ശാ​സ്താം​കോ​ട്ട : കാ​രാ​ളി​മു​ക്കി​ൽ പ്ര​വ​ർ​ത്തി​ച്ച് വ​ന്ന കെ​എ​സ്ഇ​ബി സ​ബ് എ​ൻ​ജി​നി​യ​ർ ഓ​ഫീ​സ് വാ​ട​ക ന​ൽ​കാ​ത്ത​തി​നെ തു​ട​ർ​ന്ന് ഉ​ട​മ താഴിട്ടു പൂ​ട്ടി. പ​ടി​ഞ്ഞാ​റെ ക​ല്ല​ട​യി​ലെ വൈ​ദ്യു​ത​ി സം​ബ​ന്ധ​മാ​യ പ്ര​ശ്ന​ങ്ങ​ൾ​ക്ക് പ​രി​ഹാ​രം ക​ണ്ടു പ്ര​വ​ർ​ത്തി​ച്ചി​രു​ന്ന ഓ​ഫീ​സാ​ണ് പൂട്ടിയത്.

കാ​രാ​ളി​മു​ക്കി​ലെ സ​ബ് എ​ൻ​ജി​നി​യ​ർ ഓ​ഫീ​സ് പ്ര​വ​ർ​ത്ത​നം നേ​ര​ത്തേ​ത​ന്നെ നി​ർ​ത്തി​യി​രു​ന്നെ​ന്നാ​ണ് ഇ​ത് സം​ബ​ന്ധി​ച്ച് കെ​എ​സ്ഇ​ബി അ​ധി​കൃ​ത​ർ വി​ശ​ദീ​ക​ര​ണം. എ​ൻ​ജി​നി​യ​റെ​യും മ​റ്റ് ജീ​വ​ന​ക്കാ​രെ​യും പി​ൻ​വ​ലി​ച്ചി​രു​ന്ന​താ​യി കെ​എ​സ്ഇ​ബി അ​വ​കാ​ശ​പ്പെ​ടു​ന്നു​ണ്ടെ​ങ്കി​ലും ഓ​ഫീ​സ് ഭാ​ഗി​ക​മാ​യി പ്ര​വ​ർ​ത്ത​നം ന​ട​ന്നുവ​രു​ക​യാ​യി​രു​ന്നു. ഓ​ഫീ​സി​ന് പു​റ​ത്ത് ഇ​പ്പോ​ഴും ബോ​ർ​ഡും തൂ​ക്കി​യി​ട്ടു​ണ്ട്.

ക​ഴി​ഞ്ഞ​ദി​വ​സം​വ​രെ ലൈ​ൻ​മാ​ൻ​മാ​രു​ൾ​പ്പെ​ടെ ഇ​വി​ടെ എ​ത്തു​ക​യും ദൈ​നം​ദി​ന കാ​ര്യ​ങ്ങ​ൾ ചെ​യ്തു​വ​രി​ക​യു​മാ​യി​രു​ന്നു. അ​റ്റ​കു​റ്റ​പ്പ​ണി​ക്കു​ള്ള സാ​ധ​ന​ങ്ങ​ളും ഇ​വി​ടെ സൂ​ക്ഷി​ച്ചു വ​ന്നി​രു​ന്നു.
ഉ​പ​ഭോ​ക്താ​ക്കൾക്കുള്ള പ​രാ​തി പു​സ്ത​കം വെ​ച്ചി​ട്ടു​ള്ള ഓ​ഫീ​സി​ൽ പ​രാ​തി​ക​ൾ എ​ഴു​തി​യി​ട്ടാ​ൽ പ​രി​ഹ​രി​ച്ചു വ​രു​ക​യാ​യി​രു​ന്നു.

30 വ​ർ​ഷ​ത്തോ​ള​മാ​യി പ്ര​വ​ർ​ത്തി​ച്ചു വ​ന്നി​രു​ന്ന ഓ​ഫീ​സാ​ണ് വാ​ട​ക കി​ട്ടാ​താ​യി കെ​ട്ടി​ട ഉ​ട​മ പൂ​ട്ടി​കെ​ട്ടി​യ​ത്. ഇ​നി എ​ല്ലാ സേ​വ​ന​ങ്ങ​ൾ​ക്കും ഉ​പ​ഭോ​ക്താ​ക്ക​ൾ ശാ​സ്താം​കോ​ട്ട സെ​ക്‌​ഷ​ൻ ഓ​ഫീ​സി​നെ ആ​ശ്ര​യി​ക്കേ​ണ്ട സ്ഥി​തി​യാ​ണ് ഉ​ണ്ടാ​വു​ക.

ഓ​ഫീ​സ് പ്ര​വ​ർ​ത്തി​ച്ചി​രു​ന്ന മു​റി നാ​ലു​മാ​സ​ത്തി​നു​മു​ൻ​പ് മ​റ്റെ​രാ​ൾ വി​ല​യ്ക്കു വാ​ങ്ങു​ക​യാ​യി​രു​ന്നു. കു​ടി​ശി​ക വ​ന്ന​തോ​ടെ പു​തി​യ ഉ​ട​മ വാ​ട​ക ആ​വ​ശ്യ​പ്പെ​ട്ട് കെ​എ​സ്ഇ​ബി ഉ​ദ്യോ​ഗ​സ്ഥ​രെ ബ​ന്ധ​പ്പെ​ട്ട​പ്പോ​ഴാ​ണ് ഓ​ഫീ​സ് വ​ർ​ഷ​ങ്ങ​ൾ​ക്കു മു​ന്നേ നി​ർ​ത്ത​ലാ​ക്കി​യ​താ​ണെ​ന്നും വാ​ട​ക​ത​രാ​ൻ അ​നു​മ​തി​യി​ല്ലെ​ന്നും അ​റി​യി​യാനായത്. ഇ​തോ​ടെ ഉ​ട​മ ഓ​ഫീ​സ് പൂ​ട്ടി വി​വ​രം അ​ധി​കൃ​ത​രെ അ​റി​യി​ക്കു​ക​യാ​ണ് ഉ​ണ്ടാ​യ​ത്.