മാ​ന​ന്ത​വാ​ടി: ഹൃ​ദ്രോ​ഗ ചി​കി​ത്സ ക​ഴി​ഞ്ഞ് കാ​റി​ൽ സ​ഞ്ച​രി​ക്ക​വെ പോ​ലീ​സ് ഉ​ദ്യോ​ഗ​സ്ഥ​ർ ബ്രീ​ത്ത് അ​ന​ലൈ​സ​റി​ൽ ഉൗ​തി​ക്കു​ക​യും അ​പ​മ​ര്യാ​ദ​യാ​യി പെ​രു​മാ​റു​ക​യും ചെ​യ്ത​താ​യി പ​രാ​തി.

മാ​ന​ന്ത​വാ​ടി ചൂ​ട്ട​ക്ക​ട​വ് വെ​ങ്ങാ​ലി​ക്കു​ന്നേ​ൽ ബ്രി​ജേ​ഷാ​ണ് സം​സ്ഥാ​ന പോ​ലീ​സ് മേ​ധാ​വി​ക്ക് ഇ​ത് സം​ബ​ന്ധി​ച്ച് പ​രാ​തി ന​ൽ​കി​യ​ത്. പ​രാ​തി​യി​ൽ പോ​ലീ​സ് ന​ട​പ​ടി സ്വീ​ക​രി​ച്ചി​ല്ലെ​ന്നും ആ​രോ​പ​ണ​മു​ണ്ട്. ഹൃ​ദ​യ സം​ബ​ന്ധ​മാ​യ അ​സു​ഖ​ത്തെ​ത്തു​ട​ർ​ന്ന് ജൂ​ലൈ 20 മു​ത​ൽ 23 വ​രെ ക​ൽ​പ്പ​റ്റ​യി​ലെ സ്വ​കാ​ര്യ ആ​ശു​പ​ത്രി ആ​ൻ​ജി​യോ​പ്ലാ​സ്റ്റി​ക്ക് വി​ധേ​യ​നാ​യി​രു​ന്നു ബ്രി​ജേ​ഷ്.

ചി​കി​ത്സ​യ്ക്ക് ശേ​ഷം ക​രി​ങ്കു​റ്റി പാ​ല​പൊ​യി​ൽ വ​ഴി മാ​ന​ന്ത​വാ​ടി​യി​ലു​ള്ള വീ​ട്ടി​ലേ​ക്ക് വ​രു​ന്ന വ​ഴി ദേ​ഹാ​സ്വാ​സ്ഥ്യം അ​നു​ഭ​വ​പ്പെ​ട്ട​തി​നെ​ത്തു​ട​ർ​ന്ന് പാ​ല​പൊ​യി​ൽ കോ​ള​നി​യോ​ട് ചേ​ർ​ന്നു​ള്ള ബ​ന്ധു വീ​ടി​ന് മു​ന്നി​ലാ​യി വെ​ള്ളം കു​ടി​ക്കു​ന്ന​തി​ന് റോ​ഡി​ൽ കാ​ർ നി​ർ​ത്തി.

ഭാ​ര്യാ സ​ഹോ​ദ​ര​ൻ സ​നൂ​പാ​ണ് കാ​ർ ഡ്രൈ​വ് ചെ​യ്തി​രു​ന്ന​ത്. ഈ ​വീ​ട്ടി​ൽ നി​ന്നും 250 മീ​റ്റ​ർ അ​ക​ലെ​യാ​യി ക​ന്പ​ള​ക്കാ​ട് പോ​ലീ​സ് സ്റ്റേ​ഷ​നി​ലെ വാ​ഹ​നം നി​ർ​ത്തി​യി​ട്ടി​രു​ന്നു. വെ​ള്ളം കു​ടി​ച്ച​തി​നു ശേ​ഷം മു​ന്നോ​ട്ട് നീ​ങ്ങി​യ വാ​ഹ​നം പോ​ലീ​സ് കൈ​നീ​ട്ടി നി​ർ​ത്തി​ക്കു​ക​യും കൂ​ട്ട​ത്തി​ൽ ഉ​ണ്ടാ​യി​രു​ന്ന പോ​ലീ​സു​കാ​ര​ൻ ഭാ​ര്യാ സ​ഹോ​ദ​ര​നെ മ​ദ്യം പ​രി​ശോ​ധി​ക്കു​ന്ന ഉ​പ​ക​ര​ണ​ത്തി​ൽ ഉൗ​തി​ച്ചു.

പി​ന്നീ​ട് ആ​ൻ​ജി​യോ​പ്ലാ​സ്റ്റി​ക്ക് വി​ധേ​യ​നാ​യ ബ്രി​ജേ​ഷി​നെ ബ്രീ​ത്ത് അ​ന​ലൈ​സ​റി​ൽ ഉൗ​തു​ന്ന​തി​ന് പോ​ലീ​സു​കാ​ര​ൻ നി​ർ​ബ​ന്ധി​ച്ചു. ചി​കി​ത്സ സം​ബ​ന്ധി​ച്ച വി​വ​രം പോ​ലീ​സു​കാ​രെ അ​റി​യി​ച്ചി​ട്ടും അ​ത് അ​വ​ഗ​ണി​ച്ച് ര​ണ്ട് ത​വ​ണ ഉൗ​തി​ക്കു​ക​യും പോ​ലീ​സ് ഉ​ദ്യോ​ഗ​സ്ഥ​ൻ ത​ട്ടി​ക്ക​യ​റു​ക​യും ചെ​യ്ത​താ​യി ബ്രി​ജേ​ഷ് പ​റ​ഞ്ഞു. ഇ​തേ തു​ട​ർ​ന്ന് ശാ​രീ​രി​ക അ​വ​ശ​യു​ണ്ടാ​യി.

ഇ​ത് സം​ബ​ന്ധി​ച്ച് ജി​ല്ലാ പോ​ലീ​സ് മേ​ധാ​വി​യു​ൾ​പ്പെ​ടെ​യു​ള്ള​വ​ർ​ക്ക് പ​രാ​തി ന​ല്കി​യെ​ങ്കി​ലും യാ​തൊ​രു ന​ട​പ​ടി​യും ആ​രോ​പ​ണ​വി​ധേ​യ​നാ​യ പോ​ലീ​സു​കാ​ര​ന്‍റെ പേ​രി​ൽ സ്വീ​ക​രി​ച്ചി​ല്ലെ​ന്നും ബ്രി​ജേ​ഷ് കൂ​ട്ടി​ച്ചേ​ർ​ത്തു.