സീ​ല്‍ ചെ​യ്ത പോ​പ്പു​ല​ർ ഫ്ര​ണ്ടിന്‍റെ ഓ​ഫീ​സ് തു​റ​ന്ന് പ​രി​ശോ​ധി​ച്ചു
Sunday, October 2, 2022 11:23 PM IST
അ​ഞ്ച​ൽ : കേ​ന്ദ്ര സ​ര്‍​ക്കാ​ര്‍ നി​രോ​ധ​നം ഏ​ര്‍​പ്പെ​ടു​ത്തി​യ പോ​പ്പു​ല​ർ ഫ്ര​ണ്ട് ഓ​ഫ് ഇ​ന്ത്യ​യു​ടെ അ​ഞ്ച​ൽ കൈ​താ​ടി​യി​ൽ പ്ര​വ​ർ​ത്തി​ക്കു​ന്ന കി​ഴ​ക്ക​ൻ ജി​ല്ലാ ഓ​ഫീ​സ് പോ​ലീ​സ് തു​റ​ന്ന് പ​രി​ശോ​ധി​ച്ചു. ക​ഴി​ഞ്ഞ ദി​വ​സം ഈ ​ഓ​ഫീ​സ് പോ​ലീ​സ് അ​ട​ച്ചു പൂ​ട്ടി സീ​ല്‍ വ​ച്ചി​രു​ന്നു.
എ​ന്നാ​ല്‍ ജി​ല്ലാ മ​ജി​സ്ട്രേ​റ്റ് കൂ​ടി​യാ​യ ജി​ല്ലാ ക​ള​ക്ട​റു​ടെ ഉ​ത്ത​ര​വ് പ്ര​കാ​ര​മാ​ണ് ഇ​ന്ന​ലെ ഓ​ഫീ​സ് തു​റ​ന്ന് പ​രി​ശോ​ധ​ന ന​ട​ത്തി​യ​ത്. പു​ന​ലൂ​ര്‍ ഡി​വൈ​എ​സ്പി ബി ​വി​നോ​ദ്, അ​ഞ്ച​ല്‍ സ​ര്‍​ക്കി​ള്‍ ഇ​ന്‍​സ്പെ​ക്ട​ര്‍ ഗോ​പ​കു​മാ​ര്‍, സ​ബ് ഇ​ന്‍​സ്പെ​ക്ട​ര്‍ പ്ര​ജീ​ഷ് കു​മാ​ര്‍ എ​ന്നി​വ​രു​ടെ നേ​തൃ​ത്വ​ത്തി​ല്‍ എ​ത്തി​യ പോ​ലീ​സ് സം​ഘം വി​ല്ലേ​ജ് ഓ​ഫീ​സ​ര്‍ രാ​ജേ​ഷ്‌ അ​ല​യ​മ​ൺ ഗ്രാ​മ​പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് എം ​മു​ര​ളി എ​ന്നി​വ​രു​ടെ സാ​നി​ധ്യ​ത്തി​ല്‍ ഓ​ഫീ​സ് തു​റ​ന്നു പ​രി​ശോ​ധി​ക്കു​ക​യാ​യി​രു​ന്നു.
ഓ​ഫീ​സാ​യി പ്ര​വ​ർ​ത്തി​ച്ചി​രു​ന്ന വാ​ട​ക കെ​ട്ടി​ട​ത്തി​ല്‍ നി​ന്നും ഏ​താ​നും നോ​ട്ട് ബു​ക്ക്, പേ​ന, റൈ​റ്റിം​ഗ് പാ​ഡ്, തി​രി​ച്ച​റി​യ​ൽ കാ​ർ​ഡു​ക​ൾ, ഫോ​ണ്‍ ന​മ്പ​രു​ക​ള്‍ രേ​ഖ​പ്പെ​ടു​ത്തി​യ ബു​ക്ക്‌ മു​ത​ലാ​യ​വ മാ​ത്ര​മേ ക​ണ്ടെ​ത്തു​വാ​ൻ ക​ഴി​ഞ്ഞു​ള്ളൂ​വെ​ന്നും മ​റ്റ് രേ​ഖ​ക​ളൊ​ന്നും ക​ണ്ടെ​ത്തി​യി​ല്ലെ​ന്നും പോ​ലീ​സ് പ​റ​ഞ്ഞു.
ഇ​വി​ടെ ഏ​ർ​പ്പെ​ടു​ത്തി​യി​രു​ന്ന പോ​ലീ​സ് കാ​വ​ൽ അ​വ​സാ​നി​പ്പി​ച്ച​താ​യും പോ​ലീ​സ് അ​റി​യി​ച്ചു. ഇന്നലെ രാ​വി​ലെ പ​ത്തേ​മു​ക്കാ​ലോ​ടെ​യാ​ണ് വ​ന്‍ പോ​ലീ​സ് സ​ന്നാ​ഹ​ത്തോ​ടെ ഓ​ഫീ​സ് തു​റ​ന്നു പ​രി​ശോ​ധ​ന ആ​രം​ഭി​ച്ച​ത്. ക​ഴി​ഞ്ഞ മാ​സം ഒ​ന്പതിനാ​ണ് കൈ​താ​ടി​യി​ല്‍ പ്ര​ധാ​ന പാ​ത​യി​ല്‍ നി​ന്നും അ​ര​കി​ലോ​മീ​റ്റ​ര്‍ അ​ക​ത്താ​യി പോ​പ്പു​ല​ര്‍ ഫ്ര​ണ്ട് ഓ​ഫ് ഇ​ന്ത്യ ഓ​ഫീ​സ് ആ​രം​ഭി​ച്ച​ത്.

Copyright @ 2022 , Rashtra Deepika Ltd.