കോ​ഴി​ക്കോ​ട്: ബി​ച്ച് ഫു​ഡ് സ്ട്രീ​റ്റി​ല്‍ ക​ച്ച​വ​ട​ക്കാ​ര്‍​ക്ക് ഉ​ന്തു​വ​ണ്ടി വ​യ്ക്കു​ന്ന​തി​ന് ന​ട​ത്തി​യ ന​റു​ക്കെ​ടു​പ്പ് സം​ബ​ന്ധി​ച്ച് വി​വാ​ദം പു​ക​യു​ന്നു. ന​റു​ക്കെ​ടു​പ്പ് വ്യ​വ​സ്ഥാ​പി​ത മാ​ര്‍​ഗ​ത്തി​ലൂ​ടെ​യ​ല്ല ന​ട​ന്ന​തെ​ന്ന് എ​സ്ടി​യു സി​റ്റി ക​മ്മി​റ്റി ആ​രോ​പി​ച്ചു. ഇ​തു​മാ​യി ബ​ന്ധ​പ്പെ​ട്ട് എ​സ്ടി​യു സി​റ്റി ക​മ്മി​റ്റി മേ​യ​ര്‍, കോ​ര്‍​പ​റേ​ഷ​ന്‍ സെ​ക്ര​ട്ട​റി എ​ന്നി​വ​ര്‍​ക്ക് നി​വേ​ദ​നം ന​ല്‍​കി.

ന​റു​ക്കെ​ടു​പ്പ് വി​വ​രം യ​ഥാ​സ​മ​യം അ​റി​യി​ച്ചി​ല്ലെ​ന്നാ​ണ് എ​സ്ടി​യു നേ​താ​ക്ക​ളു​ടെ പ​രാ​തി. ക​ച്ച​വ​ട​ക്കാ​രു​ടെ സൗ​ക​ര്യം നോ​ക്കി ന​റു​ക്കെ​ടു​പ്പ് ന​ട​ത്താ​മെ​ന്ന് സെ​ക്ര​ട്ട​റി അ​റി​യി​ച്ച​താ​യി എ​സ്ടി​യു സ്ട്രീ​റ്റ് വെ​ന്‍​ഡേ​യ്സ് യൂ​ണി​യ​ര്‍ സി​റ്റി പ്ര​സി​ഡ​ന്‍റ് ഫൈ​സ​ല്‍ പ​ള്ളി​ക്ക​ണ്ടി പ​റ​ഞ്ഞു. കോ​ര്‍​പ​റേ​ഷ​ന്‍ വെ​ന്‍​ഡിം​ഗ് ക​മ്മി​റ്റി​യി​ല്‍ എ​സ്ടി​യു പ്ര​തി​നി​ധി​യി​ല്ലാ​ത്ത​തി​നാ​ല്‍ ന​റു​ക്കെ​ടു​ക്കാ​ന്‍ തീ​രു​മാ​നി​ച്ച വി​വ​രം ന​റു​ക്കെ​ടു​പ്പി​ന് ത​ലേ ദി​വ​സം രാ​ത്രി​യി​ലാ​ണ് കോ​ര്‍​പ​റേ​ഷ​ന്‍ ഉ​ദ്യോ​ഗ​സ്ഥ​ര്‍ അ​റി​യി​ച്ച​ത്.

ഇ​ത്കാ​ര​ണം മു​ഴു​വ​ന്‍ ക​ച്ച​വ​ട​ക്കാ​ര്‍​ക്കും എ​ത്തി​ച്ചേ​രാ​ന്‍ സാ​ധി​ക്കാ​ത്ത സാ​ഹ​ച​ര്യ​മാ​യ​തി​നാ​ലാ​ണ് യൂ​ണി​യ​ന്‍ ന​റു​ക്കെ​ടു​പ്പ് ബ​ഹി​ഷ്‌​ക​രി​ച്ച​ത്. വ​ണ്ടി​ക​ള്‍ മു​ഴു​വ​നാ​യും എ​ത്തി​ച്ചേ​ർ​ന്നി​രു​ന്നി​ല്ല. ലൊ​ക്കേ​ഷ​ന്‍ അ​നു​സ​രി​ച്ച് വ​ണ്ടി​ക​ള്‍​ക്ക് ന​മ്പ​ര്‍ ന​ല്‍​കു​ന്ന പ്ര​വൃ​ത്തി​യും ന​ട​ത്തി​യി​ട്ടി​ല്ല. ക​ച്ച​വ​ട​ക്കാ​ര്‍​ക്ക് അ​നു​കൂ​ല സ​മീ​പ​നം ഉ​ണ്ടാ​കാ​ത്ത പ​ക്ഷം ഉ​ദ്ഘാ​ട​നം ഉ​ള്‍​പ്പെ​ടെ​യു​ള്ള പ​രി​പാ​ടി​ക​ളി​ല്‍ നി​ന്ന് യൂ​ണി​യ​ന്‍ വി​ട്ടു​നി​ല്‍​ക്കു​മെ​ന്നും നേ​താ​ക്ക​ള്‍ അ​റി​യി​ച്ചു.

90 ത​ട്ടു​ക​ട​ക​ളാ​ണ് ബീ​ച്ചി​ല്‍ സ്ഥാ​പി​ക്കു​ന്ന​ത്. ഇ​തി​ല്‍ 60 എ​ണ്ണം സ്ഥാ​പി​ച്ചു. ന​റു​ക്കെ​ടു​പ്പി​ല്‍ 25 ത​ട്ടു​ക​ട​ക്കാ​ര്‍​ക്ക് മാ​ത്ര​മാ​ണ് അ​വ​സ​രം കി​ട്ടി​യ​തെ​ന്നാ​ണ് പ​രാ​തി. പൊ​തു​മേ​ഖ​ലാ സ്ഥാ​പ​ന​മാ​യ മെ​റ്റ​ല്‍ ഇ​ന്‍​ഡ​സ്ട്രീ​സ് ആ​ണ് ഒ​രേ രൂ​പ​ത്തി​ല്‍ വി​വി​ധ വ​ര്‍​ണ​ങ്ങ​ളി​ല്‍ ത​ട്ടു​ക​ട​ക​ള്‍ നി​ര്‍​മി​ച്ച​ത്. ഡി ​എ​ര്‍​ത്ത് എ​ന്ന ക​മ്പ​നി​യാ​ണ് വാ​ഹ​നം ഡി​സൈ​ന്‍ ചെ​യ്ത​ത്.

കോ​ര്‍​പ​റേ​ഷ​ന്‍ സാ​മൂ​ഹ്യ​ക്ഷേ​മ സ്ഥി​രം​സ​മി​തി​യാ​ണ് പ​ദ്ധ​തി ന​ട​പ്പാ​ക്കു​ന്ന​ത്. സം​സ്ഥാ​ന​ത്തി​ന്‍റെ വി​വി​ധ ഭാ​ഗ​ങ്ങ​ളി​ല്‍ നി​ന്ന് സ​ഞ്ചാ​രി​ക​ള്‍ ഇ​വി​ടെ​യെ​ത്തു​ന്നു​ണ്ട്. അ​വ​ര്‍​ക്കെ​ല്ലാം മ​ന​സ​റി​ഞ്ഞ് സ​ന്തോ​ഷ​ത്തോ​ടെ ഭ​ക്ഷ​ണം ക​ഴി​ക്കാ​നു​ള്ള സം​വി​ധാ​ന​മാ​ണ് ഒ​രു​ക്കു​ന്ന​ത്. ന​ഗ​ര​ത്തി​ല്‍ 2812 ഉ​ന്തു​വ​ണ്ടി ക​ച്ച​വ​ട​ക്കാ​രാ​ണ് ഉ​ള്ള​ത്. ഇ​തി​ല്‍ 90 പേ​ര്‍​ക്കാ​ണ് ബീ​ച്ചി​ല്‍ സൗ​ക​ര്യം ന​ല്‍​കു​ന്ന​ത്. സം​സ്ഥാ​ന സ​ര്‍​ക്കാ​ര്‍ പ്ര​ഖ്യാ​പി​ച്ച നാ​ല് ഫു​ഡ് സ്ട്രീ​റ്റു​ക​ളി​ല്‍ ഒ​ന്നാ​ണി​ത്. 24 മ​ണി​ക്കൂ​റും പ്ര​വ​ര്‍​ത്തി​ക്കു​ന്ന​താ​യി​രി​ക്കും ത​ട്ടു​ക​ട​ക​ള്‍.

ദ​ക്ഷി​ണേ​ന്ത്യ​യി​ലെ​യും ഉ​ത്ത​രേ​ന്ത്യ​യി​ലേ​യും വി​ദേ​ശ രാ​ജ്യ​ങ്ങ​ളി​ലെ​യും വി​ഭ​വ​ങ്ങ​ള്‍ ല​ഭ്യ​മാ​കും. ക​ട​ക​ള്‍​ക്ക് ആ​വ​ശ്യ​മാ​യ ശു​ദ്ധ​ജ​ലം, വൈ​ദ്യു​തി, അ​ല​ങ്കാ​ര​വി​ള​ക്കു​ക​ള്‍, ക​ട​ക​ള്‍ സ്ഥാ​പി​ക്കാ​നു​ള്ള അ​ടി​ത്ത​റ എ​ന്നി​വ​യെ​ല്ലാം കോ​ര്‍​പ​റേ​ഷ​നാ​ണ് സ്ഥാ​പി​ക്കു​ന്ന​ത്. നാ​ലു​കോ​ടി രൂ​പ ഇ​തി​നാ​യി ചെ​ല​വ​ഴി​ച്ചു. ത​ട്ടു​ക​ട ന​ട​ത്തു​ന്ന ക​ച്ച​വ​ട​ക്കാ​ര്‍ ഓ​രോ​രു​ത്ത​രും മൂ​ന്നു ല​ക്ഷം രൂ​പ മു​ട​ക്കി​യി​ട്ടു​ണ്ട്.