കോ​ഴി​ക്കോ​ട്: ‘മ​ര​ണ​മ​ട​ഞ്ഞ' ആ 12 ​പേ​രും എ​ത്തി. ഒ​രു മേ​ശ​യ്ക്ക് ചു​റ്റു​മി​രു​ന്ന് നാ​ട്ടു​കാ​ര്‍​ക്കൊ​പ്പം ചാ​യ​യും പ​ല​ഹാ​ര​വും ക​ഴി​ച്ചു. പ​രേ​ത​രെ ആ​രും ആ​ഭി​ചാ​ര ക​ര്‍​മ​ങ്ങ​ളി​ലൂ​ടെ വി​ളി​ച്ചു വ​രു​ത്തി​യ​ത​ല്ല. ജീ​വി​ച്ചി​രി​ക്കു​ന്ന ത​ങ്ങ​ളെ പ​രേ​ത​രാ​ക്കി​യ​തി​ലു​ള്ള പ്ര​തി​ഷേ​ധം അ​റി​യി​ക്കാ​നാ​യി​രു​ന്നു രേ​ഖ​ക​ളി​ല്‍ മ​ര​ണ​മ​ട​ഞ്ഞ​വ​ര്‍ പൊ​തു​സ​ദ​സി​ല്‍ സം​ഘ​ടി​പ്പി​ച്ച ചാ​യ​കു​ടി സ​ദ​സി​ല്‍ പ​ങ്കെ​ടു​ത്ത​ത്.

കോ​ഴി​ക്കോ​ട് കു​രു​വ​ട്ടൂ​ര്‍ പ​ഞ്ചാ​യ​ത്തി​ലാ​ണ് 'പ​രേ​ത​ര്‍​ക്കൊ​പ്പം ചാ​യ​സ​ല്‍​ക്കാ​രം' അ​ര​ങ്ങേ​റി​യ​ത്. കു​രു​വ​ട്ടൂ​ര്‍ ഗ്രാ​മ​പ​ഞ്ചാ​യ​ത്തി​ല്‍ വോ​ട്ട​ര്‍ പ​ട്ടി​ക​യി​ല്‍ നി​ന്ന് നീ​ക്കം ചെ​യ്യ​പ്പെ​ട്ട 12 പേ​രാ​ണ് യു​ഡി​വൈ​എ​ഫ് സം​ഘ​ടി​പ്പി​ച്ച പ​രി​പാ​ടി​യി​ല്‍ ഒ​ത്തു​കൂ​ടി​യ​ത്. രാ​ഹു​ല്‍​ഗാ​ന്ധി ബീ​ഹാ​റി​ലെ വോ​ട്ട​ര്‍​മാ​ര്‍​ക്കു​വേ​ണ്ടി ന​ട​ത്തി​യ​തു​പോ​ലെ, പ​രേ​ത​ര്‍​ക്കൊ​പ്പ​മു​ള്ള വ്യ​ത്യ​സ്ത​മാ​യ പ്ര​തി​ഷേ​ധം ഏ​റെ ശ്ര​ദ്ധേ​യ​മാ​യി.

സി​പി​എ​മ്മി​ന്‍റെ നി​ര്‍​ദേ​ശ​ത്തെ​തുട​ര്‍​ന്നാ​ണ് പേ​രു​വെ​ട്ടി ജീ​വി​ച്ചി​രി​ക്കു​ന്ന​വ​രെ പ​രേ​ത​രാ​ക്കി​യ​തെ​ന്നാ​ണ് യു​ഡി​എ​ഫി​ന്‍റെ ആ​രോ​പ​ണം. 69 വ​യ​സു​ള്ള ആ​മി​ന ഉ​മ്മ ഉ​ള്‍​പ്പെ​ടെ​യു​ള്ള​വ​രാ​ണ് ത​ങ്ങ​ള്‍ പ​രേ​ത​ര​ല്ലെ​ന്ന് അ​റി​യി​ക്കാ​ന്‍ തെ​രു​വി​ലി​റ​ങ്ങി ചാ​യ കു​ടി​ച്ച​ത്. പ്ര​തി​ഷേ​ധ​ത്തി​ന് എ​ത്തി​യ​വ​രെ​ല്ലാം ഒ​രു വാ​ര്‍​ഡി​ലെ വോ​ട്ട​ര്‍​മാ​രാ​ണ് എ​ന്ന സ​വി​ശേ​ഷ​ത​യും ഉ​ണ്ട്.

വോ​ട്ട​ര്‍​പ​ട്ടി​ക​യി​ല്‍ നി​ന്ന് പേ​ര് നീ​ക്കം ചെ​യ്ത​തി​ന്‍റെ കാ​ര​ണം തി​ര​ക്കി​യ​പ്പോ​ള്‍ 'നി​ങ്ങ​ള്‍ മ​രി​ച്ചു​പോ​യി' എ​ന്നാ​യി​രു​ന്നു​വ​ത്രെ ഉ​ദ്യോ​ഗ​സ്ഥ​രു​ടെ മ​റു​പ​ടി.​ത​ങ്ങ​ള്‍ ജീ​വി​ച്ചി​രി​ക്കു​ന്നു എ​ന്നു തെ​ളി​യി​ക്കാ​ന്‍ യു​ഡി​എ​ഫ് നേ​തൃ​ത്വ​ത്തി​ന്‍റെ സ​ഹാ​യ​ത്തോ​ടെ ഇ​വ​ര്‍ നി​യ​മ​പോ​രാ​ട്ടം ആ​രം​ഭി​ച്ചു ക​ഴി​ഞ്ഞു.

യു​ഡി​എ​ഫ് പ​ഞ്ചാ​യ​ത്ത് ക​മ്മി​റ്റി ന​ല്‍​കി​യ കേ​സി​ല്‍ തെ​ര​ഞ്ഞെ​ടു​പ്പ് ക​മ്മീ​ഷ​നോ​ടും ക​ള​ക്ട​റോ​ടും ഹൈ​ക്കോ​ട​തി വി​ശ​ദീ​ക​ര​ണം ചോ​ദി​ച്ചി​ട്ടു​ണ്ട്. കേ​സ് ഇ​നി 30ന് ​പ​രി​ഗ​ണി​ക്കും. 60 വ​ര്‍​ഷ​ത്തി​ലേ​റെ​യാ​യി എ​ല്‍​ഡി​എ​ഫാ​ണ് കു​രു​വ​ട്ടൂ​ര്‍ പ​ഞ്ചാ​യ​ത്ത് ഭ​രി​ക്കു​ന്ന​ത്.

അ​തി​നി​ടെ ആ​ശാ വ​ര്‍​ക്ക​ര്‍​ക്ക് പ​റ്റി​യ പി​ഴ​വ് എ​ന്ന് പ​റ​ഞ്ഞ് സം​ഭ​വ​ത്തെ ല​ഘൂ​ക​രി​ക്കാ​നു​ള്ള ശ്ര​മ​വും ന​ട​ക്കു​ന്നു​ണ്ട്. പ​രേ​ത​ര്‍​ക്കൊ​പ്പം ചാ​യ​സ​ല്‍​ക്കാ​രം പ​രി​പാ​ടി യൂ​ത്ത് ലീ​ഗ് സം​സ്ഥാ​ന സെ​ക്ര​ട്ട​റി ടി.​പി.​എം ജി​ഷാ​ന്‍ ഉ​ദ്ഘാ​ട​നം ചെ​യ്തു. റ​ഷീ​ദ് പോ​ലൂ​ര്‍ അ​ധ്യ​ക്ഷ​നാ​യി​രു​ന്നു.