​ല്ല. തു​ട​ർ​ന്നാ​ണ് സി​പി​എം പ്ര​വ​ർ​ത്ത​ക​ർ അ​സി​സ്റ്റ​ന്‍റ് എ​ൻ​ജി​നീ​യ​റു​ടെ ഓ​ഫീ​സ് ഉ​പ​രോ​ധി​ച്ച​ത്.

എ​ട​ക്ക​ര പോ​ലീ​സി​ന്‍റെ സാ​ന്നി​ധ്യ​ത്തി​ൽ ന​ട​ത്തി​യ ച​ർ​ച്ച​യി​ൽ പ്ര​വൃ​ത്തി​യു​ടെ മു​ഴു​വ​ൻ വാ​ല്യൂ​വേ​ഷ​ൻ അ​നു​വ​ദി​ക്കാ​മെ​ന്ന ഉ​റ​പ്പി​ലാ​ണ് സ​മ​രം അ​വ​സാ​നി​ച്ച​ത്.

ലോ​ക്ക​ൽ സെ​ക്ര​ട്ട​റി പി.​കെ. ജി​ഷ്ണു, ജ​ന​പ്ര​തി​നി​ധി​ക​ളാ​യ സോ​മ​ൻ പാ​ർ​ലി, സ​ന്തോ​ഷ് ക​പ്രാ​ട്ട്, സ​ന​ൽ പാ​ർ​ലി, അ​ജി സു​നി​ൽ, റ​സി​യ തു​ണ്ടി​യി​ൽ, ലോ​ക്ക​ൽ ക​മ്മി​റ്റി അം​ഗ​ങ്ങ​ളാ​യ എം.​കെ. ച​ന്ദ്ര​ൻ സി. ​ജ​യ​പ്ര​കാ​ശ്, എം. ​ഷാ​ജി എ​ന്നി​വ​രു​ടെ നേ​തൃ​ത്വ​ത്തി​ലാ​യി​രു​ന്നു സ​മ​രം.